<a href="https://kyzylorda-news.kz/">Kyzylorda-news.kz.</a> Сырдария ауданындағы Бесарық ауылдық мәдениет үйі жанынан құрылған «Жаншуақты» әжелер ансамблінің «Әжелер ән салғанда» тақырыбында концерті өтті. Ізгілігі мол іс-шараға облыстық ардагерлер кеңесінің мүшелері Келдібай Бектұрғанов, Жүзбай Таңырақбаев, Жәнібек Нұрқыш, облыстық музейдің бөлім меңгерушісі Эльзира Сағитжанова, «Абай-Дәулет» ЖШС директоры Мұрат Сәрсенбаев, аудандық мәдениет үйінің директорының орынбасары Азиз Садықов, ауыл әкімі Дәулет Сәрсенбаев, ауыл ардагерлері мен меймандар қатысты.Осыдан 15 жыл бұрын құрылған «Жаншуақты» әжелер ансамблінің мерейтойына арналған шығармашылық кеш арнайы бейнебаянмен ашылды. Тыңдармандарының ыстық ықыласына бөленген асыл жандардың жүріп өткен жолы көпшілікке ұсынылды. Өз кезегінде «Жаншуақты» әжелер ансамблі жайында жазылған «Әжелер ән салғанда» атты кітаптың тұсауын кесу құрметіне «Абай-Дәулет» ЖШС директоры Мұрат Сәрсенбаев, мәдениет үйінің директорының орынбасары Азиз Садықов, облыстық ардагерлер кеңесінің мүшесі Келдібай Бектұрғанов, «Сырдария ауданының Құрметті азаматы» Оразбек Сейтмұратов ие болды.Іс-шарада меймандар құттықтау сөз сөйледі.<blockquote>«Жүрегінде жылулық ұялаған, кісіні сыйлауды білетін Бесарық ауылының халқына дән ризамыз. Елімізге есімі белгілі болған «Жаншуақты» әжелер ансамблінің әрбір мүшесінің өнеріне қанығып жатырмыз. Көмейінен күміс төгілген ән өнерінің майталмандары бір сахнада бас қосты. Әркез дүйім елдің ыстық ықыласына бөленген ауыл өнерпаздары қашанда зор құрметке лайық. Шығармашылығымен ерекшеленген ел аналарының ғұмыры ұзақ болсын», – деді Келдібай Бектұрғанов.</blockquote> Сөз кезегінде «Абай-Дәулет» ЖШС директоры Мұрат Сәрсенбаев өнер иелерінің мерей сәтінде қуанышымен ортақтасып, зор ілтипат жасады.<blockquote>«Адал еңбек – адамның көркі» деген сөздің жаны бар. 2016 жылы «Абай-Дәулет» ЖШС құрылғаннан бастап, іргелі елдің іргесінде берекеміз артып келеді. Осы аралықта Бесарық ауылының гүлденуіне атсалысып, бірқатар әлеуметтік мәселелерді шешуге белсене кірістік. Оның ішінде, қазыналы қарттарға барлық қолдау көрсетіп, есімдерін даралай білуіміз керек. Алғаш «Жаншуақты» әжелер ансамблі құрылған сәтте бар ауыртпалықты еңсере білгені белгілі. Қашан да абырой биігінде болған өнерпаз аналарымызға барлық мақтау жарасымды. Қаз-қатар сап түзеген аналарымыз әуелеген әнімен Бесарық ауылының атын шығаратынына сеніміміз мол. Бұл ретте, алғашқы күннен тыным таппай өнерін шыңдай білген ардақты жандарға арнайы сыйлығымызды ұсынамыз», – деді «Абай-Дәулет» ЖШС директоры Мұрат Сәрсенбаев.</blockquote>Тағылымды кеш барысында аудандық мәдениет және тілдерді дамыту бөлімінің басшысы Жеңісбек Төрәлиевтің мерейтой иелеріне «Алғыс хатын» тапсырған Азиз Садықов құттықтау лебізін жеткізді.<blockquote>«Аудан бойынша 10-ға жуық халықтық әжелер ансамблі бар. Оның ішінде, бесарықтық ардақты аналарымыздың өнері өзгеше қалыптасқан. Тынбай еңбектеніп келе жатқан әзиз жандар үлкен сахналарда жоғары деңгейде өнер көрсетіп келеді. Өнер ұжымының шығармашылық әлеуетін жоғары біз бағалаймыз. Өнерін көпшілікке дәріптейміз», – деді Азиз Садықов.</blockquote>Бүгінде Бесарық ауылдық мәдениет үйінің әдіскері Маржан Дүйсенбаева жетекшілік ететін халықтық әжелер ансамбілінің құрамында Оразкүл Ахметова, Бақтай Серікбаева, Ақтұрсын Ширанова, Сейдігүл Оспанбекова, Қалимаш Аппақова, Нысанкүл Әйтенова, Назира Жүсіпова, Халбибі Қабылшаева, Рзагүл Дайраева, Ақсұлу Әбілова, Дәмеш Ибалуллаева, Жұмакүл Әбжекенова өнер көрсетеді. Ал ансамблдің бұрынғы құрамында болған аяулы жандардың кейбірі бүгінде бақилыққа аттанған. Өнер иелері әріптестерін еске алып отырады. Осындай игілігі мол іс-шарада «Жаншуақты» әжелер ансамблі көрермен назарына бірнеше әнін ұсынды. «Сыр сұлуы», «Көзімнің қарасы», «Қазағым» секілді бірнеше әнді тамылжыта шырқаған әжелер тыңдарман жүрегінен жол тапты. Өмірден түйгені көп өнер иелері ұршық иіріп, қазақы дәстүрді жиналған қауымға көрсетті. Сонымен бірге «Жаншуақты» әжелер ансамблінің 15 жыл бойы жеткен толағай табысы, зор жетістігі көрме ретінде қойылды. Керемет кешті жандыра түскен «Шырайлы келіндер» ансамблі ерекше әндер айтып, әзиз аналардың нақ ізбасары екен-діктерін көрсетті. Ал мың бұралған бишілер әсерлі қойылымдарымен дараланды.Кеш қонақтары Жүзбай Таңырақбаев, Жәнібек Нұрқыш, Эльзира Сағитжанова, Ермек Әлжіков, Әкбар Ақжігітов, Қанат Жармағанбетов, Қазбек Смағұлов сөз алып, мерейлі сәтімен кеңпейілді өнер иелерін құттықтады. Арнайы алып келген сыйлықтарын тапсырды. Сондай-ақ ауыл әкімі Дәулет Сәрсенбаевтың «Алғыс хаты» мен ықылас гүлі өнер ұжымына табысталды.Айта кетейік, «Жаншуақты» әжелер ансамблінің барлық әнін баянмен сүйемелдейтін Икрам Сейілхановтың еңбегі зор. Жиырмаға жуық ән шырқалған кештен ауыл тұрғындары шат-шадыман көңіл-күйде тарқасты. &nbsp;<img src="https://knadmin.beoblood.kz/uploads/3_4115f04e46.jpg" alt="3.jpg">

