<a href="https://kyzylorda-news.kz/">Kyzylorda-news.kz.</a> Бүгін Қармақшы ауданы әкімі Әділбек Ерсұлтанов ҚР Президентінің 2022 жылғы 03 наурыздағы №826 «Әкімдердің халықпен кездесулерін өткізу туралы» Жарлығын іске асыру аясында, Иіркөл, Төребай би ауылдық округтерінде халықпен кездесуі жалғасын тапты.Кездесу барысында алдымен ауыл әкімдерінің халықтың әл-ауқатын, тұрмыстық деңгейін жақсарту бағытында атқарылған жұмыстары тыңдалды. Сонымен қатар аудан әкімі ауданның әлеуметтік-экономикалық даму көршеткіштеріне тоқталып,аймақтың жағымды жаңалықтарын жеткізіп, алдағы атқарылар жоспарларымен бөлісті.Аудандағы төрт түлік мал басы санының өсуіне байланысты жайылымдық жерлердің жетіспеушілігін болдырмау мақсатында елді мекендерден шалғай орындардағы көне су ұңғымаларын тазарту арқылы, қайта іске қосу үшін 26 су ұңғымасы құжаттандырылып ұсынылған. Оның ішіндегі 2 су ұңғымасы осы ауылдық округтердің аумағында орналасқандығын, сондай-ақ, Иіркөл ауылдық округінің Достық көшесін жарықтандыру жұмыстарына аудандық бюджеттен қаржы қаралып, қазіргі кезде жарықтандыру жұмыстары жүргізілуде екендігін жеткізді.Сонымен қатар биылғы жылы елді мекендер бойынша су тапшылығы жағдайында қашыртқы суларын қайта пайдалану үшін егістік жерлерді суармалы сумен қамтамасыз ету және үй-іргелік жерлерде өсірілген көкөніс, жеміс-жидек өнімдерін аяқ сумен қамтамасыз ету үшін 18 дана, барлығы 57 дана насос тұрақты жұмыс жасағандығын айтты.Кездесу барысында аудан әкімі ауылдық округтер бойынша тұрғындардың толғандырып жүрген талап-тілектерін тыңдады.Көтерілген мәселелер қатарын заңдылықтар аясында шешуді жауапты сала басшыларына тапсырып, шешілу мүмкіндіктерін міндеттеді.<img src="https://knadmin.beoblood.kz/uploads/315395089_2219129234924637_5226506387448511528_n_a1667c79a6.jpg" alt="315395089_2219129234924637_5226506387448511528_n.jpg"><img src="https://knadmin.beoblood.kz/uploads/315327168_2219129318257962_574106305142773168_n_7f45053f58.jpg" alt="315327168_2219129318257962_574106305142773168_n.jpg"> &nbsp;

Қармақшы ауданы әкімі Иіркөл, Төребай би ауылы тұрғындарымен кездесті

<a href="https://kyzylorda-news.kz/">Kyzylorda-news.kz.</a> 17 қараша - Халықаралық студенттер күнінде Қызылорда облыстық «Жастар ресурстық орталығы» мекемесінде аймақ жастарына арналған дыбыс жазу студиясының, «Ақиқат» дебат клубының облыстық деңгейде ашылуы өтті. Бұл туралы «Жастар ресурстық орталығының» «Facebook» әлеуметтік желідегі парақшасында жарияланды.&nbsp;Клубтың ашылу рәсіміне Қызылорда облысының қоғамдық даму басқармасы басшысының орынбасары Артур Қамбаров қатысты. Басшы орынбасары игі шараларға тілектестік білдіріп, клуб жұмысына сәттілік тіледі.«Ақиқат» дебат клубы 2004 жылдан бері Қорқыт Ата атындағы Қызылорда университетінің қабырғасында жұмыстар жүргізіп келеді. Ендігі кезекте клуб Жастар орталығының жанынан облыстық деңгейде құрылды. Алдағы уақытта «Жастар ресурстық орталығы» мекемесінің қолдауымен барлық аудандарда және кәсіби білім беру ұйымдарында, университеттерде филиалдары ашылатын болады.&nbsp;Мұнымен қоса, облыстық деңгейде дебатшыларға арналған арнайы лига іске қосылып, өз жұмысын бастайды.&nbsp;Ал заманауи құрылғылармен жабдықталған дыбыс жазу студиясы алдағы уақытта облыстың шығармашыл жастарының игілігіне жұмыс істейтін болады.&nbsp;<figure class="image"><img src="https://knadmin.beoblood.kz/uploads/315940113_1391301008311221_5234173831231851239_n_4f4eb85a68.jpg" alt="315940113_1391301008311221_5234173831231851239_n.jpg"></figure><figure class="image"><img src="https://knadmin.beoblood.kz/uploads/315543613_1391301054977883_3217599062457379339_n_653ca3c736.jpg" alt="315543613_1391301054977883_3217599062457379339_n.jpg"></figure>

