<a href="https://kyzylorda-news.kz/ru/obshestvo/">Kyzylorda-news.kz</a>. Халықа қызмет көрсету орталығының мамандары көп балалы аналарға қуаныш сыйлауды бір сәтке ұмыт қалдырған емес. Әсіресе, егіз немесе үшем босанғандарға күтпеген сый жасап, оған қоса олардың құжаттарын да дайындап береді.
«Азаматтарға арналған үкімет» мемлекеттік корпорациясы» КЕАҚ Қызылорда облысы бойынша филиалының Арал аудандық бөлімінің мамандары Шөмішкөл аудандық округінің тұрғыны Алтынгүл Әділханованы бесінші және алтыншы қыздары Альфия мен Сафияны аман-есен босануымен құттықтады. Перзентханаға барып егіздің туу туралы құжаттарын табыс етіп, сыйлықтарын ұсынды.
Бұған дейін мамандар Арал, Сексеуiл, Аралқұм, Шижаға және Қызылжар ауылы тұрғындарын кɵпбалалы ана атануымен құттықтап, оларға да туу туралы күəлiктер мен сыйлықтарын тапсырған еді.
Жалпы жыл басынан бері Арал ауданында 2013 ана бала тууға берілетін жәрдемақы алған. Қазіргі таңда ауданда 448 көпбалалы отбасы бар.
<img src="https://kyzylorda-news.kz/wp-content/uploads/2021/11/whatsapp-image-2021-11-19-at-18.20.07.jpeg" alt="" />

ХҚКО мамандары сәбилердің құжаттарын перзентаханада табыстады

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp; Синоптиктердің мәліметінше, елдің көп бөлігінде жауын шашын болады.
23-25 қараша аралығында Қазақстанға Солтүстік-Батыс циклон және онымен байланысты фронтальдық бөлімдер өз ықпалын жалғастырады. Циклон бұрынғыша тұрақсыз ауа райы сипатын сақтайды, жауын-шашын (көбінесе қар түрінде) өтеді, Шығыс Қазақстан облысының солтүстік-шығысында қатты қар күтіледі.
Республика бойынша тұман, көктайғақ, сондай-ақ екпінді жел, солтүстік жартысында бұрқасын болжанады. Батыста, солтүстік-батыста, солтүстікте ауа температурасының төмендеуі түнде 2-10-нан 18-23 аязға дейін, күндіз 5 аяздан 5-15 аязға дейін, орталықта және шығыста түнде 0-8 аяз, күндіз 3 аяз–3 жылы, оңтүстік өңірлерде ауа температурасы түнде 6 аяз–3 жылы, күндіз 9-17 жылы болады.

