Kyzylorda-news.kz. Қызылорда облысының әкімі Нұрлыбек Нәлібаев жұмыс сапарымен Шиелі ауданына барып, бірқатар нысандарды аралап, жауапты сала басшыларына нақты тапсырма берді.
Алдымен аймақ басшысы Шиелі кентіндегі үш қабатты 18 пәтерлі 4 тұрғын үйдің құрылысын бағамдады. Тұрғын үйде 2 бөлмелі 12 пәтер, 3 бөлмелі 6 пәтер орналасқан. Құрылыс материалдарының күрт қымбаттауына байланысты жобаға қайта түзету жұмыстары жүргізіліп, қосымша қажетті 113,3 млн. теңгеге бюджеттік өтінім берілген.
Облыс әкімі бөлінген әрбір қаражат көлемін мұқият зерделеуді және басталған құрылысты сапалы әрі мерзімінде аяқтауды тапсырды.
<img src="https://kyzylorda-news.kz/wp-content/uploads/2022/04/fb_img_1650533270186.jpg" alt="" />
<img src="https://kyzylorda-news.kz/wp-content/uploads/2022/04/fb_img_1650533267047.jpg" alt="" />

Аймақ басшысы құрылысты сапалы әрі мерзімінде аяқтауды тапсырды

Kyzylorda-news.kz. Президент Мемлекеттік күзет қызметінің жұмысымен танысты, деп хабарлайды Ақорда.
Қасым-Жомарт Тоқаев Мемлекеттік күзет қызметінің 30 жылдығына арналған салтанатты іс-шараға қатысып, сала қызметкерлерін құттықтады.
Мемлекет басшысы бұл құрылымның ұлттық қауіпсіздікті қамтамасыз ету жүйесінде аса маңызды рөл атқаратынын, күзет қызметкерлеріне айрықша жауапкершілік жүктелгенін атап өтті.
<blockquote>
 «Ел басшылығының қауіпсіздігін қамтамасыз ету, стратегиялық нысандарды, сондай-ақ шетелден келген мәртебелі меймандарды қорғау оңай жұмыс емес. Сіздер осы міндетті абыроймен атқарып келесіздер. Бұл 30 жыл ішінде қалыптасқан игі дәстүр, сабақтастық екені сөзсіз. Бүгінде Күзет қызметінің әлеуеті орасан зор. Жауынгерлік техникалық және жедел әрекет ету мүмкіндіктері мол. Шын мәнінде, Мемлекеттік күзет қызметін нағыз патриоттардың ұжымы деуге болады. Ең жауапты сәтте Отан үшін аянбай, адал қызмет етіп келесіздер», – деді Қасым-Жомарт Тоқаев.
</blockquote>
Президент қазіргі шиеленісті геосаяси жағдайда Мемлекеттік күзет қызметінің түрлі сын-қатерлер мен қауіптерге дер кезінде төтеп беру мүмкіндігінің аса маңызды екеніне тоқталды.
<blockquote>
 «Жеке құрамның білімі мен біліктілігін одан әрі дамытып, мемлекеттік күзеттің бүкіл жүйесін жетілдіру қажет. Мемлекеттік күзет қызметі – ерекше құрылым. Сондықтан оған қойылатын талап та әрқашан жоғары болмақ. Сіздер жүктелген міндетті шұғыл әрі тиімді атқарады деп сенемін. Мінсіз қызметтеріңіз үшін баршаңызға шынайы ризашылығымды білдіремін», – деді Қазақстан Президенті.
</blockquote>
Мемлекет басшысы сала қызметкерлерінің еңбегіне табыс тілеп, бірқатарын мемлекеттік наградалармен марапаттады. Атап айтқанда І және ІІ дәрежелі «Айбын» ордендері, «Жауынгерлік ерлігі үшін» медальдары табысталып, Президенттің Алғысы жарияланды.
Қасым-Жомарт Тоқаев марапаттау рәсімінен кейін мерекелік концертті тамашалады.

