<a href="https://kyzylorda-news.kz/">Kyzylorda-news.kz</a> &nbsp;Еңбек күні қарсаңында облыс әкімі Нұрлыбек Нәлібаевтың қатысуымен &nbsp;Қызылордадағы Өнер орталығында «Адал еңбек – адал азамат» атты салтанатты шара &nbsp;ұйымдастырылды. Оған ҚР Парламенті Сенатының депутаты Н.Байқадамов, Мәжіліс депутаты М.Әбенов пен құқық қорғау органдарының басшылары, қала, аудан әкімдері, еңбек ардагерлері, зиялы қауым, шаруашылық &nbsp;өкілдері қатысты.Салтанатты жиында аймақ басшысы «Үлгілі елді мекен» облыстық конкурсы жеңімпаздарына 19 арнайы коммуналдық техника және қаржылай сыйақы табыстады.<blockquote>«Президентіміздің бастамасымен қолға алынған «Таза Қазақстан» жалпыұлттық экологиялық бағдарламасы өңірімізде қарқынды жүзеге асуда. Қаламыздағы, аудан орталықтарындағы, ауылдардағы парктер, скверлер мен аллеяларды, көпқабатты тұрғын үйлердің аулаларын абаттандырудамыз. &nbsp;Ауа райының қолайсыздығына қарамастан, тынымсыз еңбек еткен жерлестеріміздің арқасында облысымыз таза әрі көркем аймаққа айналып келеді. «Ауыл – ел бесігі», - деп дана халқымыз бекер айтпаған. Ауылды дамыту – мемлекеттік саясаттың аса маңызды стратегиялық мақсаттарының бірі. Елді мекендерді дамыту, оның ішінде ауылдағы ағайынның өмір сапасын жақсарту, қолайлы орта қалыптастыру, ауылдағы көркейту-көгалдандыру жұмыстарын ынталандыру мақсатында 2023 жылдан бастап дәстүрлі түрде «Үлгілі елді мекен» конкурсы өткізілуде. Биыл 564 млн. теңгеге 19 техника сатып алынды. Әр аудандағы бір ауылды абаттандыру, көркейту жұмыстарына 100 млн. теңгеден астам қаржы беріледі. Ауыл-аймақтың ажарын айшықтап, келбетін көркем етуге бағытталған «Үлгілі елді мекен» конкурсы алдағы уақытта да дәстүрлі түрде жалғасады. Келер жылы конкурсты өткізуге облыстық бюджеттен 500 млн. теңгеден астам қаржы бөлінеді. Бірліктің туын биік ұстап, туған жеріміздің келбетін көркейту жолында аянбай қызмет етіп жүрген еңбек адамдарын әрдайым құрметтейміз!», - деді Н.Нәлібаев.</blockquote>Жыл сайын дәстүрлі түрде өтетін «Үлгілі елді мекен» конкурсының «Үлгілі ауыл» номинациясы бойынша 1-орынды Сырдария ауданының Нағи Ілиясов ауылы, &nbsp;2-орынды Арал ауданының Қызылжар ауылы, 3-орынды Қармақшы ауданының Ақжар ауылы жеңіп алды.<img src="https://knadmin.beoblood.kz/uploads/lgili_eldimeken_2_5900fe67f7.jpg" alt="Үлгілі елдімекен 2.jpg">«Үлгілі аудан» номинациясы бойынша 1-орынды Шиелі кенті, 2-орынды &nbsp;Әйтеке би кенті, 3-орынды &nbsp;Жаңақорған кенті иеленді.Тірек және серіктес елді мекендер санатына кірмейтін ауылдардың абаттандыру жобаларын қаржыландыруға 15 млн.теңгенің сертификаттары табысталды. Атап айтсақ, Арал ауданының Ақбай, Қазалы ауданының Бөзкөл, Қармақшы ауданының Қуандария, Жалағаш ауданының Жаңадария, Сырдария ауданының Іңкәрдария, Шиелі ауданының Майлытоғай және Жаңақорған ауданының Қыраш ауылдарына берілді.Еске салайық, соңғы екі жылда конкурс жеңімпаздарына 1 млрд. 500 млн. теңгенің күнделікті ел тұрмысына қажетті заманауи үлгідегі 48 арнайы техникасы табысталған болатын.&nbsp;<img src="https://knadmin.beoblood.kz/uploads/lgili_eldimeken_3_308774262d.jpg" alt="Үлгілі елдімекен 3.jpg">

