<a href="https://kyzylorda-news.kz/">Kyzylorda-news.kz.</a>&nbsp;ЮНЕСКО көлемінде аталып өтіп жатқан Ахмет Байтұрсынұлының 150 жылдық мерейтойы аясында&nbsp; Қазақстан Республикасының Ғылым және жоғары білім министрлігі Тіл саясаты комитеті, Шайсұлтан Шаяхметов атындағы «Тіл-Қазына» ұлттық ғылыми-практикалық орталығы ұйымдастырған ұлт ұстазы атындағы оқытушылардың республикалық байқауы өз мәресіне жетті. Бұған облыстық кезеңнен жүзден жүйрік атанған 12 үміткер қатысты.
Ахмет Байтұрсынұлы – ұлттық ғылымның негізін қалаған, елдік тарихындағы ұлы санаткер тұлға. Оның өміршең ғылыми-әдістемелік ұстанымдары әлі күнге дейін өзектілігін сақтап келеді.
Жыл сайынғы дәстүрлі сайыс ұлы әдіскер ғалымның тіл оқыту, үйрету саласындағы еңбектерін зерделеу арқылы оның тіл меңгертуге қатысты ұтымды әдіс-тәсілдерін анықтауды және насихаттауды, сонымен қатар оқытушылардың кәсіби біліктілігін жетілдіре отырып, ересектерге қазақ тілінен сабақ берудің сапасын арттыруды, өзара тәжірибе алмасуды мақсат тұтады.
Бұл мерейтойлық білім мен білік сынға түсетін кезекті бәйгенің биылғы басты ерекшелігі – Ахмет Байтұрсынұлының әлемдік деңгейде аталып өтіп жатқан мерейтойы аясында өткендігі болса; осындай жүрекке жылы тиген тағы бір тұсы–қойнауы құт, мыңдаған талант туған жомарт жұмақ мекен, мәдени-рухани құндылыққа бай өлке әйгілі Әулиеата өңірінде, соның ішінде тарихымыздың темірқазығы Таразда өтуі. Жалпыхалықтық сипатқа ие болған шоқтығы биік шараның жоғары деңгейде өтуіне Жамбыл облысының әкімдігі жақсы үлес қосты.
<blockquote>
 «Ахаң қазақтың қазақ бола білуіне жанын аямай,халық үшін, оның мәдени-әлеуметтік болмысын көтеру үшін қызмет етті, бұқараны білім алуға шақырған қазақтың тұңғыш білім министрі атанды. Алаш қозғалысының ғана емес, барлық замандағы ұлтшылдардың рухани көсемі танылды. Дара тұлғаның өсиеті, қалдырған мұрасы тіл жанашырларының алға ұстар бағдаршамы болуға тиіс. Бәріміздің мақсатымыз – Ахмет Байтұрсынұлы қалдырған рухани жəне ғылым-білім саласындағы мол мұралар сабақтастығын жалғастыру»,–деді байқаудың шымылдығын ашқан Жамбыл облысы әкімдігі тілдерді дамыту басқармасының басшысы Рахия Тұрмаханбетова.
</blockquote>
Бұл жолғы байқаудың жаппай бұқаралық мазмұнға ие болуының және бір мәнісі: қатысушылар бұдан біраз бұрын Facebook желісіндегі tilqazyna парақшасына өз бейнесабақтарын жариялап, тіл тағдырына немқұрайды қарамайтын қалың оқырман қауымға пікір білдіру, баға беруге мүмкіндік туғызды. Сол себепті сайыстың алғашқы кезеңінде әр үміткер өзін бірден таныстыруға көшіп, қазақ тілін оқытудағы өзінің жинақтаған тәжірибесі негізінде авторлық бағдарламасын ұсынса, қазылар алқасы өз кезегінде түйінді пікірін білдірді.
Байқаудың келесі кезеңі Ахмет Байтұрсынұлының зерттеушілік мол мұрасына, еңбектеріне, соның ішінде оқыту әдістемесінің мазмұнына, оның ғылыми тұжырымдарына, сонымен қатар қазіргі заманғы тіл үйретудің&nbsp;соңғы&nbsp;технологиялары&nbsp;мен әдіс-тәсілдеріне арналды. Қатысушылар қалаған ұяшықтағы жоғарыда аталған бағыттар бойынша алдын ала дайындалған сұрақтарға санаулы минуттар ішінде жауап беріп отырды.
Байқаудың соңғы шешуші кезеңі арнайы сынама топтың қатысуымен жағдаяттық түрде өтті.Үміткерлер тіл үйренушілерге сөйлеу әрекетінің төрт түрі бойынша (оқылым, жазылым, тыңдалым, айтылым) тапсырмалар беріп, аудиториямен жұмыс жасау қабілетін сынаққа салды. Әсіресе, тапсырманы орындауға топ мүшелерін белсенді қатыстыру жағы қатаң ескерілді.
