<a href="https://kyzylorda-news.kz/">Kyzylorda-news.kz.</a> Пітір садақасы қажеттілігін қоспағанда, мал-мүлкі нисаб<a href="https://www.muftyat.kz/kk/articles/ramazan-dristeri/2022-03-29/39081-pitir-muktazhdy-kuantatyn-sadaka/#_ftn1">[1]</a>&nbsp;мөлшеріне жеткен әрбір мұсылманға беруі – уәжіп<a href="https://www.muftyat.kz/kk/articles/ramazan-dristeri/2022-03-29/39081-pitir-muktazhdy-kuantatyn-sadaka/#_ftn2">[2]</a>. Ол – оразаның қате-кемшіліктерін толтыратын, Құдайға шүкіршілік ету үшін берілетін және кедейлерді қуантатын садақа.
Ибн Омардан жеткен хадисте былай дейді:
فرض رسول الله زكاة الفطر من رمضان صاعا من تمر أو صاعا من شعير على العبد الحر والذكر والأنثى والصغير والكبير من المسلمين وأمر بها أن تؤدى قبل خروج الناس إلى الصلاة
«Алла елшісі&nbsp;Рамазан айында пітір садақасын әрбір азат мұсылманға, ер мен әйелге, үлкен мен кішіге бір сағ құрмадан немесе арпадан беруді міндеттеді.&nbsp;&nbsp;Әрі оны адамдар Айт намазы басталмай тұрып өтеуді әмір етті»<a href="https://www.muftyat.kz/kk/articles/ramazan-dristeri/2022-03-29/39081-pitir-muktazhdy-kuantatyn-sadaka/#_ftn3">[3]</a>.&nbsp;&nbsp;
Ибн Аббастан (Алла оған разы болсын) риуаят еткен хадисте:
&nbsp;فرض رسول الله صلى الله عليه وسلم زكاة الفطر طهرة للصائم من اللغو والرفث &nbsp;وطعمة للمساكين &nbsp;
«Алла елшісі&nbsp; (оған Алланың салауаты мен сәлемі болсын) пітір садақасын беруді Рамазан айындағы ораза кезінде жіберілген қателіктерді тазарту үшін әрі міскіндерге бір той болу үшін міндет еткен»&nbsp;<a href="https://www.muftyat.kz/kk/articles/ramazan-dristeri/2022-03-29/39081-pitir-muktazhdy-kuantatyn-sadaka/#_ftn4">[4]</a>, – делінген.
Тұрмысы нашар, яғни артық мал-мүлкі нисаб мөлшеріне жетпеген кісі пітір садақа беруге міндетті емес, сауап үшін беріп жатса, өз еркі. Қайтыс болған адамдарға, ана құрсағындағы балаға пітір садақа берілмейді.
Пітір садақаның мөлшері бидай немесе ұн және мейізден – жарты сағ (2 кг), ал арпа мен құрмадан – бір сағ (4 келі), яғни осылардың ақшалай құны беріледі<a href="https://www.muftyat.kz/kk/articles/ramazan-dristeri/2022-03-29/39081-pitir-muktazhdy-kuantatyn-sadaka/#_ftn5">[5]</a>.2022 жылғы пітір садақасы нарықтағы орташа бағамен есептеліп, төмендегідей болып бекітілді:
Бидайдың 2 келісі – 310 теңге.
Ұнның 2 келісі – 500 теңге.
Арпаның 4 келісі – 630 теңге.
Мейіздің 2 келісі – 4990 теңге.
Құрманың 4 келісі – 9135 теңге.
Әр адам мүмкіндігіне қарай жоғарыдағы көрсетілген өнімдердің қалаған бір түрінен пітір садақа берсе, мойнынан міндеті түседі.
Қазіргі таңда тұтынушалыр арасында бидайдың өзі емес, ұн, талқан секілді оның өнімдері кеңінен қолданылады. Сол себепті Қазақстан мұсылмандары діни басқармасы пітір садақасы құнын ұнмен есептеуді негізге алады. Өйткені шариғатта бидаймен қатар оның өнімдерімен де пітір садақа беруге рұқсат етіледі.
Пітір садақа берудің уәжіп уақыты – айттың бірінші күні. Пітір садақаны Рамазан айының бірінші күнінен бастап беруге болады<a href="https://www.muftyat.kz/kk/articles/ramazan-dristeri/2022-03-29/39081-pitir-muktazhdy-kuantatyn-sadaka/#_ftn6">[6]</a>. Уақытында бере алмаған жағдайда Айт намазынан кейін берсе де болады. Алайда пітірді Айт намазына дейін беру – мұстахаб. &nbsp;
Осыған орай 2022 жылғы Рамазан айында бір адам үшін берілетін пітір садақа мөлшері 2 келі ұнның нарықтағы орташа бағасымен есептеліп, 500 теңге етіп белгіленді. Дегенмен бай, ауқатты адамдар пітір садақаны 2 келі мейізбен (4990 теңге) немесе 4 келі құрмамен (9135 теңге) бергені жақсырақ. Ал підия мөлшері – бір адамның күнделікті (таңғы және кешкі) тойып ішетін асы. Оның биылғы мөлшері 3000 (үш мың) теңге болып бекітілді. Бұған шамасы келмегендер оразаның әр күніне пітір садақасының құнын береді.&nbsp;
Сансызбай ШОҚАНОВ,
ҚМДБ Төрағасының орынбасары, наиб мүфти,
Шариғат және пәтуа бөлімінің меңгерушісі

