<a href="https://kyzylorda-news.kz/">Kyzylorda-news.kz</a> Арал ауданының орталығынан «Хан» СПА заманауи кешені ашылды. Жеке кәсіпкер Ж.Исаевтың жеке қаражаты есебінен салынған жабық бассейін кешенінің ашылу салтанатына аудан әкімінің орынбасары Е.Әбішев, аудандық мәслихат төрағасы Б.Төрахметов және ауданның зиялы қауым өкілдері қатысты.Алдымен аудан әкімінің орынбасары Е.Әбішев орталықтың ашылу салтанатымен құттықтап, кәсіп иесіне ризашылығын жеткізді.Мұнан соң аудандық мәслихат төрағасы Б.Төрахметов, аудандық ардагер кеңесінің төрағасы Ә.Әйімбетовтер өздерінің ізгі лебіздерін жеткізіп, аудан тұрғындары үшін мұндай орталықтардың болуы маңызды екенін жеткізді.Орталықта 6 номер қамтылған. Бассейн, Джакузи, Массаж, Караоке, түрлі ас мәзірі сынды қызметтер келушілерге жайлы көңіл-күй сыйлайды. Одан бөлек, Терасса, парлары қарастырылған.Қазіргі таңда Арал қаласы мен Сексеуіл кентіндегі ескі вокзалдардың орнына жаңа ғимараттардың құрылысы жүргізілуде.Бүгінде қалалық темір жол бекетінің құрылыс жұмыстарын «Техоснастка-Ремсервис» ЖШС мекемесі жүргізуде. Ғимараттың қабырғаларын қалау, бетон бұйымдарын берік орнату, терезелерін салу және ішкі бөлмелерін сылау жұмыстары жүргізілуде.Медицина саласында да нәтижелі істер қолға алынуда. Аудандағы жұқпалы аурулар бөлімшесінің ескі ғимаратының орнына жаңа нысанның құрылысы жүріп жатыр. Құны 2 млрд 300 млн теңге болатын нысанды «Иман» ЖШС мекемесі салуда. Қазіргі уақытта сыртқы абаттандыру және ішкі әрлеу жұмыстары жүргізілуде.<img src="https://knadmin.beoblood.kz/uploads/Aralda_Han_spa_kesheni_ashyldy_88f2bf184e.jpg" alt="Аралда «Хан» спа кешені ашылды.jpg">

Аралда «Хан» спа кешені ашылды

<a href="https://kyzylorda-news.kz/">Kyzylorda-news.kz</a> «AMANAT» партиясының Партиялық бақылау комитетінің отырысы өтті.Отырыста партияның 2023-2027 жылдарға арналған «Халықпен бірге!» сайлауалды бағдарламасын іске асыру жөніндегі жол карталарының Қарағанды, Алматы және Павлодар облыстарында орындалу барысы қаралып, Партиялық бақылау комитетінің 2026 жылға арналған жұмыс жоспары бекітілді.Жиынға бейнебайланыс арқылы өңірден партияның облыстық филиалының атқарушы хатшысы Ләйлә Төрешова, Партиялық бақылау комиссиясының төрағасы Нұркен Бақытбекұлы, облыстық мәслихаттағы «AMANAT» партиясы фракциясы төрағасының орынбасары Мақсұт Нәлібаев, облыстық экономика және қаржы басқармасы басшысының орынбасары Дастан Баймаханов және партиялық бақылау инспекторы Алтынбек Жарылқасынов қатысты.<img src="https://knadmin.beoblood.kz/uploads/FB_IMG_1766294025568_ecbf38dbea.jpg" alt="FB_IMG_1766294025568.jpg">

AMANAT: Өңірлік жол карталарының орындалу барысы қаралды

<a href="https://kyzylorda-news.kz/">Kyzylorda-news.kz</a> «AMANAT» партиясының «Қарызсыз қоғам» жобасы – халықтың қаржылық сауаттылығын арттыруға, азаматтардың өмір сапасын жақсартуға бағытталған маңызды бастама. Осы жобаны іске асыру барысында Қызылорда командасы жоғары жауапкершілік пен белсенділік танытып, республика көлемінде үздік нәтижелердің бірін көрсете білді.Осы орайда бүгін партияның облыстық филиалының төрағасы Жандос Базартай жобаны іске асыру аясында халықтың қаржылық сауаттылығын арттыру бойынша ауқымды жұмыс жүргізуге атсалысқан азаматтармен кездесу өткізді.“Мемлекет басшысы өз Жолдауларында бірнеше мәрте атап өтіп, лайықты бағасын берген берекелі бастама аясында биыл да ауқымды шаруа атқарылды. Жақында Астана қаласында жобаның жылдық нәтижесі қорытындыланды. Жиынға партия Төрағасы Ерлан Қошанов арнайы қатысып, «Қарызсыз қоғам» құруға белсене атсалысып жүрген азаматтарға ризашылық білдірді.&nbsp;Сіздер тек жоспарды орындап қана қоймай, сонымен қатар нақты адамдардың тағдырына оң әсер беріп, үлес қостыңыздар. Қаншама отбасы қаржылық тығырықтан шығуға мүмкіндік алды, өз болашағына сеніммен қарай бастады. Бұл – еңбектің шынайы жемісі, халықтың ризашылығы мен алғысына лайық іс.”-деді төраға Жандос Базартай.Іс-шара барысында жоба қатысушыларына халыққа тегін құқықтық көмек көрсетудегі кәсібилігімен жоғары жауапкершілігі үшін «AMANAT» партиясының төрағасы Ерлан Қошановтың алғыс хаты табысталды.Жалпы 2025 жылы Қызылорда облысы бойынша «Қарызсыз қоғам» жобасы аясында 22800 азаматқа қызмет көрсету көзделген. Қызылорда облысы 152,4 пайызға орындап, 34755 адамға қызмет көрсетті.<img src="https://knadmin.beoblood.kz/uploads/FB_IMG_1766293806846_e1b9176ae6.jpg" alt="FB_IMG_1766293806846.jpg">

