Kyzylorda-news.kz. Қазақстан аумағының басым бөлігі әлі де циклон мен атмосфералық фронттардың ықпалында болады. Салдарынан жаңбыр жауады, республиканың батысында нөсер жауын жауады, деп хабарлайды Қазгидромет.
Тек республиканың солтүстігінде антициклон әсерінен жауын-шашынсыз ауа райы сақталады.
Республика бойынша жел күшейеді, найзағай ойнайды, солтүстікте және шығыста – тұман, оңтүстікте – дауыл, күндіз шаңды дауыл, батыста – бұршақ жаууы мүмкін.
Күндіз Қызылорда облысының орталығында жел қарқыны – 15-20 м/с.

23 сәуірге арналған ауа райы болжамы

<a href="https://kyzylorda-news.kz/">Kyzylorda-news.kz.</a>&nbsp;Аймақтағы мемлекеттік қызмет көрсету сапасын арттыру бойынша кәсіби құзіреттіліктер мен мен практикалық дағдыларды дамыту мақсатында біліктілікті арттыру семинары өтуде.
Семинар аясында «Азаматтарға арналған үкімет» мемлекеттік корпорация КЕ АҚ Қызылорда облысы бойынша филиалының фронт офистері үйлестіру басқармасының басшысы Гүлназ Бадрақова облыстық әділет департаменті мен медициналық және фармацевтикалық бақылау комитетінің Қызылорда облысы бойынша департаментінің мамамандарына «Электрондық мемлекеттік қызметті көрсету тәртібі» тақырыбында сабақ өткізді.
Сабақ барысында Гүлнәз Бадракова мемлекеттік көрсетілетін қызметтерді электронды түрде жүзеге асыру мен электрондық цифрлық қолтаңба саласындағы мемлекеттік бақылау мүмкіндігінайтып өтті. Бұдан бөлек ұялы телефон арқылы қызметтерді алу, жүргізуші куәліктерін қашықтан ауыстыру сынды жаңадан қосылған қызметтерді таныстырды. 1414 Біріңғай байланыс орталығы арқылы аудио-байланыс және бейне-байланыс арқылы қызмет алу мүмкіндіктерін тәжірибе түрінде көрсетті.

Мемлекеттік қызметшілердің біліктілігін арттырды

<a href="https://kyzylorda-news.kz/">Kyzylorda-news.kz.</a> Түлектердің мектеп бітіру кеші тек мектеп қабырғасында өтуге тиіс. Бұл туралы білім және ғылым министрлігі мәлімдеді.
<blockquote>
 «Соңғы екі жылда коронавирус індеті мектеп пен ұстаздардың дәстүрлі қоштасу кешін өткізуін тоқтатып тастады. Ал қазір эпидемиологиялық жағдай мұндай кешті өткізуге мүмкіндік береді. Бірақ кештің барлығы міндетті түрде мектеп қабырғасында өткізілуі керек. Мектептердің қамқоршылық кеңестері мен білім басқармалары түлектердің ата-аналарына іс-шараларға шығындалудың тиімсіз екенін түсіндіруі қажет. Бұл сұрақ – күн тәртібіндегі басты мәселелердің бірі», – деді БҒМ МДОБК тәрбие жұмысы және қосымша білім беру басқармасының басшысы Самал Қадырова.
</blockquote>
Мектеп бітіру кеші білім ошағының өз күшімен ұйымдастырылуы керек.
Бұл ретте мектеп бітіру кештерінде мына дүниелерге рұқсат етілмейді:
– салтанатты кешті өткізуге ақша төлеп, аниматорларды, мерекелік агенттіктерді, әртістерді, жеке студияларды тартуға;
– мерекелік дастархан ұйымдастыруға;
– автокөліктерді жалға алып, қала (аудан) бойынша экскурсия өткізуге;
– мектеп әкімшілігі мен мұғалімдерге сыйлық алу үшін ақша жинауға;
– мектеп бітіру кештерін ойын-сауық мекемелерінде ұйымдастыруға.
Мектеп бітіру кешіне мұғалімдер, түлектер және олардың ата-аналары, педагогикалық еңбек ардагерлері, Қамқоршылық кеңес мүшелері, патронаттық ұйымдар, білім басқармалары мен бөлімдерінің өкілдері қатыса алады.
Айта кетері, Қазақстанның барлық мектебінде соңғы қоңырау 25 мамырда өтеді. Аттестат салтанатты түрде 16-17 маусымда тапсырылады.
<a href="https://sputnik.kz/20220422/bilim-ministrligi-mektep-bitiru-keshi-24389650.html">Sputnik.kz</a>

