<a href="https://kyzylorda-news.kz/">Kyzylorda-news.kz.</a> Облыстық денсаулық сақтау басқармасының басшысы Сәбит Пазылов партия алаңында жеке қабылдау өткізді.
Бас дәрігердің қабылдауына алғаш болып келгендердің бірі қала тұрғыны Қ. Бегімбаева. Ол жолдасының грыжа сырқаты салдарынан беліне екі мәрте ота жасалып, темір салынғанын айтты. Сонымен қатар ешбір жұмысқа жарамағандықтан мүгедектікке шығаруға мүмкіндік жасауға ықпал етуін сұрайды.
Бұған жауап ретінде басқарма басшысы Сәбит Пазылов беліне темір салу дамыған медицинаның жетістігі, ол салынғаннан кейін адам тез жүріп кетуге мүмкіндігі барын атап өтіп, өтінішіне сәйкес тағы да тексертіп, уақытша мүгедектік беруге қандай мүмкіндік барына ықпал ететінін жеткізді. 
Ал, Айман есімді қала тұрғыны екі бірдей баласының мүмкіндігі шектеулі екенін айтып, оларды басқа қалаға алып барып емдетуіне қаржылай көмек сұрады. Осыған ұқсас өтінішпен Қанатбаева Кенжегүл есімді азаматша да партияға жүгінді.
Бас дәрігер Қазақстанда емдеу мүмкіндігі және тиісті мамандар болмаса ғана шетелге квота берілетіндігін түсіндірді. Алайда бүгінгі таңда Тасбөгеттегі балалар ауруханасында тиісті емдеу аппараттары бар, соған барып балаларын көрсетіп, емдетуді ұсынды және өзінің тікелей бақылауына алып, көмектесетітін атап өтті.
Қала тұрғыны П. Асанова болса, 16 жастағы баласының бір құлағы естімей №6 емханаға барғынында дәрігерлер 18 жасқа толған кезде қайта қарайтынын айтып, қайтарып жібергеніне шағымданды.
Бас дәрігер №6 емхананың бас дәрігерінің орынбасарына сол жерде дереу хабарласып, баланы тексеріп, нәтижесін өзіне баяндауды тапсырды.
<img src="https://kyzylorda-news.kz/wp-content/uploads/2022/06/289587037_407861594712816_7541241259737496005_n.jpg" alt="" />

Денсаулық сақтау басқармасының басшысы  партия алаңында жеке қабылдау өткізді

<a href="https://kyzylorda-news.kz/">Kyzylorda-news.kz.</a> Облыс әкімі Нұрлыбек Нәлібаев Жалағаш ауданына жасаған жұмыс сапары аясында «Өркен Әлем» ЖШС-нің арнайы киімдер және әскери каска дайындайтын цех жұмысымен танысты. Кәсіпорында қызмет атқаратын жұмысшылармен тілдесті.
Алдымен аймақ басшысына аудан әкімі кәсіпкерлік саласын дамыту бағытында атқарылған жұмыстарды баяндады. Жыл басынан бері аудан бойынша 12 жобаға 308,1 млн.теңгеге несие берілген. Олардың дені ауыл шаруашылығы мен қызмет көрсету салаларына тиесілі.
Аграрлы-индустриалды аймағында орналасқан кәсіпорын арнайы киімдер тігу мен әскери каска дайындау ісімен айналысады. Цехтың материалдық-техникалық базасы өндіріске қажетті жоғары технологиялармен қамтамасыз етілген. Қазірде газтұтқыш (противогаз), парашют және жалпы әскери қорғаныш жиынтығын тігуді қолға алған.
Айта кетейік, облыс әкімі әр аудан халқымен кездесу барысында, қосымша жұмыс орнын ашу, тұрақты жұмыспен қамту мәселесіне ерекше назар аударып келеді. Мәселен, осы жылдың 5 айында ауданда 882 жаңа жұмыс орыны ашылған. Оның 333-і тұрақты.
<img src="https://kyzylorda-news.kz/wp-content/uploads/2022/06/290963281_333145689006682_6368441776225479767_n.jpg" alt="" />
<img src="https://kyzylorda-news.kz/wp-content/uploads/2022/06/291314771_333145785673339_8902833842369786416_n.jpg" alt="" />

