<a href="https://kyzylorda-news.kz/ru/">Kyzylorda-news.kz</a>. Қызылордада дәстүрлі медицина қызметкерлерінің спартакиадасы өз мәресіне жетті. Биыл 54-ші мәрте жалауын көтерген іс-шара денсаулық сақтау саласының ардагерлері Дина Абпазова мен Әлайдар Әбдуайтұлының 80 жылдық мерейтойына арналды. Қорытынды жиында үздіктер марапатталып, құрметке бөленді.
Аталған спартакиадада спорттың 8 түрінен өткізілді. Тартысты додаға облыстың медицина мекемелерінің барлығы 23 команда қатысып, сынға түсті.
Жарыс қорытындысымен, облыстық психикалық денсаулық орталығының мамандары командалық есепте І орынды жеңіп алды. Қызметкерлер арқан тартудан, эстафетадан, баскетболдан, орнында тұрып секіруден үздік көрсеткішке ие болды. Сонымен қатар, үстел теннисі, волейбол мен тоғызқұмалақ ойнаудан да жақсы нәтиже көрсетті. Ал ІІ орынды – облыстық көпбейінді аурухана иемденсенсе, ІІІ орынды – Қызылорда медициналық колледжі алды.
<blockquote>
 «Біздің команда дәстүрлі спартакиада жыл сайын жоғары жетістікке жетеді. Бұл мамандарымыздың ұдайы салауатты өмір салтын ұстанып, спортпен үздіксіз шұғылдануының нәтижесі. Биыл жарыс екі ардагеріміздің 80 жылдық мерейтойтойына орай ұйымдастырылуда. Оның ішінде Дина Абпазова көп жыл облыстық психикалық денсаулық орталығында еңбек еткен алдыңғы буын әріптесіміз. Бұл кісінің медицина саласына сіңірген еңбегі бізге үлгі”, – деп атап өтті облыстық психикалық денсаулық орталығының директоры Әділбай Медетбаев.
</blockquote>
<img src="https://kyzylorda-news.kz/wp-content/uploads/2022/06/54aa7f8d-3392-4d93-8902-7b3d41111d78.jpg" alt="" />
<img src="https://kyzylorda-news.kz/wp-content/uploads/2022/06/65d7ca18-29ed-47d8-831a-5389d9aaf2f4.jpg" alt="" />

Медицина қызметкерлерінің спартакиадасы өз мәресіне жетті

<a href="https://kyzylorda-news.kz/">Kyzylorda-news.kz.</a>&nbsp; Қазақстанда өткен тәулікте 13 адамнан коронавирус анықталды.
Оның ішінде:
Нұр-Сұлтан қаласында – 6,
Алматы қаласында – 5,
Ақмола облысында – 1,
Қызылорда облысында -1,
COVID-19 таралуына жол бермеу жөніндегі ведомствоаралық комиссиясының&nbsp;<a href="https://t.me/MVK_kz_Covid19">мәліметтеріне</a>&nbsp;қарағанда, елімізде коронавирус инфекциясын жұқтырғандар саны 1 305 828-ге жетті.

