<a href="https://kyzylorda-news.kz/ru">Kyzylorda-news.kz</a>&nbsp; Әлемдегі экологиялық жағдай қазіргі уақыттағы күрделі мәселенің бірі болып отыр. Оны шешу жолы барлық ғаламда, соның ішінде біздің елімізде өткір түрде жолға қойылып отыр. Қанша жерден табиғи қорларды тиімді пайдалануда, қалаларды, елдімекендерді көгалдандыруда, ұлттық парктер, көгалды аймақтар жасауда көптеген шаралар іске асырылса да, айналадағы ортаны қорғаудағы жауапсыздық, болашақты ескермеушілік орын алып отыр.Арал теңізінің қазіргі жағдайы тек ауданның ғана емес, сонымен бірге әлем халықтарының біріге отырып шешімін табуы тиіс мәселе. Осы бағытта жасалып жатқан жобалардың тиімді тұсын бәріміз көріп келеміз.Осы жылдын тамыз айында Аралда Орталық Азиядағы ең алғашқы «Geopark Aral» туристік маршруты жобасының ашылу рәсімі өтті. Атаулы жобаның ашылу салтанатында Қызылорда облысының дене шынықтыру, спорт және туризм басқармасы басшысының орынбасары Ж.Ерқосаев, аудан әкімінің орынбасары Б.Жұмағұлов, қоғамдық кеңес төрағасы А.Жоланов, «UNESCO» жаһандық геопарктер жөніндегі Қазақстан Ұлттық комитетінің төрағасы, ҚР Халықаралық Аралды құтқару қорының атқарушы дирекциясының директоры, қордың Қызылорда және Арал қаласындағы филиалдарының өкілдері, аудан бойынша қоғамдық бірлестіктер өкілдері және Қазақстан-Германия университетінің Орталық Азия және Ауғанстан елдерінің магистранттары, Моңғолия мен Нигерия мемлекетінің Чад көлінің өкілдері және басқа да сала мамандары қатысты.Қатысушылар «Geopark Aral» туристік маршрутымен толығырақ танысып өтті. Халықаралық Аралды құтқару қорының Қазақстан Республикасындағы атқарушы дирекциясының әкімшілік және әлеуметтік мәселелер жөніндегі департамент басшысы Сәуле Темірбек көпшілікке геопарктің басты мақсаты мен ерекшеліктерін, жобадан күтілетін нәтижелерді баяндады.Аудан әкімінің орынбасары Бектемір Жұмағұлов Арал өңіріне арнайы келген қонақтарға алғысын білдіріп, бүгінгі күннің тарихи маңыздылығына тоқталды. Сонымен бірге мемлекетіміздің Халықаралық Аралды құтқару қорына төрағалық етуінің біз үшін зор мүмкіндік екенін айтып, Арал теңізінің мәселесі – әлемдік мәселе ретінде теңізді сақтап қалу және ондағы жұртшылықтың келешегін жақсарту басты мақсат пен міндет екендігін сөзге тиек етті.Мұнан соң, «UNESCO» жаһандық геопарктер жөніндегі Қазақстан Ұлттық комитетінің төрағасы Саида Нигматова, Нигерия мемлекетінің Чад көлінің өкілдері мен қатысушылары жобаны қолдаған облыс әкімдігіне, аудан әкімдігіне және ұйымдастырушы өкілдерге өз ризашылығын жеткізді.Шараға келгендер «Балықшылар» аллеясына барып, жергілікті қолөнершілердің &nbsp;қолдан жасалған бұйымдарын, тауар өндірушілердің табиғи өнімдер ұсынылған көрмесін аралады. Ұлттық ойындармен танысып, аудан өнерпаздарының өнерін тамашалады.«Geopark Aral» ашылуы Арал ауданы экономикасының дамуына, өңір халқының әл-ауқатын жақсартуға, экологиялық жағдайдың оңалуына, өңірге туристерді тартуға, жаңа жұмыс орындарының ашылуына мол мүмкіндіктер туғызады. Геопарктың аясында келген саяхатшылар Арал өңіріндегі «Көкарал» бөгетін, «Қамыстыбас» көлін, «Ақеспе» жерасты суын, «Арыстан баб» қорымын, «Кердері» кесенесін, «Көкдомбақ» тарихи орны мен «Бегім Ана» кесенесін, «Аралтұз» зауыты және «Барсакелмес» қорығын көзбен көріп, археологиялық, геологиялық және тарихи ескерткіштердің мол мұрасымен танысатын болады. &nbsp;«Geopark Aral» қазіргі таңда Қазақстан мен Орталық Азиядағы алғашқы геопарк. Келесі жылы халықаралық критерийлерге сәйкестік тексеруінен өтіп, ЮНЕСКО-ның жаһандық геопаркінің мәртебесін алады деп күтілуде.Жоба Арал теңізі бассейнін оңалту бағдарламасының 4 кезеңінің экологиялық бағыттағы жобалар тізіміне еніп отыр. Оңталап ЖОЛДАСОВ

«GEOPARK ARAL» – Арал өңірін тұрақты дамыту үшін серпінді жоба

<a href="https://kyzylorda-news.kz/">Kyzylorda-news.kz</a> Елімізде азаматтардың өз ісін ашуы және дамытуы үшін жағдай жасауға барынша ден қойылған. Әркімнің өз-өзін жұмыспен қамтып қана қоймай, &nbsp;жанұясына шарапаты тиетіндей жобалардың жүзеге асырылуына мемлекет тарапынан мүмкіндік мол. Бұл үшін қолдау да ауыз толтырып айтарлықтай болып жатыр. Үкіметтен &nbsp;берілетін қаржы мақсатты жұмсалып жатыр. Яғни субсидияланатын жұмыс орындарын ұйымдастыру арқылы кәсіпкерлер жұмысын жандандыру және олардың қажеттіліктеріне қарай дағдыларды дамыту бүгінде толыққанды екшеліп біткен. Сондықтан 2021 жылдан бастап өміршең жоба дүниеге келді. Оның мақсаты – кәсіпкерлерге әкімшілік жүктемені төмендету, субъектілер үшін қаржыландырудың қолжетімділігін арттыру. Ең бастысы қазіргі заманғы сауда форматтарын, оның ішінде өндірушіден тұтынушыға дейінгі толық циклді инфрақұрылымды қалыптастыру. Еліміздегі көпке көмек болып отырған мемлекеттік бағдарламалардың бірі – әлеуметтік осал топтарға арналған Ұлттық жобасы. Бірнеше жыл бұрын жұмысын бастаған жобаның шарапаты мен игілігін көріп отырғандардың арасында ІІІ Интернационал ауылының тұрғыны Сабина Исламқызы да бар.&nbsp;Ол – Тараздың тумасы. 2010 жылы ауыл азаматы, жас жігіт Нариман Набиевпен танысып, шаңырақ көтерген. Кешегі бозбала мен бойжеткен бүгінде 4 баланың ата-анасы. Берекелі отбасының иелері. Жары Қызылорда қаласында ауыр жүк көлігін жүргізіп, еңбек етіп жүр.Ауылға атбасын бұрғандағы себебіміз де кәсіп иесімен жүздесу болатын. Ол да жатырқамай қарсы алып, бағдарламаға риза екенін жеткізді. &nbsp;&nbsp;<blockquote>– Аталған жобаның бар екенін таныстарымнан естідім. Қайтарымсыз гранттың әлеуметтік топқа жататын, оның ішінде көпбалалы аналарға қатысу мүмкіншілігі берілгенін білдім. Ести сала ауылдың әкімшілігінің маманы Бауыржан ағайға жолығып, құжаттарды рәсімдеуді бастап кеттім. Бизнес жобамды арнайы құрылған комиссияда қорғап, мемлекеттен бөлінетін қомақты қаражатқа ие болдым. &nbsp;Оған 4 мүйізді ірі қара сатып алдық. Қазір екі бұзаулы сиыр сауылып тұр да, екеуін сыртқа қосып қойдық. Олар да бұзаулауға жақын. Бірер аптада ауылға әкелсек пе деп отырмыз, – дейді жас ана. &nbsp;</blockquote>Кәсіпкердің аз уақыт ішінде тұрақты сүт сатып алушыларды қалыптастырған. Бағасы да көкейге қонымды.&nbsp;<blockquote>– Шүкір деп айтайын, сүтіміз балалардың ас-қатығымен қоса, нәпақа табуға да жақсы жәрдем болып жатыр. Керегіңе қолқабыс болып тұр. Ертең бұйырса, сырттағы сиырлар келгенде қатық ұйытып, құрт-май жасаймын. Мемлекеттік бағдарлама – көпбалалы аналарға өте табылған идея десем, қате емес. Өйткені үйден ұзамай-ақ кәсібіңізді дөңгелетіп, пайдаңызды таба аласыз. Табиғи өнімге қашан да сұраныс жоғары болған. Бұл жағынан келгенде тоқайрап қаламын деген күмән жоқ. Мен секілді жас көпбалалы аналар кішкентайларынан ұзап шыға алмайды. Олардың сабағын оқытып, уақытында тамағын беріп дегендей. Қосымша қаржы отбасымызға оңтайлы көмек болып тұрғаны қуантады. Алда жоспарсыз емеспіз. Сүттің ақшасын жинап, тағы да сиыр малын сатып алып, басын көбейткіміз келеді. Малдың күтіміне көбінесе өзім қараймын. «Сиырдың сүті тілінде» дегендей, бірінші кезекте оның жайы болу керек. Жеген азығына мән береміз. Шөпті ауылдан арзандау алсақ, жемін сатып алып отырмыз. Осындай бағдарламаны халыққа ұсынып отырған мемлекетімізге мың да бір рақмет айтамын. Енді кәсіптің ізінен қалмай, әрі қарай дамытуға еңбектенеміз, – дейді Сабина Набиева бізбен әңгімесінде. &nbsp; &nbsp; &nbsp; &nbsp;</blockquote>Сәрсенкүл РАЙЫМБАЕВА