Білім министрлігі мектеп бітіру кешін қалай өткізу керек екенін айтты￼

<a href="https://kyzylorda-news.kz/">Kyzylorda-news.kz.</a> Қызылорда облысындағы жоғары оқу орындары мен колледждерде екі мыңнан астам студент ана бар.
«Ізденіс жолы» қоғамдық қорының ұйымдастыруымен облыстық студент аналар кеңесі 150 жас анаға әртүрлі бағытта кеңес өткізді. Бұл жоба 6 айға дейін жалғасатын болады.
<blockquote>
 «Өңірімізде алғаш рет ашылған жоба оқу мен отбасыны қатар алып жүрген студент аналарға арналады. Отбасылы студенттерге әлеуметтанушылар, заңгерлер, психолог мамандар кеңес береді. Мәселен, атаулы әлеуметтік жәрдемақы, құқықтық және психологиялық тұрғыда шешілмеген мәселелерді қарастырады. Үш айдың ішінде 150-ден астам жас ана өздеріне қажетті көмекті алды», – деді «Ізденіс жолы» қоғамдық қорының төрағасы Серікхан Жүзеев.
</blockquote>
Бұл жобаны халықаралық USAID агенттігі қаржыландырады. Жоба аясында облыстық студент аналар кеңесінің төрайымы сайланып, кеңес құрамы бекітілді.
<blockquote>
 «Жобаны Евразия қоры жүзеге асыратын АҚШ халықаралық даму агенттігі қаржыландыратын Орталық Азиядағы әлеуметтік инновациялар бағдарламасының қолдауымен ұйымдастырылуда. Елімізде мұндай бағдарлама алғаш рет бастау алды. Отбасылы немесе жалғыз басты студент аналарды қорғау, оларға көмек беру мемлекеттік деңгейде жүргізілуі керек деген ойдамын», – деді «Евразия» қорының қаржы жөніндегі өкілі Қорлан Жапарова.
</blockquote>

