<a href="https://kyzylorda-news.kz/">Kyzylorda-news.kz.</a>&nbsp;Жеке тұлғалардың банктік шоттарында жүргізілетін операцияларды кәсіпкерлік қызметті жүзеге асырудан табыс алу белгілері бар операциялауға жатқызу өлшемшарттары жайында осы жылдың 29 наурызында ҚР Қаржы министрлігінің бұйрығы шықты. Міне, осы өзгеріске байланысты қоғамда түсінбеушілік туындады.
Халық арасында қызу талқыланып, бүгінде сауда орындары, жолаушылар тасымал құралдары өз еріктерімен банктік аударымдардан бас тартуда. Осының заңдылығы туралы Өңірлік коммуникациялар қызметінде өткен брифингте облыстық мемлекеттік кірістер департаменті басшысының орынбасары Әділ Бекішов мәлімеді.
<blockquote>
 «Салық заңнамасына енгізіліп жатқан өзгерістер бұл жаңа салық түрі емес. Бұрынғыдай кәсіпкерлер өз салық режимін қандай негізде жүзеге асырды, салық есептерін дәл солай жүргізіп отырады. Ал, қоғамда қызу талқыланып жатқан мәселе – жеке тұлғалардың аударымдарына қатысты. Салық кодексінің шеңберінде 2025 жылға дейін екінші деңгейдегі банктерден жеке тұлғалардың мынандай санаттары бойынша мәліметтерді кезең-кезеңімен Мемлекеттік кірістер органдарына беретін болады: 1-кезең 2022 жылғы 1 қаңтардан 2023 жылғы 1 қаңтарға дейін болады. Ол мемлекеттік қызметшілер мен олардың жұбайлары, сондай-ақ оларға теңестірілген адамдар және олардың жұбайлары бойынша жүргізіледі. 2-кезең 2023 жылғы 1 қаңтардан 2024 жылғы 1 қаңтарға дейін реттеледі. Оған бюджет саласының қызметкерлері мен олардың жұбайлары, сондай-ақ квазимемлекеттік сектор субъектілерінің жұмыскерлері мен олардың жұбайлары кіреді. 3-кезең 2024 жылғы 1 қаңтардан 2025 жылғы 1 қаңтарға дейін, заңды тұлғалардың басшылары, құрылтайшылары (қатысушылары) және олардың жұбайлары, дара кәсіпкерлер және олардың жұбайлары бойынша. 4 – кезең 2025 жылдан бастап халықтың қалған санаттары бойынша жүргізіледі», – деді Ә.Бекішов.
</blockquote>
Сонымен қатар, Әділ Ерғалиұлының айтуынша, барлық мәліметтер мемлекеттік кіріс органдарына беріледі екен деген ақпарат та негізсіз. Алаңдауға ешқандай негіз жоқ. Егер де жеке тұлға мобильді аударымдар жасайтын болса, банктік құпияны сақтау талаптары бойынша аударымдар туралы ақпарат кірістер органдарына берілмейді.

Әділ Бекішов: Барлық мәліметтер мемлекеттік кіріс органдарына беріледі деген ақпарат негізсіз

<a href="https://kyzylorda-news.kz/">Kyzylorda-news.kz.</a>&nbsp;Бүгін облыс әкімінің орынбасары Мархабат Жайымбетов мұнай саласының еңбек сіңірген қызметкері, Қорқыт ата атындағы университеттің құрметті профессоры, Қазақстан Ұлттық Инженерлік академиясының мүше-корреспондентін зейнеткерлік демалысқа шығуымен құттықтап Қызылорда облысының «Құрмет грамотасын» табыстады.
Ғалым Дүйсенбайұлы мұнай-газ саласында 40 жыл, оның ішінде «ПетроҚазақстан Құмкөл Ресорсиз» компаниясында 34 жыл жұмыс істеді.
<blockquote>
 «Ғалым Дүйсенбайұлының еңбегі мемлекет пен қоғам алдында ешқашан назардан тыс қалған емес. Көптеген мемлекеттік наградалармен, ордендермен, медальдармен марапатталған. Мұның бәрі мұнай саласы мен облыс экономикасын дамыту жолындағы қажырлы еңбектің жемісі әрі жарқын көрінісі», – деді Мархабат Жайымбетұлы.
</blockquote>
Кездесуде мұнай компанияларының басшылары мен әріптестері Ғалым Баймановтың еңбек жолы туралы естеліктерімен бөлісті.

