Kyzylorda-news.kz. Мемлекет басшысы Қасым-Жомарт Тоқаев «QAZAQSTAN» телеарнасына берген сұхбатында қаңтарда митингке шыққандар туралы пікір білдірді.
«Қаңтар қасіретіне» келейік. Жыл басындағы қанды оқиға, өкінішке қарай, көп адамның өмірін жалмады. Митингке шыққандардың бәрі лаңкес пе? Негізі, адамдар басында бейбіт шеруге шықты емес пе?», – деп сұрақ қойды журналист Жайна Сламбек.
<blockquote>
 «Әрине, бастапқыда бейбіт шерулер болды. Мұны бәріміз көрдік. Еліміздің әр аймағында азаматтар алаңға жиналып, өз талаптарын айтты, тіпті, наразылықтарын білдірді. Шынын айтсақ, әуелде ешқандай қирату, қылмыстық әрекеттер болған жоқ. Бірақ, жағдай кейін мүлдем басқа арнаға бұрылып кетті. Арандатушылар мен қарақшылар пайда болды. Олардың шынайы мақсаты бейбіт митингке қатысу емес, билікке шабуыл жасау болды. Бір сөзбен айтқанда, соңына қарай алаңға нағыз лаңкестер шықты. Бүлікшілер мыңдаған қару-жарақты ұрлап кетті. Қазіргі уақытта полиция оларды іздеп жатыр. Әзірге түгелдей табылған жоқ. Бұзақылар сол қарудан тағы да адам атуы әбден мүмкін. Сонда мұны кім істеді деген сұрақ туады? Кім жасады? Бейбіт шеруге шыққандар ма? Шын мәнінде, бұл – кәсіби қарақшылардың ісі», – деп жауап берді Қ. Тоқаев.
</blockquote>

Мемлекет басшысы: Бұл – кәсіби қарақшылардың ісі

Kyzylorda-news.kz. Орталық сайлау комиссиясының Төрағасы Нұрлан Әбдіровтің Қызылорда облысына жұмыс сапары аясында сайлау комиссияларының мүшелерімен, саяси партиялардың, ҮЕҰ, БАҚ өкілдерімен, қоғамдық пікір көшбасшыларымен және блогерлермен сайлау процесі мәселелері бойынша үлкен кездесуі болды.
Кездесуді аша отырып, ол Орталық сайлау комиссиясының республиканың барлық өңірлеріне жұмыс сапарының циклі Мемлекет басшысының тапсырмасы бойынша ұйымдастырылып отырғанын атады.
<blockquote>
 Ортсайлауком Төрағасы «Алғашқы кездесуіміздің осы Сыр бойында өтіп отырғаны да кездейсоқ емес, бұл мекен Қазақстанның тұңғыш елордасы әрі киелі топырағы болып табылады» – деп атап өтті.
</blockquote>
Кездесуде сайлауды ұйымдастырушылар мен жергілікті жұртшылық өкілдерінің сайлау жүйесін және оның заңнамасын жетілдіру, сайлауды ұйымдастыру және өткізу кезінде оны құқықтық тұрғыдан қолдану жөніндегі кешенді мәселелері мен ұсыныстары талқыланды.
Талқылау барысында ОСК Басшысы Ортсайлауком мен төмен тұрған сайлау органдарының негізгі міндеті заңнамаға сәйкес барлық сайлау процестерінің ашықтығын қамтамасыз ету болып табылатынын ерекше айтып өтті.
Кездесу қорытындысы бойынша ол іс-шараға қатысушыларға сындарлы диалог, белсенді азаматтық ұстаным және сайлау процесінің өзекті мәселелерін талқылауға деген ұмтылысы үшін ризашылығын білдірді.
Қоғам өкілдері өз кезегінде Ортсайлауком басшылығына сайлау процесіне қатысушыларға өз пікірлерін білдіруге және сайлау процесін жетілдіру жөнінде бірқатар нақты ұсыныстар беруге мүмкіндік туғызып отырған осындай ашық алаңды ұйымдастыруға бастама жасағаны үшін алғыстарын білдірді.
Нұрлан Әбдіровтің Қызылорда облысына жұмыс сапары аясында ү.ж. 17-18 ақпанда Сырдария ауданына баруы және учаскелік сайлау комиссияларының мүшелерімен, сайланған әкімдермен, ауылдық округтердің тұрғындарымен, сондай-ақ өңір жастарымен кездесуі жоспарланған.
<img src="https://kyzylorda-news.kz/wp-content/uploads/2022/02/img-20220217-wa0056.jpg" alt="" />
<img src="https://kyzylorda-news.kz/wp-content/uploads/2022/02/img-20220217-wa0055.jpg" alt="" />
<img src="https://kyzylorda-news.kz/wp-content/uploads/2022/02/img-20220217-wa0057.jpg" alt="" />