Қызылордада 150-ден астам студент анаға кеңес берілді

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінде «Археология және этнология» білім беру бағдарламасы бойынша республикалық пәндік олимпиада ұйымдастырылды.
Білімділер бәсекесінің алғашқы кезеңінде студенттер пән бойынша тест тапсырса, екінші кезеңде археология саласы бойынша жоба қорғады.
Республикалық олимпиадаға Л.Н.Гумилев атындағы Еуразия Ұлттық университеті, Е.Бөкетов атындағы Қарағанды университеті, М.Әуезов атындағы Оңтүстік Қазақстан университеті, С.Торайғыров атындағы Павлодар университеті және Қорқыт ата атындағы Қызылорда университетінің білім алушылары қатысты.
Археологтар – ежелгі тарихты құмнан аршып, ғылымға әкелетін, ел игілігіне қызмет ететін мамандар. Айта кету керек, елімізде «Археология және этнология» мамандығы 7 оқу орнында ғана оқытылады. Сондықтан, бұл мамандықты меңгеретін студенттер саны да шектеулі.
Университетте 26 жыл бұрын ашылған «Археология және этнология» мамандығы бойынша осы кезге дейін 100-ге жуық маман даярланды. Олар қазір еліміздің білім беру және ғылым саласында табысты еңбек етуде. Сонымен қатар, оқу ордасында «Археология және этнография» ғылыми орталығы жұмыс жасайды. Орталық мамандары Сыр өңіріндегі археологиялық мәдениеттер мен ескерткіштерді зерттеу, насихаттау жұмыстарына атсалысып, ғылыми жобаларды жүзеге асыруда. 
Олимпиада қорытындысы бойынша жүлделі І орынды Л.Н.Гумилев атындағы Еуразия Ұлттық университетінің командасы жеңіп алса, ІІ орынды Е.Бөкетов атындағы Қарағанды университетінің білім алушылары иеленді. Ал, ІІІ орынға С.Торайғыров атындағы Павлодар университетінің командасы лайық деп танылды.
Сайыста барлық командаларға Қорқыт ата атындағы Қызылорда университетінің басқарма төрағасы – ректорының Алғыс хаты табысталып, жеңімпаздар «Үздік жас археолог», «Үздік жас этнолог», «Алтын күрек» аталымдарымен марапатталды.
Олимпиадаға қатысқан білім алушылар сапар барысында университеттің археологиялық базасымен, Қызылорда облыстық тарихи-өлкетану музейімен танысып, Қармақшы ауданындағы Қорқыт ата кешеніне саяхат жасады.
Өткен жылы республикалық пәндік олимпиадада Қорқыт ата атындағы Қызылорда университеті жеңімпазы атанған болатын. Сондықтан шара биыл Сыр елінде ұйымдастырылды. Дәстүр бойынша келесі жылы олимпиада биыл жеңіс төрінен көрінген Л.Н.Гумилев атындағы Еуразия Ұлттық университетінде өтеді.

Қызылордада өткен республикалық пәндік олимпиаданың жеңімпаздары анықталды

<a href="https://kyzylorda-news.kz/">Kyzylorda-news.kz.</a> Еңбек және халықты әлеуметтік қорғау министрлігі бала кезінен мүгедектерге берілетін жәрдемақы 30 мың теңгеге ұлғайғаны туралы әлеуметтік желілерде таралып жатқан ақпараттың шындыққа жанаспайтынын мәлімдеді.
Министрлік мәліметінше, биыл инфляция дәлізін 4-6%-тен 8-10%-ке дейін қайта қарауға байланысты жәрдемақылар қосымша индексацияланады.
Жәрдемақы мөлшері президент «2022-2024 жылдарға арналған республикалық бюджет туралы» заңға енгізілген түзетулерге қол қойғаннан кейін бір-ақ өседі. Қазір заң жобасын парламент сенаты қарап жатыр.
Айта кетері, мемлекеттік әлеуметтік жәрдемақының мөлшері мүгедектік тобына және себебіне байланысты болады.
Мүгедектігі бойынша берілетін жәрдемақы жыл сайын ең төменгі күнкөріс деңгейінің өзгеруіне байланысты индексацияланады. Мәселен, 2022 жылғы 1 қаңтардан бастап осы жәрдемақының мөлшері 5%-ке өсті.
Еңбек министрлігі қазақстандықтарға жалған ақпарат таратқандар заң бойынша жауапқа тартылатынын ескертті.
<a href="https://sputnik.kz/20220422/zhardemaqy-30-myn-tenge-aqparat-24386058.html">Sputnik.kz</a>

