<a href="https://kyzylorda-news.kz/">Kyzylorda-news.kz.</a> Қазақстанда A4 форматағы кеңсе қағазы қымбаттап жатыр.
Abdi кеңсе тауарлары желісінде бүгіннен бастап Svetocopy қағазының қаптамасы 3 500 теңге тұрады. Бұған дейін қағаз 3 мың теңгеден сатылған. Бұл 30 сәуірге дейін жалғасады, әрі қарай баға қалай өзгеретіні белгісіз. Бір адамға бес қаптамадан артық сатылмайды.
Бұл талап Abdi сайтында да сақталған. Olx.kz сайтындағы баға да осындай – бір қаптама шамамен 4 мың теңге тұрады.
Кеңсе тауарларының интернет-дүкенінде «Снегурочка» брендінің қағазы бар, бір қаптама 4 мың теңге тұрады. 
Бұған дейін индустрия және инфрақұрылымдық даму министрі Қайырбек Өскенбаев Қазақстанда қағаз өнімдерінің тапшылығы болмайтынын айтты. Біздің елге қағаз ең алдымен Ресейден, содан кейін Түркия және Қытайдан жеткізіледі.
Министр қазіргі импорттаушыларға қатысты кедергі туындаған жағдайда Қазақстанның баламалы бағыттары жеткілікті екенін айтты.
<blockquote>
 «Бізде қағазды кесу бойынша өндіріс бар, яғни орама қағаз әкелінеді, мұндай екі зауыт бар. Біз шикізатты осы елдерден әкелеміз», – деді ол.
</blockquote>
Неліктен ірі сауда желілері қағаз бағасын бірнеше есе көтереді деген сұраққа Өскенбаев бұл ақпаратты арнайы органдар тексеретінін айтты. Бірақ неге баға көтерілгенін білмейтінін жеткізді.
<blockquote>
 «Баға неге қымбаттап кеткенін білмеймін. Кеше ғана менің тапсырмам бойынша Аbdi дүкендеріне кірдік. Олар 3000 теңгеден сатса, басқа дүкендер 5-6 мың теңгеден сатып жатыр. Маған таңертен Abdi де бағаны көтергенін айтты. Тиісті органдар қайта тексереді. Себебі бұл басқа органдардың құзыретінде», – деді министр.
</blockquote>
Наурыздың ортасында Қазақстанда қағаз шамамен 1 500 теңге тұрды. Алты күн бұрын құны 3-4 мың теңгеге дейін, ал жекелеген дүкендерде 6 мыңға дейін жеткен.
Мамандар тапшылықты Қазақстанда да, Ресейде де қағаз өндірісі үшін шикізат жеткізудегі іркіліспен байланыстырды.
<a href="https://sputnik.kz/20220331/dukender-kense-qagazy-23866723.html">Sputnik Қазақстан</a>