Облыстық конкурс жеңімпаздарына 19 коммуналдық техника табысталды

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың қатысуымен Өнер орталығында "Жұмысшы мамандықтар жылы" аясында Еңбек күніне арналған «Адал еңбек – адал азамат» атты салтанатты шара өтті. Оған Парламент Сенаты мен Мәжілісінің депутаттары Н.Байқадамов пен М.Әбенов, жауапты сала басшылары, қала, аудан әкімдері, еңбек ардагерлері, зиялы қауым, шаруашылық өкілдері қатысты.Аймақ басшысы &nbsp;қажыр-қайратын еліміздің әлеуметтік-экономикалық дамуына &nbsp;жұмсаған нағыз еңбек адамдары барлық құрметке лайық екенін атап өтті.<blockquote>«Президентіміз Қасым-Жомарт Кемелұлы 2025 жылды «Жұмысшы мамандықтары жылы» деп жариялап, «Біз жұмысшы мамандықтарын дәріптеу арқылы қоғамда еңбеккеш және нағыз маман болу идеясын насихаттаймыз! Адал әрі табанды еңбегімен табысқа жеткен адамдар қашанда құрметті, сыйлы болуы керек» деді. Бұл - &nbsp;экономикалық тұрақтылық пен әлеуметтік прогрестің басты факторы ретінде жұмысшы кәсіптерінің рөлін күшейтудегі стратегиялық қадам. Ұлтымыздың ұлы мұраты жолында, еңбек майданында ата-бабаларымыз &nbsp; &nbsp; тер төкті. Олардың арасынан 1792 Социалистік Еңбек Ері шықса, 102-сі - Сыр өңірінің еңбеккерлері. &nbsp;Өз мектебін құрып, шәкірт тәрбиелеген, Сыр күрішінің даңқын асқақтатқан дала академигі, екі мәрте Социалистік Еңбек Ері атанған Ыбырай Жақаевтың, Сәлима Жұмабекованың орны ерекше. &nbsp;Осындай ұлы ұстаздың тәлімін алған, бала тәрбиелеп, ұлтжандылықпен қызмет атқарған Шырынкүл Қазанбаева, Ұлбала Алтайбаева бастаған Сырдың батыр аналарының қажырлы еңбегі ұрпақ жадында мәңгі сақталады. Алдыңғы буынның өнегелі ізін жалғап, Тәуелсіз еліміздің тарихында «Қазақстанның Еңбек Ері» атанған Роза Бағланова, Әбдіжәміл Нұрпейісов, Асқар Жұмаділдаев, Юрий Пя, Абзал Ералиев, Имамзада Шағыртаев сынды жерлестерімізді әрдайым мақтан етеміз. &nbsp;Егемен еліміздің жарқын болашағы жолында Отанымызға адал еңбек ету, адал жолмен табыс табу, адал азамат болу – біздің қастерлі міндетіміз! Баршаңызды мерекемен тағы да құттықтап, облысымыздың дамуына қосқан орасан зор үлестеріңіз үшін &nbsp;Сыр жұртшылығының, Өзімнің атымнан шынайы алғысымды, зор ризашылығымды білдіремін», - деді Н.Нәлібаев.</blockquote><img src="https://knadmin.beoblood.kz/uploads/Adal_azamat_adal_e_bek_e574b98c31.jpg" alt="Адал азамат - адал еңбек.jpg">Еңбек адамдарын ұлықтау мақсатында ұйымдастырылған шарада әр номинация бойынша қаржылай сыйақы табысталды. Атап айтсақ, «Үздік еңбек әулеті», «Жұмыс істейтін жастардың үздік тәлімгері», «Өндірістің үздік жас маманы» номинациялары жеңімпаздарына 1-орынға 500 мың теңге, 2-орынға 300 мың теңге, 3-орынға 200 мың теңгеден берілді.&nbsp;Сала үздіктеріне, яғни коммуналдық және басқа да салаларда қызмет ететін 15 маманға облыс әкімінің Алғыс хаты және 500 мың теңгенің сертификаты табыс етілді.Сонымен қатар, өз саласының үздігі деп танылған 15 еңбек майталманына облыс әкімінің Алғыс хаты, Қызылорда облыстық кәсіподақтар орталығының шипажайға жолдамасы ұсынылды.Айта кетейік, шарада &nbsp;«Үлгілі елді мекен» облыстық конкурсы жеңімпаздарына 19 арнайы коммуналдық техника, тірек және серіктес елді мекендер санатына кірмейтін ауылдардың абаттандыру жобаларын қаржыландыруға 15 млн.теңгенің сертификаттары берілді.Өнер орталығының фойесінде қайтарымсыз мемлекеттік &nbsp;грант алушылардың өнімдер көрмесі ұйымдастырылды.<img src="https://knadmin.beoblood.kz/uploads/Adal_azamat_adal_e_bek_3_ef23e20279.jpg" alt="Адал азамат - адал еңбек 3.jpg">

