Kyzylorda-news.kz. Бүгін «Баланың кешенді дамуы: шығармашылық әлеуетін ашу» тақырыбында музыка, көркем еңбек пәндері мұғалімдерінің және көркем-эстетикалық бағыттағы қосымша білім беру ұйымдары педагогтерінің съезі өтті.
Ы.Алтынсарин атындағы Ұлттық білім академиясының ұйымдастыруымен өткен съезге Білім және ғылым министрі Шолпан Каринова мен еліміздің барлық аймақтарынан келген 350-ден астам музыка, көркем еңбек пәндерінің мұғалімдері, әдіскерлер, министрліктің өкілдері, жоғары оқу орындары және педагогикалық колледж оқытушылары, біліктілікті арттыру институтының мамандары қатысты.
Жиынды облыстық білім басқармасының басшысы Ақзира Қасымова жүргізіп, ҚР Білім және ғылым вице-министрі Шолпан Каринова, Л.Н. Гумилев атындағы Еуразия ұлттық университеті профессоры, педагогика ғылымдарының докторы Сайраш Жиенбаева, Нұр-Сұлтан қаласының Қ.Сәтпаев атындағы №61 орта мектебінің көркем еңбек пәнінің мұғалімі, педагог-шебер Мұхаметқан Ахметжанов, Алматы қаласындағы Б.Атыханұлы атындағы №36 гимназияның музыка пәнінің мұғалімі, педагог-зерттеуші Медет Қасымбаев және Алматы облысы, Жамбыл ауданындағы «Ұзынағаш ауылындағы өнер мектебінің» директоры Жанар Ермекбаева музыкалық және көркем еңбек пәндерінің білім беруі бойынша баяндама жасады.
Сьезд барысында педагогтар музыка, көркем еңбек пәндерін мектепте оқытудың өзекті мәселелерін және өнер мен мәдениетті насихаттау арқылы қоғамдық сананы рухани тұрғыдан жаңғырту мәселелерін қозғап, өз ұсыныс-пікірлерін білдірді.
Шолпан Таңатқызы музыкалық және көркем еңбек бойынша білім беру тұжырымдамасын қайта қарап, сондай-ақ оқу бағдарламаларының мазмұны оқушыларды ынталандырып, олардың пәнге деген қызығушылығын арттыруы тиіс екенін атап өтті.
Съезд қорытындысы бойынша білікті музыка және көркем еңбек пәнінің мұғалімдері мен қосымша білім беру ұйымдары педагогтерінің ұсынысына сәйкес жаңадан тұжырымдама жасалынып, түрлі деңгейдегі шаралар, олимпиадалар өткізілетін болды.
<img src="https://kyzylorda-news.kz/wp-content/uploads/2022/05/fb_img_1651763213622.jpg" alt="" />
<img src="https://kyzylorda-news.kz/wp-content/uploads/2022/05/fb_img_1651763218673.jpg" alt="" />
<img src="https://kyzylorda-news.kz/wp-content/uploads/2022/05/fb_img_1651763226009.jpg" alt="" />
<img src="https://kyzylorda-news.kz/wp-content/uploads/2022/05/fb_img_1651763229213.jpg" alt="" />
<img src="https://kyzylorda-news.kz/wp-content/uploads/2022/05/fb_img_1651763235018.jpg" alt="" />
<img src="https://kyzylorda-news.kz/wp-content/uploads/2022/05/fb_img_1651763237709.jpg" alt="" />
<img src="https://kyzylorda-news.kz/wp-content/uploads/2022/05/279903348_1525810584481115_883337436403733430_n.jpg" alt="" />

Қызылордада музыка, көркем еңбек пәні мұғалімдерінің съезі өтті

<a href="https://kyzylorda-news.kz/">Kyzylorda-news.kz.</a>&nbsp;Мемлекет басшысы «Республикалық референдум туралы» Қазақстан Республикасының Конституциялық заңына өзгерістер мен толықтыру енгізу туралы» Қазақстан Республикасының Конституциялық заңына қол қойды, деп хабарлайды&nbsp;<a href="https://akorda.kz/kz/memleket-basshysy-respublikalyk-referendum-turaly-kazakstan-respublikasynyn-konstituciyalyk-zanyna-ozgerister-men-tolyktyru-engizu-turaly-kazakstan-kol-koydy-541259">Ақорда.</a>
Конституциялық заңның мәтіні баспасөзде жарияланады.

