<a href="https://kyzylorda-news.kz/">Kyzylorda-news.kz</a> Қызылорда қаласында алғаш рет қазақтың рухы мен батыр болмысын дәріптеуге бағытталған «Қажымұқан жолы» атты республикалық турнирдің өңірлік іріктеу кезеңі ұйымдастырылды.Алып күш иелерін анықтауды мақсат еткен спорттық шара төрт дүркін әлем рекордшысы Сергей Цырульниковтың авторлық бағдарламасымен жүргізілді.Сондай-ақ, аталмыш шараның негізгі идеясын үйлестіруші, «Қазақстан спортшылар одағы» республикалық қоғамдық бірлестігінің төрағасы Азамат Қарлығашов Қажымұқан Мұңайтпасұлының ел тарихындағы айрықша орны мен ерлігін дәріптеудің маңыздылығына тоқталып өтті. Сондай-ақ, сайысқа қатысушыларға сәттілік тілеп, батыр бабамыздың жолын жалғап жүрген өрендердің қажыр-қайратына сенім білдірді.<img src="https://knadmin.beoblood.kz/uploads/2_71e898c37c.jpg" alt="2.jpg">Турнир барысында Қажымұқан Мұңайтпасұлының негізгі жаттығу әдістері көпшілікке көрсетілді. Көрермендер ұлы балуанның күш-жігерін паш еткен тарихи жаттығуларды тамашалап, ерекше әсерге бөленді.Одан кейін жарыс қатысушылары 60-тан 100 килограмға дейінгі ауыр тастарды көтеріп, темірді майыстырып, білектің қуатын сынады. Сонымен қатар балуандар белдесуі өтті.Жарыс соңында мықтылар арасында топ жарған жеңімпаздар марапатталып, арнайы сый-сияпатқа ие болды.Ендігі кезекте жеңімпаз қатысушылар Астанада өтетін республикалық жарыстың ақтық кезеңінде күш сынасатын болады.Фото: Қызылорда облысының дене шынықтыру, спорт және туризм басқармасы

Сыр өңірінде алғаш рет «Қажымұқан жолы» атты ұлттық күш турнирі өтті

<a href="https://kyzylorda-news.kz/">Kyzylorda-news.kz</a> &nbsp;Қызылорда облысында алаяқтыққа қатысы бар күдіктілер ұсталды, — деп хабарлады<a href="https://polisia.kz/qyzylorda-oblysynda-alayaqtyqqa-qatysy-bar-kudiktiler-ustaldy/"> Polisia.kz.</a>&nbsp;Қызылорда облысы полиция департаментінің Жалағаш аудандық полиция бөліміне жергілікті тұрғын арызданған. Ол интернет арқылы Toyota Camry 20 автокөлігіне қызығушылық танытып, көлікті сатамын деген бейтаныс азаматпен байланысып, көлікке алдын ала төлем ретінде 500 000 теңге аударған.&nbsp;Артынша хабарландырудың жалған екендігін түсінген. Кешенді жедел-іздестіру шараларының нәтижесінде алаяқтықпен айналысқан екі облыс тұрғыны анықталды.Қызылорда облысы полиция департаментінің киберқылмысқа қарсы іс-қимыл басқармасы мен Жалағаш ауданы полиция бөлімінің қызметкерлері бірлесіп, арнайы жедел-тергеу тобы құрылды.&nbsp;Тергеу нәтижесінде екі күдікті Астана қаласынан ұсталды. Күдіктілер уақытша ұстау изоляторына қамалды. Тергеу барысында күдіктілер кінәларын толық мойындап, жәбірленушіге келтірілген материалдық шығынды толық өтеді. Күдіктілер сот шешімімен қылмыстық жауапкершілікке тартылды.Фото: polisia.kz<figure class="media"><div data-oembed-url="https://youtu.be/BNm2wqiAG98"><div style="position: relative; padding-bottom: 100%; height: 0; padding-bottom: 56.2493%;"><iframe src="https://www.youtube.com/embed/BNm2wqiAG98" style="position: absolute; width: 100%; height: 100%; top: 0; left: 0;" frameborder="0" allow="autoplay; encrypted-media" allowfullscreen=""></iframe></div></div></figure>