Мұнай саласының ардагері Ғалым Баймановты зейнетке шығарып салды

<a href="https://kyzylorda-news.kz/">Kyzylorda-news.kz.</a> Қызылорда қалалық Полиция басқармасының Ақсай полиция бөлімінің криминалдық полиция бөлімі жедел уәкілдерінің жедел іздестіру іс-шараларының нәтижесінде ұрлықтың ізі суымай ашылды.
25 сәуір күні қала тұрғыны Полиция басқармасының кезекші бөліміне келіп, меншік үйдің ауласында тұрған жалпы құны 1 миллион теңге тұратын құрылыс заттарын ұрлап кеткендігі жөнінде арыз берген болатын.
Тәртіп сақшылары күдікті 30 жастағы қала тұрғынын құрықтады.
Аталған дерек Қазақстан Республикасы Қылмыстық кодексінің 188-бабының 3-бөлігінің 3 тармағы (Ұрлық,тұрғын, қызметтiк немесе өндiрiстiк үй-жайға, қоймаға не көлік құралына заңсыз кiрумен жасалған ұрлық)бойынша сотқа дейінгі тергеп-тексеру амалдары жүргізілуде.Күдіктіге қатысты ешқайда кетпеу және тиісті мінез-құлық туралы қолхат түрінде бұлтартпау шарасы қолданылды.

Қызылордада 1 млн. теңгенің құрылыс  затын ұрлаған тұрғын ұсталды

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Кемелұлы Тоқаев «Amanat» партиясының төрағасы ретіндегі өкілеттілігін тоқтатты. Президент бұл туралы партияның кезектен тыс ХХІІІсъезінде мәлім етті. Алайда, партия қатарынан шықса да «Amanat»-тың бағдары өзгермейтініне сенім білдірді.
Осы арқылы Президент елімізде партиялар арасында бәсекелестіктің артатынын, алдағы сайлауларда барлық партияға тең мүмкіндік туғызатынын айрықша атап өтті.
Рас, саяси жүйеде әділдік болғанда ғана оның процестері демократия тұрғысынан дамиды. Ол үшін елдегі партиялар арасында тепе-теңдік сақталуы қажет. Сондықтан Мемлекет басшысының шешімі «Жаңа Қазақстандағы» оң өзгерістің бір парасы екені даусыз.
Кей саяси сарапшылар бұл өзгеріске қарап,«Аmanat» партиясының беделі бұрынғыдай болмауы мүмкін деген болжам айтады. Бірақ, партияның Тәуелсіздік жылдарында елімізде жетекші рөл атқарғанын барлығы жақсы біледі. Барлық саяси бәсекеде жеңіске жетіп отырды. Сондықтан біздің партия алдағы саяси науқандар да белсенділік таныта бермек. Президенттің кешегі съезде саяси сабақтастық сақталып, партия өз жұмысын жалғастыра беретіндігіне сенім білдірді. Бұл «Amanat» партиясындағы әрбір азаматтың халық алдағы жауапкершілігін сезіндіре түседі.
Айнұр ТОБАЕВА,
«Азаматтарға арналған үкімет мемлекеттік корпорациясы» КЕ АҚ»
Қызылорда облысы бойынша филиалы директоры