Дүкендерде кеңсе қағазы тағы қымбаттады

<a href="https://kyzylorda-news.kz/">Kyzylorda-news.kz.</a>&nbsp;Тик-ток, инстаграм сынды желілермен қатар, бүгінде заман талабына сай жаңарған ұлттық әшекейлер мен бұйымдар сәнге кіре бастады. Соңғы уақытта Наурызда ғана емес, күнделікті өмірде тақияны басынан тастамайтын жастар саны артып келеді. @taqiialym атты шағын ісі бар, қолөнермен айналыса отырып, тақияларға қайта жан бітірген талантты бойжеткен Марияш Жусуп Алматы қаласында дүниеге келген. Жиырма бір жастағы бойжеткен қазір Қазақ Бас Сәулет-Құрылыс Академиясының «Сәулет» факультетінің 4 курс студенті.
<img src="https://kyzylorda-news.kz/wp-content/uploads/2022/04/0e242665c81647b649e8ad13a37b93a0.jpg" alt="" />
– Соңғы уақытта қазақи әшекейлер «трендке» айнала бастады? Сіздің бұл іспен айналыса бастауыңызға не арқау болды?
– Өз басым мәдениетімізге келгенде «тренд» сөзінің қолданғанын жақтыртпаймын. Ұлттық әшекейлер мен киімдереміздің сән әлеміндегі өзектілігінің артуы немесе қазақи стильдің модернизациялануы деп атауды жөн коремін.
Тақия тігу идеясына келсек, негізінде мектеп кезінен бастап қазақи нақыштағы жасалған киімдерді заманауи, күнделікті киіммен үйлестіру қызықтыратын. Ұлттық әшекей бұйымдары, камзол, табиғи матадан жасалған көйлектер күнделікті гардеробымның бір бөлігіне айналды.&nbsp;
Сонымен қатар, Қазақстан тарихын, қазақ мәдениетін терең зерттеуге деген құштарлығым болған. Соңғы уақытта қазақ халқының бас киімдері қызықтыра бастады, көптеген әдебиеттерді, мақалаларды оқып шықтым. Көбінесе&nbsp; Ибраева К. «Казахский орнамент», Лобачева Н.П. Сазонова М.В. «Традиционная одежда народов Средней Азии и Казахстана», Айша Галимбаеваның иллюстрацияларымен, Сара Есовның басылымында жарық көрген «Казахский народный костюм» секілді кітаптармен таныса отырып,&nbsp; өзіме пайдалы мәлімет алдым: бас киімдердің жыныс бойынша, жас бойынша қандай түрге бөлінетіні және тағы да басқа керек құнды ақпараттарға қанықтым.
<img src="https://kyzylorda-news.kz/wp-content/uploads/2022/04/perizat.jpg" alt="" />
«Перизат» такиясы
Тұрмысқа шығып, ана атанған әйелдердің бас киімі&nbsp; кимешек туралы қызықты мәліметтер алдым: бас киімді жаңа босанған әйелдің омырауына салқын тимес үшін, баланы ыңғайлы емізу, емізген кезде баланың бетін күн сәулелерінен қорғау үшін, ал ең бастысы әйелдің ана атанғанын ерекшелеп атап өту мақсатымен киген. Әйел кимешегін шешіп, жерге тастау арқылы арадаға жанжал мен ұрыстарды тоқтататын болған. Бұл сол кезде анаға деген құрметтің соншалықты жоғары болғанын көрсететіндей.&nbsp;
Ал тұрмысқа шықпаған қыздар әсем безендірілген тақия киген, соған өзім де қызықтым. Әдемі, талғамыма сай келетін, минималистік стильде тақия іздедім, өкінішке қарай, таба алмадым. Көп ойланбай, қолдан тігейін дегене шешімге келдім. Солай, осыдан жарты жыл, бірінші&nbsp; «Перизат» атты тақиямды тігіп шықтым.
– **Тігінге қызығушылығыңыз қалай оянды? 
