<a href="https://kyzylorda-news.kz/">Kyzylorda-news.kz</a> Кеше партияның облыстық &nbsp;филиалының төрағасы Жандос Базартай қоғамдық қабылдау өткізіп, азаматтарды жеке мәселелері бойынша қабылдады.&nbsp;Қабылдауға келуші азаматтар денсаулық сақтау, жұмысқа орналасу, сонымен қатар мемлекеттік органдар қызметіне қатысты шағымын білдірді.Мәселен алғаш келген қала тұрғыны денсаулығының нашарлауына байланысты дәрігерлік көмектің еш нәтижесі жоқтығын, қайтадан емдеу шараларының болмауына шағымданып, жүйелі түрде ем шараларын алуына ықпал етуді сұрады.Төраға тұрғынның өтініш бойынша денсаулық сақтау басқармасына қолдау көрсету жөнінде ұсыныс берілетіндігін жеткізді.&nbsp; Келесі азамат жеке мақсатта алынған несиелерін төлеуге өзінің қабілетісіз екенін айтып, осы мәселені шешу заңдылықтары бойынша көмек сұрады. &nbsp;Филиал төрағасы азаматқа партияның «Қарызсыз қоғам» жобасының мақсат - міндетін түсіндіріп, мәселені жобасының облыстағы өкілімен бірге заң аясында шешуге ықпал ететіндігін айтты.&nbsp;Қабылдауға келген азаматтардың барылығының өтінішін партияның облыстық филиалының төрағасы мұқият тыңдап, қолдау көрсету бойынша жұмыс жасалатындығын жеткізді.

Азаматтардың өтінішін назарға алды

<a href="https://kyzylorda-news.kz/">Kyzylorda-news.kz</a> Көзді киіз шормен таңсақ та, кей індеттің барын іркіп қала алмаймыз. Яғни, бармақ басты, көз қысты әрекеттің алдын алу – қоғамдағы келеңсіздік пен теріс түсінікті де жоймақ. Майшаммен қарарлық мәселеге мейлінше көңіл бөлген ҚАЖ департаментіне қарасты №68 мекемесі сыбайлас жемқорлыққа қарсы күрес және адал қызмет қағидаттарын нығайтуға арналған маңызды кездесу өткізді.Жиын барысында Президенттің сыбайлас жемқорлыққа қарсы саясат жөніндегі тұжырымдамасы кеңінен түсіндіріліп, соңғы жылдары енгізілген заңнамалық өзгерістер мен жаңашыл бастамаларға ерекше екпін берілді. Бұл туралы ҚР Мемлекеттік қызмет істері агенттігінің Қызылорда облысы бойынша департаменті Сыбайлас жемқорлықтың алдын алу басқарма басшысы Жұмаев Сәкен Бауыржанұлы толық баяндады. Әрі қарай басқарманың бас маманы Қозбағарова Жанар Жалғасбайқызы жүйелі сөз сөйледі. Яғни, құқық бұзушылықтардың алдын алу жолдары, күмәнді жағдайларда жүгіну тетіктері және әр қызметкердің жеке ұстанымының маңызы жайында мардымды ақпарат берді.Ашық әңгіменің түп-төркіні – &nbsp;қоғамда ашықтық пен әділдік орнатсақ деген ортақ ой, ортақ мүдде. Бұған әр азаматтың саналы әрекет етуі әсер ететіні рас. Қызылорда облысы бойынша ҚАЖ департаменті Өзіндік қауіпсіздік тобының АМІЖ аға жедел уәкілі әділет подполковнигі Жоламанов Серік Данабекұлы сыбайлас жемқорлықтың салдарына нақты мысалдар келтіріп, қызметтік өкілеттікті теріс пайдаланудың ауыр зардаптарға әкелетінін жеткізді. Сондай-ақ, Серік Данабекұлы Сыбайлас жемқорлыққа қарсы саясат жөніндегі 2024–2026 жылдарға арналған іс-қимыл жоспары», заңдылық пен тәртіпті нығайту бағытындағы “Заң мен тәртіп”, «Адал полицей» қағидаттарының маңыздылығы, қызметкерлердің адалдығы мен жемқорлыққа тұрақтылығын анықтауға бағытталған арнайы профилактикалық шара «Integrity Check» туралы да тілге тиек етті. Бұл жеке құрам қызметкерлерінің жаңсақтыққа ұрынбай, жауапкершілікпен жұмыс істеу керегін еске салды.Жиында қос бірдей бейнематериал назарға ұсынылып, көпшілік деректерге ден қойды. Мұның өзі кездесуден түйген ойдың келте болмайтынын ұғындырғандай.

