<a href="https://kyzylorda-news.kz/">Kyzylorda-news.kz.</a> Халықаралық қарттар күніне орай Жалағаш ауданының әкімі Асқарбек Есжанов, аудандық мәслихаттың хатшысы Гүлзат Құрманбаева, аудандық ардагерлер кеңесінің төрағасы Садық Әлиев, аудандық билер кеңесінің төрағасы Кенжеғара Сүлейменов, кент ардагерлер кеңесінің төрағасы Қожатай Құлмахан Жалағаш кенті Дәуімбай елді мекенінде тұратын Бибайша Қайырбаева әжейді мерекемен құттықтап, сый-құрмет көрсетті. Иығына ақ орамал жауып, батасын алды.
Бибайша әжейдің жасы 103-те. Тыл ардагері. Жастайынан қажырлы еңбек етіп, бүгінде ардақты ана, аяулы әже атанып отырған ғасыр ана.
Аудан басшысы бастаған азаматтар сондай-ақ кенттегі Мыңбай Байтынов ақсақалдың шаңырағында болып, мерейлі мерекемен құттықтады.
Сондай-ақ ақ жаулықты әже Балыш Омарова әжейдің шаңырағына ат басын бұрып, мерекелік сый-сияпат жасалды.
Аудан әкімі Қарттар күніне орай ардагер журналист-жазушы, ауданның Құрметті азаматы Шыңғыс Айбосыновтың үйінде болып, қарттар күнімен құттықтады.
<blockquote>Қазақта «Қариясы бар үйдің қазынасы бар» деген қанатты сөз бар. Сіздер қазынасыздар. Ел үшін жасаған еңбектеріңіз орасан. Кейінгі ұрпаққа үлгі, өнеге. Алланың берген жасын жасаңыздар. Біз сіздермен мақтанамыз, марқаямыз», — деді аудан басшысы Асқарбек Темірбекұлы</blockquote>
<img src="https://kyzylorda-news.kz/wp-content/uploads/2022/10/310317969_1548888858896520_1570339320828858928_n.jpg" alt="" srcset="https://kyzylorda-news.kz/wp-content/uploads/2022/10/310317969_1548888858896520_1570339320828858928_n.jpg 783w, https://kyzylorda-news.kz/wp-content/uploads/2022/10/310317969_1548888858896520_1570339320828858928_n-768x461.jpg 768w" sizes="(max-width: 783px) 100vw, 783px" width="783" loading="lazy">
<img src="https://kyzylorda-news.kz/wp-content/uploads/2022/10/310238519_1548889155563157_3950282275192375831_n.jpg" alt="" srcset="https://kyzylorda-news.kz/wp-content/uploads/2022/10/310238519_1548889155563157_3950282275192375831_n.jpg 1024w, https://kyzylorda-news.kz/wp-content/uploads/2022/10/310238519_1548889155563157_3950282275192375831_n-768x512.jpg 768w" sizes="(max-width: 1024px) 100vw, 1024px" width="1024" loading="lazy">
<img src="https://kyzylorda-news.kz/wp-content/uploads/2022/10/310300985_1548889145563158_1929089929977840511_n.jpg" alt="" srcset="https://kyzylorda-news.kz/wp-content/uploads/2022/10/310300985_1548889145563158_1929089929977840511_n.jpg 1024w, https://kyzylorda-news.kz/wp-content/uploads/2022/10/310300985_1548889145563158_1929089929977840511_n-768x512.jpg 768w" sizes="(max-width: 1024px) 100vw, 1024px" width="1024" loading="lazy">