Тағылымға толы іс-шара

<a href="https://kyzylorda-news.kz/">Kyzylorda-news.kz.</a> Қызылорда өңірінде ел Президентінің "Халық үніне құлақ асатын мемлекет" қағидасы жаңа форматтағы жеке қабылдау барысында көрініс тапты.&nbsp;Қазақстан Республикасы Президентінің 2022 жылғы 3 наурыздағы №826 «Әкімдердің халықпен кездесулерін өткізу туралы» Жарлығын іске асыру аясында Қызылорда облысының әкімі Нұрлыбек Машбекұлы Нәлібаев құқық қорғау органдарының бірінші басшыларымен бірге Шиелі ауданында 9 қараша күні, сағат 15.00-17.30 аралығында аудандық Мәдениет үйінде жеке қабылдау өткізеді.Сондай-ақ, 17.30-да аудандық Мәдениет үйінде халықпен кездеседі.Жеке қабылдауға алдын-ала жазылу «E-gov», «E-otinish» бірыңғай порталы, Халыққа қызмет көрсету орталықтары арқылы «e-Нәтиже» және аудан әкімдігіне тікелей барып, жазбаша нысанда өтініш беру арқылы жүргізіледі.Кері байланыс орнату мақсатында өтініш берушінің аты-тегі, сұрақтың мәні, мекен-жайы, байланыс телефоны және электронды почта нақты көрсетілуі қажет.Қабылдау бойынша сұрақтарды 8(7242)40-11-91 (ішкі 7046), (ішкі 7051), (ішкі 7049) телефондары арқылы білуге болады.БАҚ-та және әлеуметтік желіде алдын ала берілген хабарландырулар арқылы азаматтар өз мәселесін ашық түрде қоюға мүмкіндік алады.