Партия жұмысы бәсеңдемейді

<a href="https://kyzylorda-news.kz/">Kyzylorda-news.kz.</a>&nbsp;Бүгін Қазалы ауданы орталығы – Әйтеке би кентінде жаңа спорт алаңы пайдалануға берілді.
Достық көшесінің бойында салынған алаңда жастар шағын футбол, волейбол, баскетбол сияқты спорт түрлерімен емін-еркін айналыса алады.
Қазалы ауданының әкімі Мұхтар Оразбаев жаңадан салынған спорт алаңына арнайы барып, жас жеткіншектерге доп тарту етті.
Айта кетейік, салауатты өмір салтын сақтау, бұқаралық спортты дамытуға септігін тигізетін алаң аудандық бюджеттен бөлінген қаржыға салынды.
<img src="https://kyzylorda-news.kz/wp-content/uploads/2022/04/sport-1.jpg" alt="" />
<img src="https://kyzylorda-news.kz/wp-content/uploads/2022/04/sportt.jpg" alt="" />

Қазалыда жаңа спорт алаңы пайдалануға берілді

<a href="https://kyzylorda-news.kz/">Kyzylorda-news.kz.</a>&nbsp;Облыс халқының 670 мыңнан астамы, яғни, 82 пайызы міндетті әлеуметтік медициналық сақтандыру мәртебесіне ие болған.
Ал биыл 133 491 адамның сақтандыру жүйесіне тіркелмегені белгілі болды. Олардың 66 пайызы соңғы 12 айда мүлде аударым жасамаған. Бұл туралы «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов хабарлады.
<blockquote>
 «МӘМС жүйесінің толыққанды жүзеге асуына кедергі келтіретін бірінші мәселе – өңірімізде сақтандырылмаған азаматтардың үлес салмағының жоғары болуында. Жалпы облыстағы азаматтардың 82 пайызы сақтандырылған болса, оның 3805 МӘМС пакетінің медициналық қызметтеріне қол жеткізді. Сонымен қатар осы жылы өңір халқын МӘМС жүйесімен қамтудың жол картасы бекітілді. Қала және аудан әкімдіктеріне «МӘМС жүйесіне тарту» жұмыс тобы құрылып, азаматтарды бірыңғай жиынтық төлемдеріне үздіксіз тарту туралы тапсырма берілді», – деді Бақыт Исмаханбетов.
</blockquote>

Биыл МӘМС жүйесімен қамтудың жол картасы бекітілді

Э<a href="https://kyzylorda-news.kz/">Kyzylorda-news.kz.</a>&nbsp;Қызылордада экстремистік бағыттағы материалдарды сақтаған деструктивті діни ағымды ұстанатын тұрғын ұсталды.
Қызылорда облысы Полиция департаментінің Экстремизмге қарсы іс-қимыл басқармасы қызметкерлерімен жүргізілген жедел-іздестіру іс-шаралары нәтижесінде экстремистік бағыттағы материалдарды сақтаған деструктивті діни ағымын ұстанатын 30 жастағы облыс тұрғыны анықталды.
Оған қатысты Қазақстан Республикасы ӘҚБтК-нің 453-бабының 4-бөлігінде (Бұқаралық ақпарат құралдарының өнiмiн, сол сияқты өзге де өнiмдi Қазақстан Республикасының аумағында дайындау, сақтау, әкелу, тасымалдау, тарату, Қазақстан Республикасының конституциялық құрылысын күштеп өзгертудi, оның тұтастығын бұзуды, мемлекет қауiпсiздiгiне нұқсан келтiрудi, соғысты, әлеуметтiк, нәсiлдiк, ұлттық, дiни, тектiк-топтық және рулық араздықты қоздыруды) көзделген құқық бұзушылық жасағаны үшін әкімшілік іс қозғалған.
Сот қаулысымен деструктивті діни ағым ұстанушысы кінәлі деп танылып, оған 214 410 теңге әкімшілік айыппұл салынды.

