<a href="https://kyzylorda-news.kz/">Kyzylorda-news.kz.</a>&nbsp;Бүгін Қазалы ауданының Ақжона ауылдық округінде жаңа медициналық бекет ашылды.
Ауылдық округке қарасты Жалпақ елді мекеніндегі жаңа нысанның ашылу салтанатына аудан әкімі Мұхтар Оразбаев қатысып, тұрғындарды қасиетті Рамазан айымен құттықтады.
Сонымен қатар, аудандағы денсаулық сақтау саласындағы жетістіктер мен оң өзгерістерге тоқталып, жаңа нысан ауыл тұрғындарының дертіне шипа табатын құтты орынға айналуына тілектестігін білдірді.
Мұнан соң, Ақжона ауылдық округі ардагерлер кеңесінің төрағасы Нұрадин Пәуешов пен Майдакөл ауылдық әйелдер кеңесінің төрайымы Күләш Лекер көпшілікті қуанышымен құттықтап, іргелі істерге ұйытқы болып жүрген ел азаматтарына алғысын айтты.
Жаңадан салынған нысан алдына аудан әкімі Мұхтар Оразбаев, аудандық мәслихат хатшысы Бақытжан Жарылқап, «AMANAT» партиясы аудандық филиалының атқарушы хатшысы Нұрғиса Жалғасбаев, аудандық мәслихат депутаты Ғазиз Әліш және тағы басқа азаматтар көшеттер отырғызып, игі тілектерін жеткізді.
Ақжона ауылдық округіне қарасты Жалпақ елді мекенінде 25 тұрғын бар. Осыған қарамастан заманауи құрал-жабдықтармен қамтамасыз етілген медициналық бекет салынғанына ауыл халқы дән риза.
<img src="https://kyzylorda-news.kz/wp-content/uploads/2022/04/278017327_3320007954886795_5472388897414932393_n.jpg" alt="" />
<img src="https://kyzylorda-news.kz/wp-content/uploads/2022/04/278023053_3320007861553471_160458652320107376_n.jpg" alt="" />
<img src="https://kyzylorda-news.kz/wp-content/uploads/2022/04/278027217_3320008031553454_677895506211023501_n.jpg" alt="" />

Қазалының ауылында жаңа медициналық бекет ашылды

<a href="https://kyzylorda-news.kz/">Kyzylorda-news.kz.</a> Бүгін облыс әкімі Гүлшара Әбдіқалықова облыстық мемлекеттік сәулет-құрылыс бақылауы басқармасының басшысы Сұлтан Мақашевтың жыл басынан бері атқарылған жұмыстар бойынша есебін тыңдады.
2022 жылдың І тоқсанында басқармаға мемлекеттік бюджет және жеке инвестициялар есебінен салынатын нысандарда құрылыс-монтаждау жұмыстарының басталғаны туралы 161 хабарлама келіп түскен. Оның 110-ы заңдылық тұрғысынан тексеріліп, тізілімге енгізілсе, 51 хабарлама анықталған кемшіліктерге сәйкес кері қайтарылған. Тізімге енгендердің 45-і (40,9%) Қызылорда қаласында, 65-і (59,1%) аудандарда орналасқан. Олардың 19-ы бюджет қаражаты есебінен, 91-і жеке қаражатқа салынып жатқан нысандар.
Жеке және заңды тұлғалардың өтініштері бойынша жалпы 3 жоспардан тыс тексеру ұйымдастырылып, анықталған бұзушылықтарды жою жөнінде 1 нұсқама берілді.
Сұлтан Мақашев құрылыс обьектілеріне бару арқылы профилактикалық сипатта тексерілетін барлығы 17 кәсіпкерлік субъектісі жоспар енгізіліп, оның 11 тексерумен қамтылып, анықталған бұзушылақтар бойынша 9 нұсқама берілгенін жеткізді.
Заңнама талаптарын бұзған тұлғаларға қатысты 2 әкімшілік іс қозғалып, кінәлі тұлғаларға айыппұл салу жазасы қолданылды. Сонымен қатар, құрылыс саласындағы заңнама талаптарын өрескел бұзған техникалық қадағалау сарапшыларына аттестаттарын тоқтатуға дейінгі қатаң жаза қолдану практикасы да жүзеге асуда.
Аймақ басшысы құрылыс жұмыстарының сапасын үнемі бақылауда ұстап, заң бұзушылыққа жол бермеу қажет екенін айтты. Жаңа нысандарда мүмкіндігі шектеулі азаматтарға қолайлы жағдай жасауды, міндетті түрде пандустың ыңғайлы болуын тапсырды. Сондай-ақ, жеке және заңды тұлғалардың өтініштерін дер кезінде қарап, электронды қызмет көрсету бағытын дамытуды жүктеді.
Айта кету керек, есепті мерзімде электронды мемлекеттік қызмет жүйесі порталы арқылы тұрғындарға 466 қызмет көрсетілді. Сондай-ақ, «Азаматтарға арналған үкімет» электронды жүйесі арқылы 161 обьектіні пайдалануға қабылдау актісі келіп түсіп, оның 99 есепке алынса, 62 заңнама талаптарына сәйкес ресімделмеуі себепті кері қайтарылды.