Пітір – мұқтажды қуантатын садақа

<a href="https://kyzylorda-news.kz/">Kyzylorda-news.kz.</a> Ахмет Байтұрсынұлы: «Қазақтың бас ақыны Абай (шын аты Ибраһим) Құнанбаев. Онан асқан бұрынғы-соңғы заманда қазақ баласында біз білетін ақын болған жоқ» деп жазды 1913 жылғы «Қазақ» газетінде жарияланған мақаласында.&nbsp;Алаш зиялыларының жетекшісі Хәкім Абайдың тек ақын емес, ислам ғұламасы һәм заманының озық ойшылы екенін білгенінде шүбә жоқ. Алайда, Абай мұрасын сақтап А.Байтұрсынұлының өз тілімен айтқанда: «Абайды қазақ баласы тегіс танып, тегіс білу» үшін ақындық қырын ғана жазуда. Өйткені, кешегі қанды жүйе қазақ руханиятының талай тарландарының есімі мен еңбектерін тарихтан біржолата жойып жіберді.
Абайды жалпы жұрт ақын деп, оның еңбектерінің ақындық тұсы ғана зерттелді. Бүгінде, Хәкім мұрасын исламтанушылар зерттеуі кезек күттірмес мәселе. Бұл өте өзекті. Өйткені, Абайдың шығармасы тұнып тұрған шариғат. Алайда, Ахаң айтпақшы: «Сөзі аз, мағынасы көп, терең. Бұрын естімеген адамға шапшаң оқып шықсаң, түсініп, көбінің мағынасына жете алмай қалады». Абайды түсіну, оның орамды ой толғауларын жұртшылыққа түсіндіру оңай шаруа емес. Заманының заңғар тұлғасының қаламынан туындаған ойларын түсіну діни білімді қажет етеді. «Даналық – мұсылманның жоғалтқан меншігі» деген мағынадағы хадисте айтылғандай, ислам ойшылдары еңбектерінің бір парасы даналық, яғни хикметтер деп аталады. Мәселен, Ахмет Ясауидің «Диуани хикметі» сияқты. Абайдың да шығармасы даналықтар топтамасы болғандықтан оны Хәкім десе керек. Ойшылдың қара сөздерінің бір атауы ғақлия. Ата дініміз исламда діни таным нақыл және ақыл жолымен үйретіледі. Абайдың ғақлиясы шариғат мәтіндері жайлы ой толғауын көруге болады. Ғұламаның ғақлиясы теңдесі жоқ туынды.
<blockquote>
 Абайдың танымындағы таухидке зер салсақ. Ол қалың бұқара халыққа қарапайым тілмен күрделі тақырыптарды жеткізуде. Мәселен, он екінші сөзінде мұсылманшылық жайлы:&nbsp;«Кімде-кім жақсы-жаман ғибадат қылып жүрсе, оны ол ғибадаттан тыюға аузымыз бармайды, әйтеуір жақсылыққа қылған ниеттің жамандығы жоқ қой дейміз», – деп ой қозғайды. Десе де, құлшылық толыққанды болуы үшін:&nbsp;«Әуелі – иманның иғтиқатын махкамлемек керек, екінші – үйреніп жеткенше осы да болады ғой демей, үйрене берсе керек. Кімде-кім үйреніп жетпей жатып, үйренгенін қойса, оны құдай ұрды, ғибадаты ғибадат болмайды», – деп екі шартты баяндайды. Демек, құлшылық дұрыс болуы иғтиқат (ақида) дұрыс болуымен өлшенеді. Ал, он үшінші сөзінде:&nbsp;«Иман деген – Алла табарака уа тағаланың шәриксиз, ғайыпсыз бірлігіне, барлығына уа әр түрлі бізге пайғамбарымыз саллалаһу ғалайһи уәссәлләм арқылы жіберген жарлығына, білдіргеніне мойын ұсынып, инанмақ»&nbsp;деп яқини иман мен тақлиди иман жайлы жазады.
