<a href="https://kyzylorda-news.kz/">Kyzylorda-news.kz.</a> Бүгін Жалағаш ауданында 500-ге жуық педагогтың қатысуымен аудандық Тамыз кеңесі өткізіліп, білім саласының өзекті мәселелері қаралып, үздік ұстаздар марапат мінберінен көрінді.
Шараға аудан әкімі Асқарбек Есжанов, облыстық білім басқармасының өкілі Азизбек Ізімбетов, Қорқыт ата университетінің «Рекрутинг» орталығының басшысы Жандос Оразмаханов, мәслихат депутаттары және сала ардагерлері, қамқоршылық кеңес төрағалары, мектеп директорлары мен ұстаздар қатысты.
«Білімді ұлт: терең білім, еңбекқорлық және отаншылдық қасиет» тақырыбында өткен педагогтер кеңесінде Асқарбек Есжанов «тек сапалы адам капиталы ғана қазіргі заманның бүкіл талабына жауап бере алады. Бұл ретте, білім саласының маңызы зор. Сондықтан, білім – ең басты басымдық болып қала беретінін» жеткізді.
<blockquote>
 «Өткен оқу жылында Сіздердің белсенді қатысуларыңызбен ауданның білім беру саласында біршама нәтижелі жұмыстар атқарылды. Алдағы жаңа оқу жылында ауқымды жұмыстар күтіп тұр. Бүгінгі күні ауданымызда 37 балабақшаның 21-і жеке сектордың үлесінде. Уақытында балалардың қамту көрсеткішін ұлғайту үшін жеңілдіктер қарастырылып, бизнеске қолайлы жағдай жасалды. Ендігі кезекте, балабақшаға қойылатын талаптар күшейтілетін болады. Мектептердің материалдық-техникалық базасын нығайту бағытында аудан мектептері 100 пайыз кең жолақты интернет желісіне қосылған. Сонымен қатар, бүгінгі күні мектептер 85 пайыз жаңа модификациялық физика, химия, биология пәндік кабинеттерімен жабдықталуда. Күрделі жөндеу жұмыстарын қажет ететін 3 мектептің жоба-сметалық құжаттарына қаржыға сұраныс жасалып, қазіргі таңда 1 мектептің қаржысы бөлінді. Кент орталығындағы №123 мектеп-лицейіне жыл сайын мектептегі оқушылардың саны артып келеді. Мектепте оқушылардың үш ауысымда оқу қажеттілігі туындауы мүмкін. Осыған байланысты қосымша 200 орындық оқу ғимараты құрылысын салуға жоба-сметалық құжаттарына ұсыныс берілді. Ауылдық жерлерде жұмыс істейтін жас педагогтарды қолдау қажет. Жұмыс үшін жағдай жасау, ынталандыру шараларын қарастыру қажет», – деді Асқарбек Темірбекұлы.
</blockquote>
Конференцияда сөз алған спикерлер білім саласындағы соңғы өзгерістерге тоқталып, дарынды балаларды қолдау, білім берудің ортақ мәселелерін талқыға салып, идеяларымен бөлісті.
Аудандық білім бөлімінің басшысы Садықов Талғат Жалағаш ауданында білім беру саласы бойынша атқарылған жұмыстар және алдағы міндеттер туралы, Қорқыт ата университетінің «Рекрутинг» орталығының басшысы Оразмаханов Жандос кәсіби бағдар беру және жаңа инновациялық жобалар туралы, Педагогикалық шеберлік орталығының Қызылорда қаласындағы филиал директоры Камалова София білім беру үдерісін нәтижелі қорытындылау қажеттігін айтты. Бұдан бөлек, балалардың шығармашылығын дамытудағы қосымша білім беру ұйымдарының алдағы міндеттері жайлы республикалық деңгейде өткен Тамыз конференциясына қатысып келген делегет, дайындаған шәкірттері халықаралық, республикалық додаларда үздік нәтиже көрсеткен Өнер мектебінің директоры Досманов Рахымбек, білім алушыларды ұлттық және жалпы азаматтық құндылықтарға қалай тәрбиелеуге болатындығы жайлы облыстық оқу орталығының бөлім басшысы Ақмырзаева Гүлайым, білім алудағы олқылықтарды ұйымдастырудың негізгі шаралары барысын Т.Жүргенов атындағы №123 мектеп-лицей директоры Шөменова Ләйла айтты.
Сондай-ақ, жыл сайын өткізілетін конкурс нәтижесінде Т.Жүргенов атындағы №123 мектеп-лицей «Үздік инновациялық мектеп» номинациясын және 1 миллион теңгенің сертификатын жеңіп алды. 
Жиында Қазақстан Республикасы Оқу-ағарту министрлігінің «Орта білім беру ісінің үздігі» Құрмет дипломы №33 орта мектебінің Бастауыш сынып мұғалімі Дәуменова Қарлығаш марапатталды. Сонымен қатар, 4 мұғалім Қазақстан Республикасы Оқу-ағарту министрлігінің Алғысымен, облыс, аудан әкімінің, облыстық білім басқармасының Алғыстарымен марапатталды. Облыс әкімінің грантын иеленген 4 оқушыға аудан басшысы грантын табыстап, үлкен өмірге қадам басқан жастарға сенім білдіріп, терең білім алуға шақырды.
<img src="https://kyzylorda-news.kz/wp-content/uploads/2022/08/301683738_1522904968161576_5327476273317120760_n.jpg" alt="" />
<img src="https://kyzylorda-news.kz/wp-content/uploads/2022/08/301776839_1522905118161561_7125658340833319430_n.jpg" alt="" />
<img src="https://kyzylorda-news.kz/wp-content/uploads/2022/08/301849769_1522905038161569_1411243365531828916_n.jpg" alt="" />

