<a href="https://kyzylorda-news.kz/">Kyzylorda-news.kz</a>&nbsp; Қазақстанда алаяқтықтың жаңа түрі пайда болды: ақ көйлек киіп, қолдарына көк сөмке мен куәлік ұстаған азаматтар тұрғындардың үйлеріне келіп, өздерін әкімдік өкілі етіп таныстырады және халық санағын жүргізіп жатқанын айтады, деп хабарлайды Stan.kz ақпарат агенттігі.
Ұлттық статистика бюросы бұл адамдардың санаққа ешқандай қатысы жоқ екенін ескертті.
<blockquote>
 «Санақ жүргізушінің қолында мөрмен куәландырылған тиісті сертификаты, сондай-ақ көк орамал мен 2021 жылғы халық санағының белгілері бар портфель болады. Сонымен қатар сертификатта тіркеу нөмірі болады, оның көмегімен sanaq.gov.kz сайтындағы арнайы іздеу жолына нөмірді енгізу арқылы санақ алушы туралы бүкіл ақпаратты табуға болады», – деп хабарлады олар.
</blockquote>
Сондай-ақ респондент 1446 қысқа нөміріне қоңырау шалу арқылы санақ алушының жеке басын тексере алады.
Еске сала отырайық, қазақстандықтардың 1 қыркүйек пен 15 қазан аралығында sanaq.gov.kz мамандандырылған веб-сайтында барлық санақ сұрақтарына онлайн түрде жауап беруге мүмкіншілігі бар.

