Kyzylorda-news.kz. Облыстық мәслихат хатшысы Н. Байқадамов пен уақытша комиссия төрағасы Г. Есқалиева және комиссия мүшелерінің&nbsp; облыста халықтың әлеуметтік жағынан осал топтарын қорғаудың жайы және оны жақсарту шаралары туралы мәселе бойынша жұмыс сапары Қазалы ауданында жалғасты.&nbsp;
Ерекше қажеттіліктері бар жандарды әлеуметтік қолдау және олардың өмір сүру сапасын арттыру мемлекеттік саясаттың басты бағыттарының бірі және бірінші кезектегі міндеттерінің бірі болып табылады.
Мүгедектігі бар адамдарды әлеуметтік қорғау саласындағы мемлекеттік саясат олардың қоғамға толыққанды кірігуіне және халықтың осы санаты басқалармен теңдей өмір сүріп, жұмыс істеп, білім алуы, қоғам өміріне еркін қатысуы, белгілі бір шешімдер қабылдауы және т. б. үшін кедергілерді еңсеруге, жоюға бағытталған.
Комиссия отырысында алғаш болып аудан әкімінің орынбасары Д.Тілеуімбетов баяндама жасады. Оның айтуы бойынша, қазіргі таңда аудан көлемінде мемлекеттік әлеуметтік жәрдемақы алушы мүгедектер саны 3219 құрап отыр. 1 топ мүгедектері -255, 2 топ мүгедектері – 1196, 3 топ мүгедектер – 1304. Жеті жасқа дейінгі мүгедек балалар – 125, 7-18 жас: 1 топ – 43 бала, 2 топ – 42 бала, 3 топ – 254 бала.
3219 азаматтың 2019-ы мүгедектігіне байланысты оңалтудың жеке бағдарламасымен қамтылған. 
2021 жылы Қызылорда қаласының «Талсуат» елді мекенінде орналасқан «Мүгедектерге арналған оңалту орталығына» 44 мүгедек оңалтуға жіберілді.
Мемлекет әлеуметтік тапсырыс бойынша жұмыс «Инватакси» қызметіне 2021 жылы облыстық бюджеттен бөлінген 6,4 миллион теңгеге 3 «Инватакси» көлігімен 3931 тапсырыс қабылданып, қызмет көрсетілді.
«Шапағат» мүгедек балаларға күндізгі жартылай стационарлық жағдайдағы оңалту орталығында арнайы қызмет көрсету бойынша Республикалық бюджеттен 16,0 миллион теңге қаралып, 25 балаға қызмет көрсетілді.
2021 жылы жұмыс іздеуші ретінде 5150 адам хабарласып, 2489 адам тұрақты жұмысқа орналасты. 2022 жылдың 1 наурызына жұмыс іздеуші ретінде 1508 адам хабарласып, 49 адам тұрақты жұмысқа орналасты. Ақылы қоғамдық жұмысқа 322 адам жіберілсе, жастар тәжірибесіне 22 адам және әлеуметтік жұмыс орнына 26 адам жіберілді.
2022 жылға атаулы әлеуметтік көмекке 160,4 миллион теңге қаралып, 1579 адамға төленеді деп жоспарланып отыр. 2022 жыл көлеміне «Инватакси» қызметін алушылар саны көбеюіне байланысты қосымша 3,0 миллион теңге қосымша қаржы қажет.
«Шапағат» оңалту орталығында арнайы қызмет көрсету бойынша бюджеттен 24,0 миллион теңге қаржы қаралып, 20 балаға қызмет көрсетілуде. 
Баяндамадан соң, облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары Ж. Даулетбаева жұмыспен қамту саласындағы мәселелерге қатысты ақпараттармен бөлісті. 
2022 жылға 381 адам грант алады деп көзделіп отыр. Жұмыспен қамту жол картасының бірінші бағытында инфрақұрылымдық жобаларды жүзеге асыруда 250 орындық мектеп салынды. Екінші бағыты 6% пайыздан аспайтын шағын несие беру. Сондай-ақ, Кәсіпкерлікті қолдау жөніндегі Ұлттық&nbsp; жоспар аясында қабылданған Жаңа бизнес идеяларға мемлекеттік грант беру Ережесі бекітілді. Көптеген азаматтар бюджеттің қаржысын көп жағдайда мақсатсыз пайдаланады. Қазір қайтарымсыз гранттар мақсатты түрде жұмсалу қажет.
Аталған ереженің кей тармақтарына сәйкес, ауылдық округ мамандары мен аудандық депутаттар Парламентке ұсыныс беру туралы өздерінің ұсыныс-пікірлерін білдірді.
Одан кейін, облыстық мәслихат депутаты І. Тілеп Қазалы қаласындағы ем алып жатқан жүйке аурулары науқастарының ғимаратына жөндеу жұмыстары жасалмағандығын және&nbsp; ұсынысты сессияда қарап, шешуді қажет ететіндігін қаперге алуды сұрады. Одан бөлек, облыстық мәслихат депутаты М.Өтеев, аудандық мәслихат депутаты Ғ. Әліш тарапынан да сауалдар қойылып, тиісті жауаптар берілді.
Отырыс соңында, Қазалы арнайы әлеуметтік қызметтер көрсету орталығы мен «Шапағат» мүгедек балаларды сауықтандыру орталығының жұмыс барысымен танысты.
Сондай-ақ, мүгедектерді әлеуметтік қорғау, көмек көрсету, медициналық кәсіптік оңалту, білім беру және олардың қоғам өміріне басқа азаматтармен бірдей белсене қатысуына мүмкіндіктер жасауға арналған және т.б жұмыстар алдағы уақытта өз жалғасын табатын болады.

