<a href="https://kyzylorda-news.kz/">Kyzylorda-news.kz</a>.&nbsp;Қызылорда облысының прокуроры Нұрлан Бижанов «Прокуратура туралы» Заңның 31-бабының тәртібімен қызылордалықтарға үндеу жариялады.
***
Құрметті азаматтар! Өңірімізде ауыл шаруашылығы мақсатындағы жер үлестерін (пай) бөлуге қатысты даулар жиілеп кетті.
Бұл даулар негізінен шаруа қожалықтары мен серіктестік қатысушыларының арасында жер үлестерін бөлу барысында орын алуда.
Тараптар ымыраға келмеген жағдайда мемлекеттік органдар шара қабылдамайтынын алға тартып, заңсыз митингілер, жиналыстар өткізуде.
Кәсіпкерлік Кодексінің 18-бабына сәйкес мемлекеттің кәсіпкерлік субъектілерінің, олардың бірлестіктерінің ісінезаңсыз араласуына жол берілмейді.
Осыған байланысты белгілі бір серіктестіктің немесе шаруа, фермер қожалықтары құрамынан шығу және жер үлесінбөліпалутәртібі Жеркодексімен «Жауапкершілігі шектеулі және қосымша жауапкершілігі бар серіктестіктер туралы» Заңмен(бұдан әрі – Заң)реттелетінін түсіндіреміз.
Азаматтар шаруа немесе фермер қожалығын не ауыл шаруашылығы өндірісін ұйымдастыру үшін қатысушылар (мүшелер) құрамынан шыққан кезде қатысушылардың жалпы жиналысының шешімі бойынша үлесін немесе пайын, жер учаскесін қоса алғанда, нақтылы бөліп шығаруға (бөлісуге) не үлесінің немесе пайының құнын төлетіп алуға құқылы.
Қатысушылардың құрамынан шығу туралы және жер учаскесінбөліп шығару туралы өтініш ауыл шаруашылығы ұйымына беріледі(Жер кодексінің 101-бабының 3-бөлігі).
Заңның 43-бабының 4-тармағына сәйкес жауапкершілігі шектеулі серіктестікке қатысушылардың жалпы жиналысысеріктестік қызметіне байланысты кез келген мәселені қарауға алуға құқылы. 
Бұл реттежер үлестері мен телімдерін бөліп шығару мәселесі серіктестіктіңқұрылтай құжаттарында белгіленген тәртіппен оның қатысушыларыныңжалпы жиналысында қаралып, шешіледі.
Құрылтай құжаттарында жер учаскесін бөліп беру тәртібі көрсетілмеген жағдайда Жер кодексінің 101-бабы 4-тармағыныңнормалары қолданылады.
Серіктестік құрамынан шығуға ниет білдіріп, пай үлестері ретінде бөлінген жер учаскелерімен және қатысушылардың жалпы жиналыс шешімімен келіспеген жағдайда, мұндай даулар Азаматтық процестік кодексінің 1-бабы 3-бөлігіне сәйкес сотта қаралады.
Осыған байланысты барлық жер құқықтық қатынастарынан туындайтын даулар бойынша соттарға жүгіну қажет.
Сонымен қатар ауыл шаруашылық мақсатындағы жер учаскелеріне пайдалану құқығы жоқ (тиісті құқық белгілейтін құжаттарынсыз) тұлғалардың жер телімдерін заңсыз иеленіп алу, оны пайдалану фактілері орын алуда.
Жер учаскесіне құқық белгілейтін құжаттардың түсінігі мен толық тізіміЖер кодексінің 12-бабының 24-тармақшасында көрсетілген.
Мемлекеттік меншіктегі жер учаскесіне құқық беру тәртібі жәнешаруа немесе фермер қожалығын, ауыл шаруашылығы өндірісін жүргізу үшін жер учаскелерін беру ерекшеліктері Жер кодексінің 43, 43-1-баптарында белгіленген.
Бұл талаптарды сақтамай, жер учаскелерінеөзінше билік етуге жол бергені үшін әкімшілікжәне қылмыстықжауаптылықтар көзделген.
Құқық қорғау органдары белгіленген тәртіпке, қоғамдық қауіпсіздікке қол сұғатын кез келген құқық бұзушылықтың жолын кесетінін, сондай-ақ оларға жол бермеуге заңда көзделген шараларды қолданатынын ескертеміз.
Сондықтан азаматтарды қолданыстағы заңнама талаптарын мүлтіксіз сақтауға, арандатушылыққа бой алдырмауға және заңсыз митингілерге қатыспауға шақырамыз.
Н.БИЖАНОВ,
Қызылорда облысының прокуроры

