<a href="https://kyzylorda-news.kz/">Kyzylorda-news.kz</a> &nbsp;ҚР ҚМА Қызылорда облысы бойынша Экономикалық тергеп-тексеру департаменті екінші деңгейлі банктердің бірінің филиалы кассир-бақылаушысына қатысты сеніп тапсырылған бөтен мүлікті өзінің қызмет бабын пайдалана отырып, аса ірі мөлшерде ақшалай қаражатты жымқыру дерегі бойынша ҚР ҚК-нің 189-бабы &nbsp;4-бөлігінің 2-тармағымен қылмыстық істі тергеген болатын.Атап айтқанда, 2019 жылдың желтоқсан айынан 2023 жылдың қаңтар айына дейінгі аралықта банк бөлімшесінің кассир-бақылаушысы материалдық жауапты тұлға бола отыра, бейнебақылау жүйесі қамтымайтын жерді біле тұра, қайта есептеу кассасынан ақша қаражатын жүйелі түрде жымқырып келген.Сондай-ақ оның банкоматтарға салуға арналған кассеталарға ақшаны толық салмай келгені анықталды.Қазіргі уақытта күдіктіге қатысты сот ісі аяқталды. Күдікті Қазақстан Республикасының Қылмыстық Кодексінің 189-баптың 4-бөлігінің 2-тармағымен кінәлі деп танылып 7 жыл бас бостандығынан айырылды. Жазасын орташа қылмыстық атқару жүйесі мекемесінде өтейтін болады.