Президент Мемлекеттік күзет қызметінің жұмысымен танысты

<a href="https://kyzylorda-news.kz/">Kyzylorda-news.kz.</a>&nbsp;Бүгін Сырдария ауданының әкімі Мұрат Ергешбаев мәдениет саласының ардагері Жантемір Айсиннің 70 жылдық мерейтойына және Сырдария аудандық тарихи-өлкетану музейінің меңгерушісі Марат Омаровты зейнет демалысына шығарып салуға арналған мерейтойлық іс-шараға қатысты.
Аудан әкімі мәдениет саласының ардагері Жантемір Айсинның 70 жылдық және аудандықтарихи-өлкетану музейінің меңгерушісі Марат Омаровты құрметті зейнет демалысына шығу мерейтойларымен шын жүректен құттықтады.
Аудан басшысы Мұрат Нәлхожаұлы бүгінде ұзақ жылғы еңбегінің жемісін көріп отырған Жантемір Айсин мен ауыл шаруашылығында, мемлекеттік қызметте және мәдениет салаларында жемісті еңбек еткен Марат Омаровтың өмір жолдарына, атқарған қызметтері, ауданымыздың дамуына қосқан сүбелі үлестеріне айрықша тоқталды.
Бүгінгі құрмет иелеріне сый-сияпат табыстап, қазақы дәстүрмен шапан жауып, марапаттарымен тағы да құттықтап, дендеріне саулық, отбастарына амандық тіледі.
Салтанатты шарада аудандық мәслихат хатшысы Ержан Әжікенов, облыстық тарихи-өлкетану музейінің директоры Сапар Көзейбаев, ауданның «Құрметті азаматы» Алма Бахтиярова мерей той иелерін құттықтап, ізгі лебіздерін білдірді.
Шара соңында құрмет иелері Жантемір Айсин мен Марат Омаров сөз кезегін алып, өз ризашылықтарын білдіріп, ауданның дамуына, көркейе беруіне шынайы тілектестіктерін жеткізді.
<img src="https://kyzylorda-news.kz/wp-content/uploads/2022/04/278880781_1107392926490265_4311282306078883976_n.jpg" alt="" />

Сырдария ауданында мәдениет майталмандарына құрмет көрсетілді

<a href="https://kyzylorda-news.kz/">Kyzylorda-news.kz.</a> ҚР Қорғаныс министрлігі Қарулы Күштердегі физикалық дайындығы жөніндегі нормативтерге өзгертулер әзірледі. Өзгертулер&nbsp;<a href="https://legalacts.egov.kz/npa/view?id=14077305">жобасы</a>&nbsp;ашық нормативтік-құқықтық актілер порталында орналастырылған, деп хабарлайды <a href="https://lenta.inform.kz/kz/elimizde-askerilerdin-fizikalyk-dayyndygy-boyynsha-talap-ozgeredi_a3925269">ҚазАқпарат</a>.
Нормативтер жобасына енгізілген негізгі өзгерістер мен толықтырулар мыналар:
1) «Азаматтық жастар қатарынан әскери оқу орындарына кандидаттардың» дене даярлығын бағалау тәртібі анықталды – бұрын бұл мәселе қарастырылмаған;
2) «Азаматтық жастар қатарынан әскери оқу орындарына кандидаттар» санаты әскери қызметшілер санатынан бөлінді – бұған дейін нақты санаттар арасы бөлінбеген;
3) «Азаматтық жастар қатарынан әскери оқу орындарына кандидаттарға» арналған жаттығулар айқындалды (100 м жүгіру қосылды) – бұған дейін кейбір жаттығулар қарастырылмаған;
4) Жекпе-жек ұрыс тәсілдерін жасауға тартылатын санаттар айқындалды (1 және 2 жас тобындағы әйелдерге – бастапқы және 8 есепке орындалатын ЖЖК кешендері, 1 және 5 жас тобындағы әскери қызметші ерлерге – жекпе-жек бастапқы, арнаулы және 8 есепке орындалатын жекпе-жек кешендері) – бұған дейін кейбір жаттығулар дұрыс бөлінбеген;
5) Кедергілер жолағында орындалатын жаттығулар нәтижелеріне ауа температурасын және киім нысанын ескере отырып түзетулер анықталды – бұған кедергілер жолағында орындалатын жаттығуларға өзгертулер және киім нысанының нұсқалары болмаған.
Құжат жобасы осы жылдың 5 мамырына дейінм қоғамдық талқылауға ашық болады.