Қызылорда облысының прокуроры сырбойылықтарға үндеу жариялады

<a href="https://kyzylorda-news.kz/">Kyzylorda-news.kz.</a> Қазіргі таңда алаяқтар азаматтарды алдаудың жаңа схемаларын ойлап табуда. Осыған орай Fingramota.kz олардың арбауларына қалай түсіп қалмау жөнінде айтып береді.
Бүгінгі таңда өзекті проблемаға айналған бірнеше алаяқтық оқиғаларын,&nbsp; сондай-ақ сіздің ақшаңызды қорғауға көмектесетін қарапайым мінез-құлық ережелерін қарастырайық.
1. Жалған сатып алушылар өз құрбандарына телефон соғып, тауарды сатып алғысы келетіндерін және алдын ала төлем енгізуге&nbsp; әзір екендіктерін айтады. Бұл ретте, алаяқтар өздерін бухгалтерлер немесе фирмалардың директорларымыз деп таныстырып, ЖСН, картаңызбен байланыстырылған телефон нөмірін, банктік картаның нөмірін, ағымдағы және жинақ шотының нөмірлері сияқты деректемелерді атауды сұрайды. Сатып алушы деректемелерді атаған кезде олар ақша аударымын нақтылау үшін оның нөміріне жіберілген SMS-хабармен келген кодты айтып беруді сұрайды. Кодты аласымен алаяқтар клиенттің интернет-банкингдегі телефон нөмірін ауыстырады да шоттардан ақшаны шығарып алады. Әсіресе, бұл интернет-сауда алаңдарында жиі кездеседі, себебі онда сатушы мен сатып алушының арасындағы қарым-қатынасты ешкім реттемейді. Сондықтан, мұндай ресурстарда кез келген операция жасаған кезде бірнеше қағиданы еске сақтау қажет:
<ul>
<li>Ешбір жағдайда бейтаныс адамдарға жеке басты куәландыратын құжаттардың көшірмелерін қоса алғанда, өзіңіздің дербес деректеріңізді жібермеңіз;&nbsp;</li>
<li>Ешқашан төлем картасының деректемелерін: 16-таңбалы нөмірді, ұстаушының атын, қолданыс мерзімін, CVV/CVC-кодты (картаның артқы жағындағы үш таңбалы нөмірді)</li>
<li>Операцияларды авторизациялау және растау үшін ешкімге SMS-кодтарды, оның ішінде банк қызметкерлеріне хабарламаңыз;</li>
<li>Банктік карталарыңызды үшінші тұлғаларға (тіпті туыстарыңызға), соның ішінде кафелер мен мейрамханаларда төлем жасау үшін бермеңіз;</li>
<li>Карта жоғалған жағдайда дереу бұғаттаңыз және банктің жедел желісіне қоңырау шалып, барлық операцияларды тоқтата тұрыңыз, сондай-ақ шоттарды бұғаттау мақсатында барынша қысқа мерзімде банк бөлімшесіне барған жөн;</li>
<li>Банк қызметкерлері карта бойынша деректерді немесе алынған SMS-терді ұсыну талабымен клиентке ешқашан бірінші болып қоңырау шалмайды. Осы мәселелер бойынша кез-келген байланыс тек клиентпен басталады;</li>
<li>Егер сіз Интернет арқылы банктік картаны пайдаланып төлемдер жасап, сатып алсаңыз, күдікті поштаны ашпаңыз және белгісіз сілтемелерді баспаңыз. Олардың құрамында алаяқтарға компьютерден ақпаратты қашықтықтан бере алатын вирус болуы мүмкін;</li>
<li>Ұялы телефоныңызға шоттың барлық өзгерістері және жасалған транзакциялар бойынша ақпарат келуі үшін ұялы банк қызметін ай сайынғы төлем үшін қосыңыз. Осылайша, сіз өз картаңыз бойынша күдікті операцияларды жедел қадағалай аласыз.</li>
</ul>
2. Сіз мобильді телефоныңызды жоғалтып немесе ұрлатып алдыңыз. Алаяқтар сіздің шоттарыңыздан ақшаны алып алады не жоғалған телефонның нөмірі бойынша интернет-банкингке тіркелу арқылы төлем жасауы мүмкін немесе қосылып тұрған мобильдік банкинг немесе&nbsp; мобильдік қосымша арқылы кіре алады.
Бірінші кезекте банктің саll-орталығына немесе банктің жақын жердегі бөлімшесіне өтініш жасаңыз, сондай-ақ Интернет-банкинг арқылы өзіңіздің шотыңызды бұғаттау қажет.
Сонымен қатар жоғалған телефонның нөмірін мобильдік оператор арқылы бұғаттау қажет.