Қызылордада 1 адамнан коронавирус анықталды

<a href="https://kyzylorda-news.kz/">Kyzylorda-news.kz.</a> Қызылорда облысында «МӘМС жүйесіне тарту» жұмыс тобы өз жұмысын бастады. Жақында ақпараттық-насихаттау тобы аудандарда тұрғындармен кездесті.
МӘМС жүйесінің басталуымен ел халқының міндетті әлеуметтік медициналық сақтандырумен қамту бойынша ауқымды жұмыстар жүргізілуде. Бұл мәселе Үкімет тарапының ерекше бақылауында. Облыс әкімінің орынбасарының төрағалығымен өткен Өңірлік штабтар аясында МӘМС жүйесінің өзекті мәселелері мен оларды шешу жолдары талқылануда. Мәселен, облыс басшылығының тапсырмасы бойынша «МӘМС жүйесіне тарту» жұмыс тобы құрылды. Жақында ақпараттық-насихаттау тобының мүшелері қала, аудан, ауыл тұрғындарымен кездесті.
<blockquote>
 «Биыл аймағымызда халықты МӘМС жүйесімен қамту бойынша Жол картасы бекітілді. Осы іс-шаралар жоспарында денсаулық сақтау, жұмыспен қамту және әлеуметтік бағдарламалар, еңбек саласындағы бақылау басқармаларының, мемлекеттік кірістер департаментінің, Әлеуметтік медициналық сақтандыру қорының, Мемлекеттік әлеуметтік сақтандыру қорының филиалдарының, сондай-ақ аудандардың, Қызылорда, Байқоңыр қалаларың әкімдіктерінің және барлық тиісті жергілікті атқарушы органдардың бірлескен іс-қимылдары айқындалған. Біздің басты мақсатымыз – барлық азаматтар сапалы медициналық көмекті толық көлемде алуы үшін халықты МӘМС жүйесімен қамту», – деп атап өтті жұмыс тобының мүшесі, Әлеуметтік медициналық сақтандыру қорының облыстық филиалының бөлім басшысы Абылайхан Рахымов.
</blockquote>
А.Рахымовтың айтуынша, МӘМС жүйесінде облыс тұрғындарының 83% – ы сақтандырылған, бірақ 136 мыңнан астам қызылордалықтар медициналық көмекті толыққанды алу мүмкіндігінен айырылып отыр. «Сақтандырылған» мәртебесін алу үшін соңғы 12 айда МӘМС жүйесінде төлемдер болуы тиіс. Осыған байланысты, белсенді емес халықты бірыңғай жиынтық төлемді үздіксіз төлемдеріне тарту тапсырылды. Сонымен қатар, тиісті басқармаларға мемлекеттік және бюджеттік мекемелердің қызметкерлеріне МӘМС-ға жарналар мен аударымдарды уақтылы төлеу туралы тапсырмалар берілді. Осы бағыттағы жұмыстар жалғасуда. Жұмыс берушілер қызметкерлердің ақылы еңбек демалысына және еңбекке жарамсыздық демалысына шыққан кезде бухгалтерлердің жарналарды есептеуіне ерекше назар аударуы керек. Сондай-ақ, аудан әкімдеріне 15 жеңілдік санатындағы азаматтарға медициналық көмектің қол жетімділігіне мұқият бақылауға алу және халыққа МӘМС жүйесінің артықшылықтарын түсіндіру тапсырылды.
Жұмыс тобы өз жұмысын жалғастыруда. МӘМС мәселелері бойынша өңір халқымен кездесулер тоқсан сайын өтетін болады.
<img src="https://kyzylorda-news.kz/wp-content/uploads/2022/06/awdandar-6.jpeg" alt="" />
<img src="https://kyzylorda-news.kz/wp-content/uploads/2022/06/awdandar-7.jpeg" alt="" />

МӘМС: Аймақ тұрғындарының 83 пайызы сақтандырылған

<a href="https://kyzylorda-news.kz/">Kyzylorda-news.kz.</a>&nbsp;Білім және ғылым министрлігі мектепке дейінгі және орта білім комитетінің төрағасы Гүлмира Каримова мектеп формасына қатысты пікір білдірді.
<blockquote>
 “Қазақстан – ол зайырлы мемлекет. Сол себепті мектептер де зайырлы мекемелер болып саналады. Мектеп формасы туралы 2016 жылғы бұйрық бар, ол күшін жойған жоқ. Біз біліммен қамтылмауы мүмкін қыздарды оқу процесіне қосу туралы айтып отырмыз. Сондықтан бұл мәселені шешудің жолдары мен тетіктен іздестіріп жатырмыз. Бұл жерде әңгіме хиджаб туралы болып отырған жоқ”, –&nbsp;деді Гүлмира Каримова.&nbsp;
</blockquote>
Комитет төрағасының сөзінше, қазір түрлі ұсыныстар түскен. Соның ішінде оларды отандық мектептерде онлайн оқыту мүмкіндігі және оларды оқу үдерісіне тарту бойынша басқа да ұсыныстар бар екен.
<blockquote>
 “Ең бастысы, барлығын орта біліммен қамту. Бұл балалардың осы бөлігін мектепте білім алуы үшін жасалып отыр. Тағы бір айтарым, қазіргі уақытта мектеп формасына қатысты бұйрық өз күшінде, ешқандай өзгеріс енгізілген жоқ. Біз барлық баланы біліммен қамтамасыз етудің түрлі мүмкіндіктерін талқылаймыз. Бұл эмоцияға беріліп шешілетін мәселе емес, қоғамда әртүрлі пікірлер бар екені рас. Ең алдымен балалардың мүдделері мен заңнамадағы нормаларды негізге алуымыз керек”, –&nbsp;деді ол.
</blockquote>

