<a href="https://kyzylorda-news.kz/">Kyzylorda-news.kz.</a> Қазақстанда цифрлық эфирлік телехабар таратуға кезең-кезеңімен көшу жүріп жатыр және digital ТВ-ға қатысты ақпараттық роликтер мен материалдарда «DVB-T2» аббревиатурасын естуге, көруге болады. «Бұл не, ол нені білдіреді?» деп кейбір телекөрермендер сұрақ қояды.
DVB-T2 – Digital Video Broadcasting-Second Generation Terrestria деп таратылып оқылады және ағылшын тілінен аударғанда «Екінші буынды цифрлық жерүсті бейнехабар тарату» дегенді білдіреді. Қазақстанда ЦЭТВ бірыңғай стандарты ретінде DVB-T2 еуропалық стандарты таңдалды. Ол жиілік белдеуінде бұрынғыдан гөрі көбірек цифрлық арналарды орналастыруға мүмкіндік береді. DVB-T2 бірдей желілік инфрақұрылым мен жиілік ресурстарында DVB-T-мен салыстырғанда телевизия желілерінің сыйымдылығын кем дегенде 30%-ға жақсартады.
DVB-T2 стандартының артықшылығы – таратылатын пакеттегі арналар санын көбейту, «жергілікті» хабар таратуды ұйымдастыру және жоғары сапалы телевизияны дамыту мүмкіндігі, сондай-ақ, эфир жиіліктерін босату.
Абоненттік құрылғыларда DVB-T2 стандартын қолдану цифрлық эфирлік телехабар тарату желілері арқылы қосымша қызметтер мен HDTV енгізуге мүмкіндік береді. Біздің еліміз біртіндеп ЦЭТВ-ға толық көшетіндіктен, қазақстандықтарға өздерінің теледидарлары DVB-T2 стандартын қолдайтынын-қолдамайтынынтексеру керек.
Теледидар DVB-T2 стандартын қолдайтынын қалай білуге болады?
Ол үшін нұсқаулықты ашасыз, техникалық сипаттамалар бөлімінде цифрлық стандартты қолдау тармағын іздейсіз. Онда – DVB-T/T2 MPEG-4 деп жазылып тұруы тиіс. Немесе сіз Яндекс.Маркет сайтына кіре аласыз. Іздеу өрісіне өзіңіздің теледидар үлгісін енгізесіз. Пайда болған бетте «барлық сипаттамалар» түймесін басасыз. Әрі қарай «сигналды қабылдау» тармағын іздейсіз. Егер сіздің теледидарыңыз цифрлық эфирлік стандартты қолдаса – DVB-T/T2 MPEG4 жазылуы керек.
Көптеген жаңа теледидарлар DVB-T2 стандартын қолдайды. Егер сіздің теледидарыңыз 2013 жылдан ертерек шығарылған болса, DVB-T2 цифрлық қабылдағыш сатып алу керек. Оны ресивер немесеTV-тюнер деп те атайды. Сондай-ақ, дециметрлік антенна қажет. Ресиверді қосу арқылы антеннаны күйге келтіру оңай. Ол үшін:
– тиісті антеннаны таңдаңыз;
– қажетті опциялар жиыны бар TV-тюнер таңдаңыз;
– қосылу схемасына сай коммутация жасаңыз.
Қандай антенна таңдау керек?
Бөлме және далаантенналары болады. Тұрғын үй кешендерінің тұрғындары бірігіп,бір үйге бір антенна қоя алады. Телемұнара үйге тікелей көрініп тұса, қаладағы жеке үйлерде бөлме антеннасын қолдануға болады. Телемұнарадан алыс орналасқан үйлердің тұрғындары үшін дала антеннасы қолайлы.
Цифрлық ТВ үшін қандай ресиверді таңдау керек?
Ресиверлерге таңдау өте үлкен, бірақ цифрлық ТВ қосу үшін бір ғана факт маңызды – DVB-T2 стандарты. Қалған жағынан ресиверлер қосылу тәсілімен (RCA, HDMI,SCART және т.б.), сондай-ақ, қосымша опциялармен ерекшеленеді. Жалғама құралдың (приставка) толық жиынтығына қоректендіру блогы, қашықтан басқару пульті, нұсқаулық кіреді. Қоректендіру блогы сыртқы немесе кіріктірілген болуы мүмкін. Сыртқынысынған жағдайда ауыстыруға болады, ал кіріктірілген түрінің қолданыс тиімділігі төмендеу.
Антенна мен DVB-T2 цифрлық жалғама құралды қалай іске қосуға болады?
Ең алдымен, ең жақын мұнараның орналасқан жерін анықтау керек. Ол үшін онлайн қызметтерді пайдаланыңыз. Сізге ең жақын ЦЭТВ тарату нүктесін www.tsetv.kz сайтынан табуға болады.
ЦТВ қамту картасын қолдана отырып, сіз өзіңіздің арналар пакетіңіздің берілу жиілігін қарай аласыз, қасында хабар таратуда, күтуде деген мәртебелер көрсетіледі.
Осыдан кейін антеннаның бекітілетін жері мен тәсілін анықтап алыңыз. Тарату сапасын жақсарту үшін дала антенналарын сигнал көзіне бағыттау керек. Антеннаны балконға немесе терезе жақтауына бекітіңіз. Әрі қарай кәбілді үйдің ішіменцифрлық қабылдағышқа дейін тартамыз.
Антеннаны цифрлық ресиверге қалай қосуға болады?
Теледидарды желіден өшіріп, ашанырозеткадан ажырату керек.
Антеннадан шығатын, өзіңіз таңдаған RCA немесе HDMI кәбілдің бір ұшын қабылдағышқа, екіншісін теледидарға қосамыз.
Теледидарды желіге, яғни ашаны розеткаға қосыңыз. Теледидардағы немесе пульттегі ON батырмасын басыңыз. AV, HDMI сигнал көзін таңдаңыз. Ресивердің мәзір терезесі пайда болуы керек. Пультте бұл батырма SOURCE, TV/VIDEO, INPUT деп аталуы мүмкін. Жалғама құралдың пультін алып, MENU батырмасын басыңыз.
«ІЗДЕУ» мәзірі тармақтарынан«қолмен іздеу» батырмасын таңдаңыз. UHF (DMV) диапазонын орнатуды ұмытпаңыз. Содан кейін сіз қуат және сигнал сапасының шкалаларын көресіз. 
Антеннаны әртүрлі бағытқа бұрып көріп, ең жақсы жайғасымды таңдап аламыз да, антеннаны бекітеміз.
Тағы да мәзірге өтіңіз. «ІЗДЕУ» — «Авто іздеу» дегендітаңдаңыз. Арналар автоматты түрде қойылады.
Бүгінгі таңда DVB-T2 таратқыштары Маңғыстау, Жамбыл, Түркістан, Алматы, Павлодар, Қостанай, Қарағанды, Солтүстік Қазақстан, Ұлытау, Жетісу облыстарында және Нұр-Сұлтан, Алматы, Шымкент қалаларында жұмыс істейді. Бұл, егер сізде тиісті теледидар немесе жалғама құрал болса, республикалық маңыздағы қалалар мен облыс орталықтарында 30-ға жуық, облыс орталығынан төмен жерлерде 15-ке арнаны жуық еш кедергісіз тамаша сапада қабылдауға және көруге болады деген сөз.
Сіз тұратын елді мекенде цифрлық сигналдың бар-жоқтығы туралы сұрақтарменСіз сall-орталыққа қалалық телефоннан 193 және ұялы телефоннан 8 8000 800 193 нөмірлері арқылы хабарласа аласыз – қоңырау шалу тегін.