Аймақ басшысы құрылыс жұмыстарының сапасын үнемі бақылауда ұстау қажет екенін айтты

<a href="https://kyzylorda-news.kz/">Kyzylorda-news.kz.</a> Қызылорда облыстық «Кызылординские вести» газетінің бас редакторы болып Исаев Жәнібек Мырқыұлы тағайындалды.
Жәнібек Исаев 1971 жылы 5 мамырда Қызылорда қаласында дүниеге келген.
1991-1995 жылдары Ы.Жақаев атындағы Қызылорда политехникалық институтын бітірген.
Еңбек жолын 1988 жылы Қызылорда қалалық жөндеу-құрылыс бөлімінің ағаш шебері болып бастаған.
1989-1991 жылдары – КСРО, Нарын, Қырғыз КСР МҚК Шекара әскерлерінің 2058 және 2545 әскери бөлімдерінде қызмет етті.
1998-2000 жылдары – монтажшы, «Химмонтаж» АҚ бригадирі;
2001-2007 – Қазақстан Республикасы Ұлттық қауіпсіздік комитеті Шекара қызметінің 2019 әскери бөлімінде қызмет өткеру (отряд командирі, радиолокациялық станцияның аға шебері, РЛПВ жөндеу шеберханасының бастығы, инженерлік-техникалық қару қоймасының бастығы);
2007-2009 – «Жас өркен» колледжі директорының орынбасары, сырттай – алғашқы әскери дайындық пәнінің оқытушы-ұйымдастырушысы;
2009-2018 жылдары – «Қызылорда вести» облыстық газетінде тілші-аудармашы, хатшының көмекшісі;
2018 жылдың ақпаны – 2020 жылдың қаңтары – <a href="https://kyzylorda-news.kz/">Kyzylorda-news.kz</a> ақпараттық агенттігі редакторының орынбасары;
2020 жылғы қаңтар-қыркүйек – облыстық «Кызылорда вести» газетінің жауапты хатшысы;
2020 жылдың қыркүйек айынан қазіргі уақытқа дейін – Текей батыр Қарпықұлы атындағы жоғары колледжінің директоры болып қызмет атқарды.
Жәнібек Мырқыұлы – «Комсомольская правда в Казахстане» республикалық қоғамдық-саяси газеті және Zakon.kz ақпараттық порталының штаттан тыс тілшісі.

Қызылорда облыстық «Кызылординские вести» газетіне бас редактор тағайындалды

<a href="https://kyzylorda-news.kz/">Kyzylorda-news.kz.</a> Биылғы жылдың бірінші жартыжылдығына арналған санитариялық-эпидемиологиялық саламаттылығы саласында ерекше тәртіп бойынша тексерулер кестесіне сәйкес 52 объекті тексерілді.
Тексері нәтижесінде санитариялық ережелерді бұзған 2 нысан анықталды. Осыған сәйкес, бұл нысандарға 964 745 теңгеге 5 айыппұл салынды.
Облыс көлемінде биылғы жылдың 3 айында орталықтандырылған ауыз судың санитариялық химиялық көрсеткіштеріне 189 су сынамасы алынды. Оның ішінде 12 үлгі белгіленген талаптарға сәйкес келмеді, су сапасының сәйкессіздігі (құрғақ қалдық, хлоридтер, сульфат көрсеткіштері бойынша) 6,3 пайызды құрады.
Сонымен қатар ауыз судың микробиологиялық көрсеткіштеріне 253 су сынамасы алынып, сәйкессіздік анықталған жоқ.
<img src="https://kyzylorda-news.kz/wp-content/uploads/2022/04/277754781_1505313546530819_3665860266035884957_n.jpg" alt="" />

