<a href="https://kyzylorda-news.kz/">Kyzylorda-news.kz.</a> Арал ауданының әкімі Серік Сермағамбетов қаланың арнайы бекітілген V-секторы, "Жаңа ауыл" мөлтек ауданының тұрғындарымен кездесті. № 83 орта мектепте өткен басқосуда Серік Сермағамбетов жыл көлемінде атқарылған жұмыстар мен алдағы жоспарлар туралы айтты.«Ауданда индустрия инновациялық даму мемлекетік бағдарламасының ІІІ-бесжылдығы аясында 9 жоба енгізіліп, оның 2-і іске асты. Қазіргі таңда жалпы құны 160 млрд.теңгені құрайтын, іске қосылғанда 1352 адамды жұмыспен қамтитын 7 жоба жүзеге асырылуда. Бұдан бөлек, биылдың өзінде біріңғай индустрияландыру картасына қосымша жалпы құны 5 млрд 674 млн. теңге болатын, 5 жоба енгізу мақсатында тиісті жұмыстар жүргізілуде. Нысандар іске қосылғанда 500-ге жуық жергілікті азамат жұмыспен қамтылатын болады», – деп жасалған жұмыстарды тізбектеп өтті.&nbsp;Кездесу барысында тұрғындар тарапынан бірнеше мәселе көтерілді. Түнгі жарық пен ауыз су ағысының төмендігі жөнінде ұсыныстарын білдірді.Өз кезегінде аудан әкімі Серік Сермағамбетов су қысымын жақсарту үшін «Арал-Сарбұлақ» топтық су құбыры мекемесінің жауапты мамандарына тапсырма беріп, өзекті мәселені дереу арада шешуді тапсырды. Сондай-ақ, көшені жарықтандыру бойынша, бұл жұмыстар кезең-кезеңімен жүзеге асып жатқандығын жеткізді. &nbsp;<img src="https://knadmin.beoblood.kz/uploads/314505056_3411369842524711_9066930252234044580_n_3fab01130f.jpg" alt="314505056_3411369842524711_9066930252234044580_n.jpg">

Арал ауданының әкімі қала тұрғындарымен кездесті

<a href="https://kyzylorda-news.kz/">Kyzylorda-news.kz.</a> Қазақстан Республикасы Президенттінің «Әкімдердің халықпен кездесулерін өткізу туралы» Жарлығын орындау мақсатында Арал ауданының әкімі Серік Сермағамбетов аудан тұрғындары үшін кезекті жеке қабылдауын өткізді. Онда аудан әкімі тұрғындарының өтініш-сұрақтарын тыңдады, шешімін табуға көмегін тигізді.&nbsp;Қабылдауға келгендердің басым бөлігі әлеуметтік ахуал яғни жұмысқа орналасу туралы қозғаса, кейбірі жер, ономостикалық мәселер бойынша жүгінді.Аудан әкімі Серік Сермағамбетов келушілердің мәселелеріне жеке дара тоқталды. Алдымен көше атауын беру туралы Арал қаласында атауға және қайта атауға жататын көшелердің жоқ екендігі туралы түсіндірді. Тұрақты жұмыс сұрап келген азаматтарға кәсіпкерлік нысандар мен мекемелерден түскен сұраныс бойынша бос жұмыс орындарын ұсынды.&nbsp;Тұрғындардың өтінішіне сай мамандығына сәйкес және қоғамдық жұмысқа орналасу бойынша жауапты бөлім басшыларына заң шеңберінде барлық мүмкіндіктерді қарастыруды тапсырды. Ауданның әрбір тұрғындары тарапынан айтылған мәселелерді мұқият тыңдаған аудан басшысы заңдылыққа сәйкес түсініктеме берді. Сонымен қатар, тиісті сала мамандарымен бірге зерделеп, заңдылығына қарай шешім қабылданатынын жеткізді. Сондай-ақ, айтылған барлық мәселелер шешімін тапқанша өзінің жеке бақылауында болатынын айтты. &nbsp;

