<a href="https://kyzylorda-news.kz/">Kyzylorda-news.kz.</a>&nbsp;Биыл Қызылорда облысында мемлекеттік қызметшілердің саны – 3 343 бірлікті құрады.
Есепті кезеңде 18 қызметші мемлекеттік қызметтен кеткен. Ал жыл басынан бері жергілікті атқарушы органдардан 6 адам өз өтінішіне сәйкес жұмыстан босатылған. Сонымен қатар мемлекеттік әкімшілік қызметке кіруге 447 адам тестілеуге қатысып, оның 29,7 пайызы шекті мәннен өтті. Бұл жөнінде Өңірлік коммуникациялар қызметінде өткен брифингте ҚР мемлекеттік қызмет істері агенттігінің Қызылорда облысы бойынша департаментінің басшысы Ғалым Тұрсынбаев мәлімдеді.
<blockquote>
 «Биыл жергілікті атқарушы органдар бойынша 600 қызметшінің білімін жетілдіру жоспарланды. Қазіргі таңда қайта даярлаудан – 19, біліктілігін арттыру курстарынан – 88 мемлекеттік қызметші өтті. Сонымен қатар Әдеп жөніндегі кеңестің 3 отырысы өткізіліп, онда 20 мәселе қаралды. Нәтижесінде, 13-і тәртіптік іс бойынша шара қолданылды. Мемлекеттік қызметке жас мамандарды бейімдеуге бағытталған «Сыр болашағы» жас мемлекеттік қызметшілер клубы қайта жанданатын болады. Алдағы уақытта мемлекеттік қызметке тестілеу онлайн түрде жүргізілетін болады», – деді Ғалым Тұрсынбаев.
</blockquote>

Ғалым Тұрсынбаев: Мемлекеттік қызметке орналасу жеңілдейді

<a href="https://kyzylorda-news.kz/">Kyzylorda-news.kz.</a> Қазақстандағы ірі кәсіпорындарды тексеру кезінде 6,5 мыңнан аса заң бұзушылық анықталған. Атап айтқанда жарамсыз өрт дабылдары мен желдету құрылғылары, қорғалмаған электр қалқандары, гидранттар мен өрт сөндіргіштердің болмауы сияқты кемшіліктер тіркелген, деп хабарлайды&nbsp;<a href="https://stan.kz/">Stan.kz</a>.
<blockquote>
 «Мысалы, «Қазақмыс корпорациясы» ЖШС шахталарында жұмыс шатырды реттейтін бекіткіштерсіз жүргізіледі (торкрет-бетон және болат-полимерлі бекіткіштер жоқ). Кеншілер кез келген сәтте тау массасының астында қалуы мүмкін (жазатайым оқиғалардың 60%-ы осындай заңбұзушылықпен байланысты)» , – дейді ҚР Бас прокуратурасы Қоғамдық мүдделерді қорғау қызметінің бастығы Сапарбек Нұрпейісов.
</blockquote>
Сонымен қатар, тексеріс кезінде 1,5 мыңнан астам технологиялық жабдықтың қауіпсіздік талаптарына сай келмейтіні анықталған. Ал 50-інің жұмысы толық тоқтатылуы тиіс (олармен 2,5 мыңнан астам адам жұмыс істеп жүр).
<blockquote>
 «Азаматтардың еңбек құқығын бұзушылардың арасында «Қазцинк», «Қазхром», «Қазфосфат», «Аралтұз», «Қазақмыс» және «Өзенмұнайгаз» компаниялары бар» , – деді Сапарбек Нұрпейісов.
</blockquote>
Прокуратура органдары еңбек қауіпсіздігінің сақталуы бойынша 49 ірі кәсіпорынды тексерген. Тексеру қорытындысы бойынша 69 қадағалау актісі енгізіліп, 226 тұлға әкімшілік жауапкершілікке тартылды. 30 мың жұмысшының жалақысына үстемеақы, 600-ден астам жұмысшыға өтемақы төленді. Қорғаныс құралдарымен және арнайы тамақпен қамтамасыз ету басталды. 22 техниканың жұмысы тоқтатылды.

