<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Елордада Қайрат Сатыбалды ісіне қатысты сот үкімі шықты, деп хабарлайды <a href="https://www.inform.kz/kz/kayrat-satybaldy-6-zhylga-sottaldy_a3983375" target="_blank" rel="noreferrer noopener">ҚазАқпарат</a>.
Іс Астана қаласы Байқоңыр аудандық №2 сотында қаралды.
<blockquote class="wp-block-quote">«Күдікті Қайрат Сатыбалдыны алты жылға бас бостандығынан айыру туралы шешім қабылданды. Сонымен қатар оның жеке мүлкі тәркіленеді», &#8212; деді судья ZOOM платформасында өткен сот отырысында.</blockquote>

Қайрат Сатыбалды 6 жылға сотталды

&nbsp;<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> ҚР Бас прокуратурасы танымал тұлғалардың ұсталғаны туралы жекелеген блогерлердің ақпаратына сенбеуге шақырды.
ҚР Бас прокурорының орынбасары Жандос Өмірәлиев жекелеген блогерлердің арандатушылық мәлімдемелеріне қатысты үндеу жариялады.
<blockquote class="wp-block-quote">«Отандық ақпараттық кеңістікте және әртүрлі әлеуметтік медиада түрлі тақырыптар бойынша көрінеу жалған ақпарат тарату жағдайлары жиілеп кетті.</blockquote>
Бұл ретте олар жекелеген блогерлердің арандатушылық мәлімдемелерімен және әлеуметтік желі пайдаланушыларының ұлттық алауыздықты тудыратын белгілері бар комментарийімен қоса жүреді.
Жекелеген азаматтардың ар-намысы мен қадір-қасиетіне нұқсан келтіретін, сондай-ақ бірқатар танымал тұлғаны ұстау және қылмыстық жауаптылыққа тарту туралы жалған хабарламалар жариялануда.
Мұндай фейк мәліметтер қоғамда жалған пікір қалыптастырып қана қоймай, сонымен бірге қоғамдық тәртіпке де теріс әсер етуі ықтимал.
Шынайлыққа сәйкес келмейтін&nbsp;осындай мәліметтерді таратуды көбіне блогерлер қасақана, өздерінің және үшінші тұлғалардың мүдделері үшін жүзеге асырады.
Олардың мақсаты – жеке пайда табу және бопсалау арқылы материалдық табыс көру», &#8212; делінген үндеуде.
Бас прокуратура ескертіп өткендей, ұлттық алауыздықты қоздыруға, бопсалаушылыққа, көрінеу жалған ақпарат таратуға бағытталған іс-әрекеттер ҚР Қылмыстық кодексінің 174, 194 және 274-баптары бойынша жауаптылыққа әкеп соғады.
<blockquote class="wp-block-quote">«Осыған байланысты, ҚР Бас прокуратурасы ел азаматтарын, бұқаралық ақпарат құралдарының өкілдерін, әлеуметтік желілердің пайдаланушыларын заңнаманы бұлжытпай сақтауға және жоғарыда келтірілген кез келген құқық бұзушылықтардың жасалуына жол бермеуге, арандатушылыққа бой бермеуге және тек ресми ақпарат көздеріне ғана сенуге шақырады», &#8212; деді прокуратурадан.</blockquote>

Бас прокуратура жекелеген блогерлердің фейк-ақпараттарына қатысты үндеу жариялады

