<a href="https://kyzylorda-news.kz/">Kyzylorda-news.kz.</a> Премьер-министрдің орынбасары Ералы Тоғжанов Қазақстан мектептеріне «еңбекке баулу» пәні енгізілетінін айтты.
Вице-премьер Қазақстанның жас ұрпағын тәрбиелеуде еңбек тәрбиесінің маңызы зор екенін атап өтті.
<blockquote>
 «Сондықтан жаңа оқу жылында бірінші сыныптан бастап «еңбекке баулу» пәні енгізіледі. Жоба мектептер жанынан жылыжайлар ашуды көздейді. Қазірдің өзінде мектептердің 7 пайызға жуығы осындай тәжірибеге ие. Сонымен қатар, биылғы жылдан бастап мектептерде жетінші сыныптан кәсіптік бағдар беруші-педагог енгізіледі, ол мамандық таңдауға бағытталады», – деді Тоғжанов.
</blockquote>
<a href="https://www.exclusive.kz/expertiza/daily/129968/?fbclid=IwAR2MJaWIgM2QUK3LsULfDkssS0ODoP5jbK_HYmdcDGoFCg-iH14dmgm4tpM">exclusive.kz</a>

1 қыркүйектен бастап мектептерге жаңа пән енгізіледі

<a href="https://kyzylorda-news.kz/">Kyzylorda-news.kz.</a> Жақын арада бітіру кештерінің уақыты басталады. Бұл кешке әр қыз әдемі әрі ерекше көйлек кигісі келеді. Осы жылы сәнде болатын стильді әрі қызықты киімдерді ұсынамыз.
<img src="https://kyzylorda-news.kz/wp-content/uploads/2022/05/kojlek1.jpg" alt="" />
**Қауырсынмен безендірілген киім 
**Көйлек, шалбарлы костюм, жейде және белдемше: бітіру кешінде қауырсынмен безендірілген кез келген киімде стильді әрі әсерлі көрінесіз. Киім үлгісі жаз мезгіліне сай болуы үшін және нәзік көріну үшін жібектен тігілген көйлектер мен жейделерге мән беріңіз. Қауырсыны бар жасыл, сары және ақшыл көк секілді ашық түсті де, ақ және қара түсті классикалық киімді де таңдауға болады. Киім үлгісін ерекше аксессуарлармен толықтырған жөн. Ол ашық түсті сөмке, трендке айналған көлемді сырға немесе алқа болуы мүмкін.
<img src="https://kyzylorda-news.kz/wp-content/uploads/2022/05/kojlek2.jpg" alt="" />
**Ретро стиліндегі көйлек 
**Көлемді иық, ерекше жаға, асимметриялық пішім, ілгектер: егер ретро стильді ұнататын болсаңыз, бітіру кешіне арналған ерекше киім үлгісін жасау мүмкіндігін жіберіп алмаңыз. Әсіресе, өткен ғасырдың 60-шы және 90-шы жылдарының стилінен шабыт алынған модельдерге мән беріңіз. Киім үлгісін әсерлі ету үшін оны ретро стиліндегі шаш үлгісімен толықтырыңыз. Мысалы, өте көлемді немесе голливудтық бұйра салу.&nbsp;
<img src="https://kyzylorda-news.kz/wp-content/uploads/2022/05/kojlek3.jpg" alt="" />
**Асимметриялық пішімдегі қара көйлек 
**Қарапайым, бірақ ерекше киім үлгісін жасау үшін асимметриялық пішімдегі трендті қара көйлек таңдауға болады. Ол жібек, мақта немесе барқыттан тігілген болуы мүмкін. Бірақ шараның ерекшелігін де ескеру қажет. Егер үсті ашық көйлек таңдасаңыз, оның ұзын болғаны жақсы. Әйтпесе, киім үлгісі бітіру кешіне орынсыз көрінуі мүмкін. Өте ашық макияждан да бас тартқан жөн. Ал ерекше аксессуарлар мұндай кештерге сай келеді.
<img src="https://kyzylorda-news.kz/wp-content/uploads/2022/05/kojlek4.jpg" alt="" />