Қызылордада 34 мыңнан астам азамат қаржылық сауаттылығын арттырды

<a href="https://kyzylorda-news.kz/">Kyzylorda-news.kz</a> Спорт саласын серпінді дамытуда спорт инфрақұрылымын жетілдіру айрықша маңызға ие. Себебі заманауи әрі қолжетімді спорт нысандары кәсіби және бұқаралық спорттың қарқынды дамуына жол ашады. &nbsp;Мемлекет басшысы Қасым-Жомарт Кемелұлы Бурабайда өткен Ұлттық құрылтай отырысында барлық облыстар мен елдімекендере спорт инфрақұрылымын, соның ішінде стадиондар мен спорт кешендерін салу мәселесіне ерекше тоқталған болатын.Осыған сәйкес, облыста соңғы үш жылда «Ауыл = ел бесігі» бағдарламасы аясында 21 заманауи спорт кешені ел игілігіне пайдалануға берілді. Алдағы уақытта ауылдық елдімекендерде соңғы үлгідегі тағы 5 спорт ғимараты ашылады деп жоспарлануда. Жалпы бүгінде облыс бойынша 1538 спорт ғимараты халыққа сапалы қызмет етуде.Биыл Мемлекет басшысы және Үкіметтің ерекше қолдауымен, аймақ басшысының бастамасымен Қызылорда қаласының сол жағалауында Сыр жұртшылығы асыға күткен құны 26.5 млрд теңгені құрайтын УЕФА-ның 4-ші санатына сәйкестендірілген 11 мың орындық жаңа стадион Қазақстан Кубогының финалдық ойынымен ресми түрде ашылды. Жаңа стадион «Kaysar Arena» тек спорттық шараларды ғана емес, ауқымды мәдени іс-шараларды өткізуге де мол мүмкіндік беретін бірегей спорттық нысан.Сондай-ақ, алып нысанда олимпиадалық спорт түрлеріне арналған бокс, спорттық гимнастика, таеквондо, ауыр атлетика, күрес түрлеріне арналған залдар мен фитнес залдары жыл он екі ай көлемінде ел игілігіне қызмет жасайтын болады.Спорттық инфрақұрылымды қарқынды дамыту бағытындағы тағы бір жаңа жоба – құны 20 млрд. 500 млн теңгені құрайтын аумағы 25 мың шаршы метрлік көпбейінді «Kyzylorda Arena» спорт кешенінің құрылысы қарқынды жүруде. Кешенде олимпиадалық стандартқа сай 50/25 метрлік жүзу бассейні және олимпиадалық спорт түрлеріне арналған жаттығу залдары қамтылады. Бұл нысанда Әлем және Азия чемпионаттары мен халықаралық деңгейдегі жарыстарды өткізуге арналған 2500 орындық зал қарастырылған. Одан бөлек, спорттық нысан түрлі деңгейдегі форумдар мен &nbsp;мәдени бағыттағы іс-шараларды өткізуге мол мүмкіндік бермек.Өңірде спорт саласын қарқынды дамытуға ұлттық компаниялар, қорлар және жергілікті кәсіпкерлер де белсенді атсалысуда.Соның бірі – 2024 жылы Қызылорда қаласының сол жағалауында &nbsp;«Samruk Kazyna Trust» әлеуметтік жобаларды қолдау қорымен бірлескен түрде құны 3 млрд. 400 млн теңгені құрайтын «Теннис орталығы» ашылды.Сонымен қатар, «Қазақстан Халқына» қоғамдық қорының демеушілігімен қаланың сол жағалауында құны 2 млрд. 900 млн теңгеге ерекше қажеттілігі бар жандарға арналған дене шынықтыру-сауықтыру кешені салынуда.Аталған қордың көмегімен осы жылы Шиелі және Жалағаш аудандарында жаңа спорт кешендері салынып, ауыл тұрғындарына табысталды.Қазақстан футбол федерациясының «Алаң» бағдарламасы аясында 2024 жылы Қызылорда қаласындағы Ғани Мұратбаев атындағы орталық стадионның қосалқы алаңы қайта жаңғыртудан өткен болатын. Биыл да федерация қолдауымен Жалағаш ауданының орталық стадионы күрделі жөндеуден өтіп, аудан жұртшылығы мен спортшыларына пайдалануға берілді.Биылғы жылдың тағы бір жаңалығы облыс әкімі Нұрлыбек Машбекұлының ерекше қолдауымен жеке теңгерімдегі «Тарлан» спорт кешені басқарма меншігіне беріліп, «Қызылорда ерлер және әйелдер бокс клубы» болып ресми түрде ашылды. Ғимарат демеушілер есебінен күрделі жөндеуден өтіп, заман талабына сай толық жаңғыртылды. Қазіргі таңда бокс клубында ерлер мен әйелдерге арналған екі бокс залы, 40 адамдық қонақ үй, соңғы үлгідегі жаттығу залы және спортшыларға арналған асхана жұмыс істейді.Осылайша, 2025 жылдың қорытындысымен облыста халықтың спорттық инфрақұрылымдармен қамтылу көрсеткіші 56,5 пайызға жетті.Бүгінде өңірде 377 мыңнан астам тұрғын яғни халықтың 44,6 пайызы бұқаралық спортпен жүйелі түрде шұғылданады. Бұл көрсеткіш 2024 жылмен салыстырғанда 4,2 пайызға артқан. Осыған сәйкес, жыл басынан бері облыста 146 спорттық іс-шара өткізіліп, оған 26 980 адам қатысты.Биыл &nbsp;Сыр спортшылары да тарихи жетістіктерге қол жеткізіп, әлемдік ареналарла ел мерейін үстем етті. Атап айтқанда, Қазақстан тарихында грек-рим күресінен 26 жылдан кейін Әлем чемпионы атанған Айдос Сұлтанғали, бокстан Әлем Кубогының жеңімпазы Нұрсұлтан Алтынбек, бокстан Азия чемпионатының жеңімпазы мен жүлдегерлері Гүлсая Ержан, Зарина Толыбай, Ақбота Болат, дзюдодан жастар арасындағы Азия чемпионатынан қола жүлдегері Сұлтан Бейбарыс пен Бақытбек Көркем және Азия ойындарының жүлдегерлері Абылайхан Жұбаназар, Мағжан Шамшадин, Еламан Ерғалиев, стенд атудан Азия чемпиондары Айсалбаев Әлішер, Коломоец Максим, Айсалбаев Асылхан, мәнерлеп сырғанаудан бірнеше дүркін халықаралық турнирлердің жеңімпазы Артур Смағұлов, отырып ойнау волейболынан Азия және Әлем Кубогының жеңімпаздары Қасқабаев Эрик, Медеуов Шыңғыс, Әбдібек Ерасыл, ауыр атлетикадан Әлем және Азия чемпионатының жеңіпазы Сәулебеков Ерасыл, Ерсейіт Бейбарыс, Ернұр Мырзахмет, пара дзюдодан Әлем Кубогының жеңімпазы Айдана Ғазизқызы, пара пауэрлифтингтен Әлем чемпиондары Бойко Снежанна мен Фариза Төлжан ел абыройын асқақтатқан болатын.Жалпы биыл облыс спортшылары ҚР чемпионаттары мен кубоктарынан 158 алтын, 154 күміс, 227 қола медаль жеңіп алса, Әлем және Азия чемпионаттары мен кубоктарынан 55 алтын, 38 күміс, 53 қола жүлдеге ие болды.Биыл қызылордалық 2 спортшы ҚР Еңбек сіңірген спортшы атағына ие болса, &nbsp;9 спортшы халықаралық дәрежедегі спорт шебері атанды. Ал &nbsp;45 &nbsp;спортшы ҚР спорт шебері атанса, &nbsp;975 спортшы спорт шеберлігіне үміткер атағына қол жеткізді. &nbsp;Жалпы спорт түрлері бойынша ҚР Ұлттық құрама сапына Қызылорда облысынан 585 спортшы енгізілген. Алдағы уақытта бұл бағыттағы жүйелі жұмыстар жалғасын табатын болады.<img src="https://knadmin.beoblood.kz/uploads/FB_IMG_1766251257072_e0886a86e5.jpg" alt="FB_IMG_1766251257072.jpg"><img src="https://knadmin.beoblood.kz/uploads/FB_IMG_1766251261050_3b29608ff0.jpg" alt="FB_IMG_1766251261050.jpg">