Үздіктер марапат төрінен көрінді

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев облыс прокуроры Р. Ожаровпен бірге қылмыстық атқару жүйесі департаменті №60 мекемесінің жұмысымен танысты.Бұл жердегі 901 сотталушының 821-і жұмысқа жарамды.Мекеменің өндірістік аймағында 17 жауапкершілігі шектеулі серіктестіктің, жеке кәсіпкерлердің қолдауымен 300-ге жуық сотталушы еңбекпен қамтылған. Негізгі жұмыс бағыттары - темір бұйымдарын өндіру, ағаш өнімдерін (астау, табақ, домбыра, сандық, есік) дайындау, газоблок, пескоблок, брусчатка, күйдірілген кірпіш шығару.«Еңбек» РМК қаржысына «Конструктив ЛТД» ЖШС ғимарат құрылысын бастады.Арнайы контингентті еңбекпен қамту, жаңа жұмыс орындарын ашу мақсатында №60 мекеме аумағындағы бос жер учаскесіне тез тұрғызылатын модульдік өнеркәсіптік ангар салу мәселесі көтерілді.<img src="https://knadmin.beoblood.kz/uploads/Oblys_kimi_A_Zh_3_92ef34cfdd.jpg" alt="Облыс әкімі ҚАЖ 3.jpg">«Ален» ЖК-не Қызылорда облысы прокуратурасы, ҚАЖ департаментінің қолдауымен, "Байқоңыр" әлеуметтік- кәсіпкерлік корпорациясы және республикалық инновациялық орталықтың бағдарламасы аясында қайтарымды несие рәсімделді. Бұл қаражатқа брусчатка өндіретін қондырғы орнатылып, 15 сотталушы жұмыспен қамтылды.«Dalatex» ЖШС-не мекеменің өндірістік аймағынан үй-жай беріліп, 20 тігін машинасы орнатылды. Онда 20 сотталушы тұрақты жұмысқа тартылды.Сонымен қатар, облыс әкімі сотталушы азаматтардың қолдан жасаған ағаш өнімдерінің көрмесімен танысты. Бұл жерде түйеқұс, күркетауық және басқа да құстарды өсіріп,баптау қолға алынған.<img src="https://knadmin.beoblood.kz/uploads/Oblys_kimi_A_Zh_2_c047dc4478.jpg" alt="Облыс әкімі ҚАЖ 2.jpg">

Облыс әкімі ҚАЖ департаменті жұмысымен танысты

<a href="https://kyzylorda-news.kz/">Kyzylorda-news.kz</a> Бүгін Қазалы ауданының тұрғындары үшін жауапты әрі саяси маңызы зор ерекше күн. Алғаш рет аудан халқы аудан әкімі сайлауына қатысып, өз белсенділіктерін көрсетуде.Қазалы ауданы әкімінің 5 кандидат тіркелген. Олардың 4-і ер, 1-і әйел азаматша. 4 кандидат өзін-өзі ұсынса, 1 кандидат саяси партия атынан ұсынылған.Аудан бойынша 47 219 сайлаушы дауыс беруге құқылы.Таңнан бері дауыс беруші азаматтар учаскеге ерте келіп, өз таңдауларын жасауда.Бұл күні дауыс беру учаскелеріне балаларымен бірге келген отбасылардың қатары көп.Саяси науқанда алғаш рет дауыс берген, алғаш рет шаңырақ көтерген ерлі-зайыптылар да өз таңдауларын жасап, келешек үшін дауыс берді.Мұнан бөлек, әкелер және әжелер ансамблі, полициялар мен ұстаздар династиясының өкілдері, сарбаздар мен футболшылар бюллетень алып, дауыс берді. Сондай-ақ, бұл күні ерікті түрде дауыс берушілерге автоволонтерлер қызмет етті.Азаматтар үшін 109 бірыңғай байланыс орталығы және әкімдік тарапынан арнайы call орталығы үздіксіз жұмыс жасады.Сайлаудың ашықтығын бақылауға келген тіркеуден өткен байқаушылардың да легі көп. Осы кезге дейін учаскелерде заң бұзушылықтар тіркелмеген.

Қазалы ауданы әкімінің сайлауы: таңдаулы сәттер

<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Тоқаевтың Қазақстан халқына арнаған Жолдауында туризмді дамыту – экономиканың жаңа драйвері ретінде айқындалды. Кейбір елдер туризмді табысты сала ретінде мойындап, экономиканың қуатты тетігіне айналдырды. Табиғат берген әсем байлықты сырт көзге ұсынып, алыс-жақын елдерден қонақ тарту, тарихи жер-су мен киелі мекендерді көрсетуді ұйымдастыру арқылы да әлемнің алдыңғы мемлекеттеріне айналуға болады. Бұл бүгінгі күннің бұлжымас ақиқатына айналып отыр. Әлемдік тәжірибе де солай.Аралды да әлем таниды десек болады. Турист тартып, табыс табудың тетігін табу бағытында істеліп жатқан жұмыстар бар. Солардың бірі – «GEOPARK ARAL» жобасы.Ұлттық геопаркті құру бастамасы Арал әлеміне жол ашып, бір кездердегі теңіз астындағы тіршіліктің қазіргі көрінісін көз алдыңызға әкелмек.Геопарктер тек табиғи және мәдени мұраны сақтауға ғана емес, тұрақты туризмді, экологиялық білім беруді және жергілікті қауымдастықтардың дамуын қолдайды. Олар адамның табиғатпен қарым-қатынасын зерттеуге арналған алаңдар болып табылады және табиғатты қорғауды қоғамның қажеттіліктерімен қалай теңестіруге болатынын көрсетеді.Арал геопаркі осы халықаралық желінің бір бөлігі болуды мақсат етіп отырған, біздің планетамыздың табиғи және адам әрекетінің нәтижесінде болған ауқымды өзгерістерінің тірі куәсі болып табылады. Біздің алдымызда тек табиғатты сақтау ғана емес, онымен үйлесімді өмір сүруді үйрену міндеті тұр.Бұл салада серпін бар. Айталық 2025 жылдың 8 айының қорытындысы бойынша өңірге 5 мыңға жуық ішкі турист және 400-ден астам шетелдік турист келді. Бұл көрсеткіш өткен жылдың сәйкес кезеңімен салыстырғанда шамамен 20 пайызға жоғары.Бүгінде қала мен ауылдарда 18 қонақ үй, 6 туристік нысан бар. Қамыстыбас көлі жағажайы, Ақеспе ыстық су бұрқағы, Шижаға құмдары, Көкарал бөгеті, Арыстан баб кесенесі, Бегім ана кесенесі және 50-ден астам қоғамдық тамақтану орны қызмет көрсетуде.Бұл жұмыстардың барлығы Арал өңірінің халықаралық деңгейдегі туристік тартымдылығын арттыруға мүмкіндік берері сөзсіз.Арал ауданы әкімінің баспасөз қызметі

