<a href="https://kyzylorda-news.kz/">Kyzylorda-news.kz.</a>&nbsp;Атмосфералық фронталды бөліктер ҚР басым бөлігінде әлі де тұрақсыз ауа райы сақтайды – көбінесе қар түріндегі жауын-шашын жауады, солтүстік пен шығыста желдің күшеюі жаяу бұрқасын күтіледі. Республиканың кей жерлерінде тұман, көктайғақ күтіледі, деп хабарлайды Қазгидромет.
Ақмола облысының оңтүстігі мен шығысында жаяу бұрқасын, батысы мен шығысында тұман, көктайғақ күтіледі. Батыс Қазақстан облысының оңтүстік-шығысында, түнде Ақтөбе облысының солтүстік жартысында тұман, көктайғақ күтіледі.
Атырау облысының батысы, шығысы мен орталығында, Маңғыстау облысының басым бөлілігінде тұман күтіледі. Қостанай облысының солтүстігінде тұман, оңтүстігінде түнде бұрқасын, көктайғақ күтіледі.
Солтүстік Қазақстан облысының оңтүстік-батысында тұман, шығысында желдің 15-20 м/с күшеюі, түнде жаяу бұрқасын, көктайғақ күтіледі. Павлодар облысының солтүстігінде тұман, көктайғақ, солтүстік-батысында желдің 18 м/с күшеюі күтіледі.
Қарағанды облысының солтүстігінде, шығысында көктайғақ, жаяу бұрқасын, оңтүстігінде тұман күтіледі.
Шығыс Қазақстан облысының солтүстігінде тұман, көктайғақ, жаяу бұрқасын, солтүстік жартысында желдің 15-20 м/с күшеюі күтіледі. Қызылорда облысының орталығында тұман күтіледі.
Жамбыл облысының солтүстігінде, таулы аудандарында және тау бөктерінде тұман, күндіз оңтістік-батысында, солтүстік-шығысында таулы аудандарында желдің 15-20 м/с күшеюі күтіледі.

Қазгидрометтің күн райына жасаған болжамы

<a href="https://kyzylorda-news.kz/">Kyzylorda-news.kz.</a> Бүгін түнгі сағат 02:00 шамасында Қармақшы ауданында жеңіл көліктер мен жүк көлігі жолдан шығып, аударылды.
Оқыс оқиға М-32 Шымкент-Самара тас жолының Қармақшы ауданы Елшібай бекетінің тұсында ауа райының қолайсыздығынан туындаған. Яғни жолдың тайғақ болуы салдарынан Тәжікстан Республикасының 35 жастағы азаматы Абдусаттор Абдукаримов өз басқаруындағы Мерседес-Бенц маркалы жүк автокөлігімен жолдан шыққан.
Айта кетейік, жүргізуші көмекке келген Қармақшы ауданының полиция бөлімі қызметкерлеріне өз алғысын білдірді.
<img src="https://kyzylorda-news.kz/wp-content/uploads/2021/12/264507699_391184009424563_7414515324428513644_n.jpg" alt="" />
<img src="https://kyzylorda-news.kz/wp-content/uploads/2021/12/264478127_391183959424568_5823353467640605272_n.jpg" alt="" />
<img src="https://kyzylorda-news.kz/wp-content/uploads/2021/12/264913662_391184039424560_8859305303824958246_n.jpg" alt="" />
<img src="https://kyzylorda-news.kz/wp-content/uploads/2021/12/264965697_391183982757899_6617693695688513135_n.jpg" alt="" />