Әлеуметтік желіде жәрдемақының 30 мың теңгеге өскені туралы ақпарат тарады￼

<a href="https://kyzylorda-news.kz/">Kyzylorda-news.kz.</a> Қызылорда қалалық орталықтандырылған кітапханалар жүйесі 23 сәуір – дүниежүзілік кітап және автор құқығын қорғау күніне орай «Өркениетке кітаппен» атты әдеби автобус шарасын өткізді.
Дәйекті сөздермен, шарлармен, арнайы эмблемемен әсем безендірілген №1 бағыттағы автобус жолаушылары кітап туралы өлең-жырларды тыңдап, қосыла ән шырқады.
Рухани байлығымызды ұлықтау мақсатында ұйымдастырылған шарада қалалық кітапханалар жүйесіне қарасты барлық кітапханалар туралы ақпарат беріліп, кітаптар мерекесінің маңыздылығы туралы айтылды. Сонымен қатар, биылғы балалар жылының ерекшелігіне тоқталды.
Шара барысында «Қазанғап» атындағы музыкалық колледж студенттерінен құралған «Алтын адам» тобы, Дариға Досмағанбетова «Бипыл» әнін орындап, жолаушыларға көтеріңкі көңіл күй сыйлады.
Кітап – кез-келген оқырманның азығы. Тамыры тереңнен басталып, адамзат пайда болғаннан бері маңыздылығы артпаса, кеміген жоқ. Өткен тарихын біліп, ақын жазушылардың шығармаларына қанып өскен ұрпақ кітап құндылығын бір сәтке естен шығармақ емес. Көненің көзі саналатын кітаптар аты әлемге әйгілі кітапханаларда осы уақытқа дейін құнды құжат ретінде сақтаулы тұр. Өйткені, ол сол елдің тарихы, мәдениеті, салт-дәстүрінің айшықты белгісі. Кітапхананың тұрақты оқырмандары П.Уалиева «Кітап туралы ой», С.Шахат «Кітап біздің досымыз» атты қазақ ақындарының өлеңдерін жатқа оқыды.
Сонымен қатар, жүргізушілерге викториналық ойындар ойнатылып, қызықты сұрақтар қойылды. Тапқыр да білімді жолаушылар сұрақтарға нақты жауап беріп, түрлі сыйлықтарға ие болды. 
Қоғамдық көлік жолаушыларына «Бір ел – бір кітап» республикалық акциясы аясында Ахмет Байтұрсыновтың өлеңдері мен қанатты сөздерінің жинағы оқуға ұсынылды.
Кітапхананың белсенді оқырмандары Д.Кеңесбай А.Байтұрсыновтың «Анама хат», К.Мәуен «Ат пен есек» С.Жаппасбай «Егіннің бастары», А.Алмасқызы «Өгіз бен бақа» өлеңдерін жатқа оқыды.
<img src="https://kyzylorda-news.kz/wp-content/uploads/2022/04/avtobws.jpg" alt="" />
<img src="https://kyzylorda-news.kz/wp-content/uploads/2022/04/279054032_1144887322992930_4503790434457610235_n.jpg" alt="" />
<img src="https://kyzylorda-news.kz/wp-content/uploads/2022/04/278970068_1144887209659608_8289419453938617018_n.jpg" alt="" />
<img src="https://kyzylorda-news.kz/wp-content/uploads/2022/04/279005249_1144887212992941_2127795110299580_n.jpg" alt="" />

Қызылорда: «Әдеби автобус» жолаушылардың көңілін көтерді

<a href="https://kyzylorda-news.kz/">Kyzylorda-news.kz.</a> Сыр елінде облыстық филармонияның 50 жылдығы және халықаралық би күніне орай ІІ республикалық «Ақкербез» би байқауы өтеді. Бұл сайысқа еліміздің 7 өңірінен 9 кәсіби би ұжымы қатысады. Бұл туралы Өңірлік коммуникациялар қызметінде өткен брифингте облыстық филармонияның директоры Талғат Мақашов хабарлады.
<blockquote>
 «Республикалық «Ақкербез» фестивалі қазақ би өнерін ұлықтауға және қайта жаңғыртуға бағытталған. Конкурс-фестивалі аймақ басшысының қолдауымен өңірімізде екінші мәрте ұйымдастырылып отыр. Мың бұралған би сайысында көрші мемлекет Өзбекстаннан арнайы келген кәсіби маман қазылар алқасында баға беретін болады. Осы орайда жерлестерімізді ауқымды шараның куәсі болуға шақырамын», – деді облыстық филармонияның директоры Талғат Мақашов.
</blockquote>
«Ақкербез» республикалық би конкурсына қатысушылардың жасына шектеу болмайды. Сондай-ақ І кезеңде қазақ биінен қойылым қойылса, ІІ кезеңде әр ұжым қалаған би түрлерін көрсетеді.
<blockquote>
 «Жалпы республикалық байқауда еліміздегі ең мықты би ұжымдары қатысады. Осындай конкурстар қазақ би өнерін насихаттауда үлкен маңызға ие екені белгілі. Ұлттық би жанашырларына үлкен алғыс білдіре отырып, жалғасын табады деп сенемін», – деді қазақ ұлттық хореография академиясының аға оқытушысы Анвара Садықова.
 «Қазақстан мемлекетіне, Қызылорда облысына арнайы шақырту алғаныма қуаныштымын. Қазақ ұлтының әрбір өнері өте ерекше әрі әсерлі. Екі ел арасын байланыстыратын ортақ құндылықтарымыз өте көп. Сіздердің қонақжайлықтарыңызға алғысым шексіз. «Ақкербез» республикалық би байқауына қатысушыларға сәттілік тілеймін», – деді Өзбекстан мемлекеттік хореграфия академиясының аға оқытушысы Шырын Жалилова.
</blockquote>