Аймақ басшысы Шиелі ауданының тұрғындарымен кездеседі

<a href="https://kyzylorda-news.kz/">Kyzylorda-news.kz.</a> Бүгінде өңірде кәсіп ашып, өз ісін дөңгелетіп отқан кәсіпкерлер қатары өскен. Себебі мемлекет тарапынан өзін-өзі жұмыспен қамтимын деген тұрғындарға қолдау көп. Бұған «Даму» қорының Қызылорда облысы бойынша өңірлік филиалы ұйымдастырған баспасөз туры аясында көз жеткіздік.Толықтай автоматтандырылған өндіріс«Даму» кәсіпкерлікті дамыту қоры қолдауымен ісін дөңгелетіп отқан кәсіпкердің бірі – Жұмабек Садуақасов. Нарықта 2006 жылдан бері тас төсеніш, жиек тас, қоршауға арналған темір тор және т.б. құрылыс материалдарын өндіріп, тұтынушылардың сұранысын қанағаттандырып келе жатқан кәсіпкер 2021 жылы өндірісті кеңейтуді қолға алыпты.<blockquote>«Еңбек етемін, кәсіп ашамын дегендерге мемлекет тарапынан қолдау көп. Соның дәлелі ретінде өзімді мысалға келтірсем болады. 2021 жылы Сбербанктен «Даму» қоры арқылы бизнесті автоматтандыру үшін құрал-жабдықтар сатып алу мақсатында «Бизнестің жол картасы – 2025» бағдарламасы аясында субсидиялау құралы бойынша қолдау таптық. Шүкір, қазір ісіміз тұрақты, жұмысымыз жүйелі. Сұранысқа келсек, тапсырыс көлемі жеткілікті. Тапсырыс қала, облыс көлемінен түсіп жатады. Сондай-ақ, бүгінде біздің өнімге сұраныс мекемелерден де түсетін болды. Мұның себебі, біз үшін өнім сапасы басты орында», – дейді кәсіпорын директоры.</blockquote>Сонымен қатар, кәсіпкер Жұмабек Садуакасов келешекте кәсіпорын көкжиегін кеңейтіп, өнім өндіру қуаттылығын арттыруды жоспарлап отырғанын айтады.Бүгінде кәсіпкер 10 адамды тұрақты жұмыспен қамтып отыр. Қызметкерлердің әлеуметтік жағдайы басты назарға алынып, тіпті ыстық тамақпен де қамтылған. Жалақы тұрақты, қосымша сыйақы да қарастырылған.&nbsp;Кәсіпорын шебері Уалихан Балмахановтың айтуынша, тас төсеніштер, жиек тастар, қабырға материалдарын шығаруға арналған қажет құм мен тасты, басқа да шикізаттарды облыс аумағынан алады. Сондай-ақ, өндіріске қажет цементті «Гежуба Шиелі Цемент» зауытынан жеткізеді екен.Бағдарлама қолдау берген заманауи балабақшаҚызылорда қаласындағы «Астана», «Астана-1» мөлтек ауданының балғындары бүгінде жаңа балабақшада тәрбиеленіп жатыр. Балабақша заманауи үлгіде салынып, қазіргі таңда 320 бүлдіршін тәлім алуда.Білім беру саласында қызмет көрсететін «BAUER group» ЖШС 2020 жылы өз қаражаты мен «Сбербанк» арқылы рәсімделген несие қаражатын пайдалана отырып, «Сыр перзенті» балабақшасын салады.&nbsp;Балабақша құрылтайшысы Бауыржан Еркебаевтың сөзінше, жобаға «Басымдыққа ие жобаларды несиелендіру механизмі» бағдарламасы аясында пайыздық мөлшерлемесін субсидиялау және кепілдендіру құралдары бойынша «Даму» қоры қолдау көрсеткен.2-ден 6 жас аралығындағы балалар қамтылған балабақшада барлық жағдай жасалған. Жабдықталған музыка залы, хореография залы, ағылшын, шахмат сыныбы, спорт зал бар. Кең асхана, медициналық кабинет және ғимарат алдында тартымды ойын алаңы орналасқан. Балабақша жұмысын жүргізуде 51 адам жұмыспен қамтылған. Тәлімгерлердің барлығы арнайы оқудан өткен, білікті мамандар.&nbsp;<blockquote>«Бізде балаларды дамыту мақсатында әртүрлі көрмелер ұйымдастырылады. Бүлдіршіндер ата-аналарымен бірігіп, әр түрлі тақырыпта суреттер салады. Қазір күз мезгілі болғасын, міне осы тақырапта көрме бұрышын дайындадық. Өздеріңізге белгілі, жаңа оқу бағдарламасы бойынша балаларды ойын арқылы дамыту қолға алынып жатыр. Сондықтан бұрынғыдай баланы қиын тапсырмамен жүктемей, жеңіл, ой-өрісін дамытатын ойындар арқылы бүлдіршіндермен жұмыс істейміз. Қазір баланың өсіп-дамуына ата-аналар да өте жауапкершілікпен қарайды, әрине бұл бізді қуантады», – дейді балабақша меңгерушісі Светлана Елтаева.</blockquote>Табысқа бастаған кондитерлік өнім өндірісіМемлекеттік және өңірлік бағдарламалардың жәрдемін тиімді пайдаланған кәсіпкерлердің бірі – жеке кәсіпкер Алтынай Елеусізова. Кондитерлік өнерді кәсіпке айналдырып, азық-түлік өндіру саласында бірнеше жылдан бері қызмет етіп келеді.Алтынай Елеусізованың 2021 жылы кәсіпке қажетті негізгі құралдар алу мақсатында алған несиесі қайта қаржыландырылып, жоба «Даму» қорынан «Бизнестің жол картасы – 2025» бағдарламасы бойынша субсидиялау құралы арқылы қолдау табады.