БЕС ЖАҢАЛЫҚ: Апталық шолу

<a href="https://kyzylorda-news.kz/">Kyzylorda-news.kz</a> &nbsp;Қазақстан Халық партиясының Қызылорда облыстық филиалы «Педагог мәртебесі – сапалы білімнің негізі» атты партиялық жобасы аясында ашық диалог алаңын өткізді.Диалог алаңының басты мақсаты – ұстаздармен еркін пікір алмасып, білім беру саласындағы өзекті мәселелерді талқылау, педагог мәртебесін арттыру және олардың құқықтарын қорғауға бағытталған нақты ұсыныстар әзірлеу болды.Жиынға қала мектептерінің мұғалімдері мен колледж ұстаздары қатысты. Кездесуде олар күнделікті жұмыс барысында туындайтын түйткілді мәселелерін ашық айтты.Көтерілген негізгі мәселелер:1.Мұғалімдердің түнгі рейд жұмыстарына қатысуы. Ұстаздар бұл мәселе олардың қауіпсіздігіне қатер төндіретінін айтты. Президент Тамыз конференциясында мұғалім жұмыстан тыс уақытта баланың қауіпсіздігіне жауап бермейді, бұл – ата-ананың міндеті екенін атап өткен болатын. Дегенмен, кейбір аймақтарда ұстаздарды рейд жұмыстарына тарту жалғасып отыр.2.Сенбілікке шығу. Педагог мәртебесі туралы заң қабылданғанына қарамастан, мұғалімдерді сенбілікке шығару фактілері әлі де кездеседі. Бұл ұстаздардың негізгі қызметінен тыс жұмыстарға жегілмеуі керектігін тағы бір рет көрсетті.3.Инклюзивті білім берудің қиындығы. Мұғалімдер ерекше қажеттіліктері бар балаларды жалпы білім беретін мектептерде оқыту барысында түрлі қиындықтарға тап болып отырғанын айтты. Әсіресе колледждерде білім алатын ерекше жастар үшін 95 минуттық ұзақ сабақтар ауыр тиеді. Олар тез шаршап қалады, оқу процесіне бейімделуі күрделі және мұндай жағдайда арнайы әдіс-тәсілдер қолдануды қажет етеді.Ашық диалог барысында айтылған ұсыныстар мен пікірлер педагог мәртебесін арттыруға, ұстаздардың құқықтарын қорғауға және білім саласындағы саясатты жетілдіруге негіз болмақ.

Педагог мәртебесіне арналған ашық диалог өтті

<a href="https://kyzylorda-news.kz/">Kyzylorda-news.kz</a> &nbsp;Арал ауданының әкімі Аманжол Оңғарбаев Ақирек ауылдық округіне жасаған жұмыс сапарында елдегі белді кәсіпкерлердің бірі, бүгінде ауқымды жобаларды жүзеге асырып жатқан облыстық мәслихат депутаты Мейрамбек Жұмашевтың қолға алып жатқан бірқатар жұмыстарымен танысты.Ауқымды жобаны Арал ауданы, Ақирек ауылдық округінде кәсіпкер Мейрамбек Тоғысұлы жалпы аумағы 380 гектар жеке меншіктегі жерінде іске асыруда.Тау бөктеріндегі егістік алқабының 300 гектар жерін бүгінде толықтай тегістеп, қоршау жұмыстарын жүргізген. Келер жылы осы аумаққа жоңышқа егіп, мал азығына қажетті жем-шөп дайындау ісін қолға алған кәсіпкер, бұл бағыттағы жұмыстар нәтиже беретініне сенімді.Сондай-ақ осыдан 5 жылдай уақыт бұрын алма ағаштарын егуді қолға алған. Бүгінде бұл иглікті істің нәтижесі бар. 5 гектар жер түгелдей қоршалып, жағалай терек талдармен көмкерілген. Ал бақша ішіндегі 3 мың түп алма ағашы жеміс беруде. Қосымша 300 түп шие, өрік сынды жеміс талдары да жайқалып тұр.<img src="https://knadmin.beoblood.kz/uploads/1audan_kimi_tau_b_kterindegi_tolymdy_zh_mystarmen_tanysty_257c0d31b5.jpg" alt="1аудан әкімі тау бөктеріндегі толымды жұмыстармен танысты.jpg">Аудан әкімі осы жұмыстарға куә болып, егістік басында арнайы жұмыс жүргізіп жатқан огроном мамандарымен тілдесті. Күтімі ерекше жеміс талдарын Арал топырағына жерсіндіріп, одан айтарлықтай нәтиже көрсетіп отырған диқаншы азаматтардың алдағы жұмысына сәттілік тілеп, кәсіпкердің ауқымды бастамаларына ұдайы қолдау болатындығын жеткізді.Осы маңның 10 гектар аумағын алып жатқан жер бүгінде тоған шаруашылығын дамыту бағытында өңделуде.Жалпы құны 685 млн. теңге болатын жобаны жүзеге асыру мақсатында «Байқоңыр» Әлеуметтік кәсіпкерлік корпорациясы» АҚ арқылы 513 млн. теңге несие қаражаты мақұлданып, тоған аумағын қазу жұмыстары жүргізілуде. Бүгінгі күні 9 тоғанның қазба жұмыстары аяқталған, қосымша 1 тоған қазылуда. Алдағы уақытта гидроқұрылыстары бастау алады. Жоба жыл соңына қарай іске қосылады деп күтілуде.Жылдық қуаттылығы 300 тоннадай болатын тоған шаруашылығында сазан тектес балықтар өсірілетін болады.<img src="https://knadmin.beoblood.kz/uploads/audan_kimi_tau_b_kterindegi_tolymdy_zh_mystarmen_tanysty_9a8f1babca.jpg" alt="аудан әкімі тау бөктеріндегі толымды жұмыстармен танысты.jpg">Аудан әкімі Аманжол Сақыпұлы қолға алынып жатқан жобаның ауқымды екенін айтып, үлкен іске бастамашы болған жергілікті кәсіпкердің жұмысына сәттілік тіледі. Сонымен қатар алда атқарылатын өзге де жұмыстардың беталысын бағамдап, игілікті еске әркез қолдау болатындығын жеткізді.Фото: Арал ауданы әкімінің баспасөз қызметі