Аймақта халықтың әлеуметтік жағынан осал топтарын қорғаудың жайы басты назарда

Kyzylorda-news.kz. Қазалы ауданының полиция бөліміне Қожабақы ауылының тұрғыны жылқыларының жоғалып кеткені туралы арызданған. Белгісіз біреулер бөтеннің мүлкін жасырын түрде жымқыру мақсатында ауылдың шетіндегі егістік алқаптан 3 бас жылқы малын сол жерде сойып, етін алып оқиға орнынан бой тасалаған. Жәбірленушіге келтірілген шығынның соммасы 1 млн. 400 мың теңгені құрады.
Аудандық полиция бөлімінің қызметкерлерінің атқарылған жедел-іздестіру іс-шараларының нәтижесінде күдікті3 азамат анықталып, ұсталды. Үшеуіде еш жерде жұмыста жоқ, облыс тұрғындары болып шықты. Казіргі таңда күдіктілерҚазалы АПб-нің уақытша ұстау изоляторына қамауға алынды.
Аталған дерек бойынша Қазақстан Республикасының Қылмыстық кодексінің 188-1-бабы2-бөлігінің 1-тармақшасы (алдын ала сөз байласу арқылы адамдар тобы жасағанмал ұрлығы) бойынша сотқа дейінгі тергеп-тексеру әрекеттері жүргізілуде.
<blockquote>
 «Полиция департаменті мал ұрлығына және малды еркін жаюдан мал ұрлығынаықпал ететін негізгі себеп-меншік иелерінің бақылауының болмауы және иелеріне: малды жайылымда қараусыз қалдырып, салғырттық танытпауға кеңес береді» -деді Қызылорда облысы Полиция департаментінің бастығы полиция полковнигі Бектөре Сұлтан.
</blockquote>
<img src="https://kyzylorda-news.kz/wp-content/uploads/2022/03/whatsapp-image-2022-03-08-at-13.21.26.jpeg" alt="" />
<img src="https://kyzylorda-news.kz/wp-content/uploads/2022/03/whatsapp-image-2022-03-08-at-13.21.28.jpeg" alt="" />