Қармақшыда жеңіл көліктер мен жүк көлігі жолдан шығып, аударылды

<a href="https://kyzylorda-news.kz/">Kyzylorda-news.kz.</a>&nbsp; Құтқарушыларды зейнетке ерте шығарудың жолы табылды. Бұл туралы төтенше жағдайлар министрі Юрий Ильин мәлімдеді, деп хабарлайды&nbsp;<a href="https://sputnik.kz/">Sputnik Қазақстан</a>.
<blockquote>
 “Біз осы мәселені талай рет талқыладық. Мысалы, 30 жастағы құтқарушы ауыр құрал-жабдықты көтере алады. Ал 63 жастағы адамға ауыр болады. Бірақ құтқарушылардың зейнет жасын төмендетсек, кеншілер және тағы басқа мамандар қалып қояды, әлеуметтік наразылық туындайды. Сондықтан оны кешенді түрде қарастыру қажет”, – деді Ильин мәжілісте өткен үкімет сағатында.
</blockquote>
Министрдің айтуынша, құтқарушылардың зейнетке ерте жіберудің басқа жолы бар.
<blockquote>
 “Біз оларды азаматтық қорғаныс органдарының қатарына қызметке шақыруды ұсынып отырмыз. Осылайша, зейнетке ерте шығу мәселесі де, әлеуметтік пакет және тағы басқа мәселелер шешіледі. Қазіргі кезде біз осыны экономика министрлігімен және қаржы министрлігімен пысықтап жатырмыз. Жоспарға сәйкес, зейнет жасына жеткендерді біртіндеп зейнеткерлікке шығарамыз да, жаңадан келгендерге “погон” беріп отырамыз”, – деп атап көрсетті Ильин.
</blockquote>
Ал еңбек және халықты әлеуметтік қорғау министрі Ержан Біржанов тағы бір мәселеге тоқталды. Оның сөзіне қарағанда, құтқарушылардың зейнет жасына оқу жылдары да қосылады. Бірақ зейнетақының мөлшері тым аз болады деген қауіп бар. Өйткені жалақысы төмен, зейнетақы жинағы да көп емес.
<blockquote>
 “Мысалы, 80-81 жылғы азаматтар енсе, ынтымақты зейнетақыны да, базалық зейнетақыны да ала алмайды. 44-45 жасында зейнеткерлікке шыққан жағдайда зейнетақысы өте төмен болады. Сондықтан қазіргі кезде олардың жалақысын екі есеге көбейту мәселесін қаралып жатыр. Осының арқасында зейнетақы қорына аударылатын жарналар да көбейеді”, – деді Біржанов.
</blockquote>

Мыңдаған қызметкердің зейнет жасы төмендейді

<a href="https://kyzylorda-news.kz/">Kyzylorda-news.kz.</a> Дүниежүзілік денсаулық сақтау ұйымы осындай мәлімдеме жасады, деп хабарлайды «Хабар 24».
Алайда ұйым өкілдерінің айтуынша, қорытынды жасауға әзір ерте. Жаңа штамның адамнан адамға қаншалықты тез жұғатынын және оның қаншалықты ауыр болатынын толық білу үшін бірнеше апта керек. Осы мезгілде омикрон штамын жұқтырғандар жазыла бастайды. Дүниежүзілік денсаулық сақтау ұйымының мәліметі бойынша коронавирустың осы омикрон штамынан әлемде қазірге дейін ешқандай өлім-жітім тіркелмеген.
Айта кеткен жөн, өткен айда Африка құрлығынан анықталған омикрон бүгінде 40-тан аса елде расталды.

Омикрон штамын жұқтырғандарда ауру жеңіл өтеді

<a href="https://kyzylorda-news.kz/">Kyzylorda-news.kz.</a>&nbsp; Ниязов Мұхтар Мауленұлы Қызылорда облыстық халық шығармашылығын дамыту және мәдени-продюсерлік орталығының басшысы қызметіне тағайындалды.
Ниязов Мұхтар Мауленұлы 1985 жылы Қызылорда облысы, Жалағаш ауданында дүниеге келген. 
2007 жылы Қорқыт Ата атындағы Қызылорда мемлекеттік университетінің «Қазақ тілі мен әдебиеті» мамандығы, 2013 жылы “Мемлекеттік және жергілікті басқару” мамандығы бойынша бітірген. 2018 жылы Л.Н. Гумилев атынданы Еуразия Ұлттық Университетінің “Қазақ тілі мен әдебиеті” мамандығы бойынша педагогика ғылымдарының магистрі дәрежесін алған.
Еңбек жолын 2009 жылы мәдениет саласында бастап, 2009-2011 жылдары “Ақ сөйле” қоғамдық бірлестігінің төрағасы, 2012-2015 жылдары А. Тоқмағамбетов атындағы мәдениет үйінің үйірме жетекшісі, 2016-2020 жылдар аралығында “Асыл арна” телеарнасында редактор, Қызылорда облыстық “Рухани жаңғыру” орталығында жауапты қызметтерді атқарған. Осы уақытқа дейін 2020 жылдың шілде айынан бастап Қызылорда қалалық мәдениет және тілдерді дамыту бөлімінің басшысы қызметінде болды.

