<a href="https://kyzylorda-news.kz/">Kyzylorda-news.kz.</a> Барлық өңірде әкімдіктерімен бірлескен «Отбасы банкінің» жеңілдетілген ипотека бағдарламасын іске қосу жоспарланып отыр. Бұл туралы Сенаттағы жастарды қолдау тақырыбына арналған парламенттік тыңдауда Премьер-Министрдің орынбасары Ералы Тоғжанов мәлім етті, деп хабарлайды ҚазАқпарат.
<blockquote>
 «2025 жылға дейін барлық өңірде әкімдіктермен бірлескен «Отбасы банкінің» жеңілдетілген ипотека бағдарламасын іске қосу жоспарланып отыр. Қазіргі кезде жастарға арналған өңірлік тұрғын үй бағдарламалары 3 өңірде, яғни Нұр-Сұлтан, Алматы және Шымкент қалаларында жүзеге асырылып жатыр. Енді жыл соңына дейін басқа да өңірлерде осы тектес бағдарламаны іске қосу қарастырылып отыр», – деді Е. Тоғжанов.
</blockquote>
Оның айтуынша, 2019 жылдан бері жұмыс істейтін жастарға 7 мың жалға берілетін (Нұр-Сұлтан, Алматы және Шымкент) баспана ұсынылды. 2025 жылға дейін жұмыс істейтін жастарға 12 мың пәтерді ұсыну жоспарланып отыр. Жыл соңына дейін жалдамалы тұрғын үй беру қағидаларына жастардың айлық табысын растау талаптарын 40 АЕК-тен 25 АЕК-ке дейін төмендету бөлігінде өзгерістер енгізіледі. Бұл жастардың жалға берілетін баспана алу мүмкіндіктерін айтарлықтай кеңейтеді.
<blockquote>
 «Қазіргі кезде «Отбасы банкінің» жинақтаушы баспана депозиттерінде 250 млрд теңгеден астам сомаға жастардың (29 жасқа дейінгі) 500 мыңнан аса депозиті ашылды. 2025 жылға қарай жастардың баспана жинақтарының көлемін 800 мың депозитке дейін жеткізу жоспарланып отыр. Ол үшін жастар арасында баспанаға алуға жинақ ашу мәдениетін қалыптастыру бағытында жұмыстар жүргізіліп жатыр. Тұрғын үй салымын жинақтаудың маңызын біздің жастарымыз түсінуі қажет. Әрбір отбасының берекесі шаңырақтан басталады. Ол үшін тынымсыз еңбек пен ұқыпты қаржы жинақтау мәдениетінің маңызы ерекше үлкен», – деді ол.
</blockquote>

Барлық өңірде жастарға арналған түрғын үй бағдарламасы іске қосылады

<a href="https://kyzylorda-news.kz/">Kyzylorda-news.kz.</a>&nbsp;Қызылордада бір адамнан Конго-Қырым геморрагиялық қызбасы анықталды.
Жыл басынан бері бүгінгі күнге дейін 205 адамды кене шаққан. Олардың арасынан 3 адам Конго-Қырым геморрагиялық қызбасы ауруына күдікті болған еді.
<blockquote>
 «Науқастардың 1-нің диагнозы зертханалық, эпидемиологиялық және клиникалық жолмен нақтыланды. Ал 2-нің диагноздары зертханалық зерттеу қорытындысы теріс болуына байланысты өзгертілді», – деп мәлім етті Қызылорда облыстық санитариялық-эпидемиологиялық бақылау депаратаментінің баспасөз қызметі.
</blockquote>
Былтыр өңірде 12 адамнан Конго-Қырым геморрагиялық қызбасы анықталған еді. Биыл өңірде 116 елді мекенде кенелер көбеюі мүмкін деген қауіп бар. Атап айтқанда, аудандар бойынша Аралда – 25, Жаңақорғанда – 19, Шиеліде – 16, Қазалыда – 14 елді мекен болса, қалғаны өзге аудандарда орналасқан. Бұл елді мекендердің залалсыздандыру іс-шараларына жергілікті бюджеттен қаржы қарастырылған.