Жалағаш ауданында 882 жаңа жұмыс орны ашылды

<a href="https://kyzylorda-news.kz/">Kyzylorda-news.kz.</a> Облыс әкімі Нұрлыбек Нәлібаев азық-түлік бағасын тұрақтандыру мәселесіне назар аударып, әр ауылдың мүмкіндігіне қарай көкөніс және бақша өнімдерін өндіру үшін бос жатқан жерлерді игеруді ынталы азаматтарға бөліп беру қажеттігін айтқан болатын. Аймақ басшысының тапсырмасына сәйкес, бүгінде жоспардан бөлек, Жалағаш ауданында 250 гектар жерге қосымша егін егілді.
Өңір басшысы Жалағаш ауданына жұмыс сапары аясында Мақпалкөл елді мекеніндегі шаруа қожалықтарының жұмысымен танысты.
Алдымен шаруалармен егін егу мәселесіне қатысты пікірлесті. Мұнан соң, аудан бойынша егін орналастыру жұмыстары мен «Ер Әлі», «Құрманбай Ата» шаруа қожалықтарының егісі туралы сөз қозғалды.
Бүгінде «Ер Әлі» шаруа қожалығы 31 гектардан астам жерге картоп, сәбіз, қызылша өнімдерін еккен. Ал, «Құрманбай ата» шаруақожалығының алма бағында 5 түрлі алма сорты егілген. Алынған өнімдер Қызылорда, Нұр-Сұлтан, Ақтөбе қалаларына сатылады.
Аймақ басшысы бұл бағыттағы жұмыстарды одан әрі жалғастырып, сұраныстағы өнімдерді өзімізде өсірудің маңыздылығын атап өтті. Өнім көлемін арттыру үшін қажетті қолдаудың да көрсетілетінін жеткізді.
Облыс әкімі шаруа қожалықтарының жұмысымен танысу барысында ауыл арқсақалдарымен, ардагерлермен кездесіп, ұсыныс-пікірлерін тыңдады.
<img src="https://kyzylorda-news.kz/wp-content/uploads/2022/06/291143896_333147079006543_6685471319591085011_n.jpg" alt="" />
<img src="https://kyzylorda-news.kz/wp-content/uploads/2022/06/291314083_333147182339866_1604212416654592638_n.jpg" alt="" />
<img src="https://kyzylorda-news.kz/wp-content/uploads/2022/06/291599266_333147092339875_6513104351758183034_n.jpg" alt="" />

Облыс әкімі «Ер әлі» және «Құрманбай ата» шаруа қожалықтарына барды

<a href="https://kyzylorda-news.kz/">Kyzylorda-news.kz.</a> Өткен тәулікте 137 адам коронавирус жұқтырды, деп хабарлайды ҚР Үкіметі жанындағы Қазақстанда коронавирустың таралуына жол бермеу жөніндегі ведомствоаралық&nbsp;<a href="https://t.me/MVK_kz_Covid19">комиссиясы</a>.
Оның ішінде:
Нұр-Сұлтан қаласында – 26,
Алматы қаласында – 77,
Шымкент қаласында – 6,
Ақмола облысында – 4,
Ақтөбе облысында 0,
Алматы облысында – 5,
Атырау облысында – 4,
Шығыс Қазақстан облысында – 0,
Жамбыл облысында – 1,
Батыс Қазақстан облысында -0,
Қарағанды облысында – 9,
Қостанай облысында -0,
Қызылорда облысында -1,
Маңғыстау облысында – 1,
Павлодар облысында – 2,
Солтүстік Қазақстан облысында – 0,
Түркістан облысында – 1.
Өткен тәулікте сондай-ақ 47 адам коронавирустан жазылды.
Елімізде коронавирус инфекциясын жұқтырғандардың жалпы саны 1 306 608 жетті.