Жалағашта үздік мектепке 1 млн. теңге, 4 балаға облыс әкімінің гранты табысталды

Сарапшылар қаржы пирамидаларын әшкерелеуде

<a href="https://kyzylorda-news.kz/">Kyzylorda-news.kz.</a> Қазақстанда 593 адам коронавирус инфекциясынан жазылып шықты, деп хабарлайды Қазақстанда коронавирустың таралуына жол бермеу жөніндегі ведомствоаралық комиссия.
Нұр-Сұлтан қаласында – 158,
Алматы қаласында – 0,
Шымкент қаласында – 0,
Ақмола облысында – 0,
Ақтөбе облысында – 0,
Алматы облысында – 34,
Жетісу облысында – 27,
Атырау облысында – 5,
Шығыс Қазақстан облысында – 17,
Абай облысында – 13,
Жамбыл облысында – 0,
Батыс Қазақстан облысында – 12,
Қарағанды облысында – 137,
Ұлытау облысында – 4,
Қостанай облысында – 78,
Қызылорда облысында – 25,
Маңғыстау облысында – 30,
Павлодар облысында – 48,
Солтүстік Қазақстан облысында – 0,
Түркістан облысында – 5.
Елімізде барлығы 1 354 063 адам COVID-19-дан емделіп, сауығып шықты.

Қызылордада 25 адам коронавирустан жазылды

<a href="https://kyzylorda-news.kz/">Kyzylorda-news.kz.</a> Өткен тәулікте коронавирус инфекциясы 617 адамнан анықталды, деп хабарлайды Қазақстанда коронавирустың таралуына жол бермеу жөніндегі ведомствоаралық комиссия.
Оның ішінде:
Нұр-Сұлтан қаласында – 109,
Алматы қаласында – 48,
Шымкент қаласында – 3,
Ақмола облысында – 81,
Ақтөбе облысында – 23,
Алматы облысында – 6,
Жетісу облысында – 7,
Атырау облысында – 13,
Шығыс Қазақстан облысында – 15,
Абай облысында – 4,
Жамбыл облысында – 6,
Батыс Қазақстан облысында – 57,
Қарағанды облысында – 86,
Ұлытау облысында – 8,
Қостанай облысында – 62,
Қызылорда облысында – 2,
Маңғыстау облысында – 21,
Павлодар облысында – 29,
Солтүстік Қазақстан облысында – 32,
Түркістан облысында – 5.
Елімізде коронавирус инфекциясын жұқтырғандар саны 1 387 029 адамға жетті.

Қызылордада 2 адамнан коронавирус анықталды

Kyzylorda-news.kz. Сенбі күні еліміздің солтүстік, шығыс аймақтарында ауа райына циклондар әсер етеді. Салдарынан аталған өңірлерде жауын жауады, найзағай жарқылдайды, деп хабарлайды Қазгидромет.
Қазақстанның қалған аумағында әлі де бұлтты және құрғақ ауа райы жалғасады.Республика бойынша кей жерлерде жел күшейеді.
Қызылорда, Түркістан облыстарының басым бөлігінде, Атырау облысының батысы мен шығысында, Батыс Қазақстан, Абай облыстарының оңтүстігінде төтенше өрт қаупі сақталады.