Қызылорда облысында алаяқтыққа қатысы бар күдіктілер ұсталды 

<a href="https://kyzylorda-news.kz/">Kyzylorda-news.kz</a> Ұлттық Банктің Антифрод орталығы,н Қаржы нарығын реттеу және дамыту агенттігі, ҚР ІІМ Киберқылмыспен күрес департаменті және банктер қаржылық алаяқтыққа қарсы іс-қимыл бойынша студенттерге арналған оқыту циклін бастайды. Семинарлардың негізгі мақсаты – жас ұрпақтың бойында қаржылық алаяқтықтың ең көп таралған түрлері туралы білімді қалыптастыру, қауіпті жағдайларды тануға үйрету және нақты және цифрлық ортада қауіпсіз іс-қимыл дағдыларын дамыту, сол арқылы ақшаны, жеке деректерді жоғалту тәуекелдерінің және ауыр құқық бұзушылықтардың алдын алу.Семинарлар 11 қыркүйекте Астанада Қазақ ұлттық хореография академиясында және Esil University-де өтеді. Антифрод орталық, ҚНРДА, киберполиция мамандары алаяқтық схемалары туралы нақты мысалдар келтіре отырып, вишинг (телефон алаяқтығы), дропперлік, жалған инвестициялау, жалған дүкендер, әлеуметтік желілердегі алаяқтық, фишингтік сілтемелер/сайттар туралы айтып береді.Бас прокуратураның мәліметінше, 2024 жылы 128&nbsp;дроппер жауапқа тартылып, 59 алаяқтық топ әшкереленді. Өткен жылы 800&nbsp;талап-арыз бойынша сот арқылы 1&nbsp;млрд теңгеден астам қаражат өндірілді.Сондай-ақ, Қаржылық мониторинг агенттігінің ақпараты бойынша, 2024 жылы ақшаны жылыстату үшін пайдаланылған 6200 дроп-карта анықталды, олар бойынша жиынтық айналым – 24&nbsp;млрд теңгені құрады. Интернет-банкингке қол жеткізу үшін бөгде тұлғаларға ресімделген SIM-карталар қолданылды.<blockquote>Ағымдағы жылғы 16 қыркүйеқтен бастап Қазақстанда дропперлік схемаларға қатысқаны үшін қылмыстық жауаптылық көзделген.</blockquote>Семинарлар барысында Fingramota.kz жобасы қатысушыларға қаржылық қауіпсіздік қағидалары туралы ғана емес, қаржы өнімдерін сауатты пайдалану, жеке бюджетті жинақтау және бақылау дағдыларын қалыптастыру туралы да түсінік береді.Семинарлар Елордада басталып, ағымдағы жылдың соңына дейін еліміздің барлық университеттерінде тегін негізде өтеді.Источник: <a href="https://fingramota.kz/kk/news/post/elordany-biratar-universitetinde-arzhyly-auipsizdik-bojynsha-seminarlar-tedi">fingramota.kz</a> &nbsp;

Елорданың бірқатар университетінде қаржылық қауіпсіздік бойынша семинарлар өтеді

<a href="https://kyzylorda-news.kz/">Kyzylorda-news.kz</a> &nbsp; Қызылорда облысында полиция көші-қон заңнамасын бұзған азаматтарды анықтады, - деп хабарлайды Polisia.kz.&nbsp;Заңсыз көші-қонды болдырмау және алдын алу, шетелдіктердің көші-қон заңнамасын бұзу фактілерін анықтау мақсатында осы жылдың қыркүйек айының 9 мен 11 аралығында облыс аумағында "Заңсыз келуші - 2025" іс-шарасы өткізілді.&nbsp;Іс-шараның 3 күн нәтижесінде жалпы 138 құқық бұзушылық анықталды. Оның ішінде, шетел азаматтарымен жасалған 74 әкімшілік құқық бұзушылықтар анықталса, оның ішінде 11 адам республика аумағынан аластатылды.&nbsp;Мысалы 35 жастағы Өзбекстан елінің азаматы заңға сәйкес республика аумағынан аластатылды. Шетелдіктердің болу ережелерінің сақталуын қамтамасыз етпеген ҚР-ның 181 азаматына қатысты әкімшілік шаралар көрілді.Фото: Polisia.kz&nbsp;