Білім және ғылым министрлігі орамалға қатысты мәлімдеме жасады

<a href="https://kyzylorda-news.kz/">Kyzylorda-news.kz.</a> Облыс әкімі Нұрлыбек Нәлібаев кезектілік тәртібімен жазылған 8 тұрғынды жеке сұрақтары бойынша қабылдап, көкейде жүрген мәселелерін тыңдады.
Қабылдауға келген азаматтардың басым бөлігі әлеуметтік көмек сұрап, денсаулық сақтау саласына, тұрғын үй мәселесіне қатысты сауалдар көтерді және тұрақты жұмысқа орналасу жөнінде көмек сұрады.
Облыс әкімі тұрғын үй беру заң аясында кезек тәртібімен берілетінін баса айтып, уақытша баспанамен қамту жұмыстары жүргізілетінін жеткізді. Сондай-ақ, әлеуметтік мәселелерге қатысты жауапты сала басшыларына тапсырма жүктеді.
Айта кетейік, тұрғындар облыс әкімінің қабылдауына egov порталы арқылы, е-otinish бірыңғай базасы немесе әкімдікке келіп жазбаша арыз тастау арқылы жазыла алады.
<img src="https://kyzylorda-news.kz/wp-content/uploads/2022/06/286947951_318666940454557_4599247060093312733_n.jpg" alt="" />

Облыс әкімі жеке қабылдау өткізді

<a href="https://kyzylorda-news.kz/">Kyzylorda-news.kz.</a> 9 маусым күні Қазақстанның басым бөлігі циклонның және онымен байланысты атмосфералық фронттардың ықпалында болады. Соған байланысты ауа райының құбылмалы сипаты күтіледі: найзағай, бұршақ, дауыл, жаңбыр.
Еліміздің тек шығысында жауын-шашынсыз ауа райы қалыптасады. Республика бойынша жел күшейіп, оңтүстік-батыста, оңтүстікте, солтүстікте шаңды дауыл көтеріледі, деп хабарлайды Қазгидромет.
Түнде және таңертең&nbsp;Қызылорда облысында&nbsp;желдің күші 15-20 м/с артады. Облыс орталығында төтенше өрт қаупі сақталады.

Бейсенбіге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Бұл туралы ҚР Мемлекеттік хатшысы Ерлан Қарин мәлімдеді.
<blockquote>
 «Аталған консультативтік-кеңесші органның құрамына Парламент депутаттары, Қазақстан халқы Ассамблеясының, азаматтық қоғам мен саяси партиялардың өкілдері, кәсіпкерлер мен көрнекті сарапшылар, сондай-ақ өңірлік қоғамдық кеңестердің мүшелері кіреді. Ұлттық құрылтайдың ең маңызды міндеттерінің бірі – қоғамдық бірігуді одан әрі дамыту бойынша идеялар мен қадамдар жасау», деп жазды Ерлан Қарин.
</blockquote>