27 тамызға арналған ауа райы болжамы

Kyzylorda-news.kz. Қызылорда қаласының әкімі Асылбек Шаменов бейбіт күннің батыры болған Арман Аманжоловқа Бозығұлов көшесінде орналасқан тұрғын үйден екі бөлмелі баспана кілтін табыс етті.
<blockquote>
 «Бозбаланың бейбіт күндегі ерлігі мен қайырымды ісі жолдастарына үлгі болуы тиіс. Сондықтан бүгін біз Арман батырға, оның ата-анасына Ел Президенті мен аймақ басшысының, жомарт жүректі жанашыр азаматтар мен барша Сыр елінің атынан зор ризашылығымызды білдіремін», – деді Асылбек Өмірбекұлы.
</blockquote>
Айта кетерлігі, бүгінгі өткен тамыз кеңесінде Қызылорда Облысының әкімі Нұрлыбек Нәлібаев “Мемлекет басшысы тарапынан азаматтарымыздың мұндай ерекше батыл қимылдарын елеусіз қалдырмай, өзгелерге үлгі ету туралы ұстанымы аясында бүгін Арман батырға, оның ата-анасына барша Сыр елінің атынан зор ризашылығымызды білдіремін. Бүгінде аймағымызда жомарт жүректі жанашыр азаматтар жетерлік. Сол демеушілердің атынан бүгінгі бейбіт күннің батыры болған бозбалаға баспана кілтін табыс етеміз”, -деген болатын.
Естеріңізге сала кетсек, өткен аптада қала орталығындағы «Универсам» шағын ауданында оқыс оқиға орын алып, екі жарым жастағы сәби ашық тұрған кәріз құдығына түсіп кеткен. Аралдан арман қуып, оқуға келген 15 жастағы Арман Аманжолов оқиға сәтінде көзсіз ерлікке барып, баланы құдықтан алып шықты.
<img src="https://kyzylorda-news.kz/wp-content/uploads/2022/08/fb_img_1661536435503.jpg" alt="" />

Бөгендік батыр жаңа баспанасына барды

<a href="https://kyzylorda-news.kz/">Kyzylorda-news.kz.</a>&nbsp;ҚР Парламенті Мәжілісінің депутаты Әміреев Ғалым Махмұтбайұлы бірқатар республикалық БАҚ өкілдерімен Қызылорда қаласына қарасты Қарауылтөбе ауылдық округінде салынып жатқан 150 орындық клуб құрылысымен танысты.
Қазіргі таңда құрылысы қарқынды жүріп жатқан нысан құрылысын жүргізу барысында және уақытында аяқталуында ешқандай мәселе жоқ. Сонымен қатар Ғалым Махмұтбайұлы кездесуге арнайы келген ауыл тұрғындарымен кездесіп, ұсыныс-пікірлерін тыңдады.
Нақты айтар болсақ, ауыл тұрғындары тарапынан осы клуб құрылысын тоқтатпай аяғына дейін жеткізу, халық санының көбеюіне байланысты жаңа медпункт салу мәселесі, жаңа қоныстануға берілген аймақтың инфрақұрылымын жетілдіру мәселелері ұсыныс ретінде берілді. Өз кезегінде Ғалым Махмұтбайұлы берілген ұсыныстарға байланысты сала басшыларына тапсырма беріп өз назарында ұстайтынын жеткізді.
Келесі кезекте халық қалаулысы Белкөл кентінде болып кентте бой көтеріп жатқан темір жол өткеліндегі аспалы көпірдің құрылысымен танысты.
Күре жолдағы көліктердің қалың нөпірін азайту мақсатында көпір салу оңтайлы шешім. Әсіресе, адам өміріне төнетін қауіптің алдын алуда жол кептелісін азайтатын өткелдің маңызы ерекше. Теміржолдың екі жағын жалғап тұрған өткел жүргіншілерге қауіп туғызып тұр. Әсіресе сабаққа қатынайтын балаларға қиындық туғызады. Кентте осы мәселеге орай жолаушылар көпірін салу жайы бірнеше жылдан бері көтеріліп келеді. Балаларының қауіпсіздігіне алаңдаулы күн кешіп отырған тұрғындардың көпір салынса деген үміті орындалуға таяу.
<blockquote>
 «Біздің кентте онсыз да жаяу жүргіншілер жолы болған емес. Оған теміржол бойындағы түйткіл қосылып, «жығылғанға жұдырық» болып тұр. Аспалы көпір құрылысын салу ісінің көтерілгеніне бірнеше жыл болды. Әсіресе, балаларымыздың өміріне алаңдаулы күй кешіп отырмыз», – деп кент тұрғындары өз ұсыныстарын айтты.
</blockquote>
Айта кетейік, Жобаның жалпы құны 225,2 млн теңгені құрап отыр.
Мұнан кейін Мәжіліс депутаты Қарауылтөбе ауылдық округіндегі 150 орындық клуб құрылысы басында болды.
Қызылорда қаласы бойынша «AMANAT» партиясының «Өзгерістер жолы: Әр азаматқа лайықты өмір!» сайлауалды бағдарламасы аясында жүзеге асырылып отырған Қарауылтөбе ауылдық округіндегі 150 орындық клуб құрылысының жанынан партиялық бақылау бекеті ашылды.
Партиялық бақылау бекетінің жетекшісі болып қалалық мәслихаттағы «Amanat» партиясы депутаттық фракциясының мүшесі, Қызылорда қалалық мәслихат депутаты Ердос Әбдісаттаров бекітілді.
Сонымен қатар, ҚР ПМ депутаты Ғалым Махмұтбайұлы, қалалық мәслихат депутаты Ердос Ғаниұлы және партиялық бақылау комиссия мүшелері аталған құрылыс нысанында болып жұмыс барысымен танысты.
<img src="https://kyzylorda-news.kz/wp-content/uploads/2022/09/301541119_184128780745915_283950923382288963_n.jpg" alt="" />
<img src="https://kyzylorda-news.kz/wp-content/uploads/2022/09/301634635_184126694079457_3131263096133615024_n.jpg" alt="" />
<img src="https://kyzylorda-news.kz/wp-content/uploads/2022/09/301813358_184126720746121_8567037579033014390_n.jpg" alt="" />