**-Мектепте оқып жүргенде «технология» сабағында әртүрлі тігін бұйымдарын тігуді үйреткен. Қызығушылығым сол кезде оянған. Кейін қабілетімнің барын да аңғара бастадым.
– **Өзіңіздің ең сүйікті туындыңыз? Тақияларға атау берерде неге мән бересіз? 
**– Алматылық қаласының тумасы болғандықтан шығар, ең сүйікті туындым – «Алатау» тақиясы. Шетелде оқуда жүргенімде осы тақиям жүрегіме жылы, жайлы Алматымды еске салатын.&nbsp;
<img src="https://kyzylorda-news.kz/wp-content/uploads/2022/04/alataw.jpg" alt="" />
«Алатау» тақиясы
Тақияның атауы үлгінің бейнесіне байланысты беріледі. Мысалы, «Қорлан» тақиясы «Жау жүрек мың бала» фильміндегі Қорлан атты кейіпкермен байланысты. Батыл әрі жігерлі бойжеткен бейнесін тақиямның дизайнында көрсетуге тырыстым. Тақия атаулары адам есімдерінің мағынасына байланысты қойылады. «Перизат» есімі – сұлу, сымбатты деген мағынаны береді, тақия да соны көрсетуі тиіс.
– **Қазиқи нақыштағы қолөнерді әлемдік брендке айналдыру ықтималдылығы қандай? 
**– Өте жоғары. Жоғарыда айтып кеткенімдей, біраз уақыт Италия мемлекетінде білім алдым. Сол кезде Еуропа мемлекеттерінің ұлт өкілдері менің тақияларыма, тағып жүрген әшекей бұйымдарына ерекше қызығушылықпен қарайтын. Көбісі әдемілігіне тамсанғаны соншалықты, тіпті тапсырыс беруге ниеттерін білдірді. Осыны ескере отырып, ұлттық қолөнеріміз бүкіл әлемді тамсандыратынына сенімдімін.
<img src="https://kyzylorda-news.kz/wp-content/uploads/2022/04/takija.jpg" alt="" />
– **Тақияны дайындау сатылары қандай? 
**– Негізгі бес сатыны атап шыға аламын. Бірінші үлгі дизайнын ойлап табу. Екінші үлгіні орындау және сынау. Үшінші тігін тігудің технологиялық картасын құру. Төртінші дайындық кезеңі және материалдардан бөлшектерді кесу. Бесінші тігін тігу, өңдеу және әрлеу.
Осы сатыларға кірмейтін мата таңдау, әшекей бұйымдарды жасап шығару, дайын тақияны арнайы дизайнмен шығарылан орамамен орау секілді сатылар бар.
– **Болашаққа жоспарыңызбен бөлісе кетсеңіз 
**– Ісім қазіргі таңда кішігірім, сонымен қатар жоғарғы оқу орнында оқып жатырмын. Сол себепті ісімді асықпай дамытуды көздеп отырмын.&nbsp;Жақын болашақта жаңашылдандырылған, көше стиліндегі заманауи киіммен үйлесетін тақиялар шығарғым келеді.
– **Тақия тігуде басқа, қандай хоббилеріңіз бар? 
**– Хоббилеріме туризм, әуесқой фотосурет, аспаздық, пианино тарту, сурет салуды жатқыза аламын.
– **Көптің арасынан озып шығу үшін шеберге қандай қасиеттер керек? 
**– Менің ойымша өзіндік, қайталанбас стильдің болуы – ең маңызды критерий. Өзге шеберлердің үлгілерін қайталамай, затын тек әдемі қылып жасап шықпай, өндіріс барысында теориялық білімін нығайтып, ең кіші детальдарына дейін мән беру керек. Қазіргі кезде көптеген тігіншілер сәукеле деп моңғол халқының ұлттық «буктаг» бас киімін жасап сатып жатыр. Табыс қуалап мәдениетімізді жоғалтып алмауымыз керек.&nbsp;
Сонымен қатар, адал еңбек жасап, әріптестерге құрметпен қарап және тапсырыс берушінің алдында шынайылық&nbsp; пен сыйластық таныту маңызды.
<a href="https://massaget.kz/kyizdarga/sn/67698/">massaget.kz</a>