Жемқорлықты жүгендеудегі ортақ мақсат

<a href="https://kyzylorda-news.kz/">Kyzylorda-news.kz</a> &nbsp;Сырдария ауданының әкімі Берік Сәрменбаевтың төрағалығымен Конституциялық реформалар жөнінде мәжіліс өтті. Аудан басшысы жаңа Конституция жобасының маңыздылығына тоқталып, аудан жұртшылығын бұл бастамаға жоғары жауапкершілікпен, белсенді атсалысуға шақырды.<blockquote>– Мемлекет басшысының Қазақстан халқына арнаған Жолдауында айтылған бастамалары Конституциялық реформаға негіз болды. Бүгінде жаңа Ата Заң жобасы халыққа ұсынылды. Конституциялық реформалар – қоғамның сұранысына жауап беретін, мемлекет басқару жүйесін жетілдіруге бағытталған. Жаңа Ата Заңның жобасындағы бірқатар баптар мен бөлімдердің мазмұны тұтас конституциялық моделді айтарлықтай жаңғыртуға, саяси-қоғамдық институттарды жетілдіруге, азаматтардың құқықтары мен бостандықтарын қорғау тетіктерін күшейтуге негіз болады. Бұл реформалар әділетті, ашық әрі жауапты мемлекет құру жолындағы нақты іс-қимылдың көрінісі болып табылады. Бұл – ел тарихындағы маңызды әрі тағдырлы қадам, – деді Берік Әбдіғаппарұлы.</blockquote>Аудан басшысы жаңа Ата Заң жобасында Президент бастамасымен жүзеге асып жатқан «Әділетті Қазақстан» құру идеясы мен «Заң мен тәртіп» қағидаттары негіз болғанын жеткізді. Сондай-ақ, табиғатты аялап, қоршаған ортаны қорғауға қатысты «Таза Қазақстан» идеясымен ұштасатын принциптер де жазылғанын атап көрсетті.Мәжіліс барысында жиынға қатысушылар жаңа реформа қоғамдағы тұрақтылықты сақтауға, әлеуметтік әділдікті қамтамасыз етуге және әрбір азаматтың мемлекет өміріне белсенді қатысуына мүмкіндік беретінін талқылап, пікірлерін білдірді.Фото: Сырдария ауданы әкімінің баспасөз қызметі

Конституциялық реформалар жөнінде мәжіліс өтті

<a href="https://kyzylorda-news.kz/">Kyzylorda-news.kz</a> Қазақстанда енді декреттік демалысқа шыққан әкелердің де балаға күтім жасаған уақыты еңбек өтіліне есептелетін болады. Бұл туралы <a href="https://stan.kz/kazakstanda-endi-zhymissiz-akelerdin-de-dekrettik-demal-429773/">Stan.kz</a> ақпарат агенттігі хабарлады.Жаңа заңға сәйкес, кәмелетке толмаған балаларына өзі күтім жасаған, бірақ ресми жұмыс істемеген әкелердің бұл уақыты енді зейнетақы тағайындау кезінде еңбек өтілі ретінде есептеледі. Бұл өзгерістер Конституциялық соттың шешімін орындау үшін Әлеуметтік кодекске енгізіледі.Сондай-ақ депутаттардың ұсынысымен жұмыс берушілерге жалғызбасты ата-аналарды (әйел не ер адам болуына қарамастан) өз бастамасымен жұмыстан шығаруға тыйым салынады. Осыған байланысты заңдағы "жалғызбасты аналар" деген ұғым "жалғызбасты ата-ана" деп өзгертіледі.Фото:&nbsp;pixabay.com