Қасым-Жомарт Тоқаев референдум туралы Конституциялық заңға қол қойды

<a href="https://kyzylorda-news.kz/">Kyzylorda-news.kz.</a> Қазіргі реформаның ерекшелігі – Президенттің өкілеттігін күшейту емес, мемлекетті жетілдіру, жаңғырту және нығайту. Бұл туралы бүгін орталық телеарналар арқылы халыққа бейнеүндеу жасаған Президент Қасым-Жомарт Тоқаев айтты, деп хабарлайды ҚазАқпарат.
<blockquote>
 «Біз бәріміз бір ел болып Жаңа Қазақстанды, Әділетті Қазақстанды құрамыз. Әрбір азаматтың құқығы қорғалатын мемлекет боламыз. Бәріне бірдей мүмкіндік береміз. Әркім қарым-қабілетіне сай қоғамнан өз орнын иеленеді. Халықтың ой-санасы жаңғырып, өмір салты өзгереді. Біз мемлекеттік жүйені жетілдіріп, қоғам мен биліктің тиімді диалогын орнатамыз. Осылайша, Екінші Республиканы қалыптастырамыз», – деді Қасым-Жомарт Тоқаев.
</blockquote>
Мемлекет басшысының пайымынша, конституциялық реформа мұның бәрін табысты жүзеге асыру үшін қажет.
<blockquote>
 «Қазіргі реформаның ерекшелігі – Президенттің өкілеттігін күшейту емес, мемлекетімізді жетілдіру, жаңғырту және нығайту. Мен баршаңызды елдің ертеңі, ұрпақтың келешегі үшін референдумға қатысуға шақырамын! Ұлт мүддесіне сай бастамаларды қолдайсыздар деп сенемін! Еліміздің жарқын болашағы өз қолымызда! Бірге болайық! Береке-бірлігімізді нығайтайық!», – деді ҚР Президенті.
</blockquote>
Айта кетейік, бүгін Мәжіліс депутаттары «Республикалық референдум туралы» ҚР Конституциялық заңына өзгерістер мен толықтыру енгізу туралы» ҚР Конституциялық заң жобасына Сенат енгізген толықтырумен келісті.
Сенаторлар енгізген толықтыру бойынша «Референдум туралы» Заңнан Елбасы туралы норма&nbsp;<a href="https://www.inform.kz/kz/parlament-tungysh-prezidentke-katysty-zandy-kabyldady_a3930193">алынып тасталды.</a>
Сонымен қатар бүгін ҚР Президенті Қасым-Жомарт Тоқаев 5 маусымда республикалық референдум өткізу туралы&nbsp;<a href="https://www.inform.kz/kz/5-mausymda-respublikalyk-referendum-otedi_a3930354">Жарлыққа қол қойды.</a>

Президент қазақстандықтарды Конституцияға өзгеріс енгізу бойынша референдумға қатысуға шақырды

