<a href="https://kyzylorda-news.kz/">Kyzylorda-news.kz.</a>&nbsp;&nbsp; WhatsApp әзірлеушілері танымал мессенджердің мүмкіндіктерін арттыратын <a href="https://sputnik.kz/20220410/whatsapp-messendzher-zhana-mumkindik-24108733.html">жаңашылдық</a> енгізгелі отыр.
Енді белгілі бір адаммен хат алмасу үшін алдымен оның нөмірі сақтау қажеттілігі болмайды.
Қазір, сізге WhatsАpp-қа адамның телефон нөмірін жолдаған кезде алдымен оны телефонға сақтап, содан кейін ғана онымен хат алмасу мүмкін болып тұр.
Мессенджердегі жаңартудан кейін жолданған нөмірді басып, бірден хат жазуға мүмкіндік туады. 
Үш опция, яғни, хат алмасу, қоңырау соғу және телефон нөмірін сақтау ұсынылады. 
Алайда бұл жаңашылдық нақты қашан қолданысқа енгізілетіні белгісіз.

WhatsApp мессенджерінде жаңа мүмкіндік пайда болады

<a href="https://kyzylorda-news.kz/">Kyzylorda-news.kz.</a>&nbsp; Минскіде қазақтың танымал әртісі Роза Бағланованың құрметіне ғылыми оқулар өтті, деп хабарлады Қазақстанның сыртқы&nbsp;істер министрлігінен.
<blockquote>
 «Беларусь мемлекеттік музыка академиясында алғаш рет қазақ музыка өнері өкілінің өмірі мен шығармашылығының таныстырылымы өтті. Әлемге әйгілі әнші, КСРО, ҚазКСР, ӨзКСР-дың халық әртісі және «Халық қаһарманы» Роза Бағланованың 100 жылдық мерейтойы Қазақстанда ғана емес, одан тыс жерлерде де алғаш рет өткізілу құқығы кездейсоқ емес», – делінген жұма күні таратылған хабарда.
</blockquote>
Таныстырылымды Қазақстанның Беларусьтегі Елшілігі Л.С.Мухаринскаяны еске алуға арналған ХХХІ-ші халықаралық ғылыми оқулар аясында өткізді. Іс-шараға ондаған музыкатанушылар, өнертанушылар және түрлі мемлекеттердің азаматтары, соның ішінде 1941 жылғы майданнан бастап өткен ғасырдың соңына дейін сахналарында Р.Бағланова өнер көрсеткен елдердің азаматтары қатысты.
<blockquote>
 «Р.Бағланованың ғасырлық мерейтойы ЮНЕСКО-ның 2022-2023 жылдарға арналған атаулы күндер күнтізбесіне енгізілген. Ұлы Отан соғысты майдандағы концерттік топтар құрамында өтіп, кейін барлық құрлықтардағы көптеген елдердің сахналарында өнер көрсетіп, ол әртүрлі ұлттар мен конфессиялардың өкілдеріне достық, бейбітшілік және махаббат идеяларын жеткізе білді. Шын мәнінде, ол әлемдік мәдени кеңістікте қазақтың ұлттық мәдениеті мен музыкалық өнерінің жолсерігі рөлін атқара отырып, әлемнің елшісі болды», – деп атап өтті Қазақстанның сыртқы саяси ведомствосынан.
</blockquote>
Дипломаттар атап өткендей, халықаралық ғылыми оқулар қатысушылары Р.Бағланованың шығармашылығын талқылау барысында оны маңызды тұлға ретінде атай отырып, «бұл әйгілі әншінің адам жүрегіне қалай терең әсер етіп, адам жанының нәзік пернесін қозғай алғанына» таңданды.
<blockquote>
 «Қазақ пен белорус халқы әртүрлі, тіпті мәдениетіміз де әртүрлі, дейтұрғанмен, ортақ нәрселеріміз де бар екені мені қатты таң қалдырды. Роза Бағланова – біздің ортақтығымыздың дәлелі. Ол әлемнің ондаған тілдерінде ән айтып, әр түрлі халықтарға олардың ана тілдерінде сөйлеуі тек қазақ тілін ғана емес, әлемдік мәдениетті насихаттайтын әлемдік тұлға болғанын білдіреді», – деп Беларусь мемлекеттік музыка академиясының ректоры Елена Куракина өз әсерімен бөлісті.
</blockquote>
Р.Бағланованың бейнесін толық ашу үшін іс-шара қатысушыларына әншінің сұхбатына негізделген «Өткеннің нұры» деректі фильмі көрсетілді, оның естеліктерінен үзінділер келтірілді. Солардың бірінде халық әртісі былай деп жазады: «Сахна мен үшін әрқашан қуанышқа толы болды. Мен сахнаға бауырымды және жақын адамымды құшақтап, сүйгендей боламын. Мен оны соңғы деміме дейін жақсы көруге және одан атақ, мансап немесе пайда іздемеуге уәде бердім». Р.Бағланова бұл ұстанымды ешқашан өзгертпеді.
Р.Бағланованың шығармашылығы талқыланатынын білген беларус сүйермендер соғыстан кейінгі жылдары жазылған әншінің ең танымал әндері болып табылған «Самара-городок» пен Латиф Хамидидің «Қазақ вальсі» әндерінен құралған раритетті шағын диск алып келді. Олар әншінің музыка мен адамдарға деген сүйіспеншілікке толы ұлы талантын мойындау ретінде бұл диск көп жылдар бойы отбасылық мұра ретінде сақталып келгенін айтты.
Таныстырылым соңында Беларусь Үлкен театрының солисі Клавдия Потемкина «Қазақ вальсін» орындады.