Ұлттық жобаның шарапаты

<a href="https://kyzylorda-news.kz/">Kyzylorda-news.kz</a> Кейде адамның ойлағаны бола бере ме дейміз. Бірақ талпынған қашан да өз мақсатына жеткен. Оған дәлел – түрлі ұлт пен ұлыс өкілінің басын біріктірген ІІІ Интернационал ауылдық округінің тұрғыны Банура Юсупова.&nbsp;Ол сонау жылдары Қарақалпақ елінен туған елін, жерін аңсап келген қандасымыз. Тарихи Отанына оралған қаракөзіміз бүгінгі күні өмірлік серігі Нұрасыл Жәлекеновпен бірге 4 бала тәрбиелеп отырған бақытты жандар.&nbsp;– Жолдасым ауылдың электригі болып істейді. Көпбалалы ата-анамыз. Үлкеніміз студент, одан кейінгілері мектепте білім алса, &nbsp;кішкентайымыз 2 жастан асты. Мамандығым заңгер болғанымен, ол салада жұмыс істегенім жоқ. Десе де, қол қусырып бос та отырмадым. Шаруашылық қоймасында қол жұмыстарын атқардым. Бір сөзбен айтқанда, еңбек етуден, әрекет қылудан қалыс қалған емеспін, – дейді өзін таныстырған кәсіпкер емен-жарқын кейіпте.&nbsp;«Дәулетті болғың келсе, кәсіппен айналыс» дегенді ертеден-ақ ата-бабамыз ұрпағына айтып кеткен ғой. Банура да жұмыссыз жүрген ауылдастарының кәсіп бастап, одан нәпақасын айырып жүргендерін сырттай бақылайтын. Өзіне бір күні «кәсіп бастап көрсек, қалай болар екен?» деген ой түсіпті. &nbsp; &nbsp;– Айналамдағы жұмыссыз адамдардың мемлекеттің қамқорлығы – қайтарымсыз грант алып, кәсіп бастағандарын көріп менің де қызығушылығым оянды. «Адамның істегенін адам істейді» деуші еді. Ойлана келе ауыл әкімшілігіне тартып отырып, кәсіпкерлік саласы бойынша жауапты маманға жолығып, ақыл-кеңес сұрадым. Олар да менің талабымды қолдап, мақсатыма қанат бітірді. Отбасында жолдасым да идеямды қолдады.&nbsp;Жалпы мен грантқа екі мәрте қатысқанмын. Алғашында дайындығым аз болды ма, сүріндім. Сонда да болса, алған бетімнен қайтпай, құжаттарымды қайтадан тапсырып, екіншісінде жобамды ойдағыдай қорғап шықтым. Комиссияның сұрақтарына жауап бердім. Кәсіптен пайда табу есептілігін, басқа да кіріс, шығыс секілді сандарын сөйлеттім. Жеңімпаз болғанымның арқасында 1 млн 400 мыңның үстінде қаражатқа қол жеткізіп, оған тамызда 37 бас қой-қошқар, ешкі алып, бордақылауды жұмыстарын бастап кеттік. Көбінесе еркек мал алдық, себебі олар бордақыға тез көнеді. Орта есеппен 3 айдың көлемінде семіртіп, сатуға шығарсақ па деген жоспарымыз бар. Мал күйлі болу үшін құнарлы азықтандыру қажет. Тартылған бидай, жем-шөбін уақытылы беріп, жағдайын жасаудамыз. Ара-кідік жоңышқаға қоямыз, – дейді ол қорадағы қоңы жарап қалған қошқарларын нұсқап. Жаңа жыл қарсаңында алғашқыларын сатуға шығаруға ниетті екенін де айтып қалды сөз арасында. &nbsp; &nbsp;Кәсіпкер айтулы бағдарламаға көпбалалы ана статусымен қатысқан. Сондай-ақ ол бизнес жобасын жазу барысында біраз ізденгенін де жасырмады.&nbsp;<blockquote>– Иә, бизнес жобаны жасамас бұрын біраз іздендім. Ғаламторды ақтардым. Көптеген мәліметке қанық болдым. Қой шаруашылығы, оның ішінде бордақылауды таңдаған себебіміз – елді мекенде тұрған соң ауылдың ау-жайына лайықты деп осы бизнес түріне көңілім кетті. Ұсақ малды қорада қарайсың. Бабы да аса қиын емес. Жолдасым екеуміз ақылдаса келе, осы кәсіпке тоқталдық. Ауыл әкімшілігі мен оның білікті мамандарына аналық алғысымды айтқым келеді. Құжат жағына көмектесіп, сүйемелдеді. Кәсіби деңгейде жұмыс істеді. Бұл жұмыссыз отырған, әсіресе көпбалалы аналарға мемлекет тұрғысынан көрсетілген үлкен көмек әрі демеу деп санаймын, – дейді Ұлттық бағдарламаның игілігін көруші Банура Раджапқызы.&nbsp;</blockquote>&nbsp;Сәрсенкүл РАЙЫМБАЕВА

Банура Юсупова: Отанымызға келіп кәсіп бастадық

<a href="https://kyzylorda-news.kz/">Kyzylorda-news.kz</a> Қазір кәсіпке бет бұрған ынталы азаматтарға мемлекеттен қолдау зор. Мемлекет басшысы да әр Жолдауында өңірлерді дамытуға басымдық беріп келеді. Себебі, еліміздің баянды болашағы – аймақтардың қуаттылығымен астасып жатыр.&nbsp;Төретамдық Азамат Әлібеков те мемлекет қолдауының арқасында кәсібін қайта тіктеген жан. Ол жас та болса өз ісіне мығым. Оған себеп бала күнінен ұсталықты, қай жиһаздың қалай жасалатынын көріп өскенінен болар. Отбасындағы осыдан 5 жыл бұрын тоқтап қалған кәсіпті қайта жандандырып, жаңғыртуды діттеген ол мемлекеттің қолдауына сүйенуді жөн санайды. Сөйтіп, 20 жастағы азамат жас екенмін деп қарап отырмай, ата-әжесінің бағыт-бағдар беріп, жол сілтеуімен ел игілігіне асып жатқан «Ауыл аманаты» бағдарламасы арқылы жеңілдетілген несиеге сүйеніп, кәсібін бастап кетеді.&nbsp;Кәсіп иесінің атасы Әлібек Әбдірахманов пен әжесі Мариямкүл Жақсымұратова теміржол саласының ардагерлері. Төретам кентіне құрметті жандар. Бірі станса операторы болып ұзақ жыл қызмет атқарса, бірі сол саланың әскери қызметінде табандылықпен еңбек еткен. Өмір бойы еңбекпен өсіп-өнген ерлі-зайыпты балалары мен немерелеріне адал жолмен нан табуды, білім алуды насихаттап келеді.&nbsp;<blockquote>– Қазір бос қарап отыратын уақыт емес. Кейде айналадағы жаңалықтар мен өзгерістерге ілесе алмай қалып жатамыз. Даму, алға жылжу, ілгерілеу жылдам жүруде. Кәсіпкерліктің де сан түрі пайда болып, қызмет көрсету сервистерінің аясы кеңи түсуде. Азамат та сол лектен қалмай, кәсіппен айналысуға талап қылғанына қуанамыз. Кішкентайынан ұсталыққа жақын болып ер жетті. Мемлекеттің «Ауыл аманаты» бағдарламасымен 5 жылға 8 млн 600 мың теңге 2,5 пайызбен несие алып, қасына ұсталар ұстап кәсіп етуде. Ол қаражатқа жиһаз бұйымдарын жасайтын құрал-жабдықтар, керекті саймандар сатып алынды. Дамыған заманда халыққа қызмет көрсету үшін сервис пен ұсынатын тауарың бәсекеге қабілетті болуы тиіс. Сол себепті сапаға мән беріледі. Тапсырыспен де, дүкенге қойып та жұмыс жасалуда. Сапа мен талғамның алдыңғы орынға шыққан кезеңінде елдің ризашылығын алу баламыздың басты мұраты, – дейді кәсіпкердің әжесі Мариямкүл апа бізбен әңгімесінде.&nbsp;</blockquote>Азамат Ғалымұлы кәсіп етумен қатар, білімін жетілдіруде. Ол экономист мамандығы бойынша арнайы колледж бітірсе, сол алған мамандығын жалғастырып қазіргі кезде аймағымыздағы іргелі оқу орны – Қорқыт ата атындағы Қызылорда университетінің 4-курсын бітіргелі отыр. &nbsp;<blockquote>– «Болам деген баланың белін бу» дегендей, Азаматтың талабын үй-ішіміз болып қолдадық. «Өнер – жастан» демекші, еңбекке, қоғамға &nbsp;араласқаны кімді болсын пысытып шығарады. Кәсіп ету материалдық жағынан табысты етсе, рухани жағынан да өсіп-жетілуіне көптеп көмегін тигізеді, – дейді отбасындағылар жас кәсіпкердің болашағына сеніммен қарап.&nbsp; Ал Азаматтың өзі «Ұсталық қазақ ата-бабамыздың қанында бар қасиет. Ол менің де бойымда бар. Жиһаз цехы мен үшін нағыз шығармашылықтың қайнаған ортасы. Әрбір жасаған дүниеңе есеп, шабыт керек. Оны кәсіпкерлікпен ұштастыру – талайдың көкжиегін көгертіп, жолын ашуда. Менің де алдағы жоспарым &nbsp;– әрине, кәсібімді кеңейту. Осындай мүмкіндік жасаған мемлекет қолдауына мың да бір алғыс айтқым келеді» дейді.</blockquote>&nbsp;С.ЖАУДАТБЕК