Kyzylorda-news.kz. Бүгін Сыр елінде «Жастық жалынымыз – сүйікті Отанымызға!» атты республикалық патриоттық жастар форумы өткізілді. Басқосуға облыс әкімі Нұрлыбек Нәлібаев, ҚР Білім және ғылым бірінші вице-министрі Шолпан Каринова, Қазақстан Халқы Ассамблеясы Аналар кеңесінің төрайымы Назипа Шанаи, зиялы қауым өкілдері мен ардагер ұстаздар, белсенді жастар қатысты.
Форумды модератор «Qazaqstan» телеарнасының тележүргізушісі, М.Мәметова атындағы Қызылорда педагогикалық жоғары колледжі түлегі Ғалымжан Кеңшілік жүргізді.
Жиында сөз бастаған аймақ басшысы жаңашылдыққа қол созған дарынды жастардың бастамаларын қолдауға дайын екенін жеткізді.
«Жастармен жүздесіп, ой бөлісетін әрбір кездесудің маңызы мен үшін ерекше. Жастарға қолдау көрсету – біздің жұмысымыз ғана емес, басты міндетіміз. Мемлекет тарапынан жастарды қолдауға арналған бағдарламалардың барлығы олардың тұрмыс жағдайын түзеуге бағытталып отыр. Облыс әкімінің халықтың әлеуметтік осал және көп балалы отбасыларына арналған гранты 2 есеге артып, биыл 200-ге жетті. Кәсіпкерлікпен айналысам дейтін жастардың жобаларына облыстық бюджеттен 70 млн. теңге бөліп отырмыз. Мұнан бөлек, спортпен шұғылдануға да жағдай жасалуда. Тек қала, аудан орталықтарында ғана емес, ауылдық жерлерде де спорт нысандарының саны артып келеді. Біз қай кезде де жастардың бастамаларын қолдауға әзірміз», – деді Нұрлыбек Нәлібаев.
Форумда ҚР Білім және ғылым бірінші вице-министрі Шолпан Каринова түрлі интеллектуалдық сайыста топ жарған зерделі жастардың талпынысын жоғары бағалап, олардың ұсыныстарын ескеріп, министрлік тарапынан тиісті жұмыстар жүретінін айтты.
Басқосуда колледж студенті үйден оқитын балаларға арналған «Виртуалды шындық» жобасын таныстырды. Облыс әкімі мұндай әлеуметтік жобалардың келешек үшін маңызы жоғары екенін тілге тиек етіп, қолдау білдіретінін жеткізді. Сондай-ақ, үздік студент Биназир Алиханқызына Мәншүк Мәметова атындағы арнайы стипендияның сертификатын табыс етті.
Форумға қатысушы жастар атынан «ТОП – 100 студент» байқауының жеңімпазы Бекзат Ешмұратов пен «WorldSkills Kazakhstan-2021» сайысының күміс жүлдегері Камила Сақтапберген Үндеуін арнады.
<img src="https://kyzylorda-news.kz/wp-content/uploads/2022/05/fb_img_1651757867753.jpg" alt="" />
<img src="https://kyzylorda-news.kz/wp-content/uploads/2022/05/fb_img_1651757877468.jpg" alt="" />
<img src="https://kyzylorda-news.kz/wp-content/uploads/2022/05/fb_img_1651757880507.jpg" alt="" />
<img src="https://kyzylorda-news.kz/wp-content/uploads/2022/05/fb_img_1651757882746.jpg" alt="" />
<img src="https://kyzylorda-news.kz/wp-content/uploads/2022/05/fb_img_1651757885388.jpg" alt="" />
<img src="https://kyzylorda-news.kz/wp-content/uploads/2022/05/fb_img_1651757888064.jpg" alt="" />
<img src="https://kyzylorda-news.kz/wp-content/uploads/2022/05/fb_img_1651757893823.jpg" alt="" />

Нұрлыбек Нәлібаев дарынды оқушыға «Мәншүк» стипендиясын табыстады

Kyzylorda-news.kz. Қарулы күштердің 30 жылдығы қарсаңында Қызылорда қаласы әскери-техникалық мектебінің 21 сарбазы әскери ант берді.
Бұл биылғы жылы әскери-техникалық мектепті тәмамдап отырған түлектердің екінші легі. Сарбаздар теориялық, тактикалық дайындықтарды меңгерумен қатар, «Тереңөзек» оқу-жаттығу полигонында екі мәрте қарудан оқ атып үлгерді. Аталған техникалық мектепте қырық күндей жоспарға сай қажетті даярлықтан өтті. Оқу барысында жауынгерлік атысқа дайындықтың ерекшеліктерін оқып, әскери-патриоттық тәрбие сағаттарына қатысты. Әскери-техникалық мектеп қысқа мерзім ішінде жастардың әскери өмірдің қыр-сырын меңгеруіне мүмкіндік беруде.
<blockquote>
 «Әскери-техникалық мектебінің ұстаздарына айтар алғысымыз шексіз. Оқу барысында әскери тәртіпке баулып, нағыз жауынгер қандай болу керектігін іс-тәжірибелік сабақтарда үйретті. Осындай ортада білімімді шыңдап, әскери тақырыптар бойынша біршама мәліметтерге қол жеткіздім. Мектепті бітірген соң әскери қызметке орналассам деген ниетім бар», – дейді мектеп түлегі Қорған Өтегенов.
</blockquote>
Әскери-техникалық мектептерге іріктеу жылына 7 рет өткізіледі. Қызылорда қаласының әскери-техникалық мектебі жылына шамамен 130-дан астам азаматтарды оқуға қабылдайды.
<img src="https://kyzylorda-news.kz/wp-content/uploads/2022/05/fb_img_1651757552311.jpg" alt="" />
<img src="https://kyzylorda-news.kz/wp-content/uploads/2022/05/fb_img_1651757555300.jpg" alt="" />