Бірнеше кезеңнен тұратын бұл мерейтойлық байқауға қатысушылар, бұрынғы жылдарымен салыстырғанда, Ахаңның аяулы есіміне құрметпен қарап ерекше көңіл күймен, тыңғылықты дайындалып келгенін байқатты. Кілең дүлдүлдер арасынан жеңімпаздарды анықтау оңайға түскен жоқ.
Қызу талқыдан өтіп, жеңіс тұғырына көтерілген жүлдегерлерді қазылар алқасының мүшелері, есімі елімізге кеңінен танымал ғалымдар марапаттады.
Нұр-Сұлтан қаласы әкімдігінің Тілдерді дамыту және архив ісі басқармасы «Руханият» орталығының оқытушысы Сағым Естемісова, Шымкент қалалық тілдерді оқыту-әдістемелік орталығының қазақ тілі оқытушысы Жадыра Дайырова, Солтүстік Қазақстан облысы Тілдерді оқыту орталығының оқытушысы Әсем Абдраимова, Түркістан облысы Тілдерді оқыту және дамыту орталығының қазақ тілі оқытушысы Шынар Сағынтаева, Жетісу облысы «Тіл» оқу әдістемелік орталығы Панфилов аудандық филиалы оқытушысы Надира Қадыровалар – Назарбаев Университеті Түркітану және қазақ тілі департаментінің оқытушысы, PhDАйдар Балабеков пен М.Х. Дулати атындағы Тараз өңірлік университеті Қазақ тілі мен әдебиеті кафедрасының доценті Лаура Төлегенқызы Макулованың қолынан ынталандыру сыйлығына ие болды.
Үшінші орынды жеңіп алған Павлодар облысы Ақсу қаласының мәдениет және тілдер бөлімінің әдіскер-оқытушысы Тәттігүл Бекенова, Ақмола облысы Ақкөл ауданының Мәдениет және тілдерді дамыту бөлімі жанындағы Тілдерді оқыту орталығының қазақ тілі оқытушысы Гайнель Дюсенбаева,&nbsp; Қостанай облысы&nbsp; «Тілдарын» облыстық тілдерді оқыту орталығының оқытушысы Айнұр&nbsp; Миркемелованы – KAZGUU Жоғары Гуманитарлық мектебінің профессоры, филология ғылымдарының кандидаты Қарлығаш Дүсіпбаева марапаттады.
Қарағанды облысының тілдерді оқыту орталығының оқытушысы Фариза Боранғазы мен Ақтөбе облысы Тілдерді оқыту орталығының мемлекеттік тіл&nbsp; оқытушысы Шыңғысхан Түменбаев екінші орынды иеленіп,&nbsp; оларға арнаулы марапатты Л.Н.Гумилев атындағы ЕҰУ&nbsp; Қазақ тіл білімі кафедрасының профессоры, филология ғылымдарының докторы Бекжан Әбдуәлиұлы табыстады.
Кезек қазылар алқасының төрағасы, Ахмет Байтұрсынұлы атындағы Тіл білімі институтының бас ғылыми қызметкері, филология ғылымдарының докторы Бағдан Момыноваға келді. Ол Жамбыл облысы Тілдерді оқыту орталығының қазақ тілі оқытушысы Гүлдерайым Халыққа бірінші орынның жүлдесін табыстады.
Байқаудың Бас жүлдегері – Қызылорда облысы тілдерді оқыту орталығының мемлекеттік тіл оқытушысы Алтынай Орынбаева.
Қазақстан Республикасының Ғылым және жоғары білім министрлігі Тіл саясаты комитетінің басқарма басшысы, филология ғылымдарының кандидаты Айнагүл Қожаназарқызы Көкенованың айтуынша, Тіл саясаты комитеті мен Шайсұлтан Шаяхметов атындағы «Тіл-Қазына» ұлттық ғылыми-практикалық орталығы ЮНЕСКО көлемінде өтіп жатқан ұлт ұстазының биылғы мерейтойлық жылында бірқатар халықаралық, республикалық деңгейдегі шараларды атқарды. Ахмет Байтұрсынұлының өзінің туған күні –алдымыздағы 5 қыркүйектен бастап, жылдың аяғына дейін жүзге тарта сүбелі жұмыстар жоспарланған.
<img src="https://kyzylorda-news.kz/wp-content/uploads/2022/07/b6b015a6-fcd5-47d7-8eb2-6b3453840a27.jpg" alt="" />
<img src="https://kyzylorda-news.kz/wp-content/uploads/2022/07/295843447_1585224475206392_2496382101278571137_n.jpg" alt="" />
<img src="https://kyzylorda-news.kz/wp-content/uploads/2022/07/f6a9da6f-c881-4f59-bc16-1e0b669b3232.jpg" alt="" />