Қызылордада бір адамнан Конго-Қырым геморрагиялық қызбасы анықталды

<a href="https://kyzylorda-news.kz/">Kyzylorda-news.kz.</a> Республиканың бүкіл аумағында ауа райының тұрақсыз сипаты күтіледі. Күн күркіреп, жел күшейіп, бұршақ жаууы мүмкін, солтүстік-батыста, сондай-ақ оңтүстік өңірлердің таулы және тау бөктеріндегі аудандарында қатты жаңбыр жауады деп болжануда.
Батыста, солтүстік-батыста түнде және таңертең топырақ бетінде 2 градусқа дейін аяз болуы мүмкін. Батыста күндізгі температураның 8-18-ден 15-28 градусқа дейін аздап көтерілуі, ал қалған аумақтарда температураның төмендеуі, күндіз солтүстікте, орталықта 25-30-дан 15-20-ға дейін, елдің оңтүстігінде және шығысында 28-33-тен 17-25 градусқа дейін болады деп күтілуде.

Демалыс күндеріне арналған ауа райы болжамы

<a href="https://kyzylorda-news.kz/">Kyzylorda-news.kz.</a>&nbsp;Ертең Алматыда шағын футболдан БАҚ өкілдері арасында қазақ телевизиясының майталманы, комментатор Амангелді Сейітханды еске алуға арналған республикалық турнир өтеді. Еліміздің 8 өңірінен барлығы 16 команда қатысады. Турнирге Сыр өңірінен «Ақмешіт» командасы қатысады.
Саналы ғұмырын журналистикаға арнап, халықтың мұң-мұқтажын қаламмен тербей білген Аман ағамыз былтыр 52 жасында мәңгілік мекенге аттанып кетті. Алайда, футболды өзімен егіз қойған ағамыз өмірінің соңына дейін спортпен айналысты.
Амангелді Сейітхан атындағы алғашқы турнир оның отбасының ұйымдастыруымен өтеді. Турнир аясында Амангелді Сейітханның құрметіне шығарылған «Жеңісті күндерде жолыққанша» кітабының тұсауы кесіледі.
Айта кетейік, жарысқа Aikyn-Liter (Астана қаласы), Dream-team Сейітхан (Алматы қаласы), Effective media Liaison (Алматы қаласы), Абай-ақпарат (Абай облысы), Айтыскерлер құрамасы (Қазақстан Республикасы), Ақмешіт (Қызылорда облысы), Атырау құрамасы (Атырау облысы), КТК (Алматы қаласы), Қазақстан ТВ-Қазақ радиосы (Алматы қаласы), Қарекет (Жетісу облысы), Спорт журналистері (Қазақстан Республикасы), Тұран-Түркістан (Түркістан облысы), Түркістан телеарнасы (Түркістан облысы), Шымкент (Шымкент қаласы), Хабар (Астана қаласы), Экспресс-К (Астана қаласы) командалары қатысады.
<img src="https://kyzylorda-news.kz/wp-content/uploads/2022/05/bf3ba5d2-e4fc-4a06-bb79-2b3ccd03b20b.jpg" alt="" />

Амангелді Сейітханды еске алуға арналған турнирде қызылордалық команда бақ сынайды

