<a href="https://kyzylorda-news.kz/">Kyzylorda-news.kz</a> Қазақстан бокс федерациясының ресми парақшасында федерацияның вице-президенті Әзиз Қожамбетов пен бокстан бапкерлер құрамын жұмыстан босату туралы жазба жарияланып, бірден өшірілді. Бұл жайтқа қатысты бокс федерациясының өкілдері пікір білдірді, деп хабарлайды KAZ.NUR.KZ.&nbsp;"Бокстан Қазақстан ерлер ұлттық құрамасының Париждегі Олимпиада ойындарындағы төмен нәтижесіне байланысты келесі мамандардың қызметінен босатылғанын хабарлаймыз:&nbsp;Қазақстан бокс федерациясының вице-президенті – Әзиз Қожамбетов;&nbsp;Бас бапкер – Мырзағали Айтжанов; Аға жаттықтырушы – Марат Жакиев;&nbsp;Жаттықтырушылар – Нүркен Андасов, Нұржан Насанов, Ғани Әшкеев, Ермек Ертаев, Талғатбек Жақпеков, Зәкір Сафиулин, Азамат Мақажанов, Жәміл Жүсіп; Жаттықтырушы-кеңесші – Донатас Янусевичус", - діленген ресми жазбада.&nbsp;Алайда аталмыш жазба бірер минуттан соң желіден өшірілді. Федерация парақшасындағы бұл ақпарат бірден қызу талқыға түсті. Федерация өкілдері тарап жатқан ақпараттың шындыққа жанастпайтынын айтты.<blockquote>&nbsp;"Бұл ақпарат шындыққа сай келмейді. Қазақстан боксында жақында өзгерістер болады. Ол туралы алдағы күндері ресми түрде хабарлаймыз", - делінген ресми хабарламада.&nbsp;</blockquote><img src="https://knadmin.beoblood.kz/uploads/14_33f4bcc730.webp" alt="14.webp">&nbsp;

Бокстан бапкерлік құрам толық қызметінен босатылғаны рас па: федерация жауап берді