3. Әлеуетті құрбанға өздерін банк қызметкерлеріміз деп&nbsp; қоңырау соғады, оның банк картасы бойынша күмәнді операциялардың байқалғандығын мәлімдейді және оларды болдырмау мақсатында мынадай бірқатар деректемелерді: ЖСН, карта байланыстырылған телефон нөмірін, банк картасының нөмірін, ағымдағы және жинақ шотының нөмірін көрсетуді сұрайды. Бұл ретте олар үнемі психологиялық қысым көрсетеді, оларға бұл деректерді бермеген жағдайда, барлық ақша лезде жоғалып кетеді деп қорқытуы мүмкін.
Бұл жағдайда не істеуге болады? Тұтқаны қойып, сізге мобильдік телефондағы ақпаратты нақтылау үшін қызмет көрсететін банкке телефон соғыңыз, ең дұрысы банктің жақын жердегі бөлімшесіне барып, сіздің шотыңызға шабуыл жасау әрекеті туралы ресми өтініш жазыңыз. Ешбір жағдайда алаяқтармен диалогты жалғастырмаңыз және ешқандай ақпарат бермеңіз.
Банк қызметкерлерінің іс-қимыл регламенті бар, оған сәйкес банк қызметкерлері клиентке бірінші болып қоңырау шалмайды және карта бойынша деректерді, жеке деректерді не алынған SMS-ты беруді талап етпейді. Осы мәселелер бойынша кез келген сөйлесуге клиент қана бастамашы бола алады.
4. Алаяқтар сіздің төлем карточкаларыңыздың деректемелерін алу мақсатында танымал интернет-дүкенді, банктің сайтын не фишинг сайт деп аталатын әлеуметтік желіні жасайды. Оған сілтеме қолданыстағы пошталық мекенжайлар базасы арқылы таратылады, оның ішінде сіздің де мекенжайыңыз болуы мүмкін.
Интернет-алаяқтардың алдауына түсіп қалмау үшін мынадай бірнеше қағидаларды еске сақтаңыз:
<ul>
<li>жеке деректеріңізді еш жерде көрсетпеңіз;</li>
<li>сайттың ресімделуіне көңіл бөліңіз;</li>
<li>мекенжай жолындағы сілтеменің дұрыстығын тексеріңіз;</li>
<li>қорғалған https қосылымын пайдаланыңыз;</li>
<li>күмәнді хаттарды іріктеңіз;</li>
<li>банктік аккаунттарға кіру үшін wi-fi-ға ашық кіру нүктелерін пайдаланбаңыз;</li>
<li>төлем нысанына көңіл бөліңіз. Сенімді интернет-дүкендерде ол жаңа терезеде ашылады және төлем жүйелерінің біреуінің (VISA, Mastercard) верификациясы болады.</li>
</ul>
5. Жалған сатушылар сауда немесе ақпараттық алаңдарда жылжымайтын мүлікті немесе көлік құралын төмен бағаға сату туралы «шұғыл» хабарландыру орналастырады. Бұл ретте алаяқтар өздерін шетелдік фирманың қызметкері ретінде таныстырып,Қазақстаннан жұмыс бабымен шұғыл кетіп қалғанын айтып, төлем қабілеттілігін растау үшін жылдам ақша аударымдары арқылы өз туысының атына ақша қаражатын жіберуді сұрайды. Сатып алушы аударымды жүзеге асырған кезде, олар тексеру үшін-мыс аударым деректемелерін айтуыңызды сұрайды. Деректемелерді алғаннан кейін алаяқтар өз атына аударым жасайды.
Есіңізде болсын, кез&nbsp; келген мәміле ресми түрде және заңды жолмен жасалуға және тіркелуге тиіс. Алдын ала төленген жағдайда да оны алу туралы жеке құжат (қолхат) жасалады.
Осы қарапайым, бірақ тиімді қағидаларды сақтау қаражатыңызды алаяқтардан қорғайды. Айтпақшы, бұл қағидалар қарт адамдар үшін өте маңызды. Өз туыстарыңыз бен жақындарыңыздың ешқашан алаяқтардың қолына түсіп қалмауы үшін оларға міндетті түрде бұл туралы айтыңыз.&nbsp; Әрқашан есіңізде болсын, судың да сұрауы бар! Өздеріңіздің дербес деректеріңізді қорғаңыз, олардың жоғалғаны анықталған жағдайда дереу шоттарды, оларға байланыстырылған телефон нөмірлерін бұғаттаңыз және құқық қорғау органдарына хабарласыңыз.
Өзіңізге және ақшаңызға сақ болыңыз, Fingramota.kz бірге қаржылық сауаттылығыңызды арттырыңыз!
<img src="https://kyzylorda-news.kz/wp-content/uploads/2022/05/alajak.jpg" alt="" />

Жеке қауіпсіздігіңіз – өз қолыңызда!