Серік Сермағамбетов жеке қабылдау өткізді

<a href="https://kyzylorda-news.kz/">Kyzylorda-news.kz.</a> «Қазгидромет» РМК-сы қарашаның 11-не жасалған ауа райы болжамын жариялады.&nbsp;Кәсіпорын таратқан деректерге қарағанда, қарашада атлантикалық циклон жырасы және атмосфералық ағындардың өтуіне байланысты Қазақстан Республикасының басым бөлігінде күн құбылмалы болады. Осыған байланысты жауын-шашын (жаңбыр, қар) жауып, көктайғақ болады, жаяу бұрқасын соғады, солтүстікте, солтүстік-батыста, оңтүстік-шығыста жел күшейеді. Тек, еліміздің батысында, оңтүстік-шығысында ғана күн ашық болады, Қазақстан бойынша тұман түседі.

Жұмаға арналған ауа райы болжамы

<a href="https://kyzylorda-news.kz/">Kyzylorda-news.kz.</a> ҚР Президенттігіне кандидат Мейрам Қажыкен &nbsp;кәсіподақ ұйымдарының басшыларымен кездесу өткізді.<blockquote>«Кәсіподақ мүшелері еңбек адамының символы болған каскаларды жіберіп жатыр. Бізге пошта арқылы Қызылорда, Талдықорған, Петропавл және Қарағандыдан жолданғаны &nbsp;туралы ақпарат келіп түсті. Біз олардың барлығын жинаймыз. Жұмысшылар каскаға өздерінің ізгі тілектерін жазып, қолтаңбаларын қалдырады», - деді сайлауалды штабының басшысы Әбіл Кекілбаев.</blockquote>Сондай-ақ, сенім каскасын &nbsp;Алматы, Маңғыстау облысы, Павлодар, Арқалық және Көкшетау кәсіпорындарының жұмысшылары да жіберуде. Олар бұл бойынша арнайы әлеуметтік желілерге &nbsp;бейнероликтер жүктеген.&nbsp;Мейрам Қажыкенге каска тапсыру трендке айналды. Естеріңізге сала кетейік, 21 қазанда сайлауалды штаб ашылып, үгіт-насихат басталған күні кәсіподақ өкілдері Мейрам Қажыкенге алғашқы касканы табыстаған болатын.Сондай-ақ, өңірлердегі үгіт-насихат кезінде кандидат Өскемен ГЭС қызметкерлерінен, Соколов-Сарыбай тау-кен байыту өндірістік бірлестігінің кеншілерінен және «Жезқазғанцветмет» кеншілерінен де сенім каскасын алды.Сонымен қатар, А. Кекілбаевтың айтуынша, өңірлердегі штабтардың жұмыстары қызу жалғасуда: қазіргі таңда сенімді тұлғалар кәсіпорындарға, ауруханаларға, мектептерге және басқа да ұйымдарға барып, кандидаттың бағдарламасын таныстыру мақсатында кездесулер өткізіп жатыр.&nbsp;<blockquote>«Қазақстан бойынша 140-тан астам сенімді тұлға бар. Қазір сайлауға байқаушы ретінде қатысатын еріктілерді іріктеу жұмыстары жүргізілуде», - деді елордалық штаб басшысы. &nbsp;</blockquote>