Кәсібінің көкжиегін кеңейтіп, барлық қажет деген құралдармен қамтыған кәсіпкер бүгінде 25 адамды тұрақты жұмыспен қамтып отыр. Пісіретін өнім түрлері де артқан. Наннан бастап, тәтті тоқаш, торт, самса, бәліш пісіреді. Кондитерлік цех қызметкері Гүлмира Тоятованың сөзінше, өнімге деген сұраныс жоғары. Тапсырыстар тек қала аумағынан емес, аудандардан да түседі екен.&nbsp;<blockquote>«Ең бастысы, өнімнің сапасына мән береміз. Сондай-ақ, бізде пісірілетін тәттілердің бағасы қалтаға қонымды. Тапсырыс жан-жақтан түсіп жатады, қала аумағы үшін жеткізу қызметі жұмыс істейді. Кейде үлгермей жатамыз, себебі тапсырыс көп, қала бойынша 1 ғана нүкте», – дейді цех кондитері.</blockquote>Аймақ халқына тәтті өнімін өткізіп, елдің алғысын алып жүрген кәсіпкер алдағы уақытта кәсібінің ауқымын кеңейтіп, өнім түрлерін ұлғайтуды жоспарлап отыр екен.Тұрғындардың шырайын келтірген «Шырақ»«Даму» қоры қолдау көрсеткен тағы бір сәтті жоба – «Шырақ» офтальмологиялық орталығы. Бұл орталық офтальмологиялық зерттеудің барлық түрін және көзге &nbsp;микрохирургиялық қызметін көрсетеді.Кәсіпкер 2016 жылдан бастап 2 жобаға қатысқан. Біріншісі «Бизнестің жол картасы – 2020» бағдарламасы аясында көзге микрохирургия қызметін жасау үшін құрал-жабдық алу мақсатында болса, екіншісі заманауи медициналық орталық құрылысы жобасы бойынша «Ұлттық жоба» бағдарламасы аясында субсидилау және кепілдендіру көмегін алып отыр. Мемлекеттің қолдауының арқасында клиника қысқа мерзім ішінде үлкен жетістіктерге жеткен.&nbsp;<blockquote>«Біздің клиника толықтай автоматтандырылған жүйеге көшкен. Өйткені орталық заманауи үлгідегі медициналық құралдармен жабдықталған. Бұл құрал-жабдықтар Оңтүстік Корея елінен тапсырыспен алынған. Сондықтан да клиника ем алушыларға сапалы қызмет көрсета алады деп сеніммен айта аламын», – дейді клиника әкімшісі Лаура Құрманбаева.</blockquote>Бүгінде «Шырақ» офтальмологиялық орталығы кеңес беруден бастап көздің кемшілігін түзету, көзге ота жасау секілді біршама қызмет түрлерін қамтыған. Сондай-ақ, клиника тек жоғары санаттағы білікті мамандардан құралған. Осының арқасында өз емделушілерінің сенімінен шығып, клиника аймақта үнемі үздіктер қатарынан көрінуде. Сонымен қатар, емделушілер тек қала аумағынан ғана емес, басқа да өңірлерден келеді екен.Қор жұмысының қарқынды әрекетіӘрине, «Даму» кәсіпкерлікті дамыту қоры қолдау көрсеткен кәсіпкерлік нысандар мұнымен шектелмейді. «Кәсіпкерлікті дамыту жөніндегі 2021-2025 жылдарға арналған ұлттық жоба» және «Қарапайым заттар экономикасы» басым жобаларын кредиттеу тетігі шеңберінде Қызылорда облысының кәсіпорындарына пайыздық мөлшерлемені субсидиялау және кепілдік беру құралдары бойынша бірнеше жоба қолдау табуда.&nbsp;«Даму» кәсіпкерлікті дамыту қоры» АҚ облыстық филиалы директоры Жомарт Ермағанбеттің айтуынша, жыл басынан бері «кепілдік беру» құралы бойынша облыс кәсіпкерлерінің жалпы кредит сомасы 10,2 млрд теңгеге яғни, 990 жобасына қолдау көрсетіліп, оның ішінде кепілдіктер сомасы 6,1 млрд теңгені құраған.<blockquote>«Аймақ кәсіпкерлерінің жалпы сомасы 143,4 млрд теңгеден астам несиелері бойынша 4 500-ден астам жобасына, сондай-ақ өңірдегі кәсіпкерлердің несиенің жалпы сомасы 50,9 млрд теңгені құрайтын 3 200-ден астам жобасына «Даму» қорының кепілдігі берілді», – дейді Жомарт Ермағанбет.</blockquote>Түйін: Кәсіпкерліктің дамуы аймақтың әлеуметтік-экономикалық дамуында маңызды рөл атқаратыны сөзсіз. Сондықтан да салаға жан-жақты қолдау көрсету – мемлекеттің басты міндеті. Байқағанымыздай бүгінде кәсіп ашып, қолдан келетін ісіммен айналысамын деген адамға мемлекет тарапынан жасалып жатқан қолдауда есеп жоқ. Тек, сол қолдауды мүмкіндігінше ұтымды пайдалана білуіміз керек.&nbsp;Жандос Жазкен &nbsp;<img src="https://knadmin.beoblood.kz/uploads/2_f599d9eb29.jpg" alt="2.jpg"><img src="https://knadmin.beoblood.kz/uploads/2_bde9bf07bc.jpg" alt="2.jpg"><img src="https://knadmin.beoblood.kz/uploads/1_d32d83e10f.jpg" alt="1.jpg"><img src="https://knadmin.beoblood.kz/uploads/1_7976ac83af.jpg" alt="1.jpg"><img src="https://knadmin.beoblood.kz/uploads/1_0f721b8478.jpg" alt="1.jpg">