Туризм – экономиканың жаңа дрейвері

<a href="https://kyzylorda-news.kz/">Kyzylorda-news.kz</a> &nbsp;Қазақстан Республикасы Қаржы нарығын реттеу және дамыту агенттігі Басқармасының 2025 жылғы 28 тамыздағы № 46 қаулысымен банк және микроқаржы қызметі мәселелері бойынша кейбір нормативтік құқықтық актілерге өзгерістер мен толықтырулар енгізілді.Банктер мен микроқаржы ұйымдары (МҚҰ) мына жағдайларда кредит беруден бас тартуға міндетті болады:егер адам алдын ала кредит/микрокредит алудан ерікті түрде бас тартса;егер қарыз алушы әскери қызметке шақырылса;егер клиенттің бұған дейін ешқашан кредиті болмаған және ол онлайн режимде кепілсіз ірі сомаға (банкте 150 АЕК-тен, МҚҰ-да 75 АЕК-тен жоғары) қарыз алғысы келсе. Бұл жағдайда қарыз алушы банкке немесе МҚҰ-ға жеке өзі баруы қажет.Жасы 21-ден төмен және 55-тен асқан адамдарға&nbsp;кепілсіз тұтынушылық кредиттер/микрокредиттер тек олардың келісімі болған жағдайда ғана беріледі. Яғни сіздің растауыңызсыз ешқандай шарт жасалмайды.Онлайн берілетін кепілсіз тұтынушылық кредиттерге “ойлану кезеңі” енгізіледі:егер қарыз сомасы 150–255 АЕК аралығында болса — кемінде 8 сағат күту қажет;егер сома 255 АЕК-тен жоғары болса — кемінде 24 сағат күту қажет. Бұл уақыт қарыз алушыға бәрін қайта ой елегінен өткізіп, қажет болған жағдайда кредиттен бас тарту үшін беріледі.Ақша тек қарыз алушының келісімінен кейін ғана аударылады. Яғни банк немесе МҚҰ қарызды қарыз алушы толық келісімін берген соң ғана есепшотқа аударады.Осылайша, аталған өзгерістер азаматтарды&nbsp;ойланбай қабылданған шешімдерден, жүктелген кредиттерден және қарызға батыратын қателіктерден қорғауға&nbsp;бағытталған.Басқарманың қаулысының толық мәтінімен Агенттіктің интернет-ресурсында танысуға болады.Фото: fingramota.kz

Қарыз алушыларды қорғау үшін кредиттеу ережелерінде не өзгереді?  

