<a href="https://kyzylorda-news.kz/">Kyzylorda-news.kz.</a>&nbsp;Алаш партиясы мен Алаш Ордасының құрылғанына 110 жылға жуықтады. Ресейдегі 1917 жылы Қазан төңкерісінен кейін қазақ халқының жүрегі ұлтымның тәуелсіздігі деп соққан, сол кездегі елдегі саяси оқиғаларды бағамдай білген, ғасырлар бойы азаттықты аңсаған Әлихан Бөкейханов бастаған Алаштың арыстары тәуелсіз қазақ мемлекетін құруға белсене кірісті. Лениннің «бұрынғы Патшалық Ресей империясының бұғауында болған халық өз алдына жеке мемлекет болуына және автономия Республика болып Кеңестер Одағының құрамында қалуға, кейіннен Одақтан шығуларына да құқылы» деген идеясымен қазақ зиялылары Алаш азаматтары орталықпен 1917-1920 жылдары ымырашылдық негізінде Алаш үкіметін, мемлекетін құруға күш салды.Олар Әлихан Бөкейханов, Әлімхан Ермеков, Ахмет Байтұрсынов, Мыржақып Дулатов, Халел Ғаббасов, Жүсіпбек Аймауытов сияқты Алаш арыстары болды. Алаш партиясы атынан үкімет басшылығына Әлихан Бөкейханов, екінші Әлімхан Ермеков үміткер болды. Бұл туралы ұмытылған, жариялануға тыйым салынған Сұлтанмахмұт Торайғыровтың «Алаш» деген поэмасында «Алаш» партиясына және оның көсемдеріне, оның ішінде Әлімхан Ермековке сипаттама берген. Әлихан Бөкейханов, Әлімхан Ермеков басшылық жасаған Алаш Орда үкіметі сайланған. «Алаш» партиясының өкілдері Сібір және Түркістан автономиясы, Қазақ-Қырғыз автономиясы, милиция, ұлттық кеңес, оқу-ағарту ісі, қазынашылық, сот, ауыл әкімдігі сияқты мәселелерді көтерген. Осыған орай «Алаш Орда үкіметі Совнаркоммен байланыс орнатқан. Келіссөздер жүргізген. «Абай» журналының редакторы Жүсіпбек Аймауытов кезінде мынандай тарихи шындық келіссөзді жариялаған. «Қуаныш құтты болсын! Журналымыз басылып қойылғаннан кейін мынандай қуанышты хабар алып, теңдікке, билікке сусаған алаштың ауылынан қуантқалы журналдың тысына осы хабарды асығып басып отырмыз. 20 март (ескіше) Мәскеудегі Совет өкіметінің басшысы Ленин мен Народный Комиссар Сталиннен Әлихан Бөкейханов, Халел Габбасов атына телеграмма келді. «Әр халықтың өз билігін өзіне береміз» деп шешкен закон жарлығымыз әлі сол қалпында. Айтқанымыз айтқан. Сіздердің өкілдеріңіз бізге әкеліп тапсырған жалпы қазақ съезінің қаулысын түгелімен қабыл аламыз. Жалғыз-ақ Совет өкіметін таныңыздар. Енді біздің билік береміз деген сөзімізді іске асыру керек. Ол жердегі тұрған әкімшілікпен бірігіп, съезд шақырып, автономияны жария қылу жолында болатын комиссия жасаңыздар. Қазақ қамқорлары тезінен комияссиясын жасап, автономиясын жария қылуға асығар деп білеміз. Ендігі бір ниет, бір тілектегі адамдармен қауымдасып, байлаған сөздеріңді білдіріңіз» деп Ленин, Сталин қол қойған.Қазақ Автономиялық Республикасы 1920 жылы қазан айында жарияланды. Оның алдында қазақ жерінің шет-шегін тұңғыш рет белгілеу үшін Ахмет Байтұрсынов, Әлихан Ленинге, бірде Сталинге кіре жүріп, 1920 жылдың 24 тамыз күні Қазақстанның ұлттық мемлекеттік территориясын бекіттірген, осы туралы Әлімхан Ермеков өз естелігінде былай деп жазған: «Мәскеудегі бір ай жұмыс мерзімімде Кирвоенревком мүшелерімен үнемі байланыс жасастым. Автономиялық Республика құрлымымен оның ше-карасын белгілеу туралы комитеттен нұсқаулар алдым. В.И.Лениннің басшылығымен өткен отырыста Қазақстанның орналасуы туралы баяндама жасадым. Маған дейін түрік республикасының орналасуы туралы Туркомиссия мүшесі Сафаров ақпарат берді. Ол жер мәселесі жөніндегі реформаны жүзеге асыруды талап етті… »1920 жылдың тамызы қазақ халқы үшін шын мәніндегі тарихи ай болды. Осы айдың 17 жұлдызында В.И.Лениннің төрағалығымен өткен Совнарком жиынында бірінші рет Автономиялық қырғыз Совет Республикасы туралы шешім жобасы қаралды.24 тамызда В.И.Ленин Автономиялық Қырғыз ССР туралы құжатқа қол қойды. 1920 жылдың 26 тамызы күні Қырғыз (Қазақ) Автономиясын құру және оның жер көлемін белгілеу жөніндегі Декрет дүниеге келді.Бұл айтуға жеңіл болғанмен қылышынан қан тамған большевик комиссарларды қазақ жерінің шекарасы мен көлемін мойындату Алаш азаматтарына оңай болмаған. Алаш азаматтары жан беріп, жан алысқан Кремльде өткен ұзақ тартыстан соң большивик қызыл комиссарлардың көзін түпкі мақсаттарына жеткізгеннен кейін оларды мойындатып, В.И.Лениннің қолдауымен қызыл пролеторият көсемі қабылданған қаулыға қол қойған. Бұл жеке азат ел болуды аңсаған Алаш арыстарының жанқиярлық еңбегінің арқасы еді. Сол тартысты алқалы мәжілісте болашақта құрылатын қазақ мемлекетінің шекарасы межеленді.Негізгі тартыс «Қазақ Автономиясына қай жерлер кіреді?» деген мәселеге келгенде қатты ушыққаны белгілі. Бірақ Алаш арыстары алға қойған мақсатына жеткен. Әлихан Бөкейханов, Ахмет Байтұрсынов, Әлімхан Ермеков қазақ мемлекеті алдындағы тарихи миссиясын осылайша орындап шыққан. Сол кезде бар-жоғы 29 жастағы Әлімхан Ермеков, Әлихан мен Ахметтің дем беруінің арқасында азулы топтың алдында қазақ жерінің шекарасы жайында баяндама жасаған. Ол баяндамасында тарихи деректері мен ата-бабаларының мекен еткен, ықылым заманнан иелік еткен, қоныстары Астрахань, Орал, Торғай, Ақмола, Семей, Сырдария, Закаспий, Самархан, Ферғана облысы мен Губернияларын қамтитын жалпы көлемі 3 467 922 шаршы шақырым жерді Қазақ республикасының құрамына беруді сұраған. Осы көрсеткен жердің 81 пайызының жан саны 5,5 млн болатын қазақтар пайдаланған. Бұл сол аймақтарда тұратын тұрғындардың 54 пайызы болған. Әлімхан Ермековке замандастарының естелігінде айтылғандай, қазақ халқының мемлекет болып тағдырының шешілуі мен