<a href="https://kyzylorda-news.kz/">Kyzylorda-news.kz.</a> Қызылорда қаласының әкімі Асылбек Шаменов Ақжарма ауылдық округінде тұрғындармен кездесуден кейін, ауыл әкімі қызметін атқарған Әлиев Жұмабек Төлешұлын салтанатты түрде құрметті демалысқа шығарып салды.​Жұмабек Төлешұлы еңбек жолын 1975 жылы Қызылорда облысы, Жалағаш ауданындағы "Қазақстан" кеңшарында жұмысшы болып бастады. Қызметтің түрлі сатысынан сүрінбей өткен кәсіби маман, іскер ұйымдастырушы, білікті басшы Сырдария ауданы комсомол комитетінің меңгерушісі, аудандық білім бөлімінің методисі, аудан әкімінің орынбасары қызметтерін атқарды. Сонымен қатар, Қызылорда облысы әкімі аппаратының консультанты, облыстық халық шығармашылығын дамыту және мәдени-продюсерлік орталығының директоры, Қызылорда облыстық мәдениет басқармасының, қалалық білім, мәдениет және тілдерді дамыту бөлімдерінің басшысы лауазымында абыройлы еңбек етті.&nbsp;​Қызметтік сатысында түрлі жауапты салада тер төккен Жұмабек Төлешұлы 30 мыңнан аса тұрғыны бар Тасбөгет кентін басқарғанда ұтқыр ұйымдастырушылығымен дараланып, 2013-2017 жылдар аралығында көптеген ілкімді істерді атқарды. ​2017 жылдан бүгінге дейін Ақжарма ауылдық округінің әкімі болған Жұмабек Төлешұлы ақжармалықтар үшін ұзақ жылдан бері түйіні шешілмей келген ауыз су, жарықтандыру, жол жөндеу секілді мәселелердің шешімін тауып, ел құрметіне бөленді. Сондай-ақ, Жұмабек Әлиев әкім болған тұста ауыл төрінен типтік жобадағы жаңа мәдениет үйі бой көтерді.&nbsp;​Жұмабек Төлешұлын құрметті демалысқа шығарып салу салтанатында қала әкімі Асылбек Шаменов ауыл әкімінің азаматтық болмысы мен іскерлік қабілетіне ерекше тоқталып, «Сіздің Тәуелсіз Қазақстанның гүлденуі, Сыр өңірінің өсіп-өркендеуі жолында еткен еңбек, төккен тер, қажыр-қайратыңыз үшін шексіз ризашылығымды білдіремін» деп, қазақы дәстүрмен шапан жауып, ең жоғарғы марапат «Құрмет» грамотасын тапсырды.​Жұмабек Төлешұлы зейнетке шықса да, Сыр елінің қоғамдық-саяси өмірінен тысқары қалмасы анық. Өйткені халық қадірлеген мұндай азаматтың кейінгі толқынға берері мол деп білеміз.<figure class="image"><img src="https://knadmin.beoblood.kz/uploads/316314964_3240225882910814_1110175227535142335_n_ab400115ec.jpg" alt="316314964_3240225882910814_1110175227535142335_n.jpg"></figure>