Минскіде алғаш рет Роза Бағланованың құрметіне ғылыми оқулар өтті

<a href="https://kyzylorda-news.kz/">Kyzylorda-news.kz.</a>&nbsp; Биыл Қазалы ауданы Аранды ауылдық округінің орталығы – Қожабақының орталығы абаттандырылып, саябақ салынады. Қазіргі таңда аудандық бюджеттен қаржы бөлініп, мемлекеттік сатып алу конкурсының жеңімпазы белгілі болды.
Бүгін аудан әкімі Мұхтар Оразбаев Қожабақы ауылына арнайы барып, саябақ салынатын орынды көрді.
Белгіленген орында Аранды ауылдық округінің әкімі Әбілғазы Томаев қожабақылықтардың саябақ салуға сұрап отырған жерінде бас жоспар бойынша балабақша түсуі тиіс екендігін айтты. Дегенмен осы жер ауылдың орталығы, қасында әлеуметтік нысандар жағалай орналасқандығын алға тартты. Осыған байланысты бүгінгі күні жерді тиісті заңдылықтарға сәйкес заңдастыру жұмыстары жүргізіліп жатқанын тілге тиек етті.
Аудан басшысы саябақтың салынатын орны мен жоба-сметалық құжаттарын көрген соң бірқатар түзетулер енгізу қажет екендігін айтты. Мәселен, қоршауларды дұрыстап, саябақтың төрт бұрышына жарықшамдар қарастыру қажет.
Сондай-ақ, үнемделген қаржының мүмкіндігіне қарай елді мекендегі Т.Емешұлы көшесіне жарықшамдар орнату жөнінде тапсырма берді.
Мұнан соң Мұхтар Әуесұлы ауылдық мәдениет үйінде тұрғындармен кездесіп, ұсыныс-пікірлерін тыңдады.
Аудан басшысы алдымен ауданда атқарылып жатқан жұмыстарға тоқталып, қол жеткізген жетістіктер мен алдағы мақсат-міндеттерді тілге тиек етті.
Сондай-ақ, Мемлекет басшысы Қасым-Жомарт Кемелұлы Тоқаевтың Жарлығына сәйкес елді мекен тұрғындарымен жиі-жиі кездесіп, халықтың мұң-мұқтаждарын тыңдайтындықтарын жеткізді.
Басқосуға аудандық мәслихат депутаты Ғазиз Әліш, аудандық құрылыс, сәулет және қала құрылысы бөлімінің басшысы Нұрбек Күзембаев, аудандық тұрғын үй коммуналдық шаруашылығы, жолаушылар көлігі және автомобиль жолдары бөлімінің басшысы Мұрат Әбсұлтанов қатысты.
<img src="https://kyzylorda-news.kz/wp-content/uploads/2022/04/02.jpg" alt="" />