Kyzylorda-news.kz. 12 тамыз – Халықаралық жастар күніне арналған «Жастармен бірге» атты онкүндігі «OPEN AIR» жастар фестивалімен қорытындыланды. «Қазір елімізде жастар саясатына қатысты барлық мүмкіндік қарастырылған. Оның бір дәлелі – Мемлекеттік жастар саясаты туралы Заңға өзгерістер енгізіліп, жастар санаты 35 жасқа дейін ұзартылды. Сондай-ақ, жергілікті мемлекеттік органдарды бағалау көрсеткішіне «Жастардың даму индексі» қосылды». Бұл туралы Халықаралық жастар күніне орай өткен мерекелік шарада облыс әкімінің орынбасары Шахмардан Байманов айтып өтті.Шарада облыс әкімінің орынбасары қоғамның қозғаушы - жастарды мерекемен құттықтап, жылы лебізін білдірді. «Президентіміздің, Үкіметтің, облыс әкімінің қолдауымен аймақ жастарының әлеуметтік жағдайын жақсартуға бағытталған жобалар жүзеге асырылып келеді. Қазіргі таңдағы өзекті мәселелердің бірі - өңір жастарын қолжетімді тұрғын үймен қамтамасыз ету үшін аймақта алғаш рет «Сыр жастары» өңірлік тұрғын үй бағдарламасы» қабылданды. Нәтижесінде жыл басында 60 жас отбасы қоныс тойын тойласа, жақын күндері 40 жас отбасыға пәтер кілттері табысталмақ. Биылғы жылы білімді жастарымызды қолдау мақсатында дәстүрге айналған аймаққа қажетті мамандықтар бойынша облыс әкімінің 100 гранты тағайындалды. Жастардың кәсіпкерлік бастамаларын қолдау, оларға кәсіппен шұғылдануға қолайлы жағдай қалыптастыру мақсатында қаржылық қолдау бағдарламасы арқылы несие портфелі 3,7 млрд. теңге болатын жас кәсіпкерлердің 130 жобасы субсидияланды. 2,1 млрд. теңгеге жас кәсіпкерлердің 115 жобасы бойынша кепілдік шарты жасалса, «Аграрлық несие корпорациясы» арқылы жас кәсіпкерлердің 48 жобасы қаржыландырылды. 100 мың жасты жұмыспен қамту тапсырмасына сәйкес биыл аймағымызда 6 мыңға жуық жас жұмыспен қамтылады.​Бүгінде облыс көлемінде NEET санатындағы жастардың үлесін төмендетуге барынша күш-жігер жұмсалуда. Осы мақсатта арнайы Жол картасы қабылданады. ​Жастардың бос уақытын тиімді ұйымдастыру және мәдени-рухани дамуына барлық жағдай жасалуда. ​Соңғы екі жылдың өзінде көптеген әлеуметтік нысандар бой көтерді. ​Талантты жастарымызды қолдау мақсатында мың орындық «Өнер орталығы» салынса, қала және аудандарда 171 мәдениет үйі жанында «Адал адам» мәдени-рухани орталықтары өз жұмыстарын бастап кетті. ​Осы игі бастамалардың жалғасы ретінде биылғы жылы 7 ауданда «Руханият» орталықтары, музыкалық колледж, инновациялық шығармашылық орталығы, «Оқушылар сарайының» құрылысы жүруде. Жас отбасыларға отбасы құндылығын насихаттау, ұлттық құндылықтарды дәріптеу, «отбасы», «шаңырақ» ұғымының қадір-қасиетін түсіндіру мақсатында «Отбасы орталығы» және балауса бойжеткен қыз баладан ардақты асыл әжеге дейін бас қосатын тал бесік - тәрбие мектебіне айналған «Анаға тағзым орталығы» өз қызметін жүзеге асыруда. Байрақты бәсекелерде көк тумызды желбіретер болашақ чемпион жастарымыз үшін заманауи 10 мың орындық стадион, үстел теннисі орталығының құрылысы басталса, алдағы уақытта көп функционалды «Қызылорда арена» кешенін салу жоспарлануда. Жалпы былтырдың өзінде 9 спорт кешені қолданысқа беріліп, биыл 15 кешеннің құрылыс жұмыстары жүргізілмек. Мемлекет басшысының бастамасымен қолға алынған «Жайлы мектеп» ұлттық жобасы аясында өңірімізде 21 мектеп салынады. Осының барлығы жастарымыздың игіліктері үшін!»,- деді өз сөзінде облыс әкімінің орынбасары. Мерекелік шара барысында Шахмардан Асқарұлы 4 жасқа ҚР Мәдениет және ақпарат министрлігінің, 10 жасқа облыс әкімінің алғыс хатын табыстап, «Тәуелсіздік ұрпақтары» облыстық сайысының 5 жеңімпазын марапаттады.Биыл Халықаралық жастар күні «Жастармен бірге» ұлттық онкүндік ретінде қала, аудандарда атап өтілуде. Әр күн белгілі бір тақырыпқа арналып, онкүндік аясында аймақта «Мүмкіндіктер алаңы» шарасы, «Таза Қазақстан» экологиялық акциясы, спорттық шаралар, «Дені сау жас – ел болашағы» атты медициналық кеңес беру, «Адал азамат» бейресми кездесулері, «Игі істер марафоны» қайырымдылық акциясы, «Түнгі кітапхана», «Ziyatker quest» интеллектуалды сайысы, «Донор бол» акциясы, «Аспан синема» шарасы өткізілді. Жалпы осы бағытта облыс бойынша 385 шара ұйымдастырылса, онда 50 мыңға жуық жастар қамтылған.Бүгінгі 3 мың жастың қатысуымен «Жастармен бірге» атты онкүндіктің қорытынды шарасы «Ilhan» және «Baha» секілді еліміздің танымал өнер жұлдыздарының және белгілі шоумендер Нұрлыбек пен Ақылбектің қатысумен өтті.<img src="https://knadmin.beoblood.kz/uploads/FB_IMG_1723488570055_c2c6459588.jpg" alt="FB_IMG_1723488570055.jpg"><img src="https://knadmin.beoblood.kz/uploads/FB_IMG_1723488566672_5cae425aed.jpg" alt="FB_IMG_1723488566672.jpg"><img src="https://knadmin.beoblood.kz/uploads/FB_IMG_1723488573625_9bff6ff979.jpg" alt="FB_IMG_1723488573625.jpg">