«Тақиялы» Марияш: Табыс қуалап мәдениетімізді жоғалтып алмауымыз керек

<a href="https://kyzylorda-news.kz/">Kyzylorda-news.kz.</a>&nbsp;Үндістандық эндокринолог Д.Моди рамазан айында ораза ұстаған қант диабеті бар жандарға ауызашар кезіндегі дұрыс тамақтану кеңестерін айтты, деп хабарлайды <a href="https://stan.kz/dariger-ramazan-ayinda-oraza-ystagan-kant-diabeti-bar-z-362431/">Stan.kz</a>.
Биылғы жылдың 2 сәуіріне сәйкес келетін рамазан айында мұсылмандар күн батқанға дейін барлық тағамнан бас тартып ауыз бекітеді. Бұл ереже әсіресе қант диабетімен ауыратын адамдар үшін қиындау. Модидің айтуынша, қандағы қант деңгейінің қауіпті ауытқуын болдырмау үшін олар арнайы диетаны ұстануы керек.
<blockquote>
 «Ауызашар кезінде дұрыс тамақтану өте маңызды. Кешкі ас&nbsp;құнарлы және пайдалы болуы керек. Бірақ аз мөлшерде», –&nbsp;деп түсіндіреді маман.
</blockquote>
Ол ас мәзіріне&nbsp;көкөністерді, жемістерді, бұршақтарды және сүзбені қосуды ұсынды. Диабеті бар жандарға майға қуырылған, тәтті тағамдарды жеуге болмайды.&nbsp;Тәтті&nbsp;жеміс шырындары мен газдалған сусындар бұл кезеңде өте зиян екенін айта кетті.&nbsp;
Бұған дейін диетолог Александр Андреев ораза кезінде етті алмастыратын және ағзаға маңызды дәрумендер мен микроэлементтер беретін өнімдерді атады. Ол сұлы, арпа, қара бидай, жүгері және қарақұмық сияқты дәнді дақылдармен,&nbsp;көкөніс пен бұршақ сорпаларымен ораза мәзірін әртараптандыруды ұсынды.

Қант диабеті бар адамдар оразада қандай тағам жеуі керек

Kyzylorda-news.kz. 3 сәуір күні Қазақстанның басым бөлігі антициклон жотасының ықпалында болғандықтан, жауын-шашынсыз ауа райы сақталады, деп хабарлайды Қазгидромет.
Елдің тек солтүстігінде, батысында және оңтүстіктің таулы аймақтарында жаңбыр мен қар түрінде жауын-шашын күтіледі.
Республика бойынша тұман, көктайғақ, желдің күшеюі, оңтүстік-батыста шаңды дауыл, найзағай болжанады.
Қызылорда обылысында күн бұлтты, ауа температурасы +24 +26 градусты көрсетеді.

Жексенбі күнге арналған ауа райы болжамы

Kyzylorda-news.kz. Бүгін Сыр өңірінде «Батыс Европа-Батыс Қытай» автожолы бойында «Жан-арай» көпсалалы агроиндустриялды кешені ашылды.
Жаңақорған ауданы, Қожамберді ауылдық округінде орналасқан жаңа нысанның ашылу рәсіміне облыс әкімі Гүлшара Әбдіқалықова, ҚР Парламенті Сенатының депутаты Мұрат Бақтиярұлы, Мәжіліс Төрағасының орынбасары Балайым Кесебаева қатысып, ел игілігіне бағытталған нысанның лентасын қиды.
“Қарапайым заттар экономикасы” мемлекеттік бағдарламасы аясында кешенді ашқан облыстық мәслихат депутаты, меценат Бақдәулет Махашов жергілікті 200-дей азаматты жұмыспен қамтыды. 
Аймақ басшысы елге жанашыр азаматтың аймақ экономикасына, ауыл шаруашылығы саласындағы өнім қорын ұлғайтуға мүмкіндік беретін ірі кешенді елге табыстап, туған жерге тарту жасағанын тілге тиек етіп, агроиндустриалды кешеніннің маңыздылығын атап өтті.
<blockquote>
 Бүгін, қасиетті айдың басталуымен қатар заман талабына сай салынған «Жан-арай» көпсалалы агроиндустриалды кешенін пайдалануға бергелі тұрмыз. 
 Президенттің наурыз айындағы «Жаңа Қазақстан: Жаңару мен жаңғыру жолы» атты Жолдауында Үкіметке және өңірлерге дағдарысқа қарсы кезек күттірмейтін шараларды қабылдау және егін науқанын мерзімінде бастауды тапсырды. Қазіргі таңда Сыр дихандары көктемгі дала жұмыстарына қызу дайындықпен кірісіп кетті. 
 Кешен өңірдегі азық-түлік бағаларының тұрақтылығын сақтауға, өңір тұрғындарын өз өнімімізбен қамтамасыз етуге және көрші облыстардан жоғары бағада келетін көкөніс көлемін азайтуға мүмкіндік береді. Жаңа нысан баршаңызға құтты болсын! – деді Г.Әбдіқалықова.
</blockquote>
Кешеннің аумағы кең, мұнда алма бағы, қызанақ өндіру, өңдеу, сату қоймасы, сондай-ақ, 300 орындық мейрамхана, қонақүй, 1500 тоннаға есептелген көкөніс қоймасы және басқа да қажетті қызмет көрсету нысандары бар.
Айта кетейік, өңірде өңдеу өнеркәсібі саласында 2026 жылға дейін жүзеге асатын 21 ірі инвестициялық жобалар пулы қалыптасты. Соның ішінде, агроөнеркәсіп кешені саласында жалпы құны 43,1 млрд. теңгені құрайтын 6 жобаны жүзеге асырылмақ.
<img src="https://kyzylorda-news.kz/wp-content/uploads/2022/04/fb_img_1648890613472.jpg" alt="" />
<img src="https://kyzylorda-news.kz/wp-content/uploads/2022/04/fb_img_1648890608415.jpg" alt="" />
<img src="https://kyzylorda-news.kz/wp-content/uploads/2022/04/fb_img_1648890617587.jpg" alt="" />
<img src="https://kyzylorda-news.kz/wp-content/uploads/2022/04/fb_img_1648890605892.jpg" alt="" />
<hr />