Мемлекет қолдауымен кәсібін жандандырған кәсіпкер

<a href="https://kyzylorda-news.kz/">Kyzylorda-news.kz</a> Мемлекеттік кірістер органының құрылғанына биыл 10 жыл толды. Қазір аталған мекеме халықтың әлеуметтік дамуы мен мемлекеттік эконмикалық қауіпсіздігін қамтамасыз етуге зор үлес қосуда. Ел бюжетін еселеуге үлес қосып отырған Арал ауданы бойынша Мемлекеттік салық инспекциясы болып 1990 жылы құрылған. Ол кезде Арал аудандық қаржы бөліміне қарасты Мемлекеттік кірістер бөлімінің 12 қызметкері еңбек етті.1991 жылдың 9 шілдесінде «Мемлекеттік салық қызметін құру» туралы Жарлықпен, тәуелсіз еліміз бойынша дербес салық жүйесі қалыптасты. Бұл кезде Арал аудандық салық органының құрамында 25 қызметкер жұмыс істеді.Араға он жыл салып, 2001 жылы «Салық және бюджетке төленетін міндетті төлемдер» туралы заң қабылданды. Қазақстан Республикасының Салық қызметінің даму стратегиясы бекітіліп, алға қойылған мақсаттар мен оларға жету жолдары айқындалған еді. Құрылымдық өзгерістерге байланысты салық инспекциясы кейіннен салық комитеті, одан кейін Арал ауданы бойынша салық басқармасы болып өзгерді. Мемлекеттік басқару жүйесіндегі жаңа реформалар негізінде, Қазақстан Республикасы Үкіметінің 2014 жылғы 14 тамызындағы қаулысына сәйкес, Арал ауданы бойынша Мемлекеттік кірістер басқармасы болып қайта құрылды.Арал ауданында 1990 жылы салық инспекциясы құрылған кезде аудандық инспекцияның тізгінін Мұратбек Ерімбетов алып, 1996 жылға дейін басқарған. Ал 1997-1999 жылдарда Аралбек Қанатов, 1999-2007 жылдарда Совет Бабанаев, 2007-2010 жылдарда Фердауси Қожабергенов Әбілқасымұлы, 2010-2015 жылдарда Бектас Нуридинов, 2016-2020 жылдарда Бақыт Дүйсенов, 2020-2023 жылдарда Ербол Садыков басшылық жасады. Қазіргі таңда 2023 жылдың 1 маусымынан бастап Еркебұлан Әбдікеров басқарып &nbsp;отыр.Еркебұлан Өмірсерікұлы басқаратын Арал ауданы бойынша Мемлекеттік кірістер басқармасының бүгінгі ұжымы 13 негізгі қызметкерден тұрады. Басқарма «Салық төлеушілермен жұмыс», «Құқықтық жұмыс және өндіріп алу», «Салықтық бақылау және есепке алу, талдау» сынды 3 бөлімнен құрылған.Аудан экономикасын дамытудың ең маңызды шарасы бюджеттің кіріс көздерін ұлғайту болып табылады. Ауданның ерекшелігі жер астынан өндіретін пайдалы қазбалардың, яғни табиғи ресурстардың ас тұзы, кварц құмының, жер асты суларының болуы және оларды тиімді пайдаланып өндіріс орындарының бой көтеруі саланың қарқынды жұмыс істеуіне септігін тигізуде.&nbsp;Былтыр аудан аймағында пайдалы қазбаларды өндірумен айналысатын «Аралтұз» АҚ-ы 515 817 тонна ас тұзын, ал «Латон Маркет» ЖШС-гі 4 397 395 тонна кварц құмын өндіргендігін баса айтқымыз келеді. Сонымен қатар соңғы жылдар ауданда кәсіпкерлікке ден қойғандардың да қатары артуда.&nbsp;Жергілікті бюджеттің негізі заңды тұлғалар мен дара кәсіпкерлердің және жеке тұлғалардың табыс салығы, әлеуметтік салық, мүлік, жер, көлік құралдары салықтары мен бюджетке төленетін басқа да міндетті төлемдерден тұратындығын ескерсек, халық қазынасын молайту бағытында Арал аудандық мемлекеттік кірістер басқармасының тындырымды атқарған жұмыстарының нәтижесінде ауданның жергілікті бюджет түсімі жыл сайын артып отыр.Мерейлі мереке қарасаңында аудан әкімдігінің мәжіліс залында аудан әкімі Аманжол Оңғарбаевтың төрағалығымен арнайы мәжіліс өтті.Аудан әкімі мәжілісте салық түсімдерін молайту арқылы ел қазынасын еселеуде табысты еңбек етіп келе жатқан сала мамандарын мерекемен құттықтап, мемлекеттік органның құрылу кезеңіне &nbsp;тоқталып өтті.<blockquote>– Қай мемлекет болсын оның экономикалық әлеуеті мемлекеттік салық жүйесімен тығыз байланысты. Осыдан 10 жыл уақыт бұрын саладағы өзгеріс үлкен мемлекеттік органның құрылуына сеп болған еді. Яғни, 2014 жылы Қазақстан Республикасы Қаржы министрлігінің Салық комитеті мен Кедендік бақылау комитеті біріктіріліп, Мемлекеттік кірістер комитеті болып құрылды. Міне, содан бері саладағы құрылым салықтық бақылауды ұйымдастыру жолдарын тұрақты түрде дамытып, әрқашан жаңа әдістермен түрлендіру арқылы ел қазынасын еселеп келеді, – деді аудан әкімі.</blockquote>Бүгінде саладағы оң нәтижелер айқын сезіледі. Осы жылға аудан бюджетінің өз кірістерінің көлемі 3,3 млрд теңге болса, оның ішінде дербес бюджет 527,5 млн теңге болып бекітілген. Өткен жылмен салыстырғанда жоспар 115 млн теңгеге артық. Бұл – жақсы көрсеткіш. Бұған ең алдымен халықтың әлеуметтік дамуы сеп болса, аудан қазынасының ұлғаюына салық қызметкерлерінің де қосып келе жатқан үлесі зор.Аудан әкімі жиында сала қызметкерлерінің еңбегі ескерусіз қалмайтынын айтып, мереке қарсаңында аудандық мемлекеттік кірістер басқармасының бөлім басшысы Әсербек Жұбандықовқа Облыс әкімінің «Алғысы хатын» табысталғандығын атап өтті. Сондай-ақ 23 жылдың еңбек өтілі бар Базаркүл Сәсенбаеваға «Мемлекеттік кірістер органының үздігі», саналы ғұмырының 20 жылын саланың дамуына арнаған Райкүл Қосбаулина мен 15 жыл салық саласында табанды еңбек еткен Ербол Садықов «Қазақстан Республикасы Мемлекеттік кірістер органдарының құрылғанына 10 жыл» төсбелгісімен марапатталды. Бұдан бөлек табысты еңбек еткен бірқатар қызметкерлер аудан әкімінің Алғысына ие болса, аудандық мемлекеттік кірістер басқармасының басшысы Е.Әбдікеров кірістер саласындағы оң өзгерістер мен қол жетікізілген нәтижелерге тоқталып, әріптестеріне департамент басшысының «Құрмет грамотасын» табыстады.Жиын соңында құрметке бөленген ардагерлер өздерінің ақжарма тілектерін жеткізіп, сала мамандарының алдағы қызметтеріне сәттілік тіледі.Мемлекеттік кірістер әр салық төлеушіні адалдыққа шақырады. Ал осы мерейлі 10 жыл ішінде атқарылған жұмыстарды қорытындылап, алдағы жылдарға жаңа мақсат пен жоспарларды жолға қоюға септігін тигізбек. Назерке МАРАТҚЫЗЫ Фото: ашық көздерден