шекарасын белгілеуде Совнарком мәжілісінде және Лениннің алдында баяндама жасау Әлихан Бөкейханов бастаған Алаш арыстарының ортақ сенімі болған. Ол Томскідегі Тау-кен институтын алтын белгімен бітірген қазақтың алғашқы тау-кен инженері, алғашқы ұлтымыздың математик профессоры, орыс, ағылшын, неміс, француз және шығыс халықтарының тілін жетік меңгерген Алаш азаматы болған. Әлімхан Ермековтың ел, жер тарихын білуі арқасында Ор (ОРСК) Челябь, Қорған-Құланды даласы, Алтай өлкесі, Ташкент қаласы, Шыршық аудандары ықылым заманнан қазақ жері екенін дәлелдеп қазақ автономиясына берілуді талап еткен. Тіпті Ташкентті Төле бидің би болып билеуі, Самархандта Жалаңтөс баһадүрдің әмір болғаны да сөз болған дейді. Қызу айтыс-тартыстан кейін мәжіліске отырғандар Әлімхан Ермековтің айтқандарына толықтай болмаса да қосылатынын білдірген.Бірақ мұны жеңіс деуге ертерек болды. Өйткені ендігі кезекте Автоно-мияның аумағы мен тұрғындары туралы ұсыныстарды Лениннің алдында қорғап шығу керек болған. 1920 жылы 12 тамыз күні Лениннің төрағалығымен өткен мәжілісте Әлімхан Ермеков барын салған. Өйткені ол исі қазақтың тағдыр-таласы шешілетін кез дәл осы тұс екенін жан дүниесімен сезінген және жағдайды жетік білетінін һәм шешендігі арқасында В.И.Ленинді иландыра білген. Өзінің естелігінде Әлімхан Ермеков мәжілісте орнымнан ұша тұрып, сөз алып, ойымды жеткізумен болдым деп жазған. Тіпті мәжілісте бетпе-бет келіп, көзбе-көз айтысқаннан кейін Алаш арыстары қазақтың уысынан шығып бара жатқан Атырау өңірін де қазақ еліне мәңгілік қайтарған. Қызыл комиссарлардың қолдауына ие болған Сібір ревкомы 1922 жылға дейін Солтүстік облыстарды Қазақстанға қоспауға тырысқан. Олар Қостанай және Челябь облыстарын өз иеліктеріне алып қалуға барын салған. Үлкен айтыс-тартыстан кейін Қостанай Қазақстанға Челябь, Сібір ревкомына тиесілі болып шешілген. Әлімхан Әбеуұлы кейін Қазақстанның Алтай шекарасымен Корестеловск даласымен шекара бөлісуде, Семей және Ақмола облыстарын Қазақстан құрамына енгізуге қатысқан сол жылдың 3 ақпанында Барнауылда КИРЦИК мүшесі Ғ.Тоқжановпен барып айтыс-тартысқа қатысып, нақты тарихи деректермен дәлелдеп, ықылым заманнан бұл аймақ қазақ жері екенін дәлелдеп, Алтай өлкесінің 18 елді мекенін Семей облысының құрамына алып берген. Әлімхан Ермеков қазақ жерін біртұтас республика құрамына қайта енгізуде маңызды рөл атқарған. Ол – халқының патриоты, білгірі. Көршілес елдермен түсіністігімізді терең тарихи сәттерде жол таба білетін халық дипломаты болған адам.&nbsp;Қазақ Республикасының территориясын заңдастыруда Әлихан Бөкейханов бастаған Алаш алыптары қазақ жерінің әр пұшпағына дейін анықтап, ондағы тұрғындармен олардың күн көрісіне дейін нақтылап, үлкен айқасқа дайындалған. Әлихан Бөкейхановтың кеңесімен бұл тарихи миссияға дайындық, оны баяндау Әлімхан Ермековке жүктеліп, сенім артылған. Ол бұл сенімді ақтап шыққан. Әлімхан Ермеков өз естеліктерінде мемлекетіміздің мүддесі үшін болып жатқан мәжілістерде Әлихан Бөкейхановтың Әлімхан Ермековтың Лениннің тікелей ықпалында болғанын келтірген. Тіпті қызыл комиссарлармен айтыс-тартыста Ахмет Байтұрсынов «Лениннің нұсқауын орындайсыңдар ма, жоқ па?» деген жағдайға да барған. Осындай айтыс-тартысқа толы саяси күрестің нәтижесінде Қазақ Автономиясын құру және оның территориясын белгілеу туралы жұмыс ушығып бара жатқанын сезген Ленин 12,14,18,19 тамыздағы комиссия отырыстарын өзі басқарған. 24 тамызда Ленин «Қаулы дайын, Әлімхан Ермековтың қайта баяндама жасағаны дұрыс, осы бойынша заңдастыру керек» деп шешім шығарады. Осы шешім қабылданып шыққаннан кейінгі сәтті Әлімхан Ермеков өзінің естелігінде былайша жазған: «Өзімнің табысыма масаттанып, риза болып шықтым. Ол кезде бар-жоғы 29 жаста едім. Біздің делегацияда қолымды алып жатты. Қарасам Бөкейханов жоқ екен. Бәріміз дәлізге шықтық. Қазақстанның делегация құрамы 15-тей адам болатын. Бәріміз Әлихан Бөкейхановты тостық. Әлекең Ленинмен пікірлесіп, әңгімелесіп қалған болатын. 15-20 минуттан кейін ол кісі де шықты. Әлихан Ленинге бекітілген шекараға тездетіп қол қоюға өтініш етіпті. Ленин орындауға уәде беріпті. Сонымен Совнаркомның жалпы отырысында бекітілген территорияны Қазақ Автономиясының территориясы деген шешімге қол қойылып, 26 тамыз күні баспасөзде жарияланған. Міне, содан бастап бүгінгі Қазақстанның территориясы қалыптасты. Біз – тәуелсіз мемлекетпіз, тәуелсіз мемлекеттің шекарасы Алаш арыстарының табанды күресі арқасында бекітілді. Өкінішке орай кешегі кеңестік тоталитарлық әкімшілдік-әміршілдік заманда, нақтырақ айтқанда, алып империяны Хрущев басқарып тұрған волентеризм саясаты кезінде жеріміздің 15 пайызынан айырылып қалдық. Сонда да болса жер көлемі жағынан дүние жүзінде 9-шы орын алатын қуатты, қазір қазба байлыққа бай елміз. Барға қанағат тұтатын халықпыз. Қазақ елінің шекарасы нақтыланып, жеріміз мәңгілік халқымыздың игілігіне жарауда.Кеңес үкіметінің алғашқы жылдарында, Алаш арыстарының күшімен В.И.Лениннің өзі қазақ шекарасын заңдастырып, бекітіп берген болатын. Еліміз тәуелсіздік алғаннан кейін шекарамыз нақтыланып, деморкацияланып, жер көлемі нақтыланып, ата-бабаларымыздың қанымен, жанымен қорғалып, тек қана қазаққа мұра етіп тастап кеткенін досымыз бен қасымыз да білуі керек.<img src="https://knadmin.beoblood.kz/uploads/5200dcdc9bda36e9e66ad51674a9382b_f58674a36a.jpg" alt="5200dcdc9bda36e9e66ad51674a9382b.jpg">Рысбай Кәрімов, Қазақстан Журналисттер Одағының мүшесі&nbsp;

