<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаевтың Арал теңізінің құрғаған ұлтанында алдағы бес жыл ішінде 1,1 млн. гектар сексеуіл екпелерін ұлғайту жөніндегі тапсырмасы жүйелі түрде жүргізіліп келеді.Биылғы жылға жалпы аумағы 250 мың га жерге фитоорманмелиорациялық шаралар жүргізу көзделді. Көктем айларында орман мекемелерімен 12 мың га жерге 3600 мың дана сексеуіл көшеті отырғызылды. Күз айларында 51,4 мың га табиғи өсіп өнуге ықпал ету жұмыстары және 32 мың га жерге механикалық жолмен 115 тонна сексеуіл тұқымын себу жұмыстары жүргізілді.Арал теңізінің құрғаған ұлтанында жүргізіліп жатқан жұмыстармен танысу үшін Қазақстан Республикасы Экология, геология және табиғи ресурстар министрлігінің Орман шаруашылығы және жануарлар дүниесі комитетінің төрағасы Нұрлан Қылышбаев ауданға іс сапармен арнайы барды.Жұмыс сапары барысында Комитет төрағасы теңіз ұлтанында жұмыс істеп жатқан орманшылармен кездесіп, олардың қызмет барысымен және орманшылардың сексеуіл егу механизмдерімен танысты.Айта кетейік, 2023 жылы Арал теңізінің құрғаған ұлтанына облыс бойынша 100 мың гектарға фитоорманмелиорациялық жұмыстарын жүргізу, оның ішінде 53 мың гектарға сексеуіл көшеттерін отырғызу және 47 мың гектарға галофитті өсімдіктердің тұқымын себу жоспарланып отыр.<figure class="image"><img src="https://knadmin.beoblood.kz/uploads/318411409_1356756405079838_4248647952368198733_n_d6f7bfae58.jpg" alt="318411409_1356756405079838_4248647952368198733_n.jpg"></figure>

Комитет төрағасы жұмыс сапарымен Арал ауданына барды

<a href="https://kyzylorda-news.kz/">Kyzylorda-news.kz.</a> Соңғы жылдары Жаңақорған ауданында мемлекет қолдауының нәтижесінде өнім өндіру ісі бойынша шағын кәсіпкерлер қатары артып келеді. Тек ауыл шаруашылығы мен қоғамдық қызмет көрсету бағытындағы кәсіптер ғана емес, сондай-ақ кір сабын, құрылыс заттары мен тұрмысқа қажетті басқа да тауарлар өндіретін кәсіптік нысандар ашылуда. Солардың бірі – кәсіпкер Шолпан Сүлейменова әжетхана қағазын да өндіруді қолға алған.Жеке кәсіпкер Шолпан Сүлейменова Қызылорда қаласында «Қазақстанның үздік тауары – 2022» өңірлік көрме-байқауында назарға ілікті. Бұған дейін кәсіпкер тойтабаққа арналған кәдесыйға түрлі әшекейлер жасап, арнайы стакандарды дизайнмен әрлейтінін еді. Одан бөлек, футболкаларға сурет салып, жазу жазатын, қосымша есік алдына жылыжай егіп, қияр өсіруді қолға алғанын айтқанбыз. Енді міне ауданда алғашқы болып қағаз ісін қолға алып, жаңа бір жобаны жүзеге асыруда.<blockquote>«Даму» кәсіпкерлікті дамыту қорынан 6 проценттік несие арқылы 5 млн қаржы алып, екі құрылғыны әкеліп орнаттық. Қағаз шикізаты Шымкенттен келетін болса, сыртқы қабатын Алматыдан алдыртамыз, дизайны өзімізден. Қазір қарамағымда 5 жұмысшы бар, өзіме қолғанат болып, қай кәсіп болмасын алып жүрген балаларымның қолдауымен, солардың ынта-жігерімен осы кәсіпке тәуекел еттік. Өнімді өзіміздің дүкен сөрелерінен табуға болады. Біздің мақсат аудан көлемін қамтып қою ғана емес, аймақ нарығына жол тарту. Айтпақшы, өнімнің атауы – «Жаңақорған» деп аталады. Өзге сауда нүктесінде де өзіміздің өнім екенін бірден біле қоясыз», – деді кәсіп иесі.</blockquote>Кәсіпкердің айтуынша, шикізатты алар кезде қағаздың қатты немесе жұмсақтығына мән береді. Сапасы бірінші кезекте, өнім 2-ші класты өнім. Сапасы жақсы, жұмсақ, түсі ақ, ең бастысы тез жыртылмайды. Ал, бірінші класты түрі тек салфетка, үй жағдайындағы қағаздарға арналады.&nbsp;Өзінің нақты жоспарымен мемлекеттік қолдауды ұтымды пайдаланған Шолпан Сүлейменованың тірлігі бүгінде көпке үлгі.&nbsp; &nbsp;<img src="https://knadmin.beoblood.kz/uploads/318033748_1325498184878042_1093001529142288754_n_8ceaa21387.jpg" alt="318033748_1325498184878042_1093001529142288754_n.jpg">