Қызылордада ірі көлемде ақша жымқырған  банк қызметкері 7 жылға сотталды

<a href="https://kyzylorda-news.kz/">Kyzylorda-news.kz</a>&nbsp; Кәсіпқой боксшы Жанқош Тұраров зорлады деп мәлімдеме жасаған Әнару Қалдыбекқызы спортшымен қалай таныс екенін және істің мән-жайын айтты, - деп хабарлайды <a href="https://azattyq-ruhy.kz/society/76034-konak-uide-p-ktigimdi-aldy-alty-zhyl-aldady-kushpen-zorlady-naru-kaldybek-zhankosh-turarov-turaly-sukhbat-berdi-video">Azattyq Ruh</a>y.&nbsp;Әнарудың айтуынша, ол Жанқош Тұраровпен 2018 жылы әлеуметтік желі арқылы танысқан.<blockquote>«2018 жылы «ВКонтакте» әлеуметтік желісі арқылы маған өзі бірінші хат жазды. Менің суреттерімен лүпіл басып, үнемі хат жазып жүрді. &nbsp;Мен ол кезде оның үйленгенін, бала-шағасы бар екенін білген жоқпын, боксшы екенін де білген жоқпын. Әлеуметтік желіде отбасы туралы ешбір ақпарат жазбаған. Бойдақпын деп статус қойған. Содан кейін жай ғана сөйлесіп жүрдім. 2018 жылдың ақпан айында мені кездесуге шақырды. Ондай жерге жалғыз бармайтын болған соң құрбымды ертіп алдым. Группалас құрбым екеуміз кездесуге бардық, ал оның жанында көп адам болды. Содан бастап бір ай бойы маған хат жазып жүрді. Маған «сен пәк қызсың, сен таза қызсың, маған қатты ұнайсың» дейтін. &nbsp;Бірақ, ол кезде мен оның отбасылы адам екенін біліп, «сіз үйленген адам екенсіз, мен сізбен араласа алмаймын» дедім. «Жоқ, мен үйленген болсам да сен маған ұнайсың, мен саған ағалық қамқорлық танытқым келеді, жамандық ойламаймын» деді. Осылай күнде хат жазатын. Арада бір ай өткенде маған «әкемнің анасы, әжем қатты ауырып жатыр. Хәл үстінде. Сені көрсеткім келеді, келші» деп бір мекен-жай жіберді. Мен бірден бара алмаймын дедім. Бірақ, соның алдында, бір жарым жыл бұрын мен анамнан айырылған адам ретінде оның әжесі ауырып қалғанына қатты жаным ашыды. Сондықтан, ол &nbsp;мені апасының хәлін сұрауға көндірді», - дейді Әнару Қалдыбекқызы.</blockquote>Әнарудың айтуынша, Жанқош Тұраров оған «апам осы жерде» деп бір мекен-жай жіберген. Барғанда оның қонақ үй екенін көрген.<blockquote>«Ол маған қонақ үйдің мекен жайын жіберіпті. «Қазыбек» деген қонақ үйдің 4 қабаты, 404 нөмірін алыпты. &nbsp;Мен ол кезде студент едім, жас едім, мен қонақ үйдің не екенін білмейтінмін. Кірсем, өзі ғана отыр екен нөмірде. «Апаңыз қайда?» деп едім, «қазір келеді» деді. Сосын маған сырттан келдің ғой, шөлдеген шығарсың, су іш» деп бөтелкедегі судан құйып берді. Ішкеннен кейін басым айналып, есімнен танғандай болып, жүре алмай қалдым. Аяқтарым қозғалмай қалды. «Жүр, жүр» деп төсек жаққа қарай апарып, төсекке жатқызды. «Басың айналып кетті, жата тұр» деді. Есімді жартылай білемін, жартылай білмеймін. Санам анық емес, сол уақытта мені ақырындап жатқызып, киімдерімнің бәрін шешті. Үстімде көйлегім болған, көйлегімді шешті. Аяғымнан, табанымнан, аяғымның башпайларын сүйе бастады. Мен қозғала алмай жаттым. Оянғанда ештеме түсінбедім. Есімді жисам, сағат түнгі 3-4 болыпты», - дейді ол.</blockquote>Яғни, Әнарудың айтуынша, Жанқош Тұраров оның пәктігін алып, алғаш рет оны сол қонақ үйде еркінен тыс жыныстық қатынасқа тартқан.<blockquote>«Сол түні ол бірінші рет «ісін» істеді. Одан кейін ол душқа кіріп кетті, телефонына «Ботақан» деген бір байланыс нөмірі қайта-қайта біреу қоңырау шалды. Жанқош душтан шықты. «Зорладың ба?» дегенде маған «жоқ, өзің келдің, мені бәрі қыздар жақсы көреді ғой» деді. Мен «жоқ, сіздің үстіңізден арыз жазамын» дедім. Сол сәтте басқаша сөйлеп, «мен әйеліммен ажырасайын деп жүрмін, оны жақсы көрмеймін, маған ұл бала керек, саған деген сезімім бар, сені жақсы көремін» деді. Мен оның сол сөздеріне сендім», - дейді Әнару Қалдыбекқызы.</blockquote>Оның айтуынша, Жанқош Тұраров сол қалпы әйелінен ажыраспаған. Бірақ, айтуынша, қызды да жайына қалдырмаған.<blockquote>«Оған «әйеліңіз бар ғой, ар-намысыңыз қалай жібереді, намаз оқисыз, Меккеге бардыңыз, қыздарыңыз бар, неге маған бұлай істедіңіз» десем, «мен сені жақсы көремін» дейді», - деді ол.</blockquote>Осылайша, Әнарудың айтуынша, Жанқош Тұраров оның қыр соңынан қалмайтын болған.<blockquote>«Мен Алматыдағы жағдайдың бәрін ұмытайыншы, жаңа өмір бастайыншы деп, Ақтауға кеттім. Ол артымнан Ақтауға келді. Астанаға барсам, Астанаға келеді. Алты жыл бойы менің бүкіл жастығымды, қыздығымды, пәктігімді құртты», - дейді ол.</blockquote>Әнару Қалдыбекқызы 2018 жылдан бері осы уақытқа дейін Жанқош Тұраров екеуі үнемі төсек қатынасына түсіп жүргенін мәлім етті. Ал, соңғы рет, оның айтуынша, Жанқош оны күшпен жыныстық қатынасқа түсірген.<blockquote>«Ең алғаш қыздығымды алғаннан кейін 20 күн бойы кіндік шешемнің үйінде тұрдым. Сол кісі куә ғой: бір апта төсек тартып жатып, 20 күн бойы үйден шықпадым. Өзімді кінәладым, өкіндім. Қатты күйзелдім», - дейді ол.</blockquote>Әнарудың айтуынша, соңғы рет Жанқош екеуі 2024 жылдың 12 тамызында кездескен.<blockquote>«Соңғы рет мен Алматыда екенімді біліп алып, маған келемін деді. «Сәлем, қалайсың, мен сені сағындым» деп хат жазды. «Көргім келіп тұр» деп адрес сұрады. Мен кездесуге қарсы болдым. &nbsp;Ол маған «мен әйеліммен ажырасамын, ара қатынасымыз өте нашар, үш қыз туды, бір ұл туып бере алмады. Сендей адамнан, сендей қыздан ұрпақ болғанын қалаймын» деді. Сосын, мекен- жайымды жіберген соң, 12 тамыз күні түнде келді. Менің ойым – оған жандүниемде не болып жатқанын айту еді. Анам туралы айтып, жүрегімді ақтарғым келді. Анама шығарған өлеңімді оқыдым. Сол күні оған «өмірімді құрттың» деп жыладым. «Жеті жылдай болды сізге сеніп жүргеніме, қаншама адам үйленейік деп ұсыныс айтты, ешкімге қарамадым, сен менің жүрегіме өте қатты дақ салдың» дедім. Бірақ, ол тыңдамай, мені шешіндірмекші болды. Мен қарсы болдым, «Жанқош, сөйлесуге келдік қой» дедім. «Жағдайды айтқым келеді» дедім. Қарсыластым. Ол өз дегенінде тұрып, жыныстық қатынасқа түсті. Мені күшпен қылқындырып, мойнымнан ұстап тұрып, шашымнан тартып, зорлады. Бәрін болғаннан кейін жанымда отырды. Маған «ажырасамын» деп тағы сендіріп кетті», - дейді Әнару.</blockquote>Арада алты күн өткен соң эмоционалды түрде шаршадым деген Әнару ақыры полицияға арыз жазуға бекінген.<blockquote>«Зорлап жатқанда айқалайдым. «Тиіспе» дедім. Осыдан шаршаған соң, тамыздың 19-күні полицияны шақырдым. Оған дейін мен депрессияда жүрдім. Неге арыз жаздым десеңіздер, себебі мен шаршадым, жеті жылдан бері өмірім өтіп жатыр. Қыздығымды алғаны туралы, анама берген сертім туралы ойыма келе берді. Эмоционалды күйде болдым. Осылайша Әуезов полициясына барып, арыз жаздым. Полицияда беттестіру өтті. 20 тамызда беттестік. Беттестіру кезінде маған «Алла&nbsp; разылығы үшін мені кешірші, мен сені ұнаттым, саған деген сезімім бар, мен сені ешқашан тастамаймын, мәңгілікке бірге боламыз» деді. «Мен саған істегенім үшін бәріне жауап беремін, бәріне көмек беремін. Саған 2 млн теңге жіберейін» деді. Мен «ақша да, ештеңе де керек емес, психологиялық жағдайым дұрыс, балалық шағым бақытты өтті, маған анамның өлімі мен сіздің маған істегеніңіз жара салды» дедім. Енді істі полиция тергеп жатыр», - деді ол.</blockquote>Әнарудың айтуынша, оның бар талабы Жанқош Тұраровты заң аясында жазалау.<blockquote>«Өз жазасын алса екен деймін. Сараптаманың бәрін жасаттым. Яғни, Тұраров Жанқоштың жазаланып, қолымен істегенін мойнымен көтерсін деймін. Алты жарым жыл бұрын қандай адам еді, дәл қазір сондай адам. Қазір айтып тұрғанымның бәрі шын, барлық дәлелім бар. Жазбалар бар, куәгерлер бар», - дейді Әнару Құрманәлі.</blockquote>

