<a href="https://kyzylorda-news.kz/">Kyzylorda-news.kz.</a> &nbsp;Биыл қазаннан бастап көктайғақ және қарлы боранға байланысты 232 көлік пен 563 адамға көмек көрсетілген. Республикалық жолдарда көлік қозғалысын 150-ден астам рет шектеуге тура келді. Бұл туралы Индустрия және инфрақұрылымдық даму министрлігі хабарлайды.Төтенше жағдайлардың алдын алу үшін Автомобиль жолдары комитеті көлік жүргізушілеріне тұрақты негізде дауыл туралы хабарламаларды жіберіп, алыс сапарларға шықпауға кеңес бергенімен, бұған немқұрайлы танытқан көптеген адам қар құрсауында қалып жатады. Мәселен, республикалық маңыздағы автожолдар қысқы күтіп ұстау кезеңіне ауыстырылған сәттен бастап, жол саласының мамандарды күре жолдың бойында 600-ге жуық адамға көмек көрсеткен. Атап айтқанда, ауа райының қолайсыздығына байланысты 232 көлік жылы бокстарға орналастырылса, 563 адам жылыту пунктеріне жеткізілді.Министрлік автомобиль жолдарын күтіп ұстайтын қызметкерлердің техникасы көлікті қар құрсауынан шығаруға немесе эвакуациялауға бейімделмегеніне назар аударады. Соған қарамастан, сала мамандары тиісті ескертуді елемеген жүргізушілердің батып қалған көліктерін шығаруға мәжбүр. Неге десеңіз, жолды тазалау үшін оның бойында қандай да бір кедергі болмауы тиіс.Осы ретте биылдан бастап ауа райының қолайсыздығына қатысты көлік қозғалысын шектеу жөніндегі хабарламаны ескермеген тұлғаларға әкімшілік жауапкершілік қарастырылмақ. Тиісті өзгеріс Үкіметтің «Жолдардағы көлік құралдарының қозғалысын тоқтату немесе уақытша шектеу қағидаларын бекіту туралы» қаулысына енгізілді.<blockquote>«Таяу арадағы мерекелік демалыс күндерінде көптеген адам қаладан тыс жерде демалуды жоспарлайтыны мәлім. Осыған байланысты Автомобиль жолдары комитеті көлік иелерін дауыл туралы хабарламаны алған бойда сақтық шараларын ұстанып, ұзақ сапарға шығуға бас тартуды сұрайды. Сондай-ақ, қандай бір жағдайлар туындағанда 1403 бірыңғай call-орталығына хабарласуға болатынын еске сала кетейік», - делінген ресми хабарламада.</blockquote>

Дауылды ескертуге немқұрайлы қарайтындарды жауапкершілікке тарту қарастырылады

<a href="https://kyzylorda-news.kz/">Kyzylorda-news.kz.</a> Тұңғыш президент Нұрсұлтан Назарбаев пен онымен бірге тұратын отбасы мүшелерін қорғайтын заңның күші жақын арада жойылады. Парламент мәжілісі тиісті заң жобасын қарауға кірісті, деп хабарлайды <a href="https://sputnik.kz/">Sputnik Қазақстан </a>.Бүгін, 28 желтоқсан мәжілістің кезекті отырысында депутаттар "Қазақстан Республикасының Тұңғыш Президенті – Елбасы туралы" Қазақстан Республикасы Конституциялық заңының күшi жойылды деп тану туралы" Конституциялық заң жобасын қарауға қабылдады.Мәжіліс депутаты, заңнама және сот-құқықтық реформа комитетінің төрағасы Арман Қожахметовтің айтуынша, заң жобасы республикалық референдум қорытындысы бойынша Конституцияға енгізілген өзгерістерді іске асыру мақсатында әзірленді.<blockquote>"Атап айтсақ, биыл 8 маусымдағы Заңмен Конституцияға енгізілген түзетулерге сәйкес, Қазақстанның Тұңғыш президентінің мәртебесі мен өкілеттігі Республика Конституциясымен және конституциялық заңмен айқындалады деген норманы көздейтін Ата заңның 46-бабы 4-тармағы алынып тасталды. Осыған байланысты, бұл заң жобасымен құқықтық негіздің жоқтығын ескере отырып, тиісті Конституциялық заңның күшін жою көзделеді", - деді Қожахметов.</blockquote>Ата заңнан Назарбаевқа мемлекет басшысы лауазымына қатарынан екі реттен артық сайлану құқығын беретін ереже алынып тасталды.Сондай-ақ, 91-баптан тәуелсіз Қазақстанның негізін қалаушы ретінде тұңғыш президент туралы тұжырымды және оның Елбасы (ұлт көшбасшысы) мәртебесі алынды.Алайда Нұрсұлтан Назарбаевты барлық мәртебе мен артықшылықтардан айыру үшін "Тұңғыш президент – Елбасы туралы" Конституциялық заңының күшін жою қажет болатын.Бүгін парламентте осы процесс басталды.<h3 style="margin-left:0px;">"Тұңғыш президент – Елбасы туралы" заңда не айтылған</h3>Конституциялық заң 2000 жылы қабылданған болатын. Конституциялық заң бойынша Нұрсұлтан Назарбаев Қазақстан президенті болған кезде және Қазақстанның Тұңғыш президенті мәртебесін алғаннан кейін де жасаған әрекеттері үшін жауапқа тартылмайды.Оны ұстауға, қамаққа алуға, тінтуге, одан жауап алуға не жеке басын жете тексеруге, күзетпен ұстауға болмайды.Сонымен қатар, Елбасы мен онымен бірге тұратын отбасы мүшелеріне тиесілі барлық жеке мүлікке тиісуге және шектеу қоюға болмайды. Жеке мүлікке тұрғын және қызметтік үй-жайлар, қызметтік көлік, байланыс құралдары, хаттар, құжаттар кіреді. Тиіспеушілік Қазақстан Тұңғыш президентінің – Елбасының қорына және ол құрған өзге де заңды тұлғаларға тиесілі мүлікке де қолданылады.Бұдан бөлек, конституциялық заң Назарбаев пен онымен бірге тұратын отбасы мүшелеріне тиесілі банк шоттарының құпиялығына және оған қол сұқпауына кепілдік береді.Нұрсұлтан Назарбаев өмір бойы мемлекеттік күзетпен қамтамасыз етіледі. Тұңғыш президенттің отбасы мүшелеріне де мемлекеттік күзет беріледі.Конституциялық заңның 11-бабы Елбасыны зейнетақымен қамсыздандыру және сақтандыруды көздейді. Өкілеттігін тоқтатқаннан кейін Назарбаев жасына қарамастан, Қазақстан Республикасы президентінің лауазымдық жалақысының 80 проценті мөлшерінде ай сайын зейнетақы алып тұрады.Ал Назарбаев қайтыс болған жағдайда отбасының әрбір мүшесіне ең төменгі зейнетақының 10 еселенген мөлшеріне тең сомада ай сайынғы жәрдемақы өмір бойына төленеді.Тұңғыш президент пен онымен бірге тұратын отбасы мүшелеріне тегін медициналық қызмет көрсету мен санаторий-курорттық емдеу құқығы өмір бойы сақталады. Мұның барлығына қаржы республикалық бюджеттен бөлінеді.