Қызылорда облысында полиция көші-қон заңнамасын бұзған азаматтарды анықтады

<a href="https://kyzylorda-news.kz/">Kyzylorda-news.kz</a> ҚР Ұлттық кітапхана басшысы Ғазиза Нұрғалиева Қазалы ауданына жұмыс сапарымен келді. Сапар барысында алдымен Ұлттық кітапхана басшысы аудан әкімінің орынбасары Дәурен Тлеумбетов пен бірге аудан орталығындағы «Руханият» орталығымен және орталықта орналасқан аудандық кітапхананың жұмысымен танысты.Биылғы жылдың басында пайдалануға берілген «Руханият» орталығындағы неке қию залы, кітапхана, музей, архив, жастар сарайы, ардагерлер мен аналар үйі келушілерге тұрақты қызмет көрсетуде. Орталықтың жұмысы туралы Ұлттық кітапхана басшысына Дәурен Оңғарбайұлы толықтай таныстырып өтті.Бүгінде Қазалы ауданындағы барлығы 26 кітапханада 577 - мыңнан астам кітап қоры жинақталған болса, «Руханият» орталығындағы аудандық кітапхананың өзінде 49677 кітап қоры бар. Бүгінде жаңа, заманауи ғимаратқа көшірілген кітапханаға келушілердің де саны өскен. Бүгінде орталық кітапхананың 5500- ден астам тұрақты оқырманы бар. Кітапхана жұмысымен танысу барысында Ғазиза Нұрғалиева арнайы Қазалы аудандық кітапхана қорына Ұлттық кітапхана тарапынан 1000 дана кітап беретін айтты.Ұлттық кітапхана басшысы «Руханият» орталығынан кейін Өркендеу ауылдық округінде орналасқан көне Жанкент қалашығына барып, ондағы археологиялық қазба жұмыстарының нәтижесінде табылған тарихи жәдігерлермен танысты.Жанкент қалашығы – Қазалы ауданындағы республикалық маңызы бар тарих және мәдениет ескерткіші. Қазақстанның ортағасырлық, соның ішінде түркі-оғыз тайпаларының тарихын зерттеудегі маңызды нысан. VІІ–XII ғасырлардағы Сыр бойындағы ірі қалалардың бірі, Оғыз қағанатының астанасы саналған. Мұнда 2014 жылдан бері қазақстандық және шетелдік археологтардың қатысуымен кешенді зерттеу жүргізілуде.Көне шахардың тарихымен танысқан Ғазиза Құдайбергенқызы тарихи құнды қазынамыз, жәдігерлерімізді келер ұрпаққа мұра етіп қалдыру, оны насихаттау жұмыстары үздіксіз жалғаса беру керектігін жеткізді.Ұлттық кітапхана басшысы Ғазиза Нұрғалиева Әйтеке би кентіндегі абаттандыру және құрылыс жұмыстары жүргізілген Қазалы мәдени-демалыс кешенінің де жұмысымен танысты.

ҚР Ұлттық кітапхана басшысы Қазалы ауданына барды

<a href="https://kyzylorda-news.kz/">Kyzylorda-news.kz</a> Танымал әнші Балжан Бидаштың қазақ жігіттеріне қатысты айтқан пікірі жұртқа жақпай қалды. Бұл туралы <a href="https://stan.kz/kazak-zhigitine-shiksa-bakitsiz-boladi-balzhan-bidashtin-pikiri-kogamda-dau-tudirdi-423384/">Stan.kz</a> ақпарат агенттігі хабарлады.Өнер иесі “Сыр” бағдарламасында қонақ болды.<blockquote>"Көбі қазақ жігіттеріне ешкім жетпейді деп жатады. Мысалы, құрбым Фаризаның күйеуі –&nbsp;орыс. Фариза қазақ жігітіне шықса, жылап, бақытсыз өмір сүреді. Көзінен нұры жоғалып, қатты бақытты болмайды. Ал қазір ол Андреймен бақытты. Әрине, қазақтың саны көп болуы керек. Бірақ сенің басқа ұлттың азаматымен әңгімең жарасып, іштей шын бақытты бола алатын болсаң, мен қарсы емеспін. Менің ойым осы", –&nbsp;деді әнші.</blockquote>Желі қолданушылары әншінің сөзін қызу талқылап жатыр.<blockquote>“Тексіздік сөзі”, “Оны тікелей Жаханға айтсаң болады”, “Өзі жақында басқа ұлтқа шығатын сияқты”, “Қазақ жігітінің қадірін түсіріп тастады”, “Махаббат ұлтқа қарамайды”, “Балжанды қатты құрметтейтін едім”, – деп жазды көпшілік.&nbsp;</blockquote>Фото:&nbsp;https://www.instagram.com/bidash_official/

