<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Қызылорда қаласындағы түзеу мекемелеріндегі жазасын өтеушілер ақылы еңбекпен қамтылған. Олардың бірі газоблок, кірпіш, құм блоктарын шығарумен, қолөнер бұйымдарын жасаумен айналысса, бірі&nbsp; машина жөндейді, нан пісіреді, енді бірі тігін цехында жұмыс істейді. Қызылорда облысы бойынша ҚАЖ департаментіне қарасты №37 мекемесіндегі жазасын өтеушілер қала аумағындағы 30-дан аса кәсіпкерде жұмыс істейді. Жұмыс орындарына &nbsp;барып, жұмыс барысын сұрап білдік.
<h4>Мақсат есімді сотталған&nbsp; ҚР ҚК-нің&nbsp; 335 бабының 4-бөлігімен (Балық ресурстарын, басқа да су жануарларын немесе өсiмдiктерін заңсыз алу) сот үкімімен 6 жылға бас бостандығынан айырылған.&nbsp; ҚАЖ департаментіне қарасты №37 мекемеге осы жылдың сәуір айында&nbsp; жазасын өтеуге жіберіліпті. Мақсаттың айтуынша мекеме әкімшілігі «Еңбек-Қызылорда» РММ-ге жұмысқа орналастырып, жақында еңбек демалысын алып Түркістанға отбасына барып келген. </h4>
Мақсатпен бірге тағы жеті сотталған пескоблок өнімін шығарумен айналысады. Мұнда пескоблокпен қатар, тумба, суағалар, плиталар дайындайды.&nbsp; Жұмыс барысында біреудің біреуге қарауға уақыты жоқ. Бірі су тасып, бірі қоспаны араластырып, енді бірі құйманы қалыпқа құйып жатыр екен. Олар күніне&nbsp; 500 дана өнім шығарады.
<blockquote class="wp-block-quote">«Пескоблок шығаруда да төзімділік пен табандылық керек дейді ол. Оның айтуынша&nbsp; пескоблок&nbsp; өнімін шығаруға көп шикізат та қажет емес екен. Пескоблок – цемент, құм және карьер қиыршық тасын араластырып жасалынатын құрылыс материалы. Ол от пен суға төзімді, Тұрғындар арасында кең қолданысқа ие бұл өнім жылуды жақсы ұстап тұрады және берік, мұны көпшілік тұрғын үйге пайдалануда.Сұраныс та жоғары мерзімінде үлгеріп жасап жатырмыз»,-деді жазасын өтеуші.</blockquote>
<div class="wp-block-image"><figure class="aligncenter size-full"><img loading="lazy" width="1280" height="960" src="https://kyzylorda-news.kz/wp-content/uploads/2022/09/whatsapp-image-2022-09-20-at-10.36.25.jpeg" alt="" class="wp-image-166606" srcset="https://kyzylorda-news.kz/wp-content/uploads/2022/09/whatsapp-image-2022-09-20-at-10.36.25.jpeg 1280w, https://kyzylorda-news.kz/wp-content/uploads/2022/09/whatsapp-image-2022-09-20-at-10.36.25-768x576.jpeg 768w" sizes="(max-width: 1280px) 100vw, 1280px" /></figure></div>
<div class="wp-block-image"><figure class="aligncenter size-full"><img loading="lazy" width="1280" height="960" src="https://kyzylorda-news.kz/wp-content/uploads/2022/09/whatsapp-image-2022-09-20-at-10.36.36.jpeg" alt="" class="wp-image-166607" srcset="https://kyzylorda-news.kz/wp-content/uploads/2022/09/whatsapp-image-2022-09-20-at-10.36.36.jpeg 1280w, https://kyzylorda-news.kz/wp-content/uploads/2022/09/whatsapp-image-2022-09-20-at-10.36.36-768x576.jpeg 768w" sizes="(max-width: 1280px) 100vw, 1280px" /></figure></div>