Алдағы күндері жауын-шашын күтілуде

<a href="https://kyzylorda-news.kz/ru/obshestvo/">Kyzylorda-news.kz</a>. Үндістан тәуелсіздігінің 75 жылдығына орай Үндістанның Қазақстандағы Елшілігі Қорқыт Ата атындағы Қызылорда университетінде «Үндістан достары» шарасын өткізді.
Қазақстандағы Үндістан елшілігінің жанындағы Свами Вивекананда мәдени орталығы (SVCC) еліміздің бірнеше қаласында мәдени іс-шаралар ұйымдастырған болатын. Бұл шаралардың мақсаты – Қазақстан мен Үндістан халқы арасындағы мәдени, рухани байланысты тереңдету.
Қорқыт Ата атындағы Қызылорда университетінің Басқарма Төрағасы – Ректоры Бейбіткүл Кәрімова Қазақстандағы Үндістан елшілігінің жанындағы Свами Вивекананда мәдени орталығының өкілдерімен кездесті. Жиында ынтымақтастық байланысты одан әрі нығайту мәселелері талқыланды.
<blockquote>
 «Үндістан халқы өзінің тарихы, сан қырлы мәдениетімен әлемге әйгілі. Қай кезде де өнерде шекара болмайды. «Үндістан достары» шарасының аясында бай мәдени мұрасымен ерекшеленетін елдің өнерімен біздің білім алушылар кеңінен танысуда. Алдағы уақытта да екі ел арасындағы мәдени байланыс арта береді деген сенімдемін», – деді Бейбіткүл Сәрсемханқызы.
</blockquote>
Мерекелік шара аясында университетте SVCC оқытушылары үнді музыкасы, биі және йога бойынша шеберлік сабақтарын ұйымдастырды.
Сондай-ақ, Қорқыт Ата атындағы Қызылорда университетінің кітапханасында Үнді кітап бұрышы ашылып, Үндістанның тарихы, салт-дәстүрі, мәдениеті, танымал тұлғалары туралы 200-ге жуық кітаппен толықтырылды.
Шара барысында «Махатма Ганди мұрасы» тақырыбындағы эссе сайысының қатысушыларын марапаттау рәсімі өтті. Эссе байқауы 2-22 қазан аралығында онлайн өткізілген болатын.
«Үндістан достары» шарасының аясында Достық үйінде университет студенттері мен SVCC оқытушыларықорытынды концертберді. Кеште студенттер мәдени орталық өкілдерімен бірге сахнаға шығып, шеберлік сабақтарында үйренген өнерлерін ортаға салды.
Бұл іс-шаралар Қазақстан мен Үндістан арасындағы өзара ынтымақтастықты ілгерілету, мәдени байланысты нығайту бағытындағы маңызды бастама болып саналады. Свами Вивекананда мәдени орталығының өкілдері осы мүмкіндік үшін Қорқыт Ата атындағы Қызылорда университетіне алғыс білдірді және болашақта ынтымақтастықты жалғастыруға ниетті екендіктерін жеткізді.

Халықаралық мәдени байланыс нығайып келеді

<a href="https://kyzylorda-news.kz/ru/obshestvo/">Kyzylorda-news.kz</a>. Қызылорда облысында «Ashyq» жүйесі арқылы анықталған «қызыл» мәртебесі бар оқшаулану режимін бұзған 24 азаматқа әкімшілік айыппұл салынды.
<ol>
<li>Сүлейменов Батыр, Жаңақорған ауданы.</li>
<li>Баязитова Лаззат, Жаңақорған ауданы.</li>
<li>Рахманов Дастан, Жаңақорған ауданы.</li>
<li>Есаманова Нұрай, Жаңақорған ауданы.</li>
<li>Мұстафаев Сейлхан, Жаңақорған ауданы.</li>
<li>Абылаев Алеухан, Жаңақорған ауданы.</li>
<li>Камал Әсел, Жаңақорған ауданы.</li>
<li>Көбекбаева Райхан, Жаңақорған ауданы.</li>
<li>Бекенова Нағима, Жаңақорған ауданы.</li>
<li>10.Ахметова Зубайра, Жаңақорған ауданы.</li>
<li>11.Тұрсынхан Қадір, Жаңақорған ауданы.</li>
<li>Жанзакова Ұмсын, Жаңақорған ауданы.</li>
<li>13.Қантаева Майра, Сырдария ауданы.</li>
<li>14.Біләл Бекжан, Сырдария ауданы.</li>
<li>15.Камал Гүлсезім, Сырдария ауданы.</li>
<li>16.Жұбатырова Кенжегүл, Сырдария ауданы.</li>
<li>17.Әбішев Алмас, Сырдария ауданы.</li>
<li>Сабырбаева Гүлзат, Сырдария ауданы.</li>
<li>Рахмет Бақдаулет, Сырдария ауданы.</li>
<li>20.Рахмет Таңшолпан, Сырдария ауданы.</li>
<li>21.Оспанов Тимур, Сырдария ауданы.</li>
<li>Сүлейменов Қайрат, Сырдария ауданы.</li>
<li>23.Култайбаева Гульмира, Сырдария ауданы.</li>
<li>Сагынова Эльмира, Сырдария ауданы.</li>
</ol>