Мәжіліс Елбасы туралы заңның күшін жою туралы заң жобасын қарауға алды

<a href="https://kyzylorda-news.kz/">Kyzylorda-news.kz.</a> Апта басында ҚР Сауда және интеграция бірінші вице-министрі Арман Шакқалиев Қызылорда облысына арнайы іссапармен келіп, облыс әкімінің қабылдауында болды және белсенді қоғам өкілдерімен кездесті.Жұмыс сапары аясында Арман Шакқалиев аймақ басшысы Нұрлыбек Нәлібаевпен кездесіп, экспортты дамыту және кәсіпкерлерді қолдау мәселелерін талқылады.Кездесу барысында негізгі азық-түлік бағасын тұрақтандыру үшін Үкіметпен қабылданған шаралар туралы, «форвардтық сатып алу», «айналым схемасы», сауда инфрақұрылымын дамыту, техникалық және экономикалық тұрғыдан ішкі нарықты қорғау және сауда желілеріне қолжетімділікті қамтамасыз ету мәселелері туралы баяндалды.Жиында әлеуметтік маңызы бар азық-түлік тауарларына баға белгілеудің бүкіл тізбегі бойынша делдалдық схемаларға қарсы күрес жөніндегі өңірлік комиссиялардың жұмысы жүйеленіп, олардың құрамы күшейтілгендігі туралы айтылды.Басқосу барысында Арман Абайұлы жергілікті мемлекеттік кірістер департаментін өңірлік комиссиялармен жұмысты белсенді түрде құруға шақырды.Әрі қарай вице-министр облыс тұрғындарын тұтынушылар құқығын қорғау, ішкі сауданы дамыту, әлеуметтік маңызы бар азық-түлік тауарларының бағасын тұрақтандыру және басқа да мәселелер тоқталып, тұрғындардың сауалдарына жауап берді.Тұрғындармен кездесу аясында вице-министр жеке қабылдау өткізіп, бизнес өкілдерімен де жүздесті.Негізгі азық-түлік бағасын тұрақтандыру мақсатында аймақтағы белгілі «Абзал и К», «Жан Арай», «Алтын қамба», «Алтын орда» және «Далатекс» компанияларын аралап, кездесулер ұйымдастырды.Жұмыс сапарының соңында журналистердің сауалына жауап берді.

Сауда және интеграция бірінші вице-министрі Сыр еліне жұмыс сапарымен келді

<a href="https://kyzylorda-news.kz/">Kyzylorda-news.kz.</a>&nbsp; ҚР Премьер-Министрі Әлихан Смайыловтың төрағалығымен селекторлық режимде Үкімет отырысы өткізілді. Жиында кәріз-тазарту құрылыстарын салу және реконструкциялау жөніндегі жоспар мен жаңа Әлеуметтік кодекстің жобасы қаралды.Жиынға министрлер мен онлайн режимде өңір әкімдері қатысты.Индустрия және инфрақұрылымдық даму министрі Қайырбек Өскенбаев Мемлекет басшысының тапсырмасы бойынша 2028 жылға дейінгі кезеңде республиканың 68 қаласында кәріз-тазарту құрылыстарын салу не реконструкциялау жоспарда бар екенін баяндады.Премьер-Министр бір ай мерзімде әрбір жобаны іске асыру кестесін бекіту және олардың орындалу барысы туралы Үкіметке тоқсан сайын хабарлап тұрудың, кәріз-тазарту құрылыстарының жобаларын уақытылы іске асыру үшін қажетті техникалық құжаттамаларды жедел әзірлеп, бекітудің, сондай-ақ екі ай мерзімде халықаралық тәжірибені зерделеуді және тазарту құрылыстарының қалдықтарын одан әрі өңдеу жөнінде ұсыныстар енгізудің маңызын атап өтті.Күн тәртібінің екінші мәселесі бойынша Еңбек және халықты әлеуметтік қорғау министрі Тамара Дүйсенова баяндама жасап, жаңа Әлеуметтік кодекс жобасын таныстырды. Ұсынылған заң жобасында көпбалалы отбасылар, жұмыссыздар, зейнеткерлер мен мүгедектігі бар адамдар секілді әлеуметтік қорғауды қажет ететін халық топтарына арналған қолдау шаралары қарастырылған. Дауыс беру нәтижесімен кодекс жобасы мақұлданды.Селектордан кейін Үкімет басшысының тапсырмаларын орындау бағытында облыс әкімі Нұрлыбек Нәлібаев жиын өткізіп, кәріз жүйелерін жаңарту үшін қаржыландыруға қажетті құжаттарды белгіленген мерзімді күтпей, қазірден бастап дайындауға кірісуді тапсырды.<blockquote>«Әрбір тапсырма тиянақты әрі сапалы, уақытылы орындалуы тиіс. Келер жылы республикалық бюджетті нақтылау жылдағыдан ерте өткізіледі. Қазір барлық министрліктер қаңтар айының басында нақтылауға ұсынылатын жобалар тізімін жасауға кірісті. Сондықтан осы кезден бастап Экономика басқармасымен және тиісті салалық басқармалармен бірлесіп, нақты қажет деген жобаларға тез арада бюджеттік өтінімдерді ұсынып, министрліктермен жұмыс жасаңыздар», - деді аймақ басшысы.</blockquote>Жиын соңында облыстық жұмыспен қамтуды үйлестіру және әлеуметтік бағдарламалар басқармасына Қызылорда қаласы және аудан әкімдерімен бірлесіп, жұмыссыздық деңгейін төмендету бойынша тиісті шараларды қабылдауды тапсырды. Мұнан бөлек аймақ басшысы «2023 жылға арналған Өңірлік жұмыспен қамту жол картасын» бекіту жұмыстарын қолға алуды тапсырды.<figure class="image"><img src="https://knadmin.beoblood.kz/uploads/322347467_688510406046015_2019501366274127694_n_73d4dd6d54.jpg" alt="322347467_688510406046015_2019501366274127694_n.jpg"></figure>&nbsp;<figure class="image"><img src="https://knadmin.beoblood.kz/uploads/322243447_857527238851328_4924524161373294346_n_ddd2728707.jpg" alt="322243447_857527238851328_4924524161373294346_n.jpg"></figure>