Мейрам Қажыкен кәсіподақ ұйымдарының басшыларымен кездесті 

<a href="https://kyzylorda-news.kz/">Kyzylorda-news.kz.</a> Қазақстан Республикасы Президентінің «Әкімдердің халықпен кездесулерін өткізу туралы» №826 жарлығына сәйкес бүгін Сырдария ауданының әкімі Мұрат Ергешбаев кент және ауылдық округ халқымен кездесуі Нағи Ілиясов және Шаған ауылдарында жалғасты.Кездесуге аудан прокуроры А.Кемалов, аудандық полиция бөлімінің бастығының орынбасары Н.Қордабаев, аудандық ардагерлер кеңесінің төрағасы М.Келдібаев, аудандық қоғамдық кеңестің төрағасы М.Еспенбетов, дербес бөлім мен коммуналдық сала басшылары қатысты.Кездесуде &nbsp;аудан басшысы 2022 жылдың 10 айының қорытындысымен ауданның әлеуметтік-экономикалық даму көрсеткіштері бойынша жан-жақты мәлімет берді.<blockquote>«Биылғы жыл табысты, әрі берекелі жыл болды. Жыл қорытындысымен облыста «Үздік аудан» атандық. Бұл жетістікке жетуімізге қос ауылдағы ірі шаруашылықтардың қосқан үлесі орасан зор. «Ауыл – ел бесігі» жобасы аясында Н.Ілиясов ауылының барлық көшелері күрделі жөндеуден өтіп, лотоктар мен жаяу жүргіншілер жолы салынуда. Қазіргі күні аталған жұмыстар аяқталуға жақын. Бұл жұмыстар үлгілі ауылдың ажарын одан әрі ашары анық», – деді аудан әкімі.&nbsp;</blockquote>Сонымен қатар, жиынға қатысқан Қазақстанның «Еңбек Ері» Абзал Ералиев ауылды газдандыру мәселесі бойынша жобалық-сметалық құжаттарды демеушілік есебінен «Абзал и К» толық серіктестігі арқылы жүргізетінін жеткізді.&nbsp;Шаған ауылы бойынша тұрғындар тарапынан көкейкесті мәселелері тыңдалды.Бұған дейінгі кездесуде ауылдағы су жүйесінің мұнарасы тозығы жетуіне байланысты апатты жағдайда тұрғаны туралы ауыл тұрғындарынан өтініш түскен болатын. Бүгінгі күні «Сырдариясушар» мекемесі арқылы су мұнарасы ауыстырылып, пайдалануға берілетін күн жақын.Ауылдағы 10 көшені орташа жөндеуден өткізуге жобалық-сметалық құжаттар дайындалды. Қаржылық қолдау тапқан жағдайда бұл мәселе өз кезегінде кезең-кезеңімен шешілетін болады.Елді мекендегі ескіріп, тозығы жеткен әуе желілерін жаңартып ауыстыру жұмыстарын жүргізу мәселесі бойынша жоба сараптамаға ұсынылды.Сонымен қатар, тұрғындардың келесі өтініші «Батыс Еуропа – Батыс Қытай» автодәлізі бойында Шаған ауылының кіре беріс жолымен қиылысатын тұсына жарық шамдарын орнатуды сұраған. Бұл жұмыстар бүгінгі күні орындалуда. Мердігер компания тарапынан тиісті жұмыстар басталып кетті. &nbsp;<img src="https://knadmin.beoblood.kz/uploads/314966046_1243603679535855_2523423649544824126_n_a378dba3fe.jpg" alt="314966046_1243603679535855_2523423649544824126_n.jpg"><img src="https://knadmin.beoblood.kz/uploads/314698352_1243603516202538_3200114738105005252_n_a354944619.jpg" alt="314698352_1243603516202538_3200114738105005252_n.jpg">

Сырдария ауданының әкімі ауыл тұрғындарымен кездесу өткізді

<a href="https://kyzylorda-news.kz/">Kyzylorda-news.kz.</a> Орталық сайлау комиссиясының қаулысымен ҚР Президентінің кезектен тыс сайлауы жөніндегі сайлау бюллетенінің мәтіні бекітілді. Сайлау бюллетеньдері 17-19 қараша аралығында барлық сайлау учаскелеріне жеткізілетін болады. Бұл туралы Өңірлік коммуникациялар қызметінің ақпараттық алаңында өткен брифингте облыстық сайлау комиссиясы төрағасының орынбасары Болат Накипов мәлімдеді.Мұнан өзге, ҚР Президенті сайлауын облыс бойынша 382 сайлау комиссиясы ұйымдастыратын болады. Атап айтқанда, біреуі облыстық, біреуі қалалық, 7 аудандық және 373 учаскелік сайлау комиссиясы. Ал сайлау комиссиялары мүшелерінің жалпы саны 2710 адамды құрайды.<blockquote>- Бұған қоса, дауыс беру күні, яғни 20 қарашада түрлі себептермен өзінің тұрғылықты тіркелген жерінен тыс аймақта болатын сайлаушылардың өз өтініштері негізінде есептен шығару куәліктері беріле бастады. Бүгінде облыс бойынша 142 адам есептен шығару куәліктерін алды. Есептен шығару куәліктері сайлаушыларға 19 қараша жергілікті уақытпен сағат 18.00-ге дейін берілетін болады.Сондай-ақ халықты әлеуметтік қорғау саласындағы жергілікті уәкілетті органның мәліметіне сәйкес, облыс бойынша мүгедектігі бар сайлаушылар саны 20071 адамды құрайды. Олардың 1111-і кресло-арбамен қозғалатын, 324-і есту қабілеті бұзылған, 907-і көру қабілеті бұзылған сайлаушылар. Осыған байланысты облыс бойынша барлық учаскелерде мүгедектігі бар адамдардың дауыс беруі үшін жағдайларды қамтамасыз ету шаралары қарқынды жүзеге асырылуда. Барлық сайлау учаскелері бекітілген нұсқаулыққа сәйкес, мүгедектігі бар сайлаушылар үшін арнайы бұрыштар жабдықталған,-деді Болат Нұржігітұлы.</blockquote>Сонымен қатар, барлық аумақтық және учаскелік сайлау комиссиялары арнайы әзірленген әдістемелік құралдармен қамтамасыз етілген.<figure class="image image_resized" style="width:56.12%;"><img src="https://knadmin.beoblood.kz/uploads/314489890_1662878770774295_3559878947904624789_n_a8a7af8257.jpg" alt="314489890_1662878770774295_3559878947904624789_n.jpg"></figure>