Қызылордада жазасын өтеушілер күніне 500 пескоблок шығарады

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Бірнеше күннен бері әлеуметтік желіде мәһір ұғымы талқыланып жатыр. Ислам шарттарына сәйкес неке қияр алдында қалыңдық болашақ жарынан сый &#8212; мәһір талап етуге құқылы. Заман ағымына сай мәһірге берілетін сыйдың түрі де, мөлшері де өзгеріп келеді. Соңғы жылдары жастар арасында қымбат көлік сұрау сәнге айналған. Осы орайда желідегі жеке парақшасында Ақмешіт – Сырдария мешітінің бас имамы Болатбек Әбуов түсінік берген екен. 
Болатбек Ұласханұлының айтуынша мәһір — ер кісінің неке қию барысында әйеліне беретін сыйлығы. 
<blockquote class="wp-block-quote">«Оны әйелдің құны деп түсіну қате! Ол — сыйлық. Әрі тек әйелдің өзіне ғана тиесілі. Оның үкімі Құран және сүннетпен бекітілген. Әбу Ханифа мазхабы бойынша мәһір сыйлығы міндетті түрде берілуі керек! Құранда Алла Тағала: “Үйленетін әйелдеріңе мәһірлерін (қалыңдық сыйын) шын көңілден тарту етіңдер. Егер олар шын көңілден сол мәһірдің бір бөлігін өздеріңе қайтарып берсе (яғни оның бір бөлігін отбасының ішіп-жеміне жұмсаса), оны тәбетпен ішіп-жеңдер, ас болсын!”, — дейді. (“Ниса” сүресі, 4-аят) Мәһір берудегі мақсат: әдетте ер кісі бірінші болып қадам жасайтын болғандықтан некеге шынымен ниетті екенін білдіру және әйеліне деген сүйіспеншілігін көрсету. Бір жағынан Исламда әйелдің де, баланың да нәпақасы ер азаматтың мойнында болғандықтан бұл оның некеге жауапкершілікпен қарайтынын да байқатады. Мәһір міндетті түрде үй, көлік сияқты қымбат дүние болсын деген үкім жоқ. Тіпті, ер кісінің жағдайына қарай сұралғаны жақсы. Пайғамбарымыз (с.а.у.): “Ең берекелі әйел &#8212; ең мәһірі аз әйел”, — деген. Мысалы, қазақ салтында қалың мал беріледі. Егер қыз соны мәһірім деп қабылдаса, онда ол мәһір болып саналады», &#8212; деп жазды бас имам.</blockquote>
<div class="wp-block-image"><figure class="aligncenter size-full"><img loading="lazy" width="1672" height="1672" src="https://kyzylorda-news.kz/wp-content/uploads/2022/09/180232904_3784874574964320_6649687043816851708_n.jpg" alt="" class="wp-image-166600" srcset="https://kyzylorda-news.kz/wp-content/uploads/2022/09/180232904_3784874574964320_6649687043816851708_n.jpg 1672w, https://kyzylorda-news.kz/wp-content/uploads/2022/09/180232904_3784874574964320_6649687043816851708_n-768x768.jpg 768w, https://kyzylorda-news.kz/wp-content/uploads/2022/09/180232904_3784874574964320_6649687043816851708_n-1536x1536.jpg 1536w" sizes="(max-width: 1672px) 100vw, 1672px" /></figure></div>

Бас имам мәһір ұғымына түсінік берді

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a>&nbsp; Қызылорда облысының мәдениет және спорт басқармасының басшысы Руслан Рүстемов облыстық мемлекеттік архивіне барып, мекеменің негізгі қызметімен танысты.
Мемлекеттік архив ақпарат қажеттілігі үшін өте құнды. Әсіресе, түрлі салаларды, сондай-ақ ғылымды дамыту ісіне, жеке адамдардың әлеуметтік-құқықтық сұранысын қанағаттандыруға қызмет етіп келеді. Қазіргі уақытта облыс архивтерінде 800 мыңға жуық істен тұратын 3571 қор сақталуда. Басқарма басшысы құнды құжаттардың сақталуына, оның адамзат үшін пайдалы деректер базасы болғандықтан барынша жағдай жасау қажеттігіне назар аударып, жұмыстардың маңызына тоқталды. Ең алдымен Ұлттық архив қорын жинақтау, архивтік құжаттарды пайдалану және жариялау, құжаттардың сақталуын қамтамасыз ету және ақпараттық технологиялар бөлімдерінің жұмысын көрді.
Бүгінгі күні ең өзекті талаптардың бірі &#8212; архив құжаттарын цифрлық форматқа өткізу. Осы кезеңге дейін архив құжаттарының 24 проценті цифрлық форматқа өткізілген, республика бойынша цифрландыру жұмысының орташа көрсеткіші 5,77% құрайды, бұл алдыңғы қатарда екенімізді көрсетеді.
Сондай-ақ, «Архивтік анықтамалар, архивтік құжаттардың көшірмелерін немесе архивтік үзінділерді беру» мемлекеттік қызмет көрсету үдерістерімен танысты. Бұл орайда Руслан Рүстемұлы бұл мәселеге аса ыждаһаттылықпен көңіл бөлді. Олай болатыны, архив деректерінен жыл сайын 15 мыңнан аса әлеуметтік-құқықтық, тақырыптық және генеалогиялық сипаттағы сұраныс орындалады. Бұл көрсеткіштердің өзі архивтің қоғам игілігіне қаншалықты қажеттігін көрсетеді. Мұнда әрбір құжаттың астарында адам тағдыры тұр. Байланыс желісінің артуына орай Қазақстанның өзге аймақтарынан, алыс-жақын шет елдерден сұрау хаттар толассыз түсіп жатады. Әрине, осындай сұраныстардың оң нәтижесі көңілге медеу ұялатады. Себебі жоқ іздегендер тапшы дүниесін тапқанда архив қызметінің мәртебелі екенін ұғындырады.
<div class="wp-block-image"><figure class="aligncenter size-full"><img loading="lazy" width="1600" height="1200" src="https://kyzylorda-news.kz/wp-content/uploads/2022/09/307691722_1164723064083825_7875908141195624920_n.jpg" alt="" class="wp-image-166584" srcset="https://kyzylorda-news.kz/wp-content/uploads/2022/09/307691722_1164723064083825_7875908141195624920_n.jpg 1600w, https://kyzylorda-news.kz/wp-content/uploads/2022/09/307691722_1164723064083825_7875908141195624920_n-768x576.jpg 768w, https://kyzylorda-news.kz/wp-content/uploads/2022/09/307691722_1164723064083825_7875908141195624920_n-1536x1152.jpg 1536w" sizes="(max-width: 1600px) 100vw, 1600px" /></figure></div>
<div class="wp-block-image"><figure class="aligncenter size-full"><img loading="lazy" width="1280" height="960" src="https://kyzylorda-news.kz/wp-content/uploads/2022/09/307690325_1164723224083809_6870687766662060269_n.jpg" alt="" class="wp-image-166586" srcset="https://kyzylorda-news.kz/wp-content/uploads/2022/09/307690325_1164723224083809_6870687766662060269_n.jpg 1280w, https://kyzylorda-news.kz/wp-content/uploads/2022/09/307690325_1164723224083809_6870687766662060269_n-768x576.jpg 768w" sizes="(max-width: 1280px) 100vw, 1280px" /></figure></div>