Үкімет отырысында кәріз жүйелерін тазалау және әлеуметтік қамсыздандыру мәселелері қаралды

<a href="https://kyzylorda-news.kz/">Kyzylorda-news.kz.</a> Достық үйінде облыс әкімі Нұрлыбек Нәлібаев Президент Жарлығы аясында құқық қорғау органдарының бірінші басшыларымен бірге кезектілік тәртібімен жеке қабылдауға жазылған қала тұрғындарымен кездесіп, өтініш-пікірлеріне құлақ асты.Ел Президентінің «Халық үніне құлақ асатын мемлекет» тұжырымдамасы негізінде БАҚ-та және әлеуметтік желілерде хабарландыру беріліп, жеке қабылдауға 250-ге жуық азамат келді. Оның ішінде аймақ басшысына келген 80-ге жуық тұрғын 100-ге тарта мәселесін жеткізді. Жеке сауалдардың басым бөлігі тұрғын үй алу, жұмысқа орналасу немесе қаржылай көмек сұрау және бала денсаулығына қатысты ем алуға көмектесу бағытында болды.Облыс әкімі мен құқық қорғау орган басшылары келген азаматтардың мәселелерін жан-жақты қарап, заң аясында тиісті түсіндірме жасады.Жеке қабылдауға келген мүгедектігі бар азаматша көптеген жылдар бойы жалдамалы пәтерде тұрғандықтан, үкіметтен алған қаражаты пәтерақыдан артылмайтынын алға тартып, баспана алуға жәрдем сұрады.Облыс әкімі тұрғын үй тек заң аясында кезектілік тәртібімен берілетінін түсіндіріп, қала әкіміне көмек сұрап келген әйелдің тұрмыстық жағдайын зерттеп, оған уақытша баспана беру мүмкіндігін қарастыруды тапсырды. Бұл ретте жуырда ғана көпбалалы отбасыларға, халықтың әлеуметтік жағынан осал топтарына, жетім және ата-анасының қамқорлығынсыз қалған балаларға 110 пәтер берілді және алдағы уақытта да бірқатар көпқабатты тұрғын үйдің құрылысы аяқталып, ел игілігіне табысталады.Аймақ басшысына бір топ тұрғындар үйлеріне күрделі жөндеу жасаған компанияның жұмысты сапасыз жүргізгеніне шағымданды. Облыс әкімі мәселені зерттеп, мердігердің жауапкершілігін қарауды тапсырды.Жеке қабылдаудан кейін Нұрлыбек Нәлібаев қала тұғындарымен кездесіп, жыл қорытындысымен қол жеткізген жетістіктерді тізбектеп, алдағы кезеңде аймақтың даму барысын талқылады.<blockquote>«Өздеріңіз білетіндей, қазіргі таңда Сыр өңірінде маңызды бастамалар қолға алынуда. Ел Президентін кезектен тыс сайлау секілді ауқымды саяси науқандарда аймағымыз үздіктер қатарынан көрінсе, жақында Қызылордаға жұмыс сапарымен келген Премьер-Министр облыс дамуына оң баға беріп, көтерген мәселелерімізге қолдау білдіретінін жеткізді. Нәтижесінде аймақ үшін көптеген игі жоба жүзеге асырылмақ.Бүгін, міне, қала тұрғындары үшін ашық қабылдау өткізіп, келген әрбір азаматтың жеке мәселелерін мұқият қарадық. Бұған дейін 7 ауданға барып, 800-ден аса азаматтың өтінішін тыңдап, бағыт-бағдар бердік. Мезетінде шешілгендері де аз емес. Бүгінгі қабылдауда да ешқандай шектеу болған жоқ, бұйымтайын айта келген барлық адамның ұсыныс-пікірлері тыңдалып, назарға алынды. Біз мұндай кездесулерді алдағы уақытта да ұйымдастыратын боламыз», - деді аймақ басшысы.</blockquote>Айта кетейік, биыл облыс әкімі 27 жеке қабылдау өткізіп, 600-ге жуық тұрғындарды қабылдап, өзекті мәселелерін қарады.<figure class="image"><img src="https://knadmin.beoblood.kz/uploads/322377492_1098718781524948_7795060373186697599_n_76e3737b63.jpg" alt="322377492_1098718781524948_7795060373186697599_n.jpg"></figure>&nbsp;<figure class="image"><img src="https://knadmin.beoblood.kz/uploads/320658621_6114364775275794_2276238517224764543_n_a19bc23e02.jpg" alt="320658621_6114364775275794_2276238517224764543_n.jpg"></figure>&nbsp;<figure class="image"><img src="https://knadmin.beoblood.kz/uploads/322545901_743227324075905_6855366616170664881_n_fec9c360c8.jpg" alt="322545901_743227324075905_6855366616170664881_n.jpg"></figure>&nbsp;<figure class="image"><img src="https://knadmin.beoblood.kz/uploads/321644667_628651942363224_2852595822099502415_n_e6efbb41c7.jpg" alt="321644667_628651942363224_2852595822099502415_n.jpg"></figure>&nbsp;<figure class="image"><img src="https://knadmin.beoblood.kz/uploads/321995780_1484536165400934_2477327326253232082_n_7c94cf782b.jpg" alt="321995780_1484536165400934_2477327326253232082_n.jpg"></figure>