Өңірде соңғы үш жылда 21 заманауи спорт кешені пайдалануға берілді

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев «Петро Қазақстан Инк» компаниясының президенті Чэнь Даю, «ПетроҚазақстан Құмкөл Ресорсиз» АҚ басқарма төрағасы Чжао Сяоминмен кездесті. Аймақ басшысы атқарылған жұмыстарға тоқталып, алдағы жоспарларды да атап өтті.<blockquote>​«Петро Қазақстан Инк» компаниясының мұнай-газ секторында ғана емес, облысымыздың әлеуметтік-экономикалық дамуында да ерекше үлесі бар. Жұмыс орындарын сақтау, заманауи технологияларды енгізу және экология мәселелеріне жауапкершілікпен қарау біз үшін өзекті болып қала береді. Компания қолданыстағы 10 келісімшарт негізінде Оңтүстік Торғай бассейнінің бірнеше кен орнында көмірсутек өндіреді. Қазіргі уақытта кен орындарының көпшілігі өндірудің соңғы сатысында және қалдық қорды өндіру қиынға соғуда. Осыған байланысты тек қолданыстағы келісімшарттық аумақтарда ғана емес, жаңа перспективалық учаскелерде де барлауды бастау керек. Өңірдегі «Айдан мұнай», «Сибу Қызылорда», «ҚуатАмлонМұнай» және т.б. мұнай компанияларының қызметкерлері жалақы көлеміне, еңбек жағдайына жүйелі түрде наразылық білдіруде. Халықтың әл-ауқатын арттыруға және қоғамдағы әлеуметтік шиеленісті болдырмауға бағытталған оңтайлы шешімдер қабылдау – біздің басты міндетіміз. Бұл ретте Сіз басқаратын компаниялар тобы қызметкерлерінің еңбек жағдайын жақсартуда тиісті шаралар қабылдау қажет. Үкімет газ тапшылығын болдырмау мақсатында газ кен орындарын дамытуға ерекше назар аударуда. Өңір үшін мәселенің маңыздылығын ескеріп, басқа компаниялардың ресурстарынан газ құбырын жүргізу жобасын іске асыру мүмкіндігін қарастыруыңызды сұраймын. Облыста жаңартылатын энергетика белсенді дамып келеді, жалпы қуаты 89 мегаватт болатын 9 күн-электр станциясы жұмыс істейді. Жақын арада 7 күн және 2 жел-электр станциясын іске қосу жоспарланған. Жаңартылатын энергия көздері саласындағы жобаларды да басты назарда ұстауды ұсынамыз», – деді Н.Нәлібаев.</blockquote>Кездесуде компания президенті көтерілген мәселелердің шешіміне қатысты ұсыныстарды қолдайтынын жеткізді. Айта кетейік, «Петро Қазақстан Инк» компаниялар тобына облыс аумағындағы мұнай-газ кен орындарын игеретін 6 компания кіреді. Атап айтсақ, «ПетроҚазақстан Құмкөл Ресорсиз», «Торғай Петролеум» АҚ, «Қазгермұнай», «Көлжан», «Тұзкөл Мұнайгаз Оперейтинг» ЖШС және «ПКВИ» Қызылорда филиалы.

Облыс әкімі "Петро Қазақстан ИНК" компаниясының президентімен кездесті 

<a href="https://kyzylorda-news.kz/">Kyzylorda-news.kz</a> Тағы 7 адам еліміздегі медициналық ұйымдарда шетелден шақырылған мамандардың қатысуымен ем қабылдады. Мұндай медициналық көмекті алу тәртібі туралы Әлеуметтік медициналық сақтандыру қоры басқарма төрағасының орынбасары Светлана Пономарева айтып берді.Көпшілік Қазақстан азаматтарын шетелде емдеуге жіберу және шетелдік дәрігерлерді Қазақстанның медициналық ұйымдарында ем жүргізу үшін тарту жөнінде арнайы бағдарлама бар екенін біле бермейді. Мұндай емдеу Тегін медициналық көмектің кепілдік берілген көлемі (ТМККК) қаражаты есебінен қаржыландырылады. Жұмысшы орган ретінде Әлеуметтік медициналық сақтандыру қоры айқындалған. Қор пациенттердің құжаттар пакетін қалыптастырып, оларды шетелдік клиникаларға жолдайды, емдеу бағдарламалары бойынша ұсыныстар алады, содан кейін шешім қабылдау үшін Денсаулық сақтау министрлігі жанындағы комиссияның қарауына ұсынады. Пациенттерді осындай емге жіберу тәртібі Қазақстан Республикасы Денсаулық сақтау министрлігінің №45 бұйрығымен бекітілген Қағидалармен реттеледі.Бұл емге кімдер үміткер бола алады?Светлана Пономареваның айтуынша, 18 жасқа дейінгі балалар Қазақстанда көрсетілмейтін жоғары технологиялық медициналық көмекке көрсеткіштері болған жағдайда шетелге емделуге жіберілуі мүмкін.Ал ересек азаматтар белгілі бір аурулар бойынша ғана шетелдік клиникаларға жіберіледі. Олардың тізбесі Денсаулық сақтау министрлігінің бұйрығымен бекітілген.Пациенттердің үшінші санаты – қызметтік міндеттерін атқару кезінде ауыр жарақаттар мен зақымдар алған құқық қорғау органдарының қызметкерлері мен ҚР Қарулы Күштерінің әскери қызметшілері. Ерекше жағдайларда, яғни Қазақстанда бұндай жоғары технологиялық медициналық көмек көрсетілмейтін кезде Қазақстан Республикасы Президентінің немесе Премьер-Министрінің тапсырмасы бойынша шетелде емделуге жіберіледі.2025 жылдың аралық қорытындыларыОсы жылдың 1 желтоқсанындағы жағдай бойынша, бюджет қаражаты есебінен бағдарлама шеңберінде 77 пациент ем алды. Оның 70-і шетелдік клиникаларда, ал 7-еуі шетелдік мамандардың қатысуымен Қазақстандағы медициналық ұйымдарда өткен шеберлік сағаты аясында ем алды.«Олардың емделуіне 1 млрд теңгеден астам қаржы жұмсалды. Бір жағдайдың орташа құны шамамен 13 млн теңгені құрайды. Алайда бұл ауру түріне және жүргізілген емге байланысты. Мысалы, қан ауруымен ауырған бір пациентке мемлекет шамамен 35 млн теңге, несеп-жыныс жүйесі аурулары бойынша – 32 млн теңге, неврологиялық аурулар бойынша – 17 млн теңгеге жуық&nbsp;қаражат жұмсады. Бұл бір отбасы көтере алмайтын шығын. Сондықтан тегін медициналық көмектің кепілдік берілген көлемі есебінен қаржыландырылатын бұл бағдарлама азаматтарымыз үшін таптырмас қолдау», – деді Қор өкілі.Жалпы осы кезеңде ең көп емделгендер туа біткен ақаулары бар (32 адам) және онкологиялық аурулары бар (26 адам) азаматтар болды.Қолданылған емдеу технологияларына тоқталсақ, 24 жағдайда туа біткен тамыр ақауларына операция жасалған, 9 жағдайда онкологиялық ауруларды емдеу үшін протондық терапия қолданылған, 7 жағдайда радиоактивті йодпен ем жүргізілген. Сонымен қатар 6 жағдайда бауыр трансплантациясы мен кардиохирургиялық операциялар жасалды, сондай-ақ басқа да жоғары технологиялық емдеу әдістері қолданылды.2025 жылы пациенттерді емдеу үшін ең жиі таңдалған елдер – Германия (24 жағдай),&nbsp;Түркия (17 жағдай)&nbsp;және&nbsp;Үндістан (13 жағдай). Сондай-ақ пациенттер Ресей Федерациясына, Беларуське және Испанияға жіберілді.ӘМСҚ өкілінің айтуынша, шетелде емделуге үміткер пациенттердің құжаттарын өңірлік денсаулық сақтау басқармалары дайындап, республикалық деңгейде қарауға ұсынады. Сондықтан бағдарлама талаптарына сай келетін пациенттер ең алдымен өз өңіріндегі денсаулық сақтау басқармасына жүгінуі қажет. Айта кету керек, егер азаматтар шетелге өз бастамасымен (республикалық комиссияның шешімінсіз) барып емделсе, мемлекет олардың шығындарын өтей алмайды.