Қызылордада көпсалалы агроиндустриялды жаңа кешен ашылды

<a href="https://kyzylorda-news.kz/">Kyzylorda-news.kz.</a> Әлеуметтік желілер, ойындар, мессенджерлер: әлемдегі соңғы жаңалықтарды оқу үшін және жаңа суреттегі лайктар санын тексеру үшін күні бойы қолымыздан смартфон түспейді. Кітап оқуға немесе спортпен айналысуға уақыт жетпейді деп жатамыз. Алайда ұялы телефон мен басқа гаджеттерге қанша уақыт жұмсайтынымызды байқамаймыз. Күнде смартфонға ұзақ қарап отыру біздің эмоциялық та, физикалық та жағдайымызға әсер етеді.
Арқа ауырады 
Егер смартфонға ұзақ қарап отыруға немесе ыңғайсыз күйде ойын ойнап отыруға үйреніп қалған болсаңыз, арасында арқаңыз және беліңіз ауыратынын байқаған боларсыз. Себебі кеуде және мойын бөліктері қиналады. Мысалы, ұялы телефоннан бірдеңе оқырда басыңызды төмен салбыратасыз, мойын бұлшықеттеріне салмақ түсіресіз, ал ол жүйкелердің қысылуына әкелуі мүмкін. Мұндай ауырсынулар асқынып кетпес үшін және омыртқа қисаюын болдырмас үшін әрқашан басты тіке ұстауға тырысыңыз. Сондай-ақ, жүріп оқудан бас тартыңыз және телефонды беттен 40 сантиметр алшақтықта ұстаңыз. Әрине, ең бастысы — жаттығулар жасауды ұмытпау.
Көру нашарлайды 
Егер жұмыс күнін тек монитор алдында өткізсеңіз, ал одан кейін үйге келе жатқанда және тамақ ішіп отқанда экранға қарап отсаңыз, құрғақ көз синдромына жолыққан болуыңыз әбден мүмкін. Оған қоса, смартфондағы ұсақ мәтінді оқу кезінде көзді қатты күйзеліске шалдықтырасыз. Гаджеттермен әуестену көздің тез шаршауын шақырады. Бұл әдетіңізді өзгертпесеңіз, уақыт өте нашар көре бастауыңыз мүмкін. Мұндай жағдай орын алмас үшін көзді әр 20-30 минут сайын демалтуды ұмытпаңыз және экранға сирек қарауға тырысыңыз.
Тері проблемалары пайда болады 
Смартфон — түрлі бактериялардың ұясы. Оның күні бойы лас заттармен жанасатынын ұмытпаңыз. Ал сіз оны сөйлесу үшін немесе дауыстық хабарлама тыңдау үшін бетіңізге қайта-қайта тақайсыз. Смартфон бетінде болатын бактериялар бөртпе мен дерматит пайда болуына және тері тітіркенуіне итермелеуі мүмкін. Мұндай проблемалардың пайда болу қаупін азайту үшін гаджеттер тазалығын сақтаңыз. Мысалы, оларды антибактериялық майлықтармен сүртіңіз және кез келген жерге қоя беруді қойыңыз.
Мазасыздануға жаңа себептер пайда болады 
Қазір қылмыстар, экологиялық және экономикалық проблемалар, түрлі апаттар жайлы ақпарат көп. Мұндай жазбалардың жағымсыз эмоцияларды шақырмауы және мазасыздануға әкелмеуі мүмкін емес. Үнемі әлеуметтік желілерде отыру — заманауи адамда депрессияның пайда болуына себепші фактордың бірі. Егер жаңалықтар оқығаннан кейін өзіңізді мазасыз сезінетініңізді байқасаңыз, әлеуметтік желілерде өткізетін уақытты азайтуға тырысыңыз.
«Уыстан шығарылған пайда» синдромы дамиды 
«Уыстан шығарылған пайда» синдромы — үнемі қызықты нәрсені (жаңалықты) немесе қандай да бір мүмкіндікті жіберіп алудан қорқу. Әлеуметтік желілердегі адамдардың қарым-қатынасын көре алмау да бұл синдромның пайда болғанын білдіреді. Басқа адамдардың бақытты өмірін бақылай отырып, біз өзімізді күйзеліске түсіртеміз және өз өмірімізді іш пыстырарлық санаймыз. Мұндай ойлар өз-өзіңізді бағалауыңызды түсіріп жіберуі мүмкін.
Басқалармен сөйлесу дағдысы нашарлайды 
Әрбір адамның мынадай бір танысы бар: сіз онымен сөйлесіп отсаңыз да, ол әлеуметтік желідегі лентасын жаңартып отырады. Бұл әрекетті психологияда фаббинг деп атайды және ол әңгімелесушіні елемеудің бір әдісіне жатады. Ал басқа адамдар өздерін сенімсіз сезінсе, телефонды пайдалана бастайды: олар үшін смартфон құтқарушы затқа айналған. Әлеуметтік желілерде жиі отыру және тұйық өмір салты уақыт өте адамның басқалармен араласу дағдысының нашарлауына әкеледі. Сондықтан достарыңызбен жиі кездесіңіз және әлеуметтік желілерді ұмытуға көмектесетін жаңа хобби табуға тырысыңыз.
<a href="https://massaget.kz/layfstayl/zhadnama/67692/">MASSAGET</a>