Облыс әкімі құқық қорғау органдары басшыларымен бірге 250-ге жуық қызылордалықтың мәселесін тыңдады

<a href="https://kyzylorda-news.kz/">Kyzylorda-news.kz.</a> Бәсекелестікті қорғау және дамыту агенттігі төрағасының орынбасары Болат Сәмбетовтың айтуынша жыл бойына жүргізілген жұмыстардың нәтижесінде агенттік 118 тергеп-тексеруді аяқтаған. 95-і бойынша әлі тергеу шаралары жүргізіліп жатыр, деп хабарлады <a href="https://www.zakon.kz/">Zakon.kz</a>.Олардың арасында ел аумағындағы ең ірі такси агрегаторының қызметтерін ұсынатын Яндекс таксиге, метрология және тауарлардың сәйкестігін растау қызметтерін көрсететін Ұлттық сараптама және сертификаттау орталығына, «Мобайл телеком сервис» байланыс операторына (Теле 2) және дизель отынын өткізуді жүзеге асыратын Петросанға қатысты да үстем жағдайды теріс пайдалану бөлігіне қатысты тергеу жүргізілген. Тергеу қорытындылары қосымша хабарланатын болады.<blockquote>«Биылғы жылдың өткен кезеңінде монополияға қарсы орган нарық субъектілері мен мемлекеттік органдардың атына 442 хабарлама шығарды, оның 330-ы орындалды. Ескерту құралы кәсіпкерлерге бұзушылық белгілерін өз еркімен жоюға мүмкіндік беріп, оларды монополияға қарсы тергеуге тартпай, ескерту ретінде пайдаланылатынын атап өту маңызды», – дейді Бәсекелестікті қорғау және дамыту агенттігі (БҚДА) төрағасының орынбасары. &nbsp;</blockquote>

«Яндекс.Такси» мен «Теле 2» күдікке ілінді

<a href="https://kyzylorda-news.kz/">Kyzylorda-news.kz.</a> «Жолаушылар тасымалы» филиалының басшысы пара алды деген күдікпен ұсталды, деп хабарлайды <a href="https://stan.kz/">Stan.kz</a> ақпарат агенттігі.Сыбайлас жемқорлыққа қарсы қызмет «Жолаушылар тасымалы» АҚ филиалдары басшыларының біріне «қала маңындағы тасымалға» қатысты сотқа дейінгі тергеп-тексеруді бастағанын хабарлады.Акционерлік қоғам филиалының директоры 2020 жылдың қыркүйегі мен ағымдағы жылдың желтоқсаны аралығында жолаушылар вагондарын жөндеу қызметтерін жеткізушінің пайдасына жасаған әрекеттері үшін жүйелі негізде ақшалай қаражат алды деп күдікке ілінді. &nbsp;11 миллион теңгеден астам ақша алды.Күдікті 20 желтоқсанда ұсталып, соттың санкциясымен қамауға алынды. Тергеу мүддесі үшін өзге де ақпарат жариялауға жатпайды.

«Жолаушылар тасымалы» филиалының басшысы қамауға алынды

<a href="https://kyzylorda-news.kz/">Kyzylorda-news.kz.</a> Бүгін Қазақстан аумағының басым бөлігінде атмосфералық ағындардың өтуіне байланысты қар жауады. Кей жерлерде бұрқасын, тұман, көктайғақ болып, жел күшейеді, деп хабарлайды Қазгидромет.&nbsp;Жамбыл, Қызылорда, Маңғыстау, Атырау, Батыс Қазақстан, Қарағанды облыстарының кей жерлерінде тұман, көктайғақ күтіледі. &nbsp;