<a href="https://kyzylorda-news.kz/">Kyzylorda-news.kz.</a>&nbsp; ҚР Конституциясына өзгерістер мен толықтырулар енгізу туралы республикалық референдум өтетін уақыт та жақын. Еліміздің саяси өміріндегі өзгерістерге, сол сияқты алдағы өтетін референдумға байланысты қоғамда түрлі пікірлер бар.
Ескі жүйені көксеп, қоғамдағы оң өзгерістерге барынша кедергі келтіруге тырысқан керітартпа пікірлер де көрініп қалады. Мемлекет, ұлт тағдырына, сол арқылы тұтас Қазақстан халқының болашағына алаңдаулы осы сәтте ақпараттық арандатушылыққа сеніп қалмау, жел сөзге еріп кетпеу маңызды.
Әлемдік тәжірибеде, соның ішінде демократиялық мемлекеттерде референдум – халық пікірі сұралатын демократия механизмдерінің бірі. Осы тұрғыдан қарағанда, референдумға қатысып, Конституцияға енгізілгелі отырған өзгерістерге байланысты оң таңдау жасау әрбір қазақстандықтың борышы, парызы. Өйткені әрбіріміздің таңдауымыз жарқын болашаққа апаратын жол деп түсінгеніміз абзал.
Отыз жыл ішінде Ата заңымызға бірнеше рет өзгерістер мен толықтырулар енгізілді. Бірақ осы уақытқа дейін ешқашан халық пікірі сұралып, ешкім бізбен санасқан емес. Ал алдағы референдум Сенің, Менің, Біздің пікіріміз ескерілетін сәт. Сондықтан бұндай ел тағдыры сынға түсетін сәтте мемлекет, ұлт мүддесі үшін қадам жасау әсіресе, жас ұрпақ үшін жарқын болашақтың кепілі.
Еліміздің саяси өміріндегі соңғы өзгерістер мен реформалар қазақстандықтардың саяси, әлеуметтік-экономикалық, мәдени-рухани өміріне оң өзгерістер алып келетініне сенім мол. Ең бастысы, мемлекетіміздің әлемдегі саяси салмағын арттыра түсуге де әсер ететіні анық!
Ғабит Тұяқбаев,
Қорқыт ата атындағы Қызылорда университетінің профессоры, филология ғылымдарының кандидаты, Қазақстан Журналистер одағының мүшесі

Ғабит Тұяқбаев: Біздің таңдауымыз жарқын болашаққа апаратын жол

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысы әкімінің орынбасары Мархабат Жайымбетовтің төрағалығымен бюджет қаражатын тиімді пайдалану мақсатында облыс аумағында жоспарланған құрылыс нысандарының жобаларын қарау жөнінде кеңес өткізілді.
Кеңестің күн тәртібіне сәйкес Қазалы ауданын кешенді игеру және одан әрі дамытудың негізгі бағыттары, әкімшілік-аумақтық бірліктің әлеуметтік-экономикалық жағдайы ескеріле отырып, ауданмен ұсынылған құрылыс жобаларының тиімділігі мен өзектілігі қаралып, қаржыландырудың орындылығы мен кезектілігі жөнінде шешім қабылданды. Кеңес қарауына барлығы 40 жоба ұсынылып, оларды қаржыландыру көздері және жүзеге асыру мерзімдері айқындалды.
Алдағы уақытта да облыс бойынша жүзеге асыру жоспарланған барлық жобаларды игеру бойынша мәселелер кезекті кеңес отырысында талқыланып, тиісті шешімдер қабылданатын болады.

Қызылордада жоспарланған құрылыс нысандарының жобаларын қарау жөнінде кеңес өтті

<a href="https://kyzylorda-news.kz/">Kyzylorda-news.kz.</a> Жуырда Қармақшы ауданының III Интернационал ауылында бірлік пен келісімді дәріптейтін сериал НТК телеарнасы арқылы көрерменге жол тартады. ҚР Мәдениет және спорт министрлігінің қолдауымен “НТК” телеарнасының тапсырысы негізіндегі комедиялық сериалға “BAS Production” компаниясы кинокартина жасаумен айналысуда. Оның бас продюсері, осы ауылдың тумасы Ақылбек Досжанов.
Бас продюсердің айтуынша 10 сериядан тұратын сериал 20-ға жуық түрлі ұлт өкілдері мекендеген шағын ауылда өтуде.
<blockquote>
 «III Интернационал ауылын таңдаудағы басты мақсатта осы. Ауылдағы этнос өкілдерінің 100 пайызы қазақ тілін ана тілім деп санайды. Сериал ауыл тұрғындарының шынайы достығы мен бірлігін көрсететін қызықты оқиғаларға толы. Айта кету керек, режиссерлер сериалдың көптеген кейіпкерлерін жергілікті тұрғындар арасынан таңдады. Кастингке барлық тілек білдірушілер балалар мен ересектер қатысты», – деді Ақылбек Досжанов.
</blockquote>
Ауыл әкімі Қазақстан халқы Ассамблеясы делегациясына арналған шара ұйымдастыруы керек болады. Әкім өте талапшыл, әрбір жұмыстың тыңғылықты болғанын қалайды. Алматы қаласынан режиссер шақыртып, ауыл тұрғындарын концертке дайындайды. Әрине, барлығы бірден тамаша бола қалуы мүмкін емес. Дайындық барысында әртүрлі мәселелер туындайды.. Алматылық режиссер ауылдың сұлу қызына ғашық болады. Жалпы сериалда ұрпақтар сабақтастығы, халық достығы, ауыл бірлігі, шынайы махаббат барлығы көрініс табады.

