<a href="https://kyzylorda-news.kz/">Kyzylorda-news.kz.</a> 2022 жылы ЖОО-да оқу гранттарының саны тағы 5 мыңға артады. ҚР білім және ғылым министрлігі баспасөз қызметі осылайша гранттардың жалпы саны 61 мыңға дейін жететінін айтты, деп хабарлайды <a href="https://stan.kz/2022-zhili-studentterge-arnalgan-granttar-sani-5-minga-kobeye-358842/">Stan.kz</a>.
2021 жылы кадрларды даярлауға арналған мемлекеттік білім беру тапсырысы 5 мыңға – 51 мыңнан 56 мың грантқа дейін ұлғайтылды. Жаңа гранттар студенттер арасында сұранысқа ие және өзекті мамандықтарға бөлінетін болады.
Мемлекет басшысының тапсырмасы бойынша жоғары білімнің қолжетімділігін арттыру үшін 2025 жылға дейін білім беру гранттарының саны кезең-кезеңімен тағы 15 мыңға артады. Сондай-ақ білім беру гранттарын бөлу кезінде азаматтардың әлеуметтік осал санаттары үшін квоталар беру көзделген.
<blockquote>
 “Президенттің қолдауының арқасында қазақстандық мектептердің түлектері мемлекеттік бюджет есебінен оқуға мүмкіндік алады. Мысалы, өткен жылы біз 75 мыңнан астам өтінім алдық. Оның ішінде 56 мыңнан астам талапкер грантқа ие болды. Биыл гранттар саны 61 мыңға жетеді. Президенттің тапсырмасы бойынша біз халықтың әлеуметтік осал топтарынан шыққан балалар үшін квоталар санын ұлғайттық. Яғни, көпбалалы немесе толық емес отбасылардан шыққан балалар, сондай – ақ ерекше қажеттіліктері бар балаларды тәрбиелеп отырған талапкерлерге грант алу үшін әлдеқайда көп мүмкіндіктер қарастырылады”, – деп хабарлады Білім және ғылым вице-министрі Қуаныш Ерғалиев.
</blockquote>

2022 жылы студенттерге арналған гранттар саны 5 мыңға көбейеді

<a href="https://kyzylorda-news.kz/">Kyzylorda-news.kz.</a> Қызылорда облысында жылу беру маусымы жалғасуда. Облыс тұрғындары және әлеуметтік нысандарға көмір, дизель отыны толық жеткізілген. Бұл туралы облыстық энергетика және тұрғын үй-коммуналдық шаруашылық басқармасының басшысы Ерлан Жаңабаев мәлімдеді.
<blockquote>
 «Тұрғындар үшін аудан орталығындағы қоймаларда барлығы 10 мың тоннадан аса көмір қоры бар. Облыстағы коммуналдық мекемелер штаттық режимде жұмыстарын жалғастыруда. Берілетін жылу температурасы сыртқы ауа температурасына байланысты бекітілген графикпен беріліп жатыр. Сондай-ақ, аймақатғы қатты отын қорын қамтамасыз ету үшін 57 вагон көмір осы айдың соңына дейін жеткізілетін болады», – деді басқарма басшысы.
</blockquote>
Жалпы тұрғын үй-коммуналдық шаруашылық және әлеуметтік сала нысандарының 2021-2022 жылдардағы жылыту маусымының өту барысы облыстық штабтың тұрақты бақылауында.
<blockquote>
 «Бүгінде Қызылорда облысында 142 автогаз құю бекеті бар. Сұйытылған мұнай газын электрондық сауда алаңдары арқылы сату 2023 жылдың 1 қаңтарына дейін тоқтатылды. Қызылорда облысы үшін шалғайдағы аудандарды қоспағанда, бағасы 1 литр үшін 60 теңге, облыс орталығынан шалғайдағы аудандар үшін 1 литр үшін – 65 теңге. Қазіргі таңда, облыста 2450 тонна сұйытылған газ көлемі бар», – деді Ерлан Жаңабаев
</blockquote>