Қазалы: Егістік алқапта 3 жылқыны сойып алған қаскөйлер ұсталды

Kyzylorda-news.kz. Қытай астанасы Бейжің қаласында 2022 жылғы XIII қысқы Паралимпиада ойындарында пара биатлоннан түрегеп сырғанауда Александр Герлиц қола жүлдегер атанды, деп хабарлайды ҚазАқпарат.
Қазақстандық спортшы парабиатлоннан 10 шақырымға түрегеп сырғанауда жарыс жолына шықты. Ол еліміздің атынан аталған сайыста бақ сынаған жалғыз спортшы болатын. Александр Герлиц мәре сызығын үшінші болып қиды. Ол жарыс жеңімпазы атанған канадалық Марк Арендзден 1:25.6-ке қалып қойды. Күміс жүлдені украиналық Григорий Вовчинский алды.

Паралимпиада-2022: Қазақстандық парабиатлонист «қола» алды

<a href="https://kyzylorda-news.kz/">Kyzylorda-news.kz.</a> Осы көктемде түрлі түсті әрі ыңғайлы сөмкелер трендте болады. Киім үлгіңізді стильді әрі ерекше ету үшін бұл аксессуардың классикалық немесе әдеттен тыс түрлерін таңдай аласыз.
Hobo bag
<img src="https://kyzylorda-news.kz/wp-content/uploads/2022/03/swmka.jpg" alt="" />
Hobo bag немесе қап-сөмке — 2022 жылдың тренді. Мұндай сөмкелер сыртынан қарағанда шағын көрінгенімен, оның іші сыйымды келеді. Сондықтан оның ішіне барлық қажет ұсақ-түйек заттарыңыз сыяды. Оған қоса, оны иыққа асып алуға да болады. Әдетте, оны жұмсақ материалдардан жасайды. Мұндай сөмке күнделікті киім үлгісін жақсы толықтырады.
Тоқылған сөмке
<img src="https://kyzylorda-news.kz/wp-content/uploads/2022/03/swmka1.jpg" alt="" />
Былтыр жазда да тоқылған сөмкелер сәнде болды. Олар биыл да трендте болады. Оның кішкентай клатч түрінен бастап көлемді қап түрлеріне дейін стильді көрінеді. Олар металл фурнитурамен немесе былғары жапсырмамен безендірілуі мүмкін.
Көлемді сөмке
<img src="https://kyzylorda-news.kz/wp-content/uploads/2022/03/swmka2.jpg" alt="" />
Трендтен шықпайтын сөмкенің бірі — көлемді сөмке. Дизайнерлер косметикалық сөмкеден бастап ноутбукке дейін сыйып кететін сөмкелерді қайта ұсынып отыр. Олардың жұмсақ былғарыдан және зығырдан дайындалған түрлеріне мән берсеңіз болады.
Жарты ай сөмке
<img src="https://kyzylorda-news.kz/wp-content/uploads/2022/03/swmka3.jpg" alt="" />
Жарты ай сөмкенің дизайны стильді және пішіні ерекше. Таңдаған түсіне қарай ол күнделікті де, кешкі де киім үлгісіне жараса кетеді.
Қатты пішін
<img src="https://kyzylorda-news.kz/wp-content/uploads/2022/03/swmka4.jpg" alt="" />
Пішінін жақсы сақтайтын сөмкелер іскерлік киім үлгісіне жақсы келеді. Сондай-ақ, ол минимализмді бағалайтын адамдарға ұнайды. Мысалы, тоут-сөмке таңдауға болады. Мұндай сөмкені шалбарлы костюм, футболка және ақ кроссовкамен стильді үйлестіре аласыз.
<a href="https://massaget.kz/kyizdarga/sn/67519/">massaget.kz</a>

