<a href="https://kyzylorda-news.kz/">Kyzylorda-news.kz</a>.&nbsp;Үкімет келесі айдың соңында жеңілдетілген автокредит бағдарламасы іске қосуды жоспарлап отыр.
Бағдарламаның негізгі шарттары белгілі. Шекті сомасы да жарияланған болатын.
Бюджеттік көліктер көп пе?
Жеңілдетілген автокредит бағдарламасының негізгі шартына сәйкес, кредитке рәсімделетін көлік отандық зауыттарда құрастырылуы шарт. Бүгінде ондай көліктер аз емес. Олардың ішінде Huyndai, Renault, Kia, Jac сияқты танымал маркалар бар. Оған қоса, әрбір марканың бірнеше моделі де шығарылады.
Бірақ автокредит бағдарламасы бойынша кредитке берілетін көлік “бюджеттік модельден” аспауы керек. Ал шекті бағасы – 10 миллион теңге. Негізі, осы сомаға кейбір модельдердің толық комплектация да келе береді. Мәселен, Kia Picanto-ның ең жоғары бағасы 8 миллионнан сәл асып тұр. Бұдан бөлек, Kia Rio мен Kia Rio X -ті қосымша опциялармен бірге алуға болады. Ал базалық модельдері 7,7-8,5 миллион теңгеден басталады. 
Huyndai маркасын да жеңілдетілген автокредитке рәсімдеуге болады. 10 миллионға дейінгі модельдері баршылық. Ал Renault мен Jac сәл қымбатқа түседі. Себебі базалық модельдердің өзі 9-10 миллион теңгеден басталады.
Қазіргі кезде астанадағы автосалондарда көлік аз. Қызметкерлердың айтуынша, сәуір айында қосымша партиясы келуі керек. Бірақ келесі айда бағалар да өзгеруі мүмкін.
Ай сайынғы төлемнің мөлшері қандай?
Бүгінде әрбір автосалонда банк қызметкерлері отырады. Олар кредитке рәсімделетін кез келген көліктің ай сайынғы төлемдерін есептеп береді. Мәселен, Kia-ның базалық моделі 7,7 миллион тұрса, 4 проценттік автокредитпен 7 жылда ай сайын 105 250 теңге төлеу керек.
<blockquote>
 «Алғашқы жарнасыз жеті жылдың ішінде артық төлемнің жалпы мөлшері 1 140 984 теңге болады. Осылайша, банкке 8 840 984 теңгені қайтару керек. Ал автокредиттің мерзімі бес жыл болса, ай сайынғы төлем 141 807 теңгеге дейін өседі. Бірақ артық төлемнің жалпы мөлшері 808 433 теңгеге дейін төмендейді. Бір сөзбен айтсақ, кредиттің мерзімі қысқарған сайын банкке қайтарылатын ақша азаяды. Алайда ай сайынғы төлем жоғары болады», – дейді банк қызметкерлері.
</blockquote>
10 миллион теңге тұратын көлік үшін ай сайын 136 688 теңге, ал 7 жылда банкке 1 481 797 теңгені артығымен төлеуге тура келеді. Осылайша, кредитке алынған 10 миллионды 11 481 797 теңге көлемінде қайтару қажет. Банк қызметкерлері жеңілдетілген автокредит бағдарламасы бойынша көліктердің нақты тізімі де бекітілетінін еске салды.
Мәселен, бұған дейінгі бағдарламада Chevrolet, Hyundai, JAC, Kia, LADA, Ravon,Škoda мен UAZ-дың бірқатар модельдерін кредитке берілді.
Автокредиттің негізгі шарттары қандай?
Жеңілдетілген автокредит бағдарламасының жылдық мөлшерлемесі бұрынғы деңгейде – 4 процент болып қалады. Мерзімі – 7 жыл. Кредит 10 миллион теңгеге дейін беріледі.
Көлік одан сәл қымбат болса, ақшаны үстінен қоса салуға болады. Бірақ өте қымбат көліктерге жеңілдетілген кредит берілмейді.
Бүгінде министрлікте алғашқы жарна мәселесі де талқыланып жатыр. Әлеуметтік осал топтар үшін жарнаны алып тастауы мүмкін. Бәлкім, барлығы бірдей алғашқы жарнадан босатылатын шығар.
Қазіргі кезде министрлік мамандары есеп-қисап жасап жатыр. Жеңілдетілген автокредит бағдарламасы бойынша онлайн кезек те құрылуы мүмкін. Ресми мәліметке сәйкес, қазіргі кезде автокредит кезегінде 15 мың адам тұр. 
Вице-премьер Роман Склярдың айтуынша, 100 миллиард теңгенің арқасында «71 мың адам қолжетімді бағамен жаңа көлік ала алады».
<a href="https://sputnik.kz/20220328/avtokredit-bagdarlamasy-tolem-23773824.html">Sputnik Қазақстан</a>