Ұлттық құрылтайдың бірінші отырысы 16 маусымда Ұлытау облысында өтеді

<a href="https://kyzylorda-news.kz/">Kyzylorda-news.kz.</a>&nbsp;Бүгінде облыстағы тұрақтандыру қорында 78,9 тонна қант бар. Дегенмен, әлеуметтік дүкендерде қант тапшылығы сезілуде. Осыған байланысты «Азық-түлік келісім шарт корпорациясы» ҰК» АҚ арқылы 272 тонна қант тұрақтандыру қорына жеткізіліп, 38 әлеуметтік дүкендер мен әлеуметтік бүрыштарда төменгі бағада сатылуда. Бұл туралы Өңірлік коммуникациялар қызметінде өткен брифингте облыстық ауыл шаруашылығы және жер қатынастары басқармасы басшысының орынбасары Айнұр Тлеулеева мәлімдеді.
Оның айтуынша, қант өнімінің қат болуының басты себебі – шет мемлекеттерге тәуелді болуымыздан және көршілес мемлекеттердегі саяси ахуалға байланысты дейді. Бұл мәселені оңтайландыру үшін облыс әкімдігі тарапынан «Көксу қант зауыты» ЖШС-мен 612 тонна қант босату жөнінде келісімшарт жасалды.
<blockquote>
 «Соңғы уақытта әлеуметтік маңызы бар азық-түлік тауарларына, оның ішінде қант өніміне байланысты мәселелер жиі көтерілуде. Жалпы біздің өңір қант нарығында импортқа тәуелді екенін айтқым келеді. Сондай-ақ, бұл өнім Жамбыл, Алматы облысы мен көршілес Ресей елінен жеткізіледі. Бүгінде облыс бойынша қанттың орташа бағасы – 455 теңгені құрап отыр. Ал, әлеуметтік дүкендер мен әлеуметтік бұрыштарда қант -263 теңгеден, яғни нарық бағасынан екі есе арзан сатылуда», – деді Айнұр Тлеулеева.
</blockquote>
Әлеуметтік маңызы бар азық-түлік тауарларының бағасына ұдайы бақылау жүргізілуде. Салаға жауапты мамандар әлеуметтік дүкендердегі тауарларға байланысты ешқандай тапшылық жоқ екенін алға тартады. Қазіргі уақытта тұрақтандыру қорында – 1167 тонна өнім бар. Атап айтсақ, бірінші сортты ұн – 257 тонна, қарақұмық жармасы – 273 тонна, күріш – 84 тонна, өсімдік майы – 474 тоннасы бар.
<blockquote>
 «Жыл басынан бері облысқа 500 тоннаға жуық өсімдік майы жеткізіліп, әлеуметтік дүкендерде 630 теңгеден сатылуда. Одан бөлек, тұрақтандыру қорына 272 тонна көлемінде қарақұмық жармасын сатып алдық. Жалпы ірі сауда орталықтары мен әлеуметтік дүкендерде азық-түлікке байланыста тапшылық жоқ. Облыстағы тұрақтандыру қорының өнімдері және «айналым схемасы» шеңберінде қарыз алған кәсіпкерлік субъектілерінің өнімдері 39 әлеуметтік дүкен арқылы және облыс орталығының 13 ірі сауда үйінің әлеуметтік бұрыштары арқылы сатылады», – деді «Алтын Қамба» Агроөнеркәсіп комбинаты» ЖШС директоры Талғат Бекішов.
</blockquote>