Орталық сайлау комиссиясының төрағасы Қызылорда облысына жұмыс сапарымен келді

Kyzylorda-news.kz. Жастар ресурстық орталығының бастамасымен «Ауылдағы бір күн» жобасы басталды.
Жобаның басты мақсаты – елді мекендер мен ауылдарда кәсіпкерлікпен айналысатын азаматтардың жұмысын көпшілікке насихаттау. Жыл көлемінде 7 ауданға қарасты 30 ауыл қамтылмақ.
Өңірлік коммуникациялар қызметінде өткен брфингте облыстық жастар ресурстық орталығының жастар шығармашылығын және бұқаралық спортты дамыту бөлімінің басшысы Әліби Басаров жобада атқарылған жұмыстар мен алдағы міндеттерді баяндады.
<blockquote>
 “Әлеуметтік желі арқылы «Ауылдағы бір күн» жобасын бастадық. Мұнда ауылдың тыныс-тіршілігін таныстыра отырып, кәсіп игерген жастардың жұмысын көрсетеміз. Қазіргі таңда жастарымыздың көбісі ауылда жұмыс жоқ деген сылтаумен қалаға көшуде. Жастарды ауылға тарту үшін мемлекеттік бағдарламалардың тиімділігі өз нәтижесін көрсетуде. Аққыр және Амангелді ауылындағы жастармен кездесу барысында байқағанымыз, шаруашылықпен айналысқысы келетіндер өте көп. Тіпті өз кәсібін жандандырып, мол табыс тауып жүрген азаматтарды көзімізбен көрдік. Сондай-ақ, “Мен ауылдың баласы” атты пилоттық жоба да іске асты. Онда өнерге жақын талантты ауыл жастарының шығармашылығын дамытып, ерекше идея жасауға тырысамыз”, – деді Әліби Басаров.
</blockquote>