Қазақстанда әскерилердің физикалық дайындығы бойынша талап өзгереді￼

<a href="https://kyzylorda-news.kz/">Kyzylorda-news.kz.</a> Халқының мақтанышына айналған ән падишасы, КСРО және Қазақстанның халық әртісі, Халық қаһарманы Роза Бағланованың туғанына биыл ғасыр толды.
Мемлекет басшысы Қасым-Жомарт Тоқаев әншінің құрметіне мерекелік іс-шаралар өткізуге үлкен маңыз беріп, жалпыреспубликалық деңгейде Сыр сандуғашын еске алу іс-шаралары өтуде. 
Бүгін облыс әкімі Нұрлыбек Нәлібаев Роза Бағланованың 100 жылдығына орай «Ақмаңдайлым» атты республикалық әншілер конкурсының ашылу рәсіміне қатысты. Іс-шараға әншінің ұлы Тәжен мен келіні Марал, жергілікті ардагерлер, өнер қайраткелері қатысты.
Аймақ басшысы өнерсүйер қауымды Сыр елінің біртуар перзентінің мерейтойымен құттықтап, конкурсқа қатысушыларға сәттілік тіледі.
<blockquote>
 «Бүгін Сыр елінде ән мен өнер мерекесі ғана емес, ұлт руханиятының асқақтаған күні десе болады. Қазақтың қаһарман қызы Роза Бағланованың есімі ұрпақтан ұрпаққа жалғаса берсін. Бүгінгі байқауға қатысып отырған жастар арасынан Роза апасына ұқсаған таланттар шығады деп сенемін!», – деді облыс әкімі.
</blockquote>
Сөз соңында Нұрлыбек Нәлібаев ән падишасының ұлы Тәжен мен келіні Маралға қазақы дәстүрге сай сый-сияпат жасады.
Айта кетейік, конкурсқа қазақтың ән өнерін асқақтатып, ұлт мәдениетін көтеруге еңбек сіңіріп жүрген – Рамазан Тайманов, Күлән Қалымбетова, Жеңіс Сейдуллаұлы, Бахтияр Тайлақбаев, Сембек Жұмағалиев секілді еліміздің кәсіби өнер тарландары қазылық етуде.
Өнер байқауында еліміздің түкпір-түкпірінен келген жас әншілер бақ сынауда.
<img src="https://kyzylorda-news.kz/wp-content/uploads/2022/04/278572720_285767060411212_6426505297102284860_n.jpg" alt="" />
<img src="https://kyzylorda-news.kz/wp-content/uploads/2022/04/278295201_285767067077878_8832389208497293510_n.jpg" alt="" />
<img src="https://kyzylorda-news.kz/wp-content/uploads/2022/04/278566375_285767160411202_6193947375216966176_n.jpg" alt="" />
<img src="https://kyzylorda-news.kz/wp-content/uploads/2022/04/278738683_285767173744534_8492124268761103057_n.jpg" alt="" />
<img src="https://kyzylorda-news.kz/wp-content/uploads/2022/04/278649416_285767337077851_8795797870398231245_n.jpg" alt="" />

