<a href="https://kyzylorda-news.kz/">Kyzylorda-news.kz.</a> Қызылорда облысының полиция департаменті халықтың қауіпсіздігі мен тыныштығын қамтамасыз ету жөнінде барлық қажетті жедел шараларды қабылдауда. Елімізде орын алған соңғы оқиғаларға байланысты 5-19 қаңтар аралығында елімізде төтенше жағдай режимі жарияланды. Төтенше жағдай кезінде&nbsp; негізгі шаралар мен шектеулер бекітілді. 23-00-ден 7-00-ге дейін коменданттық&nbsp; сағат енгізілді.
<blockquote>
 «Ішкі істер органдарына 381 адам жеткізілді, олардың әрқайсысының іс-әрекеттеріне құқықтық баға беріледі. Оның ішінде 43 адамға қатысты ҚР ӘҚБтК-нің 476-бабының 6-бөлігі бойынша әкімшілік хаттамалар рәсімделіп,ҚР ӘҚБтК-нің 488-бабының талаптарын бұзғаны үшін 31 азамат жауапқа тартылды.
 Арнайы жедел-тергеу тобы құрылып, бүлікке қатысқан 38 адам анықталып, УҰИ-на, оның ішінде Ұлттық ұланның сарбазын өлтірді деген күдікті қамауға алынды», – делінген полиция департаментінің таратқан ақпаратында.
</blockquote>
Полиция күштерімен банкоматтарды инкассациялау қамтамасыз етілуде.
Қоғамдық қауіпсіздікті сақтау мақсатында қала көлемінде 5 блок бекет, ал 7 ауданда 23 блок бекет қойылды. Бұл бекеттерде тәулік бойы полиция қызметкерлерінің нарядтары, әскери қызметшілер кезекшілік етеді. Арнайы техникамен қамтамасыз етілген.
Қызылорда облысының полиция департаменті төтенше жағдай кезінде барлық азаматтарды енгізілген шектеу мен қоғамдық тәртіпті сақтауды сұрайды.
<blockquote>
 «Облыс аумағында енгізілген шектеулерге байланысты&nbsp; Сіздерді тек аса қажеттілік болған жағдайда ғана үйлеріңізден шығуларыңызды сұраймыз! Шыққан жағдайда өздеріңізде жеке куәліктеріңіз болуы қажет. Алаңдатушылыққа бой алдырмай қауіпсіздік шараларын сақтап, құқық қорғау органдары қызметкерлерінің заңды талаптарын орындауларыңызды&nbsp; сұраймыз», – делінген хабарламада.
</blockquote>