Қазақ шекарасын Алаш арыстары қалай заңдастырды?

<a href="https://kyzylorda-news.kz/">Kyzylorda-news.kz.</a>&nbsp; Қызылорда облыстық білім басқармасының басшысы Мейрамбек Шермағанбет Байқоңырда Төретам кенті, Ақай ауылдық округі және қала тұрғындарымен кездесіп, жеке қабылдау өткізді. Қызылорда өңірінде ел Президентінің "Халық үніне құлақ асатын мемлекет" қағидасы жаңа форматтағы жеке қабылдау барысында көрініс тапты.Келушілер Байқоңыр қаласында орналасқан Қазақстандық білім мекемелерінің Ресей әкімшілігіне төленетін​ коммуналдық төлем бағасы, қала ішінде Қазақстандық балабақшалар санын көбейту, Ақай ауылындағы балаларға арналған оқу түзету орталығын ашу және жұмысқа орналасу бойынша мәселелерін айтты.Жеке қабылдаудан соң Мейрамбек Зинабдинұлы Байқоңыр қаласы Ресей әкімшілігінің орынбасары Николай Адасев және қалалық білім бөлімінің басшысы Елена Киммен кездесіп, білім саласындағы мәселелерді талқылады.Бұдан соң басқарма басшысы қаладағы бірнеше білім беру мекемелерін аралады. №19 «Ивушка» және «Василек» балабақшаларында болды. №274 орта мектебінің материалдық-техникалық базасымен танысты. Сондай-ақ, Төретам кентінде орналасқан №85 орта мектептің күрделі жөндеу жұмысын көріп, сапалы түрде аяқтау үшін тиісті тапсырмалар берді.<figure class="image"><img src="https://knadmin.beoblood.kz/uploads/314337860_1482894165547117_6713737789202045545_n_ec135929fe.jpg" alt="314337860_1482894165547117_6713737789202045545_n.jpg"></figure><figure class="image"><img src="https://knadmin.beoblood.kz/uploads/313202048_1482894125547121_3641691190209591639_n_1331bbcbf1.jpg" alt="313202048_1482894125547121_3641691190209591639_n.jpg"></figure>

Басқарма басшысы Байқоңыр қаласындағы білім беру мекемелерін аралады

<a href="https://kyzylorda-news.kz/">Kyzylorda-news.kz.</a> «Дін мәселелерін зерттеу орталығы» КММ Жалағаш аудандық бөлімшесі мен &nbsp;аудандық пробация қызметі пробация есебіндегі &nbsp;азаматтар үшін аудандық тарихи-өлкетану мұражайына экскурция жасау шарасын ұйымдастырды.Іс шараның негізгі мақсаты - аудандық пробация қызметінің &nbsp;есебінде тұрған қоғамнан оқшалауға байланысты емес жаза түрлеріне тартылған азаматтардың рухани байлығын арттырыра отырып, олардың өмірге деген көз қарасын өзгерту және түзелу жолына түсіуне ықпал ете отырып, қылмыс әлемінен алшақтату.Есептегі азаматтарды жылы шыраймен қарсы алған мұражай қызметкері Т.Қозыбағаров мұражайдағы &nbsp;экспозициялық залдар бойынша музей қорындағы құнды экспонаттар таныстырды. Алдымен аудан тарихы мен мәдениетінен, өнерінен сыр шертетін залды аралатып &nbsp;мәлімет берді. Одан соң экспозицияға қойылған экспонаттарға жеке-жеке тоқталып, өңірден шыққан қайраткерлер, тұлғалар айтып &nbsp;өтті.Шара соңында &nbsp;теолог маман А.Байқабылов &nbsp;мемлекеттің дін саласындағы саясатын жүзеге асыру, аудан тұрғындарының діни сауаттылығын арттыру, &nbsp;дәстүрлі емес діни ағымдардың &nbsp;теріс идеологиясынан &nbsp;сақтану туралы айтып, ақпараттық түсіндірме жұмыстарын жүргізілді. &nbsp;&nbsp;<blockquote>«Бүгінгі шарадан керемет әсер алдым. Ауданның тарихы туралы ерекше мәліметтер біліп, рухани байып, бір серпіліп қалдық. Мұражайдың құнды жәдігерлері бір сәтке болса да адамды өткенге ала кетіп, тарихи сәттерді көз алдыңа елестетіні бар. &nbsp;Шараны ұйымдастырушыларға алғысым шексіз », -деді есептегі азамат.</blockquote><figure class="image"><img src="https://knadmin.beoblood.kz/uploads/Whats_App_Image_2022_11_10_at_10_58_54_6726084861.jpeg" alt="WhatsApp Image 2022-11-10 at 10.58.54.jpeg"></figure>