Қызылордада &#8220;Ауылдағы бір күн&#8221; жобасы жүзеге асуда

<a href="https://kyzylorda-news.kz/">Kyzylorda-news.kz.</a> Бүгін Қызылорда&nbsp; қаласы бойынша қылмыстық-атқару жүйесіне қарасты&nbsp; ЗК-169/1 мемлекеттік мекемесіне&nbsp; Қазақстан Республикасы Парламенті Мәжілісінің және Қызылорда қаласы мәслихатының депутаттары келіп, қамауда жатқандардың&nbsp; жағдайларымен танысты.
ҚР Парламенті&nbsp; Мәжілісінің депуттаттары Берік Дүйсенбинов&nbsp; пен Ерлік&nbsp; Өмірғали «Ақжол» ҚДП Қызылорда облыстық филиалының төрағасы, облыстық мәслихат депутаты Ж. Пірманов, қалалық мәслихат депутаты Ғ.Байсейітов және Қызылорда облысы бойынша ҚАЖД басшылығы тергеу изоляторының режимдік корпустарын аралады.
Алдымен мекеменің кезекші бөлімінде болып, ондағы тергеу, адвокаттар, кездесу және таксафонмен сөйлесу бөлмелеріндегі жағдайлармен танысты. Бұдан соң ішкі ғимараттағы мекеменің асханасына барып,&nbsp; қамаудағыларға дайындалып жатқан ас мәзірінің бақылап шықты. Одан соң мекеменің медицина бөлімінің жабдықталуын көріп, арнайы процедуралық бөлмелерді аралады.
Аралау барысында мекеме бастығы әділет подполковнигі А.Тасқараев:
Қамаудағы азаматтарға медициналық көмектің тиісті деңгейде жасалып жатқандығын, облыстық денсаулық сақтау басқармасымен бірлесе отырып олардың толық профилактикалық тексерістен өткендігі туралы және тергеу изоляторы қызметін ұйымдастыру мен қаңтар оқиғасы кезінде қамалғандарды тергеп-тексеру тәртібі жайлы ақпарат берді.&nbsp;
Мәжіліс депутаттары қапастарға кіріп, онда қамауда&nbsp; ұсталу жағдайларын көрді. Қаңтар оқиғасына қатысты&nbsp; «Мемлекет басшысының тапсырмасымен қамауда отырған азаматтардың қылмысын ауырлататын мән-жай болмаса, жазаларын және қамауда ұстау санкцияларын жеңілдету жөнінде&nbsp; сотқа және құқық қорғау органдарына&nbsp; ұсыныс&nbsp; беру үшін&nbsp; келгендігіндіктерін айтып жеткізді.
Ал, күдіктілер мен айыпталушылар сұрақтарын қойып, мекемедегі ұстау жағдайларына, оның ішінде азаптауларға қатысты шағымдарының жоқ екендігін айтты. Керісінше, күдіктілер өздерінің денсаулық жағдайларының бірқалыпты екендігін,&nbsp; жеке тергеу істері бойынша тергушілермен, адвокат және&nbsp; заңды өкілдерімен кездесулер заң шеңберінде болып жатқандығын жеткізді.
Бұдан соң&nbsp; депутаттар мекеменің жеке құрам қызметкерлерімен жиын өткізді. Парламент Мәжілісінің депутаты Берік Сәлімжанұлы төтенше жағдай кезіндегі жеке құрамға ел қауіпсіздігін сақтау жолында уақытпен санаспай&nbsp; қызмет атқарғандары үшін алғысын айтты. Сын сағатта&nbsp; ел тыныштығын қорғай білген құқық қорғау қызметкерлеріне ел Тәуелсіздігін нығайту жолындағы адал қызметіне ризашылығын білдірді.
Жиын соңында, ҚАЖ департаментінің бастығы әділет подполковнигі Ш.Есенкелдиев&nbsp; іссапармен келген халық қалаулыларына алғысын білдіріп, мемлекет алдындағы өз қызметімізді тиісті дәрежеде атқару біздің абырой мен міндетіміз деп қорытындылады.
<img src="https://kyzylorda-news.kz/wp-content/uploads/2022/02/whatsapp-image-2022-02-17-at-16.24.56.jpeg" alt="" />
<img src="https://kyzylorda-news.kz/wp-content/uploads/2022/02/whatsapp-image-2022-02-17-at-16.24.56-2.jpeg" alt="" />

Қызылорда қаласындағы тергеу изоляторына депутаттар келді

<a href="https://kyzylorda-news.kz/">Kyzylorda-news.kz.</a> Қазіргі таңда еліміздегі маңызды әлеуметтік салалардың жұмысын үкіметтік емес ұйымдар атқарады. Қазалыда 50-ге жуық үкіметтік емес ұйым тіркелсе, оның 20-сы белсенді түрде жұмыс жасайды.
Бүгін аудан әкімі Мұхтар Оразбаев пен аудандық мәслихат хатшысы Бақытжан Жарылқап Әйтеке би кентіндегі үкіметтік емес ұйымдардың жетекшілерімен кездесіп, еркін форматта пікір алысты.
Аудан басшысына үкіметтік емес ұйымдардың жұмыстары туралы «Жаңару» сыбайлас жемқорлыққа қарсы жалпыұлттық қозғалыс» республикалық қоғамдық бірлестігінің Қазалы ауданы бойынша филиалының директоры Талайлы Бөріқұлақов,«Қазақ тілі» Қазалы ауданы бойынша қоғамы» қоғамдық бірлестігінің төрағасы Нұрбибі Әшір, «Сауал» әлеуметтік зерттеу және ақпараттық талдау орталығы» қоғамдық бірлестігінің төрағасы Айбек Оразалиевайтып беріп, өздерінің бірқатар ұсыныс-тілектерін жеткізді.
Аудан әкімі Мұхтар Оразбаев аудандық «Білім беру саласының ардагерлер ұйымы» қоғамдық бірлестігінде ардагер ұстаздармен кездесті.
Кездесуде Мұхтар Әуесұлы «Ел мүддесін бәрінен биік қоятын, өзінен кейінгі ізіне ерген ұл-қыздарына ізеттігін аямайтын, ізінен ерген ұрпағына ұлылығын ұялатып, бір қауымға бас-көз бола білген ардагерлеріміздің орны ерекше», – деп ардагер ұстаздарға алғысын айтты.
Аудандық «Білім беру саласының ардагерлер ұйымы» қоғамдық бірлестігінің төрағасы Серік Қуанышбаеварнайы келген аудан басшыларына ризашылығын білдіріп, алдағы уақытта жас ұрпаққа тәлім-тәрбие беру жолында аянбай еңбек ете беретіндіктерін жеткізді.
<img src="https://kyzylorda-news.kz/wp-content/uploads/2022/02/04.jpg" alt="" />
<img src="https://kyzylorda-news.kz/wp-content/uploads/2022/02/01-1.jpg" alt="" />

