Kyzylorda-news.kz. Сыр елінде бұқаралық ақпарат құралдары қызметкерлері күніне арналған «Қанатты қалам-2022» мерекелік салтанатты шарасы өтіп, аймақ басшысы Нұрлыбек Нәлібаев журналистерді төл мерекемен құттықтап, ақжарма тілегін арнады.
Аймақ басшысы ақпарат ағынынан қалмай, өз көрермендері мен оқырмандарына адал қызмет етіп, мамандығын қадір тұтқан журналистердің қоғамда алар орнына тоқталды.
<blockquote>
 Ақпарат тасқыны алапат дәуірде таңдаған мамандығына адал болып, ұстанымын өзгертпеген, қалам қасиетін ардақ тұтқан журналистер қауымына жақсы тілектерімізді айту үшін жиналып отырмыз. 
 Өздеріңіздей туған жердің тарихын қадір тұтып, бүгінгісіне марқайып, ертеңіне алаңдайтын қауыммен жүздесу біз үшін үлкен қуаныш. 
 Тәуелсіздіктің алғашқы күндерінен бастап ел дамуының барлық кезеңдерінде бүгінімізді бекем, болашағымызды жарқын ету жолында Сіздер де зор үлес қосып, ең қиын сәттерде жүректерге сенім ұялататын шынайы ақпарат тараттыңыздар, халықтың ертеңге деген сенімін арттырдыңыздар. 
 Ұлт болып ұйысуға, мемлекет болып ілгерілеуге бағытталған елдік шаруаларға, Мемлекет басшысының тапсырмаларын жүзеге асыруға қосқан өлшеусіз үлестеріңіз үшін өздеріңізге риясыз алғысымызды айтамыз,-деді Нұрлыбек Нәлібаев.
</blockquote>
Аймақтың ақпарат саласының дамуына елеулі үлес қосқан бірқатар БАҚ өкілі облыс әкімінің арнайы марапатына ие болып, құрмет төрінен көрінді. 20 БАҚ өкіліне арнайы номинация, 10 сала ардагеріне шипажайға жолдама берілді. Сондай-ақ, С.Бермағанбетов атындағы жас журналистер 
байқауының жеңімпаздары марапатталды.
Салтанатты жиында журналистер мерекелік думанды әнге бөледі. Сондай-ақ, Сырдың өнерпаздары қалам ұстаған қауымға құрмет көрсетті.
Айта кетейік, бүгінде облыстың медиа кеңістігінде 130-дан аса БАҚ жұмыс істейді.
<img src="https://kyzylorda-news.kz/wp-content/uploads/2022/06/fb_img_1656435353982.jpg" alt="" />
<img src="https://kyzylorda-news.kz/wp-content/uploads/2022/06/fb_img_1656435350856.jpg" alt="" />
<img src="https://kyzylorda-news.kz/wp-content/uploads/2022/06/fb_img_1656435348105.jpg" alt="" />