Қызылорда облысы бойынша 28 блок бекет қойылды

<a href="https://kyzylorda-news.kz/">Kyzylorda-news.kz.</a> 10 қаңтардағы ақпарат бойынша Қызылорда облысында зардап шеккен кәсіпкерлік нысандардың саны 26-ға жетті.
Кәсіпкерлер палатасы мен облыстық кәсіпкерлік және туризм басқармасына хабарласқан бизнес өкілдері залалдың жалпы сомасы 395,4 млн теңгені құрайтынын жеткізді.
<blockquote>
 «Қызылорда қаласында «Компас», «Sinooil», «ГазЭнерджи» жанар-жағар май бекеттеріне, «Сұлтан», «Фристайл», «Бірлік», «Аль-асад» сауда үйлерінің ғимараттарына, төлем терминалдарына, М-ломбардтың ғимаратына залал келтіріліп, мүліктерін (азық-түлік, алтын бұйымдары, ақша) тонау фактілері орын алған. Келтірілген залалдың көлемін нақты айту қиын. Дегенмен Палата мен облыстық басқармаға хабарласып, өтініштерін қалдырып жатқан кәсіпкерлердің сөздеріне сүйенсек, залалдың жалпы сомасы 395,4 млн теңгені құрайды. Шығындар әлі де болса есептелуде. Байланыс түзетілген соң, біз кәсіпкерлермен хабарласып, толық ақпарат пен дәлелдейтін құжаттарды аламыз. Сондықтан, кәсіпкерлерден залалды дәлелдеу үшін барлық деректерді фото және видео арқылы тіркеуді сұраймыз», – дейді Қызылорда облысы кәсіпкерлер палатасының директоры Ғалымбек Жақсылықов.
</blockquote>
Республика көлемінде «төтенше жағдайдың» жариялануына байланысты Қызылорда облысы полиция департаментінің бастығы, аумақтық комендант – Бектөре Сұлтанның 2022 жылғы 8 қаңтардағы №4 Бұйрығына сәйкес Қызылордада коменданттық сағат енгізілді (сағ. 23.00-ден 07.00-ге дейін). Бұйрыққа сай:
– облыс көлемінде азық-түлік дүкендері және дәріханалардың жұмыс уақыты сағат 09.00-ден 18.00-ге дейін;
– облыс көлемінде алкогольдік өнімдердің сатылуына тыйым салынды:
– облыс көлемінде кафе-барлар, мейрамханалар, қоғамдық моншалар, сауналар, спорттық ұйымдар, ойын-сауық орталықтарының жұмысына тыйым салынды.
Аталған бұйрықтың орындалу мерзімі жағдай тұрақталып, арнайы шешім қабылданғанға дейін күшінде сақталады.
<blockquote>
 «Мүмкіндікті пайдаланып, қала тұрғындары мен қонақтарына, кәсіпкерлерге қауіпсіздік шараларын, коменданттық сағатты қатаң ұстанып, тәртіпті сақтауға шақырамын. Президентіміздің саяси ұстанымының және тиімді шешімдерінің нәтижесінде елімізде тыныштық орнап, қалыпты өмірімізге қайта ораламыз деп сенемін», – деді Ғалымбек Жақсылықов.
</blockquote>
Орын алған оқиға барысында зардап шекккен кәсіпкерлер Қызылорда облысы кәсіпкерлер палатасына мына нөмірлер бойынша хабарласа алады: 8 701 779 90 90, 8 777 454 98 12, 8 777 647 24 44, 8 777 456 30 90, 8 705 600 69 93, 8 701 929 11 13, 8 702 530 69 33, 8 777 259 43 73.

Қызылордада зардап шеккен кәсіпкерлік нысандар саны 26-ға жетті

<a href="https://kyzylorda-news.kz/">Kyzylorda-news.kz.</a>&nbsp; Өткен тәулікте ел өңірлерінде коронавирус 2216 адамнан анықталды, деп хабарлайды&nbsp;<a href="https://www.coronavirus2020.kz/">coronavirus2020.kz</a>&nbsp;сайты.
Өңірлер бойынша:
Нұр-Сұлтан қаласы – 1494,
Алматы қаласы – 80,
Шымкент қаласы – 141,
Ақмола облысы – 27,
Ақтөбе облысы – 34,
Алматы облысы – 29,
Атырау облысы – 97,
Шығыс Қазақстан облысы – 24,
Жамбыл облысы – 46,
Батыс Қазақстан облысы – 24,
Қарағанды облысы – 51,
Қостанай облысы – 3,
Қызылорда облысы – 37,
Маңғыстау облысы – 28,
Павлодар облысы – 39,
Солтүстік Қазақстан облысы – 25,
Түркістан облысы – 37.
Жалпы пандемия басталғалы Қазақстанда коронавирус&nbsp;999654&nbsp;адамнан анықталды.