Қызылорданың дамуына сүбелі үлес қосты

<a href="https://kyzylorda-news.kz/">Kyzylorda-news.kz.</a> Қызылорда облысында&nbsp;«Қыс-2022» республикалық командалық-штабтық оқу-жаттығуы өтті. Бұл туралы Қызылорда облыстық төтенше жағдайлар департаментінің баспасөз қызметі хабарлады.Азаматтық қорғаудың мемлекеттік жүйесінің басқару органдарын, күштері мен құралдарын 2022 жылғы 24 қарашада қысқы кезеңдегі төтенше жағдайлар кезіндегі іс-қимылдарға даярлау мақсатында «Қыс-2022» Республикалық командалық-штабтық оқу-жаттығуының облыстық кезеңі Қазалы ауданында өткізілді.&nbsp;Оқу-жаттығу барысында жергілікті уақытпен 9:00-де «Дабыл-1001» сигналы түсті. Оқу-жаттығуды бақылау мақсатында Әйтеке би кентінде орналасқан «ҚазАвтоЖол» мекемесінің ауласында Қазалы ауданы бойынша азаматтық қорғау қызметтерінің және шұғыл әрекет ету жасақтарының күш-құралдарының әзірлігін Қазалы аудан әкімінің міндетін атқарушы Күнтілес Айдарбекұлы қарады. Осы оқу-жаттығуға 176 жеке құрам 74 бірлік техника қатыстырылды. Сонымен қатар аталған саптық қарауға азаматтық қорғаудың облыстық қызметтерінің өкілдері қатысты.Оқу-жаттығу шарты бойынша бірінші шартты жағдайға сәйкес облыстық автожолда автокөліктердің соқтығысуы әсерінен авария жағдайы орын алып, Өрт сөндіру қызметі, медициналық қызметі және қоғамдық тәртіпсіздікті сақтау қызметі жұмылдырылып толығымен жойылды.Екінші шартты жағдайға сәйкес Жолаушылар поездінің алдыңғы бөлігінен өрт оқиғасы туындап поезд ішінде 20 жолаушының қалып қойғаны анықталғаны.&nbsp;Үшінші шартты жағдайға сәйкес республикалық маңызы бар автомобиль жолдарында қардың көп түсу салдарынан автокөлік кептелісі орыналған. Аталған қар құрсауында қалып қойған жолаушыларды эвакуациялау және ыстық тағаммен қамтамасыз ету жұмыстары жүргізілді.«Қыс-2022» республикалық командалық-штабтық оқу-жаттығуы басшылығының штабымен байланыс және телефон желілері жылжымалы басқару пунктінен Төтенше жағдайлар министрлігімен бейнеконференция байланысы ұйымдастырылды.&nbsp;Аталған оқу-жаттығу Шиелі ауданында да өтті. Оқу жаттығу жиынына аудан әкімінің орынбасары Ерсұлтан Апетов арнайы қатысты.Оқу жаттығулар қысқы уақытта ықтимал болатын төтенше жағдайларды жою бойынша азаматтық қорғаныс құрылымы мен қызметтерінің даярлығын тексеру мен жетілдіру мақсатында ұйымдастырылды. Жаттығу барысында жасақ жетекшілерінің өзіне жүктелген функционалдық міндеттері тыңдалып, тиісті тапсырмалар берілді. Сонымен қатар «Қыс-2022» оқу-жаттығу аясында төтенше жағдайларды жою бойынша іс-әрекеттерді пысықтауға арнайы-тактикалық жаттығулар, авариялық-құтқару қызметтерімен және азаматтық қорғау құрамаларымен практикалық әрекеттер өткізілді.Сонымен қатар Сырдария ауданында да таңғы 08:00-де «Дабыл-1001» шартты белгісі түсісімен құлақтандыру жүйесі арқылы азаматтық қорғау топтарының басшы құрамдарына «жалпы жиналу» хабарын жеткізуден басталды.&nbsp;&nbsp;Оқу-жаттығу барысында аудандық азаматтық қорғау қызметтерінің әзірліктері пысықталып, саптық қарау жұмыстары жүргізілді. Оқу жаттығудың практикалық бөлігінде Тереңөзек кенті, Аманкелді көшесі бойында орналасқан көп қабатты тұрғын үйлердің бу қазандығының жарылғандығы туралы шартты белгісі беріліп, тиісті азаматтық қорғау қызметтерінің күшімен орын алған төтенше оқиғаны жою бойынша шұғыл әрекет ету жұмыстары ұйымдастырылды. Сонымен қатар, Тереңөзек кентіндегі Сырдария аграрлы-техникалық колледжіндегі эвокуациялық жинақтау пунктінің және С.Сейфуллин ауылдық округіндегі №137 мектепте орналасқан эвокуациялық қабылдау пунктінің жұмыстары тексерілді.Жалпы облыс бойынша оқу-жаттығуға барлығы 1184 жеке құрам адамы және 351 бірлік техника қатыстырылды. Оқу-жаттығу аяқталған соң «Қыс-2022» республикалық командалық-штабтық оқу-жаттығуы басшылығының штабымен қорытытынды жиын өтті.Іс-шара кезінде Қазалы ауданы әкімінің орынбасары Назымбеков Күнтілес Айдарбекұлы, Қызылорда облысы Төтенше жағдайлар департаменті бастығының орынбасары подполковник Әбдіқадыров Бекболат Қайырбекұлы және Қазалы ауданы Төтенше жағдайлар бөлімінің бастығы азаматтық қорғау подполковнигі Қалиев Алтынбек Сауытбекұлы «Қыс-2022» республикалық командалық-штабтық оқу-жаттығуының өткізілу барысы туралы БАҚ өкілдеріне брифинг берді.<figure class="image"><img src="https://knadmin.beoblood.kz/uploads/IMG_20221124_WA_0094_09a5980e7c.jpg" alt="IMG-20221124-WA0094.jpg"></figure><figure class="image"><img src="https://knadmin.beoblood.kz/uploads/IMG_20221124_WA_0084_49a94121e3.jpg" alt="IMG-20221124-WA0084.jpg"></figure><figure class="image"><img src="https://knadmin.beoblood.kz/uploads/IMG_20221124_WA_0102_b98f2cbaa9.jpg" alt="IMG-20221124-WA0102.jpg"></figure><figure class="image"><img src="https://knadmin.beoblood.kz/uploads/IMG_20221124_WA_0088_7030d73a30.jpg" alt="IMG-20221124-WA0088.jpg"></figure><figure class="image"><img src="https://knadmin.beoblood.kz/uploads/5_EE_66_C10_189_D_47_DA_80_A8_680241924_A37_cb61349f5b.jpeg" alt="5EE66C10-189D-47DA-80A8-680241924A37.jpeg"></figure><figure class="image"><img src="https://knadmin.beoblood.kz/uploads/IMG_20221124_WA_0092_2451a46e7d.jpg" alt="IMG-20221124-WA0092.jpg"></figure><figure class="image"><img src="https://knadmin.beoblood.kz/uploads/275_E9_FCB_4574_4746_866_C_D7_C4_BAAAC_84_F_7c2df79677.jpeg" alt="275E9FCB-4574-4746-866C-D7C4BAAAC84F.jpeg"></figure><figure class="image"><img src="https://knadmin.beoblood.kz/uploads/3258_B048_00_D6_41_AE_93_A8_363_A85_E9_D2_B5_429b99d2d7.jpeg" alt="3258B048-00D6-41AE-93A8-363A85E9D2B5.jpeg"></figure><figure class="image"><img src="https://knadmin.beoblood.kz/uploads/IMG_20221124_WA_0098_5ee2b7edb7.jpg" alt="IMG-20221124-WA0098.jpg"></figure><figure class="image"><img src="https://knadmin.beoblood.kz/uploads/IMG_20221124_WA_0090_8111942f39.jpg" alt="IMG-20221124-WA0090.jpg"></figure><figure class="image"><img src="https://knadmin.beoblood.kz/uploads/D23_A39_D4_8252_4038_96_E5_903_DF_6_EC_6794_6314446afd.jpeg" alt="D23A39D4-8252-4038-96E5-903DF6EC6794.jpeg"></figure><figure class="image"><img src="https://knadmin.beoblood.kz/uploads/7_EE_359_F5_1909_4_CC_4_AE_8_B_7_F6_F9_C1_E3780_a26affc77b.jpeg" alt="7EE359F5-1909-4CC4-AE8B-7F6F9C1E3780.jpeg"></figure>