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a>&nbsp; Астанада 17 қыркүйекте бастау алған ат марафон-бәйгесі 25 қыркүйек күні Сыр еліне келді. Қаладан 189 шақырым қашықтықта, Жезқазған трассасының бойындағы жазық жазира кең далада Сыр жұртшылығы шабандоздарды қошеметпен қарсы алды.
«Ұлы дала жорығы» – қазақ халқының салт-дәстүрін жаңғыртатын, рухын оятатын, еліміздің тарихын зерделеп, жаңа туристік маршруттар қалыптастыратын тың жоба. Бұл бәйге қазақ халқының «брендіне» айналары сөзсіз.
Тарихта ең ұзақ қашықтыққа созылған 1200 шақырымдық республикалық марафон-бәйгеге еліміздің түкпір-түкпірінен 20 команда 100 шабандоз 200 сәйгүлік қатысты. Аламанға қатысушылар күніне 100 шақырыммен Қарағанды, Ұлытау облыстарын артта қалдырып, алаштың анасы Сыр елінің даласына келді.
800 шақырым қашықтықты еңсеріп, ең алғаш Тараз облысының сәйгүліктері келді. Барша жанкүйер төзімділік пен қайсарлықтың символына айналған тұлпарлар мен шабандоздарды үлкен қошеметпен қарсы алды. Екінші болып Маңғыстау облысының, артынша Түркістан облысының жылқылары келді. Көптен күткен Сыр елінің сәйгүліктері төртінші болып келді. Бұл тек осы күнгі нәтиже, шешуші кезең марафоншыларымыздың мәре сызығын аттаған сәті болмақ.
Марафон-бәйгенің салтанатты бөлігін облыстық мәдениет және спорт басқармасы басшысының орынбасары Асылжан Жаманқұл ашып, қатысушыларға төзім мен жігер, сәттілік тіледі.
Бүгін, яғни 26 қыркүйек күні марафоншыларымыз түркінің төрі Түркістанға бет алды.
Айта кетейік, марафон-бәйгенің барлық кезеңін еңсерген команда Түркістан қаласына рекордтық қысқа мерзім ішінде жетіп, «Ұлы Дала Сарбазы» атағын иеленеді де 30 млн теңге көлеміндегі бас жүлдені, ал екінші, үшінші орындарды иеленген командалар 20 млн теңге және 15 млн теңге көлеміндегі сыйақыны алады.
<div class="wp-block-image"><figure class="aligncenter size-full"><img loading="lazy" width="1280" height="853" src="https://kyzylorda-news.kz/wp-content/uploads/2022/09/307773971_196052656195294_6530679987999386337_n.jpg" alt="" class="wp-image-167617" srcset="https://kyzylorda-news.kz/wp-content/uploads/2022/09/307773971_196052656195294_6530679987999386337_n.jpg 1280w, https://kyzylorda-news.kz/wp-content/uploads/2022/09/307773971_196052656195294_6530679987999386337_n-768x512.jpg 768w" sizes="(max-width: 1280px) 100vw, 1280px" /></figure></div>
<div class="wp-block-image"><figure class="aligncenter size-full"><img loading="lazy" width="960" height="640" src="https://kyzylorda-news.kz/wp-content/uploads/2022/09/308993102_196052352861991_1576343160033024495_n.jpg" alt="" class="wp-image-167618" srcset="https://kyzylorda-news.kz/wp-content/uploads/2022/09/308993102_196052352861991_1576343160033024495_n.jpg 960w, https://kyzylorda-news.kz/wp-content/uploads/2022/09/308993102_196052352861991_1576343160033024495_n-768x512.jpg 768w" sizes="(max-width: 960px) 100vw, 960px" /></figure></div>
<div class="wp-block-image"><figure class="aligncenter size-full"><img loading="lazy" width="960" height="640" src="https://kyzylorda-news.kz/wp-content/uploads/2022/09/309384787_196052326195327_4923013169218515769_n.jpg" alt="" class="wp-image-167619" srcset="https://kyzylorda-news.kz/wp-content/uploads/2022/09/309384787_196052326195327_4923013169218515769_n.jpg 960w, https://kyzylorda-news.kz/wp-content/uploads/2022/09/309384787_196052326195327_4923013169218515769_n-768x512.jpg 768w" sizes="(max-width: 960px) 100vw, 960px" /></figure></div>

