<a href="https://kyzylorda-news.kz/">Kyzylorda-news.kz.</a>&nbsp; Аптаның екінші жартысында республиканың басым бөлігі ауқымды антициклонның ықпалында болады, солтүстік, орталық өңірлерде жауын-шашынсыз жылы ауа райы сақталады.
Аптаның соңына қарай елдің солтүстік және орталық аймақтарында жаңбыр жауып, найзағай ойнайды, түнде солтүстікте жаңбыр соңы қарға ұласуы ықтимал.
Республиканың оңтүстігінде күн күркіреп, таулы аймақтарда жаңбыр жауып, қарға ұласуы мүмкін.
Ауа температурасы күндіз республиканың батысында 15-23 градус жылы, орталықта 15-25 градус жылы, солтүстік жартысында 15-22 градустан 10-18 градусқа дейін жылы болады. Елдің шығысында термометр бағаны 8-17 градустан 14-23 градусқа дейін, оңтүстікте 20-28 градусқа дейін көтеріледі.
&nbsp;

Қазгидромет алдағы күндерге арналған ауа райы болжамын жариялады

<a href="https://kyzylorda-news.kz/">Kyzylorda-news.kz.</a>&nbsp; Бүгін облыс әкімі Нұрлыбек Нәлібаев кезектілік тәртібімен жазылған азаматтарды жеке мәселелері бойынша қабылдады.
Қабылдауға 10 азамат келіп, өз мәселесін жеткізді. Басым бөлігі әлеуметтік бағытта жұмыспен қамту, шағын кәсіп ашуға қолдау сұрау, денсаулық және тұрғын үй-коммуналдық шаруашылық салаларға қатысты қозғалды. Жазылғандардың көпшілігі зейнет жасындағы, көпбалалы және мүгедектігі бар азаматтарды қарап отырған тұрғындар.
Мәселен, 4 азамат жұмысқа орналасуға көмек қажет екенін айтса, 2 қала тұрғыны шағын кәсібін ашуға қолдау көрсетуді сұрады. Жеке қабылдауға келген 2 азамат денсаулығының болмауына байланысты мүгедекке шығару және өзге де көмек көрсетуді сұрады.
Аймақ басшысы облыстық жұмыспен қамтуды үйлестіру және әлеуметтік бағдарламалар басқармасының басшысына жұмыссыз тұрғындарға арналған жәрмеңкелерді тұрақты түрде ұйымдастыру, жұмыс берушілердің ұсыныстары негізінде қажетті мамандықтарға талдау жасауды тапсырды Сондай-ақ, заңдылыққа сәйкес мүгедегі бар азаматтарға қажетті құжаттарды жинау жолдарын түсіндіруді тапсырды.
Ал, облыстық кәсіпкерлік және өнеркәсіп басқармасының басшысына шағын кәсібін ашуға ниетті азаматтарға грант алу жолдарын кеңінен түсіндіріп, заңдылыққа сәйкес тәртібін түсіндіріп, қолдау қажет екенін еске салды.
Аймақ басшысының жеке қабылдауына келген тағы бір азамат Арал теңізін қалпына келтіруге қатысты экологиялық мәселені қозғады. Облыс әкімі cала мамандарымен бірге бірлесіп қарап, заңдылыққа сәйкес шешім қабылдау қажет екенін алға тартты.
Осы уақытқа дейін облыс әкімі Н.Нәлібаев 20 жеке қабылдау өткізіп, 173 азаматтың мәселесін саралады. Көтерілген әрбір мәселе әртүрлі шешімді қажет етеді. Әкімнің қабылдау барысында айтылған тапсырмалар белгіленген мерзімде орындалады. Мәселелер әкімнің тұрақты бақылауында.
Айта кетейік, облыс әкіміне жазылу үшін азаматтар egov.kz порталы арқылы, е-otinish бірыңғай базасы мен жазбаша нысанда әкімдікке келіп өтініш бере алады.
<img src="https://knadmin.beoblood.kz/uploads/311218128_400559388931978_3667521080633782898_n_23198c3038.jpg" alt="311218128_400559388931978_3667521080633782898_n.jpg">
<img src="https://knadmin.beoblood.kz/uploads/310558556_400559348931982_5309299527274416314_n_ea1bfadf55.jpg" alt="310558556_400559348931982_5309299527274416314_n.jpg">
<img src="https://knadmin.beoblood.kz/uploads/311113813_400559332265317_5240727213360229575_n_051cf7da95.jpg" alt="311113813_400559332265317_5240727213360229575_n.jpg">