Қазалыда 20 ҮЕҰ белсенді түрде жұмыс істейді

<a href="https://kyzylorda-news.kz/">Kyzylorda-news.kz.</a> Қазақстанда 2021 жылы 450 652 бала дүниеге келген. Осылайша, 2020 жылы 425 618 бала дүниеге келген алдыңғы рекорд жаңарды.
Ұлттық статистика бюросының мәліметінше, өткен жылы елімізде 450 652 бала туу тіркелген, бұл 2020 жылмен салыстырғанда 25 мың балаға немесе 5,9%-ға көп.
2021 жылы 1000 адамға шаққандағы жалпы туу көрсеткіші 23,41 құрады. 2020 жылы бұл көрсеткіш 22,40 болды. Өткен жылы 1000 адамға шаққанда туудың ең жоғары көрсеткіші Шымкентте (31,60), ең төменгі көрсеткіш Солтүстік Қазақстан облысында (12,27) тіркелді. Осыған дейін Қазақстанда туу көрсеткіші бойынша жаңа рекорд 2021 жылы орнатылатынын хабарлаған болатын.
Еске салайық, туу көрсеткіші бойынша соңғы рекорд 2020 жылы орнатылған болатын. Ол уақытта Қазақстанда 425 618 бала дүниеге келген. Осылайша, 1987 жылғы 417,1 мың бала дүниеге келген бұрынғы рекорд жаңарды. Бұған дейін хабарланғандай, 2021 жылы Қазақстан халқының саны 248 мың адамға өсіп, 19 125 620 қазақстандыққа жеткен. Бұл 2020 жылмен салыстырғанда 1,3 пайызға артық. Сондай-ақ өткен жылы 1 шілдеде Қазақстан халқының саны 19 миллион адамнан асты. Осыған орай мемлекет басшысы Қасым-Жомарт Тоқаев Қазақстан халқына үндеу жасады. Сол айда Алматы халқының саны 2 миллион адамнан асты.
<a href="https://stan.kz/kazakstanda-tuu-korsetkishi-boyinsha-zhana-rekord-tirke-360330/">Stan.kz</a>

Қазақстанда туу көрсеткіші бойынша жаңа рекорд тіркелді

<a href="https://kyzylorda-news.kz/">Kyzylorda-news.kz.</a>&nbsp;Қызылорда қаласындағы оқушылар сарайының IT аймақ орда технопарк техникалық бағыттағы үйірмелерін жетілдіру мақсатында Ақтөбе қаласындағы жас ғалымдармен оқу курстары ұйымдастырылмақ. Сондай-ақ, «Qyzylorda» телеарнасында «Бала орда» балаларға арналған бағдарлама көрермен назарына ұсынылып, үйірмелер жұмысы насихатталуда.
Бұл туралы Өңірлік коммуникациялар қызметінде өткен брифингте оқушылар сарайы директорының орынбасары Алтынай Төлегенова хабарлады.
<blockquote>
 «Оқушылар сарайында 1300-ден аса бала білім алады. Жалпы үйірмелер саны – 57, мектеп алды топтар саны – 9. Бүгінгі таңда біздің мекемеде түрлі бағытта үйірмелер ашылуда. Атап айтсақ, техникалық бағытта, спорттық, мүсін өнері үйірмелері бар. Бұл қосымшалардың барлығы оқушылардың шығармашылығын арттыру мақсатында ұйымдастырылды. Сондай-ақ, «Qyzylorda» телеарнасында «Бала орда» атты бағдарламаның бес түсірілімі өткізілді. Аталған бағдарламада үйірме жұмысын насихаттаумен қатар қаладағы мектептердің тыныс-тіршілігі көрсетіледі. Сонымен қатар, үш айдар бойынша түсірілім болады. Соның бірі – ойын зонасы айдары. Мұнда ұлттық тағамдарды насихаттау, ұлттық домбыра аспабымен музыкалық қабілеттерді ұштау, тик ток бағытында есте сақтау қабілетін дамыту сынды бағыттар болады», – деді Алтынай Төлегенова.
</blockquote>

