<a href="https://kyzylorda-news.kz/">Kyzylorda-news.kz.</a> Қызылорда облысының әкімі Нұрлыбек Нәлібаев еңбек ардагері, салық қызметінің үздігі Дайрабай Ысқақовты 75 жасқа толуына орай құттықтап, «Қызылорда облысының Құрмет грамотасын» табыстады.
<blockquote>
 «Дайрабай Ысқақұлы, Сізді Сыр жұртшылығы атынан мерейтойыңызбен шын жүректен құттықтаймын! Сыр өңірінің дамуы мен халықтың әл-ауқатын жақсартуға, қаржы, салық салаларының дамуына жоғары дәрежеде қызмет еттіңіз. Бұл еңбегіңізді Сыр жұртшылығы жақсы біледі және ерекше құрметтейді. Сіздің өмірлік тәжірибеңіз бен ақыл-кеңесіңіз өскелең ұрпақ үшін айнымас темір қазық. Сізді өз атымнан және облыс тұрғындары атынан тағы да құттықтап, шынайы алғысымды білдіремін. Ұзақ өмір, зор денсаулық, отбасыңызға баянды бақыт, әулетіңізге амандық тілейміз», – деді Нұрлыбек Нәлібаев.
</blockquote>
Басқосуда үзеңгілес әріптестері Дайрабай Ысқақовтың еңбек жолынан естеліктер айтып, игі тілегін арнады.

Аймақ басшысы еңбек ардагері Дайрабай Ысқақовты құттықтады

<a href="https://kyzylorda-news.kz/">Kyzylorda-news.kz.</a> Қызылорда облысы бойынша Мемлекеттік кірістер департаментімен салықтан жалтару жайттары бар, күмәнді есеп айырысулар бойынша үнемі талдау жұмыстары жүргізіліп отырады.
Қазақстан Республикасы Әкімшілік рәсімдік-процестік кодексінің талаптарына сай тыңдау рәсімін жүргізу арқылы өз еркімен анықталған кемшіліктерді жою үшін салық төлеушіге мүмкіндік беріледі. 
Жыл басынан бері осындай 36 салық төлеушіге қатысты тыңдау рәсімі жүргізіліп, 21 салық төлеуші қосымша салық есептіліктерін тапсыру арқылы кемшіліктер жойылды. Нәтижесінде 196,4 млн. теңге есептеліп, бюджет есебіне 80,3 млн. теңге өндірілді.
Сонымен қатар 3 салық төлеуші өз еріктерімен кемшіліктерді жоюдан бас тартуына байланысты, уәкілетті органның шешімі негізінде құжаттық салықтық тексерулер тағайындалды.

Салықтық тексеру жүргізілмес үшін не істеу керек?