Қызылордада қатты отын қоры жеткілікті

<a href="https://kyzylorda-news.kz/kogam/qasym-zhomart-toqaev-zhemqorlyqpen-ajawsyz-kueres-zhalghasa-beretinine-kepildik-beremiz-138788/">Kyzylorda-news.kz.</a> Сенат депутаттары Қазақстан 30 жыл ішінде ұлттық идеология мен ұлттық тәрбиеде үлкен олқылық жіберіп алғанын мойындады. Сенатор Нұртөре Жүсіптің айтуынша, қазіргі ұрпақ ата-ананың тыйымдарымен емес, Тик-ток арқылы тәрбиеленіп жатыр, деп хабарлайды <a href="https://m.sputnik.kz/society/20220120/19180556/deputat-ulttyq-tarbie.html">Sputnik Қазақстан</a>.
Нұртөре Жүсіп премьер-министр Әлихан Смайыловқа жолдаған депутаттық сауалында “Алматы трагедиясына” әкеп соққан себептерге тоқталды. Айтуынша, қазір қоғамда “президентті қолдайық” деген пікір бар. Ол дұрыс. Бірақ, депутаттың пікірінше, президентті құр сөзбен емес, нақты іспен қолдау керек.
<blockquote>
 “Біз ұлттық идеология мен ұлттық тәрбиеде үлкен олқылық жіберіп алдық. Мұны ашық мойындау керек. “Менің мемлекетім”, “менің Қазақстаным” деген отансүйгіш сезімді терең орнықтыру орнына, қалай да ақша табу, тез баю, тірліктің бәрін ақшамен өлшеу ұғымдарын алға шығардық. Бүгінгі жастар бабалардың “тәк-тәк” деген тыйымдарымен емес, негізінен Тик-ток арқылы тәрбиеленіп жатыр”,- деп қапаланды Нұртөре Жүсіп.
</blockquote>
Ол қоғамда еңбек ету, адал мал табу, Отанға, мемлекетке адалдық, қоғам алдындағы жауапкершілік, әділет, ар, ұят ұғымдары кейінге ысырылып қалғанын айтты.
<blockquote>
 “Өз ордасын өзі ойрандайтын, бұл әрекет үшін бір сәтте ойланбайтын қаніпезерлік қайдан шықты?! Әкенің сөзін баласы тыңдамайтын, қой дегенді білмейтін, үлкендерден ықпайтын, қыңыр ұрпақ неге көбейді? Елшіл, мемлекетшіл, ертеңшіл толқын қайда? Ұл-қызға дұрыс тәрбие бермесек, тұлға қалай шығады?”, – деп алаңдады сенатор.
</blockquote>
Нұртөре Жүсіп былтыр сенатта өткен парламенттік тыңдауда бес құндылық, атап айтқанда тәуелсіздік пен тарихи таным, ел мен жер, тіл мен имандылық, ұлттық дәстүр мен отбасылық тәрбие, білім мен біліктілік қазақ қоғамының басты қағидаттары ретінде күн тәртібіне шығарылғанын еске салды. Үкіметке, тиісті министрліктерге ұсынымдар берілген. Алайда, депутаттың сөзінше, соның бірде бірі назарға алынбады.
<blockquote>
 “Айтылған сөз айтылған жерде қалды. Сізден сол парламенттік тыңдау материалдарын үкімет мүшелерінің бәріне таныстыруды, соларды жүзеге асыру үшін шұғыл әрекет етуді талап етемін”, – деді Жүсіп премьер-министрге.
</blockquote>
Осы ретте сенатор үкімет жұмысына көңілі толмайтынын жеткізді. Айтуынша, үкімет мүшелері өз жұмысын бөлек-бөлек істейді. Әр ведомство өз көрпесін өзіне қарай тартады. Ортақ бағыт, ортақ жоспар, үйлесімді іс-қимыл жоқ.Сондай-ақ ол теледидар мен БАҚ-тағы хабарларға назар аударуға шақырды.
Айтуынша, Қазақстанның ақпарат кеңістігі қаптаған шоу мен мән-мағынасы шамалы телехабарларға толып кеткен. Барлық телеарна рейтинг қуу ісімен айналысады.
Нұртөре Жүсіп ұлттық мемлекет құрып жатқанда, ешқандай рейтингтің қажеті жоқ деп санайды. Бұл ретте депутат “Еларна”, “Тәлім” арналарын жасөспірімдер мен жастар арнасы етіп қайта құруды ұсынды.