Биыл Қожабақы ауылында саябақ салынады

<a href="https://kyzylorda-news.kz/">Kyzylorda-news.kz.</a>&nbsp;Жамбыл облысында Отан алдындағы борышын өтеп жүрген сарбаз 2 наурызда із-түзсіз жоғалған.
Андас батыр шекара бөлімшесінен ұшты-күйлі жоғалған 19 жастағы қатардағы жауынгер Ұлықбек Айдарбекұлы Бердішевтің мәйіті Қырғызстанда таудан табылды. Сарбаздың нағашы ағасы Бауыржан Мерековтің айтуынша, сарбаздың өлі денесін тауда асылып тұрған жерінен табылған.
Мамандар сарбаздың денесіне сараптама жасау үшін мәйітті көрші елге алып кеткен.
Осыдан екі күн бұрын сарбаздың киімдерін қырғыз шопан тауып алып, туыстарына тапсырды. Киімі табылған соң Ұлықбектің туыстары шекарадан өтіп, сарбаздың киімі табылған жерге барғанда, 100 метр жерден баланың тауда өз белдігіне асылып тұрғанын көрген. Қалған киімі сарбаздың үстінде болған.
Айта кетейік, жоғалған сарбаз&nbsp;Қызылорда облысы Қазалы ауданында туған. Ол соңғы рет атқора тазалап жүріп, ұшты-күйлі жоғалған.

Жоғалған сарбаздың мәйіті Қырғызстаннан табылды

<a href="https://kyzylorda-news.kz/">Kyzylorda-news.kz.</a> Ауқымды антициклон ҚР территориясының басым бөлігінде жылы, жауын-шашынсыз ауа райын қалыптастыратын болады, деп хабарлады Қазгидромет.
Тек еліміздің оңтүстігі мен солтүстік-батысында атмосфералық фронталды бөліктердің әсерінен жаңбыр жауады, найзағай күтіледі. Республика бойынша желдің күшеюі, оңтүстікте – дауыл, батыста – тұмман күтіледі.
Қызылорда облысының орталығында найзағай, дауыл, орталығы мен оңтүстігінде желдің 15-20 м/с күшеюі күтіледі.

Дүйсенбі күнге арналған ауа райы болжамы

<a href="https://kyzylorda-news.kz/">Kyzylorda-news.kz.</a> ҚР Бас прокуратурасының 1 қызмет бастығының орынбасары Елдос Қилымжанов қаңтар оқиғасында қаза болған 24 қызылордалыққа табельдік қару қолданылу себептерін айтты, деп хабарлайды <a href="https://lenta.inform.kz/kz/bas-prokuratura-kantarda-24-kyzylordalykka-tabel-dik-karu-koldanu-sebebin-aytty_a3921507">ҚазАқпарат.</a>
<blockquote>
 «Адамдардың қаза болу мән-жайларын анықтау жұмыстары жалғасуда. «Қайғылы қаңтар» барысында адам өлімінің барлық фактілері бойынша қылмыстық қудалау органы мұқият тергеу жүргізуде, болған оқиғаның мән-жайлары күн сайын ашылуда. Қызылорда облысында қаза болған 24 адамға қатысты табельдік қаруды қолдану себептері анықталды», – деді Елдос Қилымжанов.
</blockquote>
Оның айтуына қарағнада 5 қаңтарда Қызылорда облысы полиция департаментінің жергілікті полиция қызметіне қарулы шабуыл жасалған.
<blockquote>
 «Террористер жүк көлігімен ғимараттың қақпасын соғып кіріп, онда олар аңшы мылтықтарымен оқ жаудырды, бақылау-өткізу пунктін, жедел басқару орталығының камералары мен патрульдік машиналарды өртеді. Осыған байланысты полиция алдымен ауаға атып, содан кейін шабуылдаушылардың аяқ-қолын нысанаға алып, табельдік қаруды қолдануға мәжбүр болды.
 Алайда, бұл оларды тоқтатпады. Алкоголь мен есірткінің әсерінде болып, олар ғимаратқа бірнеше рет шабуыл жасады. Екінші шабуылдан кейін алты адамнан тұратын топ келіссөздер түрінде Жергілікті полиция қызметінің бастығы Ибраев пен рота командирі Естаевты алдап шақырды.
 Осы сәтті пайдаланып, келіссөз жүргізушінің бірі бұрын сотты болған «О» есімді азамат рота командирі Естаевқа шолақ мылтықпен тіке оқ атқан. Қарсы атылған оқпен оның көзі жойылды. Естаев көптеген дене жарақаттары, үлкен қан жоғалтуымен ауыр халде реанимацияға жеткізілді, оның өмірін әрең сақтап қалу мүмкін болды», – деді Бас прокуратура өкілі.
</blockquote>
Айтуынша, 12-і сағат бойы қоршау кезінде жергілікті полиция қызметі ғимаратына 10-нан астам қарулы шабуыл жасалған.
<blockquote>
 «Оларға тойтарыс беру нәтижесінде 20 шабуылшының көзі жойылды. Мұнымен қоса, Қызылорда қаласы Полиция басқармасының ғимаратын басып алуға әрекет жасалды. Оған тойтарыс беру кезінде 4 шабуылшының көзі жойылды», – деді ҚР Бас прокуратурасының 1 қызмет бастығының орынбасары.
</blockquote>
Бас прокуратура дерегі бойынша, қаңтар оқиғасы кезінде Алматы қаласындағы жаппай тәртіпсіздіктерге 12 ұйымдасқан қылмыстық&nbsp;<a href="https://www.inform.kz/kz/kantardagy-zhappay-ereuilge-12-uyymdaskan-kylmystyk-top-katyskan-bas-prokuratura_a3921436">топ қатысқан.</a>