Қызылордада «Ақиқат» дебат клубының облыстық деңгейде ашылуы өтті 

<a href="https://kyzylorda-news.kz/">Kyzylorda-news.kz.</a>&nbsp; Тамақ өнімдерін таңбалау – қаптамаға немесе тауардың басқа да көмекші құралдарына салынған мәтін, шартты белгісі немесе сурет. Таңбалаудың басты мағынасы тұтынушыға тауар туралы мәліметтерді жеткізу, сондай-ақ тауарды сәйкестендіру болып табылады. Таңбалау арқылы тұтынушы тауар туралы барлық қажеттілігін біле алады.Кедендік одақтың «022/2011 Техникалық регламенті» одақ аумағында еркін айналымға түсетін тамақ өнімдерін таңбалауға қатысты біртұтас, орындауға міндетті болып табылатын талаптар жиынтығы болып табылады. Техникалық регламент өндіруші алдына тағам өнімдерін бұрмаламай нақты ақпарат келтіре отырып, таңбалау арқылы тұтынушының тамақ өнімдері туралы шынайы ақпарат алу құқығының шектелмеуіне қатысты талаптарды қояды. Тағам өнімдерінің Кедендік одақтың нарығына еркін шығуы үшін техникалық регламенттің таңбалауға қатысты талаптары толықтай орындалуы шарт.Тағам өнімін таңбалауда келтірілген ақпараттар тұтынушыға түсінікті болуы керек, тұтынушыны өнімнің тағамдық қасиеттеріне байланысты шатастырып, теріс түсінік беруге болмайды. Өндіруші көрсеткен сақтау шарттарын орындаған жағдайда, таңбалауда пайдаланылған әдіс таңбалау арқылы келтірілген ақпараттардың тамақ өнімінің жарамдылық мерзімінің соңына дейін сақталуын қамтамасыз етуі керек.<blockquote>Қызылорда облысының санитариялық-эпидемиологиялық бақылау қызметінің дерегінше ағымдағы жылдың 9 айында өнімдердің 1585 сынама сараптама жасау үшін сатып алынған. Іріктеп алынған өнімдердің басым көпшілігі, яғни 71,8% тағам өнімдері және 28,1% тамақ емес өнімдер үлесінде.</blockquote>Жүргізілген сараптама нәтижесінде өнімнің таңбалануы бойынша 99 сәйкессіздік анықталды. Яғни тұтынушыға ұсынылуы тиіс ақпараттар бекітілген талаптарға сәйкес ресімделмеген. Сәйкессіздіктер анықталған тауарлар туралы толық ақпаратпен &nbsp;<a href="http://reestr-np.kz/kaz/">сілтемесіне</a> өту арқылы таныса аласыз.<blockquote>Қызылорда облысының санитариялық-эпидемиологиялық бақылау департаменті кез келген өнім сатып аларда тауардың таңбалануына, атап айтқанда қаптамасы мен орамының бүтіндігіне, сырты түр-пішінінің бұзылмауына, жарамдылық мерзімінің көрсетілгеніне, мемлекеттік және орыс тілінде ақпараттардың келтірілгендігіне, құрамы мен өндіруші туралы мәліметтің бар екендігіне назар аударуға кеңес береді.</blockquote>

Облыстық СЭБ департаменті өнімдердің таңбалану мәтініне мән беруге шақырды 

<a href="https://kyzylorda-news.kz/">Kyzylorda-news.kz.</a> Сырдария ауданында индорхоккейден жасөспірімдер арасында №11 Олимпиадалық резервтің мамандандырылған балалар мен жасөспірімдер мектебінің аудандық ашық біріншілігі өтті.Сырдария ауданында көгалдағы және индорхоккей спортымен шұғылданатын жастар қатары көп. Бұл спорт түрінің ауданда дамуына Сырдария ауданының «Құрметті азаматы», білікті, ҚР Еңбек сіңірген жаттықтырушысы Сұлтанбек Қобландин ерекше еңбек етіп келеді. Қазіргі таңда ауданның жас спортшылары аталған спорт түрінен үздіктер қатарында. &nbsp;Сырдария ауданында ұйымдастырылған ашық біріншілікке Қызылорда қаласынан және аудандардан келген 2008 жылғы және олардан кіші жасөспірімдер қатысып, бақ сынасты. Жарысқа 12 команда бойынша 120 спортшы қатысты. &nbsp;<blockquote>«Спорттың көгалдағы және индорхоккей түрімен қыздарымыз үздіксіз жаттығу үстінде. Бір жыл ішінде бірде-бір дайындықтан қол үзбеген спортшылар ел біріншіліктерінде үздіктер қатарынан көрініп келеді. Әрбір спортшының шеберліктері командалық ойында өз нәтижесін береді. Сондықтан жарыстарға қатысқан сайын жас спортшыларды жігерлендіріп, жеңіске деген талпынысын жанып отырамыз. Өзіміз де осы спорт түрінен көптеген жетістіктерге жеткеннен кейін, шәкірттеріміздің де биік белестерді бағындырғанын қалаймыз. Сондықтан осындай жарыстарда жас спортшылар жеңісті қолдан бермейді», – дейді жас бапкер Шынар Ақназарова.</blockquote>Аудандық ашық біріншіліктің нәтижесінде ұлдар арасында үздік ойын көрсеткен Сырдария ауданының спортшылары жеңімпаз атанып, жеңіс тұғырынан көрінді. Сайыстың жүлделі ІІ орынын Қызылорда қаласының «Қайсар» құрамасы жеңіп алды. Ал ІІІ орынды қармақшылық команда қанжығасына байлады.&nbsp;Қыздар арасында өткен сайыста І орынды Тереңөзек кентінің жас спортшылар жеңіп алды. Ал ІІ орынды №11 Олимпиадалық резервтің мамандандырылған балалар мен жас-өспірімдер мектебінің индорхоккейшілері еншіледі. ІІІ орын мінберінен Сырдария ауданының қыздар құрамасы көрінді.&nbsp;Айта кетейік, 19-25 қыркүйек аралығында Жетісу облысы Талдықорған қаласында көгалдағы хоккейден ерлер мен әйелдер арасында Қазақстан Республикасы Кубогы өтті. Республиканың түкпір-түкпірінен келген командалардың арасында Сыр өңірінің командасы чемпион атанып, кубог жеңімпазы атанған болатын.&nbsp;Жалпы, көгалдағы хоккей спортынан сырдариялық спортшылардың абыройы қашан да асқақ.<figure class="image"><img src="https://knadmin.beoblood.kz/uploads/1664194632_49440154_ceb4_4037_8092_1d1a978129ba_94f0024918.jpg" alt="1664194632_49440154-ceb4-4037-8092-1d1a978129ba.jpg"></figure>