Нұртөре Жүсіп: Ұлттық тәрбиеде үлкен олқылық жіберіп алдық

<a href="https://kyzylorda-news.kz/">Kyzylorda-news.kz.</a> Мемлекет басшысы жаңа Қазақстанның мақсаты азаматтардың әл-ауқатын арттыру екенін айтты.
<blockquote>
 «Біздің барлық күш-жігеріміз миллиондаған қазақстандықтың қауіпсіздігі мен тұрмыс жағдайының сапасын жақсартуды қамтамасыз етуге бағытталған. Біз ұлттық экономиканың ашықтығына, келісімшарттарға қол сұғылмайтынына, зияткерлік меншік құқығы сақталатынына және жемқорлықпен аяусыз күрес жалғаса беретініне кепілдік береміз», – деп жазды Президент Twitter желісіндегі парақшасында.
</blockquote>

Қасым-Жомарт Тоқаев: Жемқорлықпен аяусыз күрес жалғаса беретініне кепілдік береміз

<a href="https://kyzylorda-news.kz/">Kyzylorda-news.kz.</a> Қызылорда қаласындағы ЗК-169/1 мекемесіне келушілер саны көп. Себебі мекемеде қамауда жатқан азаматтарға туыстары тарапынан сәлем-сауқат қабылданады. Адамдардың көбі дүйсенбі-жұма күндері келеді. Сенбі, жексенбі болса, түскі мезгілге дейін қабылданады.
Мекеменің кіре беріс бөлігінде алғашқы бақылау пункті орналасқан. Онда келушілердің сәлем-сауқатын қабылдау кестесі, қабылдау тәртібі орналасқан. Кестеге сәйкес сағат 8.30-12.00 және 15.00-18.45 сәлемдеме қабылданады.
<blockquote>
 “Күнде елуге жуық сәлем-сауқат қабылданады. Біз алдымен елдегі жағдайға байланысты тұрғындардан карантин тәртібін сақтауын өтінеміз. Одан соң жеке басын куәландыратын құжат болуы тиіс. Сонымен бірге өткізу бекетінде қол жүгі тексеріледі. Рентген-сканер құрылғысы арқылы әр зат мұқият бақыланады. Тыйым салынған заттардың ішке өтіп кетуіне жол берілмейді. Бұл қадағалаулардан кейін, азаматтардың өздері де тексерістен өтіп, ішкі ғимаратқа кіруге рұқсат алады”, – дейді режим және күзет бөлімі тексеру тобының жедел уәкілі Ерлан Ибраев.
</blockquote>
РжКБ-нің аға бақылаушысы Мақсат Жұмабековтың айтуынша, сәлем-сауқатты қараудың да өз тәртібі бар.
<blockquote>
 “Тізім бойынша қабылданып, нан мен шұжық бірнеше жерден кесіліп, жеміс-жидектер ортасынан бөлініп, қораптағы шай ыдысқа аударылып, тәттілердің сыртқы қорапшалары ашылып қатаң тексеруден өтеді. Жалпы, тергеу изоляторындағы айыпталушылар, тергеудегілер мен қамаудағы сотталушылар асханадан үш мезгіл ыстық тамақпен қамтылған. Әйтсе де, туыстары тарапынан келетін сәлемдемелер толастар емес”, – дейді ол.
</blockquote>

Тергеу изоляторында сәлем-сауқатты қалай қабылдайды?