Халық санағын сылтау еткен алаяқтар үй-үйді аралап жүр

<a href="https://kyzylorda-news.kz/">Kyzylorda-news.kz</a>&nbsp; ҚР Ішкі істер министрлігі мен ҚР Цифрлық даму, инновациялар және аэроғарыш өнеркәсібі министрлігі «Әртүрлі санаттағы көлік құралдарын басқару құқығына жүргізуші куәлігін алуға теориялық және практикалық емтихандарды қабылдауды оңтайландыру» пилоттық жобасын іске қосу туралы бірлескен бұйрық шығарды, деп хабарлайды ҚазАқпарат.
<blockquote>
 «2021 жылғы 1 қазаннан бастап 2022 жылғы 30 қыркүйекке дейінгі кезеңде «Әртүрлі санаттағы көлік құралдарын басқару құқығына жүргізуші куәлігін алуға теориялық және практикалық емтихандар қабылдауды оңтайландыру» пилоттық жобасы өткізілсін», – деп жазылған бірлескен&nbsp;<a href="https://legalacts.egov.kz/npa/view?id=11343141">бұйрық жобасында.</a>
</blockquote>
Жаңа құжат бойынша емтихан тапсыру тәртібі мынадай:
-Теориялық емтихан тапсырмаған жүргізуші практикалық емтиханға жіберілмейді. Теориялық емтихан да практикалық емтихан да қайтадан тағайындалу үшін алдыңғы емтихан өткізілген күннен бір жұмыс күні өтуі керек.
– Теориялық емтихан оператордың қатысуымен «Азаматтарға арналған үкімет «мемлекеттік корпорациясы» КЕАҚ айқындайтын тәртіппен өткізіледі. Оператор емтихан тапсырушылардың белгіленген талаптарды сақтауын бақылауы тиіс.
-Теориялық емтиханды тапсыру үшін емтихан күнінен кемінде бір күн бұрын (жұмыс күні) «электрондық үкімет» порталы арқылы, порталдың интеграциялық сервистері арқылы немесе Мемлекеттік корпорацияға жүгіну арқылы өтініш бере алады.
– Мемлекеттік корпорацияға жүгінген кезде емтихан тапсырушы жеке басын куәландыратын құжатты немесе цифрлық құжаттар сервисінен электрондық құжатты ұсынады.
– Оператор жеке басты куәландыратын құжатты не электрондық құжатты мемлекеттік ақпараттық жүйелердегі мәліметтермен салыстырып тексереді.
– «Емтихан тапсырушының» жеке кабинетінде» не порталдың тиісті интеграциялық сервисінде мемлекеттік қызмет көрсету үшін өтінімнің қабылданғаны туралы мәртебе көрсетіледі.
– Емтихан алушы практикалық емтихан тапсыру үшін теориялық тестілеу күнінен кемінде бір күн (жұмыс күні) бұрын емтихан тапсыру орнын, күні мен уақытын өзі таңдайды.
-Тестілеуге өзімен бірге жеке басын куәландыратын құжаты не электрондық құжаты бар жүргізушілікке үміткер жіберіледі. Емтихан алушының жеке басын сәйкестендіру емтихан алушының биометриялық деректерін мемлекеттік ақпараттық жүйелердегі мәліметтермен салыстыру арқылы жүргізіледі.
– Тестілеу басталғанға дейін оператор емтихан алушы үшін нұсқама өткізеді және туындаған сұрақтарға жауап береді.
– Егер емтихан алушы теориялық емтихан тапсырар алдында өзін нашар сезінсе, операторға хабарлауы тиіс. Бұл жағдайда мұндай емтихан алушыдан емтихан қабылдау осы күнгі басқа уақытта немесе кестеге сәйкес басқа күні жүргізіледі.
-Емтихан тестінде 40 сұрақ бар. Әр сұраққа бірнеше жауап беріледі, солардың ішінен дұрысын таңдауы керек. Емтихан алушының қалауы бойынша теориялық емтиханды қазақ, орыс немесе ағылшын тілдерінде тапсыруға жол беріледі.
-Емтихан тапсырушының басқа кандидаттармен сөйлесуге, материалдармен алмасуға, қағаз, электронды және басқа ақпарат құралдарында ақпаратты пайдалануға, бөлмеден шығуға болмайды.
– Емтихан алушылардың ұялы телефондар мен өзге де электрондық жабдықтарды алып кіруіне және кіргізуіне жол берілмейді. Мұндай құрылғылар теориялық емтиханды қабылдау кезінде ұяшықтары бар арнайы шкафтарда сақталады. Теориялық емтихан сәті бақылау камерасына жазылады.
-Бұл талаптар бұзылса, оператор емтихан тапсыру процесін тоқтатып, емтихан қабылдау және жүргізуші куәліктерін беру ережелерін бұзу туралы акт жасайды.
-Емтихан алушының биометриялық деректерін мемлекеттік ақпараттық жүйелердегі мәліметтермен салыстыру нәтижелері бойынша сәйкессіздік анықталса, бұл адам емтиханға жіберілмейді. Ал оператор емтихан тапсырушының жеке басын сәйкестендіруден өтпегені туралы актіні мемлекеттік корпорация анықтайтын нысанда жасайды.
-Емтиханға бөлінген уақыт өткеннен кейін теориялық емтиханды тапсыру автоматты түрде тоқтатылады.
-Дұрыс жауаптарды есептеу компьютерлік тестілеу бағдарламасының көмегімен автоматты түрде жүзеге асырылады. Емтихан аяқталғаннан кейін емтихан алушы компьютер экранында көрсетілген теориялық емтиханды тапсыру нәтижелерімен танысады.
-Теориялық емтиханды тапсыру нәтижелері туралы деректер емтихан алушының порталдағы жеке кабинетіне, сондай-ақ порталдың тиісті ақпараттық жүйелері мен интеграциялық сервистеріне беріледі. Теориялық емтиханды тапсыру нәтижелері оны тапсырған күннен бастап бір жыл бойы жарамды.
-«А», «В» санаттарындағы, «А1», «В1» кіші санатындағы көлік құралдарын басқару құқығын алуға өз бетінше даярлықтан өткен жүргізушілікке үміткерлер теориялық емтихан тапсыру кезінде практикалық емтихан тапсыру кезінде үш рет теріс баға алса, алты айдан кейін ғана қайта тапсыра алады. Практикалық емтихан тапсыру кезінде үш рет теріс баға алған жағдайда теориялық емтихан нәтижелері автоматты түрде жойылады.
Құжат жобасы 22 қыркүйекке дейін «Ашық НҚА» сайтында талқыланады.