Нұрлыбек Нәлібаев журналистерді төл мерекемен құттықтады

Kyzylorda-news.kz. «Бақытты отбасы» бағдарламасы бойынша атқарылған жұмыстар, «Өмірлік қиын жағдайға қалған отбасыларға көмек көрсету мәселесі бүгін партияның облыстық филиалы жанындағы Отбасы және халықты әлеуметтік қорғау мәселелері бойынша қоғамдық кеңестің Арал ауданында өткен көшпелі отырысында қаралды.
Жалпы Ара ауданы бойынша қала, 2 кент және 21 ауылдық округте «Бақытты отбасы» партиялық жобасы жүзеге асыру мақсатында қиын отбасыларды, отбасында әйелдер мен балаларға қатысты зорлық-зомбылықты, қатыгез қарым-қатынасты және басқада құқық бұзушылық фактілер мен мекемелерде емделіп, тәрбиеленіп жатқан балаларға қатысты құқыққа қарсы әрекеттерді анықтау үшін, сондай ақ барлық анықталған жағдайлар бойынша атаулы, адрестік көмек көрсету мақсатында жедел әрекет ету топтары құрылып жұмыс жасауда. Топ құрамына аудандық ішкі істер, білім бөлімдері мен аудандық аурухана мамандары қамтылған.
Жиын барысында аталмыш топтың атқарған жұмыс жөнінде Аудандық жұмыспен қамту, әлеуметтік бағдарламалар және азаматтық хал актілерін тіркеу бөлімі басшысының міндетін атқарушы. Әнуар Әзбергенов баяндап өтті. Оның айтынша өткен жылы аталмыш топтар 28 отбасымен нақты жұмыс жүргізілген. Қызылорда қаласындағы «Самұрық» инновациялық идеяларды дамыту орталығы» қоғамдық қоры жанындағы «Қамқорлық» дағдарыс орталығына 2021 жылы 2 отбасы есепке алынып, «Тұрмыстық зорлық-зомбылық құрбандарына арнаулы әлеуметтік қызметтер көрсету» стандартына сәйкес арнаулы әлеуметтік көмектер алған.Болат Өтемұратов» қорынан 3 отбасы және «Қарекет» қорынан 1 отбасы тегін жеке баспанамен қамтылған.
7 бала балабақшаға орналастырылып, ерекше күтімді қажет ететін отбасылардағы азаматтарға қамқоршылық және мүгедектік тағайындалуына құқықтық кеңес берілсе, 6 азамат жұмысқа орналастырылып, 5 адам қайтарымсыз несие алған.
<blockquote>
 2022 жылдың 5 айында атқарылған жұмыстарға келер болсақ жыл басынан бері 40 отбасының әлеуметтік жағдайына зерделеу жұмыстары жүргізіліп, осы отбасылардың ішінен тұрмыс жағдайы төмен жан-жақты көмек түрлерін қажет ететін 12 отбасымен жұмыс жасалып жатыр. 
 Атап айтар болсақ: 3 отбасы жер телімін алуға кезекке қойылды, 4 отбасы мүшесі жеке кәсіпкерге тұрақты жұмысқа орналастырылды, 2 отбасының балалары бала мүгедектігіне шығарылды, – дейді Әлімжан Сейітов.
</blockquote>
Аудандық білім бөлімінің бас маманы Ғалия Сейітова қолайсыз отбасы ретінде тіркелген отбасы балаларымен мектеп инспекторлары, әлеуметтік педагогтар, мектеп психологтары бірлесіп балаларға әлеуметтік, психологиялық көмек көрсетілуде. 
Нақты кезеңде қолайсыз отбасы есебіне тіркелген 5 отбасында 13 бала бар, олардың екеуінің әлеуметтік жағдайы жақсы, қалған 3 отбасы аз қамтылған отбасылар.Аз қамтылған отбасы балалары жалпыға бірдей міндетті оқу қоры есебінен киіммен, ыстық тамақпен қамтамасыз етіліп отыр. Осы аталған отбасылардың балаларына әлеуметтік жағдайына қарай балалардың құқықтары мен мүдделерінің бұзылуының алдын алу, көмек көрсету жұмыстары жүргізілуде.
Өз кезегінде сөз алған аудандық аурухананың бас дәрігері Марат Ршымбетов суицид, зорлық зомбылық, құқықбұзушылық және қыздар арасындағы ерте жүктіліктің алдын алу мақсатында ауданның барлық ауылдық емханалары мен дәрігерлік амбулаториялары, кеңес беру диагностикалық емханасы психологтармен және әлеуметтік қызметкерлермен толық қамтамасыз етілгендігін атап өтті. 
Отырыста жұмысты жетілдіруге қатысты түрлі ұсыныстар ортаға салынып, хаттамаға енгізілді. Жиын соңында кеңес мүшелері Арал аудандық халықты жұмыспен қамту орталығының жұмысымен танысып, тиімді тұстарын өзге аудандарда енгізуге жұмыс жасау қажеттігін атап өтті.
Тәжірибе алмасу мақсатында ұйымдастырылған көшпелі қоғамдық кеңес отырысына облыстық, аудандық қоғамдық кеңес мүшелері, аудандық партия филиалдарының Атқарушы хатшылары да қатысты.