"Қазақ жігітіне шықса, бақытсыз болады": Балжан Бидаштың пікірі қоғамда дау тудырды

<a href="https://kyzylorda-news.kz/">Kyzylorda-news.kz</a>&nbsp; Құрметті Қызылорда қаласының тұрғындары мен қонақтары!!! Сіздерді қыркүйек айының &nbsp;24-ші жұлдызы күні, сағат 19:00-де, Қызылорда облыстық филармониясы Өнер орталығында өтетін ҚР Мемлекеттік Әнұранның авторы, Қазақстанның халық әртісі, Еңбек ері ұлы композитор Шәмші Қалдаяқовтың &nbsp;95 жылдық мерей тойы аясында ұйымдастырылған «Ән аға - &nbsp;жан аға» атты мерекелік концерті өтеді. Кеште Ш.Қалдаяқов атындағы Түркістан облыстық филармония өнерпаздары, «Сүгір» атындағы қазақ ұлт аспаптар оркестрі, «Фараб», «Ғасыр» би ансамблдері өнер көрсетеді. Келіңіздер! Әсерлі кештің куәсі болыңыздар! Билеттер тикетон сайтында сатылады. Байланыс номері 8 707 565 91 91

Қызылордада «Ән аға – жан аға» атты мерекелік концерт өтеді

<a href="https://kyzylorda-news.kz/">Kyzylorda-news.kz</a> &nbsp;AMANAT&nbsp;партиясының облыстық филиалының төрағасы Алмасбек Есмахановтың қатысуымен партияның облыстық филиалы жанындағы «Білім және Денсаулық сақтау мәселелері» жөніндегі аймақтық кеңестің отырысы өтті.Жиынның күн тәртібінде оқу жылына дайындық және білім беру ұйымдарында ерекше білім беру қажеттіліктері бар балалар үшін жағдай жасау мәселелері талқыланды.Жалпы өңірде 339 мектеп жұмыс жасайды. Олардың 300-і мемлекеттік, 39-ы жекеменшік білім ордалары. Оларда 2025 - 2026 оқу жылында 1 - 11 сыныпта 189 288 оқушы білім алуда. Олардың 17 665-і алғаш мектеп табалдырығын аттағандар. Өткен оқу жылымен салыстырғанда оқушылар саны 4364 балаға артқан.Оқушылардың сапалы білім алуы үшін 1,9 млрд тг қаржы бөлініп, мектептер оқулық, оқу-әдістемелік кешендермен толық қамтамасыз етілген. Жыл басынан облыс бойынша 2,4 млрд. теңгеге 9 мектеп күрделі жөндеуден, 56 мектепке 1,6 млрд. теңгеге ағымдағы жөндеу жүргізілген. Әлеуметтік осал отбасыларындағы балаларды керек - жарақтармен қамтамасыз ету бойынша Қазақстан Республикасы Үкіметінің 25.01.2008 ж. №64 қаулысына сәйкес жалпы білім беру ұйымдарда 5 категория бойынша 46 228 теңгеден 40 470 бала қаржылай көмекпен қамтамасыз етілген.Жиын барысында облыстық білім басқармасының «Мектепке дейінгі орта білім беру» бөлімінің басшысы Нұрлан Даулеталиев ерекше білім беру қажеттіліктері бар балалар үшін жасалып жатқан жұмыстарды атап өтті.<blockquote>«Білім беру ұйымдарында психологиялық - педагогикалық қолдау қызметі жұмыс жасайды. Жаңа оқу жоспарында негізгі басымдық баланың танымдық қабілеттерін дамытуға беріледі. Бұған ойлау, есте сақтау, зейін, қабылдау және зерттеушілік дағдыларды жетілдіруге бағытталған тапсырмалар мен сабақ түрлері енгізіледі. Әр оқушыға оқу жоспары негізінде жеке дамыту бағдарламасы әзірленеді. Бұл бағдарламада тек пәндік білім ғана емес, сонымен қатар баланың танымдық, коммуникативтік және әлеуметтік дағдыларын дамыту көзделеді», дейді Нұрлан Даулеталиев.</blockquote>Жиын барысында кеңес мүшелері бөлім басшысына сауалдарын қойып, жұмысты жетілдіруге қатысты ұсыныс пікірлерін білдірді. Көтерілген ұсыныстар хаттамаланып, жұмыс бабында қолдауны ұсынылды.&nbsp;