Қызылордада оқшаулану режимін бұзғандарға айыппұл салынды

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp; Енді қызылордалықтар әуе рейсі арқылы Ресейге сапарға шыға алады. Өңірдегі ескі аэропортты заманауи стандартпен жаңғырту көзделген.
Бүгінгі таңда әуежайдың жолаушылар терминалын қайта құру мен кеңейтуге жобалық-сметалық құжаттама әзірленіп, мемлекеттік сараптаманың оң қорытындысы алынған.
Аймақ басшысы Гүлшара Әбдіқалықованың айтуынша, бюджет қаражатын үнемдеу мақсатында бюджеттен тыс нұсқалар да қаралған. Яғни, белгілі меценат Болат Өтемұратов Қоры өз қаражаты есебінен ішкі және халықаралық авиарейстерді одан әрі ұлғайту перспективасымен, тұтастай алғанда әуежайды барлық халықаралық стандарттарға сәйкестендіру туралы Өтемұратов қорымен уағдаластыққа қол жеткізіліп, меморандумға қол қойылды.
Сонымен қатар, ҚР Индустрия және инфрақұрылымдық даму министрлігімен әуежайды «Ашық аспан» режиміне қосу бойынша уағдаластыққа қол жеткізілді. Биылғы жылдың желтоқсан айынан бастап «NordwindAirlines» Авиакомпаниясы тарапынан «Санкт-Петербург – Қызылорда – Санкт-Петербург» бағыты бойынша аптасына 1 рейс ашады деп жоспарлануда.

Қызылордадан Ресейге әуе рейсі ашылады

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp; Науқан екі кезеңнен тұрады. Осыған дейін вакцинаның екі дозасын да салдырғандар жаңа жылға дейін үшіншісін қабылдайды. Бұл медицина қызметкерлері, мұғалімдер, медициналық-әлеуметтік мекемелер мен жабық балалар мекемелерінің мамандары, сондай-ақ күш құрылымдарының қызметкерлері.
Осыған орай ҚР Бас санитар дәрігерінің міндетін атқарушы Айжан Есмағамбетованың COVID-19 коронавирус инфекциясына қарсы ревакцинация жүргізу туралы қаулысы жарияланды.
Құжатта КВИ-ге қарсы ревакцинацияға жататын халықтың тәуекел топтары көрсетілген. Олар: 
1) медицина қызметкерлері; 
2) педагогтер; 
3) күш құрылымдарының қызметкерлері; 
4) медициналық-әлеуметтік мекемелердің персоналы мен контингенті; 
5) 60 жастан асқан адамдар; 
6) Бұған дейін КВИ-ге қарсы вакцина алса да, иммунитеті әлсіреген адамдар (иммуносупрессивті терапиядағы адамдар (лейкемияны, лимфоманы және миеломаны қоса алғанда, қатты ісікті немесе гематологиялық қатерлі ісікті белсенді иммуносупрессивті емдеу немесе осындай емдеу тоқтатылғаннан кейін 12 ай ішінде), гемодиализдегі адамдар, трансплантат реципиенттері, АИТВ жұқтырған ауыр бастапқы иммун тапшылығы); 
7) өз бетінше тексерілу нәтижесінде ағзасында КВИ-ге қарсы антидене жоқ екені анықталған адамдар.

Қазақстанда халықты ревакциналау басталды

<a href="https://kyzylorda-news.kz/ru/obshestvo/">Kyzylorda-news.kz</a>. Қазақстанда өткен тәулікте 1090 адам коронавирус індетінен емделіп шықты, coronavirus2020.kz.
Аймақтар бойынша:
Нұр-Сұлтан қаласы – 128,
Алматы қаласы – 112,
Ақмола облысы – 103,
Ақтөбе облысы – 21,
Алматы облысы – 99,
Атырау облысы – 23,
Шығыс Қазақстан облысы – 188,
Жамбыл облысы – 7,
Батыс Қазақстан облысы – 6,
Қарағанды облысы – 145,
Қостанай облысы – 2,
Қызылорда облысы – 22,
Маңғыстау облысы – 13,
Павлодар облысы – 65,
Солтүстік Қазақстан облысы – 127,
Түркістан облысы – 29.
Қазақстан бойынша жазылғандар саны – 926136.