Қызылордалық маман республикалық байқаудан бас жүлде алды

<a href="https://kyzylorda-news.kz/">Kyzylorda-news.kz.</a>&nbsp; 2022 жылдың 4 шілдесінде «Міндетті әлеуметтік медициналық сақтандыру туралы» Қазақстан Республикасының Заңына өзгерістер мен толықтырулар қабылданды. Сақтандыру мәртебесін алу үшін тек өткен 12 ай үшін емес, алдағы 12 айға да төлем жасауға болады. Яғни МӘМС-ке жарналар төлемеген адамдар сол өзгерістер бойынша міндетті әлеуметтік медициналық сақтандыру жүйесіндегі медициналық көмекті алу үшін екі тәсілдің біреуін таңдап, жарналар төлей алады. Бұл өзгеріс қол қойылған сәттен бастап 60 күннен кейін, яғни 2022 жылдың қыркүйегінде күшіне енеді.
Қазақстанда медициналық сақтандыру жүйесі 2020 жылдан бастап жұмыс істеп келеді. МӘМС-ке төлем жасау барлығы үшін міндетті болып саналатынына қарамастан, елімізде шамамен 3,1 млн адам әлі күнге дейін сақтандырылмаған. Оның 3 миллионы – экономикалық белсенді халық, &nbsp;яғни жұмысқа қабілетті азаматтар.
«Saqtandyrý» ақпараттық жүйесінде соңғы 12 ай ішіндегі деректерді талдау кезінде МӘМС жүйесіне қатысушының алдыңғы мәртебесі тұрғысынан сақтандырылмағандардың 69%-ы мүлде жарна төлемегені анықталды. Азаматтардың тағы 16%-ы – өз қызметін азаматтық-құқықтық сипаттағы шарт бойынша атқаратын тұлғалар. Қазір жарналарды төлеуді тоқтатқан бұрынғы жалдамалы жұмысшылар 7%-ды құрайды. Дербес төлеушілердің үлесі – 4%. Қазір жарна төлемейтін және сақтандыру мәртебесін жоғалтқан жеке кәсіпкерлер мен бірыңғай жиынтық төлем (БЖТ) төлеушілердің саны 3%-ға тең. Бұл негізінен 38-40 жастағы адамдар. Олар бейресми жұмыс істейді және жарна төлемейді. Сондай-ақ жұмыспен қамту орталығына барып ресми тіркеле алатын жұмыссыздар да бар. Бұл жағдайда осы азаматтар жеңілдік санатына кіріп, олар үшін төлемдерді мемлекет аударады», – деп түсіндірді заңды және жеке тұлғалармен жұмыс істеу департаменті директорының орынбасары Жанар Ботагарина.
Қор жергілікті атқарушы органдармен, мемлекеттік кіріс басқармаларымен, «Атамекен» ҰКП және басқа да мүдделі мекемелермен бірлесіп сақтандырылмаған халықты МӘМС жүйесіне тарту бойынша кең ауқымды ақпараттық-түсіндіру жұмыстарын жүргізуде.
Бұрын сақтандыру мәртебесін және МӘМС тізбесінен медициналық көмекті алу үшін пациенттің өткен 12 айға жарнасы төленген болуы және мәртебесін жоғалтпау үшін ай сайын жарналарды үзбей төлеуі міндеттелген еді.
«Тәжірибе көрсеткендей және өтініштерді талдау нәтижесінде жұмыс істемейтіндер мен өзін-өзі жұмыспен қамтығандар өткен кезең үшін жарна төлеуге қызығушылық танытпайтыны анықталды. Сол себепті олар үшін МӘМС жүйесіне қатысудың баламалы нұсқасы әзірленді. Ол сақтандыру мәртебесін алу үшін алдын ала 12 айға төлем жасауға мүмкіндік береді. 2022 жылғы шілдеде «Міндетті әлеуметтік медициналық сақтандыру туралы» ҚР Заңына тиісті толықтырулар мен өзгерістер бекітілді. Ол қыркүйек айының басында күшіне енеді. Біздің ойымызша, бұл халықты медициналық сақтандыру жүйесіне көптеп тартуға ықпал етеді» – деді Жанар Ботагарина.
Азаматтар алдын ала жарналарды төлеп, жыл бойы МӘМС тізбесіндегі медициналық көмекті алады. Сақтандырылмаған халықтың шамамен 30%-ы жаңа төлем түрін пайдаланады деп күтілуде. Сонымен қатар өткен берешегі жоқ дербес төлеушілердің МӘМС жарналарын ай сайын төлеу құқығы сақталады. Естеріңізге сала кетейік, 2022 жылы дербес төлеушілер ай сайын ең төменгі жалақы мөлшерінің 5%-ы көлемінде – &nbsp;3 000 теңге жарна төлейді.
Егер медициналық көмек көрсету сапасына қатысты сұрақтарыңыз болса, сіз өз емханаңыздағы пациенттерді қолдау қызметіне жүгіне аласыз. Егер жағдайды сол жерде шешу мүмкін болмаса, Әлеуметтік медициналық сақтандыру қорының өзіңізге ыңғайлы байланыс арналары арқылы хабарласа аласыз: fms.kz &nbsp;ресми сайты, 1406 байланыс орталығы, Qoldau 24/7 мобильді қосымшасы және Telegram-дағы SaqtandyryBot .
Дәл осы құралдар сақтандыру мәртебесін тексеруге мүмкіндік береді. Сондай-ақ, медициналық сақтандыру жүйесіндегі өз мәртебеңізді тексеріп, ҚР электрондық үкіметі egov.kz сайтындағы «Денсаулық сақтау» бөлімінде «Медициналық қызметтер туралы және МӘМС-ға аударылған сомалар туралы ақпарат» мемлекеттік қызметі арқылы жүргізілген төлемдер туралы біле аласыз.

МӘМС: Алдын ала 12 айға төлем жасау арқылы сақтандырыла аласыз

<a href="https://kyzylorda-news.kz/">Kyzylorda-news.kz.</a> 2025 жылға дейін шәкіртақыны, оқытушылардың жалақысын, студенттік гранттар санын тұрақты арттыру және ғылымды қаржыландыруды ұлғайту жоспарланды. Бұл туралы ҚР Білім және ғылым министрі ретіндегі қызметін қорытындылаған Оқу-ағарту министрі Асхат Аймағамбетов айтты.
<blockquote>
 Ел президентінің тапсырмасы арқасында көтерілген грант құны университеттеріміздегі оқытушылардың жалақысын арттыруға мүмкіндік береді. Сәуір айында жоғары оқу орындарының ректорларына қосымша тапсырма бердік. Осы тапсырмаға сәйкес 2022 жылдың қыркүйегінен бастап университеттеріміздегі оқытушылардың жалақысы тағы да көтерілуі керек, ол үшін қаражат бар, – деп жазды Асхат Аймағамбетов әлеуметтік желідегі парақшасында.
</blockquote>
Аймағамбетовтің мәлімдеуінше, жоғары оқу орнына жаңадан келген оқытушыға 1 ставка үшін кемінде 200 мың теңге бекітілді. Ал профессордың жалақысының минималды деңгейі 350-400 мың теңге болды. Ал педагогикалық жүктеме деңгейі оқу жылына 680 сағаттан аспайтындай деңгейде бекітілді.
Бұған қоса ол студенттер мен докторанттардың шәкіртақысы өскенін де тілге тиек етті. Яғни докторанттарға берілетін стипендия 3 жыл ішінде 82 мыңнан 200 мыңға жуық соммаға дейін өсті.