Жаңа оқу жылына дайындық жұмыстары сараланды

<a href="https://kyzylorda-news.kz/">Kyzylorda-news.kz</a> &nbsp;Цифрлық контент – ұлттық мүдденің тірегі. Қазіргі таңда ақпараттық технологиялар мен жасанды интеллект өмірдің барлық саласын қамтып, әлемдік дамудың жаңа бағытын қалыптастырып отыр. Көптеген мемлекеттер экономикалық өсімнің тың көзін – креативті индустрияны басты басымдық ретінде қарастыра бастады. Мұндай жағдайда Қазақстан үшін ұлттық цифрлық контентті қалыптастыру мен дамыту – тек ақпараттық қауіпсіздік пен технологиялық дербестіктің кепілі ғана емес. Бұл еліміздің ғаламдық цифрлық алпауыттарға тәуелділігін азайтып, өз ақпараттық кеңістігімізді бекемдеуге бағытталған стратегиялық бастама.Президент Қасым-Жомарт Тоқаевтың биылғы 8 қыркүйектегі «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу» атты Қазақстан халқына Жолдауында «Қазақстан үш жыл ішінде міндетті түрде жаппай цифрлық ел болуы керек» деген сөзі осы бағыттағы басты ұстанымның айқын көрінісі.Ұлттық цифрландыру ісіне серпін берген жобалар. Ғаламдық технологиялық прогрестен қалыс қалмау – еліміздің алдында тұрған басты міндеттердің бірі. Осы бағытта ұлттық телекоммуникация операторы «Қазақтелеком» қолға алған жобалар ерекше назарға ие.Компания тек отандық цифрлық платформаларды дамытып қана қоймай, білім беру жүйесін цифрландыруға да айтарлықтай үлес қосып келеді. Соның жарқын мысалы, TV+ платформасы арқылы республика оқушыларына қолжетімді болып отырған mektep-online.kz жобасы.Қазақстандағы 8 мыңға жуық мектеп пен 4 миллиондай оқушы үшін сапалы білімге қолжетімділікті арттыру – уақыт талабы. TV+ платформасында «Back to school» акциясымен ұсынылған бейнесабақтар кез келген өңірдегі оқушыларға тең мүмкіндік беруде. Жоба жетекшісі Сандуғаш Рахимжанова атап өткендей, бұл бастама білім алуға мүмкіндігі шектеулі балаларға да толыққанды қолдау көрсетеді.Платформада математика, физика, химия, биология, геометрия пәндері бойынша 5536 бейнесабақ, әдістемелік нұсқаулықтар мен тест тапсырмалары бар. Мұғалім үшін – уақыт үнемдеудің, ата-ана үшін – баласының білімін бақылаудың қосымша тетігі. Ең бастысы – бұл үшін қосымша бағдарламаларды орнатудың немесе жоғары жылдамдықты интернеттің қажеті жоқ.Бұл – репетитордан да тиімді шешім. «Біздің міндетіміз – әрбір балаға, қай өңірде тұрса да, ыңғайлы форматта білім алу мүмкіндігін беру. Бұл әсіресе репетитор жалдауға шамасы келмейтін отбасылар үшін үлкен көмек», – дейді «Қазақтелеком» өкілдері.Ұлттық IT-шешімдерді өркендету және қазақстандық контентті қолдау – мемлекеттік деңгейдегі маңызды міндет. Бұл бағыттағы ірі жобалардың бірі – TV+ платформасы. Ол жүздеген телеарнаны, соның ішінде спорттық, тақырыптық және білім беру арналары мен VoD контентін біріктіріп отыр.Компания өкілдерінің айтуынша, TV+ жобасы Мемлекет басшысы атап өткен цифрландыру және технологиялық даму стратегиясы аясында жүзеге асуда. Жобаның басты мақсаты – халыққа отандық телеарналарға, мәдени және білім беру бағдарламаларына жоғары сапада қол жеткізуді қамтамасыз ету, сонымен бірге жаңа жұмыс орындарын ашу.TV+ артықшылықтарының қатарында барлық құрылғыларға бейімделген интерфейс, қазақ және орыс тілдеріндегі көптілді контент, интерактивті мүмкіндіктер мен ата-ана бақылауы бар. Бұл платформа бүгінгі таңда елдің ақпараттық кеңістігіндегі стратегиялық құралға айналды.Цифрлық егемендік – стратегиялық басымдық. Қазақстан үшін цифрлық егемендік пен ұлттық контентті дамыту – бұл тек технологиялық трендке ілесу емес, ұлттық қауіпсіздік пен адами капиталды нығайтудың негізгі алғышарты.Мемлекет басшысы Қасым-Жомарт Тоқаев биылғы Жолдауында бұл мәселенің маңыздылығын ерекше атап өтті: «Жасанды интеллектіні жаппай енгізу және жаппай цифрландыру еліміздің барлық саладағы әлеуетін еселеп арттырады. Біздің стратегиялық бағдарымыздың ең басты қыры осы болуға тиіс» – деді Президент.Осы орайда TV+ және mektep-online.kz сынды жобалар Мемлекет басшысы ұсынған цифрлық даму стратегиясының нақты жүзеге асып жатқанын көрсетеді. Бұл бастамалар – жаңа дәуірдің талаптарына сай қалыптасып келе жатқан Жаңа Қазақстанның цифрлық келбетінің жарқын көрінісі.