Қызылорда: Архив құжаттарының 24 пайызы цифрлық форматқа өткізілген

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a>&nbsp;Қазақстанда 502 адам коронавирус инфекциясынан жазылып шықты, деп хабарлайды Санитариялық-эпидемиологиялық бақылау комитеті.
Оның ішінде:
Астана қаласында &#8212; 47,
Алматы қаласында &#8212; 12,
Шымкент қаласында &#8212; 0,
Ақмола облысында &#8212; 0,
Ақтөбе облысында &#8212; 0,
Алматы облысында &#8212; 0,
Жетісу облысында &#8212; 0,
Атырау облысында &#8212; 4,
Шығыс Қазақстан облысында &#8212; 6,
Абай облысында &#8212; 0,
Жамбыл облысында – 0,
Батыс Қазақстан облысында &#8212; 113,
Қарағанды облысында &#8212; 32,
Ұлытау облысында &#8212; 9,
Қостанай облысында &#8212; 82,
Қызылорда облысында &#8212; 1,
Маңғыстау облысында &#8212; 0,
Павлодар облысында &#8212; 51,
Солтүстік Қазақстан облысында &#8212; 136,
Түркістан облысында &#8212; 9.
Елімізде барлығы 1 366 147 адам COVID-19-дан емделіп, сауығып шықты.

Қызылордада бір адам коронавирустан жазылды

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a>&nbsp;20 қыркүйекте Қазақстан аумағының басым бөлігі әлі де ауқымды антициклон ықпалында болады. Осыған байланысты жауын-шашынсыз ауа райы сақталады, деп хабарлайды Қазгидромет. 
Атмосфералық фронталды бөліктердің өтуімен еліміздің батысында, оңтүстік-шығыстың таулы аудандарында найзағай ойнап, жаңбыр жауады. Жекелеген өңірлерде жел күшейіп, оңтүстікте, оңтүстік-батыста шаңды дауыл тұрады. 
Сейсенбі күні Қызылорда, Түркістан, Жамбыл облыстарының басым бөлігінде, Қарағанды облысының оңтүстігінде, Ұлытау, Ақтөбе облыстарының шығысында, Алматы облысының солтүстігінде және орталығында, Абай облысының солтүстік-батысында, солтүстігінде, шығысында, Атырау облысының солтүстігінде төтенше өрт қаупі сақталады.