«Қыс-2022»: Оқу-жаттығуға мыңнан аса адам қатысты (ФОТО)

<a href="https://kyzylorda-news.kz/">Kyzylorda-news.kz.</a> Кеше Шиелі ауданының прокуроры Нұрбек Қаратаевтың төрағалығымен дөңгелек үстел ұйымдастырылып, жаңадан қабылданған ҚР «Прокуратурасы туралы» Конституциялық Заңының негізгі ерекшеліктері атап өтілді.&nbsp;Дөңгелек үстел басына аудандық әкімдік пен құқық қорғау органдарының басшылығы, аудандық кәсіпкерлер палатасы өкілері, маслихат депутаттары, адвокаттар, үкіметтік емес ұйымдардың басшылары және БАҚ-ның өкілдері жиналды. &nbsp;Жиында аудан прокуроры Нұрбек Қаратаев бұл заңның қабылдану мақсаты туралы айтты.&nbsp;<blockquote>«Заңның мақсаты - прокуратура қызметкерлерінің жауапкершілігін арттыру және құзыретін кеңейту ғана емес, азаматтардың құқықтары мен бостандықтарын, заңды тұлғалардың, қоғам мен мемлекеттің, бизнес өкілдерінің заңмен қорғалатын мүдделерін сақтайтын және бұзылған құқықтары мен бостандықтарын қалпына келтіреді. Сонымен қатар құқық қорғау, өзге де мемлекеттік органдардың қызметін үйлестіріп, қоғамдағы барлық заңдардың мүлтіксіз орындалуын қамтамасыз ететін бірден-бір жоғарғы акт. Сондай-ақ тарихымызда ең алғашқы прокуратура органдарына қатысты конституциялық мәртебесі бар бұл заңның құқық қорғау саласында рөлі ерекше болатыны сөзсіз», - деді Нұрбек Қаратаев.&nbsp;</blockquote><figure class="image"><img src="https://knadmin.beoblood.kz/uploads/316098584_1448582919005496_4380992809903106261_n_f40ffef4d4.jpg" alt="316098584_1448582919005496_4380992809903106261_n.jpg"></figure>

Нұрбек Қаратаев: Заңдардың мүлтіксіз орындалуын қамтамасыз ететін жоғарғы акт

<a href="https://kyzylorda-news.kz/">Kyzylorda-news.kz.</a> 25 қарашада Атлантика циклонының өтуіне байланысты Қазақстан аумағының басым бөлігінде қар түрінде жауын-шашын сақталады, деп хабарлайды Қазгидромет.Елдің батысында жауын-шашынсыз күн райы күтіледі. Республика бойынша тұман, көктайғақ, желдің күшеюі, солтүстікте, солтүстік-батыста және шығыста бұрқасын болжанады.