Қызылордада Роза Бағланованың құрметіне «Ақмаңдайлым» байқауы басталды

<a href="https://kyzylorda-news.kz/">Kyzylorda-news.kz.</a>&nbsp;Көлік жуу бекетінде администратор боп жұмыс жасаған Санжар (есімі өзгертілді) өз өмірінде орын алған қателік үшін өкінетінін айтады. Абайсызда адам өлтіріп, 18 жылға бас бостандығынан айрылған ол бүгінде мерзімінің 9 жылын өтеген. Алайда кейіпкеріміз өткенге оралғысы келмей, оқиға барысын баяндаудан бас тартты.
<blockquote>
 «Бұл маған берілген санақ. Бойымдағы күш-жігерімді, білімімді елге жұмсайтын уақытта абақтыда отырмын. Мұнда келгенде жасым 22-де болатын. 37 жаста босатылады екем. Оңай емес әрине. Дегенмен жақсылықтан үміттімін. Мерзімімді аяқтап әке-шешемнің жанына барсам, шаңырақ көтерсем, өзімнің жеке кәсібімді ашсам деймін. Мұнда өндірістік аймақта жұмыс жасап жүрмін. Кәсіптік мектепте оқып, сантехник, сварщик мамандығы бойынша 2 диплом алдым. Түрме деген аты болмаса дәл сол бостандықтағыдай өзіне тән тіршілігі бар. Жалқаулар екі қолын қалтасына салып бос жүрсе, ал өмірін өзгертуді қалайтындар, еңбекқұмарлар өндірістік аймақтағы әртүрлі цехтарда еңбек етеді. Ең бастысы адамның өзінде өмірге деген құштарлық басым болса жасаған қателігінен сабақ алып, нәтиже шығара алады», – деді Санжар жүзінен үміт сәулесі ұшқындап.
</blockquote>
Кейіпкеріміз Қорқыт ата атындағы Қызылорда мемлекеттік университетін бітіріп, мемлекеттік мекемелерде экономист боп қызмет атқарған. Кейінен жеке кәсіпке бет бұрып, әпкесінің көлік жуу бекетіне администратор болады. Өмірінің қиын сәттері осында басталған екен.
ЗК-169/5 мекемесі бойынша тәрбие бөлімінің бастығы, әділет майоры Алтынбек Өскенбаев Санжардың тәртібі, қызметкерлермен қарым-қатынасы жақсы екенін жеткізді. Мекеме тарапынан марапаттаулар алып жүр.

Абайсызда адам өлтіріп, 18 жылға сотталған

<a href="https://kyzylorda-news.kz/">Kyzylorda-news.kz.</a>&nbsp;Тергеу изоляторында тыйым салынған зат тәркіленді.
Қызылорда облысындағы ЗК-169/1 мекемесінің сәлем – сауқаттарды қабылдау бөлмесінде ыстық тағам арасына бірнеше ұялы телефон салып өткізбекші болған азамат ұсталды.
Нақтырақ айтар болсақ, Қызылорда қаласы ЗК-169/1 мекемесіне келген азамат 1994 жылы туған айыпталушыға алып келген сәлем-сауқатын тексеру барысында, тамақ өнімінің ішінен 2-дана қара түсті «PRO» маркалы ұялы телефоны және 1-дана қара түсті І «teхet» маркалы ұялы телефоны мен 1-дана қуаттағышы, 3-дана «билайн» сим картасы табылып, тыйым салынған заттар тәркіленді.
Қазіргі таңда аталған факт бойынша ҚР Әкімшілік құқық бұзушылық туралы кодексінің 481-бабына сәйкес (Қылмыстық-атқару жүйесінің мекемелерінде, арнаулы мекемелерде ұсталатын адамдарға тыйым салынған заттар, бұйымдар мен нәрселер беру) әкімшілік материалдар жиналып, сотқа жіберілді.
<img src="https://kyzylorda-news.kz/wp-content/uploads/2022/04/d320e7c9-b5fe-40a5-8e52-8eac5952d5ac.jpg" alt="" />

Қызылордада тергеу изоляторына келген сәлемдеменің ішінен 3 телефон табылды

*<a href="https://kyzylorda-news.kz/">Kyzylorda-news.kz.</a>&nbsp;Шиелі ауданына жұмыс сапары кезінде облыс әкімі Нұрлыбек Нәлібаев актив отырысын өткізді.*
Жиында аудан әкімі Нариман Мақұлбеков экономикалық көрсеткіштерге тоқталып, шешімін тапқан және аудан халқы үшін өзекті мәселелерге қатысты ұсынысын білдірді.
Аймақ басшысы негізгі экономикалық көрсеткіштерді бақылауда ұстап, өңірдегі кәсіпкерлерге қолдау көрсетуді, инвестиция тарту бойынша кешенді шаралар қабылдауды тапсырды.
Басқосуда Шиелі ауданының құрметті азаматы, сала ардагерлері Рахым Мауяев, Пердәлі Архабаев пен Шиелі кентінің ардагерлер кеңесінің төрағасы Болат Күлімбетов ел ішінде ауызбірліктен асқан бақыт жоқ екенін тілге тиек етіп, аймақ басшысына тілеулестігін танытып, Президент ұсынған әрбір бастаманы қолдауға шақырды.
<img src="https://kyzylorda-news.kz/wp-content/uploads/2022/04/fb_img_1650488229885.jpg" alt="" />

