<a href="https://kyzylorda-news.kz/">Kyzylorda-news.kz.</a> Облыс әкімінің орынбасары Мархабат Жайымбетовтың төрағалығымен өткен кеңесте Жаңақорған ауданының әкімі Мұрат Тлеумбетов 13,5 млрд.теңгені құрайтын 148 жобаны таныстырды. Оның 139-ның жоба-сметалық құжаттары дайын. Қалған 11-і жоба-сметалық құжаттарын әзірлеуді қажет етеді.
Кеңесте Жаңақорған ауданындағы құрылыс нысандары таныстырылып, керекті қаржы көлемі айтылды. Атап айтқанда, білім беру ұйымдары, денсаулық сақтау мекемелері, мәдени нысандар және спорттық орталықтардың құрылыс жұмыстары талқыланды. Соның ішінде елді мекендерді және әлеуметтік нысандарды жылу жүйесімен қамтамасыз ету жобалары бірден қолдау тапты. Дегенмен, бірқатар әлеуметтік нысандардың құрылысы қосымша қаралатын болады. Кейбір жөндеуді қажет ететін ғимараттардың жұмыстары кейінге шегерілді.
Айта кету керек, кеңестің алдағы отырысында Қызылорда қаласындағы құрылыс-нысандарының жобалары қаралады.

Арнайы кеңесте Жаңақорған ауданының 148 жобасы қаралды

<a href="https://kyzylorda-news.kz/">Kyzylorda-news.kz.</a>&nbsp; Балаларды қорғау күні мерекесі қарсаңында аудандық «Жалын» тынығу-лагері жазғы маусымын бастады.
Ашылу салтанатына аудан әкімі Мұрат Ергешбаев қатысып, жас өрендерді құттықтады.
<blockquote>
 «Бүгіннен бастап балаларымыз жазғы мектеп аясында лагерьлерде демалып, шығармашылықпен айналыса алады. Биылғы маусымда жазғы демалыспен 6 мың бала қамтылса, тарихи экскурсиялармен 1 мың жас жеткіншекті таныстыру қолға алынбақ. Бұл демалуға тиісті балалардың 90 пайызын құрайды. Оның ішінде аз қамтылған əлеуметтік қолдауды қажет ететін отбасынан шыққан балалар 100 пайыз демалыспен қамтылады. Сонымен бірге балалар жылы аясында демеушілер есебінен аз қамтамасыз етілген отбасынан шыққан 
 100 бала Алматы облысындағы «Тау Жаңашар» лагеріне жіберілетін болды», – деді Мұрат Нәлхожаұлы.
</blockquote>
Айта кетейік, аудан әкімінің қолдауымен облыстық мәслихат депутаты Расул Есенов «Жалын» тынығу лагеріне демеушілік етіп, музыкалық аппаратура сыйға тартылды. Мерекелік іс-шара балғындардың концертіне ұласты.