25 қарашаға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Қазақстан Республикасының Президенті Қасым-Жомарт Тоқаевтың «Әкімдердің халықпен кездесулерін өткізу туралы» Жарлығына сәйкес, бүгін аудан әкімі Нұржан Сәбитұлы Талаптан, Бәйгеқұм, Жөлек, Ортақшыл ауылдық округтерінің тұрғындарымен кездесу өткізіп, үш ай бұрын айтылған мәселелердің түйінін тарқатты.&nbsp;Келелі кездесуге ауыл тұрғындары, ауылдың абыз ақсақалдары мен ақ жаулықты аналары, зиялы қауым өкілдері, Шиелі ауданының прокуроры Нұрбек Қаратаев, аудандық мәслихат хатшысы Тұрмағанбет Жағыпбаров пен бірқатар мекеме басшылары қатысты.&nbsp;Талаптан ауылдық округінде өткен кездесуде, аудан әкімі Нұржан Ахатов 3 ай бұрын ауылдық округте өткен жиында көтерілген «Нәнсай» каналын қазу және канал бойындағы көпірлерді ауыстыру, ауылдың айналасында көбейіп кеткен қасқырларды азайту, Баекеев көшелерін асфальттау және Палымбетұлы көшесіне түнгі жарық орнату мәселелерінің біртіндеп шешіліп келе жатқандығын айтты.Атап айтар болсақ, Бестам ауылынан бастау алып, Майлытоғай ауылына дейінгі 32 шақырымды құрайтын «Нәнсай» қашыртқысы мен апатты жағдайдағы 2 көпірді иесіз деп тану үшін жауапты бөлімге қыркүйек айында хат жолданған. 1 жылдан кейін иесіз мүлік ретінде сотқа беріліп, теңгерімге алынатын болады. Содан кейін ғана көпір мен қашыртқыны қазып, қалпына келтіру жұмыстары жүргізіледі.Ауылдың айналасындағы көбейіп кеткен қасқырларды азайту мәселесіне келер болсақ, саны реттеуге жататын жануарларды аулауға рұқсат беру Қызылорда облыстық орман шаруашылығы және жануарлар дүниесі аумақтық инспекциясы тарапынан жүргізіледі. Сондай-ақ, жыртқыштарды аулауды Шиелі орман және жануарлар дүниесін қорғау жөніндегі КММ-сі қызметкерлерімен ұйымдастыру ұсынылып отыр. Сонымен қатар, аудан әкімдігі өз тарапынан жыртқыштарды аулауға ниет білдірген аңшыларға арнайы рұқсат құжатын ала отырып, аңшылықты қамтамасыз ету көзделген. Қазіргі таңда, Талаптан ауылдық округі әкімі тарапынан аңшыларды ұйымдастыру жұмыстары жүргізілуде. Ал, Қ.Баекеев көшелерін асфальттау және Палымбетұлы көшесіне түнгі жарық орнату жайына келер болсақ, ұзындығы 700 метр болатын Қ.Бәкеев көшесі «Ауыл-Ел бесігі» бағдарламасы бойынша орташа жөндеуге ұсынылған көшелердің қатарында бар. Палымбетов көшесінің түнгі жарықтары қазіргі таңда толықтай ауыстырылған.Бәйгеқұм ауылдық округіне келер болсақ, мұнда бірнеше ай бұрын өткен кездесуде тұрғындар тарапынан егін егу үшін жер қажеттілігі, М.Әуезов, А.Құнанбаев көшелерінде ескірген электр бағаналарын ауыстыру, ауыл сыртында тұратын оқушыларды мектепке тасу үшін газель автокөлігі қажеттілігі секілді мәселелер айтылған болатын.&nbsp;Нәтижесінде, М.Әуезов, А.Құнанбаев көшелеріндегі тозығы жеткен 3 электр бағанасы ауыстырылса, ал егін егуге жер сұраған 5 тұрғынға 2023 жылы жер дайындалып, берілетін болады. Мектеп оқушыларын тасымалдайтын газель көлігі мәселесіне келер болсақ, бұл жөнінде жауапты басқармаға хат жолданған.Жөлек ауылдық округі тұрғындарымен кездескен аудан әкімі өткен кездесуде тұрғындар тарапынан көтерілген мәселелерге тоқталып, шешімін тапқан мәселелерді атап өтті.&nbsp;Мәселен, ауыл ішілік атауы жоқ көше тұйықтарына тас төсеу мәселесі ағымдағы жылдың аяғына дейін шешілмек. Яғни, ауылдағы 2 көше тұйығына «Шиелі-жолшы» ЖШС демеушілігімен қиыршық-құм қоспасы төселінеді. Ал елді мекенге жаңадан балабақша салу мәселесіне келер болсақ, қазіргі таңда балабақшаның жобалық сметалық құжаттары толық дайын, тек мемлекеттік сараптама жұмыстары қалып тұр.&nbsp;Ортақшыл ауылдық округінде өткен аудан әкімінің халықпен кездесуінде де өткен тоқсандық жиында айтылған мәселелердің шешілу барысына мән берілді. Дәлірек айтар болсақ, тұрғындар тарапынан көтерілген елді мекенге жаңадан дәрігерлік амбулатория мен клуб үйін салу мәселелері және де Дүйсенбі Смайловтың 90 жылдығын аудан көлемінде атап өту мәселелерінің шешілу барысы айтылды. Сіздердің ауылдарыңыз «Ауылдық денсаулық сақтауды жаңғырту» пилоттық Ұлттық жобасына енгізілген 8 ауылдың тізімінде бар. Аманшылық болса, алдағы уақытта жаңа амбулаторияның тұсауын кесеміз деген сенімдемін», – деді аудан әкімі. Ал, жаңа клуб үйін салу мәселесі облыс әкімінің алдымен, медициналық пункттер мен мектеп сынды қоғам үшін маңызды нысандарды салуға басымдылық беруі себепті кейінге қалдырылып отыр. Дүйсенбі Смайловтың 90 жылдығын атап өту мәселесі де оң шешімін тауып, «Алтын күз – 2022» мерейтойы аясында ақынның 90 жылдығы жоғарғы деңгейде аталып өтілді.&nbsp;<figure class="image"><img src="https://knadmin.beoblood.kz/uploads/316808251_1448471559016632_5749140283124728950_n_cbc2e3b08c.jpg" alt="316808251_1448471559016632_5749140283124728950_n.jpg"></figure><figure class="image"><img src="https://knadmin.beoblood.kz/uploads/316824688_1448474819016306_5243014166410754263_n_a780d8bc4f.jpg" alt="316824688_1448474819016306_5243014166410754263_n.jpg"></figure>

Нұржан Ахатов Талаптан, Бәйгеқұм, Жөлек, Ортақшыл ауылының тұрғындарымен кездесті