22 қызылордалық коронавирустан жазылды

<a href="https://kyzylorda-news.kz/ru/obshestvo/">Kyzylorda-news.kz</a>. Қазақстанда өткен тәулікте 921 адамда коронавирус індеті ПТР арқылы расталып ауырғаны белгілі болды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 110,
Алматы қаласы – 127,
Шымкент қаласы – 5,
Ақмола облысы – 71,
Ақтөбе облысы – 18,
Алматы облысы – 34,
Атырау облысы – 14,
Шығыс Қазақстан облысы – 60,
Жамбыл облысы – 6,
Батыс Қазақстан облысы – 16,
Қарағанды облысы – 109,
Қостанай облысы – 107,
Қызылорда облысы – 6,
Маңғыстау облысы – 1,
Павлодар облысы – 110,
Солтүстік Қазақстан облысы – 120,
Түркістан облысы – 7.
Жалпы ел бойынша ауырғандар саны 964749.

Қызылордада коронавирус жұқтырғандар азайып келеді

<a href="https://kyzylorda-news.kz/ru/obshestvo/">Kyzylorda-news.kz</a>. Атлантикалық циклон Қазақстанның басым бөлігіне әсер етеді, осыған байланысты 22 қараша күні елімізде жаңбыр мен қар жауады, деп хабарлайды Қазгидромет.
Солтүстікте қарлы бұрқасын көтеріледі.
Республиканың басым бөлігінде көктайғақ болып, жел күшейеді, оңтүстікте – шаңды дауыл, батыста және оңтүстік-шығыста – тұман түседі.
Ақмола облысында бұрқасын мен көктайғақ болады, жел қарқыны – 15-20 м/с, солтүстікте, шығыста екпіні 23-28 м/с жетеді.
Солтүстік Қазақстан облысының басым бөлігінде бұрқасын, облыстың солтүстігінде, шығысында, оңтүстік-шығысында көктайғақ болады. Желдің күші – 23-28 м/с.
Қарағанды облысының батысында, солтүстігінде, орталығында бұрқасын, көктайғақ болады. Жел жылдамдығы 23-28 м/с жетеді.
Павлодар облысының батысында, оңтүстігінде көктайғақ болады, жаяу бұрқасын соғады. Жел екпіні 23-28 м/с жетеді.
Жамбыл облысының солтүстігінде және таулы аудандарында тұман түседі, оңтүстік-батыста, солтүстік-шығыста, таулы аудандарда жел қарқыны 23-28 м/с дейін күшейеді.
Шығыс Қазақстан облысының күндіз солтүстігінде, батысында жаяу бұрқасын, көктайғақ күтіледі, солтүстігінде, батысында жел 15-20, күндіз екпіні 25 м/с жетеді.
Ақтөбе облысында солтүстікте тұман, көктайғақ, жаяу бұрқасын соғады. Күндіз облыстың солтүстігінде жел екпіні 23-28 м/с дейін күшейеді.
Қостанай облысының солтүстігінде бұрқасын, көктайғақ болады. Жел қарқыны – 25 м/с.
Алматы облысында Алакөл көлдерінің ауданында желдің екпіні 23-28 м/с жетеді.
Түркістан облысында солтүстікте шаңды дауыл, солтүстікте және таулы аудандарда жел 15-20 м/с дейін күшейеді.
Маңғыстау облысының солтүстігінде тұман түседі, күндіз солтүстік-шығысында жел қарқыны15-20 м/с жетеді.
Қызылорда облысының солтүстігінде түнде көктайғақ болады, жел екпіні – 15-20 м/с.
Атырау облысында жел жылдамдығы 15-20 м/с дейін күшейеді.

Дүйсенбіге арналған ауа райы болжамы

Kyzylorda-news.kz. Қазақстанда өткен тәулікте 1 164 адам коронавирус індетінен емделіп шықты, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 212, Алматы қаласы – 188, Шымкент қаласы – 46, Ақмола облысы – 83, Алматы облысы – 35, Атырау облысы – 11, Шығыс Қазақстан облысы – 164, Жамбыл облысы – 17, Батыс Қазақстан облысы – 3, Қарағанды облысы – 144, Қостанай облысы – 17, Қызылорда облысы – 20, Маңғыстау облысы – 8, Павлодар облысы – 192, Солтүстік Қазақстан облысы – 18, Түркістан облысы – 6.
Қазақстан бойынша жазылғандар саны – 925 046.

