Kyzylorda-news.kz. Қазақстанның басым бөлігінде жауын, ал шығысында жауын қарға ұласуы мүмкін.
Солтүстік-батыстың оңтүстік жартысында, оңтүстік пен оңтүстік-шығыстың таулы аудандарына қатты жаңбыр жауады. Тек республиканың солтүстігінде антициклон жауын-шашынсыз ауа райын сақтайды. Республика бойынша найзағай, желдің күшеюі, найзағай, батыста – тұман, оңтүстікте – дауыл, бұршақ күтіледі.
Қызылорда облысында жауын, найзағай, бұршақ, дауыл соғып, желдің жылдамдығы 23-28 м/с жетуі ықтимал.

Қызылорда дауыл соғып, жаңбыр жауады

Kyzylorda-news.kz. Бүгін облысымызға іс сапармен Энергетика вице-министрі Нұрмағанбетов Жандос Демесінұлы келді.
Облыс әкімінің орынбасары Мархабат Жайымбетовпен және бірқатар сала басшыларымен «ҚызылордаЖылуЭлектрОрталығы» кәсіпорыны ғимаратында мәжіліс өткізілді.
Қызылорда жылу электрорталығы мен Қызылорда электр тарату тораптары компаниясы мекемелерінің ағымдағы жағдайы және алдағы жоспарлары талқыланды.
Мәжіліске энергетикалық қадағалау мен бақылау, Табиғи монополияларды реттеу комитетінің аумақтық департамент басшылары, облыстық энергетика және тұрғын үй коммуналдық шаруашылық басқармасының, коммуналдық кәсіпорындардың басшылары қатысты.
<img src="https://kyzylorda-news.kz/wp-content/uploads/2022/04/fb_img_1650718608023.jpg" alt="" />
<img src="https://kyzylorda-news.kz/wp-content/uploads/2022/04/fb_img_1650718620670.jpg" alt="" />

Қызылордада тұрғын үй коммуналдық шаруашылығы мәселелері талқыланды

Kyzylorda-news.kz. Бүгін облыс әкімі Нұрлыбек Нәлібаев «Кристалл Менеджмент» АҚ бас директоры Дәулет Сайзинұлымен кездесті. Басқосуда аймақтың энергетика саласын дамыту мәселелері талқыланды.
Өңір басшысы Ақшабұлақ кенішіндегі газтурбиналық электр станциясы жобасының аймақ үшін тиімділігін сөз етіп, электр энергиясына деген тәуелділікті біршама азайтуға мүмкіндік беретінін алға тартты.
Сонымен қатар компанияның әлеуметтік мәселелері бойынша ұсыныстар сөз болды. Өз кезегінде Дәулет Сайзинұлы аймақ үшін өзекті жобаларды сапалы әрі мерзімінде атқаруға дайын екендігін жеткізді.
Айта кетейік, Ақшабұлақ кенішінде іске асырылып жатқан газтурбиналық электр станциясы экологиялық жоба болып табылады. Былтыр құны 6,1 млрд. теңгені құрайтын 652 млн. кВт/сағ құрайтын электр қуаты, биыл жыл басынан бері 1,8 млрд. теңгені құрайтын 192,8 млн. кВт/сағ энергия өндірілген.

Өңірдің энергетика саласын дамыту мәселелері талқыланды

Kyzylorda-news.kz. Қызылорда облысының әкімі Нұрлыбек Нәлібаев ҚР Энергетика вице-министрі Жандос Нұрмағанбетовпен кездесті.
Басқосуда Қызылорда жылу электр орталығы мен аймақты электр қуатымен қамту мәселелері талқыланды.Аймақ басшысы Сыр елінде энергетика саласында атқарылып жатқан кешенді жұмыстар барысын таныстырды.
Басқосу барысында аймақта жаңа жылу электр станциясын салу мен газ трубиналық электр станциясын қайта жаңғырту мәселесі сөз болды.
Облыс әкімі бұл маңызды жұмыстардың уақыт күттірмей шешілуі қажет екенін алға тартты.
Вице-министр Жандос Нұрмағанбетов облысты қажетті қуат көздерімен қамту жұмыстарының маңыздылығына тоқталып, осы бағытта бірлесіп жұмыс жасауға мүдделі екенін жеткізді.

