<a href="https://kyzylorda-news.kz/">Kyzylorda-news.kz.</a>&nbsp;Қызылорда қаласындағы Желтоқсан көшесінің бойында қоғамдық көлік жол апатына ұшырады.
Қоғамдық көлікте жолаушылар болған.

Қызылордада қоғамдық көлік жол апатына ұшырады

<a href="https://kyzylorda-news.kz/">Kyzylorda-news.kz.</a>&nbsp;Ауыл шаруашылығына тиесілі 69,8 мың га жер учаскесін айналымға тарту мақсатында былтыр жергілікті бюджеттен қаржы бөлінді. Тиісінше, 77,4 мың га болатын 226 жер учаскесі айналымға берілді. Сондай-ақ, облыста 103 мыңнан аса азамат жеке тұрғын үй кезегінде тұр. Биыл 3782 жер учаскесі кезегі келген тұрғындарға табысталады. Бұл туралы Өңірлік коммуникациялар қызметінде өткен брифингте облыстық жер қатынастары басқармасының басшысы Медет Усаин мәлімдеді.
<blockquote>
 «Облыс көлемінде қала және аудандар бойынша «Жайылымдарды басқару оларды пайдалану туралы жоспарлар» барлық ауылдық округтер бойынша бекітілді. Бүгінде аймақ бойынша 349,8 мың шартты мал басына қажетті жайылымдық жер көлемі – 3,7 млн.гектарды құрады. Өңіріміздегі жер қойнауын пайдаланушыларға инвестициялық жобалар үшін жалпы көлемі -30387,1 гектар жер учаскесін табыстауға шешім қабылданды. Ал өңіріміздің кәсіпкерлеріне түрлі мақсатпен 8374,7 гектар жер учаскесі табысталды. Сонымен қатар, өңірлік геоақпараттық жүйесін құру бағытында қалаға қарасты кент, ауылдық округтеріндегі жер учаскелерінің нақты жағдайына түгендеу жұмыстары жүргізілуде. Жыл соңына дейін бұл жұмыстар толығымен аяқталады», – деді басқарма басшысы Медет Усаин.
</blockquote>

Қызылордада 3782 тұрғынға жер учаскесі беріледі

<a href="https://kyzylorda-news.kz/">Kyzylorda-news.kz.</a>&nbsp;Бүгін Сырдария ауданының әкімі Мұрат Ергешбаев «Елбасы медалі» жобасы және республикалық ғылыми жобалар конкурсы жеңімпаздарын қабылдады.
ҚР Тұңғыш Президенті-Елбасы Н.Ә. Назарбаевтың дарынды балалар мен жастарды анықтау мен қолдауға бағытталған ««Ел Үміті» бастамасы аясындағы «Елбасы медалі» жобасына №36 Әбілда Тәжібаев атындағы мектеп-лицейдің 14 оқушысы қатысып, «Қола медалін», «Дарын» республикалық ғылыми-практикалық орталығының ұйымдастыруымен Шымкент қаласында өткізілген республикалық ғылыми жобалар конкурсына Қ.Баймағанбетов атындағы №42 мектеп-лицейінің 10 сынып оқушысы Нұржайна Жұбатқан қатысып ІІ дәрежелі диплом және күміс медаль иеленді.
<blockquote>
 «Оқушылардың бағындырған белестерінің артында ұстаздардың да қажырлы еңбегі тұр. Білім сапасын дамытуға арнаған адал еңбектері үшін ұстаздарға да шексіз ризашылығымды білдіре отырып, игілікті істеріңізге әрқашан асқақ абырой мен жоғары мәртебе тілеймін! Алдағы уақытта да шәкірттеріңіз білім сайыстарынан топ жарып, жеңіс тұғырынан көріне береді деп сенемін»,- деді аудан әкімі Мұрат Нәлхожаұлы.
</blockquote>
Шара соңында мектеп ұстаздары мен жүлдегер шәкірттеріне аудан әкімінің алғыс хаты мен сыйлықтары табыс етілді.
<img src="https://kyzylorda-news.kz/wp-content/uploads/2022/03/275670723_1082069852355906_2611552253246817116_n.jpg" alt="" />
<img src="https://kyzylorda-news.kz/wp-content/uploads/2022/03/275677874_1082069949022563_3999198351477632601_n.jpg" alt="" />
<img src="https://kyzylorda-news.kz/wp-content/uploads/2022/03/275726416_1082069979022560_8678518201008148653_n.jpg" alt="" />