2025 жылы 70 қазақстандық мемлекет есебінен шетелде емделді

<a href="https://kyzylorda-news.kz/">Kyzylorda-news.kz</a> Қармақшы ауданының әкімі Жандос Еркінбек азаматтарға жеке қабылдау жүргізіп, тұрғындардың өтініштері мен ұсыныстарын тыңдады. Кезектілік тәртібімен өткен қабылдауға 20-ға жуық азамат келді.Көтерілген негізгі мәселелер қатарында тұрғын үй алу, жұмысқа орналасу, кәсіпкерлік саласы, жарықтандыру, көшелерді жөндеу сынды сұрақтар болды.Қабылдау барысында аудан басшысы әрбір тұрғынның жеке мәселесін тыңдап, бірқатарына заңдылыққа сәйкес жауап берді.Айтылған мәселелер бақылауда болатынын айтып, оңтайлы шешiмiн табуы үшiн тиiстi сала басшыларына тапсырмалар жүктеді.Айта кетейік, тұрғындар аудан әкімінің қабылдауына <a href="https://l.facebook.com/l.php?u=http%3A%2F%2Fegov.kz%2F%3Ffbclid%3DIwZXh0bgNhZW0CMTAAYnJpZBExWHpNbERXN0VoSVZkcGJ4QXNydGMGYXBwX2lkEDIyMjAzOTE3ODgyMDA4OTIAAR5O_k_uc2J6iWNF-FCWvndujrmym6pGTWJFV0Np6dpenFA-pyORIOW8k-_QlA_aem_qmzIwyGgsUhjUTJ6GkVz-A&amp;h=AT1Czr7gpW1-WJb6oe8ICOGQbCRGeLA06zq98dLtZEyb3gK2OibpcODqOfcLEDuW-SfU4br_PjMWOaUNgRAFSbePmmOMCyAsCgfIXGbJKM4RuQYUvODDY_7-jADsi6fUXnXVoxWG_fZ0j9kt&amp;__tn__=-UK-R&amp;c%5b0%5d=AT1HR76gedRyz7SLOtuZBQQVT2mFn_-31fwP5oaN1RVKV-tPRLHEHXJJz36rqfOE5zJB9iPJ4z8acnaxagOLtcouHsOaPRo2nW8RzpntBGDqYLvaYBBOQTsP00sRdGgZFlydu4qxbx6RGWUdqJzWG6hNfr6SqOctn3AmepAIXohz4HIzksB0YQ">egov.kz</a> порталы, <a href="https://l.facebook.com/l.php?u=http%3A%2F%2Fe-otinish.kz%2F%3Ffbclid%3DIwZXh0bgNhZW0CMTAAYnJpZBExWHpNbERXN0VoSVZkcGJ4QXNydGMGYXBwX2lkEDIyMjAzOTE3ODgyMDA4OTIAAR6X1WSzOr3yx_HjvpwajDdu6a4oLiurEgxyQvB6FZUZ0jwkNKWSSZkW-KYPaA_aem_ofOrTodBk37dcD4X0cK-Fw&amp;h=AT3QjKARUDFjx_5vzbGept0BgyIeZRPPjwPxTY_7l3-ZWj4ukAV16qC9uykrI1G1gtSMxd8myT3eK1C-7ly7bebm4Gyq6_Oj37RictHDz2vhTg3jRuUJ_u_sMR9w3Ij0Guwb7-OVrdeRthKV&amp;__tn__=-UK-R&amp;c%5b0%5d=AT1HR76gedRyz7SLOtuZBQQVT2mFn_-31fwP5oaN1RVKV-tPRLHEHXJJz36rqfOE5zJB9iPJ4z8acnaxagOLtcouHsOaPRo2nW8RzpntBGDqYLvaYBBOQTsP00sRdGgZFlydu4qxbx6RGWUdqJzWG6hNfr6SqOctn3AmepAIXohz4HIzksB0YQ">e-otinish.kz</a> базасы немесе әкімдікке жазбаша өтініш беру арқылы жазыла алады.Фото: Қармақшы ауданы әкімінің баспасөз қызметі

Қармақшы: Жеке қабылдауда айтылған әрбір мәселелер бақылауда

<a href="https://kyzylorda-news.kz/">Kyzylorda-news.kz</a> «МСАК&nbsp;көшбасшысы»&nbsp;республикалық&nbsp;байқауының&nbsp;қорытындысы бойынша Қызылорда&nbsp;облысының&nbsp;үздік&nbsp;емханалары&nbsp;белгілі&nbsp;болды. Байқаудың ұйымдастырушысы – Әлеуметтік медициналық сақтандыру қоры.1 қыркүйек пен 30 қараша аралығында өңірдегі медициналық-санитарлық алғашқы көмек көрсету ұйымдары арасында, Қор филиалының медициналық қызмет көрсетушілері болып табылатын 24 медициналық ұйым үздік атағы үшін бақ сынасты.Байқау нәтижесі бойынша:I орын – №6 қалалық емханаға,II орын – №4 қалалық емханаға,III орын – Шиелі аудандық көп бейінді орталық ауруханасына берілді.Сонымен қатар, байқауға&nbsp;белсенді&nbsp;қатысқаны үшін Сырдария&nbsp;аудандық&nbsp;ауруханасының&nbsp;маманы&nbsp;Әсел Аябекова Алғыс&nbsp;хатпен&nbsp;марапатталды.Облыстық Қор филиалының директоры Жақсылық Абдусаметовтың айтуынша, байқаудың басты мақсаты – міндетті әлеуметтік медициналық сақтандыру жүйесінің артықшылықтарын кеңінен насихаттау және МСАК ұйымдарының жұмысын жандандыру.Байқау ережесіне сәйкес, медициналық ұйымдар бес индикаторлық көрсеткіштер бойынша бағаланды. Атап айтқанда:МӘМС жүйесінен тыс қалған азаматтардың санын азайту;Пациенттерді қолдау және ішкі бақылау қызметінің жұмысы туралы ақпараттық материалдар мен түсіндірмелер саны;МӘМС мүмкіндіктері жайлы өз парақшаларындағы, БАҚ-дағы жарияланымдары;Қор филиалына МСАК ұйымына түскен шағымдардың саны;Тәуліктік стационарларға шұғыл түрде жатқызылған диспансерлік есепте тұратын пациенттердің үлес салмағын азайту;Сайыстың нәтижесі Қордың, Қор филиалының, Денсаулық сақтау басқармасының, Медициналық және фармацевтикалық бақылау комитетінің және «Денсаулық сақтау жүйесі қызметкерлерінің «SENIM» салалық кәсіподақ ұйымы» филиалы өкілдерінен тұратын комиссия шығарды.Қор филиалының директоры Жақсылық Абдусаметов жеңімпаз ұжымдарға алғыс білдіріп, халыққа сапалы медициналық көмек көрсетудегі еңбектеріне жоғары баға берді.Еске сала кетейік, «МСАК көшбасшысы» байқауы 2024 жылы басталған. Алғашқы жеңіс тұғырына «ALEXEY SULTAN-AKHMET» ЖШС ұжымы ие болған еді.<img src="https://knadmin.beoblood.kz/uploads/lidery_2025_09221fabd6.jpeg" alt="лидеры 2025 ++.jpeg">