</blockquote>
Ойшыл сөзін жалғастыра келе:&nbsp;«Енді мұндай иман сақтауға қорықпас жүрек, айнымас көңіл, босанбас буын керек екен. Якини иманы бар деуге ғылымы жоқ, таклиди иманы бар деуге беріктігі жоқ, я алдағанға, я азғырғанға, я бір пайдаланғанға қарап, ақты қара деп, я қараны ақ деп, өтірікті шын деп ант ететұғын кісіні не дейміз?»&nbsp;деп яқини немесе тақлиди иманы жоқ кісінің сенімін ұрлау немесе ең сорақысы бұрмалау оңай екенін айтып, сақтандыра келе&nbsp;«Әрнешік білмек керек, жоғарғы жазылмыш екі түрліден басқа иман жоқ»&nbsp;деп иманның осы екі түрінен басқа сенім жоқтығын айтады.
Ал, жиырма жетінші сөзінде Сократ пен Аристодим сұхбаты арқылы тәфәккур, яғни Жаратушы жайлы ойлауды түсіндіреді. Аталмыш сұхбатта ұстаз сұрақ қою арқылы шәкіртіне имани дәріс беруде. Әуелі, өнері және қабілеті арқылы қалың жұртшылықты таң қалдырған тұлғалар жайын сұрайды. Аристодим Гомер, Софокл және Зевксис жетістіктерін өнердің ең биік шыңы дегенде ұстазы: «Олай болса, кім артықша ғажайыптануға лайықты: жансыз, ақылсыз, құр пішінді жасайтұғын суретші ме? Я жан иесі, ақыл иесі адамды жаратушы ма?» деп айтпақ ойын тереңдете түседі. Мұнан соң он сегіз мың әлемнің шағын нұсқасы адам жаратылысына зер салуға шақырады. Дәлірек айтқанда, хауаси хамса, яғни адамның бес сезімі жайлы тәфәккур етеді. Ұстазы адамның жаратылуы асқан шеберліктің айқын белгісі екенін түсіндіреді. Сонда шәкіртінің «тахқиқ ойлап тексергенде, адамды жаратушы артық хикмет иесі екендігіне һәм махаббатыменен жаратқандығына шүбәсі қалмады», – дейді.
Зер салсаңыз, Хәкім Абай осы сұхбат арқылы Жаратушыны жаратқан туындысы арқылы тану иманды күшейтетіндігін көрсетуде. Ақида кітаптарында: Алланы танимын десең, Оның заты туралы емес, жаратқан туындыларын ойлау арқылы таны, – дейді. Он сегіз мың ғаламды махаббатпен жаратқан Алланың мейірімі шексіз екенін айтады. Демек, иманның бастауы – Жаратушыға деген махаббат. Хәкім Абай:
Махаббатпен жаратқан адамзатты,
Сен де сүй ол Алланы жаннан тәтті.
Адамзаттың бәрін сүй бауырым деп,
Және хақ жолы осы деп әділетті.
Осы үш сүю болады имани гүл,
Иманның асылы үш деп сен тәхқиқ біл, – дейді.
Аллаға иман ету – Рахман һәм Рахим Алланы жақсы көру. Әрбір мұсылманға бауырлық мейіріммен қарау. Үшіншісі, әділетті сүю. Ал енді, иманға залалы тиетін пиғылдар жайлы:&nbsp;
Осыларды бұзатын және үш іс бар:
Пайда, мақтан, әуесқой – онан шошы.
Руза, намаз, зекет, хаж – талассыз іс,
Жақсы болсаң, жақсы тұт бәрін тегіс.
Бастапқы үшін бекітпей, соңғы төртті
Қылғанменен татымды бермес жеміс, – деп түйіндейді.
Демек, исламның негізі, бес парызының төртеуі имансыз пайдасыз. Дана Абайдың шығармасын талдау, түсіну ешуақытта маңыздылығын жоймайтын мәселе.
Төлеби ОСПАН,&nbsp;
Алматы қаласының бас имамы