<a href="https://kyzylorda-news.kz/">Kyzylorda-news.kz.</a> Қызылорда қаласы ЗК-169/1 мекемесінің сәлем-сауқат қабылдау бөлмесіне келген Қ. есімді азаматтың азық-түліктері арасынан тыйым салынған зат тәркіленді.
Ол бұл күні мекемеде ҚР ҚК-нің 24-бабы 3-бөлігі 1-тармағымен айыпталып, қамауда отырған досына келген болатын. Сәлем-сауқатты қабылдау бөлмесіндегі қызметкердің жұмысына деген жауапкершілігі мен қырағылығының нәтежиесінде, досына тосын сый жасамақшы болған азаматтың қулығы іске аспай қалды.
Сырттай қарағанда бір литрліктен екі пластмасса құтысындағы салқын суды ешкім ажырата алмас.
Алайда, бұл азамат бұндай сұйықтықтардың да, ашылып тексерілетінін білмеген болу керек.
Қырағы сақ бақылаушы, құтыны ашып көргенде, спирттік ішімдіктің исін бірден сезген.
Осылайша, мекеменің ішкі тәртіптеме қағидаларында көзделмеген сақтауға және пайдалануға тыйым салынған заттар болып табылғандықтан, конягі бар құты тәркіленіп, алынды.
Ал досын қуандырмақшы болған азаматтың үстінен баянат толтырылып, ісі қалалық сотқа жіберілді.

Қызылордада түрмеге МАХІ шай құтысына коньяк құйып өткізбекші болған тұрғын ұсталды

<a href="https://kyzylorda-news.kz/">Kyzylorda-news.kz.</a> Қызылорда облысында жыл басынан бері ішек инфекциясын жұқтыру көрсеткіші 30,5 пайызға артқан. Науқастардың көпшілігі балалар. Жалпы жағдай тұрақсыз деп сипатталады.
Ресми мәлімет бойынша, биылғы жылдың 4 айында дәрігерлер жедел ішек инфекциясының 281 жағдайын тіркеген.&nbsp; 14 жасқа дейінгі балалар барлық жағдайлардың шамамен 90 пайызын құрайды, оның ішінде екі жасқа дейінгі балалар арасында көрсеткіш жоғары.
Күннің жылынуымен жедел ішек инфекциясының қаупі күрт артты.
<blockquote>
 «Бұл температураның жоғарылауы сыртқы ортада қоздырғыштардың тіршілігі мен көбеюіне қолайлы жағдай туғызатынына байланысты», – деп түсіндірді санитарлық-эпидемиологиялық бақылау департаменті.
</blockquote>
Хабарланғандай, облыста санитарлық-эпидемиологиялық бақылау қызметі өкілдері мен емдеу мекемелерінің дәрігерлерінің қатысуымен медициналық штаб құрылып, жіті ішек инфекцияларының алдын алу мақсатында санитарлық және эпидемияға қарсы шаралар күшейтілді.
Топтық тамақтан улану жағдайларын болдырмау үшін оқу орындарының тамақ бөлімшелерінің қызметкерлері, қоғамдық тамақтану орындарының аспаздары арасында санитарлық-ағарту жұмыстары жүйелі жүргізілуде.
Сонымен қатар, мамандар «алдын алу, диагностикалау және емдеуді дамытуда айтарлықтай жетістіктерге қол жеткізілгеніне» қарамастан, ішек инфекциясының жоғары көрсеткіштері тіркелетінін атап өтті.