Мемлекеттік кірістер: жүйелі жұмыс жемісі

<a href="https://kyzylorda-news.kz/">Kyzylorda-news.kz</a> Нәзік жандылардың көбі жеңіл өнеркәсіп, тағам және қызмет көрсету салаларын дамытуда. Қарап отырсаңыз, қазір қай &nbsp;дүкенге бара қалсаңыз да, &nbsp;сөрелерінде жартылай дайын тамақтың түрлері өте көп. Иә, ас үй ханымдарының жұмысын &nbsp;жеңілдеткен бұл өнімге сұраныс көбеймесе азаймасы анық. Кәсіптің бұл түрімен айналысатын төретамдық Айнұр Садықовамен тілдесудің сәті түсті.&nbsp;Бұл маусымдық жағдайларға әсер етпейтін кәсіп түрі. Жылдың кез келген мезгілінде жайма, кеспе, тұшпара, манты тағамдарына сұраныс жоғары. Дүкен сөресінде жартылай дайын өнімнің түр-түрі бар. Әйтсе де қызылды-жасылды қораптағылардың барлығы дерлік сырты ішіне сай келмей жатады. Осындайда қолдың таза өнімі болса ойланбай алар едік деп жатамыз. Ал кәсіпкердің бұл өнімдері осы сұранысты қанағаттандырып отыр. Икемі мен ебін тапқан адамға «жұмыс аз, ақша жоқ» деген құр сылтау ғана. Мұны Айнұр Нұрқасымқызымен сөйлескен аз уақыт әңгімеде аңғардық.<blockquote>– Мен таңдаған кәсіп түрі – жартылай дайын &nbsp;өнімдер, яғни, қазіргі қоғам талабына сай тез әрі оңай дайындалатын тағам түрлері. Жұмысбасты аналар үшін отбасын тез арада ыстық, пайдалы тағаммен таңғалдырғысы келетін әйелдер қауымына таптырмас көмек. Одан бөлек, балаларды асығыс сәттерде фастфуд өнімнен гөрі, денсаулықтарына пайдалы, құнарлы тағамдарды жасап бере аласыз. Ол аса бір аспаздықты талап етпейді, қазанның басында сағаттап тұрмай-ақ тек тұздалған, қайнаған суда 15 минут ұстасаңыз ғана болғаны. Солай көптеген аналар уақытын тиімді пайдаланып, балаларының, отбасының денсаулығын сақтап қала алады. Бұл кәсіп түрін таңдау себебім де осы, – дейді кәсіпкер.&nbsp;</blockquote>Бұл өз кезегінде ауданымыздың шағын және орта бизнесте жұмыспен қамтылғандардың санын ұлғайтуға, өнім көлемін арттыруға, жалпы өңір экономикасының одан әрі дамуына өзіндік ықпалын тигізбек. Бір сөзбен айтқанда, жартылай дайын өнім өндірісі – дәмді кәсіп көзіне айналып тұр. 2023 жылдан бастап кәсіптің бұл түріне ден қойған Айнұр бастапқыда тек тұшпарамен дайындаумен айналысқанын айтады. Ал &nbsp;қазіргі таңда жартылай дайын өнімдердің 10-ға жуық түрін халыққа ұсынып отыр.<blockquote>– Бұл өнімдердің өзіндік дайындалу, қатыру, сұрыптау тәсілі болатыны анық. Бастапқы уақытта оның барлығын түгелдей білдім деп айта алмаймын. Өзіміз үйде дайындайтын жолмен жасап бастадым. Оның дәмділігінің сыры да осында. Кәсібім уақыт өте аз болса да өзіндік тұтынушыларын тауып, сұранысқа ие бола бастады. Сол сәтте тұшпарамен шектеліп қана қоймай, басқа да өнім түрін қосуды жөн көрдім. Соған сәйкес, бұл саладағы білімімді арттыру үшін инстаграм желісінен әртүрлі онлайн курстарға қатысып, кәсібімді одан әрі көркейтуге әрекет ете бастадым. Бұған дейін де өзімді түрлі саладан сынап көрдім. Бірақ маған әрдайым сауда жасаған, ақшамен жұмыс істеген ұнайтын еді. Одан бөлек, дәмді тағам жасап, онымен отбасымды қуантқанды жаным сүйетін. Жақында мемлекет тарапынан бөлінетін «Бастау бизнес» жобасы бойынша 1 476 800 теңге көлеміндегі грант иегері атандым. Осы кәсібімді көркейтіп, халықтың қалауына ие болып отырған өнімдерімді одан әрі дамытып, нарыққа таза, пайдалы, сонымен қатар тұтынушылар сүйсініп жейтін, денсаулыққа зиян келтірмейтін тағамдарды шығарсам деймін, – дейді ол.&nbsp;</blockquote>Бүгінде кәсіпкер өз өнімдерін Төретам кентіндегі дүкен, мейрамхана, асханаларға өткізіп отыр. Міне, істің көзін тапқан келіншек отбасындағы келіндік, аналық, жар ретіндегі міндеттерімен қоса, мемлекет қолдауының арқасында, кәсібін кеңейтіп, іскер әйелге айналып отыр. Әрекет еткен адамның берекелі тұрмыс кешетіндігін дәлелдей түскен Айнұр Нұрқасымқызының алға қойған мақсат, жоспарлары да көп.&nbsp;Ақнұр САҒЫНТАЙ

Сапалы өнімге сұраныс көп

<a href="https://kyzylorda-news.kz/">Kyzylorda-news.kz</a> Талабы таудай жастардың шынымен де алмас қамалы болмайды. Тындырымды да тиянақты ісімен үлесін қосып жүрген жастарымыз ауданымызда да аз емес. Солардың бірі – бірнеше тірліктің тізгінін ұстаған Таңшолпан Карабек.&nbsp;«Бірнеше» деген сөзді бекерге айтпадық. Расында да Таңшолпан сіңіліміз өзі жанымен қалаған медбикелік қызметті де, Байқоңыр қаласындағы әйелдер киім-кешек сататын дүкенін де, былтырдан бастап Төретам кентінен денсаулыққа байланысты кешенді қызмет көрсететін салонын ашып, кәсіпкерлікті де қатар алып келеді. Мақтағанымыз емес, замандастары екі қолға бір күрек таба алмай сабылып жүргенде, мұндай тірлікті ерлікке балағанымыз да жөн-ау!&nbsp;Таңшолпан Сұлтанбекқызы 1999 жылы Байқоңыр қаласында туған. Осындағы М.Әуезов атындағы №6 орта мектепті бітіріп, Байқоңыр медициналық техникумынан "Медбике ісі" бойынша мамандық алады. Денсаулық саласындағы алғашқы еңбек жолын бастаған 2018 жылы бастап, әуеліде жеке клиникалардың бірінде қызмет етсе, бүгінде ракета ұшыру алаңында мамандығымен абыройлы еңбек етіп жүр.Қазақтың қажырлы қызы кәсіпкерлікке бір күнде келе салмаған. Өзінің айтуынша, отбасылы адамдардың бір айлыққа қарап отыруы – заманға сай емес. Қолдан келгенше тырбанып, алға қарай тырмысу керек. Ол кәсіпкерлікті осыдан 6 жыл бұрын бастаған. Байқоңырдан қыз-келіншектер мен әйелдерге арналған киім дүкенін ашып, елге қызмет көрсетуді дұрыс шешім деп тауыпты. Тауар қамымен қалаларға барғанда құрбылары мен жақын әпкелері оны қыдыртып, көптеген аурудың алдын алуда денсаулыққа бағытталған кешенді &nbsp;тынықтыру, массаж қабылдау орталықтарына апарады екен. Осындай сәттерде оған тың идея туып, Төретамнан салон ашуды бір жарым жыл жоспарлап жүріпті.&nbsp;<blockquote>– Мамандығым медицина қызметкері болғасын адамдарға пайдам тисе екен деп жүремін. Жалпы кәсіпті 19 жасымда бастағанмын. Киім дүкенінің жұмысын дөңгелетіп алып кеттім. Дегенмен, тағы да кәсіп ашуға белімді будым. Астана, Алматы, Қызылорда, тағы басқа да қалаларға дүкенге зат сатып алуға қатынаймын. Сондайда құрбыларым мені салонға апарып, тынықтыратын. Жаның жайланып, керемет күйге бөленесің. Кәдімгідей жеңілдеп, жаның сергіп қалады. Неге басқа адамдар да осындай ем-шара қабылдап, демалмасқа деген ойда ұзақ жүрдім. Кез келгеннің қалаға барып, кешенді тынығуына, ем қабылдауына мүмкіндігі бола бермейді ғой. Үйдің қасынан тура барғанға не жетсін? «Сабақты ине сәтімен» дегендей, өткен жылы соның сәті түсіп, «Ауыл аманаты» бағдарламасымен 5 млн 200 мың теңге жеңілдетілген несие алып, көптен ойда жүрген кәсібімді ашудың реті келді. Төретам кенті әкімшілігінің маманы Айгерім Абдухамитқызына жолығып, кеңес алдым. Ол да өз тарапынан түсіндірме жұмыстарын жүргізіп, көмегін берді. Қандай құжаттар дайындау керек екенін айтты. Кепілге үй қойып, арманымның орындалуына қадамдар жасалды. Бизнес жобамды былтыр желтоқсанда Қармақшы ауданында қорғап, несиеге қол жеткіздім, – дейді ол ризалық сезіммен.&nbsp;</blockquote>Қаражатына кәсіпке керекті жуыну кабинасын, массаж жасайтын керуеттер, фитобөшке, басқа да құрал-саймандарын алған. Қазір ол ғимаратты 1 жылға келісім-шартпен жалға алып, жұмысын &nbsp;жүргізуде. &nbsp;– 10 жұмыс күнінде қаражат бірден есепшотқа түсті. Салонда 11 адамды жұмыспен қамтып отырмын. Олардың қатарында әкімшілік басшысы, массаж жасайтын 2 ер кісі, техникалық қызметкер және қалғаны массаж жасаушы әйел кісілер бар. Бізде массаждың көптеген түрі жасалады. Шығыс массажы, балмен, отты, ыстық тастармен секілді түрлерге бөлінеді. Қызмет алушыларға арнайы кесте қойылып, сол арқылы қабылданады. Халықты үйретіп жатырмыз. Жергілікті тұрғындардан бөлек, Қызылорда, Атырау, Жосалы кентінен де тұтынушыларымыз қалыптасқан.&nbsp;Маған бір қызығы, отбасында әкемнің қолдауы күшті болды. Басында ата-анам онша түсінбей жүрді. Кейін салонға шақырып, қандай қызмет көрсетілетініне көздері жетті. Түсінбейтіндері де себепсіз емес. Мұндай салондар тек үлкен қалаларда ғана ашылған. Біз жақта болмағасын екінің бірі біле бермейді. Осы кезде енді түсініп жатыр. "Жақсы нәрсемен айналысып жатыр екенсің" деп ақ баталарын берді.&nbsp;Болашақта тағы да салонды кеңейтіп, басқа да массаж түрлерін қоссам деген жоспарда жүрмін. Әлі де қажетті, жетіспейтін заттарым бар. Соларды алсам деймін. Бізге келушілер процедура барысында шөлдеп, су сұрап жатады. Соған мұздатқыш, тер шығаратын, суықты алатын термокөрпелер керек. Сөзімді қорыта келе мемлекетіміздің қолдауына кәсіпкер ретінде ризашылығымды білдіремін. Ниет болса, бәріне үлгеруге болады. Жаспыз. Жастықтың өзі үлкен күш. Осы орайда жастарға жасалып жатқан мүмкіндікті қоғамның жас мүшелері &nbsp;бос жібермей, пайдаланып қалса, нұр үстіне нұр болар еді, – дейді кәсібі шираған кейіпкеріміз.&nbsp; &nbsp;Таңшолпан отбасында жары Рауанмен бірге 2 кішкентай бүлдіршін тәрбиелеп отырған жас ана. Үкіметтің де жұмысын істеп, екі бірдей кәсібіне үлгеріп, уақыт табатын оның ісіне сүйсінбеу мүмкін емес. Тек тіл-көзден аман болсыншы!&nbsp;Сәрсенкүл АҚКІСІ