20 қыркүйекке арналған ауа райы болжамы

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> «Азаматтарға араналған үкімет» мемлекеттік корпорациясы» комерциялық емес акционерлік қоғамының Қызылорда облысы филиалы қызметкерлері арасында ұйымшылдықты арттырып, командалық жұмысты дамыту мақсатында тимбилдинг өтті. 
Облыс орталығындағы «Керуен» демалыс орнында өткен жиында қызметкерлер 5 командаға топтасып, өздеріне берілген тапсырмаларды орындады.
Филиал ұжымы осы шара аясында бір-бірлерімен жақын танысып, тығыз қарым-қатынас орнатуға да мүмкіндік алды. Өйткені құрылғанына 6 жыл толған корпорацияның бүгінде жұмыс ауқымы артқан. Осы аралықта мемлекеттік корпорация толағай жетістіктерге жетіп, қызмет көрсету айтарлықтай ауқымды бола түсті. Қазіргі таңда корпорация құрамына әлеуметтік қамсыздандыру, жер кадастры, жылжымайтын мүліктерді мемлекеттік тіркеу салалары қосылып, мемлекеттік қызметтердің 95 пайызы корпорация арқылы іске асатын болды.
Бүгінде «Азаматтарға арналған үкімет» мемлекеттік корпорациясының» Қызылорда облысы бойынша филиалында мыңнан аса адам қызмет атқарады. Барлық аудандарда және Байқоңыр қаласында Халыққа қызмет көрсету оралықтарының бөлімдері бар. Қазіргі таңда облыс бойынша бір мамандандырылған Халыққа қызмет көрсету бөлімі бар болатын болса, алдағы уақытта Қазалы ауданында тағы бір мамандандырылған бөлім салынбақ.
Ал, облыс орталығында Халыққа қызмет көрсету орталығының 4 бөлімі бар болатын болса, оның біреуі жаңа заманға лайықталып салынған цифрлық кеңсе. Жақында ғана өңірімізге іс-сапармен келген
Қазақстан Республикасы Цифрлық даму, инновациялар және аэроғарыш өнеркәсібі министрі Бағдат Мусин цифрлық кеңсе жұмысына оң бағасын берді. Басқа өңірлер біздің облыстан үлгі алып, қазіргі таңда осындай цифрлық кеңсе салуда. Өзге облыстардың филиалдарынан мамандар бізге келіп, кеңсе жұмысымен танысуда.
Жиында сөз алған филиал директоры Аида Әбибуллаева шараның мақсаты үлкен ұжымды ұйыстыру екенін атап өтті. 
Шарада жоғары нәтиже көрсеткен командаларды филиалдың Кәсіподақ ұйымының сыйлықтарымен марапаттады. Сондай-ақ, корпорацияның филиалдары және ҚР цифрлық даму, инновациялар және аэроғарыш өнеркәсібі министрлігінің қолдауымен министрлік қызметкерлерінің қатысуымен Ведомстволық бағынысты ұйымдар арасында өткен спорттық сайыстарда жеңіске жеткен бірқатар мамандарға Кәсіподан ұйымының медалі табысталды.
Айта кетейік, корпорацияның ұйымдастыруымен өтетін «Бір команда – бір мақсат» атты республикалық спарткиадада биыл Сыр спортшылары лайықты өнер көрсетті.
Тараз қаласында өткен спартакиаданың оңтүстік аймақтық іріктеуінде қызылордалық «Қорқыт» қомандасы Жамбыл, Түркістан облыстары мен Шымкент қаласын жеңіп, І орынды иеленген еді. Ақмола облысы, Зеренді қаласында өткен республикалық додада жерлестеріміз жүлделі екінші орынды жеңіп алды.
Одан кейін ҚР цифрлық даму, инновациялар және аэроғарыш өнеркәсібі министрлігінің қолдауымен министрлік қызметкерлерінің қатысуымен Ведомстволық бағынысты ұйымдар арасында өткен спартакиаданың Арқан тартуда сайысында Мемлекеттік корпорацияның Қызылорда облысы бойынша филиалының қызметкерлерінен құралған команда барлық қарсыластарын сенімді түрде жеңіп, І орынды иеленді.
<div class="wp-block-image"><figure class="aligncenter size-full"><img loading="lazy" width="1280" height="575" src="https://kyzylorda-news.kz/wp-content/uploads/2022/09/98d389ee-5531-469b-b0a1-e39e88a504d8.jpg" alt="" class="wp-image-166554" srcset="https://kyzylorda-news.kz/wp-content/uploads/2022/09/98d389ee-5531-469b-b0a1-e39e88a504d8.jpg 1280w, https://kyzylorda-news.kz/wp-content/uploads/2022/09/98d389ee-5531-469b-b0a1-e39e88a504d8-768x345.jpg 768w" sizes="(max-width: 1280px) 100vw, 1280px" /></figure></div>
<div class="wp-block-image"><figure class="aligncenter size-full"><img loading="lazy" width="1280" height="576" src="https://kyzylorda-news.kz/wp-content/uploads/2022/09/49cfe7a6-12f3-44c1-a1a1-a40013baac97.jpg" alt="" class="wp-image-166555" srcset="https://kyzylorda-news.kz/wp-content/uploads/2022/09/49cfe7a6-12f3-44c1-a1a1-a40013baac97.jpg 1280w, https://kyzylorda-news.kz/wp-content/uploads/2022/09/49cfe7a6-12f3-44c1-a1a1-a40013baac97-768x346.jpg 768w" sizes="(max-width: 1280px) 100vw, 1280px" /></figure></div>
<div class="wp-block-image"><figure class="aligncenter size-full"><img loading="lazy" width="1280" height="575" src="https://kyzylorda-news.kz/wp-content/uploads/2022/09/0f825599-ee58-41c8-bc99-0c189eb836ff.jpg" alt="" class="wp-image-166556" srcset="https://kyzylorda-news.kz/wp-content/uploads/2022/09/0f825599-ee58-41c8-bc99-0c189eb836ff.jpg 1280w, https://kyzylorda-news.kz/wp-content/uploads/2022/09/0f825599-ee58-41c8-bc99-0c189eb836ff-768x345.jpg 768w" sizes="(max-width: 1280px) 100vw, 1280px" /></figure></div>
<div class="wp-block-image"><figure class="aligncenter size-full"><img loading="lazy" width="1280" height="575" src="https://kyzylorda-news.kz/wp-content/uploads/2022/09/612d3dc9-a2e1-4777-93c6-f43031d66f16.jpg" alt="" class="wp-image-166557" srcset="https://kyzylorda-news.kz/wp-content/uploads/2022/09/612d3dc9-a2e1-4777-93c6-f43031d66f16.jpg 1280w, https://kyzylorda-news.kz/wp-content/uploads/2022/09/612d3dc9-a2e1-4777-93c6-f43031d66f16-768x345.jpg 768w" sizes="(max-width: 1280px) 100vw, 1280px" /></figure></div>
<div class="wp-block-image"><figure class="aligncenter size-full"><img loading="lazy" width="1280" height="575" src="https://kyzylorda-news.kz/wp-content/uploads/2022/09/f19c12d7-cdc1-4227-b989-0d174ca820cb.jpg" alt="" class="wp-image-166558" srcset="https://kyzylorda-news.kz/wp-content/uploads/2022/09/f19c12d7-cdc1-4227-b989-0d174ca820cb.jpg 1280w, https://kyzylorda-news.kz/wp-content/uploads/2022/09/f19c12d7-cdc1-4227-b989-0d174ca820cb-768x345.jpg 768w" sizes="(max-width: 1280px) 100vw, 1280px" /></figure></div>
<div class="wp-block-image"><figure class="aligncenter size-full"><img loading="lazy" width="1280" height="575" src="https://kyzylorda-news.kz/wp-content/uploads/2022/09/f26959f8-ab23-414c-aba3-3dcf95bdb8f9.jpg" alt="" class="wp-image-166559" srcset="https://kyzylorda-news.kz/wp-content/uploads/2022/09/f26959f8-ab23-414c-aba3-3dcf95bdb8f9.jpg 1280w, https://kyzylorda-news.kz/wp-content/uploads/2022/09/f26959f8-ab23-414c-aba3-3dcf95bdb8f9-768x345.jpg 768w" sizes="(max-width: 1280px) 100vw, 1280px" /></figure></div>