 28 желтоқсан күнгі ауа райы болжамы

Kyzylorda-news.kz. &nbsp;Жаңа жыл қарсаңында облыс әкімі Нұрлыбек Нәлібаев Қызылорда қаласының сол жағалауынан кезекті көпқабатты тұрғын үйдің ашылу рәсіміне қатысты. Бірнеше күн бұрын 60 отбасыға жаңа баспана берілсе, бүгін ата-ана қамқорлығынсыз қалған азаматтар мен халықтың әлеуметтік осал топтардағы 50 отбасыға пәтер кілті табысталды.<blockquote>-Соңғы жылдары Сыр өңірінде тұрғын үй құрылысы қарқын алып, қала аумағы әлдеқайда кеңейді. Биыл мемлекеттік бюджет есебінен тұрғын үй құрылысына 9,1 млрд. теңге қаржы бөлініп, бұл қаражатқа 32 тұрғын үйдің құрылысы жүргізілді. Алдағы уақытта облыс бойынша тұрғын үй құрылысы көлемін одан әрі ұлғайтып, 3 жылда көлемі 2 млн. шаршы метрден астам тұрғын үй пайдалануға берілмек.Келесі жылы облысымыздың бас шаһарында құны шамамен 17 млрд. теңгені құрайтын 23 тұрғын үй ел игіліне табысталып, барлығы 1100 отбасы өз пәтер кілтін алатын болады. Берекелі бастама жоспарға сай аяқталып, кезектілікке сәйкес жерлестерімізге беріледі,-деді өңір басшысы Н.Нәлібаев.</blockquote>Қоныс той иелерін қоғам қайраткері, Жаңақорған, Шиелі, Сырдария аудандары мен Қызылорда қаласының Құрметті азаматы, «Құрмет» орденінің иегері Ибрагим Абибуллаев құттықтады. Ал, қоныс той иелерінің атынан көпбалалы ана Жадыра Кенжеева аймақ басшысына алғысын білдірді.Айта кетейік, сол жағалауда 50 пәтерлік &nbsp;арендалық тұрғын үйден &nbsp; халықтың әлеуметтік жағынан осал топтарына 35 пәтер, жетім және ата-анасының қамқорлығынсыз қалған балаларға 15 пәтер берілді. Жыл басынан бері өңірде қаржыландырудың барлық көздері есебінен 604 мың шаршы метр тұрғын үй, оның ішінде, бюджет қаржысы есебінен Қызылорда қаласында СПМК-70 тұрғын ауданында екі 40-пәтерлі және бір 50-пәтерлі кредиттік тұрғын үй пайдалануға берілді. Еске салсақ, жаңа жылға арналған мерекелік іс-шаралар өткен аптада бастау алды. Облыс орталығында ауыл шаруашылығы өнімдерінің жәрмеңкесі ұйымдастырылып, орталық алаңда бас шырша шамы жағылды. Мұнан бөлек, облыс әкімдігінде Президенттік шырша өткізіліп, күніі кеше Қазалы ауданында 3 ауыл газдандырылды және 140 орындық балабақша ашылды. Жыл соңына дейін бірқатар әлеуметтік нысан пайдалануға берілмек. <img src="https://knadmin.beoblood.kz/uploads/FB_IMG_1672156859236_61faf277d7.jpg" alt="FB_IMG_1672156859236.jpg"><img src="https://knadmin.beoblood.kz/uploads/FB_IMG_1672156873115_1661bdff2d.jpg" alt="FB_IMG_1672156873115.jpg"><img src="https://knadmin.beoblood.kz/uploads/FB_IMG_1672156866338_fe312f357b.jpg" alt="FB_IMG_1672156866338.jpg"><img src="https://knadmin.beoblood.kz/uploads/FB_IMG_1672156880093_be6b60b0d5.jpg" alt="FB_IMG_1672156880093.jpg"><img src="https://knadmin.beoblood.kz/uploads/FB_IMG_1672156877125_2fc469e37e.jpg" alt="FB_IMG_1672156877125.jpg"><img src="https://knadmin.beoblood.kz/uploads/FB_IMG_1672156886769_0709a2f315.jpg" alt="FB_IMG_1672156886769.jpg">

Жаңа жыл қарсаңында 100-ден аса қызылордалық отбасы қоныс тойын тойлады 

<a href="https://kyzylorda-news.kz/">Kyzylorda-news.kz</a>. Әйгілі Титаникті суға батырған, қайғылы оқиғаның тікелей себепкері айсбергтің қазір қайда екендігі көпшілікті қызықтыратыны сөзсіз. Осы сұрақтың жауабын <a href="https://bugin.kz/28406-titanikti-sugha-batyrghan-aysberg-qazir-qayda?fbclid=IwAR3ppPmqN2gc-Kskh-TpAPme1ZWzkaEHcPEYRzZIvaaBdu4h30XrK5Upwuw">Bugin.kz</a> порталы ұсынды.Ең алдымен, айсбергтің массасы 420 000 тонна болғанын түсінуіміз керек. Шын мәнінде, «Тинаникті соққан айсберг» айсбергтер әлемінде салыстырмалы түрде өте кішкентай болды. Оның ең биік нүктесі кеменің жоғарғы палубаларына әрең жетті.Дәлірек айтсақ, айсбергтің биіктігі небәрі 100 метрден асады. Бұл - Титаниктің ұзындығынан 2,5 есе аз. Ал мұздың барлық дерлік массасы су астында жасырылған.Бұл мұзтау Гренландия мұздықтарында 3-4 мың жыл бұрын дүниеге келген. Ол заманда, әрине, бірде-бір пароходтың иісі жоқ еді. Перғауындар пирамидаларын топ-тобымен тұрғызды, соңғы мамонт Чукоткада өліп жатты, Американың ашылуына әлі бірнеше мың жыл бар еді. Ал біздің қылмыскер мұзтау мұздықтан теңізге баяу жылжып келе жатты. 1910 жылдың маусымында ол мұз қабығын бұзып, Арктика теңіздері арқылы еркін саяхатқа шықты. Соқтығыс болған жерге жету үшін оған екі жылдан астам уақыт кетті.Бір қызығы, бұл мұз блогы суға құлаған кезде, Титаник әлі салынып жатқан. Ал кеме сол тағдырлы сапарға шыққанда, айсберг өз жолының 99,9 пайызын жүріп үлгерген. Қысқасы, ол бірнеше мың жыл бойы барған Титаникті белгіленген жерде күтіп тұрды. Гренландияда жылына 30 000-ға дейін айсберг шығарылатыны таң қалдырады. Бірақ олардың бірнешеуі ғана біздің тарихи кейіпкеріміз келген ендіктерге жетеді. &nbsp;Ақыры соқтығыс болды. Айсберг одан аман қалды. Титаник бірнеше сағат бойы суға батып кетпеді, бірақ айсберг одан әрі қалықтауын жалғастырды. Көп ұзамай оны Гольфстримнің жылы ағысы басып алды. Бұл ағыс жылы және өте жылдам (10 км/сағ дейін). Сондықтан айсберг тез ери бастады және соған қарамастан, Ресейдің Архангельск облысындағы Франц Йозеф жеріне жетті.Сол жерде айсберг жағаға лақтырылып, 1913 жылдың жазында ол Титаниктен 1 жылдан астам ұзақ «өмір сүріп», ақыры еріп кетті.&nbsp; &nbsp;

Титаникті мұхит түбіне жіберген айсберг қазір қайда?