Қызылордада ІІ республикалық «Ақкербез» би байқауы өтеді

<a href="https://kyzylorda-news.kz/">Kyzylorda-news.kz.</a> Қазақстан Республикасы Парламенті Сенаты Төрағасының орынбасары Асқар Шәкіров пен Өзбекстан Республикасы Олий Мажлисінің Сенаты төрағасының бірінші орынбасары, Комиссияның Өзбекстан тарапынан тең төрағасы Содык Сафоев бастаған жұмысшы топ Арал ауданына жұмыс сапары аясында «Арал SeаFood» балық өндеу зауытының жұмысымен танысты.
Зауыт жылына 4000 тонна балық өндейді. Табан еті, торта, шортан, сазан өнімдерін жасап, Қазақстан нарығына сатып, ТМД елдеріне экспорттайды.
Цехта асхана, жатақхана, шикізатты қабылдау және өнімді қайта өңдеу цехы, тоңазытқыш сақтау камералары, мұздатқыш бар.
Зауыт жұмысымен танысу барысында екі елдің Сенат депутаттарына облыс әкімінің орынбасары Қайрат Нұртай аймақтағы балық шаруашылығын дамыту бойынша кешенді шаралар қабылданғанын және алдағы перспективалық жобаларды таныстырды.
Облыс көлемінде табиғи су айдындарының балық қорын көбейту мақсатында республикалық бюджеттен жыл сайын Кіші Арал теңізіне және Ақшатау көлдер жүйесімен Приморский, Қамыстыбас көлдер жүйесіне «Қамыстыбас балық питомнигі» РМКҚ арқылы 14 млн 800 мың дана майда бір жылғы шабақтар және 420 мың екі жылғы шабақтар жіберіліп, өсірілуде.
<img src="https://kyzylorda-news.kz/wp-content/uploads/2022/04/aral1.jpg" alt="" />
<img src="https://kyzylorda-news.kz/wp-content/uploads/2022/04/aral2-1.jpg" alt="" />
<img src="https://kyzylorda-news.kz/wp-content/uploads/2022/04/aral3-1.jpg" alt="" />
<img src="https://kyzylorda-news.kz/wp-content/uploads/2022/04/aral4-1.jpg" alt="" />
<img src="https://kyzylorda-news.kz/wp-content/uploads/2022/04/aral5.jpg" alt="" />

Қазақстан мен Өзбекстан Сенатының делегациясы «Арал Seаfood» балық өндеу зауытының жұмысымен танысты