Қызылордада әлеуметтік дүкендерде қант тапшылығы сезілуде

<a href="https://kyzylorda-news.kz/">Kyzylorda-news.kz.</a>&nbsp;ҚР білім министрлігінің басшысы Асхат Аймағамбетов еліміздегі мектептерде ата-аналар жиналысының форматы өзгеріп жатқанын айтты. Оның ойынша, барлық ата-аналарды бір сыныпқа жинап, балалардың үлгерімін талқылаудың қажеті жоқ.
<blockquote>
 «Мектептерде ата-аналар жиналысын өткізу мәселесі бірнеше рет көтерілді. Өткен жылы ата-аналар жиналысын өткізудің жаңа форматына көшу тапсырылды. Бұрынғыдай барлық ата-аналарды сыныпқа жинап, баланың үлгерімі мен мінез-құлқын талқылаудың өажеті жоқ.&nbsp;Басқа ата-ананың көзінше басқа біреудің баласын талқылауға болмайды. Әрбір ата-анаға баласының үлгерімі мен мінез-құлқы туралы ақпарат берілуі керек. Әрине, сіздің көзіңізше баласының үлгерімін талқылайтындықтан оның ата-анасы&nbsp;мектеп жиналыстарына келгісі келмейді», – деді министр.
</blockquote>
Аймағамбетов мұғалімдердің ата-аналарға балаларының қай пәнге көбірек қызығатыны және одан әрі нені оқуы керектігі туралы бөлек хабарлауы керектігін айтты.

Қазақстан мектептерінде бұдан былай ата-аналар жиналысы өткізілмейді

<a href="https://kyzylorda-news.kz/">Kyzylorda-news.kz.</a> Елімізде оқушылардың міндетті мектеп формасына қойылатын талаптарға өзгерістер енгізіліп, бұйрық жобасы дайындалды. ҚР Білім және ғылым министрлігі мектепке дейінгі және орта білім комитетінің төрағасы Гүлмира Кәрімова ата-ана өзі қалаған мектеп формасын еркін таңдай алатынын мәлімдеді.
Бірақ Қызылорда қаласындағы Абай атындағы дарынды балаларға арналған мамандандырылған мектептің ата-аналарға қоятын талабы басқа. Кезекті оқу жылын аяқтап жазғы каникулға шыққан балалардың ата-аналары жаңа оқу жылында киетін оқу формасымен бас қатырып жүр. <a href="https://kyzylorda-news.kz/">Kyzylorda-news.kz.</a> ақпарат агенттігінің редакциясына хабарласқан қала тұрғыны Гүлмира Асанованың мектеп формасына қатысты уәжін ұсынамыз.
<blockquote>
 «Міне, тағы бір оқу жылы аяқталды. Жазғы демалыс зымырап өтіп, ата-аналардың уайымы енді басталды. Бір қуантарлығы, мектептерде қазірдің өзінде оқушылар формасына мән беріліп жатыр. Міне, бірнеше аптадан бері Абай атындағы дарынды балаларға арналған мамандандырылған мектептің жалпы мектепішілік жиындарында, ата-аналардың топтық чаттарында бұл тақырып қызу талқыланып жатыр. Неге екені белгісіз біз соңғы жиналысқа ғана шақырылдық.
 Жаңа мектеп формасын енгізуге ата-аналардың ешқайсысы қарсы емес. Мектеп формасы балаларды тәртіпке келтіретінін бәріміз жақсы түсінеміз. Ата-аналар мектеп формасын таңдауға құқылы, ең бастысы форманың сапасын қадағалауымыз керек. Бар мәселе директордың мектеп формасының бір ғана үлгісін ұсынғанында болып тұр. Бұл бір ғана түрік кәсіпкерінің өнімі. Ол кәсіпкер бұл қалада емес. Бала болғаннан кейін ойнайды, құлайды, жыртылады. Ал біз оны басқасына ауыстыруға мүмкіндік болмайды», – дейді ата-ана.
</blockquote>
Ата-аналар мектеп формасын WhatsApp желісі арқылы суретін ғана көрген. &nbsp;Сапасына қатысты ешкім ешнәрсе айта алмайды. Сонымен қатар біздің аймақтың климатын ескерсек қалың трикотаж матасынан тігілген форманы балаларымыз киіп те үлгермейді. Ал ақысына сатып алынған дүниені кие алмаса неге сатып алуымыз керек дейді ата-аналар.
<blockquote>
 «Төрт заттан тұратын жиынтықты (жейде, юбка, шалбар, жилет, жемпір) 28 000 теңгеге сатып алуға тура келеді. Әрбір зат жеке сатылмайды. Мектептің барлық оқушыларынан форма құнының 50 пайызын жедел түрде жинап беріңдер деді. Мектепте бала саны 4000-нан асады. Бір отбасының 3-4 оқушысына мұндай бағаға бірден мектеп формасын сатып ала алмаймыз деп ата-аналар наразы бола бастағанда, жеткізушілер көп балалы және аз қамтылған отбасыларға жеңілдіктер жасауға келіскен. 25-50 пайыз. Ата-аналар әлі келісімін берген жоқ. Бірақ кейбір сыныптар осы 50 пайыз – 14 000 теңгені жинай бастады. Осы 14 000 теңгені тапсырып үлгергендер де мектеп формасының үлгісін көрген соңғы кездесуден кейін сатып алудан бас тартқан. Жақында мектеп формасына қатысты заңға өзгерістер еніп жатқанын естіп жатырмыз. Осыдан кейін бәрі қалыпқа келеді деп сенейік», – дейді Гүлмира Асанова.
</blockquote>
Неліктен мектеп директоры ата-аналардың осы мектеп формасын және осы кәсіпкерден ғана сатып алуын талап етіп отыр? Мәселенің мән-жайын білмекке мектепке хабарластық.
<blockquote>
 «Карантиннен кейін оқушыларға еркін, классикалық үлгідегі киіммен сабаққа қатысуға рұқсат етілді. Жаңа оқу жылынан бастап бірыңғай мектеп формасын қалыптастырып, ата-аналарға бірнеше киім үлгісін ұсындық. Ата-аналар арасында форма үлгісіне, ақысына қатысты түрлі пікір болды. Біз мектеп формасын тігетін және жеткізетін кәсіпкердің әлеуметтік жағдайы әр түрлі отбасына жеңілдік жасайтынын басты назарға алдық. Алайда ҚР Білім және ғылым министрлігінен жаңа оқу жылында еліміз бойынша бірыңғай мектеп формасы енгізілетіні хабарланды. Сондықтан бұған дейін ата-аналардың талқылауына ұсынған форма үлгісінен бас тарттық. Жаңа оқу жылындағы мектеп формасының үлгісі министрліктің шешімінен кейін қосымша хабарланады», – деді Абай атындағы дарынды балаларға арналған мамандандырылған мектептің директоры Жанат Садуақасова.
</blockquote>