Қызылордада өткен тәулікте коронавирус тіркелді

<a href="https://kyzylorda-news.kz/">Kyzylorda-news.kz.</a> Мемлекет басшысының Жарлығы аясында бүгін облыс әкімі Нұрлыбек Нәлібаев Сырдария ауданының халқымен кездесті.
Аймақ басшысы ауданның әлеуметтік-экономикалық даму көрсеткіштеріне тоқталып, алдағы уақытта атқарылуы тиіс міндеттерді атап өтті. Сондай-ақ, тұрғындар үшін өзекті саналатын инфрақұрылым тарту, мал шаруашылығындағы мәселелерге тоқталды.
<blockquote>
 «Аймақтағы су тапшылығына қарамастан, күріш көлемін қысқартпаймыз. Үкіметпен, Министрлікпен жұмыс жасап, күрішті 78 мың гектар көлемінде егуге қол жеткіздік, бүгінгі таңда күріш суға толық бастырылды.
 Су тапшылығын жою үшін Үкіметтен 3,6 млрд. теңге қаржы бөлінді. Сырдария ауданына тиесілі қаражатқа 6 дана дизельді насос алынды.
 Одан бөлек, облыстық бюджет есебінен Нағи Ілиясов және Айдарлы ауылдық округіне 3 дана насос қондырғысы сатып алынды. Сондай-ақ, Жетікөл ауылдық округіндегі 2 каналға тазалау жұмыстары жүргізілді.
 Ал менің тапсырмама сәйкес, әр ауылдың мүмкіндігіне қарай көкөніс және бақша өнімдерін өзімізде өндіру үшін егін егуге ынталы азаматтарға бос жатқан жерлер беріліп, нәтижесінде 150 гектар жерге қосымша егін егілді», – деді Нұрлыбек Нәлібаев.
</blockquote>
Ауданда кәсіпкерліктің өрісін кеңейту мақсатында жыл басынан бері 19 жобаға 243,3 миллион теңге несие берілді.
Бүгінде Сырдария ауданын табиғи газбен қамту үлесі 20 пайызды құрады. Биыл Тереңөзек кенті толығымен газбен қамтамасыз етілді. Сондай-ақ, аудан әкімдігі тарапынан Қалжан Ахун ауылын газдандыру жобасы әзірленіп, мемлекеттік сараптама қорытындысы алынды. Келер жылы «Ауыл – ел бесігі» бағдарламасы аясында елді мекенді газдандыру жұмысы басталады.
Есепті кездесуде өңір басшысы аудандағы жол инфрақұрылымын дамыту бойынша кеңінен тоқталды. Жыл аяғына дейін жақсы және қанағаттанарлық жолдардың үлесін 100 пайызға жеткізу жоспарлануда.
Аймақ басшысы биылға жоспарланған жұмыстарды жүйелі іске асыру мақсатында арнайы Іс-қимыл жоспарының бекітілгенін, ондағы әрбір жобаның құрылысы облыстық мәслихаттың шешімімен бекітілетін кезектілік тізімі негізінде ғана орындалуы тиіс екенін жеткізді.
Басқосу соңында облыс әкімі аудан тұрғындарының сауалдарына жауап беріп, кезектілік тәртібімен жазылған азаматтарға жеке қабылдау өткізді.
<img src="https://kyzylorda-news.kz/wp-content/uploads/2022/06/291399640_333148565673061_7129109234089963799_n.jpg" alt="" />
<img src="https://kyzylorda-news.kz/wp-content/uploads/2022/06/290903487_333148535673064_3207589701375240528_n.jpg" alt="" />