Абай танымындағы таухид

Kyzylorda-news.kz. Белгілі халық жазушысы, КСРО мемлекетік сыйлығының лауреаты, Қазақстан Республикасының Еңбек Ері Әбдіжәміл Кәрімұлы Нұрпейісов үстіміздегі жылдың ақпан айында 98 жасқа қараған шағында дүниеден озды.
Қарт қаламгер көзі тірісінде кіндік қаны тамған туған жері Беларан ауылдық округіндегі төбеден көк теңізді шақырып жатам деген ниетпен арнайы белгі қойдырған болатын.
Жазушы өмірінің ақырғы күндеріндегі аманатына сәйкес Алматы қаласындағы «Кеңсай – 2» зиратынан мәңгілік мекен тапты.
Беларан төбедегі белгі маңына жазушының жамбасы тиген жерден жеткізілген топырақ салынып, теңізді өлкенің төл перзентін еске алу шарасы өтті.
Шараға облыстық мәслихат хатшысы Наурызбай Байқадамов қатысып, Әбджәміл Кәрімұлы шығармашылығымен Ұлы дала үнін, тарихын жеткізе білген бірден бір жазушы екендігіне тоқталды. Өмірінше теңіздің қайта оралуын тілеп өткен, көзі тірісінде көптеген құрметке ие болған қазақ әдебиетіндегі көрнекті тұлға есімінің мәңгі сақталуы үшін бүгінгідей шараларды өткізудің маңызы зор екендігін атап өтті.
<blockquote>
 Одан соң аудан әкімі С. Сермағамбетов сөз алып: «Қай қоғамда болмасын қалам ұстаған азаматтардың орны бөлек, бәсі биік. Бір ғана «Қан мен тер» романы арқылы әдебиет сүйер қауымның құрметтісіне айналған абыздың артында том-том туындылары мен аңыз ғып айтар естеліктері қалды.
 Қазіргі таңда аңыз тұлғаның ақырет алдындағы өзі қалаған орынның төңірегі қоршалды. Жақын күндері жан-жағы абаттандырылып, символикалық мәні бар қауырсын қалам бейнесіндегі арнайы белгі орнатылатын болады. Ол жұмыстардың басы қазіргі күннен басталып кетті. Өздеріңізбен бірге осы маңға ағаш көшеттерін отырғызатын боламыз. Бұл жер біз үшін абыздан қалған мұра, аңыздан қалған ақиқат алаңы болмақ. Әбеңнің рухын ардақ тұту мақсатында осы маңда бас қосып отырмыз. Ағамыздың жатқан жері жайлы, топырағы жеңіл болғай ! Орны пейіштің төрінен болсын !»- деді.
</blockquote>
Теңізбен бірге жасасқан қаламгерді еске алуға арналған шарада сөз алған Қазақ ССР Балық шаруашылығының бұрынғы министрі, Қызылорда облысы және Арал ауданының Құрметті азаматы Құдайберген Саржанов қазақ әдебиетінде өзіндік қолтаңбасы бар, өзгеше дүниетанамымен қалам тартқан жазушы халқының жадында ешуақытта ұмытылмайтындығын айтып, Әбеңнің ізбасарлары көбейе беруіне тілектестік білдірді.
Сонымен қатар, жерлес інілері Ақбасты ауылының ақсақалы Сәуелхан Смағұлов пен Беларан ауылдық округі ардагерлер кеңесінің төрағасы Дәулетов Сағидулла жазушымен болған әрбір кездесулерінің әсерлі өткенін айтып, түрлі естеліктерімен бөлісті.
Ал Әбдіжәміл Кәрімұлының інісі Шайхислам Сламбаев туған жері мен еліне алаңдап, оны шығармаларына арқау еткен жазушының есімі өскелең ұрпақ алдында әлі де жаңғыра бертініне сенім білдірді. 
Беларан төбесінде қазақ әдебиетінің қайталанбас тұлғасы, Ұлы Отан соғысының ардагері Әбдіжәміл Кәрімұлының рухына арнап, мал шалынып, құран бағышталды. 
Еске алу шарасына қатысушылар ескерткіш тақтасына гүл шоқтарын қойып, арнайы қойылған белгі маңына ағаш көшеттерін отырғызды.
<img src="https://kyzylorda-news.kz/wp-content/uploads/2022/04/fb_img_1648836137616-1.jpg" alt="" />
<img src="https://kyzylorda-news.kz/wp-content/uploads/2022/04/fb_img_1648836128363.jpg" alt="" />
<img src="https://kyzylorda-news.kz/wp-content/uploads/2022/04/fb_img_1648836132338-1.jpg" alt="" />
<img src="https://kyzylorda-news.kz/wp-content/uploads/2022/04/fb_img_1648836145381.jpg" alt="" />