Қазақстанда енді жұмыссыз әкелердің де декреттік демалысқа шыққан уақыты еңбек өтіліне есептеледі

<a href="https://kyzylorda-news.kz/">Kyzylorda-news.kz</a> Жастардың өмірінде әлеуметтік желі – күнделікті ақпарат алу мен өзін көрсету ортасы. Әсіресе TikTok пен Instagram платформалары ауыл жастары үшін шығармашылық пен кәсіпке жол ашатын алаңға айналып келеді.Елімізде жастар арасында әлеуметтік желінің рөлі айтарлықтай жылдам артуда. Зерттеулер бойынша Instagram-ды жастардың шамамен 79,8%-ы, ал TikTok-ты 63,9%-ы белсенді қолдайды. &nbsp; Бұл платформалар әсіресе 16-28 жас аралығындағы жастар арасында танымал.TikTok-тың қысқа бейне форматтары арқылы ауыл жастары өз-өздерін көрсетуге мүмкіндік алып, ауыл күнделігі, кәсіби қызығушылықтары, ауыл шаруашылығы, аспаздық, қолөнер сияқты бағыттардағы видеоларды түсіріп кең аудиторияға жариялап жүр.Мысалы, елімізде «#ҚазақстандаЖасалған» атты TikTok байқауы өтті. Бақ сынағандар көп болды. Мәселен 800-ден астам қатысушы әлеуметтік, экологиялық және кәсіпкерлік жобасын қысқа видео арқылы таныстырды. Бұл ауыл жастарының да өз өнімін, идеясын насихаттауға жол ашқан жоба болды.Ал инстаграмға келер болсақ, ол жастарға әсерлі фото мен жеке бренд қалыптастырумен қатар визуалды әңгіме айтуға қолайлы. Ауылдағы күнделікті өмір, ауыл тағамдары, табиғат, кәсіби жұмыстар, қатты ұнаған сәттер туралы фото жүктейді. Instagram-ды ақпарат көзі ретінде де қолданатын жастар көп. Соның ішінде 18-28 жас аралығындағы респонденттердің жартысына жуығы Instagram-ды медиа ретінде пайдаланады.Әлеуметтік желілер тек қызық үшін ғана емес, сонымен бірге бизнесті дамытуға, келіссөз жүргізуге, бір-бірімен байланысуды қамтамасыз етеді. TikTok-тағы трендтер жастардың мінез-құлқын, қызығушылығын қалыптастыруда үлкен рөл атқарады. Қысқа видеолар адам назарын өзіне тез аударады, сөйтіп ауыл жастары да өз хэштегі, челленджі арқылы көпшілікпен байланыса алады.P.S. TikTok пен Instagram ауыл жастарының өздерін білдіруіне, жарқын күнделікті сәттерін көрсетуіне, тіпті өз идеясы мен жобасын кең аудиторияға жеткізуіне мүмкіндік береді. Осы арқылы ауыл өмірі де қала өмірімен тең дәрежеде цифрлық кеңістікке еніп келеді.&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;&nbsp; &nbsp;Мерей Жалғасбек,&nbsp; &nbsp; &nbsp; &nbsp; &nbsp; &nbsp; &nbsp; &nbsp; Қорқыт ата атындағы Қызылорда университетінің 4курс студентіФото: freepik

Жастар TikTok пен Instagram-ды қалай қолданады?