Аймақ басшысы Энергетика вице-министрі Жандос Нұрмағанбетовпен кездесті

Kyzylorda-news.kz. Бүгін облыс әкімі Нұрлыбек Нәлібаев Сыр елінде өтетін «Қазақтың қаһарман қызы» мерекелік концертіне арнайы келген өнер иелерімен кездесті.
Басқосуға Қазақстанның халық әртісі Нұрғали Нүсіпжанов, Қазақстанның және Қырғызстанның халық әртісі Алтынбек Қоразбаев, Қазақстанның және Қырғызстанның еңбек сіңірген әртістері Сұлушаш Нұрмағанбетова мен Гүлнәр Сиқымбаева және отандық эстрада жұлдыздары Жеңіс Ысқақова мен Айгүл Иманбаева қатысты.
Аймақ басшысы Халық қаһарманы, қазақтың бұлбұлы атанған Роза Бағланованың ізін жалғап, әндерін насихаттауда өнер иелерінің айрықша орны бар екенін жеткізіп, ілтипатын көрсетті.
<blockquote>
 «Роза Тәжібайқызының Сыр еліндегі мерейтойлық шаралары бүгін, міне, Мәдениет және спорт министрлігінің ұйымдастыруымен «Қазақтың қаһарман қызы» атты мерекелік концертімен жалғасқалы отыр.Айтулы концертке қазақтың ән өнерін асқақтатып, ұлт мәдениетін көтеруге еңбек сіңіріп жүрген Өздеріңіздің қатысып, өнер көрсетулеріңіз Сыр жұртшылығы үшін үлкен мақтаныш деп білемін. Бүгін Сыр елінде ән мен өнер мерекесі ғана емес, ұлт руханиятының жаңғырған күні десе болады. Өнер көшіндегі Сіздер тұрғанда ән падишасы, қазақтың қаһарман қызы Роза Бағланованың есімі ұрпақтан-ұрпаққа жалғаса беретіні сөзсіз» – деді Нұрлыбек Нәлібаев.
</blockquote>
Басқосуда Нұрғали Нүсіпжанов, Алтынбек Қоразбаев пен Сұлушаш Нұрмағанбетова Роза Бағланованың өнер әлеміндегі қолтаңбасын сөз етіп, Сыр жұртының өнер иелеріне деген құрметі үшін алғысын жеткізді. Мұнан соң, өңір басшысы ұлт өнерінің майталмандарына Сыр халқы атынан сый-сияпат жасап, құрметін көрсетті.
<img src="https://kyzylorda-news.kz/wp-content/uploads/2022/04/fb_img_1650716994734.jpg" alt="" />
<img src="https://kyzylorda-news.kz/wp-content/uploads/2022/04/fb_img_1650716997375.jpg" alt="" />
<img src="https://kyzylorda-news.kz/wp-content/uploads/2022/04/fb_img_1650716999948.jpg" alt="" />
<img src="https://kyzylorda-news.kz/wp-content/uploads/2022/04/fb_img_1650717003254.jpg" alt="" />