Қызылордалық ата-аналар мектеп формасына  неге қарсы?

<a href="https://kyzylorda-news.kz/">Kyzylorda-news.kz.</a>&nbsp;Бүгін Қазалы ауданының әкімі Мұхтар Оразбаев пен аудандық мәслихат хатшысы Бақытжан Жарылқап Қ.Пірімов атындағы ауылға арнайы барып, жаңадан салынып жатқан спорт кешенінің жұмысын көрді.
Соңғы уақыттары спорт кешенінің құрылыс жұмыстары өте баяу жүріп жатыр. Бұл туралы аудан әкімі Мұхтар Оразбаев тиісті сала басшыларына ескертіп, құрылыс жұмыстарын белгіленген мерзімде сапалы аяқтауды тапсырды.
Мұнан соң Мұхтар Әуесұлы Әйтеке би кентінің 5 квартал аймағында Жетес би ескерткіші орналасқан алаңға барып, атқарылған жұмысты көрді.
Осыдан біршама уақыт бұрын аудан басшысы ескерткіш маңында тұратын халықпен кездесіп, олардың өтініш-тілектерін тыңдаған болатын. Сол кезде тұрғындар Жетес би ескерткіші орналасқан алаңдағы жасыл желекке аяқ су қажеттігін айтқан болатын. Осыған орай алаң ішінен бір ұңғыма қазылып, мәселе шешімін тапқан болатын. Бүгінгі таңда осы ұңғыма арқылы жасыл желек суарылуда.
<img src="https://kyzylorda-news.kz/wp-content/uploads/2022/06/kazaly1.jpg" alt="" />
<img src="https://kyzylorda-news.kz/wp-content/uploads/2022/06/sport1.jpg" alt="" />
<img src="https://kyzylorda-news.kz/wp-content/uploads/2022/06/kazaly2.jpg" alt="" />