DVB-T2 дегеніміз не және оны қалай іске қосуға болады?

<a href="https://kyzylorda-news.kz/">Kyzylorda-news.kz.</a>&nbsp;Бүгін Назарбаев Зияткерлік мектептерінің конкурстық іріктеуден сәтті өткен «Өркен» білім грант иегерлері үшін бағдарлау аптасы басталды.
Жаңа оқу жылының алдында ұйымдастырылған бейімдеу апталығының алғашқы күнінде жас өрендер мектепті аралап, оның материалдық-техникалық мүмкіндіктерін көзбен көрді. Өзін-өзі басқару ұйымының көшбасшылары білім ордасы туралы қызықты деректер мен тәрбие бағытындағы жұмыстар туралы таныстырылым жасап, сауалдарына жауап берді.
<blockquote>
 «Мені математика, тілдер, биология, химия пәндері ерекше қызықтырады. Бұл мектеп маған әртүрлі бағытта заманауи білім беріп, өз-өзімді дамытуға септігін тигізеді деп ойлаймын», – дейді Сұңқар Әбсәләм.
</blockquote>
Ертеңнен бастап оқушылар үшін тілдік және жаратылыстану-математикалық пәндер бойынша оқу сабақтары басталады. Ұстаздар шәкірттеріне NIS бағдарламасына шеңберінде білім беріп, жаңа оқу жылына дайындайды.
<blockquote>
 «NIS-те үздік білім алып, еліміздің дамуына үн қосқым келеді. Химия, биология және математика ғылымдарына деген қызығушылығым ерекше. Мектептің озық тәжірибесі келешекте менің дамуыма, білімді болуыма, алға қойған жоспарларымды іске асыруға көмектеседі», – дейді Айзере Жақыпбек.
</blockquote>
<img src="https://kyzylorda-news.kz/wp-content/uploads/2022/08/301003667_3169625583367354_3998068017593292112_n.jpg" alt="" />
<img src="https://kyzylorda-news.kz/wp-content/uploads/2022/08/300814515_3169625570034022_8003909743429726765_n.jpg" alt="" />