Арал: аудан әкімі тау бөктеріндегі толымды жұмыстармен танысты

<a href="https://kyzylorda-news.kz/">Kyzylorda-news.kz</a> «AMANAT» партиясы жанындағы инклюзия жөніндегі республикалық кеңестің отырысы өтті. Кеңес отырысына ZOOM платформасы арқылы партияның облыстық филиалының атқарушы хатшысы Ләйлә Төрешова, облыстық денсаулық сақтау басқармасы басшысының орынбасары Мая Мирзанова, облыстық білім басқармасының бөлім басшысы Шолпан Жүнісова қатысты.Жиында Мемлекет басшысының Жолдауында қойылған міндеттерді іске асыру, Партияның сайлауалды бағдарламасы шеңберінде дамуында кемістігі бар және олардың туындау қаупі бар жас балалар үшін құрылған ерте араласу орталықтары жұмысы, «Қамқорлық» бастамасы шеңберінде аудандық деңгейде оңалту орталықтарын ашу туралы, оның ішінде мүгедектіктің әртүрлі себептері бар адамдар үшін инклюзивті тәсіл және оңалту әдістерін оқытуды ұйымдастыру мәселелері қаралды.ҚР Еңбек және халықты әлеуметтік қорғау вице-министрі Виктория Шегай, ҚР Денсаулық сақтау министрлігі Ана мен бала денсаулығын сақтау департаментінің директоры Мағрипа Ембергенова, республикалық кеңес мүшесі, «Жұлдызай» медициналық ресурстық орталығы» ЖШС директоры Айгерім Кудеринова, біздің өңірден облыстық денсаулық сақтау басқармасы басшысының орынбасары Мая Мирзановалар күн тәртібінде көтерілген мәселелер бойынша атқарылып жатқан жұмыстарды баяндады.Өңірге келсек, Қызылорда облысының халқының саны 01.08.2025 жылға 846 675-ті құрайды. Жалпы халық санынан мүгедектігі бар адамдардың үлесі 4,1%, яғни 34 768 адам. 18 жасқа дейінгі балалар саны – 324 347, ал мүгедектігі бар балалар саны – 6973 (2,1%) және балалар арасында алғаш рет мүгедектік тағайындалу былтырғы жылмен салыстырғанда 17% төмендеген.Мүгедектігі бар балаларды және оңалту емін қажет ететін балаларды оңалтумен қамтуды ұлғайту мақсатында партияның сайлауалды бағдарламасы аясында облыста «Ерте араласу орталығын» құру үшін Көпбейінді облыстық балалар ауруханасының ғимаратына жөндеу жұмыстары жүргізілуде. Жөндеу жұмыстары 15 қазанда толық аяқталып, 1 қарашадан бастап Орталық жұмысын бастайды деп жоспарланып отыр. Сонымен қатар, «Қазақстан халқына» қорымен 124,6 млн теңгеге орталыққа қажет құрал-жабдықтармен қамтамасыз етілді және «Қамқорлық» қоғамдық қорымен 29 маман Республикалық орталықтарда біліктілігін арттырды.«Қамқорлық» бастамасы аясында аудандық деңгейде оңалту орталықтарын ашу бойынша Қызылорданың оңтүстік-шығыс бөлігінде Жаңақорған көпбейінді орталық аудандық ауруханасы базасында «Қамқорлық» ауданаралық оңалту орталығы 2024 жылдың 10 маусымынан бастап ашылып өз жұмысын бастады. «Қазақстан халқына» қорынан қаржы бөлініп, құрал –жабдықтармен қамтамасыз етілген. Орталықта қызмет жасайтын мамандар Астана қаласындағы «Ұлттық балаларды оңалту орталығында» даярланып, білімдерін жетілдірген.Дәл осындай орталық өңірідің батыс бөлігі үшін Арал аудандық ауруханасының «Байтұрсынов» емханасының базасында ағымдағы жылдың 23 тамызында ашылған. Аталған оңалту орталығы Арал мен Қазалы аудандары балалары үшін қолжетімді медициналық оңалту қызметтерін ұсынуға мүмкіндік береді.