Нұрлыбек Нәлібаев танымал өнер иелерімен кездесті

<a href="https://kyzylorda-news.kz/">Kyzylorda-news.kz.</a> SpaceX компаниясының басшысы Илон Маск Марсқа ұшу құнының шамамен қанша доллар болатынын айтты. Масктың сөзінше, билет бағасы кез-келген адамға қолжетімді болуы керек, деп хабарлайды&nbsp;<a href="https://stan.kz/">Stan.kz</a>.
Илон Маск TED конференциясының кураторы Крис Андерсонмен әңгіме барысында Қызыл планетаға ұшу құны шамамен 100 мың доллар болатынын айтқан. Сонымен қатар ол Марсқа миллионға жуық адамды тарту үшін билеттің қолжетімді болуы керек екенін айтып өтті.&nbsp;
<blockquote>
 «Егер Марсқа көшу мүмкін болса, бір жаққа ұшу құны 100 мың доллар болса, барлығына қолжетімді болады деп ойлаймын. Бұл қаржыны кез-келген адам жинап, қаласа Марсқа ұша алады», – деді миллиардер.&nbsp;
</blockquote>
Масктың сөзінше, SpaceX адамдардың Жердегі мүлкін сатып, Марсқа ұшып кете алатындай болуы үшін жұмыс істеп жатыр. Әңгіме барысында кәсіпкер мемлекеттік бағдарлама және несие секілді өзге де қаржыландыру түрлері туралы айтып өтті.