«Ұлы Дала Жорығы» Сыр елінде

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a>&nbsp; Сыр өңірінде түрік компанияларымен бірлескен жобалар аясы кеңеюде. Екіжақты мүдделестік нәтижесінде аймақта жаңа өндіріс орындары мен нысандар салынбақ.
Облыс әкімінің шақыртуымен сенбі күні Қызылорда өңіріне Түркияның KOÇ Holding компаниясының өкілі Өзгур Бурак Ақколь және отандық «Orbis Kazakhstan» компаниясының басшысы Сухраб Әбдіғаппурұлы Махмудов арнайы келді.
Аймақ басшысының іссапарда болуына байланысты кездесуге облыс әкімінің міндетін атқарушы Мархабат Жайымбетов инвесторлармен бірге Жаңақорған ауданында қызанақ пастасын шығаратын зауыт мәселесін талқылады.
Облыс экономикасын әртараптандыру бағытындағы ірі жобаларды индустрияландыру бағдарламасы аясында «Қызылорда – Агроплюс» серіктестігінің томат пастасын өндіру жобасы іске асырылуда.
Қызанақ пастасын шығаратын зауыт салу мақсатында биылғы жылы Жаңақорған ауданында 30 гектар жер телімі белгіленді.
Құны 13,5 млрд.теңгені құрайтын жоба жылына 24 мың тонна томат пастасын дайындауға мүмкіндігі бар. Жобаны қос компания тең көлемде қаржыландырады. Зауыт іске қосылғанда 154 жұмыс орны ашылады. Өндірісті толық жүзеге асыру 2025 жылға дейін жоспарлануда. 
Мархабат Жайымбетов зауыт салу мәселесіне қатысты әкімдік тарапынан қажетті қолдау шаралары жүргізілетінін қаперге салып, бұл жобаның аймақ үшін маңыздылығына тоқталды.
Кездесу барысында зауыттың құрылыс жұмыстарын жүргізу мақсатында нысанның құрылысына инфрақұрылыммен (сумен, газ, электрмен) жабдықтау жобалық-сметалық құжаттаманы жасау мәселелері талқыланды.
Әлемнің 13 елінде қызанақ өнімін өндірумен айналысатын түрік елінің «KOÇ Holding» компаниясымен бірлесіп, биылғы жылы тәжірибеден өткізу үшін тамшылатып суару арқылы 10 гектар жерге қызанақ дақылы егілді. Қызанақ егістігіне суармалы су Сырдария өзенінен 2 шақырым жерден су құбырымен насос қондырғылары арқылы қамтамасыз етілді. Қазіргі таңда қызанақтардың шығымдылығы жақсы.
Мұнан бөлек, ҚР Ауыл шаруашылығы министрлігі, Қызылорда облысының әкімдігі мен «KOÇ Holding» түрік компаниясы және отандық «Orbis Kazakhstan» компаниясының араларында атқарылатын шаралар мен мерзімдері көрсетіліп, төртжақты Жол картасы әзірленіп, бекітілді.
Айту керек, қызанақ пастасын өндіретін зауыт құрылысын келер жылдан бастау жоспарланды. Еске салайық, биыл түрік инвесторларының қолдауымен республиканың тек екі аймағында ТМД елдерінде теңдесі жоқ заманауи жылу электр орталығының құрылысы салынбақ. Алғашқысы Сыр елінде бастау алып, аймақ жұрты жылу электр орталығының капсула салу рәсіміне куә болды.
<div class="wp-block-image"><figure class="aligncenter size-full"><img loading="lazy" width="768" height="1024" src="https://kyzylorda-news.kz/wp-content/uploads/2022/09/308927590_392516093069641_869746790068024925_n.jpg" alt="" class="wp-image-167612"/></figure></div>