Қызылордада деструктивті діни ағымды ұстанатын тұрғын ұсталды

<a href="https://kyzylorda-news.kz/">Kyzylorda-news.kz.</a>&nbsp;Бір адамның бірнеше банктен несие алу мүмкіндігі болмайды. Бұл туралы Мәжіліс депутаты Дания Еспаева мәлім етті, деп хабарлайды <a href="https://lenta.inform.kz/kz/bir-adamnyn-birneshe-bankten-nesie-aluy-mumkin-bolmaydy-deputat_a3927504">ҚазАқпарат</a>.
Атап айтқанда, бүгін Мәжілістің жалпы отырысында «Қазақстан Республикасының кейбiр заңнамалық актiлерiне сақтандыру нарығын және бағалы қағаздар нарығын реттеу мен дамыту мәселелері бойынша өзгерiстер мен толықтырулар енгiзу туралы» заң жобасы мақұлданды.
Осы орайда интернет-алаяқтыққа байланысты тәуекелдерді төмендету және қарыз алушылардың борыштық жүктемесінің деңгейін бақылау мақсатында кредиттік бюроларға ақпаратты ұсыну мерзімдерін қарызға байланысты базалық мәліметтер бойынша 15 жұмыс күнінен 1 жұмыс күніне дейін қысқарту көзделген.
<blockquote>
 «Қазіргі кезде несие алу саласында алаяқтық жағдайлары көп кездеседі. Неге осындай фактілер кездеседі? Әрбір қаржылық ұйым немесе екінші деңгейдегі банктер берілген несиелер туралы кредиттік бюроға жолдайды, онда берілген несиелердің базасы 15 күннің ішінде қалыптасады. Біздің түзетулерге сәйкес, несие беру ақпараттары бір күннің ішінде тіркеледі. Енді, бір-екі күннің ішінде 5-6 банкте бір мезгілде несие алуға тырысқан адамдарда мұндай мүмкіндік болмайды. Себебі кредиттік бюрода бұл адамның бір банкте несие алғаны туралы мәлімет тіркеліп тұрады. Сәйкесінше, оның қарыз жүктемесі есептеледі», – Дания Еспаева.
</blockquote>
Осы орайда депутат несие алған адамның қарыз жүктемесін ескере отырып, басқа банк кредиттік бюро базасы арқылы бұл мәліметтерді көріп тұратынын айтты.
<blockquote>
 «Екінші банк қайтадан несие алуға келген адамның мүмкіндігін қарап, оның табысы несиені өтеуге жетпейтінін көріп, оның өтінішін мақұлдамайды. Сонымен қатар, бұл қадамдар интернет-алаяқтыққа да тосқауыл қояды», – деді Дания Еспаева.
</blockquote>

