Kyzylorda-news.kz. Шиелі ауданында биыл 149,7 мың тонна жоңышқа мен шабындық шөп жиналды.
Синоптиктер мен метеорологтардың болжауынша, биылғы қыс өткен жылдарға қарағанда жылы болады. Сыр өңіріндегі малшылар қыстың қамын жасап, төрт түліктің жем-суын әзірлеп, даяр отыр.
Шиелі аудандық ауыл шаруашылығы бөлімінің басшысы Мұрат Әшірбековтің айтуынша, ауданда 149,7 мың тонна жоңышқа мен шабындық шөп жиналған. Биыл ауданда жоңышқаның орташа өнімділігі гектарына 35 центнерді құрады. Бұл жақсы көрсеткіш.
Жалпы аудан бойынша 62 300 тонна жоңышқа, 87 400 тонна шабындық шөп, 34 500 тонна сабан, 34 100 тонна құрама жем жиналды. Диқандар 1814 тонна күздік, 410 тонна жаздық бидай жиналып, олар негізінен концентрлі және құрама жемге жұмсалады. Алайда, астықтың бұл көлемі Шиелі ауданының мал азығына деген сұранысын қанағаттандыруға жеткіліксіз екені анық. Сондықтан қызылордалық кәсіпкерлер малға қажетті азықтың бір бөлігін басқа аймақтардан импорттайды.
Қазіргі таңда ауданда шөпке сұраныс азаймай отыр. Мысалы, жоңышқаның бір стандартты пресстелген бумасы 500-600 теңгеден, ірі орамдары бес-алты мың теңгеден сатылуда. Қамыс пен сабанның дестелері де жақсы сатылуда. Көптеген шаруашылықтар үшін мал азығын жинау тиімді кәсіп болып табылады. Бүгінде Шиелі ауданына өзге өңірлерден де мал азығын алушы малшылар келеді. Бірақ агроқұрылымдар өз жұмысшыларына жеңілдетілген бағамен, тіпті тегін жем береді. Сонымен қатар, шаруа қожалығында жер үлесі бар ауыл тұрғындары дивиденд түрінде жоңышқа ала алады.
Малды жасыл шөппен қамтамасыз ететін бірлестіктердің қатарында Ақмай, Керделі, Тұран, Иіркөл, Бәйтерек, Жуантөбе, Бестам, Еңбекші ауыл округтерінің шаруа қожалықтары бар.