Нұрлыбек Нәлібаев Сырдария ауданының тұрғындарымен кездесті

<a href="https://kyzylorda-news.kz/">Kyzylorda-news.kz.</a> Облыс әкімі Нұрлыбек Нәлібаев Сырдария ауданына жасаған жұмыс сапары барысында Шіркейлі ауылындағы «Жаздық бидай» егін жинау науқанының орақ салу рәсіміне қатысты.
Алдымен, аймақ басшысы Шіркейлі ауылындағы «Мәді Қажы» серіктестігінің картоп, көкөніс, бақша дақылдары егістігімен танысып, ауыл тұрғындарымен пікірлесті.
«Мәді Қажы» ЖШС егін және мал шаруашылығымен айналысады. Серіктестік биыл 300 гектар бидай, 400 гектар жаңа жоңышқа егіп, 540 гектар ескі шоңышқаны күтімге алған. Негізгі дақыл күрішті 1900 гектарға бастырған. Облыс әкімінің тапсырмасына сәйкес шаруашылық құрылымдары тарапынан ауыл тұрғындары үшін егіс алқаптарынан 7 гектар қосымша жер дайындалып, 47 отбасыға бөлініп берілді. Жалпы Сырдария ауданы бойынша 150 гектар жерге қосымша егін егілді.
Аудан әкімі Мұрат Ергешбаев аймақ басшысына ауыл шаруашылығы саласында атқарылып жатқан жұмыстарды баяндады. Өз кезегінде, аймақ басшысы биыл егіншілік саласына 4,3 млрд.теңге, мал шаруашылығын субсидиялауға 4 млрд.теңге қаржы қаралғанын айтып, мемлекеттік қолдау шараларының арқасында мал басының өскенін жеткізді. Мәселен, Сырдария ауданында ет 100,9%, сүт 100,9%, мал басы 100-113% аралығында өскен.
Облыс әкімі Еңбек Ері Абзал Ералиевпен бірге жаздық бидайға орақ салу рәсіміне қатысып, шаруалардың табанды еңбектеріне алғысын білдірді. Дала дүбірін думанға бөлеген шарада ауыл тұрғыны, ардагер ұстаз Біләл Мақашев өз батасын беріп, лента қию рәсімі өткізілді.
Айта кетейік, биыл Сырдария ауданында “Күріш өңдеу цехы” ел игілігіне беріледі. Қазір құрылыс жұмыстары толығымен аяқталып, қабылдау актісін алу құжаттары дайындалуда.
<img src="https://kyzylorda-news.kz/wp-content/uploads/2022/06/290984197_333149702339614_1264433152578008894_n.jpg" alt="" />
<img src="https://kyzylorda-news.kz/wp-content/uploads/2022/06/290999718_333149719006279_623442007266231624_n.jpg" alt="" />
<img src="https://kyzylorda-news.kz/wp-content/uploads/2022/06/ris.jpg" alt="" />
<img src="https://kyzylorda-news.kz/wp-content/uploads/2022/06/291163718_333149595672958_7547466074007984907_n.jpg" alt="" />

Қызылорда облысында егінге орақ түсті

<a href="https://kyzylorda-news.kz/">Kyzylorda-news.kz.</a>&nbsp; Сыр елінің төрінде Қазақстан Жазушылар және Журналистер одағының мүшесі, ҚР Ақпарат саласының үздігі, ақын Дүйсенбек Аяшұлының 60 жасқа толу мерейтойына арналған «Өлең-жырдың жүйрігі» атты шығармашылық кеш өтті.
Қаламгерді облыс әкімінің орынбасары Сақтағанов Нұрымбет Аманұлы құттықтап, облыс әкімінің Құттықтау хатын табыстады. Ізгі тілегін арнап, мерейгердің иығына шапан жауып, құрмет көрсетті. 
Сонымен қатар, жазушы, драматург, филология ғылымдарының кандидаты, Қазақстан Республикасының еңбек сіңірген қайраткері Жолтай Әлмаш, жыршы, этномузыкатанушы, фольклорист, «Дарын» Мемлекеттік сыйлығының лауреаты, «Құрмет» орденінің иегері Берік Жүсіпов, Қазақстан Жазушылар одағының мүшесі, Жарасқан Әбдірашев атындағы әдеби сыйлықтың лауреаты Толыбай Абылаевтар арнайы құттықтады.
Кеш барысында «Жұлдызым жоғары» кітабының тұсаукесер рәсімі өтіп, ақынның сөзіне жазылған “Жүрек сөзі”, “Ғашығым”, “Ана құдіреті”, “Байқоңыр”, “Шиелі”, “Нұр-Астана” әндері шырқалды. Дүйсенбек Аяшұлының “Дарияның өткелінде” өлеңіне қойылған бейнеқойылымда туған жер, өскен өлке алдындағы перзенттік қарыз бен парызды түйістірген Ботабайдағы балалық шағы көрсетілді. Ақының ардақтаған әлеумет мерейтой иесінің өлеңдерін көрермендер залына қойылған микрофондарға келіп, жатқа оқып, ақынның ізін жалғаған жас ақындар Ұлықбек Тәңірберген мен Айдар Сайлауов өз арнауларын оқыды. Сондай-ақ, қалалық жастар театры “Бір өлең жазғым келеді” атты контрастивтік қойылым қойып, көрерменнің айрықша ықыласына бөленді.
Дүйсенбек Аяшұлының отты жырлары мен парасатты поэзиясы қазақ әдебиетінің құнды мұрасына өлшеусіз үлес қосып келеді.
<img src="https://kyzylorda-news.kz/wp-content/uploads/2022/06/290797682_333176849003566_1594268082430126606_n.jpg" alt="" />