Қыркүйекте университет оқытушыларының жалақысы өседі

<a href="https://kyzylorda-news.kz/">Kyzylorda-news.kz.</a> 27 шілдедегі Қазақстандағы коронавирус бойынша эпидемиологиялық жағдайды ВАК хабарлады. Өткен тәулікте коронавирус инфекциясының 3175 жаңа жағдайы тіркелді, оның ішінде:
Нұр-Сұлтанда – 915,
Алматыда – 767,
Шымкентте – 127,
Ақмола облысында – 104,
Ақтөбе облысында – 47,
Алматы облысында – 92,
Жетісу облысында – 123,
Атырау облысында – 73,
Шығыс Қазақстанда – 27,
Абай ауданында – 48,
Жамбыл облысында – 94,
БҚО – 56,
Қарағанды ​​облысында – 355,
Ұлытау облысында – 30,
Қостанай облысында – 59,
Қызылорда облысында – 81,
Маңғыстау облысында – 40,
Павлодар облысында – 66,
Солтүстік Қазақстанда – 41,
Түркістан облысында – 30.
Елде барлығы 1 341 265 жағдай расталды.

Қызылорда облысында 81 адамнан коронавирус анықталды

<a href="https://kyzylorda-news.kz/">Kyzylorda-news.kz.</a> Балалар үнемі қозғалыста болады, жаңа қызықты оқиғаларды іздейді, сол арқылы ата-аналарын алаңдатып қояды. Әсіресе балалардың бос уақыттары көп болатын жаз мезгілінде алаңдауға себеп көп.
Балалардың жарақат алуы үнемі күтпеген жерден болады. Емдеу мен оңалту үшін ақшаны қайдан алуға болады? Мұндайда жазатайым жағдайлардан сақтандыру көмектесе алады. Бұл жөнінде Fingramota.kz толығырақ баяндап береді.
Балалар алаңында болсын, гаражда, тіпті үйде болсын балаға кез келген жерде қауіп төнуі мүмкін.Жазатайым жағдайлардан сақтандыру немесе «балаларды сақтандыру» сізді жарақат алу, бір жерін ұрып алу, сындырып алу сияқты жазатайым жағдайлардан туындайтын қосымша шығындардан құтқара алады.
«Балаларды сақтандырудың» қандай түрлері болады?
Бала «құлады, есін жиды – гипс» сияқты «классикалық» жағдайға тап болған уақытта үлкендер сақтандыруды шын мәнінде бағалай бастайды.
«Балаларды сақтандыру» не үшін керек және оның қандай түрлері бар? Сіз балаңыздың өмірі мен денсаулығын сақтандыруға арналған полисті сатып алсаңыз болады. Сондай-ақ балалар үшін жеке сақтандыру да бар, ол жарақат алу, аурудың белгілі бір түрлері, жәндіктердің шағып алуы тәрізді әртүрлі қауіп жағдайларына бөлінеді. Кейбір компаниялар тіпті кененің шағуынан да сақтандыру ұсынады.
Сақтандыру жағдайы басталған кезде төлем алуды қарастыратын жинақтаушы сақтандыру бар.Бірақ бұл сақтандырудың негізгі мақсаты болашақта қандай да бір мақсатқа, мысалы, университетке түсу үшін қаражат жинау болып табылады. Бұл жерде белгілі бір жасқа келгенде баласына қандай сома қажет болатынын ата-аналар &nbsp;өздері шешіп, сақтандыру компаниясының көмегімен жинақтауды бастайды.Бұл тиімді және ыңғайлы.Бірақ мұндай қаржы құралына инвестициялауқысқа мерзімде – 1-2 жылда жүзеге асырылмайтынын түсіну керек, бұл – &nbsp;ұзақ мерзімді инвестициялар. Баланың шотына қанша ақша салып отыру керектігіжәнеқандай кезеңділікпен салу керектігі тараптардың келісімі бойынша анықталады.
Сақтандыру компаниясымен мәміле жасамас бұрын сізге:
<ol>
<li>Нарықтағы барлық ұсыныстармен мұқият танысу;</li>
<li>Сақтандыру ұйымдарының талаптарын зерделеу;</li>
<li>Барлығын оңды-солды саралап, содан кейін ғана асықпай шешім қабылдау қажет екенін атап өткен жөн.</li>
</ol>
Мұндайсақтандырудыңартықшылықтарықандай?
Бірінші – 2 жастан 18 жасқа дейінгі баланы сақтандыруға болады. Екінші–сақтандыру полисі жазатайым оқиға нәтижесінде баланың өмірі мен денсаулығына зиян келтірумен байланысты жағдайларды өтейді. Үшінші – сақтандыру баланы алған жарақаттардан кейінемдеу мен қалпына келтіру шығындарын өтейді. Сақтандыру құны сақтандыру мерзіміне, сақтандыру қорғанысының қолданылу уақытына, таңдалған сақтандыру сомасына, сондай-ақ баланың айналысатын спорт түріне, болған жағдайда (альпинизм, су астындажүзу, ауыр атлетика, көркем гимнастика, мотоспорт жәнет.б.) байланысты болады. Төртінші-сақтандыруды үйден шықпай-ақ онлайн ресімдеуге болады.
Баланы сақтандырудың жұмыс реті қандай?
Сақтандыру жағдайы орын алған уақытта ата-аналар дереу сақтандыру шартында көрсетілген медициналық мекемегежүгінуге тиіс. Медициналық көмек көрсетіліп, медициналық мекеме қажетті құжаттарды ұсынғаннан кейін сақтандыру өтемін алу үшін сақтандыру компаниясына хабарласу керек. Әр компанияда құжаттардеректерінің өз тізбесі болады, оны алдын аланақтылау қажет.
Сақтандыру төлемі белгіленген, ал кейде ол сақтандырылған адамның &nbsp;шығындарының бір бөлігін ғана өтейтін болады, бұл шарт талаптарына байланысты болып келеді. Сақтандыру төлемінің мөлшері балаға келтірілген зиянның ауырлығымен айқындалады. Сондықтан сақтандыру шартына тиісті назар аудара отырып, оған жауапкершілікпен қарау керек.