Қоғамдық кеңестің көшпелі отырысы өтті

<a href="https://kyzylorda-news.kz/">Kyzylorda-news.kz.</a>&nbsp; Қазалыда «Мәдениетті ана – мәдениетті ұлт» республикалық жобасы аясында «Ана – тіршіліктің тірегі» тақырыбында келелі кездесу өтті.
Өткен аптада «Ел бірлігі – жаңарған Қазақстанның негізі» тақырыбында облысымызда аймақ басшысының төрағалығымен Қазақстан халқы Ассамблеясының кезекті ХХІV сессиясында аталмыш жобаның маңыздылығы айтылып, жұмысын жүйелі түрде жүргізу тапсырылған болатын.
Осы ретте аудан әкімінің орынбасары Д. Тілеуімбетов қатысушыларды жобаны жандандыру мақсатында жаңа идеялармен бөлісіп, ашық әңгіме алаңын құруға шақырды.
Алғы сөзді ұлттық құндылықтар мен отбасы тәрбиесінің үздік үлгілерін насихаттап жүрген өңірлік Аналар кеңесінің төрайымы Рахима Ахметова алды.
Саясаттағы, бизнестегі, мемлекеттік басқару органдары мен түрлі саладағы іскер әйелдердің басын қосып жүйелі жұмыс жасап жүрген облыстық іскер әйелдер қауымдастығының төрайымы Манат Алмашева, ҚХА жанындағы облыстық Аналар кеңесінің мүшесі Анжела Садықбекова және облыстық Аналар кеңесінің мүшесі Галина Щербакова ұлттық тәрбиенің бастауы саналатын аналар өнегесі, отбасы құндылығы турасында әңгімеледі.
Ал жас ұрпақтың бойына ұлттық құндылықтарды сіңіру, оларды отансүйгіштікке, қазақстандық патриотизмге, толеранттылыққа тәрбиелеуде ассамблея жанынан құрылған Қазалы аудандық Аналар кеңесінің ауқымды жұмысы жайлы аудандық Аналар кеңесінің төрайымы Нафиса Жұма сөз қозғады.
Кездесуде ауданда білім, мәдениет, денсаулық саласында еңбек етіп жүрген нәзік жандылар мен ардагер аналар тұшымды ой-пікірлерін ортаға салды.
Мұнан соң өңірдің, ауданның дамуына сүбелі үлесін қосып, ұрпақ тәрбиесіне ұлттық ұстаныммен қарайтын аналар марапатталды.
<img src="https://kyzylorda-news.kz/wp-content/uploads/2022/06/290791267_3243264965992661_8182300694910605204_n.jpg" alt="" />