Сыр өңірінде жылына 24 мың тонна қызанақ пастасын дайындайтын зауыт салынады

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a>&nbsp; Жаңа оқу жылында аймағымыздың мектептерінде ерекше білім беру қажеттіліктері бар (ЕБҚ) оқушылардың саны артты. 2021-2022 оқу жылында инклюзивті сыныптарда 1000 мыңнан астам ерекше бала оқыса, биылдың өзінде олардың саны 2000 мыңға жуықтады. Бұл мектептерде ерекше жағдай жасау және жаңа нормативтік құқықтық актілерді әзірлеу мен қабылдаудың арқасында мүмкін болып отыр.
<blockquote class="wp-block-quote">«Ерекше балалардың білім беру мекемесіне кедергісіз кіруі үшін пандустар, тактильді жолдар, арнайы тұтқалар және басқа да құрылғылар орнатылды. Мектептерде педагог-ассистент лауазымы енгізілген, олар ерекше балалардың білім беру ұйымдарына бейімделуіне көмектеседі. Сонымен қатар мемлекеттік стандартта оқу жоспарлары мен бағдарламаларының вариативтілігі мен икемділігі қамтамасыз етілген. Олар ерекше білім беруді қажет ететін баланың жеке ерекшеліктерін ескере отырып бейімделген», &#8212; дейді облыстық білім басқармасының бөлім басшысы Шолпан Жүнісова.</blockquote>
Сондай-ақ, «Білім туралы» заңға өзгерістер мен толықтырулар енгізіліп, ерекше білім алуды қажет ететін балалардың санаты кеңейтілді. Оларға әртүрлі экономикалық (аз қамтылған, толық емес отбасылардан шыққан балалар), әлеуметтік себептермен (мигранттар, кандастар және т.б.), соның ішінде денсаулығына байланысты оқуда қиындықтарға тап болған балалар жатады.
Одан бөлек, жергілікті атқарушы органдардың құзыретіне ЕБҚ бар балаларды оқыту үшін арнайы жағдайларды қамтамасыз ету кіреді. Қабылдау ережелерін бұзғаны және ерекше білім беру қажеттіліктері бар балаларды тәрбиелеу мен оқытуда арнайы жағдай жасамағаны үшін білім беру ұйымы басшысының жауапкершілігі күшейтілді.
<div class="wp-block-image"><figure class="aligncenter size-full"><img loading="lazy" width="2048" height="1886" src="https://kyzylorda-news.kz/wp-content/uploads/2022/09/309233699_1448368158999718_439777615508077303_n.jpg" alt="" class="wp-image-167603" srcset="https://kyzylorda-news.kz/wp-content/uploads/2022/09/309233699_1448368158999718_439777615508077303_n.jpg 2048w, https://kyzylorda-news.kz/wp-content/uploads/2022/09/309233699_1448368158999718_439777615508077303_n-768x707.jpg 768w, https://kyzylorda-news.kz/wp-content/uploads/2022/09/309233699_1448368158999718_439777615508077303_n-1536x1415.jpg 1536w" sizes="(max-width: 2048px) 100vw, 2048px" /></figure></div>

Қызылордада мектепте оқитын ерекше балалар саны 6 мыңға жетті

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Қазгидромет синоптиктері 27, 28 және 29 қыркүйекке арналған ауа райы болжамын жариялады.
Синоптиктер мәліметінше, алдағы тәулікте солтүстік-батыс циклонға Жаңа Жер аудандарынан суық антициклон тарайды.
<blockquote class="wp-block-quote">&#171;Республиканың солтүстік, орталық және шығыс өңірлерінде жауын-шашын орнына қар жауып, көктайғақ болып, тұман түседі және ауа температурасы минус мәнге дейін төмендейді. Еліміздің оңтүстік-батысында, оңтүстігінде шаңды дауыл тұрады&#187;, &#8212; делінген хабарламада.</blockquote>
Еліміздің солтүстік өңірлерінде термометр бағаны түнде 1-6 градусқа дейін төмендейді, ал күндіз ауа температурасы 1-6 градусқа дейін жылынады, республиканың оңтүстік және батыс өңірлерінде күндіз термометр бағаны 15-23 градусқа дейін көтеріледі.

Қар жауып, тұман түседі

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Орталық сайлау комиссиясына кезектен тыс президент сайлауына кандидаттардан өтінім түскен жоқ.
Кезектен тыс президент сайлауына кандидаттар ұсыну 23 қыркүйекте басталды.
<blockquote class="wp-block-quote">&#171;Осы күнге дейін әлі ешбір үміткер ұсынылған жоқ. Бірде-бір қоғамдық ұйымның республикалық деңгейдегі съезі өткен жоқ&#187;, &#8212; деп мәлімдеді Орталық сайлау комиссиясының хатшысы Мұхтар Ерман.</blockquote>
ОСК отырысына қатысқан саяси партиялардың өкілдері сайлауға кандидат ұсыну үшін әзірге партиялардың съезі өтпегенін мәлімдеді. Осы аптада президиум отырыстары мен съезд күнін белгілеу жоспарланып отыр.
23 қыркүйекте кезектен тыс президент сайлауына кандидаттар ұсыну басталды. Науқан 19 күнге, яғни 11 қазан кешкі сағат алтыға дейін созылады.
Президенттікке кандидаттарды республикалық қоғамдық бірлестіктер ұсынады. Орталық сайлау комиссиясы 23 қыркүйек пен 21 қазан аралығында үміткерлердің Конституция мен сайлау заңнамасының талаптарына сәйкестігін тексереді.
Президенттікке үміткерге мынадай талаптар қойылады: тумысынан Қазақстан азаматы болуы керек; соңғы 15 жыл ел аумағында тұруы шарт; жоғары білімі бар; 40 жасқа толған; белсенді сайлау құқығына ие; мемлекеттік қызметте немесе сайланбалы лауазымдарда кемінде 5 жыл жұмыс тәжірибесі бар; мемлекеттік тілді еркін меңгеруге тиіс. Сонымен қатар саяси додада бақ сынайтын кандидаттар 3 млн теңге жарна төлеуге міндетті.
Sputnik Қазақстан