"6 жыл алдады". Жанқош Тұраров зорлады деген қыз алғаш рет мәлімдеме жасады

<a href="https://kyzylorda-news.kz/">Kyzylorda-news.kz</a> &nbsp;Күн санап кәсіпке ден қойғандардың қатары артуда. Бірі мемлекет берген мүмкіндікті тиімді пайдаланып тың идеясымен жаңа кәсіп бастаса, енді бірі дөңгелетіп отырған кәсібін одан әрі ұлғайтып, көкжиегін кеңейтуде. Бұл облыстағы кәсіпке бет бұрғандардың жұмысының жанданып жатқанын көрсетеді.&nbsp;Өз кәсібін өрге домалатып жатқан кәсіпкерлердің бірі - Ерлан Өтепов. Ол ұлттық жоба қорытындысымен қайтарымсыз грант алып, жоғарғы қысымды шлангалар жасап шығаруды қолға алған. Бүгінде 2 адамды жұмыспен қамтып отыр. Қажетті құрылғыларды Қытайдан алдыртқан кәсіпкер, сұраныстың да аз емес екенін айтты.&nbsp;<blockquote>&nbsp;– Өнімдер газ пештеріне, ұшаққа, және өзге де техникаларға әбден қажет. Бұл кәсіпті бастағаныма 3 айға жуық уақыт болды. Көптен ойда жүрген кәсіп болатын. Мемлекеттік бағдарлама аясында қайтарымсыз грант алып, осы кәсіпті жолға қойдым. Енді бұл шлангаларды аэропорттағы техникаға жауап беретін мамандар, газ пештеріне жауапты мамандар қатты қажет етеді. Қытайдан құрылғыларды алдыртып, қызығып кірісіп кеттік. Бүгінде жұмысымыз жүйелі. 2 адамды қызметпен қамтып, осы жұмысты бастадық. Кәсібімізді жүргізуге ықпалы тиген жандарға айтар алғысымыз шексіз”,- дейді Ерлан Өтепов Өңірлік коммуникациялар қызметіне берген сұхбатында.</blockquote><img src="https://knadmin.beoblood.kz/uploads/10_7b7e8e6dff.jpg" alt="10.jpg"><img src="https://knadmin.beoblood.kz/uploads/12_7bb029e893.jpg" alt="12.jpg">