<a href="https://kyzylorda-news.kz/">Kyzylorda-news.kz</a> 2025 жылдың 1 қазанына дейін жеке тұлғалар 2024 жылға арналған мүлік салығын төлеуі тиіс, деп хабарлайды <a href="https://baq.kz/1-qazanga-deyin-qanday-salyqty-tolep-ulgeru-kerek-200022105/">BAQ.KZ</a> тілшісі.Шегерімдер маусым айында меншік иелеріне жіберілген, оның ішінде банктік қосымшалардағы push-хабарламалар арқылы да жеткізілген.Мүлік салығы қалай есептеледі?Салық келесі негіздер бойынша есептеледі:<ul><li style="text-align:justify;">“Азаматтарға арналған үкімет” мемлекеттік корпорациясы айқындайтын нысандардың құнына;</li><li style="text-align:justify;">мүлікті иелену мерзіміне.</li></ul>Мүлік салығын төлеуден кімдер босатылады?Жеңілдікке ие санаттарға мыналар жатады:<ol><li style="text-align:justify;">Кеңес Одағының Батырлары, Социалистік Еңбек Ерлері, “Халық қаһарманы”, “Қазақстанның Еңбек Ері” атағына ие болғандар, үш дәрежелі Даңқ орденімен және “Отан” орденімен наградталғандар – барлық салық салынатын нысандардың жалпы құнынан 1000 АЕК шегінде;</li><li style="text-align:justify;">Ұлы Отан соғысының ардагерлері, оларға теңестірілгендер және басқа мемлекеттер аумағындағы ұрыс қимылдарына қатысқан ардагерлер, сондай-ақ ҰОС жылдары тылда кемінде 6 ай еңбек еткендер – жер учаскелері және барлық салық салынатын нысандардың жалпы құнынан 1500 АЕК шегінде;</li><li style="text-align:justify;">Мүгедектігі бар адамдар – жер учаскелері және барлық салық салынатын нысандардың жалпы құнынан 1500 АЕК шегінде;</li><li style="text-align:justify;">Жетім балалар мен ата-анасының қамқорлығынсыз қалған балалар (18 жасқа дейін) – олардың меншігіндегі жер учаскелері, тұрғын үйлер, ғимараттар, саяжай құрылыстары, гараждар, автотұрақ орындары және өзге де нысандар бойынша;</li><li style="text-align:justify;">Бала кезінен мүгедектігі бар тұлғаның немесе мүгедек баланың бір ата-анасы – жер учаскелері бойынша;</li><li style="text-align:justify;">“Алтын алқа” иегерлері және “Батыр ана” атағына ие болған көпбалалы аналар – жер учаскелері және барлық салық салынатын нысандардың жалпы құнынан 1000 АЕК шегінде;</li><li style="text-align:justify;">Жеке тұратын зейнеткерлер (тіркеуде тек зейнеткерлер бар мекенжайда) – жер учаскелері және барлық салық салынатын нысандардың жалпы құнынан 1000 АЕК шегінде;</li><li style="text-align:justify;">Жеке кәсіпкерлер – кәсіпкерлік қызметте пайдаланылатын нысандар бойынша (тұрғын үйлер мен Салық кодексінің 529-бабына сәйкес салық базасы айқындалатын өзге де нысандардан бөлек);</li><li style="text-align:justify;">Пәтердің (бөлменің) меншік иелері – көпқабатты тұрғын үй орналасқан жер учаскесіндегі үлесіне сәйкес.</li></ol>Уақытында төлемеген жағдайда не болады?2025 жылдың 2 қазанынан бастап берешек туралы хабарламалар жіберіледі. Егер қарыз сомасы 1 АЕК-тен (2025 жылы – 3 932 теңге) асса, 30 жұмыс күнінен кейін мәжбүрлеп өндіру туралы бұйрық шығарылады. 5 жұмыс күнінен соң материалдар жеке сот орындаушыларына беріледі. Бұл жағдайда салық сомасымен қоса 25%-ға дейін үстеме төлем төлеуге тура келеді. Сонымен қатар, банк шоттарыңызға тыйым салынып, шетелге шығуға шектеу қойылуы мүмкін.Мүлік салығын қалай төлеуге болады?Салықты төлеу жолдары:<ul><li style="text-align:justify;">e-Salyq Azamat қосымшасы арқылы;</li><li style="text-align:justify;">банктердің мобильді қосымшалары арқылы;</li><li style="text-align:justify;">egov.kz порталында;</li><li style="text-align:justify;">банктерде, төлем терминалдары мен банкоматтарда.</li></ul>Фото: Нұрболат Нұржаубай

1 қазанға дейін қандай салықты төлеп үлгеру керек?

<a href="https://kyzylorda-news.kz/">Kyzylorda-news.kz</a> &nbsp;Кәмелетке толмағандар арасында құқық бұзушылықтың алдын алу мақсатында Қызылорда қаласындағы №295 орта мектептің 6-11 сынып оқушыларына арналған түсіндірме кездесуі өткізілді.Қызылорда облысы Полиция департаменті Жергілікті полиция қызметі басқармасының ювеналды полиция тобының аға инспекторы, полиция майоры Р.Е. Абдразақова, Ұйымдасқан қылмысқа қарсы күрес басқармасының аға жедел уәкілі А.А. Киясов және Киберқылмыстарға қарсы іс-қимыл басқармасының қызметкері, полиция подполковнигі Н.Т. Ермаханов қатысты.Кездесу барысында оқушыларға бұзақылық, буллинг, интернет қауіпсіздігі, кибербуллинг, лудомания, нашақорлық және зорлық-зомбылық қылмыстарының заң алдындағы жауапкершілігі туралы кеңінен түсіндірілді.Сондай-ақ оқушылар сала мамандарына өздерін толғандырған сұрақтарын қойып, нақты жауаптар алды.Айта кету керек, облыс көлеміндегі барлық білім беру ұйымдарында балалар мен жастардың қауіпсіздігін қамтамасыз ету мақсатында профилактикалық дәрістер мен кездесулер тұрақты түрде өткізіліп келеді.Фото: Qyzylorda PD