Емханалар арасындағы байқаудың қорытындысы белгілі болды

<a href="https://kyzylorda-news.kz/">Kyzylorda-news.kz</a> Қалалық мәслихаттың ХХХXV сессиясында бюджетті нақтылау қаралды. Сессияда қала әкімі Нұржан Ахатов бас шаһардың әлеуметтік-экономикалық дамуы мен бюджет жобасына тоқталды.«Соңғы үш жылда бой көтерген озық үлгідегі әлеуметтік нысандар, халық сұранысына сай ашылған кәсіпорындар, өңір әлеуетін арттырар ірі инвестициялық жобалар қаламыздың дамуына тың серпін берді. Соған сай қала бюджеті 156,2 млрд. теңгеге жетті. Бұл өткен жылмен салыстырғанда 43,5 млрд. теңгеге немесе 38,6 пайызға артқанын көрсетеді», – деді Нұржан Сәбитұлы.Сессияда келер жылғы бюджеттің көлемі ұсынылды. Бұл 2025 жылға бекітілген көлемнен 28,8 пайызға ұлғайып отыр. Халық қалаулылары күн тәртібіндегі мәселелерді жан-жақты талқылап, тиісті шешімдер қабылдады.

Қалалық мәслихаттың сессиясы өтті

<a href="https://kyzylorda-news.kz/">Kyzylorda-news.kz</a> Инфрақұрылым мәселесі қазір күн тәртібінде бірінші кезекте тұрған тақырып. Мемлекет басшысы бұл саланы назарда ұстап, қатаң бақылау орнатты. Осы бағытта Сыр өңірінде атқарылып жатқан жұмыстардың ауқымы өте кең. Аудан орталықтарын есептемегенде, ауылдарға газ тарту жүйесі жылдан-жылға қарқын ала бастады. Ауызсу кейбір аудандарда толықтай шешімін тапса, жарықтың да жағдайы жаман емес. Ескірген жүйелер қайта жаңғырып, жаңартыла бастады. Соның ішінде Жаңақорғанда аудандық маңыздағы жолдар түгелдей асфальтталып, көрсеткіш жақсарды. Бүгін осы жылдың он айында аудан инфрақұрылымында қандай жұмыстар атқарылды, сол бойынша талдау жасап көретін боламыз. Ол үшін Жаңақорған ауданының тұрғын үй-коммуналдық шаруашылығы, жолаушылар көлігі және автомобиль жолдары бөлімінің есігін қағып, бөлім басшысы Қайрат Сапарбаевтан толықтай мән-жайды білдік. Бірден айта кету керек, бөлім атқаратын жұмыстардың жауапкершілік жүгі жеңіл емес. Төрт бірдей маңызды жобаны жүйелеп, ел игілігі жолында тарту ету әрі сапалы болуын бақылау бөлімнің басты міндеті. Сондықтан бөлім басшысы мен әрбір жауапты маманның еңбегін ескерген жөн.ЖОЛДЫҢ ЖАЙЫАудан аумағында автомобиль жолдарының жалпы ұзындығы 448,6 шақырымды құраса, соның ішінде 192,1 шақырымы аудандық маңызға ие. 2 кент және 24 ауылдық округтің 526 көшесі 615,0 шақырымды құрайды.<blockquote>– Аудандық маңыздағы автомобиль жолдарының 2025 жылдың 10 айының қорытындысымен жақсы және қанағаттанарлық жағдайы 98,4 пайызды құрады. Елді мекен көшелерінің үлесі 60,3 пайызға жетті. Автомобиль жолдарын жаңарту бағытындағы ірі жобалар 2025 жылы табысты жүзеге асты. Ауылдар мен кентішілік қозғалысты жақсартуға бағытталған бірқатар маңызды нысан пайдалануға берілді. Басталғанына 40 жылға жуық уақыт өтсе де аяқсыз қалған Жаңақорған кентіндегі теміржол үстінен өтетін көпірді күрделі жөндеу үшін 2024 жылы жалпы құны 1,4 млрд теңгені құрайтын жоба әзірленіп, күрделі жөндеу жұмыстары жүргізілді. Көпір 2025 жылдың шілде айында пайдалануға берілді. Қазіргі уақытта нысан Сырдария өзенінің батыс бөлігіндегі 15 елді мекендегі 22 мың тұрғынның «Самара-Шымкент» автомобиль жолына тікелей қатынауына жол ашты, – дейді бөлім басшысы.</blockquote>Иә, бұл көпір ашылмас бұрын елдің көкейінде түрлі сауалдар тұрды. Ал қазір игілігін тұрғындар көруде. Бұл өте маңызға ие көпір болғаны рас. Сонымен қатар, аудандық маңыздағы жолдар жөндеуден өткізілген. Мәселен, бұл тізімде «Самара-Шымкент-Екпінді», «Әбдіғаппар-Төлегетай- Хорасан ата» бағытындағы жолдар бар. Бөлім басшысы елді мекендердегі 66,7 шақырымды құрайтын 37 көшені жөндеуге, 3,7 млрд теңге қаралғанын тілге тиек етті.ТАБИҒИ ГАЗДЫҢ ТАРТУЫАуданда газбен қамтылған елді мекендер үлесі 22,8 пайызды, ал газ тұтынатын халық саны 54 пайызды құраған. Аудандағы газ инфрақұрылымын кеңейту жұмыстары кезең-кезеңімен жалғасып келеді.<blockquote>– 2024 жылы басталған, жалпы құны 2,3 млрд теңгені құрайтын «Жаңақорған автоматты газ тарату станциясының қуаттылығын 20 000 м3/сағаттан 40000 м3/сағатқа дейін арттыру» жобасы биыл толық аяқталып, нысан пайдалануға берілді. Сырдария өзенінің бойындағы Қожакент, Өзгент, Ақсуат, Ақжол, Жаңарық, Әбдіғаппар, Байкенже, Билібай елді мекендерін газбен жабдықтау мақсатында «Қожакент елді мекеніне жоғары қысымды жеткізуші газ құбырын және кент ішіндегі газ тарату желілерін салу» жобасы әзірленді. Сондай-ақ Ақжол, Ақсуат, Өзгент, Әбдіғаппар, Жаңарық елді мекендерінің ауылішілік газ тарату жобасы дайын. Бұлар 2026-2030 жылдары жүргізілетін «Qazaqgaz аimaq» акционерлік қоғамының инвестициялық жобаларының жол картасына ұсынылды, – дейді Қайрат Әбдірахманұлы.