Ұлттық цифрлық жүйе: Қауіпсіз қоғам мен білімді ұрпақ кепілі

<a href="https://kyzylorda-news.kz/">Kyzylorda-news.kz</a> &nbsp;Қызылорда облысының жұмыспен қамтуды үйлестіру және әлеуметтік бағдарламалар басқармасының мемлекеттік әлеуметтік тапсырысы негізінде "Отбасы күніне" орай мүгедектігі бар балалардың&nbsp;отбасыларына арналған "Әкем, анам және мен" атты отбасылық спорттық сайыс ұйымдастырылды.Мақсат –&nbsp;мүгедектігі бар адамдар мен мүгедектігі бар балаларға әлеуметтік көмек көрсетуден бөлек оларды түрлі шараларға қатыстырып, қоғамдық ортаға бейімдеу, белсенділіктерін арттыру, спорттық, мәдени, қоғамдық іс-шараларға қатыстыру. Мүгедектігі бар отбасыларға жайдарлы отбасылық мейрам сыйлау.Отбасы күніне байланысты шаралар еліміздің барлық жерінде тойланып жатыр. Бала - өмірдің жалғасы, елдің болашағы. Әрбір баланың тәтті қылығы, тыныш ұйқысы, алаңсыз күлкісі маңызды. Ел болашағының жарқын болуы әрбір отбасының шаңырағын шынайы қуаныш пен жылулыққа, махаббат пен мейірімге толтыратын өскелең ұрпақтың қолында. Осы себепті де балалардың құқығын қорғап, өмірлерін сақтандырып, оларға бақытты ғұмыр сыйлау арқылы ертеңгі күнге жетелеу - әр отбасы мен мемлекетіміздің жауапкершілігінде.Бүгінгі шарамыз&nbsp;Қызылорда облысының жұмыспен қамтуды үйлестіру және әлеуметтік бағдарламалар басқармасының мемлекеттік әлеуметтік тапсырысы негізінде «Қызылорда облыстық мүгедектер қоғамы» ҚБ ұйымдастыруымен өтті.