Қызылордада санитариялық ережені бұзған 2 нысанға айыппұл салынды

<a href="https://kyzylorda-news.kz/">Kyzylorda-news.kz.</a> ҚР Президенті Қасым-Жомарт Тоқаев 2022 жылды «Балалар жылы» деп жариялаған болатын. Осыған орай, аталған жылдың арнайы логосы бекітілді.
<img src="https://kyzylorda-news.kz/wp-content/uploads/2022/04/277764555_1505757936486380_4561235614063529227_n.jpg" alt="" />

«Балалар жылы»: Арнайы лого бекітілді

<a href="https://kyzylorda-news.kz/">Kyzylorda-news.kz.</a> Инфляция дәлізінің өзгеруіне байланысты зейнетақы мен жәрдемақы тағы индексацияланады. Нақтыланған бюджетте оған 111 миллиард теңге қарастырылған. Бұл туралы премьер-министрдің орынбасары Ералы Тоғжанов мәлімдеді, деп хабарлайды&nbsp;<a href="https://stan.kz/">Stan.kz</a>.
Ол күні кеше үкімет маңызды шешім қабылдағанын еске салды.
<blockquote>
 «Инфляция дәлізінің 8-10%-ке дейін өзгеруіне байланысты зейнетақы мен жәрдемақы мөлшерін қосымша тағы 4%-ке индексациялау жоспарланып отыр. Бұл жиынтық мәнде барлық әлеуметтік төлемнің 9%-ке, ал ынтымақты зейнетақының 2021 жылға қарағанда 11%-ке өсуін қамтамасыз етеді», – деді Тоғжанов мәжіліс отырысында.
</blockquote>
Нәтижесінде 4,2 миллион адамның әлеуметтік төлемі ұлғаяды.
Бұл мақсатқа нақтыланған бюджетте 111 миллиард теңге көзделген.
Жалпы әлеуметтік міндеттемелерді орындауға бюджеттен 4 триллион теңге қарастырылған. Бұл өткен жылмен салыстырғанда 230 миллиард теңгеге артық.

Қазақстанда зейнетақы мен жәрдемақы қайта есептеледі

<a href="https://kyzylorda-news.kz/">Kyzylorda-news.kz.</a>&nbsp;Қазақстан бойынша 2022 жылдың 7-9 сәуіріне арналған ауа райы болжамы жарияланды.
Алдағы үш тәулікте, атмосфералық фронтальді бөліктердің өтуіне байланысты республика аумағының басым бөлігінде тұрақсыз ауа райы күтіледі: қар және жаңбыр түрінде жауын-шашын жауады, оңтүстікте ­– найзағай мен жаңбыр, оңтүстікте, елдің орталығы мен шығысында – жаңбыр түрінде қатты жауын-шашын күтіледі. Республика бойынша тұман, желдің күшеюі байқалады. Республиканың солтүстік жартысына Батыс антициклоны әсер етеді, онымен кезең соңында жауын-шашынсыз ауа райы болады деп болжануда.

Алдағы үш күнде ауа райы қандай болады?

<a href="https://kyzylorda-news.kz/">Kyzylorda-news.kz.</a>&nbsp;Биыл Қазалы ауданы Әйтеке би кентіне жақын орналасқан Жалаңтөс батыр, Қ.Пірімов және Басықара ауылдарын газдандыру жұмыстары басталды.
Қазіргі таңда Қ.Пірімов пен Басықара ауылдарындамердігер мекеме тарапынан құрылыс жұмыстары қарқынды жүргізіліп жатыр.
Бүгін аудан әкімі Мұхтар Оразбаев пен аудандық мәслихат хатшысы Бақытжан Жарылқап құрылысын жұмыстарының барысын көрді. Қос елді мекендегі атқарылып жатқан жұмыстар туралы аудандық құрылыс, сәулет және қала құрылысы бөлімінің басшысы Нұрбек Күзембаев баяндады.
Аудан басшысы Мұхтар Әуесұлы құрылыс жұмыстарын сапалы әрі уақытылы аяқталуын қадағалауды тиісті бөлім басшысына тапсырды. Сонымен қатар, құрылыс жұмыстарына жергілікті жердің тұрғындарын жұмысқа алуды назардан тыс қалдырмау қажеттігін айтты.
Аудан әкімі Мұхтар Оразбаев Басықара ауылына кіре беріс жолда салынып жатқан көпір құрылысына да арнайы барып, атқарылып жатқан жұмыстарды сынға алды.
Аудан басшысы мердігер мекеме «Жылу ХХІ» ЖШС директоры Көпжан Бижановқа көпір құрылысы белгіленген кестеден кешігіп келе жатқанын ескертіп, алдағы күндері жұмысты ширату қажеттігін айтты.
<img src="https://kyzylorda-news.kz/wp-content/uploads/2022/04/05-1.jpg" alt="" />
<img src="https://kyzylorda-news.kz/wp-content/uploads/2022/04/08.jpg" alt="" />