Таңшолпан Карабек: Ниет болса бәріне үлгеруге болады

<a href="https://kyzylorda-news.kz/">Kyzylorda-news.kz</a> Биыл 18-19 қазанда бүкіл ел бойынша ҚР Ішкі істер министрлігімен және басқа да мүдделі мемлекеттік органдармен, сондай-ақ қаржы ұйымдарымен бірлесіп ҚР Қаржы нарығын реттеу және дамыту агенттігі өткізетін «Stop-алаяқтық» ақпараттық акциясы өтуде.Күн сайын алаяқтар заманауи цифрлық технологиялар мен адамдарға әсер етудің психологиялық әдістерін қолдана отырып, алдаудың жаңа схемаларын ойлап табады. Олар туралы және зиянкестерден қорғау әдістері туралы толығырақ біздің қаржылық сауаттылық бойынша www.fingramota.kz сайтымызда «Абайлаңыз, алаяқтар» бөлімінде, сондай-ақ әлеуметтік желілерде баяндап береміз.Алаяқтардың&nbsp;тұзағына&nbsp;түспеу&nbsp;үшін&nbsp;не&nbsp;істеу&nbsp;керек?&nbsp;Цифрлық&nbsp;гигиенаны&nbsp;сақтаңыздар!Сақ болыңыздар! Күдікті хабарламалар мен қоңырауларға сенбеңіздер, күмәнді сілтемелерге өтпеңіздер және бейтаныс адамдардың нұсқаулары бойынша қосымшаларды жүктемеңіздер. Дербес деректеріңізді, әсіресе картаның толық деректемелерін, оның жарамдылық мерзімін, код сөзін, сырт жағындағы үш таңбалы кодты, сондай-ақ SMS және push хабарландырулардың кодын жария етпеңіздер.Fingramota.kz! сайтындағы ақпаратпен бөлісіңіздер! Достарыңыз бен жақындарыңызға алаяқтық схемалар туралы айтыңыздар, сонда олар да өздерін қорғай алады.Еgov.kz сайтында «Банктік қарыздар, микрокредиттер алудан ерікті түрде бас тарту» қызметін орнатыңыздар.Интернеттегі қаржылық алаяқтардың құрбаны болмас үшін мынадай цифрлық гигиена ережелерін сақтаңыз:- Жеке басын куәландыратын құжаттың фотосуретін әлеуметтік желілерде жарияламаңыз және мессенджерлер арқылы, әсіресе бейтаныс адамдарға жібермеңіз. Конфиденциалды деректерді жоғалту көп жағдайда оларды үшінші тұлғалардың заңсыз пайдалануына әкеледі;- Карточканың толық деректемелерін, әсіресе артқы жағындағы үш таңбалы кодты, SMS-тегі кодты және өзге де дербес ақпаратты айтпаңыз;- Күмәнді сілтемелер бойынша өтпеңіз, белгісіз дереккөздерден лицензияланбаған қосымшаларды жүктемеңіз;- Телефонға ресми емес дүкендердің қосымшаларын орнатпаңыз және конфиденциалдылық теңшеулерін мұқият қадағалаңыз;- Күрделі комбинацияларды ойлап тауып, құпия сөздерді жиі өзгертіңіз және әрқашан антивирусты қолданыңыз. Сіздің гаджетіңізге алаяқтық шабуылдар жасалған жағдайда оларды сенімді бұғаттайтын антивирустық бағдарламаны жаңартуды ұмытпаңыз;- Сыртқы USB-тасымалдағышқа маңызды файлдардың сақтық көшірмесін үнемі жасап отырыңыз. Бұл опция теңшеулер конфигурациясын, барлық қосымшалар мен жеке ақпаратты сақтау үшін жасалған. Мұндай функция жоғалған құрылғыдан деректерді қалпына келтіруге және гаджет жоғалған немесе бұзылған жағдайда оны жаңасына көшіруге көмектеседі.Егер&nbsp;сіздер&nbsp;алаяқтарға&nbsp;тап болсаңыздар,&nbsp;бұл&nbsp;туралы&nbsp;құқық&nbsp;қорғау&nbsp;органдарына&nbsp;міндетті түрде&nbsp;хабарлаңыздар,&nbsp;банкке&nbsp;қоңырау&nbsp;шалып, &nbsp;карталарыңыз&nbsp;бен&nbsp;шоттарыңызды&nbsp;бұғаттаңыздар.Фото: fingramota.kz