Қызылордада әскери-техникалық мектептің түлектері ант қабылдады

<a href="https://kyzylorda-news.kz/">Kyzylorda-news.kz.</a>&nbsp;ҚР Президенті Қасым-Жомарт Тоқаев 5 маусымда республикалық референдум өткізу туралы Жарлыққа қол қойды, деп хабарлайды&nbsp;<a href="https://www.akorda.kz/kz/2022-zhylgy-5-mausymda-respublikalyk-referendum-otkizu-turaly-544850">Ақорда.</a>&nbsp;
***
Қазақстан Республикасы Конституцияның 91-бабының 1-тармағына және «Республикалық референдум туралы» Қазақстан Республикасы Конституциялық заңының 18-бабына сәйкес ҚАУЛЫ ЕТЕМІН:
1. 2022 жылғы 5 маусымда республикалық референдум өткiзiлсiн.
2. «Қазақстан Республикасының Конституциясына өзгерістер мен толықтырулар енгізу туралы» Қазақстан Республикасы Заңының жобасы «2022 жылғы 6 мамырда бұқаралық ақпарат құралдарында жарияланған «Қазақстан Республикасының Конституциясына өзгерістер мен толықтырулар енгізу туралы» Қазақстан Республикасы Заңының жобасында баяндалған Қазақстан Республикасының Конституциясына өзгерістер мен толықтыруларды қабылдайсыз ба?» деген тұжырымдағы сауал қойылып, республикалық референдумға шығарылсын.
3. Осы Жарлық және «Қазақстан Республикасының Конституциясына өзгерістер мен толықтырулар енгізу туралы» Қазақстан Республикасы Заңының жобасы 2022 жылғы 6 мамырда бұқаралық ақпарат құралдарында ресми түрде жариялансын.
4. Республикалық референдумды ұйымдастыру мен өткiзу Референдумның орталық комиссиясының қызметiн атқаратын Орталық сайлау комиссиясына, сондай-ақ референдумның аумақтық және учаскелiк комиссияларының қызметiн атқаратын аумақтық және учаскелiк сайлау комиссияларына жүктелсiн.
5. Қазақстан Республикасының Үкіметі Қазақстан Республикасының Орталық сайлау комиссиясымен, Қазақстан Республикасының басқа да орталық мемлекеттік органдарымен және жергілікті атқарушы органдарымен бірлесіп, республикалық референдумды ұйымдастыру мен өткізу жөнінде қажетті шаралар қабылдасын.
6. Осы Жарлық жарияланған күнінен бастап қолданысқа енгізіледі.
Қазақстан Республикасының
Президенті Қ.Тоқаев
Нұр-Сұлтан, Ақорда, 2022 жылғы 5 мамыр
№ 888