**Інжу топ 
**Інжуден жасалған әшекейлер мен топтар — осы жаздың басты трендтерінің бірі. Мұндай ерекше топты ақ жейденің, стильді бодидің немесе көйлектің сыртынан киюге болады. Егер інжу топ аламын деп шешсеңіз, оның сапасына аса мән беріңіз. Моншақтар өзара дұрыс бекітілген болуы керек және оны ұзақ кию кезінде ыңғайсыз болмауы тиіс. Мұндай топты ұзын жібек белдемшемен де, белі жоғары тұратын классикалық шалбармен де киюге болады.
<img src="https://kyzylorda-news.kz/wp-content/uploads/2022/05/kojlek5.jpg" alt="" />
**Пайеткасы бар көйлек 
**Егер бітіру кешінде жарқырап жүргіңіз келсе, пайеткасы бар көйлек таңдауға болады. Пайеткасы бар көйлек арқылы аса күш салмай-ақ ерекше киім үлгісін жасауға болады. Егер мұндай көйлектің ашық түсті түріне көзіңіз түссе, аксессуарлардың түстері онымен үйлесімді болуын қадағалаңыз. Мысалы, пайеткалары бар алқызыл көйлекке ақ түсті аксессуарлар мен аяқ киім таңдауды ұсынамыз. Жасыл көйлекпен қара сөмке мен әшекейлер жарасады.
<img src="https://kyzylorda-news.kz/wp-content/uploads/2022/05/kojlek6.jpg" alt="" />
**Зефир көйлек 
**Осы жаздың ең нәзік тренді бітіру кешіне сай келеді. Зефир көйлектер өте жіңішке түймелігі бар босоножкамен және минималистік аксессуарлармен әдемі көрінеді. Егер мини ұзындықтағы киімдер киіп жүрген болсаңыз, оның қысқа түрін таңдауыңызға болады. Мұндай көйлектің нәзік алқызыл және сары реңктегі түрлері де, қанық қара және көк түсті түрлері де сәнді көрінеді.
<img src="https://kyzylorda-news.kz/wp-content/uploads/2022/05/kojlek7.jpg" alt="" />
**Түрлі-түсті костюм-шалбар 
**Егер көйлектер мен белдемшелер кигенді ұнатпасаңыз, шалбарлы костюм таңдаңыз. Ол тығыз матадан немесе зығыр, жібек, мақта секілді жеңіл маталардан да болуы мүмкін. Бастысы, оның ашық түсті болғаны жақсы. Мысалы, осы жазда алқызыл, қызғылт-сары, көк және жасыл түстер сәнде болады. Ал пиджактың ішінен әдемі жейде немесе топ киюге болады.
<img src="https://kyzylorda-news.kz/wp-content/uploads/2022/05/kojlek8.jpg" alt="" />
**Жеңдері үлпілдек көйлек 
**Ақ және түрлі-түсті жібектен немесе басқа да жеңіл маталардан тігілген көйлек бітіру кешіне жақсы келеді. Әсіресе, нәзік әрі романтикалық стильді ұнатсаңыз, осындай көйлектерге мән беріңіз. Жеңдері үлпілдек көйлекті өте кішкентай сөмкемен және платформасы биік трендті аяқ киіммен үйлестіру ұсынылады. Макияждың нәзік әрі табиғи болғаны жақсы.
<a href="https://massaget.kz/kyizdarga/sn/67993/">massaget.kz</a>