Қызылордада балалар арасында ішек инфекциясын жұқтыру жағдайлары артып жатыр

<a href="https://kyzylorda-news.kz/">Kyzylorda-news.kz.</a> Қарулы күштердің 30 жылдығы қарсаңында М.Мәметова атындағы Қызылорда педагогикалық колледжінде «Егеменді ел қорғаны – Қарулы күштер» тақырыбындағы ерлік сабағы өтті.
Болашақ Отан қорғаушылармен кездесуге«Қарулы күштердің ардагерлері» Республикалық қоғамдық бірлестігі Қызылорда облыстық филиалының төрағасы Мыңділда Ршауов, «Ардагерлер одағының «Тәжік-Ауған шекарасындағы жауынгерлік қимылдарына және әскери қақтығыстарына қатысушылардың» республикалық қоғамдық бірлестігі облыстық филиалының төрағасы Марат Орынбайұлы, Қызылорда облысының қорғаныс істері жөніндегі департаменті бастығының тәрбие және идеологиялық жұмыстары жөніндегі орынбасары подполковник Алмат Жақыпов қатысты. 
Іс-шараны ұйымдастырудағы негізгі мақсатжастарды туған елінің патриоты болуға тәрбиелеу, олардың Қарулы күштерге деген мақтаныш сезімін ояту болып отыр.
Колледж студенттеріне Қарулы күштердің 30 жылдық тарихы мен әскеріміздің қазіргі кездегі қызметі туралы егжей-тегжейлі айтылып, бейнероликтер көрсетілді.
<blockquote>
 «Студенттердің арасында болашағын әскермен байланыстырғысы келетін жастардың барын байқадық. Оларды Отан қорғаушылардың күнделікті өмірі мен қару-жарақтар туралы сұрақтар қызықтырады. Жас ұрпаққа жігер беріп, рухтандыратын осындай шаралар алдағы уақытта да өтіп тұратынына сенімдімін», – дейді Қарулы күштердің ардагері Мыңділда Ршауов.
</blockquote>
Колледж бастығы Жақсыгүл Қоқанқызы ардагерлер мен әскери қызметшілерге мазмұнды әңгімелеріүшін ризашылық білдіріп, алғысын жеткізді.
<img src="https://kyzylorda-news.kz/wp-content/uploads/2022/05/stwdent-1.jpg" alt="" />

Қызылордалық студенттерге ерлік сабағы өтті

<a href="https://kyzylorda-news.kz/">Kyzylorda-news.kz.</a> «Әділет» құқықтық қызмет көрсету орталығының директоры, жергілікті тауар өндіруші кәсіпкер Дәулет Ізбасарұлы Президенттің халықтың әлеуметтік жағдайын жақсартуға, құқықтық әлеуетін көтеруге бағытталған барлық шешімдерін қолдайтынын айтты.
<blockquote>
 «Президент Қасым-Жомарт Тоқаевтың биылғы Жолдауынан кейін Жаңа Қазақстан құрудың механизмдері айқын белгілі болды. Мемлекет басшысының Үндеуі де ел тарихындағы маңызды қадамдарға жол ашады. Ата Заңды халықтың қолайлы өмір сүруіне бағыттау, адам құқығының асқақ болуына негіздеу қажетті дүние. Президент алдағы референдумда Ата заңның үштен біріне өзгеріс енетінін айтты. Сондықтан, халық болып жауапкершілік танытып, елдің болашағы үшін ат салысу қажет деп есептеймін. Әділетті Қазақстан құрудың алғы шарты ретінде Конституциялық сотты атауға болады. Бұл жөнінде де Президент өткен Жолдауында жариялады. Кез келген азамат өзінің бұзылған құқықтарын қорғау үшін тікелей Конституциялық сотқа жүгінуге болады. Президенттің халықтың әлеуметтік жағдайын жақсартуға, құқықтық әлеуетін көтеруге бағытталған барлық шешімдерін қолдаймын», – дейді Дәулет Ізбасарұлы.
</blockquote>