Болат Накипов: Сайлауға дайындық жүйелі жүргізілуде

<a href="https://kyzylorda-news.kz/">Kyzylorda-news.kz.</a> Қала әкімдігінің баспасөз орталығында жылу маусымы кезіндегі өрт қауіпсіздігін сақтау және оның алдын алу мақсатында Қызылорда қаласы Төтенше жағдайлар басқармасының бастығы Жасұлан Түйменовтың қатысуымен брифинг өтті.<blockquote>- Жыл басынан бүгінгі күнге дейін Қызылорда қаласы бойынша 156 өрт оқиғасы тіркелген. Орын алған оқиғалардың басым көпшілігі тұрғын үйде (98 өрт) қарапайым өрт қауіпсіздігін сақтамауынан туындап отыр. Өрттің алдын алу мақсатында әр аптаның сәрсенбі, жұма және сенбі күндері қала бойынша профилактикалық түсіндірме жұмыстары жүргізілуде. Қала тұрғындарын жылу беру маусымында сақтық шараларын күшейтуге шақырамыз,- деді Жасұлан Түйменов.</blockquote>Аралау барысында тұрмысы төмен осал топ санатына жататын тұрғын үйлерге 400 дана көмір қышқыл газын анықтайтын құрылғы (датчик) орнатылуда.Бұдан бөлек, «АлауГазАймақ» ЖШС-мен бірлесіп Ақсуат ауылдық округіндегі тұрмысы төмен мүгедектігі бар адамдардың тұрғын үйлерінің мұржаларын тазарту жұмыстары қолға алынды.Сонымен қатар, бүгін Сыр құтқарушыларының креативті аялдама жобасы қала тұрғындарының назарына ұсынылды. Аялдама №1 мамандандырылған өрт сөндіру бөлімінің жанында орыналасқан. Онда қауіпсіздік ережелермен таныса аласыз. Сондай-ақ жастарға құт­қарушы мен өрт сөндіруші мамандығын қалай меңгеруге және азаматтық қорғау қызметіне қалай жолдама алуға болатыны жазылған.<img src="https://knadmin.beoblood.kz/uploads/314458688_3228885684044834_5013529812889177644_n_94fede8594.jpg" alt="314458688_3228885684044834_5013529812889177644_n.jpg"><img src="https://knadmin.beoblood.kz/uploads/314498498_3228882300711839_5140882628823392313_n_a8c4592e34.jpg" alt="314498498_3228882300711839_5140882628823392313_n.jpg"><img src="https://knadmin.beoblood.kz/uploads/314418313_3228885754044827_7101059910275292511_n_c3b5d8954d.jpg" alt="314418313_3228885754044827_7101059910275292511_n.jpg">