Халықаралық жастар күні «OPEN AIR» фестивалімен қорытындыланды

<a href="https://kyzylorda-news.kz/">Kyzylorda-news.kz</a> Париждегі Олимпиада ойындары аяқталады. Қазақстан қоржынында жеті жүлде бар. Біздің біршама спортшымыз жүлдеге қол созым жерден тоқтады. Осы орайда <a href="https://smartnews.kz/news/13072-parizh-olimpiadasynda-uzdik-ondykka-engen-otandyk-sportshylar-kimder">Olympic.kz</a> үздік ондыққа енген спортшылар тізімін жасады. &nbsp;&nbsp;Дзюдодан әйелдер арасындағы бәсекеде Абиба Әбужақынованың Олимпиада жүлдесін алатын мүмкіндігі жоғары болды. Алайда, қола медаль үшін өткен белдесуде Абиба швециялық Тара Бабулфаттан жеңіліп, жарысты бесінші орынмен аяқтады.Сондай-ақ гимнаст Милад Карими бесінші орын алды. Спортшы еркін жаттығудан Олимпиаданың финалында &nbsp;өнер көрсеткен болатын. Ақтық сында ол өз жаттығуы &nbsp;үшін 14.500 ұпай алып, алғашқы бестікке енді.&nbsp;Спорттық құзға өрмелеу шебері Әмір Маймұратовтың да көрсеткіші жаман емес. Жылдамдық бойынша сынға түскен ол Олимпиаданың ширек финалына жетіп, жазғы ойындардан бесінші орын алды.&nbsp;Нысана көздеу шебері Александра Ле алғашқы ондыққа кірді. Ол пневматикалық винтовкамен 10 метрге нысана көздеуден финалға шығып, жалпы есепте алтыншы орыннан көрінді. Айта кетелік, Александраның еншісінде аралас командалық сындағы қола медаль бар.&nbsp;Олимпиадаға &nbsp;алғаш рет қатысқан Данил Мұсабаев батуттағы гимнастикадан финалға бір қадам қалғанда тоқтады. Ол бірінші іріктеуден соң 8-орыннан көрінген. Алайда, екінші іріктеуде тоғызыншы орынға түсіп қалды. Финалға алғашқы сегіздік жолдама алды.&nbsp;3000 метрге кедергілер арқылы жүгіруден Қазақстан намысын Нора Джеруто қорғады. Ол жарыста 9-орын иеленді. Қазақстанға әлем чемпионатының алтынын сыйлаған спортшы жақында ғана декреттік демалыстан оралған.&nbsp;Шпагамен семсерлесуден Қазақстан командасы Олимпиадада алғашқы алтылыққа енді. Ширек финалда біздің спортшылар Венгрияға жол беріп, кейін Египетті жеңді.&nbsp;Ал бесінші орынға таласта Италия құрамасынан жеңіліп, Париж ойындарын алтыншы &nbsp;орынмен тәмамдады.&nbsp;Командалық сында Қазақстан намысын Руслан Курбанов, Ерлік Сертай, Эльмир Алимжанов пен Вадим Шарлаимов қорғады. Біздің нояндар &nbsp;алғаш рет командалық сын бойынша Олимпиадаға қатысып отыр. Сонымен қатар шпагамен семсерлесуден жекелей сында қазақстандық Руслан Курбанов алтыншы &nbsp;орын алды. Бұл да отандық семсерлесу &nbsp;тарихындағы үздік нәтиже. Курбанов ширек финалға &nbsp;дейін жетіп, болашақ Олимпиада чемпионына ғана есе жіберген болатын.&nbsp;Олимпиада ойындары садақ ату шеберлері де сынға түсті. Командалық жарыста Ильфат Абдуллин, Александр Еременко және Дәулеткелді Жаңбырбай 1/8 айналымға жетіп, Италиядан бір ұпай айырмасымен жеңілді. Жалпы есепте 9-орынға табан тіреді.&nbsp;Брейкингтен Амир Закиров сегізінші орын алды. Ол топтық сындағы екі баттлда жеңіске жетіп, ширек финалға жолдама алған. Алайда, америкалық VICTOR-дан ұтылып, жартылай финалға өте алмады. Айта кетелік, брейкинг Олимпиада бағдарламасына алғаш еніп отыр. Кирилл Герасименко үстел &nbsp;теннисінне 1/8 финалға жетті. Үш Олимпиадаға қатысқан спортшымыз бұлжолы &nbsp;тарихи нәтиже тіркеді. Бұған дейін &nbsp;аталған спорт түріндегі өкілдеріміз алғашқы ондыққа енбеген.Сондай-ақ, бокстан Қазақстан командасының мүшелері де алғашқы ондыққа кірді. Нұрбек Оралбай күміс медаль алса, Сәкен Бибосынов (51 келі), Мұхаммедсабыр Базарбайұлы (63,5 келі) және Айбек Оралбай (92 келі) бесінші &nbsp;орын иеленді.&nbsp;Махмұд Сабырхан (57 келі) мен Қамшыбек Қоңқабаев (92 келі) тоғызыншы орында. Грек-рим күресінің шеберлері Нұрсұлтан Тұрсынов (87 келі) пен Әлімхан Сыздықов (130 келі) тиісінше жетінші және сегізінші орын алды.&nbsp;Еркін күрес шебері Әлішер Ерғали (97 келі) да жетінші орында.