Сырдария ауданында 6 мың бала жазғы демалыспен қамтылады

<a href="https://kyzylorda-news.kz/">Kyzylorda-news.kz.</a>&nbsp; Ғани Мұратбаевтың 120 жылдығына орай пайдалануға берілген «Жастар үйінің» ашылу салтанатына арнайы келген құрметті қонақтар, аудан әкімі Мұхтар Оразбаев пен аудандық мәслихат хатшысы Бақытжан Жарылқап қатысты.
Аудан басшысы Мұхтар Оразбаев құттықтау сөз сөйлеп, тарихи тұлғаның есімі мәңгілік ұмытылмайтынын атап өтті.
<blockquote>
 «Шығыстың жалынды жетекшісі Ғани Мұратбаевтың ізбасарлары қашанда өте белсенді. Қай салада болмасын қол жеткізген жетістіктері ұшан-теңіз. Біздің тарапымыздан оларға қолдау көрсету жағы да назардан тыс қалып жатқан жоқ. Мәселен, өткен жылы Қазалы қаласында жастар ресурстық орталығы ашылып, өз жұмысын бастаған болатын. Бүгін міне, Ғани атамыздың туған күні қарсаңында жастар жаңа ғимаратқа қоныс аударып жатыр. Бұл орын тегін жер емес. Қазалы қаласындағы тамыры тереңнен сыр шертетін тарихи орындардың бірі. Жақында жөндеу жұмыстары жүргізілді. Жастармен бірге мұнда ардагерлерге де бір кабинет бөліп отырмыз. Ақылшы ағаларымыз жастарға өздерінің ақыл-кеңестерін айтып, тәжірибелерімен бөлісетін болады», – деді Мұхтар Әуесұлы.
</blockquote>
Салтанатты шарада Қызылорда қаласынан арнайы келген Шығыс жастарының жалынды жетекшісі Ғани Мұратбаевтың ізін жалғаушы Алмагүл Божанова ізгі лебізін жеткізсе, еңбек ардагері Жақсыбай Орынбасаров жастарға арнап ақ батасын берді.
Мұнан соң «Жастар үйінің» лентасы салтанатты түрде қиылып, жиналғандар ғимараттың ішін аралады. Нысанның іші жарық әрі кең. Мұнда жастарға арналған орындармен қатар, ардагерлер бөлмесі де қарастырылған.
Жаңадан ашылған «Жастар үйінде» Ғани Мұратбаевтың 120 жылдығына орай «Замана Заңғары – Ғани» атты дөңгелек үстел өткізілді.
Дөңгелек үстелде Тәуелсіздік алған алғашқы жылдары Сырдария ауданын басқарып, облыстық мәслихаттың хатшысы қызметін абыроймен атқарған Алмагүл Божанова, Қазалы аудандық комсомол комитетінің бірінші хатшысы қызметін атқарған Дана Сабырбаева, аудандық ардагерлер кеңесінің төрағасы Оразғали Бекбанов, 1984-1986 жылдары Қазалы аудандық комсомол комитетінің бірінші хатшысы болған Бақберген Кашимов, қалалық жастар ресурстық орталығының директоры Нұрбек Ақпанбетов және тағы басқа азаматтар сөз сөйлеп, өз ой-пікірлерін айтты.
Мұнан соң, Ғани Мұратбаевтың ескерткішіне гүл шоқтарын қойылып, тарихи тұлғаның рухына тағзым жасалды.
<img src="https://kyzylorda-news.kz/wp-content/uploads/2022/06/285667935_314617197526198_6955499552815380254_n.jpg" alt="" />
<img src="https://kyzylorda-news.kz/wp-content/uploads/2022/06/285776152_314617394192845_7846695289697071277_n.jpg" alt="" />
<img src="https://kyzylorda-news.kz/wp-content/uploads/2022/06/285804345_314617320859519_7807671792433698751_n.jpg" alt="" />
<img src="https://kyzylorda-news.kz/wp-content/uploads/2022/06/282132385_314617297526188_6107083413128504607_n.jpg" alt="" />

Қазалы қаласында «Жастар үйі» ашылды

<a href="https://kyzylorda-news.kz/">Kyzylorda-news.kz.</a>&nbsp; Облыс әкімінің жанындағы Кеңестің отырысына Шиелі ауданының жобалары ұсынылды. Облыс әкімінің орынбасары Мархабат Жайымбетов және кеңес мүшелері аудан әкімі Нариман Мақұлбековтің баяндамасын тыңдап, жобаларды талқыға салды.
Шиелі ауданы бойынша 65 жоба ұсынылды. Оның 38-і құрылыс монтаж жұмыстарына, жоба сметалық құжаттарға 27 жоба. Оларды іске асыруға 15,9 млрд. теңге қажеттігі айтылды. Республикалық бюджеттен 14,4 млрд. теңге, облыстық бюджеттен 1,1 млрд. теңге, жергілікті бюджеттен 431 млн. теңгені құрап отыр.
«Алайда, облыс бойынша 205 жобаны іске асыруға 132 млрд. теңге қажет. Сондықтан, алғашқы кезекте елді мекендерді газдандыру, инфрақұрылым жұмыстарын реттеу керек. Ал, Қарғалы елді мекені тұсынан Сырдария өзенінің үстінен өтетін автомобиль көпірінің құрылыс жобасын қосымша зерттеуге жолдаймыз», – деді Мархабат Жайымбетұлы.