<a href="https://kyzylorda-news.kz/">Kyzylorda-news.kz</a> Бүгінгі таңда аула аумақтарында ұсақ құқық бұзушылықтардың тіркелуі, түнгі тыныштықты бұзу мен қоғамдық орындарда алкогольдік ішімдік ішу, жасөспірімдер арасындағы тәртіпсіздік, сондай-ақ бөтеннің мүлкіне зиян келтіру деректері өзекті мәселелердің бірі болып отыр. Осыған байланысты өңірде қоғамдық тәртіпті нығайту және құқық бұзушылықтардың алдын алу мақсатында «Қауіпсіз аула» жедел профилактикалық іс-шарасы өткізілуде. Бұл туралы &nbsp;Өңірлік коммуникациялар қызметінің ақпарат алаңында Қызылорда облысы ПД Қоғамдық қауіпсіздік басқармасы бастығының міндетін атқарушы Рауан Әлдешов мәлімдеді.<blockquote>– Іс-шара аясында профилактикалық бақылау мен тексеру жұмыстары кешенді форматта жүргізілді. Нәтижесінде, қоғамдық тәртіпті қамтамасыз ету мақсатында барлығы 507 қызметкер жұмылдырылып, 6 күн ішінде облыс аумағында ішкі істер органдарының есебінде тұрған 1 852 тұлғаның тұрғылықты мекенжайлары тексерілді. Тексеру барысында 13 дерек бойынша сот талаптарын орындамау фактілері анықталып, аталған азаматтармен қайта құқық бұзушылыққа жол бермеу бағытында профилактикалық түсіндіру жұмыстары жүргізілді. Сонымен қатар, 34 тұлға ішкі істер органдарының профилактикалық есебіне алынды. Жүргізілген іс-шаралар нәтижесінде барлығы 241 құқық бұзушылық дерегі тіркеліп, құқық бұзушыларға қатысты қолданыстағы заңнама талаптарына сәйкес тиісті шаралар қабылданды. Бұдан бөлек, 50-ден аса тұлға жасаған құқық бұзушылықтары бойынша ішкі істер органдарына жеткізіліп, олардан саусақ іздері алынды. Аталған бағыттағы профилактикалық жұмыстар алдағы уақытта да жалғасын табады. Қоғамдық қауіпсіздікті қамтамасыз ету және құқық бұзушылықтардың алдын алу бойынша кешенді шаралар күшейтілетін болады, – деді Рауан Қырымұлы.</blockquote><img src="https://knadmin.beoblood.kz/uploads/OPM_Bezopasnyj_dvor_c1c44107c3.jpg" alt="ОПМ «Безопасный двор».jpg">Фото: Нұрболат Нұржаубай

Өңірде «Қауіпсіз аула» жедел профилактикалық іс-шарасы жүргізілуде

<a href="https://kyzylorda-news.kz/">Kyzylorda-news.kz</a> Оқиға 2 қаңтар күні сағат 17.10-да «Нұр Назар» серіктестігінің кіреберіс жолында, яғни Қызылорда жүк тасымалдау бөлімінің Белкөл стансасында маневрлік жұмыс кезінде<a href="«Қазақстан темір жолы» компаниясының баспасөз қызметі таратқан мәліметке сүйенсек, тазалық жұмысы кезінде жолдың бұрылыс бөлігінде 6 вагон сағатына 3-5 шақырым жылдамдықпен рельстен шығып кетті. Оның 4-еуі дизель отыны тиелген цистерна болса, қалғаны – бос вагондар."> болған</a>.«Қазақстан темір жолы» компаниясының баспасөз қызметі таратқан мәліметке сүйенсек, тазалық жұмысы кезінде жолдың бұрылыс бөлігінде 6 вагон сағатына 3-5 шақырым жылдамдықпен рельстен шығып кетті. Оның 4-еуі дизель отыны тиелген цистерна болса, қалғаны – бос вагондар.<blockquote>– Алдын ала мәлімет бойынша вагондар жерге қырымен түскен. Жапа шеккендер жоқ. Бұл оқиға пойыздардың негізгі жолмен қозғалуына еш кедергі жасамайды. Жылжымалы құрам мен жолға да кесірі тимеген. Оқиғаның себеп-салдарын анықтау мақсатында ол жерде комиссия жұмыс істеп жатыр, - делінген хабарламада.&nbsp;</blockquote><img src="https://knadmin.beoblood.kz/uploads/p_H_Dm_TO_Pt_b03d985a02.png" alt="pHDmTOPt.png">Фото pexels.webp