Бітіру кешіне киім таңдауға бірнеше идея

Kyzylorda-news.kz. ҚР басым бөлігінде жаңбыр жауады, елдің оңтүстік-батысында, оңтүстігінде, оңтүстік-шығысында қатты жаңбыр, найзағай, бұршақ, дауыл, екпінді жел, республиканың оңтүстік-батысында, солтүстік-шығысында шаңды дауыл күтіледі. Елдің солтүстік-батысында топырақ бетінде үсік күтіледі, деп хабарлайды Қазгидромет.
Түркістан облысының басым бөлігінде найзағай, таулы және тау бөктеріндегі аудандарда бұршақ, дауыл, солтүстікте, батыста, оңтүстікте, таулы және тау бөктеріндегі аудандарда жел 15-20, түнде таулы аудандарда екпіні 25 м/с жетеді.
Алматы облысының оңтүстігінде, таулы және тау бөктері аудандарында найзағай, бұршақ, дауыл, желдің күшеюі 18-23, екпіні 29 м/с күтіледі.
Қызылорда облысының орталығында шаңды дауыл, облысының солтүстігінде, шығысында, орталығында желдің күшеюі 15-20, екпіні 23 м/с жетеді, түнде облыстың шығысында найзағай, дауыл күтіледі.
Түнде Қарағанды облысының батысында, солтүстігінде, шығысында, күндіз солтүстігінде, шығысында найзағай, бұршақ, дауыл, желдің күшеюі 15-20, екпіні 23-28 м/с күтіледі.
Қостанай облысының оңтүстігінде, солтүстігінде найзағай, бұршақ, дауыл, желдің күшеюі түнде облыстың оңтүстігінде 15-20 м/с, күндіз басым бөлігінде 15-20, облысының оңтүстігінде, батысында екпіні 23-28 м/с күтіледі.
Солтүстік Қазақстан облысының оңтүстігінде, батысында, солтүстігінде найзағай, бұршақ, дауыл, желдің күшеюі түнде облысының оңтүстік-шығысында 15-20 м/с, күндіз басым бөлігінде 15-20, облысының оңтүстігінде, батысында екпіні 23 м/с күтіледі.
Ақмола облысының солтүстігінде, батысында, оңтүстігінде найзағай, бұршақ, дауыл, жел 15-20, күндіз облысының оңтүстігінде, батысында, шығысында екпіні 23-28 м/с күтіледі.
Батыс Қазақстан облысының батысында найзағай, облысының солтүстік-шығысында бұршақ, күндіз облысының батысында желдің екпіні 15-20 м/с күтіледі.
Атырау облысының солтүстігінде, батысында, орталығында найзағай, күндіз басым бөлігінде желдің күшеюі 17-22 м/с күтіледі.
Маңғыстау облысының солтүстігінде, шығысында, орталығында найзағай, күндіз облысының батысында, оңтүстігінде шаңды дауыл, желдің күшеюі түнде облысының солтүстігінде шығысында, күндіз басым бөлігінде 15-20, күндіз облысының солтүстігінде, шығысында, оңтүстігінде екпіні 25 м/с күтіледі.
Ақтөбе облысының солтүстігінде, батысында, шығысында найзағай, облысының батысында, оңтүстігінде желдің күші 15-20 м/с күтіледі.
Жамбыл облысының оңтүстігінде, солтүстігінде, таулы аудандарында найзағай, бұршақ, дауыл, облысының оңтүстік-батысында, солтүстік-шығысында, таулы аудандарында желдің күшеюі 15-20, екпіні 23-28 м/с күтіледі.
Шығыс Қазақстан облысының солтүстігінде, батысында, оңтүстігінде желдің күші 15-20, екпіні 25 м/с жетеді, күндіз бұршақ, найзағай күтіледі.
Павлодар облысының күндіз солтүстік жартысында найзағай, облысының батысында шаңды дауыл, күндіз басым бөлігінде желдің күшеюі 15-20 м/с күтіледі.
Шығыс Қазақстан облысының Жарма ауданында, Қызылорда, Павлодар облыстарының орталығында, Батыс Қазақстан оңтүстігінде, Ақтөбе облысының орталығында, солтүстігінде орталығында төтенше өрт қауіпі күтіледі.