Шарт жасамас бұрын, сіз шарт талаптарының сіздің сақтанушы ретіндегі мүдделеріңізге сәйкестігін толық зерделеп шығуыңыз керек. Қажет болған жағдайда, егер қандай да бір тармақтар түсініксіз немесе күмән тудыратын болса, сақтандыру компаниясының өкілінен шарттың осы ережелеріне түсіндірме беруін сұраңыз. Осылайша сіз орын алуы мүмкін қолайсыз оқиғалардан қорғалғандығыңызға сенімді бола аласыз. Әсіресе сақтандыру жағдайларына қатысты ақпаратты зерделеңіз.
«Балаларды сақтандырудың» іс жүзінде қалай жұмыс істейтіні туралы бірнеше мысал келтірейік:
1. Сіздің ұлыңыз жазғы лагерьге барды,сіз оған сақтандыру полисін алдын ала ресімдедіңіз. Лагерьдебалалармен ойнап жүріп жарақат алды. Сақтандыру бойынша жедел медициналық көмек алу үшін сіз клиникаға жүгінесіз. Тексеру барысында баланың иығының шығып кеткені анықталды. Сізде осындай жарақатты жазатайым оқиға ретінде қарастыратын сақтандыру түрі болғандықтан,емдеуге жұмсалатын шығындарды сақтандырушы төлейді.Нәтижесінде емдеу және физиотерапия сомасы 80 мың теңгеден астам соманы құрады және мұның бәрі сақтандырудың есебінен өтелді, себебі бұл шарт талаптарында көзделген.
2.Сіздің қызыңыз баскетболмен кәсіби түрде айналысады. Сіз жыл сайын ресімдейтін сақтандыруға спорттық тәуекелдерді енгіздіңіз.Яғни, жаттығу кезінде туындауы мүмкін қауіптер. Бірде ол қолын зақымдап, жарақаттанды. Ал сақтандыру компаниясы қыздың еміне кеткен шығынды толығымен төлеп берді.&nbsp;
Мұндай мысалдарды көптеп келтіруге болады.
Қандай жағдайлар сақтандыру жағдайлары деп танылады?
Адамның қалауымен басталмаған және оның еркінен тыс болған оқиға сақтандыру жағдайы деп аталады.
«Балаларды сақтандыруда» мынадай жағдайлар сақтандыру жағдайлары болып танылады:
&nbsp;– табиғи дүлей апаттар салдарынан алынған жарақаттар;
– күйік, найзағай түсу, күн өтіп кету;
&nbsp;– жарылыс, үсік шалу, суға бату нәтижесінде алынған жарақаттар;
-спорт залындағы сабақтар немесе спорттық-бұқаралық іс-шараларға/спорттық жарыстарға қатысу нәтижесінде алынған дене жарақаты;
<ul>
<li>жыландардың, жәндіктердің шағуы;</li>
<li>қандай да бірзаттың құлауы нәтижесінде алынған жарақат;</li>
<li>тыныс алу жолдарына бөтен заттың кездейсоқ түсуі;</li>
<li>улы өсімдіктерден, химиялық заттардан (өнеркәсіптік немесе тұрмыстық), дәрі-дәрмектерден кездейсоқ улану;</li>
<li>қандай да біркөліктің қозғалысы кезінде алынған жарақаттар;</li>
<li>I, II, III топтағы мүгедектікті белгілеу.</li>
</ul>
Естесақтаған жөн! Кәдімгі ЖРВИ, тұмау, COVID -19 вирусын, өзге де вирустық инфекциялар мен ауруларды емдеу жазатайым оқиғадан сақтандырумен өтелмейді. Өйткені, жоғарыда айтылғандардың барлығы медициналық сақтандыруға қатысты.
Сақтандыруды қанша уақытқа ресімдеу керек?
Баланы мысалы, балалар лагерінде демалу уақытына сақтандыруға болады. Яғни, сіз оған өзіңіз қарай алмайтын күндері сақтандыру қажет. Баланы тіпті бір күнге – спорттық жарыстар өткізу уақытына да сақтандыруға болады. Бұл жаз бойысақтандыру болуы мүмкін. Балаңызды ұзақ уақытқа сақтандырсаңыз да болады, бұл әсіресе спорттық секцияларға үнемі қатысатын оқушылар үшін маңызды.
Сақтандырушыны таңдауда қалай қателеспеуге болады?
Білген жөн: <a href="https://fingramota.kz/ru/post/moshenniki-pod-vidom-strahovshchikov-kak-ih-raspoznat">сақтандыру алаяқтарының</a> айласына түсіп қалмау үшін сақтандыру компаниясында ҚР Қаржы нарығын реттеу және дамыту агенттігінің лицензиясының бар екендігін тексеру керек. Лицензияланған сақтандырушылардың тізімімен қаржы реттеушісінің <a href="http://www.gov.kz">www.gov.kz</a> сайтындағы «Қызмет» бөлімінен («Рұқсаттар және хабарламалар тізілімі» кіші бөлімі) танысуға болады.
Полисті ресімдемей тұрып компанияның беделіне, оның нарықта қанша жыл жұмыс істеп келе жатқанына мән беріңіз, ол туралы клиенттердің интернеттегі пікірлеріне талдау жасап, қызметтердің құнын басқа сақтандырушылармен салыстырып шығыңыз.&nbsp;
Қазіргі уақытта Қазақстанда 27 сақтандыру компаниясы бар, олардың 9-ы өмірді сақтандыру бойынша жұмыс істейді.
Сақтандыру ұйымдары заңнама талаптарын бұзған жағдайда оларға қаржы реттеушісінің тарапынан тиісті шаралар, атап айтқанда ҚР Әкімшілік құқық бұзушылық туралыКодексіне сәйкес айыппұлдар қолданылатынын ескеріңіз.&nbsp;
Егер, сіздің ойыңызша, сақтандыру полисі заңнама талаптарына сәйкес келмесе немесе сізге сақтандыру қызметтерін көрсету мәселелері бойынша консультация қажет болса, сіз Агенттікке <a href="https://fingramota.kz/ru/mobile-app">«Fingramota Online» мобильдік қосымшасы</a> арқылы немесе call-орталыққа 1459 және +7 (727) 237 1000 нөмірлері бойынша жүгіне аласыз.&nbsp;
Fingramota.kz-пен бірге өз қаржылық сауаттылығыңызды арттырыңыз!