Мектеп оқушылары арасында «Қауіпсіздік» тақырыбында кездесу өтті

Бүгінде әрбір Қазақстан азаматының қажетсіз кредиттерден қорғанудың қарапайым әрі тиімді құралы бар — «Банктік қарыздар мен микрокредиттерді алудан ерікті түрде бас тарту» сервисі, немесе қысқаша айтқанда «Стоп кредит». Оны eGov.kz порталы немесе eGov Mobile мобильді қосымшасы арқылы бірнеше минут ішінде қосып алуға болады және қажет болғанша пайдалану мүмкіндігі бар: мерзімі мен өтініш санына шектеу қойылмайды.<h2 style="text-align:justify;">Неліктен бұл маңызды?</h2>«Стоп кредит» сервисі қазірдің өзінде сұранысқа ие болды: «Бірінші кредиттік бюро» АҚ деректеріне сәйкес, 3 миллионнан астам қазақстандық жаңа кредиттер беруге ерікті түрде тыйым орнатқан. Бұл банктер мен микрокаржы ұйымдары клиенттің кредиттік тарихын тексеру кезінде қолданыстағы шектеу туралы белгісін көріп, несие беруден автоматты түрде бас тартуға міндетті дегенді білдіреді.Одан бөлек, 2024 жылғы 1 қыркүйектен бастап заңнамаға енгізілген түзетулер күшіне енді: егер өзіндік тыйым салу кезеңінде азаматтың келісімінсіз кредит рәсімделген болса, банк немесе микроқаржы ұйымы мұндай қарызды есептен шығаруға міндетті. Бұл – өзінің қаржылық қауіпсіздігін ойлайтындар үшін қосымша кепілдік.«Стоп кредит» қызметін екі тәсілмен қосуға болады:eGov Mobile арқылы: авторизациядан өтіп, «Экономика және қаржы» бөлімінен қызметті таңдаңыз, өтінішті толтырып, оны ЭЦҚ арқылы қол қойыңыз. eGov.kz сайты арқылы: ЭЦҚ арқылы жүйеге кіріп, сайттың басты бетінде «Сервистер» – «Банктік қарыздар мен микрокредиттерді алудан ерікті түрде бас тарту» – «Қызметті онлайн тапсырыс беру» бөлімін таңдаңыз да, өтінішті ЭЦҚ арқылы қол қойыңыз.Қалаған жағдайда пайдаланушы кез келген уақытта шектеуді алып тастай алады: ол үшін дәл сол қызметке кіріп, бас тартуды растау және өтінішті қол қою жеткілікті.<h2 style="text-align:justify;">Назар аударатын жайттар</h2>Қызметті қосқаннан кейін де өзіңіздің кредиттік тарихыңызды мезгіл-мезгіл тексеріп отырған жөн. Егер тыйым салу кезеңінде сіздің атыңызға несие рәсімделсе, банк немесе микроқаржы ұйымы оны есептен шығаруға міндетті.Осылайша, «Стоп кредит» – тек ыңғайлы цифрлық сервис қана емес, алаяқтық кредиттерден қорғайтын тиімді құрал болып табылады және ол миллиондаған қазақстандықтарға ертеңгі күнге сенімді болуға көмектеседі.ЭЦҚ қолданғанда цифрлық қауіпсіздік ережелерін сақтаңыз:Банк пен микрокаржы ұйымдарының клиенттерінің жеке деректерін кредиттік алаяқтар белсенді түрде аңдып, әлеуметтік инженерия әдістері мен заманауи ІТ-технологияларды пайдаланады.Сондықтан цифрлық гигиена ережелерін сақтау және электрондық цифрлық қолтаңбаны (ЭЦҚ) сақтау мен пайдалану кезінде жауапкершілікпен қарау аса маңызды:• &nbsp; &nbsp;ЭЦҚ-ны ешқашан үшінші тұлғаларға бермеңіз.&nbsp;Сіздің қолтаңбаңызға қол жеткізу басқа адамға сіздің атыңыздан құжаттарға қол қоюға мүмкіндік береді. Зиянды пайдалану жағдайында бұл қолтаңбаның сізге жатпайтынын дәлелдеу іс жүзінде мүмкін болмай қалуы мүмкін.• &nbsp; &nbsp;ЭЦҚ-ны мессенджерлер арқылы жібермеңіз.&nbsp;Бұл әсіресе топтық чаттарға қатысты: файлды кез келген қатысушы жүктеп ала алады. ЭЦҚ-мен барлық операцияларды тек өзіңіз орындауыңыз қажет.• &nbsp; &nbsp;Компьютеріңізді вирустардан қорғаңыз.&nbsp;Егер ЭЦҚ компьютерде сақталса, міндетті түрде лицензияланған антивирус орнатып, оны тұрақты түрде жаңартып отырыңыз. Күмәнді хаттарды немесе сілтемелерді ешқашан ашпаңыз: олар құрылғыңызға толық қашықтан қол жеткізуге мүмкіндік беретін шпиондық бағдарламаларды қамтуы мүмкін.• &nbsp; &nbsp;ЭЦҚ файлын оның құпия сөзімен атауға болмайды. Кейбір пайдаланушылар құпия сөзді ұмытпау үшін қалтаны немесе файлды дәл сол құпия сөзбен атайды. Бұл алаяқтардың ісін жеңілдетеді.• &nbsp; &nbsp;ЭЦҚ-ны тек ресми дереккөздерден ғана алыңыз. ЭЦҚ-ны ЦОН арқылы немесе онлайн eGov Mobile қосымшасы арқылы рәсімдеуге болады. Сұрақтарыңыз туындаған жағдайда 1414 байланыс орталығына хабарласыңыз. Қолтаңбаны жылдам рәсімдеуді уәде ететін кез келген «делдалдар» алаяқ болып шығуы мүмкін және сізден ЖСН, карта деректемелері немесе тіпті PIN-кодты сұрауы ықтимал.• &nbsp; &nbsp;Смартфонға тексерілмеген қосымшаларды орнатпаңыз.Тіпті орнатылған PIN-код құрылғыға шпиондық бағдарлама енсе, сізді толық қорғап қала алмайды. Тіпті танымал қосымшалардың да экранды жазып алған жағдайлары кездескен. Телефоныңызда бөгде бағдарламалар неғұрлым аз болса – соғұрлым қауіпсіз болады.• &nbsp; &nbsp;Бизнес үшін: сертификаттарды уақтылы кері қайтарыңыз.&nbsp;Егер компанияның ЭЦҚ-на қол жеткізе алған қызметкер жұмыстан шықса, сертификаттар дереу кері қайтарылуы тиіс. Әйтпесе рұқсатсыз қаражаттың алынуы немесе тіпті ұйымның жабылуы сияқты тәуекелдер туындауы мүмкін.• &nbsp; &nbsp;ЭЦҚ жоғалған жағдайда — оны дереу қайта шығарыңыз. Ол компьютерде ме, әлде флешкада ма сақталғанына қарамастан, ЭЦҚ-ны дереу қайта шығару қажет.<img src="https://knadmin.beoblood.kz/uploads/2605_infografika_kaz_24_f742f12707.png" alt="2605-infografika-kaz-24.png">Осы ережелерді сақтау сіздің қаржыңызды, жеке деректеріңізді және бизнесіңізді цифрлық алаяқтықпен байланысты елеулі қауіп-қатерлерден қорғауға мүмкіндік береді.Фото: fingramota.kz