Мұхтар Оразбаев: Спорт кешенінің құрылысы мерзімінде аяқталуы керек

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында 50 мекеме «Үздік кәсіпкерлік» атануға өтінім берді.
<blockquote>
 «Қазір біздің мамандарымыз аудандарда, қалада кәсіпкерлермен хабарласып, қатысуға ниетті бизнес өкілдеріне құжаттарын әзірлеуде әдістемелік көмек көрсетіп жатыр. Сондай-ақ, 13 маусымда Палата алаңында оқыту семинарын өткізуді жоспарлап отырмыз. Шарада байқауды өткізу тәртібі мен критерийлер бойынша бағалау әдістемесі түсіндіріледі», – дейді Қызылорда облысы кәсіпкерлер палатасының директоры Пірмұхаммед Сыздықов.
</blockquote>
ҚР Президентiнiң «Алтын сапа» сыйлығы өнiмнiң немесе көрсетілетін қызметтердiң сапасы саласында ұйымның елеулі нәтижелерге қол жеткiзгенi үшiн, олардың қауiпсiздiгiн қамтамасыз еткені, сондай-ақ ұйымның сапаны басқарудың тиiмдiлiгi жоғары әдiстерiн енгiзгенi үшiн берiледi.
Сыйлық лауреаты атағын алған қатысушыларға оның эмблемасы, диплом және 450 айлық есептік көрсеткіш мөлшерінде ақшалай сыйақы беріледі (2022 жылға – 1 378 350 теңге).
Байқау жеңiмпаздарын марапаттау рәсiмi салтанатты түрде жыл соңында өтедi. Марапатты Қазақстан Республикасының Президенті табыстайды.
Ұйымдар байқауға келесі номинациялар бойынша қатысады:
<ol>
<li>«Өндiрiстiк мақсаттағы үздiк кәсiпорын»;</li>
<li>«Халық тұтынатын тауарларды шығаратын үздiк кәсiпорын»;</li>
<li>«Қызметтер көрсететiн үздiк кәсiпорын»;</li>
<li>«Азық-түлік тауарларын және/немесе ауыл шаруашылығы өнімдерін шығаратын үздік кәсіпорын». 
Байқауда 2 арнайы сыйлық тағайындалады: 
– «Үздік индустриялық жоба»; 
– «Үздік инновациялық жоба».</li>
</ol>
Байқауға қатысушылар комиссияға кемiнде үш жыл кезеңде шығарылатын өнiмнiң немесе көрсетiлетiн қызметтiң жоғары сапасын растауы тиiс.
«Қазақстанның үздік тауары – 2022» көрме-байқауына Қазақстан Республикасының аумағында тауарлар өндірумен (қару-жарақ пен әскери техника өндіруді қоспағанда) айналысатын және өнім сапасының тұрақты жоғары деңгейін қамтамасыз ету және оны жүйелі түрде жақсарту жөнінде оң нәтижелері бар дара кәсіпкерлер мен заңды тұлғалар қатысуға үміткер бола алады. 
Байқау өңірлік және республикалық – екі кезеңнен тұрады.
Ұйымдар байқауға келесі номинациялар бойынша қатысады:
<ol>
<li>«Өндірістік мақсаттағы үздік тауарлар»;</li>
<li>«Халыққа арналған үздік тауарлар»;</li>
<li>«Үздік азық-түлік тауарлары».</li>
</ol>
Өңірлік көрме-байқаудың 9 жеңімпазы (әр номинацияда үш жеңімпаздан) республикалық деңгейге қатысады.
Байқау жеңімпаздары байқау эмблемасын жарнамалық мақсатта төрт жыл бойы пайдалану құқығына ие болады.
Толық ақпаратты www.altynsapa.kz сайтынан немесе Қызылорда облысы кәсіпкерлер палатасына 87079885080 нөміріне хабарласып алуға болады.

Қазақстан және Қызылорда облысының жаңалықтары