Бас прокуратура қаңтарда 24 қызылордалыққа табельдік қару қолдану себебін айтты

Kyzylorda-news.kz. Қызылорда облысының экс-әкімі Гүлшара Әбдіқалықованы Сыр бойының бірқатар шенеунігі құрметпен шығарып салды.
Олардың қатарында Қызылорда қаласының әкімі Ғанибек Қазантаев, облыс әкімінің орынбасарлары Қайрат Нұртай, Мархабат Жайымбетов және Балжан Шәменова бар.

Қызылорда облысының экс-әкімі Гүлшара Әбдіқалықованы құрметпен шығарып салды (ВИДЕО)

Kyzylorda-news.kz. Алаяқтар дыбысты роботтардың көмегімен қазақстандықтардың биометриялық деректерін жинақтайды. Алаяқтардың тұзағына қалай түсіп қалмауға болатыны туралы біле жүріңіз.
Алаяқтар кез келген телефон нөмірінен қоңырау соға алады. Дыбысты робот банктен, полициядан немесе кез келген басқа компаниядан хабарласып тұрғандай өзін таныстырады.
Айлакерлер ойдан құрастырылған оқиғаға адамды сендіріп, оны өзі туралы жеке және төлем мәліметтерін хабарлауды сұрайды. Артынша оның банк есепшотындағы барлық қаражатын иемденіп алады немесе “құрбанының” дауысын одан әрі заңсыз мақсатта пайдалану үшін жазып алады.
Дыбысты робот сізге қызмет көрсететін банктің қысқа нөмірінен хабарласып, бәзбіреулер сіздің атыңызға кредит рәсімдемек болғанын немесе сіздің есепшотыңыз бұғатталғанын айтады. Кез келген жағдайда қаскөйлер сізге тиісті қаражатты “резервтік есепшотқа” аударуды ұсынады.
Роботтар өздерін полиция ретінде таныстырып, сіздің атыңызда төленбеген айыппұл бар екенін хабарлайды және толығырақ ақпарат алу үшін мысалы, “1” батырмасын басуды сұрайды. Одан кейін басқа дыбысты “көмекші” іске қосылып, ол ұсынылатын ақпарат құпия екенін және оны ашу үшін бірқатар сұраққа жауап беру қажет екенін мәлімдейді. Бұл сұрақтардың арасында сіздің төлем деректеріңіз болуы ықтимал.
Сонымен қатар сіз қандай да бір ұтыс ұтып алғаныңыз жөнінде алдын ала жазылған жазбаны қолдану да кең таралған алаяқтық әдістің бірі. Сіз шынайы адам хабарласты деп ойлап, ұтысты нақтылайтын сұрақтар қоятыныңыз анық. Ал анығында сіздің дауысыңыз осы сәтте жазылып жатады.
Алаяқтар сіздің ЖСН, есепшот нөмірі немесе хабарламамен келген кодты алумен қатар, сіздің “иә” немесе “растаймын” деп айтқан дауысыңызды жазып алуды көздейді. Ол үшін робот сізге түрлі қарапайым сұрақ қояды. Алаяқтар дыбысты жазбаларды сіздің атыңыздан түрлі банк операцияларын орындау үшін қолданады.
<a href="https://sputnik.kz/20220410/alayaqtardyn-qazaqstandyqtardy-aldau-ushin-paydalanatyn-tagy-bir-adisi-anyqtaldy-24105057.html">Sputnik.kz</a>