Қызылордада пробация есебіндегі сотталғандар мұражай аралады

<a href="https://kyzylorda-news.kz/">Kyzylorda-news.kz.</a> Қармақшы ауданы орталығындағы спорттық сауықтыру кешенінде халықаралық, республикалық жарыстардың жеңімпазы, талантты боксшы Ерлан Нысанбаевты еске алуға арналған 2007-2008 жылы туылған бокстан жасөспірімдер арасындағы республикалық ашық турнир басталды.Турнирдің ашылу салтанатында аудан әкімі Әділбек Ерсұлтанов алғы сөз алып, аудан спортшыларының жеткен жетістіктерімен қатар бүгінгі ұйымдастырылып отырған спорттық шара туралы пікірін білдірді.<blockquote>«Бүгінгі Нысанбаев Ерлан Бақытжанұлын еске алуға арналған бокстан жасөспірімдер арасындағы республикалық турнир биылғы жылы 8-ші рет ұйымдастырылып отыр. Бір қуантарлығы спорттық шараға еліміздің түкпір-түкпірінен және Өзбекстан, Қырғызстан, Тәжікстан елінен командалар қатысып, &nbsp;өз кезегінде жарыстың ауқымының кеңейіп келе жатқандығын көрсетті. Толағай ұлдар туатын топырағы құтты мекенге Сіздердің құрмет тұтып келулеріңізді – елге құрмет деп білеміз. Сондықтан да бүгінгі байрақты бәсекеде шашасына шаң жұқтырмай озып шыққан өрендеріміз ертеңгі күні елдің абыройын қорғап, көк туымызды әлем алдында асқақтата желбіретеді деген сенімдеміз», - деп жарысқа қатысушы барша спортшыларға сәттілік тіледі аудан әкімі.</blockquote>Сонымен қатар ұйымдастырылған спорттық шараға &nbsp;аудандық мәслихат хатшысы Әділ Үсенұлы және &nbsp;бірқатар құрметті қонақтар мен ардагерлер шақырылды.Жасөспірімдер арасындағы республикалық турнирге &nbsp;100-ден аса былғары қолғап шеберлері &nbsp;қатысып, 14 салмақ дәрежесі бойынша сынға түсуде. &nbsp;&nbsp;Турнир бойынша ақтық ойындар &nbsp;11-12 қараша &nbsp;күндеріне жоспарланып отыр.<img src="https://knadmin.beoblood.kz/uploads/boks_d1b2ce5ff3.jpg" alt="бокс.jpg">

Қармақшыда бокстан республикалық турнир басталды

<a href="https://kyzylorda-news.kz/">Kyzylorda-news.kz.</a> ҚР Президенттігіне кандидат Мейрам Қажыкен Ақтөбеде Марат Оспанов атындағы Батыс Қазақстан медицина университетінің студенттері және профессор-оқытушыларымен кездесті.Болашақ мамандарды тұрғын үй сатып алу және жұмысқа орналасу мүмкіндігі сияқты тақырыптар да қызықтырды.<blockquote>«Менің бағдарламамда жастарға ерекше көңіл бөлінетіні атап өтілді. Өйткені олар еліміздің болашағын құруда. Жастарға барлық жолдарды ашып, өзін-өзі дамытуға, үй сатып алуға, кәсіби каръерасын құруға барлық мүмкіндіктер жаратуымыз қажет. Өйткені, адам әлеуметтік мәселелерге қаншалықты аз көңіл бөлсе, соғұрлым ол жұмысқа және өзінің кәсібилігін арттыруға көп көңіл бөледі. Бұл жалпы ел экономикасына әсер етеді», - деді ол.</blockquote>

Мейрам Қажыкен медицина университетінің студенттері және профессор-оқытушыларымен кездесті

<a href="https://kyzylorda-news.kz/">Kyzylorda-news.kz.</a>&nbsp; Тұңғыш рет Арал ауданында «Арал Инвест» форумы өтті. Оған еліміздің бірқатар облыстары мен аудандардан делегаттар келіп қатысты. Шараның басты мақсаты - кәсіпкерлік аясын кеңейту, туризм саласын дамыту және инвестиция тарту көлемін арттыру.Маңыздылығы мол жиынға аудан әкімі Серік Сермағамбетов қатысып, ауданда атқарылып жатырған жұмыстар мен алдағы жоспарлар туралы айтып өтті.<blockquote>«Соңғы бес жылда ауданда тіркелген шағын орта кәсіпкерлік субъектілерінің саны 2368 бірлікке, яғни 1,7 есеге өскен. Бұған қоса сауда саласы бойынша да жыл басынан бері бөлшек сауданың көлемі 6,3 млрд. теңгеге, көтерме сауда 13 млрд. теңгеге жетті.Ауданда индустрия инновациялық даму мемлекетік бағдарламасының ІІІ-бесжылдығы аясында 9 жоба енгізіліп, оның 2-і іске асты. Қазіргі таңда жалпы құны 160 млрд.теңгені құрайтын, іске қосылғанда 1352 адамды жұмыспен қамтитын 7 жоба жүзеге асырылуда. Бұдан бөлек, биылдың өзінде біріңғай индустрияландыру картасына қосымша жалпы құны 5 млрд 674 млн. теңге болатын, 5 жоба енгізу мақсатында тиісті жұмыстар жүргізілуде. Нысандар іске қосылғанда 500-ге жуық жергілікті азамат жұмыспен қамтылатын болады.Бүгінгі күні, мемлекеттік бағдарламалар аясында ауданымызға инвестор боламыз деген азаматтарға жер телімдерін алу, тиісті инфрақұрылымдар жеткізу, салалық сүйемелдеу жұмыстары және басқа да қолдау шаралары қарастырылған. Жуырда ауданымызда «Кәсіпкерлер үйін» ашып, таңдау еркіндігі болу үшін «КМФ» шағын қаржы ұйымы мен «Банк Центр Кредит» несие ұйымдарын ауданымызға шақырдық. Бұл өз кезегінде кәсіпкерлеріміз үшін барлық қолайлы жағдай жасау мақсатында қабылданған шаралардың бір бөлігі ғана.Құрметті жиынға қатысушылар, шарамызға инвесторлар мен көршілес облыстардағы әріпестеріміз де келіп қатысуда. Сондықтан да форум жұмысы өз нәтижесін беріп, сіздердің жаңа идеяларыңыз, жобаларыңыз бен бастамаларыңыз өңіріміздің дамуына өз септігін тигізеді деген сенімдемін»,- деп аудан әкімі С. Сермағамбетов форум жұмысына сәттілік тіледі.</blockquote>Мұнан соң жиынға қатысушылар кәсіпкерлік саласын өрістету мен инвестиция көлемін ұлғайту бойынша пікірлерін білдірді. Түрлі сала өкілдері мен тиісті мамандар, кәсіпкерлер Арал ауданына инвестияция тарту және инвесторларға жасалатын қолдаулар туралы баяндамалар жасады.Арал ауданында алғаш рет өткізілген Инвест форум аясында бес жақты меморондум жасалды. Арал ауданы әкімдігінің бастамасымен «Арал Полимер» ЖШС-нің «Қап шығару жобасы» бойынша инфрақұрылым тарту мен өндірілген өнімді өткізу бойынша «Арал СДО» ЖШС, «Арал Тұз» АҚ, «Арал Кварц» ЖШС-келісімге қол қойды.Сондай-ақ осы басқосуда Арал ауданы әкімдігі мен «ЮгГазПроект» ЖШС арасында да меморондум болды. Құжаттың мақсаты ауданда орналасқан елді-мекендерді газдандыру бойынша жоба сметалық құжаттарын аталған демеушілердің көмегімен әзірлеу.Шарада аудан экономикасын дамыту мен кәсіпкерлік саласының өркендеуіне үлес қосып үздік болып танылған бір топ азаматқа аудан әкімі құрмет көрсетіп, алғыс хатпен марапаттады.<img src="https://knadmin.beoblood.kz/uploads/314960713_3410564475938581_2513874408164899235_n_4e840412ba.jpg" alt="314960713_3410564475938581_2513874408164899235_n.jpg"><img src="https://knadmin.beoblood.kz/uploads/315016185_3410564815938547_5472952009914623902_n_4422b0bfa2.jpg" alt="315016185_3410564815938547_5472952009914623902_n.jpg"><img src="https://knadmin.beoblood.kz/uploads/315188843_3410568875938141_4872806160624083726_n_66f255eb78.jpg" alt="315188843_3410568875938141_4872806160624083726_n.jpg"><img src="https://knadmin.beoblood.kz/uploads/314498500_3410565902605105_962898204837178200_n_63bed7340f.jpg" alt="314498500_3410565902605105_962898204837178200_n.jpg"><img src="https://knadmin.beoblood.kz/uploads/315090946_3410565329271829_5545911239469082933_n_0a951cc2cc.jpg" alt="315090946_3410565329271829_5545911239469082933_n.jpg"><img src="https://knadmin.beoblood.kz/uploads/314398778_3410566785938350_9095833263266785345_n_a9d9c31747.jpg" alt="314398778_3410566785938350_9095833263266785345_n.jpg">