Жуырда «III Интернационал» сериалы көрерменге ұсынылады

<a href="https://kyzylorda-news.kz/">Kyzylorda-news.kz.</a>&nbsp;Қызылордада Аналар кеңесінің ұйымдастыруымен референдумның маңыздылығын түсіндіру мақсатында жиын өтті.
Жиынның қонағы республикалық іскер әйелдер қауымдастығының президенті, профессор, социология ғылымдарының докторы Раушан Сарсембаева қатысты.
Модератор өңірлік Аналар кеңесінің төрайымы Рахима Ахметова ел тағдырын айқындайтын маңызды кезеңге халық болып жұмылуға шақырды.
Қорқыт ата атындағы Қызылорда университетінің профессоры, философия ғылымдарының докторы Баймырза Қожамберлиев, «Ақмешіт ақшамы» газетінің бас редакторы, облыстық мәслихат депутаты Сәрсенкүл Бихожа, Абылай хан атындағы №140 қазақ мектебінің директоры, қалалық мәслихат депутаты Айгүл Мұсабаева, облыстық Қазақстан халқы ассамблеясы төрағасының қоғамдық негіздегі орынбасары Ирина Шек, Ж. Нұрманов атындағы №198 мектеп директоры, Қазақстан халқы Ассамблеясының мүшесі Анжела Садықбекова, Қызылорда облысының «Ассамблея жастары» республикалық қоғамдық бірлестігінің өңірлік өкілдігінің төрайымы Елена Пак Ата заңға енгізіліп жатқан өзгерістер төңірегінде ой бөлісіп, пікір алмасты.
Спикерлер референдумның маңызына тоқталып, әр баптың өзгерісіне жеке-жеке тоқталды. Атап айтқанда суперпрезиденттік басқару формасынан түпкілікті бас тарту, Президент туыстарының квазимемлекеттік сектор мен мемлекеттік қызметте басшылыққа тағайындалмайтындығы жөніндегі өзгертулерге кеңінен түсініктеме берді.
<img src="https://kyzylorda-news.kz/wp-content/uploads/2022/05/img-20220519-wa0047.jpg" alt="" />

Аналар ел тағдырын айқындайтын маңызды кезеңге халық болып жұмылуға шақырды

*<a href="https://kyzylorda-news.kz/">Kyzylorda-news.kz.</a> Енді Қазақстандағы «Альфа-Банк» ресми түрде Eco Center Bank деп аталады.*
Бұл туралы қазақстандық KASE қор биржасының сайтында хабарланды.
Банк биыл 13 мамырда қайта тіркеуден өткен. Енді ол «Банк ЦентрКредит» АҚ-ның еншілес банкі «Eco Center Bank» АҚ деп аталады.
Eco Center Bank-ті Руслан Владимиров басқарды.
Бұған дейін «Банк ЦентрКредит» АҚ Қазақстандағы Альфа-Банкті сатып алу жұмыстарының аяқталғанын мәлімдеген еді. Банктің бұрынғы қызметтері өзгермейді. Ал оны SDN тізімінен шығарғаннан кейін клиенттерге банк қызметтерінің толық кешені қолжетімді болады.