Нұрлыбек Нәлібаев Шиелі ауданына жұмыс сапарымен барды

<a href="https://kyzylorda-news.kz/">Kyzylorda-news.kz.</a>&nbsp;Міндетті медициналық сақтандыру жүйесіндегі мәртебеңізді бірнеше жолмен тексеруге болады.
Qoldau 24/7 мобильді қосымшасы. Ол үшін мәзірде «Сақтандырылу мәртебесін тексеру» бөлімін таңдап, ЖСН енгізу қажет. Сол кезде мәртебе және алдыңғы 12 айдағы төлемдердің болуы туралы ақпарат пайда болады.
Қосымшаны PlayMarket және AppStore-дан жүктеуге болады
Телеграмм-бот @SaqtandyryBot. Шағын бағдарламаны іске қосу үшін сілтемені ашу керек: https://t.me/SaqtandyryBot немесе іздеу жолына атау енгізіңіз, Бұдан әрі – «Сақтандырылу мәртебесін анықтау» бөлімін таңдаңыз, ЖСН енгізіңіз.
Egov.kz электрондық үкімет порталы. ол үшін «Денсаулық сақтау» бөлімінде «Медициналық қызметтерді тұтынушы ретінде қатысу туралы және міндетті әлеуметтік медициналық сақтандыру жүйесінде аударылған аударымдар және (немесе) жарналар сомасы туралы ақпарат беру» қызметін табу, «Қызметке тапсырыс беру» батырмасын басу, ЖСН көрсету қажет. Нәтиже 10 минут ішінде пайда болады.
Әлеуметтік медициналық сақтандыру қорының ресми сайты. «Мәртебені анықтау» нүктесі оң жақта орналасқан. Соны басып, ЖСН көрсету жеткілікті.
<img src="https://kyzylorda-news.kz/wp-content/uploads/2022/04/kak-proverit-statws_kaz.jpg" alt="" />

МӘМС жүйесінде сақтандырылу мәртебесін қалай тексеруге болады?

*<a href="https://kyzylorda-news.kz/">Kyzylorda-news.kz.</a> Бүгін Қазақстанның басым бөлігіне атмосфералық фронттар әсер етеді. Салдарынан жаңбыр жауады, оңтүстіктің таулы аудандарында және солтүстікте қатты жауын-шашын жауады, деп хабарлайды Қазгидромет.*
Республика бойынша жел күшейеді, солтүстікте тұман түсіп, оңтүстікте найзағай ойнайды, бұршақ жауып, дауыл тұрады.
Күндіз Қызылорда облысында күн ашық, облыс орталығында жел 15-20 м/с артады.

21 сәуірге арналған ауа райы болжамы

*<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында таза су айдындары акциясы жалғасын табуда.*
Су және жағалау маңындағы аумақтар синтетикалық материалдардан жасалған аулармен ластануда, олар ұзақ уақыт бойына шірімейді, оған түскен балық шыға алмай, өліп қалады. Балықтан басқа, ауларға суда жүзетін құстар да ілінсе, шыға алмайды, нәтижесінде су айдындарының санитарлық жай-күйі нашарлайды.
Мұнан бөлек су жағалауы да әр-түрлі заттармен айтарлықтай ластануда. Бұл қоршаған табиғи ортаға және су биоресурстарына үлкен зиян келтіруде.
Акцияның басты мақсаты осы су айдындарын суда қалдырылған және заңсыз орнатылған ауларды сүзу және жағалауды қоқыстан тазарту.
«Жалағаш орман және жануарлар дүниесін қорғау жөніндегі мемлекеттік мекемесі» жергілікті жердегі «Майкөл»,«Бегім» көлдеріне «Таза су айдындары» экологиялық акциясы аясында тазалау жұмыстарын жүргізді.
Акцияға 2 техника, 8 адам жұмылдырылып, соның нәтижесінде 500 кг жуық қоқыс қалдықтары шығарылып, арнайы қоқыс тастайтын орынға апарып тасталды.