3 миллионнан астам азамат кредит беруге ерікті түрде тыйым қойды 

<a href="https://kyzylorda-news.kz/">Kyzylorda-news.kz</a> Қызылорда облысында "Анаға тағзым" орталығында сотталған әйелдерге арналған шара өтті, - деп хабарлайды <a href="https://polisia.kz/qyzylorda-oblysynda-anagha-taghzym-ortalyghynda-sottalghan-ajelderge-arnalghan-shara-otti/">Polisia.kz.&nbsp;</a>Қоғамға қайта бейімделіп, өз орнын табуға ұмтылған жандарға қолдау көрсету мақсатында ҚАЖ департаментінің 37 мекемесінде жазасын өтеп жатқан әйелдерге арнайы кездесу ұйымдастырылды. Олар "Анаға тағзым" орталығының жұмысымен танысып, рухани әрі тәрбиелік маңызы зор шараға қатысты. Іс-шара барысында ұлттық құндылықтардың, ұмытылып бара жатқан салт-дәстүрлердің тәрбиелік мәні кеңінен сөз болды.&nbsp;"Ана тілі" клубының жетекшісі Әділбек Тәңіберген қатысушыларға тағылымды дәріс оқып, ұлттық болмыстың сақталуының маңыздылығын түсіндірді. Ал психолог Ақшарбат Бақытжанқызы "Қиындықтағы күш – сабыр мен сенімде" тақырыбында тренинг өткізіп, әйелдерге ішкі күйзелістен арылу, агрессияны жеңу және ренішті кешіру жолдарын тәжірибе жүзінде үйретті.&nbsp;Топтық жаттығулар олардың өз-өзіне сенім артуына, сабыр мен шыдамдылықты бойына сіңіруіне ықпал етті. Кездесуден алған әсерін бір қатысушы былай жеткізді: - Иә, біз қателік жасадық. Бірақ бұл – өмірдің соңғы нүктесі емес. Осындай шаралар бізге жаңа көзқарас сыйлайды. Психологтың әрбір сөзі жүрегімізге жетті. Ең бастысы – кешірім сұрап, алға ұмтылуға болатынын сезіндік. Ертеңгі күнге деген үмітіміз оянды, – деді ол.&nbsp;Бұл кездесу әйелдерге рухани демеу беріп қана қоймай, олардың қоғамға қайта оралуына деген сенімін күшейтті. Мұндай игі бастамалар сотталғандардың түзелуіне жол ашып, болашақта елге пайдасын тигізетін азамат болып оралуына серпін бермек.Фото: &nbsp;Polisia.kz&nbsp;

Қызылорда облысында "Анаға тағзым" орталығында сотталған әйелдерге арналған шара өтті 

<a href="https://kyzylorda-news.kz/">Kyzylorda-news.kz</a> &nbsp;Арал&nbsp;ауданының әкімі Аманжол Оңғарбаев қаладағы темір жол вокзалы жанында орналасқан кәсіпкерлік нысандар мен ғимараттардың иелерімен кездесіп, қаланың келбеті саналатын түрлі ғимараттарды жөндеуден өткізіп, қас-келбетін талапқа сай етіп жасау жөнінде түсіндірме жұмыстарын жүргізді.<blockquote>– Өздеріңіз жақсы білесіздер, Аралда әуежай жоқ, автовокзал жоқ, жалғыз қалаға кіретін қақпа – темір жол вокзалы. Қазіргі уақытта Арал қаласы мен Сексеуіл кентіндегі ескі темір жол вокзалы қайта салынып жатыр. Соған сәйкес қаладағы вокзал жанындағы кәсіпкерлік ғимараттарды толықтай жаңарту, қайта жөндеу жұмыстарын жүргізу қажет. Сондықтан уақытты көп созбай, алдағы бір аптаның шамасында өздеріңізге тиесілі ғимартты талапқа сай жаңартып, қайта жөндеу жұмыстарын бастау керек. Бұл уақыт талабы, – деді аудан әкімі.</blockquote>Кейбір ғимараттардың сыртқы келбеті талапқа сай келетінін айтып, иелеріне тазалық жұмыстарын жиі жүргізіп, нысанды күтіп ұстауды тапсырды.Фото: Арал ауданы әкімінің баспасөз қызметі