Жалағашта ардагерлерге құрмет көрсетілді

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Бүгін Қазалы ауданының жастары үшін ерекше есте қалатын күн. Себебі аудан орталығы – Әйтеке би кентінде жастар үйі ашылды.
Шығыстың жарық жұлдызы атанған Ғани Мұратбаевтың ізбасарлары қасиетті Қазалы ауданының өсіп-өркендеуі үшін аянбай еңбек етіп келеді. Жаңа нысан тың жобаларды әзірлеуге, жастардың басын біріктіруге, еріктілердің қызметін дамытуға таптырмас мүмкіндік болары анық.
Жастар үйінің ашылу салтанатына аудан әкімі Мұхтар Оразбаев арнайы қатысып, жастарға жылы лебізін жеткізді.
<blockquote class="wp-block-quote">«Ауданымыздың мерейін асқақтатып, өздерінің білімі, шығармашылық жұмыстары және спорттағы жетістіктерімен облыс, республика, қала берді Халықаралық деңгейде танылып жүрген жастарымыз жетерлік. Біздің тарапымыздан талантты жастарға әрдайым қолдау көрсетіліп келеді. ҚР Президенті Қасым-Жомарт Тоқаев айтқандай «Жастар – ел ертеңі» екенін ескерсек, Тәуелсіз мемлекетіміздің тізгінін ұстар жастарымызға жасалған қамқорлық бұдан ары да жалғаса беретін болады. Оның айқын дәлелі ретінде өткен жылы Қазалы қаласында жастар ресурстық орталығы ашылғанын айтсақ болады. Биыл қала жастары жаңа ғимаратқа көшті. Бүгін міне, Сіздер де өз алдарыңызға бөлек шығып, жаңа ғимаратқа қоныс аударып жатырсыздар. Қазір талабы бар жасқа оқуға, білім алып жетілуге мүмкіндік мол. Жастармен белсенді жұмыс істеп, оқитынына бағыт беріп, оқымайтынына оқуға жағдай жасап, жұмысқа орналастыруға немесе кәсіп ашуға көмек көрсетілуі қажет. Бұл бағытта оң жұмыстар атқарылатынына сенімім мол», – деді Мұхтар Әуесұлы.</blockquote>
Салтанатты шарада Қазалы ауданының құрметті азаматы Болатбек Пұсырманов да құттықтау сөз сөйлеп, ізгі лебізін білдірді.
Мұнан соң құрметті қонақтар «Жастар үйін» аралап, мекеме жұмысымен танысты.
Аудандық жастар ресурстық орталығының директоры Нұрбек Ақпанбетов қазалылық жастарға үнемі қолдау көрсетіп, жанашырлық танытып жүрген аудан басшысы Мұхтар Оразбаев жастар атынан алғысын жеткізді.
<div class="wp-block-image"><figure class="aligncenter size-full"><img loading="lazy" width="1280" height="789" src="https://kyzylorda-news.kz/wp-content/uploads/2022/10/309200269_3471367839750805_1923304809346315026_n.jpg" alt="" class="wp-image-168560" srcset="https://kyzylorda-news.kz/wp-content/uploads/2022/10/309200269_3471367839750805_1923304809346315026_n.jpg 1280w, https://kyzylorda-news.kz/wp-content/uploads/2022/10/309200269_3471367839750805_1923304809346315026_n-768x473.jpg 768w" sizes="(max-width: 1280px) 100vw, 1280px" /></figure></div>

Қазалы ауданында Жастар үйі ашылды

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Буындарыңыз сықырлағанын қойып, жанарыңызда нұр ойнап, тырнағыңыз қатайып, шаштарыңыз да жылтырай бастайды. 
Буындарыңыз сықырлағанын қойып, жанарыңызда нұр ойнап, тырнағыңыз қатайып, шаштарыңыз да жылтырай бастайды. Оған қоса, осы қара суық күз мезгілінде&nbsp; ұйқыңыз жақсарып, шаршау азаяды. Бұл тазалау ағзаны жасартып қана қоймай, көптеген аурулардың алдын алады. Бұл туралы тарихшы, журналист, қоғам қайраткері Тұрар Сәттарқызы Facebook желісіндегі жеке парақшасында жазған.&nbsp;
Көбіміз дұрыс өмір салтын сақтамайтынымыз шындық. Кейбіреулер арақ ішіп, темекі тартады. Салдарынан адам ағзасы уытты заттармен уланады. Артық салмақты адамдар да көп. Ауырмайтын адам жоқ.
<blockquote class="wp-block-quote">“Өзім көп дәрі қабылдағандықтан, бауыр-бүйрек, асқазан ауырып, дәрі-дәрмек уытынан болған токсиндерден тазалану жолын іздеп, Тибет монахтарының күрішпен тазару рецептін таптым. Қолданып жүрмін. Қолданған таныстарымның арасында денсаулыққа да пайдасы болғанын және тіпті арықтауға да себеп болатынын көрдік деп жүр”</blockquote>
Қажет заттар:&nbsp;
Қоңыр күріш, &nbsp;(бурый рис), 2 литр банка (мен 1 литр банкаға бөліп жасаймын, ыңғайлы болса, солай жасасаңызда болады, тек бітіп қалмауын қадағалап отырыңыз!).
Жас мөлшеріңізге қарай, қоңыр күріштің 2-3 қорабын аласыз. 20 күн үзбей жеу керек. Мен екі қорабын алдым.
Ертең тазалануды бастаймын деген күні күріштің бір қорабын алып, жақсылап жуып, сүзіп, 2 литр банкаға саласыз да, үстінен қанжылым су құясызда, тоңазытқышқа қойып қоясыз. 2 литр банка алу себебі: үстіне жылы су құйылған күріш өседі.
Ертең ерте тұрып, ашқарында шәй температурасындай судың (ыссы, қатты ыстық емес) 3-4 стаканын ішесіз (іше алғанша). &nbsp;Суды отырып, асықпай ұрттап-ұрттап ішу керек (тез ішсеңіз, жүрек айнып кетуі мүмкін).
Су ішіп жатқан кезде тоңазытқыштағы банкадағы күрішті алып шығып, эмаль кастрюльге 3 ас қасық күріш салып, баяу отта 20 -25 минут қайнатасыз. Банкадағы күрішті жақсылап суық сумен жуып, тағы қанжылым су құйып тоңазытқышқа қайта қоясыз (күнде-күнде осылай жасайсыз! Күрішті күнде жуып, үстіне су құйып қою маңызды!). Сосын жарты сағат өткенде піскен күрішті асықпай шайнап жейсіз (әр күрішті шайнау маңызды!).
Бұл сіздің таңғы асыңыз болады. 3 сағат бойы ештеңе жемейсіз, ішпейсіз. 3 сағат өткен соң, 1 стақан ыссы су ішесіз( шәй ішкендей). Сосын 15-20 минут тағы еш нәрсе жемейсіз. Тек содан кейін ішіп-жеуге ғана болады. Күніне 2 литр су ішу керек (тек сағат 18.00 дейін ғана!).&nbsp;
Ағзаны тазарту кезінде қажетті заттар мен дәрумендерді де қадағалау керек. Тазару кезінде рационға кепкен өрік, мейіз, суға піскен картоп) жеу керек.
Суық су, балмұздақ тәрізді суық тағам пайдаланбаңыз. Күніне ішетін 2 литр суыңыз да жылы болуы керек. Тәтті тағамды шектеңіз.
Калий мен магний жетіспеушілігі болмау үшін тазалану кезінде құрамында осылар бар дәрумендер қабылдауды &nbsp;ұмытпаңыздар!
Суда тұрған күріш ағза үшін мықты энтерсорбент болып табылады, ол буындар мен несеп жолдарынан ауыр тұздарды шығарады. Осы тазару кезінде майлы, ащы, калория мөлшері көп азық-түлікті пайдаланбаңыз. Көк шәй, итмұрын тұнбасын (термоста тұндырған) ішіп, көк алма, сәбіз, қызылша, қырыққабат, салаттар жеуге болады.
Бұл тазару кезінде ағзадан ауыр тұздар мен токсиндермен бірге, жүрек жұмысы үшін маңызды дәрумен -калий де шайылып шығады. Сондықтан кефирге кепкен өрік (курага) &nbsp;салып ішуге және остепороздың алдын алу үшін кепкен жеміс жеуге болады.
Бұл тазартудан кезінде қолыңызға смарт сағат тағып, күнделікті қадамыңызды санап, жаяу жүріп, жаттығулар жасап жүрсеңіз, салмағыңыз жақсы түседі. Тамағыңызды қадағалап, ас ішкен соң, жата қалмай, әрдайым қимыл-қозғалыста болыңыз. &nbsp;
Күніне 8-10 мың қадам жасауға тырысып, жаяу жүретін жерде көлікпен жүрмей, лифтімен емес, баспалдақпен көтеріліңіз, велосипед тебіңіз, жаттығу жасаңыз.
Буындарыңыз “сықырлағанын” қойып, жанарыңызда нұр ойнап, тырнағыңыз қатайып, шаштарыңыз да жылтырай бастайды. Ұйқыңыз жақсарып, шаршау азаяды. Бұл тазалау ағзаны жасартып қана қоймай, көптеген аурулардың алдын алады.
Тибет монахтарының ұзақ өмір сүруінің сыры осында шығар?! Ауырмаңыз, аман болып, ұзақ жасаңыз! &nbsp;