Республикалық кеңес отырысында инклюзивті тәсіл және оңалту әдістерін оқытуды ұйымдастыру мәселелері талқыланды

<a href="https://kyzylorda-news.kz/">Kyzylorda-news.kz</a> &nbsp;Арал &nbsp;ауданының әкімі Аманжол Оңғарбаев қаладағы Руханият орталығында Арал қаласының тұрғындарымен кездесіп, ауданда жыл көлемінде атқарылған ауқымды жұмыстарды баяндады.Кездесуге аудандық мәслихат төрағасы, аудан әкімінің орынбасарлары, дербес бөлім басшылары мен аудандағы құқық қорғау органдарының басшылары қатысты.Аталған жиында аудан әкімі жыл бойы атқарылған ауқымды жұмыстарға жан-жақты тоқталып, түрлі макроэкономикалық көрсеткіштер бойынша қол жіткізілген жетістіктерді баяндады.<blockquote>– Жыл басынан бері ауданның экономикалық дамуында оң тенденция қалыптасты. 7 макроэкономикалық көрсеткіш бойынша өсім бар. Соның ішінде инвестиция, қаржы-салық саясаты және өнеркәсіп сынды салаларда айтарлықтай өсім байқалады. Мұнан өзге әлеуметтік-экономикалық көрсеткіштерді еселей түсетін маңызды салалар бойынша да жақсы нәитижелеге қол жеткізудеміз – деді аудан әкімі.</blockquote>Кездесуде аудан әкімі Президент Жолдауынан туындайтын маңызды міндеттерді басшылыққа алып, Кіші Аралды сақтап қалу бойынша қолға алынып жатқан кешенді жобаларды тілге тиек етті. Сонымен қатар, туризм және руханият салалары бойынша бірқатар маңызды бастамаларды назарға алды.Аудан әкімі мұнан өзге құрылыс, денсаулық және білім сынды маңызды салалар бойынша да нәтижелі жұмыстарға тоқталып, қол жеткізілген мүмкіндіктерді атап өтті.<blockquote>– Құрылыс саласында да айтарлықтай өсім бар. Биыл шалғайдағы Ақбасты ауылы ауыз су желісіне қосылды. Енді Тоқабай, Абай, Ерімбетжаға және Тастүбек ауылдарын ауыз су желісіне қосуға жұмыс жасаудамыз. Мұнан бөлек ауданды газдандыру бойынша соңғы 3 жылда 6,8 млрд. теңгеге 242,4 шақырым газ желісі жүргізілді. Жыл басында Сексеуіл және Шижаға ауылдары газға қосылса, ендігі кезекте Сыр беткейдегі Қамыстыбас ауылын газға қосуды жоспарлаудамыз. Білім беру саласы бойынша да жақсы нәтиже бар. Жыл басынан «Келешек мектептері» жобасы бойынша Арал қаласынан және Сексеуіл кентінен заманауи мектеп салынса, Тоқабай және Ақшатау ауылдарынан жаңа мектеп ғимараты пайдалануға берілді. Жыл соңына дейін Жалаңаш ауылында салынып жатқан мектеп ғимаратын аяқтап, пайдалануға беретін боламыз. Денсаулық сақтау саласы бойынша да нәтижелі жұмыстар атқарылып жатыр. Жыл басында Сексеуіл кентінде 40 төсектік аурухана пайдалануға берілсе, Тоқабай ауылынан дәрігерлік амбулатория салынды. Жақында «Қамқорлық» оңалту орталығы жұмысын бастады. Бұл салада құрылысы жүріп жатқан ғимараттар да бар. Мәселен аурухана жанынан қосымша жапсаржай салынуда. Бұдан бөлек жұқпалы аурулар бөлімшесіне жаңа ғимарат салынып жатыр. Бұл жұмыстардың барлығы қазіргі таңда қарқынды жүргізілуде, – деді аудан әкімі Аманжол Сақыпұлы.</blockquote>Қала тұрғындарымен болған емен-жарқын жүздесуде тұрғындар тарапынан түрлі ұсыныс-пікірлер айтылып, әр салада абыройлы еңбек еткен бірқатар зиялы қауым өкілдері және ардагерлер өздерінің сауалдарын жолдады. Көбі елдік мәселе төңірегінде ұсыныстар болды. Аудан әкімі тұрғындар тарапынан айтылған әрбір сауалдарға жеке-жеке тоқталып, кейбір мәселелер бойынша заңдылығына қарай тиісті жұмыстар атқарылатынын жеткізді. Кездесуге жиналған тұрғындар аудан әкімінің жыл көлемінде атқарған жұмыстарын жоғары бағалап, игілікті іске әркез куә болып келе жатқандарын жеткізді.Мұнан соң аудан әкімі Аманжол Сақыпұлы аудандағы құқық қорғау органдарының басшыларымен бірге жеке қабылдау өткізді. Қабылдауға жазылған азаматтар өздерін толғандырған түрлі мәселелер бойынша аудан әкіміне және құқық қорғау органдарының басшыларына сауалдарын жеткізді.Тұрақты жұмыс сұрап келген азаматтарға кәсіпкерлік нысандар мен мекемелерден түскен сұраныс бойынша бос жұмыс орындарын ұсынды. Тұрғындардың өтінішіне сай мамандығына сәйкес және қоғамдық жұмысқа орналасу бойынша жауапты бөлім басшыларына заң шеңберінде барлық мүмкіндіктерді қарастыруды тапсырды. Ал тұрғын үй қажеттілігімен келген адамдарға өңірдегі тұрғындарды баспанамен қамту әр санат бойынша жүргізілетіндігі түсіндірілді.Аудан басшысы көтерілген әрбір мәселелерді сала мамандарымен бірге мұқият зерделеп, заңдылығына қарай шешім қабылданатынын жеткізді. Айтылған өтініштер мен ұсыныстарды құзырлы орган басшылары назарға алып, мәселелерді шешу бағытында жан-жақты жұмыс жүргізілетінін жеткізді.Фото: Арал ауданы әкімінің баспасөз қызметі