Смартфоннан болатын 6 жағымсыз әсер

<a href="https://kyzylorda-news.kz/">Kyzylorda-news.kz.</a> Пітір садақасы қажеттілігін қоспағанда, мал-мүлкі нисаб<a href="https://www.muftyat.kz/kk/articles/ramazan-dristeri/2022-03-29/39081-pitir-muktazhdy-kuantatyn-sadaka/#_ftn1">[1]</a>&nbsp;мөлшеріне жеткен әрбір мұсылманға беруі – уәжіп<a href="https://www.muftyat.kz/kk/articles/ramazan-dristeri/2022-03-29/39081-pitir-muktazhdy-kuantatyn-sadaka/#_ftn2">[2]</a>. Ол – оразаның қате-кемшіліктерін толтыратын, Құдайға шүкіршілік ету үшін берілетін және кедейлерді қуантатын садақа.
Ибн Омардан жеткен хадисте былай дейді:
فرض رسول الله زكاة الفطر من رمضان صاعا من تمر أو صاعا من شعير على العبد الحر والذكر والأنثى والصغير والكبير من المسلمين وأمر بها أن تؤدى قبل خروج الناس إلى الصلاة
«Алла елшісі&nbsp;Рамазан айында пітір садақасын әрбір азат мұсылманға, ер мен әйелге, үлкен мен кішіге бір сағ құрмадан немесе арпадан беруді міндеттеді.&nbsp;&nbsp;Әрі оны адамдар Айт намазы басталмай тұрып өтеуді әмір етті»<a href="https://www.muftyat.kz/kk/articles/ramazan-dristeri/2022-03-29/39081-pitir-muktazhdy-kuantatyn-sadaka/#_ftn3">[3]</a>.&nbsp;&nbsp;
Ибн Аббастан (Алла оған разы болсын) риуаят еткен хадисте:
&nbsp;فرض رسول الله صلى الله عليه وسلم زكاة الفطر طهرة للصائم من اللغو والرفث &nbsp;وطعمة للمساكين &nbsp;
«Алла елшісі&nbsp; (оған Алланың салауаты мен сәлемі болсын) пітір садақасын беруді Рамазан айындағы ораза кезінде жіберілген қателіктерді тазарту үшін әрі міскіндерге бір той болу үшін міндет еткен»&nbsp;<a href="https://www.muftyat.kz/kk/articles/ramazan-dristeri/2022-03-29/39081-pitir-muktazhdy-kuantatyn-sadaka/#_ftn4">[4]</a>, – делінген.
Тұрмысы нашар, яғни артық мал-мүлкі нисаб мөлшеріне жетпеген кісі пітір садақа беруге міндетті емес, сауап үшін беріп жатса, өз еркі. Қайтыс болған адамдарға, ана құрсағындағы балаға пітір садақа берілмейді.
Пітір садақаның мөлшері бидай немесе ұн және мейізден – жарты сағ (2 кг), ал арпа мен құрмадан – бір сағ (4 келі), яғни осылардың ақшалай құны беріледі<a href="https://www.muftyat.kz/kk/articles/ramazan-dristeri/2022-03-29/39081-pitir-muktazhdy-kuantatyn-sadaka/#_ftn5">[5]</a>.2022 жылғы пітір садақасы нарықтағы орташа бағамен есептеліп, төмендегідей болып бекітілді:
Бидайдың 2 келісі – 310 теңге.
Ұнның 2 келісі – 500 теңге.
Арпаның 4 келісі – 630 теңге.
Мейіздің 2 келісі – 4990 теңге.
Құрманың 4 келісі – 9135 теңге.
Әр адам мүмкіндігіне қарай жоғарыдағы көрсетілген өнімдердің қалаған бір түрінен пітір садақа берсе, мойнынан міндеті түседі.
Қазіргі таңда тұтынушалыр арасында бидайдың өзі емес, ұн, талқан секілді оның өнімдері кеңінен қолданылады. Сол себепті Қазақстан мұсылмандары діни басқармасы пітір садақасы құнын ұнмен есептеуді негізге алады. Өйткені шариғатта бидаймен қатар оның өнімдерімен де пітір садақа беруге рұқсат етіледі.
Пітір садақа берудің уәжіп уақыты – айттың бірінші күні. Пітір садақаны Рамазан айының бірінші күнінен бастап беруге болады<a href="https://www.muftyat.kz/kk/articles/ramazan-dristeri/2022-03-29/39081-pitir-muktazhdy-kuantatyn-sadaka/#_ftn6">[6]</a>. Уақытында бере алмаған жағдайда Айт намазынан кейін берсе де болады. Алайда пітірді Айт намазына дейін беру – мұстахаб. &nbsp;
Осыған орай 2022 жылғы Рамазан айында бір адам үшін берілетін пітір садақа мөлшері 2 келі ұнның нарықтағы орташа бағасымен есептеліп, 500 теңге етіп белгіленді. Дегенмен бай, ауқатты адамдар пітір садақаны 2 келі мейізбен (4990 теңге) немесе 4 келі құрмамен (9135 теңге) бергені жақсырақ. Ал підия мөлшері – бір адамның күнделікті (таңғы және кешкі) тойып ішетін асы. Оның биылғы мөлшері 3000 (үш мың) теңге болып бекітілді. Бұған шамасы келмегендер оразаның әр күніне пітір садақасының құнын береді.&nbsp;
Сансызбай ШОҚАНОВ,
ҚМДБ Төрағасының орынбасары, наиб мүфти,
Шариғат және пәтуа бөлімінің меңгерушісі