«Даму» демеген жобалар

<a href="https://kyzylorda-news.kz/">Kyzylorda-news.kz.</a> Қызылорда облысында дәулескер күйші Әлшекей Бектібайұлының 175 жылдық мерейтойына арналған «Дәуірлер бейнесі домбыра үнінде» атты республикалық күйшілер байқауы өтті.&nbsp;Еліміздің түкпір-түкпірінен келген 25 талапкер 250-ге жуық күй орындап, Сыр аспанын домбыра үніне бөледі.&nbsp; Конкурсқа қатысушы талапкерлерге күйші, «Құрмет» орденінің иегері, Мәдениет саласының үздігі, «Дарын» мемлекеттік жастар сыйлығының лауреаты, Қазақстан Композиторлар одағының мүшесі, Батыс Қазақстан мемлекеттік университетінің қауымдастырылған профессоры, Дәулеткерей атындағы қазақ халық аспаптары оркестрінің көркемдік жетекшісі және бас дирижеры Еркін Нұрымбетов, күйші-композитор, өнер зерттеуші, Қазақстан композиторлар және журналистер одағының мүшесі, Мәдениет саласының үздігі Балтабай Нұржанов, Әлшекей Бектібайұлы атындағы республикалық дәстүрлі өнерді дамыту қоғамдық қорының атқарушы директоры Марат Жанғазы, өнер зерттеуші, күйші, Дина Нұрпейісова атындағы халықаралық күйшілер байқауының лауреаты Аягөз Нұрсұлтан, күйші, «Ерен еңбегі үшін» медалінің иегері, Мәдениет саласының үздігі Әлімжан Әбсадықов қазылық етті.&nbsp;Конкурс қорытындысы бойынша Құрақтың Досжаны атындағы арнайы жүлдемен Нұрмағанбетов Нартай (Қызылорда қаласы), Тасболат Сқақов атындағы арнайы жүлдемен Байғұтты Қайрат (Орал қаласы), Қазанғап атындағы арнайы жүлдемен Елеусіз Ардақ (Астана қаласы), Мырза Өмірзақ атындағы арнайы жүлдемен Өмірзақ Расул (Петропавл қаласы), Жалдыбай атындағы арнайы жүлдемен Шонбаев Сырым (Алматы қаласы) марапатталды.&nbsp;Жүлделі ІІІ орынды Махмут Алтынай (Алматы қаласы), Бибіт Темірхан (Алматы қаласы), Алпанов Қуандық (Ақтау қаласы) иеленсе, ІІ орынды Жолдығали Әділет (Орал қаласы), Жақсылық Ғалымжан (Шымкент қаласы), І орынды Достиярова Бекзада (Астана қаласы) және Әшімхан Нұрғали (Алматы қаласы) иеленді.Конкурстың Бас жүлде иегері Шиелі ауданынан келген Тәшімов Әділбек атанды.Сонымен қатар, Әлшекей Бектібайұлы қоры Елеусіз Ардақ және Тәшімов Әділбекті “Әлшекей Бектібайұлы” төсбелгісімен марапаттады.<figure class="image"><img src="https://knadmin.beoblood.kz/uploads/313125178_2077924622595035_4361838279526862347_n_86767b9df6.jpg" alt="313125178_2077924622595035_4361838279526862347_n.jpg"></figure>

Қызылордада республикалық күйшілер байқауы өтті

<a href="https://kyzylorda-news.kz/">Kyzylorda-news.kz.</a> Атмосфералық фронтальды бөлімдердің өтуімен ҚР бүкіл аумағында ауа-райы тұрақсыз болады, деп хабарлайды Қазгидромет.&nbsp;Кей өңірлерде жауын-шашын жаңбыр мен қар түрінде болады, еліміздің оңтүстігінде қатты жаңбыр күтіледі. Республика бойынша тұман, жел солтүстігінде жаяу бұрқасынмен күшейеді, солтүстігінде, шығысында, орталығында көктайғақ күтіледі.