Шынар Ақназарова: Жас спортшыларды жігерлендіріп, жеңіске деген талпынысын жанып отырамыз

<a href="https://kyzylorda-news.kz/">Kyzylorda-news.kz.</a> Бүгін Қызылорда облыстық перинаталдық орталығында «Балалар жылы» аясында, 17 қараша - шала туған нәрестелер күніне орай балалар арасында аурушаңдықты азайту мақсатында «Ашық есік күні» өтті.Ашық есік күнінде тұрғындарға арнайы балалар невропатологы, бас миының НСГ (ультрадыбыстық зерттеу) дәрігері, балалар кардиологы, балалар окулисті және неонатолог дәрігерлер нәрестелерге тексеріс жүргізді.Іс-шарада басқарма басшысы Сәбит Пазилов шала туған нәрестелерді дүниеге әкелген аналарды құттықтап, сыйлық үлестірді. Аналар өз тарапынан басқарма басшысына, ақ халатты абзал жандарға ерен еңбектері үшін алғысын білдірді..Денсаулық сақтау басқармасының басшысы Сәбит Пазилов және ана мен бала денсаулығын қорғау жөніндегі орынбасары Мира Мирзанова облыстық перинаталдық орталығындағы нәрестелер жансақтау және интенсивті терапия бөлімін аралап, "шалабайлардың" хал-жағдайымен танысты. Аталған бөлімше қызметкерлеріне басқарма басшысы сәттілік тілеп, атқарып жатқан толағай жұмыстарына өз алғысын білдірді.Мемлекеттің негізгі міндеті – дені сау сәбилердің туылуына қолайлы және қауіпсіз жағдай жасау десек, облыста жүкті, босанушы, босанған аналар мен жаңа туған нәрестелерге барлық қолайлы жағдай жасалынған. Облыстық перинаталдық орталығында салмағы 2,5 келіге жетпей жылына 800-ге жуық сәбилер дүниеге келеді. Ең аз салмақпен дүниеге келген нәрестелерді күту үшін, қажетті жабдық, дәрі-дәрмекпен толықтай қамтылған. Медицина қызметкерлерінің ​ де, заманауи технологиялардың ​ да алар орны ерекше. ​ Дәрігерлер нәрестелерге ана құрсағындағыдай жағдай жасайды.​ ​ Бұдан кейін бүлдіршіндер нәрестелерді емдеп жетілдіру үшін нәрестелер патологиясы бөлімшесіне жіберіледі. Бөлімдерде шала балалардың бабы мен бағуын келістіретін мамандар қызмет атқарады. Олардың ​ еңбектері өте ​ зор. Дене салмағы бір жарым келіге жетпейтін шақалақтар кувезде, салмағы бұдан асатындары арнайы реанимациялық үстелде жатып, дәрігерлердің қатаң бақылауында болады. Заманауи медициналық ​ құрал-жабдықтар мен ерекше күтімнің, дұрыс емнің көмегімен ондай нәрестелердің 95 пайызы аман қалады. Бөлімшенің жабдықталуы тәулік бойы сәбидің дене температурасына мониторинг жүргізуге, сатурация жүргізуге, инфузорлардың көмегімен инфузиялық терапияны жүргізуге, кувез бен ОРС шала туған нәрестелерді күтуге, оттегінің ағынын реттеу мен оксигенотерапия жүргізуге, фототерапия жүргізуге мүмкіндік береді.&nbsp;<figure class="image"><img src="https://knadmin.beoblood.kz/uploads/315655692_1160571657909941_459040157614108939_n_ec01448b2e.jpg" alt="315655692_1160571657909941_459040157614108939_n.jpg"></figure><img src="https://knadmin.beoblood.kz/uploads/315702567_1160571627909944_1461626192390831913_n_f10c03022a.jpg" alt="315702567_1160571627909944_1461626192390831913_n.jpg">&nbsp;<figure class="image"><img src="https://knadmin.beoblood.kz/uploads/315900112_1160530747914032_7320474718282884755_n_a2be38aab2.jpg" alt="315900112_1160530747914032_7320474718282884755_n.jpg"></figure>&nbsp;<figure class="image"><img src="https://knadmin.beoblood.kz/uploads/315676504_1160530177914089_5666628560332907980_n_abcb9fc031.jpg" alt="315676504_1160530177914089_5666628560332907980_n.jpg"></figure><figure class="image"><img src="https://knadmin.beoblood.kz/uploads/316050117_1160568321243608_4642030260053648863_n_0f556e5669.jpg" alt="316050117_1160568321243608_4642030260053648863_n.jpg"></figure>&nbsp;<figure class="image"><img src="https://knadmin.beoblood.kz/uploads/315643520_1160531174580656_817278756440823575_n_9a86498af0.jpg" alt="315643520_1160531174580656_817278756440823575_n.jpg"></figure>