<a href="https://kyzylorda-news.kz/">Kyzylorda-news.kz.</a> Қызылордалық кәсіпкер, Кәсіпкерлер палатасы Өңірлік кеңесінің мүшесі Раушан Базарбай «Күшіміз бірлікте» қорына «Сана-Сезім орталығы» ЖШС атынан 1 млн теңге аударғанын жеткізді.
<img src="https://kyzylorda-news.kz/wp-content/uploads/2022/01/bazarbaj.jpg" alt="" />
Кәсіпкер бұл қаржы қаңтар оқиғасында зардап шеккен бизнестің аяққа тұруына көмек болады деген сенімде және өзге де әріптестерін қолдау білдіруге шақырды.
2022 жылғы 11 қаңтарда елімізде арнайы «Күшіміз бірлікте» қоры ашылды.
Қоғамдық ұйымның басты мақсаты – зардап шеккен бизнеске көмек беруде кәсіпкерлер мен барлық қамқор азаматтың күшін біріктіру.
Қор еліміздің 14 өңірінен белсенді кәсіпкерлердің бастамасымен құрылды. Қаражатты жинау және бөлу процесін барынша ашық жүргізу үшін қамқоршылық кеңес қызмет етеді. Қызылорда облысынан қамқоршылық кеңеске Өңірлік кеңес төрайымы Гүлзағира Әбдірайымова кірді. Кеңес мүшелері аудит жүргізіп, Қор жұмысы бойынша БАҚ көздеріне есеп береді. Ұйым жұмысқа (өтеусіз негізде) атсалысуға, жанашырлық танытқан қоғам қайраткерлерін қосуға дайын.
Мүдделі тұлғаларға ыңғайлы болу үшін арнайы infokazakhstan.kz сайтында осы жылдың 4-7 қаңтарында тәртіпсіздік барысында зардап шеккен субъектілер үшін электрондық кезек іске қосылды.
Өтініш беру үшін сайтта бірнеше әрекет жасау жеткілікті. «Көмек қажет» батырмасын таңдап, электронды өтінішті ашу керек. Онда компанияңыз туралы деректерді енгізіп, келтірілген залалды фото-материалдармен растаған соң, өтінішке ЭЦҚ-мен қол қою керек. Әр қарай «Күшіміз бірлікте» ҚБ өтінішті бағалау компаниясына жібереді, онда залал мөлшері туралы қорытынды беріледі. Бұдан кейін кәсіпкермен келісімшарт жасалып, кезек тәртібінде көмек көрсетіледі.
Көмек көрсетуге ниет білдірген азаматтар мына реквизиттерді пайдалана алады:
«БанкЦентрКредит» АҚ:
алушы: «Күшіміз бірлікте» қоғамдық бірлестігі БСН 220140002583
есепшоты: KZ268562203115072353
«БанкЦентрКредит» АҚ реквизиттері: БСК/БИК (SWIFT) KCJBKZKX БСН/БИН 980741000260 010000, Қазақстан, Нұр-Сұлтан қ., Есіл ауданы Қабанбай батыр даңғылы, 15 А.
«Банк Фридом Финанс Қазақстан» АҚ:
алушы: «Күшіміз бірлікте» қоғамдық бірлестігі БСН 220140002583
есепшоты: KZ52551Z128000206KZT
«Банк Фридом Финанс Қазақстан» АҚ реквизиттері: БИК KSNVKZKA
Айта кету керек, 19 қаңтардағы ақпарат бойынша Қызылорда облысында зардап шеккен кәсіпкерлік нысандардың саны 29-ға жетті. Кәсіпкерлер палатасы мен облыстық кәсіпкерлік және туризм басқармасына хабарласқан бизнес өкілдерінің ақпараты бойынша залалдың жалпы сомасы шамамен 403 млн теңгені құрайды.