Жаздағы сақтандыру сіздің балаңызға қажет пе?

<a href="https://kyzylorda-news.kz/">Kyzylorda-news.kz.</a> Қызылорда облысында көркейту-көгалдандыру жұмыстары басты назарда. Бүгінде Сырдария өзені мен Оңжаға магистралдық каналы өтіп жатқанына қарамастан, облыс орталығын аяқ сумен қамту көрсеткіші 30-35 пайызды ғана құрап отыр.
Бүгінде қалада ұзындығы 54,6 шақырым арық жүйесі бар.Жасыл екпелерді суаруға арналған насостарды күтіп ұстауғақажетті мөлшерде қаражат қарастырылған.
Сонымен қатар, Қызылорда қаласын аяқ сумен қамтамасыз ету мақсатында «Жібек жолы» және «Қызылжарма» каналдарын күтіп ұстау, пайдалану, сондай-ақ олардың қауіпсіздігін қамтамасыз ету жұмыстары ұдайы назарда. Алдағы уақытта ұзындығы 13,8 шақырым болатын «Қызылжарма» каналы арқылы КБИ, Коммунизм, Шанхай, Гагарин мөлтек аудандарындағы арық жүйелерімен 40 мыңға жуық халқы мен Қызылжарма ауылдық округіндегі 8 мыңға жуық тұрғындар аяқ сумен қамтылады деп күтілуде.
Қызылорда қаласындағы Сырдария өзенінің сол жағалауынан29,7 млн теңгені құрайтын тереңдігі 80 метр болатын 2 дана техникалық су жинау ұңғымасын бұрғылау бойынша тиісті жұмыс барысын аяқтады. Бұл жұмыстар қаладағы көгалдандырылған аумақтар мен талдарды заманауи әдіс-тәсілдерді пайдалана отырып, көпқабатты үйлер ауласын аяқ сумен қамти отырып, гүлзарлар мен талдарға тамшылатып және жүйектеп суаруға мүмкіндік береді. Айта кетейік, дәл осы секілді су жинау ұңғымасы бұған дейін де қала аумағында қолданылып, өз нәтижесін көрсеткен.
Алдағы уақытта арық жүйелерін аяқ сумен қамтамасыз ету бағытында 
26 дана барлау өндірістік ұңғымасын орнату жұмыстарын жүргізу үшін жоба-сметалық құжаттарын әзірлеуге және мемлекеттік сараптамадан өткізуге облыстық бюджеттен 98 млн теңге қаржы бөлініп, мемлекеттік сатып алу конкурсы жүргізілді. Сондай-ақ техникалық ұңғымалар орнату бойынша республикалық бюджетке өтінім жолданып, бүгінде Үкімет резервінен қолдау тауып отыр. Нәтижесінде облыс орталығына және қалаға қарасты кент, ауылдық округтерге техникалық ұңғымалар орнатылады деп жоспарлануда.
<img src="https://kyzylorda-news.kz/wp-content/uploads/2022/07/a39f8306-7897-4c22-b999-bab664d39101.jpg" alt="" />
<img src="https://kyzylorda-news.kz/wp-content/uploads/2022/07/f6cc0352-bb6a-4a6c-9dc6-1e6926fddcb2.jpg" alt="" />

Қызылорда қаласының шет аймағындағы елді-мекендер аяқ сумен қамтылып жатыр

<a href="https://kyzylorda-news.kz/">Kyzylorda-news.kz.</a> «Қазгидромет» РМК 28 шілдеге арналған ауа райы болжамын ұсынды – Қазақстанда қатты жаңбыр жауады, найзағай ойнайды, бұршақ жауады, жел күшейеді, бұрқасын болады, сондай-ақ өте қатты аптап ыстық пен төтенше өрт қаупі бар.
<blockquote>
 Қазақстанның барлық аумағында жаңбыр жауады, оңтүстік-батыста, солтүстікте – қатты жаңбыр жауады, найзағай ойнайды, бұршақ жауады, жел күшейеді, көктайғақ, оңтүстік-батыста – шаңды дауыл күтіледі. Қазақстанның оңтүстігінде ауа райы негізінен жауын-шашынсыз болады.
</blockquote>