22 мамырға арналған ауа райы болжамы

Kyzylorda-news.kz. Қызылорда облысының әкімі Нұрлыбек Нәлібаев мәдениет және өнер қызметкерлерінің кәсіби мерекесімен құттықтады.
Қадірлі қауым! 
Мәдениет саласының жанашырлары!
Бүгін төл өнерді төрге оздырып, жауһар жырды жүрегінде тербеткен мәдениет және өнер қызметкерлерінің кәсіби мерекесі.
Туған жеріміздің бай мәдени мұраларын дәріптеуге зор үлес қосып жүрген өнер жанашырларына шынайы құрметіміз зор. 
Алаштың анасы атанған қасиетті Сыр жерінде елдің атын әлемге әйгілеп, ұлық өнердің бүгінге дейін алтын арқауын үзбей, насихаттап жүрген, киелі сахна төрінде халықтың ыстық ықыласына бөленген өнер иелері аз емес.
Ұлы өнер жолында «Сыр елі – жыр елін» күллі әлемге танытқан мәдениет саласының майталмандарын кәсіби мерекемен құттықтаймын. Сіздерге шығармашылық ізденістер, жаңа табыстар тілеймін!

Аймақ басшысы мәдениет қызметкерлерін кәсіби мерекесімен құттықтады

Kyzylorda-news.kz. Облыс әкімі Нұрлыбек Нәлібаев кезекте тұрған тұрғындардың жеке мәселелері бойынша қоғамдық қабылдау өткізді.
Аймақ басшысы қабылдауға келген азаматтардың мәселелерін жеке-жеке қарап, өтініштерін тыңдады.
Азаматтар тұрғын үй алу, жұмыспен қамту, көз мүгедектігі бар жандарға қоғамдық көліктерде тегін жүру мәселесін көтерді.
Облыс әкімі мүгедектігі бар азаматтарға қолайлы жағдай жасау өзекті екенін, тұрғын үйлер тек кезек реттілігімен берілетінін жеткізді. Бұл ретте әрбір мәселені мұқият қарап, сала басшыларына бірқатар тапсырма берді.
Айта кетейік, тұрғындар облыс әкімінің қабылдауына egov порталы арқылы, е-otinish бірыңғай базасы немесе әкімдікке келіп жазбаша арыз тастау арқылы жазыла алады.
<img src="https://kyzylorda-news.kz/wp-content/uploads/2022/05/fb_img_1653104417438.jpg" alt="" />
<img src="https://kyzylorda-news.kz/wp-content/uploads/2022/05/fb_img_1653104420064.jpg" alt="" />

Облыс әкімі тұрғындардың мәселесін тыңдады

Kyzylorda-news.kz. Облыс әкімі Нұрлыбек Нәлібаев мемлекет және қоғам қайраткері, Тұңғыш Премьер-министр Ұзақбай Қарамановтың жұбайы Ұлдай Рахметоллақызы және Роза Бағланова атындағы «Қазақконцерт» мемлекеттік концерттік ұйымының директоры Ақтоты Райымқұловамен кездесті.
Басқосуда руханият саласында пікір алмасып, Ұзақбай Қарамановтың 85 жылдығын атап өту туралы ой қозғалды. Аймақ басшысы қайраткердің құрметіне арнап конференция өткізу, аты берілген көшеге естелік тақтайшасын орнату және Арал қаласындағы №262 мектеп-гимназиясына спорт алаңын салып беруге ықпал жасайтынын жеткізді. 
Кездесу барысында өңір басшысы Ұлдай Рахметоллақызына қазақтың игі дәстүріне сай Сыр жұртшылығының атынан қамзол кигізіп, ілтипатын көрсетті. 
Сондай-ақ, «Қазақконцерт» ұжымының Сыр еліндегі гастролін өткізу және Қызылорда облысы өнер шеберлерінің елорда төрінде шығармашылық сапарын ұйымдастыру мәселелері пысықталды.
Кездесу барысында өңір басшысы Ұлдай Рахметоллақызына қазақтың игі дәстүріне сай Сыр жұртшылығының атынан қамзол кигізіп, ілтипатын көрсетті.
<img src="https://kyzylorda-news.kz/wp-content/uploads/2022/05/fb_img_1653104146624.jpg" alt="" />