Президент сайлауына әзірге кандидаттар жоқ – ОСК

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a>&nbsp;Биыл Қызылорда облысында 15 760 адам жедел респираторлы вирусты инфекциясын жұқтырды.
2021-2022 жылғы эпид маусымда Қызылорда облысы көлемінде жедел респираторлы вирусты инфекцияның 23550 жағдайы тіркеліп, 100 мың халыққа шаққандағы аурушаңдық көрсеткіші 2863,9 құрады. Бұл 2020-2021 жылдардағы эпидмаусыммен салыстырғанда 51 пайыз жоғары. Ауруға шалдыққандардың 67,1 пайыз &#8212; 14 жасқа дейінгі балалардың үлесінде. Жалпы биылғы жылы 15 760 ЖРВИ дерегі тіркелген.
2021-2022 жылдардағы эпидмаусымында облыс көлемінде зертханалық жолмен нақтыланған тұмау ауруының 9 жағдайы тіркелді. Ауруға шалдыққандардың барлығынан тұмау вирусының А түрі (А(H3N2) анықталды.
Бұдан бөлек, жедел респираторлы вирусты инфекциясының ауыр ағымдағы 2143 науқастан алынған сынамалар ПЦР әдісімен тексеріліп, нәтижесінде 33 сынамада тұмау емес вирустар анықталды. Басым көпшілігі немесе 57,5 пайыз-аденовирус, 24,2 пайыз &#8212; риновирус, 3 пайыз &#8212; парагрипп, 12,1 пайыз &#8212; РСВ және 3 пайыз метапневмовирус.
Тұмаудың эпидахуалын тұрақтандыру және ауру деңгейін төмендету мақсатында жыл сайын жергілікті бюджеттен тұмауға қарсы вакцина сатып алынады. Биыл 85000 доза вакцина қоймаға жеткізілді. Тұмауға қарсы иммундауға Ресей елінде өндірілген «Гриппол плюс» вакцинасы қолданылады. Препараттың құрамына қосылған «Полиоксидоний» иммуномодуляторының арқасында иммунофармакологиялық әсері күшее түскен. Иммундық статустың түзілуі арқасында ағзаның басқа жұқпаларға төзімділігін арттыруға мүмкіндік береді.
Қазақстан Республикасы Үкіметінің 2020 жылғы 24 қыркүйектегі №612 қаулысымен бекітілген медициналық көмектің кепілдік берілген көлемі шеңберінде міндетті профилактикалық екпелерді жүргізу қағидаларына сәйкес жыл сайын тұмауға қарсы вакцинациялау тиісті контингенттерге тұрғылықты мекен-жайы бойынша емханаларда тегін жүргізіледі. Олар медицина қызметкерлері, медициналық ұйымда диспансерлік есепте тұрған балалар және балалар үйлерінің, сәбилер үйлерінің балалары, қарттар үйінің контингенті. Сондай-ақ эпидемиологиялық көрсетімдері бойынша жүргізіледі. Бұдан бөлек, аталған контингентте қамтылмаған адамдар екпені ақылы түрде Interteach клиникасынан салдыруына болады. ҚР Бас мемлекеттік санитариялық дәрігерінің 2022 жылғы 19 қыркүйектегі № 30 Қаулысына сәйкес тұмауға қарсы вакцинация 3 қазаннан бастап жүргізіледі.
Тұмау өзінің асқынуларымен қауіпті. Ең жиі кездесетін тұмау ауруының асқынуы – пневмония. Өлім жағдайларының 7-42 пайыз осы дерттің үлесінде. Басқа да жиі кездесетін асқынулар &#8212; бронхит, синусит, отит, миозит, миокардит.
Тұмау ауруы 2 жасқа дейінгі балалар, созылмалы ауруы бар науқастар және қарттар арасында ауыр ағымда өтеді. Сондықтан респираторлық аурулардың бірінші белгілері пайда болған кезде өзін-өзі емдеумен айналыспай, тез арада аймақтық дәрігергерді үйге шақыртып, дер кезінде ем алу қажет.
Қызылорда облысының санитариялық-эпидемиологиялық бақылау департаменті ЖРВИ және тұмаудан сақтану үшін вакцина алуға, сонымен қатар иммунитетті көтеру үшін салауатты өмір салтын сақтануға, жеке бас гигиенасын орындауға кеңес береді.
<div class="wp-block-image"><figure class="aligncenter size-full"><img loading="lazy" width="1280" height="720" src="https://kyzylorda-news.kz/wp-content/uploads/2021/07/vakcina-4.jpg" alt="" class="wp-image-118932" srcset="https://kyzylorda-news.kz/wp-content/uploads/2021/07/vakcina-4.jpg 1280w, https://kyzylorda-news.kz/wp-content/uploads/2021/07/vakcina-4-768x432.jpg 768w" sizes="(max-width: 1280px) 100vw, 1280px" /></figure></div>