Өткен тәулікте 37 қызылордалықтан коронавирус анықталды

<a href="https://kyzylorda-news.kz/">Kyzylorda-news.kz.</a> 11 қаңтар күні Қазақстан аумағының басым бөлігі ауқымды антициклон ықпалында болады, деп хабарлайды Қазгидромет.
Осыған орай жауын-шашынсыз күн райы күтіледі. Республиканың тек батысы мен шығысында жаңбыр мен қар түрінде жауын болжанады. Елдің жекелеген өңірлерінде тұман, көктайғақ, екпінді жел, жаяу бұрқасын болады.
Атырау облысының батыс және орталық бөлігінде тұман, көктайғақ болжанады. Өңірдің шығысында жел 15-20 м/с дейін күшейеді.
Түнде Маңғыстау облысының батысы мен орталығында – көктайғақ, оңтүстігінде 15-20 м/с жылдамдықта жел күтіледі.
Күндіз Ақтөбе облысының батысында жаяу бұрқасын болжанады, өңірдің шығысында түнде желдің күші 15-20 м/с артады.
Түркістан облысының оңтүстігі мен батысында, сондай-ақ таулы, тау бөктерлі аумақтарында тұман болжанады. Таулы аудандарда желдің екпіні 15-20 м/с күшейеді.
Алматы облысының оңтүстігі мен шығысында тұман, көктайғақ болады.
Жалаңашкөл аумағында желдің жылдамдығы 18-23 м/с артады.
Шығыс Қазақстан облысының солтүстік бөлігінде жел 15-20 м/с жетеді. Өңірдің солтүстігінде түнде жаяу бұрқасын жүреді.
Жамбыл облысының солтүстігі мен таулы аудандарында тұман, көктайғақ күтіледі.
Ақмола облысының оңтүстік-шығысында, Батыс Қазақстан облысының батысында, Қостанай және Қарағанды облыстарының шығысында, Қызылорда облысының орталығында, Солтүстік Қазақстан және Павлодар облыстарының оңтүстігінде тұман болады.

11 қаңтарға арналған ауа райы болжамы

<a href="https://kyzylorda-news.kz/">Kyzylorda-news.kz.</a>&nbsp; Еліміздегі жастар ұйымдары қазақстандықтарға үндеу жолдады.
Құрметті жас қазақстандықтар!
Біз, Қазақстан жастары, Қазақстанның даңқты тарихы мен дәстүрлерін жалғастырушылар, қоғам мен мемлекеттің жоғары мүдделерін негізге ала отырып, ел мен Қазақстан халқы алдындағы өзінің қасиетті борышын сезіне отырып, бірлік пен ұйымшылдықты, бейбітшілік пен қоғамдық келісімді, Тәуелсіздіктің мызғымас құндылықтарын қорғай отырып, Ел Президенті Қ.К. Тоқаевқа терең құрмет пен алғыс білдіре отырып, осы қиын-қыстау сәтте еліміздің жас ұрпағына үндеу жасаймыз.
Біз Мемлекет басшысы Қ.К. Тоқаевтың ҚР Конституциясына сәйкес әрекет ететін, қажетті шешімдерді қабылдайтын – еліміздің барлық азаматтарының тыныштығы үшін күресетін барлық бастамаларын толық қолдаймыз!
Қазақстанның жас азаматтарын төтенше жағдай талаптарына, Заңға қатаң бағынуға, ел тыныштығын бұзатын арандатушылардың сөзіне сенбеуге, тек ресми дереккөздерге ғана сенуге шақырамыз.
Бүгінде еліміздің барлық өңірлерінде волонтерлік штабтар жұмыс істейді, оларға жастар проблемалық мәселелерді шешу үшін жүгіне алады. Сондай-ақ жастар волонтерлік штабтардың қызметіне қатыса алады.
Осындай сын сағатта біз ел Президентінің айналасына топтасып, біртұтас болуға тиіспіз. Бізге ел тыныштығы мен ынтымағы, халық бірлігі керек! Бізде бір ел, бір халық, бір тағдыр бар! Күшіміз бірлікте!
«Nur Otan» партиясы жанындағы «Jas Otan» ЖҚ;
«Қазақстанның жастар конгресі» ЗТБ;
«Ассамблея жастары» РҚБ;
«Жас ұлан» ББҰ» РҚБ;
«Жасыл ел» РЖЕОШ;
«Қазақстан студенттер альянсы» РСҚ;
«Болашақ» Халықаралық стипендиясы стипендиаттардың ассоциациясы» ҚБ;
«Казақстан КТК Одағы» РҚБ;
Өңірлік жастар ұйымдары;
Нұр-Сұлтан, Алматы, Шымкент қалалары мен облыстардың жастар ресурстық орталықтары.