Ұлттық жобаның жемісі

<a href="https://kyzylorda-news.kz/">Kyzylorda-news.kz</a>&nbsp; Біз АЭС төңірегінде таласып жүргенде көршіміз Қытай 11 ядролық реактордың құрылысын салуды бастапты. Кейбір талдаулар бойынша Қытай 2030 жылға таман әлемдегі атом энергиясын өндіруден ең басты елге айналады екен. Қазірдің өзінде Қытайда 55 реактор бар. &nbsp;Халқы көп, экономикасы қарыштап дамып жатқан елге тұрақты энергия беретін атом электр станциялары көптік етпейтін сияқты.&nbsp;Өзіміз жиі салыстыратын Өзбекстан бізбен шекаралас Жызақ облысында АЭС салуға кірісіп жатыр. Өзіміз жақын тартатын бауырлас ел Түркия "Аккую" АЭС-ін жақын уақытта қолданысқа беруі мүмкін. Осы атом станциясын салуға қазақстандық 150 маман атсалысуда. Егер халық референдумда АЭС салуды қолдаса, сол өзіміздің тәжірибелі мамандар өз еліндегі құрылысқа да қатысуы мүмкін. &nbsp;Тізімді қарасақ АЭС-ы бар әлемдегі 30-дан астам елдің барлығы дамыған елдер. Жанталасып АЭС салуға талпынып жатқандар да дамыған елдер.&nbsp;Бірнеше күннен бері әлеуметтік желіде Қазатомпромның бұрынғы бастығы Мұхтар Жәкішовтің АЭС салу бойынша айтқан пікірі де кең талқылануда. Айтуынша жел, күннен алатын энергия көзіне сенуге болмайды, ең тұрақты тоқтаусыз энергияны АЭС береді. Осыларды көріп ойланып қаласың.Серікболсын Сарыбаев, әлеуметтанушы&nbsp;

Серікболсын Сарыбаев: АЭС-ті экономикасы дамыған елдер салып жатыр

<a href="https://kyzylorda-news.kz/">Kyzylorda-news.kz</a>&nbsp; Арал ауданына қарасты Тоқабай елді мекенінің оқушылары үшін мектептің жаңа ғимаратының бір бөлігі ашық. Құрылысы жылдарға жалғасып, әлі күнге созылып келе жатқаны білім ордасының А блогындағы ішкі жұмыстар аяқталып қалды. Бұл туралы бүгін Өңірлік коммуникциялар қызметінің баспасөз алаңында Арал ауданының әкімі Аманжол Оңғарбаев мәлімдеді.Демеуші есебінен салынып жатқан мектеп ғимаратының құрылыс жұмыстарын бүгінде «Промстройсервис» ЖШС мердігер мекемесі өз жауапкершілігіне алған. Мектептің есік-терезелері толықтай салынып, ішкі жылу жүйелері жүргізілген. Электр желісі бойынша да жұмыстар жақын күндері бітуге таяу.&nbsp;Аудан басшысы ғимараттың құрылыс сапасына айрықша көңіл бөліп, жұмыс барысы бақылауда екенін айтты. Балалар үшін қауіпсіздік шаралары барынша сақталған. Мектеп ғимаратының құрылыс жұмыстарын мейілінше тоқтатпай, жаңа оқу жылына дейін алғашқы бөлігін балалар игілігіне беруге ниетті.&nbsp;Бұдан бөлек жыл соңына дейін Арал қаласынан 115 орындық, Ақбай ауылынан 100 орындық және Қаратерең ауылынан 75 орындық балабақшаны балалар игілігіне табыстау көзделуде.&nbsp;<blockquote>«Ел Президентінің 2025 жылға дейін 3 ауысымдық және апаттық жағдайдағы мектептерді жою жөніндегі тапсырмасына сәйкес, Арал ауданында 2023-2025 жылдар аралығында 10 мектептің құрылысын салу жоспарланған. Ең алдымен, жоба-сметалық құжаттары әзірленіп, сараптамадан өткізілген Сапақ, Жалаңаш, елді мекендеріндегі 2 мектептің мәселесін шешу жұмыстары жүріп жатыр. Аталған ауылдардағы мектептерінің жоба-сметалық құжаттары демеушілілер есебінен әзірленді. Ал Ақшатау елді мекеніндегі мектептің құрылысы жеке кәсіпкер есебінен шешімін тауып, құрылыс жұмыстары аяқталды», - деді аудан әкімі Аманжол Сақыпұлы. &nbsp;</blockquote>