Жүргізуші куәлігіне емтихан тапсыру тәртібі өзгереді

<a href="https://kyzylorda-news.kz/">Kyzylorda-news.kz</a> Қызылорда қаласының әкімі Ғанибек Қазантаевтың төрағалығымен ҚР Президенті Қасым-Жомарт Тоқаевтың «Халық бірлігі және жүйелі реформалар – ел өркендеуінің берік негізі» атты Жолдауын талқылауға арналған актив отырысы өтті.
Актив отырысына зиялы қауым өкілдері, қалалық мәслихат депутаттары, қаланың еңбек ардагерлері, кент, ауылдық округ әкімдері, сала басшылары, құқық қорғау органдары, Үкіметтік емес ұйымдар, саяси партиялар, БАҚ өкілдері, білім, денсаулық сақтау саласының қызметкерлері, кәсіпкерлер және жастар қатысты.
Жиынды шаһар басшысы Ғанибек Қазантаев ашып, жүргізіп отырды. Мемлекет басшысының Қазақстан халқына арнаған бес тараудан тұратын міндеттер, еліміздің бұған дейінгі жетістіктері мен табыстарын еселейтін, қажеттіліктер мен сұраныстарды қанағаттандыратын негізгі қоғамдағы біздің мемлекетімізді алға жетелейтін бағдарламалық құжат. Елбасының бастамасымен қалыптасқан игі дәстүр, Еліміздің стратегиялық даму жолының негізгі темірқазығы. Мемлекет басшысы бұл Жолдауында пандемиядан кейінгі кезеңдегі елді одан әрі дамыту, денсаулық сақтау жүйесінің тиімділігін арттыру, сапалы біліммен қамту, өңірлік саясатты жетілдіру, адам құқығын қорғау бағытындағы бастамалары бойынша тұрақтылық пен сенім, ел экономикасының қарқынын одан әрі күшейтуге, халықтың тұрмысын жақсартуға негіз болатын, межеленген мақсаттарды жүзеге асыру үшін нақты міндеттерді айқындап берді.
Идеологиялық актив барысында қала әкімі Ғанибек Қонысбекұлы Қызылорданың қарқынды дамуы және қолдауды қажет ететін салалар туралы баяндама жасады.
Сонымен қатар, «Жаңа жағдайдағы экономиканы әртараптандыру және жетілдіру шаралары» тақырыбында қалалық экономика және бюджетті жоспарлау бөлімінің басшысы&nbsp; Гүлнәр Баймаханова, «Денсаулық саласындағы медициналық инфрақұрылымды дамыту – ұлт саулығының кепілі» тақырыбында облыстық денсаулық сақтау басқармасының басшысыСәбит Пазылов, «Ұлттың ұйысуы – береке бастауы» атты тақырыбында қалалық мәдениет және тілдерді дамыту бөлімінің басшысыМұхтар Ниязов, «Саналы ұрпақ – сапалы білім»бойынша Қ.Мұхамеджанов атындағы №1 мектеп-гимназияның директоры Данабек Әбдірайымов және «Шағын және орта бизнесті дамыту ел болашағының кепілі» тақырыбында қаламыздың жас кәсіпкері Дәулет Ізбасарұлы сөз алып, Жолдаудың бағыттары талқыланып, алдағы жоспарлар сараланды.

Жолдау жүктеген міндеттер талқыланды

<a href="https://kyzylorda-news.kz/">Kyzylorda-news.kz</a>&nbsp; Ағымдағы жылдың 1 қыркүйегінен бастап тарихи отанына оралған этникалық қазақтар үшін төрт мемлекеттік қызмет «бір өтініш» қағидаты бойынша көрсетіле бастады. «Кандас мәртебесін беру немесе ұзарту» қызметі қоныс аударушыларға қажет тағы үш қызметпен бірге көрсетіледі, деп хабарлайды ҚР Еңбек және халықты әлеуметтік қорғау министрлігінің баспасөз қызметі.
Осылайша, көрсетілетін қызметті алушы жоғарыда аталған мемлекеттік көрсетілетін қызметке өтініш бергеннен кейін «Қандастар мен қоныс аударушыларды қабылдаудың өңірлік квотасына енгізу», «Шетелдіктерге және азаматтығы жоқ адамдарға Қазақстан Республикасында тұрақты тұруға рұқсат беру», сондай-ақ «Қазақстан Республикасының азаматтығын қабылдауды, қалпына келтіруді және одан шығуды тіркеу» қызметтерін пайдалана алады.
«Бір өтініш» қағидаты бойынша қызмет көрсету мерзімдері:
– қандас мәртебесін беру немесе ұзарту – 4 жұмыс күні;
– қандастар мен қоныс аударушыларды қабылдаудың өңірлік квотасына енгізу – 14 жұмыс күні;
– шетелдіктер мен азаматтығы жоқ адамдарға Қазақстан Республикасында тұрақты тұруға рұқсат беру – 45 күнтізбелік күн;
– Қазақстан Республикасының азаматтығын алуды, қалпына келтіруді және одан шығуды тіркеу – 30 жұмыс күні.
Құжаттарды қабылдау күні мемлекеттік қызмет көрсету мерзіміне кірмейді.
Осы композиттік мемлекеттік қызметті алу мақсатында қандастарға бірыңғай тізбеге сәйкес тиісті құжаттарды ұсыну жеткілікті.