Алаяқтардың қазақстандықтарды алдау үшін пайдаланатын тағы бір әдісі анықталды

<a href="https://kyzylorda-news.kz/">Kyzylorda-news.kz.</a> Халықаралық ғалымдар тобы ең алыс және ежелгі галактиканың ашылғанын жариялады. Бұл туралы Гарвард университетінің сайты жазды.
HD1 деп аталатын галактикадан Жерге дейінгі қашықтық 13,5 миллиард жарық жылы. Бұл қашықтық зерттеушілер атап өткендей, бүгінге дейін ең алыс GN-z11 галактикасынан 100 миллион жарық жылы алыс.
Ғалымдар галактика шығаратын ультракүлгін толқындардың шектен тыс жарықтығына назар аударды. Суретте ол кішкентай қызыл нүктеге ұқсайды, бірақ шын мәнінде ол ультракүлгін диапазонда жарқырайды. Бұл құбылыс онда болып жатқан жоғары энергетикалық процестерді көрсетеді. Астрономдардың пікірінше, жылына 100-ден астам жұлдыз осыншама жарықты қайта жасай алады және бұл көрсеткіш Ғалам дамуының алғашқы кезеңдеріндегі галактикадан 10 есе көп.
Гарвард-Смитсондық астрофизика орталығының (CfA) астрофизигі Фабио Пакуччи: “Біздің планетамыздан осындай қашықтықта орналасқан нысанның табиғаты туралы сұрақтарға жауап беру өте қиын”, – деді.
Оның айтуынша, бұл ғаламда пайда болған алғашқы жұлдыздардың қазіргі жұлдыздардан әлдеқайда үлкен және жарық болуымен байланысты болуы мүмкін. Сонымен қатар, ғалымдар галактикада осы уақытқа дейін ешқашан байқалмаған ғаламдағы ең алғашқы жұлдыздардың мекені болуы мүмкін деп болжайды.
Атап өтілгендей, HD1 Subaru, VISTA, Ұлыбританияның инфрақызыл телескопы және Spitzer ғарыштық телескопы арқылы 1200 сағаттан астам бақылаудан кейін табылды. Зерттеу тобы жақында Джеймс Уэбб ғарыштық телескопы арқылы HD1-ді қайтадан бақылап, Жерден нысанға дейінгі қашықтықты тексереді. Бұл есептеулер дұрыс болса, HD1 бұрыннан тіркелген ең алыс және ең көне галактика болады.
Астрономдар бұған дейін Құс жолынан шамамен 3 миллиард жарық жылы қашықтықта орналасқан ең үлкен галактиканы ашқан болатын. Бұл Alcyoneus деп аталатын алып радиогалактикасы. Оның ұзындығы 16,3 миллион жарық жылы.
<a href="https://massaget.kz/layfstayl/alemtanu/67758/">Massaget.kz</a>

Астрономдар ең алыс және ең көне галактиканы тапты

<a href="https://kyzylorda-news.kz/">Kyzylorda-news.kz.</a> Әлемде азық-түлік бағасының индексі 12,6 пайызға өсіп, тарихи рекорд орнатты. Бұл туралы БҰҰ-ның азық-түлік және ауыл шаруашылығы ұйымы сайтында жазылған, деп хабарлайды&nbsp;<a href="https://stan.kz/">Stan.kz</a>.
Наурыз айында индекстің орташа көрсеткіші 159,3 пунктті құрады. Ол ақпан айымен салыстырғанда 17,9 пунктіге жоғары. Индекс құрылған 1990 жылдан бастап ең жоғары көрсеткіш тіркелді.&nbsp;
Бұл өсімдік майларының, астықтың, еттің, қант пен сүт өнімдері бағасының рекордты көрсеткішке дейін көтерілуімен байланысты болып отыр.&nbsp;
Астық құнының индексі наурыз айында 17,1 пайызға жоғарылады. Ол Украинадағы соғыстың салдарынан бидай мен жем-шөп құнының өсуімен байланысты.&nbsp;
Ал бидай бағасы бір ай ішінде 19,7 пайызға, жүгерінікі — 19,1 пайызға өсті (рекордты көрсеткіш). Өсімдік майлары құнының индексі – 23,2 пайызға, қант — &nbsp;6,7 пайызға, ет – 4,8 пайызға ал сүт өнімдері – 2,6 пайызға артты.&nbsp;
Ақпан айында еурозонадағы тұтынушылық бағалар жылдық есеппен 5,8 пайызға көтерілді. Бұл қаңтар айындағы көрсеткішті (5,1 пайыз) жаңалады.