<a href="https://kyzylorda-news.kz/">Kyzylorda-news.kz.</a>&nbsp;Қазақстан Республикасы Парламенті Сенаты Төрағасының орынбасары Асқар Шәкіров пен Өзбекстан Республикасы Олий Мажлисінің Сенаты төрағасының бірінші орынбасары, Комиссияның Өзбекстан тарапынан тең төрағасы Содык Сафоев бастаған жұмысшы топ Арал ауданындағы Көкарал бөгетіне барып, жағдайын көрді.
Екі елдің Сенат депутаттарымен бірге облыс әкімі Нұрлыбек Нәлібаев, ҚР Экология, геология және табиғи ресурстар министрі Серікқали Брекешев, Су ресурстар комитетінің төрағасы Нұрлан Алдамжаров бөгеттің қазіргі жағдайын бақылап, ортақ мәселелерді талқылады.
Бөгет басында Су ресурстары комитетінің төрағасы Нұрлан Алдамжаров «САРАТС» жобасының екінші кезеңін жүзеге асыру барысын жеткізсе, облыс әкімінің орынбасары Қайрат Нұртай Арал теңізінің құрғаған түбінде су тапшылығын азайту жөнінде қабылданып жатқан шаралар және фито-мелиорациялық жұмыстарды тізбектеді.
Көкарал бөгетінің ұзындығы – 13 км, ені – 9 м. Арал теңізінің Солтүстік бөлігін сақтап қалу үшін Көкарал бөгетін қалпына келтіру жұмыстары 2002 жылдан бастап 2008 жылға дейін жүргізілген. Нәтижесінде су көлемі 11,5 км3-ге, яғни, 15,6 км3-ден 27,1 км3-ге дейін артты. Сонымен қатар теңіздегі балық түрлері артып, бекіре тұқымдас балықтарды өсіру үшін қолайлы жағдайлар жасалды. Нәтижесінде балық аулау көлемі 0,4 мың тоннадан 7 мың тоннаға дейін өсті.
<blockquote>
 «САРАТС» жобасының екінші кезеңі іске асырған уақытта Солтүстік Арал бөлігінде 50 км3 суды сақтап тұруға қол жеткіземіз. Бұл өз кезегінде балық аулау көлемі де екі есеге өседі деген сөз. Жоба Арал өңірінің экологиялық жағдайын жақсартады», – деді Нұрлан Алдамжаров.
</blockquote>
Делегация өкілдері су жағдайына қатысты ортақ мәселені арнайы жиында қарайды.
<img src="https://kyzylorda-news.kz/wp-content/uploads/2022/04/kokaral1.jpg" alt="" />
<img src="https://kyzylorda-news.kz/wp-content/uploads/2022/04/kokaral4.jpg" alt="" />
<img src="https://kyzylorda-news.kz/wp-content/uploads/2022/04/kokaral.jpg" alt="" />
<img src="https://kyzylorda-news.kz/wp-content/uploads/2022/04/kokaral3.jpg" alt="" />

Қазақстан мен Өзбекстан Сенатының делегациясы Көкарал бөгетіне барды

<a href="https://kyzylorda-news.kz/">Kyzylorda-news.kz.</a> Алдағы күндері еліміздің солтүстік өңірлері Солтүстік-Батыс антициклонның ықпалында болады, бұл жауын-шашынның тоқтауына, түнгі ауа температурасының 5-10 аязға дейін төмендеуіне әкеледі, деп хабарлайды Қазгидромет.
Ал циклонның Жерорта теңізі аймағынан ығысуымен, республиканың қалған аумағында жаңбыр жауады.
Елдің шығысы мен орталығында, жаңбыр мен ылғалды қар түрінде тұман, көктайғақ, республиканың оңтүстігінде найзағай, бұршақ және қатты жел күтіледі.
Кезеңнің соңына қарай, елдің басым бөлігінде (оңтүстік өңірлерді қоспағанда), соның ішінде солтүстікте 10-18 градусқа дейін, ал батыста 20-25 градусқа дейін күндізгі ауа температурасының біртіндеп көтерілуі болжанады.