«Мәдениетті ана – мәдениетті ұлт» жобасы Қазалыда

<a href="https://kyzylorda-news.kz/">Kyzylorda-news.kz.</a> Биыл еліміздің бас қаласы өзінің 24 жылдығын атап өтіп жатыр. Елорда күніне орай мәдениет, спорт мекемелері, қаланың шығармашылық ұжымдары көңілді, мерекелік бағдарлама <a href="https://sputnik.kz/20220628/nur-sultan-astana-kuni-25806239.html">дайындап</a> отыр.
Қала тұрғындары мен қонақтары концерт, көрме, фестиваль, премьера және т.б. тамашалай алады, деп хабарлады Нұр-Сұлтан әкімдігінің ресми сайты.
Елорданың 24 жылдығына орай қалада бірқатар әлеуметтік нысанның, гүлзарлардың, қоғамдық кеңістіктердің, 80-нен аса ауланың салтанатты ашылуы өтеді.
Бұдан бөлек, осы күнге орай елорданың бірқатар ведомстволық бағынысты ұйымдары концерттер, спорттық турнирлер, көрмелер және т.б. ұйымдастырады.
28 маусым күні сағат 19:00-де мемлекеттік академиялық филармония сахнасында Ермұрат Үсеновтің 70 жылдығына арналған “Қорқыт” этно-ансамблі “Өмір дастан” концертін қояды.
Осы күні елордада ерлер мен әйелдер арасында бокстан “Елорда кубогы” халықаралық турнирі басталады. Ол Жақсылық Үшкемпіров атындағы Жекпе-жек сарайында 5 шілдеге дейін өтеді.
30 маусымда “Жастар” театрында суретші Гүлназым Өмірзақтың көрмесін, сондай-ақ дизайнер Алтынбек Ермұханның сән көрсетілімін тамашалауға болады.
1-6 шілде аралығында “Атамекен” этно-мемориалдық кешенінде “Елорда пейзаждары” атты арт-көрме ұйымдастырылады.
Біріккен музейлер дирекциясы мерекеге орай бірден бірнеше экспозиция ұйымдастырады: 1-8 шілде аралығында – “Ел тірегі – Елорда” көрмесі, 1-5 шілде аралығында –”Киелі менің астанам” фотокөрмесі. 5 шілде күні мұнда “Әлем картасындағы жаңа елорда” атты іс-шара өтеді.
1 шілде күні сағат 20:00-де Есіл өзені жағалауындағы амфитеатрда Батырхан Шүкеновтің шығармашылығына арналған “Твои шаги” атты концерт өтеді. 3 шілде күні сағат 20:30-да ЭКСПО алаңында Ұлттық домбыра күні аталып өтеді. Сол күні сағат 18:00-де елордалық филармония мерекелік концертке шақырады. Сол сияқты “Барыс Арена” мұз сарайында қазақ күресінен “Қазақстан барысы” республикалық турнирі өтеді.
4 шілде күні сағат 18:00-де Амфитеатр сахнасында “Астана кеші көңілді” мерекелік концертімен отандық эстрада әртістері мен шығармашылық ұжымдар өнер көрсетеді. 
4-6 шілде аралығында Орталық саябақта “Mereke Street” қалалық мәдениет фестивалі өтеді.
5 шілде күні сағат 19:00-де филармонияның концерт залында “Әзіл әлемі” әзіл кеші ұйымдастырылады. 5 шілде күні сағат 19:00-де “Астана Опера” опера және балет театры күміс ғасырдың “Шопениана” және “Шехрезада” балеттерін ұсынады. 
5 және 6 шілде күндері “Колизей” спорт кеңістігінде “Отан Ана” монументінің жанында стритболдан “Nur Sultan Cup” турнирі ұйымдастырылады. 5-9 шілде аралығында “Астана Балет” театры “Орфей және Эвридика” балетінің премьерасына шақырады.
Астана күні, яғни 6 шілдеде сағат 11:00-де Триатлон паркте “Elorda Tolqyny” спорттық жарысы басталады. Осы уақытта “Қазанат” ипподромында шабандоздар арасында бәйгеден “Астана кубогы” жарысы өтеді. Сол күні кешке, сағат 21:00-де Амфитеатр сахнасында Ұлықпан Жолдасов “Ақ қанат – ақ құсым” бағдарламасымен өнер көрсетеді. Сағат 18:00-ден 22:00-ге дейін “Астана-Арена” стадионының тұрағында “Халықпен бірге” дәстүрлі Open air өтеді. Сол күні кешке “Қазақстан” ОКЗ “Дос-Мұқасан” ансамблінің шығармашылығына арналған “Далам менің” концерті ұйымдастырылады.
8 шілде күні сағат 12: 00-де Амфитеатрда “Мен сені сүйемін, астанам” атты концерттік қойылым өтеді. Сағат 10:00-ден 22:00-ге дейін “Барыс Арена” маңында 12 сағаттық “You Fest” Open air өтеді. Сағат 17:00-ден 22:00-ге дейін мемлекеттік академиялық филармонияда республикалық ақындар айтысы өтеді.

Астана күні қалай аталып өтеді?

<a href="https://kyzylorda-news.kz/">Kyzylorda-news.kz.</a> ҚР Цифрлық даму, инновациялар және аэроғарыш өнеркәсібі министрі Бағдат Мусин «Бәйтерек» ғарыш кешенін салу мерзімі шегерілгенін айтты, деп хабарлайды ҚазАқпарат.
<blockquote>
 «Осыған дейін белгіленген мерзім шегеріліп жатыр. Алайда бұл бағыттағы жұмыс жоспары өзгермеген. Бұл кешен Байқоңырдың маңыздылығы үшін керек. Аталған мерзім техникалық құжатнаманы даярлауға қатысты шегерілді. Атқарылуы тиіс жұмстар бойынша құжаттарды қабылдау күрделі болып жатыр. Атап айтқанда, бұл шешім басқа себептерге байланысты емес», – деді Б. Мусин Сенатта тілшілер сауалына жауап бере отырып.
</blockquote>
Осы орайда тілшілер министрден құрылыс жұмыстарына қатысты нақты мерзімді атауды сұрады.
<blockquote>
 «Шамамен жарты жыл немесе ары кеткенде бір жыл уақыт керек. Бұл бағыттағы құжат бойынша жұмыстар жүріп жатыр. Бірақ құрылыс жұмыстары басталмады. Жобалау жұмыстарына біраз уақыт керек», – деді ведомство басшысы.
</blockquote>