Күріштің біз білмейтін пайдасы қандай?

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Бүгін Қазалы ауданында жезтаңдай әнші, Қазақстанның және КСРО халық әртісі, Халық қаһарманы, жерлесіміз Роза Бағланованың 100 жылдық мерейтойына арналған «Ән әлемінің падишасы» атты танымдық конференция өтті.
Роза Бағланова атындағы мәдениет орталығында өткен конференцияда аудан әкімі Мұхтар Оразбаев қасиетті Қазалы жерінде дүниеге келген Роза Тәжібайқызының ән әлемінің жарық жұлдызы ретінде Қазақстанды дүниежүзіне таныстырып, аңыз – адам, ұлт мақтанышы атанғанын жеткізді.
Конференция барысында ғалым, тарих ғылымының кандидаты, облыстық Әбділда Тәжібаев атындағы әмбебап ғылыми кітапханасының директоры Нұрлыбек Мыңжас «Бағланова болмысының ерекшелігі» тақырыбында баяндама жасады.
Ал, Алматы қаласында тұратын жерлесіміз, Халықаралық ақпараттар академиясының академигі, Еуразиялық кәсіби лидер медалінің иегері, Қазақстанның Құрметті журналисі, БҰҰ сыйлығының лауреаты Ермек Зәңгіров, Орал қаласында тұратын жерлесіміз, Қазалы ауданының құрметті азаматы Қуаныш Төлебаев, қоғам қайраткері, «Құрмет» орденінің иегері иегері Нәжмадин Мұсабаев, «Алаш» әдеби сыйлығының лауреаты Қаршыға Есімсейітова және Қазалы ауданының құрметті азаматы Берік Бисембаев, аралдық сазгер, Қазақстанның еңбек сіңірген қайраткері, Қазақстан композиторлар Одағының мүшесі, Арал ауданының Құрметті азаматы, Мұрат Сыдықов талант иесі жөнінде тебіреніске толы естеліктер айтып, Роза Бағланованың есімі қазақ халқының есінде мәңгі сақталатындығын білдірді.
Танымдық конференцияда аудан әкімі Мұхтар Оразбаев, аудандық ардагерлер кеңесінің төрағасы Оразғали Бекбанов, Қазалы ауданының құрметті азаматтары, экономика ғылымының докторы, профессор Орақ Әлиев, Бибіайша Тілеубергенова «Ән әлемінің падишасы» атты кітаптың тұсауын кесіп, оқырмандарға ұсынды.
Конференцияға қатысуға еліміздің әр түкпірінен келген қонақтар аудан орталығындағы Жанқожа батыр кесенесі және Жалаңтөс батыр мен Әйтеке би ескерткіштеріне тағзым етіп, гүл шоқтарын қойды.
<div class="wp-block-image"><figure class="aligncenter size-full"><img loading="lazy" width="960" height="799" src="https://kyzylorda-news.kz/wp-content/uploads/2022/10/310419057_3471415046412751_3842697256168603195_n.jpg" alt="" class="wp-image-168554" srcset="https://kyzylorda-news.kz/wp-content/uploads/2022/10/310419057_3471415046412751_3842697256168603195_n.jpg 960w, https://kyzylorda-news.kz/wp-content/uploads/2022/10/310419057_3471415046412751_3842697256168603195_n-768x639.jpg 768w" sizes="(max-width: 960px) 100vw, 960px" /></figure></div>
<div class="wp-block-image"><figure class="aligncenter size-full"><img loading="lazy" width="1280" height="725" src="https://kyzylorda-news.kz/wp-content/uploads/2022/10/309228140_3471415733079349_2559454415449357545_n.jpg" alt="" class="wp-image-168555" srcset="https://kyzylorda-news.kz/wp-content/uploads/2022/10/309228140_3471415733079349_2559454415449357545_n.jpg 1280w, https://kyzylorda-news.kz/wp-content/uploads/2022/10/309228140_3471415733079349_2559454415449357545_n-768x435.jpg 768w" sizes="(max-width: 1280px) 100vw, 1280px" /></figure></div>
<div class="wp-block-image"><figure class="aligncenter size-full"><img loading="lazy" width="1280" height="987" src="https://kyzylorda-news.kz/wp-content/uploads/2022/10/309048827_3471416143079308_1029569672066928648_n.jpg" alt="" class="wp-image-168556" srcset="https://kyzylorda-news.kz/wp-content/uploads/2022/10/309048827_3471416143079308_1029569672066928648_n.jpg 1280w, https://kyzylorda-news.kz/wp-content/uploads/2022/10/309048827_3471416143079308_1029569672066928648_n-768x592.jpg 768w" sizes="(max-width: 1280px) 100vw, 1280px" /></figure></div>