Қазақстанда жұмысшылар құқығын бұзған ірі компаниялар қатарында «Аралтұз» да бар

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Нұрлыбек Нәлібаев актив отырысында жаңа қала әкімін таныстырды.
Жиында аймақ басшысы қала әкімі қызметін атқарған Ғанибек Қазантаевтың өз өтінішіне сәйкес Қызылорда қаласының әкімі лауазымынан босатылғанын хабарлап, әріптесіне қаланың әлеуметтік-экономикалық, рухани-мәдени дамуына сүбелі үлес қосқаны үшін алғыс білдірді және Қызылорда облысының «Құрмет» грамотасын табыстады.
Өз кезегінде, Ғанибек Қазантаев әріптестеріне бірге жұмыс істеу барысында көрсетен қолдауы үшін ризашылығын білдірді.
Облыс әкімінің өкімімен Қазақстан Республикасы Президенті Әкімшілігі және Қызылорда қалалық мәслихаттың келісімі бойынша Қызылорда қаласының әкімі лауазымына Асылбек Шәменов тағайындалды.
Аймақ басшысы жаңа әкімді таныстырып, қызметінде сәттілік тіледі.
<blockquote>
 «Асылбек Өмірбекұлы бұған дейін де бірқатар жауапты қызметтерді атқарған. Қаланың тыныс-тіршілігімен етене таныс. Әсіресе Қызылорда қаласы әкімінің орынбасары ретінде қаланың қайнаған қазанында шыңдалған тәжірибелі және іскер басшы. Бүгінгі күнге дейін Жалағаш ауданының әкімі қызметінде жүріп, ауданның экономикалық жағдайын жақсарту мен әлеуметтік әлеуетін арттыру жолында ауқымды жобаларды жүзеге асырып, жергілікті халықтың қолдауына ие болған. Ендігі кезекте, осы жинаған тәжірибесі мен білімін, іскерлік қабілетін облыс орталығы Қызылорда қаласын дамытуға арнап, сүбелі үлесін қосады деп сенеміз», – деді Нұрлыбек Нәлібаев.
</blockquote>
Облыс әкімі Асылбек Шәменовке Қызылорда қаласының қоғамдық-саяси ахуалдың тұрақтылығына жауапты болып, халықтың әл-ауқатын көтеру мақсатында экономиканың барлық салалары бойынша дамудың оң параметрлеріне қол жеткізуді тапсырды.
Қаланың санитарлық тазалығы, көпқабатты тұрғын үйлердің сәулеттік келбеті, көркейту-көгалдандыру жұмыстарына және тіршілікті қамтамасыз етуші кәсіпорындардың үздіксіз жұмыс жасауына баса назар аударуды және облыс орталығының сол жағалауын игеру және дамыту бойынша жаңа жобаларды жүзеге асыруды міндеттеді.
Жиында қоғам қайраткерлері Қожахмет Баймаханов, Айтбай Көшербаевтар жаңа шаһар басшысының қызметіне сәттілік тілеп, жерлестерін өңірді өркендету жолында бірлесіп әрекет етуге шақырды.
Асылбек Шәменов 1978 жылы туған. Ол Абай атындағы Алматы мемлекеттік университетін «Халықаралық туризм», Қызылорда мемлекеттік университетін «Мұнай-газ кен орындарын игеру» және «Құрылыс» мамандықтары бойынша бітірген.
Еңбек жолын 1999 жылы «Қызылорда интеграция» компаниясының менеджері ретінде бастаған.
2007-2012 жылдары Қызылорда облысының мемлекеттік сәулет-құрылыс бақылау, сондай-ақ облыстық энергетика және тұрғын үй-коммуналдық шаруашылық басқармаларында жауапты қызметтер атқарған.
2012-2018 жылдары Қызылорда облысының энергетика және тұрғын үй-коммуналдық шаруашылық басқармасы басшысының орынбасары, Қызылорда қаласы әкімінің орынбасары.
2018-2020 жылдары Қызылорда облысының жұмылдыру дайындығы басқармасының басшысы;
2020 жылдың наурыз айынан бастап Жалағаш ауданының әкімі болып қызмет атқарды.
<img src="https://kyzylorda-news.kz/wp-content/uploads/2022/04/shamenov-1.jpg" alt="" />
<img src="https://kyzylorda-news.kz/wp-content/uploads/2022/04/279423764_290657159922202_1699431544184459120_n.jpg" alt="" />