Қызылордада аз салмақпен дүниеге келген нәрестелерді күту үшін барлық жағдай жасалған 

<a href="https://kyzylorda-news.kz/">Kyzylorda-news.kz.</a> Бүгін «17 қараша – Халықаралық студенттер күніне» орай облыстық «Жастар ресурстық орталығы» КММ-нің ұйымдастыруымен Қызылорда облысы бойынша жоғары, техникалық және кәсіптік білім беру ұйымдарындағы жастардың қатысуымен «ТОП – 20 студент» жобасының марапаттау рәсімі өтті.&nbsp;Марапаттау рәсіміне Қызылорда облысының қоғамдық даму басқармасы басшысының орынбасары Артур Қамбаров арнайы қатысып, барша студенттерді төл мерекемен құттықтады. Сондай-ақ, Артур Раушанбекұлы студенттік шақтың адам өміріндегі ең маңызды кезең екенін айта келіп, берілген әр мүмкіндікті тиімді пайдалануға шақырды. Өз кезегінде студенттер студенттік шақтың қызықтарымен, жеткен жетістіктерімен бөлісіп, барша ұйымдастырушыларға шексіз алғысын білдірді.&nbsp;Дарынды жастарды қолдау, жоғары, техникалық және кәсіптік білім беру ұйымдарында өздерінің білім-білігі мен таланттарының арқасында табысқа жеткен үздік студенттерді анықтау және жұмысшы біліктілігін танымал ету мақсатында ұйымдастырылған байқаудың облыстық кезеңіне қала және аудандардан іріктелген 60-қа жуық студент қатысып, өзара бақ сынасқан болатын. Жоба қорытындысымен аймақтық, ұлттық және халықаралық Worldskils чемпионаттарының, кәсіби шеберлік байқауларының қатысушылары мен жеңімпаздары, спорттық жарыстардың, түрлі конкурстардың, олимпиадалар мен ғылыми жобалардың жеңімпаздары атанған 20 студент үздік деп танылды.&nbsp;Шара соңында жоба жеңімпаздарына Артур Раушанбекұлы облыстық қоғамдық даму басқармасы басшысының алғыс хаты мен арнайы статуэтка табыстады. Биыл алғаш рет өткізіліп тұрған жоба алдағы уақытта дәстүрлі түрде өз жалғасын таппақ. Шара соңында қатысушылар естелік суретке түсті.<figure class="image"><img src="https://knadmin.beoblood.kz/uploads/316122163_1391307884977200_1362969519392658507_n_20e89de98e.jpg" alt="316122163_1391307884977200_1362969519392658507_n.jpg"></figure>&nbsp;<figure class="image"><img src="https://knadmin.beoblood.kz/uploads/316115278_1391308361643819_9209078848429590798_n_c7b1615ff5.jpg" alt="316115278_1391308361643819_9209078848429590798_n.jpg"></figure>&nbsp;<figure class="image"><img src="https://knadmin.beoblood.kz/uploads/316032523_1391308371643818_8023600505416651066_n_ddea620a80.jpg" alt="316032523_1391308371643818_8023600505416651066_n.jpg"></figure>