Кеңес отырысына Шиелі ауданының жобалары талқыланды

<a href="https://kyzylorda-news.kz/">Kyzylorda-news.kz.</a>&nbsp; Синоптиктер Қазақстанда 3 маусымға арналған ауа райы болжамын ұсынды. Еліміздің батыс өңірлерінде күн райы жауын-шашынсыз болады.
<blockquote>
 Қазақстанның қалған бөлігінде жаңбыр жауады, найзағай ойнайды, бұршақ жауады, жел күшейеді, түнде және таңертең шығыста тұман, орталықта топырақ бетінде үсік болады.«Қазгидромет» РМК
</blockquote>
Қызылорда облысының&nbsp;орталығында дауыл тұрады, түнде және таңертең жел күшейеді.

Жұмаға арналған ауа райы болжамы

<a href="https://kyzylorda-news.kz/">Kyzylorda-news.kz.</a>&nbsp; Биыл Шығыстың жарық жұлдызы, жерлесіміз Ғани Мұратбаевтың дүниеге келгеніне 120 жыл. Осыған орай бүгін Ғани Мұратбаевтың туған жерінде салтанатты іс-шара өтті.
Салтанатты шарада аудан әкімі Мұхтар Оразбаев бастаған құрметті қонақтар Ғани ескерткішіне гүл шоқтарын қойып, жерлесіміздің рухына тағзым етті.
Мұнан соң аз ғана ғұмырында артында өшпестей із қалдырған тұлғаның өмірінен театрландырылған көрініс қойылды.
Аудан әкімі Мұхтар Оразбаев қасиетті топырақта дүниеге келіп, тарихи тұлғаға айналған Ғани Мұратбаевтың есімі мәңгілік сақталатынын жеткізді.
<blockquote>
 «Жастардың көзқарасын өзгертiп, қоғамға жаңа леп, тың идея алып келген Ғани Мұратбаев тек қазақ жастарының ғана емес, күллi Орта Азия халқының жастар көшбасшысы болды. Қазақ жастарының, сауатсыздықтың көзiн ашқан да – осы Ғани Мұратбаев.
 Кеңес Одағы кезінде жастардың тәлім-тәрбиесі мен оқуына ықпал еткен комсомол ұйымына Ғани Мұратбаев талантты басшы болды. Ол аудан шеңберіне сыймай өлкелік өрге, аймақтық аренаға, қала берді күллі Шығыс жастарының қамқоршысы болуға құлашын созды.
 Талант пен дарындылық, талап пен ынта, қайрат пен жігер оны қияға алып шықты. Азғантай біліммен биік белестерді бағындырды», – деді Мұхтар Әуесұлы.
</blockquote>
Аудан басшысы мерейтойға орай облыс әкімі Нұрлыбек Мәшбекұлы арнайы “Құттықтау” хатын жібергенін тілге тиек етіп, оны Ғани Мұратбаев ауылдық округінің әкіміне табыстады.
Сондай-ақ, 2017 жылы Ғани Мұратбаевтың 110 жылдық мерейтойын жоғары деңгейінде өтуіне лайықты үлес қосқан Мұрат Имандосовқа қазақтың қара домбырасын сыйға тартты.
Мерейтойда мезгілінде аудандық комсомол комитетінің хатшысы, Сырдария ауданының әкімі, облыстық мәслихат хатшысы қызметін атқарған Алмагүл Божанова, Қызылорда облысы мен Қазалы ауданының құрметті азаматы Самұрат Имандосов құттықтау сөз сөйледі.
Салтанатты шарада мерейтойдың өтуіне лайықты үлес қосқан бірқатар отбасыларға аудан әкімінің «Алғыс хаты» табысталып, құрмет көрсетілді.
Айта кетейік, Ғани Мұратбаевтың 120 жылдығына орай футбол, жүгіру, сурет салу және ұлттық спорт түрлерінен жарыстар ұйымдастырылды. Сондай-ақ, облыстық ақындар мүшәйрасы мен қолөнер шеберлерінің көрмесі де өткізіліп, жеңімпаздар бағалы сыйлықтармен марапатталды.
<img src="https://kyzylorda-news.kz/wp-content/uploads/2022/06/282163994_3369009663319957_5334453812385182061_n.jpg" alt="" />
<img src="https://kyzylorda-news.kz/wp-content/uploads/2022/06/282246744_3369009983319925_6372384852672888416_n.jpg" alt="" />
<img src="https://kyzylorda-news.kz/wp-content/uploads/2022/06/282200223_3369010073319916_3833173176133959707_n.jpg" alt="" />
<img src="https://kyzylorda-news.kz/wp-content/uploads/2022/06/282333266_3369009879986602_1932473394562921120_n.jpg" alt="" />