Жаңақорғандық кәсіпкер әжетхана қағазын өндіруде

<a href="https://kyzylorda-news.kz/">Kyzylorda-news.kz.</a> Ә.Молдағұлова атындағы №173 орта мектептің 60 жылдық мерейтойына арналған кезекті шарамыздың бірі ардагер ұстаздармен кездесу өткізілді.&nbsp;Кездесу шарасы ардагерлерді салтанатты түрде күтіп алумен басталды. Мектеп мерейтойына орай батыр қыз Әлия Молдағұловаға арналған кабинеттегі құнды жәдігерлермен бастауыш сынып мұғалімі, Әлия мұрасын зерттеуші Тұрсынкүл Саматова таныстырды. Сонымен қатар заман талабына сай жабдықталған ұл балаларға, қыз балаларға арналған оқу кабинеттерінде оқушылардың өз қолдарымен жасалған қолөнер бұйымдарын тамашалады. Мектеп кітапханашысы Ләззат Омарованың «Оқуға құштар мектеп» жобасы жұмысының нәтижесін көріп, оқушыларға ардагер ұстаздар батасын берді. &nbsp;Мектеп жаңалықтарына шолу жасап болғаннан кейін, акт залда ардагер ұстаздарға арналған «Ардагерлермен жарқын жүздесу» атты кездесу &nbsp;сазды әуенмен басталды.&nbsp;Мектеп директоры Гүлмира Расилқызы Қоңырбаева ардагерлерді мектеп мерейтойымен құттықтап, ыстық лебізін жеткізді. Ардагер ұстаздардың өткен өмірінің естеліктерінен жинақталған бейнебаянды тамашалап, жаратылыстану, математика, информатика пәні мұғалімдері ұйымдастырған &nbsp;көңілді ойын, сұрақ-жауап, ән-шашуларына ризашылықтарын білдірді. Ардагер ұстаздар ұжымға рахметтерін айта отырып, мерейтойымен құттықтап, өз естеліктерімен бөлісті.&nbsp;Шара соңында ардагерлерге ақ дастарқан жайылып, құрмет көрсетілді. Мектеп ұжымына, ұйымдастырушыларға ақ батасын берді.<img src="https://knadmin.beoblood.kz/uploads/318595051_823744312290597_2093597183479365227_n_821824b6ca.jpg" alt="318595051_823744312290597_2093597183479365227_n.jpg"><figure class="image"><img src="https://knadmin.beoblood.kz/uploads/Whats_App_Image_2022_12_07_at_10_21_44_ab9d27d8dd.jpeg" alt="WhatsApp Image 2022-12-07 at 10.21.44.jpeg"></figure>

Ұстаздар ардагерлермен кездесті

<a href="https://kyzylorda-news.kz/">Kyzylorda-news.kz.</a> Шиелі ауданы әкімдігінің мәжіліс залында аудан әкімінің орынбасары, кеңес төрағасы Болат Ысмағұловтың төрағалығымен «Шиелі ауданы әкімдігі жанындағы Үкіметтік емес ұйымдармен өзара іс-қимыл және әріптестік жөніндегі кеңес» отырысы өткізілді.Кеңес отырысына кеңес мүшелері, кеңеске шақырылған дербес бөлім, мекеме басшылары, Ақмая, Жөлек, Талаптан ауылдық округ әкімдері, жергілікті БАҚ өкілдері қатысты. Кеңес отырысының күн тәртібінде 4 мәселе қаралды.Бірінші мәселе бойынша ауданда әлеуметтік қолдау бағытында жүзеге асырылып жатқан әлеуметтік жобаларды жүзеге асыру барысында туындаған проблемалық мәселелері және шешілу жолдары туралы аудандық жұмыспен қамту, әлеуметтік бағдарламалар және азаматтық хал актілерін тіркеу бөлімінің басшысы Ағыбай Рүстемұлының хабарламасы тыңдалды.Екінші мәселе бойынша Ақмая, Жөлек, Талаптан ауылдық округтері әкімдерінің жергілікті қоғамдық ұйымдармен бірлесіп атқарған жұмыстары және алдағы жоспарлары туралы Ақмая ауылдық округінің әкімі Бағлан Сағындықовтың, &nbsp;Жөлек ауылдық округінің әкімі Меирбек Жолдасбековтің, &nbsp;Талаптан ауылдық округінің әкімі Хайдар Тәжиевтің хабарламалары тыңдалды.Үшінші мәселе бойынша мемлекеттік бағдарламалар мен әлеуметтік жобалардың жастарға тиімділігі және алдағы жоспарлары туралы аудандық жастар ресурстық орталығы директорының міндетін атқарушы Ынтымақ Қаппаровтың хабарламасы тыңдалды.Төртінші мәселе бойынша «Тәжік-ауған шекарасындағы ұрыс қимылдарының ардагерлері мен мүгедектері» Шиелі аудандық қоғамдық бірлестігінің 2022 жылы атқарған жұмыстары мен 2023 жылға алда тұрған міндеттері туралы «Тәжік-ауған шекарасындағы ұрыс қимылдарының ардагерлері мен мүгедектері» Шиелі аудандық қоғамдық бірлестігінің төрағасы Ғалымжан Байжановтың хабарламасы тыңдалды.Күн тәртібінен тыс бесінші мәселе бойынша аудандағы мемлекеттік әлеуметтік тапсырыс аясында жүзеге асырылып жатқан әлеуметтік жобалардың 2022 жылы атқарылған жұмыстары және 2023 жылға алда тұрған міндеттері туралы аудандық ішкі саясат бөлімінің басшысы Жібек Орынбайқызы сөз алып баяндап берді.Кеңес өту барысында баяндамашыларға кеңес мүшелері тарапынан өзекті сауалдар қойылып, ұсыныстар айтылды. Өз кезегінде хабарламашылар қойылған сұрақтар мен ұсыныстарға жан-жақты жауаптар берді.Жиын соңында кеңес төрағасы күн тәртібінде қаралған мәселелерге сәйкес хаттама рәсімделіп, жауапты орындаушыларға жолданатынын жеткізді. Соған сәйкес жауапты орындаушылар тапсырмаларды мерзімінде орындап, кеңестің жұмыс органы «Шиелі аудандық ішкі саясат бөлімі» коммуналдық мемлекеттік мекемесіне мерзімінде беруді қатаң түрде тапсырды.<figure class="image"><img src="https://knadmin.beoblood.kz/uploads/318181748_1457773524753102_8222458764075010331_n_ba15a62bc9.jpg" alt="318181748_1457773524753102_8222458764075010331_n.jpg"></figure>