Қызылорда қаласының әкімі тағайындалды

<a href="https://kyzylorda-news.kz/">Kyzylorda-news.kz.</a> Қасиетті Рамазан айының Қадір түнінде облыс әкімі Нұрлыбек Нәлібаевтың атынан ауызашар берілді.
Орталық «Ақмешіт-Сырдария» мешітіндегі дәстүрлі дастарханға жамағатпен бірге имамдар, ақсақалдар мен ақ жаулықты аналар, зиялы қауым өкілдері және қала тұрғындары жиналды. Облыс әкімінің орынбасары Мархабат Жайымбетов ауыз бекіткен жандарды Рамазан айымен құттықтап, аймақ басшысының лебізін жеткізді.
<blockquote>
 «Қадірлі ағайын! Құрметті жамағат! Айлардың сұлтаны, ең қайырлысы Рамазан айы баршаңызға мүбәрак болсын! Аймақ басшысы Нұрлыбек Машбекұлының жайған дастарханына қош келдіңіздер! 
 Күллі әлем мұсылмандары үшін айрықша орын алатын бұл ай исламның басты құндылықтары – жақсылық пен мейірімділікті, сауап пен имандылықты дәріптейді. Сондықтан әлемнің барша мұсылмандары бұл айға ерекше құрметпен қарап, Алла разылығы үшін ауыз бекітіп, пітір садақаларын таратып, жетім-жесірге қолдау көрсетіп, игі амалдарды еселеуге асығады. 
 Барлығыңыз білесіздер, Тәуелсіздік алғалы ата дәстүр жанданып, салт-сана жаңғыруда. Алдағы уақытта Президент Қасым-Жомарт Тоқаев айтқандай, дәстүрлі дініміздің ұрпақ тәрбиесінің өзегі болуы, жастардың ұлт құндылықтарын бойына сіңіруі, ғылым-білім игеруімен қатар тәрбиелі болуы – біздің міндет. Ең бастысы, бүгінгі бейбіт өмірді қадірлеп, Тәуелсіздік тұғырын берік ұстауымыз қажет. Қадірлі жерлестер, бұл ауызашар рәсімін рухани байлығымызды жандандыруға арналған іс-шара деп қабылдаңыздар. Барлықтарыңыздың ізгі ниет-тілектеріңіз қабыл болсын», – деді облыс әкімінің орынбасары.
</blockquote>
Сондай-ақ ауызашарда облыстық ардагерлер кеңесінің төрағасы Серік Дүйсенбаев пен бас имам Болатбек Әбуов жиналған көпшілікті құттықтап, ұстаған оразаның қабыл болуына тілектестік білдірді. Жамағатқа оразаның пайдасы мен ұстау қағидалары жөнінде, берілетін садақа, қайырымдылық іс-шаралары туралы айтты.

Нұрлыбек Нәлібаев ауызашар берді

<a href="https://kyzylorda-news.kz/">Kyzylorda-news.kz.</a> Қасым-Жомарт Тоқаев Қазақстан халқы Ассамблеясының ХХХ сессиясы аясында ҚР Парламенті Мәжілісінің шығып қалған депутатының орнына ҚХА атынан ұсынылатын депутатты сайлауға қатысып, дауыс берді, деп хабарлайды Ақорда.
Президент дауыс бергеннен кейін депутаттыққа үміткерлердің сенімді өкілдерімен әңгімелесті. Мемлекет басшысы алдағы уақытта Конституцияға өзгеріс енгізілетіндіктен мұндай форматтағы сайлау соңғы рет өтіп жатқанын атап өтті.
<blockquote>
 «Бірақ біздің Парламентте Қазақстан халқы Ассамблеясының тиісті орындары сақталады», – деді Қасым-Жомарт Тоқаев.
</blockquote>
<img src="https://kyzylorda-news.kz/wp-content/uploads/2022/04/2204281258340623g.jpg" alt="" />
<img src="https://kyzylorda-news.kz/wp-content/uploads/2022/04/tokaev1.jpg" alt="" />