<a href="https://kyzylorda-news.kz/">Kyzylorda-news.kz</a>. Бүгін Жалағаш ауданына Қазақстан Республикасы Парламенті Сенатының депутаты, қоғам қайраткері Мұрат Бақтиярұлы Мұхамедов іс сапармен келді.Аудандық мәслихаттың мәжіліс залында өткен бас қосуға аудандық мәслихаттың депутаттары, аудандық алқабилер кеңесінің төрағасы Кенжеғара Сүлейменов, Жалағаш кенті ардагерлер кеңесінің төрағасы Қожантай Құлмахан, ақпарат құралдары өкілдері қатысты.Кездесуді аудан әкімі Асқарбек Есжанов ашып, қайраткер-депутаттың қадамына құтты болсын айтты. Әрі қарай қазіргі аудандағы, аймақтағы еліміздегі жағдайларға, қазіргі таңдағы алда тұрған өзекті мәселерге тоқталып, сөз кезегін Мұрат Бақтиярұлына берді.Бүкіл саналы ғұмырын ұрпақ тәрбиесіне, қазақ халқының, Сыр бойы елінің игілігі үшін саяси додаларға арнаған қоғам қайраткері Мұрат Бақтиярұлы тереңнен толғап, ел болашағының тағдыршеш мәселелеріне тоқталды.С.М.Киров атындағы қазақ мемлекеттік университетінің тарих факультетін, Мәскеу бизнес және ақпараттық технологиялар халықаралық университетінің қаржы және несие факультетін сондай-ақ, қазақ мемлекеттік заң академиясын бітірген, саясаттану профессоры Мұрат Бақтиярұлының өмірі мен қызметі мемлекттік-саяси қызметте жүрген, елге еңбек етемін деген азаматтарға үлгі-өнеге. Өзінің еңбек жолын қарарпайым мұғалім болудан бастап, мемлекет-қоғам қайраткері дәрежесіне дейін көтерілу, сөйтіп, елге қызмет ету, халықтың қалаулысы болу екінің бірінің, егіздің сыңарының қолынан келмейтін іс, екінің біріне бұйыра бермейтін бақ.Қазақтың тілі, ділі, ата-бабаларымыздың салт-дәстүрін ерекше құрметтейтін қайраткер депутаттың өзінің депутаттық мерзімінде талай-талай аса маңызды сауалдармен шыққанын ел біледі. Әсіресе Мұрат Бақтиярұлының Қазақстандағы «Үш тілділікке» қарсы, биік мінбелерден жаны шырқырай дабыл көтергені бүкіл елдің көз алдында.<blockquote>«Мәңгілік ештеңе жоқ, бәрі ретімен, жөнімен болу керек. Мен қолымнан келгенше, бар мүмкінідігімше елге қызмет еттім деп ойлаймын. Соңымыздан еріп келе жатқан мықты азаматтар бар, енді сол жігіттер жұмыс істеу керек. Жақсы кете білу де өнер, жалпы бізде осы үрдісті қалыптастыруымыз керек. Елге қызмет жасаймын деген азаматтарды, жастарды қолдауымыз қажет. Менің әрдайым қолдаушыларым болған сіздерге алғысым шексіз, аман болыңыздар, еліміз аман болсын» - деп түйіндеді қайраткер өз сөзін.</blockquote>Аудандық алқабилер кеңесінің төрағасы Кенжеғара Сүлейменов, Мұрат Бақтиярұлының ел алдындағы еңбегін жоғары бағалап, алдағы уақытта Сыр бойының ардақты азаматы, білікті қайраткер ретінде аймақтың қоғамдық өміріне белсене араласып, Сыр бойының ардақты елағасы болатынына сенім білдірді.Кездесу соңында сенат депутаты аудандық мәслихат депутаттарына, кездесуге қатысушыларға «Аманат», «Сенатор жазбалары», «Құндылықнама», «Елдің жоғын жоқтадық, Сырдың мұңын мұңдадық» атты кітаптар топтамасын сыйға тартты.Кездесуді жүргізіп отырған аудан әкімі Асқарбек Есжанов кездесу қорытындысында қазақы дәстүрмен Мұрат Бақиярұлының иығына шапан жауып, құрмет көрсетті. Алдағы уақытта да ел үшін қызмет ете беретініне ізгі ниетін, ризашылығын білдірді.<img src="https://knadmin.beoblood.kz/uploads/322476383_698005275050515_8970937612493197136_n_9f2007fc17.jpg" alt="322476383_698005275050515_8970937612493197136_n.jpg"><img src="https://knadmin.beoblood.kz/uploads/322459365_521970476570058_598961814794230983_n_53b72457a5.jpg" alt="322459365_521970476570058_598961814794230983_n.jpg"><img src="https://knadmin.beoblood.kz/uploads/322251324_1306133413503046_2045817756847439275_n_01886e8833.jpg" alt="322251324_1306133413503046_2045817756847439275_n.jpg">