Қазалыда Роза Бағланованың 100 жылдығына орай танымдық конференция өтті

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a>&nbsp;Қасиетті Қармақшы төрінде ән әуелеп,күй күмбірлеген, жырдан жақұт жауған ғажап күн болды. Қазақтың күміс көмей әншісі, Халық қаһарманы Роза Бағланованың 100 жылдық мерейтойы аясында өнер иесі атындағы ұжым ауданымызға гастрольдік сапармен келді.
Мемлекет басшысы Роза Бағланованың қайталанбас дарын мен көрнекті дауыс иесі екенін, сол үшін халық оны «қазақтың бұлбұлы» деп атап кеткенін айта келе, Роза Бағланованың есімін мәңгі сақтап қалу шараларын қабылдауды тапсырған болатын. Осыған орай, еліміздің басты концерттік ұйымы – Қазақ концертке Роза Бағланованың есімі берілді.
Қорқыт қобызының мәңгілік сарыны қалған, ақындық пен жыраулықтың ақ бесігі болған қасиетті Қармақшы жеріне келген «Қазақконцерт» ұжымы өнерсапарын ең алдымен Қорқыт кесенесіне тағзым етуден бастады.
Одан соң Шәмшат Төлепова атындағы аудандық мәдениет үйінде &#171;Қазақ деген халықтың еркесімін&#187; тақырыбымен өткен гала концертке ұласты.
Мерейлі кеште аудан әкімі Әділбек Бөрібайұлы сөз алып, аудан халқын рухани жігерлендірген өнер ұжымына қармақшылықтар атынан алғысын білдірді.
<blockquote class="wp-block-quote">«Бүгін халықтың рухани тынысын кеңейткен күн болды. Өнерден сусындаған аудан халқының көңілі тағы бір серпілді. Алдағы уақытта да қасиетті Қармақшы ауданы өнер мен мәдениеттің қара шаңырағы саналатын «Қазақконцерт» ұжымына қолдау көрсетуге қашанда әзір. Осындай мазмұнды шараның жоғары деңгейде өтуіне атсалысқан баршаңызға аудан халқының атынан алғысымды айтамын. Сондықтан сіздердің шығармашылықтарыңызға шалқар шабыт, отбастарыңызға бақ-береке тілеймін», &#8212; деп тілектестігін білдірді аудан әкімі. </blockquote>
Қармақшылық өнерсүйер қауым асыға күткен концертте еліміздің ән әлеміндегі жарық жұлдыздары мен халықаралық сахналарда шыңдалған жас өнерпаздары өнер көрсетті.
<div class="wp-block-image"><figure class="aligncenter size-full"><img loading="lazy" width="1280" height="853" src="https://kyzylorda-news.kz/wp-content/uploads/2022/10/308968834_2177748662396028_3789044724421157659_n.jpg" alt="" class="wp-image-168572" srcset="https://kyzylorda-news.kz/wp-content/uploads/2022/10/308968834_2177748662396028_3789044724421157659_n.jpg 1280w, https://kyzylorda-news.kz/wp-content/uploads/2022/10/308968834_2177748662396028_3789044724421157659_n-768x512.jpg 768w" sizes="(max-width: 1280px) 100vw, 1280px" /></figure></div>

