<a href="https://kyzylorda-news.kz/">Kyzylorda-news.kz.</a> Қазақстандықтар Грузия және Әзербайжан елдерінен жеке пайдалану үшін автокөліктерді жаппай алып келіп жатыр. Қаржы министрлігінің мемлекеттік кірістер комитеті мұндай көліктерді сатып алу кезіндегі тәуекелдер туралы ескертті.
<blockquote>
 «Соңғы кездерде Грузия және Әзербайжан елдерінен Қазақстан аумағына жеке пайдалану үшін көлік құралдарын уақытша алып келу жағдайлары жиілеп кеткен. Мұндай көлік құралдарын бір жылға уақытша алып келген жағдайда кедендік баж бен салықтарды төлеуден босатылған», – делінген хабарламада.
</blockquote>
Уақытша әкелінген көлікті сатып алуға және Қазақстан аумағында пайдалануға тек кедендік тазартудан соң және тиесілі кедендік алымдарды және салықтарды төлеген соң ғана рұқсат беріледі.
Комитет мамандары шетел азаматтары жеке пайдалануға арналған мұндай көліктерді әкелгеннен кейін біраз уақыттан соң Қазақстан аумағынан кетіп қалатынын атап өтті. Бұлар негізінен Грузия мен Әзербайжан азаматтары.
Бұл аталған көлік құралдары қандай да бір кедендік баждар мен салықтарды төлемей, Қазақстан аумағында тіркеуге қойып және Қазақстан азаматына тапсыру мақсатында ЕАЭО аумағына әкелінеді.
<blockquote>
 «Жалпы 2020 жылдан бастап қазіргі уақытқа дейін Қазақстан аумағына Грузия мен Әзербайжаннан 4157 автокөлік әкелінген, оның ішінде 2130 автокөліктің Қазақстан аумағында уақытша жүру мерзімі өтіп кеткен», – деп атап өтті мемлекеттік кірістер комитеті.
</blockquote>
Маңғыстау және Түркістан облыстары бойынша мемлекеттік кірістер департаменттері кедендік алымдар мен салықтарды төлеместен Қазақстан аумағында тіркелген автокөлік құралдарына байланысты жеке тұлғаларға 230 хабарлама табыстады.
Шетелдік жеке тұлғаларға одаққа мүше емес мемлекетте тіркелген көлік құралдарын одақтың кедендік аумағына уақытша 1 жылдан аспайтын мерзімге әкелуге рұқсат етіледі.
Бұл ретте уақытша әкелінген көлік құралын декларанттың өзі ғана жүргізуге құқылы және оны біреуге тапсыруға немесе сенімхат арқылы сатуға тыйым салынады.
Уақытша әкелу мерзімі аяқталғаннан кейін автокөлік құралдары ЕАЭО аумағынан шығып кетуі қажет, шығып кетпеген жағдайда ЕАЭО қолданыстағы заңнамасына сәйкес тиісті шаралар қолданылады.
Шетел азаматтары көлікті шығаруға өзінің мүмкіндігі болмаған жағдайда тасымалдаушының көмегімен шығаруына болады, сонымен қатар шетелдіктер көлік құралдарын шығаруға және тұратын мемлекетіне қайту үшін мемлекеттік шекарадан өтуіне болады.
<a href="https://sputnik.kz/20220303/gruziya-azerbayzhan-kolik-eskertu-23277986.html">Sputnik.kz</a>