Шиеліде үкіметтік емес ұйымдармен өзара әріптестік жөніндегі кеңес отырысы өтті

<a href="https://kyzylorda-news.kz/">Kyzylorda-news.kz.</a>&nbsp; Қызылорда облысы бойынша ҚАЖ департаментінің №37 мекемесінде &nbsp;шетел азаматтары да жазасын өтеуде. Мекеме қызметкерлері әр сотталғанның темір торға түскенінен бастап, өмірге қайта тәрбиелеп, оң көзқарасын қалыптастыру, қоғамда өз орнын табуы мен қайта қылмыс жасамау мақсатында және шыққанға дейінгі дұрыс-мінез құлық пен іс-әрекетіне аса жауапкершілікпен қарайды.&nbsp;Бүгін &nbsp;мекемеден жаза мерзімінің соңымен тағы &nbsp;бір шет ел азаматы босатылды. Өзбекстан елінің азаматы Шымкент қаласы, Абай аудандық сотының үкімімен &nbsp;ҚР Қылмыстық кодексінің 286- бабының 1 -бөлігі, 296 бабының 2-бөлігі, &nbsp;58- бабының 2 бөлігімен 1 жылға бас бостандығынан айыру жазасы тағайындалады. Қызылорда облысы бойынша ҚАЖ департаментінің №37мекемеде жазасын өтей жүріп, мекемеішілік мәдени, спорттық іс-шараларға белсене қатысады. Сондай-ақ мекеме әкімшілігі бұл жазасын өтеушіні жұмысқа да орналастырады. Мерзім соңымен босатылғанша жұмыс істейді.&nbsp;<blockquote>«Жазасын өтеушінің жаза мерзімінің аяқталуына байланысты, мекеме қызметкерлері ҚР ІІМ-нің 30.01.2016 жылғы №89 бұйрығына сай босатылатын шет ел азаматын құжаттарымен бірге Қызылорда облыстық Полиция департаментінің Көші-қон қызметі басқармасына &nbsp;тапсырады. Одан әрі сотталған азаматты өз еліне жіберуді облыстық Полиция департаментінің Көші-қон қызметі басқармасы &nbsp;жүзеге асырады. Сондай-ақ шет ел азаматын заң талаптарына сай мекеме әкімшілігі жол қаражатымен қамтамасыз етті»,- дейді сотталғандар арасында әлеуметтік психологиялық тәрбие жұмысы бойынша бөлімінің босатылатын сотталғандарды тұрмыстық және еңбекке орналастыру жөніндегі аға инспекторы Айнұр Абдрашитова.</blockquote><blockquote>«Бүгін мен үшін қуанышты күн. Өйткені өз еліме, отбасыма, балаларыма оралғалы тұрмын. Мекемеде жазамды өтей жүріп, бостандықтың &nbsp;қадірін түсіндім. Мекеме әкімшілігіне, қызметкерлеріне алғысым шексіз»,- деді шетел азаматы.</blockquote><figure class="image"><img src="https://knadmin.beoblood.kz/uploads/Whats_App_Image_2022_12_07_at_09_45_28_8ed8574403.jpeg" alt="WhatsApp Image 2022-12-07 at 09.45.28.jpeg"></figure>&nbsp;

Қызылордадағы түзеу мекемесінен  шетел азаматы босатылды

<a href="https://kyzylorda-news.kz/">Kyzylorda-news.kz.</a> «Бизнестің жол картасы – 2025», «Еңбек» нәтижелі жұмыспен қамтуды және жаппай кәсіпкерлікті дамыту мемлекеттік бағдарламалары халықты еңбекке шақыруға, оларға кәсіп ашып беруге, әлеуметтік аз қамтылған отбасыларды қолдауға бағытталғаны белгілі. Бүгінде Қармақшы ауданында аталған бағдарламалардың мүмкіндіктерін тиімді пайдаланып, өз кәсібін бастаған азаматтардың қатары артуда. Сондай-ақ, қайтарымсыз гранттың жемісін көріп, өз ісін дөңгелентіп отырған кәсіпкерлер де жетерлік. Мемлекет ұсынған мүмкіндікті құр жібермей, қайтарымсыз грантқа қол жеткізген кәсіпкердің бірі – ІІІ Интернационалдық ауылының тұрғыны Әсем Нұрмаханова.Әсем Нұрмаханова бала күнінен тәттілер әзірлеуге қызығыпты. Балалық шақтан бастау алған қызығушылық бүгінде кәсібіне айналып, оның жемісін көруде. Алғашында өз қаражатымен тапсырыс қабылдауды бастаған ол, сұраныс арта бастаған соң кәсіпкер атануға бел байлайды. Ауылдағы кәсіпкерлік ісі бойынша маманға жүгініп, кеңес алады. Маманның нұсқауымен «Бастау бизнес» жобасы аясында кәсіпкерлік білімін жетілдіреді. Бизнес жоспарын да ойдағыдай қорғап, қайтарымсыз грантты иеленеді. Берілген грант қаржысына торт пісіруге арналған пеш пен кәсіби миксер сатып алып, кәсібін бастап кетеді.<blockquote>«Торт пісіру ісіне қатты қызықтым. Тәттілерді өз қалауымша сәндеп, дәмін келтіріп, өз отбасымды қуантқым келді. Торт пісіру ісіне бар жан-дүниеммен кірісемін. Бұл іс өзіме ұнағандықтан хоббиімді кәсіпке айналдырдым. Қазіргі заманауи торттардың барлық түрін, тұтынушының талғамына қарай жасап беремін. Көршілес ауылдардан да тұрақты тұтынушыларым бар. Тапсырыстан бөлек ауыл дүкендерінің сөрелеріне де өз өнімдерімді қолжетімді бағада қойып жүрмін», – дейді кәсіпкер.</blockquote>Бүгінде қандай да қуаныштың, мерекенің тортсыз өтпейтіні белгілі. Сондықтан да тортқа деген сұраныс көп. Егер өнім көңілден шықса, тұтынушының қайта тапсырыс беретіні анық.«Қашанда дастарқанымның сәні болатын торттарымды Әсемге тапсырамын. Себебі әрдайым балғын, дәмі тіл үйірердей, әрі жұмсақ болады. Құрамы да сапалы заттардан жасалады. Үнемі жұмысына жауапкершілікпен қарайды. Айтқан уақытымда торт дайын тұрады. Әр тортты ерекше дизайнмен дайындап береді. Мұндай өнерді бағаламауға болмайды. Ісіне береке тілеймін», – дейді ауыл тұрғыны Гүлсина Ибрагимова.Адам өзіне ұнайтын іспен айналысқанда ғана еңбегінің жемісін көреді. Ал өзің қалаған іспен айналысып, қолдан келер ісін кәсіпке айнладыруға мемлекет қолдау көрсетуге дайын. Ол үшін мемлекет тарапынан бірқатар бағдарламалар да әзірленген. Тек еңбек етемін деген ыңтаң мен қызығушылығың болса жеткілікті. Биылдан бастап бизнес бастауға мемлекеттен берілетін қаржының екі еселенгенін де айта кеткен жөн. Бұл кәсіп бастауға ниетті жандар үшін қуантарлық жайт болғаны рас.Кәсіпкер келешекте мемлекет тарапынан тағы да қаржылай қолдау тауып жатса, кәсі көкжиегін кеңейтуді жоспарлап отыр. Сонымен қатар, ауыл тұрғындарын да жұмыспен қамтып, ауыл әлеуетінің артуына септігін тигізу ойында бар. &nbsp;<img src="https://knadmin.beoblood.kz/uploads/1645916738_1_o_tendencii_com_p_tort_marrakesh_foto_2_85f89bcfea.jpg" alt="1645916738_1-o-tendencii-com-p-tort-marrakesh-foto-2.jpg">