Тимбилдинг – ұжымды ұйыстырды

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> 15 қыркүйекте алғашқы медициналық-санитарлық көмек ұйымдарына еркін тіркелу бойынша жыл сайынғы науқан басталды. Ағымдағы жылдың 15 қарашасына дейін сақтандырылған азаматтар Әлеуметтік медициналық сақтандыру қорының жеткізушілері ішінен емхананы таңдай алады. Шетел азаматтарына қалай тіркелуге болады? Осы және басқа да сұрақтармен біз қордың Қызылорда облысы бойынша филиалының директоры Бақыт Исмаханбетовке жүгіндік.
Елдің аумағында уақытша болатын немесе баспана іздеп жүрген азаматтығы жоқ шетелдік адамдарды емханаға тіркелу ерікті медициналық сақтандыру (ЕМС) шартының негізінде және оның қолданылу мерзіміне ғана жүзеге асырылады. Осыдан кейін олар медициналық ұйымнан автоматты түрде шығарылады.
ЕАЭО-ға мүше мемлекеттерден келген еңбек мигранттарының міндетті түрде МСАК қызметтеріне ерікті медициналық сақтандыруы болуы қажет.
Тіркелуге арналған өтініш еркін нысанда қазақ немесе орыс тілінде жеке басын куәландыратын құжатты немесе шетелдік паспортты қоса бере отырып ұсынылады. Өтініш беруші медициналық ұйымға жеке өтініш беруі керек немесе ол үшін ерікті медициналық сақтандыру шартын жасасқан сақтандыру ұйымының өкілдері мұны жасауы керек. Медициналық ұйымдарға – әлеуметтік медициналық сақтандыру қорының жеткізушілеріне және/немесе денсаулық сақтау министрлігінің ақпараттық жүйелерімен интеграцияланған медициналық ақпараттық жүйелері бар медициналық ұйымдарға тіркелуге болады.
ҚР аумағына уақытша келген шетелдіктер мен олардың отбасы мүшелері МӘМС жүйесінде қазақстандық азаматтармен бірдей құқықтарды пайдаланады және міндеттер атқаратындығын (ҚР «Міндетті әлеуметтік медициналық сақтандыру туралы» Заңының 3 бабының 2 тармағы) атап өту маңызды.
ҚР азаматтары, қандастар және ҚР аумағында тұрақты тұратын шетелдіктер үшін тіркелу тәртібі өзгеріссіз қалады.
Қалай бекітілу керек?
Бірінші әдіс (барлығы үшін)
Электрондық үкіметтің веб-порталы арқылы бекіту www.egov.kz. «Денсаулық сақтау» бөлімінде «Медициналық-санитариялық алғашқы көмек көрсететін медициналық ұйымға тіркелу» қызметін таңдау қажет. Өрістерді толтыру арқылы медициналық ұйымға өтініш беру керек. Пациент туралы мәліметтерді емхана мемлекеттік ақпараттық жүйелерден автоматты түрде алады. Жауап оң болған жағдайда азаматқа медициналық ұйымның ЭЦҚ-сы қойылған электрондық құжат түрінде бекітілгені туралы хабарлама беріледі.
Екінші әдіс (халықтың жекелеген санаттары үшін)
Бекіту емханаға еркін нысандағы өтінішпен және жеке басын куәландыратын құжатпен тікелей жүгінген кезде жүргізіледі. Бұл әдіс заң бойынша бала кезінен мүгедек болып тағайындалған зейнеткерлерге, мүгедектерге, қамқоршыларға, сондай-ақ қамқоршыларға немесе қамқоршыларға, патронат тәрбиешілерге, колонияларда жазасын өтеп жатқан сотталғандарға, студенттерге, мерзімді әскери қызметшілерге, шет мемлекеттерде туылған балаларға және сенімхат бойынша тіркеуді жүзеге асыратын адамдарға ғана қол жетімді.
Медициналық көмекке қол жеткізбей қалмау үшін тіркелудің мәртебесін тікелей тұрғылықты жері бойынша емханада немесе электрондық үкімет веб-порталында ЭЦҚ арқылы тексеру ұсынылады. Тіркеу немесе қайта бекіту кезінде емхананы тұрғылықты жеріне жақын жерден таңдау ұсынылады, қажет болған жағдайда учаскелік дәрігер науқасқа үйге бара алады.
<blockquote class="wp-block-quote">«Науқан кезінде МСАК ұйымына тіркеле отырып, азаматтар медициналық көмекті 2023 жылдың 1 қаңтарынан бастап ала бастайды. Яғни, осы жылдың 31 желтоқсанына дейін азаматтарға бұрын тіркелген емханада қызмет көрсетіледі», – деп түсіндірді Қор филиалының директоры Бақыт Исмаханбетов.</blockquote>
Тіркеу науқаны Денсаулық сақтау субъектілерінің дерекқорында тіркелген және ТМККК және МӘМС бойынша медициналық қызметтер көрсетуге үміткер медициналық ұйымдар арасында ғана жүргізіледі. Тіркелуге қолжетімді емханалардың тізімімен Қордың https://fms.kz/kz/ сайтында «Емхананы таңдау» бөлімінде танысуға болады.
<div class="wp-block-image"><figure class="aligncenter size-full"><img loading="lazy" width="1080" height="1080" src="https://kyzylorda-news.kz/wp-content/uploads/2022/09/prikreplenie-kaz-.jpeg" alt="" class="wp-image-166548" srcset="https://kyzylorda-news.kz/wp-content/uploads/2022/09/prikreplenie-kaz-.jpeg 1080w, https://kyzylorda-news.kz/wp-content/uploads/2022/09/prikreplenie-kaz--768x768.jpeg 768w" sizes="(max-width: 1080px) 100vw, 1080px" /></figure></div>
<div class="wp-block-image"><figure class="aligncenter size-full"><img loading="lazy" width="1080" height="1080" src="https://kyzylorda-news.kz/wp-content/uploads/2022/09/prikreplenie-kaz-1-1.jpeg" alt="" class="wp-image-166549" srcset="https://kyzylorda-news.kz/wp-content/uploads/2022/09/prikreplenie-kaz-1-1.jpeg 1080w, https://kyzylorda-news.kz/wp-content/uploads/2022/09/prikreplenie-kaz-1-1-768x768.jpeg 768w" sizes="(max-width: 1080px) 100vw, 1080px" /></figure></div>