Дәулет Ізбасарұлы: Халық болып жауапкершілік танытуымыз қажет

<a href="https://kyzylorda-news.kz/">Kyzylorda-news.kz.</a>&nbsp;Сәуірдің үшінші аптасында Қазақстан мен Өзбекстан Сенатының делегациялары Арал өңірінде бас қосып, ортақ мәселелерді қарады. Оның ішінде Көкарал бөгетінің жағдайы, су деңгейіне қатысты өзекті сұрақтар көтерілген-ді. Бүгін де Сенат отырысы барысында Палата төрағасы Мәулен Әшімбаев бөгетке күрделі жөндеу жұмыстарын жүргізу кезек күттірмейтін мәселе екенін айтты.
Сенат спикері осыдан 5 жыл бұрын бөгеттің бір бөлігін су шайып кеткенін, соның салдарынан бүлінген учаскенің көлемі бүгінде 200 метрге жеткенін тілге тиек етіп, бұл Кіші Арал мен өңір үшін үлкен қауіп екенін жеткізді.
<blockquote>
 «Осыдан екі апта бұрын Арал қаласында өзбекстандық әріптестерімізбен кездесіп, Аралды қалпына келтіру мәселесін жан-жақты талқыладық. Сол кезде депутаттар Көкарал бөгетіне арнайы барып, оның жағдайын өз көздерімен көрді. Жалпы, Көкарал – стратегиялық маңызы бар нысан. Бірақ оны жөндеу жұмыстарына қатысты немқұрайлылық біздің алаңдатып отыр. Егер аяқ астынан төтенше жағдай болса, Кіші Аралда жиналған су құмға кетеді. Оның әлеуметтік-экономикалық, экологиялық салдары қандай болатыны айтпаса да түсінікті. Сондықтан бөгетті күрделі жөндеу жұмыстарын дереу бастаған жөн», – деді Мәулен Әшімбаев.
</blockquote>
Бүгінде Қызылорда облысы әкімдігі тарапынан бөгетті жөндеуге қатысты құжаттарды әзірленді. Қалпына келтіру жұмыстарына 5 млрд.теңгеге жуық қаражат, ал жөндеу жұмыстарын биыл бастау үшін 500 млн.теңге қажет.
Мәулен Әшімбаев Қаржы министрлігіне және Экология, геология және табиғи ресурстар министрлігіне осы мәселеге назар аударып, биыл тиісті қаражатты бөлу мүмкіндігін қарастыру қажет екенін тапсырды. Ал, қажетті қаржының негізгі бөлігін 2023 жылғы бюджетке енгізу ұсынды.

Мәулен Әшімбаев: Көкарал бөгетіне күрделі жөндеу жұмыстарын дереу бастаған жөн (ВИДЕО)

<a href="https://kyzylorda-news.kz/">Kyzylorda-news.kz.</a> Бұған дейін Қазақстан халқы Ассамблеясының кезекті отыз бірінші сессиясында Президент Конституцияға өзгертулер мен толықтырулар енгізу жөнінде референдум өткізуді ұсынды. Міне бүгін Президент Қазақстандықтарға жолдаған үндеуінде 2022 жылдың 5 маусымында республикалық референдум өтетін атап өтті.
1995 жылы қазіргі Ата заңға осындай жолмен енгізілген өзгерістен кейін, елімізде жаңа бастамалар жасалғаны баршамызға белгілі.
Референдум өткізу бойынша әлеуметтік желілерде пікірлер көп. Мен азаматтық қоғам өкілі және заң ғылымдарының магистрі ретінде бұл бастамаға өз пікірімді білдіруді жөн санадым.
Ата заңға өзгерістер мен толықтырулар енгізу біздер үшін таңсық емес. Ата заң бұған дейін де талай рет өзгерген. Бірақ, ешкім қарапайым халықтың пікірін сұраған жоқ. Өзгерістердің жобасы Парламент қарауына ұсынып, депутаттардың «бір ауыздан» мақұлдауымен өзгертіліп келді. Бекітілген нұсқасын БАҚ беттерінен көріп келдік.
Шыны керек, осы жолы да солай болады деп ойладық. Бірақ, Президент Ата заңға енетін өзгерістерді жалпы халықтың таңдауына беріп, референдум өткізуді ұсынып отыр. Бұл бастама Жаңа Қазақстанды қалыптастыру жағдайында қажет.
Мемлекет басшысы өз ұсынысында «Біз Екінші Республиканы бірге құрамыз, Жаңа Қазақстанды бірге өркендетеміз! Әр азаматқа бірдей мүмкіндік беретін әділ әрі дамыған мемлекет боламыз» деп атап өтті.
Расымен де, мемлекет халықты ести бастағандай. Мемлекет тағдырын жекелеген азаматтар емес, тұтас халықтың өзі шешуі керек санаймын.
Жандос ТҰСМАҒАМБЕТОВ,
«Партиялық емес бақылау орталығы»
Республикалық қоғамдық бірлестігінің
Қызылорда облысының филиал төрағасы