Жалағаштықтар Мұрат Бақтиярұлына құрмет көрсетті  

<a href="https://kyzylorda-news.kz/">Kyzylorda-news.kz</a>. Жасұлан Серік – Американың Калифорния штатына жуырда отбасымен бірге көшіп кеткен қазақ азаматы. Жұбайы грин карта ұтып алған соң отбасы елге түпкілікті қоныс аударуға бел байлапты. Кейіпкеріміз бұған дейін Қызылорда облысы кәсіпкерлер палатасының Агроөнеркәсіптік кешен бөлімінің бастығы болған. АҚШ-та өмір сүріп жатқан қазақстандық азамат екі елдің артық-кемшіл тұсын саралап, теңіз асып кеткен соң өмірі қалай өзгергенін айтып,<a href="https://stan.kz/mynda-kelgender-eki-ush-zhildan-keyin-ayakka-tyrip-kete-375366/"> Stan.kz</a> сайтының тілшісіне сұхбат берді. &nbsp;Төрт перзенттің әкесінің айтуынша, АҚШ-қа көшемін деген нақты мақсаты болмаған.<blockquote>“Ең бірінші рет 2016 жылы тәжірибе алмасу үшін жұмыс бабымен бардым. 2021 жылы әйелім екеуміз тур визамен қыдырып қайттық. "Грин карта" лотереясы туралы естігенбіз. АҚШ мемдепартаменті жыл сайын 50 мың адамға әр елден ұтыс ойынын ойнатады. Заңды және тегін түрде келіп жұмыс істеуге, осында өмір сүруге мүмкіндік береді.Осы бағдарламаға жұбайым қатысып, оның атына ұтыс шықты. Барлық құжаттарымызды өткізгеннен кейін, олар бізді қабылдады. Мұндай мүмкіндікті жіберіп алмауға бел байладық. Әке-шешеміз де ақ батасын берген. Өзім мұндай ұтыс ойындарына сенбейтін едім. Тур визамен жұмыс істеуге болмайды. Ал жасыл картамен жұмыс істеуге, емін-еркін жүріп тұруға мүмкіндік бар", - дейді отандасымыз.</blockquote>Жасұлан мырзаның айтуынша, өзі ағылшын тілін жақсы біледі. Әйелі мен балалары үйреніп жүр. Үлкен ұлы 10-сынып, одан кейінгілері алты және төртінші сыныптар да оқиды екен.<blockquote>"Америкалықтардың біздің халыққа ұқсамайтын ерекшеліктері көп. Олар көбінесе қуанып жүреді. Адамдары бір-біріне мейірімді. Танымайтын адамға да амандасып кетеді. Дүкен, қонақүй т.б. кез келген жерде ізеттілік танытады.Танымайтын адамнан жағдай мен көңіл-күйін сұрау оларға қалыпты жағдай. Бізде бәрі керісінше. Езуімізді тартпай, қабағымызды қатып жүреміз ғой. Күнделікті жұмыс барысындағы қиындықтардан ба, біз олай жасай алмаймыз. Бұл жақта екінің бірі осындай”, – дейді ол.</blockquote>Сөзінше, елде қарапайым халыққа да жұмыс көп.<blockquote>“Бұл жақта адамдарды кемсітпейді. Бай отбасының баласы даяршы болуы мүмкін. Төменгі тап ретінде ешкімге қарамайды. McDonald’s секілді кафелерде қызметкер болып, 2022 жылғы су жаңа көлікпен де жүре береді. Бізде салоннан көлік мінсе, ең дәулетті адам ретінде қараймыз. Оны бизнесмен деп қаламыз. Бұл жақта қарапайым жағдай. Екінің бірінде Tesla электр көлігі бар.Америкада кезекке тұру мәдениеті де жоғары. Кезекке тұрғанда рахаттанасыз. Өзіңізді адам ретінде сезінесіз. Кезек жүз метрге дейін алыс болса да тез өтеді. Кәрісі де жасы да кезегін сақтайды. Полиция қызметкері, біреуі балдақпен де тұруы мүмкін. Ешкім өз орнын бұзбайды. Арасында екі метр бос орын қалса да біреу пайдаланып кетпейді. Кезек күту мәдениеті бұлар да жоғары. Әуежай немесе аурухана, дүкен сияқты барлық жерде де бірдей. Әлеуметтік түрде қорғалған сияқтысыз. Біреу кезегімді алып қояды деген мүлдем қорқыныш жоқ", – дейді сұхбат беруші.</blockquote>Кейіпкеріміз балаларға деген қамқорлық ерекше екенін баса айтады.<blockquote>“Балалар бар жерде темегі шегуге болмайды. Тура осылай көлік ішінде бала болса, темекі шегуге тыйым салынған. Тіпті тәртіп бұзса, қамап тастауға дейін апаратын көрінеді.Мектептері өте жақсы. Балаларымыз сабаққа қуанып барады. Бірінші сыныптан бастап 12-сыныпқа дейін тамақтар тегін беріледі. Пандемия кезінде ата-анасы жұмыссыз қалған балаларға берген. Қазір 100% &nbsp;барлығына беріледі. Оқу ордасында арнайы форма жоқ. Балалар еркін киім үлгісінде сабаққа барады. Әркім өзіне ыңғайлысын киеді. Мұғалімдердің балаларға деген қамқорлығы да жоғары", – дейді төрт ұлдың әкесі Жасұлан мырза. &nbsp;</blockquote>Кемшін тұстары ретінде, отандасымыз Америкада қолдау жоқтығын айтады. Арнайы шетелдіктерге арналған бағдарламалар жоқ. Үй мен жұмыс табу әркімнің өз мәселесі екен.<blockquote>"Америкада бұған дейін екі рет болдым. Турист болып келу басқа. Миграция өте күрделі процесс. Ешбір туысқаннын жоқтығына дайын болу керек. Бізге үй табу қиын болды. Балаларымыз болғаннан кейін жақсы үй іздедік. Көліксіз мұнда жүру қиын. Қоғамдық көлік барлық жерде қалыптаспаған. Біз сияқты шеттен келгендерге тамақтары ұнамай жатады. Бізде ондай проблема болған жоқ. АҚШ мал бордақылаудан алдыңғы қатарлы елдердің бірі. Бірақ жылқының еті сатылмайды. Кейбір заттарды қылмыс ретінде көреді. Жылқыға адамның досы сияқты қарайды. Ит пен мысық қатарына жылқыны да жатқызады.