Илон Маск Марсқа ұшу құнының шамамен қанша болатынын айтты

<a href="https://kyzylorda-news.kz/">Kyzylorda-news.kz.</a> Грауденцте соғыс қызып жатқанда «Генерал Рахымовтың дивизиясына концерт қоюға әртiстер келе жатыр» деген хабар тарайды. Туған жерден жырақта от пен оқтың ортасында жүрген жауынгерлердiң қуанышында шек жоқ еді. Бұл кезде совет әскерлерi Польша жерiн жаудан азат етiп жатқан. Жергiлiктi халық жауынгерлердi қуана қарсы алады.
16 күннiң iшiнде 215 шақырымға созылған Польшаның 124 елдiмекенi гитлершiл басқыншылардан тазартылды. Әрбiр адым жер үшiн жантүршiктiрерлiк шайқас болып, совет әскері 1945 жылдың 25 ақпанында Грауденц қаласын қоршауға алады. Оған 37-шi гвардиялық атқыштар дивизиясы мен 2-шi күштi армия бiрiге отырып қол жеткiзген едi.
37-шi гвардиялық атқыштар дивизиясының командирi даңқты қолбасшы, генерал-майор Сабыр Рахымов болатын. Ол концерт қоюға әншi жерлестерiнiң келгенiне қатты қуанады. Елден келген өнер иелерiнiң iшiнде бұлбұл көмей әншi Роза Бағланова да бар еді.
Роза апамыз осы оқиғаны өмір бойы ұмытқан емес, әңгіменің орайы келгенде үнемі мақтанышпен айтып, марқайып отыратын.
<blockquote>
 «Араларыңда менiң қарындасым бар екен ғой, қазақтың қызы – Роза Бағланова деген қайсың?» – деп ол кiсi бiздiң арамызға өзi iздеп келдi. Сұңғақ бойлы, шашы қап-қара, қырықтардан асқан кiсi екен. Әңгiме арасында ол өзiнiң туыстары жайында сөз қозғады, кiшкентайдан жетiм қалғанын айтты. Кiм бағып, кiм адам еткенiн, тегiнiң неге Рахымов болғанын, бәрiн-бәрiн айтып бердi», – дедi бірде Қазақстанның Халық қаһарманы, Қазақстан Халық әртiсi, әншi Роза Бағланова әңгiме арасында.
</blockquote>
Майдан даласында жүрген жауын­гер­лердi рухтандырып, көңiлдерiн көтеруге келген өнерпаздарға генерал Рахымов жерлесi Тоғанбайды таныстырады. Қазақстанның мақтанышы, Кеңестер Ода­ғының Батыры, Днепр шайқасының қаһар­маны Тоғанбай Қауынбаевтың май­дан даласында аты аңызға айналып тұрған кез едi. «Отан үшiн» атты май­дан­дық газетте жауынгер-ақын Сағынғали Сейiтовтiң «Тоғанбай» деген өлеңi жарияланған болатын. Елден келген әншiлер шаршағанына қарамай, күнiне үш реттен концерт бердi. Тiптi жау жағының мазалап, оқта-текте оқ жаудырып қоятынына да қараған жоқ.
Біз – жауынгер халықтың ұрпағымыз. Бұл жәй ғана айтыла салған сөз емес, тарихтың ұзақсонар көшінде талай рет айғақталған нәрсе. Өжеттік пен батылдық біздің қанымызда бар. Қай ғасырды, қайсыбір елеулі оқиғаны алсаңыз да, бар ғұмырын аттың жалы, түйенің қомында өткізген ата-бабаларымыздың ерлік пен батырлық дастаны менмұндалап тұрады. Өзге жұртқа қарағанда, бір ерекшелігі – біздің халқымыздың ұлдарымен бірге, қыздары да барлық уақытта өжеттік пен ерліктің символына айнала білген.
Осы «Ұлы Отан соғысы» деген атпен тарихта қалған төрт жылдық қырғында Шығыстың шынарлары Әлия мен Мән­шүк, Хиуаз бастаған қыздарымыз қаһарман халықтың қаны сақталғанын барша әлемге тағы бір әйгілеп берді.
Жаратылысы бөлек, табиғаты батыр­лық пен батылдықтың тұнығынан тарал­ған өр қыздарымыз өз алдына, жаны нәзік, ішкі әлемін сезім иірімдерінің тербетілген әлсіз ғана майдақоңыр талшықтары билеткен өнер иелері де күн туғанда қасқайып, қыр басындағы қан майданның ара­сында жүрді. Сондай оқиғаның бірі атақты әншіміз Роза Бағла­нова­ның басынан өткенін бүгінде ел де жақсы білсе керек.
Жан алысып, жан беріскен ұлы шай­қас қара жердің қара топырағын қанға бояп, қыраттың басы қызарып, ойпаттың іші ойран боп жатқанда, зұлымдықтың найзасына айқара төсін қаймықпай тосып, бұғауға түскен бейқам елдерді фашизмнің құрсауынан босату үшін өлімге бас тіккен кеңестік жауынгерлерге күш беру мақсатында ел-елден өнер адамдары барып, концерт қойып жүрген кездер болатын. Оған да екінің бірінің жүрегі дауалай бермейді, бұған да батырлық пен батылдық қажет.
Алғашында, енді келіп көлік­тен түсерде, генерал «Менің қарын­дасым екенсің ғой!» – деп көтеріп алғанда, өзінің туған қарындасына жолыққандай қатты қуанады. Сонда екі иығына екі кісі мінгендей, ұзын бой­лы, қарулы кісінің қолындағы кіп-кішкентай әнші қыздың балаша мәз болғанын қайтерсіз. Қазақ қайда жүрсе де бауырмалдығын ұмытпаған халық қой, Еуропаның төсіндегі қан майдан даласында кездесіп, бірін-бірі ағалы-қарындас тұтқан екеуіне өзге жұрт қызыға қараған еді. 