Қасым-Жомарт Тоқаев&nbsp;ҚХА атынан ұсынылатын Мәжіліс депутатын сайлауға қатысты

<a href="https://kyzylorda-news.kz/">Kyzylorda-news.kz.</a> Қызылорда облысы кәсіпкерлер палатасы заңгерлері қорғаған бұл іс өзгелерге қарағанда ерекше болып шықты.
Шиелі ауданының тұрғыны, жеке кәсіпкер Алтынгүл Керімова өткен жылы Кәсіпкерлер палатасынан дүкенін жабылудан қорғауын сұрап, өтініш білдірген еді.
Алтынгүл Керімовамен бірге өзге 3 дүкен иесін аудан тұрғыны сотқа берген. Тұрғынның сотқа шағымдануына көпқабатты тұрғын үйдің жанында дүкендердің орналасуы себеп болады.
Ол талап арызында әкімдікке шағымданғанында көпқабатты тұрғын үйдің жанында кәсіпкерлік нысан ашуға рұқсат берілмегені жөнінде ресми жауап алғанын жазған. Қосымша дүкендердің өрт қауіпсіздігіне, өзге де талаптарға сай келмейтінін көрсеткен.
Кәсіпкерлер палатасының заңгерлері мәселені зерделеу барысында Шиелі кенті әкімдігінің 2009 жылы аталған тұрғын үйдің 1-қабатындағы 47,7 шаршы метр жерді тұрғын үй қорынан шығарып, қосымша құрылыс жұмыстарын жүргізуге рұқсат беретін шешім шығарғанын анықтады.
Сонымен қатар, арызданушы тұрғынға аудандық құрылыс, сәулет және қала құрылысы бөлімі тұрғын үй іргесінде орналасқан дүкендерге бөлім тарапынан рұқсат беретін құжаттар – сәулет жоспарлау тапсырмасы және эскиздік жобасына келісім берілмегенін жеткізген.
Ал Кәсіпкерлер палатасының мамандары осы бөлімнің 2009 жылы эскиздік жобаны бекіткен, сондай-ақ көпқабатты тұрғын үйдің жанынан салынған сауда дүкен құрылысын қабылдау актісіне қол қойғанын дәлелдейтін құжаттарды табады.
Сондай-ақ, кәсіпкердің қолында 2009 жылы Шиелі аудандық төтенше жағдайлар бөлімінің өртке қарсы жоспарланған қорытындысы, аудандық мемлекеттік санитарлық-эпидемиологиялық қадағалау басқармасының сауда дүкені құрылысының САНПИН талаптарына сай екенін дәлелдейтін ұйғарымы және өзге де кәсібін жүргізуге рұқсат беретін құжаттар түгел болып шықты.
Сот отырысында Кәсіпкерлер палатасы директорының орынбасары, Қызылорда облысындағы бизнес-омбудсменнің өкілі Салават Құлмахан осы дәлелді себептерді алға тарта отырып, 4 кәсіпкердің де құқығын қорғап шықты.
<blockquote>
 «Конституцияда «Әркімнің кәсіпкерлік қызмет еркіндігіне, өз мүлкін кез келген заңды кәсіпкерлік қызмет үшін еркін пайдалануға құқы бар» деп жазылған. Кәсіпкерлердің құқығын қорғау барысында осы қағидаларды басшылыққа алдық. Алдағы уақытта мемлекеттік орган өкілдері кәсіпкерлерге қатысты ресми ақпарат берер алдында ақпараттың дәлел екеніне көз жеткізуін сұраймыз. Біздің жағдайда кәсіпкерлер бірнеше ай көлемінде сот процестерімен жүріп, негізгі қызметімен еркін айналысуына кедергі келді», – дейді Палата директорының орынбасары Салават Құлмахан.
</blockquote>
Жыл басынан бері Қызылорда облысы кәсіпкерлер палатасына бизнес өкілдерінен құқығын қорғауды сұраған 92 арыз түсті. Палата заңгерлері 19 өтініш бойынша кәсіпкерлердің құқығын қорғады. Нәтижесінде 39,2 млн теңге қаржысын сақтап қалды.