Жылу беру маусымында өрт қауіпсіздігін сақтаңыз 

<a href="https://kyzylorda-news.kz/">Kyzylorda-news.kz.</a>&nbsp;Президенттікке кандидат Қасым-Жомарт Тоқаевты қолдау жөніндегі Республикалық қоғамдық штабтың мүшелері Ақтөбе облысының тұрғындарымен бірқатар кездесу өткізді.Ақтөбе рельс-арқалық зауытының еңбек ұжымымен кездесуде кандидаттың сайлау алдындағы бағдарламасында көрсетілген ел өнеркәсібін дамытуға арналған шаралар талқыланды.<blockquote>«Ақтөбе облысы – еліміздегі маңызды индустриалды өңір. Еңбек адамдары, сондай-ақ, жауапты, еңбексүйгіш, патриот ақтөбеліктер облыстың өсіп-өркендеуінің негізі екені сөзсіз. Сіздер әрдайым еліміздегі реформаларды, бейбітшілікті және тұрақтылықты қолдап келдіңіздер. Сондықтан алдағы президент сайлауында, ел дамуындағы осындай жауапты кезеңде өңір тұрғындары дұрыс таңдау жасайды деп сенеміз», – деді Республикалық қоғамдық штаб делегациясының басшысы Мәулен Әшімбаев.</blockquote>Ақтөбе облысының жұртшылығымен кездесуге 350-ден астам адам қатысты. Іс-шарада РҚШ мүшелері сайлау алдындағы бағдарламаның өңірлік инфрақұрылымды жақсарту және жұмыс орындарын ашу мәселелеріне арналған бағыттарына назар аударды.Қаладағы Орталық стадионда «Ақтөбе» футбол клубының ойыншыларымен кездесу өтті. Онда Кандидаттың кәсіби спортты дамытуды және саламатты өмір салтын дәріптеуді көздейтін басымдықтары сөз болды.Штаб мүшелері Қ.Жұбанов атындағы университетте жоғары оқу орнының ғалымдарымен және оқытушы-профессорлар құрамымен кездесті. Кездесуде сайлау алдындағы бағдарламадағы ғылымды қолдауға арналған нақты шаралар талқыланды. &nbsp;<img src="https://knadmin.beoblood.kz/uploads/Whats_App_Image_2022_11_10_at_17_06_16_5e86cc7eda.jpeg" alt="WhatsApp Image 2022-11-10 at 17.06.16.jpeg">

Қасым-Жомарт Тоқаевтың жақтастары Ақтөбе облысының тұрғындарымен кандидаттың сайлау алдындағы бағдарламасының басымдықтарын талқылады