28 шілдеге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Қызылорда облысында балалар жылына орай 28 мектептен инклюзивті қолдау кабинеті, 47 балабақшадан логопункт және 2 ауданнан инклюзивтік ресурстық орталық пен 2 балабақшадан аутизм кабинеті ашылады. Олар балаларға әлеуметтік психологиялық-педагогикалық және түзету арқылы қолдау көрсетіп, ерекше білім беруді қажет ететін балалардың бұзылысына қарай жағдай жасалатын болады.
Айта кетейік, ағымдағы жылы өңіріміздегі мемлекеттік балабақшалар арнайы маман және кабинеттермен 100% қамтамасыз етіледі. Онда ерекше балалармен тәжірибелі арнайы мамандар жұмыс жасайтын болады. Оңалту және психологиялық-педагогикалық түзету қызметтері мемлекеттік қызмет болып есептеледі және ол тегін көрсетіледі.
<blockquote>
 Облыстық білім басқармасы ПМПК желісін 50 000 балаға жеткізу мақсатында 2023 жылы 1 ПМПК ашу жоспарлап отыр. Осылайша, балаларды арнайы психологиялық-педагогикалық қолдау айтарлықтай кеңейіп келеді, бұл балалар мүгедектігінің алдын алуға және азайтуға ықпал етеді, – деп түсіндірді балалар мен жасөспірімдерді әлеуметтік қорғау бөлімінің басшысы Шолпан Жүнісова.
</blockquote>
Сонымен қатар арнайы білім беру ұйымдарының желісін арттыру жоспарлануда. Бүгінгі күні облысымызда 5 психологиялық-медициналық-педагогикалық консультация, 9 психологиялық-педагогикалық түзету кабинеті, 3 оңалту орталығы және 3 арнайы мектеп интернаттары жұмыс жасаған болса, Балалар жылы қарсаңында биыл 1 аутизм орталығы ашылып отыр.

Қызылордада ерекше  балаларға арналған арнайы кабинеттер ашылады

<a href="https://kyzylorda-news.kz/">Kyzylorda-news.kz.</a> 28 шілде – Дүниежүзілік гепатитпен күрес күні. Адам ағзасында өмір сүретін вирус бірнеше жылдар бойы белгілерді көрсетпеуі мүмкін. Вирустық гепатиттің алдын алуға және емдеуге болады, ал С гепатиті толық емделеді.
Қызылорда облысының гепатоорталығына емхананың жолдамасы бойынша 54 жастағы пациент жүгінген. Тексеру барысында көзге ота жасау қарсаңында ер адамда С вирустық гепатиті анықталды. Пациент есепке алынды.
Бірінші жартыжылдықта гепатоорталыққа барлығы 2 345 адам жүгінген, олардың 200-ге жуығы алғаш рет есепке алынған. Жалпы, диспансерлік есепте өңірдің 2,5 мыңға жуық тұрғыны бар, деп хабарлады гастроэнтеролог Ұлбала Әлімбетова.
Орталық қалалық емхана дәрігерінің айтуынша, Софосбувир, Даклатасвир тегін дәрілік препараттарының арқасында С гепатитімен сырқаттану деңгейі төмендеді.
<blockquote>
 «Біз бұл дәрі-дәрмектерді тағайындаймыз, емхана пациенттің тіркелген жері бойынша оларды тегін береді. Егер С гепатиті бар науқаста фиброз болмаса, біз дәрі-дәрмектерді үш айға тағайындаймыз. Егер фиброз, цирроз анықталса, онда дәрі-дәрмектерді алты айға дейін қабылдау керек. Тіпті толық емделгеннен кейін де пациентті есептен шығармаймыз, бір-екі жыл ішінде оның денсаулығын қадағалаймыз», – деп атап өтті Ұлбала Әлімбетова.
</blockquote>
Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетовтың айтуынша, егер сіз диспансерлік есепте тұрсаңыз, вирусты гепатит кезінде медициналық көмек, дәрі-дәрмекпен қамтамасыз ету тегін медициналық көмектің кепілдік берілген көлемі шеңберінде және МӘМС жүйесіндегі мәртебесіне қарамастан тегін және толық көлемде көрсетіледі.
Мамандар сақ болуға шақырады. Гепатит вирустары лас тамақ, жұқтырған қанмен, сондай-ақ сілекеймен, етеккірмен, вагинальды бөлінді сұйықтықтармен және ұрық сұйықтығымен байланыс арқылы берілуі мүмкін. Егер дұрыстап сақтандырылмаса маникюр, татуировка жасайтын құралдардан, стоматологиялық және хирургиялық құралдардан да қауіп төнуі мүмкін. Сонымен қатар, гепатит вирусы анадан балаға жүктілік кезінде немесе босану барысында, емізу кезінде де берілуі ықтимал.