Пітір – мұқтажды қуантатын садақа

<a href="https://kyzylorda-news.kz/">Kyzylorda-news.kz.</a> Ахмет Байтұрсынұлы: «Қазақтың бас ақыны Абай (шын аты Ибраһим) Құнанбаев. Онан асқан бұрынғы-соңғы заманда қазақ баласында біз білетін ақын болған жоқ» деп жазды 1913 жылғы «Қазақ» газетінде жарияланған мақаласында.&nbsp;Алаш зиялыларының жетекшісі Хәкім Абайдың тек ақын емес, ислам ғұламасы һәм заманының озық ойшылы екенін білгенінде шүбә жоқ. Алайда, Абай мұрасын сақтап А.Байтұрсынұлының өз тілімен айтқанда: «Абайды қазақ баласы тегіс танып, тегіс білу» үшін ақындық қырын ғана жазуда. Өйткені, кешегі қанды жүйе қазақ руханиятының талай тарландарының есімі мен еңбектерін тарихтан біржолата жойып жіберді.
Абайды жалпы жұрт ақын деп, оның еңбектерінің ақындық тұсы ғана зерттелді. Бүгінде, Хәкім мұрасын исламтанушылар зерттеуі кезек күттірмес мәселе. Бұл өте өзекті. Өйткені, Абайдың шығармасы тұнып тұрған шариғат. Алайда, Ахаң айтпақшы: «Сөзі аз, мағынасы көп, терең. Бұрын естімеген адамға шапшаң оқып шықсаң, түсініп, көбінің мағынасына жете алмай қалады». Абайды түсіну, оның орамды ой толғауларын жұртшылыққа түсіндіру оңай шаруа емес. Заманының заңғар тұлғасының қаламынан туындаған ойларын түсіну діни білімді қажет етеді. «Даналық – мұсылманның жоғалтқан меншігі» деген мағынадағы хадисте айтылғандай, ислам ойшылдары еңбектерінің бір парасы даналық, яғни хикметтер деп аталады. Мәселен, Ахмет Ясауидің «Диуани хикметі» сияқты. Абайдың да шығармасы даналықтар топтамасы болғандықтан оны Хәкім десе керек. Ойшылдың қара сөздерінің бір атауы ғақлия. Ата дініміз исламда діни таным нақыл және ақыл жолымен үйретіледі. Абайдың ғақлиясы шариғат мәтіндері жайлы ой толғауын көруге болады. Ғұламаның ғақлиясы теңдесі жоқ туынды.
<blockquote>
 Абайдың танымындағы таухидке зер салсақ. Ол қалың бұқара халыққа қарапайым тілмен күрделі тақырыптарды жеткізуде. Мәселен, он екінші сөзінде мұсылманшылық жайлы:&nbsp;«Кімде-кім жақсы-жаман ғибадат қылып жүрсе, оны ол ғибадаттан тыюға аузымыз бармайды, әйтеуір жақсылыққа қылған ниеттің жамандығы жоқ қой дейміз», – деп ой қозғайды. Десе де, құлшылық толыққанды болуы үшін:&nbsp;«Әуелі – иманның иғтиқатын махкамлемек керек, екінші – үйреніп жеткенше осы да болады ғой демей, үйрене берсе керек. Кімде-кім үйреніп жетпей жатып, үйренгенін қойса, оны құдай ұрды, ғибадаты ғибадат болмайды», – деп екі шартты баяндайды. Демек, құлшылық дұрыс болуы иғтиқат (ақида) дұрыс болуымен өлшенеді. Ал, он үшінші сөзінде:&nbsp;«Иман деген – Алла табарака уа тағаланың шәриксиз, ғайыпсыз бірлігіне, барлығына уа әр түрлі бізге пайғамбарымыз саллалаһу ғалайһи уәссәлләм арқылы жіберген жарлығына, білдіргеніне мойын ұсынып, инанмақ»&nbsp;деп яқини иман мен тақлиди иман жайлы жазады.
</blockquote>
Ойшыл сөзін жалғастыра келе:&nbsp;«Енді мұндай иман сақтауға қорықпас жүрек, айнымас көңіл, босанбас буын керек екен. Якини иманы бар деуге ғылымы жоқ, таклиди иманы бар деуге беріктігі жоқ, я алдағанға, я азғырғанға, я бір пайдаланғанға қарап, ақты қара деп, я қараны ақ деп, өтірікті шын деп ант ететұғын кісіні не дейміз?»&nbsp;деп яқини немесе тақлиди иманы жоқ кісінің сенімін ұрлау немесе ең сорақысы бұрмалау оңай екенін айтып, сақтандыра келе&nbsp;«Әрнешік білмек керек, жоғарғы жазылмыш екі түрліден басқа иман жоқ»&nbsp;деп иманның осы екі түрінен басқа сенім жоқтығын айтады.
Ал, жиырма жетінші сөзінде Сократ пен Аристодим сұхбаты арқылы тәфәккур, яғни Жаратушы жайлы ойлауды түсіндіреді. Аталмыш сұхбатта ұстаз сұрақ қою арқылы шәкіртіне имани дәріс беруде. Әуелі, өнері және қабілеті арқылы қалың жұртшылықты таң қалдырған тұлғалар жайын сұрайды. Аристодим Гомер, Софокл және Зевксис жетістіктерін өнердің ең биік шыңы дегенде ұстазы: «Олай болса, кім артықша ғажайыптануға лайықты: жансыз, ақылсыз, құр пішінді жасайтұғын суретші ме? Я жан иесі, ақыл иесі адамды жаратушы ма?» деп айтпақ ойын тереңдете түседі. Мұнан соң он сегіз мың әлемнің шағын нұсқасы адам жаратылысына зер салуға шақырады. Дәлірек айтқанда, хауаси хамса, яғни адамның бес сезімі жайлы тәфәккур етеді. Ұстазы адамның жаратылуы асқан шеберліктің айқын белгісі екенін түсіндіреді. Сонда шәкіртінің «тахқиқ ойлап тексергенде, адамды жаратушы артық хикмет иесі екендігіне һәм махаббатыменен жаратқандығына шүбәсі қалмады», – дейді.
Зер салсаңыз, Хәкім Абай осы сұхбат арқылы Жаратушыны жаратқан туындысы арқылы тану иманды күшейтетіндігін көрсетуде. Ақида кітаптарында: Алланы танимын десең, Оның заты туралы емес, жаратқан туындыларын ойлау арқылы таны, – дейді. Он сегіз мың ғаламды махаббатпен жаратқан Алланың мейірімі шексіз екенін айтады. Демек, иманның бастауы – Жаратушыға деген махаббат. Хәкім Абай:
Махаббатпен жаратқан адамзатты,
Сен де сүй ол Алланы жаннан тәтті.
Адамзаттың бәрін сүй бауырым деп,
Және хақ жолы осы деп әділетті.
Осы үш сүю болады имани гүл,
Иманның асылы үш деп сен тәхқиқ біл, – дейді.
Аллаға иман ету – Рахман һәм Рахим Алланы жақсы көру. Әрбір мұсылманға бауырлық мейіріммен қарау. Үшіншісі, әділетті сүю. Ал енді, иманға залалы тиетін пиғылдар жайлы:&nbsp;
Осыларды бұзатын және үш іс бар:
Пайда, мақтан, әуесқой – онан шошы.
Руза, намаз, зекет, хаж – талассыз іс,
Жақсы болсаң, жақсы тұт бәрін тегіс.
Бастапқы үшін бекітпей, соңғы төртті
Қылғанменен татымды бермес жеміс, – деп түйіндейді.
Демек, исламның негізі, бес парызының төртеуі имансыз пайдасыз. Дана Абайдың шығармасын талдау, түсіну ешуақытта маңыздылығын жоймайтын мәселе.
Төлеби ОСПАН,&nbsp;
Алматы қаласының бас имамы