<a href="https://kyzylorda-news.kz/">Kyzylorda-news.kz.</a>&nbsp; Бүгін Арал қаласында төтенше жағдайлардың алдын алу, оларды жою және азаматтық қорғау мемлекеттік жүйесін одан әрі жетілдіру, сондай-ақ қысқы кезеңдегі төтенше жағдайларға басқару органдарын, азаматтық қорғаудың күштері мен құралдарын дайындау мақсатында «Қыс-2022» республикалық командалық-штабтық оқу-жаттығуы өткізілді.&nbsp;Аталған оқу-жаттығуға аудан әкімінің орынбасары Қ. Әбсұлтанов қатысып, аудан деңгейінде төтенше жағдай орын алған кезде оны жоюға жұмылдырылатын азаматтық қорғау қызметтері мен құрылымдардың әзірлігін тексерді.&nbsp;Алдымен инженерлік қызметтің әлеуетін бақылап, техникаларымен танысып, қысқа дайындығын бағамдады. Қыс мезгілінде көрсетілетін қызметтерге дайын құрылымдар қатарында бұдан бөлек сауда және тамақтандыру қызметі, жанар-жағармай, жануарларды және өсімдіктерді қорғау қызметі, энергетика мен жедел жәрдем, радиоциялық-химиялық қорғаныс қызметі, құлақтандыру және байланыс, су қызметі, КазТрансГаз және полиция қызметі мен төтенше жағдай және өрт сөндіру қызметтері бар. Бұл құрылымдардың барлығы аудан әкімінің орынбасарына қысқа дайын екендіктерін баяндады.«Қыс-2022» республикалық командалық-штабтық оқу-жаттығудың соңында аудан әкімінің орынбасары барлық құрылымдардың өкілдерін қыс мезігілі келе жатқандықтан, қай уақытта болмасын әзір болу қажет екенін айтып, азаматтық қорғау қызметі мен құрылымдардың жұмысына сәттілік тіледі.Оқу-жаттығу барысында көлік магистральдары мен тыныс-тіршілікті қамтамасыз ету объектілерінің жұмыс істеуі бұзылған жағдайда өздеріне бағынысты күштерді басқару бойынша АҚМЖ салалық және аумақтық кіші жүйелердің жұмысында үйлесімділігін жетілдіру, төтенше жағдайдың алдын алу және оларды жою жөніндегі комиссияның, азаматтық қорғау қызметтері мен құрылымдары жедел штабтарының жұмысы, қысқы кезеңдегі төтенше жағдайға ден қоюға азаматтық қорғау қызметтері мен құрылымдарының әзірлігі тексерілді.<figure class="image"><img src="https://knadmin.beoblood.kz/uploads/316235644_3422697398058622_2319986254254116432_n_685d67203f.jpg" alt="316235644_3422697398058622_2319986254254116432_n.jpg"></figure>&nbsp;<figure class="image"><img src="https://knadmin.beoblood.kz/uploads/316205264_3422697284725300_6098689080974079562_n_1722cb10fe.jpg" alt="316205264_3422697284725300_6098689080974079562_n.jpg"></figure>&nbsp;<figure class="image"><img src="https://knadmin.beoblood.kz/uploads/316089813_3422697064725322_4683930791115663794_n_bf580a3a02.jpg" alt="316089813_3422697064725322_4683930791115663794_n.jpg"></figure>

«Қыс-2022»: Аралдық құтқарушылардың қысқа дайындығы тексерілді

<a href="https://kyzylorda-news.kz/">Kyzylorda-news.kz.</a> Бүгін Қармақшы ауданы Полиция бөлімінің Жергілікті полиция қызметі бөлімшесінің қызметкерлері, аудандық білім бөлімінің маманы, аудандық емхана дәрігерінің қатысуымен Қармақшы ауданына қарасты Дүр Оңғар ауылдық округіндегі №107 орта мектептің және ІІІ Интернациона ауылдық округі №108 орта мектептің 8-11 сынып оқушыларымен кездесу жиынын өткізді.&nbsp;Жиында оқушыларға кәмелетке толмағандар арасында құқық бұзушылық және қылмыс, нашақорлықтың алдын алу, интернет қауіпсіздігі мен суицид, зорлық-зомбылық, ерте жүктіліктің алдын алу бағытында құқықтық түсіндірме жұмыстары жүргізілді.Сонымен қатар, құқықтық сауатсыздық, өз құқығы мен міндетін білмей, басқаның құқын сыйламаудың кесірінен әртүрлі келеңсіз жағдайларға кезігіп қалудың мүмкін екендігін, қылмыстың қоғамдағы зияны мен адам тағдырын адастыратыны жайлы, сондықтан құқықтық тәрбиені санаға сіңіріп, әркім өзінің жеке басын және қасындағылардың жеке басын құрметтеу керек екені айтылса, дәрігерлер тарапынан салауатты өмір сүру салты, зиянды әдеттерден бойды аулақ ұстау, жеке бастың тазалығы жайлы сөз болды.Жиын еркін форматта өтті. Оқушылар өз пікірлерін білдіріп, құнды ақпараттар алғанын жеткізді.&nbsp;<img src="https://knadmin.beoblood.kz/uploads/316665728_624630922746536_7937129413979311937_n_1ce8a7a15c.jpg" alt="316665728_624630922746536_7937129413979311937_n.jpg"><img src="https://knadmin.beoblood.kz/uploads/316313550_624631026079859_4688551357600936390_n_187d0620bc.jpg" alt="316313550_624631026079859_4688551357600936390_n.jpg"> &nbsp;

Қармақшы: Мобильді топ елді мекендердегі білім беру ұйымдарында құқықтық түсіндіру шараларын жүргізуде

<a href="https://kyzylorda-news.kz/">Kyzylorda-news.kz.</a> Қызылорда тұрғыны алаяқтық қылмысын ашқан тергеушіге алғыс айтты.Қызылорда облысы Полиция департаменті бастығына қала тұрғыны тергеушіге алғысын білдіріп хат қалдырған болатын.Жаз айында жәбірленуші Алматы облысындағы жоғарғы оқу орындарының біріне оқуға түсіріп беремін деп алдаған күдікті азаматқа 3,3 млн. теңгеден астам ақшасын берген. Ол осы оқиға бойынша Тасбөгет полиция бөліміне арызданған болатын.Қызылорда қаласы полиция басқармасының Тасбөгет полиция бөлімінің тергеушісі Барысбек Талғатұлы қылмыстық іс бойынша тергеп-тексеру амалдарын жүргізіп, кәсібилігінің арқасында жедел түрде алаяқтық жолымен алынған қаражаттарын жәбірленушіге толықтай қайтарылды.<blockquote>«Сізге осы алғысымды жолдай отырып, қылмысты ашуға бар күш-жігерлерін салып, жедел іздестіру іс-шараларын тиімді нәтижемен ұйымдастырған тәртіп сақшысын марапаттауыңызды сұраймын», - деп жазылған келген хатта.</blockquote>Айта кетейік, қызылордалық тәртіп сақшылары құқық бұзушылықтарға қарсы тұрып, азаматтардың құқығын қорғап қана қоймай, әрдайым көмекке мұқтаж жандарға заң шеңберінде көмек көрсетіп, қоғамның тыныштығын сақтап келеді.<figure class="image"><img src="https://knadmin.beoblood.kz/uploads/policziya_a303fc34a0.jpeg" alt="полиция.jpeg"></figure>