Ән падишасы Роза Бағлановаға 100 жыл

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Зерттеушілер тобы дұрыс тамақтану индексін әзірледі.
Әрбір желінген хот-дог адам өмірін 36 минутқа қысқартады. Мичиган университетінің ғалымдары осындай қорытындыға келген, деп хабарлайды Daily Telegraph.
Зерттеушілер тобы дұрыс тамақтану индексі әзірледі. Ол түрлі тағам, тіскебасар, сусындардың денсаулыққа әсеріне негізделеді.
Анықталғандай, кез келген өңделген еттің бір грамы орта есеппен өмірді 45 секундқа қысқартады екен. Ал хот-догқа келер болсақ, мұндағы қауіпті натрий мен трансмайлы қышқылдарды есептей беріңіз.
Дегенмен осы әдіске негізделе отырып, өмірді ұзартуға болады. Мәселен ақсерке балығын тұтыну өмірді 16 минутқа ұзартса, бір уыс жаңғақ &#8212; 26 минутқа ұзартады екен.
Вaq.kz

Әрбір желінген хот-дог адам өмірін 36 минутқа қысқартады

Kyzylorda-news.kz. Қызылорда облысында электрондық сауда алаңдары арқылы сұйытылған мұнай газын өткізу кезінде монополиялық жоғары бағаны белгілеуге жол берген «ҚазГерМұнай» БК» ЖШС-не 126,6 миллион теңге көлемінде әкімшілік айыппұл салынды. 
Қызылорда облыстық прокуратурасы Бәсекелестікті қорғау және дамыту агенттігінің Қызылорда облысы бойынша департаменті мамандарымен бірлесіп, «ҚазГерМұнай» БК» ЖШС-не қатысты тексеру жүргізген болатын. Тексеру нәтижесінде заң бұзушылық анықталды.
«Былтыр аталған серіктестік Қызылорда облысы және оңтүстік макро өңір аумағында электрондық сауда алаңдары арқылы сұйытылған мұнай газын өткізу кезінде монополиялық жоғары бағаларды белгілеген. Оны ұстап тұрумен айналысқан. Облыстық соттың қаулысына сәйкес аталған серіктестік бәсекелестікті қорғау саласындағы заңнаманы бұзу бойынша кінәлі деп танылды. Оларға 126,6 миллион теңге көлемінде әкімшілік айыппұл салынды. Монополистік қызметті жүзеге асыру нәтижесінде алынған 881,4 миллион теңге монополиялық табысы мемлекет пайдасына тәркіленді», &#8212; деп мәлім етті Бәсекелестікті қорғау және дамыту агенттігінің Қызылорда облысы бойынша департаменті тергеп-тексеру бөлімінің басшысы Ерлан Кәрібаев.
Серіктестік тарапынан соттың санкциясында көзделген әкімшілік айыппұл мен монополиялық табысты өз еркімен мемлекет бюджетіне төленді.
<a href="https://www.inform.kz/kz/kyzylordada-gaz-otkizude-zan-buzgan-kompaniyaga-ayyppul-salyndy_a3985739">ҚазАқпарат</a>

Қызылордада газ өткізуде заң бұзған компанияға айыппұл салынды

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Қызылорда облысының әкімі Нұрлыбек Нәлібаев сырбойылық ұстаздар қауымын төл мерекемен құттықтады. 
«Берекелі күздегі қазан айының алғашқы жексенбісінде ұстаздар күнін атап өтіп, ұлағатты мамандық иелеріне арналған салтанатты шараға қатысып, Сыр жұртшылығы атынан ілтипатымды білдірдім. Оқушы жүрегіне ізгілік дәнін сепкен ұлағатты, парасатты жандарды құттықтау &#8212; азаматтық және шәкірттік парызымыз.
Биыл алғаш рет саналы ғұмырын шәкірт тәрбиелеуге арнаған Төлепберген Қасымов пен Марк Подольский ұстаздарымызға облыстың Құрметті азаматы атағын табыстадық. Бұл үрдісті дәстүрге айналдыратын боламыз.
Төл мерекеде еңбегімен елге танылған, абырой арқалап, шәкіртімен мерейі артқан бірқатар ұстаздарға марапат табыстадық. Ал, жыл қорындысымен үздік нәтиже көрсеткен 10 мұғалімге 900 мың теңгеге жуық қаржылай сыйақы беру рәсімін өткіземіз. 
Қадірлі ұстаздар! Мерейлі сәтте барша Сыр ұстаздарын кәсіби мерекесімен құттықтай отырып, терең білімді ерен еңбекпен ұштастырып, Әділетті Қазақстанның перзенттерін жаңашыл, жаңғырған болмыста тәрбиелеуде мықты денсаулық, қажырлы күш- қайрат, отбастарыңызға құт-береке, амандық тілеймін! Төл мерекелеріңіз құтты болсын!», &#8212; деп жазды облыс әкімі.
<div class="wp-block-image"><figure class="aligncenter size-full"><img loading="lazy" width="2048" height="1646" src="https://kyzylorda-news.kz/wp-content/uploads/2022/10/309556024_165075339512288_6533601655631482693_n.jpg" alt="" class="wp-image-168526" srcset="https://kyzylorda-news.kz/wp-content/uploads/2022/10/309556024_165075339512288_6533601655631482693_n.jpg 2048w, https://kyzylorda-news.kz/wp-content/uploads/2022/10/309556024_165075339512288_6533601655631482693_n-768x617.jpg 768w, https://kyzylorda-news.kz/wp-content/uploads/2022/10/309556024_165075339512288_6533601655631482693_n-1536x1235.jpg 1536w" sizes="(max-width: 2048px) 100vw, 2048px" /></figure></div>