Арал ауданындағы ауыл мектептерінің құрылысы жанданды 

<a href="https://kyzylorda-news.kz/">Kyzylorda-news.kz</a> Марат Әйтенов экс-әйелін сотқа беріп, жеңіп шықты, - деп хабарлайды Massaget.kz тілшісі.Сот Марат Әйтеновтің бұрынғы әйелі Дана Әтешоваға денсаулыққа қасақана жеңіл зиян келтіргені үшін айыппұл түріндегі жаза тағайындады.23 тамызда Астана қаласының қылмыстық істер жөніндегі ауданаралық соты денсаулыққа қасақана жеңіл зиян келтіргені үшін Дана Әтешоваға қатысты үкім шығарды (ҚК 108-1-бабының 1-бөлігі).Айыптаудың мәні Әтешова оны мәжбүрлеп шығару процесі барысында үй иесіне қарсылық көрсетіп, Әйтеновті үйге кіргізбей, жәбірленушіні қасақана ұялы телефонымен соғып, оны тістеп алған.Нәтижесінде Марат Әйтеновке дене жарақаты келтірілген көрінеді. Әтешованың кінәсі жәбірленушінің, куәгерлердің айғақтарымен, сот-медициналық сараптама қорытындысымен және іс материалдарымен дәлелденген.Тараптардың ұстанымы Прокурор 30 АЕК мөлшерінде айыппұл түрінде жаза тағайындауды сұрады.Қорғаушы тарап оқиға мен қылмыстық құқық бұзушылық құрамының болмауына байланысты іс бойынша іс жүргізуді тоқтатуды сұрады.Қандай жаза тағайындалды?ҚК-нің 108-1-бабы 1-бөлігінің санкциясы 200 АЕК-ке дейінгі мөлшерде айыппұл салу не сол мөлшерде түзеу жұмыстары, не 200 сағатқа дейінгі мерзімге қоғамдық жұмыстарға тарту, не 50 тәулікке дейінгі мерзімге қамаққа алу түріндегі жазаны көздейді.Сот қылмыстық жауаптылық пен жазаны жеңілдететін мән-жайлар ретінде жас балалардың болуын және соттылығының болмауын таныды. Ауырлататын мән-жайлар анықталған жоқ.Жасалған теріс қылықтың мән-жайларын және оның ауырлығын ескере отырып, сондай-ақ сотталушының жеке кәсіпкер болып табылатынын, оның асырауында 3 жас баласының бар екенін және жазаның өзге түрін тағайындау оның балаларының өмірі мен тәрбиесі жағдайларына әсер етуі мүмкін екенін ескере отырып, сот сотталушы Әтешоваға 20 АЕК мөлшерінде айыппұл түріндегі жаза тағайындады. Үкім заңды күшіне енген жоқ.

«Әйелі Әйтеновті тістеп алған»: Дана Әтешова айыппұл төлейтін болды

<a href="https://kyzylorda-news.kz/">Kyzylorda-news.kz</a> Экономиканы индустрияландыру арқылы еңбек өнімділігі артып, жұмыс орындары құрылады. Сол арқылы халықтың өмір сүру деңгейі жақсармақ. Ол үшін елімізде индустрияландыру бағдарламаларына басымдық беріліп, нақты стратегиялық жоспарлар бекітілді. Бұл мақсатта Арал ауданында құны 170,5 млрд. теңгені құрайтын 11 инвестициялық жобаны іске асыру жоспарланған. Биыл 1,3 млрд. теңгені құрайтын 3 жоба қолға алынды.&nbsp;Аралдық кәсіпкер Жұбаныш Аманжолов ылғал майлықтар өндіру цехын ашпақ. «Sinooil» ЖШС-нің Батыс Қытай - Батыс Еуропа автодәлізінің бойынан жанар-жағармай бекетінің құрылысы және «Қарашалаң Балық» ЖШС-нің балық зауытын салу жобасы индустрияландыру картасына енген. Өндіріс орындарының жұмысы іске қосылғанда 40 адамды тұрақты жұмыспен қамтымақ.<blockquote>«Арал қаласында орналасқан «Республикалық маңызы бар №1 индустриялық аймақ» мәртебесін «Арал ауданының шағын индустриялық аймағы» мәртебесіне ауыстыру және «Қызылорда индустриялық аймақтары» ЖШС-не қолданыстағы заңнамаға сәйкес индустриялық аймақтарды орналастыру үшін жер учаскелеріне кемінде 20 жыл мерзімге уақытша өтеулі жер пайдалану (жалдау) құқығын беру бойынша Арал қаласы әкімдігі тарапынан тиісті шаралар қабылдануда», - деді Өңірлік коммуникациялар қызметінде берген баспасөз конференциясында Арал ауданының әкімі Аманжол Оңғарбаев.&nbsp;</blockquote>Сонымен қатар мемлекет жеке кәсіпкерлерге қолдау көрсетіп, өнеркәсіптің басым салаларын дамыту мақсатында индустриялық аймақ құруды қолға алған болатын. Арал қаласының солтүстік-шығыс бетінде орналасқан индустриялық аймақтың жалпы жер көлемі – 16 гектарды құрайды. Бұл аймақта құны 2 538,3 млн. теңгені құрайтын 2 жобаны іске асыру мақсатында жер телімі табысталған. Аталған жобалардан бөлек, Бірыңғай индустрияландыру картасына енгізу және индустриялық аймаққа орналастыру мақсатында жалпы құны 4,4 млрд. теңге болатын 2 жобаның тиісті құжаттары дайындалып жатыр.&nbsp;Фото: syrboyi.kz