Қызылордада жедел респираторлы вирусты инфекциясын жұқтырғандар көбейді

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a>&nbsp;Қызылорда облысы көлемінде кәмелетке толмағандар мен оларға қарсы жасалатын құқық бұзушылықтың алдын алу, оның ішінде кәмелетке толмағандарды ойын-сауық мекемелерінде және тұрғынжайдан тыс жерде, кешкі және түнгі уақытта анықтауға бағытталған іс-шараларды өткізу мақсатында 2022 жылдың кыркүйек айының 23-27 күндері аралығында «Түнгі қаладағы балалар» профилактикалық іс-шарасы өткізілуде.
Іс-шара барысында алкогольдік ішімдік ішетін, заңды өкілдердің ілесіп жүруінсіз түнгі уақытта үй-жайлардан тыс болатын, тыныштықты бұзатын, ұсақ бұзақылық жасайтын кәмелетке толмағандарды, сондай-ақ оларды қоғамға қарсы іс-әрекеттер жасауға тартатын адамдарды анықтау бойынша және жастардың шоғырлану орындарын (жастардың жиналу орындары, аулалар, жертөлелер, жәнет.б.) тексеру жұмыстары жүргізілуде.
Шараның екі күнінде ішкі істер органдарына 138 құқық бұзушы жеткізілді.
Түнгі уақытта заңды өкілдерінің еріп жүруінсіз ойын-сауық кешендерінде және тұрғынжайдан тыс жерде жүргендері үшін 124 жасөспірім анықталып, олардың заңды өкілдеріне әкімшілік хаттамалар толтырылды, ал қалғаны 14 қадағалаусыз және панасыз қалғаны үшін жеткізілді.
Кәмелетке толмағандардың түнгі уақытта ойын-сауық мекемелерінде болуына жол берген 8 кәсіпкер, жасөспірімдерге темекі және алкоголь өнімін сатқаны үшін 5 сатушы әкімшілік жауапкершілікке тартылды.
Кәмелетке толмаған адамды тәрбиелеу және (немесе) оған білім беру, оның құқықтары мен мүдделерін қорғау жөніндегі міндеттерді орындамаған (ҚР ӘҚБтК-нің 127 бабы) 14 дерек анықталып, хаттама рәсімделіп тиісті шешім қабылдау үшін сотқа жолданды. Кәмелетке толмағандардың және олардың ата-аналарымен профилактикалық жұмыстар жүргізілді.
<div class="wp-block-image"><figure class="aligncenter size-full"><img loading="lazy" width="640" height="427" src="https://kyzylorda-news.kz/wp-content/uploads/2022/09/whatsapp-image-2022-09-24-at-11.23.30.jpeg" alt="" class="wp-image-167546"/></figure></div>
<div class="wp-block-image"><figure class="aligncenter size-full"><img loading="lazy" width="640" height="427" src="https://kyzylorda-news.kz/wp-content/uploads/2022/09/whatsapp-image-2022-09-24-at-11.23.312.jpeg" alt="" class="wp-image-167547"/></figure></div>