Нұрлыбек Нәлібаев: Парасатты жандарды құттықтау &#8212; азаматтық және шәкірттік парызымыз

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a>&nbsp; Қазақстанда қазаннан бастап бірқатар өзгеріс болады.&nbsp;25 қазан &#8212; Республика күні болып бекітілді. Сондай-ақ, салық, депозит тақырыптарына қатысты да жаңалықтар болады.&nbsp;
Қазанда қазақстандықтар қанша күн демалады?
Президент Қасым-Жомарт Тоқаев кинематография, мәдениет және мерекелер мәселелері бойынша өзгерістер мен толықтырулар енгізу туралы заңға қол қойған еді. Осыған орай&nbsp;25 қазан &#8212; Республика күні болып белгіленді. Ал&nbsp;қазақстандықтар биыл Республика күнінде 3 күн,&nbsp;қазанның 23-25 күндері демалады.
Қазанда ауа райы қандай болады?
Күзге арналған ауа райы болжамына сәйкес, алғашқы екі айда республиканың басым бөлігінде ауа температурасы нормадан 1-2 градусқа жоғары болады деп болжанған. Қыркүйек пен қазанда жауын-шашын мөлшері Қазақстанның басым бөлігінде нормадан аз болады, яғни көбіне құрғақ болады.
Қазанда депозит бойынша ең жоғары көрсеткіш бекітілді
Отбасы банкі 1 қазаннан бастап жылдық пайыздық мөлшерлемені өсіреді. Бұған дейін бұл көрсеткіш 7 пайыз болса, енді 11,5 пайызға дейін көтеріледі. Осы арқылы банк жинақ мәдениетін қалтастыруды көздейді. Бұл туралы QAZAQSTAN телеарнасының сюжетінде айтылған.
&#171;Отбасы банк&#187; өкілдері бұл өзгеріс мемлекеттік бағдарлама арқылы баспана алғысы келетіндерге қатысы жоғын айтқан. Бұл тек аралық тұрғын үй несиесіне сараланған пайыздық мөлшерлемелерге қолданылады. Яғни, үй құнының 50 пайызын жинап, депозитте ай сайын қаражат салмаған, бірақ бірден үй сатып алғысы келетіндерге қатысты болады.
Мүлік салығын төлеу мерзімі аяқталады
1 қазанда жылжымайтын мүлік және жер учаскелерінің меншік иелеріне 2021 жылға есептелген мүлік салығын төлеу мерзімі аяқталады. Дегенмен елімізде 1,7 миллион меншік иесі салық міндеттемесін әлі орындамаған. Бұл туралы ҚР ҚМ Мемлекеттік кірістер комитетінің баспасөз қызметі хабарлаған.&nbsp;Сондықтан ведомство 2022 жылғы 2 қазаннан бастап жеке тұлғалардың салық берешегі туралы хабарламаларды борышкерлерге жібереді.&nbsp;1 айлық есептік көрсеткіштен аса берешек сомалары бойынша хабарлама жіберілген соң отыз жұмыс күнінен кейін берешекті мәжбүрлеп өндіріп алу туралы салық бұйрығы жіберіледі. Бұл салық бұйрығы 5 жұмыс күні өткеннен кейін жеке сот орындаушыларына мәжбүрлеп өндіріп алу үшін беріледі. Жеке сот орындаушылары берешек сомасынан басқа шоттарға тыйым салу секілді қолайсыздықтарды айтпағанда, салық берешегі сомасының 25 пайызына дейінгі мөлшерде қосымша төлемді өндіріп алады.
Тауар тасымалдау ережелері өзгереді
Маңғыстау облысы Мемлекеттік кірістер департаменті мәліметінше, 2022 жылғы 1 қазаннан бастап жеке тұлғалардың қолдануына арналған тауарды бажсыз әкелу нормасы төмендеген. 2022 жылғы 28 сәуірден бастап қолданыста болған норманы ұлғайту туралы уақытша шешімнің күші жойылады.&nbsp;
&#171;1 қазаннан бастап шекараны кесіп өтетін азаматтар 500 евродан аспайтын (қазір &#8212; 1000) және салмағы 25 келіден аспайтын (қазір &#8212; 31 келі) тауарды бажсыз әкеле алады. Көрсетілген шектен асқан жағдайда құнның 30 пайызы мөлшерінде баж төлеу керек, мөлшерінен асса, 1 келі үшін кемінде 4 еуро төлеу керек&#187;, &#8212; деп түсіндірген Департамент өкілдері.
Тасымалдаушы жеткізетін немесе Еуразиялық экономикалық одақтың кедендік аумағына халықаралық пошта жөнелтілімдері арқылы жіберілетін жеке пайдалануға арналған тауарға қатысты 2022 жылғы 1 қазаннан бастап тауардың құн шарттары 1000-нан 200 еуроға дейін төмендейді. Бұл жағдайда салмақ шегі қолданыстағы шекте қалады, яғни 31 келіге дейін.
Темекі тасымалдауға қатысты шекті мөлшер де өзгеріссіз қалады &#8212; 200 темекі немесе 50 сигара (сигарилла) немесе 250 грамм табака. Сонымен қатар, 18 жасқа толған бір жеке тұлғаға есептегенде, жалпы салмағы 250 граммнан аспайтын тізімде көрсетілген өнімдер болады.
Алкогольді бажсыз әкелу нормасы өзгеріссіз қалады, 18 жасқа толған бір жеке тұлғаға есептегенде, 3 литрге рұқсат беріледі.
20 мың теңгелік жаңа банкнот айналымға шығады
1 қазаннан бастап Ұлттық банк номиналдық құны 20 мың теңгелік банкнотты айналымға шығарады.
Банкнот айналымдағы ақша белгілерімен бірыңғай стильде жасалған. Мысалы, бет жағында көбіне тігінен орындалған бейнелер, сырт жағында көлденең орындалған бейнелер орналасқан. Дизайны номиналдың голографиялық бейнесі тігінен орналасқан металсыздандырылған жолақты қолдана отырып жасалған.
Банкноттың 25 қорғаныш элементі бар, мөлшері 155х79 мм және сұр түске басымдық берілген.
<a href="https://massaget.kz/basty-zhaalytar-438/72607/">Massaget</a>