Мұрат Ергешбаев жеңімпаз оқушыларды қабылдады

<a href="https://kyzylorda-news.kz/">Kyzylorda-news.kz.</a>&nbsp; Қазақстанда «Жер сағаты» экологиялық акциясы 13-ші рет өтеді.
Қазақстанның экологиялық ұйымдары қауымдастығының басқарма төрағасы Айгүл Соловьева биыл 26 наурызда ел тұрғындарына бір сағатқа – сағат 20.30-дан 21.30-ға дейін электр қуатын пайдалануды тоқтатып, экологияны ойлауды ұсынды. Оның айтуынша, “Жер сағаты” – бұл ғаламшардағы ең ауқымды экологиялық акция.
<blockquote>
 “Біз барша қазақстандықты бірігіп, табиғатқа тигізетін зиянымыз туралы кем дегенде бір сағат ойлануға шақырамыз”, – деді Соловьева Sputnik Қазақстан баспасөз орталығындағы баспасөз конференциясында.
</blockquote>
Акцияның басты мақсаты – әрбір адамға қоршаған ортаны сақтауға өз үлесін қосуға мүмкіндігі бар екенін жеткізу. Акцияға әдетте азаматтар, компаниялар және үкімет қатысады. Жарықты өшіре отырып, олар өздерінің өмір салтын “жасылдандыруға” дайын екенін білдіреді.
<blockquote>
 “Егер қазіргі үрдіс сақталатын болса, онда 2050 жылға қарай адамдарға энергияға, суға және азық-түлікке деген қажеттілігін қанағаттандырып, қалдықтарды сақтау үшін екінші ғаламшар қажет болады. Біз барша қазақстандықты осы акцияға қосылуға және күнделікті әдетін өзгертуге, энергия мен жылуды үнемдеуге, суды тиімді пайдалануға, қалдықтарды өңдеп, кәдеге жаратуға шақырамыз”, – деп түйіндеді Соловьева.
</blockquote>
Дүниежүзілік жабайы табиғат қоры (WWF) Орталық Азия бағдарламасының директоры Григорий Мазманянцтың айтуынша, акцияға қатысушылардың саны жылдан жылға артып келеді.
<blockquote>
 “Акция барған сайын ауқымды сипатқа ие болуда. Біз бүкіл әлемде бір уақытта жарық сөнетінін күнге жетеміз деген ойдамын”, – деп атап өтті ол.
</blockquote>

26 наурызда «Жер сағаты» экологиялық акциясы өтеді

<a href="https://kyzylorda-news.kz/">Kyzylorda-news.kz.</a>&nbsp; Паралимпиада ойындарында қазақстандық Александр Герлиц шаңғымен 12,5 шақырымға түрегеп жарысудан жекелей сында мәре сызығын бесінші болып қиды, деп хабарлайды <a href="https://lenta.inform.kz/kz/kysky-paralimpiada-aleksandr-gerlic-tagy-bir-basekede-5-oryn-aldy_a3909910">ҚазАқпарат</a>.
Аталған сайыста алтын медаль франциялық Бенжамен Давьеге бұйырса, одан кейінгі орындарды канадалық Марк Арендц пен украиналық Григорий Вовчинский өзара бөлісті.
Еске салсақ, бүгін қазақстандық спортшы Александр Герлиц парабиатлоннан 10 шақырымға түрегеп сырғанауда мәре сызығын үшінші&nbsp;болып қиды.
Одан кейін спринтте&nbsp;5-орын алды.
Қазақстан спортшылары Паралимпиада ойындарына 1994 жылдан бері тұрақты түрде қатысып келеді.
Бүгінгі күнге дейін 1994 жылы 10 шақырымға классикалық мәнерде шаңғы жарысында қазақстандық Любовь Воробьева күміс алған еді.
Ал 2018 жылы шаңғымен жарыста Александр Колядин 1,5 шақырымға классикалық мәнерде спринт жарысында чемпион атанды.

Қысқы Паралимпиада: Александр Герлиц тағы бір бәсекеде 5-орын алды

<a href="https://kyzylorda-news.kz/">Kyzylorda-news.kz.</a> Күнтізбеде көктем келгенімен, еліміздің солтүстігінде қаһарлы қыстың ызғары қайтар емес. Антициклон көктемге тән емес ауа температурасының сақталуына ықпал етуде. Алайда алдағы үш күнде еліміздің оңтүстік өңірлеріне шуақты күн райын әкелген оңтүстік циклон солтүстікке қарай ығысады, деп хабарлайды Қазгидромет.
Солтүстікте күн бірден жылып кетпегенімен, аяздың беті аздап қайтады. Кейіннен оңтүстік циклонның әсерінен қар, бұрқасын, желдің күшеюі күтілуде. Түнде ауа температурасы 5-15 градус салқын болады.