Грузия мен Әзербайжаннан көлік сатып алғысы келетіндерге ескерту жасалды

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысының әкімі Гүлшара Әбдіқалықова қаланың шет аумағында орналасқан елді мекендерді аралап, тұрғындардың талап-тілектерін тыңдады.
Қосшыңырау ауылдық округіндегі Абай ауылына аялдаған аймақ басшысы ардагерлермен кездесіп, мәселелеріне құлақ түрді. Ақсақалдар ауылға газ кіргізу, жастарға жұмыс көзін табу, жер үлесі мәселелерін көтерді.
Аймақ басшысы өңірде газға қосу ісі 67 пайызға жеткенін, бір жылда бірнеше ауылға көгілдір отын кіргізу жұмыстары қарқын алғанын айтып, бұл ауылға да газ тарту жұмыстары қолға алынатынын жеткізді. Сондай-ақ, азық-түлік қорын көбейту үшін ауыл жастарына бақша дақылдарын егу ісіне белсенді түрде тарту қажет деді.
<blockquote>
 «Жасыратыны жоқ, біршама көкөніс өнімдерін сырттан алуға мәжбүрміз. Егер де басты қажеттіліктерімізді яғни картоп, сәбіз, жуа өнімдерін шағын көлемде болсын өз ауылдарымызда ексек, сыртқы нарыққа деген тәуелділігіміз азаяды. Азық-түлік қорын әр ауыл өздігінен қалыптастыруға үлес қосса, тапшылықты жоямыз. Жастардың да еңбекпен қамтылуына жол ашар едік. Сондықтан іс бастаймын деген азаматтарды қолдаймыз»,-деді Гүлшара Әбдіқалықова.
</blockquote>
Мұнан соң облыс әкімі Қарауылтөбе мен Қызылжарма елді мекендерінде тұратын ауыл азаматтарымен кездесті. 
2500-ға жуық халық тұратын Қарауылтөбе ауылына мәдениет клубының қажеттілігі бар. Ауыл тұрғындарының талап-тілектері ескеріліп, биыл 150 орындық клуб салу ісі жыл аяғына дейін беріледі деп жоспарланып отыр. 
Аяқ су алу үшін қажетті ұңғыма қазу мәселесі де өзекті. Бүгіннен бастап Қызылжарма мен Талсуат ауылдық округінде аяқ су үшін ұңғыма қазу ісі басталды. Тұрғындармен тілдескен аймақ басшысы аяқ су, газ тарту, жолдың сапасын жақсарту сынды мәселелер кезең-кезеңімен шешілетінін жеткізді.
<img src="https://kyzylorda-news.kz/wp-content/uploads/2022/03/akim-1.jpg" alt="" />
<img src="https://kyzylorda-news.kz/wp-content/uploads/2022/03/akim1.jpg" alt="" />
<img src="https://kyzylorda-news.kz/wp-content/uploads/2022/03/awyl.jpg" alt="" />
<img src="https://kyzylorda-news.kz/wp-content/uploads/2022/03/sw.jpg" alt="" />

Гүлшара Әбдіқалықова: Әр үй бақша өнімдерін өсіруді дамытса, сырттан өнім алуға деген қажеттілік азаяды

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 1 263 адам коронавирус індетінен емделіп шықты, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 333
Алматы қаласы – 167
Шымкентте – 0
Ақмола облысы – 0
Ақтөбе облысы – 0
Алматы облысы – – 65
Атырау облысы – 5
Шығыс Қазақстан облысы – 20
Жамбыл облысы – 14
Батыс Қазақстан облысы – 201
Қарағанды облысы – 42
Қостанай облысы – 89
Қызылорда облысы – 3
Маңғыстау облысы – 5
Павлодар облысы – 168
Солтүстік Қазақстан облысы – 88
Түркістан – 6.
Қазақстан бойынша жазылғандар саны – 1 273 733.

Covid-19: 3 қызылордалық індеттен айықты

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 253 адамда коронавирус індеті ПТР арқылы расталып ауырғаны белгілі болды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 24
Алматы қаласы – 68
Шымкент қаласы – 8
Ақмола облысы – 6
Ақтөбе облысы – 1
Алматы облысы – 7
Атырау облысы – 6
Шығыс Қазақстан облысы – 11
Жамбыл облысы – 6
Батыс Қазақстан облысы – 9
Қарағанды облысы – 16
Қостанай облысы – 29
Қызылорда облысы – 1
Маңғыстау облысы – 4
Павлодар облысы – 17
Солтүстік Қазақстан облысы – 39
Түркістан облысы – 1
Жалпы ел бойынша ауырғандар саны 1303316.

Қызылордада өткен тәулікте 1 адамнан коронавирус анықталды

<a href="https://kyzylorda-news.kz/">Kyzylorda-news.kz.</a> Бүгін еліміздің басым бөлігінде ауа райы тұрақсыз болады, деп хабарлайды Қазгидромет.
Республиканың батысында, солтүстік-батысында, солтүстігінде, оңтүстік-шығысында жаңбыр жауады, күндіз облыстың батысында қатты жаңбыр жауады, найзағай ойнайды. Еліміздің оңтүстігінде, орталығында, шығысында күн райы жауын-шашынсыз болады. Республиканың кей жерлерінде жел күшейіп, тұман күтіледі.
Қызылорда облысының орталығында тұман түседі, күндіз облыс орталығында желдің жылдамдығы 15-20 м/с-ке жетеді.