Қазалы ауданының бірнеше ауылдарында газдандыру жұмыстары басталды

<a href="https://kyzylorda-news.kz/">Kyzylorda-news.kz.</a>&nbsp;Жоғары оқу орындарында студенттердің мамандығы бойынша жұмысқа орналасуына жәрдемдесетін 100-ден аса Карьералық орталық құрылады. Бұл туралы Мәжілістің жалпы отырысында ҚР Премьер-Министрінің орынбасары Ералы Тоғжанов айтты, деп хабарлайды <a href="https://lenta.inform.kz/kz/kazakstanda-239-zhana-mamandyk-payda-bolady-eraly-togzhanov_a3919677">ҚазАқпарат</a>.
<blockquote>
 «Бүгінде тәжірибесі және таңдаған мамандығына сұраныстың аздығынан жастардың жұмысқа орналасу мүмкіндігі шектеліп отыр. Бұл мәселені өздеріңіз де көтеріп жүрсіздер. Бұған қоса Қазақстанда 129 мамандық жойылып барады, 95-і трансформациялануда, 239 жаңа мамандық пайда болады. Осыған орай, халықаралық тәжірибеге сәйкес жұмысқа тұрудың тиімді жолы ретінде, Павлодар облысының 15 колледжі базасында Жаңа кәсіптер атласы әзірленіп, тәжірибеден өтті», – деді Е. Тоғжанов.
</blockquote>
Оның айтуынша, соның нәтижесінде кадрларға қажеттіліктің 17 өңірлік картасы әзірленіп, қолданысқа енгізіледі. Сондай-ақ мектептерде 7 сыныптан бастап мамандық таңдауға баулитын «педагог-кәсіптік бағдар беруші» маманы енгізіледі. Бұл жұмыстарға депутат Саясат Нұрбек жетекшілік ететін болады.
<blockquote>
 «Сонымен қатар колледждер жанынан студенттерге тәжірибе жинақтауға мүмкіндік беретін 100 шағын кәсіпорын құрылмақ. Осындай тәсіл сәтті іске асқан Ақтөбе қаласындағы Экономика, бизнес және құқық колледжінің 188 студентінің 144-і оқуын оқи жүріп жұмысқа орналасты. Алғаш рет жоғары оқу орындарында студенттердің мамандығы бойынша жұмысқа орналасуына жәрдемдесетін 100-ден аса Карьералық орталық құрылады», – деді Үкімет басшысының орынбасары.
</blockquote>

Ералы Тоғжанов: Қазақстанда 239 жаңа мамандық пайда болады

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Гүлшара Әбдіқалықова «Петро Қазақстан Инк» АҚ басқарма төрағасы, «Петро Қазақстан Құмкөл Ресорсиз» АҚ Президенті Ян Миньюймен кездесіп, ұжымдық мәселелерде қабылданған шараларды талқылады.
Жиынға облыс әкімінің орынбасарлары Мархабат Жайымбетов пен Балжан Шаменова, облыс әкімінің аппарат басшысы Ерлан Райғаниев, «Қазақстан мұнай-газ кешені Қазақстан өнеркәсіптік одағы» қоғамдық бірлестігінің төрағасы Сұлтан Қалиев және тиісті басқарма басшылары қатысты.
Отырыста Ян Миньюй және компанияның экономикалық жоспарлау және еңбек ресурстары жөніндегі директорлары ұйымдағы әлеуметтік және экономикалық жағдайды таныстырып, сәуірден бастап қызметкерлердің, оның ішінде 4-ші және 5-ші санаттағы операторлардың жалақысы артатынын және бірқатар ынталандыру үстемеақылары мен материалдық көмек төлемдері төленетінін жеткізді.
Сондай-ақ, компания басшылығы кен орнына барып, еңбекақы мәселесіне қатысты оңтайлы шешімдерін жеткізіп, жұмысшыларымен кездесу өткізетінін атап өтті.
Кездесу барысында аймақ басшысы компания тарапынан қабылданған шешімдерге сәйкес наразылық білдірушілердің басым бөлігі кен орындарының жұмысшылары екенін ескере отыра, жалақыны негізінен өндірістік персоналға көтеруді ұсынды.
<blockquote>
 «Дәл сіздің компания қызметкерлердің әлеуметтік мәселесіне қатысты тиімді шешім қабылдауы тиіс. Өйткені, аз мөлшерде табыс алатын жұмысшылардың айлығы көтерілгенде ғана ұжымдағы жағдай қалыпты болмақ. Сонымен бірге Үкімет деңгейінде мұнайды 5 мың метрге дейін бұрғылау жүргізуге рұқсат берілді, бұл мәселе Қызылорда облысы үшін де қолайлы болмақ. Сол себепті де бұрғылау жұмыстарына сіздің де компания белсенді түрде қатысу керек деп санаймыз», – деді облыс әкімі.
</blockquote>
Мұнайшылардың еңбек жағдайын саралаған аймақ басшысы тараптар арасында өзара келісімге келіп, оң нәтижеге бағытталған шешім қабылдауға шақырды.
<img src="https://kyzylorda-news.kz/wp-content/uploads/2022/04/277779374_276090138045571_5361075424455794612_n.jpg" alt="" />
<img src="https://kyzylorda-news.kz/wp-content/uploads/2022/04/277765776_276090244712227_1437613236917729240_n.jpg" alt="" />