«Бәйтерек» ғарыш кешенінің құрылысы шегерілді

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысының әкімі Нұрлыбек Нәлібаев сырбойылық БАҚ өкілдерін кәсіби мерекемен құттықтады.
Құрметті бұқаралық ақпарат саласының қызметкерлері! Қадірлі сала ардагерлері!
Көркем әдебиеттің көрнекті өкілі Әзілхан Нұршайықов: «Газеттің ісі бір күндік, сөзі мың күндік» деп баспасөздің бағасын білдіргендей, Сырдың сөз қуаты, ой шуағы ежелден еленген ерекшелікке ие.
Бүгінгідей медиа кеңістіктің ауқымы кеңейіп, ақпарат таратудың көзі көбейгені журналистердің кәсіби деңгейін көтере түсті. Қазір қаламгерлер жаңалықтар жаршысы ғана емес, жедел және ашықтық алаңының айнасына айналды. Осындай жауапты жұмысты жандандырып, қалам құнарымен, ой шұрайымен қоғамға қызмет етуші журналистика майталмандарын төл мерекемен құттықтаймын.
Қазақ журналистикасының қарыштауы уақытпен үндестігі, замана зейінімен үйлескені десек, руханияттың келелі күші – ақпараттық өріс. Тұтынушы талғамын табу, тың тақырыптар ұсыну, ақиқатқа араша түсу, оқырманға сапалы өнім жеткізу сынды талапты талантты журналистер орындайды. Бәсекелестік нарықта тынбай, талмай еңбек ететін қаламгер қашанда қоғамның құрметіне лайық.
Бүгінгі күні облыстың медиа кеңістігінде 130-дан аса бұқаралық ақпарат құралы жұмыс жасауда. Әрбір басылымның өз оқырманы, телеарна мен радионың өз көрермені мен тыңдарманы бар. Мұның өзі іргелі индустрияның ізі.
Газеттің пікірі – халықтың сөзі, көптің ойы. Шынайы сөз бен сұңғыла сюжет адам үшін айнымас түйін, нақты нышан. Сондай сұранысты қамтамасыз етудің жауапкершілігі журналистер үшін ең шұғыл, ең тәуекел байлам. Мұндай мүмкіндікті кәсіби мамандар ғана атқара алады.
Қадірлі БАҚ өкілдері! Сіздерді төл мерекемен шын жүректен құттықтай отырып, еңбектеріңізге табыс, дендеріңізге саулық, шаңырақтарыңызға құт-береке, амандық тілеймін.

Нұрлыбек Нәлібаев БАҚ қызметкерлерін кәсіби мерекемен құттықтады

<a href="https://kyzylorda-news.kz/">Kyzylorda-news.kz.</a> Күннің қатты ысуына байланысты «КРЭК» АҚ компаниясының қосалқы станциясында 35 кВ әуе желісінде жүктеме көбейіп, апаттық жағдай орын алған болатын. Салдарынан қаладағы бірнеше шағын аудандарда электр жарығы мен ауыз су беру уақытша тоқтатылды. Осыған байланысты Қызылорда қаласы әкімінің орынбасары Руслан Нұрмағанбетов болған жағдайды түсіндіріп, қазіргі таңда жөндеу жұмыстары толық аяқталғанын хабарлады.
<blockquote>
 «Маусым айының 25-26 күні электр желілеріндегі ағытулардың салдарынан қаланың бірнеше аумақтарында апаттық жағдай орын алды. Сондай-ақ, электр желілерінің ағыту салдарынан су беруде ақаулықтар болды. Себебі «Бас тоған» су беру нысаны электр желілеріне бағынысты. Өздеріңізге белгілі, бірнеше күннен бері күннің қатты ысуы байқалады. Кей жерлерде 45 градусқа дейін ауа температурасы көтерілді. Бұл электр жүйесіне жүктеменің қатты өсуіне әкеліп соқтырады. Қазіргі таңда барлық жөндеу жұмыстары толығымен аяқталды. Қала тұрғындарына электр жарығы мен су беру тұрақты түрде берілуде», – деді Қызылорда қаласы әкімінің орынбасары Руслан Нұрмағанбетов.
</blockquote>