4 наурызға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Биылғы жылдың 1 наурызынан бастап Президенттің Баспасөз қызметі телеграм әлеуметтік желісінде «<a href="https://t.me/bort_01">Борт N1</a>» ресми каналы ашылды. Бұл туралы Президенттің баспасөз хатшысы Берік Уәли хабарлады.
Телеграм каналда шағын хабарламалар, аңдатпалар, экспресс-аналитика, инфографикалар, бейресми фото мен видеолар және басқа да мәліметтер қамтылады.
<blockquote>
 «Құрметті әлеуметтік желілердің қолданушылары! Сіздерді біздің Т-каналымызға жазылып, Президенттің қызметіне қатысты маңызды ақпараттармен дер кезінде танысып отыруға шақырамын», – деп жазды Берік Уәли.
</blockquote>

«Борт N1» ресми каналы ашылды

<a href="https://kyzylorda-news.kz/">Kyzylorda-news.kz.</a> «ҚазАвтоЖол» ұлттық компаниясы ақылы жолдар дирекциясының эксплуатация жүйесі бөлімінің басшысы Мадияр Айтбаев кейбір жүргізушілер ақылы жол құнын төлемей өту үшін қандай әрекеттерге баратынын айтып берді, деп хабарлайды <a href="https://lenta.inform.kz/kz/kolik-zhurgizushileri-akyly-zhol-kunyn-tolemeu-ushin-kanday-aylaga-barady_a3907081">ҚазАқпарат.</a>
<blockquote>
 «1403 Call-орталығының қызметкерлері 24/7 режимінде жұмыс істейді. Біздің мамандар жолға қатысты барлық өңірден келіп түскен сауалдарға тәулік бойы жауап береді. Сонымен қатар орталық қызметкерлері ақылы жолдардағы көлік қозғалысын онлайн бақылап отырады. Мақсат – жолаушылардың қауіпсіздігін қамтамасыз ету және заңбұзушылыққа жол бермеу. Ақылы жолдарда тәртіпті бұзатын жүргізушілер де бар. Мысалы, ақылы жол бекетінен өткен кезде автомобильдің нөмірін жасырады. Осылайша көлік иесі тегін жүргісі келеді. Яғни нөмірді жасырған жағдайда фото және бейнебақылау камерасы көлікті толық анықтай алмайды», – деді Мадияр Айтбаев аталған компания ұйымдастырған БАҚ өкілдеріне арналған баспасөз турында.
</blockquote>
Оның айтуынша, жол ақысын төлеу бекетіне жеткенде көлік нөмірін шешіп алатын жүргізушілер де бар.
<blockquote>
 «Әрине, біздің мамандар заң бұзушылыққа жол бермейді. Тәртіпбұзушылық болған жағдайда көлік иесін анықтап, жол ақысын төлеу керектігін ескертеді. Ақылы жол құнын төлемей жүргісі келетін жүргізушілер баршылық», – дейді ол.
</blockquote>
Сондай-ақ, «ҚазАвтоЖол» ұлттық компаниясы ұсынған дерекке сүйенсек, «1403» call-орталығының қызметкерлері 3 жылдың ішінде азаматтардан келіп түскен 230 мыңға жуық өтінішті қарастырған.

Көлік жүргізушілері ақылы жол құнын төлемеу үшін қандай айлаға барады

<a href="https://kyzylorda-news.kz/">Kyzylorda-news.kz.</a>&nbsp;2022 жылдың 1 наурыз жағдайы бойынша 1&nbsp;863 этникалық қазақтар тарихи отанымен табысып, қандас мәртебесін алды.
Жалпы 1991 жылдан бері республикаға 1 миллион 89,7 мың этникалық қазақ оралды.
Жыл басынан Қазақстанға келген қандастардың жартысынан көбі (68,2%) Өзбекстаннан, 14%&nbsp;–&nbsp;Қытайдан, 6,3%&nbsp;–&nbsp;Түрікменстаннан, 2,3%&nbsp;–&nbsp;Моңғолиядан және 9,5% басқа елдерден. Келген этникалық қазақтар негізінен Алматы (31,6%), Маңғыстау (14,8%), Түркістан (12,4%) және Жамбыл (6,3%) облыстарына, сондай-ақ Алматы (7,1%), Нур-Султан (6,3%) және Шымкент (7,9%) қалаларына қоныстанды.
Биылғы жылдың 1 наурыздағы жағдай бойынша еңбекке қабілетті жастағы этникалық қоныс аударушылар саны 62,3%-ды, еңбекке қабілетті жастан кіші 22,7%-ды және зейнеткерлер 15%-ды құрайды. Еңбекке қабілетті жастағы қандастардың ішінен білім деңейі бойынша 11%-ы жоғары білімді, 38,9%-ы орта кәсіби білімді, 48,5%-ы жалпы орта білімді және 1,5%-ының білімі жоқ.
<a href="https://24.kz/kz/zha-aly-tar/o-am/item/531332-zhyl-basynan-beri-1-8-my-nan-astam-etnikaly-aza-andas-m-rtebesin-al-an">Хабар 24</a>