Гүлшара Әбдіқалықова: Жұмысшылардың айлығы көтерілгенде ғана ұжымдағы жағдай қалыпты болмақ

<a href="https://kyzylorda-news.kz/">Kyzylorda-news.kz.</a> 6 сәуір күні Қазақстан аумағында жауын-шашынсыз ауа райы сақталады, деп хабарлайды Қазгидромет.
Елдің солтүстігінде, батысында, орталығы мен оңтүстігінде, сондай-ақ таулы аймақтарда жаңбыр жаууы ықтимал. Республика бойынша желдің күшеюі, солтүстікте, батыста – тұман, оңтүстік-батыста – шаңды дауыл, оңтүстікте, таулы аймақтарда найзағай болжанады.
Күндіз&nbsp;Қызылорда облысының&nbsp;шығысында найзағай ойнап, орталығында желдің екпіні 15-20 м/с құрайды.

6 сәуірге арналған ауа райы болжамы

Kyzylorda-news.kz. Сәуір айынан бастап жаңа бизнес-идеяларды іске асыруға берілетін қайтарымсыз грант беру шарттарына да өзгерістер енгізілді. Мемлекеттік грант мөлшері 1 225 200 теңгені құрайтын болады. Бұл туралы бүгін Өңірлік коммуникациялар қызметінде өткен баспасөз конференциясында облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары Жанар Дәулетбаева мәлімдеді.
Айта кету керек, бұған дейін мемлекеттік гранттарға барлық санаттағы азаматтар үміткер бола алса, биылдан бастап тек 29 жасқа дейінгі жастар мен әлеуметтік осал топтарына жататын азаматтар ғана грант ала алады.
<blockquote>
 “Әлеуметтік осал топтарына атаулы көмек алушы отбасы мүшелері, көп балалы отбасылардың мүшелері, мүгедектер, мүгедек баланы тәрбиелеушіге берілетін жәрдемақыны алатын адамдар және қандастар жатады. Грант беру процесі биыл электронды түрде өтеді. Бұл ретте үміткерлер өтінімдерін 1 наурыздан бастап іске қосылатын «Еңбек-Бизнес» порталына ЭЦҚ арқылы тапсыратын болады”, – деді Ж.Дәулетбаева.
</blockquote>
Сонымен қатар, аталған санаттағы азаматтар жұмыспен қамту органдарында тіркеуде тұрған жұмыссыздар немесе мәртебесін ресімдеу мерзімі 1 жылға дейінгі жеке кәсіпкерлер немесе Бірыңғай жиынтық төлем төлеушілер немесе жеке қосалқы шаруашылықта жұмыс істейтін азаматтар қатарынан болуы тиіс.
Комиссия отырысында үміткер бастапқы бизнес жобасын таныстырады.
Гранттар тұтынушылық мақсаттарға, кредиттік қарыздарды өтеуге, жылжымайтын тұрғын үй сатып алуға және салуға, жер учаскелерін сатып алуға, акцизделетін өнімдер өндіруге берілмейді. Гранттар бір рет беріледі.
<hr />

Қазақстан және Қызылорда облысының жаңалықтары