Шетел азаматтары емханаға қалай тіркеле алады?

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a>&nbsp; Қызылорда «Болашақ» университеті құрылтайшысының шешімімен Досманбетов Динар Бақбергенұлы Қызылорда «Болашақ» университетінің ректоры қызметіне тағайындалды.
Досманбетов Динар Бақбергенұлы- заң ғылымдары бойынша философия докторы (PhD). 1981 жылы 15 тамызда Қызылорда қаласында дүниеге келген. Ұлты-қазақ.
жылы №1 орта мектептің бірінші сыныбына барып, мектепті 1997 жылы бітірді.1997 жылы Қорқыт Ата атындағы Қызылорда мемлекеттік университетіне қаржы және несие мамандығы бойынша оқуға түсті. 1999 жылы Л. Н. Гумилев атындағы ЕҰУ-ға ауысып, университетті 2001 жылы бітірген.Сондай-ақ, 1997 жылы Мәскеу Халықаралық бизнес және ақпараттық технологиялар университетіне оқуға түсіп, 2001 жылы МЭСИ қашықтықтан білім беру институтында «Құқықтану» мамандығы бойынша оқуын аяқтады.2012 жылы АҚШ-тың York University докторантурасын бітіріп, заң ғылымдары бойынша философия докторы (PhD) ғылыми атағын алды.2001 жылғы 21 қаңтардан 2003 жылғы 12 желтоқсанға дейін Астана қ. ІІББ экономикалық қауіпсіздік бөлімінде жедел уәкіл болып жұмыс атқарды.2003 жылғы 20 наурыздан 2005 жылғы 20 қаңтарға дейін «ҚазТрансОйлСервис» АҚ-да инженер болып жұмыс істеді.
2005 жылғы 2 тамыздан 2008 жылғы 20 шілдеге дейін «Қазмұнайгаз» ЖШС-де маман болып жұмыс жасады.2008 жылғы 21 мамырдан 2010 жылғы 18 қаңтарға дейін Астана қаласы Соттар әкімшілігінде ішкі қауіпсіздік инспекторы лауазымын атқарды.2012 жылдың 29 тамызынан бастап қазіргі уақытқа дейін Қызылорда «Болашақ» университетінің Стратегиялық даму және экономикалық мәселелер жөніндегі проректоры қызметін атқарды.