«ТОП – 20 студент» жобасының жеңімпаздарын марапаттау рәсімі өтті

<a href="https://kyzylorda-news.kz/">Kyzylorda-news.kz.</a> Соңғы жылдары Жалағаш ауданы білім саласында мемлкеттің ерекше қоладыуымен ауыз толтырып айтарлықтай жетістіктерге жетіп жүр. Осы орайда, бүгінде Жалағаш ауданына қарасты Бұқарбай батыр ауылындағы №33 орта мектептің шәкірт тәрбиелеу жолындағы еңбегінде айтарлықтай сапа мен өсім бар десек болады.&nbsp;Ауылдағы №33 орта мектеп өткен оқу жылын оң нәтижемен қорытындылаған. Директордың оқу ісі жөніндегі орынбасары Ұлжан Әлиева биыл да бұл дәстүр жалғасын табатынына сенеді. Бұған себеп те жоқ емес. Мәселен, түлектерді ҰБТ-ға дайындау жұмыстары биыл қыркүйек айында басталып, оқушылардан 4 рет тест алынған. Бастапқыда оқушылар жинаған орташа балл 59,7 пайызды құраса, үшінші дайындық тестінде бұл көрсеткіш 78-ге жеткен. Ал соңғы тест нәтижесі алдағы оқу тоқсанында белгілі болады.Ерлан Боранбаевтың ауыл мектебінің тізгінін ұстағанына 5 жылдан асыпты. Ұлағатты ұстаздың бәсекеге қабілетті ұрпақ тәрбиелеуді басты қағидаға айналдырғаны көрініп-ақ тұр. Бес жылға шегініс жасап, білім ордасы сол уақыттан бері әр жылды қандай нәтижемен қорытындылағанын сұрадық. Бес жылдың қорытындысы былай тұрсын, қай жылы қай шәкірті ҰБТ-дан қанша балл алғаны, қай оқушының қандай додаларда топ жарғаны, бәрі-бәрі Ерекеңнің жадында сақтаулы. Бастысы, соңғы бесжылдықта ауыл мектебі аудандағы бәсі биік білім ордасына айналған.&nbsp;Былтыр №33 орта мектепте 333 оқушы білім алса, оның 14-і – мектеп бітіруші. Түлектердің 13-і ұлттық бірыңғай тестілеуге қатысқан. Орташа балл 81-ді құрайды. Ең жоғары балл – 109. ҰБТ қорытындысымен 11 оқушы бүгінде еліміздегі маңдайалды жоғары оқу орындарында мемлекеттік грантпен білім алуда. Ал бір түлек облыс әкімінің грантымен ЖОО-да білім алып жатыр. Тағы бір мектеп бітіруші арнаулы оқу орнына мемлекеттік грантпен оқуға түскен. Бір сөзбен айтқанда, ауыл мектебінен түлеп ұшқан оқушылар 100 пайыз грантпен оқу орындарында білім алып жатыр.&nbsp;<blockquote>«Ұстазы жақсының ұстанымы жақсы» дейді дана қазақ. Қазір бұл мектепте 76 ұлағатты ұстаз еңбек етеді. Бәсекеге қабілетті ұрпақ қалыптастыруда әрқайсысының айтарлықтай тәжірибесі мол. Әр жылды жақсы нәтижемен қорытындылап келеміз. Бұйыртса, осы оқу жылында да бұл дәстүр жалғасын табады. Оған бар қарым-қабілетімізді жұмсаймыз. Бағана 14 түлектің 13-і ҰБТ-ға барып, оның барлығы оқуға түскенін айттық. Ал ҰБТ-ға бармаған бір мектеп бітірушіміз министрлік тағайындаған грантпен оқуға түсті. Ол – біздің мектептің, жалпы ауданның, аймақтың мақтанышы, халықаралық спорт шебері Нұрдаулет Маратұлы. Шәкіртіміз әлемдік, халықаралық додаларда көк байрағымызды биіктен желбіретуде. Міне, тек білім саласында ғана емес, спорт саласы бойынша да осындай үлкен жетістіктеріміз бар. Бірақ біз оған тоқмейілсіп, жеткен межемізбен шектелуден аулақпыз. Мейлінше шәкірттерімізден елдің жарқын болашағына қызмет етер жастар қалыптастыруға жұмыс жасаймыз», – дейді Ерлан Боранбаев.&nbsp;</blockquote>Былтыр байрақты бәсекеде дәл осы мектептің түлегі Нұрдаулет Маратұлының жеңісіне куә болдық. Аудан басшысы да жас та болса тәжірибелі спортшыны бапкерімен қабылдап, құрмет көрсетіп, ата-анасына да алғыс жаудырған. Одан кейін де Нұрдаулет үлкен додаларда талай рет жеңіс тұғырынан көрінді. Ал ауылдағы алтын ұядан биыл түлеп ұшқан Айгерім Сапарбек да аудандық, облыстық олимпиадаларда жүлделі орындардан көрініп, мектептің мерейін үстем еткен. Жаңа ҰБТ-дан ең жоғары 109 балды да осы оқушы жинаған болатын. Бұған дейін білім додаларында жетекшілік еткен білікті педагог Сымбат Жанибай шәкіртінің салада әлі талай шыңды бағындыратынына сенеді. Қазіргі таңда Айгерім Сапарбек Әл-Фараби атындағы Қазақ Ұлттық университетінде «Туризм» мамандығы бойынша білім алуда.Жалпы бұл білім ошағынан осыған дейін түлеп ұшқан оқушылардың әрқайсысының жетістігін жеке-дара айтып кетуге тұрарлық. Қазір мұның бәрін тарқатып жазар болсақ, өз алдына бір еңбекке жүк болары анық. Бастысы, мақсат айқын, жұмыс жүйелі. Ал нәтижесі біз баяндағандай.&nbsp;№33 орта мектеп жаңа оқу жылын 327 оқушымен бастаса, оның ішінде 30-ға жуық оқушы мектеп табалдырығын алғаш аттап отыр. Биыл 20 бала мектеп бітіреді. Қазіргі таңда түлектердің барлығы ҰБТ-ға қатысуға ниетті. Қазір ұстаздар түлектермен дайындық жұмыстарын бастап кетті. Осыған дейін алдын ала 4 мәрте тест сұрақтарына жауап берген мектеп бітірушілер алдыңғы буын жолдаған дәстүрді жалғаймыз деп отыр.&nbsp; &nbsp;<img src="https://knadmin.beoblood.kz/uploads/315859063_855799542234129_5059822751620118370_n_5d111251d2.jpg" alt="315859063_855799542234129_5059822751620118370_n.jpg"><img src="https://knadmin.beoblood.kz/uploads/314902895_850990376048379_3904771373521295883_n_3ce15cd547.jpg" alt="314902895_850990376048379_3904771373521295883_n.jpg">