Қызылордалық алаяқтық қылмысын ашқан тергеушіге алғыс айтты

<a href="https://kyzylorda-news.kz/">Kyzylorda-news.kz.</a>&nbsp; Елімізде әлеуметтік кәсіпкерлікті дамыту мақсатында биылғы жылдан бастап әлеуметтік кәсіпкерлік субъектілерінің реестрі жүргізіліп жатыр.Реестрді жүргізу үшін Үкіметпен арнайы қағида қабылданған. Қағидаға сәйкес бұл электрондық дерекқорға ірі кәсіпкерлік субъектілерін қоспағанда дара кәсіпкерлер мен заңды тұлғалар 4 санатта енгізіледі. Атап айтқанда:Бірінші санатқа – халықтың әлеуметтік осал санаттарын жұмыспен қамту мәселелерін шешетін кәсіпкерлер (олардың кәсіпорындарындағы осы санаттағы қызметкерлердің үлесінің жалпы санының кемінде 51%-н құрауы тиіс);Екінші санатқа – халықтың әлеуметтік осал топтарындағы кәсіпкерлер;Үшінші санатқа – халықтың әлеуметтік осал топтарына қызмет көрсететін немесе оларға арнап тауарлар өндіретін кәсіпкерлер;Төртінші санатқа – экология, білім, мәдениет, өнер және т.б. мәселелерін шешумен айналысатын кәсіпкерлер жатқызылады.Реестрге енгізілген кәсіпкерлерге қаржылық, мүліктік, инфрақұрылымдық, институционалдық және ақпараттық қолдау, салықтық жеңілдіктер секілді мемлекеттік қолдау шаралары көрсетіледі.Мәселен, ерекше қажеттіліктері бар қызметкерлер саны 51% құрайтын ұйымдар корпоративтік табыс, әлеуметтік және жер салықтарынан босатылады, мүлік салығын есептеу кезінде жеңілдіктерге ие болады.Сонымен қатар, барлық салық төлеушілер үшін, тіпті әлеуметтік кәсіпкерлер болып табылмайтындар үшін келесі жеңілдіктер қарастырылған:- мүлікті (коммерциялық емес және әлеуметтік ұйымдарға) өтеусіз беру немесе қайырымдылық көмек көрсету кезінде құнына салық салынатын табыс мөлшері 4%-ға дейін төмендетіледі;-мүгедектігі бар адамдарға төленген жалақының 2 еселенген мөлшеріне және мүгедектігі бар адамдарға төленетін жалақыдан және басқа да төлемдерден әлеуметтік салық сомасынан 50%-ға салық жүктемесі төмендетілді;- мүгедектігі бар адамдар жеке табыс салығын төлеуден босатылды (күнтізбелік жылға 882 еселенген АЕК немесе 2,4 млн теңге шегінде).Кәсіпкерлерді реестрге енгізу үшін Қағидаға сәйкес тоқсан сайын хабарландыру беріліп, арнаулы комиссияның қарауына енгізу үшін құжаттар қабылданады.Толық ақпаратты Қызылорда облыстық кәсіпкерлік және өнеркәсіп басқармасы және Қызылорда облыстық кәсіпкерлер палатасы арқылы алуға болады. Байланыс телефондары: 8 (7242) 60-54-08, 40-02-02, 40-09-81

Әлеуметтік кәсіпкерлікпен айналысқыңыз келе ме?

<a href="https://kyzylorda-news.kz/">Kyzylorda-news.kz.</a> Бүгін Қызылорда облысы Жаңақорған ауданында тұрғындар мен мекемелердің қауіпсіздігін сақтау, төтенше жағдайлар бөлімі қызметкерлерінің дайындықтарын тексеру мақсатында «Қыс – 2022» республикалық командалық-штабтық оқу-жаттығулары өтті.«Қыс – 2022» республикалық командалық-штабтық оқу-жаттығу жұмыстары бойынша ТЖ орын алған көп қабатты тұрғын үйдегі тұрғындарды қауіпсіз жерге көшіру ұйымдастырылды. Сондай-ақ, оқу-жаттығу жұмыстарына барлық қажетті техникалар мен тиісті сала мамандары, медициналық жедел жәрдем қызметі толық құрамда қатысты.Сонымен қатар, оқу-жаттығу жұмыстары барысында қар құрсауында қалған жолаушылар автокөлігіндегі жолаушылар «Қазақавтожол» ЖШС-нің Жаңақорған ауданындағы 50-ші жол пайдалану бөлімшесіне жылы жерге эвакуацияланып, арнайы бокстарда автокөлікке техникалық көмектер көрсетілді. Іс-шарада әрбір қызметтік топ жетекшісі мен топ мүшелерінен қызметтік міндеттері сұралып, техникалық базалары тексерілді. Құрал-саймандары түгенделді. Оқу-жаттығу барысында апат болған жағдайда бірінші кезекте қажеттілігі туындайтын байланыс саласымен, азық-түлікпен қамтамасыз ететін және барлау-құтқару қызметтерін жүргізетін басты салалардың жұмыстарына ерекше көңіл бөлінді. Осылайша, аудандағы төтенше жағдайлардың алдын алу, төтенше жағдай кезінде адам шығынын болдырмау және төтенше жағдайда ережеге сәйкес дер кезінде іс-қимыл атқаруды дұрыс ұйымдастыру мақсатында өткен оқу-жаттығу жұмыстары сала мамандарын бір пысықтаудан өткізіп алды.Қорыта айтқанда, құтқарушылар қыстың қаһарына толық дайын екендіктерін дәлелдеді. Сала басшыларының айтуынша, биылғы қысқы маусымға дайындық тыңғылықты. &nbsp;<img src="https://knadmin.beoblood.kz/uploads/315710941_3305738483007825_8722125822533864730_n_9dee0bf0ba.jpg" alt="315710941_3305738483007825_8722125822533864730_n.jpg"><img src="https://knadmin.beoblood.kz/uploads/315436313_3305738576341149_5144027122170304581_n_b2048e8d68.jpg" alt="315436313_3305738576341149_5144027122170304581_n.jpg">