5 маусымда республикалық референдум өтеді

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаевтың бейнеүндеуі жарияланды, деп хабарлайды&nbsp;<a href="https://www.akorda.kz/kz/memleket-basshysy-kasym-zhomart-tokaevtyn-beyneundeui-543912">Ақорда.</a>
***
Құрметті отандастар!
Баршаңызға мәлім, Мен биыл халыққа Жолдауымда саяси жаңғыру туралы ауқымды бағдарлама ұсындым. Бұл құжат қоғамда жан-жақты талқыланды. Сарапшылар қауымы және белсенді азаматтар осыған қатысты өз пікірін білдірді. Қалың көпшілік қолдау көрсетті.
Жолдауда айтылған бастамалардың негізгі мақсаты – саяси жүйемізді түбірімен өзгерту. Бұл халықтың көп жылғы талап-тілегінен туындап отыр. Азаматтарымыз мемлекетті басқару ісіне қатысуға кең мүмкіндік берілгенін қалайды. Сондай-ақ саяси үдерісті түбегейлі демократияландыру қажет деп санайды. Мұны тиімді жүзеге асыру үшін Ата заңымызға өзгерістер енгізу қажет.
Бір сөзбен айтқанда, конституциялық реформа жасау керек. Осыған орай менің тапсырмаммен арнаулы жұмыс тобы құрылды. Оған белгілі құқықтанушы ғалымдар, тәжірибелі сарапшылар және құзырлы органдардың өкілдері кірді.
Жұмыс тобы Негізгі заңға енгізілетін өзгерістер мен толықтырулардың жобасын әзірледі. Оны мұқият зерделеп, Конституциялық кеңеске жолдадық. Бұл орган өз қорытындысын ұсынды. Құжат жобасы Ата заң нормаларына сай келеді. Біз конституциялық реформаның шешуші кезеңіне қадам бастық. Енді Негізгі заңды өзгертуіміз керек. Шын мәнінде, мұның ел тағдыры үшін айрықша мәні бар.
Ата заң баптарының үштен бірі өзгереді. Ашығын айтсақ, Конституциямыз мүлде жаңа сипатқа ие болады. Сол себепті, мен республикалық референдум өткізу туралы бастама көтердім. Өйткені, мұндай ауқымды өзгеріс бүкіл халықтың шешімімен жүзеге асырылуға тиіс.
Барлық дамыған елде плебисцит тікелей халық билігінің айқын көрінісі саналады. Бірақ Қазақстанда демократияның бұл тиімді институтының әлеуеті толыққанды пайдаланылмай отыр.
27 жыл бұрын өткізілген референдумда қазіргі Ата заң қабылданды. Одан кейінгі барлық конституциялық реформа Парламентте мақұлданды. Негізінде, бұл заңды қалыптасқан тәжірибе. Бірақ дамудың жаңа кезеңінде, Жаңа Қазақстанды құру жолында еліміз үшін осындай аса маңызды шешімдерді бүкіл халық болып қабылдауымыз керек. Бұған кәміл сенемін. Сондықтан бүгін мен Конституцияға өзгерістер мен толықтырулар енгізу үшін 5 маусымда республикалық референдум өткізу туралы Жарлыққа қол қойдым.
Конституциялық түзетулер жобасы бойынша азаматтардың жаппай дауыс беруі біздің демократиялық қағидаттарды берік ұстанатынымызды білдіреді.
Алдағы референдум Қазақстанның болашағын айқындайды. Әрбір азаматымыз дауыс беріп, осы тарихи бетбұрысты жасауға өз үлесін қоса алады.
Конституциялық реформа барлық мемлекеттік модельді кешенді түрде өзгертуге бағытталған. Түзетулер «суперпрезиденттік» басқару үлгісінен ықпалды Парламенті және есеп беретін Үкіметі бар президенттік республикаға түбегейлі көшуді көздейді.
Конституциялық реформа биліктің өкілді тармағын айтарлықтай күшейтеді. Үйлесімді және теңгерімді жүйені нығайтады. Мәслихаттардың ықпалын арттырады.
Мәжіліс пен облыстық мәслихаттардың депутаттарын сайлаудың аралас мажоритарлы-пропорционалды моделі енгізіледі. Бұл қадам сайлаушылардың көзқарастары мен пікірлерін барынша толық қамтуға мүмкіндік береді.
Аудандық және қалалық мәслихаттардың депутаттарын сайлаудың мажоритарлық жүйесінің толықтай енгізілуі өңірлердің тыныс-тіршілігіне азаматтардың ықпал ету мүмкіндігін арттыруға жол ашады.
Конституцияның жаңарған нұсқасында Президенттің барлық саяси күштер мен партиялардан дербестігін бекіту көзделген. Мемлекет басшысының жақын туыстарына саяси лауазым иеленуге және квазимемлекеттік секторда басшылық қызмет атқаруға тыйым салынады. Сондай-ақ құқық қорғау саласы бойынша маңызды өзгерістер енгізіледі. Атап айтсақ, Конституциялық сот құрылады. Адам құқықтары жөніндегі уәкілдің, яғни омбудсменнің мәртебесі Ата заңмен айқындалады. Елімізде өлім жазасы мүлде жойылады. Мұның бәрі азаматтардың құқықтары мен бостандықтарын қорғау үшін жасалып жатыр. Алдағы конституциялық реформа ел дамуының жаңа кезеңі басталғанын көрсетеді.
Құрметті отандастар!
Біз бәріміз бір ел болып Жаңа Қазақстанды, Әділетті Қазақстанды құрамыз. Әрбір азаматтың құқығы қорғалатын мемлекет боламыз. Бәріне бірдей мүмкіндік береміз. Әркім қарым-қабілетіне сай қоғамнан өз орнын иеленеді. Халықтың ой-санасы жаңғырып, өмір салты өзгереді. Біз мемлекеттік жүйені жетілдіріп, қоғам мен биліктің тиімді диалогын орнатамыз. Осылайша, Екінші Республиканы қалыптастырамыз. Конституциялық реформа мұның бәрін табысты жүзеге асыру үшін қажет.
Қазіргі реформаның ерекшелігі – Президенттің өкілеттігін күшейту емес, мемлекетімізді жетілдіру, жаңғырту және нығайту. Мен баршаңызды елдің ертеңі, ұрпақтың келешегі үшін референдумға қатысуға шақырамын!
Ұлт мүддесіне сай бастамаларды қолдайсыздар деп сенемін!
Еліміздің жарқын болашағы – өз қолымызда!
Күшіміз – бірлікте!
Бірге болайық!
Береке-бірлігімізді нығайтайық!