Қандастарға азаматтықты рәсімдеу тәртібі жеңілдетілді

<a href="https://kyzylorda-news.kz/">Kyzylorda-news.kz</a>&nbsp; Көпбейінді облыстық балалар ауруханасында өңірімізде алғашқы рет мойын аймағы көлемді лимфангиомасына операция жасалды.
Бұған дейін бұндай күрделі диагнозды науқастар еліміздің орталық клиникаларына жолданып келген. Алғашқы операцияны Қызылорда облысының денсаулық сақтау басқармасының басшысы, дәрігер Сабит Пазилов жасады.
Білікті хирург жас мамандарға күрделі отаны түсіндіре отырып жасаумен қатар, жоспарларды талқылап, операцияны сәтті аяқтады. Басқарма басшысы ендігі кезекте ангиохирургиялық операцияларды аурухана дәрігерлеріне жасауды ұсынып, қиындық туындаған жағдайда көмек көрсететіндігін жеткізді.
<img src="https://kyzylorda-news.kz/wp-content/uploads/2021/09/241577157_3282188435341088_3916393052666265257_n.jpg" alt="" />

Қызылордада алғашқы рет мойын аймағы көлемді лимфангиомасына операция жасалды

<a href="https://kyzylorda-news.kz/">Kyzylorda-news.kz</a> Аймақта күріштің 4 716 гектарына орақ түсіп, 2 495 гектары бастырылды. Әр гектарынан орташа 42,3 центнерден өнім алынуда. Бұл туралы брифингте облыстық ауыл шаруашылығы басқармасының басшысы Талғат Дүйсебаев мәлімдеді.
Облыста егінге орақ салу жұмыстарын жекелеген шаруашылықтарда тамыз айының 26 жұлдызынан басталса, ал жаппай егін жинауға қыркүйек айының 5 жұлдызынан бастап кірісуде.
<blockquote>
 «Күзгі егін жинау науқанын 10 қазаннан кешіктірмей аяқтауды жоспарлап отырмыз. Қазіргі уақытта күріш танаптарынан су тарту шаралары атқарылуда», – деді басқарма басшысы.
</blockquote>
Егін жинау жұмыстарына бөлінген 12,5 мың тонна дизель отыны белгіленген операторлар арқылы кестеге сәйкес алынуда. Егін жинау жұмыстарына қатысатын техникалар толық дайын. Барлығы 4266 бірлік техника қатысады. Бүгінде шаруашылық құрылымдарының қолында бар техникалардың әлеуеті егін жинау жұмыстарын мерзімінде аяқтауға толық мүмкіндік береді.

Қызылордада күріштің 4 716 гектарына орақ түсті

<a href="https://kyzylorda-news.kz/">Kyzylorda-news.kz</a> Қазақстанда өткен тәулікте 6 894 адам коронавирус инфекциясынан жазылып кетті,деп хабарлайды COVID-19 таралуына жол бермеу жөніндегі ведомствоаралық комиссия.
Нұр-Сұлтан қаласында – 846
Алматы қаласында – 1437
Шымкент қаласында – 710
Ақмола облысында – 272
Ақтөбе облысында – 478
Алматы облысында – 371
Атырау облысында – 664
Шығыс Қазақстан облысында – 136
Жамбыл облысында – 0
Батыс Қазақстан облысында – 129
Қарағанды облысында – 718
Қостанай облысында – 162
Қызылорда облысында – 179
Маңғыстау облысында – 321
Павлодар облысында – 409
Солтүстік Қазақстан облысында – 25
Түркістан облысында – 37
Елімізде барлығы 734 883 адам COVID-19-дан емделіп, сауығып шықты.