20 қызылордалық коронавирустан жазылып шықты

<h4 id="kyzylordanewskzhttpskyzylordanewskzruobshestvo72"><a href="https://kyzylorda-news.kz/ru/obshestvo/">Kyzylorda-news.kz</a>. Әлемде әрбір үшінші адам ағзаға су жетіспегеннен зардап шегеді, бірақ олардың үштен екісі бұл туралы білмейді. Қажетті мөлшерде су ішпеу небір дерттің пайда болуына себеп болуы мүмкін. Ғалымдардың айтуынша, адам сусыз 72 сағаттан артық өмір сүре алмайды. Егер су жетіспесе, адам ағзасы дабыл қаға бастайды</h4>
<h5 id="">Тамақтың құрғауы</h5>
Ауыздың, тамақтың құрғауы, шөлдеу – дегидратацияның ең негізгі белгілері.&nbsp;Бұл сигналдарды жиі елемеу басқа да күрделі проблемаларға әкеп соғуы мүмкін.
<h5 id="-1">Терінің құрғауы мен «сұрлануы»</h5>
Адамға су жетіспейтіні көзге анық көрініп тұрады. Өйткені, дегидратация бірден теріге әсер етеді. Бет пен қол терісі құрғап, икемділігін жоғалтады.
<h5 id="-2">Көздің құрғауы</h5>
Денеге сұйықтық жетіспесе, көздің шырышты қабаты жеткілікті түрде ылғалданбайды, сондықтан көзге құм толғандай жағымсыз сезім пайда болады. Тамақтанар алдында 10 минут бұрын кем дегенде бір стақан су ішу керек.
<h5 id="-3">Көз астының «көлеңкеленуі»</h5>
Көз аймағындағы майлы тін дегидратацияға да, артық сұйықтыққа да сезімтал келеді. Су жетіспеушілігінің жиі кездесетін белгісі – көз астының қараюы.
<h5 id="-4">Жүрек қағысының жиілеуі</h5>
Ғалымдар дегидратация жүрек ырғағына қатты әсер ететінін ұзақ уақыт бойы дәлелдеді. Денедегі сұйықтықтың болмауына байланысты плазма көлемінің төмендеуі қан айналымының жоғарылауына және жедел импульстік ритмге әкеледі.
<h5 id="-5">Бас ауруы және бас айналу</h5>
Егер бас ауырып, айналса, су ішу режиміне назар аудару керек. Өйткені су жетіспесе, миға оттегі мен қан ағыны да азаяды, осылайша бас ауырады.
<h4 id="-6">Жалған дабыл</h4>
Адам көбінесе шөлдеу белгілерін ажырата алмайды, шөлдесе, қарным ашты деп шатастырады.
<h4 id="-7">Бұлшық еттің ауырсынуы</h4>
Бұлшық ет көбінесе су жетіспегеннен ауырсынады. Адамның буыны мен шеміршегі 80% судан тұратынын бәрі бірдей біле бермейді. Судың жетіспеушілігі сүйек арасында үйкеліс тудырады. Демек, буындардың ауыруы, тіпті құрысулардың да себебі дегидратация болуы әбден ықтимал.
<h4 id="-8">Бүйректе тас пайда болады</h4>
Суды аз ішу бүйректе тас пайда болуына себеп болуы мүмкін.
<h4 id="-9">Тез шаршау</h4>
Адам ағзасындағы барлық метаболикалық процестер, соның ішінде жасушалардағы энергия өндірісі сұйықтық жеткіліксіз болса, айтарлықтай баяулайды. Ең көп зардап шегетін – ми, ол 90% судан тұрады және дегидратацияға өте сезімтал. Бұл – шаршау мен бас ауруын тудырады. Сондықтан мамандар дәрі ішуге асықпауға кеңес береді. Кәдімгі бір стақан су жағдайыңызды оңалтуы мүмкін.
<a href="https://turkystan.kz/article/158782-agzaga-su-zhetispegende-baykalatyn-8-belgi/?utm_source=target&utm_medium=target&utm_campaign=target&utm_content=target&fbclid=IwAR0I2Et2wVVd_MNH0OB4sVX2xzmxTsdloE_lt5MdFy2aMJEU7RVIiY6-s7o">Turkystan.kz</a>

Су жетіспесе ағзада қандай өзгеріс болады?