«Өркен» грант иегері: Үздік білім алып, елдің дамуына үн қосқым келеді

<a href="https://kyzylorda-news.kz/">Kyzylorda-news.kz.</a>&nbsp;Бүгін ҚР Парламенті Мәжілісінің депутаты Ғалым Әміреев Қазалы ауданына жұмыс сапарымен барып, әлеуметтік нысандарды аралады. Сонымен қатар, тұрғындармен кездесіп, халықтың ұсыныс-пікірлерін тыңдады.
Ғалым Махмұтбайұлы Ғ.Мұратбаев пен Жанкент ауылының тұрғындарымен кездесуі барысында ҚР Парламенті Мәжілісінің қабырғасында атқарылып жатқан жұмыстарды тілге тиек етті.
Мәжіліс депутаты алдымен халықтың көкейінде жүрген азық-түлік бағасын тұрақтандыру бағытында қолға алынған шаралармен таныстырып, өзекті мәселені оңтайлы шешу үшін түрлі ұсыныстар қарастырылып жатқанын жеткізді.
Еркін форматта өткен жүздесуде тұрғындар көкейдегі ойларын іркіп қалған жоқ. Кезек ұсыныс-пікірлерге берілгенде мәселелер ашық айтылды.
Шығыстың жарық жұлдызы Ғани Мұратбаев атындағы ауылда өткен кездесуде алдымен ардагерлер кеңесінің төрағасы Ідір Дәстен халық қалаулысына тұрғындардың өтініш-тілектерін тыңдауға арнайы келгені үшін алғысын айтты.
Мұнан соң Елеусіз Әбу Әйтеке би кентіндегі жаңадан ашылған емхана компьютерлің томография мен МРТ аппаратын алу, бюджет қаржысын тиімді пайдалану сынды ұсыныстарын айтты. Ал, Серік Дәуітов еліміздегі жер дауын реттеуге байланысты Үкімет қабырғасында қандай заң жобалары қарастырылып жатқанын және «2 немесе 3 баласы бар отбасыларға неге жәрдемақы берілмейді?» деген сұрақтарын қойды.
Жанкент ауылында еркін форматта өткен кездесуде тұрғындар «Қарлаң» көпірінің құрылысын жандандыру, әйелдердің зейнет жасын төмендету және қатты отынның сапасы жайлы мәселелерді көтерді.
Елді мекен тұрғындарымен кездесуден соң Ғалым Махмұтбайұлы азаматтарды жеке мәселесі бойынша қабылдап, өтініш-тілектерін тыңдады.
Қазалы ауданына жұмыс сапары кезінде ҚР Парламенті Мәжілісінің депутаты Ғалым Әміреев жақында ғана пайдалануға берілген емхана ғимаратында медицина қызметкерлерімен кездесіп, олардың ұсыныс-пікірлерін тыңдады. Сондай-ақ, Әйтеке би кентіндегі 250 орындық мектеп, Қазалы қаласындағы 140 орындық «Өрімтал» балабақшасы, қала мен кенттің екі аралығындағы жолды кеңейту және Сырдария өзенінің «Қарлаң» учаскесінде салынып жатқан темір-бетон көпірінің құрылысымен танысты.
ҚР Парламенті Мәжілісінің депутаты Ғалым Махмұтбайұлының Қазалыға жұмыс сапары кезінде аудан әкімі Мұхтар Оразбаев, аудандық мәслихат хатшысы Бақытжан Жарылқап, «Amanat» партиясы аудандық филиалының атқарушы хатшысы Нұрғиса Жалғасбаев бірге жүрді.
<img src="https://kyzylorda-news.kz/wp-content/uploads/2022/08/299913901_3436439956576927_4123426462558287256_n.jpg" alt="" />
<img src="https://kyzylorda-news.kz/wp-content/uploads/2022/08/299941693_3436441599910096_325521711781519265_n.jpg" alt="" />

Ғалым Әміреев: Тұрғындардың ұсыныс-пікірлері – басты назарда

<a href="https://kyzylorda-news.kz/">Kyzylorda-news.kz.</a>&nbsp;Шиелі ауданы әкімінің орынбасары Алмасбек Есмаханов кәсіби спортшылар күні мерекесі күні қарасаңында бірқатар аудан спортшылары мен ардагерлерін қабылдады.
Қабылдауға аудандық спорт бөлімінің басшысы Н.Сапарбай, облыстық, республикалық, әлемдік додаларда еліміздің көк туын желбіретіп жүрген бірқатар аудан спортшылары мен бұқаралық ақпарат құралдары қызметкерлері қатысты.
Қабылдау барысында аудан әкімінің орынбасары Алмасбек Есмаханов аудан спортшыларын кәсіби меркесімен құттықтап, ауданымыздың спорт саласының дамуына ерекше үлес қосып жүрген бірқатар ардагерлер мен спортшыларды аудан әкімі Ахатов Нұржан Сәбитұлының алғыс хаттарымен марапаттады.
<blockquote>
 «Биылғы жылы спортшыларымызға қолайлы жағдай жасап, бұқаралық және кәсіби спортты одан әрі дамыту мақсатында аймақ басшысының қолдауымен бюджеттен барлығы 1 млрд.теңге жуық қаражат бөлініп отыр. Жаңадан Шиелі кентінен заманауи талаптарға сәйкес 180 орындық спорт сауықтыру кешенінің құрылысы бастау алып, Көкшоқы мөлтек ауданында спорт кешенінің және Балаби ауылындағы спорт мектебінің ғимаратына күрделі жөндеу жұмыстары жүргізілуде. Бұл – өз кезегінде спортшыларымыздың еркін түрде спортпен айналысып, әлемдік аренада биік белестерді бағындырып, еліміздің көк туын желбіретуге үлкен мүмкін беретін болады», – деді аудан әкімінің орынбасары Алмасбек Есмаханов.
</blockquote>
Айта кетейік, Азия біріншілігінде ауыр атлетикадан Сансызбаева Айсамал 20 жасқа дейінгі жастар қатарында күміс жүлдегер атанып, халықаралық дәрежедегі спорт шебері нормативін орындап, екі дүркін азия чемпионы атанды. Сонымен қатар таеквондодан Қапанова Ботакөз Оңтүстік Корея мемлекетінде өткен азия біріншілігінде күміс жүлдегер атанса, жақында ғана Түркияның Конья қаласында өткен Ислам ынтымақтастығы ойындарында ауыр атлетикадан ауданымыздың мақтаныштары жерлестеріміз Айзада Мүптілда чемпион атанып, Бектай Асылжан қола жүлдеге ие болды.
Қабылдау соңында аудан әкімінің орынбасары Алмасбек Есмаханов ауданымыздың спорт саласының дамуына ерекше үлес қосып жүрген спортшыларымызға сәттілік тіледі.
<img src="https://kyzylorda-news.kz/wp-content/uploads/2022/08/300440535_1376633046200484_6609897715094346310_n.jpg" alt="" />
<img src="https://kyzylorda-news.kz/wp-content/uploads/2022/08/300436642_1376633056200483_2620741943335673732_n.jpg" alt="" />
<img src="https://kyzylorda-news.kz/wp-content/uploads/2022/08/300505519_1376633019533820_6177754770686277927_n.jpg" alt="" />
<img src="https://kyzylorda-news.kz/wp-content/uploads/2022/08/300580900_1376633076200481_8249749872825614387_n.jpg" alt="" />
<img src="https://kyzylorda-news.kz/wp-content/uploads/2022/08/300558528_1376632906200498_2697095412530729510_n.jpg" alt="" />