Дания Еспаева: Бір адамның бірнеше банктен несие алуы мүмкін болмайды

<a href="https://kyzylorda-news.kz/">Kyzylorda-news.kz.</a>&nbsp;Биылғы жылдың бірінші тоқсанында МӘМС жүйесі шеңберінде экстракорпоралдық ұрықтандырудың 835 рәсімі орындалды. Әлеуметтік медициналық сақтандыру қорында ЭКҰ-ны медициналық сақтандыру бойынша кім және қалай өте алатындығы туралы айтылды.
Әлеуметтік медициналық сақтандыру қорында атап өтілгендей, экстракорпоралдық ұрықтандыру процедурасы жоғары технологиялық медициналық қызметтерге жатады және қымбат болып табылады. Бұған дейін ол тегін медициналық көмектің кепілдік берілген көлемі шеңберінде жүргізілген болатын. Алайда, қаржыландыру көлемі аз болды, жылына шамамен 900–1000 квота бөлінді. Ал 2021 жылдан бастап ҚР Президенті Қасым-Жомарт Тоқаевтың тапсырмасы бойынша Қазақстанда «Аңсаған сәби» бағдарламасы жүзеге асырылуда. Бұл квота санын 7 есеге – жылына 7 000-ға дейін арттыруға мүмкіндік берді. Процедура МӘМС қызметтер тізбесіне кіреді, сондықтан сақтандырылған пациенттер оны тегін өте алады.
2022 жылы Әлеуметтік медициналық сақтандыру қоры алдын ала есептелген сомасы 6,68 млрд теңгеге 7 000 ЭКҰ циклын қаржыландыруды көздеді.
1-ші тоқсанның қорытындысы бойынша 824,6 млн теңгеге экстракорпоралдық ұрықтандырудың 835 рәсімі орындалды. Бұл алдыңғы жылдарға қарағанда әлдеқайда көп: 2020 жылдың 1-ші тоқсанында барлығы 59 ЭКҰ, 2021 жылдың 1-ші тоқсанында 526 цикл шығарылды.
Қорда атап өткендей, ҚР – да ЭКҰ қызметтерін жеткізушілер еліміздің 9 өңірінен 19 медициналық ұйым, оның ішінде 18-і – жекеменшік ұйымдар болып табылады. Пациент экстракорпоралдық ұрықтандыру үшін клиниканы өз бетінше таңдауға құқылы. ЭКҰ қызметтерін көрсететін жеткізушілердің тізімімен Қордың ресми fms.kz сайтында «Пациент үшін» бөлімінде, әрі қарай «Емхананы таңдау» батырмасын басу арқылы танысуға болады.
Кім ЭКҰ-ға сенім арта алады?
Процедураның негізгі көрсеткіші-терапевтік түзету мүмкін емес бедеулік. Сонымен қатар, ерлі-зайыптылар да, ресми некеде тұрмайтын ерлі-зайыптылар да ЭКҰ-ға өтініш бере алады, бірақ бұл жағдайда өзара ерікті жазбаша келісім қажет.
ЭКҰ рәсімінен Қазақстан азаматтары өте алады және Денсаулық сақтау министрлігі белгілеген медициналық параметрлерге сәйкес келуі қажет:
<ul>
<li>репродуктивті жас (18-ден 42 жасқа дейін);</li>
<li>қалыпты соматикалық күй;</li>
<li>қалыпты эндокриндік күй;</li>
<li>қанағаттанарлық овариалдық резерв. 
Қандай жағдайда ЭКҰ-дан бас тартуы мүмкін? 
Науқасқа экстракорпоралдық ұрықтандырудан бас тарту бірнеше жағдайда болуы мүмкін:</li>
<li>жүктіліктің басталуы нәтижелілігінің төмендеу факторлары болған кезде (имплантацияға және жүктіліктің дамуына кедергі келтіретін ішкі жыныс мүшелерінің даму аномалиясы, гидро(сақтосальпингстер), жатыр қуысының синехиясы, эндометриоз, аналық бездердің кисталары, обтурациялық емес азооспермия); 
жатырдың туа біткен немесе жүре пайда болған ауытқулары кезінде;</li>
<li>соматикалық және психикалық бұзылулар кезінде;</li>
<li>аналық без ісіктерінде;</li>
<li>жедел қабыну ауруларында;</li>
<li>кез келген локализация онкологиясы кезінде.</li>
</ul>
ЭКҰ-дан өту үшін пациенттің бағыты 
ЭКҰ-ға жолдама алу үшін бекітілген жері бойынша емханаға жүгіну қажет. 
Пациентті тіркеу орны бойынша денсаулық сақтау ұйымдары бедеуліктен зардап шегетін адамдарды диспансерлік науқастардың (бұдан әрі – ДНЭТ) электрондық тіркеліміне енгізеді. 12 ай ішінде бедеуліктің себептерін зерттеп-қарағаннан және анықтағаннан кейін бейінді маманның қорытындысы негізінде пациенттің тіркелген жеріндегі денсаулық сақтау ұйымдары МӘМС жүйесінде қосалқы репродуктивтік әдістер мен технологиялар (ҚРТ) жүргізу туралы мәселені шешу үшін пациенттің құжаттарын облыстардың, республикалық маңызы бар қалалардың және астананың денсаулық сақтауды мемлекеттік басқарудың жергілікті органдарының жоғары технологиялық медициналық қызметтер жөніндегі комиссиясына (ЖТМҚ комиссиясы) жібереді. 
МӘМС жүйесінде орындалған ҚРТ емшаралары туралы деректерді ҚРТ бедеулікті емдеуде қолдануға көмек көрсететін медициналық ұйымдар медициналық ақпараттық жүйеге енгізеді. 
ҚРТ пайдалана отырып, медициналық көмек алу үшін медициналық ұйымды таңдауды пациент жүзеге асырады. Оң шешім қабылданған жағдайда ЖТМҚ комиссиясы емдеуге жатқызуға жолдаманы пациенттің құжаттар пакетін қоса бере отырып, емдеуге жатқызу бюросы порталында тіркейді.
Айта кету керек, жылына бір рет МӘМС бойынша ЭКҰ процедурасынан тегін өтуге болады. МӘМС жүйесінде ЭКҰ жүргізу алдында ерлі-зайыптыларды тексеру көлемі көзделген тізбеге сәйкес жүзеге асырылады.
Егер сізде медициналық көмек көрсету сапасына қатысты сұрақтарыңыз болса, сіз оларды өз емханаңыздағы Пациенттерді қолдау қызметіне қоя аласыз. Егер жағдайды сол жерде шешу мүмкін болмаса, онда өзіңізге ыңғайлы байланыс арнасы арқылы Әлеуметтік медициналық сақтандыру Қорына жүгінуге болады: ресми fms.kz сайты, 1406 байланыс орталығы, Qoldau 24/7 мобильді қосымшасы және Telegram-дағы SaqtandyryBot. Дәл осы құралдар сақтандырылу мәртебесін тексеруге мүмкіндік береді. Сондай-ақ, медициналық сақтандыру жүйесіндегі өз мәртебеңізді тексеріп, жүргізілген төлемдер туралы ҚР электрондық үкіметінің egov.kz сайтындағы «Денсаулық сақтау» бөлімінде «Медициналық қызметтер туралы және МӘМС-ға аударылған сомалар туралы ақпарат» мемлекеттік қызметі арқылы біле аласыз.