Ғалым Әміреев Қарауылтөбе ауылындағы 150 орындық клуб құрылысымен танысты

<a href="https://kyzylorda-news.kz/">Kyzylorda-news.kz.</a>&nbsp;Қазалы ауданы әкімдігінің мәжіліс залында аудандық мәслихаттың кезекті ХХІ сессиясы өтті.
Сессияға аудан әкімі Мұхтар Оразбаев, аудан прокуроры Дарын Әбіш, облыстық мәслихат депутаттары Мнажадин Өтеев, Ібайдулла Тілеп, аудандық қоғамдық кеңес төрағасы Талайлы Бөріқұлақов және дербес бөлім мен мекеме-кәсіпорын басшылары, кент, қала және ауылдық округ әкімдері қатысты.
Аудандық мәслихат хатшысы Бақытжан Жарылқап төрағалық жасаған сессия күн тәртібіне 6 мәселе шығарылды.
Алдымен сессияның күн тәртібі мен регламенті бекітілген соң, аудан әкімі Мұхтар Оразбаев өзінің функциялары мен міндеттерін орындауы жөнінде мәслихат депутаттары алдында есеп берді. 
Мұхтар Әуесұлы Қазалы ауданында бірінші жарты жылдықтың қорытындысы бойынша атқарылған жұмыстарды тілге тиек етіп, алдағы жұмыстардың бағдары айқын екендігін жеткізді.
Биылғы жылы қасиетті Қазалы ауданында іргелі істер атқарылып, халықтың игілігіне пайдалануға берілді.
Атап айтар болсақ, жақында ғана Әйтеке би кентінен ауысымына 250 келушіге арналған емхана мен Қ.Пірімов ауылынан спорт кешені пайдалануға беріліп, Қазалы қаласы көгілдір отынға қосылды. 
Қазіргі таңда аудан орталығына жақын орналасқан 3 елді мекенді газдандыру жұмыстары қарқынды жүргізілуде. Одан бөлек, Абай ауылын газдандыру үшін жоба-сметалық құжаттары дайындалуда.
Биыл Қазалы қаласындағы апаттық жағдайдағы тұрған «Өрімтал» балабақшасы жаңа ғимаратқа көшеді. Қазіргі таңда қала аумағынан 140 орындық балабақшаның құрылысы қарқынды жүргізілуде.
Аудан әкімі Мұхтар Оразбаев алдағы уақытта да ауқымды жұмыстар жалғасын табатынын жеткізді. 
Күн тәртібіндегі мәселелерге байланысты Қазалы аудандық пробация қызметінің бастығы Ербол Сражатов, аудандық мәслихат депутаты Ерболат Мұқаш, аудандық құрылыс, сәулет және қала құрылысы бөлімінің басшысы Нұрбек Күзембаев, аудан әкімі аппаратының басшысы Ринад Тілеп, аудандық жер қатынастары бөлімінің басшысы Еркін Сейітов хабарлама жасап, атқарылған жұмыстар жөнінде айтып берді.
Сессияда аудандық мәслихат депутаты Ғазиз Әліш, Әбдуәли Рахметов шығып сөйлеп, өздерінің ой-пікірлерімен бөлісті.
Ал, облыстық мәслихат депутаты Мнажадин Өтеев балалар жылына сый ретінде демеушілік есебінен бір спорттық алаң салып беретінін жеткізді.
Аудан әкімі Мұхтар Оразбаев «Сыр маржаны» ЖШС директоры, облыстық мәслихат депутаты Мнажадин Өтеевке алғысын айтып, ризашылығын жеткізді.
<img src="https://kyzylorda-news.kz/wp-content/uploads/2022/08/300800635_3439337299620526_6221949135811230215_n.jpg" alt="" />