Демалыс күндері ауа райы жылы болады

<a href="https://kyzylorda-news.kz/">Kyzylorda-news.kz.</a> Бүгін сағат 15-00-де Асқар Тоқмағамбетов атындағы қалалық мәдениет үйінде ақын, Қазақстан Жазушылар Одағының Мүшесі, Сырдария ауданының, Қызылорда қаласының Құрметті азаматы Махмұтбай Әміреұлының 80 жасқа толуына орай «Жыр жайсаңы» атты шығармашылық кеші өтеді.
&nbsp;Махмұтбай Әміреұлы 1942 жылы 20 ақпанда Жалағаш ауданы, Мақпалкөл ауылында туған. 1964 жылы &nbsp;Қызылорда педагогика институтын (қазіргі Қорқыт ата атындағы мемлекеттік университет) бітірген.
1964-1966 жылдары Шымкент облысының Ленин ауданында мұғалім, Қызылорда облыстық шығармашылық &nbsp;үйінің әдіскері, 1967-1997 жылдары облыстық «Ленин жолы» газетінде корректор, Сырдария аудандық &nbsp;«Сырдария» газетінде бөлім меңгерушісі, жауапты хатшы, Сырдария аудандық партия комитетінде нұсқаушы, &nbsp;саяси оқу кабинетінің меңгерушісі, «Сырдария» газетінің редакторы, облыстық кәсіподақтар кеңесі баспасөз &nbsp;орталығының меңгерушісі, Сырдария ауданы әкімі аппаратының ішкі саясат бөлімінің меңгерушісі қызметтерін &nbsp;атқарды. 1998 жылдан облыстық «Сыр мектебі» газетінің бас редакторы.
Республикалық «Жалын» баспасынан «Жүзім бағы» (1976), «Қызыл жыңғыл»&nbsp;(1978), «Ақ сауле» (1984), &nbsp;жергілікті баспадан «Сыр әндері» (1994), «Сыр жырлары» (2000), республикалық «Үш қиян» баспасынан &nbsp;«Жылдар, жырлар» (2002), «Сыр әндері» (2007), «Сырдария-Жырдария» (2008), «Сыр мектебі» (2008) жыр &nbsp;жинақтары жарық көрген. Ол «Қызылорда вальсі», «Қимаймын», «Шалқиды ән» және басқа 100-ге тарта ән мәтіндерінің авторы.
М.Әміреұлы 1990 жылдан Қазақстан Жазушылар одағының мүшесі. «Еңбектегіерлігі үшін» медалімен марапатталған. Сырдария ауданының және Қызылорда қала- сының құрметті азаматы.
Сыр өңірінің гимніне айналған «Қызылорда вальсі»

Махмұтбай Әміреұлының мерейтойына арналған шығармашылық кеш өтеді

<a href="https://kyzylorda-news.kz/">Kyzylorda-news.kz.</a> Белгілі қазақстандық режиссер Болат Қалымбетов түсірген «Мұқағали» көркем фильмі Үндістанда наурыздың 18-25 аралығында өтетін 26-шы Халықаралық Керала кинофестивалінің «Әлемдік кино» бағдарламасы шеңберінде көрсетіледі. Бұл байқауда Берлин және Канн сынды&nbsp; басқа да әлемдегі беделді фестивальдерде жүлделерге ие болған фильмдер ұсынылады. Бұл туралы «Қазақфильм» киностудияның баспасөз қызметі хабарлады.
ҚР Мәдениет және спорт министрлігі тапсырысы бойынша Ш.Айманов атындағы «Қазақфильм» АҚ түсірген «Мұқағали» фильмі қазақтың ақиық ақыны Мұқағали Мақатаев өмірінің соңғы жылдары туралы баяндайды.
Фильмнің әлемдік тұсаукесері Таллиндегі «А» санатындағы 25-ші Халықаралық «Темные ночи» (PÖFF) кинофестивалі шеңберінде өтті. Байқаудың негізгі бағдарламасына қатысқан отандық кинотуынды &nbsp;экуменикалық қазылар алқасының арнайы жүлдесіне ие болды. Былтыр қазан айында биографиялық драма елімізде прокатқа шығып, көрерменнің ыстық ықыласына ие болғанын айта кету керек.
Керала халықаралық кинофестивалі Үндістанда өтетін ең ірі әрі беделді байқаулардың бірі. Мәдени іс-шара Керала штатының мәдениет департаменті ұйымдастыруымен жыл сайын желтоқсан айында өткізіледі. Биылғы фестиваль пандемияға байланысты наурыз айына ауыстырылып, дәстүрлі форматта өткізілетін болады. Фестиваль шеңберінде барлығы 180 фильм көрсетіледі.
<img src="https://kyzylorda-news.kz/wp-content/uploads/2022/03/2203110951518165g.jpg" alt="" />
<img src="https://kyzylorda-news.kz/wp-content/uploads/2022/03/2203110951507464g.jpg" alt="" />