Алдағы үш күнге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Бүгін Қазалы ауданы орталығына шалғай орналасқан Жұбан елді мекенінде жаңа медициналық бекет ашылды.
Салтанатты шарада аудан әкімі Мұхтар Оразбаев, аудандық қоғамдық кеңес төрағасы Талайлы Бөріқұлақов құттықтау сөз сөйлеп, тұрғындардың қуанышымен бөлісті.
Ал, Абай ауылының тұрғыны, ардагер ұстаз Алпамыс Түрікпенәлі Сарыкөл ауылдық округіне қарасты елді мекенде жаңа медициналық бекет ашқан аудан басшыларына алғысын айтып, ризашылығын білдірді.
Жаңадан салынған нысан алдына аудан әкімі Мұхтар Оразбаев, аудандық мәслихат хатшысы Бақытжан Жарылқап, аудандық қоғамдық кеңес төрағасы Талайлы Бөріқұлақов, облыстық мәслихат депутаты Ібайдулла Тілеп, «AMANAT» партиясы аудандық филиалының атқарушы хатшысы Нұрғиса Жалғасбаев, аудандық мәслихат депутаты Ғазиз Әліш жергілікті тұрғындармен бірге көшеттер отырғызып, игі тілектерін жеткізді.
Айта кетейік, елді мекендегі медициналық бекет сәуір айында Қазалы ауданында ашылып отырған екінші нысан. Бұған дейін дәл осындай медициналық бекет Ақжона ауылдық округіне қарасты Жалпақ елді мекенінде ашылған болатын.
Жаңа медициналық бекет Жұбан ауылында тұратын 8 отбасы мен жақын маңдағы Сағыр, Қазанғап сияқты елді мекендердің 200-ге жуық тұрғындарына дәрігерлік көмек көрсететін болады.
<img src="https://kyzylorda-news.kz/wp-content/uploads/2022/04/med.jpg" alt="" />
<img src="https://kyzylorda-news.kz/wp-content/uploads/2022/04/med2.jpg" alt="" />
<img src="https://kyzylorda-news.kz/wp-content/uploads/2022/04/med3.jpg" alt="" />
<img src="https://kyzylorda-news.kz/wp-content/uploads/2022/04/med1.jpg" alt="" />

Қазақстан және Қызылорда облысының жаңалықтары

23 сәуірге арналған ауа райы болжамы

Мемлекеттік қызметшілердің біліктілігін арттырды

Білім министрлігі мектеп бітіру кешін қалай өткізу керек екенін айтты

Қызылордада 150-ден астам студент анаға кеңес берілді

Қызылордада өткен республикалық пәндік олимпиаданың жеңімпаздары анықталды

Әлеуметтік желіде жәрдемақының 30 мың теңгеге өскені туралы ақпарат тарады

Қызылорда: «Әдеби автобус» жолаушылардың көңілін көтерді

Қызылордада ІІ республикалық «Ақкербез» би байқауы өтеді

Қазақстан мен Өзбекстан Сенатының делегациясы «Арал Seаfood» балық өндеу зауытының жұмысымен танысты

Қазақстан мен Өзбекстан Сенатының делегациясы Көкарал бөгетіне барды

Алдағы үш күнге арналған ауа райы болжамы

Қазалыда тағы бір медициналық бекет ашылды

Қазақстан және Қызылорда облысының жаңалықтары

23 сәуірге арналған ауа райы болжамы

Мемлекеттік қызметшілердің біліктілігін арттырды

Білім министрлігі мектеп бітіру кешін қалай өткізу керек екенін айтты￼

Қызылордада 150-ден астам студент анаға кеңес берілді

Қызылордада өткен республикалық пәндік олимпиаданың жеңімпаздары анықталды

Әлеуметтік желіде жәрдемақының 30 мың теңгеге өскені туралы ақпарат тарады￼

Қызылорда: «Әдеби автобус» жолаушылардың көңілін көтерді

Қызылордада ІІ республикалық «Ақкербез» би байқауы өтеді

Қазақстан мен Өзбекстан Сенатының делегациясы «Арал Seаfood» балық өндеу зауытының жұмысымен танысты

Қазақстан мен Өзбекстан Сенатының делегациясы Көкарал бөгетіне барды

Алдағы үш күнге арналған ауа райы болжамы

Қазалыда тағы бір медициналық бекет ашылды

Білім министрлігі мектеп бітіру кешін қалай өткізу керек екенін айтты

Әлеуметтік желіде жәрдемақының 30 мың теңгеге өскені туралы ақпарат тарады