«Болашақ» университетінің ректоры тағайындалды

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Мемлекеттік тіліміздің қолданыс аясын кеңейту, көрнекі ақпараттарда мемлекеттік тілдің қолданылуын қамтамасыз ету мақсатында семинар өтті.
Семинарға «Халықаралық «Қазақ тілі» қоғамы» қоғамдық бірлестігі Қызылорда облыстық филиалының төрағасы Сәдуақас Әбдіқадырұлы, облыстық кәсіпкерлік және өнеркәсіп басқармасы, қалалық прокуратура, қалалық кәсіпкерлік, өнеркәсіп және туризм, қалалық тұрғын үй-коммуналдық шаруашылығы, автомобиль жолдары, жолаушылар көлігі және тұрғын үй инспекциясы, халыққа қызмет көрсету орталығы өкілдері, Қызылорда қалалық, аудандық мәдениет және тілдерді дамыту бөлімдерінің басшылары, мамандары, басқарма және Тілдерді оқыту орталығының қызметкерлері қатысты.
Күн тәртібіне сәйкес облыстық қоғамдық даму басқармасының ономастика және тілдерді дамыту бөлімінің басшысы Л.Есімованың, «Халықаралық «Қазақ тілі» қоғамы» қоғамдық бірлестігі Қызылорда облыстық филиалының төрағасы С. Аңсаттың баяндамалары мен Жалағаш аудандық мәдениет және тілдерді дамыту бөлімінің сектор меңгерушісі Б.Дүйсенбиеваның, Жаңақорған аудандық мәдениет және тілдерді дамыту бөлімінің басшысы Н.Бұлдырықовтың хабарламалары тыңдалды. Сондай-ақ «Көрнекі ақпарат және заң» атты бейнеролик көрсетілді.
Семинар соңында көрнекі ақпараттарда мемлекеттік тілдің қолданылуын қамтамасыз ету бағытындағы бірқатар Заңға енгізілген өзгерістер туралы және бұл жұмыстарды жандандыру, жетілдіру бойынша пікірлер тыңдалып, ұсыныстар қабылданды.
<div class="wp-block-image"><figure class="aligncenter size-full"><img loading="lazy" width="1280" height="853" src="https://kyzylorda-news.kz/wp-content/uploads/2022/09/307563772_1207013169856751_4969304998686520450_n.jpg" alt="" class="wp-image-166529" srcset="https://kyzylorda-news.kz/wp-content/uploads/2022/09/307563772_1207013169856751_4969304998686520450_n.jpg 1280w, https://kyzylorda-news.kz/wp-content/uploads/2022/09/307563772_1207013169856751_4969304998686520450_n-768x512.jpg 768w" sizes="(max-width: 1280px) 100vw, 1280px" /></figure></div>

Қызылордада «Көрнекі ақпарат мәселелері» тақырыбында семинар өтті

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a>&nbsp;Мемлекет және қоғам қайраткері Мұрат Әбенов «Жетістіктер формуласы» атты шеберлік сағатын өткізді.
Қорқыт ата атындағы Қызылорда университетінің Студенттер сарайында Мемлекет және қоғам қайраткері Мұрат Әбенов білім алушылармен кездесіп, тұлғалық даму бағытында сөз қозғады. Жиында жастардың мақсат қойып, еңбек етуі, қоғамдағы белсенділікті арттыру мәселелері талқыланды.
<blockquote class="wp-block-quote">«Қоғамда жастардың орны бөлек. Еліміздің дамуы, болашаққа деген сенімді көзқарастың қалыптасуы жастардың әлеуметтік-мәдени ұғымдық болмысымен тікелей байланысты. Елдің болашағын айқындайтын да – жастар қауымы. Қазір олардың жұмыспен қамтылуына, кәсіпкерлікпен айналысуына бағытталған мемлекеттік жобалар жетерлік. Ең бастысы жастарда жігер, өзгеріске бастайтын батылдық пен ынта болуы керек. Түрлі бастамаларға азаматтық позициясын танытып, интеллектуалдық потенциалын тиімді пайдаланатын білім алушылар мықты тұлға болып қалыптасады», – деді Мұрат Абдуламитұлы.</blockquote>
Сондай-ақ, студенттердің дамуы үшін ортаның ықпал ететінін ерекше атап өтіп, жастар оқуы тиіс кітаптарды ұсынды.
Кездесуде университеттегі жастар ісі жөніндегі комитет жетекшісі Нәбиден Марат белсенді жастарға әрдайым қолдау бар екенін жеткізді.
<blockquote class="wp-block-quote">«Қазіргі кезде оқу орнында 22 жастар ұйымы жұмыс жасайды. Білім алушылардың білім және ғылым, мәдениет, спорт салаларында ғана емес, әртүрлі бағытта дамуы үшін түрлі жобалар атқарудамыз. Бір салаға қызығатын жастардың өз идеяларымен бөлісіп, бірге еңбек етуі көп нәтиже береді. Біз үшін әрбір білім алушының қоғамнан өз орнын тапқаны маңызды. Бүгінде университеттің дарынды жастары халықаралық және республикалық жарыстарда ел абыройын асқақтатып жүр», – деді Нәбиден Маратұлы.</blockquote>
Жиын барысында белсенді жастар өз пікірлерін жеткізіп, жаңа идеяларын ортаға салды.
<div class="wp-block-image"><figure class="aligncenter size-full"><img loading="lazy" width="1280" height="960" src="https://kyzylorda-news.kz/wp-content/uploads/2022/09/ea4218f4-46bf-46d1-ab8c-d3fac9c622f8.jpg" alt="" class="wp-image-166524" srcset="https://kyzylorda-news.kz/wp-content/uploads/2022/09/ea4218f4-46bf-46d1-ab8c-d3fac9c622f8.jpg 1280w, https://kyzylorda-news.kz/wp-content/uploads/2022/09/ea4218f4-46bf-46d1-ab8c-d3fac9c622f8-768x576.jpg 768w" sizes="(max-width: 1280px) 100vw, 1280px" /></figure></div>
<div class="wp-block-image"><figure class="aligncenter size-full"><img loading="lazy" width="1280" height="960" src="https://kyzylorda-news.kz/wp-content/uploads/2022/09/210f7e84-9df8-48b4-86ce-bb5e1e5cfb1f.jpg" alt="" class="wp-image-166523" srcset="https://kyzylorda-news.kz/wp-content/uploads/2022/09/210f7e84-9df8-48b4-86ce-bb5e1e5cfb1f.jpg 1280w, https://kyzylorda-news.kz/wp-content/uploads/2022/09/210f7e84-9df8-48b4-86ce-bb5e1e5cfb1f-768x576.jpg 768w" sizes="(max-width: 1280px) 100vw, 1280px" /></figure></div>
<div class="wp-block-image"><figure class="aligncenter size-full"><img loading="lazy" width="1280" height="960" src="https://kyzylorda-news.kz/wp-content/uploads/2022/09/0e938393-d092-4947-b97a-2b993208c4a8.jpg" alt="" class="wp-image-166525" srcset="https://kyzylorda-news.kz/wp-content/uploads/2022/09/0e938393-d092-4947-b97a-2b993208c4a8.jpg 1280w, https://kyzylorda-news.kz/wp-content/uploads/2022/09/0e938393-d092-4947-b97a-2b993208c4a8-768x576.jpg 768w" sizes="(max-width: 1280px) 100vw, 1280px" /></figure></div>