Шиелі ауданында спортшылар марапатталды

<a href="https://kyzylorda-news.kz/">Kyzylorda-news.kz.</a>&nbsp;Қызылордада ауа райына байланысты ескерту жарияланды.
23 тамызда Қызылорда облысының орталығында жел солтүстіктен, солтүстік-шығыстан соғады, күндіз желдің жылдамдығы 15-20 м/с күтіледі.
Облыстың басым бөлігінде төтенше өрт қаупі сақталады.

Қызылордада ауа райына байланысты ескерту жарияланды

<a href="https://kyzylorda-news.kz/">Kyzylorda-news.kz.</a> Қызылорда қаласында төрт метрлік құдыққа түсіп кеткен екі жасар баланы кездейсоқ өтіп бара жатқан жасөспірім құтқарып қалды.
Оқиға 19 тамыз күні орын алған. Баланың шұңқырға түсіп кеткенін көрген жасөспірім бірден құтқару үшін құдыққа түскен.
Жасөспірім баланы аман-есен алып шыққан. Өзі де еш жарақат алмаған. Құдыққа құлап кеткен баланың ата-анасы медициналық көмекті қажет етпеген.
Төтенше жағдайлар департаментінің бұл фактіні тіркемегені белгілі болды. Осыған байланысты батыр баланың аты-жөнін анықтау мүмкін болмаған.
Кейін белгілі болғандай, жас құтқарушы 15 жастағы Арман Аманжолов Арал ауданы Бөген ауылының тумасы екен. Жасөспірім облыс орталығына колледжге құжат тапсыру үшін келген. Сол күні ол көшеде келе жатып, кішкентай баланың анасының алдында жүгіріп жүргенін көреді. Бір уақытта анасы айқайлап, көмек шақырады.
<blockquote>
 «Мен кішкентай баланың құдыққа құлап кеткенін көрдім. Көп ойланбай, соңынан секірдім. Менде тек бір ғана ой: баланы құтқарып қалу болды», – дейді Арман Аманжолов.
</blockquote>
Осы уақытта көмекке ер адам келіп, кішкентай баланы, одан кейін Арманның өзін құдықтан шығарып алады.
Арман Аманжолов көп балалы отбасының кенжесі. Ол Қызылордаға М.Ықсанов атындағы Қызылорда политехникалық колледжіне инженер-электрик мамандығы бойынша оқуға түсу үшін келген. Қазір Арман комиссияның қорытындысын күтіп отыр.

Арман Аманжолов: Көп ойланбай, соңынан секірдім

<a href="https://kyzylorda-news.kz/">Kyzylorda-news.kz.</a> Қызылордалық Айгүл Оңғарбаеваның қолөнер бизнесімен айналысып келе жатқанына 25 жылдан асты. Түрлі киімдер мен әшекей бұйымдар жасап, ұлттық құндылықтарды дәріптеуге үлес қосып келеді.
<blockquote>
 «Тігін шеберханамыз 1996 жылдан бастап Қызылорда қаласында жұмыс істей бастады. Бастапқыда жеке тапсырыстар қабылдап, киім тігіп оны сатумен айналыстық. Ал 2001 жылы перде тігуге кірістік. Осы бағыттың тиімділігін байқаған соң перде тігу ісіне түпкілікті көштік. Жылдар өте келе «Даму» кәсіпкерлікті дамыту қорының қолдауының арқасында 2015, 2019 жылы және былтыр бизнесімізге субсидия алдық. Мемлекеттің бұл қолдау, көмегінің арқасында бүгінде Нұр-Сұлтан қаласынан да бөлім ашуға қол жеткіздім. Қазір Қызылорда қаласында және елордамызда ұлттық нақыштағы дүкеніміз жұмыс істеп тұр», – дейді Айгүл Оңғарбаева.
</blockquote>
Кәсіп иесі «Даму» қоры арқылы көрсетілетін мемлекеттік қолдаудың арқасында кәсіпкер тігін машиналарын көбейтіп, жаңартқан. Сондай-ақ, бизнесін одан әрі дамыту үшін былтыр банктен 20-50 млн-ға дейін несие алды. Бүгінде шеберханада тігін құрылғыларының барлық түрі бар. Қала халқын ұлттық нақышта жасалған перде, жалюзи, ролл-перделер мен киім-кешек, үйге арналған өзге де тоқыма бұйымдарымен қамтамасыз етіп отыр.
Айта кетейік, кәсіпкер осы бизнес аясында жеті адамды жұмыспен қамтып отыр.
<img src="https://kyzylorda-news.kz/wp-content/uploads/2022/08/301140033_1247603282667533_4344251805038061501_n.jpg" alt="" />