Биыл оқушылар сарайында техникалық бағыттағы үйірмелер саны көбейеді

<a href="https://kyzylorda-news.kz/">Kyzylorda-news.kz.</a> Аймағымыздағы жас өрендерді кәсіби музыкалық өнерге толыққанды даярлау мақсатында Қазанғап атындағы Қызылорда музыкалық жоғары колледжі мен облысымыздағы 13 өнер мектебі меморандумға қол қойды.
Қызылорда облыстық білім басқармасының бастамасымен жүзеге асырылған ынтымақтастық аясында бүгінде өнер мектептерінде білім алып жатқан талантты оқушылар білімінің келесі сатысын кәсіби музыкалық колледжде жалғастыратын болады.
Бойында қалыптасқан киелі өнердің ұшқынын әрі қарай дамытып, музыканың әліппесін, аспаптарда орындау әдістерін игеру үшін, оқушы білім алуының үздіксіздігін қалыптастыруды мақсат тұтқан меморандумға сәйкес мұғалімдердің ғылыми–әдістемелік жұмыстарын, оқулықтар мен электрондық кітапханалық ресурстарды, материалдық-техникалық базаны дамыту жұмыстары үйлестіріледі.
Сондай-ақ, алдағы уақытта өнер мектептерінің кәсіби біліктілігін көтеру үшін біліктілік арттыру курстары, семинар, шеберлік сыныптары, лекция, концерттер, пәндік олимпиадалар ұйымдастырылады.
<img src="https://kyzylorda-news.kz/wp-content/uploads/2022/02/274249182_1298489750654227_9207300780049050722_n.jpg" alt="" />

Қызылордада өнер мектептері  мен музыкалық жоғары колледжі меморандумға отырды

<a href="https://kyzylorda-news.kz/">Kyzylorda-news.kz.</a> Балалардың қатысуымен орын алатын жол-көлік оқиғаларының басым бөлігі түнгі мезгілде орын алады. &nbsp;&nbsp;&nbsp;&nbsp;
Түнгі уақытта балалардың қатысуымен орын алатын жол-көлік оқиғаларының алдын алу мақсатында Қызылорда облысы полиция департаментінің жауапты қызметкерлері балалардың жаяу жүргінші өткелінен өтетін кезде жарық шағылыстыратын таяқшаны қолдануға кеңес береді.&nbsp;&nbsp;&nbsp;&nbsp;
Автокөлік жүргізушісі жарық шағылыстыратын таяқшаның жарығы арқылы жаяу жүргіншіні 130 метр қашықтықтан байқай алады.
Балалардың жарық шағылыстыратын таяқшаны түнгі мезгілде қолдануы автокөлік жүргізушілерінің назарын аударып, олардың қауіпсіздігін қамтамасыз етуге мүмкіндік береді. &nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;
Айта кетерлік, қызылордалық полицейлер жол қозғалысы қауіпсіздігін қамтамасыз ету және жаяу жүргіншілердің, оның ішінде балалардың қатысуымен орын алатын жол-көлік оқиғаларының алдын алу мақсатында &nbsp;тұрақты түрде&nbsp; жұмыстар жүргізуде.