Аудан әкімі темір жол вокзалы жанындағы ғимарат иелерімен кездесті

<a href="https://kyzylorda-news.kz/">Kyzylorda-news.kz</a> 2025 жылдың 26 қыркүйегінде Абай атындағы №2 дарынды балалар мектебінде Қалалық білім бөлімінің ұйымдастыруымен «Жас мерген – 2025» атты әскери-патриоттық сайыс өтті.Бұл додаға қаламыздың білім ордаларынан 105 оқушы қатысып, өздерінің әскери машықтары мен шапшаңдығын, мергендігі мен төзімділігін сынға салды. Сайыстың басты мақсаты – жас буынның бойына патриоттық рухты сіңіріп, ел қорғауға даярлықты арттыру, сондай-ақ салауатты өмір салтын насихаттау болды.Сайыс салтанатты түрде Қазақстан Республикасының Мемлекеттік Гимнімен ашылып, құттықтау сөзбен Қалалық білім бөлімінің әдіскері Еркебұлан Ахметұлы мен №2 Абай атындағы дарынды балалар мектебінің директоры Айгүл Алтынбекқызы ашып ,қатысушыларға сәттілік тіледі.ЖАРЫСТЫҢ БАҒЫТТАРЫЖас сарбаздар келесі әскери-қолданбалы жаттығулар бойынша бақ сынасты: • АК-74 қаруын жартылай бөлшектеп-жинақтау; • Қарудың оқжатарын патрондармен жарақтау; • Пневматикалық винтовкадан нысанаға дәл ату; • ОЗК қорғаныш киімін кию (плащ түрінде); • Белтемірге тартылу; • Әскерилендірілген кросс.Әрбір кезеңде оқушылардың ептілігі мен төзімділігі сыналып, жарыс нағыз тартысқа толы өтті.ЖЕҢІМПАЗДАР МЕН ЖҮЛДЕГЕРЛЕРАК-74 қаруын бөлшектеп-жинақтау: І орын – Ниетулла Р., №2 Абай атындағы дарынды балалар мектебі ІІ орын – Исатаев А., №211 мектеп ІІІ орын – Бисен А., №136 мектеп-лицейОқжатарды патрондармен жарақтау: І орын – Тасболат Н., №6 мектеп ІІ орын – Ансеров А., №5 мектеп ІІІ орын – №2 Абай атындағы дарынды балалар мектебіПневматикалық винтовкадан ату: І орын – Ниетулла Р., №2 Абай атындағы дарынды балалар мектебі ІІ орын – Өмірбек Рауан, №212 мектеп ІІІ орын – Срыбник Н., №8 мектепБелтемірге тартылу: І орын – Әли А., №4 мектеп ІІ орын – Исатаев Н., №211 мектеп ІІІ орын – Малькажар, №136 мектепОЗК қорғаныш киімін кию: І орын – Бисен А., №136 мектеп ІІ орын – Абузор Р., №7 мектеп ІІІ орын – Ұзақов Д., №217 мектепӘскерилендірілген кросс: І орын – Әли А., №4 мектеп ІІ орын – Қуатұлы З., №264 мектеп ІІІ орын – Нашурадин И., №8 мектепБарлық жеңімпаздар мен жүлдегерлер Қалалық білім бөлімінің грамоталарына, медальдарына және бағалы сыйлықтарына ие болды.ОБЛЫСТЫҚ САЙЫСҚА ЖОЛДАМАЖарыс қорытындысында үздік нәтиже көрсеткен 5 оқушы облыстық кезеңге жолдама алды: • Ниетулла Р., №2 дарынды балалар мектебі • Тасболат Қ., №6 мектеп • Айсеров А., №5 мектеп • Әли А., №4 мектеп • Өтепбергенов Д., №222 мектепБұл шәкірттерге жетекшілік ететін – Тұрар Рысқұлов атындағы №222 мектептің АӘТД пәнінің жетекшісі Байниязов Сұлтан. Олар 8–9 қазан күндері Шиелі ауданында өтетін облыстық «Жас мерген – 2025» байқауында қаламыздың намысын қорғамақ.ЖАС ҰРПАҚ – ЕЛ БОЛАШАҒЫӘскери-патриоттық сайыс жасөспірімдер үшін тек жарыс қана емес, нағыз ерлік мектебі болды. Жастардың бойында шыдамдылықты, тәртіпті, табандылықты қалыптастырып қана қоймай, елге деген сүйіспеншілігін арттыруға ықпал етті.Жас мергендеріміздің алдағы облыстық сыннан да сүрінбей өтіп, жеңіс тұғырынан көрінуіне сенім мол! 🇰🇿Алибек Аймухамедов№215 орта мектебінің АӘТД оқытушы -ұйымдастырушысы&nbsp;

Қазақстан және Қызылорда облысының жаңалықтары