Аудан әкімі Арал қаласының тұрғындарымен кездесті

<a href="https://kyzylorda-news.kz/">Kyzylorda-news.kz</a> «AMANAT» партиясының облыстық филиалының атқарушы хатшысы Ләйлә Төрешованың қатысуымен партиялық бақылау комиссиясының отырысы өтті.Күн тәртібінде Мемлекет басшысының Жолдауынан туындайтын міндеттер және партияның «Халықпен бірге!» сайлауалды бағдарламасы аясында елді мекендерді таза ауыз сумен және орталықтандырылған газбен қамтамасыз ету мәселелері мен партияның Жалағаш және Жаңақорған аудандық филиалдарының партиялық бақылау бекеттерінің жұмысы, жалпы партиялық бақылауды ұйымдастыру және ішкі партиялық тәртіпті нығайту жұмыстары талқыланды.Комиссия отырысына күн тәртібіндегі сұраққа жауапты облыстық басқарма өкілдері, Жалағаш және Жаңақорған аудандық филиалдарының атқарушы хатшылары мен партиялық бақылау комиссиялары жетекшілері онлайн және оффлайн режимде қатысты.Партиялық бақылау комиссиясының төрағасы Нұркен Бақытбекұлы Мемлекет басшысы «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу» атты Жолдауында тұрғын үй-коммуналдық шаруашылығы мен су инфрақұрылымын жаңғырту – тұрақты дамудың негізгі факторы екенін атап өткенін, мұнан бөлек 2021 жылғы «Халық бірлігі және жүйелі реформалар – ел өркендеуінің берік негізі» атты Қазақстан халқына жолдауында Өңірлерді дамытудың ұлттық жобасы аясында бес жыл ішінде яғни, биылғы жылдың соңына дейін халықтың 100 пайызын таза ауыз сумен қамтамасыз етуді тапсырғандығын атап өтіп, Президент Жолдауларымен үндескен «AMANAT» партиясының сайлауалды бағдарламасында да аймақтағы елді мекендерді таза ауыз сумен және орталықтандырылған газбен қамтамасыз ету көзделгендігін баса айтты.Жиын барысында осы бағытта атқарылып жатқан жұмыстар төңірегінде облыстық энергетика және тұрғын үй коммуналдық шаруашылығы басқармасының газ инфрақұрылымын дамыту және өндірістік қауіпсіздікті мониторингілеу бөлімінің басшысы Ислам Бектұрғанов пен басқарманың сумен қамтамасыз ету және суды бұру бөлімінің басшысы Әсет Қазтай жан-жақты баяндады.Ислам Бектұрғановтың айтуынша ағымдағы жылдың 9 айы бойынша 6 елді мекенді газдандыру жұмыстары толығымен аяқталып, газ жүйесіне қосылған. Нәтижесінде бүгінде өңірдің газдандыру деңгейі 81 пайызды құраса, жалпы газдандырылған ауылдық елді мекендердің саны 52-ге жеткен. Бұл жұмыстарға ағымдағы жылы республикалық және облыстық бюджеттерден газдандыру жобаларына 15,7 млрд теңге бөлінген.Жалпы өңірде 4 қала және 222 ауылдық елді мекен бар. Оның ішінде орталықтандырылған ауыз су жүйесіне қосылмаған 19 ауылдық елді мекен қалуда. Бұл елді мекендерде 5 мыңға жуық астам халық қоныстанған. Жиын барысында сөз алған басқарманың сумен қамтамасыз ету және суды бұру бөлімінің басшысы Әсет Қазтай бұл бағытта арнайы жол картасы әзірленіп жұмыс жасалуда. Жыл соңына дейін облыс бойынша 83 шақырым су құбыры салынып, Мемлекет басшысының халықты 100 пайыз сапалы ауыз сумен қамту тапсырмасы толық орындалатын болады, - дейді.Мұнан соң Жалағаш және Жаңақорған аудандық филиалдары жанындағы Партиялық бақылау комиссияларының төрағалары хабарлама жасап, аудан деңгейінде жасалып жатқан жұмыстарды жеткізді.Комиссия мүшелері күн тәртібінде қаралған әрбір мәселе бойынша өздерінің сауалдарын қойып, жұмысты жетілдіруге қатысты ұсыныстарын ортаға салды. Айтылған ұсыныстар назарға алынып, жиын хаттамасына енгізілді. Орындалуы партиялық бақылауға алынды.

