<a href="https://kyzylorda-news.kz/">Kyzylorda-news.kz.</a>&nbsp;Қазақстан аумағының басым бөлігінде, Солтүстік-Батыс циклон жырасының және онымен байланысты атмосфералық ағындардың әсерінен жауын-шашын (жаңбыр, қар) болады, оңтүстіктің таулы аудандарында нөсер жауын болады. Кей жерлерде көктайғақ болып, тұман түседі, жел күшеюі ықтимал, деп хабарлайды Қазгидромет.
Түркістан облысының солтүстігінде, батысында тұман түсіп, көктайғақ болады, облыстың батысында, солтүстігінде, таулы, тау бөктерлі аудандарда желдің жылдамдығы секундына 15-20 метрге, түнде және таңертең екпіні 23 м/с-ке жетежі.
Алматы облысының солтүстігінде, оңтүстігінде, шығысында тұман түсіп, көктайғақ болады, облыстың оңтүстігінде және солтүстік-шығысында жел күшейі, жылдамдығы секундына 17-22 м/с-ке жетеді.
Жамбыл облысының оңтүстік-батысында, солтүстік-шығысында және таулы аудандарында көктайғақ болып, облыстың солтүстігінде, таулы және тау бөктерлі аудандарында тұман түсіп, түнде солтүстік–шығыста, оңтүстік-батыста және таулы аудандарда желдің жылдамдығы секундына 15-20 метрге жетеді, облыстың оңтүстік–батысында екпіні 23-28 м/с болады.
Қызылорда облысының солтүстігінде, орталығында тұман түсіп, желдің жылдамдығы секундына 15-20 метрге жетеді. Түнде солтүстікте, шығыста көктайғақ, бұрқасын болады.
Түнде Ақмола облысының батысында, оңтүстігінде, күндіз басым бөлігінде жаяу бұрқасын соғып, күндіз облыстың оңтүстік-батысында желдің жылдамдығы секундына 15-20 метрге жетеді.
Ақтөбе облысының оңтүстік-шығысында, солтүстік-батысында және орталығында жаяу бұрқасын болып, облыстың солтүстігінде – тұман түседі, облыстың орталығында, оңтүстік–шығысында желдің жылдамдығы секундына 15-20 метрге жетеді.
Батыс Қазақстан облысының шығысында – көктайғақ болып, облыстың солтүстігінде – тұман түседі.
Қостанай облысының оңтүстігінде, батысында жел 15-20 м/с күшейіп, жаяу бұрқасын болады, облыстың шығысында тұман түседі.
Күндіз Солтүстік Қазақстан облысының оңтүстік-батысында жаяу бұрқасын болады. Түнде Қарағанды облысының батысында, оңтүстігінде, орталығында, күндіз батысында, солтүстігінде, шығысында жаяу бұрқасын, облыстың батысында және орталығында желдің жылдамдығы секундына 15-20 метрге жетеді.
Шығыс Қазақстан облысының оңтүстік-батысында желдің жылдамдығы секундына 17-22 метрге жетеді, күндіз облыстың оңтүстігінде – жаяу бұрқасын болады.
Атырау облысының солтүстік-шығысында тұман түседі. Маңғыстау облысының батысы мен солтүстік-шығысында көктайғақ күтіледі, облыстың солтүстігінде желдің 15-20 м/с күшеюі күтіледі.