«Мұқағали» фильмі Үндістанда көрсетіледі

<a href="https://kyzylorda-news.kz/">Kyzylorda-news.kz.</a> Қазіргі уақыт – адамзат баласының әлемдік өркениеттің биік шыңына шығу үшін бар күш-жігерін жұмылдырған кезең. Өркениетке жету, мәдениеті қалыптасқан қуатты мемлекет құру – әрбір елдің ең басты мақсаты. Бұл мақсатқа жету үшін: біріншіден, елдегі әрбір адамның құқықтары мен бостандықтарының заңмен қорғалуы тиіс; екіншіден, халықтың әл-ауқатын арттырып, тұрмыс-тіршілігіне күш беретін қуатты экономикасы;&nbsp; үшіншіден, елдегі ішкі және сыртқы саяси тұрақтылықтың сақталуына, мемлекеттің дамып гүлденуіне және Конституция талаптарының орындалуына ықпал етуші кемеңгер көшбасшысы болуы тиіс. Ол көшбасшы қазіргі таңдағы мемлекет басшылары.
Мемлекет басшысының қызметі- бүкілхалықтық сайлау арқылы жүзеге асатын, халық тарапынан сенім білдірілетін, ең жоғарғы деңгейдегі мәртебелі қызмет. Халықтың көпшілік дауысымен сайланған тұлға мемлекет басқару құзырын өз қолына алады. Тиісінше, ол тұлғаға конституция талаптары&nbsp; бойынша мемлекет атынан өте маңызды шешімдер қабылдау үшін нақты басымдықтар мен өкілеттіктер беріледі. Мемлекет басшысы сол конституциялық өкілеттіктерді толық атқару және пайдалану мүмкіндігін иеленеді. Тиісінше, өзіне берілген өкілеттікті жүзеге асыра отырып, мемлекеттің көпжылдық даму стратегиясын айқындайды. Әрбір сала бойынша елдің әл-ауқатының артып, экономикалық тұрғыдан қарыштап дамуы, рухани тұрғыдан кемелденуі үшін маңызды реформалар жасауға құқылы.
550 жылдық тарихы бар Қазақ елі 1991 жылы Кеңес Үкіметі құрамынан бөлініп шығып, 1991 жылдың 16 желтоқсанында Қазақстан Республикасы болып тәуелсіз мемлекет ретінде қайта құрылды. Тәуелсіз Қазақстанның 1995 жылы жалпыхалықтық реферндум негізінде Конституциясы қабылданды. Мемлекеттің бас құжаты – Конституциямыздың 2 бабы: «Қазақстан Республикасы – президенттік басқару нысанындағы біртұтас мемлекет», 1 баптың 1-тармағында: «Қазақстан Республикасы өзін демократиялық, зайырлы, құқықтық және әлеуметтік мемлекет ретінде орнықтырады, оның ең қымбат қазынасы – адам және адамның өмірі, құқықтары мен бостандықтары» – деп жазылған. Қазақстанның тәуелсіздігін ресми түрде ең алғаш болып мұхиттың арғы жағында жатқан Америка Құрама штаттары мойындады, екінші болып алып мемлекет – Қытай, сонан соң Ұлыбритания мойындады. Оның артынан Моңғолия, Франция, Жапония, Иран, Түркия, Оңтүстік Корея сияқты әлемнің салмақты елдері мойындап жатты. Түркия алғаш болып Қазақстанда өз елшілігін ашты.
ХХ ғасырдың соңында (1991) егемен ел ретінде өзінің мемлекеттігін жариялаған Қазақстан болашаққа қалай қадам басты? Көрші мемлекеттермен, сондай-ақ алыс-жақын шет елдермен қандай қарым-қатынаста болды? Сыртқы саяси бағыттары мен ұстанымдары өз нәтижесін көрсетті ме? Елімізде тәуелсіздік алған 1991 жылы халықтың әлеуметтік ахуалы қандай еді? Қазіргі таңда қандай деңгейге көтерілді? Көп ұлттардан тұратын мемлекетіміздің ішкі тұтастығы мен сыртқы саяси-дипломатиялық қарым-қатынастары қалай өрбіді?