Әншiлердi генерал Сабыр Рахымов­тың дивизиясына арнайы апарып концерт ұйымдастыратын жөнi бар едi. Ержүрек қолбасшының сарбаздары мұндай құрметке лайық болатын. Мұ­ның алдында Солтүстiк Кавказды бас­қын­шылардан азат етудегi генерал Рахымовтың ерлiгi мен әскери шеберлiгi Сталиннiң өзiн таң қалдырған.
Сұрапыл соғыс жүрiп жатқанда да қолы­нан iс келетiн бiлiктi басшыны таң­дап-талғап отырған. Әскери iстер­дегi генералдың шеберлiгi маршал Рокоссовскийдi де мойындатты. Ол 1-Белару­сь майданының жаңа қолбас­шысы Жуковтан генерал Рахымовты майдандағы жағдайдың тым ауырлығына байланысты 2-Беларусь майданына жiберуiн өтiнген. Рахымовтың 37-гвардиялық атқыштар дивизиясына келу себебi осы болатын.
Оңтүстiк Қазақстан облысындағы Қазығұрт тауының баурайында туып-өскен Сабыр Рахымов өзбек елiн­де тәрбие алған. Сөйтiп төскей­де малы, төсекте басы қо­сыл­ған екi елдiң төл бала­сына айналды. Оның кезiнде «өзбектен шық­қан тұңғыш генерал» атан­ғаны да сондықтан едi. Алайда, ол өзiнiң сүйген жары, майдандас серiгi Құралай Натуллаеваға «Менiң арманым – қазақ болып өлу» деп талай айтыпты.
<blockquote>
 «Мен – Сабырмен соғыста бiрге болған адаммын. Сабырдың қайтадан қалай қазақ болғаны ұзақ әңгiме. Бұл мәселемен айналысып, ары-берi шап­қыла­­ғаныма елу жыл болды. Бармаған жерiм жоқ, ақырында жоғары әскери училищенiң мұрағат бөлiмiнен «Сабыр Омарұлы» деген құжатын алып барып жағдайды түзедiм. Соның өзiнде 1996 жылы халықаралық сотқа берiп барып, соның арқасында ғана оның қазақ болғандығын дәлелдей алдым», – дегені бар бізбен әңгімесінде генералдың сүйген жары, соғыс ардагерi Құралай Натуллаева.
</blockquote>
Генерал Рахымов елiнен келген әр­тiстерге үлкен сый-құрмет көрсетiп, арнайы дастархан жасап, маңайындағы жоғары шендi офицерлердi түгел жинап, келген қонақтармен ашық-жарқын әңгiме құрады. Елге деген сағыныш сезi­мi жеңiп, бiр сәт Роза қарындасымен қазақша сөйлеседі. 
Соғыс уағында ең қажет нәрсе – қауiп­сiздiк пен сақтық шаралары. Сабыр Рахымов жауынгерлердi қанаттандырып, соңында өздерiн күткен ел бар екенiн тағы бiр естерiне салып, дем беруге кел­ген қонақтарының жай-күйiне қатты алаңдаған. Алайда майдан даласында талай мәрте қан көрiп құтырынған қанқұйлы фашистер қонақжайлылық таныта қоймапты.
– Бiздi концерт қоюға жауынгерлер орналасқан үйлерге, госпитальдерге алып барады. Кейде «Бұл жер өте қауiптi» деп басқа жерге қарай тасиды. Сөйтiп жүрiп, концерт ұйымдастырып жүрдiк. Бiрде, аз ғана уақытқа дамыл тауып, демалып жатқан кезiмiз едi, «Сақтаныңдар! Жау ұшағы!» деп айғайлаған дауыстар шық­ты да, бәрiмiз сыртқа қарай жүгiрдiк. Артынша, сол жатқан үйiмiздiң төбесiн бомба жапырып тастады. Бақытымыз бар екен, дер уағында шығып үлгердiк.
Қан майданның тап ортасына барса да қанатын өрт шалмаған қазақтың бұлбұл қызы, қаһарман қызы, әншi Роза Бағланованың майдан даласы жайын­да айтар әңгiмелерi аз емес еді. Гене­рал Сабыр Рахымов туралы да көп де­рек бiледi екен. Кезiнде 15 одақтас респу­блика халқының Отаны бiреу ғана болатын. Ондағы барлық жұрт бiр елдiң ғана азаматы едi. Генерал Сабыр Рахымов ресми түрде қазақ болуды туған ел алдындағы борышым деп санаған. Кеңестер Одағының Батыры атағы қаза тапқан соң берiлген генералдың аманаты елу жылдан кейiн орындалған. Бұл жерде генералдың сүйiктi жары Құралай Натуллаеваның ерекше еңбегi мен асқан табандылығын айтпай кетуге болмас. Ол жайында Роза апамыз да айта жүретін. Кезінде өзінің Ташкентте оқығанын, адам баласының басында неше түрлі жағдайлар болатынын айтқанда, генералдың басынан өткен оқиғаларды да түсінетінбіз.
Бауырмал қазақтың қайда жүрсе де қазақтығын танытып отыратын әдеті бар. Әнші мен батырдың майдан даласында ағалы-қарындастай болып табысқан осы оқиғасын бұрын да талай рет айтып, талай рет жазғанбыз. Роза Бағланованың 100 жылдық мерейтойы аталып өтіп жатқан тұста мұны тағы бір еске салғанымыз артық болмас дейміз. Жастардың біле жүргені дұрыс.
Әнуарбек ӘУЕЛБЕК, 
ақын, Қазақстанның Мәдениет қайраткері