Көктемде мән беру керек сөмке түрлері

Kyzylorda-news.kz. Қызылорда облысының әкімі Гүлшара Әбдіқалықова қызылордалық нәзікжандарды мерекемен құттықтады.
<blockquote>
 “Қымбатты Сыр арулары! Сіздерді көрікті көктемнің көркем мерекесі – 8 наурыз – Халықаралық әйелдер күнімен шын жүректен құттықтаймын! Бұл мерекенің біз үшін орны бөлек. Оның ұғымын Анамен байланыстырып, әрдайым ең бірінші аналарымызды құттықтауға асығамыз. Өйткені, халқымыз үшін ең қымбат – Отан ана, Жер ана, Ана тілі деген ұғымдар!
 Сіздер қашан да бала тәрбиесін, отбасы мен жұмысты дұрыс үйлестіріп, әрқашан иба мен ізеттің, парасат пен пайымның, мейірімділік пен ізгіліктің ұйытқысы болып келесіздер. Сіздер барда сәбилеріміздің жүзінен күлкі кетпей, ер-азаматтарымыз еңсесін тік көтеріп жүре берсін!
 Әрқашан көктемнің қырмызы гүліндей құлпырып, әсемдік пен әдеміліктің иесі болып, бақытты да баянды ғұмыр кешіңіздер! Мереке құтты болсын”, – деді облыс әкімі.
</blockquote>

Гүлшара Әбдіқалықова: Халқымыз үшін ең қымбат &#8211; Отан ана, Жер ана, Ана тілі

<a href="https://kyzylorda-news.kz/">Kyzylorda-news.kz.</a> Көптеген адам салмақ жоғалту өте қиын деп санайды. Бұл қате әрекеттерге негізделген теріс тәжірибенің салдарынан пайда болады. Нутрициолог Анна Макарова Instagram-дағы дұрыс тамақтану туралы блогында салмақ жоғалтуға кедергі келтіретін үш маңызды қателік бар екенін айтты, деп&nbsp;деп хабарлайды <a href="https://24.kz/kz/zha-aly-tar/bylu-manyzdy/item/525336-d-riger-salma-zho-altu-a-kedergi-keltiretin-sh-atelikti-atady">«Хабар 24»</a>.
Бірінші қателік – сіз тәрелкеңізге емес, салмаққа назар аударасыз.&nbsp;Салмақты азайту туралы шешім қабылданған кезде көбінесе зиянды әдістер қолданылады: ашығу, аш қарынға кардио, көмірсулардан бас тарту және т.б.&nbsp;Бірақ бұл қосымша салмақпен соғыс емес. Сіздің барлық назарыңыз диетаны құруға бағытталуы керек, маңыздысы тәрелкеңіздегі ас мәзірінде. Өйткені салмақ сіздің тұрақты тамақтануыңыздың салдары болып табылады.
Екінші қателік – сіз тамақсыз мүмкіндігінше ұзақ жүруге тырысасыз.&nbsp;Бұл сізді нәтижеден алыстататын ең үлкен қателік. Диета ұстаныңыз, алайда ешбір жағдайда тамақты өткізіп алмаңыз. Есіңізде болсын, салмақ жоғалту күніне қанша рет жегеніңізге байланысты емес, қанша тағам жегеніңізге байланысты. Таңғы ас, түскі ас және кешкі ас міндетті және тіпті жеңіл тағамдар жеу де маңызды.
Үшінші қателік – сіз жеңіл нәрсе жеуге тырысасыз. Мысалы, салат денені барлық қажетті қоректік заттармен қамтамасыз ете алмайды.&nbsp;Сіздің тәрелкеңізде әрқашан жоғары тағамдық құндылығы бар және қалыпты мөлшерде тамақ болуы керек! Бұл яғни ақуыз өнімдері, көмірсулар және көкөністер мен жемістер.

Дәрігер салмақ жоғалтуға кедергі келтіретін үш қателікті атады

Kyzylorda-news.kz. Қазақстанда 278 адам коронавирус инфекциясынан жазылды, деп хабарлайды coronavirus.2020.kz.
Аймақтар бойынша: Нұр-Сұлтан қаласында – 0, Алматы қаласында – 0, Шымкент қаласында – 0, Ақмола облысында – 30, Ақтөбе облысында – 21, Алматы облысында – 14, Атырау облысында – 0, Шығыс Қазақстан облысында – 2, Жамбыл облысында – 3, Батыс Қазақстан облысында – 102, Қарағанды облысында – 25, Қостанай облысында – 21, Қызылорда облысында – 2, Маңғыстау облысында – 5, Павлодар облысында – 18, Солтүстік Қазақстан облысында – 29, Түркістан облысында – 6.
Елімізде барлығы 1 277 390 адам COVID-19-дан емделіп, сауығып шықты.