Мұхтар Ниязов жаңа қызметке тағайындалды

<a href="https://kyzylorda-news.kz/">Kyzylorda-news.kz.</a> Қазақстан Республикасы Тәуелсіздігінің 30 жылдығына орай Қызылорда қаласының «NOMAD MMA» Федерациясының ашық чемпионаты өтті.
Жарыстың ашылу рәсімінде қала әкімінің орынбасары Бектас Нуридинов қатысушыларға сәттілік тіледі.
<blockquote>
 «Қазірдің өзінде әлемдік ареналарда еліміздің даңқын асқақтатып, көкбайрағымызды желбіретіп, әнұранымызды әуелетіп жүрген мықты спортшыларымыз жетерлік. Солардың ізбасарлары өздеріңіз! Сондықтан жарыстың жас қатысушыларына рух пен жігер, күш-қуат тілеймін», – деді қала әкімінің орынбасары Бектас Балғабайұлы.
</blockquote>
Ашық чемпионатқа облысымыздан 110 спортшыдан құралған 6 команда қатысты. Жарыс жеңімпаздарына арнайы дипломдар, қалалық дене шынықтыру және спорт бөлімінің медальдары мен «Nomad MMA» Федерациясының кубоктары табысталды.
Айта кету керек, соңғы жылдары ерекше қарқынмен дамыған қойын-қолтық ұрыс спортымен айналысушылардың қатары артып келеді. Бұл өз кезегінде осы спорт түрінің келешегі кемел екендігін айғақтайды.
Аталған шара «Қызылорда облысының Ауған соғысының ардагерлері мен мүгедектері кеңесі» қоғамдық бірлестігі мен қалалық дене шынықтыру және спорт бөлімінің ұйымдастыруымен өткізілді.
<img src="https://kyzylorda-news.kz/wp-content/uploads/2021/12/264596192_2977907139142691_2865404893634978335_n.jpg" alt="" />
<img src="https://kyzylorda-news.kz/wp-content/uploads/2021/12/264661497_2977907115809360_4063395214599057076_n.jpg" alt="" />

Қызылордада ережесіз жекпе-жектен ашық чемпионат өтті

<a href="https://kyzylorda-news.kz/">Kyzylorda-news.kz.</a> Қазір кәсіпкер ретінде тіркелгісі келетіндер көп. Не болмаса кәсіпкерлік нысанның не болмаса мекен-жайы ауысып жатады. Бұл үшін заңды тұлағалар бұрынғыдай құжат арқылып, қызмет көрсету орталықтарын жағалап жүрудің қажеті жоқ.
Қолданыстағы «Заңды тұлғаларды мемлекеттік тіркеу және филиалдар мен өкілдіктерді есептік тіркеу туралы» Заңының 14-2 бабының талаптарына сәйкес заңды тұлғаларды мемлекеттік тіркеу «Электронды үкімет порталы» арқылы жүргізуге болады.
Төменде көрсетеліген қызмет түрлерін электронды түрде тапсыруға болады: 
1) акционерлік қоғамды, филиалды (өкілдікті) қоспағанда, жеке кәсіпкерлік субъектісіне жататын заңды тұлғаның, филиалдың (өкілдіктің) орналасқан жері өзгерген; 
2) басшы өзгерген (басшы тағайындалған, басшының міндетін атқарушы тағайындалған, заңды тұлғаның мүлкін және қызметін басқарушы тағайындалған, басшы лауазымынан шеттетілген); 
3) Заңның 14-1-бабында көзделген талаптарды қоспағанда, құрылтай құжаттарына өзгерістер мен толықтырулар енгізілген; 
4) жарғылық капиталдағы үлес сенімгерлік басқаруға берілген; 
5) шаруашылық серіктестіктердің жарғылық капиталы ұлғайған; 
6) экономикалық қызметтің негізгі түрі өзгерген; 
7) саяси партияларды қоспағанда, коммерциялық емес ұйымдар құрылтайшыларының (қатысушыларының, мүшелерінің) құрамы өзгерген кезде енгізіледі.