Облыс әкімі кезек тәртібімен жазылған азаматтарды қабылдады

<a href="https://kyzylorda-news.kz/">Kyzylorda-news.kz.</a> Бүгін Арал аудандық мәдениет үйінде «Менің қолымнан бәрі келеді» тақырыбында ерекше балалардың өнер фестивалі өтті.&nbsp;
Аудандағы ерекше балаларды өнерге тарту, олардың өнерлерін насихаттау мақсатында ұйымдастырылған шара «Балалар жылы» мен Арал қаласының 95 жылдық мерекесіне орай өткізілді.
Мерекелік шараға келген қонақтар ең алдымен мәдениет үйінің фойесінде ерекше балалардың әзірлеген бұйымдары қойылған көрмені тамашалады. Көрмеге балалардың қолынан шыққан түрлі тұрмысқа қажетті құралдар мен көрнекілік бұйымдар қойылды.
Аталған шарада Арал аудандық мүгедектер ұйымы қоғамдық бірлестігінің күндізгі жартылай стационар бөлімінің және үйден әлеуметтік қызмет алатын бүлдіршіндер өнер көрсетті. Әсем ән шырқап, би билеп, қазақ ертегілерінен үзінді қойылым қойған қатысушылар көрермендерге айрықша көңіл күй сыйлады. Кеш соңында өнер көрсеткен балаларға аудан кәсіпкерлері мен демеушілер тарапынан түрлі сыйлықтар үлестірілді.
Еске сала кетейік, бұған дейін қайсар жандардың мерекесіне орай Қазалы ауданында «Пейілі кең, жүрегі қайсар жандар» атты шарасы өткенін хабарлаған болатынбыз.&nbsp;
Айта кетейік, елімізде қазан айының екінші жексенбісі мүмкіндігі шектеулі жандар күні.
<img src="https://knadmin.beoblood.kz/uploads/korme_2c51570737.jpg" alt="корме.jpg"><img src="https://knadmin.beoblood.kz/uploads/bala_704fca9a15.jpg" alt="бала.jpg"><img src="https://knadmin.beoblood.kz/uploads/bala1_1d8684dfa1.jpg" alt="бала1.jpg"><img src="https://knadmin.beoblood.kz/uploads/bala2_e72deb90c3.jpg" alt="бала2.jpg">

Арал ауданында ерекше балаларға арналған өнер фестивалі өтті

<a href="https://kyzylorda-news.kz/">Kyzylorda-news.kz.</a> Мемлекет басшысының Қазақстан халқына арнаған «Әділетті Мемлекет. Біртұтас ұлт. Берекелі қоғам» атты Жолдауын насихаттау мақсатында Қазалы ауданындағы үкіметтік емес ұйым өкілдерімен кезекті кездесу өтті.
Партия филиалының мәжіліс залында өткен жиынды аудандық мәслихат хатшысы Бақытжан Дүзелбайұлы жүргізіп, Жолдаудың негізгі мән-маңызына, басым бағыттарына тоқталып, ерекше тұстарын саралап өтті.
Сондай-ақ, өз кезегінде ұйым өкілдері сөз алып, ел Президентінің Жолдауындағы жарқын тұстар бойынша ой-пікір алмасып, ел игілігі үшін жасалып жатқан игі істерді қолдауға әркез дайын екендіктерін білдірді.&nbsp;
Сонымен қатар Жолдау бағыттарын кеңінен талқылау мақсатында аудандағы медиаторлармен кездесу өтті. Жиынға облыстық мәслихат депутаты, аудандық партия филиалы жанындағы Сыбайлас жемқорлыққа қарсы іс-қимыл жөніндегі қоғамдық кеңес төрағасы Ибайдулла Тілеп арнайы қатысты.
Депутат Жолдаудағы саяси, экономикалық, әлеуметтік бастамаларға кеңінен тоқталып, медиаторлардың сауалына жауап берді. &nbsp;
Сондай-ақ, жиын қорытындысы бойынша қатысушыларды Жолдаудың іске асырылуына өз үлестерін қосуға шақырды.
<img src="https://knadmin.beoblood.kz/uploads/310650312_1750686388630103_6533763711701029561_n_2302cd217d.jpg" alt="310650312_1750686388630103_6533763711701029561_n.jpg"><img src="https://knadmin.beoblood.kz/uploads/310705431_1750787735286635_7281238671273798889_n_124c1376db.jpg" alt="310705431_1750787735286635_7281238671273798889_n.jpg">