Қызылордада 6 вагон рельстен шығып кетті   

<a href="https://kyzylorda-news.kz/">Kyzylorda-news.kz</a> Арал ауданының әкімі Аманжол Оңғарбаев Сексеуіл кентіне жасаған жұмыс сапары барысында кент орталығында жаңадан салынып жатқан темір жол вокзалының құрылысымен танысты.Жолаушыларды қабылдау сыйымдылығы 60 адамды құрайтын жаңа вокзалдың құрылысы қарқынды жүргізілуде. Нысанды алдағы уақытта пайдалануға беру жоспарланған.Қазіргі таңда вокзал ғимаратын толық аяқтауға және жолаушылар алаңын (перон) абаттандыруға қажетті құрылыс материалдары толық жеткізілген. Құрылыс алаңында жұмыс күші мен техникалар жеткілікті. Жаңа вокзал кенттің көркін ашып, темір жол арқылы қатынайтын жолаушыларға сапалы қызмет көрсететін болады.Аудан әкімі «Техноснаска-Ремсервис» ЖШС өкілдерімен тілдесіп, құрылыс сапасына ерекше мән беріп, жұмысты белгіленген мерзімде әрі тиянақты аяқтауды тапсырды.Фото: Арал ауданы әкімінің баспасөз қызметі