Аралдықтар жазушы Әбдіжәміл Нұрпейісовті еске алды

Kyzylorda-news.kz. Желіде Қазақстанның орталығында Ресей әскері орналасқандығы туралы ақпарат таратылып жатыр. ҚР Қорғаныс министрлігі бұл ақпаратқа қатысты түсініктеме берді, – деп хабарлайды&nbsp;&nbsp;<a href="https://stopfake.kz/kk/archives/11882">StopFake.kz</a>&nbsp;порталы.
Басылымның мәліметінше, әлеуметтік желіде Қостанайда ресейлік әскери техника жүргені туралы хабар тараған.
Қорғаныс министрлігі Желіде жарияланған бейнежазбада Байқоңырдың іздестіру-құтқару командаларын қамтамасыз ету бөлімшесінің Ресейдегі тұрақты орналасу пункттеріне кеткені көрсетілгенін атап өтті.
<blockquote>
 “Бөлімше Қостанай облысының Арқалық ауданына қонған ғарышкерлер капсуласын іздеу мақсатында ағымдағы жылдың 14 наурызынан бастап Қазақстанда болды”, – делінген ведомство хабарламасында.&nbsp;
</blockquote>
Еске салайық, бұған дейін Байқоңыр ғарыш айлағынан «Союз МС-21» ғарыш кемесі ұшырылды, сондай-ақ «Союз МС–19» кемесі қонған болатын.

Қорғаныс министрлігі Қостанай облысында жүрген ресейлік техниканың қайдан келгенін түсіндірді

Kyzylorda-news.kz. Қызылорда облысының әкімі Гүлшара Әбдіқалықова Рамазан айының басталуымен құттықтады.
<blockquote>
 “Барша мұсылман қауымы асыға күтетін он екі айдың сұлтаны, берекелі де кешірімі мол қасиетті Рамазан айының басталуымен шын жүректен құттықтаймын, ниеттеріңіз қабыл болсын!
 Бұл ай – рухымызды көтеріп, тазалық пен имандылыққа шақыратын кезең. 
 Алла тағала әрбір шаңырақтың құт-берекесі мен ырзық-несібесін молынан берсін! 
 Тұтқан оразаларыңызды, еткен ғибадаттарыңызды, тілеген тілектеріңізді қабыл етсін! 
 Тәуелсіз еліміздің тұғыры биік, іргесі берік болсын!”, – деді аймақ басшысы
</blockquote>

Гүлшара Әбдіқалықова:  Рамазан — тазалық пен имандылыққа шақыратын кезең

Ораза және ихсан ілімі

<a href="https://kyzylorda-news.kz/">Kyzylorda-news.kz.</a> «Қазгидромет» РМК 2-4 сәуір күндері аралығындағы ауа райы болжамын жариялады.
Алдағы демалыс күндері батыстан кезекті Атлантика циклоны ығысып, жауын-шашын әкеледі. Еліміздің батысында және солтүстігінде жел күшейіп, жаңбыр жауады. Республиканың басқа бөлігінде қысымның жоғары болуына байланысты жауын-шашын болмайды.
<blockquote>
 «Ираннан жылжып келетін жылы ауа массаларымен Қазақстанның барлық аумағында ауа температурасы көтеріледі: батыста +15+23 градусқа дейін, солтүстікте, орталықта және шығыста +8+18 градусқа дейін, республиканың оңтүстігінде +17+25 градусқа дейін жылы болады», – делінген синоптиктер хабарламасында.
</blockquote>

Демалыс күндері ауа райы қандай болады?