Тарихқа жүгінсек, қазақ халқының 550 жыл бойы қалыптасқан мәдени мұралары, әдет-ғұрыптары, салт дәстүрлері мен рәсімдері және жөн-жоралғылары құқықтық заң, бұлжымайтын ереже ретінде өмірлік қолданысқа айналған. Халықтың ізгі әдеттері құқықтық әдеп болып қалыптасып, ол құқықтық заңдылыққа, дәстүрге, санаға сіңіп салтқа ұласқан. Ұлттық салт-сана мен дәстүрлер құқықтық нормалар арқылы әлеуметтік әдеп – яғни құқықтық мәдениет болып қалыптасқан.
Дегенмен, жаңа қоғам талабына жауап беру үшін Қазақстан халықаралық стандарт талабын қанағаттандыратын ұстанымдарды басшылыққа алды. Мемлекеттің заң шығару жүйесінде озық деп танылған әлемдік тәжірибелерді қолданысқа енгізе отырып, сыртқы саяси-дипломатиялық байланыстарға қатты назар аударды. Ең алдымен көрші жатқан Ресей,&nbsp; Қырғызстан, Өзбекстан, Қытай, секілді мемлекеттермен және алыс-жақын шет мемлекеттермен ынтымақтастық дипломатиялық қарым-қатынастарға түсті. Нәтижесінде:
<ul>
<li>1992 жылы Біріккен Ұлттар Ұйымының (БҰҰ) құрамына енді.</li>
<li>1996 жылы құрылған «Шанхай бестігі» халықаралық ұйымға (Құрылтайшылар: Ресей, Қытай, Қазақстан, Қырғызстан, Тәжікстан) мүшелікке кірді (Шанхай, 2002).&nbsp;</li>
<li>1997 жылы Біріккен Ұлттар Ұйымының №217(ІІІ) резолюциясымен 1948 жылы 10 желтоқсанда қабылданған «Адам құқықтарының жалпыға бірдей декларациясының» талаптарын басшылыққа ала отырып, Қазақстан Республикасы Президенті жанынан 1997 жылдың 22 сәуірінде Адам құқықтары жөніндегі комиссия құрылды (Комиссия, 1997). Мақсаты – Адам құқықтары мен бостандықтарын қамтамасыз ету мен қорғау саласындағы халықаралық ынтымақтастықты нығайтуға жәрдемдесу болып табылады.</li>
<li>1995 жылы 30 тамызда республикалық реферндум негізінде қабылданған Қазақстан Республикасы Конституциясында адам құқықтары мен бостандықтарын қорғауға қатысты баптар 1948 жылы 10 желтоқсанда БҰҰ Бас Ассамблеясы бекіткен Адам құқықтарының жалпыға бірдей декларациясының талаптарымен үйлеседі. Демек, ҚР Конституциясында жазылған адам құқықтары мен бостандықтарын қорғауға қатысты мемлекеттің кепілдігі – бүкіләлемдік стандарт талаптарын қанағаттандырады деуге болады. Өз тәуелсіздігін жариялаған Қазақстанның алғашқы қадамы – заманауи демократиялық, құқықтық мемлекет құру болды. Құқықтық мемлекетте әрбір азаматтың құқықтық мәдениеті мен құқықтық ой-санасы бірге жетіледі. Құқықтық сана әрбір азаматты құқықты құрметтеуге, заң талаптарын мүлтіксіз орындауға, қылмыс зардабын түсініп, оны жасамауға және екінші тұлғаның қылмыстық әрекетке бармауына ықпал етуге көмектеседі.</li>
</ul>
Денсаулық жағдайы бойынша мерзімінен бұрын тоқтатылып та жатады. Кей елдердің Конституция талаптарына сәйкес президенттің сол лауазымға екі рет сайлануына да құқық берілген. Сондықтан оның денсаулығы, қабілеті, біліктілігі мен өмірлік тәжірибесі мемлекеттің игілігі болып табылады.