</blockquote>Аталған жұмыстар жүзеге асса, онда 300 шақырым газ құбыры жүргізіледі. Демек бірер жылда алты ауылдағы ағайын газға қол жеткізеді деген сөз. Бұдан бөлек, Сунақата, Еңбек, Екпінді, Қожамберді, Сүттіқұдық ауылдарын газдандыру жобалары да әзірленіп, қаржыландыруға бюджеттік өтінім ұсынылған. Жоба бойынша 7,7 шақырым жоғары қысымды газ құбыры жүргізілсе, 13 елді мекендегі 19 мыңға жуық тұрғынның «көгілдір отынды» пайдалануына мүмкіндік туады. Газдандыру жобалары іске асырылған уақытта, газбен қамтылған елді мекендер үлесі 54 пайызды, ал газ тұтынатын халық санына шаққанда75 пайызды құрайды екен. Бұл ғасыр жобасының да ауылы алыс емес.ЖАРЫҚ ЖҮЙЕСІНІҢ ЖАҢҒЫРУЫЭлектрмен жабдықтау жүйесін жаңғырту қарқынды жүргізіліп келеді. Ауданда бүгінгі таңда 1 332,6 шақырым электр тарату желісі бар, оның басым бөлігі тозығы жеткен. Осыған байланысты 2022-2025 жылдары электр желілерін жаңарту бағытында жалпы құны 6,4 млрд теңгені құрайтын 21 жоба жүзеге асырылған. Жобаға Екпінді, Еңбек, Сунақата, Қожамберді, Тақыркөл, Құттықожа, Бірлік, Қосүйеңкі, Манап, Аққұм, Әбдіғаппар, Жаңарық, М.Нәлібаев, Ақсуат, Өзгент, Қожакент, Келінтөбе, Түгіскен, Баспақкөл, Қандөз және Көктөбе елді мекендері енгізілген. Жалпы жұмыстар аясында: 758 шақырым жаңа электр желісі салынады, 119 жаңа қосалқы станция орнатылады.<blockquote>– 2023-2025 жылдары 9 нысанның құрылысы аяқталып, пайдалануға берілді. 5 елді мекендегі жобалар 2025 жылға өтпелі кезеңмен жалғасуда. Қалған 7 жобаға – Қожамберді, Қосүйеңкі, Өзгент, Түгіскен, Баспақкөл, Аққұм, Көктөбе – 2,68 млрд теңге қаржы бөлуге өтінім ұсынылды. Сонымен қатар, 2022-2024 жылдары құны 3,4 млрд теңгені құрайтын «Жаңақорған кентіндегі 10/0,4 кВ электржелілік жүйені жаңғырту» жобасы толық жүзеге асырылды. Бұл кент ішіндегі электрмен қамту сенімділігін арттырып, сапалы әрі үздіксіз энергиямен жабдықтауға мүмкіндік берді, – деді бөлім басшысы.</blockquote>ЖАРҚЫН ЖОБАЛАРЖаңақорған кентінде жаңа су тарату станциясының құрылысы басталды. Құны 1 млрд 71 млн теңгені құрайтын «Жаңақорған кентіндегі МАИ бекеті шағын ауданында су тарату станциясы және қосылу тармағының құрылысы» жобасы жүзеге асырылуда. Бұл нысан «МАИ бекеті», «Алтыкрант» және «Ипподром» мөлтек аудандарын ауызсумен қамтамасыз етуге бағытталған. Жобаны іске асыру нәтижесінде аталған шағын аудандар толыққанды, үздіксіз ауызсуға қол жеткізеді.<blockquote>– Жоба аясында сорғы станциясы салынады, әрқайсысы 2400 м3 болатын екі су жинағыш резервуар орнатылады, көлемі 50 м3 болатын су мұнарасы тұрғызылады. Жаңақорған ауданында орналасқан құс фабрикасын газбен жабдықтау мақсатында «Қызылорда облысы Жаңақорған ауданында бройлер өсіру бойынша құс фабрикасын газбен жабдықтаудың сыртқы желілерін салу» жобасы іске асырылуда. Жобаның жалпы құны – 287 млн теңге. Қазіргі уақытта екі нысанда да құрылыс жұмыстары қарқынды жүргізілуде, – дейді Қ.Сапарбаев.</blockquote>Қазір аудан орталығында 3 бағытта қоғамдық көлік қатынасы ұйымдастырылған. 2022 жылдан бастап жаңа тасымалдаушы кәсіпкердің келуімен автобус паркі жаңарды. Сондай-ақ, аудандық мәслихат депутаттарының ұсынысымен қазіргі таңда жолаушылар тасымалдаушы кәсіпкер әр бағытты сыйымдылығы жоғары (18 орындық) 4 жаңа микроавтобустармен толықтырған. Бұл бағыттағы жұмыстар алдағы уақытта да жалғасын табатынын білдік.<blockquote>– 2025 жылы жол қозғалысы қауіпсіздігін күшейту мақсатында жол белгілерін күтіп ұстау мен жөндеуге, кент көшелерінде жол таңбаларын сызуға аудандық бюджеттен 31,4 млн теңге бөлінді. Нәтижесінде, 298 дана жаңа жол белгісі орнатылды, 235 дана жол белгісі қалпына келтірілді, 130,8 шақырым жол үсті таңбасы сызылды, мектептер маңындағы жаяу жүргінші жолақтары толық жаңартылды. Алтынсарин-Әлімкөл көшелерінің қиылысында жаңа бағдаршам орнатылып, қыркүйек айында толық іске қосылды. Аудандық маңыздағы 192,1 шақырым аудандық жолды күтіп ұстау мақсатында 21 млн теңге бөлінді. Бұл қаржыға аудандық маңыздағы жолдың байына 200 жол белгі орнатылды, 140 шақырым жол таңбасы сызылды, 177 м2 жол жабындысындағы шұңқырлар жөнделді, сондай-ақ жол жиегіндегі шөп қыру жұмыстары жалғасуда, – деп бөлім басшысы баяндамасын түйіндеді.</blockquote>Әлібек ТемірбекФото: freepik.com