<a href="https://kyzylorda-news.kz/">Kyzylorda-news.kz.</a>&nbsp;Бүгін ҚР Президенттігіне кандидат Жигули Дайрабаевтың сенімді өкілі, «Ауыл» партиясы төрағасының орынбасары Қайрат Айтуғанов Қостанай облысына барды. Ол жергілікті халықты кандидаттың сайлауалды бағдарламасымен таныстырып, «Ауыл» партиясының Қазақстанның агроөнеркәсіптік кешені мен ауылдық елді мекендерін дамыту мәселелеріне қатысты негізгі ұстынымдары туралы айтып берді.Кандидаттың сенімді өкілі Қайрат Айтуғанов Қостанай ауданының Заречный кентінде орналасқан «Тарра» шаруа қожалығының қызметкерлерімен кездесті. Шаруашылық басшысы Владимир Семейкин «Тэрра» тауарлық және тұқымдық картоп, сондай-ақ қырыққабат, сәбіз, қызылша, пияз тәрізді көкөністер өндірумен айналысатынын айтты. Көкөністерді өндірудің тұқым отырғызудан бастап дайын өнімді сатуға дейінгі барлық үдерісі механикаландырылған, автоматтандырылған, мамандар бақылауымен жүзеге асырылады және жаңа технологиялардың барлық талабына жауап береді.Бұдан кейін Қайрат Айтуғанов облыс фермерлерімен кездесу өткізді. Кездесуде ол ауыл шаруашылығын дамыту үшін жаңа мемлекеттік аграрлық саясатты әзірлеу қажет екеніне тоқталды. Оны агроөнеркәсіптік кешенді және ҚР ауылдық аумақтарын дамытудың 2070 жылға дейінгі ұзақ мерзімді ұлттық стратегиясын әзірлеу және қабылдау арқылы жасауға болатынына және оның төрт негізгі бағытты қамтуы тиіс екеніне назар аударды.<blockquote>«АӨК – ті дамытудың Ұлттық стратегиясына бірінші кезекте ауыл шаруашылығы тауарын өндірушілердің сервистік-тұтыну кооперациясын ынталандыру негізінде ауыл шаруашылығының өндірістік инфрақұрылымын құру, екінші кезекте, түпкілікті нәтижеге бағытталған субсидиялау жүйесінен бастап ауыл шаруашылығын мемлекеттік қолдау жүйесін реформалау қажет. Үшінші, фермерлерді салықтың барлық түрлерінен және ең бастысы, бүкіл тізбек бойынша ауыл шаруашылығы өнімдерін өндіру, оны қайта өңдеу, азық-түлік тауарларын сату, экспорт және импорт тәрізді азық-түлік тауарларының айналымына қосылған құн салығынан босату керек. Төртінші бағыт - ауылдық елді мекендердің әлеуметтік және инженерлік инфрақұрылымдарын – жолмен, сумен және электрмен жабдықтау, газдандыру, интернет, білім беру, денсаулық сақтау, мәдениет және спорт объектілері және т. б.жаңғырту қажет», - дедісенімді өкіл.</blockquote>Кездесу соңында Қайрат Айтуғанов фермерлермен пікір алмасып, кандидат Жигули Дайрабаевтың сайлауалды бағдарламасы туралы сұрақтарына жауап берді. &nbsp;<img src="https://knadmin.beoblood.kz/uploads/Whats_App_Image_2022_11_10_at_16_59_20_462fbe9de8.jpeg" alt="WhatsApp Image 2022-11-10 at 16.59.20.jpeg">

Кандидат Жигули Дайрабаевтың сенімді өкілі Қостанай облысына барды

<a href="https://kyzylorda-news.kz/">Kyzylorda-news.kz.</a> Соңғы кезде қызылордалық шаруалар Кәсіпкерлер палатасынан сотта құқығын қорғауды жиі сұрайтын болды. Палата заңгерлері биылдың өзінде ауыл шаруашылығы саласында қызмет ететін 80-ге жуық кәсіпкердің өтініш білдіргенін жеткізді.73 кәсіпкердің ісі бойынша заңгерлер сотқа қатысып, құқығын қорғап, шаруалардың 45 млн теңгеден астам қаржысын сақтап қалған.Солардың бірі - «Ынтымақ» ЖШС. Кәсіпкер 2020 жылы қыркүйекте «асыл тұқымды малдарға селекциялық жұмыстар жүргізу үшін» мемлекеттен 3200 бастан астам уақ малға субсидия алады. Қағиданың талабы бойынша мал басын 97 пайыз аман сақтауға міндетті.Алайда, 21 қазанда кәсіпкердің малы жайылып жүрген жер өртеніп, 116 бас мал өліп, 300-ге жуығы күйіп қалған. Оны тиісті мемлекеттік орган өкілдері де уақытында көріп, құжат рәсімдеген.Биыл субсидия беруге жауапты ауыл шаруашылығы басқармасы «502 бас уақ малды белгіленген мерзімінен бұрын есептен шығарған» деген негізбен кәсіпкерден 3,1 млн теңгені мемлекет бюджетіне қайтаруды талап етіп, сотқа арыз береді.<blockquote>«411 бас уақ малды күйік шалып, төтенше жағдайға байланысты есептен шығардық. Зоотехникалық нормаға сәйкес 3 пайызы, яғни 91 бас аналық табиғи шығынға жатады. Талап негізсіз. Сондықтан дәлелдейтін құжаттарды алып, Кәсіпкерлер палатасынан көмек сұрадым», – деді кәсіпкер Рахым Кутибаев.</blockquote>Кәсіпкерлер палатасының заңгерлері бұл іспен үш ай айналысты. Мәселені жан-жақты зерттеп, сотта кәсіпкердің құқығын қорғап шықты.Нәтижесінде облыс бойынша мамандандырылған ауданаралық экономикалық соты облыстық ауыл шаруашылығы басқармасының «Ынтымақ» ЖШС-ға қатысты талап арызын қанағаттандырмады.<blockquote>«Мемлекеттік органның субсидияға қатысты сотқа жүгіну фактілері көбейіп кетті. Кәсіпкерлердің онсыз да шаруалары шаш-етектен. Сол үшін басқармадағы әріптестерімді сотқа дейін мәселенің мән-жайын жан-жақты зерттеп алуға шақырамын. Ал өзге де осындай проблемасы бар кәсіпкерлер Палатаға жүгіне алады. Құқығын қорғауға дайынбыз», – деді Кәсіпкерлер палатасының директоры Пірмұхаммед Сыздықов.</blockquote>Мекенжайымыз: Қызылорда қаласы, Қорқыт ата 123, «Бизнеске арналған үкімет» ғимаратының 3-қабаты. Байланыс телефоны 8 /7242/ 40-09-81.<figure class="image image_resized" style="width:75%;"><img src="https://knadmin.beoblood.kz/uploads/10_11_2022_mrs_1_55ddaca7c2.jpg" alt="10.11.2022 - мрс - 1.jpg"></figure>