Қазгидромет: Қызылордада тұман түсіп, көктайғақ болады

Kyzylorda-news.kz. Қызылорда облысының әкімі Гүлшара Әбдіқалықова Сырдария өзеніндегі су көлемі бүгінгі күннің өзекті мәселесі екенін айтты. Бұл туралы аймақ басшысы “Facebook” парақшасында жазды.
Қадірлі сырбойылықтар! Бүгінгі күні өңіріміз үшін ең өзекті мәселе суға қатысты екені белгілі. Сыр перзенті ретінде Сырдариядағы су көлемінің жеткілікті деңгейде болмауы мені де алаңдатады. Бұл ретте бірлескен шешімдерді қабылдау күн тәртібінен бірде-бір түскен емес.
Осы аптада ҚР Премьер-министрі Әлихан Смайыловтың төрағалығымен өткен жиында су деңгейінің мәселесі қаралып, өз тарапымыздан өңірдегі су тапшылығына қатысты ұсыныстарымызды жеткіздік. Осы мақсатта ҚР Экология, геология және табиғи ресурстар министрлігімен бірге әзірленген өңірлік Жол картасы пысықталды.
Үкімет басшысы алда Өзбекстан Республикасында өтетін Үкіметаралық жиында Сырдария өзенінің төменгі ағысына су жіберу көлемін ұлғайту мәселесі бойынша өзара келіссөздер жүргізетін болады.
Сонымен бірге, кеше облысымызға арнайы іссапармен келген ҚР Экология, геология және табиғи ресурстар вице-министрі Серік Қожаниязов, «Қазсушар» республикалық коммуналдық кәсіпорнының бас директоры Алтай Елжасовпен кездестім.
Алдағы уақытта арнайы штаб құрып, су тапшылығынан шығуға қажетті қадамдарды бірлесе іске асырамыз. Осы ретте шаруалар түсіністік танытып, суды үнемдеп пайдаланудың технологияларын енгізуге көшуі керек. Әр 10 күн сайын ахуал сараланып отырады. Бұл мәселе менің жіті бақылауымда.

Гүлшара Әбдіқалықова: Су көлемінің жеткілікті деңгейде болмауы мені де алаңдатады

Kyzylorda-news.kz. Бүгін, яғни 6 ақпан күні қазақстандықтар Бейжіңде өтетін Олимпиада ойындарының жарысында спорттың 3 түрі бойынша өнер көрсетеді, деп хабарлайды Sports.kz.
13:00 – Шаңғы жарысы.
Ерлер.
Скиатлон (15 км классикалық стильде + 15 км еркін стильде).
Финал.
Виталий Пухкало, Евгений Величко. 16:00, 17:30 – Фристайл (могул).
Әйелдер.
Екінші квалификация, финал.
Юлия Галышева, Аяулым Әмренова, Анастасия Городко, Олеся Граур.
17:00, 18:00 – Трамплиннен секіру (К-98).
Ерлер.
Бірінші раунд, финал.
Данил Васильев, Сергей Ткаченко.
Олимпиада-2022-де Қазақстан атынан 34 спортшы өнер көрсетеді.
Еске салайық, осы уақытта Қазақстанның ең үздік жетістігі шорт-тректен аралас командалық эстафета бойынша 5-ші орын.

Бейжің-2022: Бүгін жарыс жолына кімдер шығады?

Kyzylorda-news.kz. Банкрот деп танылған азаматтар бес жыл бойы ешбір банктен, микроқаржылық ұйымнан несие рәсімдей алмайды. Сондай-ақ үш жыл бойы шетелге шыға алмайды, деп хабарлайды <a href="https://stan.kz/nesie-ala-almaydi-shetelge-shiga-almaydi-ozin-bankrot-z-359741/">Stan.kz</a>.
Банкрот болған азаматтар туралы ақпарат ашық болады. Яғни кімнің несиесін төлей алмай банкрот болғанын өзге де азаматтар біле алады.
“Қазақстан Республикасы азаматтарының төлем қабілеттілігін қалпына келтіру және банкроттығы мәселелері бойынша өзгерістер мен толықтырулар енгізу туралы” заңның жобасында осындай шектеулер енген.
Айта кетейік, 1600 айлық есептік көрсеткішке дейін, яғни 4 миллион тоғыз жүз мың теңгеге дейін несие рәсімдеп, 5 жыл бойы төлей алмаған, атында ешбір мүлкі жоқ азаматтар ғана өзін банкрот деп жариялай алады.
Банкроттау рәсімі сот арқылы немесе соттан тыс іске асады. Алайда уәкілетті орган несиеге белшесінен батқан азаматты бірден банкрот деп танымайды. Әуелі 6 ай бойы несиесін төлей алмайтынын бақылайды. Яғни банкроттық сұрап отырған азаматтың барлық дерегі көпшілікке де, кредиторларға да ашық болады.
Жарты жыл ішінде борышкер меншігіне мүлік иеленсе немесе мүліктік жағдайы басқа да жолмен жақсарып, берешегін өз еркімен өтей бастаса банкроттық рәсімін тоқтату туралы өтініш жасауға міндетті. Сол кезде ғана оның ақпараты жойылады. Алайда, 6 ай ішінде жағдайы жақсармаса борышкер банкрот деп жарияланады.
Банкрот болған азаматтың егер алименті болса, өзгенің денсаулығына зиян келтірген өтеуі болса ол міндеттемелерден босатылмайды. Заң жобасында “Азаматтар банкроттық рәсімді 7 жылдан кейін қайта пайдалануға құқылы” деген норманы бекіту ұсынылып отыр.
Айта кетейік, қаржы министрлігі мен мәжіліс депутаттарының әзірлеп жатқан заң жобасы әлі талқыланып жатыр, сондықтан бұл нормалары өзгеруі де мүмкін. Ал бір басында бірнеше кредиті бар азаматтардың кейбірі бұл заң керек емес десе, кейбірі қажет екенін айтады.

