Kyzylorda-news.kz. Бүгін облыс әкімі Нұрлыбек Нәлібаев пен Байқоңыр қаласы әкімшілігінің Басшысы Константин Бусыгинның қатысуымен актив отырысы өтті. Басқосуға жауапты сала басшылары қатысты.
Актив отырысында аймақ басшысы ҚР Президентінің өкімімен ҚР Президентінің «Байқоңыр» кешеніндегі арнаулы өкілі лауазымына тағайындалған Қайрат Нұртайды таныстырып, қызметіне сәттілік тіледі.
<blockquote>
 Қайрат Ырзақұлұлы жұмыс барысында өзін білікті және жауапты басшы ретінде көрсете білді. Аймақтың, соның ішінде Байқоңыр қаласының әлеуметтік-саяси ахуалымен жақсы таныс, ұйымдастырушылық қабілеті мол, өз жұмысын жоғары кәсіби деңгейде және шеберлікпен атқарып жүрген азамат.
 Қайрат Ырзақұлұлы, екі ел тараптарының бірлескен жоспарларын іске асыру және проблемалық мәселелерді шешу кезінде Ресей тарапымен тиімді өзара іс-қимыл орнату керек.
 Ең бастысы аймақтағы қоғамдық-саяси ахуалдың тұрақтылығын сақтау маңызды, ол үшін үкіметтік, қоғамдық және құқық қорғау органдарымен бірлесіп қарқынды жұмыс жасау қажет. 
 Басшылық қызметтегі жинақтаған тәжірибесін, қазіргі таңда маңызды болып саналатын Байқоңыр қаласындағы қоғамдық-саяси жағдай мен жылдам әрі уақытында шешуді талап ететін кезек күттірмейтін бірқатар мәселелерді кезең-кезенімен орнықты түрде шешуге қолданады деп үлкен сенім артамын, – деді Н.Нәлібаев.
</blockquote>

Аймақ басшысы ҚР Президентінің «Байқоңыр» кешеніндегі арнаулы өкілін таныстырды

<a href="https://kyzylorda-news.kz/ru/">Kyzylorda-news.kz</a>. 2023 жылы әлем елдері азық-түлік дағдарысына тап болуы мүмкін. Бұл туралы ҚР Сыртқы істер министрлігіндегі баспасөз мәслихатында БҰҰ Бас хатшысының бірінші орынбасары Амина Мұхаммед мәлім етті, деп хабарлайды ҚазАқпарат.
<blockquote>
 «Украинадағы жағдайға байланысты азық-түлік қауіпсіздігі саласында қауіп-қатер бар. Дегенмен азық-түлік қауіпсіздігі саласындағы мәселелер барша әлемдегі пандемия мен локдаундардан бастау алып отыр. Себебі індет салдарынан әлем елдері арасында өнімді жеткізу тізбегі бұзылған болатын. Ал соғыс жағдайы бұл қиындықтарды ушықтыра түсті», – деді А.Мұхаммед.
</blockquote>
Оның айтуынша, БҰҰ Бас хатшысы мен әлем елдерінің көшбасшылары және олардың техникалық командалары алдағы уақытта болуы мүмкін азық-түлік дағдарысын еңсеруге қатысты шешімдерді ұсынып жатыр.
<blockquote>
 «Қымбаттап бара жатқан азық-түлік бағасын түсіру үшін бидай тасымалы бағытында Қара теңіздегі қарым-қатынасты жандандыру керек. Алайда бұл дағдарыстың мән-жайын дұрыс түсінген жөн. Яғни, соғыс аяқталмаса, проблемалардың салмағы да ауырлай береді. Биыл азық-түлік дағдарысының салдарын аса қатты сезінбесек те, алдағы жылы бұл саладағы проблемалар ауқымды болатынын байқаймыз», – деді БҰҰ Бас хатшысының бірінші орынбасары.
</blockquote>