Автокредит бағдарламасы: Ай сайынғы төлем мөлшері қандай болады?

<a href="https://kyzylorda-news.kz/">Kyzylorda-news.kz</a>. Дүйсенбіде Қазақстанның басым бөлігіне солтүстік-батыс циклон және атмосфералық фронттар әсер етеді. Осыған байланысты жаңбыр мен қар жауады, деп хабарлайды Қазгидромет.
Синоптиктердің болжауынша, елімізде жел күшейіп, тұман түседі, көктайғақ, солтүстік жартысында бұрқасын соғады.
Қызылорда облысының солтүстігінде тұман, күндіз облыс орталығында жел қарқыны – 15-20 м/с.

28 наурызға арналған ауа райы болжамы

Kyzylorda-news.kz. 2026 жылы «Байқоңырдан» «Протон – М» зымыран тасымалдағышын ұшыру тоқтатылады. Бұл жайында Мәжіліс депутаттарының сауалына ҚР Премьер-Министрі Әлихан Смайыловтың жауабында айтылған, деп хабарлайды ҚазАқпарат.
<blockquote>
 «Бүгінгі күні зерттеу нәтижелері бойынша алынған деректер зымыранғарыш қызметінің тасымалдағыш зымырандардан бөлінетін бөліктердің құлау аудандарымен шектес аумақтағы елді мекендер тұрғындарының мекендеу ортасының жай-күйіне және денсаулығына тікелей әсерін растаудың жоқ екендігін көрсетеді. Депутаттық сауалда сипатталған патологияға гептил зымыран отынының қатысы жоқ. Өйткені «Протон-М» ЗТ бөлінетін бөліктерінің пайдаланылатын құлау аудандарында елді мекендер жоқ. «Протон-М» ЗТ-ның құлау аудандары Жезқазған қаласынан едәуір қашықтықта (73,3 шақырым) орналасқан. Бұл – «Протон» ЗТ құлау ауданына ең жақын елді мекен», – деді Үкімет басшысы жауабында.
</blockquote>
Премьер-Министрдің дерегенше, 2014 жылғы 24 қарашадағы «Байқоңыр» кешені бойынша Қазақстан-Ресей үкіметаралық комиссиясының отырысы аясында Қазақстан Республикасының қоршаған ортасына экологиялық жүктемені азайту мақсатында 2017 жылдан бастап зымыран отыны-гептилді (симметриялы емес диметилгидразин, НДМГ) пайдаланатын «Протон – М» ЗТ ұшырылымдарын (2017 жылы 2-ге, 2020 жылы тағы 2-ге, 2025 жылы 5-ке дейін жеткізу) қысқарту және ұшырылымдарды 2026 жылы толық аяқтау көзделген.
<blockquote>
 «Сонымен бірге, Байқоңыр ғарыш айлағы қызметінің әсері тұрғысынан Қарағанды облысының Жезқазған-Ұлытау өңірінде онкологиялық аурулардың өсу себептерін зерделеу мақсатында Экология, геология және табиғи ресурстар Министрінің 2022 жылғы 4 наурыздағы № 69-Ө бұйрығымен мүдделі мемлекеттік органдармен және өңірдің жұртшылық өкілдерімен бірлесіп ведомствоаралық комиссия құрылды», – деді Әлихан Смайылов.
</blockquote>