Президент Жолдауының маңыздылығы түсіндірілді

<a href="https://kyzylorda-news.kz/">Kyzylorda-news.kz.</a> Қазалы пайдалану вагон депосының мәжіліс залында Ел Президенті Қасым-Жомарт Тоқаевтың «Әділетті Мемлекет. Біртұтас ұлт. Берекелі қоғам» атты Қазақстан халқына арнаған Жолдауын насихаттау мақсатында теміржол саласы қызметкерлерімен кездесу өтті.
Жиынды аудандық мәслихат депутаты, аудандық партия филиалының Партиялық бақылау комиссиясының төрағасы Ғазиз Әлмәмбетұлы жүргізіп, Мемлекет басшысы атап өткен Жолдаудағы бес бағдардың негізгі тұстарына тоқталып, сондай-ақ, «AMANAT» партиясының «Ауыл аманаты» пилоттық жобасы бойынша түсіндірме жұмыстарын жүргізді.
Кездесу жиынына қатысқан сала қызметкерлері «Ауыл аманаты» жобасы бойынша сауалдарын қойып, тиісті ұсыныс-пікірлерімен бөлісті.&nbsp;
Жиын қорытындысы бойынша аудандық мәслихат депутаты, «Қазалы ВЧД-6 жол бойы» бастауыш партия ұйымының төрағасы Арғын Қайрбайұлы сөз алып, ұжым болып жолдауға еркеше қолдау бар екенін, ақпараттық-насихаттық кездесу жиыны үшін өз алғысын білдірді.
Сонымен қатар ауданға қарасты Ү.Түктібаев ауылдық клубында да Мемлекет басшысының биылғы Жолдауын насихаттау мақсатында ауыл тұрғындарымен кездесу өтті. Жиынға аудандық мәслихат хатшысы, насихаттық топ мүшесі Бақытжан Жарылқап қатысты.
Жиын барысында Бақытжан Дүзелбайұлы Конституциялық реформаның негізгі бағыты – саяси-әлеуметтік жүйені жаңғырту арқылы әділетті Қазақстанды құру екендігі айтып, Жолдаудың толық мазмұны мен маңызды бес бағытын таныстырып өтті.
Сонымен қатар ауыл тұрғындары Жолдау аясында бірқатар ұсыныстарын білдіріп, Мемлекет басшысының ел халқына жолдаған Жолдауын қолдайтындықтарын жекізді.
<img src="https://knadmin.beoblood.kz/uploads/zholdau_76138997e1.jpg" alt="жолдау.jpg">
<img src="https://knadmin.beoblood.kz/uploads/zholdau1_e06b5aa288.jpg" alt="жолдау1.jpg">