Қызылордалық кәсіпкер 25 жылдан бері қолөнер бизнесімен  айналысып келеді

<a href="https://kyzylorda-news.kz/">Kyzylorda-news.kz.</a> Көкпардан ҚР ұлттық құрамасының мүшелері осы жылдағы екінші оқу-жаттығу жиынын өткізді. Тамыз айында Алматы облысы, Еңбекшіқазақ ауданы, Олимпиадалық даярлау орталығында&nbsp; жалпы дене дайындығы бойынша жаттығу жасап, спортшылар физикалық тұрғыдан шыныққан болатын.
Кезекті оқу-жаттығу жиыны 7-20 тамыз аралығында Жамбыл облысы, Тараз қаласындағы «Атлетик» спорт базасында өтті. Бұл оқу-жаттығу жиынында спортшылар арнайы дайындықтан өтіп, аттармен бірге жаттығу жасады.
Көкпардан бас жаттықтырушы Қуанышбек Құрамаев ұлттық құрамадағы 24 спортшыны жан-жақты дайындықтан өткізуде. Құрамада еліміздің барлық өңірінен мықты спортшылар қамтылған.
Ұлттық құраманың сапында көкпардан ҚР еңбек сіңірген спорт шебері Абылайхан Нышанбеков (еңкеюдің хас шебері, @ablai_077kz), көкпардан Азия чемпионы – Құрманбек Тұрғанбек (қазақтың Мессиі, @qurmash.08) сынды белді шабандоздар бар. Сондай-ақ, еліміздің намысын Нұрқасқа, Бүркіт, Заңғар, Найман, Кәмпит, Қаршығасынды үздік аттар қорғайтын болады.
Аталған оқу-жаттығу жиындары IV Дүниежүзілік көшпенділер ойындарына бағытталған.Көшпенділердің дәстүрі мен жауынгерлік рухын жаңғыртқан IV Дүниежүзілік көшпенділер ойындары Түркияның Изник қаласында 29 қыркүйек пен 2 қазан аралығында өтеді.
Қазіргі таңда «Ұлттық және ат спорты түрлері орталығынан» көкпар мен қазақ күресінен ұлттық құрамалар дайындықтарын пысықтап жатыр.
Сонымен қатар, Орталыққа қарасты асық ату, аударыспақ, жамбы ату, тоғызқұмалақ, саятшылық, теңге ілу ұлттық спорт түрлері де қатысады деп күтілуде.
<img src="https://kyzylorda-news.kz/wp-content/uploads/2022/08/photo_5406945264377381600_y.jpg" alt="" />