Қызылордалық полицейлер балалардың жарық шағылыстырғыш таяқшаны қолдануына кеңес береді

<a href="https://kyzylorda-news.kz/">Kyzylorda-news.kz.</a>&nbsp;Мектептерде «Өзін-өзі тану» міндетті пән тізімінен шығарылады. Бұл туралы ҚР Білім және ғылым министрлігі хабарлады.
Министрлікке «Өзін-өзі тану» пәнін білім бағдарламалары тізімінен шығару туралы ұсыныстар келіп жатыр.
<blockquote>
 «Қазір білім және ғылым министрлігінің Ұлттық білім академиясы аталған міндетті пәнді мектептерде келесі оқу жылынан бастап факультативтік санатқа ауыстыру бойынша жоба енгізді. Қыркүйектен бастап «Өзін-өзі тану» пәнін бұрынғыдай 1-11 сыныптар емес, тек бір сыныпта ғана оқушылардың таңдауы бойынша оқыту жоспарланған», – деп хабарлайды министрлік.
</blockquote>
Пәнді факультативтік тізбеге ауыстыру бойынша жұмыс оқу бағдарламаларын жаңарту және білім алушылардың оқу жүктемесін азайту жөніндегі шаралар шеңберінде жүргізіледі.

«Өзін-өзі тану» міндетті пән тізімінен шығарылады

<a href="https://kyzylorda-news.kz/">Kyzylorda-news.kz.</a> COVID-19 және коронавирустық пневмониямен ауыратын науқастарға міндетті әлеуметтік медициналық сақтандыру есебінен медициналық оңалту қызметтері қол жетімді. Постковидті қалпына келтіру емін сіз елдің кез-келген жеке клиникасынан да ала аласыз.
Қауіпті вирустың алғашқы белгілері пайда болған кезде қызылордалық Ғайни Сағымбаева бірден медициналық көмекке жүгінді. 50 жастағы әйелге емхана дәрігерлеріCOVID-19 вирусы анықтап және қосымша астма диагнозын қойды. Науқас ауруханада емделгеннен кейін Қызылорда қаласындағы «Q-med» клиникасында коронавирустан кейінгі оңалтуға жолданған.
<blockquote>
 «Менде кеуде жағымда сколиоз болғандықтан, 3 топтағы мүгедектікке жатамын, соған байланысты МӘМС жүйесінде сақтандырылғанмын. Бұрын армандаған еліміздің жеке клиникаларында медициналық оңалтудың заманауи қызметтері қолжетімді болғанына өте қуаныштымын. Қазір денсаулық жағдайым жақсы. Клиниканың сыпайы және кәсіби қызметкерлерінің қамқорлықтары үшін рақмет! Өзіңізді және жақындарыңызды қорғап жүріңіз!» – дейді Ғайни Сағымбаева.
</blockquote>
Медициналық оңалту барысында науқастар кинезотерапия, механотерапия, тыныс алу гимнастикасы, емдік дене шынықтыру, аппараттық массаж, фитобочка, емдік ванна, аэрозольотерапия, лазерлік және магниттік терапия және басқалар сияқты медициналық қызметтерді ала алады. Күндізгі және тәулік бойы стационарларда емдеу мерзімдері 10-15 күн аралығында болады.
Клиниканың бас дәрігері Сымбат Жанұзақованың айтуынша, коронавирустан кейінгі оналтудан өту үшін жергілікті дәрігерге жүгіну қажет, ол реабилитолог дәрігерге немесе мамандардың көп салалы тобымен кеңес алуға жолдама береді.
Айтпақшы, «Q-med» – те МӘМС қаражаты есебінен медициналық оналту қызметтерің облыс тұрғындары ғана емес, басқа да өңірлердің тұрғындары ала алады. 2021 жылы клиника 600-ден астам науқасқа қалпына келтіру оңалту қызметін көрсетті. Бұл мақсатқа медициналық сақтандыру қорынан 93,4 млн теңге бөлінді.&nbsp;&nbsp;
<img src="https://kyzylorda-news.kz/wp-content/uploads/2022/02/0565c881-343e-4893-9899-961237282058.jpg" alt="" />
<img src="https://kyzylorda-news.kz/wp-content/uploads/2022/02/ea5eac86-0ee2-4737-babc-31bfc7ef0bd6.jpg" alt="" />