Басқосуға руханият саласы арқау болды

Kyzylorda-news.kz. Бұл туралы Президент Қасым-Жомарт Тоқаев Қазақстанның мәдениет және өнер қызметкерлерін құттықтауында айтты.
<blockquote>
 «21 мамыр – Қазақстанның мәдениет және өнер қызметкерлері күні. Ел идеологиясы мен жаңғыруында орны айрықша осы саланың барлық майталманын кәсіби мерекелерімен құттықтаймын! Сіздерге шығармашылық табыс тілеймін! Бүгін тиісті министрлікке «Қазақстанның халық әртісі» құрметті атағын қайтаруды қолға алу туралы тапсырма бердім»,-деп жазды Мемлекет басшысы өзінің Twitter-дегі парақшасында.
</blockquote>

«Қазақстанның халық әртісі» атағы қайтарылады

Kyzylorda-news.kz. Облыс әкімі Нұрлыбек Нәлібаев «Қазақстан іскер әйелдер қауымдастығының» төрайымы Раушан Сәрсембаевамен кездесіп, бірқатар мәселелерді талқылады.
Басқосуға облыстық мәслихат депутаты Аида Әбибуллаева, «Қазақстан іскер әйелдер қауымдастығының» облыс бойынша төрайымы Манат Алмашева қатысты.
Аймақ басшысы барлық салада ерлермен иық тіресе еңбек етіп, қоғамның бел ортасынан табылып жүрген әйелдер қауымының орны ерекше екенін тілге тиек етті.
Кездесуде Раушан Сәрсембаева көпбалалы аналарды кәсіппен айналысуға тегін үйрету және саясаткер әйелдер клубын ашу туралы ұсыныс айтты.
Жиын соңында аймақ басшысы қоғам игілігіне бағытталған ұсыныстарды қолдайтынын жеткізді.

Нұрлыбек Нәлібаев «Қазақстан іскер әйелдер қауымдастығының» төрайымымен кездесті

Kyzylorda-news.kz. Қазгидромет 21 мамырға арналған ауа райы болжамын жариялады.
Сенбі күні ҚР басым бөлігінде жаңбыр жауады, елдің батысында, солтүстік-батысында, оңтүстік-шығысында да жаңбыр, найзағай, бұршақ, дауыл, екпінді жел болады. Республиканың оңтүстік-батысында, солтүстігінде, оңтүстігінде шаңды дауыл күтіледі. Елдің солтүстік-шығысы мен орталығына әлі де антициклон жотасы әсер етіп, жауын-шашынсыз ауа райы болжанады.
Қызылорда облысында найзағай, дауыл, шаңды дауыл күтіледі, түнде облыстың батысында 15-20 м/с, күндіз басым бөлігінде 15-20, облыс орталығында екпіні 23-28 м/с жетеді.