Париж олимпиадасында үздік ондыққа енген отандық спортшылар кімдер? 

<a href="https://kyzylorda-news.kz/">Kyzylorda-news.kz</a>&nbsp; Автокөлік Қазалыдан Арал қаласына қарай бағыт алған.Қызылорда облысында сегіз адам мінген автокөлік аударылып, бір адам қаза тапты. Оқиға Арал ауданы аумағындағы «Самара-Шымкент» тас жолының бойында <a href="https://turkystan.kz/article/247079-kyzylorda-oblysynda-8-adam-mingen-kolik-apatka-ushyrap-bir-adam-koz-zhumdy">болған</a>.Автокөлік Қазалыдан Арал қаласына қарай бағыт алған.<blockquote>«Жол бойында 63 жастағы жүргізушінің автокөлігі аударылған. Оның ішінде болған сегіз адамның біреуі қайтыс болған. Аталған дерек бойынша ҚР Қылмыстық кодексінің 345-бабы 3-бөлігімен қылмыстық іс тіркелді. Сараптамалар тағайындалып, тергеу жүргізіліп жатыр», - деп мәлім етті Қызылорда облыстық Полиция департаментінен.</blockquote>Фото: istockphoto.com

Қызылорда облысында 8 адам мінген көлік апатқа ұшырап, бір адам көз жұмды

БЕС ЖАҢАЛЫҚ: Апталық шолу

© коллаж: Елдар Қаба<a href="https://kyzylorda-news.kz/">Kyzylorda-news.kz</a>&nbsp; &nbsp;ҚР Энергетика министрлігі "Ашық НҚА" порталында электр энергиясына жаңа шекті тарифтерін бекітуді ұсынды. 1 қыркүйектен бастап электр бағасы өспек. Бұл туралы Stan.kz ақпарат агенттігі хабарлайды.Ведомство бұл өзгеріс электр энергиясын өндіруге арналған базалық шығындардың, атап айтқанда отынға, жалақыға және жөндеу жұмыстарына арналған шығындардың ұлғаюымен байланысты екенін түсіндірді.Электр энергиясын сататын энергия өндіруші ұйымдардың мынадай топтары бойынша 2024-2025 жылдарға арналған жаңа шекті тарифтер мынадай:"Екібастұз ГРЭС-1" ЖШС. Б. Нұржанова " - сағатына киловатт үшін 8,27 теңге (2024-2025 жылдарға арналған қолданыстағы тариф сағатына киловатт үшін 8,05 теңгені құрайды)."Еуроазиялық энергетикалық корпорация" АҚ – 7,98 (7,4), "Астана-Энергия" АҚ – 9,28 (8,49), "Қазақстан алюминийі" АҚ – 7,87 (6,05), "Степногор ЖЭО" ЖШС – 28,97 (22,58), "Жаңажол ГТЭС" ЖШС – 11,85 (11,44), "З-Энергоорталық" АҚ – 15,09 (13,79), "Қазхром "ТҰК" АҚ – 10,67 (7,59),Құжат жобасы 2024 жылдың 23 тамызына дейін жария талқылауға шығарылды. Ол қабылданған жағдайда бұйрық осы жылдың 1 қыркүйегінен бастап қолданысқа енгізіледі.