<a href="https://kyzylorda-news.kz/ru/obshestvo/">Kyzylorda-news.kz</a>. Дүкендегі сатып алушы белгілі бір өнімді сатып алуды жоспарлаған кезде, оның бағасы жоғары болғанына таң қалады. Ал бұл жағдай адам кассаға жақындағанда анықталады.
Мұндай жағдайлар жиі кездеседі және қарапайым тұтынушыға әрдайым байқалмайды. Біреу ойлана бастайды-баға заттанбасына қарап қателескен жоқ па? Біреу дау-дамайға уақыт жұмсағысы келмей, кассада анықталған құнымен келіседі. Біреу тауарды алудан бас тартады. Бірақ егер сатып алынатын затқомақты болса, онда шығын мөлшері айтарлықтай болуы мүмкін. Бірақ мұндай жағдайда қалай әрекет етуге болады? Кассадағы бағаның сөреде көрсетілгеннен өзгеше екенін көріп, сіз залға барып, қажетті тауардың бағасын суретке түсіруіңіз керек. Содан кейін сіз дүкен әкімшісін шақырып, оған тұтынушы құқықтарының бұзылу фактісі туралы, атап айтқанда бағаның айырмашылығы туралы хабарлауыңыз керек.
Мәселен, “Тұтынушылардың құқықтарын қорғау туралы” Қазақстан Республикасы Заңының 24 – бабында сатушы тауардың бағалар заттаңбасымен ресімделген, сауда объектісінің ішкі және (немесе) сыртқы витриналарына қойылған, көрсетілген құнына сәйкес сатушы (дайындаушы) сатуға міндетті, ал тұтынушы сатып алуға құқылыделінген. Себебі, ҚР Азаматтық Кодексінің 447 – бабына сәйкес, тауарды белгілі бір бағамен сатып алу туралы ұсыныс-бұл жария оферта. Ал тауардың баға белгісі ұсыныстың дәлелі болып табылады. Осылайша, сатып алушы тауарды жаңадан қойылған бағаға келісудің орнына баға белгісінде көрсетілген бағамен сатуды талап етуге құқылы.
Сонымен қатар, егер сатушы қорытынды бағаны затбелгіде көрсетілгеннен жоғары қойса немесе тауарға баға белгісі болмаса, онда оған ҚР ӘҚБтК-нің 193-бабының 4 және 5-тармақтарына сәйкес кәсіпкерлік субъектісінің санатына қарай 200 АЕК дейін жаза қолданылуы мүмкін. Егер тауар баға белгісінде көрсетілген бағамен сатылмаса, тұтынушы сатушыдан артық төленген соманы қайтаруды талап етуге құқылы. Егер сауда нүктесінің әкімшілігі қайтарудан бас тартса, сатып алушы баға белгісінде көрсетілген сома мен нақты алынған сома арасындағы айырмашылықты төлеуді талап етіп, басшылыққа наразылық жазуға құқылы.
Өз құқықтарыңызды қорғап, сауатты тұтынушы болыңыз!
Қазақстан Республикасы Сауда және интеграция министрлігінің Тұтынушылардың құқықтарын қорғау комитеті Қызылорда облысының тұтынушылардың құқықтарын қорғау департаменті.
Тел: 8(7242) 23-50-72, 23-50-66. Мекен-жайы: Қызылорда қаласы, Абай даңғылы №52 ғимарат.
instagram: dzppkyzylorda; facebook: Дзпп Кызылорда

Қазақстан және Қызылорда облысының жаңалықтары