Мұрат Әбенов студенттерге шеберлік сағатын өткізді

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> «AMANAT» партиясының «Өзгерістер жолы: Әр азаматқа лайықты өмір!» атты сайлауалды бағдарламасын іске асыру жөніндегі Қармақшы ауданы бойынша Жол картасы аясында Қуаңдария ауылдық округінде 100 орындық клуб үйі салынуда.
Құрылыс жұмыстарының сапалы әрі уақытылы орындау мақсатында партиялық бақылау бекеті құрылған болатын.
«Қуаңдария» БПҰ төрағасы А.Аймырзаев бақылау бекетінің жұмысымен танысты. Құрылыс қарқынды түрде жүруде. Ауыл әкімі әрі «AMANAT» партиясы бастауыш партия ұйымының төрағасы мердігер мекеме «АХАТ ГС» ЖШС-і өкіліне құрылыс барысында техникалық қауіпсіздік ережелерін қатаң сақтауға, бастысы нысан жұмысын көзделген мерзімінде пайдалануға беруді тапсырды. Сонымен қатар, партиялық бақылау бекетінің жетекшілері И.Қабатова мен аудандық мәслихат депутаты С.Жумадьяров Жол картасы аясында салынып жатқан Ақай ауылдық округіндегі денешынықтыру-сауықтыру кешені мен Төретам кентіндегі №85 мектептің күрделі жөндеу жұмыстарын аралады. Зерделеу барысында жұмысшы топ мүшелері №85 мектепте анықталған кемшіліктерді мердігер мекеме өкіліне тез арада қалпына келтіруді тапсырды. Партиялық бақылау бекеті құрылыс толық аяқталғанға дейін өз жұмысын жалғастыра береді.
<div class="wp-block-image"><figure class="aligncenter size-full"><img loading="lazy" width="1156" height="867" src="https://kyzylorda-news.kz/wp-content/uploads/2022/09/1663307443_10.jpg" alt="" class="wp-image-166511" srcset="https://kyzylorda-news.kz/wp-content/uploads/2022/09/1663307443_10.jpg 1156w, https://kyzylorda-news.kz/wp-content/uploads/2022/09/1663307443_10-768x576.jpg 768w" sizes="(max-width: 1156px) 100vw, 1156px" /></figure></div>

Қармақшы:  Партиялық бақылау бекеті өз жұмысын жалғастыруда

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Байқоңыр ғарыш айлағында «Союз МС-22» ғарыш кемесін ұшыруға дайындық жұмыстарының соңғы кезеңі басталды, деп хабарлайды ҚазАқпарат.
Бүгін таңертең «Союз МС-22» басқарылатын кемесі бар «Союз-2.1а» зымыран-тасымалдағышын «Байқоңыр» ғарыш айлағының 31-ші алаңына шығару және орнату жұмыстары басталды. Ұшырылымға дейін үш күн қалды.
Ғарыштық мақсаттағы ракета монтаждау-сынақ корпусынан шығарылды. Онда оның жалпы құрастыру және сынақ жұмыстары жүргізілді. Ракета теміржолмен «Восток» ұшырылым кешеніне жеткізілді.
Бұған дейін хабарлағанымыздай, 2022 жылдың 5 қыркүйегінде Байқоңыр ғарыш айлағына келген Халықаралық ғарыш станциясының (ХҒС) 68-ші ұзақмерзімді экспедициясының қатысушылары екі аптадан бері Байқоңырда ұшырылым алдындағы дайындық жұмыстарын жүргізіп жатыр.
«Союз МС-22» кемесі бар «Союз-2.1 а» зымыранын ұшыру 2022 жылғы 21 қыркүйекке жоспарланған. Негізгі экипаж құрамында ресейлік ғарышкерлер Сергей Прокопьев пен Дмитрий Петелин, сондай-ақ Рокскосмос пен НАСА арасындағы келісім негізінде ұшатын америкалық астронавт Франциско Рубио бар.

Қазақстан және Қызылорда облысының жаңалықтары

<strong>Қызылордада жазасын өтеушілер күніне 500 пескоблок шығарады</strong>