Қайтарымсыз грантпен кәсіп бастады

<a href="https://kyzylorda-news.kz/">Kyzylorda-news.kz.</a>&nbsp; Қазіргі таңда Қызылорда облысының күріш өндірушілерінде 225 мың тонна қара күріш бар болса, оны өңдеу барысында 112,5 мың тонна ақ күріш өнімімен қамтамасыз етуге мүмкіндік бар.Облыстық ауыл шаруашылығы басқармасының дерегінше мұндай көрсеткішпен өз өндірісімізде өндірілген күрішпен республиканы толықтай қамтамасыз етуге болады.&nbsp;Сонымен қатар, жиналған күріштің артық мөлшері басқа елдерге жыл сайын бірқалыпты көлемде экспортталып келеді.<blockquote>«Биылғы жылдың 9-айында 70,6 мың. тонна күріш жөнелтілген болса, оның ішінде 39,2 мың тоннасы ақ күріш және 31,4 мың тоннасы ұсақ күріш. Экспорталған күріштің көлемі елімізге кері әсерін тигізбейді. Егерде күріш өнімінің экспортына тыйым салынатын болса, күріш өндірушілер өнімдерін сата алмай, олар шығынға ұшырайды. Сонымен қатар, бағаға келетін болсақ биылғы жылы тыңайтқыштар мен гербицидтердің бағасы 2-3 есеге, ауыл шаруашылығы техникалары 30 пайызға қымбаттағанына байланысты күріш өсірушілер мен өндірушілер өздерінің шығындарын өтеу үшін бағаны көтеруге мәжбүр болып отыр», - делінген облыстық ауыл шаруашылығы басқармасының таратқан хабарламасында.</blockquote>Айта кетейік, Үкімет отырысында Қазақстан Республикасы Ауыл шаруашылығы министрі Ербол Шырақбайұлы республика бойынша күріш өніміне тапшылық жоқ және биылғы жылы өндірілген күріш көлемі келесі жылдың жаңа өнімін жинауға дейін жеткілікті екенін жеткізді.<figure class="image"><img src="https://knadmin.beoblood.kz/uploads/kurish_8f2bff2a33.jpg" alt="куриш.jpg"></figure>&nbsp;

Қызылорда облысында күріш өніміне тапшылық жоқ 

<a href="https://kyzylorda-news.kz/">Kyzylorda-news.kz.</a> Қызылорда облысында «Киік» жедел профилактикалық іс-шарасының 5 күнінде 21 құқық бұзушылық анықталды. Бұл туралы Қызылорда облыстық полиция департаментінің баспасөз қызметі хабарлады.&nbsp;Табиғат қорғау заңнамасын бұзушылықтарды, браконьерлікті, биологиялық ресурстар объектілерінің заңсыз айналымын анықтау және жолын кесу мақсатында ағымдағы жылдың желтоқсан айының 01-31 аралығында «Киік» жедел профилактикалық іс-шарасын өткізілуде. Аймақта 5 &nbsp;күнде табиғат қорғау заңнамаларын бұзушылықтың барлығы 21 дерегі тіркелді. Оның ішінде, 1 қылмыстық және 20 әкімшілік құқық бұзушылықтар.&nbsp;Қазақстан Республикасы Әкімшілік құқық бұзушылық итуралы кодексінің 382-бабымен 1-бөлігімен (жануарлар дүниесiн пайдалану талаптарын және аң аулау қағидаларын бұзу) барлығы 20 құқық бұзушылық анықталды.Қазіргі таңда 1 дерек бойынша ҚР Қылмыстық кодексінің 287-1 бабының 3-бөлігімен (Қаруды, оқ-дәрiлердi, жарылғыш заттарды және жарылыс құрылғыларын заңсыз иемдену, беру, өткiзу, сақтау, тасымалдау немесе алып жүру) тергеп-тексеру амалдары жүргізілуде.Аталған шара алдағы уақытта да жалғасын табатын болады.<figure class="image"><img src="https://knadmin.beoblood.kz/uploads/318301761_108081318810979_815516200155396478_n_67f5865895.jpg" alt="318301761_108081318810979_815516200155396478_n.jpg"></figure><figure class="image"><img src="https://knadmin.beoblood.kz/uploads/318567116_681151023664052_6324250064685674905_n_59a5c69b6b.jpg" alt="318567116_681151023664052_6324250064685674905_n.jpg"></figure>