Замана заңғары – Ғани Мұратбаев

<a href="https://kyzylorda-news.kz/">Kyzylorda-news.kz.</a> Шиелі ауданында «Сыр ұланы» тынығу жазғы демалыс лагерінің ашылу салтанаты өтті. Лагерьдің ашылуында сөз алған аудан әкімі Нариман Мақұлбеков пен аудандық білім бөлімінің басшысы Қанат Әмзеев оқушыларға сәттілік тілеп, лагерьде көтеріңкі көңіл күймен демалуларына өз тілектестігін білдірді.
Салтанатты жиын барысында 1 маусым – Халықаралық балаларды қорғау күніне орай балғын балаларымызға аудан кәсіпкерлерінің көмегімен 50 велосипед сыйға тартылды.
Сондай-ақ, “Балалардың қауіпсіздігі басты назарда” акциясы аясында жазғы демалыс уақытында төтенше жағдайлар орын алған жағдайда шұғыл түрде жүргізілетін авариялық құтқару жұмыстарымен және арнайы техникаларымен төтенше жағдайлар бөлімі тарапынан таныстырылып, акция аясында лагерь тынығушыларына тегін балмұздақтар таратылды.
Жалпы «Сыр ұланы» балаларды сауықтыру қосымша білім беру орталығында биыл 700 бала тынығады.
«Сыр ұланы» балалар лагерінде оқушыларға көңіл көтеріп, жазғы демалыс уақытын қызықты етіп өткізуге барлық жағдайлар жасалған. 
«Көркемсурет», «Киімді моделдеу және дизайн», «Жас шахматшылар», «Халық биі» «Тенис», «Робототехника» үйірмелері лагерь ұжымымен бірлесіп жұмыс жасайды.
Әр ауысым бойынша лагерь тынығушылары 1 күндік табиғат аясына саяхатқа шығып, онымен қоса кент әкімшілігіне қарасты «Арман» мәдениет үйімен, спорт кешенімен тығыз байланыста болады. 
Әр ауысымдағы 100 тынығушы уақыттарын тиімді және қызықты өткізу мақсатында келісімшартпен шомылу орталығына апарылады.
Лагерь 7 ауысым бойынша жұмыс жасап, әр ауысымда 100 бала қабылдану жоспарлануда. Келетін тынығушылар ауданның 40 мектебі бойынша әлеуметтік жағдайларына байланысты жинақталып, тынығуға келетін болады.
<img src="https://kyzylorda-news.kz/wp-content/uploads/2022/06/284663288_1369039723599229_7448856670598740859_n.jpg" alt="" />
<img src="https://kyzylorda-news.kz/wp-content/uploads/2022/06/285404109_1369039423599259_1420875857489772594_n.jpg" alt="" />