Руслан Нұрмағанбетов: Қала тұрғындарына электр жарығы мен ауыз су тұрақты түрде берілуде

<a href="https://kyzylorda-news.kz/">Kyzylorda-news.kz.</a> Аймағымыздағы 30 техникалық және кәсіптік білім беру ұйымдары бойынша 25 маусымнан бастап оқуға құжаттарды қабылдау басталды. Бүгінгі күнге дейін яғни, 2 күн ішінде 347 талапкердің құжаттары қабылданды. Бұл туралы Өңірлік коммуникациялар қызметінде өткен брифингте облыстық білім басқармасы басшысының орынбасары Әзизбек Ізімбетов мәлімдеді.
<blockquote>
 Аймақтың еңбек нарығының сұранысына сәйкес жергілікті бюджеттен 3108 орын, республикалық бюджеттен 1600 орын бөлінді. Барлығы – 4708, – деді басқарма басшысының орынбасары Әзизбек Ізімбетов.
</blockquote>
Талапкерлерге ыңғайлы болу үшін құжаттарды қабылдау үрдісі автоматтандырылды. Құжаттар Egov.kz электронды үкімет порталы арқылы қабылданып жатыр. Сондай-ақ қабылдау колледждерде дәстүрлі қағаз форматында да жүзеге асырылады.
Бұдан былай талапкерлер бірден 4 мамандықты таңдап, еліміздің 4 колледжіне құжат тапсыра алады. 2021 жылы білім берудің ашықтығы мен қолжетімділігін қамтамасыз ету үшін министрлік «ақша студенттің соңынан жүреді» қағидаты бойынша мемлекеттік тапсырыстарды бөлудің жаңа механизмін енгізді. Бұған дейін гранттарды колледждер арасында білім басқармалары орналастырып келсе, енді мемлекеттік тапсырыс талапкерлердің таңдауы бойынша бөлінеді. Яғни түлек қайда оқуға түскісі келсе, бюджет ақшасы сол жерге жіберіледі.
<blockquote>
 Мемлекеттік тапсырыс бойынша 9-сынып талапкерлері арасындағы конкурс 25 маусым және 18 тамыз аралығында өтеді. Ал, 11-сынып және колледж түлектері арасындағы байқау 25 маусым мен 20 тамыз аралығында өтеді. Өнер және мәдениет мамандықтарына түсетіндер үшін байқау 29 шілде мен 2 тамыз аралығында өткізіледі.
 Былтырдан бастап квота санаттарының тізімі кеңейтілді. Квота 9 санатқа беріледі. Көп балалы отбасы балалары үшін 5%, кемінде үш жыл толық емес отбасы мәртебесі бар отбасы балалары үшін – 1%, бала кезінен мүгедек балаларды тәрбиелеп отырған отбасылардан шыққан балалар, І және ІІ топтағы мүгедектер үшін – 1% квота енгізілді. Ұпайлар тең болған жағдайда квота санаты мен сертификаттың орташа балы есепке алынады», – деп атап өтті Бекжан Шакизатұлы.
</blockquote>