Қызылорда: Палата кәсіпкерлердің құқығын қорғады

<a href="https://kyzylorda-news.kz/">Kyzylorda-news.kz.</a>&nbsp;Синоптиктер 28-30 сәуірде Қазақстанның кей өңірлеріне бұршақ жауатынын айтты.
Ақ теңіз аудандарынан Қазақстанның батыс аймақтарына циклон ауысады. Бірте-бірте ол шығыс бағытқа қарай жылжып, елдің солтүстік-батыс және солтүстік аймақтарына әсер ете бастайды. Осыған байланысты республиканың басым бөлігінде жаңбыр, ал 30 сәуірде республиканың батысында нөсер жаңбыр жауады.
Алдағы үш тәулікте республиканың оңтүстік жартысында, 30 сәуірде Қазақстанның басым бөлігінде циклон соғады. Бұршақ жауып, күшті дауыл тұрады. Желдің екпіні 15-20 м/с дейін күшейеді, ол оңтүстікте және оңтүстік–шығыста екпіні 23-28 м/с дейін жетеді.

Сәуірдің соңғы күндері ауа райы қандай болады?

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Нұрлыбек Нәлібаев Сырдариядағы сапарында аудан активімен кездесіп, ортақ мәселелерді талқылады. Жиынға ҚР Еңбек Ері Абзал Ералиев, ардагерлер кеңесінің төрағасы Серік Дүйсенбаев, облыстық мәслихат депутаттары және облыстың зиялы қауым өкілдері қатысты.
Аймақ басшысы Сырдария ауданының ерекшеліктеріне тоқталып, алдағы уақытта орындалуы қажет міндеттерді нықтап берді.
<blockquote>
 «Киелі топырағында Асқар Тоқмағамбетов, Әбділда Тәжібаев, Қалтай Мұхамеджанов, Нағи Ілиясов сынды даңқты тұлғаларымыз туып өскен Cырдария ауданы бүгінгі күні ақ маржан – ақ күрішімен әлемге әйгілі. Облыстағы алғашқы Қазақстанның Еңбек Ері Абзал Жұмашұлы Ералиев ағамыз көркейтіп отырған Нағи Ілиясов атындағы ауыл республикамыздағы бірегей ауыл болып саналатыны белгілі. Аудан еңбеккерлерінің жыл сайынғы еселі еңбегінің арқасында ауыл шаруашылығы саласы қарқынды дамуда. Өткен жылы су тапшылығына қарамастан жақсы нәтижелер көрсете білді. Биыл да жоғары нәтижеге жетуге жұмыс жасау қажет, – деді Н.Нәлібаев.
</blockquote>
Басқосуда аудан әкімі Мұрат Ергешбаев ауданның әлеуметтік-экономикалық даму барысы туралы баяндап, өзекті мәселелерді шешу бойынша бірқатар ұсыныстарын жеткізді. Актив отырысында қоғам қайраткерлері Ибрагим Абибуллаев пен Алмагүл Божанова аймақ басшысының ел игілігіне қызмет етіп, өңірді өркенді істерге жетелейтін жарқын жобаларды атқаратынына сенім білдіріп, елді татулық пен бірлікке үндеді.
Жиынды қорытындылаған облыс әкімі аудан әкіміне экономика салаларына, оның ішінде әсіресе инвестициялар тарту, салық базасын ұлғайту, саяси тұрақтылықты сақтау, жаңа жұмыс орындарын құру және кәсіпкерлік саласын дамыту бойынша нақты жұмыстар жүргізу қажет екенін айтты.
<img src="https://kyzylorda-news.kz/wp-content/uploads/2022/04/syrdarija1.jpg" alt="" />
<img src="https://kyzylorda-news.kz/wp-content/uploads/2022/04/syrdarija2.jpg" alt="" />

Нұрлыбек Нәлібаев: Менің басты міндетім – халықтың сенімін ақтап, елдің сұранысына сай қызмет ету