Қанатын өрт шалмаған, қайран бұлбұл!

<a href="https://kyzylorda-news.kz/">Kyzylorda-news.kz.</a> Білім және ғылым министрі Асхат Аймағамбетов Qazaqstan арнасының «Жедел желі» бағдарламасына берген сұхбатында зейнет жасына жақындап қалған педагогтерге жеңілдік болатынын айтты.
<blockquote>
 «30 жыл еңбек өтілі бар мұғалімдерге тиісті жеңілдіктер қарастыру мәселесін талқылап жатырмыз. Сондай-ақ зейнет жасына жақындап қалған әріптестеріміздің жағдайын да түсінуіміз керек. Осындай әріптестерімізге де тиісті жеңілдік, мүмкіндік бері мәселесін де талқылап жатырмыз», – деді министр.
</blockquote>
Аймағамбетов бұл мәселе бойынша жақын арада толық ақпарат берілетінін айтты.
<a href="https://baq.kz/zeynetkerlikke-zhaqyndagan-pedagogterge-zhenildik-zhasalady-aymagambetov_276484/">baq.kz</a>

Асхат Аймағамбетов: Зейнеткерлікке жақындаған педагогтерге жеңілдік жасалады

70 жыл тақта: 96 жастағы Елизавета II туралы қызықты деректер

<a href="https://kyzylorda-news.kz/">Kyzylorda-news.kz.</a> Енді азаматтар баланың тууын тіркеу қызметін eGov.kz порталына кірмей-ақ, неғұрлым ыңғайлы проактивті форматта ала алады. Бұл туралы <a href="https://egov.kz/cms/kk/news/birth_child">eGov.kz</a>&nbsp;порталында хабарланды.
Ақпаратта «Азаматтар eGov.kz порталына кірмей-ақ, баланың тууын тіркеу қызметін неғұрлым ыңғайлы проактивті форматта ала алады. Баланың тууы бойынша проактивті қызметінде SMS хабарламалар мен хабарландырулар қолайлы процесске оңтайландырылды» делінген.
Бала туғаннан кейін бір тәулік ішінде ақпараттық жүйе медициналық мекемеден хабарлама алып, баланың ата-анасына қызмет көрсету үшін қажетті ақпаратты алу мақсатында кезең-кезеңімен 1414 нөмірінен SMS жібереді. Бұрын азаматтар SMS хабарламаларды басқа форматта алатын. Енді процесс әлдеқайда жеңілдеді, әлдебір әріптерді көрсету талап етілмейді, тек қойылған сұрақтарға жауап беру керек.
Қызметті пайдалану үшін мобильді азаматтар базасында тіркеуде болу қажет, тіркеусіз SMS хабарлама келмейді. Қызмет тегін көрсетіледі, тек телефон нөмірінде теңгерім болу керек.
<blockquote>
 «Қызмет көрсету үшін қажетті мәліметтер әртүрлі мемлекеттік органдардың ақпараттық жүйелерінен алынады, ал жетіспейтін мәліметтер баланың ата-анасынан SMS-арқылы сұралады. Қызмет көрсету нәтижесінде азаматтар баланың туу туралы куәлігінің (қағаз түрінде) дайын екендігі туралы SMS хабарлама немесе бас тарту себебі көрсетілген дәлелді жауап алады», – делінген жазбада.
</blockquote>