Жыл басынан бері 1,8 мыңнан астам этникалық қазақ қандас мәртебесін алған

<a href="https://kyzylorda-news.kz/">Kyzylorda-news.kz.</a>&nbsp;Қызылорда қаласында ақын, педагог Сәнімкүл Желдербаеваның 90 жас мерейтойына және 8 наурыз – Халықаралық әйелдер күніне орай «Пай-пай, шіркін, қазақтың келіндері-ай!..» атты облыстық келіндер форумы өтуде. Форумда Қызылорда облыстық ішкі саясат басқармасының басшысы Мира Қазбекова нәзік жандарды мерекемен құттықтады.
<blockquote>
 «Аяулы аналар, қыз-келіншектер жыл мезгілінің ең ғажайып кезеңі көктемнің шуақты күнінде сіздерді және сіздер арқылы барша аруларды 8 наурыз – Халықаралық әйелдер күнімен құттықтаймын. Бүршік атқан көктемнің сұлу арайын ала келген мереке баршаңызға бақыттың гүлін, шаттықтың нұрын, сұлулық пен бейбітшіліктің жасампаздығын, әр күннің берекесі мен ырзығын ала келсін», – деді Мира Қазбекова.
</blockquote>
Форумның мақсатын айтып өткен басқарма басшысы бұған дейін де отбасы құндылықтарын дәріптейтін іс-шаралар өткізіліп келе жатқанын тілге тиек етті.
<blockquote>
 «2014 жылдан бері тұрақты түрде өткізіліп келе жатқан «Мерейлі отбасы» ұлттық конкурсы, «Тату отбасы» онлайн отбасылық марафоны отбасылық құндылықтарды насихаттап келеді. Сондай-ақ Қызылорда облысы әкімі жанындағы әйелдер істері және отбасылық демографиялық саясат жөніндегі комиссияның қолдауымен «Бойтұмар» ханым қоғамдық қоры, облыстық Қазақстан халқы Ассамблеясы жанынан құрылған Аналар кеңесі, облыстық іскер әйелдер қауымдастығының ұйымдастыруымен Ақ орамал насихаттық жобасы бастау алды. Бұл жобаның негізгі мақсаты – қоғамдағы, отбасындағы ананың атқаратын рөлін анықтау, отбасының беделін арттырып, ұрпақ тәрбиелеуде ата-ананың міндетін түсіндіру», – деді Мира Қазбекова.
</blockquote>
<img src="https://kyzylorda-news.kz/wp-content/uploads/2022/03/274698979_1113260399488956_3908155365281221863_n.jpg" alt="" />
Айта кетейік, форум барысында Сыр өңірінің мақтанышына айналған жандарды дүниеге әкелген қадірлі аналарға «Абзал ана» естелік белгісі табысталды.
«Абзал ана» естелік белгісі 18 баланы өмірге әкеліп, 58 немере, 20 шөбере сүйген ардақты ана, «Алтын алқа» иегері, 2000 жылдың «Жыл адамы» Фатимакүл Қаршығаева, Сыр телевизиясының мақтанышына айналған журналист, марқұм Сахитжан Бермағанбетовтың анасы Меруерт Бақбергенова, «Әлем барысы – 2021» титулының иегері, белгілі спортшы Мақсат Исағабыловтың анасы Роза Қуанбаева, ұстаз, облыстық білім басқармасының басшысы Ақзира Қасымованың анасы Тоқшылық Досанова, 14 балалы патронат ана Ақмарал Малбағарова, 2022 жылдың 20 ақпанында Шұғыла мөлтек ауданы №43 үйде шыққан өртте ерлік көрсетіп, 15 адамды өрттен құтқаруға атсалысқан, өрт сөндіру бөлімінің командирі Бауыржан Кененбаевтың анасы Маркен Молдағалиева, «Мен қазақпын» мега-жобасының жеңімпазы, жырау Күнсұлу Түрікпеннің анасы Қалимаш Сейітжанова, кәсіби боксшы, әлем чемпионы Тұрсынбай Құлахметтің анасы Гүлжахан Байменова табысталды.
<img src="https://kyzylorda-news.kz/wp-content/uploads/2022/03/274789941_1113260096155653_3649196113501618818_n.jpg" alt="" />

Сыр мақтанышына айналған жандардың аналарына «Абзал ана» естелік белгісі табысталды