179 қызылордалық коронавирустан жазылып шықты

<a href="https://kyzylorda-news.kz/">Kyzylorda-news.kz</a>&nbsp; Жылдағы дәстүр бойынша биыл да Нұр-Сұлтан қаласында Алматы облысымен бірігіп 11-12 қыркүйек аралығында Қызылорда облысының жәрмеңкесі өтеді.
Жәрмеңке «Хан шатыры» сауда орталығының жанында, Тұран даңғылы мен Д.Қонаев көшесінің қиылысындағы бірыңғай конструкциямен жабылған алаңда ұйымдастырылады. Бұл туралы брифингте облыстық ауыл шаруашылығы басқармасының басшысы Талғат Дүйсебаев хабарлады.
Жәрмеңкеде 70-ке жуық облысымыздың дихандары мен кәсіпорындары 40 жүк автокөліктермен жалпы құны 100 млн теңгені құрайтын 400 тоннаға жуық өнімдерді Нұр-Сұлтан қаласының тұрғындарына ұсынатын болады. 
Облыстан жәрмеңкеге 100 тонна ақталған күріш, 20 тонна балық және балық өнімдері, 50 тонна асқабақ, 150 тонна бақша, 45 тонна көкөніс пен жеміс, 10 тонна ет пен шұжық өнімдері және 5 тоннадай сүт өнім түрлері жеткізіледі.
Өнім тиелген жүк көліктері 8 қыркүйек күні жолға шығады. Сыр елінің Елордада өткізілетін жәрмеңкесі 2 күн болады.

Нұр-Сұлтан қаласында Қызылорда облысының жәрмеңкесі өтеді

&nbsp;<a href="https://kyzylorda-news.kz/">Kyzylorda-news.kz</a>&nbsp; Қазақстанда өткен тәулікте 3639 адамнан коронавирус ПТР арқылы расталды.
Аймақтар бойынша:
Нұр-Сұлтан қаласы – 326,
Алматы қаласы – 911,
Шымкент қаласы – 145,
Ақмола облысы – 217,
Ақтөбе облысы – 207,
Алматы облысы – 265,
Атырау облысы – 80,
Шығыс Қазақстан облысы – 154,
Жамбыл облысы – 75,
Батыс Қазақстан облысы – 83,
Қарағанды облысы – 350,
Қостанай облысы – 187,
Қызылорда облысы – 98,
Маңғыстау облысы – 188,
Павлодар облысы – 218,
Солтүстік Қазақстан облысы – 79,
Түркістан облысы – 56.
Жалпы ел бойынша ауырғандар саны 824118.

Қызылордада 98 адамнан коронавирус анықталды

<a href="https://kyzylorda-news.kz/">Kyzylorda-news.kz</a> Қазгидромет 8 қыркүйекке арналған ауа райы болжамын ұсынады.
Атмосфералық ауа ағындардың өтуімен, ҚР солтүстік-батысында, солтүстік, шығыс, оңтүстік және орталығында жаңбыр жауып, найзағай, желдің күшеюі күтіледі.
Республиканың солтүстік-батысында және солтүстігінде – тұман, солтүстік, шығыс және орталығында – бұршақ күтіледі.
Түнде Қызылорда облысының солтүстік-батысында – найзағай жарқылдап, желдің жылдамдығы 15-20 м/с жетеді.