Қызылорда облысында «Киік» іс-шарасы жалғасып жатыр

<a href="https://kyzylorda-news.kz/">Kyzylorda-news.kz.</a> Әлеуметтік медициналық сақтандыру қорына әлеуметтік мәні бар аурулармен ауыратын азаматтардан сұрақтар жиі түседі. Бұл пациенттерге медициналық көмек көрсету тәртібі туралы Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов түсіндірді.Әлеуметтік мәні бар аурулар дегеніміз не?Бұл аурулар қоғамда кең таралуына байланысты халықтың ең көп өлімі мен мүгедектігін тудыратын аурулардың қатарына жатады. Сондықтан денсаулық сақтау жүйесінде оларды диагностикалау мен емдеуге үлкен мән беріледі.Қазақстанда әлеуметтік мәні бар аурулардың бекітілген тізбесіне төмендегілер кірді:- Туберкулез - Адамның иммун тапшылығы вирусынан (АИТВ) туындаған ауру) &nbsp; - Созылмалы вирустық гепатиттер және бауыр циррозы - Қатерлі &nbsp;ісіктер - Қант &nbsp;диабеті - Психикалық, мінез-құлық бұзылулары (аурулар) - Балалардың церебралды сал ауруы - Жедел миокард инфарктісі (алғашқы 6 ай) - Ревматизм - Дәнекер тіннің жүйелі зақымдануы - Жүйке жүйесінің дегенеративті аурулары - Орталық жүйке жүйесінің демиелинизациялаушы аурулары - Орфандық аурулар.Әлеуметтік мәні бар аурумен ауыратын азаматтар үшін медициналық көмек нені қамтиды?Әлеуметтік мәні бар аурулардан зардап шегетін азаматтарға көрсетілетін медициналық көмек диагностиканың, емдеудің, динамикалық байқаудың медициналық қызметтерін қамтиды.Әлеуметтік мәні бар аурулармен ауратын науқастарға, яғни, оларға диагноз қойылған болса және олар өз емханасында әлеуметтік мәні бар ауру бойынша диспансерлік есепте тұрса, негізгі ауруы бойынша медициналық қызметтер ТМККК шеңберінде көрсетілетінін түсіну маңызды. Осылайша, жүргізілетін терапияны түзету немесе созылмалы аурудың өршуі кезінде медициналық қызметтер ТМККК шеңберінде ұсынылады, демек, МӘМС жүйесінде сақтандыру мәртебесіне қарамастан қолжетімді болады.Алайда, диспансерлік есепке қою үшін диагностикалық процедуралар мен мамандардың консультациялары талап етіледі, ондай қызметтер МӘМС пакетіне енгізілген. Осыған орай, әлеуметтік мәні бар ауруды анықтау үшін бастапқы диагностика, сондай-ақ басқа ауруларды, оның ішінде әлеуметтік мәні бар ауру расталған кезінде ілеспе ауруларды диагностикалау МӘМС жүйесінде жүргізіледі, яғни ол қызметтерді алу үшін сақтандыру мәртебесі қажет.Әлеуметтік мәні бар аурулар &nbsp;қандай медициналық көмекке үміткер бола алады?&nbsp;Әлеуметтік мәні бар аурулардан зардап шегетін азаматтарға медициналық көмек мынадай нысандарда көрсетіледі:1) амбулаториялық жағдайларда; 2) стационарлық жағдайларда; 3) стационарды алмастыратын жағдайларда.Пациентке &nbsp;әлеуметтік мәні бар аурулар &nbsp; қалай қойылады?Егер учаскелік дәрігер (ЖПД, терапевт немесе педиатр) пациентте әлеуметтік мәні бар аурулардың белгілерін байқаса, онда ол оны тиісті бейінді маманға (тар бейінді дәрігерге, психологқа) консультацияға жібереді. Бұл ретте тар бейінді мамандардың консультациялары МӘМС пакетіне жатады, сондықтан бұл қызметті алу үшін науқастың сақтандырылған мәртебесі қажет (диагностикасы ТМККК-де жүргізілетін және сақтандырылмаған науқастарға қолжетімді болатын туберкулезге және АИТВ инфекциясына күдіктенуді қоспағанда). Көрсетілімдер болған кезде дәрігер науқасты диагностикаға жібереді, олар басқа бейінді мамандардың консультациялары, инструментальдық және зертханалық зерттеулер болуы мүмкін. Диагнозды растағаннан кейін учаскелік дәрігер пациентті диспансерлік есепке қояды және ол қажетті медициналық көмекті ала алады.