Қазақстанда қазаннан бастап не өзгереді?

Kyzylorda-news.kz. Жыл сайын елімізде қазанның алғашқы жексенбісі ұстаздар күні мерекесі ретінде аталып өтеді, деп хабарлайды ҚазАқпарат.
Ұстаз – қасиетті ұғым. Ұлы Абай «Адамның адамгершілігі жақсы ұстаздан» деген болатын.
Ал Ыбырай Алтынсарин «Мен үшін жақсы мұғалім бәрінен де артық, өйткені мұғалім – мектептің жүрегі» дейді.
Еске салсақ, ұстаздар күні мерекесі 1965 жылы 29 қыркүйекте КСРО Жоғарғы Кеңесі Президиумының бұйрығымен бекітілген.
ҚР Ұлттық статистика бюросының дерегіне сәйкес, 2021-2022 оқу жылында елімізде 555 014 педагог еңбек еткен.
Былтырғы оқу жылының басында мектепке дейінгі ұйымдардағы педагог саны 96 723 адамды құрады, оның ішінде:
30 жасқа дейінгі педагогтер – 22,7% (21 931 адам)
30-дан 39 жасқа дейінгі педагогтер – 32,4% (31 363 адам)
40-тан 49 жасқа дейінгі педагогтер &#8212; 26,1% (25 259 адам)
50-ден 59 жасқа дейін – 16,2% (15 662 адам)
50 жастан жоғары – 2,6% (2 508 адам)
зейнеткерлік жаста – 2,5% (2 445 адам).
Ал жалпы білім беретін мектеп ұстаздарының саны өткен оқу жылында 385 830 адамды құрады, оның ішінде 80% астамы &#8212; әйел (311 623 адам).
Сондай-ақ, ұлттық бюроның мәліметі бойынша елімізде 36 378 педагог жоғары оқу орнында еңбек етіп жатыр.
Енді ұстаздар қауымына қатысты Қазақстанда іске асып жатқан реформалар мен жаңашылдықтарға тоқталып өтсек. Биыл Мемлекет басшысының тапсырмасы бойынша мұғалімдердің еңбекақысы&nbsp;<a rel="noreferrer noopener" href="https://www.inform.kz/kz/prezident-tapsyrmasy-oryndalyp-ustazdardyn-zhalakysy-artty_a3911030" target="_blank">25 пайызға артты</a>. Бұл мақсатта алдағы үш жылда 1,2 трлн теңге бөлінетіні айтылды.
Бұдан бөлек, Президент биыл Қазақстан халқына Жолдауында педагогикалық жоғары оқу орындарын аккредиттеудің жаңа стандарты қабылданатынын айтты.
<blockquote class="wp-block-quote">«Жаңа Қазақстанды құру ісінде мұғалімдердің рөлі айрықша екені сөзсіз. Мемлекетімізде соңғы жылдары ұстаз мамандығының абырой-беделін арттыру үшін көп жұмыс жасалды. Дегенмен бұл бағытта әлі де біршама өзгерістер қажет. Педагогикалық жоғары оқу орындарын аккредитациялаудың жаңа стандарты қабылданады. Сондай-ақ ұстаздардың құзырет аясы айқындалады. Жаһандық ғылыми-техникалық даму барысын ескерсек, жоғары сыныптарда жаратылыстану-математика пәндерін және ағылшын тілін оқытуды барынша күшейту маңызды», &#8212; деген еді Қасым-Жомарт Тоқаев.</blockquote>