Қазалы: Алдағы жұмыстардың бағдары айқын

Нұрлыбек Нәлібаев 2,5 жастағы сәбиді құтқарған Арман Аманжоловқа екі бөлмелі пәтер кілтін табыстады

<a href="https://kyzylorda-news.kz/">Kyzylorda-news.kz.</a>&nbsp;Қазақстан Республикасының Қылмыстық Кодексіне мал ұрлығы үшін жауапкершілігін анықтайтын және ауырлататын жаңа бап енгізілді. Бұрын мал ұрлаған тұлғалар ҚР ҚК-нің 188-бабы, яғни, «ұрлық» бойынша жауапкершілікке тартылатын, енді мал ұрлығы ҚРҚК 188-1- бабымен жеке бөлінген.
Енді мал ұрлаған үшін 3000 АЕК мөлшерінде айыппұл және мүлкін тәркілеп 5 жылға дейін бас бостандығынан айыру жазасы қарастырылған, бұрын ұрлық фактісі бойынша 1000 АЕК мөлшерінде айыппұл және 3 жылға дейін бас бостандығынан айыру қарастырылған болатын.
Бірнеше рет мал ұрлау ауыр қылмыстар қатарына жатқызылып, жәбірленушімен татуласу арқылы жауапкершіліктен босатылмайды. Ал қылмыс жасаған тұлғаның мүлкі тәркіленіп 5 жылдан 10 жылға дейін бас бостандығынан айырылу жазасы тағайындалады.
Қылмыстық топпен аса iрi мөлшерде жасалған мал ұрлау мүлкi тәркiленіп, 7 жылдан 12 жылға дейiнгi мерзiмге бас бостандығынан айыруға жазаланады. Бұрын қылмыскерлер бұл қылмыс үшін 5 жылдан 10 жылға дейін бас бостандығынан айыру жазасы тағайындалған.
Тұрғындардың өз малының қауіпсіздігіне жүрдім-бардым қарауы құқық қорғау органдарының қылмыскерлермен күресіне кедергісін келтіреді. Олай болса, малыңыз барымташының қанжығасында кетпесін десек, малыңызды таңбалап, падашымен келісім-шарт жасасып, таңбалауды қолға алып, төрт түлігіңізді қараусыз қалдырмаңыз.