БҰҰ: 2023 жылы әлем елдерінде азық-түлік дағдарысы болуы мүмкін

<a href="https://kyzylorda-news.kz/ru/">Kyzylorda-news.kz</a>. Кеңес әскерінің Таулы Қарабақ жерінен шығарылғанына 30 жыл толуына орай «Ерлікке тағзым – ұрпаққа парыз» атты дөңгелек үстел өтті.
Таулы Қарабақ аймағындағы бітімгершілік операциясына Сыр өңірінен 130-ға жуық жерлесіміз аттанып, әскери борышын адал атқарды.
Бүгінде ардагерлеріміз түрлі салада қызмет етіп, өңірдің әлеуметтік-экономикалық дамуына үлес қосып келеді.
Кездесуге облыстық қоғамдық даму басқармасы басшысының орынбасары Қ. Жанұзақов, Таулы Қарабақ ардагерлері мен мүгедектерінің республикалық одағы» республикалық қоғамдық бірлестігінің төрағасы Е.Базарбаев, облыстық ардагерлер кеңесінің төрағасы С. Дүйсенбаев, Таулы Қарабақ соғысына қатысқан ардагерлер, үкіметтік емес ұйымдар өкілдері қатысты.
Ардагерлер ұйымы жас ұрпақтың бойына патриоттық, отансүйгіштік қасиеттерді дарытып, ел қорғайтын азаматтарды тәрбиелеуде бірлескен бастамаларды жүзеге асыруға дайын екендіктерін жеткізді.
Шара соңында бірқатар ардагерлер «Қазақстан ардагері» медалімен марапатталды.
<img src="https://kyzylorda-news.kz/wp-content/uploads/2022/06/286613481_1550705068658333_5587974142165013645_n.jpg" alt="" />
<img src="https://kyzylorda-news.kz/wp-content/uploads/2022/06/287102083_1550705078658332_2753253751629404157_n.jpg" alt="" />

Кеңес әскерінің Таулы Қарабақ жерінен шығарылғанына 30 жыл

<a href="https://kyzylorda-news.kz/ru/">Kyzylorda-news.kz</a>. Парламенттің жетінші шақырылымы таратылмайды. Қазіргі құрам 2026 жылдың бірінші жартыжылдығының соңына дейін жұмыс істейді. Бұл туралы әділет вице-министрі Алма Мұқанова мәлімдеді, деп хабарлайды Sputnik Қазақстан.
Вице-министр Конституцияға енгізілген түзетулерден кейін парламент палаталарын құру туралы нормалар 8-ші шақырылым депутаттарын сайлаудан бастап қолданылатынын айтты.
<blockquote>
 “Мысалы журналистер бізден Конституциялық реформалардан кейін 7-шақырылым таратыла ма деп сұрап жатыр. Қазір бізде 7-ші шақырылым жұмыс істеп жатыр. Олар 2026 жылдың бірінші жартыжылдығының соңына дейін өз қызметін жалғастырады. Қазір 7-шақырылымның таралуы бойынша мәселе қойылып отырған жоқ”, – деді Мұқанова орталық коммуникациялар қызметінде өткен баспасөз мәслихатында.
</blockquote>
5 маусымда Конституцияға түзетулер енгізу жөніндегі жалпыхалықтық референдум өтті. Қазақстандықтардың басым бөлігі түзетулерді қолдап дауыс берді.
Ата заңға енгізілген өзгерістерге сәйкес, сенаттағы президент квотасы 10 депутатқа дейін қысқарады. Мәжіліс пропорционалды және мажоритарлы жүйемен сайланады. Сондай-ақ депутатты кері қайтару жүйесі енгізіледі.