Арал ауданында «Арал Инвест» форумы өтті

<a href="https://kyzylorda-news.kz/">Kyzylorda-news.kz.</a> Биыл Жалағаш ауданы Бұқарбай батыр ауылына қарасты «Байтабын» шаруа қожалығының диқандары үшін астық жинау науқаны табысты аяқталды. Шаруашылық биыл 800 гектарға жуық алқаптан жоңышқа өнімін жиған. Оның 210 гектары жаңа жоңышқа болса, 580 гектар ескі жоңышқаны күтімге алыпты. Ескі жоңышқадан тұқымға 39 тонна дақыл жинап алған.&nbsp;Қазір қырман басында сол өнімнен тұқым дайындап жатыр екен. «Пиктус» деп аталатын германиялық аппарат күніне 1 тоннадан астам тұқым әзірлейді. Қырманда дәл осындай күріш тазалайтын да заманауи аппарат бар. Ол күніне 90-95 тонна тұқым дайындауға қауһарлы. Германиялық алып аппарат 2018 жылы 48 млн теңгеге сатып алынған.Қазірдің өзінде қырманда 1000 тоннаға жуық күріш пен 20 тоннадай жоңышқа тұқымы дайын тұр. Шаруашылықтың бас агрономы Сұлтанбек Үсейінов келер жылы көктемде «Байтабын» ЖШС 500 тоннадай күріш пен 4 тонна жоңышқа тұқымын себетінін айтады. Ал қалғаны жергілікті шаруашылықтарға сатылады екен. Өнім сапасында мін болмаса керек, бүгінде «Байтабын» ЖШС-да дайындалған жоңышқа және күріш тұқымдарына сұраныс жоғары.Былтыр аяқ судың қат болғанын жеткізген шаруашылық төрағасы Болат Ділдабеков биыл да бұл мәселенің бар екенін айтады. Бірақ қол қусырып отырмай, көктемгі науқан басталысымен су мәселесін шешу үшін тиісті жұмыстарды атқарыпты. Бүгін агроном берген мәліметтерге сүйенсек, жұмысында нәтиже бар сыңайлы.<blockquote>«Биыл 1 100 гектар алқапқа Сыр салысын септік. Одан бөлек жаңа жоғарыда айтып өткен 790 гектар жоңышқа тағы бар. Бас-аяғы 2 мың гектарға жуық ауыл шаруашылығы дақылдарының күтіміне 41 диқан жауапты. Еткен еңбек, төккен тердің жемісі шығар, биыл біз жоңышқаның әр гектарынан 60 центнерден орташа өнім жисақ, ал Сыр салысы себілген алқаптың әр гектарынан 72 центнер орташа өнім алынды», – дейді төраға Болат Ділдабеков.</blockquote>Шаруашылық бойынша Жайлау Ниязшаев пен оның көмекшісі Дастан Шайхыисламов биыл озаттар арасында көш бастады. Даңғайыр диқандардың ізбасарлары 87 гектар күріштің күтіміне алажаздай жауапкершілікпен қарағаны көрініп-ақ тұр. Кешегі науқан қорытындысымен олар әр гектардан 92 центнерден өнім алған. Салада 20 жылдан астам тәжірибесі бар Жайлау Ниязшаев та биыл аяқ судың айтарлықтай мәселеге айналғанын жасырмады. Десе де ол әріптесі екеуі туындаған мәселеге төтеп беру үшін бойдағы жауапкершілікті еселепті.<blockquote>«Суды ең көп қажет ететін өнімнің бірі де бірегейі – күріш. Тіпті жерге себілгеннен жинап алғанша суда жатады десем, қателеспеймін. Рас, суды ауыстырып тұратын уақыттар болады. Бірақ негізгі қорегі де осы екенін ескерсек, жылдан-жылға күрделеніп отырған аяқсу мәселесінің бізді алаңдатып отырғанын жасыра алмаймыз. Су келетін, арық, каналдарымызды қазу, тазалау жұмыстарын ұдайы жүргізіп отырамыз. Биыл межелеген өнімнен де жоғары астық алдық. Мұның бәрі маңдай тердің жемісі деп білемін. Шаруашылық бойынша біз диқандардың алды болдық. Бұл жетістікте көмекшімнің де үлкен еңбегі бар. Салада нәтижелі еңбек еткен жұмысшыларға жалақыдан бөлек қосымша сыйақы үлестіріледі. Биыл солардың қатарынан табылғанымызға қуанып отырмыз. Келер жылы да алдымызға жоғары меже қойып, содан шығуға талмай жұмыс жасаймыз», – дейді Жайлау Ниязшаев.</blockquote>Иә, жалпы аяқ судың мәселесі жергілікті шаруашылықтардың ешқайсысын айналып өткен жоқ. Уақыт өткен сайын мәселе күрделеніп келеді. Егер келер жылы мұндай мәселе қайталанбаса, «Байтабын» ЖШС 1390 гектарға күріш егуге ниетті. Ротация тәртібі мұны көтергенімен, алда аяқ су мәселесі қалай болады? Міне, шаруашылық ұжымы осыған бас қатырып отыр.Шаруашылық бүгінде 100-ден астам ауыл тұрғынын жұмыспен қамтып отыр. 3 өндіріс бригадасы биыл науқанды оң нәтижемен қорытындылаған. Техникадан да мәселе жоқ, төраға Болат Ділдабеков «алажаздай бапталған өнім жауын-шашынға қалады» деп уайымдамайды. Себебі ол шаруашылық базасын толық заманауи соңғы үлгідегі техникалармен жарақтап алған. Ал мұның еңбек өнімділігіне де оң әсері болатыны айтпаса да белгілі.«Байтабын» ЖШС егінді әртараптандыруға да басымдық беріп келеді. Биыл ауыл халқына біршама жер ашып берген еді. Жергілікті тұрғындар қыстай тұтынатын картоп-сәбізін, қызылша, асқабын өздері өсіріп, жинап алды. Болат Ділдабеков ағамыз бұл жылдағы қалыптасқан дәстүр екенін айтады. Әрине шаруашылық қолға алған бұл бастаманың жергілікті халыққа тиімді екені айтпаса да белгілі. Ал биыл мақсары, соя секілді суды аз қажет ететін дақылдарға да басымдық беріледі екен.