«Қыс – 2022» республикалық командалық-штабтық оқу-жаттығу жұмыстары өтті

<a href="https://kyzylorda-news.kz/">Kyzylorda-news.kz.</a> Жалағаш ауданына қарасты Аққұм елді мекенінде ауыл шаруашылығы қарқынды дамыған. Иә, қазір бұл ауылда Сыр салысының өзі өндіріліп барып, экспортқа шығарылады. Себебі мұнда тәулігіне 12-13 тонна күріш ақтайтын алып цех іске қосылған. Осыдан 4-5 жыл бұрын барғанымызда «Бақдәулет – 57» шаруа қожалығының мал шаруашылығы бағытында бірқатар жобаны қолға алғанына қаныққанбыз. Кейін мал басын асылдандыруға ден қойған бұл шаруашылықтың да бүгінде шаруасы ширапты.Осыдан он жыл бұрын жұмысын бастаған шаруашылық бүгінде бірнеше адамды жұмыспен қамтып отыр. Осыдан бірнеше жыл бұрын «Алтын асық» бағдарламасымен Батыс Қазақстан облысынан асыл тұқымды 300 бас ірі құйрықты қой мен 15 бас қошқар алып, қой шаруашылығын дамытуды да қолға алған. Қорадағы уақ малдың тұқымы бөлек екені көрініп-ақ тұр және олардың санында да бүгінде айтарлықтай өсім қалыптасқан.Мұнда төрт түліктің барлық түрі бар. Кез келген кәсіпкер мал шаруашылығы бағытында жұмыс жасамас бұрын алдымен оның жем-шөбін қамдайды. Төрт түлікті түлеткен аққұмдықтар мал азығынан таршылық көрмеудің де қамын қарастырыпты. Мәселен, фермерлік кәсіпорын жұмысымен «Бақдәулет» шаруа қожалығы қатар құрылған еді. 2012 жылы «Аққұм ЛТД» серіктестігінің ізімен жұмысын бастаған шаруашылық бастапқыда 695 гектар алқапқа егін егіп, Жер анадан ырзық-несібесін жинады. Бүгінде шаруашылықтың жер көлемі де ұлғайып, жиын-терім кезінде қамбасы қазынаға кенелуде. Егін саласында сапалы әрі мол өнімге қол жеткізу үшін алдымен техника сапасының жақсы болуы қажеттігі айтпаса да белгілі. Ал мұнда базадағы техникаларды жаңарту жұмыстары 2013 жылдан бері жүзеге асырылып келеді.Асыл тұқымды мал санын арттыруға ден қойған бұл ұжымның ауласында жылқы мен түйе, сиыр мен уақ малдың да қарасы қалың. Ферма бригадирі қазірдің өзінде мұнда 1000-нан аса қой барын айтады.<blockquote>«150 бас ақбас сиыр өсірудеміз. Оның 100-ге жуығы – аналық, қалғаны – баспақ, бұзау, тайынша. Сондай-ақ 54 түйе бар. Оның он шақтысын сауып, шұбатын қалаға жібереміз. Жылқы да ұстаймыз. Қамбар атаның тұқымынан 300 бас бар, олар көбіне қолда емес, жайылымда», – дейді бригадир Әділқадыр Тұрмағанбетов.</blockquote>«Бақдәулет – 57» ШҚ-да бордақылау алаңы, қасапхана жұмысы жолға қойылған. Мұнда күз-қыс айларында 30-40 бас ірі қара сойып сатылады. Ал уақ малды керек еткен тұрғындар тікелей ақшасына алса, жұмысшылар жағы жалақысынан жаздырып алатын көрінеді. Қорада бордақыланған төрт түліктің барлық түрі қоңды, саны да айтарлықтай артқан.<blockquote>«Ферманың өзінде, күріш шаруашылығын қоспағанда 25 адам жұмыс істейді. Бордақысы бар, сауыны бар, бәріне де жұмысшы керек қой. Арық-тұрағын бағуға да көп күш керек. Ветеринар дәрігер ұдайы қадағалап, тиісті екпе жұмыстарын уақытылы жүргізіп отырады. Негізінен жылқыдан басқасының бәрі қыста қораға айналады. 60-70 мың дана жоңышқа жиналып, қосымша табиғи шөп пен жем де шаруашылықтың өзінен дайындалады», – дейді ферма бригадирі.</blockquote>Ветеринар Сейдулла Өрікбаев кейде уақ малда өкпе аурулары болатынын айтады. Жылқыда сақау, сиырда қарасан дейтін ауру ара-тұра кездесіп қалады екен. Кейде жылқылар өзара тебісіп те жараланып жатады. Кесте бойынша екпе салып, төтеннен келер кейбір дерттің алдын алып жүрген шаруашылықта мал шығыны көп болмайтын көрінеді.«Ауылына қарап, азаматын таны» деген халқымыздың даналық сөзі бар. Инвестор «Бақдәулет-57» фермерлік шаруа қожалығының демеушілігімен Аққұм ауылдық округі абаттанып, игілікті істер атқарылып келеді. Бастысы, береке мен бірлік ұялаған ауылдың тірлігі де тындырымды. Шаруашылықтың қаржылай қолдауымен ауылда 40 орындық монша, үлкен сауда орталығы мен спорт кешені бой көтерген. Жаңа нысандар ауыл ажарына әр берумен қатар өңірдің келбетін айшықтауда.Алып кәсіпорындар шоғырланған өңірдің өркендеуі қазір-ақ. Бұл сөзімізге жыл сайын түрлі жобалар жұмысын бастап жатқан Аққұм ауылы дәлел болары анық. Егін және мал шаруашылығын дамытуға ден қойған екі кәсіпорынның өзі қаншама ауыл халқын жұмыспен қамтып отыр. Міне, мемлекеттің аталған саланы қолдауға басымдық беріп отырғаны да сондықтан және оның жемісін аққұмдықтар көріп отыр деп толық айта аламыз.Айтпақшы, шаруашылық ұжымы тек ет бағытында үлкен табысқа кенеліп отыр. Бұйыртса, ірі қараның басқа тұқымын әкеліп, мұнда сүт бағытында да өз жобаларын жүзеге асыруды көздеп отыр. Кәсіпорын көкжиегі кеңейсе, кіріс көзінде де өсім қалыптасары сөзсіз. &nbsp;<img src="https://knadmin.beoblood.kz/uploads/1640082399_siyr_2ffce0282d.jpg" alt="1640082399_siyr.jpg">