МӘМС: Бірінші тоқсанда 835 ЭКҰ рәсімі өткізілді

<a href="https://kyzylorda-news.kz/">Kyzylorda-news.kz.</a>&nbsp;«Ұлттың тұрақты дамуын қамтамасыз ету, тұрғындар арасында бірлікті, әлеуметтік оптимизм мен болашаққа деген сенімділікті нығайту» әлеуметтік жобасы аясында Қызылорда қаласы «Достық» үйінде Қызылорда облыстық ардагерлер Кеңесінің кезекті Пленумы облыстық конференциясы ұйымдастырылды.
Конференцияға Қызылорда облыстық мәслихатының хатшысы Наурызбай Байқадамов қатысты.
Конференцияны Қызылорда облыстық ардагерлер кеңесінің төрағасы Серік Дүйсенбаев жүргізді. 
Облыстық ардагерлер Кеңесінің кезекті І Пленумының күн тәртібінде қаралған «Мемлекет басшысының биылғы жылғы Қазақстан халқына Жолдауы мен Үндеуінен туындайтын тапсырмаларды жүзеге асырудағы ардагерлердің міндеттері мен республикалық ардагерлер ұйымының VIII съезінің шешімдерінің орындалу барысы туралы» бірінші мәселе бойынша облыстық ардагерлер кеңесінің төрағасы Серік Дүйсенбаев баяндама жасап, республикалық ардагерлер кеңесінің «Құрмет белгісі» төсбелгісінің иегері, Сырдария ауданының Құрметті азаматы, Нағи Ілиясов ауылы ардагерлер ұйымының төрағасы Төребек Жұмабекұлы, қоғам қайраткері, «Құрмет», «Парасат» ордендерінің иегері, Қызылорда облысының және Сырдария ауданының Құрметті азаматы, «Ұрпақтан ұрпаққа» қоғамдық бірлестігінің төрайымы Алмагүл Божанова, «Ерен еңбегі үшін» медалінің иегері, Арал ауданының құрметті азаматы, Арал аудандық ардагерлер кеңесінің төрағасы Әділбек Айымбетов, Құрметті теміржолшы, Қызылорда теміржол бөлімшесінің магистралды жүйе мекемесінің директоры Ибрагим Басықараев ұсыныстарын айтты.
Конференцияның қорытындысында Мемлекет басшысының халыққа Үндеуі мен Жолдауынан туындайтын тапсырмаларды жүзеге асыруға облыстың ардагерлер ұйымдарының атсалысуы ұсынылып, баяндамада айқындалған, республикалық ардагерлер ұйымының VIII съезінің шешімдерінің орындалу барысы назарға алынуға қаулы қабылданды.