7 қарашаға арналған ауа райы болжамы

<a href="https://kyzylorda-news.kz/">Kyzylorda-news.kz.</a> ҚР Президенттігіне үміткер Қарақат Әбденнің ел өңірлеріндегі үгіт-насихат жұмыстары жалғасуда. Жезқазған қаласына ат басын бұрған үміткер жергілікті сайлаушылармен, жастар қауымымен кездесті.&nbsp;<blockquote>Жиын барысында жастарды толғандырып жүрген сұрақтар талқыланды. Олардың қатарында орта техникалық және жоғары білім, жатақхана мәселелері бар. «Ертеңгі үмітіміз, болашағымыз – жастар. Олардың жағдайын қамтамасыз ету біздің негізгі міндетіміз. Жастарға бүгінгі көмек – бұл біздің ертеңгі күнімізге тікелей инвестиция. Бүгінгі кездесу барысында көптеген өзекті мәселелер көтерілді. Жастардың қоғамдық мәселелерге белсене араласып жүргені қуантады. Олар түрлі өзекті сауалдарды жолдап, ерекше идеяларымен бөлісуде», - деп жеткізді өз сөзінде Қ.Әбден.</blockquote>Бұдан бөлек, жас ұрпақтың бойында ұлттық намыс пен патриоттық сезімді қалыптастыру, қыздардың үйлесімді тәрбиесіне көңіл бөлу жөнінде де сөз қозғалды.Еске салсақ, елімізде 20 қараша күні кезектен тыс президент сайлауы өтеді. Үміткер Қ.Әбден ел аймақтарын аралап, 10 қала мен бірнеше ауылдық елді мекенде 20-дан астам кездесу өткізді. Алдағы уақытта ол Қызылорда, Солтүстік Қазақстан, Түркістан, Жамбыл облыстарының сайлаушыларымен кездесу өткізеді.&nbsp;

Қарақат Әбден жастармен кездесу өткізді

<a href="https://kyzylorda-news.kz/">Kyzylorda-news.kz.</a> Сайлау науқаны басталғалы бері Генералдар кеңесі үгіт-насихат науқанына белсенді қатысып, жұртшылықпен, ардагерлердің отбасыларымен кездесіп, Халықтық коалиция ұсынған кандидаттың сайлауалды бағдарламасының басымдықтарын талқылап жатыр.Бүгін «Генералдар кеңесі» Республикалық қоғамдық бірлестігінің мүшелері Халықтық коалицияның республикалық штабында сайлау науқанының барысын талқылады.Сондай-ақ,қоғамдық бірлестіктің өкілдері үгіт-насихат және талдау орталықтарының, кандидаттың қоғамдық қабылдау бөлмесінің, медиа-штабтың, сенімді өкілдерді үйлестіру орталығының және байқаушылар штабының қызметімен егжей-тегжейлі танысты.«Генералдар кеңесі» РҚБ мүшесі, генерал-майор Дәулет Салхановдауыс беру күні Қазақстанның әрбір азаматы өзінің азаматтық ұстанымын тек сөз жүзінде ғана емес, нақты іс жүзінде танытқаны маңызды екенін атап өтті.Өз кезегінде, «Генералдар кеңесі» РҚБ мүшесі, генерал-майор Өміртай Бітімов «Кездесуге қатысқан азаматтар пікір, тәжірибе алмасып, үгіт-насихат жұмысын жүргізуге қатысты орамды ой-пікірлерін ортаға салды», деп атап өтті. &nbsp;<img src="https://knadmin.beoblood.kz/uploads/44_0fbc12cf07.jpeg" alt="44.jpeg">

Генералдар кеңесі Халықтық коалицияның үгіт-насихат іс-шараларына белсенді қатысуда

<a href="https://kyzylorda-news.kz/">Kyzylorda-news.kz.</a> 2022 жылдың 6 қарашасында ҚР Президенттігіне Жалпыұлттық социал-демократиялық партиясы атынан кандидат Нұрлан Әуесбаев сайлауалды үгіт-насихаттың аралық нәтижелері жөнінде тікелей эфирде баяндап берді. Сонымен бірге кеше Астанада тығыз құрылысқа қарсы өткізілген митинг қорытындыларымен бөлісті.Президенттікке кандидат атап өткендей, 2 апта ішінде сайлауалды штаб бірқатар іс-шара атқарған. Оның ішінде өңірлерге, атап айтқанда, Қарағанды, Ақтөбе, Ақмола облыстарына, Шымкент және Алматы қалаларына сапармен барған. Одан бөлек бірқатар ауыл тұрғындарымен кездесу өткізген.Аймақтық сайлауалды штабтармен еліміз бойынша 30-дан астам үгіт-насихат шаралары жүзеге асырылған.5 қарашада ЖСДП-дан кандидат Республикалық сайлауалды штаб ұйымдастыруымен өткен тығыз құрылысқа қарсы митингіге қатысты. Іс-шара Пушкин және Ш.Құдайбердіұлы көшелері қиылысында орналасқан саябақ аумағында өтті.Митингіге 50-ге жуықадам: партия белсенділері, сонымен бірге қала тұрғындары қатысты. Митинг қорытындысы бойынша резолюция қабылданды. Құжатта ЖСДП тұрғын үйлермен қатар балабақша, мектеп, аурухана, саябақтардың құрылысын міндеттейді.Резолюцияда сонымен қатар экология, қажетті инфрақұрылым құрылысы, салынатын үйлердің сапасын арттыру қажеттілігі мәселелері көтеріледі. &nbsp;

 Нұрлан Әуесбаев сайлауалды үгіт-насихаттың аралық нәтижелері жөнінде тікелей эфир өткізді