Fingramota.kz «Stop-алаяқтық» акциясын қолдайды 

<a href="https://kyzylorda-news.kz/">Kyzylorda-news.kz</a> Сыр шежіресі сонау 1904 жылдан бастау алатын Жосалы теміржол вокзалы осы кезең аралығында сапарға шыққан талайдың құтты тұрағы болып, қызметін әлі күнге дейін үзбей көрсетіп жатыр. Вокзал үйін бір көргеннен-ақ кімге болсын көненің көзіндей тарихи ғимарат екенін анадайдан еске салады. Бұл Қазан көтерілісіне дейін Ресей патшасы ІІ Николайдың бұйрығымен Ресей қалалары мен Тәшкен аралығында жолаушы, жүк тасымалы байланысын орнату мақсатында салынғанын аға ұрпақ өкілі жақсы білгенімен, кейінгі буынға таныс болмауы мүмкін. Дегенмен басы жолаушы шуылынан &nbsp;тынбайтын вокзалдың халыққа қызмет етудегі де, тарихи жәдігер ретіндегі де маңызы ерекше екені ақиқат дүние. Вокзал демекші, бүгінде ғимараттың бірнеше зал, бөлмесі бар. Атап айтқанда, күту залы, билет сату, ақпараттық-анықтама, асхана бөлмесі, сауда орталығы, дәріхана, полиция бөлімшесі қызмет көрсетіп тұр.Теміржолшылар мерекесінде аталған мекемеге бас сұғып, қазіргі жай-күйімен танысуды жөн санадық. Осы ретте Жосалы теміржол вокзалының бастығы, «Кәсібі бойынша үздік» атағының иегері Денис Хамовпен жүздесіп, әңгімелескенбіз.Алдымен оның аз-кем еңбек жолына тоқтала кетейік. Д.Николаевич теміржол саласының білікті маманы. 1998 жылдан бері, яғни салада 26 жыл қызмет етіп келеді. Басшылықтың сенімімен 2012 жылы вокзал бастығы лауазымына тағайындалған. Теміржолда жастайынан тәжірибе жинақтаған ол басшылық қызметке дейін бірқатар сатыдан өтіп, абыройлы еңбек еткен. Атап айтар болсақ, анықтама беру бойынша кезекші, анықтама бюросының агенті, вокзал бойынша кезекші, вокзал бастығының кезекші көмекшісі жұмыстарын атқарып, мамандығының сыры мен қырына қаныққан. Орта мектептен соң Алматыдағы Қазақтың Транспорт және коммуникация академиясына оқуға түсіп, оны 2010 жылы бітіріп шығады.&nbsp; Бір айтарлығы, Хамовтар отбасын теміржолшылар отбасы деп те айтуымызға негіз бар. Өйткені оның анасы Валентина Ким осы саланың майталманы. Саналы ғұмырының 35 жылын теміржолға арнаған ардақты жан.<blockquote>– Валентина Борисовна менің анам. Бүгінде зейнет демалысында. Ұзақ жылдар вокзал бастығы болып қызмет істеді. Бұл қызметтің тұтқасын ұстау анамнан кейін маған бұйырды. Бала күнімнен анамның қасында жүріп, вокзал жұмысына қанықпын. Қандай жауапкершілігі мен талабы болатынын көзбен көріп өскенмін. Сол үшін де теміржол маған таңсық болған емес, – дейді ол сөзін әрі қарай сабақтап. &nbsp;</blockquote>– Біздің вокзал 3 сыныпты катергорияға жатады. Жоба бойынша 200 жолаушыға арналған. Барлық қауіпсіздік шарасы сақталып, 24 сағат бойы электр энергиясымен қамтамасыз етіліп тұрады. Жолаушы пойызының келу, жүру уақыты алдын ала кезекшілікпен құлақтандырғыш арқылы хабарланады. Вокзал көпшілік орны болған соң тазалыққа &nbsp;мән береміз. Қажетті инвентарь, арнайы киім формасы міндеттелген. Тұрғындардың өмір қауіпсіздігін қамтамасыз етуде жолдың арғы бетіне өтуге аспалы көпір салынған. Жолаушының сұранысын қанағаттандыруда билет кассасы жоғары рөл атқарады. Ол заманауи технологиямен жабдықталған. &nbsp;Енді вокзал қызметкерлеріне келер болсам, ұжымда 12 адам еңбек етеді. Оның бесеуі – Индира Жұмабекова, Саламат Жайсаңбаев, Ғазиза Алтаева, Дәурен Тілеген, Айгүл Алпановалар анықтама беру бойынша қызмет көрсетсе, алты адам – Мақсат Басшыбаев, Азат Матжанов, Жарқын Сүлеева, Эльмира Кушманова, Самат Мархабаев және Гауһар Сүлейменовалар вокзал бастығының кезекші көмекшілері болып істейді. Бір адамымыз – Жаңабек Үсенбай электр жөндеуші. Вокзал бастығының кезекші көмекшілері пойызды шығарып салады. Перронда қауіпсіздік жағдайларына жауапты. Халыққа көмектеседі. Мысалы, мүмкіндігі шектеулі кісілер болып жатса, соларға жәрдем береді. Өзімізде оларға арналған арба бар. Қажет болған жағдайда соны шығарып береді. Егер қасында көмекші адамы болмаса, біздің қызметкерлер сүйемелдеп пойызға мінгізіп салады.Әрине, алға қойған көптеген жоспарымыз бар. Солардың ішіндегісі – келесі жылы бұйырса вокзалға толықтай заманауи үлгіде жөндеу жұмыстары жүргізілмек. Қазір бұл процесс қалаларда жүріп жатыр. Келешекте де өзімізге белгіленген міндеттерді адалынан атқарып, халыққа сервистік қызмет сапасын арттыруға атсалыса беретін боламыз. Сонымен қатар мақаланы пайдаланып, барша әріптестерімді саланың 120 жылдық мерейтойымен құттықтасам деймін. Қызметтеріне табыс, отбасыларына бақ-береке, елімізге тыныштық пен бейбітшілік тілеймін. Жаңа Қазақстанымыз жаңарып, жасарып, жаңғыра берсін, – дейді вокзал басшысы әріптестеріне жылы лебізін арнап.«Ел ағасыз, тон жағасыз болмайды» дегендей, бірлігі жарасқан ұжымның ардагерлері жастарға әркез ақылын айтып, кеңес беруден аянып қалған емес. Әсіресе Әсем Маханова, Валентина Ким, Гүлсім Аймағамбетова, Айша Ембергеновалар жас мамандардың жанашырлары, бағыт-бағдар сілтеп отырушы ұстаздары. &nbsp; &nbsp; &nbsp;Өз ісін жетік меңгерген Денис Хамовтың еңбегі ескерусіз емес. Өткен жылы әріптестері арасында оның озық тәжірибесі назарға алынып, «Қазақстан теміржолы» Ұлттық компаниясы» акционерлік қоғамының &nbsp;«Кәсібі бойынша үздік» атағына ие болып, құрметке бөленген-ді. Бұл оның ширек ғасырдан аса уақыт еткен еңбегіне берілген баға деп білеміз.&nbsp; «Еңбек ерлікке жеткізер, ерлік елдікке жеткізер» демекші, Жосалы вокзалының ұжымы жайлы облыстағылар да оң пікірде. Олар әркез белсенділік танытатын аудандағы әріптестерінің жолаушыларға көрсететін қызметтері мен кәсіби біліктіліктері және озық тәжірибелерін үлгі санайды.&nbsp;Сәрсенкүл АҚКІСІ

Жосалы вокзалының жұмысы жүйелі

Мемлекет басшысы кәсіпкерлерге мемлекет тарапынан қолдау болатынын жиі айтып келеді. Соның ішінде алдағы орта және шағын бизнес өкілдеріне "Ең бастысы, мемлекеттік қолдауға ие болатын жобаларды іріктеу ашық өтуге тиіс. Жобаның нақты әлеуметтік-экономикалық тиімділігін ескеру қажет. Осы орайда, Үкіметке депутаттармен бірлесіп, орта бизнесті дамытудың тың тәсілдерін әзірлеуді тапсырамын. Өйткені, орта бизнес ел экономикасын дамыту ісінде басты рөл атқарады. Бұл мәселе менің жеке бақылауымда болады" деген еді. Бұл кәсіп иелерін де жаңашылдыққа, тың жұмыс бастамаларды қолға алуға қозғау болды, жол ашты.Мұны көз көріп келеді. Осыған дейін алып-сатарды кәсіпкер еттік деп талай мәрте осы сала өкілдерін сынға алып келсек, соңғы жылдары өнім өндірушілердің қатары еселеп артып келеді. Осының өзі жоғарыда айтқан сөзімізге анық дәлел. Солардың бірі қазіргі таңда тұтынушылға өз өнімін ұсынып отырған кәсіп иелерінің бірі – Марат Тұрсын. Ол бүгінде тұрмысқа қажетті сұйық сабын шығарумен айналысып отыр.&nbsp;"Киім, ыдыс-аяқ, өзге де жууға қажетті бұл затты жасау асқан қиындық тудырмайды екен" деген жерлесіміз әлеуметтік желілілердің бірінен осындай дүние дайындаудың жолын көріп қолға алуды ойлайды. Ойға алған дүниесін ақиқатқа айналдыруды көздеген ол арнайы құрылғыларды іздестіріп, сол орталықтан қолдану жолын да үйреніп келеді. Бұл осыдан 1 жыл ерте уақыт болатын.Кейін өз қаражаты есебінен сұйық сабынды дайындап шығарған ол алғашқы тапсырыстарын да қабылдай бастайды.<blockquote>– Бұрын да жеке кәсіпкер ретінде аудан бюджетінің артуына үлес қосқан едім. Алайда өнім шығарып көрмегендіктен "әлде қалай болады екен?" деген күдік болғаны рас. Бірақ "көз – қорқақ, қол – батыр" деген тәмсілдің растығына көзім жетті. Өздеріңіз байқайтын шығарсыздар. Қарапайым қол жуатын сұйық сабындардан бастап, өзге де кір жуу ұнтақтары, басқа да тазалыққа, санитарлық талапқа қажетті өнімдер іздей қалсаңыздар, сауда сөрелерінде өзге елдің құралдары қаптап тұрады. Осындай импорттарға қаншама қаражатымыз кетіп жатқанын есептеп жатқан біз жоқ. Ал неге солардың орнында өзіміздің өнім тұрмасқа? Қолдан келмейтіндей аса қиын нәрсе емес. Тәуекел етіп көрдім, – дейді Марат.</blockquote>Күдікпен басталған кәсіп өз жемісін көп күттірмеді. Бірінен бірі естіп, "Аралдан сусабын шығады" дегенді естіген халық алғашында қызығушылықпен сатып алады. Бұл істің басы ғана болатын. Кез келген бастаманың жалғасын табуы оның сапасына тікелей қатысты емес пе?! "Таза Арал" брендімен жарыққа шыққан бұл жуу құрылы да өз сапасымен жұртшылықты тарта білді. Осылайша тапсыр көлемі де арта бастады. Бүгінде Аралдағы сауда орталықтарынан бөлек Қамыстыбас, Аралқұм ауылдарында сатылып жатқан жергілікті өнім тек аудан көлемінде ғана таратылып қоймайды. Көршілес Қазалы ауданы мен Байқоңырда, тіпті Ақтөбеден де "Таза Аралды" табу қиын емес.Берекетті бастаманың иесіне брендттің бәсін арттыру үшін бұл жұмыстар да жеткіліксіздеу болды. Негізгі қоспаларының бірі – тұз. Кәдімгі йодталған тұз. Оны "Аралтұздан" алдырып отырмын. Бірақ шикізаттың барлығы өзімізден табылмағандықтан Алматы, Шымкент қалаларынан алдыруға тура келеді. Ол үшін де қолдау керегін бәріміз түсініп отырған шығармыз.Осы тұста Марат Тұрсын «Атамекен» кәсіпкерлер палатасының Арал аудандық филиалына хабарласып, өз өнімі жайында айтады. Сапалы әрі сұраныстағы сұйық сабынды көрген олар бірден қолдауға дайын екендіктерін айтып, кәсіпкерлерді қолдау мақсатындағы қайтарымсыз грант конкурсына бизнес-жоспарын ұсынуға кеңес береді. Соның нәтижесінде осы уақытта шикізаттар мен арнайы қораптарды алдырып, тұрғындар талабына сай жұмыс жасауды көздеген кәсіпкер:<blockquote>– Қолдау әрбір адамды қанаттандырады ғой. Аз-кем қиындықтарды еңсеруге «Атамекен» кәсіпкерлер палатасының көмегі көп болды. Әуелі Алла, содан кейін осы қолдаудың арқасында 5 баламның несібіне жұмысым алға басып келеді, – деп ризашылығын білдірді.</blockquote>Бүгінде өз өнімін 0,5 литр және 5 литрлік сыйымдылықтағы қораптармен шұғарыпорынтағн жерлесіміздің алдағы жоспары да ауқымды. Ол жағын уақыт еншісіне қалдырайық. Алайда ауқымы кеңейіп, кәсібі өрге дөңгелесе жақсы жаңалықты халыққа жеткізуден қашпаймыз. Оңталап ЖОЛДАСОВ