Емхана деңгейінде әлеуметтік мәні бар аурулармен ауыратын азаматтар диагностика және амбулаториялық емдеу қызметтерін ала алады. Оларға үздіксіз диспансерлік бақылау жүргізіледі. Көрсетілімдер болған кезде маман пациентті тәулік бойы немесе күндізгі бақылау жүргізетін медициналық ұйымға жібере алады.Әлеуметтік мәні бар аурумен ауыратын науқастарға тегін дәрі-дәрмектер беріле ме?Белгілі бір әлеуметтік мәні бар аурумен ауратыр пациенттер ТМККК шеңберінде және МӘМС жүйесінде амбулаториялық деңгейде дәрілік заттармен және медициналық бұйымдармен қамтамасыз етіледі, оның ішінде: - туберкулез; - АИТВ инфекциясы; - бауыр циррозының сатысын қоса алғанда созылмалы С вирустық гепатиті; - В вирустық гепатиті; - қант диабеті; - онкологиялық аурулар; - жүректің ишемиялық ауруы; - жүрек қақпақшасын протездеу; - психикалық аурулар; - церебралды сал ауруы; - реактивті артрит; - аутоиммунды аурулар мен иммун тапшылығы жағдайында; - түйіндік полиартрит; - Альцгеймер ауруы; - Бехчет ауруы; - Крон ауруы; - мукополисахаридоз және басқа да орфандық аурулар бар жағдайларда.Науқастар аурудың дәрежесі мен сатысына байланысты дәрі-дәрмектермен қамтамасыз етіледі. Тиісті препараттар туралы Денсаулық сақтау министрінің 2021 жылғы 5 тамыздағы №ҚР ДСМ - 75 бұйрығымен бекітілген: https://adilet.zan.kz/kaz/docs/V2100023885&nbsp; Әлеуметтік мәні бар аурумен ауыратын науқастарға оңалтудан өтуге бола ма?Әлеуметтік мәні бар аурулармен ауратын науқастар оңалтуға жататын аурулардың тізбесі бойынша жалпы негізде медициналық оңалтудан өте алады.Оңалту немесе қалпына келтіру емі қызметтерін алу үшін науқас учаскелік дәрігерге жүгіну қажет. Ол оңалтудың қажеттілігі мен тиімділігін анықтау үшін реабилитолог немесе мультидисциплинарлық топ мамандарының консультациясына жібереді.Медициналық оңалту МӘМС пакетіне кіреді, сондықтан оны өту үшін сақтандырылған мәртебесі болу керек. Қолжетімділікті қамтамасыз етуӨңірде медициналық көмекті ұйымдастыруға және медициналық қызметтердің қолжетімділігін қамтамасыз ету жергілікті атқарушы органдар, яғни әкімдіктер жауапты болады. &nbsp;Бұл үшін олардың құрылымында Денсаулық сақтау басқармалары көзделген. Олар халықтың өңірдегі медициналық көмекті алуын, оны медициналық ұйымдардың толық және сапалы ұсынуын тікелей бақылайды. Сондай-ақ, денсаулық сақтау басқармалары өңір тұрғындарын әлеуметтік мәні бар аурулардың және аса қауіпті инфекциялардың таралуы туралы хабардар етуге міндетті.Әлеуметтік мәні бар аурулар кезінде медициналық-әлеуметтік көмек кешенді жан басына шаққандағы нормативке кіреді және пациенттерге емханада тіркелуі бойынша ұсынылады.Егер сізге әлеуметтік маңызы бар ауру кезінде медициналық көмек көрсетуден бас тартылса, өз құқықтарын қорғау үшін емхана жанындағы пациенттерді қолдау қызметіне жүгінуіңіз қажет. Егер ол жерде түсіністікке қол жеткізу мүмкін болмаса, онда әлеуметтік медициналық сақтандыру қорына байланыс арналары арқылы жүгінуге болады: Qoldau 24/7 мобильді қосымшасы, 1406 бірыңғай байланыс орталығы, Telegram-дағы SaqtandyrýBot, fms.kz ресми сайты.<figure class="image"><img src="https://knadmin.beoblood.kz/uploads/SZZ_kaz_75886d91c2.jpg" alt="СЗЗ каз.jpg"></figure>