Ақын Дүйсенбек Аяшұлының мерейтойына арналған шығармашылық кеш өтті

<a href="https://kyzylorda-news.kz/">Kyzylorda-news.kz.</a>&nbsp; Синоптиктер бейсенбі күні ауа райы құбылмалы болатынын мәлімдеді: еліміз бойынша жел күшейіп, жаңбыр жауады, оңтүстік өңірде аптап ыстық болады.
<blockquote>
 «Атмосфералық фронталды бөліктердің әсерінен Қазақстанның басым бөлігінде тұрақсыз ауа райы сақталады: найзағайлы жаңбыр, солтүстікте, шығыста бұршақ, оңтүстікте, оңтүстік-батыста шаңды дауыл күтіледі. Республика бойынша жел күшейіп, оңтүстікте шаңды дауыл тұрады», деп хабарлайды «Қазгидромет» РМК.
</blockquote>
Синоптиктердің болжауынша, күндіз Алматы, Жетісу, Жамбыл, Түркістан облыстарында аптап ыстық болады.
Қызылорда, Алматы облыстарында, Абай облысының батысында, Батыс Қазақстан облысының шығысында, Атырау облысының батысында, шығысында Ұлытау облысының оңтүстік-батысында, Қарағанды облысының оңтүстік-шығысында, Жамбыл облысының оңтүстігінде, Павлодар облысының орталығында, Түркістан облысының солтүстігінде&nbsp;төтенше өрт қауіпі&nbsp;күтіледі.