Заңды тұлғаларды мемлекеттік тіркеуді электронды түрде жүзеге асыруға болады

<a href="https://kyzylorda-news.kz/">Kyzylorda-news.kz.</a> Биыл Жаңақорған ауданында «Бастау Бизнес» жобасын оқыған 392 азаматтың жобасы қаржыландырылды. Бұл туралы Қызылорда облысы кәсіпкерлер палатасы Жаңақорған аудандық филиалының директоры Асылжан Жолдасбеков айтты.
Кәсіпкерлер палатасының аудандық филиалы жергілікті әкімдіктің берген жолдамасы негізінде 509 азаматты оқытуды ұйымдастырды. Нәтижесінде жоба бойынша оқыған азаматтардың ішінде 392 жаңақорғандық «Еңбек» бағдарламасы аясында 228,6 млн теңге қайтарымсыз қаржы алып, кәсібін бастап кетті. Әр жобаға берілген қаржы 200 айлық есептік көрсеткіш.
Аудандық филиал директоры Асылжан Жолдасбеков жалпы осы жылдың 10 айында ауданда құны 1,5 млрд теңгені құрайтын 860 жоба қаржыландырылғандығын жеткізді.
Атап айтқанда:
<ul>
<li>«Өңірлік инвестициялық орталық» микроқаржы ұйымы арқылы құны 100 млн теңгеге 14 жоба;</li>
<li>«Ауыл шаруашылығын қаржылай қолдау қоры» АҚ арқылы «Еңбек» бағдарламасымен құны 283,8 млн теңгеге 84 жоба;</li>
<li>«Бизнестің жол картасы – 2025» бағдарламасы арқылы құны 470,5 млн теңгеге 64 жоба;</li>
<li>«Қарапайым заттар экономикасы» бағдарламасы арқылы құны 65 млн теңгеге 3 жоба;</li>
<li>«Қамқоршы» несие серіктестігі арқылы құны 253,7 млн теңгеге 21 жоба несиелендіріліп,</li>
<li>«Еңбек» және «Бизнесті жол картасы – 2025» бағдарламалары шеңберінде 674 жобаға 397,6 млн теңге грант берілген.</li>
</ul>
Асылжан Жолдасбеков бұдан басқа ауданда салынып жатқан құс фабрикасына 2,8 млрд теңгенің қаржысы тартылғанын айтты. Аталмыш жоба «Аграрлық несие корпорациясы» АҚ арқылы қаржыландырылуда.
Жыл басынан Палатаның аудандық филиал кеңесшілері кәсібін жүргізуге ниетті азаматтарға 1425 кеңес беріп, 352 кәсіпкерге сервистік қызмет көрсетті (бухгалтерлік және салықтық есептіліктерін тапсырып, бизнес-жоспарларын әзірлеп берген, т.б.).
Жаңақорған ауданының кәсіпкерлері үшін Палатаның аудандық филиалының мекен-жайы: Жаңақорған кенті, Хорасан ата көшесі, №177 б үй, тел.:8/72435/79120.

«Бастау Бизнес»: Жаңақорғанда 392 адамның қаржыландырылды

<a href="https://kyzylorda-news.kz/">Kyzylorda-news.kz.</a> Қазақстандықтар келесі жылдан бастап БЖЗҚ-дағы артық соманы “Отбасы банкіне” аудара алады, деп хабарлады Sputnik Қазақстан.
Министрлік салымдарды толықтыру бөлігіне қатысты бұйрыққа өзгерістер әзірледі, ол қазір пысықталып жатыр.
<blockquote>
 “Жоба пысықталып жатыр, басқа да мүдделі мемлекеттік органдардан ескертулер болды, қазір солар қаралып жатыр. Шамамен 2022 жылдың қаңтарында басталады”, – деп атап өтті министрліктің баспасөз қызметі. 
 Айта кетері, Қазақстан президенті Қасым-Жомарт Тоқаев халыққа жолдауында қазақстандықтарға зейнетақы жинақтарының бір бөлігін қаржы жеткілікті шегінен асқан жағдайда “Отбасы банктегі” шотқа аударуға рұқсат беруді тапсырды. Оның айтуынша, бұл шара қаражат жинау және оларды дұрыс басқару әдетін қалыптастыруға мүмкіндік береді.
</blockquote>
Сонымен қатар 3 желтоқсанда Қазақстанда 2022 жылы зейнетақы жинақтарын мерзімінен бұрын алу үшін жеткілікті шегінің көрсеткіштері күрт өсетіні хабарланды.
Зейнетақы жинақтарын пайдалану үшін жеткілікті шегі 21 жаста – 3,2 млн теңге, 22 жаста – 3,3 млн теңге, 30 жаста – 4,4 млн теңге, 40 жаста – 5,8 млн теңге, 50 жаста – 7,4 млн теңге болуы қажет.
БЖЗҚ ең төменгі жеткілікті шегінің сомасы әрбір жас үшін есептелетінін және болашақ зейнетақы төлемдері мен зейнетақы жарналарының артуы ескерілгенін хабарлады. Бұл ретте “республикалық бюджет туралы” Заңға сәйкес жыл сайын индекстелетін ең төменгі жалақы, ең төменгі зейнетақы, ең төменгі күнкөріс деңгейі сияқты әлеуметтік көрсеткіштер пайдаланылады. Осыған байланысты жеткілікті шегінің мөлшерін есептеу жыл сайын осы көрсеткіштердің өсуін ескеріп жүргізіледі.