Жалағаштық шаруалар мал шаруашылығын түлетіп отыр

<a href="https://kyzylorda-news.kz/">Kyzylorda-news.kz.</a> Қызылорда облысындағы автомобиль жолдарын қысқы кезеңге дайындау бағытында қажетті жұмыстар жүргізілуде. Аймақта жергілікті маңызы бар автомобиль жолдары бойынша қыс мезгілінде күтіп ұстауға 92,7 млн. теңге қаржы қаралған. Бұл туралы бүгін Өңірлік коммуникациялар қызметінде өткен баспасөз мәслихатында Қызылорда облыстық жолаушылар көлігі және автомобиль жолдары басқармасы басшысының орынбасары Ерқыран Жалғасбаев мәлімдеді. &nbsp;<blockquote>«Қазіргі таңда жауапты мердігер мекемелермен 96 техника дайындыққа келтірілді. Қар тазалағыш 26 автогрейдер, трактор, бульдозер, 55 инженерлік техника кран, погрузчик, самосвал, экскаватор, 15 эвакуациялық &nbsp;техника бар. Тайғаққа қарсы себілетін материалдар бойынша тиісті мердігер мекеме «Арал Соль» ЖШС-мен келісім шарт жасалды. Инертті материалдардың жоспары 3 мың 100 тонна, яғни, 692 тонна тұз, 2408 тонна құм қажет болса, қазіргі таңда 1750 тоннасы дайын тұр», - дейді Ерқыран Жалғасбаев.</blockquote>Оның айтуынша, қыс мезгілінде жергілікті жолдарға 422 дана жол белгілері әзірленіп орнатылған.<blockquote>«Жергілікті маңызы бар жолдардың бойында қар басу қаупі бар 4 учаске анықталды. Оның жалпы ұзындығы 31 шақырымды құрайды. Сонымен қатар, қыс мезгілінде жергілікті жолдарға 422 дана жол белгілері әзірленіп орнатылды», - деді Ерқыран Ертілеуұлы.</blockquote>Брифингте «ҚазАвтожол» АҚ ҰҚ Қызылорда облыстық филиалы директорының орынбасары Шанжархан Мырзабай автожолдарды қысқы күтіп ұстау жұмыстарына 64 жол-құрылыс техникалары мен автокөлік құралдары толығымен дайын тұрғанын айтты.<blockquote>«2022-2023 жылдары қысқы кезеңде көлік құралдарының үздіксіз және қауіпсіз жүруін қамтамасыз ету үшін жол-құрылыс техникалары мен автокөлік құралдары, өндірістік базалар мен жылыту пункттері де жөнделіп, дайын тұр. Қыс мезгіліне 9 дана өндірістік база, 9 дана – химреагенттерді сақтау қоймасы, 9 дана жылыну пункті жұмысын бастады. Сондай-ақ жолдардың бойына 354 дана уақытша ескерту жол белгілері қойылған. Қыс мезгілінде филиалда тәулік бойы кезекшілік орнатылып, арнайы операторлар жұмыс істеуде», - деді «ҚазАвтожол» АҚ ҰҚ Қызылорда облыстық филиалы директорының орынбасары Шанжархан Мырзабай.</blockquote>Айта кету керек, облыс көлемінен өтетін республикалық маңыздағы автожолдардың ұзындығы 1 014,5 шақырымды құрайды.<figure class="image"><img src="https://knadmin.beoblood.kz/uploads/316545654_1673235273071978_5952875151504875195_n_2335aa954d.jpg" alt="316545654_1673235273071978_5952875151504875195_n.jpg"></figure>

Қазақстан және Қызылорда облысының жаңалықтары