Әлеуметтік мәні бар сырқатпен ауыратын науқастарға қандай медициналық көмек көрсетіледі?

<a href="https://kyzylorda-news.kz/">Kyzylorda-news.kz.</a> Жалағаш ауданында жаңа жұмыс орындарын ашуға ерекше мән берілуде. Осы орайда ауданға инвестиция тарту, кәсіпорындарды көбейту, жұмыс орындарын ашу, өңірден шыққан ірі кәсіпкерлерді шақырып, елге пайдалы жобаларды жүзеге асыру бойынша жұмыстар атқару басты назарда болып отыр.2022 жылы Жалағаш ауданында 2 420 жаңа жұмыс орнын ашу жоспарланған. Оның ішінде 1 342-сі тұрақты, 1078-і маусымдық болуы тиіс екен. Ал биыл жыл басынан желтоқсан айына дейін 1 982 жаңа жұмыс орны ашылған. Оның 724-і тұрақты жұмыс орны болса, 1258-і маусымдық екен.Аудан бойынша жалпы халық саны 35 917 адам болса, оның ішінде экономикалық белсенді халық саны – 14 947, жұмыспен қамтылған халық саны – 14 192, оның ішінде жалдамалы қызметкерлер – 9 372, өз бетінше жұмыспен қамтылған халық саны – 4 820, ал жұмыссыздар – 755.&nbsp;Жалпы жұмыссыздық деңгейі 5,1 пайызды құраса, жастардың жұмыссыздық деңгейі 4,5 пайызға жеткен. 2022 жылы 1 желтоқсанға дейін 3 463 адам халықты жұмыспен қамту орталығына хабарласыпты, оның ішінде 1 587 адам немесе 45,8 пайызы бағдарламаға қатысушылар құрамына енгізілген. Нәтижесінде әлеуметтік жұмыс орындарына 38 адам, жастар тәжірибесімен 201 адам, қоғамдық жұмысқа 980 адам, ұрпақтар келісімі бойынша 5 адам, алғашқы жұмыс орнымен 18 адам, күміс жас жобасымен 16 адам жұмыспен қамтылса, қысқа мерзімді оқумен 29 адам қамтылып, 300 адам мемлекеттік грантқа қол жеткізген.Жаңа бизнес-идеяларды іске асыруға арналған мемлекеттік грантты 300 адамға беру жоспарланған. 2022 жылдың 1 желтоқсанына дейін 300 жоба қолдау тауып, жоспар 100 пайызға толығымен орындалып отыр. Бүгінгі күнге жоба авторларына жалпы құны 367,1 млн. теңге қаржы төленген.Әлеуметтік жұмыс орындарына 35 адам тарту жоспарланған болатын. 2022 жылдың 1 желтоқсанына дейін 38 адам жолданып, жоспар 108,5 пайызға орындалыпты. Бүгінгі күнге оларға 12,2 млн. теңге қаржы төленген.Жастар тәжірибесіне жоспар бойынша 196 адамды жолдау қажет болса, 2022 жылы 201 жас жіберіліп, жоспар 102,5 пайызға орындалған. 2022 жылдың 1 желтоқсанына дейін өткен жылмен қоса есептегенде барлығы 307 адам жастар тәжірибесінен өткен. Оның ішінде 133 адам мерзімінен бұрын аяқтап, 50 адам тұрақты жұмысқа орналасқан. Бүгінгі күнге 106,4 млн. теңге қаржы төленді.Ақылы қоғамдық жұмыс орындарына жоспар бойынша 540 адам жолдау қажет екен. 2022 жылдың 1 желтоқсанына дейін 980 адам жолданып, жоспар 181,5 пайызға орындалыпты. Оның ішінде 215 адам мерзімінен бұрын аяқтап, 58,6 пайызы яғни 126 адам тұрақты жұмысқа орналасқан. Бүгінгі күнге оларға жалпы құны 344,3 млн. теңге қаржы төленді.Мемлекеттік қолдау шараларынсыз жоспар бойынша 800 адам жұмыспен қамтылу қажет болса, бүгінгі күнге 812 адам, яғни меже бойынша 101,5 пайызы жұмысқа орналасыпты.Алғашқы жұмыс орындарына келсек, жоспар 12 адам болып белгіленген, 2022 жылдың 1 желтоқсанына дейін 18 адам жолданып, жоспар 150 пайызға орындалды. Бүгінгі күнге оларға жалпы құны 7,8 млн теңге қаржы төленді.Ұрпақтар келісім шартымен жоспар &nbsp;бойынша 5 адамды жұмыспен қамту көзделген болатын. 2022 жылдың 1 желтоқсанына дейін 5 адам жолданып, жоспар 100 пайызға орындалған. Бүгінгі күнге оларға жалпы құны 1,8 млн. теңге қаржы төленген.<blockquote>Күміс жас жобасымен 15 адамды жұмыспен қамту межеленген. Десе де 2022 жылдың 1 желтоқсанына дейін 16 адам жолданып, жоспар 106,6 пайызға орындалыпты. Бүгінгі күнге оларға жалпы құны 5,1 млн. теңге қаржы төленген. «Электрондық еңбек биржасы» мемлекеттік ақпараттық порталының кіші жүйесі онлайн режимінде жұмыссыздарды кәсіби оқыту платформасы бойынша 74 адамды оқыту жоспарланса, 90 адам оқуды аяқтап, жоспар 121,6 пайызға орындалды. Жұмыс берушілердің өтінімі негізінде қысқа мерзімді курстарға оқытуға жоспар – 29 адам. 2022 жылдың 1 желтоқсанына дейін 29 адам жолданып, жоспар 100 пайызға орындалды. Бүгінгі күнге оларға жалпы құны 6,5 млн. теңге қаржы төленді. Барлығы аудан бойынша 14 жобаға 134 жұмыс орнын құру жоспарланған. Оның ішінде 92-сі тұрақты жұмыс орны, 42-сі уақытша жұмыс орны болып табылады. 12 жобаға 72 жұмыс орны жарияланып, 62 адам жұмыспен қамтылған. Тарқатып айтсақ, &nbsp;Мырзабай ахун ауылдық округінен 6 адам, Мөрәлі Шәменов ауылдық округінен 6 адам, Еңбек ауылдық округінен 6 адам, Жалағаш кентіндегі «Ақтерек170 га» бойынша 5 адам, Мәдениет ауылдық округінен 3 адам, Аққұм ауылдық округінен 3 адам, Жалағаш кентіндегі спорт кешені бойынша 7 адам, Аудандық маңызы бар «Қызылорда-Жалағаш-Самара-Шымкент-Бұхарбай батыр» автожолының 0-6,33 шақырым жолын күрделі жөндеу жұмысы бойынша 3 адам, Аламесек ауылдық округіндегі ПК-16 көпірінің құрылысы бойынша 12 адам, аудандық маңызы бар автомобиль жолдарына орташа жол жөндеу жұмыстары бойынша «Самара-Шымкент-Енбек-Есет батыр», 20,3-37,4 шақырымдары бойынша 3 адам, «Мия тамырын өңдеу зауыты» бойынша 5 адам, «Кызылорда-Жалагаш" автожолының 78,2 шақырымы, Сырдария көпірін орташа жөндеу жұмыстары бойынша 3 адам жұмыспен қамтылған. Бұдан бөлек «Бағдаулет 57» шаруа қожалығының «Сүт тауарлы фирмасының» құрылысы аяқталды, бірақ әлі қолданысқа берілмеген. Жалағаш аудандық оқушылар үйі және өнер мектебінің құрылысы аяқталды», – дейді аудандық жұмыспен қамту, әлеуметтік бағдарламалар және азаматтық хал актілерін тіркеу бөліміның басшысы Қанат Бөлембаев.</blockquote>Ауданда жұмыссыздық деңгейін төмендету барысында бірнеше ауқымды жоболар жүзеге асқан. Ең бастысы, өңірде кәсіп ашып, өзін-өзі жұмыспен қамтамасыз етемін деген азаматтарға ерекше қолдау бар. Тек нақты жоспарың мен еңбек етемін деген ынтаң болса жеткілікті.&nbsp; &nbsp;<img src="https://knadmin.beoblood.kz/uploads/dsc_0480_1024x678_c08e36bc01.jpg" alt="dsc_0480-1024x678.jpg"><img src="https://knadmin.beoblood.kz/uploads/157098002_1167434540375289_6023977352037605371_o_df72be7e01.jpg" alt="157098002_1167434540375289_6023977352037605371_o.jpg">