"Жөндеу жұмыстарына арналған шығын ұлғайды": Электр энергиясы 1 қыркүйектен бастап қымбаттайды

<a href="https://kyzylorda-news.kz/">Kyzylorda-news.kz</a> &nbsp;Биыл қаржылық сауаттылық негізін мектеп қабырғасынан бастап оқыту жоспарланып отыр. Ол үшін «AMANAT» партиясы «Қарызсыз қоғам» жобасы аясында мұғалімдерді қаржылық сауаттылықты оқыту дағдыларына үйретуде. Бұл Мемлекет басшысы Қасым-Жомарт Тоқаевтың азаматтардың қаржылық сауаттылығын арттыру бойынша берген тапсырмасын жүйелі жүргізуге ықпал етеді.&nbsp;Бүгін партияның облыстық филиалының Атқарушы хатшысы Ләйлә Төрешова қаржылық сауаттылығын арттырушылармен кездесіп, жобаның тимділігі мен маңыздылығына тоқталды.&nbsp;Бұл жолы 5 күндік қаржылық сауаттылықты арттыру курсынан қала және аудандық білім бөлімдері мамандары оқытылады. Курсты табысты аяқтаған мамандар мұнан әрі мектеп мұғалімдеріне дәріс береді. Осылайша мектеп бағдарламасына яғни жоғары сынып оқушыларына арналған арнайы қаржылық сауаттылықты арттыру пәнін арнайы дәрістен өткен мұғалімдер жүргізетін болады.&nbsp;Осылайша «Қарызсыз қоғам» партиялық жобасы аясында өңірдегі 270 мектептің оқуышылары қаржылық сауаттылықты арттыратын болады.

 Қаржылық сауаттылық мектеп оқушылары үшін арнайы пән ретінде оқытылмақ

<a href="https://kyzylorda-news.kz/">Kyzylorda-news.kz</a> &nbsp;Әділет департаментінің негізгі бағыттары – ұлттық заңнаманы қалыптастыру және зияткерлік меншік құқықтарын қорғау сондай-ақ халыққа мемлекеттік қызмет көрсету.&nbsp;Әділет органдарымен мемлекеттік қызметтің 12 түрі көрсетіледі. Заңды тұлғаларды тіркеу бағыты бойынша Әділет департаменті коммерциялық емес ұйымдарды тіркейді. Биыл облыс бойынша 46 заңды тұлға тіркелген. Бұл өткен жылмен салыстырғанда 22 пайызға азайғанын көрсетеді. Бұл туралы облыстық әділет департаментінің басшысы Ирина Бакишева мәлімдеді.<blockquote>–&nbsp;Әділет департаменті өзіне жүктелген міндеттерді орындауда ауқымды жұмыстар атқарып келеді. Қызмет барысында азаматтардың құқықтары мен бостандықтарының қорғалуына басымдық беріле отырылып, департаменттің жұмысы жоспарлы түрде жүргізілді. Заңды тұлғаларды тіркеу бағыты бойынша Әділет департаменті Коммерциялық емес ұйымдарды тіркейді. Биылғы жылы облыс бойынша 46 заңды тұлға тіркелді, бұл өткен жылмен салыстырғанда 22 пайызға азайған. Департаменттің негізгі міндеттерінің бірі – заңгерлік қызмет көрсетуді ұйымдастыру және құқықтық насихат саласында мемлекеттік саясатты қалыптастыру және іске асыру. Заңгерлік қызмет көрсету саласы тоқталып өтейін. Облыс бойынша Адвокаттардың жалпы саны –159 құрайды. Әділет департаментімен 80 адвокатпен тегін заң көмегін көрсету туралы келісімдер жасалған.6679 азаматқа заңда көзделген жағдайларда тегін заң көмегі көрсетілді. Облыста 73 жеке сот орындаушы жұмыс жасайды, оның ішінде 14-і аудандарда, 59-і Қызылорда қаласында орналасқан. Жеке сот орындаушылар бағытындағы басты жаңалықтың бірі&nbsp;Қазақстанда робот сот орындаушысы іске қосылды. ҚР Әділет министрлігі Республикалық ЖСО палатасымен бірлесіп, Тараз қаласында оңтайландырылған атқарушылық өндірісті енгізу бойынша пилоттық жобаны іске қосты. Осыған дейін азаматтар салынған айыппұлды уақытында өтей алмаған жағдайда, айыппұлдың 25%-ға дейінгі сомасын жеке сот орындаушыға төлеуге міндетті болатын. Енді бұл қызметті робот тегін атқарады. Жаңа жобаның арқасында ел азаматтары қаржысын үнемдей алады, –деді Ирина Жұмабайқызы.</blockquote>Фото:&nbsp;Қызылорда облысының Өңірлік коммуникациялар қызметі