«Күшіміз бірлікте»: Қызылордалық кәсіпкер қорға 1 млн теңге аударды

<a href="https://kyzylorda-news.kz/">Kyzylorda-news.kz.</a> 24 қаңтардан бастап Қазақстан бойынша барлық білім беру ұйымы дәстүрлі түрде жұмыс істейтін болады, деп хабарлайды <a href="https://www.inform.kz/kz/24-kantardan-mektepter-men-zhoo-lar-oflayn-okuga-koshedi-bilim-ministrligi_a3888208">ҚазАқпарат</a>.
Қазақстанда коронавирус инфекциясының таралуына жол бермеу жөніндегі ведомствоаралық комиссия осындай шешім қабылдады.
ҚР Білім және ғылым министрлігінің мәліметінше, білім беру ұйымдарының жұмыс алгоритмі келесідей:
– мектепке дейінгі ұйымдар (балабақшалар) балаларды ата-аналарының өтініші бойынша қабылдайды;
– 600 балаға дейін оқушысы бар жалпы білім беретін мектептерде –толыққанды офлайн оқу ұйымдастырылады;
– 600-ден астам оқушысы бар мектептерде офлайн оқыту кезінде толымдық жобалық қуаттың 50% аспауы тиіс. Бұл жағдайда БҒМ 1-4 сынып оқушыларын олардың жас ерекшеліктерін ескере отырып, дәстүрлі форматта оқытуды ұсынады. Себебі бастауыш сынып балаларына қашықтан білім алу қиынға соғады;
– 5-11 сынып оқушылары – мектеп әкімшіліктеріне балаларды штатты форматта оқыту, ауысымдар мен ішкі ауысымдардың жұмысын ұйымдастыру, кейбір пәндер бойынша сабақтарды қашықтан оқыту форматына ауыстыру туралы ата-аналардың өтініштерін ескеру ұсынылады.
Ал мектептерден тыс ұйымдардағы оқу: жеке сабақтар толыққанды офлайн форматта, 15 адамға дейінгі топтық сабақтар – штаттық режимде, мүмкіндігі шектеулі балаларға арналған түзету кабинеттерінде (орталықтарда) – жеке сабақтар мен 8 адамға дейінгі топтық сабақтар – штаттық режимде жүргізіледі.
Еліміздің колледждері мен ЖОО-ларында оқыту аралас форматта: практикалық, лабараторлық, семинар сабағы, өндірістік іс-тәжірибе – штаттық режимде, дәрістер – онлайн форматта өтеді.

Білім министрлігі: 24 қаңтардан бастап мектептер мен ЖОО-лар офлайн оқуға көшеді

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 2236 адам коронавирус індетінен емделіп шықты, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 738,
Алматы қаласы – 242,
Ақмола облысы – 37,
Ақтөбе облысы – 27,
Алматы облысы – 246,
Атырау облысы – 61,
Шығыс Қазақстан облысы – 121,
Жамбыл облысы – 40,
Батыс Қазақстан облысы – 3,
Қарағанды облысы – 274,
Қостанай облысы – 17,
Қызылорда облысы – 18,
Маңғыстау облысы – 30,
Павлодар облысы – 35,
Солтүстік Қазақстан облысы – 320,
Түркістан облысы – 27.
Қазақстан бойынша жазылғандар саны – 978588.

Covid-19: 18 қызылордалық індеттен айықты

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 15872 адамда коронавирус індеті ПТР арқылы расталып ауырғаны белгілі болды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 5050,
Алматы қаласы – 2025,
Шымкент қаласы – 420,
Ақмола облысы – 750,
Ақтөбе облысы – 459,
Алматы облысы – 432,
Атырау облысы – 568,
Шығыс Қазақстан облысы – 542,
Жамбыл облысы – 257,
Батыс Қазақстан облысы – 376,
Қарағанды облысы – 2944,
Қостанай облысы – 402,
Қызылорда облысы – 399,
Маңғыстау облысы – 250,
Павлодар облысы – 710,
Солтүстік Қазақстан облысы – 155,
Түркістан облысы – 133.
Жалпы ел бойынша ауырғандар саны 1100876.