Әділет вице-министрі: Қазіргі парламент таратылмайды

<a href="https://kyzylorda-news.kz/ru/">Kyzylorda-news.kz</a>. Жыл басынан бері облыс аумағындағы су айдындарында 11 адам қаза болды. Оның 5-і бала. Өткен жылы дәл осы кезеңде 18 адам суға кеткен, оның 13-і бала. Бұл туралы бүгін Өңірлік коммуникациялар қызметінде өткен брфингтке облыстық Төтенше жағдайлар департаментінің басқарма басшысы Асхат Тоғызбаев мәлімдеді.
Облыс аумағымен өтетін Сырдария өзенінің ұзындығы 1274 шақырымды құрайды. Мұнан басқа 19 ірі канал, 220 шағын канал және 207 көл облыс аумағында орналасқан және 64 қауіпті учаске бар. 
Төтенше жағдайлар департаментінің қызметкерлері Полиция департаментімен бірлесіп бүгінге дейін ҚР ӘҚБ туралы Кодексінің 364-бабы бойынша 8 адамға ескерту шарасы көрілді.
<blockquote>
 «Айта кету керек, ұжымдар мен оқу орындары жастарының жаз айларында табиғатқа шығып, демалыстарын өзен мен көлдердің жағасында ұйымдастыруы соңғы жылдары көптеп орын алуда және осындай кейбір демалыстар бақытсыз жағдайлармен аяқталып жатады. 
 Облыс аумағында суға шомылуға рұқсат етілген 2 жеке жағажай жұмыс жасап жатыр. Ол Қызылорда қаласындағы «Сыр-самалы» және Белкөл кентінде орналасқан «Абай» демалыс орындары. Қазіргі таңда аудандарда 4 коммуналдық жағажайдың қаулысы әзірленуде», – деді Асхат Талантұлы.
</blockquote>

Суға шомылу маусымына дайындық жұмыстары басталды

<a href="https://kyzylorda-news.kz/ru/">Kyzylorda-news.kz</a>. Сенат депутаты Дана Нұржігіт әйелдердің зейнетке шығу жасын 58 жасқа дейін төмендетуді қолдады. Ол өзінің депутаттық сауалында Қазақстанда орташа өмір сүру жасының 71-ден 70 жасқа дейін төмендеп кеткенін айтты, деп хабарлайды&nbsp;<a href="https://stan.kz/">Stan.kz</a>.
Дана Нұржігіттің айтуынша, әйелдерде зейнет жасын көтеру туралы шешім 2015 жылы қабылданған. Бұл кезде Қазақстандағы орташа өмір сүру жасы есепке алыныпты. Алайда 2021 жылы бұл көрсеткіш 71 жастан 70 жасқа дейін төмендеген.&nbsp;
<blockquote>
 “Қазіргі зейнет жасы туралы заңнамаға сәйкес азаматтар 60-63 жасқа дейін жұмыс істесе, келесі ұрпақ жұмыссыз қалуы мүмкін. Азаматтардың көптеген өтініштерін назарға ала отырып, біз әйелдердің зейнет жасын 58 жасқа дейін төмендетуді ұсынамыз”, –&nbsp;деді ол.&nbsp;
</blockquote>
Сенатор қазір Қазақстанда 453,1 мың адамның жұмыссыз екенін мәлімдеді. Олардың 9 362-і 15-28 жас аралығындағы жастар. Бұлардың қатарына ЖОО түлектері де қосылады.