Қазалы: Жолдауға ерекше қолдау бар

<a href="https://kyzylorda-news.kz/">Kyzylorda-news.kz.</a> Бүгін Қызылорда облысы бойынша Қылмыстық-атқару жүйесі департаментіне қарасты №37 мекемесінің мәжіліс залында &nbsp;қайта құқық бұзушылық пен қылмыстардың алдын алу бойынша пробация есебінде тұрған азаматтармен кездесу өтті.&nbsp;
Қызылорда облысы бойынша Қылмыстық-атқару жүйесі департаменті бастығының орынбасары әділет подполковнигі Ж.Әбдіқайыровтың төрағалығымен өткен шараға Қызылорда облыстық &nbsp;прокуратурасының үкімдердің орындалуын қадағалау басқармасының бастығы Асхат Әбіләзім, басқарма прокуроры Баттал Жарылқасын Жангелдіұлы, қалалық пробация қызметінің қызметкерлері және пробация есебінде тұрған азаматтар қатысты.
Жиынды Қылмыстық-атқару жүйесі департаменті бастығының орынбасары әділет подполковнигі Ж.Әбдіқайыров ашып, пробация есебіндегі азаматтарға қайта қылмыс жасамауға,сотпен жүктеген міндеттерді орындауға, белгіленген бақылау тәртібін бұзбауға және отбасылық-тұрмыстық қарым-қатынас саласында әкімшілік және құқық бұзушылықтар жасамауға шақырды.
Сондай-ақ, есептегі сотталғандардың жұмыспен қамтылу, қоғамға, отбасына &nbsp;пайда келтірер іспен айналысуға үндеді. Оларды өмірге қайта &nbsp;бейімдеу мақсатында пробация қызметкерлері тарапынан &nbsp;өткізілетін іс шараларға белсене ат салысып, дүниелік танымддарын арттыру мақсатында әдеби және танымдық бағыттағы шығармалар оқу керектігі жайлы да айтып өтті.
Мұнан соң Қылмыстық-атқару жүйесі департаментінің пробация қызметтеріне басшылық жасау тобының бас маманы әділет майоры Ғ.Құлманов аудандық және қалалық пробация есебіндегі сотталғандармен қылмыстық құқық бұзушылықтықтардың алдын алу бойынша атқарылған жұмыстарды баяндады.&nbsp;
<blockquote>«Қазіргі таңда аудандық және қалалық пробация қызметінің есебінде 1000-нан аса сотталған есепте тұр. Жыл басынан 26 сотталған сот жүктеген міндеттерді орындамай, жаза өтеуден жалтарғаны үшін, жазасының өтелмеген бөлігі бас бостандығына айыру жазасына ауыстырылып, жазасын түзеу мекемесіне өтеуге жіберілді. Есептегі азаматтармен тоқсан сайын кездесулер өткізіліп, құқықтық профилактикалық түсіндірме жұмыстары жүргізіледі»,- деді әділет майоры Ғаламат Құлманов.&nbsp;</blockquote>
Жиын барысында басқарма бастығы Асхат Әбіләзім &nbsp;пробация есебінде тұрған азаматтар тарапынан қайта жасалынып жатқан құқықбұзушылық пен қылмыстардың саны азаймай отырғаны айтылып, екінші рет құқықбұзушылық пен қылмысқа барған азаматтарға тағайындалатын жазалардың тым ауыр болатындығын түсіндірді. Сотталғандарға жаза өтеу барысында пробация қызметімен белгіленген тәртіппен сот жүктеген міндеттерді сақтауға, &nbsp;қылмыстық құқық бұзушылыққа жол бермей, ҚР Қылмыстық-атқару, Қылмыстық кодексінің заңды талаптарын орындауға шақырды.
Жиын соңында пробация есебінде тұрған азаматтарға қайта қылмыс жасап түзеу мекемесінде жазасын өтеп жүрген сотталғандар &nbsp;туралы бейнеролик көрсетілді. Сотталған азаматтар тарапынан қойылған сұрақтарға сала мамандары &nbsp;заң шеңберінде тиісті жауаптар берді.
&nbsp;
<img src="https://knadmin.beoblood.kz/uploads/Whats_App_Image_2022_10_06_at_11_39_12_a120aecb67.jpeg" alt="WhatsApp Image 2022-10-06 at 11.39.12.jpeg">