Төрағаның жоспары көп, мақсаты айқын, жұмысы жүйелі. Алдағы уақытта шаруашылықты түрлендіру арқылы кәсіптің көкжиегін кеңейту де ойда жүрген дүние екен. Мәселен, осыған дейін егін шаруашылығында өзіндік қолтаңбасын қалдырған «Байтабындықтар» келер жылдан бастап мал шаруашылығын да қолға алмақ ниетте. Әрине бірінші кезекте төрт түліктің басын көбейтуге күш салады. Одан кейін мал басын асылдандыруға кезек беріледі. Осылайша салада бақ сынаған шаруашылық ұжымы табысты еселеуге бел буып отыр.Айтпақшы алдағы уақытта шаруашылық үлкен күріш ақтайтын заманауи цехты іске қоспақшы. Осылайша өздері күтіп-баптаған өнімді өндіріп нарыққа шығармақ. &nbsp;<img src="https://knadmin.beoblood.kz/uploads/Whats_App_Image_2022_11_10_at_10_04_08_660d47def0.jpeg" alt="WhatsApp Image 2022-11-10 at 10.04.08.jpeg"><img src="https://knadmin.beoblood.kz/uploads/Whats_App_Image_2022_11_10_at_10_03_57_4ad184b1e3.jpeg" alt="WhatsApp Image 2022-11-10 at 10.03.57.jpeg"><img src="https://knadmin.beoblood.kz/uploads/Whats_App_Image_2022_11_10_at_10_04_08_1_e8833675d1.jpeg" alt="WhatsApp Image 2022-11-10 at 10.04.08 (1).jpeg"><img src="https://knadmin.beoblood.kz/uploads/Whats_App_Image_2022_11_10_at_10_03_44_207cead778.jpeg" alt="WhatsApp Image 2022-11-10 at 10.03.44.jpeg">

Байтабындықтар үшін астық жинау науқаны табысты аяқталды

<a href="https://kyzylorda-news.kz/">Kyzylorda-news.kz.</a> Соңғы жылдары Шиелі ауданында кәсіп ашып, ауданның әлеуметтік-экономикалық әлеуетінің дамуына үлес қосамын деген тұрғындар қатары артқан. Әрине, жұмыс істеймін деп талпынған жанға кәсіптің аз емес екені белгілі. Әсіресе табиғаты тамылжыған Шиелі ауданында ауыл шаруашылығы саласында мүмкіндік аз емес. Халыққа қызмет көрсету саласында да сұраныс жетіп артылады. Тек қана «Адал еңбегіммен ырыздығымды молайтамын» деген ниет пен ынта болса жеткілікті. Осы орайда мемлекет тарапынан зор қолдау барында айта кету керек.&nbsp;«Бизнестің жол картасы – 2025» бағдарламасы аясында биыл ауданда 27 жоба ұсынылып, 580 млн теңге қолдау алған. Арнайы курстан өтіп, бизнес әлеміне қажетті біліммен қаруланғандардың қайтарымсыз грант қаражатын алу мақсатындағы 39 жобасы ұсынылған. Нәтижесінде 3 инновациялық жобаға 11 млн теңге көлемінде қаражат берілген.Осындай мемлекеттік бағдарламалар талабы тұрғындар табысын еселеп, өз кәсібін дөңгелетуге мүмкіндік берсе, екінші жағынан ел ішіндегі жұмыссыздықтың азаюына септігін тигізуде. Ауданда мемлекеттік бағдарламалардың нәтижесінде жұмыссыздар саны жылдан-жылға қысқарып келеді. Жұмысын жаңа бастағанымен, ісі алға басқан кәсіпкерлердің талпынысын көріп, өзгелердің де ұмтылатындары анық. Айта кету керек, биыл ауданда жұмыссыздық деңгейі 5,0 процентті құрап отыр.Бүгінде шағын және орта кәсіпкерлікті дамыту мақсатында аудандағы «Наурыз-Дем» несие серіктестігі арқылы ауыл шаруашылығы бағытында жобалық құны 516,5 млн теңгені құрайтын 13 жоба қолдау тауып, қаржыландыруда. Сонымен қатар «Қызылорда» Өңірлік ¬инвестиция орталығы арқылы жобалық құны 90 млн теңгені құрайтын 18 жоба қолдау тапты. Ал «Аграрлық несие корпорациясы» АҚ арқылы мал шаруашылығын дамыту мақсатында 38 жобаға 448,7 млн теңге несие қаражатын берген. «Сырдария – 1» несие серіктестігі арқылы ауыл шаруашылығын дамыту мақсатында 5 жобаға 274 млн теңге несие қаражатын қарастырған. «Жұмыспен қамтудың жол картасы» мемлекеттік бағдарламасы аясында «Atameken Qyzylorda» МҚҰ-ы арқылы 33 020 млн теңгеге 6 жоба қаржыландырылыпты. Қосымша құны 25 млн теңгені құрайтын 6 жобаның құжаттары әзірленіп, несиелендіруге жолданған екен.Бүгінгі таңда жалпы мемлекеттік бағдарламалар бойынша 2 млрд 790 млн теңгені құрайтын 457 жоба шағын несие және грант қаражатын алып үлгерген. Аудан бойынша жобалық құны 8 млрд 234 млн теңгені құрайтын 31 инвестициялық жоба жүзеге асырылу жоспарда бар. Алдағы уақытта жобалар толықтай іске қосылғанда 381 жаңа жұмыс орны құрылмақ.Осы аталған жобалардың ішінде қазіргі таңда жобалық құны 984 млн теңгені құрайтын 8 жоба іске қосылған. Яғни, ауданда 46 жаңа жұмыс орны ашылған. Ауданда кәсіпкерлердің қатарының артуы, тұрғындардың мемлекеттік қолдауды ұтымды пайдаланып отырғаны десек болады. &nbsp;