Көкпардан ҚР ұлттық құрамасы оқу-жаттығу жиынын аяқтады

<a href="https://kyzylorda-news.kz/">Kyzylorda-news.kz.</a> 2022 жылдың 31 тамызынан бастап Қызылорда облыстарында ішінара цифрлық эфирлік хабар таратуға кезең-кезеңімен көшуі жоспарлануда. Енді сүйікті бағдарламаларыңызды жақсартылған сапада көру бұрынғыдан да қолжетімді бола түспек.
Цифрлық хабар тарату – бұл жоғары сигнал тарату жылдамдығы бар жаңа буын телевизиясы. Ол көбірек мүмкіндіктер мен қызметтер: қосымша арналар, сурет пен дыбыстың ең жақсы сапасы, мультимедиялық қосымшалар, радио, түймені бір басумен экранға шығарылатын электронды бағдарламалар, субтитр тілін таңдау және басқа да көптеген жаңа енгізілімдер ұсынады.
Аналогтан» айырмашылығы, цифрлық сигнал кедергіге төзімді және телекөрермендерге шу мен бұрмалаусыз, тіпті ең шалғай елді мекендерде де бастапқы түрінде беріледі. Цифрлық телевизияға көшкеннен кейін көрермендер іркілістер және сурет пен дыбыстың нашар сапасы туралы ұмытады. 
ЦЭТХТ-ға көшу телевизияда ашылған жаңа бағыт.Сондай-ақ, цифрландыру шағын елді мекендерде аналогты форматтағы 2-3 телеарнаның орнына цифрлық форматта 15 телеарнаға дейін көп телеарналар қабылдауға мүмкіндік береді, сонымен қатар, оларды тарату үшін электр энергиясын тұтынуды едәуір азайтады. Облыс орталықтарында көрермендерге 30-ға жуық арна қолжетімді болады.
Қызылорда облысы бойынша аналогты телевизия өшірілетін елді мекендердің толық тізімі:
1 Қызылорда-Махамбетов 
2 Қызылорда-Калғандарья 
3 Қызылорда-Абай 
4 Қызылорда-Айнакөл 
5 Шиелі-16 разъезд 
6 Қызылорда-Қызылорда 
7 Қызылорда-Белкөл 
8 Қызылорда-Тасбөгет 
9 Сырдария-Теренөзек 
10 Шиелі-1 Мамыр 
11 Сырдария-Амангельды 
12 Сырдария-Бесарық 
13 Қызылорда-Бірқазан 
14 Шиелі-Бірлестік 
15 Қызылорда-Геологов 
16 Қызылорда-Досан 
17 Сырдария-H.Ильясов 
18 Сырдария-Токмаганбетов 
19 Сырдария-Инкардарья 
20 Қызылорда-Иркөл 
21 Қызылорда-Қараөзек 
22 Қызылорда-Қарауылтөбе 
23 Сырдария-Қоғалыкөл 
24 Қызылорда-Кубас 
25 Қызылорда-Қызылжарма 
26 Қызылорда-Байқадам 
27 Шиелі-Сұлутөбе 
28 Қызылорда-Талдыарал 
29 Сырдария-Шаған 
30 Сырдария-Шіркейлі 
31 Қызылорда-Қараөзек 
32 Қызылорда-Талсуат 
33 Қызылорда-11 разъезд 
34 Сырдария-8 разъезд 
35 Сырдария-9 разъезд 
36 Шиелі-Лесхоз 
37 Шиелі-Майлытоғай 
38 Шиелі-Ортақшыл 
39 Шиелі-21 разъезд 
40 Шиелі-22 разъезд 
41 Шиелі-Алғабас 
42 Шиелі-Шиелі 
43 Шиелі-20 разъезд 
44 Шиелі-Алмалы 
45 Шиелі-Байгеқұм 
46 Жаңақорған-Байкенже 
47 Шиелі-Байсын 
48 Шиелі-Бала би 
49 Шиелі-Бестам 
50 Шиелі-Бидайкөл 
51 Шиелі-Ботабай 
52 Шиелі-Бұланбайбауы 
53 Шиелі-Досболби 
54 Жаңақорған-Екпінді 
55 Жаңақорған-Еңбек 
56 Шиелі-Еңбекші 
57 Шиелі-Жансейіт 
58 Шиелі-Жиделіарық 
59 Шиелі-Жөлек 
60 Шиелі-H.Бекежанов 
61 Шиелі-И.Жақаев 
62 Шиелі-Қызылқайын 
63 Жаңақорған-Сұнақата 
64 Жаңақорған-Тақыркөл 
65 Шиелі-Тартоғай 
66 Жаңақорған-Томенарық 
67 Шиелі-Ш.Кодаманова 
68 Жаңақорған-Билибай 
69 Жаңақорған-Қожамберді 
70 Шиелі-АбділдаТажибаева 
71 Шиелі-Ақмая 
72 Шиелі-Ақтам 
73 Шиелі-Полуказарма 
74 Шиелі-Жуантөбе 
75 Шиелі-Кирпичный завод 
76 Шиелі-18 разъезд 
77 Шиелі-Ферма 2 
78 Шиелі-Қосуйеңкі 
79 Шиелі-19 разъезд 
80 Арал-Мойнақ 
81 Арал-Конту 
82 Арал-Сапақ 
83 Арал-Жақсықылыш 
84 Арал-Арал 
85 Арал-86 разъезд Жалғызағаш 
86 Арал-88 разъезд Тасбөгет 
87 Арал-Көктем 
88 Арал-Тоқабай 
89 Арал-Шижаға 
90 Арал-Аралкұм 
91 Арал-Кұршек 
92 Арал-85 разъезд Сарышыганақ 
93 Арал-87 разъезд Алтықудық 
94 Қармақшы-Қызылтам 
95 Қармақшы-Қоркыт 
96 Қармақшы-Абыла 
97 Қармақшы-Жосалы 
98 Қармақшы-Иркол 
99 Қармақшы-Төребайби 
100 Қармақшы-КемесАлған 
101 Қармақшы-Ордазы 
102 Қармақшы-Шошкакөл 
103 Қармақшы-Анакөл 
104 Қармақшы-Бірлік 
105 Қармақшы-3 интернационал 
106 Қармақшы-Жаңажол 
107 Қармақшы-Ақтөбе 
108 Арал-Қамыстыбас 
109 Арал-Шомиш 
110 Арал-93 разъезд Укілісай 
111 Қазалы-Шөлқұм 
112 Арал-91 разъезд 
113 Арал-92 разъезд 
114 Қазалы-Майлыбас 
115 Қазалы-Муратбаев 
116 Қазалы-Пірімов 
117 Қазалы-Көбек 
118 Қазалы-Абай 
119 Қазалы-Қазалы 
120 Қазалы-Айтекеби 
121 Қазалы-96 разъезд Кеңес 
122 Қазалы-Алтай разъезд 
123 Қазалы-Ойында разъезд 
124 Қазалы-Басықара 
125 Қазалы-Бірлік 
126 Қазалы-Водокачка 
127 Қазалы-Жалантос батыр 
128 Қазалы-Жұбан 
129 Қазалы-Актан батыр 
130 Қазалы-Жанқожа батыр 
131 Қазалы-Үйрек 
132 Қазалы-Уркендеу 
133 Қазалы-Бірлік 
134 Қазалы-98 разъезд 
135 Қазалы-Мәдениет 
136 Жаңақорған-Озгент 
137 Жаңақорған-Талап 
138 Жаңақорған-Әбдіғаппар 
139 Жаңақорған-Ақжол 
140 Жаңақорған-Аққум 
141 Жаңақорған-Апанқақ 
142 Жаңақорған-Жаңақорган 
143 Жаңақорған-Жайылма 
144 Жаңақорған-Жаңарық 
145 Жаңақорған-Кейден 
146 Жаңақорған-Қуттықожа 
147 Жаңақорған-Қызылмакташы 
148 Жаңақорған-Шалқия 
149 Жаңақорған-Ақсуат 
150 Жаңақорған-Қауық 
151 Жаңақорған-Корасан 
152 Қармақшы-АлдашбайАхун 
153 Қармақшы-Тұрмағанбет 
154 Қармақшы-Шалқар 
155 Арал-Құланды 
156 Жаңақорған-Манап 
157 Жаңақорған-Бесарық 
158 Жаңақорған-Бесарық 
159 Жаңақорған-Кенес 
160 Жаңақорған-Бірлік 
161 Жаңақорған-Қожакент 
162 Арал-Ақбасты 
163 Жалағаш-Мәдениет 
164 Жалағаш-Мақпалкөл 
165 Жалағаш-Мырзабайахун 
166 Қармақшы-Ақжар 
167 Жалағаш-Жанаталап 
168 Қармақшы-Таңшапагы 
169 Жаңақорған-Баспақкөл 
170 Жаңақорған-Қандоз 
171 Жаңақорған-Қашқанкөл 
172 Жаңақорған-Қосуйеңкі 
173 Қармақшы-Көмекбаев 
174 Қармақшы-Қуандария