**<a href="https://kyzylorda-news.kz/">Kyzylorda-news.kz.</a> Жаңақорған *ауданының әкімі Мұрат Тілеуімбетов* аудандағы аграрлы-техникалық колледж жұмысымен танысты.**
Аудан әкімі ең алдымен оқу корпустарына аралады. Колледж директоры Жомарт Абибуллаұлы Шауенов «Жас маман» жобасына жасақталған кабинеттер мен оқыту – технологиясын таныстырды.
<blockquote>
 «Біздің басты жаңалығымыздың бірі 2020 жылы «Жол картасы» жобасы аясында тарихы терең оқу орнына 60 жылдан бері күрделі жөндеу көрмеген колледжімізге Республикалық бюджеттен 500 303 мың теңге бөлініп түбегейлі күрделі жөндеуден өтті. Екінші жақсы жаңалығымыз 2021 жылы Республикалық маңызы бар «Жас маман» жобасына еліміз бойынша 795 оқу орны қатысып, оның ішінен 180 таңдалса, соның қатарына біздің колледж енгізілді. Бұл – біз үшін үлкен жетістік болды. Нәтижесінде колледждің материалдық базасын жаңартуға Республикалық бюджеттен 320 млн теңгеге «Автомобиль көлігіне қызмет көрсету, жөндеу және пайдалану» және «Дәнеркерлеу ісі» мамандығына соңғы үлгідегі заманауи технологиялармен жабдықталды. Оқу процесіне арналған автокөлік, виртуальды көлікті басқарушы тренажеры, автомеханика саласына арналған диагностика, көлік моторының ақауын анықтайтын диагностика, токарлық станоктар, желдеткіштегі ақауды анықтайтын диагностикалық аппараттар алынды. Ақпараттандыру кабинетіне 26 моноблок компьютері сенсорлы экран тақтасы толықтай соңғы технология мен жабдықталды», – деді колледж директоры Жомарт Абибуллаұлы.
</blockquote>
Әрі қарай аудан басшысы Мұрат Жолкелдіұлы студенттер жатақханасын, кітапхана оқырман залы мен АКТ зал, 200 орындық заманауи асхананы, «Тігін шеберханасының» оқу процесімен танысты. Атқарылған жұмыстарды көріп, колледж ғимараты ауласындағы тазалық жұмыстары мен абаттандыруға өзіндік бағасын берді.
Аудан әкімі Мұрат Жолкелдіұлы керемет бастамалардың атқарылған жұмыстары көзге айшықтай көрініп тұрғандығын айтты.
Аудан әкімі заманауи құрал-жабдықтарды пайдалана отырып, шәкірттердің білім сапасын көтеріп, қоғамға оң серпіліс беріп, кәсіпорындарға мықты маман дайындай білу керек екенін жеткізді.
<img src="https://kyzylorda-news.kz/wp-content/uploads/2022/04/279408919_3140628822852126_6826708206729366499_n.jpg" alt="" />
<img src="https://kyzylorda-news.kz/wp-content/uploads/2022/04/278796665_3140628802852128_8159548460897466637_n.jpg" alt="" />

Жаңақорған ауданының әкімі колледж жұмысымен танысты

<a href="https://kyzylorda-news.kz/">Kyzylorda-news.kz.</a> Қызылорда облысының жолаушылар көлігі және автомобиль жолдары басқармасының басшысы лауазымына Пакуатдин Шамұратов тағайындалды.
Пакуатдин Шамұратов кәсіби әлеуеті, іскерлігі мен ұйымдастыру қабілеті жоғары маман. 
Жастайынан мемлекеттік қызметтің ең жауапты деген жер, сәулет, құрылыс салаларында мол тәжірибе жинаған.
Түрлі деңгейдегі қызметтерді абыроймен атқарып, іскер қызметкер ретінде өзін дәлелдеген. 
2017-2020 жылдары Тасбөгет кентінің әкімі болған. Соңғы жылдары қалалық құрылыс бөлімінің басшысы және Жалағаш ауданы әкімінің орынбасары қызметін атқарды.
Облыс әкімі Пакуатдин Сыражадинұлына сәттілік тілеп, экономиканың күретамыры саналатын саланының дамуына қан жүгіртіп, алған білімі мен жиған тәжірибесін арнайтынына сенім білдірді.

Қызылорда облыстық жолаушылар көлігі және автомобиль жолдары басқармасына жаңа басшы келді

<a href="https://kyzylorda-news.kz/">Kyzylorda-news.kz.</a> «Байқоңыр» әлеуметтік-кәсіпкерлік корпорациясы АҚ басқарма төрағасы қызметіне Нұржан Ахатов тағайындалды.
Нұржан Сәбитұлы қызметтің барлық сатысынан өткен білікті экономист, ұтымды ұйымдастырушы. 
Бұған дейін де 2015-2017 жылдары басқарма төрағасының орынбасары қызметінде болған. 
Мемлекеттік қызметте де тәжірибесі өте мол және барлық сатысынан өткен азамат.
Қызмет жолында Шиелі ауданы әкімінің орынбасары, облыстық кәсіпкерлік және өнеркәсіп басқармасы бастығының орынбасары, Шиелі аудандық экономика және бюджеттік жоспарлау бөлімінің бастығы, Қызылорда қаласы әкімі аппаратының басшысы, қала әкімінің орынбасары қызметтерін атқарса, қалалық мәслихат депутаты ретінде де қаланың әлеуметтік-экономикалық дамуына мол үлесін қосты.
Облыс әкімі Нұржан Сәбитұлының үлкен жобаларды сәтті жүзеге асыратынына айрықша сенім білдірді.
<img src="https://kyzylorda-news.kz/wp-content/uploads/2022/04/ahatov.jpg" alt="" />