Қазақстандықтар зейнетақының бөлігін «Отбасы банкіне» қашан аудара алады

<a href="https://kyzylorda-news.kz/">Kyzylorda-news.kz.</a> ҚР Қорғаныс министрлігі әзірлеген тұрғын үй қатынастары мәселелері жөніндегі заң жобасының жаңа редакциясы Парламент қарауында. Мамандар жаңартылған құжатта практикалық тәжірибені ескере отырып, қолданыстағы тетікті жақсарту шараларын ұсынды.
Әскери қызметшілерді тұрғын үймен қамтамасыз етудің 2018 жылғы механизмі де тиімді болды. Мәселен, үш жыл ішінде он екі мыңнан астам әскери қызметші үй алып, отбасылары бақытқа кенеліп, жаңа үйлерге қоныс аударғанын атауға болады.
Тұрғын үймен қамтамасыз ету тетігі қарапайым, яғни қаражат әскери қызметшінің жеке арнайы шотына аударылады және оның көлемі отбасы мүшелерінің санына, сондай-ақ қай аймақта қызмет етуіне байланысты. Шотқа түскен қаражатты тұрғын үй сатып алуға да, жалға алуға да пайдалануға болады.
<blockquote>
 «Заңға түзетулер енгізуді қажет ететін негізгі тармақ – тұрғын үйді қалдық құны бойынша жекешелендіру. Бұл өзгертулер еңбек өтілі 10 жылдан асқан әскери қызметшілерге қалдық құнына сәйкес жекешелендіруге жататын тұрғын үйді өз меншігіне ресімдеуге мүмкіндік береді», – деп атап өтті Қорғаныс министрінің орынбасары, генерал-майор Мұхамеджан Таласов.
</blockquote>
Осы уақытқа дейін әскери қызметшілер 2013 жылғы 1 қаңтарда әскери қызметтегі өтілі 10 жыл не одан да көп, сондай-ақ еңбек өтілі жоқ әскери қызметшілер болып екі санатқа бөлінді. Сонымен қатар тұрғын үйді қалдық құны бойынша тек бірінші санаттағы әскери қызметшілер ғана жекешелендіре алды. Заңның жаңа редакциясында 2013 жылғы 1 қаңтарға байланыстыру алынып тасталды.
Бірқатар түзетулер мүмкіндігі шектеулі балаларды тәрбиелеп отырған әскери қызметшілерге қатысты болып отыр. Олардың 10 және одан да көп жыл әскери қызмет атқарғандарға тұрғын үйді өтеусіз жекешелендіру құқығын беру ұсынылады.
Заңға енгізілетін түзетулер қатарында «Модульдік мобильді тұрғын үй» ұғымын бекіту де бар. Тұрғын үй жетіспейтін, оны жалға алу мүмкіндігі жоқ гарнизондардағы жабық және оқшауланған әскери қалашықтарда жылжымалы тұрғын үйлерді орнату жоспарланып отыр.
Өзгерістерді қажет ететін тағы бір маңызды мәселе – жекешелендіру құқығының ауысуы.
Мұхамеджан Таласовтың айтуынша, Қорғаныс министрлігі заңнамаға енгізуді ұсынып отырған түзетулер әскери қызметші қайтыс болған жағдайда, оның ішінде Қарулы Күштерден шығарылғаннан кейін де тұрғын үйді жекешелендірудегі іске асырылмаған құқықты оның отбасы мүшелеріне беруді қарастырады.
Тұрғын үй заңнамасына енгізілген жаңа ережелер әскери қызметшілер мен олардың отбасы мүшелерінің әлеуметтік мәселелерін шешуге және Қазақстан армиясындағы әскери қызметтің болмысын нығайтуға бағытталған.