Әрбір үйге «цифрдан»

<a href="https://kyzylorda-news.kz/">Kyzylorda-news.kz.</a> Биылғы тестілеу нәтижесі бойынша жоғары оқу орындарына 5439 бітіруші түлек құжат тапсырып, оның 4082-сі мемлекеттік білім беру грантына қол жеткізді. Жаңа 2022-2023 оқу жылына Қорқыт ата атындағы Қызылорда университетіне мемлекеттік грант бойынша оқуға қабылданған талапкерлер саны 949-ды құрап отыр. Бұл туралы Өңірлік коммуникациялар қызметінде өткен баспасөз конференциясында айтылды.
Мемлекеттік гранттың басым бөлігі қай бағытқа бөлінді? Қоғамның қай санаттағы өкілдеріне жеңілдіктер қарастырылған? Осы және өзге де сауалдарға Қорқыт ата атындағы Қызылорда университетінің ректоры – Басқарма Төрағасы Бейбіткүл Кәрімова жауап берді.
<blockquote>
 «Биылғы оқу жылына бөлінген 949 мемлекеттік гранттың 448-і – педагогикалық, 255-і инженерлік бағытқа бөлінген. Бұл – біздің ұжым үшін үлкен мақтаныш. Өйткені бұған дейінгі жылдарда көп көлемде грант мөлшері қарастырылмаған. Айта кетейік, оқу орнына мемлекеттік грант бойынша оқуға түскендер 2021 жылы 795 болса, биыл бұл көрсеткіш 19,37 пайызға артып отыр. Бұдан бөлек, өңірге қажетті мамандықтар бойынша 2022 жылға облыс әкімінің 42 гранты бөлінді. Ауылдық жерлердегі жағдайы төмен отбасылардан шыққан талапкерлерге, жетім бала санатына жататын және кәмелеттік жасқа дейін ата-анасының қамқорлығынсыз қалған және мүмкіндіктері шектеулі, соның ішінде мүгедектігі бар талапкерлерге «Қазақстан халқына» қоғамдық қорынан 10 грант берілді», – деді Бейбіткүл Сәрсемханқызы.
</blockquote>
Сондай-ақ, магистратура бойынша 621 талапкер Қорқыт ата атындағы Қызылорда университетін таңдаса, докторантураға 21 үміткер өтініш білдірген.
<img src="https://kyzylorda-news.kz/wp-content/uploads/2022/08/bejbitkwl.jpg" alt="" />

Қорқыт ата атындағы Қызылорда университетіне мемлекеттік грантпен 949 талапкер оқуға түсті

<a href="https://kyzylorda-news.kz/">Kyzylorda-news.kz.</a> Жыл басынан бері өңірімізде коронавирус инфекциясымен 6286 адам ауырған. Соңғы тәулікте індеттің 3 жаңа ошағы тіркелді. Бүгінде облыс бойынша 545 инфекциялық стационарда 21, реанимациялық төсек-орында 4 науқас ем қабылдап жатса, амбулаториялық жағдайда 149 науқас бақылауда. Бұл туралы Өңірлік коммуникациялар қызметінде өткен баспасөз конференциясында облыстық денсаулық сақтау басқармасы басшысының орынбасары Жангелді Шаймбетов мәлімдеді.
<blockquote>
 «Облыста ұжымдық иммунитетті қалыптастыру мақсатында екпе алуға қабілетті тұрғынның I-ші компонентімен 95%-ы, II-ші компонентімен 93,9%-ы вакциналанды. «Pfizer» вакцинасының I-ші компонентімен 85 920 адам, ал II-ші компонентімен 85 797 адам қамтамасыз етілді. Ревакцинация жұмыстары басталғалы 243 403 тұрғын екпе алған. Ал қайта ревакциналаумен 28 635 адам қамтылды», – деді Жангелді Мырзагелдіұлы.
</blockquote>
Жаһандық пандемия басталғаннан бері Қызылорда облысы бойынша коронавирус инфекциясының 25720 жағдайы анықталған. Оның ішінде 16 833 жағдай ауру симптомды болса, 8887 деректе клиникалық белгілер байқалмаған.
<blockquote>
 «Қазіргі күні облыс тұрғындарының 71,2 пайызы ревакцинациямен қамтылды. Дәл қазіргі уақытта облыста 476 доза «Казвак», 10 595 доза «Синовак» вакцина қоры бар. Тұрғындар өз таңдауы бойынша ревакциналаудан өте алады», – деп мәлімдеді облыстық санитарлық-эпидемиологиялық бақылау департаментінің бөлім басшысы Жанар Нәбиқызы.
</blockquote>