Ауданда жұмыссыздық деңгейі төмендеген

<a href="https://kyzylorda-news.kz/">Kyzylorda-news.kz.</a>&nbsp; Пробация қызметкерлері есепке алынған сотталғандардың қайта қылмысқа бармауы үшін оларды жұмысқа орналастыруды басты назарда ұстайды. Осы орайда Қызылорда қалалық прокуратурасы мен &nbsp;қалалық пробация қызметінің ұйымдастыруымен «Бақытты отбасы» орталығында өткен &nbsp;«Бос жұмыс орындары жәрмеңкесіне» &nbsp;пробация есебінде тұрған жұмыссыз сотталғандар қатыстырылды.&nbsp;Жәрмеңкеге &nbsp;23 жұмыс беруші мекемеден &nbsp;75 бос жұмыс орыны ұсынылды. Жұмыс беруші мекемелерден &nbsp;электрик, слесарь, жүргізуші, есепші, аспазшы, тігінші мамандықтарына сұраныстар көп болды. Нәтижесінде пробация қызметінің есебінде тұрған &nbsp;9 азамат &nbsp;жолдама алды.&nbsp;<blockquote>«Пробация қызметі есепте тұрған сотталғандардың қайта қылмысқа бармауы үшін жергілікті атқарушы органдармен бірлесіп, әлеуметті-құқықтық, заңгерлік, медициналық, психологиялық көмектерді көрсетеді. Жеке кәсіп ашамын деген сотталғандарға да құқықтық көмек көрсетіп, &nbsp;арнайы курстарды оқытуға да ықпал жасаймыз. Жыл басынан &nbsp;79 &nbsp;сотталған &nbsp;тұрақты жұмысқа орналастырылды. Бас бостандығынан айыру орындарынан босатылған және пробация қызметінің есебінде тұрғандарды жұмыспен қамту мақсатында Қызылорда қаласы әкімдігінің &nbsp;қаулысымен жұмыс орындарына квота бекітілген. Есептегі жұмыссыз 48 &nbsp;адам &nbsp;квотамен жұмысқа орналасты»,- деді қалалық пробация қызметі &nbsp;бастығының орынбасары &nbsp; әділет капитаны Рақым Сыздықов.</blockquote><figure class="image"><img src="https://knadmin.beoblood.kz/uploads/Whats_App_Image_2022_11_30_at_11_51_39_1_75c4692650.jpeg" alt="WhatsApp Image 2022-11-30 at 11.51.39 (1).jpeg"></figure>&nbsp;

Қызылордада бос жұмыс орындары жәрмеңкесіне қатысқан 9 жазасын өтеуші жолдама алды 

<a href="https://kyzylorda-news.kz/">Kyzylorda-news.kz.</a> Сырдария ауданының әкімі Мұрат Ергешбаев аудандағы белсенді азаматтарды марапаттады.&nbsp;20 қараша күні жылдың ең ауқымды әрі ең маңызды саяси оқиғасының бірі - Қазақстан Республикасы Президентінің кезектен тыс сайлауы өтті. Қашанда ауызбіршілігі мен ынтымағынан айнымаған аудан халқы елдің болашағы айқындалатын сындарлы сәтте Қасым-Жомарт Кемелұлы Тоқаевқа зор сенім артып, дауыс берді.&nbsp;Сырдария ауданында мызғымас бірліктің, тату-тәтті тірліктің, қазақы болмыс пен жарқын болашаққа деген халықтың зор сенімінің арқасында сайлауға қатысушылардың саны 93,23 пайызды құрады. Осылайша, Сырдария ауданы үздіктер қатарынан көрініп, облыс бойынша бірінші орынға тұрақтады.&nbsp;Биылғы жылдың 1 желтоқсан күні аймақ басшысы Нұрлыбек Машбекұлы сындарлы кезеңде азаматтық белсенділігі және ұйымдастырушылық қабілетімен көзге түскен мамандарды Қазақстан Республикасы Президентінің арнайы «Алғыс хатымен» және «Birge: Taza Qazaqstan» акциясын жоғары деңгейде өткізуге атсалысқан жерлестерді марапаттады.Бүгінгі басқосуда ел келешегін айқындайтын маңызды саяси науқанға және ауданда жыл көлемінде «Birge - taza Qazaqstan» экологиялық акциясына белсенді қатысқан азаматтар марапатталды.Ауданда жыл көлемінде «Birge - taza Qazaqstan» акциясы аясында тұрақты түрде жалпы халықтық сенбіліктер өткізілді.Сенбіліктерге барлық мекеме қызметкерлері мен аудан тұрғындарының белсене қатысуының нәтижесінде, ауданның санитарлық тазалығы аудан тұрғындарымен қонақтары тарапынан жоғары бағаланып келеді.Айта кетейік, биылғы жылы Сырдария ауданында санитарлық тазалық жұмыстарына жергілікті бюджеттен 53 641,9 мың теңге қаржы бөлінсе, көркейту-көгалдандыру жұмыстарына 44 434,1 мың теңге қаражат қаралды.<figure class="image"><img src="https://knadmin.beoblood.kz/uploads/318517345_1261425127753710_6735455443109374325_n_70a50ac635.jpg" alt="318517345_1261425127753710_6735455443109374325_n.jpg"></figure>

Қазақстан және Қызылорда облысының жаңалықтары