"Таза Арал" көптің көңілінен шықты

<a href="https://kyzylorda-news.kz/">Kyzylorda-news.kz</a> Сонау ерте заманнан бастау алған елдің елдігін танытатын дегдар азаматтарды танып білу мен оларды ұлықтау ата-баба дәстүрінде орын алған. Бейтаныс екі адам кездескенде жөн сұрасып «еліңде кімің бар» деп сұрайтын екен. Ал сөздің түп төркінінде халықтың сапасы, елдің айбыны туралы білгісі келетіні түсінікті. Өйткені елдің келбетін тұлғалар қалыптастырған.Тәуелсіздігіміздің елең-алаң тұсында елдің көшін түзеп, жас мемлекеттің іргесін бекітуде Қармақшы ауданы бойынша негізгі тұлғалардың бірі болған Нажмадин Ысқақов аға десем қателеспеспін деймін.Өмірде көргені мен түйгені көп, қызметтің талай сатыларынан өткен, ауданымыздың және көрші Жалағаш ауданының бірнеше басшыларымен, абзал азаматтарымен қызметтес болған, өзі де басшылық қызмет атқарған, еңбекте мақтан тұтарлықтай ізбасарлар тәрбиелеген, өмірде адамгершілік пен азаматтықты бәрінен биік қойған, қандайбір жетістігі болсын мақтанбаған, еңбегін пәлденбеген, табысының ішкі сырын айтып жар салмайтын азаматтардың бірі емес, бірегейі бүгінде туғанына 90 жылдың белесіне шыққан Нажмадин аға туралы қысқа мақалама арқау етпекшімін.Елдің елдігін сақтап, халыққа қалтқысыз қызмет еткен Н.Ысқақов қуғын-сүргіні көп, аумалы-төкпелі қиын қыстау кезеңде 1934 жылы &nbsp;Ақжар ауылында өмірге келген. Балалық шағы осындай қиын кезеңге тура келгенмен, саналы да салауатты азамат болып өсіп, еңбек етудің де, елге қызмет етудің де, қоғамдық жұмысты жандандыра отырып, ауданның үлкен-кішісінің басын біріктіріп ынтымақты өмір сүрудің де үлгісін көрсете білді.Алғашқы еңбек жолын 1953 жылы №28 Бестам орта мектебін бітіргеннен кейін Қазақстанның 30 жылдығы ұжымшарында бастаған. Одан кейінгі өмір жолында Алтай өлкесінің Барнаул қаласындағы ауыл шаруашылығы институтына түсіп, 1960 жылы ғалым-зоотехник мамандығын алып, «Туған жерге туыңды тік» деген ата жолымен елге оралған.1960-1964 жылдары Жалағаш ауданының «Коммунизм», Қармақшы ауданындағы «Октябрь» әскери кеңшарында бас зоотехник, 1964 жылдан Қармақшы аудандық өндірістік басқармасы бастығының орынбасары, 1965 жылдың қаңтар айынан Қармақшы аудандық ауыл шаруашылығы басқармасының бастығы, 1971 жылдың мамыр айынан Қармақшы аудандық Кеңес атқару комитетінің төрағасы қызметтерін абыроймен атқарған.Ортақ мүдделі қызмет саласында өзара сеніммен, сыйластықпен, түсіністікпен, үйлесімділікпен іскерлік қарым-қатынаста халық, мемлекет үшін нәтижелі, абыройлы, жанашырлықпен еңбек етті. Өзінің іскерлігі мен кәсіби біліктілігінің арқасында мәселе орынды шешілетін. Күннің ыстығы демей егіншілердің, шалғайда демей әрбір малшылар ауылындағы отарларда болып, егінші, малшылар қауымының тыныс-тіршілігін, егін мен малдың жайын тұрақты бақылауда ұстап отыратын. Орын алған кемшіліктерге немқұрайдылық, салғырттық танытпайтын, оны нақты ойын көрсетіп, түсіндіріп, жедел іс жүзінде тиісті шараларды іске асыруға ықпал ететін. Тағы бір ерекше қасиеті – қандай қиыншылық кездессе де қаймықпай, шаршамай, соны шешудің жолын іздейтін. Оны жеңу үшін одан сайын жігерленіп, бастаған істі аяғына дейін жеткізетін. Сол кезеңде аудандағы өндіріс, құрылыс, транспорт, коммуналдық қызмет, әлеуметтік салалардың жұмысы да дамуда болды. Әрқайсысында жүздеген еңбеккерлер жұмыс жасаған тікелей Кеңес Одағы Геология Министрлігіне қарайтын өз елімізден басқа 13 шет елге өнім жіберетін Жосалы механикалық зауыты, Жосалы жол дистанциясы, Қазақстан бойынша &nbsp;үш өндіріс орнының бірі болған №42 рельс пісіру пойызы және су саласы мен күрделі құрылыс, транспорт мекемелері өз жоспарларын артығымен орындауға қол жеткізді. Халықтың тұрмыс-тіршілігі жақсарып, оларға қызмет көрсететін әлеуметтік салалардың жұмыстары жандана түсті, елді мекендер көркейіп өсті.Бұл жұмыстардың барлығының басында тікелей атқарушы, үйлестіруші орган болып саналатын аудандық Кеңес атқару комитетінің төрағасы Н.Ысқақов тұрды.Туған жерге, елге деген қызмет жауапкершілік жүгін одан әрі арттыра түсіп, 1981 жылдың ақпан айынан Қызылорда облысының ауыл шаруашылығы өнімдері сапасын тексеру инспекциясының басшысы, 1982 жылдың наурыз айынан Жалағаш ауданы «Жаңадария» кеңшарының директоры, 1989 жылдың мамыр айынан Қармақшы аудандық тұрмыс қажетін өтеу комбинатының директоры қызметтерін абыроймен атқарды. Облыстық партия комитетінің бірінші хатшысы Е.Әуелбеков мал шаруашылығын өркендетудегі кеңшар жұмысымен танысып, зор бағалап кеңшарда облыстық семинар- кеңес өткізіп, тәжірибесін бүкіл облыс шаруашылықтарына үлгі-өнеге етіп көрсетті. 1994 жылы қараша айында республикалық дәрежедегі дербес зейнеткер ретінде демалысқа шықты.Халыққа мінсіз қызмет ете жүріп аудандық, облыстық партия комитетіне &nbsp;бірнеше рет мүше болып сайланды, аудандық комитетінің бюро мүшесі болды. 9 рет аудандық, 7 рет облыстық Кеңестің депутаты болып сайланды. &nbsp;«Еңбегіне қарай құрметі» демекші, мемлекетке, ел-халыққа сіңірген елеулі еңбегі ескеріліп, қызмет еткен жылдары бірнеше мемлекеттік наградалармен марапатталды.«Еңбек Қызыл Ту», 3 мәрте «Құрмет белгісі» орденімен, Қазақ КСР Жоғарғы Кеңесінің «Құрмет грамотасымен» және бірнеше рет «Халық шаруашылығын дамытудағы үздік жетістіктері үшін», «Тыңға – 50 жыл», «КСРО азаматтық қорғанысының үздігі», «Еңбек ардагері», «С.Королев атындағы», «Қазақстан Республикасы Конституциясына – 10 жыл», «1941-1945 жылдардағы ҰОС жеңісінің» бірнеше мерекелік медальдары мен төсбелгілерінің иегері болды.&nbsp;Есімі «Дәуір» баспаханасынан шыққан «Қазақ жерінің зиялы азаматтары» атты ғұмырнамалық жинақтар сериясына алтын әріптермен жазылды. Ауданымыздың жан-жақты өсіп, өркендеуіне қосқан үлесі, халықтың сенімі мен қолдауы ескеріліп аудан бойынша төртінші болып «Қармақшы ауданының Құрметті азаматы» атағы және Жосалы кентінен көше атауы берілді.Мемлекеттік қызметтен құрметті демалысқа шыққаннан кейін де дамыл тапқан жоқ. Ауданның қоғамдық-саяси өміріне белсене араласты. Тәуелсіздігіміздің алғашқы жылдарында экономикалық дағдарыс орын алып, халықта күнделікті мұқтаждық мол болып, біздің егемендігімізге сызат түсіп жатқан уақытта ауданның ардагерлер қауымы Н.Ысқақовқа үлкен сенім артып,өздерінің көшбасшысы, яғни аудандық ардагерлер кеңесінің төрағасы етіп сайлады. Ол кісі қабылдауға келгендердің өтініш, тілектерін байыппен тыңдап, жеке түсіндіріп, тиісті орындарда шешудің жолын қарастырып, ел ағасы ретінде өзінің біліктілігі мен тәжірибелігін көрсетті. Алда жүрген ағаларына да, артынан ерген інілеріне де сырлас, ақылшысы бола білді. Ауданның үлкен-кішісінің басын біріктіріп, ынтымақты өмір сүрудің үлгісін көрсетті, тәуелсіз мемлекетіміздің абырой-беделін көтеруге атсалысты, елеулі үлес қосты. «Адам ғұмыры ұзақтығымен ғана емес, мазмұнымен өлшенеді» деген қасиетті сөз Нәкеңе арнап айтылғандай. Елге жасаған еңбегі, іскер басшылығы, адамға қамқорлығы, белсенді жұмысы, қайбір іс болмасын әділеттігі мен принципшілдігі онымен қызметтес, әріптес, сыйлас, ниеттес, тілектес болған қаншама жандардың көкейінде жаңғыруда. Батыл жүректілігімен, ер мінезділігімен, құйма құлақтылығымен, естігені мен оқығанын өмірі ұмытпайтындығымен &nbsp;де ерекшеленетін. Бір кісіні сұрасаң оның жоғары тегіне дейін, нағашысы мен жиеніне дейін талдап беріп таң қалдыратын. КСРО мен Қазақстанның Жоғарғы органдарында қаулы-қарарлардың қабылданған уақыты мен санына дейін жадында ұстап, жеткізіп отыратын.Жеңгеміз Омарова Ұмсын екеуі 5 баланы өмірге әкеліп, тәрбиелеп, әртүрлі мамандықтардың иесі атанды. Отбасы берекелі, қай уақытта барсаң да дастарқаны жаюлы. Табалдырықтан аттағандарды ықылас-пейілмен қабылдайтын. Қасиетті шаңырағында талай абыз ақсақалдар, ел басқарған азаматтар, әскери басшылар мен өнер иелері болып, өздерінің игі тілектерін жеткізіп, ақ баталарын беріп кететін. Қазір соңына ерген, бірге жүрген азаматтар Нәкең дастарқан басында бірге отырып ас ішетін кісілер болмаса, шайды да іше бермейтін деп еске алады.Нәкең 2010 жылы өмірден өткенде облыс әкімі мен облыстың ардагерлер кеңесінің төрағасы бас болып келіп, аудандық мәдениет үйінің алдында бірнеше жүздеген адамның қатысуымен қоштасу митингісі өтті. Мемлекет пен қоғам қайраткері, облыстың бас ардагері, ақсақалы Сейілбек Шаухаманов Нәкеңнің бүкіл елге еткен еңбегіне, адами қасиетіне, жалпы болмысына жан-жақты тоқталып, биік баға беріп «Нәке рухың есітіп жатқан шығар бұл өмірдегі соңғы сағатыңа дейін төраға болып кеттің, мәңгілік жайыңда да жаның жәнатта болып, төрағалықта қалатын шығарсың» деп жүрекжарды көңіл айтуын бүкіл қауымға жеткізген болатын.Елге кіршіксіз қызмет жасап, терін төккен, ақсақалдықтың үлгісін көрсеткен Нәкеңнің есімі – ел есінде мәңгілік сақталады деген осы болса керек. Ағаның жаны жәнатта, алды пейіш, арты кеніш болып, ұрпақтары өсіп-өркендеп биік мақсаттарына жете берсін демекпін.<figure class="image"><img src="https://knadmin.beoblood.kz/uploads/3af59b7e_1562_4685_b61c_6ef38be88ee4_61ece4afca.jpeg" alt="3af59b7e-1562-4685-b61c-6ef38be88ee4.jpeg"></figure> &nbsp;Әбдірахман ҚҰЛДҮЙСЕНОВ, Қармақшы ауданының Құрметті азаматы, аудандық Қоғамдық кеңесінің төрағасы