Таза ауыз су және газдандыру мәселелері партиялық бақылау комиссиясы отырысында талқыланды

<a href="https://kyzylorda-news.kz/">Kyzylorda-news.kz</a> &nbsp;Қазақстанда жүргізуші куәлігін алу үшін тапсырылатын тәжірибелік емтихан – тек ресми рәсім емес, жол қозғалысына қатысушы болуға дайындықты тексеретін аса маңызды кезең. Бұл сынақ арқылы болашақ жүргізушілердің көлікті басқару дағдысы мен жолдағы қауіпсіздікке көзқарасы айқындалады.Алайда тәжірибелік емтихан көптеген үміткерлер үшін ең күрделі кезеңдердің бірі болып отыр. Көп жағдайда емтихан тек қана сәтсіз нәтижемен шектелмей, автокөліктің зақымдануына, жол белгілерінің құлатылуына немесе қауіпті жағдайлардың туындауына әкеліп жатады. Жыл басынан бері Қызылорда облысы бойынша мамандандырылған ХҚКО 4 жағдай орын алған. Мұндай жайттар емтиханның маңызын айқын көрсетеді: автодромда жіберілген қателіктер шынайы өмірде адам өміріне қауіп төндіруі мүмкін.Мамандардын пікірінше, тәжірибелік емтихан – тек жүргізушінің жеке сынағы ғана емес, қоғам қауіпсіздігіне тікелей әсер ететін маңызды қадам. Сондықтан бұл кезеңге жеңіл-желпі қарамай, әрбір үміткер жауапкершілікпен дайындалуы тиіс.

Жүргізуші куәлігін алу емтиханы – жауапкершілікті талап ететін маңызды кезең

<a href="https://kyzylorda-news.kz/">Kyzylorda-news.kz</a> &nbsp;Қатаң қағида барда қиғылыққа да, қисынсыз іске де жол берілмейді. Сол себепті, ережені ескеріп, тәртіпке бағыну – қауіпсіздік пен тыныштықтың кепілі екені белгілі. Осы бағытта ҚАЖ департаментінен келген мамандар №68 мекемесінің қызметкерлерімен кездесу өткізіп, негізгі мәселелер бойынша сөз қозғады.Темір тұлпарды тізгіндегенде жол ережесін бұлжытпай сақтау – басты шарттардың бірі. Жиын барысында бұл тақырып назардан тыс қалмады. Автокөлікті басқару кезінде кемшіліктерге жол бермеу және құжаттың түгел болуы маңызды екені айтылды. Бұл туралы толығырақ ҚАЖ департаментінің жеке құраммен жұмыс тобының бас маманы әділет майоры Әлішер Беркінбеков тарқатты.Оқыс оқиға сақтыққа салғырт қарағаннан болады. Келесі түсіндірме қаруды кез келген жерге қалдырмау, оны дұрыс қолдану төңірегінде өрбіді. Жазатайым жайттың алдын алу үшін әр қызметкер өз ісіне жауапты болу керегі баса айтылды. Өзіндік қауіпсіздік тобы АМІЖ аға жедел уәкілі әділет подполковнигі Серік Жоламанов та қажетті ақпаратпен құлаққағыс етіп, заң мен тәртіп аясынан шығуға болмайтынын жеткізді.Татулықтың табылмас бақыт екені даусыз. Отбасылық қарым-қатынас тақырыбына ойысқан мамандар сыйласып өмір сүрудің, шаңырақтың шырқын бұзбаудың мәніне тоқталып өтті. Қызметкерлердің тұрғын үйге қатысты сұрағына да жауап беріп, керекті мәліметтермен бөлісті.

Тәртіптің төрт тағаны талданды

<a href="https://kyzylorda-news.kz/">Kyzylorda-news.kz</a> &nbsp; Ғұмыр жолында жұмыр жүректегі ізгілікті сөндірмей, азық боларлық ақылын аямайтын қарттардың қашан да орны бөлек. 1 - қазан Халықаралық қарттар күні қарсаңында ҚАЖ департаментіне қарасты №68 мекемесінің қызметкерлері қазыналы қарттарға құрмет көрсетуді құп көрді. №1 Қызылорда арнаулы әлеуметтік қызмет көрсету орталығына арнайы ат басын бұрғаны содан.Мекеме ұжымы “Қарттар – біздің асыл қазынамыз” тақырыбында концерттік бағдарлама ұсынып, мерекелік іс-шараның тізгінін жеке құраммен жұмыс жөніндегі аға инспектор әділет капитаны Динара Шахи ұстады. Содан соң мекеме &nbsp;бастығының тәрбие жұмыстары жөніндегі орынбасары әділет майоры Мирамбек Тұрымбетов және №1 Қызылорда арнаулы әлеуметтік қызмет көрсету орталығының директоры Раушан Ысқақова құттықтау сөз сөйлеп, үлкендерге алғаусыз алғысын білдірді.Әрі қарай мерекелік мезетті әнмен әрлеп, көңіл қоңырауын қаққан Режим және күзет бөлімінің ақпарат және байланыс тобының бақылаушысы әділет кіші сержанты Ақниет Қалмұратов пен Режим және күзет бөлімінің аға бақылаушысы әділет сержанты Асылжан Әбдішүкір өнерін ортаға салды. Жиналған қарттар да арқа-жарқа болып, билеп, шат-шадыман күйге бөленді.<blockquote>– Қазақ халқы қашан да үлкенін ардақтап, ақсақалды атасын, ақ жаулықты әжесін берекенің бастауы деп білген. Сондықтан, қартты қадірлеу - азаматтық міндетіміз. Аға буынға тағзым етіп, ақ батасын алатын ізгі дәстүрдің жалғасын үзбей, қарттарымызды қуантуға асықтық. Осылайша мекеме ұжымы жүрек жылуын өнермен өріп, көңілдің шынайы сыйын ұсынғымыз келді, - дейді мекеме &nbsp;бастығының тәрбие жұмыстары жөніндегі орынбасары әділет майоры Мирамбек Тұрымбетов.</blockquote>Іс-шара соңында қария батасын беріп, қызметкерлерге ризашылығын жеткізді. Мекеме ұжымы құр қол бармай, сый ретінде тұрмыстық техниканы тарту етті. Мұның бәрі қарттарға деген ыстық ықыластың нышаны.Бұдан кейін де атаулы күндер назардан тыс қалмай, мәнді іс-шаралар өткізіле бермек.