Арал ауданында индустрияландыру бағдарламасы аясында 11 жоба іске асырылады 

<a href="https://kyzylorda-news.kz/">Kyzylorda-news.kz</a> Тәуекел Мүсілім желіде журналист Динара Сәтжанның әскерге барып, басынан жарақат алып, қазір комада жатқан Ербаян Мұхтар туралы жазбасын бөлісті.Актер Тәуекел Мүсілім әскердегі жағдайға қатысты пікір білдірді, - деп хабарлайды<a href="https://aikyn.kz/"> Aikyn.kz.&nbsp;&nbsp;</a>Тәуекел Мүсілім желіде журналист Динара Сәтжанның әскерге барып, басынан жарақат алып, қазір комада жатқан&nbsp; Ербаян Мұхтар туралы жазбасын бөлісті.&nbsp;<blockquote>"Осындай жағдайдан кейін ұлдарымызды армияға қалай жібереміз? Сарбаздарды өлтіріп, мүгедек қылатын армия бізге не үшін қажет?" - деп жазды актер.&nbsp;</blockquote>Айта кетейік, халық әскерде жүріп, комаға түскен сарбазға 140 млн теңге<a href="https://aikyn.kz/271622/271620/erbayan--omir-sur--halyk---skerde-zhurip--komag-a-tusken-sarbazg-a-140-mln-ten-ge-zhinap-berdi"> жинап берді.</a>Фото: instagram.com/ mussilim

Тәуекел Мүсілім: Сарбаздарды өлтіріп, мүгедек қылатын армия бізге не үшін қажет? 

<a href="https://kyzylorda-news.kz/">Kyzylorda-news.kz</a>&nbsp; &nbsp;Соңғы уақытта республикалық маңыздағы «Самара-Шымкент» автожолында жол көлік апаттары азаймай тұр. Күре жолдың облыс аумағы аралығында жыл басынан бері 40-тан аса жайсыз оқиға тіркелген. Трассадағы қақтығыстан 49 жолаушы түрлі дене жарақатын алып, өкінішке орай 17 адам көз жұмды.&nbsp;Көлік апаттарына көп жағдайда жүргізушілердің жылдамдықты шамадан тыс асыруы себеп. Сондай-ақ, қараусыз жүрген үй жануарларының жол бойына шығуы да жағдайды ушықтырып отыр. Күні кеше Қазалыдан қалаға бет алған «Toyota camry» автокөлігі Жалағаш ауданы Аққұм ауылыныың тұсында жылқы қағып, жол апатына ұшырады. Абырой болғанда, адамдар аман. Жолаушыларға алғашқы медициналық көмек көрсетілді. Ал иесіз жүрген малдың сырғасы жоқ болып шықты. Жапырылған көліктің жүргізушісі құқық қорғау органдарына арыз түсірді.<blockquote>«Өкінішке орай, биыл жолдағы жол апаттары 21 пайызға өсіп тұр. Әсіресе, ауылдық елдімекендердің тұсында көліктердің мал қағу жағдайлары жиілеп кетті. Көбіне күн ұясына батып, кеш қарайған уақытта жүргізушілер жолға шыққан түлікті байқамай қалады. Бұл бағытта «ҚАЖсервис» компаниясы қызметкерлері мен полиция өкілдері бірлесіп, ауыл-ауылды аралап, көпшілікке түсіндірме жұмыстарын ұдайы жүргізіп келеді. Ең бірінші кезекте малын ауыл сыртына жаятын тұрғындарға үй жануарларына арнайы жарыққайтарғыш алқалар тағуын талап етіп жатырмыз»,- дейді «ҚАЖсервис» ЖШС Қызылорда облыстық филиалының бас инженері Нүркен Манап.</blockquote>Жалпы күре жолдағы көлік апаттарының алдын алудың бірден бір жолы қауіпсіздікті сақтау. Біріншіден, жүргізушілер жолда жылдамдықты шамадан тыс асырмай өз өмірі үшін жауапкершілікті сезінуі керек. Екінші, жол бойындағы ауылдарда тұрғындар пада ұйымдастырып, малды қараусыз қалдырмауы тиіс.