Отбасылық спорттық сайыс өтті

<a href="https://kyzylorda-news.kz/">Kyzylorda-news.kz</a> Қасым-Жомарт Тоқаевтың төрағалығымен киберқауіпсіздікті қамтамасыз ету және азаматтарға арналған цифрлық ортаны қорғау мәселелері жөнінде Қазақстан Республикасы Қауіпсіздік Кеңесінің отырысы өтті.Мемлекет басшысы жуырдағы Жолдауында Қазақстанды толық цифрлық мемлекетке айналдыруды көздейтін міндет жүктегенін айтты. Бұл үшін кешенді шара қабылдау, соның ішінде киберқауіпсіздік саласында да ауқымды жұмыс атқару қажет.Жиын барысында қазіргі заманғы киберқатерлер мен оған қарсы іс-қимыл әдістері, аса маңызды ақпараттық инфрақұрылымды қорғау, киберқауіпсіздік индустриясын дамыту және кадр даярлау жүйесін жетілдіру мәселелері талқыланды.Кеңесте Цифрлық даму, инновациялар және аэроғарыш өнеркәсібі министрі Жаслан Мәдиев пен Ұлттық қауіпсіздік комитетінің төрағасы Ермек Сағымбаев баяндама жасады.<img src="https://tolqyn.kz/uploads/posts/2025-09/1757923268_2.jpg" alt="">Президент киберқылмыспен, соның ішінде кибералаяқтықпен күрестің маңызына тоқталды. Сонымен қатар киберқылмыстарды тергеуге қатысатын мемлекеттік органдардың құзыретін арттыру шараларына баса назар аударды.Бұдан бөлек, Қасым-Жомарт Тоқаев азаматтардың жеке деректерін қорғауды және дербес мәліметтерді таратқаны үшін берілетін жазаны күшейтуді басты міндет ретінде атады. Сондай-ақ киберортадағы қауіпсіздік пен жауапты әрекет қағидаттарын халыққа кеңінен түсіндіріп, алдын алу жұмыстарын күшейту қажет.Отырыс соңында Мемлекет басшысы стратегиялық тәуекелдерді азайтып, киберқауіпсіздік мәселелерін жүйелі түрде шешу мақсатында бірқатар шара қабылдауды тапсырды.<a href="http://t.me/aqorda_resmi">t.me/aqorda_resmi</a>

Мемлекет басшысы Қауіпсіздік Кеңесінің киберқауіпсіздік жөніндегі отырысын өткізді