2026 жылы «Байқоңырдан» «Протон – М» зымыран тасымалдағышын ұшыру тоқтатылады

Kyzylorda-news.kz. Елімізде екінші деңгейлі банктердің қарауындағы пайдаланылмай жатқан ауыл шаруашылығы жерлері мемлекет қарамағына кері қайтарылады. Бұл туралы ҚР Ауыл шаруашылығы министрлігі жерді пайдалану мен қорғау жөніндегі бас мемлекеттік инспекторы Мұрат Теміржанов мәлім етті.
<blockquote>
 «2022 жылғы 25 наурыз күні ҚР Ауыл шаруашылығы министрлігі жер ресурстарын басқару комитеті мен жер ресурстарын басқару департаменттеріне екінші деңгейдегі банктердің кепіліндегі, сондай-ақ олардың меншігіне немесе жер пайдалануына өткен ауыл шаруашылығы мақсатындағы пайдаланылмай жатқан жерлерді мәжбүрлеп алып қою жөніндегі шараларды күшейтуді тапсырдым. Тек заң саласында», – деп жазды Мұрат Теміржанов.
</blockquote>
Сондай-ақ, мемлекеттік бас инспектор негізгі міндет – жер қатынастары саласындағы жағдайды ретке келтіру екенін еске салды.
<a href="https://www.inform.kz/kz/bankterge-karasty-paydalanylmay-bos-zhatkan-zherler-memleketke-kaytarylady_a3915504">ҚазАқпарат</a>

Банктерге қарасты пайдаланылмай бос жатқан жерлер мемлекетке қайтарылады

Kyzylorda-news.kz. Қызылорда облысының әкімі Гүлшара Әбдіқалықова Нартай Бекежанов атындағы қазақ академиялық музыкалық драма театры ұжымын құттықтады.
<blockquote>
 “Қымбатты өнер сүйер қауым! Бүгін – Халықаралық театр күні! Нартай Бекежанов атындағы қазақ академиялық музыкалық драма театры ұжымын және барша театрал қауымды Халықаралық театр күнімен шын жүректен құттықтаймын! Сіздерге мықты денсаулық, ұзақ ғұмыр, сарқылмас шабыт тілей отырып, көрермендеріңізді көркем қойылымдарыңызбен қуанта беріңіздер деймін! Мереке құтты болсын”, – деп жазды облыс әкімі <a href="https://www.facebook.com/100059231132711/posts/373630404621328/">Facebook</a> парақшасында.
</blockquote>

Гүлшара Әбдіқалықова театр ұжымын мерекемен құттықтады

<a href="https://kyzylorda-news.kz/">Kyzylorda-news.kz</a>. Диетолог, медицина ғылымдарының кандидаты Елена Соломатина қыста әлсіреген иммунитетті қалпына келтіру үшін көктемде қандай өнімдерді тұтыну керегін айтып берді, деп хабарлайды Stan.kz.
Көктемгі ас мәзірі дәрумендер, антиоксиданттар мен жасұныққа бай болуы керек екен. Бұл ағзаның қалпына келуіне әсер етеді. Осы себепті диетолог мәзірге көбірек жеміс-жидек пен көкөніс қосуға кеңес берді.&nbsp;
<blockquote>
 «Көкөніс, жеміс пен жидектерде ағзаға қажет С дәрумені, жасұнық, биофлавоноид, антиоксиданттар бар. Қазір балғын жемістерді табу қиын. Сондықтан мұздатылған өнімдерді де тұтынуға болады», – дейді Елена Соломатина.
</blockquote>
Диетологтың сөзінше, С дәрумені ашытылған қырыққабатта өте көп мөлшерде кездеседі екен.