Әлем бойынша азық-түлік бағасы тарихи рекордқа дейін қымбаттады

<a href="https://kyzylorda-news.kz/">Kyzylorda-news.kz.</a>&nbsp;8 сәуір күні Геннадий Головкин 40 жасқа толды. Қазақстанның ең табысты боксшысы туралы қызықты деректерге тоқталсақ.
Геннадий Головкин бала кезінде футболды жақсы ойнаған. Футбол – оның бокстан кейінгі екінші сүйікті спорт түрі.
Боксқа деген сүйіспеншілікті жас Генаның бойына ағалары сіңірген. Бірақ Вадим және Сергей 1990 және 1994 жылдары әскерде қызмет ету кезінде қайтыс болған. Олардың қандай жағдайда қайтыс болғаны белгісіз.
Головкиннің егізі бар. Аты – Максим.&nbsp;
Бала кезінде Геннадийдің Грей атты сүйікті иті болған.
Аргентиналық Хорхе Ариэль Гарсия – Головкиннен жеңілгеннен кейін ұзақ уақыт бойы қалпына келген спортшы. 2006 жылдың қазан айында ол қазақстандықтан нокаутпен ұтылған. Гарсия рингке бес жылдан кейін ғана шықты, яғни 2011 жылдың қарашасында. Осы жылдар бойы аргентиналық денсаулығына байланысты бокс лицензиясын алуда қиындықтарға тап болды.
2014 жылы Головкин Бродвейде түсірілген «Рокки» мюзиклінде рөл ойнады. Сонымен қатар спортшының коммерциялық түсірілімде тәжірибесі бар.
2014 жылы боксшы өзінің «GGG» брендін патенттеді.
GGG-дің ең ұзақ жекпе-жегі Дэниэл Джейкобспен өтті. Қазақстандық алғаш рет рингте 12 раунд өткізді, бұған дейін Головкин 2015 жылы Мартин Мюррейге қарсы жекпе-жекте ең ұзақ жекпе-жек өткізген болатын.
Головкин аптасына кемінде үш рет жаттығады. Оның алғашқы жаттығуы таңғы жетіде басталады.
Геннадийдің әйелі Алина Головкинаның екі жоғары білімі бар, оның біреуін Германияда алған, сондай-ақ екі шет тілін меңгерген. Мансабында ол отбасын таңдады. Геннадий мен Алина 2007 жылдың 7 маусымында&nbsp; үйленген.
Еске сала кетейік, ертең, яғни 9 сәуірде Головкин Муратамен жекпе-жек өткізеді.
<a href="https://24.kz/kz/zha-aly-tar/sport/item/537702-ggg-40-zhas-a-toldy-boksshy-turaly-yzy-ty-derekter">Хабар 24</a>