Нүркен Манап: Биыл жолдағы жол апаттары 21 пайызға өскен

&nbsp;Мемлекеттік корпорацияның Қызылорда облысы бойынша филиалы қызылордалықтар қандай Мемлекеттік қызметтер үшін &nbsp;ХҚКО-ға жиі жүгінетіндігі мен бөлісті. Автокөлікті тіркеу, жеке куәлікті алу, тіркеу және электрондық цифрлық қолтаңбаны алу сияқты қызметтер үлкен сұранысқа ие.Халыққа қызмет көрсету орталықтары мамандарының айтуынша, ағымдағы жылдың бірінші жарты жылдығында ғана облыста 60 мыңнан астам автомобиль тіркелген. Шетелдік нөмірлері бар машиналарды әкелу осы көрсеткіштің артуына ықпал етті. Сонымен қатар, қызылордалықтар ХҚКО – ға 36 мыңнан астам рет жеке куәлік рәсімдеу үшін, ал тұрғылықты жері бойынша тіркеу қызметін алу үшін 16 мыңнан астам рет жүгінген.&nbsp;Сондай-ақ, соңғы уақытта жылжымайтын мүлікті тіркеу бойынша мемлекеттік қызмет танымал болып келе жатқанын атап өтеміз. Халыққа қызмет көрсету орталықтарының қызметкерлеріне 25 мыңға жуық өтініш келіп түсті. Естеріңізге сала кетейік, ХҚКО бұл қызметті дербес менеджер ұсына алады. Ол жылжымайтын мүлікті сатушы мен сатып алушының қатысуыңсыз барлық қажетті құжаттарды дайындайды. Айта кетейік, Мемлекеттік корпорация арқылы барлығы 1267 мемлекеттік қызмет қолжетімді.Фото: gov4c.kz

Қызылордалықтар арасында ең көп сұранысқа ие мемлекеттік қызметтер белгілі болды

<a href="https://kyzylorda-news.kz/">Kyzylorda-news.kz</a> &nbsp;Астанада өтетін V Дүниежүзілік көшпенділер ойындарына санаулы күн қалды. Бұл&nbsp;ойындарда бірнеше елден келген спортшылар ұлттық ойынымыз тоғызқұмалақтан бөлек,&nbsp;түріктің мангала, Батыс Африка елдерінің овари атты зияткерлік ойындарынан өзара&nbsp;мықтыны анықтайды. Тоғызқұмалақтан ұлттық құрама бас бапкері Айнұр Әбсадыққызы&nbsp;ел намысын қорғайтын спортшылардың овариден алтын&nbsp;медаль алуға қауқарлы екенін&nbsp;айтты.<blockquote>«Овари ойыны Қазақстанда қатты дамымаса да, халықаралық жарыстарда&nbsp;спортшыларымыз жақсы өнер көрсетіп жүр. 2006 жылғы Лондон зияткерлік ойындар&nbsp;олимпиадасында, Канн фестивалінде жүлде алды. Қазақстан құрамасы 2018 жылы&nbsp;Қырғызстанда өткен IIІ Дүниежүзілік көшпенділер ойындарында овариден жарқын&nbsp;жеңіске жетті. Оовариден ұлттық құраманың үздік спортшылары ел намысын қорғап, екі&nbsp;алтын медаль жеңіп алды. Әсел Далиева мен Диана Кенина командалық есепте алтын&nbsp;медаль алса, әйелдер арасында жекелей есепте Әсел Далиева алтын жүлдеге ие болды», –&nbsp;деді тоғызқұмалақтан ұлттық құраманың бас бапкері Айнұр Әбсадыққызы.</blockquote>2024 жылғы 5-6 наурызда Қызылорда қаласында овариден тұңғыш рет ерлер және&nbsp;әйелдер арасындағы Қазақстан чемпионаты өтті. Чемпионатқа 27 спортшы қатысқан. Осы&nbsp;чемпионат қорытындысы бойынша V Дүниежүзілік қөшпенділер ойындарында овариден ел намысын қорғайтын спортшылар анықталды. Олар – тоғызқұмалақтан ҚР еңбегі сіңген&nbsp;спорт шебері Серік Ақтаев, халықаралық&nbsp;дәрежедегі спорт шебері Ернұр Мерешев,&nbsp;тоғызқұмалақтан ҚР еңбегі сіңген спорт шебері Әсел Далиева және тоғызқұмалақтан&nbsp;халықаралық дәрежедегі спорт шебері Аңсаған Қожанәсіп.&nbsp;Бас бапкер Айнұр Әбсадыққызы Африка елдері, Антигуа-Барбуда және Қырғыз&nbsp;Республикасының спортшыларын овариден басты қарсыластарымыз деп есептейді.&nbsp;Ұлттық құрама спортшылар&nbsp;playok.com платформасында онлайн дайындалып жатыр, деп&nbsp;хабарлайды «Ұлттық және ат спорты түрлері орталығының» баспасөз қызметі.Овари – Батыс Африка халықтарының зияткерлік ойыны. Оны екі адам ойнайды.&nbsp;Ойын тақтасында екі қатарда орналасқан алты бірдей шұңқырша болады, олар бірге 12&nbsp;кішкентай шұңқыршаларды құрайды, сонымен қатар, ойыншыларда тастарды жинайтын&nbsp;үлкен жинақтаушы сақтау шұңқыршалар болады. Овари ойыны 48 шармен ойналады.&nbsp;Тақтаның өз жағындағы алты кішкентай шұңқырша ойыншының алаңы, ал қарама-&nbsp;қарсы алты шұңқырша сәйкесінше қарсыластың алаңы болады. Ойыншылар өз&nbsp;қоймасында мүмкіндігінше көп шар жинауға тырысады. Кім көп шар жинаса, сол ойыншы&nbsp;жеңіске жетеді.<img src="https://knadmin.beoblood.kz/uploads/6_8bc7d9421d.jpg" alt="6.jpg">Фото: www.ulttyqatsport.kz