Мемлекет басшысы бейнеүндеуінің толық мәтіні жарияланды

Kyzylorda-news.kz. Бүгін сағат 20:00-де Мемлекет басшысы Қасым-Жомарт Тоқаев республикалық телеарналар арқылы Конституцияға өзгерістер мен толықтырулар енгізу мәселелеріне қатысты бейнеүндеу жасайды.

Мемлекет басшысы бейнеүндеу жариялайды

<a href="https://kyzylorda-news.kz/">Kyzylorda-news.kz.</a> Парламент Тұңғыш Президентке қатысты заңды қабылдады. Мәжіліс депутаттары «Республикалық референдум туралы Конституциялық заң жобасына Сенат енгізген толықтыруды бірауыздан қолдады.
Мәжіліс депутаттары мәселені 6 минут ішінде талқылап шешім қабылдаған. Сенаторлар енгізген толықтыру бойынша «Референдум туралы» Заңнан Елбасы туралы норма алынып тасталды. Енді бұл құжат Мемлекет басшысына қол қоюға жіберіледі.
<a href="https://24.kz/kz/zha-aly-tar/sayasat/item/542422-parlament-t-ysh-prezidentke-atysty-za-dy-abyldady">Хабар 24</a>

Парламент Тұңғыш Президентке қатысты заңды қабылдады

<a href="https://kyzylorda-news.kz/">Kyzylorda-news.kz.</a> Мемлекет Басшысының тапсырмасына сәйкес жалға берілетін тұрғын үй ақысын субсидиялау бағдарламасына өтініштер қабылдана бастады. Бұл жобаға қатысушы отбасы мүшелерінің 6 айдағы орташа табысы – 36 018 теңгеден аспауы тиіс. Бұл туралы Өңірлік коммуникациялар қызметінде өткен брифингте «Отбасы банкі» АҚ Қызылорда облыстық филиалының директоры Әділжан Сәулебаев хабарлады.
<blockquote>
 «Жалдау төлемдері бойынша мемлекеттік қолдауға 4 санаттағы азаматтар өтініш бере алады. Атап айтқанда, І және ІІ-топтағы мүгедек адамдар, мүмкіндігі шектеулі балалары бар немесе оларды тәрбиелеп отырған отбасылар, ата-анасының қамқорлығынан айырылған балалар, көп балалы отбасылар қатыса алады. Биыл азаматтарымызды қолдауға 50 млрд. теңгеден астам қаржы қарастырылған. Жаңа бағдарлама шамамен 70 мың адамды қамтиды. Олар жалдау ақысының 50 пайызын алады. Сондай-ақ, субсидия алуға үміткерлердің депозитінің болуы міндетті және отбасы банкінің тұтынушысы болуы тиіс», – деді Әділжан Сәулебаев.
</blockquote>
Айта кетейік, отбасы банк жалдамалы тұрғын үй субсидиясының мерзімі аяқталғанша ай сайын аударым жасайды. Құжаттың күшін мерзімінен бұрын жоюға рұқсат етілген.