Бала туу құжатын рәсімдеу бұрынғыдан да ыңғайлы болды￼

<a href="https://kyzylorda-news.kz/">Kyzylorda-news.kz.</a> Түйткілдің негізі су тапшылығынан басталған, деп хабарлайды «<a href="https://24.kz/kz/zha-aly-tar/o-am/item/540190-zher-naryn-zho-altyp-egin-eguden-alamyz-shielilik-sharualar">Хабар 24</a>».
Шиелі ауданының тұсында 2016 жылы іске қосылған үрмелі бөгет бар. Қытай технологиясымен жасалған. Сырдарияның деңгейі түсіп кеткен кезде осы тоспа көтеріліп, егінге су жеткізілуі тиіс. Алайда осы құрылғының қызығын көре алмай отырмыз дейді шаруалар. Оған себеп, соңғы 5-6 жыл көлемінде егінге су жеткізу қиындап кеткен.
<blockquote>
 «Жердің сорлануына, тұздануына әкеп соғады. Ауыспалы егіс бұзылғалы тұр, бұзылып та жатыр. Бірақ соған қарамастан әрекет жасауға тура келіп тұр. Биылғы жылдың өзінде былтырғыға қарағанда 20-30 пайыз су аз болады деп жоспарлануда», – дейді шаруа қожалығының төрағасы Бауыржан Көпеев.
</blockquote>
Алайда мамандар үрмелі бөгетті үнемі көтеріп қою мүмкін емес екендігін айтады. Сырдарияның деңгейі секундына 300 текше метрге дейін түсіп кеткен жағдайда ғана тіршілік нәрін теңдей үлестіру үшін бұл тоспаны тек 30 сантиметрге дейін көтереді екен. Одан асырсақ, төменгі аудандарға тиісті көлемдегі су жетпей қалады. Осылайша олардың да егіні күйіп кетуі мүмкін дейді мамандар.
<blockquote>
 «Дариядағы судың аздығына байланысты бізге лимит бөліп береді. Сондықтан былтыр 12 мыңға түсті, биыл 11 мыңға түсіп отыр. Бірақ ол өз функциясын орындап тұр. 3 метрге дейін көтеріп береді. Біз оны көтере берсек, төменгі аудандарға су жетпей қалады. Өз лимитімізді ғана аламыз», – дейді Шиелі су шаруашылығы өндірістік учаскесінің басшысы Дихан Әубәкіров.
</blockquote>
Шиелі ауданы биыл 11 мың гектар жерге күріш егетін болды. 2019 жылы бұл көлем 14 мың гектардан асқан. Есесіне суды аз қажет ететін басқа дақылдарды күтімге алмақ. Мәселен, өткен жылы 70 гектарға егілген қант қызылшасын биыл 150 гектарға көбейткен.
<blockquote>
 «Шығынданып еккен кезде ертең су шықпай қалып жатса, ол үлкен шығын болады. Сондықтан түсіндіріп жатқанымыз сол. Биік жерлерге екпеу, әрине, ратацияны сақтауымыз керек, бірақ күріштің көлемін азайтып, дәнді-дақылдар, малазықтық дақылдар, жүгері, арпа, соя деген сияқты, жоңышқаны көбейту, осы бағытта түсіндіру, насихаттау жұмыстарын жүргізіп жатырмыз», – дейді Шиелі ауданы әкімінің орынбасары Ерсұлтан Апетов.
</blockquote>
Тұрғын саны Шиеліден екі есе аз өзге аудандар бізден 2-3 есе көп күріш егеді. Егіндік жерді тоздырып алмас үшін аудан жыл сайын шамамен 14 мың гектарға Сыр маржанын егуі керек. Бұлай болмаса, жер құнарын жоғалта береді. Суармалы су бөлу кезінде осы түйткілдер ескерілсе дейді шиелілік шаруалар.