Несие ала алмайды, шетелге шыға алмайды: Өзін банкрот жариялаған азаматтарға қойылатын шектеулер қандай?

Kyzylorda-news.kz. АҚШ-тағы Колумбия Университетінің ғалымдары коронавирустың миға қауіпті әсерін анықтады.
Ковид-19 салдарынан көз жұмған адамдардың басына жүргізілген зерттеу нәтижесінде науқастарда Альцгеймер ауруына тән өзгерістердің пайда болатынын көрсеткен. Негізі бұл зерттеуді жүргізуге індетпен ауырғандардың тарапынан “басым айналады” деген шағымы себеп болған. Ғалымдар кешенді жұмыстың әлі жалғасатынын айтады.
<a href="https://24.kz/kz/zha-aly-tar/lemde/item/526243-koronavirusty-mi-a-auipti-seri-any-taldy">24 kz</a>

Коронавирустың миға қауіпті әсері анықталды

Kyzylorda-news.kz. Қазақстанның оңтүстік өңірлерін аралап, су шаруашылығының жай-күйімен танысқан ҚР экология, геология және табиғи ресурстар вице-министрі Серік Қожаниязов Өңірлік коммуникациялар қызметінің баспасөз алаңында брифинг өткізді.
Серік Қожаниязовиың айтуынша, биыл су шаруашылығындағы жағдай былтырғыдан да күрделі болады.
<blockquote>
 “Қалыптасып отырған жағдайды көріп, су шаруашылығындағы қиыншылықтарды саралап, оңтүстік өңірлерде іс-сапармен жүрміз. Өкінішке орай, былтыр қиын жыл болды. 1 ақпандағы Қазгидрометтің болжамы бойынша жағдай әлі де дұрысталған жоқ. Өткен жылдан да қиын болмақ. Атап өтсек, таулы жерлерде судың келуі 2021 жылдың осы кезеңімен салыстырғанда 40-50 пайызға дейін кем”,- деді Серік Қожаниязов.
</blockquote>
Сырдария өзенінің 90 пайыз суы өзге елдерден яғни, Қырғызстан, Өзбекстан, Тәжікстан арқылы түседі. Қазіргі таңда Тоқтағұл су қоймасында 8,9 млрд. текше метр су бар. Ол өткен жылмен салыстырғанда 1,5 млрд текше метрге кем болып отыр.
<blockquote>
 “Өкінішке орай, Шардара су қоймасына вегетацияаралық кезеңінде өткен жылдың 1 қазанынан бастап осы жылдың 1 сәуіріне дейін 10,3 млрд. текше метр су келеді деп болжаған болатынбыз. Алайда, су болжағаннан да кем түсіп отыр. Осы жағдай жалғасатын болса, 10,3 млрд. текше метр судың орнына Шардараға 7,3 яғни 3 млрд-қа кем су келуі ықтимал. Қызылорда облысының егістік жерлері бар, одан қалды Арал маңындағы көлдер жүйесі бәрі де Шардараға қарап тұр. Сыйымдылығы 5,2 млрд. текше метр болатын Шардараға вегетациялық кезде су келмейтін болса жағдай өте күрделі болмақ. Барлық аудандарда да қиыншылықтар бар. Жаңақорған ауданындағы Келінтөбе магистралды каналын суландыру мәселесі бар, Шиеліде Қамысты каналында проблема бар. Былтыр насоспен магистральды суды қосымша беріп көрдік. Нәтижесі болды. Сол себепті бұл жұмыстарды жалғастырамыз. Сырдария мен Жалағаш ауданында да ондай мәселе жоқ. Бұл 2 ауданда ең үлкен күріш алқабы бар. Жылына 20 мың гектарға дейін күріш егеді. Дегенмен сол аудандарға биыл күріш көлемін шектеу керек. Себебі жақын орналасқан Қармақшы ауданына су жетпей, қиындық туғызады. Ал, өткен жылы Қармақшы ауданында Батыс Қармақшы қашыртқысынан Қурайлы каналына насос айдап көрдік. Биыл да сол жұмыстар жалғасын табады. Аз да болса Қармақшының жағдайы дұрысталады деген ойдамыз. Сондай-ақ, Қазалы ауданына Әйтектің құрылыс жұмыстары біткеннен кейін, Қараөзектің бойына су жиналуына мүмкіншілік болды. Сонымен қоса қосымша насостар қою арқылы шешуге мүмкіндік бар”, – деді Серік Қожаниязов.
</blockquote>