Қызылордада пробация есебіндегі сотталғандармен кездесу өтті 

<a href="https://kyzylorda-news.kz/">Kyzylorda-news.kz.</a> Елордада кезектен тыс Президент сайлауында Қасым-Жомарт Кемелұлы Тоқаевтың кандидатурасын қолдау жөніндегі халықтық коалицияның форумы басталды. Іс-шараға Мемлекет басшысы Қасым-Жомарт Тоқаев та қатысуда, деп хабарлайды ҚазАқпарат.
Айта кетейік, AMANAT партиясының кезектен тыс XXIV съезінде партия басшысы – ҚР Парламенті Мәжілісінің төрағасы Ерлан Қошанов еліміздегі бірқатар партиялар мен саяси бірлестіктер Президенттікке Мемлекет басшысы Қасым-Жомарт Кемелұлы Тоқаевтың кандидатурасын ұсынып отырғанына тоқталған еді.
<blockquote>«Осы орайда біз сол саяси ұйымдармен бірлесіп, Қасым-Жомарт Кемелұлы Тоқаевты қолдау жөніндегі халықтық коалиция құру жөніндегі келісімге келдік. Түстен кейін осы ғимаратта Мемлекет басшысының қатысуымен үлкен форум өтеді. Соған бәріміз қатысамыз. Баршаңызды Әділетті Қазақстан құру жолындағы игі бастамаларды іске асыру үшін жұдырықтай жұмылуға шақырамын», - деген еді партия төрағасы.</blockquote>
Естеріңізге сала кетейік, бүгін AMANAT партиясы Қасым-Жомарт Тоқаевты президенттікке кандидат ретінде ұсыну шешімін қабылдаған болатын. Сондай-ақ бүгін «Қазақстан Халық партиясының», «Ақ жол» партяисының кезектен тыс съезі өтіп, екі саяси ұйымның да делегаттары алдағы сайлауға Қасым-Жомарт Тоқаевтың кандидатурасын ұсынуды қолдаған болатын.
Бұған дейін Қ.Тоқаевтың кандидатурасын президенттікке мәслихаттар депутаттарынан құралған республикалық қоғамдық бірлестігі, «Қазақстан спортшылар одағы» республикалық қоғамдық бірлестігі, Қазақстанның Азаматтық альянсы, «Ардагерлер ұйымы» республикалық қоғамдық бірлестігі, «Qazaqstan Team» қоғамдық бірлестігі, Ұлттық волонтерлік желісі ұсынған еді.

Қасым-Жомарт Тоқаевтың кандидатурасын қолдау жөніндегі халықтық коалиция форумы өтіп жатыр

Қыран Талапбек Ахмет Байтұрсынұлы жайлы не біледі екен? 

<a href="https://kyzylorda-news.kz/">Kyzylorda-news.kz.</a> Қазан айының ортасына дейін жалғасатын бұл шараға Қорғаныс істері жөніндегі департаменті, басқарма және бөлімдердің жеке құрамы тартылған.Әскери қызметшілер жалпы әскери жарғылар, арнайы, атыс, дене шынықтыру, мемлекеттік-құқықтық дайындық сабақтарынан сынақ тапсырып жатыр. Қорытынды сынақтар оқу-жаттығу полигоны мен әскери мекеменің тұрақты орналасу пунктінде жүргізілуде.Жергілікті әскери басқару органдарының үйлесімділігі мен даярлық деңгейі тексерілетін сынақтарда жеке құрамның теориялық білімдеріне, жауынгерлік және жұмылдыру дайындығының нақты жағдайына баға беріледі.<blockquote>«Әр оқу жылының соңында өтетін бұл қорытынды сынақтарда әскери қызметшілердің сыныптық біліктілігі расталады. Осы арқылы жеке құрамның кәсіби деңгейі мен үлгеріміне баға берілмек. Тексеру барысында облыстық қорғаныс істері жөніндегі департаментінде, басқармасы және бөлімдеріндегі әскери қызметшілердің біліктіліктерін анықтау теориялық және іс- тәжірибе түрінде өтіп жатыр», – дейді Қызылорда облысының қорғаныс істері жөніндегі департаментінің жоспарлау және үйлестіру бөлімінің бастығы майор Абай Молдағалиев.</blockquote><img src="https://knadmin.beoblood.kz/uploads/309359558_596082842215851_7965472171104717641_n_84acfaebd1.jpg" alt="309359558_596082842215851_7965472171104717641_n.jpg">

Қызылорда: Әскери басқару органдарында қорытынды сынақтар өтіп жатыр

Өз учаскеңізді табыңыз! ⇢ <a href="https://saylau.orda.gov.kz/kk">https://saylau.orda.gov.kz/kk</a>

Сайлау-2022: Өз учаскеңізді табыңыз!

Әр азаматтың дауысы маңызды! ⇢ <a href="https://www.election.gov.kz/kaz/">https://www.election.gov.kz/kaz/</a>

Әр азаматтың таңдауы маңызды!

Әркімнің дауысы маңызды! ⇢ <a href="https://www.election.gov.kz/kaz/">https://www.election.gov.kz/kaz/</a>

Қазақстан және Қызылорда облысының жаңалықтары