«Альфа-Банктің» атауы ресми түрде өзгерді

&nbsp;*<a href="https://kyzylorda-news.kz/">Kyzylorda-news.kz.</a>&nbsp;Медициналық сақтандырудың жоқтығынан жүкті әйелді есепке алудан бас тартылуы мүмкін бе? Егер ЖК-сі бар болса, «декреттегі әйел» МӘМС жарнасын төлеуі тиіс пе? МӘМС шеңберінде жүктілікке байланысты УДЗ тиесілі ме? Әлеуметтік медициналық сақтандыру қорының Қызылорда облысы бойынша филиалы Қызылорда қаласының №6 қалалық емханасының акушерлік-гинекологиялық бөлімшесінің меңгерушісі Индира Ермахановамен бірлесіп, болашақ аналар жиі кездесетін жағдайлар бойынша түсініктеме дайындады.*
&nbsp;«Мені жүктілік бойынша есепке қоюдан бас тартылады, себебі мен сақтандырылмағанмын. Менің 12 айға ақы төлеуге мүмкіндігім жоқ, не істеуім керек?»
Жүктілік бойынша есепке тұру үшін әйелдің келесі мамандарға жүгінуге мүмкіндігі бар:
1) акушер-гинеколог – оның консультациясы МӘМС шеңберінде жүргізіледі, сондықтан қабылдауға жазылу үшін сақтандырылған болу қажет;
2) жалпы практика дәрігері және акушер – олардың қабылдауы тегін медициналық көмектің кепілдік берілген көлемі шеңберінде жүргізіледі, адамның сақтандырылған мәртебесі қажет емес.
Яғни сақтандырылмаған жүкті әйелді емхананың учаскесінде қабылдауға және жүктілік бойынша есепке қоюға болады.
Содан кейін үш күн ішінде әйел жеңілдікті санаттың өкілі – «Жұмыс істемейтін жүкті әйел» ретінде сақтандырылған мәртебесін алады. Ал ол жұмыссыз болса, мемлекет ол үшін жарна төлейді. Бұл оған МӘМС тізбесіне кіретін қажетті тексерулерден, скринингтерден және т. б. өтуге мүмкіндік береді. Сондай-ақ, бірыңғай жиынтық төлемді (БЖТ) төлеушілер үшін түсініктеме бергім келеді. Оны өздері үшін жұмыс істейтін адамдар төлейтіндіктен, БЖТ төлейтін әйел бұдан былай «жұмыс істемейтін» болып саналмайды және жеңілдік санатынан шығарылады.
&nbsp;«Мен жүктімін, есепте тұрмын. Жеңілдік санатына кіретін адам ретінде сақтандырылғанмын. Бірақ декреттік төлемдерді алу үшін БЖТ төледім, қазір жүйедегі мәртебем «САҚТАНДЫРЫЛМАҒАН». Неліктен бұл орын алды және мәртебені қайтадан алу үшін не істеу керек?»
МӘМС жүүйесінде жеңілдік санаты «Жұмыс істемейтін жүкті әйел» деп аталады. Олар үшін МӘМС жарналарын мемлекет төлейді. Бұл санатқа ресми түрде жұмыс істемейтін және соңғы 2 айда зейнетақы жарналары мен әлеуметтік аударымдар түспеген әйел кіре алады. Егер әйел ресми түрде жұмыс істесе, онда декреттік демалысқа шыққаннан кейін жұмыс беруші ол үшін жарналар мен аударымдарды төлеуді тоқтатады. Және ол «Жүктілікке және босануға, жаңа туған баланы (балаларды) асырап алуға байланысты, бала (балалар) үш жасқа толғанға дейін оның (олардың) күтіміне байланысты демалыстағы адамдар» жеңілдікті санатына енгізіледі. Бұдан әрі ол мемлекет есебінен сақтандырылған болып табылады.