<a href="https://kyzylorda-news.kz/">Kyzylorda-news.kz.</a>&nbsp;Бүгін облыс әкімі Гүлшара Әбдіқалықова «Қызылорда электр тарату тораптары компаниясы» АҚ-ның Басқарма төрағасы Мұхитжан Кәрімбаевпен кездесті. Басқосуда аймақ басшысы энергетика саласына елеулі үлес қосқан Мұхитжан Кәрімбаевты құрметті зейнет жасына келуімен құттықтап, Сыр халқы атынан ілтипатын білдірді.
Өңір басшысы сала ардагерінің энергетика саласына қосқан үлесін ерекше бағалап, Мұхитжан Кәрімбаевтың басқаруымен атқарылған шараларды тізбеледі.
<blockquote>
 «Энергетика – экономиканың өзекті салаларының бірі және әлеуметтік сала мен индустрияны алға жылжытушы күш. Қай істе де өзін білікті маман, іскер басшы ретінде көрсете білген Мұхитжан Ысмайылұлының бұл салаға қосқан еңбегі орасан зор. Облыстың электр жүйелерін жаңғырту бағытында ауқымды жұмыс атқарып, Қызылорда қаласының сол жағалауында бой көтерген тұрғын үйлер мен нысандарды электр жарығымен қамту жұмыстарын қарқынды жүргізді. Сонымен қатар, облыс әкімдігі мен Еуропалық қайта құру және даму банкі арасындағы келісім негізіндегі іс-шараларға қосқан елеулі үлесін атап өткім келеді. Нәтижесінде 300 шақырымнан астам электр желілері мен 53 электрлік қосалқы станция жаңартылды. Сонымен қатар, 2009-2014 жылдар аралығында Қызылорда жылу электр орталығы басшысы қызметін абыроймен атқардыңыз», – деді Гүлшара Әбдіқалықова.
</blockquote>
Жиын барысында өңір басшысы энергетика саласын дамытуға қосқан үлесі үшін Мұхитжан Кәрімбаевқа облыстың «Құрмет» грамотасымен марапаттады және қазақы дәстүрмен иығына шапан жапты.
Басқосуда еңбек ардагері Асылбек Қанаев пен Қызылорда облысы бойынша Атомдық және энергетикалық қадағалау мен бақылау аумақтық департаментінің басшысы Саламат Қалжанов марапат иесін зейнет жасына шығуымен құттықтап, ақжарма тілектерін жеткізді.
<img src="https://kyzylorda-news.kz/wp-content/uploads/2022/04/whatsapp-image-2022-04-01-at-16.28.12-2.jpeg" alt="" />
<img src="https://kyzylorda-news.kz/wp-content/uploads/2022/04/whatsapp-image-2022-04-01-at-16.28.13.jpeg" alt="" />
<img src="https://kyzylorda-news.kz/wp-content/uploads/2022/04/whatsapp-image-2022-04-01-at-16.28.12-2-1.jpeg" alt="" />

Энергетика саласына елеулі үлес қосқан Мұхитжан Кәрімбаев құрметті зейнет жасына шықты

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев партияның кезектен тыс ХХІІ съезінде сөйлеген сөзінде шалғай елді мекен тұрғындарымен кездесіп көшпелі қабылдауды жиі өткізу, ірі бастауыш партия ұйымдарының базасында қоғамдық қабылдаулар ашу қажет екендігін айтқан болатын.
Жаңғыруға бет алған «AMANAT» партиясы бұл міндеттерді дереу қолға алды. Осы мақсатта партия жанынан арнайы мобильді топтар құрылып, шалғай елді мекендерде қоғамдық қабылдаулар жолға қойылды.
<blockquote>
 «Бастауыш ұйымдар – партияның негізі болғандықтан 500-ден жоғары партия мүшелері бар ірі бастауыш ұйымдарда қоғамдық қабылдау бөлмелерін ашу жұмыстары қолға алынды. Алғашқы қабылдау бөлмесі жақында републикалық қоғамдық қабылдау бөлмесі меңгерушісінің орынбасары Азамат Біржановтың қатысуымен қалалық партия филиалына қарасты «Жарық» бастауыш партия ұйымында ашылса, бүгін Арал ауданында «Сексеуіл», Қазалыда «ВЧД-6», Шиеліде «Атамекен» және осы Теміржол филиалына қарасты «Қызылорда локомотив пайдалану депосы» бастауыш партия ұйымдарында іске қосылып отыр»,- дейді облыстық партия филиалының Атқарушы хатшысы Ләйлә Төрешова.
</blockquote>
Локомотив – темір жол саласының қозғаушы күші. Мұнда 700-дің үстінде жұмысшы бар. Локомотивтердің үздіксіз, кедергісіз жолға шығуын қамтамасыз етіп отырған осы сала мамандарының еңбегі зор. Енді мұндағы жұмысшылар жеке мәселесі бойынша партия филиалдарына барып уақыт жоғалтпайды. Осында қолы қалт еткенде келіп, кестеге сәйкес жоспарланған мәслихат депутттары немесе түрлі сала басшыларына көкейдегі сауалын жолдап, жауап алуға зор мүмкіндік.
<blockquote>
 «Біз теміржолшылар ел Президенті тапсырмаларының жүзеге асып жатқанына қуаныштымыз. Біздің бастауыш ұйымда ашылып отырған қабылдау бөлмесі осы салада жұмыс жасайтын азаматтарды алаңдатқан мәселелерін анықтап қана қоймай, оның шешілуіне, олармен тұрақты кері байланысты нығайтуға ықпал ететіндігіне сеніміміз мол»,- дейді «Қызылорда локомотив пайдалану депосы» бастауыш ұйымның төрағасы Жұлдызбай Мұсаев.
</blockquote>
Бүгін міне «AMANAT» партиясының қоғамдық қабылдау бөлмесі ашылғанын естіп алғашқы азаматтар да келіп өз өтініштерін жеткізіп үлгерді. Олар әйел азаматтардың зейнет жасы мен медициналық сақтандыру мәселелерін алға тартты. Барлық мәселе партиялық бақылауға алынып, нақты жұмыс жасалатын болды.
Қызылорда облысында «AMANAT» партиясының 241 бастауыш партия ұйымы бар.Президент тапсырмасына сәйкес 5 ірі бастауыш ұйымда қоғамдық қабылдау бөлмелері ашылды.