Қызылордада 399 адамнан коронавирус анықталды

<a href="https://kyzylorda-news.kz/">Kyzylorda-news.kz.</a> Бүгін еліміздің батыс және оңтүстік өңірлерінде атмосфералық фронталды бөліктердің өтуіне орай жауын-шашын, республиканың оңтүстігінде нөсер жауын мен қар жауады. Тек солтүстік-батыс, солтүстік облыстар антициклонның ықпалында болады, соған байланысты күн жауын-шашынсыз болады, деп хабарлайды Қазгидромет.
Республиканың кей жерлерінде жел күшейіп, бұрқасын, тұман, көктайғақ болады. Жамбыл облысының солтүстігінде, оңтүстік-батысында, таулы және тау бөктеріндегі аудандарында тұман түсіп, көктайғақ болады, облыстың оңтүстік-батысында, солтүстік-шығысында және таулы аймақтарында желдің жылдамдығы секундына 15-20 метрге жетеді. Түнде желдің екпіні 23-28 метр болады.
Түркістан облысының батысында, солтүстігінде, таулы аймақтарында тұман түсіп, көктайғақ болады, облыстың тау және тау бөктерінде желдің жылдамдығы секундына 15-20 метрге жетеді.
Алматы облысының оңтүстігінде, шығысында тұман түсіп, көктайғақ болады, облыстың шығысында желдің жылдамдығы секундына 15-20 метрге жетеді.
Ақмола облысының оңтүстік жартысында тұман түседі.
Батыс Қазақстан облысының батысында, шығысында, оңтүстік-батысында жаяу бұрқасын соғып, облыстың батысында, солтүстігінде тұман түседі.
Атырау облысының батысында, орталығында тұман түсіп, көктайғақ болады, облыстың солтүстігінде жаяу бұрқасын соғып, желдің жылдамдығы секундына 15-20 метрге жетеді.
Маңғыстау облысының солтүстік-батысында тұман түсіп, көктайғақ болады.
Ақтөбе облысының шығысында, Қостанай облысының солтүстігінде, Солтүстік Қазақстан облысының оңтүстігінде, Павлодар облысының оңтүстігінде, батысында, шығысында, Қызылорда облысының солтүстігінде, оңтүстігінде тұман түсуі ықтимал.
Қарағанды ​​облысының оңтүстік-шығысында жаяу бұрқасын, облыстың солтүстігінде тұман түседі.
Шығыс Қазақстан облысының оңтүстік-батысында, шығысында жаяу бұрқасын соғып, жолдарда көктайғақ, облыстың солтүстігінде тұман түседі, түнде облыстың оңтүстік-батысында желдің жылдамдығы 15-20 м/с-ке жетеді.