Шиелі ауданында кәсіпкерлік саласы қарқынды дамуда

<a href="https://kyzylorda-news.kz/">Kyzylorda-news.kz.</a> Қызылорда облысы полиция департаментінде тәртіп сақшылары «Қазақстан студентерінің Альянсы» Республикалық студенттер қозғалысы өкілдерінің қатысуымен «Орда» жоғарғы колледжі «Құқықтану» факультетінің 2 курс студенттері үшін «Ашық есік күнін» өткізді.Іс-шара барысында &nbsp;полиция қызметінің ашықтығын, жариялылығын қамтамасыз ете отырып бұқара халықпен жақындастыруға, ішкі істер органдарының қызметін дәріптеп, Отанға қызмет етемін дейтін жастардың қатарын көбейтуге бағытталған. &nbsp;&nbsp;Іс-шара аясында қонаққа келген студенттерді Ішкі істер органдарының құрметті ардагері, запастағы полиция полковнигі Хусаин Қоразбаев қабылдап, оларға ішкі істер органдарындағы қызметі туралы ақпарат берерлік дәріс оқыды. Одан кейін нағыз полицей болу үшін қандай қасиеттерге ие болу керек екендіктерін түсіндіріп, қызмет барысындағы қызықты естеліктермен бөлісті. Өзінің ағалық ақыл-кеңестерін айтты.&nbsp;Шараға қатысушылар үшін департамент мұражайына танымдық экскурсия ұйымдастырылды. Мұражай қызметкері департамент тарихы, мәдениет, спорт саласындағы жетістіктері, қызметтік міндеттерін өтеу барысында қайтыс болған қызметкерлердің, ішкі істер органдары ардагерлерінің өмірінен сыр шертетін экспонаттармен, фотостендтермен, құнды кітаптармен таныстырып өтті.&nbsp;Сондай-ақ, студенттер көше қиылыстарында, көпқабатты үйлердің аулаларында және білім беру ұйымдарында орнатылған бейнежазба камераларының жұмысымен танысу үшін жедел басқару орталығына барды.&nbsp;Полиция қызметкерлерімен сөйлесіп, көптеген сұрақтарға жауап алды. Өткізілген іс-шара олардың жадында ұзақ сақталатыны сөзсіз. Болашақта мұндай іс-шаралар жалғасатын болады. <img src="https://knadmin.beoblood.kz/uploads/0_V4_A1381_0678cf9081.jpg" alt="0V4A1381.jpg"><img src="https://knadmin.beoblood.kz/uploads/0_V4_A1363_c035489aa8.JPG" alt="0V4A1363.JPG">