Бастауыш партия ұйымдарында қоғамдық қабылдау орындары ашылып жатыр

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Гүлшара Әбдіқалықова жақын арада «Қорқыт Ата» әуежайы терминалы қасбеттерінің эскиздік жобасы әзірленетінін айтты. Бұл туралы аймақ басшысы өзінің «<a href="https://www.facebook.com/photo/?fbid=376715004312868&set=a.101847158466322">Facebook</a>» парақшасында жариялады.
Қадірлі жерлестер! Өткен жылдың желтоқсан айында жеке инвестор «Болат Өтемұратов қорымен» «Қызылорда қаласындағы «Қорқыт Ата» әуежайы терминалы құрылысының» жобасы бойынша жаңадан терминал салуға келісімшартқа қол қойылған болатын.
Қазіргі таңда жобаны іске асырудың базалық құрылымы мен тетіктері нақтыланып, жобалық сметалық құжаттамасы әзірленуде. Жобаны қаржыландыру Қор есебінен жүзеге асырылады.
Екі апта сайын халықаралық әуе рейстеріне қызмет көрсетуші мемлекеттік мекемелер мен ведомство өкілдерімен, Қор және жобалаушы мекемелермен осы жобаға байланысты кездесіп, пысықтап отырмыз.
Жақын арада жаңа терминалдың қасбеттерінің эскиздік жобасы әзірленіп, жауапты мемлекеттік органдардың және қоғамдық ұйым өкілдерінің қатысуымен арнайы талқыланатын болады.

Гүлшара Әбдіқалықова: Жақын арада жаңа терминалдың қасбеттерінің эскиздік жобасы әзірленеді

<a href="https://kyzylorda-news.kz/">Kyzylorda-news.kz.</a> Дүниежүзілік аутизм туралы ақпарат тарату күнінде Болат Өтемұратов Қоры ата-аналарды балалардағы аутизмнің алғашқы белгілеріне назар аударуға шақырады.
АҚШ Ауруларды бақылау және алдын алу орталығының соңғы есебіне сәйкес, аутизм спектрінің бұзылуы 44 баланың біреуінде кездеседі. Зерттеу жыл сайын мұндай диагноздардың жоғарылау үрдісін көрсетеді. Ұлдарда аутизм диагнозы қыздарға қарағанда төрт есе жиі кездеседі. Ерте диагностика және интервенция аутизмі бар адамдардың толық және тәуелсіз өмір сүру мүмкіндігін арттырады.
<blockquote>
 «Аутизм спектрінің бұзылуы көптеген көріністерге ие, сондықтан аутизм диагнозы бар екі бірдей адам бола алмайды. Және егер кейбір көріністер, мысалы, тілдің шықпауы, ұйқының бұзылуы немесе агрессия, ата-аналарды тезірек медициналық көмекке жүгінуге мәжбүр етсе, бала ұялшақ немесе жатырқағыш болып көрінетін жағдайларда уақыт босқа өткізілуі мүмкін. Сондықтан ата-ананың аутизмнің алғашқы белгілері байқалған кезде қырағы болып, мамандарға жүгінгені абзал», – дейді Болат Өтемұратов Қорының директоры Марат Айтмағамбетов.
</blockquote>
Қазақстанда «аутизм» диагнозы 3 жастан кейін қойылады. Дегенмен, әлемдік тәжірибеде ерте диагностикалау үшін арнайы құралдар қолданылады. Мысалы, M-Chatтесті ата-аналарға баланың бастапқы диагнозын өз бетінше қоюға мүмкіндік береді. Болат Өтемұратов қоры M-Chat тестін қазақ тіліне алғаш аударып, оны одан да көп қазақстандық отбасыларына қолжетімді етті. Қазақ және орыс тілдеріндегі тегін тест www.asylmiras.org сайтында бар. Сынақ нәтижелері диагноз қою үшін негіз болып табылмайтынын, тек кеңестік сипатта ұсынылатынын және білікті мамандардың растауын талап ететінін атап өткен жөн.
<img src="https://kyzylorda-news.kz/wp-content/uploads/2022/04/whatsapp-image-2022-04-01-at-16.54.08.jpeg" alt="" />
Ата-аналар мен отбасы мүшелері баланың мінез-құлқын тәулік бойы бақылайтындықтан, аутизмнің алғашқы белгілеріне назар аудару маңызды:
• көзбен байланыстың, жауап ретінде күлімсіреудің және атымен шақырған кезде реакцияның болмауы; 
• дене қимылын шектеулі қолданылуы, нұсқаулық қимылдың болмауы; 
• сөйлемей, дыбыс шығармауы; 
• құрдастар мен бірлескен ойындарға қызығушылықтың аз болуы; 
• заттарды (ойыншықтарды) бір сапқа тұрғызуға ынтасы; 
• жағымсыз мінез-құлық көрінісі: агрессия, өз-өзіне агрессия, өтініштерді орындамау; 
• дыбыстық тітіркендіргіштерге сезімталдықтың жоғарылауы.
Аутизм туралы ақпарат тарату айлығында Болат Өтемұратов Қоры аутизм мәселелеріне назар аудару мақсатында ақпараттық науқан жүргізеді. Қордың науқанын Алматы, Нұр-Сұлтан, Павлодар, Петропавл, Өскемен, Тараз, Орал, Шымкент, Қызылорда және Ақтөбе қалаларының әкімдіктері қолдады – бұл «Асыл Мирас» тегін аутизм орталықтары жұмыс істейтін қалалар. Науқанға Beeline Қазақстан қосылды, оның абоненттері балалардағы аутизмнің ерте белгілерін қалай тануға болатыны туралы ақпарат алады.
Еске салайық, «Аутизм. Баршамызға бір әлем» бағдарламасын Болат Өтемұратов Қоры 2015 жылдан бері жүзеге асырып келеді. «Асыл Мирас» орталықтары Қазақстанның 10 қаласында жұмыс істеп жатыр, ал жақын арада Қарағандыда тағы бір орталық ашылады. Орталықтардың қызметтері тегін түрде көрсетіледі. Орталықтардың барлық мамандары сертификатталған халықаралық оқудан өтті, бұл оларға АСБ белгілерін ерте жаста анықтауға және балалардың жетіспейтін дағдыларын дамытуға мүмкіндік береді. Өткен жылдың өзінде 2 150 бала курстан өтті, ал орталықтарда7 жыл ішінде 11 мыңнан астам бала интервенция бағдарламаларынан өтті.