Қызылорда облыстық ардагерлер кеңесінің кезекті Пленумы өтті

<a href="https://kyzylorda-news.kz/">Kyzylorda-news.kz.</a> «Мерейлі отбасы» ұлттық конкурсының қалалық деңгейдегі бірінші кезеңі басталды.
Конкурсқа қатысуға еңбектегі, спорттағы, шығармашылық, зияткерлік, ғылыми жетістіктері жоғары отбасылар жіберіледі.
1) Қызметі Қазақстан Республикасының аумағында тыйым салынған ұйымдардың құрамына кіретін (кірген) мүшелері бар;
2) бұрын сотталған мүшелері бар отбасылар конкурсқа қатыса алмайды.
Конкурсқа қатысуға қажетті құжаттар тізімі:
1) ата-аналардың (қорғаншылардың, қамқоршылардың) жеке басын куәландыратын құжаттардың көшірмелері, балалардың туу туралы куәліктерінің көшірмелері;
2) асырап алушы (қорғаншы) отбасылар үшін – жергілікті уәкілетті органның кәмелетке толмаған балаға қорғаншылықты (қамқоршылықты) белгілеу туралы шешімінен үзінді көшірме;
3) неке қию туралы куәліктің көшірмесі (бар болса);
4) Ата-аналарының біреуі қайтыс болған жағдайда, қайтыс болу туралы куәліктің көшірмесі- бар болса;
5) Балаларды тәрбиеленгені үшін алған көтермелеулердің, белгілі бір жетістіктері үшін алған көтермелеулердің бар екенін куәландыратын құжаттардың көшірмелері;
6) балалардың, ата-аналардың (қорғаншылардың, қамқоршылардың) жұмыс (оқу) орнынан анықтамалар және мінездемелер;
7) ұсынымдар (әріптестерінің, көршілерінің, достарының);
8) отбасы мүшелерінің еңбектегі, спорттағы, шығармашылық, зияткерлік, ғылыми жоғары жетістіктерін куәландыратын құжаттардың көшірмелері.
«Мерейлі отбасы» ұлттық конкурсына құжаттар 2022 жылдың 27 сәуір – 10 мамыр аралығында қалалық ішкі саясат бөлімінде қабылданады.
Мекен-жайы: Қызылорда қаласы, Ы.Жақаев көшесі №16 үй (қала әкімдігінің ғимараты), 303 – кабинет, байланыс телефоны: 26-35-62, 27-20-81.

«Мерейлі отбасы» ұлттық конкурсының қалалық деңгейдегі бірінші кезеңі басталды

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Нұрлыбек Нәлібаев еңбек ардагері, салық қызметінің үздігі Дайрабай Ысқақовты 75 жасқа толуына орай құттықтап, «Қызылорда облысының Құрмет грамотасын» табыстады.
<blockquote>
 «Дайрабай Ысқақұлы, Сізді Сыр жұртшылығы атынан мерейтойыңызбен шын жүректен құттықтаймын! Сыр өңірінің дамуы мен халықтың әл-ауқатын жақсартуға, қаржы, салық салаларының дамуына жоғары дәрежеде қызмет еттіңіз. Бұл еңбегіңізді Сыр жұртшылығы жақсы біледі және ерекше құрметтейді. Сіздің өмірлік тәжірибеңіз бен ақыл-кеңесіңіз өскелең ұрпақ үшін айнымас темір қазық. Сізді өз атымнан және облыс тұрғындары атынан тағы да құттықтап, шынайы алғысымды білдіремін. Ұзақ өмір, зор денсаулық, отбасыңызға баянды бақыт, әулетіңізге амандық тілейміз», – деді Нұрлыбек Нәлібаев.
</blockquote>
Басқосуда үзеңгілес әріптестері Дайрабай Ысқақовтың еңбек жолынан естеліктер айтып, игі тілегін арнады.

Қазақстан және Қызылорда облысының жаңалықтары