Мемлекет тағдырын жекелеген азаматтар емес, тұтас халықтың өзі шешуі керек

<a href="https://kyzylorda-news.kz/">Kyzylorda-news.kz.</a> Халықтың табысын арттырудың 2025 жылға дейінгі бағдарламасына сәйкес облыста 8 мың жұмыс орны құрылады деп жоспарлануда. Осыған сәйкес, Өңірлік жұмыспен қамту картасы бекітіліп, 2025 жылға дейін 197 жоба жүзеге асырылады. Бұл жөнінде Өңірлік коммуникациялар қызметінде өткен брифингте толығырақ мәлімет берілді.
«Халықтың табысын арттыру 2025 жылға дейінгі бағдарламасының» кешенді жоспары бекітілді. Бұл жоспарды іске асырудың 4 бағыты бар.
Облыстық экономика және бюджеттік жоспарлау басқармасы басшысының орынбасары Ринат Құдайбергеновтің айтуынша, бағдарлама мақсаты – халықты жұмыспен қамтуға жәрдемдесу және кәсіпкерлікті дамыту арқылы табыстың өсу мүмкіндігін кеңейту. Төрт бағытта бюджеттен бөлінетін жалақыны арттыру, жаңа жұмыс орындарын ашу, халық табысының сатып алу қабілетін қорғау, табыс деңгейін арттыруды қамтамасыз ету жоспары бекітілді.
Ал, облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары Жанар Дәулетбаева мәлімдеуінше, биыл облыс көлемінде 15 мыңға жуық жаңа жұмыс орны ашылады.
<blockquote>
 «Бүгінде 8 мыңға жуық жұмыс орны құрылды. Сонымен қатар, өңдеу өнеркәсібі саласында 21 ірі инвестициялық жоба жасақталып, 2026 жылға дейін іске қосылады. Жұмыссыз азаматтарға арналған бағдарламалар саны көбейіп келеді. Соның ішінде жаңа бизнес идеяларды іске асыруға берілетін мемлекеттік гранттарды осал топқа жататын азаматтар да алмақ. Осы жылы аталған санаттағы екі мыңға жуық азамат тиісті қаржыға ие болады», – деді ол Жанар Жұмабекқызы.
 «Кәсіпкерлікті дамыту жөніндегі ұлттық жоба аясында берілетін несие мөлшері 5 пайызға жеңілдетілді. Кәсіпті енді бастаған азаматтар үшін 120 млн.теңгеден астам қаржы қарастырылды. Сонымен қатар мемлекеттік гранттар беру конкурсы толығымен автоматтандырылды. Биылдан бастап бизнес жоспар талап етілмейді», – деді облыстық кәсіпкерлік және туризм басқармасының бөлім басшысы Мұхтар Жетілгенов.
</blockquote>
Биылғы жылдың желтоқсан айына дейін бір терезе қағидаты бойынша әрбір өңірлерде әлеуметтік бағытта көмек көрсететін орталықтар құрылады. Мұнда тұрғын үй немесе табыс көлемі туралы кеңес алуға болады.
<blockquote>
 «Халықтың табысын арттырудың 2025 жылға дейінгі бағдарламасы арқылы елімізде екі миллионға жуық адам тұрақты жұмыспен қамтылмақ. Бағдарламаның әр тармағы арқылы мемлекеттік мекемелер өз алдына жұмыс істейді. Осы орайда біз тұрғындарға құқықтық тұрғыда тегін көмек көрсетеміз. Кез келген заң аясындағы мәселелерлерді қарастыратын боламыз», – деді заңгер Дәулет Ізбасарұлы.
</blockquote>

Қызылордада халықтың табысын арттыру бағдарламасымен 8 мыңнан астам жұмыс орны ашылады

<a href="https://kyzylorda-news.kz/">Kyzylorda-news.kz.</a> Президент Жарлығымен Екінші дүниежүзі соғысында ерлік көрсеткен үш майдангер марапатталды, деп хабарлайды Ақорда.
<blockquote>
 «1941-1945 жылдардағы Ұлы Отан соғысында көрсеткен ерлігі мен қаһармандығы үшін жоғары дәрежелі ерекшелік белгісі – «Халық қаһарманы» атағы беріліп, айрықша ерекшелік белгісі – Алтын жұлдыз бен «Отан» ордені тапсырылсын» делінген Жарлықта.
</blockquote>
Әбдібеков Төлеуғали Насырханұлы (марқұм) – 8-ші гвардиялық Қызылтулы атқыштар дивизиясы 302-ші гвардия атқыштар полкі 2-ші атқыштар ротасының мергені.
Несмиянов Александр Александрович (марқұм) – 126-шы Горловка Қызылтулы атқыштар дивизиясы 690-шы атқыштар полкі 1-ші атқыштар батальонының командирі.
Сүлейменов Ыбырайым (марқұм) – 100-ші бөлек атқыштар бригадасы атқыштар батальоны 2-ші бөлімшесінің мерген-бақылаушысы.