Көктемде қандай өнімдерді тұтынған жөн?

<a href="https://kyzylorda-news.kz/">Kyzylorda-news.kz</a>. Әлемдегі ауасы ең лас қала – Үндістан астанасы, деп хабарлайды <a href="https://24.kz/kz/zha-aly-tar/lemde/item/534926-lemdegi-auasy-e-las-ala-ataldy">«Хабар 24»</a>.
2021 жылдың қорытындысы осындай. Мұндай мәліметті швейцариялық IQAir зерттеу ұйымы жариялады. Осылайша Нью-Дели бұл тізімді қатарынан төртінші жыл бастап тұр. Тексеріс мұнда ауа өкпе мен тамырға толық жетпейтіні және жеткеннің өзінде тыныс алу ауруларын тудыратыны анықталған. Осы ластықтан Үндістанда миллиондаған тұрғын көз жұмады. 2020 жылы бір ғана Нью-Делиде 54 мыңға жуық адам қайтыс болған. Зерттеу бойынша, әлемнің ауасы лас 6 қаласы осы елде.

Әлемдегі ауасы ең лас қала аталды

Kyzylorda-news.kz. 27 наурыз Халықаралық театр күні. Бұл — тек киелі сахна төрінде жүрген жандардың ғана емес, барша руханият жанашырларының ортақ мерекесі.
Мәдениет пен руханият саласынан театр ұғымынан алшақтату мүмкін емес. Көрнекті жазушы Ғабит Мүсірепов «Театр — хас сұлудың көз жасындай мөлдір өнер» деген баға берген.
Тарих деректеріне сүйенсек, театр өнері Сыр бойынан бастау алған. Мұхтар Әуезовтың «Еңлік- Кебек» пьесасы ең алғаш Сыр театрының сахнасынан көрініс табуы да кездейсоқтық емес.
Тәуелсіздік алғалы осы уақытқа дейін елімізде жаңа 20 театр ашылса, Орал, Қарағанды, Нұр-Сұлтан, Қостанай, Өскемен, Шымкент, Талдықорған қаласында 8 театрға жаңа ғимарат салынды. Жыл сайын театр сахналарында әр түрлі жанр мен бағытта 12 мыңға жуық спектакль қойылады.
ҚР Мәдениет және спорт министрлігінің мәліметінше, бүгінде Қазақстанда 65 театр жұмыс істейді. Оның 52-сі мемлекеттік, 4 ұлттық ұйғыр, корей, неміс және өзбек театрлары бар.
Мемлекеттік 52 өнер ошағының 3-еуі опера және балет театры, 5-еуі балалар мен жасөспірімдер театры, 7-еуі қуыршақ театры, 24-і драма театр (оның ішінде 3-еуінде қазақ және орыс труппасы бар), 11-і музыка-драма және комедия театры, біреуі жастар және біреуі сатира театры.
Қызылорда облысының орталығында орналасқан Нартай Бекежанов атындағы қазақ-музыкалық драма театрына 2019 жылы академиялық дәрежесінің берілуі театр ұжымының орасан еңбегінің бағалануы деп білеміз.
Сыр театрының ұжымы еліміздің мәдениет, руханият саласына үздіксіз үлес қосып, әлемге танылды. Театрдың бүгінгі тынысы — ертеңгі тарих. Ұлт құндылықтарын насихаттап, рухани жаңғыру жолында тарихтың бет-бедерінен тағылымы мол дүниелерді көрермен назарына ұсыну — ұлтымыздың рухани темірқазығын сақтау. Осындай ұлы істерге дара да сара жол салып келе жатқан Сыр театрының ұжымына сәттілік тілейміз!