Инфрақұрылым – кезек күттірмейді

<a href="https://kyzylorda-news.kz/">Kyzylorda-news.kz</a> Ұзақ жылдардан бері әлеуметтік жобаларды жүзеге асырып жүрген Нуридин ағаның арманы – мүгедек жандарға арналған кішкентай шеберхана ашу еді.&nbsp;Енді сол арман ақиқатқа айналды. «Жебеуші» қорының бастамасымен, аудан әкімі Мажит Самитұлының қолдауымен мүмкіндігі шектеулі азаматтар арнайы ашылған ғимараттың тігін цехында болып, жұмысымен танысып қайттық. Нуридин ағамыздың бұл арманы жайдан- жай пайда болған жоқ. Ол аудан аумағында өмір сүріп жатқан мүмкіндігі шектеулі жандардың тұрмыс-тіршілігіне үнемі назар аударып, олардың қоғамнан шет қалмай, өз еңбегімен күн көруіне жағдай жасалса деп армандап келді. «Егер әр адамға өзіне лайық еңбек ортасы жасалса, олардың өмірге деген құлшынысы артады» деген ой көптен бері көкейінде жүрген. Міне, бүгін сол арманы ақиқатқа айналып отыр. Үлкен бөлмеге қатар-қатар қойылған үш тігін машинасын аудандық жұмыспен қамту және әлеуметтік бағдарламалар бөлімінің басшысы Семсер Асенов орнатып бергенін естіген едік.Аудандық «AMANAT» партиясы филиалының төрағасы Арман Мажитов мүмкіндігі шектеулі азаматтарға барынша қолайлы орта қалыптастыру мақсатында ғимараттың гигиеналық бөлімін жабдықтауды міндетіне алыпты. Сыртқа кіріп-шығуы қиындау саушылығы кемшін жандар үшін мұның өзі үлкен көмек, қажеттілік. Қазіргі таңда шеберханада Ақтоты Тастаева, Нұрсұлу Әбсадықова және Эльмира Искакова сынды тігіншілердің қолынан шыққан тауарлар қажет еткен орындарға жөнелтілуде. Тағдырдың сынағына мойымаған қайсар жандардың еңбекке деген құлшынысы ерекше. Екі айдың ішінде олар өз ісіне икемделіп, төсек жабдықтарын тігу ісін жолға қойып үлгерген. Олардың қолынан шыққан көрпе- жастық, төсек қаптары сапалылығымен, ұқыпты тігісімен көптің көңілінен шығып үлгерген. Әрбір бұйым – олардың төзімі мен еңбектің, өмірге деген жігердің белгісі. Тәжірибелі мамандардың жетелеуімен олар тек тігін ісін меңгеріп қана қоймай, өз кәсібін дамытуға да ниетті. Цехта бүгінде көрпе, жастық, төсек жабындыларын тігу бір жүйеге қойылған. Әр бұйымның сапасы жоғары, тігісі мәнерлі, дизайны үйлесімді. Сүйген кәсібіне ден қойған аруларымыз бәрінен бұрын рухани қолдаудан қуат алып, өздерінің қоғамға қажет екенін сезіне түскендей.Мүгедектігі бар жандарды еңбекке тарту – олардың өмірге деген құлшынысын күшейтіп, өз қабілетін жүзеге асыруға жол ашады. Алдағы уақытта тігін цехы өз өнімдерін аудан көлеміндегі мекемелерге, балабақшалар мен мектептерге ұсыну арқылы жұмысын кеңейтеді деген жоспар бар. Тұрғындар тарапынан да тұрмыстық бұйымдарға тапсырыстар көбейіп келеді. Бұл кәсіптің тұрақты дамуына мүмкіндік береді. Әдетте мүгедектігі бар азаматтарға мемлекет тарапынан жәрдемақы, түрлі оңалту құралдары, санаторийге жолдама беріліп жатады. Бірақ олардың өз кәсіптерін ашып, еңбекке араласуына арналған бөлек мүмкіндік жоқтың қасы. Осы тұста Нуридин Исмайлов бастаған азаматтар игі бастаманы қолға алып, нақты іске көшті. Тігін машинасы мен басқа да құрал-жабдық қайдан келді деген сұрағымызға Нуридин аға былай деп жауап берді:<blockquote>– Игілікті іс аудан басшылығы тарапынан да кең қолдау тапты. Аудан әкімі Мажит Самитұлы бұл бастаманы құп көріп, ғимарат бөлу мен қажетті жағдай жасауда қамқорлығын танытты. Бізге осындай жылы, жайлы орын берілмегенде бұндай істі бастай алмас едік. Сонымен қатар, Семсер Асеновке алғысым шексіз. Шыны керек, біздің айтқызбай-ақ тігін машиналарын әкеліп орнатып, қолынан келгенін аянып жатқан жоқ. Өзім жұмысына жауапкершілікпен қарайтын, қолы ашық азамат деп білемін. Біз тек шүкірлік етіп, жұмысқа кірісіп кеттік, – дейді ол.</blockquote>Расында да, құр тұрған тігін машинасы ештеңе өндірмейді. Ал іс бастау үшін ең бірінші – материал қажет. Осыны жақсы түсінген Нуридин Исмайлов көп ойланбастан, өз қалтасынан қаржы шығарып, қажетті мата, жіп, ине, қосалқы құралдардың барлығын түгендеп берді. Бұл – шынайы жанашырлықтың, шын мәніндегі азаматтық позицияның көрінісі. Қор бұған дейін де көптеген қайырымдылық шараларын жүйелі түрде өткізіп келеді: аз қамтылған отбасыларға көмек, оқушыларға қажетті құрал-жабдықтар, түрлі әлеуметтік жобаларды қолдау – осының барлығы халықтың алғысына бөленген игі бастамалар.Ал мүмкіндігі шектеулі азаматтарға арналған тігін цехының ашылуы – қордың атқарып отырған жұмыстарындағы ең маңызды және ұзақ мерзімді жобалардың бірі. Бұл бастама мүгедектігі бар азаматтардың қоғамнан шет қалмай, еңбекке араласып, өздерін толыққанды сезінуіне үлкен мүмкіндік берді. Шын мәнінде, ашылған арнайы шеберхананың маңызы тек үш азаматшаның жұмыспен қамтылуымен шектелмейді. Бұл – мүмкіндігі шектеулі жандардың өмірге деген сенімін күшейтетін, олардың қоғамнан шет қалмауына жол ашатын әлеуметтік жоба. «Жебеуші» қорының бұл бастамасы алдағы уақытта да жалғасын табары анық. Себебі мұндай шеберханалар – тек еңбек орны емес, адамдардың жүрегіне үміт ұялататын, оларды алға жетелейтін рухани қолдау. Адам баласының жүрегінде жақсылыққа деген сенім сөнбесе, қоғамда қайырымдылық пен мейірімнің де таусылмайтыны анық. Осы сынды ізгі істің бір айғағы – Жаңақорғанда мүмкіндігі шектеулі азаматтарға арналған шағын шеберхананың ашылуы. Бұл – көп жылдан бері әлеуметтік жобаларды жүзеге асырып келе жатқан, жұртқа жанашырлығымен, қамқорлығымен танылған Нуридин ағаның арманынан туған игілікті бастама. Иә, көптің сүйеуі көңілді өсіреді. Бұл шеберхана – мүмкіндігі шектеулі жандар үшін жаңа мүмкіндік, жаңа үміт, жаңа қадам. Қоғам болып жұмылған сайын, игі істер көбейе бермек.Қорытынды, Жаңақорған жұртшылығы үшін бұл бастама – тек шеберхана емес, өмірге жаңа дем, жаңа үміт сыйлаған орда. Мұнда еңбек етіп жүрген үш азаматша – өз тағдырымен күресе білген, жігері мықты жандар. Ал оларға қолдау көрсетіп отырған әкімдік, әлеуметтік бөлім, партия және «Жебеуші» қоры – нағыз азаматтық жауапкершіліктің символы. Осы еңбекқор жандардың төзімі мен талпынысына қарап, «шын ниетпен басталған іс міндетті түрде жемісін береді» деген бек сенімге тағы бір мәрте көз жеткізесің. Осындай игі істер көп болса, қоғамдағы мейірім де, бірлік те арта берері сөзсіз.Асел РзаеваФото: автордікі