Ауа райы: Қызылорданың көп бөлігіне тұман түседі

Kyzylorda-news.kz. Бүгінде облыста азық-түлік тауарларына баға белгілеудің делдалдық тізбектің 5 533 қатысушысы анықталды. Сондай-ақ азық-түлік тауарларын өндірушілер және сауда субъектілерімен бағаның негізсіз өсуіне жол бермеу туралы 300-ге жуық меморандумға қол қойылды.
Бұл туралы облыстық ауыл шаруашылығы басқармасының басшысы Талғат Дүйсебаев мәлімдеді.
<blockquote>
 “Аймақта негізгі азық-түлік тауарларының бағаларын тұрақтандыру бағытында өңірлік тұрақтандыру қоры жұмыс жасауда. Бұдан бөлек, облыс тұрғындарына әлеуметтік маңызы бар азық-түлік өнімдерін төмен бағада қамтамасыз ету үшін сауда желілері арқылы облыс кәсіпкерлеріне айналым схемасы бойынша зайым берілуде. Тұрақтандыру қорының және зайым арқылы қамтамасыз етілген әлеуметтік маңызы бар негізгі азық-түлік тауарлары облыстағы 34 әлеуметтік дүкен мен 18 ірі сауда үйінің әлеуметтік бұрыштары арқылы сатылуда. Тұрақтандыру қорын өнімдермен толықтыру және кәсіпкерлерге зайым беру үшін соңғы екі жылда облыстық бюджеттен 2 134,3 млн. теңге бөлінген. Ал, 2022 жылы тұрақтандыру қорына 1 300,0 млн. теңге бөлініп отыр. Оның 800,0 млн. теңгесі тұрақтандыру қорына өнім алуға, 500,0 млн. теңгесін айналым схемасы бойынша кредит беруге бағытталуда. Ал, бүгінде облыстық тұрақтандыру қорында 1398,7 тонна өнім қоры бар”, деді облыстық ауыл шаруашылығы басқармасының басшысы Талғат Тұрсынұлы.
</blockquote>
Сонымен қатар, осы жылдың қаңтар мен тамыз айлары аралығында республика бойынша нан бағасын тұрақтандыру мақсатын ҚР Ауыл шаруашылығы министрлігі мен «Азық-түлік келісім шарт корпорациясы» ҰК» АҚ-мен астық өндірмейтін оңтүстік өңірлерге арзандатылған бидай бөлу шаралары қабылдануда.
<img src="https://kyzylorda-news.kz/wp-content/uploads/2022/01/fb_img_1642590921248.jpg" alt="" />
<hr />