«Байқоңыр» әлеуметтік-кәсіпкерлік корпорациясына жаңа басшы тағайындалды

<a href="https://kyzylorda-news.kz/">Kyzylorda-news.kz.</a> Қызылорда облыстық жұмыспен қамтуды үйлестіру және әлеуметтік бағдарламалар басқармасының басшысы қызметіне Ғабит Жаңабаев тағайындалды.
Ғабит Жұмабекұлы экономика мен қаржы саласының білікті маманы. Мемлекеттік қызметте түрлі деңгейде бірнеше басқармада жауапты қызметтерді абыройлы атқарған тәжірибелі кадр.
2012-2021 жылдары облыс әкімі аппаратының қаржы-шаруашылық бөлімінің меңгерушісі, облыстық жұмылдыру дайындығы және қаржы басқармасы басшысының орынбасары болған.
2021 жылдан осы кезге дейін Қызылорда қаласы әкімінің әлеуметтік салаға жауапты орынбасары қызметін атқарып келді.
Облыс әкімі Ғабит Жұмабекұлына жаңа қызметте әлеуметтік мәселелердің шешілуін батыл көтеріп, іскерлік ұстанымын көрсететініне сенім білдірді.

Қызылорда облыстық жұмыспен қамтуды үйлестіру және әлеуметтік бағдарламалар басқармасын Ғабит Жаңабаев басқарады

<a href="https://kyzylorda-news.kz/">Kyzylorda-news.kz.</a>&nbsp;Қызылорда облыстық құрылыс, сәулет және қала құрылысы басқармасының басшысы лауазымына Ерлан Төрәлиев тағайындалды.
Ерлан Кәрімбекұлы еңбек жолын Қызылорда қаласындағы «Фармация» акционерлік қоғамының экономист-менеджері болып бастаған.
Әр жылдары Қызылорда облыстық энергетика, құрылыс және тау-кен шаруашылығы басқармасының бас маманы, облыс әкімі аппаратында жауапты қызметтер атқарған.
Әр жылдары облыстық құрылыс басқармасы бастығының орынбасары, осы салаға жетекшілік ететін Қызылорда қаласы әкімінің орынбасары, Қызылорда облысының құрылыс басқармасының бастығы қызметтерін атқарды.
Ұлттық экономика министрлігінің Құрылыс және тұрғын үй-коммуналдық шаруашылығы комитетінің су және су бұру басқармасының басшысы, «Мемсараптама» республикалық мемлекеттік кәсіпорны бас директорының бірінші орынбасары, «Қазақстан тұрғын үй-коммуналдық шаруашылығын жаңғырту және дамыту орталығы» акционерлік қоғамы төрағасының орынбасары болып жұмыс жасады.
2020 жылдың қыркүйек айынан бастап осы кезге дейін «Ер-Ару» ЖШС-нің құрылыс жөніндегі директоры лауазымын атқарып келді.

Қызылорда облыстық құрылыс, сәулет және қала құрылысы басқармасының басшысы тағайындалды

<a href="https://kyzylorda-news.kz/">Kyzylorda-news.kz.</a> Облыс әкімінің өкімімен және Қазақстан Республикасы Президенті Әкімшілігінің келісімі бойынша Қызылорда облысы әкімі аппаратының басшысы лауазымына Байманов Шахмардан Асқарұлы тағайындалды.
Шахмардан Байманов 1984 жылы Қызылорда қаласында дүниеге келген.
2005 жылы Қорқыт ата атындағы Қызылорда мемлекеттік университетін, 2012 жылы ҚР Президенті жанындағы Мемлекеттік басқару академиясын тәмамдаған.
Еңбек жолын 2005 жылы Қорқыт ата атындағы Қызылорда мемлекеттік университеті ректорының жастар істері жөніндегі көмекшісі болып бастаған;
2007-2008 жылдары — Қызылорда облысының «Жастар бастамаларын дамыту орталығы» қауымдастығының атқарушы директоры;
2008-2012 жылдары — «Қазақстан жастары конгресі» заңды тұлғалар бірлестігінің атқарушы директорының орынбасары, атқарушы директоры;
2012-2015 жылдары — Ақмола облысының жастар саясаты мәселелері басқармасы басшысының м. а., басшысы, жетекшісі;
2015-2017 жылдары — «Нұр Отан» партиясы жанындағы «Жас Отан» жастар қанатының төрағасы;
2017-2019 жылдары — Қызылорда қаласының әкімі орынбасарының міндетін атқарушы, қала әкімінің орынбасары;
2019-2020 жылдары ҚР Ақпарат және қоғамдық даму министрлігінің Жастар және отбасы істері комитеті төрағасының орынбасары;
2020 жылдың тамыз айынан бастап ҚР Ақпарат және қоғамдық даму министрлігі Жастар және отбасы істері комитетінің төрағасы қызметін атқарып келді.