Дана Нұржігіт әйелдердің зейнеткерлік жасын 58-ге қысқартуды ұсынды

<a href="https://kyzylorda-news.kz/ru/">Kyzylorda-news.kz</a>. Бүгінде қоғам ауқымды өзгерісті басынан өткізуде. Осылай жедел жаңарып жатқан қоғамдағы ер азаматтардың орны мен рөлі, оның мойнындағы міндеттері қандай? Бүгінде жақсы әкеге қандай талаптар қойылады?
Осы мәселелер Жалағаш ауданында Аналар кеңесінің ұйытқысымен өткен кездесуде талқыланды. Кездесу басталмас бұрын қатысушылар отбасы құндылықтары туралы кітап көрмесін тамашалады.
Қызылорда облыстық Аналар кеңесінің төрайымы Рахима Ахметова және облыстық іскер әйелдер қауымдастығы кеңесінің төрайымы Манат Алмашева сөз сөйлеп, әке, бала, қоғам туралы пікір алмасты. «Әке – шаңырақ тірегі» атты жиын қатысушылардың көңілінен шықты. Себебі аудандық әкелер кеңесінің мүшелері өте белсенді және өскелең ұрпақтың тәрбиесіне аса мән беретіндігі көңіл қуантты.
Жиын барысында әкелер кеңесіне атсалысып жүрген аудандағы бірқатар азаматтар марапатқа ие болды.
Қатысушылар ұрпақ санасын елжанды етіп қалыптастыру басты назарда екенін алға тартып, әр бала әкенің тәрбиесімен өсіп өнуі тиіс. Балалардың тәрбиесіне интернеттің зиянды әсері көп. Соның салдарынан отбасы институтын насихаттайтын, үлгілі отбасыларды елге танытатын және балаларға арналған қазақ тілді контент өте аз екендігі айтылды. Сонымен бірге қанша жерден жігерлі, мықты болғанымен, әйел адам әкенің тәрбиесін бере алмайды. Әкесімен сөйлесіп, сырласып, достасып, оның қолдауын сезініп өскен бала өз-өзіне сенімді әрі табысты болады. Халқымыз «Бір әкенің тәрбиесін жүз мектеп те бере алмайды» деген пікірлер айтылды. Осы ретте Аналар кеңесінің бастамасымен құрылған Әкелер кеңесінің маңыздылығы сөз болды.
<img src="https://kyzylorda-news.kz/wp-content/uploads/2022/06/286438055_3228082717510886_4116376699925401228_n.jpg" alt="" />
<img src="https://kyzylorda-news.kz/wp-content/uploads/2022/06/286411670_3228082774177547_8435056019600618524_n.jpg" alt="" />
<img src="https://kyzylorda-news.kz/wp-content/uploads/2022/06/286509423_3228082640844227_6265017583914727196_n.jpg" alt="" />