Мемлекет басшысының мәртебесі Қазақстан Республикасы Конституциясының 40-бабының 1-тармағында: «Қазақстан Республикасының Президенті – мемлекеттің басшысы, мемлекеттің ішкі және сыртқы саясатының негізгі бағыттарын айқындайтын, ел ішінде және халықаралық қатынастарда Қазақстанның атынан өкілдік ететін ең жоғары лауазымды тұлға», ал 2-тармағында: «Республиканың Президенті – халық пен мемлекеттік билік бірлігінің, Конституцияның мызғымастығының, адам және азамат құқықтары мен бостандықтарының нышаны әрі кепілі» – деп жазылған. Қазақстан Республикасын 28 жыл басқарып, жоғарыда келтірілген ауқымды тарихи оқиғалар мен маңызды шешімдердің жүзеге асуына тікелей ықпал еткені үшін ҚР Тұңғыш Президенті Нұрсұлтан Назарбаевқа Конституциялық Кеңестің шешімімен «Елбасы» мәртебесі берілді.
Қазақстан Республикасының Конституциялық Кеңесі туралы ҚР 1995 жылғы 29 желтоқсандағы №2737 Конституциялық заңының 2-бабында: «Конституциялық Кеңес жетi мүшеден, соның iшiнде Конституциялық Кеңестiң Төрағасынан тұрады. Бұған қоса Республиканың экс-Президенттерi құқығы бойынша ғұмыр бойы Конституциялық Кеңестiң мүшелерi болып табылады»– деп жазылған. Осы Конституциялық заңның талаптарына сәйкес, ҚР Тұңғыш Президенті 2019 жылдың 20 наурызынан бастап ҚР Конституциялық Кеңестің мүшесі, Қауіпсіздік Кеңестің төрағасы лауазымына тағайындалды.
Қазақстан тарихында тәуелсіздіктің алғашқы 10 жылы ХХ ғасырдың еншісіне жазылды. Алғашқы онжылдықта әлем елдерімен саяаси-сауатты келіссөздер мен ымыралар жасаудың нәтижесінде еліміз ХХІ ғасырда өз орнын қалыптастыра білді. ХХІ ғасырдағы Қазақстан тәуелсіздігінің екінші және үшінші онжылдықтары мемлекетті жедел даму мен жаңа белеске шығарды.
ҚР Президентінің 2008 жылғы халыққа Жолдауында «Демократиялық дамудың жалпыға бірдей танылған заңдылықтары мен біздің қоғамымыздың дәстүрлерін үйлестіре отырып, біз одан әрі де саяси және мемлекеттік құрылыстың Қазақтандық моделін жетілдіру жолымен жүре беретін боламыз. Сонымен қатар ұлтаралық және мәдениетаралық келісімді, біртұтас Қазақстан халқының ілгері дамуын қамтамасыз етеміз» деп дамудың Қазақстандық феномені белгіленген болатын.
&nbsp;&nbsp;&nbsp;&nbsp; &nbsp;Президенттің &nbsp;өз өкілеттігі кезеңінде өз конституциялық құқықтарын тиімді пайдалану арқылы мемлекеттің даму стратегиясын айқындап, дамып гүлденуіне күш-жігерін жұмсайтын болса жарқын болашаққа жол ашылады. Мемлекеттің жарқын болашағы үшін күш-жігерін жұмсаған мемлекет басшыларын әлем халықтары тарихтан танып біледі. Орта Азия елдерінің тарихында және әлем кеңістігінде мемлекет басшыларына қатысты орын алып жатқан түрлі оқиғалардың уақыт талабынан туындайтындығын&nbsp; түсінуіміз қажет. Қазақстан тәуелсіздік алған күннен бүгінгі таңға дейінгі аралықта мемлекет басшысының өз конституциялық құқықтары шегінде халықтың сенімімен аянбай еңбек етуі және өз еркімен өкілеттігін тоқтатқаннан кейін конституциялық құқықтары аясында ғұмыр бойына Конституциялық Кеңестің мүшесі құрамына тағайындалуы демокртаиялық құқықтық мемлекеттің белгісін айқындайды.
А.А.Мадалиева,
&nbsp;Қазақстан Республикасы Президентінің жанындағы мемлекеттік басқару Академиясының
Қызылорда облысы бойынша филиалының профессоры, заң ғылымдарының кандидаты