БЖТ-ға келетін болсақ, салық заңнамасы бойынша оны ресми жұмысқа орналаспаған, тіркелген ЖК-сі жоқ, бірақ кәсіпкерлік қызметті жүзеге асыратындар төлейді. Бірыңғай жиынтық төлем бірнеше төлемдерді қамтиды: БЖТ – ның 10% – ы жеке табыс салығын, 20% – ы Мемлекеттік әлеуметтік сақтандыру қорына әлеуметтік аударымдарды, 30% – ы Бірыңғай жинақтаушы зейнетақы қорына міндетті зейнетақы жарналарын, 40 % – ы Әлеуметтік медициналық сақтандыру қорына міндетті әлеуметтік медициналық сақтандыруға аударымдарды құрайды. БЖТ-ны қандай да бір табыс алатын азаматтар төлейді. Яғни, егер жүкті әйел БЖТ төлесе, онда ол ЖҰМЫС ІСТЕЙДІ деп саналады.
Жеңілдік санатына қайта оралу үшін екі ай бойы БЖТ төлемеу керек. Содан кейін ғана &nbsp;жүкті әйел жұмыссыз ретінде сақтандырылған мәртебесін алады.
Мысалы, егер БЖТ наурыз айында төленген болса, жеңілдік мәртебесін алу үшін сәуір және мамыр айларына төлемдер болмауы тиіс. Жеңілдік мәртебесі маусым айында беріледі. Бала туылғаннан кейін жұмыс істемейтін әйел басқа жеңілдік санатына енеді-үш жасқа дейінгі балаларға күтім жасайтын жұмыс істемейтін адамдар.
Екінші нұсқа бар. БЖТ төлемін ай сайын жалғастыруға болады, сонда әйел жеңілдікті санатқа енбейді, бірақ өзін-өзі жұмыспен қамтушы ретінде сақтандырылған мәртебесін алады.
&nbsp;«Менде жұмыс істемейтін ЖК бар, бірақ ресми түрде қызметі тоқтатылған жоқ. Маған ЖК ретінде ары қарай жарна төлеу керек пе?»
Жоғарыда айтылғандай, жүкті әйелдің шынымен жұмыс істемейтінін және жеңілдік мәртебесіне ие бола алатындығын растау үшін соңғы екі айда ол үшін зейнетақы жарналары мен әлеуметтік жарналар түспеуі керек. &nbsp;
Егер ЖК қызметі салық органдарында ресми түрде тоқтатылмаған болса, онда сіз қолданыстағы ЖК ретінде жарналарды төлеуді жалғастыруыңыз қажет (өйткені сіз есептілікті, тіпті «нөлдік» төлемді тапсырасыз және заң бойынша қажетті төлемдерді жүргізесіз). Жұмыс істемейтін жүкті әйел ретінде жеңілдікті санат бойынша сақтандырылу үшін ЖК-нің салық органдарындағы қызметін ресми түрде тоқтата тұру қажет. Онда сіз үшін МӘМС жарналарын мемлекет төлейтін болады.&nbsp;
&nbsp;«Маған скринингтен және басқа перинаталды тексерулерден өту керек. Бірақ емханада маған жолдама берілмейді, өйткені мен сақтандырылмағанмын. Бұрын &nbsp;жұмыс істедім және жарналарды төледім, бірақ содан кейін &nbsp;жұмыстан шығып, МӘМС төлемін жасамадым. Бірақ жұмыс істемейтін жүкті әйелдер жеңілдік санатына кіреді емес пе. Неліктен мені МӘМС-ті пайдалану құқығынан айырады?»
Сіз дұрыс айтасыз, жұмыс істемейтін жүкті әйел жеңілдік мәртебесіне ие бола алады. Сақтандырылған мәртебесін алу үшін оны жүктілік бойынша есепке қою керек. Әдетте жүктілік бойынша есепке акушер-гинеколог қояды. Оны қабылдау МӘМС тізбесіне кіреді, яғни тек сақтандырылған әйелдерге ғана қолжетімді.
Алайда, егер әйел сақтандырылмаған болса, оны жалпы практика дәрігері немесе акушер қабылдап, жүктілік бойынша есепке қоя алады. Бұл дәрігердің қабылдауы тегін медициналық көмектің кепілдік берілген көлеміне кіреді. 3 күн ішінде әйел жеңілдікті санат ретінде сақтандырылған мәртебесін алады. Осыдан кейін ол МӘМС тізіміне кіретін барлық тексерулерге жолдама ала алады, – деп сарапшы түсіндірді.