Қызылордада колледждерге құжат қабылдау басталды

<a href="https://kyzylorda-news.kz/">Kyzylorda-news.kz.</a> Қызылорда облысы полиция департаменті криминалдық полиция басқармасының қызметкерлері және Қарағанды облысы ПД-ң криминалдық полиция басқармасының қызметкерлерімен бірлесіп жүргізілген жедел іздестіру шаралары барысында тергеуден бой тасалап, халықаралық іздеуде жүрген&nbsp; облыс тұрғыны Қарағанды қаласында ұсталды.
Ол Қазақстан Республикасы Қылмыстық кодексінің 99-бабының 2-бөлігінің 7,9-тармақтары (бұзақылық ниетпен,алдын ала сөз байласу арқылы адамдар тобымен өлтіруге оқталған) бойынша қылмыс жасаған деп айыпталуда.
<blockquote>
 «Ұсталған күдікті азаматқа қатысты «күзетпен ұстау» түріндегі бұлтартпау шарасы таңдалды.
 Полицейлер күдіктіні Қарағанды қаласындағы саябақтардың бірінде ұстаған. Қазіргі уақытта ол уақытша ұстау&nbsp; изоляторына қамаққа алынды», – делінген полиция департаментінің хабарламасында.
</blockquote>

Қызылордалық полицейлер халықаралық іздеуде жүрген күдіктіні ұстады

<a href="https://kyzylorda-news.kz/">Kyzylorda-news.kz.</a>&nbsp;Мемлекет басшысының Жарлығы аясында бүгін облыс әкімі Нұрлыбек Нәлібаев Жаңақорған ауданының халқымен кездесті.
Аймақ басшысы тұрғындардың тұрмыс сапасын арттыру үшін экономикалық өсім мен тұрақтылық керек екенін атап өтіп, аудандағы өзекті мәселелерге тоқталды. Әсіресе, ауыл шаруашылығы саласындағы негізгі өсімді тізбектеп берді.
<blockquote>
 Киелі Қаратау мен қасиетті Сырдың бойын ен жайлаған құтты мекен Жаңақорған өңіріне келіп, Өздеріңізбен тағы да кездескеніме шын жүректен қуаныштымын!
 Биыл егіншілік саласына 4,3 млрд.теңге, мал шаруашылығын субсидиялауға 4 млрд.теңге қаржы қарадық. Мемлекеттік қолдау шараларының арқасында мал басы санында өсім бар. Мәселен, Жаңақорған ауданында ет 101,7%, сүт 100,9%, мал басы 101,8%-дан 117%-ға дейін өсті.
 Жыл басынан бері аудан бойынша 9 жобаға несие берілді. Біз бизнес қарқынын әлі де үдетуіміз қажет. Аудан әкімдігі өз бизнесін бастаймын, кәсібін кеңейтемін деген ынталы азаматтармен тығыз жұмыс жасап, оларға шынайы қолдау көрсетуі тиіс,-деді Нұрлыбек Нәлібаев.
</blockquote>
<img src="https://kyzylorda-news.kz/wp-content/uploads/2022/06/289096877_1563982540663919_4581689591047052065_n.jpg" alt="" />
Кездесуде газ тарту, жол сапасын жақсарту, электр желілерін жаңарту жұмыстары да шет қалмады. Биыл Бірлік және Қыраш елді мекендері газдандырылатын болады. «Ауыл ел Бесігі» жобасы аясында Жаңақорған кентінің электр желілерін қайта жаңғырту жұмыстарына республикалық бюджеттен 3,4 млрд.теңге қаржы жоспарланған. Биыл аудандағы 18 шақырым жолды жөндеуге 458 млн. теңге қаржы бөлінді.
<blockquote>
 Ауыл тұрғындарын ауыз сумен қамтамасыз ету мақсатында Жаңақорған кентінде сервистік су жүйесінің құрылысы жыл соңына дейін аяқталатын болады. Сонымен қатар, республикалық бюджеттен Сунақата, Еңбек, Төменарық, Екпінді елді мекенін сумен жабдықтау желісін қайта құру және кеңейту жобалары биыл аяқталады.
 Облыстық бюджет қаржысынан су шаруашылығы жұмыстарын жүргізу үшін Қожакент және Жайылма ауылдық округтеріндегі 2 каналға тазалау жұмыстары жүргізіліп, оның бүгінгі күні «Бабакент» каналы аяқталды,-деді Н.Нәлібаев.
</blockquote>
<img src="https://kyzylorda-news.kz/wp-content/uploads/2022/06/289321864_1563983180663855_1001889012386957070_n.jpg" alt="" />
Білім саласында биыл Жаңақорған кентінде 600 орындық жаңа мектеп ел игілігіне табысталады. Мұнымен қоса, оқушы орындарының тапшылығы мәселесін шешу үшін 2 мектептің құрылысы аяқталып, жыл соңына дейін пайдалануға беріледі.
Кездесу соңында облыс әкімі тұрғындардың көкейінде жүрген сұрақтарға жауап берді. Мұнан соң, кезектілік тәртібімен азаматтарды жеке мәселелері бойынша қабылдап, аудан әкімі мен жауапты сала басшыларына нақты тапсырмалар жүктеді.
<img src="https://kyzylorda-news.kz/wp-content/uploads/2022/06/288884833_1563982937330546_4168431521942130950_n.jpg" alt="" />