Соғыста ерлікпен қаза тапқан үш майдангерге «Халық қаһарманы» атағы берілді

<a href="https://kyzylorda-news.kz/">Kyzylorda-news.kz.</a> Бүгін Н.Бекежанов атындағы қазақ академиялық музыкалық драма театрында қазақтың батыр қызы Мәншүк Маметованың 100 жылдығы мен М.Мәметова атындағы Қызылорда педагогикалық жоғары колледжінің 90 жылдығына арналған «Моншақ» спектаклі сахналанды.
Қойылымға ҚР Білім және ғылым вице-минстрі Шолпан Каринова, облыс әкімінің орынбасары Балжан Шаменова, облыстық білім басқармасының басшысы Ақзира Қасымова мен зиялы қауым өкілдері, ұстаздар және студенттер қатысты.
Киелі сахнада Мәншүк Маметованың толық өмір жолын бейнелейтін «Моншақ» қойылымын колледждің 100-ден астам студенттері сомдап шығып, көрермендердің ерекше қошеметтеріне ие болды.
Театр төрінде өткен қойылымда ҚР Білім және ғылым вице-министрі Шолпан Танатқызы қазақтың қаһарман қызы Мәншүк Мәметованың 100 жылдығы мен колледждің 90 жылдығымен құттықтап, спектакльден алған ерекше әсерімен бөлісіп студенттерге алғысын жеткізді.
<img src="https://kyzylorda-news.kz/wp-content/uploads/2022/05/spektakl2.jpg" alt="" />
<img src="https://kyzylorda-news.kz/wp-content/uploads/2022/05/spektakl.jpg" alt="" />

«Моншақ» мюзиклі &#8211; батыр Мәншүкке рухани ескерткіш

<a href="https://kyzylorda-news.kz/">Kyzylorda-news.kz.</a> Атмосфералық фронталды бөліктердің өтуіне байланысты бүгін ҚР басым бөлігінде жаңбыр, еліміздің батысында қатты жаңбыр жауады, деп хабарлайды Қазгидромет.
Республика бойынша кей жерлерде найзағай ойнайды; жел күшейіп, оңтүстік-шығыста, батыста – бұршақ, оңтүстікте, оңтүстік-шығыста – дауыл, оңтүстік-батыста – шаңды дауыл болады.
Қызылордада күн ашық, ауа температурасы +30 +32 градусты көрсетеді.

Қазақстан және Қызылорда облысының жаңалықтары

Қызылорда облысының прокуроры сырбойылықтарға үндеу жариялады

Жеке қауіпсіздігіңіз – өз қолыңызда!

Қызылордада түрмеге МАХІ шай құтысына коньяк құйып өткізбекші болған тұрғын ұсталды

Қызылордада балалар арасында ішек инфекциясын жұқтыру жағдайлары артып жатыр

Қызылордалық студенттерге ерлік сабағы өтті

Дәулет Ізбасарұлы: Халық болып жауапкершілік танытуымыз қажет

Мәулен Әшімбаев: Көкарал бөгетіне күрделі жөндеу жұмыстарын дереу бастаған жөн (ВИДЕО)

Мемлекет тағдырын жекелеген азаматтар емес, тұтас халықтың өзі шешуі керек

Қызылордада халықтың табысын арттыру бағдарламасымен 8 мыңнан астам жұмыс орны ашылады

Соғыста ерлікпен қаза тапқан үш майдангерге «Халық қаһарманы» атағы берілді

«Моншақ» мюзиклі – батыр Мәншүкке рухани ескерткіш

Жұма күнге арналған ауа райы болжамы

Қазақстан және Қызылорда облысының жаңалықтары

Қызылорда облысының прокуроры сырбойылықтарға үндеу жариялады

Жеке қауіпсіздігіңіз – өз қолыңызда!

Қызылордада түрмеге МАХІ шай құтысына коньяк құйып өткізбекші болған тұрғын ұсталды

Қызылордада балалар арасында ішек инфекциясын жұқтыру жағдайлары артып жатыр

Қызылордалық студенттерге ерлік сабағы өтті

Дәулет Ізбасарұлы: Халық болып жауапкершілік танытуымыз қажет

Мәулен Әшімбаев: Көкарал бөгетіне күрделі жөндеу жұмыстарын дереу бастаған жөн (ВИДЕО)

Мемлекет тағдырын жекелеген азаматтар емес, тұтас халықтың өзі шешуі керек

Қызылордада халықтың табысын арттыру бағдарламасымен 8 мыңнан астам жұмыс орны ашылады

Соғыста ерлікпен қаза тапқан үш майдангерге «Халық қаһарманы» атағы берілді

«Моншақ» мюзиклі &#8211; батыр Мәншүкке рухани ескерткіш

Жұма күнге арналған ауа райы болжамы

«Моншақ» мюзиклі – батыр Мәншүкке рухани ескерткіш