Ирина Бакишева: 6679 азаматқа тегін қызмет көрсетілді

Фото: blog.joinfightcamp.com<a href="https://kyzylorda-news.kz/">Kyzylorda-news.kz</a> &nbsp;Халықаралық олимпиада комитеті IBA құрамына кірген боксшыларды 2028 жылғы олимпиада ойындарына қатыстырмайды. Бұл туралы Stan.kz ақпарат агенттігі хабарлайды.Халықаралық олимпиада комитеті Халықаралық бокс қауымдастығының құрамында болған елдерді 2028 жылы Лос-Анджелесте өтетін олимпиада ойындарына қатыстырмайтынын мәлімдеді. Оған басты себеп IBA президенті Умар Кремлевтің олимпиадада орын алған боксшыларға ақшалай сыйақы тағайындауы болды. ХОК бұл қаржының қайдан келгені мүлдем түсініксіз екенін айтып, сол себепті де IBA-ны мойындамайтынын жеткізді. Қазақстан құрамасы IBA-ның құрамына кіргендік келесі олимпиада ойындарына қатыса алмауы мүмкін. Барлық мемлекет Халықаралық бокс қауымдастығының құрамынынан шыққан кезде ғана олимпиадаға қатысу мүмкіндігіне ие болады.Айта кетейік, IBA жұмысының ашық еместігіне байланысты қазіргі уақытта бокс 2028 жылғы Олимпиада бағдарламасына қосылмаған.

Бокс 2028 жылғы Олимпиада бағдарламасына қосылмаған

<a href="https://kyzylorda-news.kz/">Kyzylorda-news.kz</a>&nbsp; Қызылорда қаласы бойынша білім бөліміне қарасты Абай атындағы үш тілде оқытатын дарынды балаларға арналған мамандандырылған сыныптары бар коммуналдық мемлекеттік мекемесінің директоры қызметіне &nbsp;Өткелбаева Айгүл Алтынбекқызы тағайындалды.Жоғары білімді. Жұбанов атындағы Ақтөбе педагогикалық институты, кәсіби қазақ тілі мен әдебиеті факультеті, қазақ тілі мен әдебиеті пәні мұғалімі;Педагогика ғылымдарының магистрі;2000-2003 жылдар аралығында Қазалы ауданындағы Ыбырай Алтынсарин атындағы №204 орта мектебінде қазақ тілі мен әдебиеті пәні мұғалімі.2003-2008 жылдар аралығында Қызылорда қаласындағы Әлия Молдағұлова атындағы №173 орта мектебінде қазақ тілі мен әдебиеті пәні мұғалімі.2008 жылы БжҒМ жанындағы республикалық білім сапасын бағалау орталығында сарапшы маман.2008 жылдан 2019 жылға дейін Қызылорда қаласындағы Үш тілде оқытатын сыныптары бар мамандандырылған дарынды балаларға арналған «Мұрагер» мектебінде директордың оқу тәрбие ісі жөніндегі орынбасары.2019 жылдың қаңтар айынан күні бүгінге дейін Қызылорда қаласындағы Әли Мүсілімов атындағы №101 мектеп лицейінің директоры қызметін абыроймен атқарып келді.

Абай атындағы дарынды балаларға арналған мектепке жаңа директор тағайындалды

<a href="https://kyzylorda-news.kz/">Kyzylorda-news.kz</a> &nbsp;Облыс көлемінде өтіп жатқан «Қауіпсіз жол» жедел-профилактикалық іс-шарасы өткізілді жол қозғалысы ережесін бұзудың 901 дерегі орын алды.&nbsp;&nbsp;Оның ішінде: белгіленген тәртіппен тіркелмеген көлік құралын басқарудың – 18, жаяу жүргiншiлердің немесе жол жүрiсiнiң өзге де қатысушыларының жүруiне басымдық бермеудің –45, көлік құралын мас күйде басқарудың – 14, жаяу жүргіншілердің жол қозғалысы ережесін бұзудың – 224, қауіпсіздік белдігін пайдалану ережесін бұзудың - 158 . Сонымен қатар, 134 автокөлік айып тұрағына қойылса, 112 автокөліктің мемлекеттік белгісі алынды.