<a href="https://kyzylorda-news.kz/">Kyzylorda-news.kz.</a> Президенттікке кандидат Салтанат Тұрсынбекова «Тәуелсіздік таңы» монументіне гүл шоқтарын қойып, 1986 жылғы Желтоқсан оқиғасы құрбандарын еске алды.Ол желтоқсаншылардың ерлігінің арқасында бүгінде барша қазақстандықтардың ұлттық қадір-қасиеті мен құндылықтарын сақтай отырып, тәуелсіз елде өмір сүріп жатқанын атап өтті.<blockquote>«Қазақстан Республикасының тәуелсіз мемлекет болғанына 31 жыл болды. &nbsp;Ол үшін талай қиындықты басынан өткерген халқымыз үшін Тәуелсіздік – ең асыл қазына. &nbsp;Тәуелсіздік – біздің орындалған арманымыз, бұл ең алдымен қазақ халқының азаттыққа ұмтылған ерлігінің жемісі», – деді кандидат.</blockquote>«Тәуелсіздік таңы» монументі 2006 жылы 18 қыркүйекте Алматыда 1986 жылғы Желтоқсан оқиғасы құрбандарын еске алу мақсатында ашылған. &nbsp;Жобаның сәулетшісі әрі дизайнері – Тимур Сүлейменов. &nbsp;Ескерткіш ұлттық сананың өсуін және азаттықтың салтанат құруын бейнелейтін екі тіреуіштен тұрады. &nbsp;Композицияның ортасында тұрған қыз еркіндік символын білдіреді. &nbsp;Оң қолындағы орамал – адамдарды татулыққа шақыратын символ, сол қолында – бейбітшілік пен татулықтың символы, еркіндікке деген ұмтылысты бейнелейтін көгершін орнатылған.Еске салайық, Салтанат Тұрсынбекова Алматыда тұтынушылардың құқықтарын қорғау мәселелері бойынша азаматтармен, зияткерлік меншікті қорғау тақырыбын қозғап қалалық құқық қорғаушылармен және қоғамдық пікір көшбасшыларымен, Қазақ ұлттық қыздар педагогикалық университетінің студенттерімен, сондай-ақ “Родник” дағдарыс орталығының басшысымен түрлі кездесулер өткізді.&nbsp;Алматы – кандидаттың сайлау алдындағы үгіт-насихат сапарымен барған алтыншы өңірі. &nbsp;Құқық қорғаушы бұған дейін елордада, Қарағанды, Ақмола, Түркістан облыстары мен Шымкент қаласында болған. &nbsp;<img src="https://knadmin.beoblood.kz/uploads/40_330456b0ef.jpg" alt="40.jpg">

Салтанат Тұрсынбекова Алматыда Желтоқсан оқиғасы құрбандарын еске алды

<a href="https://kyzylorda-news.kz/">Kyzylorda-news.kz.</a> Бүгінде жасыл экономика 21 ғасырдағы елдердің тұрақты дамуын қамтамасыз ететін маңызды құралдардың бірі екінін дәлелдеп келеді. Қазақстан да бұл үрдістен тысқары қалмай елде жасыл технологияларды енгізу жұмыстарын белсенді жүргізіп жатыр. Әсіресе білімді, жаңашыл жастардың жасыл технологияны игеруде қолдау көрсету мақсатында бірнеше жобалар жүзеге асырылуда.&nbsp;Соның дәлелі, Астана қаласында өткен «Жасыл технологиялар баланың көзімен» атты республикалық байқауда Қармақшы ауданы А.Жанпейісов атындағы №105 мектеп-лицейінің 10 сынып оқушысы Ақтілек Төлен және георгафия пәнінің мұғалімі Нұргүл Джұбанова республикалық байқаудың Үздік «жасыл» номинациясында жүлделі 3 орынды иеленді.&nbsp;Астана қаласында өткен іс-шараға арнайы барып, ҚР Экология геология және табиғи ресурстар вице-министрі З.Б.Сүлейменованың қатысуымен марапатталып қайтты. Жүлдегерлерді №105 мектеп-лицейінің директоры Г.Еркебаева арнайы қабылдап, ризашылығын жеткізді.&nbsp;Жалпы ұйымдастырушылардың мәліметінше, қоғамда балалардың табиғатты қадірлеп ұстауға, жасыл технологияларды ендіруге, қоқысты өңдеуге бағытталған жаңа жобаларға қолдау көрсету болып табылады.&nbsp;<img src="https://knadmin.beoblood.kz/uploads/39_a9ebb0ca85.jpg" alt="39.jpg"><img src="https://knadmin.beoblood.kz/uploads/38_7889bab37c.jpg" alt="38.jpg"> &nbsp;