Кенттегі жаңа темір жол вокзалының құрылысы қарқынды жүруде

<a href="https://kyzylorda-news.kz/">Kyzylorda-news.kz</a> «AMANAT» партиясының Қызылорда облыстық филиалының төрағасы Жандос Базартай бұқаралық ақпарат құралдарының өкілдеріне партия филиалымен 2025 жылы атқарған жұмыстарының қорытындысы бойынша брифинг беріп, алдағы жоспарлармен бөлісті.«AMANAT» партиясының 2023–2027 жылдарға арналған «Халықпен бірге!» сайлауалды бағдарламасы Қызылорда облысында жүйелі түрде жүзеге асырылып келеді. Барлық бағыттар бойынша нақты Жол карталары бекітіліп, іс-шаралар қажетті қаржымен қамтамасыз етілген.2025 жылдың қорытындысымен облыста сайлауалды бағдарламаның орындалу деңгейі 91,9 пайызды құрады. Жол картаға енгізілген 110 іс-шараның 101-і толық орындалған, қалған іс-шаралар орындалу сатысында тұр. Атап өту керек, партияның облыстық филиалы бұған дейін республикада үш жыл қатарынан сайлауалды бағдарламаны 100 пайыз орындаған үздік филиалдардың бірі.Жандос Базартай брифинг барысында: «Біздің басты ұстанымымыз – халыққа берілген әрбір уәденің нақты нәтижемен орындалуы. Партия жұмысының тиімділігі сандармен емес, тұрғындардың өмір сапасындағы оң өзгерістермен өлшенуі тиіс», – деп атап өтті.2025 жылы өңірде Сайлауалды бағдарлама аясында әлеуметтік маңызы бар бірқатар ірі жобалар іске асырылған. Атап айтқанда, 10 елді мекен газдандырылып, облысты газбен қамту деңгейі 83 пайызға жеткен. Спорт саласында 6 дене шынықтыру-сауықтыру кешені пайдалануға беріліп, халықты спорттық инфрақұрылыммен қамту көрсеткіші артқан.Білім беру бағытында «Келешек мектептері» ұлттық жобасы аясында 4200 орындық 5 «Келешек мектебі», 3 мектеп іске қосылып, қосымша 6 білім ордасына күрделі жөндеу жұмыстары жүргізілген. Сапалы ауыз сумен қамту бойынша жүргізілген жұмыстар нәтижесінде 2025 жылы облыс халқы орталықтандырылған ауыз сумен 100 пайыз қамтылған.Сонымен қатар денсаулық сақтау, мәдениет, тұрғын үй құрылысы, жол және жылу желілерін жаңғырту салаларында да ауқымды жұмыстар атқарылған. Өткен жылы 939,3 мың шаршы метр тұрғын үй пайдалануға беріліп, азаматтарды тұрғын үймен қамтамасыз ету жоспары 132 пайызға артығымен орындалған.Партия филиалының төрағасы әлеуметтік осал санаттағы азаматтарды баспанамен қамтамасыз етуге ерекше көңіл бөлініп, бюджет қаржысы есебінен 1822 дайын жаңа пәтер сатып алынды. Бұл жұмыстар биыл да жоспарға сәйкес жүргізілетінін жеткізді.Сондай-ақ, есепті мерзімде өңірде 1 аудан, 56 ауылда әкімдер сайлауы өтіп, барлығында «AMANAT» партиясынан ұсынылған үміткерлер жеңіске жеткен.Партиялық бақылау комиссияларының аймақтық және аумақтық деңгейлерде 94 отырысы өтіп, оларда көтерілген 566 ұсыныстың 400-і орындалған. Жол картасында көрсетілген 84 нысанға партиялық бақылау бекеттері орнатылып, бүгінгі күні 80-і пайдалануға берілген. Партиялық бақылау комиссияларынан бөлек барлық деңгейдегі мәслихаттардағы фракциялардың жұмысы жаңа жолға қойылған. Есепті кезеңде мәслихаттардағы фракциялардың 61 отырысы өткізіліп, фракция мүшелерімен тиісті органдарға 1377 депутаттық сауал жолданған.Сонымен бірге түрлі мәселелер бойынша нақты практикалық шешімдерді әзірлейтін диалог алаңдарына айналған партия жанындағы Кеңестердің 62 отырысы өтіп, оларда қаралған 124 мәселе бойынша 435 ұсыныс тиісті органдарға жолданған.Қоғамдық қабылдау бөлмелеріне 8212 арыз-өтініш түсіп, олардың 60,5% оң шешілген. 3170 өтініш бойынша заңнамалық түсіндірмелер мен құқықтық кеңестер берілген. Елді мекендерде 130 мобильді қабылдау өткізіліп, көтерілген 1174 мәселенің 51 пайызы оң нәтижеге қол жеткізген.Брифинг барысында партияның облыстық филиалының төрағасы партиялық жобалар мен филиал жанындағы «Жастар рухы» Жастар қанатымен атқарылған жұмыстарды да тілге тиек етті.Мәселен, өңірде өткен жылы «Ауыл аманаты» жобасы аясында 2 мрлд 490 млн теңгеге 297 жоба қаржыландырылған. «Жер аманаты» жобасы бойынша 60,0 мың гектар жерді қайтару жоспарланып, 66791 гектар жер мемлекет меншігіне қайтарылған. Оның 1626 гектары заң аясында тұрғындардың пайдалануына берілген. «Қарызсыз қоғам» жобасы аясында 22800 азаматқа қызмет көрсету көзделіп, жоспар 172 пайызға орындалған. Жоба қорытындысы бойынша облыс командасы өткен жылы республикада үздіктер қатарынан көрінген.Жастармен жұмыс та ерекше назарда. Өңіріміздегі белсенді жастардың бірлескен жұмысының нәтижесінде әртүрлі бағыттағы облыстық және республикалық маңызды жобалар сәтті жүзеге асырылып келеді. Өткен жылы қорытындысымен «Жастар рухы» Жастар қанатының облыстық филиалы республика бойынша үздік деп танылған.Қорытындылай келе, Жандос Базартай партия филиалы алдағы кезеңде де халықпен тығыз байланыста жұмыс істеп, сайлауалды уәделердің толық орындалуын қамтамасыз етуге күш салатынын атап өтті.