Мекеме ұжымы қарттарға құрмет көрсетті

<a href="https://kyzylorda-news.kz/">Kyzylorda-news.kz</a> "ТОЛҚЫН – ТАРИХ ТАРАЗЫСЫ"&nbsp;атты облыстық ақындар мүшәйрасы өтеді Ережесі «ТОЛҚЫН – ТАРИХ ТАРАЗЫСЫ» атты «Толқын» газетінің 95 жылдығы және Ә.Қоңыратбаевтың 120 жылдығына арналған ақындар мүшәйрасы Байқау қаламгерлердің шабытын шыңдау мақсатында Арал аудандық әкімдігінің қолдауымен ұйымдастырылады. 1. Байқаудың мақсаты: – Ұлт тарихын түгендеп, ауданның оң имиджін қалыптастырып отырған, елдік және ерлік дәстүрді қаламына арқау еткен басылымның ғибыратты жолын, шығармашылығын насихаттау; – Газеттің 95 жылдық тарихын, көтерген мәселесі мен редакторларын өлеңге арқау ету – Газет оқырман санын арттыру – Жазушы-журналистер, қаламгер ақындар арасындағы шығармашылық байланысты нығайту. 2. Байқаудың шарттары: – Мүшәйраға облыстағы 18 бен 35 жас аралығындағы ақындар қатыса алады; – Байқауға ақын 2 өлең ұсынады; &nbsp;<ul><li>«Толқын» газетінің 95 жылдығына арнау</li><li>Тұңғыш редактор Әуелбек Қоңыратбаевтың 120 жылдығына арнау</li></ul>– Өлең көлемі 15 шумақтан асып кетпеуі тиіс – Шығармалар электрондық нұсқада Microsoft Word форматында 14 кегльмен, 1,5 интервалмен, Times New Roman қарпімен ғана қабылданады; – Байқауға бұған дейін ешбір газетте, журналда, кітапта, электронды ақпарат құралдарында, әлеуметтік желілерде жарияланбаған, басқа байқауларға жіберілмеген жаңа шығарма ұсынылады; – Байқауға қатысушы тілші өзінің толық аты-жөнін, мекенжайын, қысқаша өмірбаянын, телефон нөмірін, сапалы суреті мен шығармасын&nbsp;<a href="mailto:tolkyngazeti@gmail.com">tolkyngazeti@gmail.com</a>электронды поштасына немесе&nbsp;8 705 824 74 32&nbsp;WhatsApp нөміріне&nbsp;#Байқауға&nbsp;хэштегімен жазып жібереді. 3. Байқаудың мерзімі: – Байқауға қатысатын шығармаларды қабылдау&nbsp;2025 жылы 25 қазан күні&nbsp;тоқтатылады; – Қабылданған шығармалардың ішінен іріктеліп шыққан жеңімпаздар Арал қаласына қорытынды кешке шақырылады. (Өтетін орны мен уақыты қосымша хабарланады); – Қабылданған шығармалар ішіндегі ең үздік 10 ақын тәуелсіз қазылар шешімімен анықталады; – Үздік деп танылған шығармалар БАҚ-на жарияланады. 4. Байқаудың қазылар алқасы: – Қазылар алқасы қазақ пэзиясында өзіндік орны бар қаламгерлерден құралады; – Олар байқауға түскен шығармаларды саралап, ең үздіктерін анықтайды; – Анықталған шығармалардың жеңген орнын көрсетіп, ұйымдастырушыларға ұсынады; – Ұйымдастырушылар бәйге жүлделерін үйлестіреді. 5. Байқау бәйгесі: – Бас бәйге – 300 мың теңге; – Бірінші орын – 200 мың теңге; – Екінші орын – 100 мың теңге; (екеу) – Үшінші орын – 50 мың теңге; (үшеу) – Арнайы жүлде – 50 мың теңге – Ынталандыру – 3 адамға 20 мың теңгеден беріледі. – Қазылар – 50 мың (3 адам) – ЖАЛПЫ ЖҮЛДЕ ҚОРЫ – 1 МЛН 110 МЫҢ ТЕҢГЕ Байқауға түскен шығармалардың сапасына қарай қазылар алқасының ұсынысымен және ұйымдастырушылардың мақұлдауымен бәйгелер саны өзгеруі мүмкін.