Болат Өтемұратов ата-аналарды балалардағы аутизмнің алғашқы белгілеріне назар аударуға шақырады

<a href="https://kyzylorda-news.kz/">Kyzylorda-news.kz.</a>&nbsp; «AMANAT» партиясының «Кедергісіз келешек» жобасы аясында аумақтық филиалдармен облыс көлемінде сәуір айына жоспарланған 98 әлеуметтік нысанның мүмкіндігі шектеулі азаматтар үшін бейімделуіне бақылау жұмыстары басталады. Жалпы жыл көлемінде барлық қала, аудандарда 355 нысанға мониторинг жұмыстарын жүргізу жоспарлануда.
Аталған шаралар барысында партияның «Өзгерістер жолы: Әр азаматқа лайықты өмір!» атты сайлауалды бағдарламасын іске асыру жөніндегі республикалық Жол картасына сәйкес «Ерекше қажеттіліктері бар азаматтардың кедергісіз қолжетімділігін қамтамасыз ету» мақсатында бұрын салынған әлеуметтік нысандардың (меншік түріне қарамастан) мүмкіндігі шектеулі азаматтарға қолжетімді етіп бейімделуі бойынша арнайы мониторинг жүргізіледі. Жоспардағы нысандардың барлығы партияның сайлауалды бағдарламасында көрсетілген. Осыған орай, әрбір нысанның толыққанды бейімделуі партияның бақылауында болады.
Сондай-ақ өткен 2021 жылы аймақтағы партиялық мониторинг топтардың зерделеуі нәтижесінде «Жалағаш аудандық ауруханасы» ШЖҚ КМК, «Қазақстан халық жинақ банкі» АҚ Қызылорда облыстық филиалының Арал аудандық басқармасының және т.б. ғимараттарға қатысты анықталған кемшіліктерді түзеуге қатысты тиісті мекемелерге ұсыныстар беріліп, олқылықтар уақытында орнына келтірілген болатын.(фотоларда көрсетілген) 
Айта кету керек партия мүмкіндігі шектеулі жандарға арналған әлеуметтік нысандарды бейімдеу бойынша мониторинг жұмыстарының нәтижесі бойынша есептерді құзыретті органдардың назарына ұсынып, орындалуын бақылауда ұстайтын болады.

Қазақстан және Қызылорда облысының жаңалықтары