Жалағаш: Ауыл мектебінің жұмысы жүйелі

<a href="https://kyzylorda-news.kz/">Kyzylorda-news.kz.</a>&nbsp; 17 қарашада әлемде Халықаралық шала туған балалар күні атап өтіледі. Ол 2009 жылы жаңа туған балаларды күту жөніндегі Еуропалық қордың бастамасымен қабылданған болатын.Қазіргі таңда ерте босану қоғамдық проблема болып қала беруде. Сол себепті, ата-аналарға орталықтың психолог маманымен психологиялық қолдау жүргізілуде.Соңғы жылдары нәрестелердің мерзімінен бұрын туылуының тұрақты өсуі байқалады. Облыстық перинаталдық орталығында 2022 жылдың 11 айында 9484 нәресте туылса, оның ішінде 680 шала туған балалар.Шала туған нәрестелердің өмір сүру сапасы жоғарылату үшін, қазіргі заман талабына сай орталықтың дәрігерлері мен мейірбикелері тәжірибе алмасу, кәсіби біліктілігін жоғарылату мақсатында алыс-жақын шет елдерде оқытылды. Сонымен қатар дәрігер неонатологтар ішінен офтальмолог, невропатолог, кардиолог мамандары қайта даярланды.<blockquote>«Өмір сүру деңгейін жақсарту мақсатында орталықта көптеген құрал-жабдықтар, атап айтсақ нәрестелерге емдік гипотермия жасауға арналған «TecoTherm Neo», көз көру қабілетін анықтайтын «Retcam Shuttel» аппаратары алынып, шала туылған нәрестелерді көктамыр ішілік тамақтандыруға арналған мөлшерлемелік аппарат – «компаундер» орнатылды.Шала туылған нәрестелердің өкпесін жетілдіру мақсатында сурфактант-орынбасушылық ем және инвазивті емес өкпені жасанды желдендіру емі нәтижелі қолданылуда.Статистикаға сүйенсек, 2021 жылы офтальмолог дәрігерімен «Retcam Shuttel» аппаратымен тексерілген қауіп тобындағы 321 нәрестенің 56-сынан патология анықталып, оның ішінде 16 нәресте ота жасауға Алматы қаласына ауыстырылды.Сонымен бірге, жүрек және асқазан-ішек жолдарының туа біткен ақаулары бар нәрестелерді республикалық санавиация желісі арқылы Астана, Алматы қалаларындағы ғылыми-зерттеу орталықтарына аудару мәселесі жолға қойылған», - делінген Ана мен бала орталығының таратқан ақпаратында.</blockquote>Шала туылғаннан нәрестенің дене салмағы экстремальды төмен болады, сол себепті алғашқы секундтан қамқорлық жасап, олардың дене жылуын сақтау маңызды. Біздің орталық шала туылған нәрестелерге қажетті тоқыма бұйымдарын әзірлейтін «28 ілмек» қайырымдылық ұйымымен тығыз байланыста жұмыс жүргізіп келеді.<figure class="image"><img src="https://knadmin.beoblood.kz/uploads/a_Zlg2px_AI_9x8_Lz_Xea_QJ_Up_PMGPGELE_3_Y_Nuw_S_Evi_Tx_jpg_width_1200_Xheight_auto_Xtype_1_2547fbb59b.jpg" alt="aZlg2pxAI9x8LzXeaQJUpPMGPGELE3YNuwSEviTx.jpg_width=1200Xheight=autoXtype=1.jpg"></figure>