<a href="https://kyzylorda-news.kz/">Kyzylorda-news.kz.</a> Қызылордада «Пай-пай, шіркін, қазақтың келіндері-ай!..» атты облыстық келіндер форумы басталды.
Шара ақын, педагог Сәнімкүл Желдербаеваның 90 жас мерейтойына және 8 наурыз – Халықаралық әйелдер күніне орай ұйымдастырылуда.
Форумды Қызылорда облысының ішкі саясат басқармасы, «Рухани жаңғыру» орталығы» және облыс әкімі жанындағы әйелдер істері және отбасылық-демографиялық саясат жөніндегі комиссиямен бірлесіп өткізуде.
Форумның мақсаты – жас ана, асыл жар, қазақ келіндерін ұлттық рухта тәрбиелеу, ана тілін, ұлттық мәдениетін құрметтеу, жас отау тәрбиесін ұғындыру, қазақ әйелдерінің қоғамдағы рөлін арттыру, қазақы қалыптарды сақтай отырып, заман талабына сай жан-жақты дамыған тұлға етіп, болмысын қалыптастыруға негізделді.
Шара Сыр өңірінен шыққан танымал қыз-келіншектердің ғұмырнамасын насихаттайтын баспа материалдарынан, түрлі ұлттық тағамдар, ұлттық ыдыстар, салт-дәстүр кітаптары, қолөнер бұйымдары және тағы да басқа бұйымдар қойылған көрме таныстырылымымен бастау алды.
Келелі басқосуға биыл 100 жылдық мерейтойы өткізіліп жатқан Роза Бағланованың келіні Марал Бағланова, ҚР Еңбек сіңірген қайраткері Жеңіс Ысқақова, Сыр өңірінің келіні, ҚР Мәдениет қайраткері Жазира Байырбекова сынды танымал тұлғалар қатысуда.
<img src="https://kyzylorda-news.kz/wp-content/uploads/2022/03/275098316_1113260289488967_5475839939301864370_n.jpg" alt="" />
<img src="https://kyzylorda-news.kz/wp-content/uploads/2022/03/274869223_1113260276155635_6549485828967922952_n.jpg" alt="" />
<img src="https://kyzylorda-news.kz/wp-content/uploads/2022/03/275080384_1113260222822307_6096127857255930758_n-1.jpg" alt="" />

Қызылордада облыстық келіндер форумы басталды

<a href="https://kyzylorda-news.kz/">Kyzylorda-news.kz.</a> Қызылорда облысында екпе қабылдауға қабілетті тұрғындардың 94 пайызы коронавирусқа қарсы вакцина салдырды.
Қызылорда облысында ұжымдық иммунитететті қалыптастыруда тұрғындардың 60 пайызы, яғни 452 мыңнан астам халықтың коронавирусқа қарсы екпе қабылдауы жоспарланған.
Қазір өңірде коронавирусқа қарсы вакцинаның I компонентін 425 569 адам (94%) салдырды. Ал II компонентті 416 695 адам (92%) адам алған.
<blockquote>
 «Вакцина салдырғандардың басым көпшілігі – облыс орталығының тұрғындары. Ал аудандар бойынша жоғары көрсеткіш Арал, Қазалы, Жаңақорғанға тиесілі. Кәсіп түрлері бойынша медицина қызметкерлері, мұғалімдер мен күштік құрылымдар қызметкерлері көш бастап тұр. Облыс көлемінде иммундаудан кейін асқыну жағдайлары тіркелген жоқ». – деп мәлім етті облыстық Санитариялық-эпидемиологиялық бақылау департаментінен.
</blockquote>

Қызылордада 425 мыңнан астам адам вакцина салдырды

<a href="https://kyzylorda-news.kz/">Kyzylorda-news.kz.</a> Қызылорда қаласында «Kaspi.kz» қосымшасы арқылы онлайн несие рәсімдеген алаяқ ұсталды.
Әйелдің айтуынша, оқиға өткен жылдың жазында болған. Бейтаныс адам жәбірленушінің атынан онлайн несие рәсімдеген. Сол жерде банктан ақша түскеннен кейін, соманы жеке шотына аударып, із-түссіз жоғалған. Ал зардап шегуші несие жайлы қарыздың төлемі жақындағанда бірақ білген.
Полиция қызметкерлері белгісіз әйелдің жеке басын анықтады. Қазіргі уақытта ҚР ҚК 190-бабы 2-бөлігі бойынша сотқа дейінгі тергеу жүргізілуде. Алаяқтың ұқсас қылмыстарға қатысы бар-жоғы тексерілуде.

Қазақстан және Қызылорда облысының жаңалықтары