Республикалық байқаудан жүлделі  ІІІ орынмен марапатталды 

<a href="https://kyzylorda-news.kz/">Kyzylorda-news.kz.</a> Облыста тұмауға қарсы иммундау науқаны барлық емханаларда жүргізілуде. Соның ішінде, жасөспірім балаларға, жүкті әйелдерге және 65 жастан асқан азаматтарға ЖРВИ қарсы екпе белсенді түрде салынуда. Сала мамандарының айтуынша, ауруға шалдыққандардың 66,1 пайызы 14 жасқа дейінгі балалардың үлесінде екен. Дегенмен, өңірде эпидемиологиялық ахуал бірқалыпты деңгейде.«Аймақта 1 қазаннан бастап облыс халқының ЖРВИ және тұмаумен сырқаттану жағдайына байланысты күн сайын мониторинг жүргізілуде. Ал облыс бойынша аталған вируспен ауырған науқастарды емдеу үшін &nbsp;315 төсек-орын, оның ішінде облыстық жұқпалы аурулар &nbsp;ауруханасында 110 орын бөлінді. Жалпы тұмауға қарсы екпе - &nbsp;ұжымдық иммунитетті қалыптастырады және аурушаңдық деңгейінің өсуіне жол бермейді. Одан бөлек, қоғамдық орындарда бетперде тағу, әлеуметтік қашықтықты сақтау, мүмкіндігінше адамдар көп жиналатын жерлерге бармау, жеке гигиена ережелерін сақтау қажет. Сонымен қатар дұрыс тамақтану, дәрумендерді шекті мөлшерде пайдалану арқылы иммунитетті көтеру маңызды. Егер ауырып қалған жағдайда міндетті түрде дәрігерлерді шақырып, арнайы ем қабылдау керек», - деді облыстық денсаулық сақтау басқармасы басшысының ана мен бала денсаулығын қорғау жөніндегі орынбасары Мая Мирзанова.«Биыл ауруға шалдыққандардың көпшілігінде &nbsp;тұмау вирусының &nbsp;В түрі &nbsp;анықталуда. Осыған сәйкес, осы жылы өңірде ЖРВИ инфекциясына қарсы 85 мың доза вакцина әкелінді. Бүгінгі күнге дейін тұмауға қарсы 82 мыңнан астам адам екпе салдырды. Бұл вакцинациялауға жататын контингенттің 95,8 пайызын құрайды. Сондықтан облыс тұрғындарын барынша тұмау ауруынан сақтануға және екпе салдыруға шақырамын», - деді облыстық санитарлық-эпидемиологиялық бақылау департаментінің бөлім басшысы Әлия Ыдырысова.<img src="https://knadmin.beoblood.kz/uploads/36_c746dde66e.jpg" alt="36.jpg">

Облыста тұмауға қарсы вакцинациялау жұмыстары жүргізілуде

<a href="https://kyzylorda-news.kz/">Kyzylorda-news.kz.</a> Өңірде жылу беру маусымы жоспарға сәйкес тұрақты өтуде. Бүгінде 1064 әлеуметтік нысан мен 840 көпқабатты тұрғын үй толығымен жылу жүйесіне қосылды. Бұл туралы Өңірлік коммуникациялар қызметінде өткен брифингте облыстық энергетика және тұрғын үй-коммуналдық шаруашылық басқармасы басшысының орынбасары Қайсар Мұстафаев хабарлады.<blockquote>«Қазіргі таңда тіршілікті қамтамасыз етуші кәсіпорындар күнделікті штаттық режимде жұмыс істеуде. Облыстағы әлеуметтік нысандар мен көпқабатты тұрғын үйлерде жылу беру маусымы тұрақты жүргізілуде. Биыл жылу беру маусымына қажетті 176,2 мың тонна көмірдің 90 пайызы жеткізілді. Сонымен қатар, облыс бойынша 280 әлеуметтік нысан сұйық отынмен толық қамтамасыз етілді», - деді басқарма басшысының орынбасары Қайсар Мұстафаев.</blockquote>Қала бойынша барлығы 815 көпқабатты тұрғын үй бар. Оның ішінде 711 тұрғын үй орталықтандырылған жылу жүйесіне қосылса, қалған 104 үй қазандықтармен жылытылады. &nbsp;<blockquote>«Қызылорда қаласы бойынша жылу желілерінің жалпы ұзындығы - 190,02 км құрайды. Биылғы жылу маусымы барысында &nbsp;жоспарланған жөндеу жұмыстары бекітілген кестеге сай жүргізіліп, 100 пайызға орындалды. Ал қаланың сол жақ жағалауындағы жылу желілеріне гидравликалық сынақ жұмыстары жүргізілді. Тексеріс барысында анықталған ақаулар қалпына келтіріліп, жылу жүйесіне қосылды. Сонымен қатар қала бойынша 37 мың тонна қатты отын қажет болса, қазіргі таңда оның 78 пайызы қамтылды. Жылу маусымы аяқталғанша тиісті жұмыстар жүйелі түрде жалғасатын болады», - деді Қызылорда қаласы әкімдігінің «Қызылорда қаласының тұрғын үй-коммуналдық шаруашылығы, жолаушылар көлігі және автомобиль жолдары бөлімі» КММ басшысының орынбасары Дархан Бақтияров.</blockquote><img src="https://knadmin.beoblood.kz/uploads/34_f5860a8bd7.jpg" alt="34.jpg">

Қазақстан және Қызылорда облысының жаңалықтары