<a href="https://kyzylorda-news.kz/">Kyzylorda-news.kz.</a> Қармақшы ауданына жұмыс сапарынан кейін облыс әкімі Нұрлыбек Нәлібаев Сырдария ауданына барып, бірқатар нысандардың жұмысымен танысты.
Ең әуелі Ақжарма ауылдық округінде орналасқан «Ақжарма и К» фермер қожалығының күріш ақтау цехына және мамандарына арналып салынған тұрғын үйлерді көрді. Мұнда мамандар тәулігіне 60 тонна күріш ақтайды. 15 адам тұрақты жұмыспен қамтылған.
Қожалықты жеке кәсіпкер Қайрат Нұрсейітов өз қаражаты есебінен салған. Кәсіпорында жұмыс істейтін мамандарға арналған тұрғын үйлер пайдалануға биыл берілген. Облыс әкімі мемлекет тарапынан ынталы кәсіпкерлердің жобаларын әрдайым қолдайтынын жеткізді. Сонымен қатар аймақ басшысы орталық алаңда ауыл ақсақалдарымен кездесіп, пікірлесті.
<img src="https://kyzylorda-news.kz/wp-content/uploads/2022/04/syrdarija-ferma.jpg" alt="" />
<img src="https://kyzylorda-news.kz/wp-content/uploads/2022/04/syrdarija-ferma1.jpg" alt="" />
<img src="https://kyzylorda-news.kz/wp-content/uploads/2022/04/syrdarija-kwrish.jpg" alt="" />
Мұнан соң облыс әкімі Нұрлыбек Нәлібаев Тереңөзек кентіндегі күрделі жөндеуден өткен орталық стадионның және жаңадан салынатын стритбол алаңы құрылысын көрді. Спортшы жасөспірімдермен кездесіп, өзара пікір алмасты.
Аумағы 656 шаршы метрді құрайтын орталық стадион өткен жылдың аяғында пайдалануға берілді. Ал, стритбол алаңының құрылысы биылғы жылдың шілде айында бітеді деп жоспарлануда.
Аймақ басшысы мердігер компания басшысына құрылыс жұмыстарын сапалы жүргізуді және уақытылы аяқтауды тапсырды. Сондай-ақ, жас спортшылардың алға қойған мақсаттарына жетуіне тілек білдіріп, жеңіске жету жолында аянбай еңбектену керек екенін қаперге салды.
<img src="https://kyzylorda-news.kz/wp-content/uploads/2022/04/syrdarija-sport2.jpg" alt="" />
<img src="https://kyzylorda-news.kz/wp-content/uploads/2022/04/syrdarija-sport1.jpg" alt="" />
Сырдариядағы жұмыс сапарында Нұрлыбек Нәлібаев Қазақстанның Еңбек Ері Абзал Ералиев және зиялы қауым өкілдерімен бірге Нағи Ілиясов ауылына барып, еңбек ардагерлерімен кездесті.
Елді ауызбірлікке үндеп жүрген ақсақалдар Төребек Жұмабеков пен қоғам белсендісі Дархан Ералиев елді-мекеннің өсіп-өркендеуіне үлес қосқан жанашыр азаматтардың еңбегін ерекше атап өтіп, облыс әкімінің алдағы ісіне сәттілік тіледі.
Мұнан соң облыс әкімі ауыл ішіндегі спорт кешені, орталық аллея мен музейді аралады.
<img src="https://kyzylorda-news.kz/wp-content/uploads/2022/04/nagi-ilijasov.jpg" alt="" />
<img src="https://kyzylorda-news.kz/wp-content/uploads/2022/04/nagi-ilijasov4.jpg" alt="" />
<img src="https://kyzylorda-news.kz/wp-content/uploads/2022/04/nagi-ilijasov1.jpg" alt="" />
<img src="https://kyzylorda-news.kz/wp-content/uploads/2022/04/nagi-ilijasov2.jpg" alt="" />
<img src="https://kyzylorda-news.kz/wp-content/uploads/2022/04/nagi-ilijasov3.jpg" alt="" />

Облыс әкімі Сырдария ауданындағы бірқатар нысандарды аралады

<a href="https://kyzylorda-news.kz/">Kyzylorda-news.kz.</a> 28 сәуір күні республика аумағының басым бөлігінде ашық, жауын-шашынсыз ауа райы сақталады, деп хабарлайды Қазгидромет.
Еліміздің тек батыс жартысында, қиыр солтүстігінде, оңтүстік-шығысында жаңбыр жауады. Алматы облысының таулы аудандарында жаңбыр мен қар түрінде жауын-шашын күтіледі. Барлық өңірде екпінді жел тұрады, оңтүстікте онымен бірге шаңды дауыл болады.
Таңертең және күндіз&nbsp;Қызылорда облысының&nbsp;орталығында, шығысында желдің екпіні 23 м/с артады. Күндіз өңірдің орталығында шаңды дауыл күтіледі.