Бүгін Қазақстанда ұстаздар мерекесі тойланады

Kyzylorda-news.kz. Қазгидромет синоптиктері 2 қазан, жексенбіге арналған ауа райы болжамын ұсынды.
Қазақстанның басым бөлігіне солтүстік антициклон ықпал етеді, сондықтан жауын-шашын жаумайды.
Тек еліміздің батысы, оңтүстік-шығысында атмосфералық фронттардың әсерінен жаңбыр, оңтүстік-шығыстың таулы аудандарында жауын-шашын (жаңбыр, жылбысқы қар) жауады.
Республика бойынша кей жерлерде жел күшейеді, батыста, шығыста, оңтүстік-шығыста тұман, оңтүстікте шаңды дауыл соғады.
Түркістан, Қызылорда облыстарының басым бөлігінде төтенше өрт қаупі сақталады, Қарағанды, Ұлытау облыстарының басым бөлігінде, Ақтөбе, Қостанай, Солтүстік Қазақстан облыстарының оңтүстігінде, Павлодар облысының орталығында, Алматы, Жамбыл, Шығыс Қазақстан облыстарының батысында төтенше өрт қаупі сақталады.
Түркістан, Қызылорда облыстарының солтүстігінде, Жамбыл облысының солтүстігі мен таулы аудандарында топырақ бетінде 1-3 градус үсік жүреді.

Жексенбіге арналған ауа райы болжамы

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a>&nbsp;Қазалы ауданында Халықаралық қарттар мерекесіне орай салтанатты шара өтті.
Салтанатты шараға тыл еңбеккерлері, еңбек ардагерлері мен Қазалы ауданының құрметті азаматтары және көп балалы аналар қатысты.
Мерекелік шарада аудан әкімі Мұхтар Оразбаев құттықтау сөз сөйлеп, игі тілегін жеткізді.
Өмірінің көп бөлігін қоғамның әр саласында қажырлы еңбек етуге арнаған ардагерлерге аудандық ардагерлер кеңесінің төрағасы Оразғали Бекбанов та жылы лебізін білдірді.
Мерекелік шара барысында «Өнеге көрсету үлкеннен, үлгі алу жастардан» атты жаңа кітаптың тұсауы кесіліп, оқырмандарға жол тартты. Кітаптың авторы аудандық ардагерлер кеңесінің төрағасы Оразғали Достанұлы Бекбанов.
Ізгі тілектерден кейін еңбегімен еленіп, ел болашағы үшін аянбай тер төккен бірқатар ардагерлерге «Қазақстан ардагерлер ұйымына 35 жыл» мерекелік медалімен марапатталып, «Amanat» партиясы Қазалы аудандық филиалы мен Қызылорда облыстық ардагерлер кеңесінің «Құрмет Грамотасы», республикалық ардагерлер ұйымы мен аудан әкімінің «Алғыс хаттары» табысталды.
Қариялардың мерейін үстем еткен көңілді кеште аудандық мәдениет орталығының өнерпаздары ән-күйден шашу шашып, арнайы сыйлықтар ұсынылды.
<div class="wp-block-image"><figure class="aligncenter size-full"><img loading="lazy" width="1225" height="1280" src="https://kyzylorda-news.kz/wp-content/uploads/2022/10/308741802_3470255663195356_2545818532607323339_n.jpg" alt="" class="wp-image-168564" srcset="https://kyzylorda-news.kz/wp-content/uploads/2022/10/308741802_3470255663195356_2545818532607323339_n.jpg 1225w, https://kyzylorda-news.kz/wp-content/uploads/2022/10/308741802_3470255663195356_2545818532607323339_n-768x802.jpg 768w" sizes="(max-width: 1225px) 100vw, 1225px" /></figure></div>

Қазақстан және Қызылорда облысының жаңалықтары

Жалағашта ардагерлерге құрмет көрсетілді

Қазалы ауданында Жастар үйі ашылды

Күріштің біз білмейтін пайдасы қандай?

Қазалыда Роза Бағланованың 100 жылдығына орай танымдық конференция өтті

Ән падишасы Роза Бағлановаға 100 жыл

Әрбір желінген хот-дог адам өмірін 36 минутқа қысқартады

Қызылордада газ өткізуде заң бұзған компанияға айыппұл салынды

Нұрлыбек Нәлібаев: Парасатты жандарды құттықтау — азаматтық және шәкірттік парызымыз

Қазақстанда қазаннан бастап не өзгереді?

Бүгін Қазақстанда ұстаздар мерекесі тойланады

Жексенбіге арналған ауа райы болжамы

Қазалы ауданында қарттарға құрмет көрсетілді

Қазақстан және Қызылорда облысының жаңалықтары

Жалағашта ардагерлерге құрмет көрсетілді

Қазалы ауданында Жастар үйі ашылды

Күріштің біз білмейтін пайдасы қандай?

Қазалыда Роза Бағланованың 100 жылдығына орай танымдық конференция өтті

Ән падишасы Роза Бағлановаға 100 жыл

Әрбір желінген хот-дог адам өмірін 36 минутқа қысқартады

Қызылордада газ өткізуде заң бұзған компанияға айыппұл салынды

Нұрлыбек Нәлібаев: Парасатты жандарды құттықтау &#8212; азаматтық және шәкірттік парызымыз

Қазақстанда қазаннан бастап не өзгереді?

Бүгін Қазақстанда ұстаздар мерекесі тойланады

Жексенбіге арналған ауа райы болжамы

Қазалы ауданында қарттарға құрмет көрсетілді

Нұрлыбек Нәлібаев: Парасатты жандарды құттықтау — азаматтық және шәкірттік парызымыз