Бүгін &#8211; Халықаралық театр күні

Kyzylorda-news.kz. Бүгін ел аумағының басым бөлігінде ауа райына Оңтүстік циклон және соған байланысты атмосфералық фронттар әсер етеді, деп хабарлайды Қазгидромет.
Республиканың барлық облыстарында тұрақсыз ауа райы сақталады. Солтүстік, шығыс аудандарда көбіне қар жауады. Оңтүстік-шығыс өңірлерде қатты жауын-шашын болады.
Қазақстан бойынша жел күшейіп, тұман, көктайғақ болады, солтүстікте, солтүстік-батыста, шығыста жаяу бұрқасын соғады.
Қызылорда облысының орталығы мен оңтүстігінде желдің күші – 15-20 м/с. Түнде және таңертең солтүстігі мен орталығында тұман мен көктайғақ болады.

Жексенбіге арналған ауа райы болжамы

Kyzylorda-news.kz. Әкімшілік ғимараттарға кіру үшін қойылатын санитарлық талаптардың өзгеруі туралы ҚР Президенті Іс Басқармасы Медициналық орталығының Бас санитариялық дәрігерінің қаулысы жарияланды.
Қазақстан Республикасы Президенті Іс Басқармасы Медициналық орталығының Бас санитариялық дәрігерінің ағымдағы жылдың 25 наурызындағы қаулысына сәйкес мемлекеттік маңызы бар ғимараттарда азаматтарға «ASHYQ» қосымшасын пайдаланбауға және бетперде кимей жүруге рұқсат етіледі.
«ASHYQ» қосымшасы арқылы кіру тек Ақорда ғимаратында ғана сақталады.
Осы қаулы 2022 жылғы 28 наурыздан бастап күшіне енеді.