 «Қауіпсіз жол»: 901 құқық бұзушылық анықталды

<a href="https://kyzylorda-news.kz/">Kyzylorda-news.kz</a> Алматыда үш жыл бұрын күйеуі өртеп жіберіп, ажал аузынан қалған Индира Тергеубаева әлі күнге дейін әділдікке жете алмай жүр. Ол пикетке шығып, қоғамның назарын аударып көмек сұрады.Индира Тергеубаева өрт оқиғасы бойынша істің жабылуына наразы және бұрынғы күйеуін дер кезінде депортацияламаған көші-қон полициясы қызметкерлерінің жазалануын талап етіп отыр.Индираның базынасын <a href="https://sputnik.kz/">Sputnik Қазақстан </a>тілшісі тыңдап қайтты.Тергеубаеваның басындағы қайғылы оқиға 2021 жылы болған. Оны ажырасып кеткен күйеуі дүкенімен қосып өртеп жіберген.<blockquote>"Маған осы үш жылда жалпы 9 ота жасалды, бірақ денсаулығым түзелмеді. Сол екінші топтағы мүгедек күйі қалдым. Пикетке шығуға мәжбүрмін. Былтыр мамырдан бері істі антикор екі рет істі жапты. Президент әкімшілігіне арыз жаздым. Антикордағылардың айтуынша, қылмыс құрылымы жоқ. Жауапты мамандар тиісті жазасын алды, қайта-қайта жауапқа тартпаймыз, олар ескерту алды, дейді. Бұл жемқорлық деп ойлаймын", - дейді Индира Тергеубаева.</blockquote>Индираның некеде болған күйеуі - шетел азаматы. Жәбірленушінің айтуынша, Жоғарғы сот оны депортациялау туралы үкім шығарған. Алайда бір жарым жыл бойы көші-қон полициясы оны Қазақстаннан шығармаған.<blockquote>"Жоғарғы соттың депортациялау туралы шешімі болса да, көші-қон полициясы ол адамды Қазақстаннан шығармады. Ол мені өлтіремін деп үнемі қорқытатын, ылғи полицияға барып шағымданатынмын. Ақыры 40 литр бензинді әкеліп, дүкенмен қоса мені өртеп жіберді", - дейді жәбірленуші.</blockquote>Индира қазіргі қалалық прокуратураның да есігін тоздырып жүр. Мақсаты өз міндеттерін дұрыс орындамаған құзырлы мекеме мамандарын жауапқа тарту.<blockquote>"Күйеуі өртеніп кетті, күдікті өлді деп істі жауып тастап жатыр. Қалалық прокурор Қарымсақов деген прокурорға тапсырма берді. Міне 1,5 ай болды, іс сол күйі тұр. Прокуратура да дұрыс қарамай жатыр. Менің талабым - көші-қон полициясы Заңды түрде жазасын алсын, шешімді орындамағандар түрмеге отырсын. Солар дер кезінде депортация жасағанда мен мүгедек болмас едім, бұрынғы күйеуім өртемес пе еді. Тіпті көші-қон полициясының мамандары ешбірі менен кешірім сұраған жоқ. Не түрмеге жабылсын немесе менің адам көргісіз болып қалған түрімді қалпына келтіріп, емімді алу үшін қаржылай көмек берсін. Менің денсаулығым қалпына келу үшін 45 млн теңге керек", - дейді Индира Тергеубаева.</blockquote>Индираны толық қалпына келтіру тек кореялық дәрігерлердің қолынан келеді екен. Өз қызметін олар 100 мың долларға бағалапты. Индира Тергеубаева қазір еш жерде жұмыс істемейді, өйткені еңбекке жарамсыз. Басында баспанасы да жоқ. Ақылы оқитын студент қызы екеуі 70 мың теңге мүгедектік бойынша төлемақымен жан бағып жүр.Еске сала кетейік, Алматыны дүр сілкіндірген оқиға 2021 жылдың соңында болды. Бұрынғы әйелі Индира Тергеубаеваға күн көрсетпеген ер адам оны жалға алған <a href="https://sputnik.kz/20230222/almatyda-buryngy-kuyeui-ortep-zhibergen-ayel-adildik-izdep-zhur--video-32363601.html">дүкенімен қоса өртеп жіберді. </a>Ер адам қираған ғимаратта жан тапсырып, Индираны куәгер аман алып қалды.Фото: Астана телеарнасы

Қазақстан және Қызылорда облысының жаңалықтары