Қазақстан жастары үндеу жолдады

<a href="https://kyzylorda-news.kz/">Kyzylorda-news.kz.</a> Мемлекет басшысы ҰҚШҰ Ұжымдық қауіпсіздік кеңесінің кезектен тыс сессиясына қатысты.
Бүгін елімізде қалыптасқан жағдайға байланысты Қазақстан Президентінің бастамасымен шақырылған Ұжымдық қауіпсіздік шарт ұйымы Ұжымдық қауіпсіздік кеңесінің кезектен тыс сессиясы бейнебайланыс режимінде өтті.
Жиынға Қасым-Жомарт Тоқаевпен қатар Арменияның Премьер-министрі Никол Пашинян, Беларусь Президенті Александр Лукашенко, Ресей Президенті Владимир Путин, Тәжікстан Президенті Эмомали Рахмон, Қырғызстан Министрлер кабинетінің Төрағасы – Президент Әкімшілігінің Басшысы Ақылбек Жапаров және ҰҚШҰ Бас хатшысы Станислав Зась қатысты.
<img src="https://akorda.kz/public/assets/media/uploadMedia/1641805869_DAA_1305_2.jpg" alt="" />
Қазақстан Президенті сессия қатысушыларына елімізде қалыптасқан ахуал мен оны тұрақтандыру үшін қабылданып жатқан шаралар туралы мәлімет берді. Мемлекет басшысы ҰҚШҰ бойынша әріптестеріне көрсеткен көмектері үшін ризашылығын білдірді.
<blockquote>
 «Шын мәнінде, ҰҚШҰ-ға мүше мемлекеттердің бірінің қауіпсіздігін, тұрақтылығы мен тұтастығын қамтамасыз ету үшін Ұйымның бітімгерлік күштерінің ауқымды түрде жұмылдырылу жағдайы бірінші рет болып отыр. Біз үшін ҰҚШҰ бойынша әріптестеріміздің әскери ғана емес, моральдық қолдау көрсетуі де аса маңызды. Ұйымға мүше мемлекеттердің бәрі біртұтас майдан болып, Қазақстанның үндеуін бірауыздан қолдады», – деді Қасым-Жомарт Тоқаев.
</blockquote>
<img src="https://akorda.kz/public/assets/media/uploadMedia/1641805906_DSC_3390_2%20(2).jpg" alt="" />
Президент Ұйымның бұдан пайдалы әрі жақсы тәжірибе алатынын, осал тұстар талданып, тиісті шешім шығарылатынын, реттеуші құжатқа түзетулер енгізілетінін атап өтті.
<blockquote>
 «ҰҚШҰ беделді әскери-саяси ұйым ретінде өзінің қажетті әрі тиімді екенін көрсетті. Бұл мемлекеттеріміздің тұрақтылығы мен қауіпсіздігін қамтамасыз ететін нақты механизм», – деді Мемлекет басшысы. &nbsp;
</blockquote>
<img src="https://akorda.kz/public/assets/media/uploadMedia/1641805959__.jpg" alt="" />
Саммит барысында ҰҚШҰ-ға мүше мемлекеттер басшылары Қазақстан Республикасындағы жағдай жөнінде пікір алмасып, еліміздің басшылығы жасап жатқан іс-әрекеттерді қолдайтынын айтты. Сондай-ақ тұрақтылық пен конституциялық тәртіпті қалпына келтірудің маңызды екеніне назар аударды. ҰҚШҰ Бас хатшысы Станислав Зась бірлесе қабылдаған шешімдердің жүзеге асырылу барысы туралы баяндады.
Мемлекеттер басшылары ҰҚШҰ Ұжымдық бітімгерлік күштерінің Қазақстандағы миссиясы аяқталғанша тұрақты байланыста болуға уағдаласты.