&nbsp;«Жеке клиникада &nbsp;жүкті әйелдерге &nbsp;ультрадыбыстық тексеруден өтуді, ақылы сараптама жасауды &nbsp;ұсынады. Егер мен жүктілік бойынша есепте болсам, мұны өз емханамда тегін өте аламын ба?»
Иә, қажетті тексерулер ТМККК және МӘМС шеңберінде қарастырылған, сондықтан оларды өз емханаңыздан өтуге болады.
Әйел жүктілік бойынша есепке тұрады, содан кейін акушер-гинеколог онымен жүктілік кезең бойына жұмыс жүргізеді. Алдымен өмір тарихы жиналады, пациент пен оның серіктесінің медициналық деректері зерттеледі. Жүкті әйелдің жеке картасы жасалады, оған айырбастау картасы беріледі. Міндетті тексеру тағайындалады, оған зертханалық талдаулар, хромосомалық патология және құрсақішілік ұрықтың туа біткен даму ақаулары бойынша тәуекел тобын анықтау үшін пренаталдық скрининг, ЭКГ, қажет болған жағдайда ЭхоЭКГ, бүйректің УДЗ, көрсетілімдер бойынша стоматолог пен отоларингологтың консультациясы кіреді.
Жүктілік кезінде үш реттік ультрадыбыстық скрининг тағайындалғанын атап өткім келеді, ол мына мерзімде жүргізіледі:
1) 11 аптадан 13 апта 6 күнге дейін;
2) 19 аптадан 21 аптаға дейін;
3) 30 аптадан 32 аптаға дейін.
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Яғни, сіз бұл тексерулер үшін жеке төлем жасамауға, өз емханаңыздан өтуге құқығыңыз бар, – деді Екатерина Чалиловна.
Егер сұрақтарыңыз болса, сіз оларды емханаңыздан Пациенттерге қолдау көрсету қызметіне хабарласып сұрай аласыз. Егер сізге сол жерде көмектесе алмаса, онда өзіңізге ыңғайлы байланыс арнасы арқылы Әлеуметтік медициналық сақтандыру қорына өтініш жібере аласыз: fms.kz ресми сайты, 1406 байланыс орталығы, Qoldau 24/7 мобильді қосымшасы және Telegram-дағы SaqtandyryBot. Дәл осы құралдар сақтандырылу мәртебесін тексеруге мүмкіндік береді. Сондай-ақ, медициналық сақтандыру жүйесіндегі өз мәртебеңізді тексеріп, жүргізілген төлемдер туралы ҚР egov.kz электрондық үкіметінің сайтындағы «Денсаулық сақтау» бөлімінде «Медициналық қызметтер туралы және МӘМС-те аударылған сомалар туралы ақпарат» мемлекеттік қызметі арқылы біле аласыз.
<img src="https://kyzylorda-news.kz/wp-content/uploads/2022/05/whatsapp-image-2022-05-19-at-16.46.57-1.jpeg" alt="" />
<img src="https://kyzylorda-news.kz/wp-content/uploads/2022/05/1-1.jpeg" alt="" />
<img src="https://kyzylorda-news.kz/wp-content/uploads/2022/05/2-1.jpeg" alt="" />
<img src="https://kyzylorda-news.kz/wp-content/uploads/2022/05/3-1.jpeg" alt="" />
<img src="https://kyzylorda-news.kz/wp-content/uploads/2022/05/4-1.jpeg" alt="" />
<img src="https://kyzylorda-news.kz/wp-content/uploads/2022/05/5-1.jpeg" alt="" />
<img src="https://kyzylorda-news.kz/wp-content/uploads/2022/05/6.jpeg" alt="" />
<img src="https://kyzylorda-news.kz/wp-content/uploads/2022/05/7.jpeg" alt="" />
<img src="https://kyzylorda-news.kz/wp-content/uploads/2022/05/8.jpeg" alt="" />
<img src="https://kyzylorda-news.kz/wp-content/uploads/2022/05/9.jpeg" alt="" />