Ғибратты ғұмыр иесі 

<a href="https://kyzylorda-news.kz/">Kyzylorda-news.kz</a> Қармақшы ауданына қарасты Ақай ауылының тұрғыны Мейрамкүл Рыспанбетова Сексек ата тұқымын бағып өсіруде. Өткен жылы «Ауыл аманаты» бағдарламасы арқылы несие алып, Шымкент қаласынан 15 бас Заанен ешкісін сатып алған. Бүгінде асыл тұқымдылардан төл алып, сүтін сату арқылы пайдасын көріп отыр.«Пико, келе ғой мында» деді Мейрамкүл апай секеңдеген тентегін шақырып. Бұл қорадағы асыл тұқымды Заанен ешкілерінің ішіндегі ақылдысы. Суреттен көргеніңіздей адамнан қашпайды. Әлгі ешкіміз сөзді түсінгендей біз тұрған шарбаққа жақындап, дауыстап шақырған иесіне мойнын созып еркелей кетті. Ар жағында Сүтті қыз, Лиза, Мая, Даша, Саша ешкілері келгенімізге үрке қарап, қорада қашып жүр.<blockquote>– Бұған дейін жергілікті тұқымды ешкілерден екі бас асырап көрдім. Олар жақсы сүт берді. Содан кейін мал ұстауға қызығушылығым оянды. Екі басқа арнап салған тар қораны кеңейтіп, кәсіпкерлерге қолдау болған бағдарламамен ешкі санын көбейттім. Әр істің қиыншылығы қатар жүреді демекші сатып алған 15 ешкінің екеуі өліп қалды. Қалғанын ағамның үйіне бөліп ұстап, бағудамыз. Бұлар асыл тұқымды болғаннан кейін ерекші күтімді қажет етеді. Жылына бір рет егіз төлдейді. Көктемде төлдесе жаз бойы сауылады. Алғашында сүтті жақсы алдық, қазір аздан беріп жүр. Сүтінен құрт, май алып тұрақты тұтынушыларымызға қол жетімді бағада сатамыз, – дейді кәсіпкер.</blockquote>Мейрамкүл апамыз қорадағы тазалықты бірінші орынға қойған. Арнайы соғылған қора-жайы тап-тұйнақтай. Лақтарын бөлек, сауын ешкілерін бөлек ұстайды. Ешкілердің де жүндері тықыр, түріне қарап сүйсінесің. Бәрі иесін тыңдайды. Аттарын атап шақырғанда қасына келе қалады. Соның ішінде кейіпкеріміз Пикосын ерекше жақсы көретінін де жасырмады.<blockquote>– Ешкілерді сатып алуға барғанда ең бірінші Пико адамды танығандай маған келді. Содан бері бір-бірімізге жақынбыз. Айтқанды тыңдайды. Басқаларында өз аттарымен еркелетемін. Күнделікті жем-шөбін есеппен береміз. Жалпы ешкінің тамағына бей жай қарасаң, саған сүтін де солай береді. Сол үшін арпа, сұлы, биокорм беріп, жақсы сүт алудың қамын жасаймыз, – дейді ол.</blockquote>Бүгінде ешкінің сүті мен жүнінің пайдасы зор екенін білсек те, бұл шаруаны қолға алып, кәдеге жаратып отырған кәсіпкерлер аз. Мал шаруашылығымен айналысатын көпшілік саудаға сиыр сүтін шығарады. Ешкі бағатындар жоқтың қасы. Қазақ «Есің кетсе, ешкі жи» деген. Түсінген адамға сөздің астарында көп мағына бар. Негізінде ешкінің күтімі тәуір болса басы тез көбейеді. Ал сүтінің айрықша құнары ұшан теңіз. Адам ағзасына пайдасы өте жақсы, ауруға бірден-бір ем. Ешкінің сүтінде кальций көп. Бұл әсіресе балаларға өте пайдалы. Жаңа сауылған ешкі сүтінің тағы бір қасиеті – оның қуаты 4-5 сағатқа дейін ішектегі жағымсыз бактерияны жоюға қауқарлы.Кейіпкеріміздің кәсібін танығандар бүгінде таңсық тағамның құнарын түсініп тапсырыс беруде. Ал шетелдік ғалымдар ешкі сүтінің ерекшелігін ескеріп, оны пайдаға асыруды әлдеқашан жолға қойған.Ерсін СӘДУҰЛЫ

Қазақстан және Қызылорда облысының жаңалықтары