«Толқын – тарих таразысы» атты облыстық ақындар мүшәйрасы өтеді

<a href="https://kyzylorda-news.kz/">Kyzylorda-news.kz</a> Ағымдағы жылғы 25 қыркүйекте Қызылорда облысы әкімінің орынбасары Ардақ Темірханұлы Зебешевтің төрағалығымен бақылау және қадағалау органдарының бизнес-қауымдастық алдындағы жыл сайынғы бірыңғай есеп беру күні өтті.Шараның мақсаты – мемлекеттік органдар мен кәсіпкерлер арасындағы өзара байланысты күшейту, заң бұзушылықтардың алдын алу және бизнестің құқықтық сауаттылығын арттыру.Кездесуге құқық қорғау органдары, жергілікті атқарушы органдар, облыстық кәсіпкерлер палатасы мен бизнес өкілдері қатысты.Облыстық мемлекеттік сәулет-құрылыс бақылауы басқармасы, төтенше жағдай департаменті, еңбек инспекциясы және кәсіпкерлер палатасы 2025 жылдың 8 айындағы жұмыс қорытындыларын таныстырды.Талқылау барысында бизнес өкілдері өзекті мәселелерді көтерді: құрылыс нысандарын заңдастыру, онлайн салық тексерулері, санитарлық талаптар, жекеменшік білім беру ұйымдарын қаржыландыру және өндіріс аймағындағы экологиялық проблемалар.Жиын соңында Ардақ Темірханұлы әрбір кәсіпкердің мәселесі жеке қаралатынын және тиісті қолдау көрсетілетінін атап өтті.<img src="https://knadmin.beoblood.kz/uploads/1_Ba_ylau_zh_ne_ada_alau_organdary_biznes_aldynda_esep_berdi_5feee94f48.jpg" alt="1 Бақылау және қадағалау органдары бизнес алдында есеп берді.jpg"><img src="https://knadmin.beoblood.kz/uploads/2_Ba_ylau_zh_ne_ada_alau_organdary_biznes_aldynda_esep_berdi_ff9562935d.jpg" alt="2 Бақылау және қадағалау органдары бизнес алдында есеп берді.jpg"><img src="https://knadmin.beoblood.kz/uploads/3_Ba_ylau_zh_ne_ada_alau_organdary_biznes_aldynda_esep_berdi_bb9a37453e.jpg" alt="3 Бақылау және қадағалау органдары бизнес алдында есеп берді.jpg">