МӘМС: Жүктілігіне байланысты демалыстағы  әйел жарна төлей ме?

<a href="https://kyzylorda-news.kz/">Kyzylorda-news.kz.</a>&nbsp;Қызылорда қаласында каналға суға батып кеткен 9 сынып оқушысының денесі табылды.
19 мамыр сағат 15:28-де облыстық төтенше жағдайлар департаментіне Белкөл кентіндегі каналға 15-16 жасар ер баланың суға кеткені жөнінде хабар келіп түскен. Оқиға орнына барғанда суға батқан жасөспірімнің кенттегі №189 мектептің тоғызыншы сынып оқушысы екені мәлім болды.
Жедел құтқару жасағының басшысы Бақыт Ембергенов басшылығымен іздестіру шарасына 7 құтқарушы тартылып, қажетті техника мен қайық пайдаланылды. Сүңгуірлер мүрдені су астынан іздеді. Сағат 18.28-де жасөспірімнің денесі батқан жерінен 500 метрдей қашықтықта су астынан табылды.

Қызылордада суға кеткен 9 сынып оқушысының денесі табылды

<a href="https://kyzylorda-news.kz/">Kyzylorda-news.kz.</a>&nbsp;«AMANAT» партиясы жанынан құрылған республикалық штабтың мүшелері, Қазақстан Республикасы Парламенті Мәжілісінің депутаттары Бақытбек Смағұл және Геннадий Шиповских референдумның маңыздылығын түсіндіру мақсатында Ақай ауылдық округінің тұрғындарымен кездесті.
Ауылдық округ тұрғындарымен кездесу барысында республикалық штаб мүшелері Бақытбек Смағұл мен Геннадий Шиповских елдегі саяси ахуалға жаңа дем беретін Конституциялық референдум – жалпыхалықтық деңгейде алғаш рет өткізілетіндігі және оның мақсаты мемлекеттік басқару механизміне өзгерістер енгізуге және саяси, құқықтық жүйені жетілдіруге бағытталғаны туралы атап өтті.
<blockquote>
 «Референдум – Мемлекет басшысының Жолдауында жарияланған реформаларды халықтың таңдауы арқылы құқықтық тұрғыда бекіту. Егер олар қабылданса, еліміз өзінің саяси дамуының келесі деңгейіне өтеді. Өйткені реформа отандық, құқықтық, партиялық жүйені, мемлекеттік билік бөлінісінің принципін өзгертеді», – деді ҚР Парламенті Мәжілісіндегі «АMANAT» партиясы фракциясының мүшесі Бақытбек Смағұл.
</blockquote>
Өз кезегінде «AMANAT» партиясы жанындағы республикалық штаб мүшесі Геннадий Шиповских Конституцияны бүкілхалықтық дауыс беру арқылы өзгерту – халықтың еркін білдіруінің айқын көрінісі екенін айтты.
<blockquote>
 «Президентіміз ұсынған оң өзгерістер мен реформалардың іске асуына, Жаңа Қазақстанның қалыптасуына үлес қосу – әрқайсымыздың негізгі азаматтық борышымыз. Егер халық өзгерістерді қолдаса, біз Жаңа Қазақстанды, Әділетті Қазақстанды құруға мүмкіндік аламыз. Бұл ел дамуы үшін маңызды қадам», – деді ол.
</blockquote>
Кездесу соңында ауыл ақсақалдары депутаттарға өз ықыластарын білдіріп, жалпыұлттық референдум өткізу бастамасын қолдайтынын және Жаңа Қазақстанды, Әділетті Қазақстанды құру жолында мемлекетке үлкен сенім артатынын жеткізді.

Қазақстан және Қызылорда облысының жаңалықтары