Қызылорда облысы әкімі аппаратының басшысы тағайындалды

<a href="https://kyzylorda-news.kz/">Kyzylorda-news.kz.</a>&nbsp;Қызылорда қаласындағы 6 мектепте оқу процесі үш ауысымда жүргізіледі. Бұл туралы Қызылорда облысының санитариялық-эпидемиологиялық бақылау департаментінің баспасөз қызметі хабарлады.
Өңірде мектептердің тығыздық мәселесі салауатты білім берудегі өзекті проблема саналады. Облыстағы 12 мектепте тығыздық көрсеткіші нормадан жоғары болып отыр.
Санитариялық қағида талаптары бойынша әр сыныпта 25 баладан аспауы тиіс. Аталған мектептерде ол 30-35 оқушыны құрайды.
<blockquote>
 «Қызылорда қаласындағы 6 мектепте оқу процесі үш ауысымда жүргізіледі. Бұл санитариялық-эпидемиологиялық қызмет мамандарын алаңдатып отыр. Мұндай жағдайда оқу қарапайым санитариялық-эпидемиологиялық талаптың, ылғалды жуып-шаю, ауа алмасу, карантин режимінің бұзылуына итермелейді. Салдарынан оларда жұқпалы және паразитарлық аурулардың топтасқан жағдайының таралу қаупі артады. 2021-2022 оқу жылында балалар арасында коронавирус инфекциясы көптеп тіркелді. Атап айтқанда, ол үш ауысымда білім беретін Абай атындағы мектеп-лицейде 9, №3 мектеп-лицейде 14, №101 мектепте 8, № 264 мектепте 7 жағдайды құрады. Сабақтың гигиеналық тұрғыдан рационалды, оңтайлы құрылымы оқушылар жүктемесінің азаюына, сәйкесінше жүрек-қантамыр жүйесінің функционалды қалпының бұзылмауына жол ашады. Ол аурушаңдықты азайтуға, сабақ үлгерімінің артуына оң әсерін тигізеді», – делінген департамент хабарламасында.
</blockquote>

Қызылордада 6 мектепте оқу процесі үш ауысымда жүргізіледі

<a href="https://kyzylorda-news.kz/">Kyzylorda-news.kz.</a>&nbsp;Республика аумағының басым бөлігінде ашық, жауын-шашынсыз ауа райы күтіледі, деп хабарлайды Қазгидромет.
Тек еліміздің солтүстігінде, оңтүстігінде, оңтүстік-шығысында және Жамбыл облысының таулы аудандарында жаңбыр, жауады.
ҚР бойынша желдің күшеюі, Қазақстанның оңтүстік-батысында шаңды дауыл, оңтүстік өңірлерде найзағай, дауыл соғады.
Күндіз Қызылорда облысының орталығында жел 15-20 м/с күшейіп, шаңды дауыл соғады.