Сәрсенбіге арналған ауа райы болжамы

<a href="https://kyzylorda-news.kz/">Kyzylorda-news.kz</a> Бүгін аудан әкімі Асылбек Шаменовтың төрағалығымен Қазақстан Республикасының Президенті Қасым-Жомарт Кемелұлы Тоқаевтың «Халық бірлігі және жүйелі реформалар – ел өркендеуінің берік негізі» атты Жолдауын талқылауға арналған актив отырысы өтті.
<blockquote>
 “Жуырда Қазақстан Республикасының Президенті Қасым-Жомарт Кемелұлы Тоқаевтың «Халық бірлігі және жүйелі реформалар – ел өркендеуінің берік негізі» атты Жолдауы жарияланып, экономикамыздың алдағы даму стратегиясын айқындап берді. Жолдауда айтылған барлық бағыттар бойынша ауданда нақты шаралар қабылданып, іске асырылатын болады. Бұл үшін бізде тиісті алғышарттар бар”, – деді аудан әкімі Асылбек Өмірбекұлы өз сөзінде.
</blockquote>
Актив отырысында өңірлік деңгейде аудан экономикасының бюджетін жоспарлау жөнінде аудандық экономика және бюджеттік жоспарлау бөлімінің басшысы Жұпар Баймаханова, ауданның аграрлық әлеуеті және Жолдаудан туындайтын міндеттерді орындаудағы жүйелі жұмыстар туралы аудандық ауылшаруашылығы бөлімінің басшысы Марат Қалниязов, ауданда «Қарапайым заттар экономикасы» және «Бизнестің жол картасы» бағдарламаларының орындалуы, Жолдаудағы кәсіпкерлік саласына қатысты туындайтын міндеттер туралы аудандық кәсіпкерлік, өнеркәсіп және туризм бөлімінің басшысы Ғабит Ербол баяндады.
Аудан әкімі Асылбек Шаменов тиісті сала орынбасарларына, бөлім басшыларына, кент және ауылдық округ әкімдеріне бірқатар тапсырмалар беріп, Жолдауда берілген басым бағыттарды орындауға жұмыла кірісіп, сапалы жұмыс істеуге шақырды.

Асылбек Шаменов: Жолдау елдің даму бағытын айқындап берді

<a href="https://kyzylorda-news.kz/">Kyzylorda-news.kz</a> Қызылорда қаласындағы Назарбаев Зияткерлік мектебінің ұжымы Президент Жолдауын талқылады. Teams платформасында өткен жиынға мектептің барлық педагогикалық құрамы, әкімшілік бөлімі мен техникалық қызметкерлері қатысты.
Мемлекет басшысының дәстүрлі баяндамасы әдеттегідей ел дамуы мен халықтың әл-ауқатын жақсартуға арналған маңызды бастамаларды қамтиды. Оның ішінде денсаулық пен білім сапасын арттыруға ерекше мән беріліп, еңбек нарығын жақсарту, саяси жаңғыру мен ұлт бірлігін нығайту шаралары атап көрсетілді.
<blockquote>
 «Бұл Жолдау мемлекет экономикасының пандемиядан кейінгі даму бағыттарын айқындайды. Атап айтқанда, білім саласы мен әлеуметтік салаларды дамытуға қажетті алғышарттарды статистикалық деректермен нақты көрсетеді. Барлық айтылған бастамалар еліміздің алдағы уақыттағы тұрақты даму прогресін қамтамасыз етері сөзсіз», – дейді тарих пәнінің мұғалімі Нұркен Әбдіжәлиев.
</blockquote>
Зияткерлік мектеп педагогтары жолдауда көрсетілген міндеттер бойынша өз ой-пікірлерімен бөлісе отырып, ұстаздарға жүктелген міндеттерді жүзеге асыруға бірауыздан дайын екендіктерін жеткізді.
<blockquote>
 «Мемлекет басшысының ұсынған идеялары қазіргі жаһандық жағдайда аса қажетті болып отыр. Орта мектептердің көптеп салынуы педагог мамандарының маңызын көрсетсе, дарынды балаларды қолдау арқылы жастардың білім мен ғылымға деген қызығушылығын арттырып, үздік нәтиже көрсетуге мотивация беруі алға ұмтылдырады», – деп ой білдірген мектеп директоры Бахыт Жұматай мемлекеттің зияткерлік әлеуетті қалыптастырудағы әрбір бастамаларының сәтті орындалуында мектептердің үлесі зор екенін атап өтті.
</blockquote>
Ел келешегі – білімді жастардың қолында екені сөзсіз. Осы ретте жаңа жағдайға бейімделген оқу бағдарламалары мен реформалары зияткер ұрпақ тәрбиелеп, еңбек нарығында жоғары сұранысқа ие түлектерді дайындауға ықпал ететіні анық.

Қазақстан және Қызылорда облысының жаңалықтары