Қызылорда: Ана мен бала орталығында жыл басынан бері 9484 нәресте дүниеге келді

<a href="https://kyzylorda-news.kz/">Kyzylorda-news.kz.</a> Ананың арғы тегі – қыз. Қазақ қай заманда да қызының басынан құс ұшырмаған халық. Еліміздің аспанын қара бұлт торлаған кезеңдер де қазақтың асыл текті арулары қазақ ерлерімен қатар жауға шауып, батырлық танытқан. Қазақ елінің ары – арулары бола бермек.Осы орайда Н.Бекежанов атындағы облыстық академиялық музыкалық драма театрында «Сыр аруы-2022» сұлулық байқауы өтті. Іс-шараға облыс әкімі жанындағы әйелдер істері және отбасылық-демографиялық саясат жөніндегі комиссия хатшысы Қаламқас Кәрімова мен қалалық мәдениет және тілдерді дамыту бөлімінің басшысы Жағыпар Тәжмаханов қатысты.Сайыстың мақсаты – қазақ халқының төл мәдениеті мен өнерін, салт-дәстүрін дәріптеп, жаңаша сипат беру.<blockquote>«Ең алдымен &nbsp; &nbsp;барлық &nbsp; қатысушы қыздарға сәттілік тілеймін. Салт-дәстүрімізді қастерлеп, әдет-ғұрыптарды қадірлей білетін ару қыздарымыздың көптігі жаныңа жылу сыйлайды. Сайыста жеңіске жету мақсат емес, сол сайысқа бар күш-жігерін салып қатысқанның өзі – жеңіспен пара-пар. Сол себепті өздеріңізге сеніңіздер, жеңіске әрбір қазақ қызы лайықты», – деді Қ.Кәрімова.</blockquote>Бұған дейін байқау қатысушыларын анықтау үшін қалалық «Qosyl» жастар орталығының ұйымдастыруымен кастинг өткен болатын. Кастингке 80-нен аса қатысушы келді. Олардың арасынан байқау талаптарына сай келетін 12 қыз «Сыр аруы-2022» облыстық сұлулық байқауына жолдама алды.Ұйымдастырушылардың айтуынша сайыс қатысушыларына қойылған басты талап жас аралығы 16-23, бойы 1 метр 68 см-ден кем болмауы керек. Жетінші рет сахна шымылдығын түрген байқау 4 кезең бойынша өтті. Сымбаты мен сыры жарасқан арулар алғашқы кезеңде қазақ қызына тән әдебімен өздерін таныстырды. Екінші кезеңде мың бұрала билеп, тамылжыта ән салып өз өнерлерін көрсетті. Үшінші кезеңнің ережесі бойынша қыздар қазылар алқасының дайындаған сұрақтарына жауап берсе, соңғы айналымда кешкі сән үлгісін көрсетіп, көпшілікті таңғалдырды.<blockquote>«Қазақ қашанда қызға құрмет көрсетіп, төрден орын берген. Бүгін қыздардың сыртқы сұлулығы ғана емес жан дүниесінің байлығы, білімі сарапқа салынады. Сайыста жеңімпаз атанған ару республикалық «Қазақ аруы» байқауына жолдама алады. Сондықтан барша қатысушы қыздарға сәттілік тілеймін», – деді Ж.Тәжмаханов.</blockquote>«Өз өнері» кезеңінде арулар халқымызға тән өнер түрлерін паш етті. Бірінші болып шыққан Айгерім &nbsp;Афиева &nbsp; халық &nbsp; биін &nbsp;билеп, көрерменнің ыстық ықыласына бөленді. Ал Әмина Ақмағанбет пен Айгерім Қуанышова жанды дауыста ән шырқаса, Әсел Шералиева, Бибігүл Жексенбаева және Әсел Нұрсұлтанқызы Шығыс биін биледі. Қазақ зиялылары туралы қойылымда қайсар әйелдің рөлін сомдаған Дильназ Кеңесова жиналған қауымның жанарын жасқа толтырды. Аталған кезеңді аяқтаған Асылзат Өртай, Махаббат Жалғасова және Мөлдір Абылаева үнді биін бұрала билеп, көрермен көзайымына айналды.Сайыс арасында кеш жүргізушілері көрермендерге сұрақ қойып, демеушілердің бірі «Smart Shop» дүкені дайындаған арнайы сыйлықтарды табыстады. Қазылардың шешімі бойынша байқаудың бас жүлдесін Жалағаш ауданынан келген Махаббат Жалғасова иеленіп, «Сыр аруы» атанды. 1-орынды сырдариялық &nbsp;Дильназ Кеңесова алса, жүлделі 2-орын Әсел Нұрсұлтанқызына бұйырды. Ал 3-орынға Дильназ Шермахан және Ақбота Төлеген есімді ару қыздар лайық деп танылды.Сайыс жеңімпаздары арнайы дипломмен, қалған қатысушылар түрлі номинациялар бойынша марапатталды. Барлық қыздар демеушілер дайындаған арнайы сыйлықтарға ие болды. Кеш соңында халықтың ықыласына бөленіп жүрген отандық әншілер, кеш қонақтары ән шырқап, көрермен көңілін көтерді.Айта кетейік, «Сыр аруы» атанған жалағаштық Махаббат Жалғасова жуырда республикалық сұлулық байқауында бақ сынайды. &nbsp;<img src="https://knadmin.beoblood.kz/uploads/314731178_3422289284705655_6300679068991860823_n_c5796fd228.jpg" alt="314731178_3422289284705655_6300679068991860823_n.jpg">&nbsp;

Жалағаштық ару «Сыр аруы-2022» сұлулық байқауының жеңімпазы атанды

<a href="https://kyzylorda-news.kz/">Kyzylorda-news.kz.</a> Азаматтық қоғам саласы – аса маңызды, ел үшін іргелі сала. Бүгінгі күннің талабы – қоғам санасының тарихи құндылықтарымызға берік бола отырып, заман сұраныстарына сай жаңа белеске көтерілуі. Қоғамның рухани жаңғыруы еліміздің саяси және экономикалық жаңғыруының өзегіне айналуы керек. Ал көпшіліктің мұң-мұқтажын арқалап жүру қоғамның ең белсенді әрі ұйысқан бөлшегі – қоғамдық бірлестіктердің, жалпы үкіметтік емес ұйымдардың еншісінде болып отыр. Қазақстан Республикасының Президенті Қасым-Жомарт Тоқаев «Азаматтық қоғамға қолдау көрсетіп, оның әлеуетін нығайта түсу керек. Сондай-ақ, аса маңызды жалпымемлекеттік міндеттерді шешу үшін талқылау жұмыстарына азаматтық қоғамның мүмкіндіктерін кеңінен қолдану қажет», деген болатын.Осы орайда аудан әкімінің орынбасары Жасұлан Еспенбет үкіметтік емес ұйымдар жетекшілері мен қоғамдық бірлестік жетекшілерімен кездесті. Кездесуде үкіметтік емес ұйымдар мен мемлекеттік органдардың өзара іс-қимылын дамыту жоспары, үкіметтік емес ұйымдардың әлеуетін арттыру мақсатында қолдау көрсетуді ұйымдастыру, мемлекеттік әлеуметтік тапсырысты қалыптастыру, оның мониторингін және бағалау тетігін жетілдіру мәселелері қаралады.&nbsp;Кездесу барысында «Жалағаш достық мекені» қоғамдық бірлестігінің төрайымы Дина Мирман, «Жалағаш ауданы ардагерлер ұйымы» қоғамдық бірлестігінің өкілі Е.Оспан өз ұсыныстарын айтып, пікір алмасты. &nbsp;<img src="https://knadmin.beoblood.kz/uploads/315933380_3423753044559279_2322219969494605799_n_f5d130c47e.jpg" alt="315933380_3423753044559279_2322219969494605799_n.jpg">