Мемлекет басшысы ҰҚШҰ бойынша әріптестеріне ризашылығын білдірді

<a href="https://kyzylorda-news.kz/">Kyzylorda-news.kz.</a>&nbsp; Ел бірлігіне, тәуелсіздіктің тұтастығына сын сағаты&nbsp; туды. Жағдайды толығымен Мемлекет басшысы бақылауға алды. Туындаған мәселе рет-ретімен шешілуде. «Ел аман, жұрт тыныш» деген бір ауыз сөздің мәнін әрбір адам жете түсініп, оған өз үлесін қосуы тиіс.
Мына жағдайдан халық бейбіт өмірдің бағасын жан-тәнімен сезініп, ұғына түсті деп ойлаймын. Бізге керегі – ашық аспан мен тыныш өмір. Тәуелсіздігіміздің тұрақтылығын ұстап тұру сіз бен біздің қолымызда. Енді бар күш-жігерімізді соған жұмсауымыз керек. Оған әрбір адам үйінде отырып та үлес қосады.
Еліміздегі қайғылы жағдай демократия мен адам құқығы мәселелерінің жаңа қырын ашып көрсеткенін Президент айтып өтті. Мәслихат депутаттары ҚР Конституциясы мен заңдары аясында қабылданған барлық шешімді толық қолдайды. Осы орайда өз атымнан жерлестерімізді ортақ заңға бағынуға шақырамын. Себебі халық үніне құлақ асатын мемлекет қағидасына сай қабылданып жатқан шешімдер мәселені шешуге бағытталған.
Қазақстан аумағында тер­рористік қауіптің&nbsp; «шекті қызыл» деңгейі енгізілді. Ан­ти­террорлық операциялар басталды. Оны ұйым­дастырғандар, жалған ақпарат таратқандардың барлығы жауапқа тартылатыны белгілі. Билік пен халық арасына сына қағуға тырысушылар бар екеніне көзіміз жетуде. Сондықтан халықтан тек ресми ақпарат көздеріне сенуін сұраймыз. Облыс тұрғындары аса бір қажеттілік болмаса көшеге себепсіз шықпауы керек. Тұрғындар өздерімен бірге жеке куәлігін алып жүруі тиіс. Аймақта жағдай тұрақтанып келеді. Территориялық тұтас­тығымыз бен мем­лекетіміздің бүтіндігі – ұлы мақсат. Ұлттың ұлағаттығы, тәуелсіздіктің баяндылығы, елдің амандығы – ең басты мүдде. Халқымыз парасатты дәстүрі бар келешегі мол халық.&nbsp; Болашақтың жарқын болуының кепілі, ең алдымын, бейбіт өмірде. Бейбіт өмірдің қадірін білуді ата-бабамыз қай заманнан ұрпақтан-ұрпаққа аманаттап келеді. Сондықтан, ата-баба аманатына абай болайық, ағайын!
Наурызбай БАЙҚАДАМОВ,
облыстық мәслихат хатшысы
<img src="https://kyzylorda-news.kz/wp-content/uploads/2022/01/1566967313_1566928907_baykadamov-e1641795022151.jpg" alt="" />

Туындаған мәселе рет-ретімен шешілуде

<a href="https://kyzylorda-news.kz/">Kyzylorda-news.kz.</a> Қызылорда облысында жағдай тұрақты. Бүгінде тіршілікті қайта қалпына келтіру жұмыстары жүргізілуде.
Төтенше жағдай режиміне байланысты облыстық полиция департаментінде жедел-штаб жұмыс жасауда. Бүгінде 365 азамат полиция органдарына жеткізілді.
<blockquote>
 «Ахуалға байланысты бірыңғай 1414 Call-орталығы 7 қаңтардан бері жұмыс істеп тұр. Осы аралықта өңірде 4432 қоңырау түскен. Қоңыраулардың басым бөлігі авиа-жд билеттерді алу немесе қайтару, интернеттерді қосу туралы бағытында қойылды. Өңірде азық-түлік қорында тапшылық жоқ. 34 әлеуметтік дүкен қалыпты жұмыс істеуде. Тұрақтандыру қорының қоймасында 1448 тонна өнім сақтаулы. Апта сайын 120 автокөлік Түркістан қаласынан азық-түлік тауарларын тасымалдайды», – делінген полиция департаментінің хабарламасында.
</blockquote>
Тұрмыстық тіршілікке қажетті газ, бензин қорында дажетіспеушілік жоқ. Қазіргі таңда сұйытылған газ бағасы 60-65 теңгеден, АИ-92&nbsp;180 теңгеден, дизель 229 теңге.
Шағын және орта бизнес иелері де қалыпты жұмысты бастады. Бүгінде 17 базар, 89 ірі сауда үйлері, 129 АЗС, 359 дәріхана желілері мен азық-түлік дүкендері жұмыс жасап тұр.
Айта кетейік, 5 қаңтардан бүгінгі күнге дейін 204 адам медициналық көмекке жүгінді. Оның 48-і ауруханаға жатқызылды. 13-і жан сақтау бөлімінде емделуде.