Шиелі ауданында «Сыр ұланы» сауықтыру лагері жұмысын бастады

<a href="https://kyzylorda-news.kz/">Kyzylorda-news.kz.</a>&nbsp; Бүгін партия жанындағы республикалық штабтың мүшесі, ҚР Парламенті Мәжілісінің депутаты Ғалым Әміреев Қызылорда облыстық диагностикалық кеңес беру орталығының ұжымымен кездесті.
Кездесу барысында Конституцияны бүкілхалықтық дауыс беру арқылы өзгерту халықтың еркін білдіруінің айқын көрінісі болатындығын, «биліктің көзі – халық» деген принципті жүзеге асыруға жол ашылатынын, бұл тек Президент не Парламент шешетін мәселе емес, бұл – бүкілхалықтық деңгейдегі міндет екендігін кеңінен талқыланды.
<blockquote>
 «Мемлекеттің болашағына бей-жай қарамайтын кез келген қазақстандық жалпыхалықтық референдумның маңызын түсінуі керек. Ел болашағы үшін конституциялық реформа жасау қажеттігін Президентіміздің өзі де айтты. Біз конституциялық реформаның шешуші кезеңіне қадам басып жатқанымызды түсінуіміз керек. Шын мәнінде, мұның ел тағдыры үшін айрықша мәні бар. Сондықтан айдың 5-ші жұлдызында өтетін жалпыхалықтық референдумға дауыс беруге баршаңызды шақырамын. Өзгерістерге жету үшін таңдау жасайтын сәттен қалыс қалмаңыздар, – деді республикалық штабтың мүшесі Ғалым Әміреев.
</blockquote>
Сондай-ақ сайлаушылармен кездесуге облыстық, қалалық штаб мүшелері де қатысып, ұжымға түсіндірме жұмыстарын жүргізді.
Штаб мүшелерімен өткен басқосуға қатысқан медицина қызметкерлері санаулы күндерден соң өтетін науқанға біркісідей атсалысатындарын жеткізді.
<img src="https://kyzylorda-news.kz/wp-content/uploads/2022/06/285498639_165574515934675_4595336686773793186_n.jpg" alt="" />

Ғалым Әміреев: Өзгерістерге өз таңдауымызбен жетеміз

<a href="https://kyzylorda-news.kz/">Kyzylorda-news.kz.</a>&nbsp; Спорт саласындағы лауазымды тұлғалар тексерушіге пара бергені үшін жауапқа тартылды. Бұл туралы Сыбайлас жемқорлыққа қарсы іс-қимыл агенттігі хабарлады.
Агенттіктің мәліметінше, спорт саласындағы лауазымды тұлғаларды тексерушіге пара бергені үшін жауапқа тартты.
2022 жылдың 27 мамырында Қызылорда облысында Дене шынықтыру және спорт басқармасының басшысы Оспановқа қатысты айыптау үкімі шығып, оған 5 миллион теңге көлемінде айыппұл салынды.
Осы үкіммен Олимпиадалық резервтің облыстық мамандандырылған балалар мен жасөспірімдер мектебінің 5 директоры Жұмабаев, Ильин, Ақбергенов, Сексембаев пен Кикбаев 10-нан 20 миллион теңгеге дейін түрлі айыппұл төлеуге міндеттелді.
Жоғарыда аталған барлық тұлғалар облыстың спорт мектептерінің қызметіне жүргізілген талдау бойынша оң шешім шығарғаны үшін тексеруші адамға 6,5 миллион теңге мөлшерінде пара беруге оқталғаны үшін кінәлі деп танылды.
Олар өмір бойы мемлекеттік қызметте қызмет атқару құқығынан айырылды.
Үкім заңды күшіне енген жоқ.