Сенбіге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Бүгін Өңірлік коммуникациялар қызметінің ақпарат алаңында ҚР Парламент Сенатының депутаты Мұрат Бақтиярұлы жалпыхалықтық референдумға байланысты БАҚ өкілдерімен бірге дөңгелек үстел өткізді.
Жиын барысында Конституцияға енгізілетін өзгерістер мен толықтырулардың маңыздылығы айтылып, қоғамдағы түйіткүлді мәселелер кеңінен қозғалды. Сондай-ақ, Мұрат Бақтиярұлы халыққа референдумның өзектілігін түсіндіру керектігін де тілге тиек етті.
<blockquote>
 «ҚР Президенті Қасым-Жомарт Тоқаев 5 мамырда Ата-Заңымызға өзгеріс енгізу туралы республикалық референдум өткізу жөнінде Жарлыққа қол қойды. Бұл Тәуелсіз ел атанған 30 жыл ішінде ауқымды саяси шешім болмақ. Мемлекет басшысының наурыз айындағы Жолдауында саяси реформаның өзгеретінін және экономикалық тұрғыда нақты әрекеттер жүргізілетінін айтты. Осыған сәйкес, Конституциядағы 98 баптың 33-не өзгерістер енгізіледі. Жалпы биліктің 3 тармағы бар. Бірінші, билік тармақтарының арасындағы қарым-қатынасты оңтайландыру. Екінші, біздің азаматтарымызды мемлекеттік билікке тарту мәселесі. Үшінші, адам және адам құқықтары. Осы бағытта саяси жүйеде өзгеріс орын алады. Сонымен қатар қоғам арасында тіл мәселесі әлі күнге дейін өзектілігін жойған емес. Бізге дейінгі тіл жанашырлары да Парламент төрінде мәселе көтеріп, халықтың сөзін жеткізді. Қазақ тілінің мәртебесін көтеру үшін өз тілімізге сұраныс тудыртуымыз керек. Ол үшін кез келген халыққа қызмет жасайтын мекемелерде қазақ тілін білмейтін қызметкерлерді жұмысқа алмау керек. Бұл депутаттар мен мемлекеттік қызметкерлерге де қатысты мәселе. Елімізде халықтың әл-ауқатын көтеру бағытында бірқатар шаралар қабылданды. Тиісінше, 2025 жылға дейін дәрігерлер мен БАҚ өкілдерінің табысы бірнеше есеге өспек. Алда болатын жалпыхалықтық референдумға баршаларыңызды шақырамын. Еліміздің болашағы – ел азаматтарының қолында», – деді ҚР Парламент Сенатының депутаты Мұрат Бақтиярұлы.
</blockquote>

Мұрат Бақтиярұлы: Еліміздің болашағы &#8211; ел азаматтарының қолында

<a href="https://kyzylorda-news.kz/">Kyzylorda-news.kz.</a>&nbsp; Арал ауданында қуаңшылыққа қарсы шаралар нәтижесінде 30 жыл бойы су келмеген көлдер толды. Оның үстіне жауын-шашын да мол болып, жер көкке оранды. Мамыр айының өзінде жусанның биіктігі 25 сантиметрге жетті. Бұл туралы облыс әкімінің баспасөз қызметі хабарлады.
Табиғаттың мұндай сыйын соңғы 5-6 жылда байқамадық, дейді тұрғындар. Жалпы ұзақ жыл көзге түспеген өсімдік түрлері де бой көрсетіпті.
Өткен ғасырдың 60-жылдары Арал маңын қуаңшылық жайлаған, дейді көнекөздер. Сол жұт былтыр қайталанып, жаппай мал қырылды. Дегенмен, қыста қар мол түсті. Көктемгі жауын да жаман болмаған. Нәрленген жер, әрленіп шыға келді. Біраздан бері бой көрсетпегесі, жергілікті жұрт атын ұмыта бастаған өсімдіктер ерте көктемнен-ақ гүлдепті.
<blockquote>
 «Биыл өте жақсы деп айтуға болады. 22 сантиметрге дейін жусан өсті. Мысалы, шағыр, тағы да өсімдіктер бар. Мортық деген шөптеріміз бар. Өзімізге тән. Негізгі Арал өңірі бойынша 350 жуық өсімдіктің түрі бар», – деді «Барсакелмес» мемлекеттік табиғи қорығының директоры Хамит Қаниев.
</blockquote>
Өткен жылы мына жерлер қу тақырға айналып, мал жемейтін ащы шөптен басқа ештеңе шықпай қалған еді. Биыл төрт түлікке тез қоң беретін қоңырбас шөбінен бастап, жусан, жоңышқа, тіпті жабайы жуа мен саңырауқұлақта қаулап өсті.
Демек, алдағы 4-5 жылда мал азығынан тапшылық көрмейміз, дейді шаруалар. Ауданда биыл 15 жер асты су көзінің ұңғымасын қазу жоспарланған.
Бүгінге дейін төртеуінен су шығып тұр. Соның бірі Жақсықылыш ауылына жақын жерден іске қосылды. Тұщы су 160 метр тереңдіктен шықты.