Тұрғын үй жалдау ақысын субсидиялау бағдарламасына 4 санат бойынша өтініш қабылданады

<a href="https://kyzylorda-news.kz/">Kyzylorda-news.kz.</a> Бүгін Қызылордада «Edcrunch Headmaster» атты мектеп директорларының арасында ұйымдастырылған І республикалық конкурсының қорытынды кезеңі өтті.
Байқаудың нәтижесі бойынша бас жүлдені Қызылорда қаласының атынан қатысқан №101 мектеп-лицейінің директоры Айгүл Алтынбекқызы жеңіп алды.
Шығармашылықпен жұмыс жасайтын басшыларды анықтау, өзара тәжірибе алмасу және білім беру ұйымының озық инновациялық идеяларын насихаттауды мақсат тұтқан байқауға Шығыс Қазақстан, Ақмола, Түркістан, Қызылорда облыстары мен Нұр-Сұлтан және Шымкент қалаларынан 6 директор қатысып, 5 кезең бойынша бақтарын сынады.
Білім бәсекесінде білім беру ұйымдарының басшылары І кезеңде соңғы 3 жылдағы жетістіктері бойынша «Мен табысты басшымын» тақырыбында бейнеролик дайындаса, ІІ кезеңде «Басқарудағы менің жетістіктерім» тақырыбында өз мектебі бойынша атқарған жұмыстарының таныстырылымы жасап, ІІІ кезеңде «Жаңа мектеп – жаңарған жоба тақырыбында өз жобаларын қорғаған. Ал, ІV кезеңде мектеп директорлары TedX – форматында берілген тақырып бойынша ашық алаңда пікірін білдірсе, V кезеңде басқару жағдаяттарын шешу бойынша сайысқа түсті.
Республикамызда алғаш өткізілген байқаудың нәтижесі бойынша І орынды Қызылорда қаласынан №101 мектеп-лицейдің директоры Айгүл жеңіп алса, ІІ орынды Ақмола облысы, Щучинск қаласы №7 мектеп-лицей директоры Сураганов Дамир иеленді. Ал, Түркістан облысы, Ата түрік атындағы №17 мектеп-гимназия директоры Үрімова Рахила жүлделі ІІІ орынға ие болып, жеңімпаздарға бағалай сыйлықтар мен арнайы алғыс хаттармен табысталды.

Қызылордада мектеп директорлары арасында өткен республикалық байқаудың жеңімпаздары анықталды

<a href="https://kyzylorda-news.kz/">Kyzylorda-news.kz.</a> Қызылорда облыстық ҚХА хатшылығының меңгерушісі, ішкі саясат басқармасының этносаралық қатынастар мәселелері жөніндегі бөлімінің басшысы Уәлихан Ибраев&nbsp; және «Қоғамдық келісім» КММ директоры&nbsp; Бақытжан Камалов облыстағы этномәдени бірлестіктің жетекшілерімен кездесу өткізді.
Кездесу барысында екінші жартыжылдықтың жұмыс жоспары, алдағы атқарылар ауқымды шаралар талқыланды.
Ассамблея жалпыұлттық бірліктің мемлекеттік саясаттың сенімді тірегі, әрі тұрақтылықты нығайтуда маңызды рөл атқарып келеді. Осы күнге дейін өңірлік ассамблея жұмысына оң баға берілді. Жаңа басшылық осы бағыттан таймай өздеріңізбен бірлесіп, иық тіресіп жұмыс жасаймыз деген сенімділігін білдіріп, қоғамдық келісім мен ұлтаралық бірлікті нығайту, этносаралық қатынастың негізі ретінде мемлекеттік тілдің қолданыс аясын кеңейту, этномедиация&nbsp; және тағы басқа мәселелер бойынша маңызды міндеттерді бірігіп атқаратындығын алға тартты.&nbsp;
Этномәдени бірлестіктің жетекшілері өз кезегінде Бақытжан Жарылқасынұлына жаңа қызметте сәттілік тілей отырып, бұдан әрі де ынтымақшылдық негізінде бірлік пен келісімді нығайтуға дайын екендігін жеткізді.

Қазақстан және Қызылорда облысының жаңалықтары