Вирустық гепатитті емдеуге болады

<a href="https://kyzylorda-news.kz/">Kyzylorda-news.kz.</a> Маймыл шешегіне қарсы вакцинаны кімдердің алғаны дұрыс? Сауалға денсаулық сақтау вице-министрі-бас мемлекеттік санитар дәрігер Айжан Есмағамбетова жауап берді, деп хабарлайды&nbsp;<a href="https://stan.kz/">Stan.kz</a>.
Оның айтуынша, науқас адаммен бірге тұратын және оларға көмек көрсетіп жүрген медицина қызметкерлеріне вакцина салдырған жөн.&nbsp;
<blockquote>
 “Бүкіл халыққа вакцина алудың қажеті жоқ. Өйткені вирус өте жақын физикалық байланыста болған кезде ғана беріледі. Тиісінше ол қоғамда тез таралмайды. Жақын қарым-қатынастағы адамдар, яғни шешекті жұқтырған науқаспен бір үйде тұратын жандар мен оған көмек көрсетуші медицина қызметкерлері вакцина алса болады”, – деді Есмағамбетова.&nbsp;
</blockquote>
ДДСҰ басшысының айтуынша, әр елдің қауіптілік деңгейі әртүрлі. Қазіргі уақытта Еуропа елдерінде қауіп жоғары. Ал Қазақстанда маймыл шешегінің таралу қаупі төмен.&nbsp;
<blockquote>
 “Вакцинаға келсек, 1980 жылға дейін барлығымыз табиғи шешекке қарсы вакцина алған болатынбыз. Табиғи және маймыл шешегі вирусы өзара ұқсас. Ғалымдардың дерегіне сүйенсек, табиғи шешекке қарсы вакцина алғандар маймыл шешегінен де сақтандырылған. Ауруды жұқтырған жағдайда, бұл адамдар жеңіл өткереді”, –&nbsp;деді бас санитар дәрігер.
</blockquote>

Маймыл шешегіне қарсы вакцинаны кімдердің алғаны дұрыс?

<a href="https://kyzylorda-news.kz/">Kyzylorda-news.kz.</a> Бүгін мобильді топтың қоғамдық қабылдауы Сырдария ауданындағы Бесарық және Қоғалыкөл ауылдарында өтті.
Мобильді топтың қабылдауына арнайы келген шалғай елді-мекеннің тұрғындары ауыл ішіндегі қордаланған мәселелерді назарға ұсынып, шешілу жолын қарастыруды партияға сеніп тапсыратындарын айтты.
Мәселен, Бесарық ауылының тұрғындары көшелерді жарықтандыру, облыс әкімінің оқу грантын алу мен кәсіпкерлікпен айналысу мақсатында қайтарымсыз грантарға қол жеткізу және зейнет жасын төмендету туралы айтса, Қоғалыкөлдіктерді атаулы әлеуметтік көмек, жұмыссыздық, тұрғын үй, жер үлесін мұрагерлікпен заңдастыру, балаларға арналған спорт алаңын салу т.б. мәселелері алаңдатады.
<blockquote>
 «Ауыл ішіндегі М.Әуезов және А.Тәженов көшелеріне жарықтандыру жұмыстар жүргізуге атсалыссаңыздар» деді ауыл тұрғыны Өтеков Айтбай.
</blockquote>
Қабылдауда көтерілген бұл ұсыныс бойынша мобильді топ мүшелері аталған көшелерді жарықтандыруға жоба-сметалық құжаттамалары дайындалып, қаржыландыру қаралып жатқандығын хабарлады.
Ал, Коғалыкөл ауылының тұрғыны Күлбаева Жанар аманаттықтарға «Ауылда спорт және балалар ойын алаңының салынып, ауыл балаларына пайдалануға берілсе деген ұсынысын жеткізді.
Бұл мәселе бойынша да мобильді топ өкілдері атқарылып жатқан жұмыстарды жеткізді. 2023 жылы балаларға спорттық ойын алаңын салу жоспарланып отырғанын айтты.
Жалпы атап өту керек, қос ауылда өткен көшпелі қабылдауға 40-қа жуық азамат келіп өтініш білдірді.
<img src="https://kyzylorda-news.kz/wp-content/uploads/2022/07/296105043_427093552789620_1714116051033517966_n.jpg" alt="" />

«Amanat»:  Мобильді топтың жұмысы жалғасуда

<a href="https://kyzylorda-news.kz/">Kyzylorda-news.kz.</a> Қазақстанның бірқатар өңірлерінде Ұлттық қауіпсіздік комитеті (ҰҚК) департаменттерінің және ҰҚК Шекара қызметі департаменттерінің (ШҚД) басшылары тағайындалды, делінген ведомствоның баспасөз қызметі таратқан ақпаратта.
ҰҚК Абай облысы бойынша департаментінің бастығы&nbsp;Бақытжан Сырымұлы Уәлиниязов;
ҰҚК Алматы облысы бойынша департаментінің бастығы&nbsp;Рустам Жиянұлы Ыбыраев;
ҰҚК Қарағанды облысы бойынша департаментінің бастығы&nbsp;Бауыржан Жанымханұлы Құндызбаев;
ҰҚК Шығыс Қазақстан облысы бойынша департаментінің бастығы&nbsp;Ринат Төлеуханұлы Қоқымбаев;
ҰҚК Ұлытау облысы бойынша департаментінің бастығы&nbsp;Саламат Хамитұлы Үкенов;
ҰҚК Жетісу облысы бойынша департаментінің бастығы&nbsp;Алмас Тілепбергенұлы Наймантаев;
ҰҚК Шекара қызметі Шығыс Қазақстан облысы бойынша департаментінің бастығы&nbsp;Серік Ғарипұлы Рахымов;
ҰҚК Шекара қызметі Түркістан облысы бойынша департаментінің бастығы&nbsp;Мадияр Бекдайырұлы Жұмаділов;
ҰҚК Шекара қызметі Қызылорда облысы бойынша департаментінің бастығы&nbsp;Айдар Ақанұлы Айымбетов;
ҰҚК Шекара қызметі Атырау облысы бойынша департаментінің бастығы&nbsp;Әділ Нұрсағатұлы Әбесов;
ҰҚК Шекара қызметі Жетісу облысы бойынша департаментінің бастығы&nbsp;Марат Құнанбайұлы Нарбаев;
ҰҚК Шекара қызметі Абай облысы бойынша департаментінің бастығы&nbsp;Санат Маратұлы Жұманов.

Қазақстан және Қызылорда облысының жаңалықтары