Мал ұрлығы үшін жаза күшейтілді

<a href="https://kyzylorda-news.kz/">Kyzylorda-news.kz.</a>&nbsp;Қызылорда облыстық ардагерлер кеңесінің көшпелі семинары Жалағаш ауданында өткізілді.
Жалағаш ауданының «Тағзым» аллеясынан бастау алған шара аудан әкімдігінің мәжіліс залында аудан басшысы Асқарбек Темірбекұлының қабылдауына ұласты.
Асқарбек Есжанов облыстық ардагерлер кеңесінің төрағасы Серік Әбішұлы бастаған ардагерлер делегациясына ауданның әлеуметтік – экономикалық даму көрсеткіштері туралы айтып, сондай-ақ, ардагерлердің ел бірлігін сақтауда алатын орнының зор екеніне тоқталды.
<blockquote>
 «Бүгінгі таңдағы ең басты мәселе – елдің бірлігі. «Бірлік болмай, тірлік болмас» – деген, бірлік бар жерде ғана табысты жұмыс болады. Сондықтан қандай басшы келсе де алдымен сол елдің бірлігіне мән берер еді деп ойлаймын. Елде бүкіл саналы ғұмырын туған жерді көркейтуге, түлетуге арнаған ардагер, ақсақалдар бар. «Қарты бар үй – қазыналы» дегендей, бұл әкелеріміз бен, ағаларымыздың өмірлік тәжірибесі бізге керек. Сондықтан ардагер-ақсақалдардың орны әрдайым төрде», – деді аудан әкімі.
</blockquote>
Облыстық ардагерлер кеңесінің төрағасы Серік Дүйсенбаев және айдынды Арал мен қарт Қаратаудың аралығынан арнайы делегация болып қатысқан ардагерлер де ауданда атқарылып жатқан жұмыстарға оң бағасын беріп, аудан басшысының алдағы жұмыстарына сәттілік тіледі.
Бұдан соң ардагерлер көшпелі семинардың бағдарламасына сәйкес орталық стадионда аудан ардагерлері арасында өткізіліп отырған Х дәстүрлі спартакиаданың ашылу рәсіміне қатысты.
Спартакиада аудандық ардагерлер кеңесінің ұйымдастыруымен 2011 жылдан бері тұрақты өткізіліп келеді. Спорттың 5 түрінен атап айтқанда, арқан тартыс, асық ату, бес асық, қол күрес, эстафета, 500 м, 1000 метр жүгіру сайыстары өткізілді. Жарысқа кент және ауылдық округтерден 130-ға жуық ардагерлер қатысты. Жарыс жеңімпаздары арнайы дипломдармен, қаржылай сыйлықтармен, жеңімпаз команда ауыспалы кубокпен марапатталды.
Семинарға қатысушылар кенттегі З.Жарқынбаев атындағы №202 мектептің, Таң ауылының бастауыш ардагерлер ұйымдарының іс-тәжірибесімен танысып, кенттегі Қ.Құлтекенов атындағы жүзу бассейнін көрді. Таң ауылындағы «Таң ЛТД» ЖШС-нің егістік алқабында орақ салу рәсіміне қатысты.
<img src="https://kyzylorda-news.kz/wp-content/uploads/2022/08/301556285_1522686581516748_7496084790365081750_n.jpg" alt="" />
<img src="https://kyzylorda-news.kz/wp-content/uploads/2022/08/301604545_1522686608183412_6717309300920057729_n.jpg" alt="" />

Жалағашта облыстық ардагерлер кеңесінің көшпелі семинары өтті

<a href="https://kyzylorda-news.kz/">Kyzylorda-news.kz.</a>&nbsp;«Азаматтарға арналған үкімет» мемлекеттік корпорациясы Конституция күніне байланысты Қазақстанның халыққа қызмет көрсету орталықтары мен мамандандырылған ХҚКО-лары&nbsp;28, 29 және 30 тамыз күндері жұмыс істемейтінін мәлімдеді, деп хабарлайды&nbsp;<a href="https://stan.kz/">Stan.kz</a>.
Облыс орталықтары мен республикалық маңызы бар қалалардағы&nbsp;кезекші ХҚКО-лар 29 тамызда сағат 9.00-ден 13:00-ге дейін қызмет көрсетеді.&nbsp;Бірақ сол күні Қазпошта тарапынан жоспарланған техникалық жұмыстарға байланысты кезекші ХҚКО-ларда касса арқылы мемлекеттік баж төлеу мүмкіндігі болмайды. Клиенттер мемлекеттік қызметтерді банк қосымшалары мен QR-код арқылы төлей алады.
27 тамыз – жұмыс күні. Сондықтан ертең барлық ХҚКО әдеттегі кесте бойынша істейді.
ХҚКО-лар мен мамандандырылған ХҚКО-лар 31 тамызда жұмысын қайта бастайды.
Айта кетері, ХҚКО-лардың әдеттегі жұмыс кестесі: дүйсенбі-жұма сағат 9:00-ден 18:00-ге дейін.
Кезекші ХҚКО-лар дүйсенбі-жұма аралығында сағат 9.00-ден 20.00-ге дейін, ал сенбі күні сағат 9.00-ден 13.00-ге дейін жұмыс істейді.

Қазақстан және Қызылорда облысының жаңалықтары