Өткен тәулікте 2 қызылордалық коронавирустан жазылды

Kyzylorda-news.kz. Бүгін Қазақстанда «8 наурыз – Халықаралық әйелдер күні» мерекесі аталып өтеді, деп хабарлайды <a href="https://www.inform.kz/kz/bugin-halykaralyk-ayelder-kuni-merekesi_a3908564">ҚазАқпарат</a>.
Бұл күннің тарихы әйелдер құқығы үшін күреспен тікелей байланысты. 1857 жылы 8 наурызда Нью-Йоркте жұмысшы әйелдер манифестке жиналды. Олар 10 сағаттық жұмыс күнін, жарық әрі құрғақ жұмыс орындарын, ер адамдармен бірдей жалақы мөлшерін талап еткен еді. Әйелдер сол кездері 16 сағат тер төккен еңбектеріне өте аз жалақы алатын. Ал 1910 жылы Копенгагендегі социалист әйелдердің халықаралық конференциясында герман және халықаралық жұмысшы қозғалысының қайраткері Клара Цеткиннің ұсынысымен наурыздың 8-ін Халықаралық әйелдер күні ретінде атап өту шешімі қабылданды.
1914 жылдан кейін бірнеше елде 8 наурыз әйелдер мерекесі ретінде аталатын болды. Бұл күн – әйелдер құқын қорғау және халықаралық бейбітшілік күні. Біріккен Ұлттар Ұйымы 1975 жылды Халықаралық әйелдер жылы деп жариялап, сол жылғы наурыздың 8-інен бастап Әйелдер құқын қорғау және халықаралық бейбітшілік күнін өткізе бастады. Қазақстан Республикасында да бұл мерекеге аса мән беріліп, осы күні елорда мен барлық облыстарда мерекелік шаралар ұйымдастырылады.

Бүгін &#8211; Халықаралық әйелдер күні мерекесі

Kyzylorda-news.kz. Бүгін солтүстіктегі өңірлерде күн суытады, деп хабарлайды Қазгидромет.
Фронталды бөліктер оңтүстікте өз әсерін сақтайды, жауын-шашын болады. Республика бойынша кей жерлерде желдің күшеюі, батыста шаңды дауыл соғып, тұман түседі, оңтүстікте найзағай жарқылдайды.
Қызылорда облысының оңтүстігінде тұман түсуі ықтимал.