Қызылордада «Түнгі қаладағы балалар» профилактикалық іс-шарасы өтуде

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a>&nbsp; Қызылорда қалалық&nbsp; пробация қызметінде 600-ден астам&nbsp; сотталған есепте тұрады. Пробациялық бақылау белгіленген жұмыссыз сотталғандарды жұмысқа тұрғызу жұмыстары &nbsp;жүйелі түрде жүргізіліп жатыр.
Жыл басынан бері есепте тұрған жұмыссыз 43 сотталған &nbsp;квотамен жұмысқа тұрғызылған.
Қалалық пробация қызметінің бастығы әділет майоры Руслан Алимовтың айтуынша бас бостандығынан айыру орындарынан босатылған және пробация қызметінің есебінде тұрғандарды жұмыспен қамту мақсатында Қызылорда қаласы&nbsp;&nbsp; әкімдігінің&nbsp; қаулысымен жұмыс орындарына 43 квота белгіленген. Қосымша тағы 5 квота бөлініп, қазіргі таңда 2 сотталған «Қызылорда Тазалығы» мекемесіне жұмысқа тұрғызылды. Сондай-ақ сотталғандар арасында өз кәсібін ашуға ниетті азаматтар да бар. Пробация есебінде тұрған азаматтарға&nbsp; әлеуметтік-құқықтық көмектер белсенді көрсетіліп келеді. Сотталғандардың басым көпшілігі жеке кәсіпке бет бұруға ниетті. Есептегі 10 адам &nbsp;«Бастау Бизнес» жобасы аясында кәсіпкерлік негізінде оқу курсын оқып жатыр. Сертификат алған соң, бизнес-жоспарын жасап,&nbsp; мемлекет тарапынан қайтарымсыз кредит алуға мүмкіндіктері бар. Сондай-ақ сотталғандардың қайта қылмысқа баруына жол бермеу мақсатында профилактикалық шаралар өткіземіз. Профилактикалық шараларды өткізу барысында сот жүктеген міндеттерді орындамаған, жаза өтеуден жалтарған&nbsp; жеті сотталған сот қаулысымен&nbsp; жазасының өтелмеген бөлігі бас бостандығын айыруға ауыстырылып, түзеу мекемесіне жіберілді. Жалпы, жазаның өтеу тәртібін бұзу бас бостандығынан айыруға апаратын бұл жағдай есепте тұрған басқа да сотталған азаматтарға сабақ болады деп үміттенеміз.
Қазіргі таңда 5 сотталған маскүнемдіктен арылу мақсатында наркологиялық орталықтан ем қабылдауда. &nbsp;Жалпы пробация есебіндегі сотталғандар қызметкерлер тарапынан әрдайым бақылауда болады. Қызметкерлер есептегі әрбір азаматтың тұрғылықты мекенжайынан күнделікті тексеру жұмыстарын жүргізіп, заңбұзушылыққа қарсы түсіндірме жұмыстарын жүргізеді деді әділет майоры Руслан Алимов.
<blockquote class="wp-block-quote">«Мен пробация қызметінің қолдауымен қала әкімінің квотасы арқылы «Қызылорда Тазалығы» мекемесіне &nbsp;жұмысшы боп орналастым. Жұмысы жоқтық адамды аздыратынын білесіздер. Соны ескерген пробация қызметінің қызметкерлері біз секілді есептегілермен тұрақты түрде жұмыс жасап келеді. Қайта қылмыс жасамауымызға, отбасымызға көмектесуге, мақсат қоюға жігерлендіріп отырады. Бұдан былай адал еңбек етіп, дұрыс жүруге бекіндім»,-деді есептегі азамат.</blockquote>