«Батыс Африка елдерінің ойыны – овариден алтын медаль алуға үміттіміз»

<a href="https://kyzylorda-news.kz/">Kyzylorda-news.kz</a> Қызылордада бала тісін емдеймін деп мүгедек болып қалған, – деп хабарлайды&nbsp;<a href="https://massaget.kz/">Massaget.kz</a>&nbsp;тілшісі.Істің мән-жайын Жоғарғы соттағылар айтты. Қызылордалық тұрғын баласының тісі ауруына байланысты орталық қалалық емхананың балалар стоматологиясына барған. Тіс дәрігері баланы емдеп, тісін жұлып тастаған. Келесі күні баланың жақ сүйегі ісініп, жалпы денсаулығы нашарлай бастаған.Кейін балаға облыстық көпсалалы аурухананың жақ-бет бөлімшесіндегілер «Сол жақ төменгі жақтың жедел іріңді одонтогенді флегмонасы, 7,5 тісін жұлғандағы жағдайы» диагнозын қойған. Осылайша балаға екі рет ота жасалған.Арада алты ай өткенде баланың жақ сүйегі қайтадан іси бастаған, іріңді жарасы жазылмай, олар Алматы қаласында ақылы негізде хирургиялық араласу арқылы ауруханада емделуге мәжбүр болған.<blockquote>«Медициналық және фармацевтикалық бақылау департаменті ананың шағымы бойынша жүргізілген емхананы тексеру қорытындысына сәйкес, емхана тіс дәрігері кәмелетке толмаған балаға медициналық көмек көрсету кезінде клиникалық диагностика және емдеу хаттамаларын сақтамаған. Оның тісін орта медициналық білімі бар стоматолог алып тастаған, емдеу алдында жақ сүйегінің рентгенографиясы объективті тексерілмей, асқынулар – төменгі жақтың қабыну процесі болған», – делінген хабарламада.&nbsp;</blockquote>Баланың анасы стоматологиялық емханадан өзіне келтірілген моральдық және материалдық шығынды өтеуді сұрап, сотқа жүгінген. Талап қоюда ол емхана медицина қызметкерінің салғырттығынан және алғашқы медициналық көмекті дұрыс көрсетпеуінен ауру асқынып, бала 2 жылға жуық ұйықтай алмай, дәрігерлердің қорытындысы бойынша мүгедек болып қалғанын көрсеткен.Сондай-ақ оларға ақылы негізде үш операция жасауға, тіс емдеуге және дәрігерлерден кеңес алуға мәжбүр болғаны атап өтілген. Сот стоматологиялық емханадан моральдық шығын мен материалдық шығын үшін 1,5 миллион теңгеден астам өтемақы өндірді.Фото: pixabay.com

Қазақстан және Қызылорда облысының жаңалықтары

Қызылордада ірі көлемде ақша жымқырған банк қызметкері 7 жылға сотталды