Серік Қожаниязов: Болжам бойынша жағдай өткен жылдан да қиын болмақ

Kyzylorda-news.kz. Бейжің төрінде өтетін XXIV қысқы Олимпиада ойындарының басталуына бір күн қалды. Әр Олимпиада өзіндік ерекше оқиғаларымен есте қалып жатады. Бүгін біз Олимпиада ойындары тарихында болған атышулы 5 жанжал туралы әңгімелесіміз, деп хабарлайды «<a href="https://24.kz/kz/zha-aly-tar/sport/item/487974-olimpiada-ojyndary-tarikhynda-bol-an-atyshuly-5-zhanzhal">Хабар 24</a>».
<img src="https://kyzylorda-news.kz/wp-content/uploads/2022/02/aaaaaaaaaa9-1.jpg" alt="" />
1. 1904 жылы марафонды автокөлікпен жеңіп алды Америкалық Фредерик Лорц 1904 жылы дәл осылай жасады. Ол жарыс жолының жартысында шаршап қалып, менеджердің көлігімен мәреге жетеді. Лорц мұны әзіл деп түсіндіргенмен, ойыннан шеттетіледі.
<img src="https://kyzylorda-news.kz/wp-content/uploads/2022/02/5f2066f3ae5ac933eb2d1ae0.jpg" alt="" />
2. 1920 жылы Олимпиадада ту ұрланды 1920 жылы Антверпенде өткен Олимпиада ойындары алғаш рет түрлі-түсті сақиналары бар жалаумен өтті. Бірақ ол тек 2 күн ілініп тұрды, содан кейін із-түзсіз жоғалып кетті. Қайда жоғалғаны тек 80 жылдан кейін ғана анықталды. Дайвингтен Олимпиада ойындарының жүлдегері Хейг Прист оны ұрлап кеткен. Спортшы туды 2000 жылы Олимпиада комитетіне қайтарып берді.
<img src="https://kyzylorda-news.kz/wp-content/uploads/2022/02/000000.jpg" alt="" />
3. 1936 жылғы Олимпиадаға қатысқан әйел ер адам болып шықты Дора Ратье 1936 жылы Германия атынан Берлин Олимпиадасына қатысып, биіктікке секіруден 4 орынға ие болды. Екі жылдан кейін ол Еуропа чемпионатында алтын алып, әлемдік рекорд орнатты. Көп ұзамай Дораның Генрих Ратджен есімді ер адам екені анықталады. Кейін белгілі болғандай, ол барлық атақтан және жарыстарға қатысу құқығынан айырылған.
<img src="https://kyzylorda-news.kz/wp-content/uploads/2022/02/15699218701726320072.jpg" alt="" />
4. КСРО баскетбол құрамасының ысқырықтан 3 секунд бұрынғы жеңісі Мюнхендегі Олимпиада ойындары кезінде баскетбол турнирінің финалында КСРО мен АҚШ кездеседі. Матчтың аяқталуына аз уақыт қалғанда америкалықтар 50:49 есебімен көш бастайды, бірақ КСРО спортшылары ысқырықтан 3 секунд бұрын допты лақтырып, жеңісті жұлып алады. АҚШ ойыншылары жанжал шығарып, бүгінгі күнге дейін Кеңес Одағының жеңісін мойындамайды.
<img src="https://kyzylorda-news.kz/wp-content/uploads/2022/02/aaaaaaaaaaaa8.jpg" alt="" />
5. 2002 жылы алтын медальдардың екі жиынтығы Олимпиадада мәнерлеп сырғанау тарихындағы басты жанжал 2002 жылы болды. Ол кезде Елена Бережная мен Антон Сихарулидзе жұптық жарыста жеңіске жетеді, бірақ канадалық мәнерлеп сырғанаушылар жеңілгендерін мойындамай, жаншал шығарады. Ал қазылар алқасының бір мүшесі орыстардан пара алды дейді. Нәтижесінде канадалықтар екінші алтын жиынтығымен марапатталады.