Бақылау және қадағалау органдары бизнес алдында есеп берді

<a href="https://kyzylorda-news.kz/">Kyzylorda-news.kz</a> &nbsp;Облыс әкімі Нұрлыбек Нәлібаевтың қатысуымен Қызылордадағы Өнер орталығында «Жүйелі қайырымдылық: Тұрақтылық, серіктестік, мұра» тақырыбында IV Ұлттық қайырымдылық конференциясы өтті.<img src="https://knadmin.beoblood.kz/uploads/yzylordada_IV_ltty_ajyrymdyly_konferencziyasy_tti_b6d5b74437.jpg" alt="Қызылордада IV ұлттық қайырымдылық конференциясы өтті.jpg">Мемлекет басшысының арнайы тапсырмасымен 2022 жылы құрылған «Қазақстан халқына» қоғамдық қоры жыл сайын өңірлермен, ірі бизнес субъектілерімен және коммерциялық емес ұйымдармен өзара іс-қимыл шеңберінде ұлттық қайырымдылық конференциясын өткізіп келеді. Басқосуға «Қазақстанның Азаматтық альянсы» ЗТБ президенті Бану Нұрғазиева, «Қазақстан халқына» қорының басқарма төрағасы Ләззат Шыңғысбаева, облыстық мәслихат төрағасы, жауапты сала басшылары, қор қызметкерлері мен зиялы қауым өкілдері қатысты.Аймақ басшысы «Қазақстан халқына» қоғамдық қорының өңір тұрғындарына көрсеткен қолдауы жайлы айтты.<blockquote>«Президентіміз Қасым-Жомарт Кемелұлының тікелей бастамасымен денсаулық сақтау, білім беру, әлеуметтік қолдау салаларындағы мәселелерді шешу мақсатында құрылған «Қазақстан халқына» қоғамдық қорымен тығыз әріптестік байланыс орнатылып, бірлескен жобалар іске асып келеді. Қор құрылғалы бері 10 млрд. теңгеден астам қаржы аймағымыздағы маңызды әлеуметтік жобаларға бағытталды.Атап айтсақ, денсаулық сақтау саласына қаралған 4 млрд. 800 млн. теңгеге облыстық балалар ауруханасында, Жаңақорған, Арал аудандарында «Қамқорлық» орталықтары ашылды. Арал ауданындағы орталық қызметін көрші Ақтөбе облысының, Жаңақорған ауданындағы орталық қызметін Түркістан облысының тұрғындары да пайдаланып, оңалту шараларымен қамтылды.Қор қажетті дәрі-дәрмек алу, орталықтарды жабдықтау, медицина мамандарын шетелде оқытуға да қолдау көрсетті. Облыстық онкология орталығына құны 1 млрд. 100 млн. теңге тұратын, республика бойынша 3 облыста ғана бар скрининг жүргізуге арналған жылжымалы медициналық кешен табыстады. Кешен қазіргі таңда өңіріміздің шалғай елді мекендеріндегі тұрғындарға үздіксіз қызмет етуде.«Қазақстан халқына» қоры келесі жылы медицина саласындағы жобаларға 2 млрд. 600 млн. теңге бөлуді жоспарлаған. Оған онкологиялық ауруларды тиімді емдеуге арналған жоғары технологиялық жабдықтар (линейный ускоритель) сатып алынады.Сондай-ақ, аутизмге шалдыққан және басқа да психикалық бұзылыстары бар балаларды әлеуметтендіруге арналған орталық ашылады. Орталық жыл сайын 600 балаға қызмет көрсетпек.Білім беру саласына 2 млрд. 600 млн. теңге бөлінді. «Ауылдық аймақтардағы тірек мектептердің әлеуетін дамыту» жобасы аясында 2023-2025 жылдары 2 млрд. теңге бөлініп, 8 мектептің физика, химия, биология, робототехника, компьютерлік кабинеттері қайта жабдықталды, ауыл балалары жазғы лагерьлерде демалды.Ерекше білім беруді қажет ететін балаларға арналған арнайы интернаттардың материалдық-техникалық базасы жаңғыртылды. «Болашақ инженерлер» жобасы аясында 9 мектепке робототехника құрылғылары алынып, тиісті мамандар арнайы оқудан өтті. Қорқыт Ата атындағы Қызылорда университетінің 500-ден астам студентінің «Курсера» әлемдік платформасында білім алуына мүмкіндік жасалды.Алдағы жылы білім беру саласында тағы 2 млрд. теңгенің жобалары жүзеге асады. Атап айтқанда, облыстың 50 мектебіне «Білім-Инновация» лицейлерінің тәжірибесі енгізіледі, физика, химия, биология кабинеттері жабдықталады, 8 шағын жинақты мектептің материалдық базасы нығайтылады.Қор аймағымыздағы спорт инфрақұрылымын дамытуға 2 млрд. 700 млн. теңге бөліп, нәтижелі жұмыстар атқарылды. Биыл 348 млн. теңгеге Шиелі ауданының Досбол датқа ауылында, Жалағаш ауданының Аққыр ауылында заманауи спорт кешендері салынып, ел игілігіне табысталды. Сырдария, Қармақшы аудандарындағы спорт кешендері жаңа құрал-жабдықтармен қамтамасыз етілді.Аймағымыздың әлеуметтік-экономикалық дамуына, тұрғындарымыздың әл-ауқатын арттыруға елеулі үлес қосқаны үшін «Қазақстан халқына» қорының ұжымына Сыр жұртшылығының атынан тағы да зор алғысымызды білдіреміз», – деді Н.Нәлібаев.</blockquote>Жиында Ләззат Шыңғысбаева сөз сөйлеп, қор қызметінің маңыздылығына тоқталды.<blockquote>«Жүйелі қайырымдылық – бұл уақытша шара емес, ұзақ мерзімді өзгерістерге жол ашатын нақты іс. «Қазақстан халқына» қоры үшін бұл – адамдардың өмірін өзгертетін, болашаққа үміт сыйлайтын тұрақты жобалар. Біз мемлекет, қоғам және бизнес әріптестігі арқылы ғана шын мәнінде елеулі нәтижелерге қол жеткізе аламыз. IV конференция – бұл үш жылдық еңбектің қорытындысы ғана емес, жаңа кезеңнің бастауы. Бұл – тәжірибе алмасу, бірлескен шешімдер іздеу және қордың өңірлерге көрсеткен нақты көмегін таныстыру алаңы. Мұның барлығы келер ұрпақтың мұрасына айналады», – деп атап өтті.</blockquote>Айтулы шараға еліміздің барлық өңірінен келген 500-ге жуық делегат қатысты.Конференция мазмұны «Тұрақтылық», «Серіктестік» және «Мұра» атты үш негізгі бөлімнен тұрады, әрбір бөлім жүйелі қайырымдылықтың маңызды бір қырын ашып көрсетуді мақсат еткен. Қордың қолдауына ие болған 12 азамат өз оқиғалары туралы, игі істің өмірінде, ұжымында қандай оң өзгерістерге жол ашқанын айтып берді.Өнер орталығының фойесінде өткен «Қазақстан халқына» қорының жобалар көрме-жәрмеңкесі білім беру, денсаулық сақтау және әлеуметтік қолдау саласындағы бастамаларды біріктірді. Қонақтарға жаңа жабдық қана емес, өзгерістердің нақты нәтижелері көрсетілді.Айта кетейік, бүгінде қордың және облыстық бюджеттің қаржысына қаламыздың сол жағалауында құны 2 млрд. 900 млн. теңге болатын мүмкіндігі шектеулі жандарға арналған дене шынықтыру-сауықтыру кешенінің құрылысы қарқынды жүруде. Нысан алдағы қазан айында пайдалануға беріледі.<img src="https://knadmin.beoblood.kz/uploads/yzylordada_ta_yrybynda_IV_ltty_ajyrymdyly_konferencziyasy_tti_551ac291fd.jpg" alt="Қызылордада тақырыбында IV ұлттық қайырымдылық конференциясы өтті.jpg">Келесі жылы 6 спорт мектебі жабдықталады. Мүгедектігі бар балалар мен жастар инновациялық протездік-ортопедиялық құралдармен қамтамасыз етілді. «Үй жағдайында мүгедектігі бар балаларды оңалту» жобасы аясында 283 млн. теңгеге 95 құрал-жабдық сатып алынды. Қармақшы ауданындағы мүмкіндігі шектеулі балаларға әлеуметтік қызмет көрсететін «Дәметкен Ана» орталығының материалдық базасы нығайтылды. Бүгінде орталықта оңалту қызметін алатын 30 бала бар.Фото: Қызылорда облысы әкімінің баспасөз қызметі

Қазақстан және Қызылорда облысының жаңалықтары