Қызылордада таза су айдындары акциясы жалғасуда

<a href="https://kyzylorda-news.kz/">Kyzylorda-news.kz.</a> Соңғы 3 жылда облыс аймағында елді-мекендермен, шаруа қожалықтарында жеке басын куәландыратын құжатсыз және ескі үлгідегі Кеңестік Социалистік Республикалар Одағының паспортымен жүрген 67 адам анықталды. Осыған байланысты, олардың Қазақстан Республикасының азаматтығын алу үшін тиісті көмек берілді. Бұл туралы Өңірлік коммуникациялар қызметінде өткен баспасөз конференциясында «Сана сезім» қоғамдық қорының заңгері Элина Еникеева мәлімдеді.
2016 жылдың қаңтар айынан бастап «Сана Сезім» ӘБҚО қоғамдық қоры және Біріккен Ұлттар Ұйымы мен Қызылорда облысы полиция департаменті Көші-қон қызметі құрылымдарымен бірлесіп «Азаматтығы жоқ адамдарды анықтау және оларға құқықтық көмек көрсету» жобасы аясында іске асуда.
БҰҰ босқындар істері жөніндегі Агентігінің өкілі Шолпан Олжабаеваның айтуынша, ҚР Ішкі істер министрлігінің операциялық жоспарына сай бекітілген меморандумға сәйкес біршама жұмыстар атқарылды. Ал, шет елдерден келген қандас мәртебесін алған этникалық қазақтарға жеңілдетілген тәртіппен Қазақстан азаматтығын алу үшін 50 азаматқа құжаттануға көмек көрсетілді. Бұл бағыттағы жұмыстар одан әрі жалғасуда.
Сонымен қатар, бүгін ОПД көші-қон қызметі басқармасы бастығының орынбасары Сағындық Камитбеков 2 азаматқа жеке басын анықтайтын құжаттарды табыстады. Соның бірі, 42 жасына дейін құжаттанбай жүрген 1980 жылы Сырдария ауданында туылған Телғозиев Қанат. Оны «Сана сезім» әйелдер бастамаларының құқықтық орталығы анықтаған.
<img src="https://kyzylorda-news.kz/wp-content/uploads/2022/04/278899035_1515444522184388_6735628421185464244_n.jpg" alt="" />

Қазақстан және Қызылорда облысының жаңалықтары

Аймақ басшысы құрылысты сапалы әрі мерзімінде аяқтауды тапсырды

Президент Мемлекеттік күзет қызметінің жұмысымен танысты

Сырдария ауданында мәдениет майталмандарына құрмет көрсетілді

Қазақстанда әскерилердің физикалық дайындығы бойынша талап өзгереді

Қызылордада Роза Бағланованың құрметіне «Ақмаңдайлым» байқауы басталды

Абайсызда адам өлтіріп, 18 жылға сотталған

Қызылордада тергеу изоляторына келген сәлемдеменің ішінен 3 телефон табылды

Нұрлыбек Нәлібаев Шиелі ауданына жұмыс сапарымен барды

МӘМС жүйесінде сақтандырылу мәртебесін қалай тексеруге болады?

21 сәуірге арналған ауа райы болжамы

Қызылордада таза су айдындары акциясы жалғасуда

Қызылордада жеке басын куәландыратын құжатсыз жүргендерге төлқұжат берілді

Қазақстан және Қызылорда облысының жаңалықтары

Аймақ басшысы құрылысты сапалы әрі мерзімінде аяқтауды тапсырды

Президент Мемлекеттік күзет қызметінің жұмысымен танысты

Сырдария ауданында мәдениет майталмандарына құрмет көрсетілді

Қазақстанда әскерилердің физикалық дайындығы бойынша талап өзгереді￼

Қызылордада Роза Бағланованың құрметіне «Ақмаңдайлым» байқауы басталды

Абайсызда адам өлтіріп, 18 жылға сотталған

Қызылордада тергеу изоляторына келген сәлемдеменің ішінен 3 телефон табылды

Нұрлыбек Нәлібаев Шиелі ауданына жұмыс сапарымен барды

МӘМС жүйесінде сақтандырылу мәртебесін қалай тексеруге болады?

21 сәуірге арналған ауа райы болжамы

Қызылордада таза су айдындары акциясы жалғасуда

Қызылордада жеке басын куәландыратын құжатсыз жүргендерге төлқұжат берілді

Қазақстанда әскерилердің физикалық дайындығы бойынша талап өзгереді