Шиелілік шаруалар: Жер құнарын жоғалтып, егін егуден қаламыз

Kyzylorda-news.kz. Қызылорда облысының әкімі Нұрлыбек Нәлібаев үшемнің ата-анасы атанған Бақытбек Қиясов пен Эльвира Әбдіғаппарованы қуанышымен құттықтықтады.
Аймақ басшысының атынан құттықтау хат пен сый-сияпатты облыстық ішкі саясат басқармасының басшысы Мира Қазбекова мен облыстық денсаулық сақтау басқармасының басшысы Сәбит Пазылов табыстады.
Облыс әкімі құттықтау хатта нәрестелердің ата-анасына жүрекжарды тілегін білдірген.
<blockquote>
 “Сіздерді тізгінұстар сәбилеріңіздің дүниеге келуімен шын жүректен құттықтаймын! Халқымыз «Балалы үй – базар» деп, бар байлық пен берекені баламен байланыстырған. Дүние дидарына келіп, әулетті қуанышқа бөлеген бауыр ет балапандарыңыз еліне елеулі, ұлтқа адал қызмет етер азамат атансын! Шаңырақтарыңызды қуанышқа кенелтіп жатқан үшемдердің бауы берік, өмір жасы ұзақ болсын! Ата-анасының үмітін ақтайтын, болашағы жарқын, бақытты балалар болып өсіп, ер жетсін! Тойларыңыз тойға ұлассын!”, – деп құттықтаған аймақ басшысы.
</blockquote>
Айта кету керек, Бақытбек Қиясов пен Эльвира Әбдіғаппарова бұған дейін отбасында 5 бала тәрбиелеп, қазіргі уақытта 8 баланың ата-анасы атанды. Көпбалалы отбасы Сырдария ауданы, Қалжан Ахун ауылында тұрады.
<img src="https://kyzylorda-news.kz/wp-content/uploads/2022/04/fb_img_1650666495347.jpg" alt="" />
<img src="https://kyzylorda-news.kz/wp-content/uploads/2022/04/fb_img_1650666487754.jpg" alt="" />
<img src="https://kyzylorda-news.kz/wp-content/uploads/2022/04/fb_img_1650666498851.jpg" alt="" />

Қазақстан және Қызылорда облысының жаңалықтары

Қызылорда дауыл соғып, жаңбыр жауады

Қызылордада тұрғын үй коммуналдық шаруашылығы мәселелері талқыланды

Өңірдің энергетика саласын дамыту мәселелері талқыланды

Аймақ басшысы Энергетика вице-министрі Жандос Нұрмағанбетовпен кездесті

Нұрлыбек Нәлібаев танымал өнер иелерімен кездесті

Илон Маск Марсқа ұшу құнының шамамен қанша болатынын айтты

Қанатын өрт шалмаған, қайран бұлбұл!

Асхат Аймағамбетов: Зейнеткерлікке жақындаған педагогтерге жеңілдік жасалады

70 жыл тақта: 96 жастағы Елизавета II туралы қызықты деректер

Бала туу құжатын рәсімдеу бұрынғыдан да ыңғайлы болды

Шиелілік шаруалар: Жер құнарын жоғалтып, егін егуден қаламыз

Нұрлыбек Нәлібаев үшемнің ата-анасын құттықтады

Қазақстан және Қызылорда облысының жаңалықтары

Қызылорда дауыл соғып, жаңбыр жауады

Қызылордада тұрғын үй коммуналдық шаруашылығы мәселелері талқыланды

Өңірдің энергетика саласын дамыту мәселелері талқыланды

Аймақ басшысы Энергетика вице-министрі Жандос Нұрмағанбетовпен кездесті

Нұрлыбек Нәлібаев танымал өнер иелерімен кездесті

Илон Маск Марсқа ұшу құнының шамамен қанша болатынын айтты

Қанатын өрт шалмаған, қайран бұлбұл!

Асхат Аймағамбетов: Зейнеткерлікке жақындаған педагогтерге жеңілдік жасалады

70 жыл тақта: 96 жастағы Елизавета II туралы қызықты деректер

Бала туу құжатын рәсімдеу бұрынғыдан да ыңғайлы болды￼

Шиелілік шаруалар: Жер құнарын жоғалтып, егін егуден қаламыз

Нұрлыбек Нәлібаев үшемнің ата-анасын құттықтады

Бала туу құжатын рәсімдеу бұрынғыдан да ыңғайлы болды