Көптің қолдауына ие болған игілікті іс

<a href="https://kyzylorda-news.kz/">Kyzylorda-news.kz</a> Вице-премьер – Ұлттық экономика министрі Серік Жұманғариннің айтуынша, енді Үкімет тарапынан бағаға бақылау күшейеді.&nbsp;Ол сауда және интеграция министрлігіне азық-түлік қоржынына терең талдау жүргізіп, оның құрамына енетін тауарлардың бағасын тұрақтандыруға бағытталған нақты шаралар әзірлеуді тапсырды. Қараша айының алғашқы екі аптасында Қазақстанда әлеуметтік маңызы бар азық-түлік тауарларының жалпы бағасы өскенімен, кейбір көкөністердің бағасы төмен екені ашық айтылды.Сауда және интеграция бірінші вице- министрі Айжан Бижанованың мәліметін- ше, картоп бағасының соңғы 4-5 аптада 4,5%-ға қымбаттауына экспорттың қайта жандануы әсер еткен. «Екі айда картоп экспорты 300 мың тоннаны құрады. Ал жақын уақытқа жоспарланған экспорттық келісімшарттар көлемі шамамен 200 мың тонна. Осылайша, біз елдің азық-түлік қауіпсіздігі үшін қауіпсіз болып саналатын 500 мың тонналық жоспарлы шекке жақындап келеміз», – деді А.Бижанова.Қазір аяқсу мәселесі әлемдік проблемаға айналды. Қазақстанда да бұл түйіткілдің түйіні тарқатылмайтыны ақиқат. Яғни, аяқсудың тапшылығы жылдан-жылға орын ала бермек. Мемлекет басшысы да бұл ақпарды растап, ерте қамдану керектігін айтты. Суды көп қажет ететін Сырдың күрішшілеріне ауыр тигелі тұр. Жыл сайын егілетін күріш көлемін азайту оңай шаруа емес. Дегенмен талап сондай, тәртіп ортақ. Алдағы уақыттың еншісінде әртараптандыруға бет бұрып, бақша дақылдарын көбейту, отандық өнімнің өрісін кеңейту жоспары бар. Ал судың мәселесін шешудің түрлі жолдарын қарастыруда. Газеттің өткен санында қожакенттік Тұрғанбек ақсақалдың жобасы барын айтқан едік. Бүгін сол тақырыпты тарқатып көрейік.Жалпы Жаңақорғанның оңтүстігіндегі ауылдардың барлығы егінмен тіршілігін түзеп отыр. Басым көбі күріштен нәпақасын тауып, күнін көруде. Көктөбеден Байкенжеге дейін, Төменарық аймағындағы кейбір ауылдар аяқсуға тәуелді. Қазір дариядан еншісін алған бірнеше көлдер мен тоғандар бар. Олардың ішінде кәдеге жарамай, жай көлшік болып қалғандары да жетерлік. Тұрғанбек Асенов сол суларды егістікке маторсыз, яғни ешқандай техникасыз апару жүйесін ойлап тауыпты. Құрылғы қарапайым, барлығы қолдан жасалады. Арнайы трубалар мен олардың арасын жалғайтын пластмассалар және өзіне қажетті тағы да майда-шүйде материалдар керек.<blockquote>– Қазір зейнет жасындамын, осыдан бірер жыл бұрын түсімде аян бергендей болып, осы бір құрылғы орала берді. Шыны керек, түске еш мән бермедім. Бірақ бұл жағдай бірнеше рет қайталанған соң ойымды жинақтап, осы құрылғыны ойлап таптым. Жасалуы қарапайым, бірақ атқаратын қызметі ауқымды. Әзірге екі данасын егіс басына орнатып, су алу процесіне тәжірибеден өткізіп көрдім. Су тартып тұр, басты артықшылығы – тоқ көзі мен жанар-жағармайды үнемдейміз және бағасы кәдімгі маторлардан он есе арзанға түседі, – дейді жоба авторы.</blockquote>Шыны керек, мұндай бастамалар бұған дейін де болып жүргені рас. Бірақ ауданда дәл бұлай тереңірек талдап, тиімділігін көрсеткен шаруалар жоқ. Мұны аудандық ауылшаруашылығы және жер қатынастары бөлімінің басшысы Талғат Зейдалиев те растап отыр.<blockquote>– Бәріне мәлім аяқсудың мәселесі күрделі болып тұр. Қазірдің өзінде «Шардарада» су көзі мәз емес. Бізде күріш инженерлік жүйеден өткен алқаптарға ғана орналастырылады. Ротация тәртібімен орналастырылғаннан кейін су көзінен қашық немесе су деңгейінен биік атыздар пайда болады. Ол міндетті түрде орын алады, сол алқаптар ерте көктем кезінде мол суға қанығады. Алайда шілде айының соңы мен тамыз айының басында «Шардарадан» келетін су азайып, су қайту процесі жүреді. Күріштің кемеліне келген кезде су жетіспей қалады, міне осы уақытта Тұрғанбек қарияның ұсынып отырғаны жобасы қажет болады.</blockquote>– Оның себебі неде?<blockquote>– Себебі мынада, сол кезде К-1, К-2 немесе өздерінің егіс аралығындағы қашыртқыларға немесе жақын маңда орналасқан көлдерге осы құрылғыны қойып, егістікке су тартуға болады. Бір құрылғы кем дегенде 3-4 атызды су тапшылығынан алып шыға алады. Бұл шаруаларға өте тиімді. Әйтпесе, су тапшылығынан көптеген атызға орақ түспей, рәсуа болатыны бар. Шынында бұл құрылғы керек, егер ағамыз жобаны кеңейтіп, кәсіп көзіне айналдыруға ниеттенсе, біз қолдау білдіруге дайынбыз.</blockquote>Кейіпкеріміздің құлағы ауырлау естігенімен, ойлау жүйесі ғылыми жобаны жүзеге асырып тұрған қарияның айтары көп емес. Тек аздап қолдау болса болғаны дейді. Біз осы бағытта аудандық кәсіпкерлік және өнеркәсіп бөліміне бас сұғып, мән- жайды түсіндірдік. Жауапты мамандар жоба нақтыланып, бізге құжатын өткізсе, жеңілдетілген несие немесе өзге де жолдарын қарастыруға болатынын алға тартты. Мақала соңында ағамыз тағы бір ұсынысын ортаға салды.<blockquote>– Қазір тау беткейдегі ауылдар маңынан бес дренаж барын барлығы біледі. Соларды іске қосса деген ұсынысым бар. Егер солардан су ала алсақ, дария деңгейіне сәл болса да әсерін тигізер еді, – дейді.</blockquote>Жобаның мақсаты мен атқарылатын қызметін түсіндік, енді оны дамыту керектігі расталды. Бастысы, нәпақасын жерден теріп жүрген диқандарға септігін тигізіп, өнімді молайтуға жәрдемші болса болғаны. Қалғанын уақыт көрсете жатады.Әли ТЕМІРБЕКФото: freepik.com

Қазақстан және Қызылорда облысының жаңалықтары