27 сәуірге арналған ауа райы болжамы

Kyzylorda-news.kz. Қызылорда облысының әкімі Нұрлыбек Нәлібаевтың өкімімен Руслан Рүстемов облыстық мәдениет және спорт басқармасының басшысы болып тағайындалды. Бұл туралы Руслан Рүстемов “Facebook” парақшасында хабарлады.
«Облыс әкімі Нұрлыбек Машбекұлы Нәлібаев сенім білдіріп, үлкен салаға жетекшілік жасауды жүктеді.
Мәдениет пен өнер, спорт маған бейтаныс сала емес, 2002-2007 жылдары облыстық мәдениет басқармасы басшысының, 2016-2019 жылдары облыс әкімінің орынбасары болып қызмет еттім. Арал мен Жаңақорған арасында талай дарабоз таланттардың рухани түлеуіне тамшыдай үлесім тиген болар, сол шақты сағынатын едім, енді 15 жылдан соң ыстық ортаға оралып отырмын. Ана мен бауырындағы баланың бір-бірінен алшақтап, арадағы үзік ұзақ мерзімнен кейінгі кездесуі қалай өрбитіні секілді менің де жүректегі лүпілім кеудеме симай тұр. Бір қуанышым осы еді.
Ал, үмітім – сенім мен жауапкершілік. Екі ұшты үмітті үкілей алмасам, толысқан тәжірибем, біліктілігім, кемелдігім кері кетпей ме, мен үшін маңыздысы осы жәйт. Бұрынғы дана бабалар дәріптегендей, дарақыдан – сорақы жаман, сұмпайыдан – тұрпайы жаман, саңыраудан – меңіреу жаман дегеннен тәңір сақтасын!Бір қазанда сан саланың сыбағасы бар. Қазір шүлен тартатын заман емес, әрбір тиын таразыға түсетін, әрбір мәселе безбенге салынатын есептің уақыты. Ашықтық, жариялылық – басты борыш. Негізі ұстаным осы бағытпен жүреді. Тәртіп пен талап, жауапкершілік пен жүйелілік, жаңашылдық пен жаңғыру күн тәртібінен түспейді.
Өңір мәдениетін дамытуға, өнерді өркендетуге әлеуетті күш жұмсауға тиістіміз. Спорт та серпінді саланың бірі. Сыр спортын қанаттандыруға, әртараптануға әлеуетті күш жұмсауымыз керек. Алдымызда дүбірлі дода, сындарлы сайыстар тұр. Оған лайықтыларды, дара дарын иелері мен талантты, жүректі де білекті жерлестерімізді баптауға міндеттіміз. Сондықтан сала қызметін жаңғыртып, бірлігін сақтап, мамандар біліктілігін арттыруға барынша атсалысатын боламын.
Ұлтымыздың «Өнерліден өнеге ал, таланттыдан тәлім ал»,- деуі тегін емес. Себебі, өнер – он іспен тең, өнерпаз – он кісімен тең деген баға бар. Осындай ұғым ұжымның «ұраны» болады деп үміттенемін», – деп жазды фейсбук парақшасында жаңа басқарма басшысы Руслан Рүстемов.

Қызылорда облыстық мәдениет және спорт басқармасына жаңа басшы тағайындалды

<a href="https://kyzylorda-news.kz/">Kyzylorda-news.kz</a>. Қызылорда қаласында көпқабатты тұрғын үйдің үшінші қабатынан 4 жастағы бала құлап кетті.
Оқиға Желтоқсан көшесі бойындағы көпқабатты үйлердің бірінде орын алды.
<blockquote>
 «Негізінен, мұндай жағдай бала қадағалаусыз қалуы себепті болады. Салдарынан былтыр 10 бала терезе және балконнан құлап кеткен. Оның 2-еуі көз жұмды. Биыл мұндай бір жағдай тіркеліп отыр. Мұндай оқиғаның туындауына ата-ананың баланы бақылаусыз қалдыруы, терезеде уақытша бекіткіш торлардың болмауы себепші. Кейбір азаматтар балалардың терезе алдында ойнауына назар аудара бермейді», – делінген облыстық төтенше жағдайлар департаментінің хабарламасында.
</blockquote>
Айта кетейік, қаладағы көпбалалы және жалғызбасты 7 отбасыға 10 шектеу құрылғысы (блокиратор) орнатылды. Оған «Төтенше жағдайлар органдары ардагерлерінің Қазақстандық ұйымы» қоғамдық бірлестігінің Қызылорда облысы бойынша филиалы демеушілік көрсетті.

Қазақстан және Қызылорда облысының жаңалықтары