30 маусымға арналған ауа райы болжамы

Kyzylorda-news.kz. Биыл облыстағы 46 728 гектар жерге зиянкестерге қарсы химиялық өңдеу жұмыстары жүргізілмек. Қазіргі таңда ерекше қауіпті шегіртке қарсы 57 670 гектар жер заласыздандырылса, азиялық шегірткеге қарсы 48 120 мың гектар жерге химиялық өңдеу жүргізілді. Бұл туралы Өңірлік коммуникациялар қызметінде өткен брифингте егіншілік және тұқым шаруашылығы бөлімінің басшысы Жүсіпбек Әжібеков хабарлады.
Оның айтуынша, облыс аумағының көп бөлігіне залалсыздандыру жұмыстары белсенді түрде жүргізілуде. Бүгінде шегірткелерден келетін қауіп сейілген.
<blockquote>
 «Осы жылы зиянды организмдерге қарсы фитосанитариялық іс-шараларды тиімді жүргізу мақсатында Қызылорда облыстық аумақтық инспекциясымен бірлесіп арнайы жұмыс жоспары бекітілді. Жоспарға сәйкес 46 728 гектар жерге заласыздандыру жұмыстары жүргізіледі. Қазіргі таңда зиянкестерге қарсы химиялық өңдеу жұмыстарын «Авиакомпания» Дельта-ЮГ ЖШС арқылы ұйымдастырылады. Сонымен қатар 134,5 мың гектар алқапқа зерттеу жұмыстары жүргізілген болатын. Нәтижесінде, 32,7 мың гектар жер қайта өңдеуге жатқызылды», – деді Жүсіпбек Әжібеков.
</blockquote>
Биыл ауыл шаруашылығы дақылдарына зиянды және ерекше қауіпті организмдерге қарсы 5048,40 мың гектар жерге мониторинг жүргізілді. Сондай-ақ, шегірткеге қарсы фитосанитариялық күреске 4 арнайы жер агрегаты және 2 жеңіл ұшақ қамтамасыз етілді.
<blockquote>
 «Зиянды шегірткелерге қарсы өңдеу жұмыстары жоспарлы түрде жүргізіліп, нәтижесінде ауыл шаруашылық құрылымдарына ешқандай зиян келмеді. Фитосанитариялық іс-шараларды жүргізу жөніндегі шараларды бірлесіп атқару мақсатында көршілес Түркістан, Ақтөбе және Қарағанды облыстарымен келісім шарт жасалды», – деді ҚР АШМ Агроөнеркәсіптік кешені мемлекеттік инспекциясы комитетінің Қызылорда облыстық аумақтық инспекциясы басшысының орынбасары Жанат Дүзелбаева.
 «Саят шегірткелерінің бір ерекшелігі – өте тез арада дамитын жәндік болып табылады. Бұл шегіртке егістікке және ауыл шаруашылығы өнімдеріне залал келтірмейді. Бүгінде зиянкестерге қарсы барлық техникалар жүйелі түрде жұмыс істеуде», – деді «Дельта ЮГ» ЖШС өкілі Мұрат Артықов.
</blockquote>

Қызылордада шегірткелерден келетін қауіп сейілген

<a href="https://kyzylorda-news.kz/">Kyzylorda-news.kz.</a> Орталық стадион алаңы мен қосалқы алаңда футболдан 2006 жылы туған жасөспірімдер арасында Қазақстан Республикасы чемпионаты өтті. Чемпионатқа 12 команда 200-ге жуық спортшы қатысты. Бүгін Ғани Мұратбаев атындағы орталық стадионда жарыс жеңімпаздары мен жүлдегерлерін марапаттау рәсімі болып өтті.
Чемпионат қорытындысы бойынша Қызылорда облысының №6 мамандандырылған балалар жасөспірімдер спорт мектебі І орын алды. ІІ орынды Шымкент қаласының №17 мамандандырылған балалар мен жасөспірімдер спорт мектебі иеленсе, ІІІ орынды Ақтөбе облысының №8 мамандандырылған балалар жасөспірімдер спорт мектебі жеңіп алды.
Сонымен қатар чемпионат барысында үздік деп танылған ойыншылар арнайы номинациялармен марапатталды. 
«Үздік қақпашы» -Алиакбар Әбілхайыр (Қызылорда) 
«Үздік қорғаушы» – Баймұратұлы Алихан (Ақтөбе) 
«Үздік жартылай қорғаушы» – Ауладин Бейбарыс (Ақтау) 
«Үздік шабуылшы» – Қалан Аян (Шымкент) 
«Үздік ойыншы» Қоныспай Бексұлтан (Қызылорда)
<img src="https://kyzylorda-news.kz/wp-content/uploads/2022/06/289062380_177775578023002_8339867788749239230_n.jpg" alt="" />
<img src="https://kyzylorda-news.kz/wp-content/uploads/2022/06/289063388_177775638022996_2819374738721238044_n.jpg" alt="" />