Қызылордада тәртіп бұзған 365 азамат ұсталды

<a href="https://kyzylorda-news.kz/">Kyzylorda-news.kz.</a> Содырлар елордадағы Президент резиденциясын басып алмақ болған. Бұл жайында ҚР Президенті Қасым-Жомарт Тоқаев айтты.
<blockquote>
 «Алматы мен 9 облыс орталығы бандиттердің қолына өтті. Біз контртеррористік режим жарияладық. Қазақстан ҰҚШҰ-на жәрдем көрсету өтінішін жасады. Біздің өтінішіміз дер уақытында қабылданды. Елордаға үш әскери-көлік ұшағының келгенін білген содырлар президенттік резиденцияны басып алуға бағытталған жоспарларын дереу тоқтатты. Осының арқасында біз қосымша күшті Алматыға жіберуге және қаланы содырлардан қайтарып алуға мүмкіндік алдық», – деді Мемлекет басшысы ҰҚШҰ Ұжымдық қауіпсіздік кеңесінің кезектен тыс сессиясында.
</blockquote>
Еске салайық, ҚР Президенті Қасым-Жомарт Тоқаев ҰҚШҰ мүше елдердің басшыларынан ел аумағындағы террористік қауіпті еңсеру үшін Қазақстанға көмек көрсетуді сұраған болатын.
<a href="https://www.inform.kz/kz/sodyrlar-elordadagy-prezident-rezidenciyasyn-basyp-almak-bolgan-tokaev_a3883345">ҚазАқпарат</a>

Мемлекет басшысы: Содырлар елордадағы Президент резиденциясын басып алмақ болған

<a href="https://kyzylorda-news.kz/">Kyzylorda-news.kz.</a> Синоптиктер 11-13 қаңтардағы ауа райына арналған болжамын жариялады, деп хабарлайды Қазгидромет.
Синоптиктердің болжауынша, елімізге келген солтүстік-батыс антициклоны аязды тудырады.
<blockquote>
 «Еліміздің солтүстік, орталық және шығыс аймақтарына әлі де солтүстік- батыс антициклоны ықпал етуде: кей жерлерде 30, жалпы 20-25 С-қа дейін аяз болады . 12 қаңтарда солтүстік және оңтүстік циклондар өздерімен бірге қар, боран әкеледі, сондай-ақ ауа температурасы қысқа мерзімді көтеріледі . Алайда 13 қаңтарда суық солтүстік-батыс антициклоны артқа қарай жылжып, өзімен бірге еліміздің солтүстік-батысы, солтүстік, шығыс және орталыққа қайтадан 30 градусқа дейін аяз әкеледі», делінген хабарламада.
</blockquote>
Ал Қазақстанның оңтүстік, оңтүстік-шығыс өңірлеріне келетін болсақ, мұнда оңтүстік циклонның әсерінен жауын-шашын (жаңбыр, қар) болады, тұман түсіп, көктайғақ болады, жел күшейіп, сондай-ақ ауа температурасының 2-10 градусқа біртіндеп көтерілуі мүмкін.