Қызылордада пробация есебіндегі  43 жазасын өтеуші квотамен жұмысқа орналасты

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a>&nbsp;Қазақстан территориясының басым бөлігінің ауа райын солтүстік батыс циклоны және онымен байланысты атмосфералық фронталды бөліктер анықтайды, деп хабарлайды Қазгидромет. 
Соның әсерінен жаңбыр, солтүстікте қатты жаңбыр, түнде солтүстікте жауын-шашын, жаңбырдың соңы қарға ұласуы күтіледі. 
Қазақстанның қалған аумағы жоғары қысым аймағында болғандықтан жауын-шашынсыз ауа райы күтіледі. Республика бойынша кей жерлерде найзағай, желдің күшеюі, оңтүстікте, оңтүстік-батыста шаңды дауыл, солтүстікте, солтүстік-батыста бұршақ күтіледі.
Қостанай облысының солтүстігінде, күндіз Солтүстік Қазақстан облысының солтүстігінде қатты жаңбыр күтіледі.
Жамбыл, Қарағанды, Түркістан, Қызылорда облыстарының басым бөлігінде, Павлодар облысының орталығында, Абай облысының солтүстік-батысында, солтүстігінде, шығысында төтенше өрт қаупі сақталады, Атырау облысының оңтүстігінде, Жетісу облысының оңтүстік-батысында төтенше өрт қаупі күтіледі.
Алматы облысының басым бөлігінде жоғары өрт қаупі сақталады.

Республиканың кей аймақтарында күн жауын-шашынды болады

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a>&nbsp;Сырдария ауданының әкімі Мұрат Ергешбаев сазгер, мәдениет саласының ардагері Ермекбай Әдікеновты 70 жас мерейтойы қарсаңында қабылдап, ілтипат білдірді.
<blockquote class="wp-block-quote">«Құрметті өнер саласының ардагері! Бүгінгі ерекше күні мәдениет пен өнер саласына еңбегі сіңген аға буын өкілдеріне айтар алғысымыз шексіз. Еліміздің өркендеп-өсуіне, мәдениет биігіне шығармашылық тұрғыдан қызмет етіп, көпке үлгі бола білдіңіздер. Осынау мерейлі мерейтойыңызда деніңізге саулық, отбасыңызға амандық тілеймін» – деп аудан әкімі ізгі тілегін жеткізе отырып, ардагердің иығына шапан жапты.</blockquote>
Ермекбай Әдікенов көп жылдар бойы туған жері Қоғалыкөл ауылының мәдениетін дамытуға еселі еңбек етті.
1969 жылы Қызылорда қаласындағы №69 кәсіптік техникалық училищесін бітіріп «Сыр гүлі» ансамбілінің құрамында өнер көрсеткен. 1970-1974 жылы Н.В. Гоголь атындағы Қызылорда мемлекеттік институтының музыка факультетін бітірді. 1974-1984 жылдар аралығында Қоғалыкөл ауылындағы №44 орта мектептің әуез пәнінің мұғалімі қызметін атқарды.
1987-1997 жылдар аралығында әуез мектебінің директоры болды. 1998 &#8212; 2015 жылдар аралығында Қоғалыкөл ауылдық клубының басшысы қызметін атқарды.
Жиырмаға жуық әндердің авторы. Облыстық К.Дүйсекеев атындағы «Туған жер» әуендері атты сазгерлер байқауының жеңімпазы.
Өнер саласында 47 жыл қызмет атқарып, 2015 жылдың қыркүйек айында зейнеткерлікке шықты. Жолдасы Баян апаймен бірге 5 бала тәрбиелеп,11 немере сүйіп отыр.
<div class="wp-block-image"><figure class="aligncenter size-full"><img loading="lazy" width="2048" height="1153" src="https://kyzylorda-news.kz/wp-content/uploads/2022/09/308672981_1208432466386310_6615257807515543416_n.jpg" alt="" class="wp-image-167756" srcset="https://kyzylorda-news.kz/wp-content/uploads/2022/09/308672981_1208432466386310_6615257807515543416_n.jpg 2048w, https://kyzylorda-news.kz/wp-content/uploads/2022/09/308672981_1208432466386310_6615257807515543416_n-768x432.jpg 768w, https://kyzylorda-news.kz/wp-content/uploads/2022/09/308672981_1208432466386310_6615257807515543416_n-1536x865.jpg 1536w" sizes="(max-width: 2048px) 100vw, 2048px" /></figure></div>

Қазақстан және Қызылорда облысының жаңалықтары