Қызылордада жасөспірімдер арасында Қазақстан чемпионаты өтті

<a href="https://kyzylorda-news.kz/">Kyzylorda-news.kz.</a> Қызылорда қаласындағы көпбейінді облыстық аурухана жанындағы кардиоорталық жаңа жасанды қан айналымы аппаратымен толықты. Алғашқы жасанды жүрек аппараты кардиоорталық ашылған 2009 жылы орнатылған болатын. Ол науқастарға біршама көмектесті. Бүгінде жарамдылық мерзімі шегіне жетті. Жаңа құрылғы арқылы бірнеше ота жасалды.
Жалағаш ауданының Таң ауылында тұратын 75 жастағы Құттыгүл Доспанова бес жыл бұрын инсульт алған. Жүрек сырқаты алғашқыда аса қатты мазалаған жоқ. Тек бір ай бұрын Құттыгүл әже өзін жайсыз сезінді. Тексеруден кейін облыстық кардиоорталық дәрігерлері пациентке жүректің ишемиялық ауруын емдеудің тиімді тәсілі ретінде аортокоронарлық шунттауды ұсынды. Аталған ота жұмыс істеп тұрған жүрекке жасалады. Ол жүректі қанмен қамтамасыз етудің жаңа жолдарын құрумен ерекшеленеді. Бұл пациентті стенакордиядан қүтқарып, жүрек ауруынан болатын кездейсоқ өлімнің алдын алады.
<blockquote>
 «Дәрігерлерге кәсіби медициналық көмек үшін алғыс білдіремін. Осы жасымда ота қалай өтетінін уайымдадым. Бірақ кардиохирургтерге сенім арттым. Қазір денсаулығым әлдеқайда жақсы, тыныс алуым дұрысталды. Облыс тұрғындарына, әсіресе, біздің дәрігерлерге мықты денсаулық тілеймін!» – дейді Құттыгүл Доспанова.
</blockquote>
Жүрекке жасалатын қымбат ота қазақстандықтар үшін тегін медициналық көмектің кепілдендірілген көлемі мен міндетті әлеуметтік медициналық сақтандыру шеңберінде қолжетімді. Мысалы, дәрігерлердің айтуынша, кардиостимулятордың имплантациялау ота 7 млн теңге тұрады. МӘМС жүйесі аясында ол тегін.
<blockquote>
 &nbsp;«Ауруханаға осымен екінші рет жасанды қан айналымы аппаратын сатып алдық. Бұл — ашық жүрекке ота жасау кезінде таптырмас көмекші. Еске салсам, біздің кардиохирургтер елімізде төртінші болып жүрек ритмінің бұзылуына байланысты радиожиілікті кривоабляция, жүрекалды дефибрилляция жасауға ден қойды», – дейді көпбейінді облыстық&nbsp; аурухананың кардиохирургия бөлімінің меңгерушісі Берік Дәуітбаев.
</blockquote>
Жыл сайын кардиоорталықта 3,5 мыңдай пациент емделеді. Оның шамамен 2,5 мыңына коронография, 700-дейіне стент, 200 шақты адамға ашық жүрекке ота жасалады. Жалпы облыстық кардиоорталықта 13 жыл ішінде 40 мыңнан астам адам ем алған.