Жалағаштық үлгілі әкелер марапатталды

<a href="https://kyzylorda-news.kz/ru/">Kyzylorda-news.kz</a>.&nbsp; Қала тұрғындарының басым көпшілігі қоғамдық көлік қызметін пайдаланады десек қателеспейтін шығармыз. Оның ішінде мектеп оқушылары да бар. Яғни, күнделікті жұмыстағы адам таңертеңгі сағат 6- дан бастап түнгі сағат 22-ге дейін қоғамдық көліктің қызметін тұтынуына тура келеді. Одан кейін сенбі, жексенбі күндері де жеке шаруасымен қала орталығына қатынайтындардың қарасы көп. Демек, тұрғындар үшін қоғамдық көлік қызметі – басты қажеттіліктің бірі. Алайда…
Қала ішінде қатынайтын автобустардың мәселесі айтыла-айтыла жауыр болды. Сол айтылған мәселеден бір нәтиже болмаған соң амалсыз жауырды жаба тоқып, жүре береміз. Енді қайтпек керек? Такси қызметін ара-тұра болмаса, күнделікті пайдалану кім-кімге де оңай емес.
Қоғамдық көлікке келейік, жан-жағыңдағы жайсыздықтан жүйкең шаршайды. Дәл осы күні көліктердің іші қолайсыз ыстық, сонда да тола адам. Яғни, көліктердің қатынау ара қашықтығы тым ұзақ деген сөз. Содан болар, автобусқа отырғаннан көлік тізгініндегі адамның келесі жүргізушімен ерегісі басталады. “Ерте жүрдің”, “кеш жүрдің” деп бір-бірімен айғайласып, дауласып (боқтап-боралап) жатқаны. Көлік ішінде келе жатқан адамдарды көзге де ілмейді. Қоғамдық ортадағы қарым-қатынас мәдениеті қайда қалды? Жарайды, оны да елемей-ақ қояйық. Ал, бір бағыттағы көліктер қатар келіп қалса, жанталасып жарысатынын қайтерсіз?.. Оның соңы жол апатына да ұшыратып жатыр. МАИ қызметкерлері неге осының алдын алмайды? Көлік тізгінінде отырып, ұялы телефонмен сағаттап сөйлесетін жүргізушіге жол қауіпсіздігін жолаушылар ескертіп әлек. Әрине, оған құлақ асса… Сол сияқты, қоғамдық көліктерде билет талап етіп жатқан ешкім жоқ. Құзырлы мекеме тарапынан көліктердің қызмет көрсету барысын қадағалап, тексеріп жүргенін бірде-бір рет көрген емеспіз. Қазіргі жүрген көліктердің басым бөлігі ескі, жол ортасында бұзылып қалып жатады. “Сонда олар осындай жауапты жұмысқа қалайша рұқсат алған?” деген ой еріксіз мазалайды…
Айта кетейік, қала орталығында қатынайтын 1, 11, 14, 17, 18-ші бағыттағы автобустарда қызмет көрсету сапасы қалыпты, өйткені көліктің іші кең болған соң, сыйымдылығы көтереді. Ал, тұрғындардың көбіне шағым айтатыны – 5 бағыттағы көліктер. Бұл бағытта үнемі адам көп болады. Әйтсе де, шағын “Мерседес” автокөлігі өте қолайсыз. Мейлі, мәселе көліктің қандай екенінде емес, кей маршруттарды сағаттап күтетініміз шаршатады.
Күнделікті жұрт жұмыстан қайтатын қарбалас кезде автобустардың іші лық толып, есігі әзер жабылып бара жатады. Ілінсең іліндің, ілінбесең қала бересің. Бұл әсіресе, Наурыз елді мекеніне қатынайтын – 2, 12 және Сабалақ елді мекені бағытындағы 28-ші көліктерге байланысты. Кейде қатарынан екі-үш автобусқа жолаушылар сыймай қалатын кездер бар. Жаз мезгілі болса, тәуекел. Ал қыстың көзі қырауда оқушы балалардың сарылып автобус күтуі оңай емес. Бұл жөнінде сұрастырсақ, көліктер жекеменшікте болғандықтан, “өз тәртібімен” жүреді екен. Ал, құқығыңды талап етсең, сен бір өзге ғаламшардан келгендей, өшіге қарайды. “Көнсең осы, көнбесең түс те кете бер” дегендей дөрекі жауап аласың. «Тәуекел, бас аман, бүлінген ештеңе жоқ», – дейсің де қолыңды бір сілтеп, дау-дамайдан аулақ жүргенді қалайсың. Бірақ осындай салғырттықтың соңы жақсылыққа апармайды. Тағы бір мәселе, жаяу жүргіншілер арнайы белгіленген жолақтан «жанын шүберекке түйіп» жүгіріп, әзер өтеді. Олай етпесе, жүйткіп келе жатқан көліктің жылдамдығын тежейтін түрі жоқ. Осыдан келіп қаншама оқыс оқиғалар орын алып жатыр?..
Жалпы, қаладағы көлік қозғалысы көңіл көншітпейді Бұл да біздегі қоғамдық қызмет көрсету мәдениетінің қалыптаспағаны, сондай-ақ, адам қауіпсіздігінің әлі де өзекті екендігінің көрінісі. 
Айтпақшы, таяуда облысқа құны 50 млн тұратын 150 автобус келе жатқанынан хабардармыз. Әйтсе де бұл қала ішіндегі тозығы жеткен көліктерді алмастыратын болса керек. Осы орайда «шеткі аймақтар мәселесі шешімін табар ма екен?» деген сауал көкейде тұр. 
Ғазиза ӘБІЛДА.

Қызылордада қоғамдық көлік мәселесі қашан шешіледі?