Абай танымындағы таухид

Kyzylorda-news.kz. Белгілі халық жазушысы, КСРО мемлекетік сыйлығының лауреаты, Қазақстан Республикасының Еңбек Ері Әбдіжәміл Кәрімұлы Нұрпейісов үстіміздегі жылдың ақпан айында 98 жасқа қараған шағында дүниеден озды.
Қарт қаламгер көзі тірісінде кіндік қаны тамған туған жері Беларан ауылдық округіндегі төбеден көк теңізді шақырып жатам деген ниетпен арнайы белгі қойдырған болатын.
Жазушы өмірінің ақырғы күндеріндегі аманатына сәйкес Алматы қаласындағы «Кеңсай – 2» зиратынан мәңгілік мекен тапты.
Беларан төбедегі белгі маңына жазушының жамбасы тиген жерден жеткізілген топырақ салынып, теңізді өлкенің төл перзентін еске алу шарасы өтті.
Шараға облыстық мәслихат хатшысы Наурызбай Байқадамов қатысып, Әбджәміл Кәрімұлы шығармашылығымен Ұлы дала үнін, тарихын жеткізе білген бірден бір жазушы екендігіне тоқталды. Өмірінше теңіздің қайта оралуын тілеп өткен, көзі тірісінде көптеген құрметке ие болған қазақ әдебиетіндегі көрнекті тұлға есімінің мәңгі сақталуы үшін бүгінгідей шараларды өткізудің маңызы зор екендігін атап өтті.
<blockquote>
 Одан соң аудан әкімі С. Сермағамбетов сөз алып: «Қай қоғамда болмасын қалам ұстаған азаматтардың орны бөлек, бәсі биік. Бір ғана «Қан мен тер» романы арқылы әдебиет сүйер қауымның құрметтісіне айналған абыздың артында том-том туындылары мен аңыз ғып айтар естеліктері қалды.
 Қазіргі таңда аңыз тұлғаның ақырет алдындағы өзі қалаған орынның төңірегі қоршалды. Жақын күндері жан-жағы абаттандырылып, символикалық мәні бар қауырсын қалам бейнесіндегі арнайы белгі орнатылатын болады. Ол жұмыстардың басы қазіргі күннен басталып кетті. Өздеріңізбен бірге осы маңға ағаш көшеттерін отырғызатын боламыз. Бұл жер біз үшін абыздан қалған мұра, аңыздан қалған ақиқат алаңы болмақ. Әбеңнің рухын ардақ тұту мақсатында осы маңда бас қосып отырмыз. Ағамыздың жатқан жері жайлы, топырағы жеңіл болғай ! Орны пейіштің төрінен болсын !»- деді.
</blockquote>
Теңізбен бірге жасасқан қаламгерді еске алуға арналған шарада сөз алған Қазақ ССР Балық шаруашылығының бұрынғы министрі, Қызылорда облысы және Арал ауданының Құрметті азаматы Құдайберген Саржанов қазақ әдебиетінде өзіндік қолтаңбасы бар, өзгеше дүниетанамымен қалам тартқан жазушы халқының жадында ешуақытта ұмытылмайтындығын айтып, Әбеңнің ізбасарлары көбейе беруіне тілектестік білдірді.
Сонымен қатар, жерлес інілері Ақбасты ауылының ақсақалы Сәуелхан Смағұлов пен Беларан ауылдық округі ардагерлер кеңесінің төрағасы Дәулетов Сағидулла жазушымен болған әрбір кездесулерінің әсерлі өткенін айтып, түрлі естеліктерімен бөлісті.
Ал Әбдіжәміл Кәрімұлының інісі Шайхислам Сламбаев туған жері мен еліне алаңдап, оны шығармаларына арқау еткен жазушының есімі өскелең ұрпақ алдында әлі де жаңғыра бертініне сенім білдірді. 
Беларан төбесінде қазақ әдебиетінің қайталанбас тұлғасы, Ұлы Отан соғысының ардагері Әбдіжәміл Кәрімұлының рухына арнап, мал шалынып, құран бағышталды. 
Еске алу шарасына қатысушылар ескерткіш тақтасына гүл шоқтарын қойып, арнайы қойылған белгі маңына ағаш көшеттерін отырғызды.
<img src="https://kyzylorda-news.kz/wp-content/uploads/2022/04/fb_img_1648836137616-1.jpg" alt="" />
<img src="https://kyzylorda-news.kz/wp-content/uploads/2022/04/fb_img_1648836128363.jpg" alt="" />
<img src="https://kyzylorda-news.kz/wp-content/uploads/2022/04/fb_img_1648836132338-1.jpg" alt="" />
<img src="https://kyzylorda-news.kz/wp-content/uploads/2022/04/fb_img_1648836145381.jpg" alt="" />

Аралдықтар жазушы Әбдіжәміл Нұрпейісовті еске алды

Kyzylorda-news.kz. Желіде Қазақстанның орталығында Ресей әскері орналасқандығы туралы ақпарат таратылып жатыр. ҚР Қорғаныс министрлігі бұл ақпаратқа қатысты түсініктеме берді, – деп хабарлайды&nbsp;&nbsp;<a href="https://stopfake.kz/kk/archives/11882">StopFake.kz</a>&nbsp;порталы.
Басылымның мәліметінше, әлеуметтік желіде Қостанайда ресейлік әскери техника жүргені туралы хабар тараған.
Қорғаныс министрлігі Желіде жарияланған бейнежазбада Байқоңырдың іздестіру-құтқару командаларын қамтамасыз ету бөлімшесінің Ресейдегі тұрақты орналасу пункттеріне кеткені көрсетілгенін атап өтті.
<blockquote>
 “Бөлімше Қостанай облысының Арқалық ауданына қонған ғарышкерлер капсуласын іздеу мақсатында ағымдағы жылдың 14 наурызынан бастап Қазақстанда болды”, – делінген ведомство хабарламасында.&nbsp;
</blockquote>
Еске салайық, бұған дейін Байқоңыр ғарыш айлағынан «Союз МС-21» ғарыш кемесі ұшырылды, сондай-ақ «Союз МС–19» кемесі қонған болатын.

Қорғаныс министрлігі Қостанай облысында жүрген ресейлік техниканың қайдан келгенін түсіндірді

Kyzylorda-news.kz. Қызылорда облысының әкімі Гүлшара Әбдіқалықова Рамазан айының басталуымен құттықтады.
<blockquote>
 “Барша мұсылман қауымы асыға күтетін он екі айдың сұлтаны, берекелі де кешірімі мол қасиетті Рамазан айының басталуымен шын жүректен құттықтаймын, ниеттеріңіз қабыл болсын!
 Бұл ай – рухымызды көтеріп, тазалық пен имандылыққа шақыратын кезең. 
 Алла тағала әрбір шаңырақтың құт-берекесі мен ырзық-несібесін молынан берсін! 
 Тұтқан оразаларыңызды, еткен ғибадаттарыңызды, тілеген тілектеріңізді қабыл етсін! 
 Тәуелсіз еліміздің тұғыры биік, іргесі берік болсын!”, – деді аймақ басшысы
</blockquote>

Қазақстан және Қызылорда облысының жаңалықтары