Әскери қызметшілерді тұрғын үймен қамтамасыз ету тетігі жетілдірілуде

<a href="https://kyzylorda-news.kz/">Kyzylorda-news.kz.</a> Қазақстандықтар WhatsApp желісінде жаңа жылда мұғалімдердің жалақысы қысқартылатыны туралы хабарлама таратып жатыр. Ақпаратта жаңартылған бағдарлама бойынша оқытудың 30 пайызына тең қосымша ақы алынып тасталатыны жайында айтылған, деп хабарлайды Stan.kz.
<blockquote>
 «Мемлекет өзінің бет-бейнесін көрсетіп қойды. Жаңа жылдан бастап мұғалімдердің жалақысы 25 пайызға көтеріледі. Бірақ олардың жаңартылған ақысын алып тастайды, яғни 30 пайызын азайтады», – дейді жазба авторы.
</blockquote>
Шу туғызған ақпаратқа Білім және ғылым министрлігі түсінік берді. Басқарма жаңартылған білім мазмұны бойынша қосымша төлем бұрынғыдай төленетінін атап өтті.
<blockquote>
 «Сонымен қатар, 2022 жылдың қаңтарынан бастап Мемлекет басшысы Қасым-Жомарт Тоқаевтың тапсырмасы бойынша мұғалімдердің жалақысы тағы 25 пайызға өсетінін еске салайық. Айта кетейік, 2020 жылы мұғалімдердің жалақысы 25 пайызға ал 2021 жылы тағы 25 пайызға өскен болатын», – деді министрліктің баспасөз хатшысы Мөлдір Әбдуәлиева.
</blockquote>
Ол мемлекет басшысының қолдауының арқасында біліктілік санаты үшін қосымша төлемдер айтарлықтай ұлғайып, 30-дан 50 пайызға дейін көтерілгенін қосып өтті. Бұдан бөлек, Әбдуалиеваның айтуынша, қазақстандық мұғалімдердің оқу-жаттығу кітапшалары мен сынып жетекшілерін тексеруге арналған жәрдемақыны екі есеге арттырған.
Сөзін түйіндей келе министрлік азаматтарды тек ресми ақпаратқа сеніп, ғаламторда тараған қауесеттерге мән бермеуге шақырды.

«Мұғалімдердің жалақысын 30 пайызға қысқартады»: Желіде тараған ақпарат қазақстандықтардың наразылығын туғызды

<a href="https://kyzylorda-news.kz/">Kyzylorda-news.kz.</a> Қызылорда облысына «Pfizer» вакцинасының 11 700 дозасы жеткізілді. Бүгінде бұл екпенің 80 пайызы жасөспірімдерге егілсе, 20 пайызын жүкті әйелдер қабылдаған. Бұл жөнінде Өңірлік коммуникациялар қызметінде өткен баспасөз конференциясында облыстық денсаулық сақтау басқармасы басшысының ана мен бала денсаулығын қорғау жөніндегі орынбасары Мая Мирзанова хабарлады.
<blockquote>
 «Профилактикалық егу жұмыстарын жүргізу алдында медицина қызметкері екпе салдыратын адамды толық тексерістен өткізеді. Вакцина салдыратын азаматқа немесе оның заңды өкіліне профилактикалық егу, иммундаудан кейінгі ықтимал реакциялар және екпе салдырғаннан кейінгі күтім туралы толық ақпарат беріледі. Әзірге тұрғындардан вакцина алғаннан кейінгі жанама әсерлері туралы шағым келген жоқ. Айта кетейік, «Pfizer» вакцинасын 12 жастан асқан жасөспірімдер, жүктіліктің 16 және 37 аптасы аралығындағы жүкті әйелдер, лактация кезеңіндегі әйелдер яғни босанғаннан кейін 42 күннен 2 жасқа дейінгі кезеңдегі әйелдер салдыра алады», – деді Мая Миранбайқызы.
</blockquote>

Қазақстан және Қызылорда облысының жаңалықтары