Коронавирустан кейінгі оңалту емін елдің кез-келген жеке клиникасынан ала аласыз

<a href="https://kyzylorda-news.kz/">Kyzylorda-news.kz.</a> Мемлекет басшысының жолдауында «Халық үніне құлақ асатын мемлекет» тұжырымдамасын іске асыру, азаматтардың барлық сындарлы сауалдарының жедел және тиімді әрекет етуге мүмкіндік береді деп атап өткен. Билік пен қоғам арасында тұрақты диалог орнату арқылы ғана үйлесімді мемлекет қалыптастыруға болады.
Халыққа одан әрі жақын болып, тығыз байланысқа түсу үшін Сыр өңіріндегі «Ақмешіт – адалдық алаңы» жобасы аясында департаментте «Open Space» жобасы іске асырылып, Қызылорда облысы бойынша &nbsp;кірістер департаментінің кіре-берісіне «Open Space» форматында қоғамдық қабылдау орталығы салынып, 2021 жылдың ақпан айында ашылды.
Яғни, «Open Space» форматында қоғамдық қабылдау орталығы әйнектелген ашық кеңістікте жұмыс жасауы қоғам алдында мемлекеттік қызметтің ашықтығын көрсетеді және халық пен биліктің байланысын нығайтуға мүмкіндік береді, шыны терезеден жасалған кабинетте жеке азаматтарды қабылдап, халықтың мәселелерін тыңдау, тұрмыстық жемқорлықты жою және кең ауқымды қоғамдық бақылауды қамтамасыз етуге септігін тигізеді. Жұмыстың жақсартылған форматы келушілерге мейлінше қолайлы жағдайлар жасауға бағытталып отыр.
2021 жылдың 12 айында 16 333, айына 1 484, күніне орта есеппен 74 азаматтарды қабылдап, кеңес беруде және қазіргі таңға 17&nbsp;306, айына 1&nbsp;442, күніне орта есеппен 72 азаматтарды қабылдап, кеңес беруде.
Осы негізде, департамент және Қызылорда қаласы бойынша Мемлекеттік кірістер басқармасының қызметкерлері күнделікті кезекшілікке түсіп, азаматтарды қабылдауда.

Қазақстан және Қызылорда облысының жаңалықтары

Мемлекет басшысы: Бұл – кәсіби қарақшылардың ісі

Орталық сайлау комиссиясының төрағасы Қызылорда облысына жұмыс сапарымен келді

Қызылордада “Ауылдағы бір күн” жобасы жүзеге асуда

Қызылорда қаласындағы тергеу изоляторына депутаттар келді

Қазалыда 20 ҮЕҰ белсенді түрде жұмыс істейді

Қазақстанда туу көрсеткіші бойынша жаңа рекорд тіркелді

Биыл оқушылар сарайында техникалық бағыттағы үйірмелер саны көбейеді

Қызылордада өнер мектептері мен музыкалық жоғары колледжі меморандумға отырды

Қызылордалық полицейлер балалардың жарық шағылыстырғыш таяқшаны қолдануына кеңес береді

«Өзін-өзі тану» міндетті пән тізімінен шығарылады

Коронавирустан кейінгі оңалту емін елдің кез-келген жеке клиникасынан ала аласыз

Кірістер департаментінде «Open Space» форматында қоғамдық қабылдау орталығы ашылды

Қазақстан және Қызылорда облысының жаңалықтары

Мемлекет басшысы: Бұл – кәсіби қарақшылардың ісі

Орталық сайлау комиссиясының төрағасы Қызылорда облысына жұмыс сапарымен келді

Қызылордада &#8220;Ауылдағы бір күн&#8221; жобасы жүзеге асуда

Қызылорда қаласындағы тергеу изоляторына депутаттар келді

Қазалыда 20 ҮЕҰ белсенді түрде жұмыс істейді

Қазақстанда туу көрсеткіші бойынша жаңа рекорд тіркелді

Биыл оқушылар сарайында техникалық бағыттағы үйірмелер саны көбейеді

Қызылордада өнер мектептері мен музыкалық жоғары колледжі меморандумға отырды

Қызылордалық полицейлер балалардың жарық шағылыстырғыш таяқшаны қолдануына кеңес береді

«Өзін-өзі тану» міндетті пән тізімінен шығарылады

Коронавирустан кейінгі оңалту емін елдің кез-келген жеке клиникасынан ала аласыз

Кірістер департаментінде «Open Space» форматында қоғамдық қабылдау орталығы ашылды

Қызылордада “Ауылдағы бір күн” жобасы жүзеге асуда