<a href="https://kyzylorda-news.kz/ru/">Kyzylorda-news.kz</a>. Қармақшы ауданы Төретам кентінде «Гелиос» жанар-жағармай құю бекеті ашылды. Халықаралық автобаннан бой көтерген нысанның құрылысы 2020 жылы басталған. Бекетте жергілікті халықтан 21 азамат тұрақты жұмыспен қамтылған. Жүйткіген жүйрік көліктер өтетін аумақта орналасқан бекет бір уақытта 10 автокөлікке қызмет көрсете алады.
<blockquote>
 «Күре жолдың бойы кәсіпкерлікке кең өріс ашып отыр. Сондықтан, мұндай сервистік нысандардың ашылуы өз кезегінде экономикамызға тың серпін берудің бір тетігі. Жұмыссыздықпен күресте де, кәсіпкерлікті дамытуда да біз толассыз еңбек етуіміз керек. Өйткені, қай мемлекетте де алдымен экономикалық жағдай сарапқа салынады» деді, – аудан әкімі Әділбек Ерсұлтанов.
</blockquote>
Халықаралық дәліз жол бойында күніге 5 мыңға жуық автокөлік өтеді. Сондықтан да, жол бойын табыс көзіне айналдырудың барлық мүмкіндігі бар. Бүгінде жаңадан ашылып, халыққа есігін айқара ашқан «Гелиос» бекеттер желісі Қазақстан нарығында 20 жылдан бері жұмыс істейді. Осы уақыт аралығында Қазақстанның 61 елді мекенінен 270 жанар-жағармай құю бекетін ашқан. Оған қоса, 26 мұнай базасы бар.
Айта кетейік, Қармақшы ауданы бойынша барлығы 11 май құю бекеті жұртшылыққа қызметін ұсынған. Бүгінде аталған нысандарда барлығы 113 адам екі қолға бір күрек тауып, отбасының нәпақасын айырып отыр.

Қармақшылық кәсіпкер 25 адамды жұмыспен қамтыды

<a href="https://kyzylorda-news.kz/ru/">Kyzylorda-news.kz</a>. Қазақстанның Нидерландыдағы Елшісі Асқар Жұмағалиев Корольдік индустриялық клуб мүшелерін инвестициялау үшін қызықты секторлармен, сондай-ақ мемлекеттің одан арғы даму бағыты жөніндегі жоспарларымен таныстырды, деп хабарлайды <a href="https://lenta.inform.kz/kz/kazakstan-zhahandyk-basekege-kabilettilik-reytingisinde-35-orynga-ie-boldy_a3942447">ҚазАқпарат.</a>
Дипломат Қазақстан бизнес үшін күшті және бәсекеге қабілетті орта құруға ерекше назар аударатынын атап өтті. Өз сөзін растау ретінде ол жаһандық бәсекеге қабілеттілік рейтингісін мысалға келтірді, онда Қазақстан 35 орынға ие болды.
<blockquote>
 «Дүниежүзілік банктің соңғы есебіне сәйкес, Қазақстан бизнес жүргізу бойынша 190 елдің ішінде 25-ші орында», – деді А.Жұмағалиев.
</blockquote>
Елші салық жеңілдіктері туралы хабарлап, әлеуетті инвесторлардың назарын аударды.
<blockquote>
 «Мен бұрын айтып өткен қаржылық және экономикалық тұрақтылықтан басқа, ел түрлі салаларда жан-жақты мемлекеттік қолдау ұсынады. Біз корпоративті табыс салығынан, жер салығынан, мүлік салығынан босату және фискалдық емес ынталандыру: жер учаскесі мен инфрақұрылым сияқты салықтық жеңілдіктерді қамтитын инвестициялық жобаларға қолдау көрсетеміз», – деді ол.
</blockquote>
Дипломат сондай-ақ инфрақұрылым мен инвестициялық преференциялардың кең спектрін ұсынатын бүкіл Қазақстан бойынша орналасқан 13 арнайы экономикалық аймақ, 36 өнеркәсіптік аймақ туралы айтып өтті.
А.Жұмағалиев атап өткендей, Қазақстанда Еуразиялық экономикалық одақ елдерін, Қытай мен Каспий бассейнін қоса алғанда, миллиардтан астам тұтынушылардың нарыққа тікелей қолжетімділігі бар. Сонымен қатар, елде көлік инфрақұрылымы жақсы дамыған.
<blockquote>
 «Менің ойымша, бұл себептер Қазақстанның инвесторлар үшін неліктен тартымды екеніне жауап бола алады. Сондықтан Нидерланд Қазақстандағы бірінші нөмірлі шетелдік инвестор деп ойлаймын. Патшалық біздің елге 105 миллиард доллардан астам инвестиция салды», – деп түйіндеді ол.
</blockquote>
Корольдік клуб мүшелері преференциялардан басқа, кадр мәселелері, ағылшын тілін меңгеру деңгейі, Қазақстанның климаттық ерекшеліктері және елде жүргізіліп жатқан реформалар туралы алаңдады. Асқар Жұмағалиев референдум, оны өткізу нәтижелері және Конституцияға енгізілетін түзетулерге әкеп соқтыратын өзгерістер туралы да хабардар етті.