Бейсенбі күнге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Қармақшы ауданына жұмыс сапарын қорытындылаған облыс әкімі Нұрлыбек Нәлібаев аудан активімен кездесіп, ортақ мәселелерді талқылады. Жиынға облыстық мәслихат депутаттары, зиялы қауым өкілдері мен ардагерлер қатысты.
Аймақ басшысы қасиетті Қармақшы жерінің терең тарихы мен құнды мәдени мұрасын атап өтіп, ауданның негізгі даму бағыттары мен алдағы міндеттерді айқындап берді.
<blockquote>
 «Экономика салаларына инвестициялар тарту, салық базасын ұлғайту, саяси тұрақтылықты сақтау, жаңа жұмыс орындарын құру және кәсіпкерлік саласын дамыту бойынша нақты жұмыстар жүргізу қажет. Ауданда маңызды мәселелердің бірі – елдің ауызбіршілігін сақтау. Одан бөлек, Қармақшыда қазіргі уақытта жастар арасында құқық бұзушылық фактілері азаймауда. Осы бағытта пәрменді шараларды қабылдау керек»,- деді облыс әкімі.
</blockquote>
Жиында аудан әкімі Әділбек Ерсұлтанов аудан үшін өзекті мәселелерді баяндап, алдағы жоспарларын тізбектеді.
Аймақ басшысы негізгі экономикалық көрсеткіштерді бақылауда ұстап, өңірдегі кәсіпкерлерге қолдау көрсетуді, инвестиция тарту бойынша кешенді шаралар қабылдауды тапсырды.
Басқосуда облыстық мәслихат депутаты Шәкізада Әбдікәрімов, ардагер Асқар Мереков, қоғам белсендісі Қуаныш Туреев пікірлерін ортаға салып, елді ынтымақ пен бірлікке шақырды.
<img src="https://kyzylorda-news.kz/wp-content/uploads/2022/04/karmakshy1.jpg" alt="" />
<img src="https://kyzylorda-news.kz/wp-content/uploads/2022/04/karmakshy2.jpg" alt="" />
<img src="https://kyzylorda-news.kz/wp-content/uploads/2022/04/karmakshy3.jpg" alt="" />
<img src="https://kyzylorda-news.kz/wp-content/uploads/2022/04/karmakshy4.jpg" alt="" />

Аймақ басшысы Қармақшыда жастар арасында құқық бұзушылық фактілері азаймай тұрғанын айтты