<a href="https://kyzylorda-news.kz/">Kyzylorda-news.kz</a> 12-14 қыркүйек күндері Қызылордада еліміздің ең ірі республикалық офлайн-хакатоны – Decentrathon 4.0 өтті.Ауқымды шара Қазақстанның 20 қаласында бір мезетте ұйымдастырылып, жас мамандар мен IT-әуесқойларды біріктірді.&nbsp;Хакатонның басты ұйымдастырушылары – Astana Hub пен Blockchain &amp; AI Technology Center (BAITC), ал шара ҚР Цифрлық даму, инновациялар және аэроғарыш өнеркәсібі министрлігінің қолдауымен өтті. Қызылорда өңірінде хакатон ұйымдастырушылары - &nbsp;Kyzylorda Hub бизнес-инкубаторы және Қорқыт ата атындағы Қызылорда университетінің Жасанды интеллект институты.<img src="https://knadmin.beoblood.kz/uploads/1_zdik_sheshimder_iske_asyrylyp_ke_ejtuge_m_mkindik_alady_9583ffaa8f.jpg" alt="1 үздік шешімдер іске асырылып, кеңейтуге мүмкіндік алады.jpg">Decentrathon 4.0-дің негізгі мақсаты – жастарды жаңа технологияларға тарту, Web3.0, Blockchain және жасанды интеллект (AI) бағыттарында тың идеяларды қолдау және болашақ цифрлық шешімдерді әзірлеуге мүмкіндік жасау. Бұл алаңда қатысушылар тек қана бәсекеге түсіп қана қоймай, сонымен қатар тәжірибелі менторлардан кеңес алып, өз жобаларын салалық сарапшыларға ұсынды.<img src="https://knadmin.beoblood.kz/uploads/2_zdik_sheshimder_iske_asyrylyp_ke_ejtuge_m_mkindik_alady_86be20c596.jpg" alt="2 үздік шешімдер іске асырылып, кеңейтуге мүмкіндік алады.jpg">Қызылордадағы алғашқы күн – Solana Day powered by Decentrathon&nbsp;ерекше форматта өтті. Solana – әлемдегі ең жылдам әрі тез дамыған блокчейн желілерінің бірі. Ол әзірлеушілерге, стартаптарға және компанияларға шексіз мүмкіндіктер ашып отыр. Жоғары өткізу қабілеті мен төмен комиссияларының арқасында Solana децентрализденген қосымшалардан бастап DeFi мен NFT платформаларына дейін жаңа буын өнімдерін жасауға мүмкіндік береді.<img src="https://knadmin.beoblood.kz/uploads/3_zdik_sheshimder_iske_asyrylyp_ke_ejtuge_m_mkindik_alady_eb06d02325.jpg" alt="3 үздік шешімдер іске асырылып, кеңейтуге мүмкіндік алады.jpg">Solana Day қатысушылар үшін blockchain саласындағы бірегей тәжірибе болды:Blockchain трегі бойынша нақты тапсырмаларды шешу, Сарапшылар мен комьюнити қолдауы, Өз идеялары мен шешімдерін көрсету мүмкіндігі.Бұл күні 19 команда, яғни 63 қатысушы өз жобаларын ұсынып, Solana платформасының мүмкіндіктерін пайдаланып, жаңа шешімдер әзірледі.Ал жалпы Decentrathon 4.0 аясында Қызылордада 40 топ, 109 қатысушы бақ сынады. Хакатон қатысушылары 2 трек бойынша&nbsp;өз идеяларын жобалап, дайын өнімге дейін жеткізуге тырысты.inDrive трегінің тапсырмасы – суреттерді талдау арқылы сервистің сапасы мен сенімділігін арттыруға көмектесетін шешім әзірлеу. Жүлде қоры – 10 000 000 ₸. BCC-HUB AI трегінің тапсырмалары – банк үшін жасанды интеллект шешімдерін дайындау. Қатысушылар клиенттермен өзара әрекеттесуді жақсартуға, процестерді жеделдетіп, оңайлатуға және қызметкерлерді рутиналық жұмыстан босатуға арналған жобалар әзірледі. Жүлде қоры – 5 000 000 ₸.Қатысушыларға жетекші мамандар бағыт-бағдар беріп, үздік жобалардың алдағы уақытта инвесторлар мен ірі IT-компаниялар назарына ұсынылуына жол ашылды.Decentrathon – бұл жай ғана хакатон емес, ол елдің цифрлық трансформациясына үлес қосатын, таланттарды танытатын, жаңа идеяларды қолдайтын ерекше платформа. Бұған дейін үш маусымда мыңдаған жастардың басын қосқан жоба төртінші кезеңінде де өз маңызын айқын көрсетті.Финалға өткен үздік жобалар қазан айында өтетін халықаралық Digital Bridge 2025 конференциясында ұсынылады. Бұл – жас командаларға өз идеяларын жаһандық деңгейдегі сарапшыларға, инвесторларға және бизнес өкілдеріне таныстыруға үлкен мүмкіндік.Қорытындылай келе, Қызылордадағы Decentrathon 4.0 жас таланттар мен технологияға қызығушылығы бар жастар үшін жаңа мүмкіндіктер ашып, қаланың инновациялық әлеуетін айқындай түсті.&nbsp;Салтанат СЕЙТЖАН,Kyzylorda Hub бизнес-инкубаторының менеджері

Қазақстан және Қызылорда облысының жаңалықтары