Қамбаш және Ақшатау көлдеріне су келді

<a href="https://kyzylorda-news.kz/">Kyzylorda-news.kz.</a> Қызылорда облыстық прокуратурасының бастамасымен өңірдегі барлық елді мекендерді қамтитын «Заң керуені» акциясы жүзеге асырылуда.
Аталған шараның басты мақсаты – облыс көлеміндегі ауылдарға барып, тұрғындармен кездесу, олардың көкейінде жүрген сауалдарына жауап беріп, өтініштерін қарап, құқықтық көмек көрсету. 
Осыған орай бүгін Қызылорда облысы прокурорының орынбасары Нұрлан Ерманов бастаған облыс прокурорының аға көмекшілерінен және басқарма басшыларынан құралған арнайы топ іссапармен Қазалы ауданында болды.
Р.Бағланова атындағы мәдениет орталығында өткен шараны аудан әкімі Мұхтар Оразбаев ашып, ауданымызға арнайы келген топ құрамымен таныстырды.
Басқосуда Қызылорда облысы прокурорының орынбасары Нұрлан Ерманов пен аудан прокурорының міндетін атқарушы Дінмұхаммед Упабеков сөз алып, акцияның маңыздылығын түсіндірді.
Мұнан соң арнайы топ өкілдері басқосуға келген тұрғындарды жеке мәселелері бойынша қабылдап, сұрақтарына жауап берді.
«Заң керуені» акциясы аясында мұндай кездесулер Қазалы қаласы мен барлық ауылдық округтерде ұйымдастырылып, жеке қабылдау, əлеуметтік нысандардың жағдайын білу, тұрғындармен əңгімелесу, елді мекеннің жалпы жағдайын зерделеу жұмыстары жүргізілді.
Арнайы топпен жалпы әр ауыл бойынша қалыптасқан проблемалық мəселелердің тізімі жасақталып, тиісті жұмыстар жүргізу үшін бақылауға алынды.

Қазақстан және Қызылорда облысының жаңалықтары

1 қыркүйектен бастап мектептерге жаңа пән енгізіледі

Бітіру кешіне киім таңдауға бірнеше идея

22 мамырға арналған ауа райы болжамы

Аймақ басшысы мәдениет қызметкерлерін кәсіби мерекесімен құттықтады

Облыс әкімі тұрғындардың мәселесін тыңдады

Басқосуға руханият саласы арқау болды

«Қазақстанның халық әртісі» атағы қайтарылады

Нұрлыбек Нәлібаев «Қазақстан іскер әйелдер қауымдастығының» төрайымымен кездесті

Сенбіге арналған ауа райы болжамы

Мұрат Бақтиярұлы: Еліміздің болашағы – ел азаматтарының қолында

Қамбаш және Ақшатау көлдеріне су келді

Қазалыда «Заң керуені» акциясы аясында арнайы топ тұрғындарды қабылдады

Қазақстан және Қызылорда облысының жаңалықтары

1 қыркүйектен бастап мектептерге жаңа пән енгізіледі

Бітіру кешіне киім таңдауға бірнеше идея

22 мамырға арналған ауа райы болжамы

Аймақ басшысы мәдениет қызметкерлерін кәсіби мерекесімен құттықтады

Облыс әкімі тұрғындардың мәселесін тыңдады

Басқосуға руханият саласы арқау болды

«Қазақстанның халық әртісі» атағы қайтарылады

Нұрлыбек Нәлібаев «Қазақстан іскер әйелдер қауымдастығының» төрайымымен кездесті

Сенбіге арналған ауа райы болжамы

Мұрат Бақтиярұлы: Еліміздің болашағы &#8211; ел азаматтарының қолында

Қамбаш және Ақшатау көлдеріне су келді

Қазалыда «Заң керуені» акциясы аясында арнайы топ тұрғындарды қабылдады

Мұрат Бақтиярұлы: Еліміздің болашағы – ел азаматтарының қолында