Шеттен келгендерге ағылшын тілін оқуға мүмкіндік береді. Әйелім курсқа жазылып қойды. Бірақ үш жасар баламыз болған соң, үйден шыға алмай жатыр. Ағылшын тілін кішкентай баладан кәріге дейін тегін оқытады. Жарты жыл ағылшын тілін оқыса, ары қара арнайы мамандықтарға үйретеді екен. Тұрақты жұмыс болмаса, қажетті мамандықтарды оқуға болады. Америкада оқу қымбат. Ақылы түрде айына 500 доллардан төлеу керек", - дейді ол.</blockquote>Жасұлан мырза Американы теңгеге шаққанда өте қымбат екендігін айтады. Бір гамбургерді орташа есеппен 10 долларға есептесе, теңгемен 4800 теңге. Теңгеге шаққанда екі-үш есе баға шығатындығын есептеп көрді.<blockquote>"Жергілікті айлыққа шақсақ өте арзан. Қарапайым даяршылар айына үш-төрт мың доллар табады. Оның тамағына 20% ғана кетеді. Қымбат тамақтарды тұтынатын болса да осы. Тамақ жергілікті ақшамен өте арзан. Біз келмей тұрып, бір жыл бұрын одан да арзан болды. Пандемия, Украинадағы соғыс т.б. әлемдік экономикаға әсерін тигізді.Сол жағынан азық-түлік те аздап көтеріңкі. Кез келген дүниесін өз долларына шаққанда арзан. ТМД елдерінің проблемасы азаматтар табыстарының 50% азық-түлігіне жұмсайды. Бұл жақта орташа статистикамен 10% көрсеткіштен аспайды. Өзімізге алты адамға есептесем айына 10 доллар ғана кетеді", - дейді АҚШ-та тұратын жерлесіміз.</blockquote>Дегенмен Американы армандар орындалатын ел дейді. Барлық саласынан да алдыңғы орындардан үздіктерді иеленген. Бірақ кейбір салаларда Қазақстанның алға кетіп бара жатқандығын айтып қалды.<blockquote>"Қазақстанда "Электронды үкімет" порталы жұмыс істейді. Көп жағдайда телефонмен мемлекеттік қызметтерді пайдаланамыз. Бұл жақта кейбір салалар ондай емес. Көлік нөмерін онлайн түрде рәсімдей аламыз. Мұнда арнайы тапсырыспен пошта арқылы алғызамыз. Арасында осындай ескі бюрократиялық тұстары бар. Біздегі он жыл бұрынғы жағдай мұнда әлі де бар. Бірақ кейбір штаттар да жағдайды басқаша деп естігенмін.Ең бастысы әділдік үстем құрған. Бастысы саған адам ретінде қарайды. Ұлты, нәсілі, дініне бөліп жармайды. Барлық жерде адамдар тең құқылы. Біздің бір қазақ жігітті жолда полиция ұстаған. Ол сотқа беріп "жол ережелерін полиция қызметкері дұрыс білмейді, оны қайта оқытыңыздар" деген. Сот оның шешімін құптапты. Билік өкілі "полиция біздің азамат" деп бөліп қарамаған. Бастысы кімдікі дұрыс, соған баса мән береді. Әлеуметтік және заң жағынан да бәріміз қорғалғанбыз", - дейді ер азамат.</blockquote>Америкадағы отандасымыз қазақтардың мұнда жиі араласатындығын айтады. Бірақ Калифорнияда қазақтар көп емес екен. Сөзіне қарағанда бір жиналғанда 50 шақты қазақ басын қосады дейді.<blockquote>"Америкаға келгендер екі-үш жылдан кейін аяққа тұрып кетеді. Басында бәрі қиын. Жақын араласатын достарым көп. Жүк көлігін сатып алғанбыз. Ебін тапқандар екі-үшеуін қоса алған. Тәжірибем болмаған соң, тек қана жалға беремін. Әрбір жүк көлігіне ай сайын 300 доллардан төлейміз. Күн жылығыннан кейін жұмысымыз қызады. Жалға бергеннен көп табыс түспейді.&nbsp; Үй жалдауға 3300 долларды ай сайын төлейміз. Одан бөлек коммуналдық қызмет те бар. Теңгемен үйге бір миллион бес жүз елу мың болады екен. Сондықтан теңгемен есептемеуге тырысамыз. Әйтпесе көңіліміз түсіп кетеді. Америкада қай жерде мектеп жақсы болса, сол маңдағы үйлер қымбат. Өйткені балаларды тұрғылықты мекенжайсыз қабылдамайды. Кейбір аудандардан бір-екі бөлмені 2000 долларға да табуға болады. Біз балалардың қауіпсіздігі үшінде жақсы ауданнан алдық. Келесі жылы жақсы үйрене бастағанда, бюджеті аздауынан қараймыз", - дейді ол.</blockquote>Отандасымыз Американы мүмкіндіктер мекені дейді. Сөзінше, төменгі айлық сағатына 16-30 доллар шамасында екен."Бұл жақта адамдар уайымға салынбайды. Бастапқы кезде қорқыныш болды. Бірақ мұнда аяққа тұрып, адам болып кетуге көбірек жағдай жасалған. Бізде 20 жыл жүріп үйді әрең алсақ, бұл жақта төрт-бес жыл ішінде баспаналы болуыңыз мүмкін. Шымкенттік жігітіпен танысқанмын. Өзі Чикагода тұрады. Екі жарым жылдан кейін 450 мың долларға үй алған. Бұл тынбай еңбек етуінің арқасында.Бұл жақта туыстарды сағынасыз. Бізде уайымсыз өмір екен. Қасымызда жиі көретін жақын адамдар жоқ. Қазақстандағы диплом мен абырой, қоғамдағы орнымыз маңызсыз. Бәрін басынан бастауымыз керек. Өз ойым он жылдан кейін елге ораламын. Балаларымды осында жоғарғы оқу орнына түсірсем, басты арманым осы. Америкаға кеткендер қайтпайды дейді. Бірақ туған бауырларым мен әке-шешемнің қасына барғым келеді", – &nbsp;дейді АҚШ-тағы жерлесіміз. &nbsp;<figure class="image"><img src="https://knadmin.beoblood.kz/uploads/full_167213823629efe092d9fa37381cd8f792e1047d36_webp_932fa2ca24.webp" alt="full_167213823629efe092d9fa37381cd8f792e1047d36_webp.webp"></figure>&nbsp;<figure class="image"><img src="https://knadmin.beoblood.kz/uploads/full_1672138115c699a42cd91932bef99d7e2356130051_webp_cb20eb6abd.webp" alt="full_1672138115c699a42cd91932bef99d7e2356130051_webp.webp"></figure>

Қазақстан және Қызылорда облысының жаңалықтары