Қызылордалық полицейлер «Ашық есік» күнін өткізді

<a href="https://kyzylorda-news.kz/">Kyzylorda-news.kz.</a> Облыс әкімі Нұрлыбек Нәлібаев осы кезге дейін 6 ауданда құқық қорғау саласының бірінші басшыларымен бірге жеке қабылдау өткізіп келді. Бүгін аймақ басшысы халықпен кездесуін Шиелі ауданында қорытындылады.БАҚ-та және әлеуметтік желіде алдын ала берілген хабарландыруды естіп келген азаматтар өз мәселесін ашық түрде қоюға мүмкіндік алды.Аудандық мәдениет үйінде өткен жеке қабылдауға облыстық сот төрағасы Әділхады Шығамбаев, облыс прокуроры Нұрлан Бижанов, Ұлттық қауіпсіздік комитетінің Қызылорда облысы және Байқоңыр қаласы бойынша департаментінің бастығы Болат Қалмырзаев, сыбайлас жемқорлыққа қарсы іс-қимыл агенттігінің облыстық департаменті басшысы Серікжан Мырзалы, облыстық полиция департаментінің бастығы Мұхтар Қожабаев, облыстық экономикалық тергеп-тексеру департаментінің басшысы Бақыт Қайшыбеков және мемлекеттік кірістер департаментінің басшысы Ғани Аманов қатысты.“Халық үніне құлақ асатын мемлекет” қағидасына негізделген қабылдауда барлығы 80-ге жуық азаматтың өтініші қаралды. Облыс әкіміне 34 тұрғын келді. Көпбалалы аналар мен мүгедектігі бар жандар және жұмыссыз жүрген азаматтар өз мәселесін жеткізді. Басым бөлігі - тұрғын үй алу жолдарын сұрап, денсаулық жағдайына байланысты медициналық көмекке мұқтаж екенін айтып, сауалдарын жолдады.Облыс әкімі ауылдардағы жол сапасын жақсартуды сұрап, ауыз су желілерін тарту және жаңа мектеп салу сынды әлеуметтік мәселе көтерген тұрғындарға нақты жауап беріп, жауапты сала басшыларына тапсырма берді.Жеке қабылдауға келген ардагер ұстаз Қали Дүйсеманов кенттегі №45 мектептің іргетасы мүжіліп, спорт зал қабырғалары құлағалы тұрғанын алға тартып, оқушыларға жаңа мектеп салу қажет екенін жеткізді. Облыс әкімі бұл мәселені "Жайлы мектеп" бағдарламасы арқылы шешуге мүмкіндік бар деп жауап берді.Кездесуде мүгедектігі бар баласын емдетуге қол ұшын беруді сұрай келген шиелілік тұрғын отбасының әлеуметтік қиын жағдайына байланысты жұбайын жұмысқа орналастыруға жәрдем сұрады. Аймақ басшысы денсаулық сақтау басқармасының басшысына баланың денсаулық жағдайын бақылауға алып, ұсыныс беруді тапсырды. Ал, аудан әкіміне бос жұмыс орындар тізбесін саралай отырып, еңбекпен қамту жолдарын қарастыруды міндеттеді.<blockquote>«Бұрын облыс орталығына барып, жеке қабылдауға кіру үшін кезегіңді күтіп, көптеген тексерістен өтесің. Облыс әкімі халықтың ортасына өзі келіп, өзекті мәселелерді шешуге ықпал жасағаны тұрғындар үшін өте қолайлы әрі қуантарлық жағдай болды. Мен бір себеппен әкімге де, құқық қорғау органдарының басшыларына да кіріп, мәселемді жеткіздім», - деді аудан тұрғыны Тілеубек Бабасов.</blockquote>Құқық қорғау органдарының басшыларына 40 жуық азамат өз мәселесін жеткізіп, заң аясында тиісті түсіндірме алды. Жер үлестерін бөлу, заңдық негізде көмек алу, шаруашылықты тіркеу және салық төлемдеріндегі проблемаларды шешу жолдарын сұрады.Жұмыс сапары барысында облыс әкімі Нұрлыбек Нәлібаев Президент Жарлығы аясында тұрғындармен кездесіп, сұрақтарына жауап берді.Аймақ басшысы соңғы 6 ай ішінде өңірде жаңа әлеуметтік нысандар бой көтеріп, демеушілердің қолдауымен кешенді жұмыстар басталғанын жеткізді. Ауыл тұрғындары үшін өзекті саналатын газдандыру, жол салу, ауыз су және аяқ су мәселелері де оңтайлы шешіліп келе жатқанын алға тартты.Айта кетейік, 7 аудан бойынша облыс әкімі Нұрлыбек Нәлібаев 500-ден аса азаматтың өтінішін қараса, құқық қорғау органдарының басшылары 300-ге жуық тұрғынның талап-тілегін тыңдап, сауалдарына жауап берді.<figure class="image"><img src="https://knadmin.beoblood.kz/uploads/314964220_426430629678187_1024633444061286152_n_caaa9354f5.jpg" alt="314964220_426430629678187_1024633444061286152_n.jpg"></figure><figure class="image"><img src="https://knadmin.beoblood.kz/uploads/314952540_426430663011517_6518328703119693048_n_3d35096fe4.jpg" alt="314952540_426430663011517_6518328703119693048_n.jpg"></figure><figure class="image"><img src="https://knadmin.beoblood.kz/uploads/314737857_426430549678195_6057103500075090068_n_32ce14362a.jpg" alt="314737857_426430549678195_6057103500075090068_n.jpg"></figure><figure class="image"><img src="https://knadmin.beoblood.kz/uploads/314702000_426430713011512_5225515449106928538_n_0bb378b0f5.jpg" alt="314702000_426430713011512_5225515449106928538_n.jpg"></figure><figure class="image"><img src="https://knadmin.beoblood.kz/uploads/314591860_426430609678189_2945081799689882323_n_6cd95c2ce6.jpg" alt="314591860_426430609678189_2945081799689882323_n.jpg"></figure>

Облыс әкімі Шиелі ауданының тұрғындарымен кездесті

<a href="https://kyzylorda-news.kz/">Kyzylorda-news.kz.</a> «Қазгидромет» РМК-сы қарашаның 10-ы күнгі ауа райы болжамын жариялады, деп хабарлайды <a href="https://www.kazhydromet.kz/weather/prognoz-vazhneyshih-meteorologicheskih-yavleniy">«Қазгидромет»</a> РМК.Кәсіпорын таратқан деректерге қарағанда, атмосфералық ағындардың өтуіне байланысты Қазақстан Республикасының солтүстігінде, шығысында, оңтүстік-шығыс бөлігінің таулы аудандарында ауа райы құбылмалы болады, қар жауады.ҚР-ның басым бөлгінде тұман түсіп, солтүстігінде, шығысында көктайғақ болады, солтүстігінде, шығысында, орталығында жел күшейіп, жаяу бұрқасын соғады.

Бейсенбіге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Президенттікке кандидатҚарақат Әбденнің Қызылорда облысындағы сайлауалды кездесулеріөтті. Ол жақын және шалғай жатқан елдімекендердің жағдайымен танысып, Арал қаласына ат басын бұрды.&nbsp;Облыстағы үлкен аймақтардың бірі болып саналатын Арал қаласында ол жергілікті халықпен жүздесіп, сайлауалды бағдарламасын таныстырды. Бұдан бөлек, кандидат осы өңірде ұлттық және отбасылық құндылықтарды негізге алып, кәсібін дөңгелетіп отырған отбасылық бизнес өкілдерімен кездесті.Аралда қозғалған маңыздытақырыптар Қызылорда қаласындағы кездесуде жалғасын тапты. Жиын барысында қоғамдағы өзектімәселелер, өскелеңұрпақ пен жастартәрбиесі, отбасы институның мәні талқыланды. Кандидат қоғамның дертіне айналған синтетикалық есірткі, құмар ойындар мен жат мәдениетке еліктегіш жастардың әрекеттеріне ерекше тоқталды. Оның айтуынша, бұған ұлттық құндылықтардың тиісті деңгейде насихатталмауы, отбасы тәрбиесінің әлсіреуі себеп.&nbsp;Еске салсақ, елімізде 20 қараша күнікезектен тыс президент сайлауы өтеді. Үміткер Қ.Әбден ел аймақтарын аралап, 13 қала мен бірнеше ауылдық елді мекенде 20-дан астам кездесу өткізді Алдағы уақытта ол Солтүстік Қазақстан, Түркістан, Жамбыл облыстарының сайлаушыларымен кездесу өткізеді. <img src="https://knadmin.beoblood.kz/uploads/Karakat_6175c28f9d.jpg" alt="Каракат.jpg"><img src="https://knadmin.beoblood.kz/uploads/karakat2_7dc517e549.jpg" alt="каракат2.jpg">

Қазақстан және Қызылорда облысының жаңалықтары