Қызылордалық кәсіпкерден 3,1 млн. теңге заңсыз талап еткен

<a href="https://kyzylorda-news.kz/">Kyzylorda-news.kz.</a>&nbsp;10 қарашада Астанада жеребе тасталды, шара барысында Президенттікке кандидаттардың теледебатында сөз сөйлеу тәртібі анықталды. Ресми шараға барлық үміткерлердің штаб басшылары қатысып, реттік нөмірлерін таңдады.Жеребе нәтижесінде бесінші болып құқық қорғаушы Салтанат Тұрсынбекова сөз сөйлейтіні белгілі болды. Пікірсайыс 11 қараша күні &nbsp;сағат 20:00-де «Хабар» телеарнасынан тікелей эфирде көрсетіледі.Онда үміткерлер сайлауалды бағдарламаларымен таныстырып, бір-біріне сұрақтар қояды, сондай-ақ қазақстандықтардың сауалдарына жауап береді. &nbsp;Үміткерлерге сұрақ қойғысы келетіндер 10 қарашаға дейін телеарнаның арнайы электронды мекенжайына ұзақтығы 1 минуттан аспайтын бейнежазба жолдауы тиіс.Еске салайық, Салтанат Тұрсынбекова – қоғам қайраткері, құқық қорғаушы, екі баланың анасы. Ол соңғы жылдары елімізде ең көп талқыланатын және резонансты тақырыптардың бірі – отбасындағы зорлық-зомбылықпен күресудегі көп жылғы қажырлы еңбегімен танымал.&nbsp; &nbsp;

Салтанат Тұрсынбекова теледебатта бесінші болып сөз алады

<a href="https://kyzylorda-news.kz/">Kyzylorda-news.kz.</a> 2022 жылдың 10 қарашасында ҚР Президенттігіне Жалпыұлттық социал-демократиялық партиясы атынан кандидат Нұрлан Әуесбаев Казахская және Дүкенұлы көшелері қиылысында орналасқан елордалық жатақханада тұрғындармен кездесу өткізді.Іс-шара барысында кандидат жиналған қауымға өзінің сайлауалды бағдарламасының басым бағыттары жөнінде баяндады, сонымен бірге қоғамды алаңдатқан сұрақтарға жауап берді.Қазақстанның сыртқы саясатына қатысты сауал да қойылды. Нұрлан Әуесбаевтың пікірінше, үкімет басқа мемлекеттер біздің есебімізден байып, адал емес бәсекелестікте зиян келтіруге тырысқан жағдайда қатаң ойын ережелерін орнатуға тиіс. Кандидат стратегиялық салаларда Қазақстан қалыпты протекционизмді ұстану қажет деп есептейді. &nbsp;<img src="https://knadmin.beoblood.kz/uploads/Whats_App_Image_2022_11_10_at_16_42_54_a3a355309e.jpeg" alt="WhatsApp Image 2022-11-10 at 16.42.54.jpeg">

Қазақстан және Қызылорда облысының жаңалықтары