8 наурызға арналған ауа райы болжамы

<a href="https://kyzylorda-news.kz/">Kyzylorda-news.kz.</a>&nbsp;Қазақстанда жаңа көліктердің бағасы көтеріле бастады. Автосалондарда бірнеше модельдің құны 100 мың теңгеге артты. Ал кейбір көлік маркалары бірден миллионға қымбаттап кетті, деп хабарлайды <a href="https://sputnik.kz/20220306/qazaqstan-zhana-kolikter-23348215.html">Sputnik.kz</a>.
Мәселен, қазақстандықтар арасында кеңінен танымал 2 литрлік мотор және вариаторлы Toyota Camry-дің қарапайым нұсқасы 14,9 миллион теңгеге дейін көтерілді. Бұрын ол 13,4 миллион теңге (+10.9 %) тұрған. Ал 3,5 литрлік V6-мен жүретін «Люк» 22,9 миллионнан бірден 25,5 миллион теңгеге дейін қымбаттады.
Өткен айда RAV4 кроссовері 15,2- 21,2 миллионның аралығында болса, қазір 16,9-23,5 миллион теңгеге сатылып жатыр. «Land Cruiser 300» маркасы 39.7 млн теңгеден 42.5 млн-ға дейін қымбаттады. Бұл – қарапайым нұсқасы. 
Ал 3,5 турбомоторы бар «Премиум» нұсқасның бағасы 59,6 млн-ға көтерілді. Бұрын 55,7 миллион теңгеге сатылатын.
Hyundai, керісінше, ескі бағаны сақтап қалды. Алматыдағы зауытта құрастырылатын Accent қана 400 мың теңгеге қымбаттаған. Бұрын 6,7-7,8 млн шамасында сатылған модельді қазір 7,1-8,2 млн теңгеге алуға болады.
Chevrolet маркасының дистрибьюторы ақпанда бағаларды алып тастаған. Қазір сайтқа қайтадан шығарып қойды. «Спарктың» 5,0 млн теңгеден 5,7 млн теңгеге қымбаттағаны байқалады. Ал Cobalt пен Nexia-ның бұрынғы бағасына 700-800 мың теңге қосылған.
Kia модельдері 100 мыңнан 600 мыңға дейін қымбаттады. Мәселен, биыл шығарылған Rio 7,8-9,6 млн теңгеге болып тұр. Қыста дәл осы көлік түрі 7,4-9 млн теңгеге сатылған. Sorento-ның ең арзан нұсқасы 16,6 млн теңге тұрады. Бұрынғы бағасы – 15,9 млн теңге. Lada Vesta ақпан айында 5,8 млн теңгеден сатылса, қазір 6.0 миллион болып тұр.
Renault бағасында әзірше өзгеріс байқалмайды.
Қытайдан келетін Haval мен Chery, сонымен қатар жапониялық Subaru көліктерінің құны бұрынғы деңгейде тұр. Ал JAC сайттағы баға жазылған тізімді жасырып қойыпты, соған қарағанда марка өкілдері жуырда тауарын жаңа бағада ұсынатын сияқты. Volkswagen да қымбаттады. Мәселен, Polo-ның бағасы енді 9.1 млн теңгеден басталады. Ақпан айымен салыстырғанда 1.5 млн теңгеге жоғары.
Taos кроссовері 2.8-3.2 млн теңгеге қымбаттап, ең арзаны 14.9 млн теңгеден сатылып жатыр. Бірақ бәрінен Tiguan-ның көп қымбаттағаны байқалады. Оның бағасы бірден 3.4-4.1 миллионға көтерілді.
Осылайша, қарапайым нұсқасы 18 миллионға дейін жетсе, толық жабдықталған түрі 24 млн теңге тұрады. Malibu, Equinox, Trailblazer және Tahoe бағалары өзгерген жоқ.

Қазақстанда жаңа көліктер қымбаттай бастады

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында «Славяне» қоғамдық-мәдени орталығы» қоғамдық бірлестігінің ұйымдастыруымен дәстүрлі «Масленица» мерекесі өтті.
Мерекелік шараға облыстық ішкі саясат басқармасының «Қоғамдық келісім» КММ директоры Болатбек Айтбенбетов, этномәдени бірлестіктердің өкілдері және қала тұрғындары қатысты.
Масленица – бұл бір апта бойы атап өтілетін қыс пен көктемнің кездесуіне арналған мереке. Әр күнді мерекелеудің өз ерекшелігі бар.
Шарада «Қоғамдық келісім» КММ директоры Болатбек Айтбенбетов қатысушыларды шұғылалы көктемнің келуімен, Масленица мерекесімен құттықтады.
Мереке «Сударушки» вокалдық тобы мен әншілердің орындауындағы көңілді әндермен, әсерлі билермен жалғасты. Сондай-ақ балалар ертегілерінің желісі бойынша қойылымдар қойылып, қозғалмалы ойындар өтті.
Достық үйінің фойесінде «Славяне» орталығымен белсенді жұмыс істейтін мектептер ұсынған славян тағамдарының көрмесі ұйымдастырылды. Қонақтар мерекенің дәстүрлі тағамы құймақтан дәм татты.
Қысты шығарып салу және көктемді қарсы алу мерекесі тұлыпты өртеумен аяқталды.
<img src="https://kyzylorda-news.kz/wp-content/uploads/2022/03/mw6a0158-scaled.jpg" alt="" />
<img src="https://kyzylorda-news.kz/wp-content/uploads/2022/03/mw6a0175-scaled.jpg" alt="" />
<img src="https://kyzylorda-news.kz/wp-content/uploads/2022/03/mw6a0372-scaled.jpg" alt="" />
<img src="https://kyzylorda-news.kz/wp-content/uploads/2022/03/mw6a0191-scaled.jpg" alt="" />
<img src="https://kyzylorda-news.kz/wp-content/uploads/2022/03/mw6a0213-scaled.jpg" alt="" />