Облыстық кардиоорталық жаңа жасанды қан айналымы аппаратымен толықты

<a href="https://kyzylorda-news.kz/">Kyzylorda-news.kz.</a> Қазақстан Республикасы Қаржылық мониторинг агенттігі азаматтарды қаржы мәселесінде сергек болуға, өз қаражаттарын күмәнді қаржылық ұйымдарға салмауға шақырады.
Барлық өңірлерде және әртүрлі форматта алаяқтық жобалар көбеюде.
Соңғы уақыттарда Интернет желісі арқылы «жалған қаржылық компаниялар» туралы ақпарат жиіледі. Еліміздегі ірі мұнай өндіруші «ҚазМұнайГаз», «ТеңізШевройл» сияқты, сонымен қатар «Байтерек Инвест», «Каспи банк» мемлекеттік цифрлық жобаларға ақшалай инвестиция жасау туралы ұсыныстар әлеуметтік желі бетін аралап жүр. Алаяқтар, елдің сенімін жаулау үшін, компаниялардың логотипін, танымал тұлғалардың бейнесін пайдалануда. Осы тектес жарнамалар шындыққа жанаспайтынын ескертеміз!
Тек Алматы қаласының тұрғындарынан 2 млн.АҚШ доллары және 630 мың теңге көлеміндегі қаражатын жинап алған «TheFiniko» қаржы пирамидасына қатысты іс Алматы қаласы бойынша экономикалық тергеп-тексеру департаментімен қалалық прокуратурамен бірге тергелуде. Осы қаржы пирамидасын құрушыларға алданған 300-ден астам адам шағымданған. Қаржы нарығын реттеу агенттігінің қорытындысына сәйкес, аталған компания әлемдік биржалардың ешқайсысында тіркелмеген. Алайда оны сауда және инвестиция платформасы деп жариялаған құрушылары адамдарды жалған жарнамамен тартып, ақша құюға сендірген. Бүгінгі күнге бұл қаржы пирамидасының негізін қалаған үш азамат қамауға алынды.
Түркістан облысы бойынша экономикалық тергеп-тексеру департаменті «Не работа» атты қаржы пирамидасын ұйымдастыру дерегін анықтап, сотқа дейінгі тергеп-тексеру шараларын жүргізуде.&nbsp;Ұйымдасқан топ 2019-2021 жылдар аралығында кәсіпкерлік қызметті жүзеге асыру үшін тартылған қаражатты өз бағытына пайдаланбай, жеке тұлғалардан қаржылық пирамидаға активтерді тартуды қамтамасыз еткен.&nbsp;Пирамидаға тартылған қаражат сомасы 80,5 млн. теңгені құрады. Тергеу амалдары жүргізілуде.&nbsp;
Батыс Қазақстан облысы бойынша экономикалық тергеп-тексеру департаментінде «GAP» ТК (Global Asar Project) басшылығына қатысты қылмыстық іс тергелуде. Батысқазақстандық әріптестер анықтағандай, 2021 жылы БҚО аумағында қаржы пирамидасы құрылған, яғни кәсіпкерлік қызметті жүзеге асыру үшін тартылған қаражатты пайдаланбай, активтерді қайта бөлу және кейбір қатысушыларды басқалардың жарналары есебінен байыту арқылы жеке тұлғалардың жарнасынан кіріс алу бойынша әрекет ұйымдастырған. Зардап шеккен 14 адамға келтірілген жалпы шығын 15 млн. теңгеге жуық.&nbsp;
Қарағанды облысы бойынша экономикалық тергеп-тексеру департаменті WhatsApp-тағы топтар арқылы құрылған пирамиданың жолын кесті. Қылмыстық схема екі бағыт бойынша қатысушылардан қаражат тартқан. Біріншісі – жаңа қатысушыларды тарту арқылы салым сомасының 70%-ы көлемінде сыйақы төлеуге уәде беріп, 4 – 5 күнге дейінгі мерзімге азаматтардан инвестиция жинақтау.Екіншісі – «Cтандарт», «Vip» және «Premium» деген үш позицияға&nbsp; азаматтардан инвестиция тартып, 150000 теңгеден 10000000 теңгеге дейінгі салымдар сомасында қаражат жинақтау.Салымдар мобильді банкинг арқылы қабылданған.&nbsp;Аталған факті бойынша сотқа дейінгі тергеу басталды.
Айта кету керек, пирамиданың мақсаты – жаңа қатысушыларды тарту. Әдетте, пирамиданың негізін қалаушылар қомақты соманы жинап алған соң төлеуді тоқтатады да барлық ақшамен жоғалып кетеді.
Қаржылық мониторинг агенттігі азаматтарды қаржы пирамидаларына тартатын алаяқтардың айла-амалынан сақтандырудың барлық шараларын жасауда.
Құрметті азаматтар! Егер Сіз қаржы пирамидасы мен&nbsp; алаяқтық жобаларға алдансаңыз немесе олар туралы ақпарат білсеңіз – Қазақстан Республикасы Қаржылық мониторинг агенттігінің 7 (7172) 70-84-78 &nbsp;немесе Қызылорда облысы бойынша экономикалық тергеп-тексеру департаментінің 8 (7242) 21-52-09 нөмерлі «сенім телефондарына» хабарласыңыз!

Қазақстан және Қызылорда облысының жаңалықтары

Денсаулық сақтау басқармасының басшысы партия алаңында жеке қабылдау өткізді