Жалағашта үкіметтік емес ұйымдар жетекшілерімен кездесу өтті

<a href="https://kyzylorda-news.kz/">Kyzylorda-news.kz.</a> Қызылордалық жеке кәсіпкер Айбархан Тойманов кәсібін дөңгелетіп отырған тұрғындардың бірі. Ол өз қаражаты есебінен дәнекерлеу цехын ашып, халыққа жоғарғы сападағы өнімдерді қысқа мерзімде дайындап, темірден түйілген бұйымдарды жеткізіп, қондырып беріп отыр.Кәсіпкердің кеңсе-шеберханасы Тасбөгет кентінде орналасқан. Кәсіпорының облыс тұрғындары үшін кең спектрлі тауарлардың түрін шығаруға мүмкіндігі бар. Атап айтар болсақ, стандартты емес өлшемдегі металл профильден есіктер, шатырлар, күнқағарлар, торлы дәнекерленген қоршаулар.&nbsp;Қазір таңда цехта 10-15 адам жұмыс істейді. Өнімге сұраныс күннен күнге арттып келеді. Кәсіпорынға тек жеке азаматтардан ғана емес, түрлі кәсіпорындар мен ұйымдар тапсырыс беруде.Дәнекерлеу цехтың артықшылықтарының бірі заманауи жабдықпен жабдықталған болса, екінші ерекшелігі – нарықтан төмен бағасы.&nbsp;Кәсіпкердің айтуынша, ол бұйымдардың құнын халық үшін қолжетімді бағада ұстауға тырысады.<blockquote>«Мамандығым – дәнекер. Осы салада жүргеніме 10 жылдан асты. 2020 жылы металды лазерлік кесу бойынша заманауи жабдықтар сатып алып, металл құрылымдарын дайындау цехын іске қостым. Қазір металл бұйымдарына сұраныс өте жоғары. Көптеген тұтынушылар өрнектері бар сәнді металл қақпаларға, әткеншекке тапсырыс беруде. Айына 20-25 қақпалар шығарудамыз», - дейді Айбархан Тойманов.</blockquote><figure class="image"><img src="https://knadmin.beoblood.kz/uploads/315855318_1310800329681161_5170375205369645907_n_99768b8bcf.jpg" alt="315855318_1310800329681161_5170375205369645907_n.jpg"></figure>

Қызылордалық кәсіпкердің темір бұйымдары халыққа қолжетімді

<a href="https://kyzylorda-news.kz/">Kyzylorda-news.kz.</a> Қармақшы ауданының әкімі Әділбек Ерсұлтановтың «Әкімдердің халықпен кездесулерін өткізу туралы» Қазақстан Республикасы Президентінің жарлығына сәйкес аудан тұрғындарын есепті мерзім бойынша ауданда жүргізілген жұмыстармен таныстыру мақсатындағы есеп беру кездесуі Жосалы ауылдық округінде жалғасты.Кездесуде Жосалы ауыл әкімі Әлімбай Білжанов осы уақытқа дейін ауыл тұрғындарының әл-ауқатын арттыруға, әлеуметтік-экономикалық жағдайларын нығайту мақсатында атқарылған ауқымды жұмыстарды саралады.Содан соң, сөз алған аудан басшысы Әділбек Ерсұлтанов өңір бойынша жыл бойына атқарылған іргелі істерді баяндап, алдағы жылға мақсатталған, алға қойған жобаларды сөз етті. Оның ішінде, Жосалы ауылындағы көшелерді жөндеуден өткізу, аяқ сумен қамтамасыз ету, спорт және балалар ойын алаңын салу, басқа да жобалар бойынша өз ойын зерделеді.Кездесу барысында Жосалы ауыл тұрғындары Қази Абылаев, &nbsp;Қалдыбек Өтемісов, Бүркіт Қалдашбаев, Жақсылық &nbsp;Жалғасбаев және басқалар &nbsp;көшені жарықтандыру, жөндеу, егесіз жүрген иттерді ату, аяқ су мәселесі, басқа да сауалдарын қойып, тұщымды жауабын алды. &nbsp;<img src="https://knadmin.beoblood.kz/uploads/1668668835_1_5091b06a67.jpg" alt="1668668835_1.jpg">

Қазақстан және Қызылорда облысының жаңалықтары