Тәуелсіздік жылдарында «Қазақстан &#8211; 2050» даму стратегиясын жүзеге асырудағы құқықтық реформалар

<a href="https://kyzylorda-news.kz/">Kyzylorda-news.kz.</a> Өткен аптада облыс әкімі Гүлшара Әбдіқалықова Қызылорда қаласына қарасты шеткері аумақтағы елді мекендерді аралап, тұрғындардың мәселесін тыңдаса, кеше Арал ауданына жұмыс сапарымен барып, қуаншылыктың алдын алу және көктемгі вегетациялық кезеңде егін егу мәселелері бойынша шаруалармен кездесіп, Сексеуіл кентінің тұрғындарымен жүздесті.
Алдымен өңір басшысы ауданда салынатын клубтар мен кітапханалар құрылысы, Бақтыбай батыр көшесін қайта жаңғырту, аспалы темір жол өткелінің жобасы мен балық шаруашылығын дамыту бағдарламасымен танысып, мамандармен пікірлесті.
Облыста балық шаруашылығын дамытудың 2021-2030 жылдарға арналған Жол картасы әзірленді. Нәтижесінде балық экспорты екі есеге, тауарлы балық өсіру көлемі 111 есеге артып, 500-ден астам жаңа жұмыс орны ашылмақ.
Өңір басшысы табиғат пайдаланушылармен пікір алмасу сәтінде көлдерді тауарлы балық шаруашылығына бейімдеудің маңыздылығына тоқталды.
Біз байлығымыз саналатын теңізді, ондағы балықты сақтауымыз керек. Тағы бір мәселе, ол балық аулау әдісі. Оны қазіргі заманға сай етіп, шаруашылықтарға заңды түрде учаскелерді белгілеп алсақ, жаңа жұмыс орнын ашуға өз септігін тигізеді, – деді Гүлшара Әбдіқалықова. 
Ал, аудандағы тарихи-өлкетану мұражайында аймақ басшысының назарына мұражай құрылысының жобасы мен көпқабатты тұрғын үйлер салу мәселелерін ұсынылды. 
Мұнан кейін облыс әкімі Арал қаласында сала мамандарымен бірге ауыл шаруашылығы мәселелерін талқылауға арналған жиын өткізді. 
Отырыста аудан әкімі Серік Сермағамбетов егін және мал шаруашылығы бағытында негізгі жұмыстарды тізбелесе, Су ресурстарын пайдалануды реттеу және қорғау жөніндегі «Арал-Сырдария» бассейндік инспекциясының басшысы Сейілбек Нұрымбетов облысқа келетін судың қазіргі жағдайы мен алдағы болжамы туралы баяндады. Сондай-ақ, көлдер жүйесін суландыру мен оларды сақтап қалу жағдайы қозғалды. 
Кездесуде облыс әкімі вегетация кезеңінде судың аз келуіне байланысты тиімді тетіктерді қарап, суды аз қажет ететін дақылдарға мән беру қажеттігін алға тартты. Сондай-ақ, Көкаралды күрделі жөндеуден өткізу мәселесі де сөз болды.
<blockquote>
 «Бізге керегі – төрт түліктің басын аман сақтау және жоғарыдан түсетін су деңгейіне байланысты егін жұмыстарын мерзімінде бастау. Биыл да судың аз келуіне байланысты қарекетті қадамдарға шаруалармен бірге кірісуіміз қажет. Әкімдік тарапынан Жол картасы әзірленді. Картаға енген 65 жобаға ҚР Үкіметі резервінен 3,6 млрд.теңге бөлуге ҚР Қаржы Министрлігінен келісім алынды. Сондай-ақ, Үкімет ревервінен барлығы 22 каналды тазалау, 41 ұңғыманы жөндеу және бұрғылау, 133 дана насос қондырғысын алуды жоспарлап отырмыз. 
 Көлдерді суландыру мен балық шаруашылығына байланысты да мәселелер туындайтынын мен жақсы түсінемін. Көрші мемлекетте болып жатқан жағдай да ауыл шаруашылығына, оның ішінде экспортқа тікелей әсер етеді. Дегенмен, бірігіп проблемаларды шешудің тиімді тетіктерін қарастырсақ, бұл қиындықтан да шығамыз», – деді Гүлшара Әбдіқалықова.
</blockquote>
Өңір басшысы аудандағы шаруа қожалықтары өкілдерінің ұсыныс-пікірлерін тыңдап, жауапты басқарма басшыларына бірнеше тапсырма берді. Яғни нақты мал басына қажетті жем-шөппен қамтамасыз ету, құдықтар мен скважиналарды қазуға жоба-сметалық құжаттар дайындау тапсырылды. Сондай-ақ, егін егу науқаны басталмай тұрып, Арал ауданындағы көлдер жүйесін суландыруға тиісті жұмыстарды жүргізу, биыл егілетін 200 гектар картоп, көкөніс, бақша және жоңышқа дақылдарының егіс көлемдерін қажетті сумен қамтамасыз етуді ұйымдастыру жүктелді. Ал, облыстық ауыл шаруашылығы басқармасы аудан әкімдерімен бірлесе керекті жем көлемін нақтылап, «Азық-түлік келісім-шарт корпорациясы» арқылы жеңілдетілген бағада жем сатып алуды ұйымдастыру, тауар өндірушілердің мал азығына жұмсаған шығындарын ішінара субсидиялауға қажетті қаржының бөлінуін пысықтауы керек. Мұнан бөлек, ветеринария басқармасына мал ауруларын болдырмас үшін ветеринар мамандардың әрбір ауылды аралап, диагностикалық жұмыстарды атқару ісін жүргізіп, шаруа қожалық иелеріне сырғалау жұмыстарына қажетті түсіндірмені ұдайы жүргізуді тапсырды.
Облыс әкімі Арал ауданына жұмыс сапары аясында Сексеуіл кентіне де барды. Мұнда елді мекенді газдандыру, кентішілік жол салу, темір жолшыларға арналған 38 екі пәтерлік тұрғын үйдің құрылыс барысы, электр желілерін қайта жаңғырту жұмыстары мен «Құмсай» бөгетінің жағдайын талқылады. Сондай-ақ, кент тұрғындарын толғандырған мәселелерін тыңдап, пікірлесті.
Тұрғындар аймақ басшысынан құрылысы ұзаққа созылған аурухана құрылысын аяқтауға ықпал етуге, елді мекенді газдандыру мен жастарды жұмысқа тарту бойынша өз ұсыныстарын жеткізді. Өз кезегінде облыс әкімі көтерілген мәселелердің жеке бақылауына алғанын айтып, аталған проблемаларға қажетті қаржы мәселесі кезең-кезеңімен шешімін табатынын жеткізді. Сондай-ақ, аралдықтардың қаңтар оқиғасы кезінде қатынасы қиындаған пойыз жолаушыларына тамақ беріп, қонақжайлылық пен құрметтің үлгісін танытқан Сексеуіл кентінің жастарына алғыс айтып, ілтипатын білдірді.
<img src="https://kyzylorda-news.kz/wp-content/uploads/2022/03/275656171_259570363030882_5236563122055329598_n.jpg" alt="" />
<img src="https://kyzylorda-news.kz/wp-content/uploads/2022/03/275486550_259570519697533_218095822811455068_n.jpg" alt="" />
<img src="https://kyzylorda-news.kz/wp-content/uploads/2022/03/275698059_259570483030870_7966631580217849199_n.jpg" alt="" />