Баға тұрақтылығы:   Қызылордада 300-ге жуық меморандумға қол қойылды

Kyzylorda-news.kz. Бүгін облыс әкімі Гүлшара Әбдіқалықова өңірдегі бірқатар үкіметтік емес ұйым өкілдерімен кездесті. Басқосуда ел мүддесі жолындағы бірқатар мәселелер сараланып, алдағы уақытта бірлесіп атқарылуға бағытталған ұсыныстар айтылды.
Кездесуге облыс әкімінің орынбасары Балжан Шәменова, «Қызылорда облысының Үкіметтік емес ұйымдарының Альянсы Ассоциациясы» заңды тұлғалар бірлестігінің төрағасы, «Ұмай» мектеп жасына дейінгі балаларға арналған сауықтыру және тәрбиелеу қайырымдылық үйі» мекемесінің директоры, қалалық мәслихат депутаты Анар Ізден, «Ауғанстан соғысының ардагерлері ұйымы» қоғамдық бірлестігінің төрағасы Қайриддин Баймаханов, «Арал теңізі» қоғамдық қорының төрайымы Айнакүл Баймаханова және жауапты басқарма басшылары қатысты.
Аймақ басшысы үкіметтік емес ұйымдар түрлі жобалар атқарып, ел өміріндегі маңызды мәселелерде, әсіресе пандемияны еңсеруге белсенді үлес қосып, азаматтықтың жарқын үлгісін көрсетіп жүргенін атап өтті.
<blockquote>
 “Өңірдегі азаматтық қауымдастық көшбасшылары Мемлекет басшысы Қасым-Жомарт Кемелұлы Тоқаевтың жанына топтасып, қазақстандықтардың өмір сүруі мен әл-ауқатын арттыруға бағытталған бастамаларды жүзеге асыру мемлекетпен қатар азаматтық күштер де білек сыбана кірісетін елдік шаруа деп білемін. 
 Осы орайда, Сыр өңірінің азаматтық қоғам өкілдері еліміздің жаңа тарихында орын алған «қасіретті қаңтар» оқиғасы кезінде облыс халқын келісім мен бірлікке шақырып, ахуалды тұрақтандыру барысында азаматтық белсенділіктерін танытты. 
 Қоғам белсенділері сын сағатта елдің қауіпсіздігін күзеткен әскерилерге моральдық қолдау білдіріп, волонтерлар мен меценаттар дүрбелең салдарынан зардап шеккен ғимараттарды қалпына келтіру жұмыстарына атсалысуда. Бізде өздеріңізбен аймақтың әлеуметтік мәселелерін шешуде бірлескен сәтті жұмысымызды, азаматтық бастамаларды қолдауды одан әрі жалғастыратын боламыз”, – деді Гүлшара Әбдіқалықова.
</blockquote>
<img src="https://kyzylorda-news.kz/wp-content/uploads/2022/01/fb_img_1642589489418.jpg" alt="" />
Сондай-ақ, басқосуда ҮЕҰ өкілдері жергілікті атқарушы орган тарапынан көрсетіліп жатқан қолдауға алғыс білдіріп, облыс әкіміне бірқатар ұсыныстарын жеткізді.
Атап айтсақ, «Қызылорда облысының Үкіметтік емес ұйымдарының Альянсы Ассоциациясы» заңды тұлғалар бірлестігінің төрағасы Анар Ізден «Қызылорда облысы бойынша «бір терезе» қағидаты негізінде үкіметтік емес ұйымдарға қолдау көрсету үшін азаматтық орталық жұмысын ұйымдастыру және дамыту» жобасы жүзеге асырылғанын, үкіметтік емес ұйымдарға Азаматтық қоғам өкілдері өңірдегі бірқатар әлеуметтік мәселелер бойынша қоғамдық тыңдаулар ұйымдастырып, мониторинг жұмыстары жүргізіліп жатқанын айтты.
Сонымен қатар барлық деңгейдегі қоғамдық кеңестердің құрамын қайта қарап, кеңеске ҮЕҰ өкілдерін қосу жолдарын қарастыруды ұсынды. Аймақ басшысына Қызылорда облысының үкіметтік емес ұйымдарының Альянсы үйлестіру кеңесінің төрайымы болу және стандарт негізінде жұмыс жасайтын мониторинг, бағалау жұмыстарын жетілдіру бойынша ұсыныстарын жеткізді. Мұнымен қоса, Анар Ізден экология, NEET санатындағы жастар және тағы басқа маңызды жобаларды жүзеге асыруға қаржылай қолдау көрсетуді сұрады.
Ал, «Ауғанстан соғысының ардагерлері ұйымы» қоғамдық бірлестігінің төрағасы Қайраддин Баймаханов Мемлекет басшысының бастамалары негізінде әлеуметтік жобаларды әлі де дамыту мәселелерін қозғаса, «Арал теңізі» қоғамдық қорының төрайымы Айнакүл Баймаханова мемлекеттік тапсырыс барысында кездесетін кедергілерді зерттеп, осы бағыттағы жұмыстарды жетілдіруді ұсынды. 
Облыс әкімі Гүлшара Әбдіқалықова көтерілген мәселелер аймақ үшін маңызды екенін атап өтіп, алдағы уақытта заңға сәйкес жүзеге асыру жолдары қарастырылатынын атап өтті. Әсіресе NEET санатындағы жастармен жұмысты күшейтіп, пандемия қиындықтарын бірлесіп еңсеру қажет екенін баса айтты. Сондай-ақ, экономикалық күрделі жағдайда ҮЕҰ халық арасындағы көтеріліп жүрген өзекті мәселелерді мемлекеттік органдарға дер кезінде жеткізіп, екі жақты келісім орнатуға жұмыс жасау қажет деп тоқталды. 
Жиын соңында аймақ басшысы үкіметтік емес ұйымдарды күш-жігерді біріктіріп, бар қиындықтарды жеңуге үндейтін Президенттің Жаңа Қазақстанды құру бастамасын қолдауға шақырды.
Айта кетейік, биыл 105 жобаға 765 млн. теңге қаржы қарастырылды. Сондай-ақ, облыстағы үкіметтік емес ұйымдар саны жылдан жылға көбейіп, бүгінде олардың қатары 1000-ға жуықтады.
<img src="https://kyzylorda-news.kz/wp-content/uploads/2022/01/fb_img_1642589491714.jpg" alt="" />

Қазақстан және Қызылорда облысының жаңалықтары