Алдағы үш күнге арналған ауа райы болжамы

<a href="https://kyzylorda-news.kz/">Kyzylorda-news.kz.</a>&nbsp;Қазақстанда лаңкестікке, экстремизм мен зорлық-зомбылыққа жол жоқ және егемендігіміз бен аумақтық тұтастығымызға қол сұғуға жол берілмейді. Бұл туралы Ұжымдық қауіпсіздік кеңесінің кезектен тыс сессиясында Мемлекет басшысы Қасым-Жомарт Тоқаев мәлім етті, деп хабарлайды <a href="https://www.inform.kz/kz/elge-tongen-kauip-katerdin-beti-kaytty-memleket-basshysy_a3883401">ҚазАқпарат</a>.
<blockquote>
 «Қазақстан азаматтарының құқығы қорғалатынын ерекше айтып өткім келеді. Біз лаңкестікке, экстремизм мен зорлық-зомбылыққа жол бермейміз. Оның үстіне Қазақстанда шабуылға еш жол жоқ. Біздің егемендігіміз бен аумақтық тұтастығымызға қол сұғуға жол берілмейді. Және Қазақстан халықаралық міндеттерін қатаң сақтайды. Құрметті достар, әріптестер, қазіргі уақытта Қазақстанда Конституциялық тәртіп қалпына келтіріліп, қайта орнады. Елге төнген қауіптің беті қайтарылды. Бүгінде лаңкестікке қарсы операция аясында елге болған жағдайға қатысы барларды анықтап, табу жұмысы жүріп жатыр. Қазірдің өзінде құзырлы орган 8 мыңға жуық адамды ұстады. Құқық қорғау органдары ұсталғандардың лаңкестікке, бұзақылыққа және кісі өліміне қаншалықты қатысы барын тексеріп жатыр», – деді Қасым-Жомарт Тоқаев.
</blockquote>
Бұған дейін Мемлекет басшысы жаппай тәртіпсіздік кезінде кейбір бұзақылардың қарапайым тұрғын боп киініп алып, сақалын алып тастап жатқанын айтқан еді.
Айта кетейік, санаулы ғана уақыт бұрын Ұжымдық қауіпсіздік кеңесінің кезектен тыс сессиясы онлайн форматта өтті.
Жиын Қазақстан тарапының бастамасымен шақырылды.

Қасым-Жомарт Тоқаев: Елге төнген қауіп-қатердің беті қайтты

<a href="https://kyzylorda-news.kz/">Kyzylorda-news.kz.</a>&nbsp;ҚР Президенті Қасым-Жомарт Тоқаев Қазақстанға қарсы агрессия ұйымдастырушылары туралы пікір білдірді, деп хабарлайды <a href="https://www.inform.kz/kz/kr-prezidenti-kazakstanga-karsy-areketti-uyymdastyrushylar-turaly-pikir-bildirdi_a3883400">ҚазАқпарат</a>.
<blockquote>
 «Митингілер өтіп, олардың қатысушылары әлеуметтік-экономикалық және қоғамдық-саяси талаптарды жариялады. Олардың барлығы естілді және мемлекет тарапынан орындалды. Үкімет отставкаға кетті. Автогаз бағасы бұрынғы деңгейде бекітілді. Біз әлеуметтік-экономикалық нақты шаралар кешені мен қоғамдық-саяси реформалардың нақты жоспарын қабылдау туралы жарияладық. Алайда Қазақстанға қарсы агрессия ұйымдастырушылары үшін бұл ешқандай маңызға ие болмады. Стихиялық наразылықты жамылып, жаппай тәртіпсіздік толқыны жайылып кетті», – деді ҚР Президенті ҰҚШҰ Ұжымдық қауіпсіздік кеңесінің кезектен тыс сессиясында.
</blockquote>
Мемлекет басшысының айтуынша, бір бұйрықпен діни радикалдар, криминалды элементтер, тонаушылар, бандиттер және басқа да ұсақ бұзақылар бас көтергендей болды.
<blockquote>
 «Әлеуметтік, экономикалық, қоғамдық-саяси талаптар кейінге ысырылды. Осыдан кейін өз сағатын күткен қарулы содырлар тобы әрекет ете бастады. Басты мақсаты да белгілі болды – конституциялық құрылымды бұзу, басқару институттарын құлату, билікті басып алу. Мұнда мемлекеттік төңкеріс туралы айтылып отыр», – деді Қасым-Жомарт Тоқаев.
</blockquote>
Өз сөзінде Мемлекет басшысы барлық қарулы оқиғалардың бір орталықтан үйлестірілгенін айтты.

Қазақстан және Қызылорда облысының жаңалықтары