Қазақстан жаһандық бәсекеге қабілетті 35 елдің қатарында

<a href="https://kyzylorda-news.kz/ru/">Kyzylorda-news.kz</a>. Қызылордада дәстүрлі медицина қызметкерлерінің спартакиадасы өз мәресіне жетті. Биыл 54-ші мәрте жалауын көтерген іс-шара денсаулық сақтау саласының ардагерлері Дина Абпазова мен Әлайдар Әбдуайтұлының 80 жылдық мерейтойына арналды. Қорытынды жиында үздіктер марапатталып, құрметке бөленді.
Аталған спартакиадада спорттың 8 түрінен өткізілді. Тартысты додаға облыстың медицина мекемелерінің барлығы 23 команда қатысып, сынға түсті.
Жарыс қорытындысымен, облыстық психикалық денсаулық орталығының мамандары командалық есепте І орынды жеңіп алды. Қызметкерлер арқан тартудан, эстафетадан, баскетболдан, орнында тұрып секіруден үздік көрсеткішке ие болды. Сонымен қатар, үстел теннисі, волейбол мен тоғызқұмалақ ойнаудан да жақсы нәтиже көрсетті. Ал ІІ орынды – облыстық көпбейінді аурухана иемденсенсе, ІІІ орынды – Қызылорда медициналық колледжі алды.
<blockquote>
 «Біздің команда дәстүрлі спартакиада жыл сайын жоғары жетістікке жетеді. Бұл мамандарымыздың ұдайы салауатты өмір салтын ұстанып, спортпен үздіксіз шұғылдануының нәтижесі. Биыл жарыс екі ардагеріміздің 80 жылдық мерейтойтойына орай ұйымдастырылуда. Оның ішінде Дина Абпазова көп жыл облыстық психикалық денсаулық орталығында еңбек еткен алдыңғы буын әріптесіміз. Бұл кісінің медицина саласына сіңірген еңбегі бізге үлгі”, – деп атап өтті облыстық психикалық денсаулық орталығының директоры Әділбай Медетбаев.
</blockquote>
<img src="https://kyzylorda-news.kz/wp-content/uploads/2022/06/54aa7f8d-3392-4d93-8902-7b3d41111d78.jpg" alt="" />
<img src="https://kyzylorda-news.kz/wp-content/uploads/2022/06/65d7ca18-29ed-47d8-831a-5389d9aaf2f4.jpg" alt="" />

Медицина қызметкерлерінің спартакиадасы өз мәресіне жетті

<a href="https://kyzylorda-news.kz/">Kyzylorda-news.kz.</a>&nbsp; Қазақстанда өткен тәулікте 13 адамнан коронавирус анықталды.
Оның ішінде:
Нұр-Сұлтан қаласында – 6,
Алматы қаласында – 5,
Ақмола облысында – 1,
Қызылорда облысында -1,
COVID-19 таралуына жол бермеу жөніндегі ведомствоаралық комиссиясының&nbsp;<a href="https://t.me/MVK_kz_Covid19">мәліметтеріне</a>&nbsp;қарағанда, елімізде коронавирус инфекциясын жұқтырғандар саны 1 305 828-ге жетті.

Қазақстан және Қызылорда облысының жаңалықтары