Ғимараттарға Ashyq қосымшасын пайдаланбай және бетпердесіз кіруге рұқсат етіледі

Kyzylorda-news.kz. Сырдария ауданына қарасты Шіркейлі ауылында ұлағатты ұстаз Орынбек Қосжановты еске алуға арналған білім қызметкерлері арасында баскетболдан турнир өтті.
Жарысқа ауыл мектептерінен жасақталған 5 команда қатысты.
<blockquote>
 “Тәуелсіздік алғалы бері елімізде жыл сайын жүргізіліп, білім жүйесіне енгізіліп отырған реформалар біздің болашағымызға салынып жатқан даңғыл жол деп айтуымызға болады. Осы орайда ауылымыздың өркендеуіне сүбелі үлес қосқан білікті маман, білім беру саласында өзіндік із қалдырған ұлағатты ұстаз, еселі еңбегімен ел жадында қалған арда азамат Орынбек Қосжанов еске алуға арналған білім қызметкерлері арасындағы баскетболдан №129 Ә. Жәмішев атындағы орта мектебінде өткелі отырған турниріне қош келдіңіздер!
 Адамзат баласының ғұмыры қысқа болғанымен, артында өнегелі іс қалдырып, тағылым болар із қалдырып, адамдықты адал ниетке балаған, еңбегінде еті өліп, қызметін ел үшін деп таныған, жанұясына мәуелі бәйтерек болып өмірден өткен қаншама тұлғаларымыз бар! 
 Сондай парасаттылардың арасында есімімен ерекшеленіп, болмысымен бөлініп, жайдары, жаймашуақ мінезімен менмұндалап, тұлғалық қасиетімен таудай болып көрінетін сыр өңірінің тумасы Қосжанов Орынбек ағамыз еді”, – дейді Шіркейлі ауылының әкімі Талғат Құланқадыров.
</blockquote>
<img src="https://kyzylorda-news.kz/wp-content/uploads/2022/03/img-20220326-wa0009.jpg" alt="" />
Бар саналы ғұмырын, жастық жолы мен күш қайратын тынымсыз еңбекпен ағайын туыстықтың бірлігімен, жанұясының берекесіне арнаған Орынбек Қосжановты тамырын тереңнен тартқан туған жері, ауыл тұрғындары мен бауырлары, жанұясы және шыңдағы шәкірттері қимастықпен еске алды.
Жарыс қорытындысымен 1 жүлделі орын № 129 Ә. Жәмішев атындағы мектеп-лицейдің командасына бұйырды. 2 орынды № 42 мектеп-лицейдің командасы жеңіп алды. Жүлделі 3 орынға № 37 мектеп-лицейдің командасы тұрақтады.
<img src="https://kyzylorda-news.kz/wp-content/uploads/2022/03/img-20220326-wa0012.jpg" alt="" />
Айта кетейік, Қосжанов Орынбек Қосжанұлы 1962 жылы Ақпан айының 27 ші жұлдызында Қызылорда облысы, Тереңөзек ауданы, Еңбек Қызылту орденді Шіркейлі кеңшарында дүниеге келген. Балалықтың бал қызығына тоймай, еркелеп жүріп ержеткен, туған жеріндегі № 129 «Қызылту» орта мектебіне 1969 жылы 1 сыныпқа қабылданып, ерекше зейінділікпен, жоғары үлгерімімен 1979 жылы 10 жылдық білім ордасын тәмамдаған. Мектеп қабырғасында спортпен шұғылданып, аудандық, облыстық жарыстарға белсене қатысып жүлделі орындарға қол жеткізген. Қызылорда қаласындағы ауылшаруашылық техникумына механик-техник мамандығы бойынша 1-курсына қабылданған Орынбек Қосжанұлы, 1981-1983 жылдары Чехославакия жерінде отан алдындағы азаматтық борышын абыроймен атқарып аман есен елге оралған еді. Туған жеріне сағынышпен оралған Орынбек Қосжанұлы еңбек жолын 1984 жылы инженер жабдықтау мамандығы бойынша бастап, 1988-1993 жылдар аралығында Өндірістен қол үзбей Алматы ауылшарушылық институтының сырттай бөліміне түсіп инженер-педагог мамандығы бойынша жоғары оқуын тамамдады. 1993-1995 жылдары №1 өндірістік бригадасына механик-техник болып, 1995-1998 жылдары осы кеңшардың бас инженері болып тағайындалып, 1998-2007 жылдар аралығында аудан әкімінің шешімімен Шіркейлі аудандық округінің әкімі болып тағайындалды. 2008 жылы № 129 Ә. Жәмішев атындағы орта мектепте директордың шаруашылық жөніндегі орынбасары және технология пәнінің оқытушысы лауазымы бойынша қызметке келді. Жылышырайлы жүзімен кез келгенді жа¬нына жақын тартатын, салмақты, салиқалы сөзімен барлығын баурап алатын, ағалық ақ қасиетімен қашанда жылы шуағын шаша білетін Қосжанов Орынбек Қосжанұлы қай салада еңбек етседе абыроймен, үлкен жауапкершілікті мойнымен көтере білді. Ауылдың көркеюіне, экономикалық дамуына өз үлесін қоса білді. Елге деген еңбегі еленіп аудан, облыс әкімдерінің алғыс хатымен, тұңғыш президент Н. Назарбаевтың Құрмет грамотасымен Тереңөзек ауданына 90 жыл мерекелік медальімен марапатталған.
<img src="https://kyzylorda-news.kz/wp-content/uploads/2022/03/img-20220326-wa0023.jpg" alt="" />
<img src="https://kyzylorda-news.kz/wp-content/uploads/2022/03/img-20220326-wa0024.jpg" alt="" />
<img src="https://kyzylorda-news.kz/wp-content/uploads/2022/03/img-20220326-wa0005.jpg" alt="" />