Қызылорда: Балалар мен жасөспірімдер мектебінің 5 директорына қатысты сот үкімі шықты

<a href="https://kyzylorda-news.kz/">Kyzylorda-news.kz.</a> «Азаматтарға арналған үкімет» мемлекеттік корпорациясы КЕАҚ Қызылорда облысы бойынша филиалымен кәсіподақ ұйымы «1 маусым – Халықаралық балаларды қорғау күні» қарсаңында филиал қызметкерлерінің балалары арасында конкурс ұйымдастырған еді.
Үміткер 13 бала музыкалық аспаптармен орындаған шығармаларын видео түрінде байқауға ұсынып, М.Қалауова атындағы Қызылорда қалалық өнер мектебі директорының орынбасары Жадыра Қожатаева өрендердің өнерін сараптады. Әділқазы шешімімен 6 бейне шығарма жүлдеге лайық деп танылды.
Атап айтсақ, 12 жастағы байқоңырлық Аян Сабиханов байқаудың бас жүлдесін қанжығасына байласа, қызылордалық Ақжан Келесбай І орын тұғырынан көрінді. Жүлделі ІІ орынды Нұржан Болат пен Нұраян Марат өзара бөлісті. Ал, ІІІ орынды Айбол Болатбек пен Жарқынай Әбілқасым қанағат етті. Мұнан бөлек қос қазалылық бір отбасының екі баласы Абай Оңғар мен Айым Оңғарға ынталандыру сыйлығы табысталды. Бүгін филиал директоры Айнұр Тобаева додада оза шапқан өнерлі балаларды марапаттады.
<blockquote>
 «Сіздерді алдымен «1 маусым – Халықаралық балаларды қорғау күні» мерекесімен шын жүректен құттықтаймын. Биыл – балалар үшін ерекше жыл. Мемлекет басшысы Қасым-Жомарт Тоқаев 2022 жылды «Балалар жылы» деп жариялады. Қазіргі таңда еліміздің барлық өңірінде балалардың шығармашылығын, денсаулығын білімін арттыру бағытында түрлі шаралар атқарылуда. Біз де өз кезегімізде сіздерді қуанту мақсатында осы байқауды өткіздік. Өнерлеріңізді тамашалап, сүйсіндік. Кейінгі ұрпақтың талантты, өнерлі болып өсіп келе жатқандығы бізді қатты қуантты. Әрқашан биіктерді бағындырып, мемлекетіміздің байрағын желбірете беріңіздер. Еліміздің ертеңі сіздермен жарқын» – деді Айнұр Тобаева.
</blockquote>
Марапаттау рәсімінде жеңімпаздар өз алғыстарын шығармаларын орындау арқылы жеткізді.
<img src="https://kyzylorda-news.kz/wp-content/uploads/2022/06/photo5244487228758013954.jpg" alt="" />
<img src="https://kyzylorda-news.kz/wp-content/uploads/2022/06/photo5244487228758013969.jpg" alt="" />
<img src="https://kyzylorda-news.kz/wp-content/uploads/2022/06/photo5244487228758013957.jpg" alt="" />