Олимпиада ойындары тарихында болған атышулы 5 жанжал

Kyzylorda-news.kz. Қазақстанда өткен тәулікте 13874 адам коронавирус инфекциясынан жазылып шықты, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 4551,
Алматы қаласы – 1486,
Шымкент қаласы – 64,
Ақмола облысы – 1006,
Алматы облысы – 275,
Атырау облысы – 654,
Шығыс Қазақстан облысы – 400,
Жамбыл облысы – 80,
Батыс Қазақстан облысы – 28,
Қарағанды облысы – 2971,
Қостанай облысы – 752,
Қызылорда облысы – 122,
Маңғыстау облысы – 185,
Павлодар облысы – 616,
Солтүстік Қазақстан облысы – 546,
Түркістан облысы – 138.
Қазақстан бойынша жазылғандар саны – 1156981.

Өткен тәулікте 122 қызылордалық коронавирустан жазылды

Kyzylorda-news.kz. Қазақстанда өткен тәулікте 4826 адамнан коронавирус инфекциясы ПТР арқылы анықталды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 412,
Алматы қаласы – 1273,
Шымкент қаласы – 52,
Ақмола облысы – 360,
Ақтөбе облысы – 83,
Алматы облысы – 294,
Атырау облысы – 79,
Шығыс Қазақстан облысы – 188,
Жамбыл облысы – 51,
Батыс Қазақстан облысы – 196,
Қарағанды облысы – 632,
Қостанай облысы – 391,
Қызылорда облысы – 18,
Маңғыстау облысы – 22,
Павлодар облысы – 467,
Солтүстік Қазақстан облысы – 297,
Түркістан облысы – 11.
Жалпы ел бойынша ауырғандар саны 1270954.

Қызылордада 18 адамнан коронавирус анықталды

Kyzylorda-news.kz. 6 ақпан күні антициклон жотасы Қазақстанның шығыс бөлігіне әсерін сақтайды. Қазақстанның қалған аумағында циклон мен атмосфералық ағындардың әсерінен жауын-шашын (жаңбыр, қар) болады. Оңтүстіктің таулы аудандарында қатты жауын, көктайғақ болып, жел күшейеді, елдің оңтүстігі мен оңтүстік-шығысындағы таулы асуларда желдің жылдамдығы секундына 30 метрге жетеді және одан да жоғары болуы ықтимал. Республика бойынша кей жерлерде тұман түсіп, жел күшейеді, деп хабарлайды Қазгидромет.
Түркістан облысының солтүстігінде тұман түсіп, көктайғақ болады, батысы мен оңтүстігінде және тау бөктеріндегі аудандарда желдің жылдамдығы секундына 17-22 метрге жетеді, таулы аудандарда және облыстың солтүстігінде 25 м/с, таулы асуларда 30 м/с және одан да жоғары болады.
Жамбыл облысының солтүстігінде, таулы және тау бөктеріндегі аудандарында тұман түсіп, көктайғақ болады, солтүстік-шығыста, оңтүстік-батыста, таулы аудандарда жел 15-20 м/с, күндіз облыстың оңтүстік-батысында екпіні 23-28 м/с, кейде 30 м/с және одан да жоғары болуы ықтимал.
Алматы облысының солтүстігінде, оңтүстігінде және шығысында тұман, көктайғақ болады, Алакөл көлдерінің ауданында жел 15-20 м/с, екпіні 23-28, кейде 30 м/с және одан да жоғары күтіледі.
Батыс Қазақстан облысының солтүстігінде, солтүстік-шығысында тұман, көктайғақ болады.
Атырау облысының солтүстік-шығысында тұман болып, облыстың шығысы мен орталығында жел секундына 15-20 м/с-ке дейін күшейеді.
Маңғыстау облысының батысында, солтүстігінде көктайғақ болып, тұман түседі, 15-20 м/с екпінді жел күтіледі.
Ақтөбе облысының оңтүстігінде түнде тұман түсіп, көктайғақ, күндіз бұрқасын болады, облыстың орталығында, оңтүстігінде жел екпіні 15-20 м/с жетеді.
Күндіз Қарағанды облысының батысында, оңтүстігінде – жаяу бұрқасын болып, батысында, шығысында, облыс орталығында жел 15-20 м/с-ке дейін күшейеді.
Шығыс Қазақстан облысының солтүстігінде тұман түседі, облыстың оңтүстік-шығысында жел 15-20 м/с күшейеді.
Қызылорда облысының солтүстігінде және орталығында тұман, көктайғақ, бұрқасын күтіледі, облыстың шығысында жел 15-20 м/с, күндіз 15-20, екпіні 23 м/с жетеді.