AMANAT: Уәде нақты іспен орындалуда

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев жаңадан салынатын кітапхана мен драма театрдың құрылыс алаңына барды.Мемлекет басшысы Ұлттық құрылтайдың бесінші отырысында Қызылорда қаласында жаңа драма театр және тәулік бойы жұмыс істейтін кітапхана салу туралы айтқан болатын.<blockquote>«Қызылордада жаңа драма театр салу жоспарымызда бар, биыл құрылысты бастауымыз керек. Өткен сапарымда облыстың зиялы қауым өкілдерімен кездескен кезде заманауи кітапхана салу керек деп айттым. Енді бұл құрылыс биылдан бастап жүргізіледі», – деді Қасым-Жомарт Кемелұлы өз сөзінде.</blockquote>Заманауи, көпфункционалды кітапхана салуға инвестор есебінен 20 млрд. теңге қаралған. Бұл еліміздегі кітапхана инфрақұрылымын дамытуға, оқырмандарға қолжетімділікті арттыруға және өңірлерде ақпараттық мәдениет деңгейін көтеруге бағытталған.Жоба бойынша ғимараттың аумағы 13 000 шаршы метр, 1 миллионнан астам кітап қорын сақтауға арналған. Жыл сайын 250-300 мың оқырманға қызмет көрсетеді. Каталогтар, заманауи ашық форматтағы оқу залдары, 50 адамның цифрлық ресурстармен жұмыс істеуіне қолайлы электронды бөлме қарастырылады. Инновациялық бағыттағы медиа-лаб бөлмесі мен подкаст студиясы болады. Бұл бастама – халықтың білімге, мәдениетке және заманауи ақпарат көздеріне қолжетімділігін арттыртын маңызды қадам.<img src="https://knadmin.beoblood.kz/uploads/whatsapp_image_2026_02_03_at_19_12_58_d812959e56.webp" alt="whatsapp-image-2026-02-03-at-19.12.58.webp">Ал драма театрдың жаңа ғимаратының салынуы – қазақ театр өнерінің қарашаңырағы саналатын аймақтағы тұрақты көрермендер үшін зор қуаныш, үлкен сый. Н.Бекежанов атындағы облыстық драма театр былтыр бір жылдың ішінде төрт бірдей халықаралық фестивальда топ жарды. Материалдық базасы барынша нығайып, мамандардың кәсіби тұрғыда жетілуіне жағдай жасалды, баспанамен қамтамасыз етілді.Жаңа ғимарат артистердің дайындығына, түрлі сахналық көріністер мен ауқымды декорациялар құруға мүмкіндік береді, кең тынысты дыбыс жүйесі мен соңғы үлгідегі жабдықтар қойылым сапасын арттыра түседі.Фото: Қызылорда облысы әкімінің баспасөз қызметі

Қызылордада жаңа кітапхана мен драма театр салынады

&nbsp;<a href="https://kyzylorda-news.kz/">Kyzylorda-news.kz</a> Тазалық – адам өміріндегі маңызды құндылықтардың бірі. Тазалық бар жерде денсаулық та, тәртіп те болады. Адам өз денсаулығын сақтау үшін жеке бас тазалығына да, қоршаған ортаның тазалығына да мән беруі керек.Жеке бас тазалығы күнделікті өмірде өте маңызды. Қолды жиі жуу, таза киім кию, тісті уақытылы тазалау – денсаулықты сақтаудың қарапайым жолдары. Егер адам тазалықты сақтамаса, түрлі ауруларға шалдығуы мүмкін.Сонымен қатар қоршаған ортаның тазалығы да үлкен рөл атқарады. Көшеге қоқыс тастау, табиғатты ластау – мәдениетсіздіктің белгісі. Әр адам өз үйін ғана емес, өзі өмір сүріп жатқан ортаны да таза ұстауға жауапты.Тазалық туралы ой айтқан қазақтың көрнекті жазушысы Спандияр Көбеев жастар тәрбиесі мен тәртіп мәселесіне ерекше көңіл бөлген. Оның еңбектерінде ұқыптылық пен тәртіптің маңызы көрініс табады.Мектепте де тазалыққа ерекше назар аударылады. Оқушылар сыныпты таза ұстап, мектеп мүлкіне ұқыпты қарауы керек. Бұл – мәдениеттіліктің белгісі.Тазалық адамның ішкі мәдениетін де көрсетеді. Ұқыпты, таза адам әрқашан өзіне де, өзгеге де жағымды әсер қалдырады.Қорытындылай келе, тазалық – денсаулықтың және жақсы өмірдің негізі. Әр адам тазалықты сақтап, оны күнделікті әдетке айналдыруы керек.Әбілхай Назым,Қорқыт ата атындағы Қызылорда университетінің 4-курс студентіФото: freepik.com