Гүлшара Әбдіқалықова: Қуаңшылықтың алдын алу үшін шаруалармен бірге қажетті қадамдарды жасаймыз

<a href="https://kyzylorda-news.kz/">Kyzylorda-news.kz.</a> Өткен тәулікте елімізде коронавирус инфекциясын жұқтырудың 119 жағдайы тіркелді, деп хабарлайды індеттің таралуына жол бермеу жөніндегі ведомствоаралық комиссия.
Өңірлер бойынша:
Нұр-Сұлтан қаласында – 10,
Алматы қаласында – 33,
Шымкент қаласында – 2,
Ақмола облысында – 2,
Ақтөбе облысында – 3,
Алматы облысында – 3,
Атырау облысында – 2,
Шығыс Қазақстан облысында – 7,
Жамбыл облысында – 1,
Батыс Қазақстан облысында – 9,
Қарағанды облысында – 7,
Қостанай облысында – 11,
Қызылорда облысында – 1,
Маңғыстау облысында – 0,
Павлодар облысында – 9,
Солтүстік Қазақстан облысында – 19,
Түркістан облысында – 0.
Айта кетейік, 9 наурызда қауіпті індет 89 адамда тірклеген болатын. 
Жалпы пандемия басталғалы Қазақстанда коронавирус 1 304 220 адамнан анықталды.

Өткен тәуліктегі коронавирус жұқтырудың дерегі жарияланды

<a href="https://kyzylorda-news.kz/">Kyzylorda-news.kz.</a> Синоптиктер 11 наурыз, жұмаға арналған ауа райы болжамын ұсынды.
Қазақстан аумағының басым бөлігі оңтүстік циклонның ықпалында болады. Осыған байланысты 11 наурызда жауын-шашын жауады, тұман түсіп, көктайғақ болады. Жел күшейеді.
Тек елдің қиыр солтүстік өңірлері суық антициклонның ықпалында болғандықтан жауын-шашын жаумайды.
Қызылорда облысының орталығында – тұман, түнде және таңертең солтүстікте, облыстың орталығында желдің күші 15-20 м/с жетеді.

Қазақстан және Қызылорда облысының жаңалықтары

Қызылордада қоғамдық көлік жол апатына ұшырады

Қызылордада 3782 тұрғынға жер учаскесі беріледі

Мұрат Ергешбаев жеңімпаз оқушыларды қабылдады

26 наурызда «Жер сағаты» экологиялық акциясы өтеді

Қысқы Паралимпиада: Александр Герлиц тағы бір бәсекеде 5-орын алды

Демалыс күндері ауа райы жылы болады

Махмұтбай Әміреұлының мерейтойына арналған шығармашылық кеш өтеді

«Мұқағали» фильмі Үндістанда көрсетіледі

Тәуелсіздік жылдарында «Қазақстан – 2050» даму стратегиясын жүзеге асырудағы құқықтық реформалар

Гүлшара Әбдіқалықова: Қуаңшылықтың алдын алу үшін шаруалармен бірге қажетті қадамдарды жасаймыз

Өткен тәуліктегі коронавирус жұқтырудың дерегі жарияланды

Жұмаға арналған ауа райы болжамы

Қазақстан және Қызылорда облысының жаңалықтары

Қызылордада қоғамдық көлік жол апатына ұшырады

Қызылордада 3782 тұрғынға жер учаскесі беріледі

Мұрат Ергешбаев жеңімпаз оқушыларды қабылдады

26 наурызда «Жер сағаты» экологиялық акциясы өтеді

Қысқы Паралимпиада: Александр Герлиц тағы бір бәсекеде 5-орын алды

Демалыс күндері ауа райы жылы болады

Махмұтбай Әміреұлының мерейтойына арналған шығармашылық кеш өтеді

«Мұқағали» фильмі Үндістанда көрсетіледі

Тәуелсіздік жылдарында «Қазақстан &#8211; 2050» даму стратегиясын жүзеге асырудағы құқықтық реформалар

Гүлшара Әбдіқалықова: Қуаңшылықтың алдын алу үшін шаруалармен бірге қажетті қадамдарды жасаймыз

Өткен тәуліктегі коронавирус жұқтырудың дерегі жарияланды

Жұмаға арналған ауа райы болжамы

Тәуелсіздік жылдарында «Қазақстан – 2050» даму стратегиясын жүзеге асырудағы құқықтық реформалар