Сырдарияда білім қызметкерлері арасында баскетболдан турнир өтті

Kyzylorda-news.kz. Қазақстан ішкі нарықтағы қажеттілікті қамтамасыз ету үшін қант экспортына тыйым салуды жоспарлап отыр.
Аулы шаруашылығы министрлігінің ақпаратынша, жыл соңына дейін қазақстандық тұтынушыларға 45 мың тонна қант қажет болады. Қазір қажетті көлемді сатып алу мәселесі пысықталып жатыр.
<blockquote>
 “Әрбір қант зауытына логистикаға байланысты жекелеген өңірлерді бекіту ұсынылады. Сондай-ақ, ӘКК-нің (әлеуметтік-кәсіпкерлік корпорациясы) тұрақтандыру қорларына белгіленген бағамен қанттың қажетті көлемін кепілді сатып алу үшін зауыттармен форвардтық келісімшарт бекіту мәселесі қарастырылып жатыр”, – деді ведомстводағылар.
</blockquote>
Қазіргі уақытта министрлік 126 мың тонна қант пен құрақ қант шикізатын бажсыз әкелуге квота берді. Квотаның қалған бөлігіне (124 мың тонна) өтінім қабылдауды жүріп жатыр.
Бұдан бөлек, қант экспортына тыйым салу туралы бастама жасалды, бажсыз қантты (халыққа тікелей сату мүмкіндігі) әкелуді квоталау жөнінде НҚА-ға өзгерістер енгізілуде.
Сондай-ақ қантты әкелуге рұқсат беру тәртібін енгізу, баға белгілеудің бүкіл тізбегі бойынша ақ қант пен шикі қантты импорттауға және өткізуге қосылған құн салығын алып тастау, зауыттарды толық жүктеу үшін егіс алаңдары мен қант қызылшасының жалпы өнімін ұлғайту ұсынылып отыр.
Бұған дейін АШМ басшысы Қазақстанда тұтынылатын қанттың 58%-і шетелден әкелінетінін хабарлады.
<a href="https://stan.kz/">Stan.kz</a>

Қазақстан және Қызылорда облысының жаңалықтары

Автокредит бағдарламасы: Ай сайынғы төлем мөлшері қандай болады?

28 наурызға арналған ауа райы болжамы

2026 жылы «Байқоңырдан» «Протон – М» зымыран тасымалдағышын ұшыру тоқтатылады

Банктерге қарасты пайдаланылмай бос жатқан жерлер мемлекетке қайтарылады

Гүлшара Әбдіқалықова театр ұжымын мерекемен құттықтады

Көктемде қандай өнімдерді тұтынған жөн?

Әлемдегі ауасы ең лас қала аталды

Бүгін – Халықаралық театр күні

Жексенбіге арналған ауа райы болжамы

Ғимараттарға Ashyq қосымшасын пайдаланбай және бетпердесіз кіруге рұқсат етіледі

Сырдарияда білім қызметкерлері арасында баскетболдан турнир өтті

Қазақстан қант экспортына тыйым салмақ

Қазақстан және Қызылорда облысының жаңалықтары

Автокредит бағдарламасы: Ай сайынғы төлем мөлшері қандай болады?

28 наурызға арналған ауа райы болжамы

2026 жылы «Байқоңырдан» «Протон – М» зымыран тасымалдағышын ұшыру тоқтатылады

Банктерге қарасты пайдаланылмай бос жатқан жерлер мемлекетке қайтарылады

Гүлшара Әбдіқалықова театр ұжымын мерекемен құттықтады

Көктемде қандай өнімдерді тұтынған жөн?

Әлемдегі ауасы ең лас қала аталды

Бүгін &#8211; Халықаралық театр күні

Жексенбіге арналған ауа райы болжамы

Ғимараттарға Ashyq қосымшасын пайдаланбай және бетпердесіз кіруге рұқсат етіледі

Сырдарияда білім қызметкерлері арасында баскетболдан турнир өтті

Қазақстан қант экспортына тыйым салмақ

Бүгін – Халықаралық театр күні