GGG: Боксшы туралы қызықты деректер

Kyzylorda-news.kz. Қызылорда қаласында&nbsp; «Шанхай» аталып кеткен тұтас ауданда 40 мыңдай адам тұрады. Облыс орталығының осы бір бөлігінде балаларға арналған ойын алаңдары жоқтың қасы. Мұндағы ата-аналарды бос уақытта асыр сап, алаңда доп қумаған жеткіншектердің денсаулығы мен келешегі алаңдатады.
Кей балалар көлік ағылған көшенің бойында ойнауға мәжбүр. Ал бұл кезде ата-анасы “жанымызды шүберекке түйіп отырамыз” дейді. Тұрғындар қала басшылығының да табалдырығын талай тоздырған. Бірақ шешілген мәселе жоқ.
Шанхай ауданының тұрғыны Әлия Әлімқұлованың 6 баласы бар. Олардың үйіне жақын жерде спорт алаңқайы жоқ. Сондықтан балалар асфальт үстінде футбол ойнайды. Қызық қуған жеткіншектер көліктің астына түсе ме деп күнде алаңдап отырамыз – дейді тұрғындар.&nbsp;
<blockquote>
 “Біз бұл мәселе туралы депутат сайлаудың алдында арызданғанбыз. Көршілерден қол жинап, бәрін апарып бергенбіз. Олар мәселе қаралады, жақында бәрі болады деп айтылған. Бірақ өздеріңіз көріп тұрғандай 3 жылдың ішінде ешқандай өзгеріс болып тұрған жоқ қой. 2-3 жыл тұрмақ, 15 жыл болды ғой осы жерде тұрып жатқанымызға, ешқандай өзгеріс жоқ”, – дейді қала тұрғыны Әлия Әлімқұлова.
</blockquote>
Тұрғындардың айтуынша, тек бұл көше маңында ғана емес, 40 мың тұрғыны бар Қызылорда қаласындағы Шанхай ауданында спорт немесе жаттығу алаңдары жоқтың қасы. Ал мына жалғыз спорт кешенін бірнеше мекеме жалға алып қойғандықтан үнемі босамайды.
<blockquote>
 “222-мектеп, 253-мектеп, 212-мектеп, енді Шанхайда мектептер баршылық. Сол мектептердің футбол алаңдары шыны керек, 15-20 жыл бұрынғы әлі жаңармаған ескі алаңдар. Сол мектептегі алаңдарға арнайы газондар төсеп, футбол алаңдарын жаңартатын болса, көптеген жастарымыз сол жерге барып, кешкі уақытта футболын ойнап, спортпен жаттығатын еді”, – дейді қала тұрғыны Жасұлан Алдабергенов.
</blockquote>
Мектеп аулаларының шаңы шығып жатыр. Оқушылар топырақ үстінде доп қуалап жүр. Бұл мәселе қашан шешімін табады&nbsp; деп қалалық білім бөліміне сауал жолдадық. Мамандар мәселе қаржыға келіп тіреліп тұр деп жауап берді.
<blockquote>
 “Аталған мектептердің жоба-сметалық құжаттары дайындалып, облыстық білім басқармасының қарауына тапсырылды. Егер алдағы сессияда қаралып, мақұлданса, балаларға арналған алаңқайлар жөнделеді деп күтілуде. Және бір айта кетерлігі, жеке кәсіпкерлер&nbsp;спорттық алаңдар, ангарлар саламыз деп ұсыныс жасаса, Қызылорда қалалық білім бөлімі бұл жерлерді бөліп беруге дайынбыз. Және ол жерге спорт алаңдары салынған жағдайда, сабақтан тыс уақытта кәсіпкер пайдалана алады бұл жерлерді”, – дейді қалалық білім бөлімінің баспасөз хатшысы Жарасхан Қуанышбайұлы.
 “Спутникпен де қарадық, басына да бардық, аралау жұмысын да жүргіздік. Сол жердегі бос жатқан жерлерге осы жылы және келер жылдардағы бөлінетін бюджетке сұраныс енгізу мақсатында. Ол бюджетке сұраныс ойын алаңдарын жүргізуге. Бір комплекте дене, ойын және балалар алаңы үшеуі қосылған. Анықталған 11 жер учаскесінің басым көпшілігі сол Шанхай бетте орналасқан, мөлтек ауданда”, – дейді қалалық дене шынықтыру және спорт бөлімінің басшысы Айбек Орманов.
</blockquote>
Қаржы қашан бөлінетіні белгісіз. Мемлекеттік жекеменшік әрістестік бағдарламасы арқылы жоба бастауға ниетті кәсіпкерлердің де әзірге қарасы көріне қоймапты. Ал балалар асыр салып ойнайтын алаң болмағасын, бұрыш-бұрышта телефон шұқып отыр. Дегенмен тұрғындар балалар жылында бұл мәселе шешемін табады деп үміттенеді.
<a href="https://24.kz/kz/zha-aly-tar/o-am/item/537995-yzylordany-shankhaj-audanynda-balalar-ala-y-zho">Хабар 24</a>

Қазақстан және Қызылорда облысының жаңалықтары