Тазалық – денсаулық кепілі

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев Қызылордада жаңадан салынатын нысандардың құрылыс алаңына барды.Аймақта Мемлекет басшысы Қасым-Жомарт Тоқаевтың тапсырмасымен денсаулық сақтау саласын дамытуға бағытталған кешенді шаралар нәтижелі жүзеге асуда. Бұл шаралардың басты мақсаты – халықтың медициналық қызметтерге қолжетімділігін арттыру.Облыс орталығында, нақтырақ айтқанда Президент паркі аумағында 48,5 млрд теңгеге 200 орындық перинаталдық орталық пен сол жағалауда 14,78 млрд теңгеге 500 орындық емхананың құрылысы басталады. Болашақ перинаталдық орталық ана мен балаға мамандандырылған заманауи медициналық көмек көрсетеді. Орталықта қабылдау-қарау, стационарлық, диагностикалық, операциялық, реанимациялық және әкімшілік бөлімдер болады. Сондай-ақ, жерасты өткелі арқылы байланысқан жеке зертхана ғимараты мен ас блогы қарастырылған.<img src="https://knadmin.beoblood.kz/uploads/yzylordada_zha_a_emhanalar_men_perinataldy_ortaly_salynady2_3a5506d44c.jpg" alt="Қызылордада жаңа емханалар мен перинаталдық орталық салынады2.jpg">Медициналық мекеме жүкті әйелдерге, босанушыларға және жаңа туған нәрестелерге арналған стационарлық бөлімдер, операциялық блок, реанимация, зертханалар және инженерлік-қызметтік инфрақұрылыммен толық қамтамасыз етіледі. Жобалық шешімдер санитарлық-эпидемиологиялық талаптар мен заманауи медициналық стандарттарға сәйкес жүзеге асырылады.Ал 500 орындық емхана – тұрғындарға амбулаториялық-емханалық, диагностикалық және күндізгі стационарлық медициналық көмек көрсететін көпсалалы мекеме. Нысан сол жағалау аумағында бой көтереді. Мұнда жалпы және акушерлік-гинекологиялық тіркеу, педиатрия, мамандандырылған және шұғыл медициналық көмек, профилактика және мектеп медицинасы бөлімдері қарастырылған. Сондай-ақ 50 төсектік күндізгі стационар, дәрілік қамтамасыз ету, орталық стерилизация, кір жуу орны, медициналық қалдықтарды сақтау, оқу кабинеттері, 50 орындық аудитория, 200 орындық конференц-зал және инженерлік-техникалық инфрақұрылым бар.Бұдан бөлек, Қызылорда қаласындағы Титов мөлтек ауданында 10 млрд теңгеге 400 орындық емхананың құрылысы басталады. Жаңа ғимаратта балалар мен ересектерге арналған емдеу-профилактикалық бөлімшелер, күндізгі стационар, функционалдық диагностика, стоматология, әйелдер консультациясы, бейінді мамандар кабинеттері, әкімшілік және клиникалық-диагностикалық зертхана орналасады.Фото: Қызылорда облысы әкімінің баспасөз қызметі

Қазақстан және Қызылорда облысының жаңалықтары