<a href="https://kyzylorda-news.kz/">Kyzylorda-news.kz.</a>&nbsp;Аймақ басшысы Нұрлыбек Нәлібаев жұмыс сапарымен Қармақшы ауданына барып, бірқатар нысандарды аралады.
Облыс әкімі алдымен Ақтөбе ауылдық округіндегі жылына 1500 тонна құс етін өндіретін фабриканың жұмысымен танысты. «Қармақшы құс» ЖШС біріккен кәсіпорны 2017 жылы «Байқоңыр» ӘКК АҚ қолдауымен фабрика құрылысын бастаған.
Өндіріс иесі Нұрлан Іздібаев фабрика биыл тамыз-қыркүйек айларында жұмысын бастайтынын жеткізді. Өз кезегінде облыс әкімі сапалы әрі импорт алмастырушы өнімдерді шығару қажеттігін атап өтіп, жобаға қолдау көрсетілетінін атап өтті.
<img src="https://kyzylorda-news.kz/wp-content/uploads/2022/04/karmakshy-kws.jpg" alt="" />
<img src="https://kyzylorda-news.kz/wp-content/uploads/2022/04/izdibaev.jpg" alt="" />
Аймақ басшысы одан әрі Қармақшыдағы балалар демалысына арналған лагерьдің жағдайымен танысты. Мұнда жыл бойы 5000-ға жуық баланың ой сергітіп, танымдық бағытта жұмыс істеуіне, олимпиадаға дайындық жұмыстарын жүргізу мен түрлі үйірмелерге қатысуға мүмкіндігі бар. Балалар үшін ғимаратта клуб, асхана, ұлдарға және қыздарға арналған бөлек корпустар мен спорттық ойын алаңдар ашылған.
Облыс әкімі қосымша білім беру ұйымдарын салу кезінде ең бірінші кезекте қажеттілікті және бала санына қарай жоба ұсыну керек екенін еске салды. Бұл ретте бюджет қаражатын тиімді қарап, артық шығынды болдырмау қажеттігін тапсырды.
<img src="https://kyzylorda-news.kz/wp-content/uploads/2022/04/karmakshy-bilim.jpg" alt="" />
<img src="https://kyzylorda-news.kz/wp-content/uploads/2022/04/karmakshy-bilim1.jpg" alt="" />
Нұрлыбек Нәлібаев ауданға сапар барысында салынып жатқан дене шынықтыру және сауықтыру кешеніне барып, нысанның жағдайын бақылады. Мердігер мекеме «Сапақ» құрылыс жұмыстарын өткен жылдың қазан айында бастап, биыл қыркүйек айында пайдалануға бермек.
Облыс әкімі жастарды бұқаралық спортпен қамту ісінде спорт кешенін салудың маңызы айрықша екенін атап өтіп, әрбір әлеуметтік нысаның маусымдық кезде ғана емес, жыл бойы жұмыс істеуін қадағалау қажеттігін ескертті.
<img src="https://kyzylorda-news.kz/wp-content/uploads/2022/04/karmakshy-sport1.jpg" alt="" />
<img src="https://kyzylorda-news.kz/wp-content/uploads/2022/04/karmakshy-sport.jpg" alt="" />

Қазақстан және Қызылорда облысының жаңалықтары

Ғалым Тұрсынбаев: Мемлекеттік қызметке орналасу жеңілдейді

Қазақстанда жұмысшылар құқығын бұзған ірі компаниялар қатарында «Аралтұз» да бар

Қызылорда қаласының әкімі тағайындалды

Нұрлыбек Нәлібаев ауызашар берді

Қасым-Жомарт Тоқаев ҚХА атынан ұсынылатын Мәжіліс депутатын сайлауға қатысты

Қызылорда: Палата кәсіпкерлердің құқығын қорғады

Сәуірдің соңғы күндері ауа райы қандай болады?

Нұрлыбек Нәлібаев: Менің басты міндетім – халықтың сенімін ақтап, елдің сұранысына сай қызмет ету

Облыс әкімі Сырдария ауданындағы бірқатар нысандарды аралады

Бейсенбі күнге арналған ауа райы болжамы

Аймақ басшысы Қармақшыда жастар арасында құқық бұзушылық фактілері азаймай тұрғанын айтты

Нұрлыбек Нәлібаев жұмыс сапарымен Қармақшы ауданына барды

Қазақстан және Қызылорда облысының жаңалықтары

Ғалым Тұрсынбаев: Мемлекеттік қызметке орналасу жеңілдейді

Қазақстанда жұмысшылар құқығын бұзған ірі компаниялар қатарында «Аралтұз» да бар

Қызылорда қаласының әкімі тағайындалды

Нұрлыбек Нәлібаев ауызашар берді

Қасым-Жомарт Тоқаев&nbsp;ҚХА атынан ұсынылатын Мәжіліс депутатын сайлауға қатысты

Қызылорда: Палата кәсіпкерлердің құқығын қорғады

Сәуірдің соңғы күндері ауа райы қандай болады?

Нұрлыбек Нәлібаев: Менің басты міндетім – халықтың сенімін ақтап, елдің сұранысына сай қызмет ету

Облыс әкімі Сырдария ауданындағы бірқатар нысандарды аралады

Бейсенбі күнге арналған ауа райы болжамы

Аймақ басшысы Қармақшыда жастар арасында құқық бұзушылық фактілері азаймай тұрғанын айтты

Нұрлыбек Нәлібаев жұмыс сапарымен Қармақшы ауданына барды

Қасым-Жомарт Тоқаев ҚХА атынан ұсынылатын Мәжіліс депутатын сайлауға қатысты