Аймақ басшысы Жаңақорған ауданының тұрғындарымен кездесті

<a href="https://kyzylorda-news.kz/">Kyzylorda-news.kz.</a> Бүгін Ұлы Отан соғысының ардагері Любовь Колесник 97-ге қараған шағында дүниеден өтті.
Любовь Сергеевна 1925 жылғы 4 тамызда Оңтүстік Қазақстан облысы, Арыс қаласында әскери қызметшілер отбасында дүниеге келген. Жұбайы Николай Севастьянович Колесник те соғыс ардагері. Жергілікті медициналық техникумда оқып, кәмелет жасқа толысымен 1944 жылы әскер қатарына шақырылған. Соғыс кезінде Белорусь фронтының дала госпиталінде медбике қызметін атқарып, ержүрек батылдығымен көзге түскен. Соғыс аяқталған соң госпитальда жұмыс жасады. 1945 жылдың қыркүйегінде елге оралып, сол жылы Қызылорда қаласындағы локомотив депо медпунктіне фельдшер болып жұмысқа орналасты. Осы қызметтен зейнетке шыққан. Любовь Сергеевна 2 ұл, 1 қыз тәрбиелеп өсірді.
«Ұлы Отан соғысының ІІ дәрежелі» ордені, «Маршал Жуков» медалі, «Германиямен соғыста көрсеткен ерлігі үшін» медалі және мерекелік медальдармен марапатталған.
Қызылорда қаласының әкімдігі, қалалық мәслихат, қалалық ардагерлер кеңесі және қалалық Қоғамдық кеңесі Любовь Колесниктің дүниеден өтуіне байланысты марқұмның отбасы және туған-туыстарының қайғыларына ортақтасып, көңіл айтады.

Ұлы Отан соғысының ардагері Любовь Колесник дүниеден өтті

<a href="https://kyzylorda-news.kz/">Kyzylorda-news.kz.</a> Облыс әкімі Нұрлыбек Нәлібаев Жаңақорған ауданына жұмыс сапарын Қожамберді ауылдық округінде қорытындылады. Аймақ басшысы Батыс Еуропа – Батыс Қытай автожолының бойындағы «Жан-Арай» көпсалалы агроиндустриялды кешенінің жұмысымен танысты.
Алдымен, өңір басшысына кешен жұмысы таныстырылды. Биыл пайдалануға берілетін нысанда 300 орындық тойхана, 50 орындық кафе, 20 орынға арналған асхана мен қонақ үй, монша, 1500 тонна өнімді сақтауға арналған көкөніс қоймасы және су жинайтын резервуар мен жеміс бағы болады.
Аймақ басшысы азық-түлік бағасын тұрақтандыру мақсатына әр ауылдың мүмкіндігіне қарай көкөніс және бақша өнімдерін өңірде өндіру үшін бос жатқан жерлерді икемдеп, егін егуге ынталы азаматтарға бөліп беру қажеттігін тағы бір қаперге салды.
Мұнан кейін облыс әкімі Қожамберді, Төменарық, Сүттіқұдық елді мекендерінің ақсақалдарымен кездесіп, ортақ мәселелерге қатысты пікірлесті.
<img src="https://kyzylorda-news.kz/wp-content/uploads/2022/06/290717967_331630462491538_4423994030543490436_n.jpg" alt="" />
<img src="https://kyzylorda-news.kz/wp-content/uploads/2022/06/290731411_331630449158206_7855343093546211124_n.jpg" alt="" />

Қазақстан және Қызылорда облысының жаңалықтары