Өнерлі балаларға жүлделер табысталды

<a href="https://kyzylorda-news.kz/">Kyzylorda-news.kz.</a>&nbsp; Қызылордада «Балаларға күлкі сыйла» науқаны өтуде. Ұйымдастырушы – Әлеуметтік медициналық сақтандыру қорының облыстық филиалы. Балаларды қорғау күніне орай бірқатар медициналық мекемелерде Ашық есік күндері өтті. Бұл науқандарда балаларға міндетті әлеуметтік медициналық сақтандыру аясында стоматологиялық қызметтер тегін көрсетіледі.
Күн сайын «Элит-стом Қызылорда» клиникасы 18 жасқа дейінгі 10-15 баланы қабылдайды.
11 жастағы Рамазан тәттілерді, балмұздақтарды, газдалған сусындарды жақсы көреді. Мұның бәрі тістер мен қызыл иектерге зиян келтіреді. Тіс дәрігерінің кеңесінен кейін алтыншы сынып оқушысы тістерді емдеу және пломбалаудың тегін емін бастады.
<blockquote>
 Жақында бір жарым жасар қыздың ата-анасы жүгінді. Оның екі тісінде кариес пайда болды, ол асқыну кезеңіне – пульпитке айналды. Тістерін емдедік. Ата-анасына қызына тісін тазалауды үйрету керектігі ескертілді. Өкінішке орай, қөбінесе ата-аналарда сүт тістері күтімді қажет етпейді деп қате ой болады. &nbsp;Тістерді жас кезден сақтау керек, – дейді балалар тіс дәрігері Күләш Төлепова.
</blockquote>
Әлеуметтік медициналық сақтандыру қорының облыстық филиалының бөлім басшысы Абылайхан Рахимовтың айтуынша, МӘМС аясында азаматтардың 15 жеңілдік санатындағы 18 жасқа дейінгі &nbsp;балалар шұғыл және жоспарлы қызметтерді тегін ала алады. Жоспарлы түрде: анестезия, пломба салу, терапиялық қабылдау, пульпитті, периодонтитті емдеу, гипоплазия, флюороз кезінде тістің анатомиялық формасын толық функционалды қалпына келтіру. Сондай-ақ, тісті жұлудың хирургиялық әдістері, еріннің, тілдің френальды бөлігіне пластикалық хирургия, жақ рентгені және анестезия.
<img src="https://kyzylorda-news.kz/wp-content/uploads/2022/06/whatsapp-image-2022-06-01-at-15.22.29-1.jpeg" alt="" />

Абылайхан Рахимов: МӘМС аясында  балалар шұғыл және жоспарлы қызметтерді тегін ала алады

<a href="https://kyzylorda-news.kz/">Kyzylorda-news.kz.</a> ҚР Ұлттық экономика министрінің бұйрығымен, облыс әкімінің келісімі негізінде Табиғи монополияларды реттеу комитетінің Қызылорда облысы бойынша департаментінің басшысы қызметіне Зеріпбаев Мирас Мақсетұлы тағайындалды.
Бүгін аймақ басшысы Нұрлыбек Нәлібаев актив отырысында департамент басшысының жаңа қызметіне сенім білдірді.
<blockquote>
 «Мирас Мақсетұлы жаста болса еліміздің ірі мегаполистерінде жауапты қызмет жасаған. Сондықтан, жаңа қызметінде жинақтаған тәжірибесін, жастық жігер мен кәсіби әлеуетін аймақтың дамуына арнап, табиғи монополияларды реттеу саласын жүйелі қадамдармен ретке келтіреді деп сенім білдіремін», – деді Н.Нәлібаев.
</blockquote>
Мирас Зеріпбаев Алматы облысында дүниеге келген. Алматы энергетика және байланыс, сондай-ақ Қаныш Сатпаев атындағы Қазақ ұлттық техникалық зерттеу университеттерін бітірген.
Еңбек жолын «Авислогистик» жауапкершілігі шектеулі серіктестігінің экспедиторы ретінде бастаған. 
Әр жылдары жеке секторда жауапты қызметтер атқарды.
2017-2020 жылдары Ұлттық экономика министрлігі Табиғи монополияларды реттеу, бәсекелестікті қорғау және тұтынушылардың құқықтарын қорғау комитеті Электр энергетикасы саласын реттеу басқармасының сарапшысы болған.
2020-2021 жылдары Ұлттық экономика министрлігі Табиғи монополияларды реттеу комитетінің Павлодар облысы бойынша департамент басшысының орынбасары.
2021 жылдан бастап осы кезге дейін Ұлттық экономика министрлігі Табиғи монополияларды реттеу комитетінің Алматы қаласы бойынша департамент басшысының орынбасары қызметін атқарып келді.
<img src="https://kyzylorda-news.kz/wp-content/uploads/2022/06/miras.jpg" alt="" />

Қазақстан және Қызылорда облысының жаңалықтары