6 ақпанға арналған ауа райы болжамы

Kyzylorda-news.kz. Көктемгі дала жұмыстары мен егін егу науқанын бастар алдында егісті суармалы сумен қамтамасыз етудің жағдайын пысықтап, алдағы жоспарларды талқылау үшін облыс әкімі Гүлшара Әбдіқалықова 2022 жылдың вегетациялық кезеңіне және көктемгі дала жұмыстарына дайындық барысы туралы кеңейтілген жиын өткізді.
Жиынға Сыр өңіріне арнайы іссапармен келген ҚР Экология, геология және табиғи ресурстар вице-министрі Серік Қожаниязов және су шаруашылығы, ауыл шаруашылығы құрылымдарының басшылары қатысты.
<blockquote>
 «Сырдария өзеніндегі су тапшылығы мәселесі тек облыс ғана емес, республика үшін өзекті. Бұл ретте ахуалға қарай әрекет етіп, су арналарын реттеу, каналдарды тазалау жұмыстары жүргізілуі тиіс. Бүгінгі күні Сырдария өзенінің ағысын реттейтін Нарын-Сырдария су қоймаларындағы су көлемі 17 млрд 771 млн. текше метрді құрап, өткен жылдан 1 млрд 954 млн. текше метрге кем болып отыр. Сондықтан биылғы жылғы суармалы судың жағдайы өткен жылдан да күрделі болмақ. Оның ішінде Жаңақорған ауданы егісін сумен қамтамасыз ету мақсатында Келінтөбе магистралды каналына су деңгейін көтеру және «Қазсушар» кәсіпорны арқылы қажетті насос қондырғыларын сатып алу мәселесін ҚР Экология геология және табиғи ресурстар министрлігімен бірлесіп шешу мәселесін жеделдетуіміз қажет», – деді облыс әкімі.
</blockquote>
Өз кезегінде ҚР Экология, геология және табиғи ресурстар вице-министрі Серік Қожаниязов әріптестеріне жағдай күрделі екенін еске салып, барлық мүмкіндіктерді тиімді пайдалану қажеттігін тілге тиек етті. Сондай-ақ, Сырдың суына қатысты өзекті мәселе Үкімет басшысының назарында екенін және қазіргі таңда көрші мемлекеттермен белсенді түрде келіссөз жүргізілетінін мәлімдеді.
<img src="https://kyzylorda-news.kz/wp-content/uploads/2022/02/fb_img_1644057879343.jpg" alt="" />
<img src="https://kyzylorda-news.kz/wp-content/uploads/2022/02/fb_img_1644057886662.jpg" alt="" />

Гүлшара Әбдіқалықова: Биыл суармалы судың жағдайы өткен жылдан да күрделі болмақ

Kyzylorda-news.kz. ҚР Экология, геология және табиғи ресурстар вице-министрі Серік Қожаниязов Қызылорда облысына жұмыс сапарымен келді.
Бүгін Экология, геология және табиғи ресурстар вице-министрі Серік Қожаниязов су тапшылығының алдын алу мәселесі бойынша арнайы іссапармен келіп, Жаңақорған ауданындағы Келінтөбе магистралды каналын суландыру мәселесін талқылады.

Қазақстан және Қызылорда облысының жаңалықтары