Маслиница &#8211; қыс пен көктемнің кездесуі

Kyzylorda-news.kz. Қазақстанда 535 адам коронавирус инфекциясынан жазылып шықты, деп хабарлайды coronavirus2020.kz.
Аймақтар бойынша: Нұр-Сұлтан қаласында – 14, Алматы қаласында – 227, Шымкент қаласында – 0, Ақмола облысында – 30, Ақтөбе облысында – 0, Алматы облысында – 22, Атырау облысында – 11, Шығыс Қазақстан облысында – 17, Жамбыл облысында – 22, Батыс Қазақстан облысында – 3, Қарағанды облысында – 35, Қостанай облысында – 56, Қызылорда облысында – 1, Маңғыстау облысында – 10, Павлодар облысында – 15, Солтүстік Қазақстан облысында – 72, Түркістан облысында – 0.
Елімізде барлығы 1 277 112 адам COVID-19-дан емделіп, сауығып шықты.

Қазақстан және Қызылорда облысының жаңалықтары

Аймақта халықтың әлеуметтік жағынан осал топтарын қорғаудың жайы басты назарда

Қазалы: Егістік алқапта 3 жылқыны сойып алған қаскөйлер ұсталды

Паралимпиада-2022: Қазақстандық парабиатлонист «қола» алды

Көктемде мән беру керек сөмке түрлері

Гүлшара Әбдіқалықова: Халқымыз үшін ең қымбат – Отан ана, Жер ана, Ана тілі

Дәрігер салмақ жоғалтуға кедергі келтіретін үш қателікті атады

Өткен тәулікте 2 қызылордалық коронавирустан жазылды

Бүгін – Халықаралық әйелдер күні мерекесі

8 наурызға арналған ауа райы болжамы

Қазақстанда жаңа көліктер қымбаттай бастады

Маслиница – қыс пен көктемнің кездесуі

Қызылордада 1 адам коронавирустан жазылды

Қазақстан және Қызылорда облысының жаңалықтары

Аймақта халықтың әлеуметтік жағынан осал топтарын қорғаудың жайы басты назарда

Қазалы: Егістік алқапта 3 жылқыны сойып алған қаскөйлер ұсталды

Паралимпиада-2022: Қазақстандық парабиатлонист «қола» алды

Көктемде мән беру керек сөмке түрлері

Гүлшара Әбдіқалықова: Халқымыз үшін ең қымбат &#8211; Отан ана, Жер ана, Ана тілі

Дәрігер салмақ жоғалтуға кедергі келтіретін үш қателікті атады

Өткен тәулікте 2 қызылордалық коронавирустан жазылды

Бүгін &#8211; Халықаралық әйелдер күні мерекесі

8 наурызға арналған ауа райы болжамы

Қазақстанда жаңа көліктер қымбаттай бастады

Маслиница &#8211; қыс пен көктемнің кездесуі

Қызылордада 1 адам коронавирустан жазылды

Гүлшара Әбдіқалықова: Халқымыз үшін ең қымбат – Отан ана, Жер ана, Ана тілі

Бүгін – Халықаралық әйелдер күні мерекесі

Маслиница – қыс пен көктемнің кездесуі