Қызылордада «QAZVAC», «SINOVAC» вакциналары бар

<a href="https://kyzylorda-news.kz/">Kyzylorda-news.kz.</a>&nbsp;Әлем үнемі өзгеріп отырады. Өмірдің түрлі салаларына еніп жатқан заманауи технологиялардың қарқынды дамуы телевизия саласында біржола жаулап алды. Қазақстанда аналогты телехабар таратудың цифрға көшуі 2018 жылы басталды және шынымен де кең ауқымға ие болды. Цифрлық хабар тарату дәуіріне бірнеше облыс қадам басып, халықты қамту деңгейі 92%-дан асты. Елде аналогты хабар тарату 2025 жылы тоқтатылады деп болжануда.
Бүгінде халықтың көп бөлігі теледидар көреді, бұл – ақпарат таратудың маңызды құралы және әрбір азаматтың конституциялық құқығы болып табылады. Цифрлық хабар тарату – бұл ақпараттар ағыны мен қазақстандықтардың өмір сүру деңгейін қамтамасыз етудегі жаңа сапалы қадам. Цифрландыруға көшу қоғам мен қазіргі заманғы технологиялардың даму динамикасын көрсететін ең маңызды техникалық, әлеуметтік, мәдени, экономикалық және саяси мәселе десек, артық айтқандық емес.
«Аналогты» және «цифрлық» телевизия арасындағы айырмашылық неде?
Аналогтытелехабартаратудасурет пен дыбысты беру үшін аналогты электр сигналы қолданылады және бір жиілікке бір арна бекітіліп беріледі. Аналогты хабар тарату телевизия пайда болғаннан бері қолданылып келеді және оның айқындығы, түсі мен дыбысы ағынның амплитудасының, жиілігі мен фазасының тез өзгеруімен ұсынылады. Сигнал үздіксіз диапазонда өзгеріп отырады және сыртқы әсерлерге бейім, нәтижесінде кескін көп бұрмалануы мүмкін. Егер сигнал тым алысқа берілсе, онда кескінде жарқыл, «қар» пайда болып, сурет бұзылады және басқада кемшіліктер пайда болады. Қазір көптеген фильмдер мен телехабарлар цифрлық пішімде түсіріледі, өйткені аналогты пішімде ТВ кескінмен дыбыстың ерекше эффектілерін толық жеткізе алмайды.
Сондықтан аналогты телевизия іс жүзінде әбден ескірді, өйткені ол бүкіл әлемде енгізіліп жатқан цифрлық хабар тарату жүйесінен барлық жағынан төмен.
ЦЭТВ-ға көшу телевизиядағы жаңа бағытқа жол ашты, ол іс жүзінде кейінгі ұрпақтың ұялы байланысымен тығыз байланысты, телевизия бағдарламаларын бөлме ішінде де, жүріп бара жатқан көлік ішінде де, мобильді құрылғыларға да қабылдауды қамтамасыз етеді. Сондай-ақ, цифрландыру шағын елді мекендердің тұрғындарына аналогты пішімдегі 2-3 телеарнаның орнына, цифрлық 15 телеарнаны қабылдауға мүмкіндік береді, сонымен бірге, оларды таратуға кететін электрэнергиясының шығынын едәуір азайтады.
Бұл тәсіл телевизиялық хабар тарату қызметтерінің сапасын айтарлықтай жақсарта алады. Цифрлық телевизиялық хабар таратуды дамыту қолжетімді бағдарламалар санын күрт көбейтуге, елдің барлық тұрғындарына ақпараттық ресурстарға тең қолжеткізуді қамтамасыз етуге, телебағдарламалардың кескіні мен дыбысының сапасын арттыруға мүмкіндік береді.
Цифрлық хабар тарату – бұл сигнал беру жылдамдығы жоғары жаңа буын телевизиясы. Ол көптеген мүмкіндіктер мен қызметтерді ұсынады: көп арналар, сурет пен дыбыстың үздік сапасы, электрондық пошта, мультимедиялық қосымшалар, радио, батырманы бір басу арқылы экранға шығатын электрондық хабарлар бағдарламасы, субтитр тілін таңдау және басқа да көптеген жаңалықтар. Цифрлық сигнал кедергіге төзімді және көрермендерге, тіпті ең алыс елді мекендерге өзінің бастапқы түрінде, шу мен бұрмаланусыз жетеді.
Қазақстандықтар отандық телеарналарды цифрлық сапада және ай сайынғы төлемсіз, облыс орталықтары мен Нұр-Сұлтан, Алматы, Шымкент қалаларында 30-ға жуық, ал өңірлердің елді мекендерінде 15-тен кем емес телеарананы көре алады. Телеарналар екі тілде – орыс және қазақ тілдерінде ұсынылады.
2025 жылға қарай цифрлық эфирлік телевизиямен Қазақстан Республикасы халқының кем дегенде 98%-ын қамтамасыз ету жоспарланып отыр.

Қазақстан және Қызылорда облысының жаңалықтары