<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a>&nbsp; Қызылорда облысы кәсіпкерлер палатасының алаңында қала әкімі Асылбек Шәменов, «Азаматтарға арналған үкімет» КЕ АҚ Қызылорда облыстық филиалының директоры Аида Әбибуллаева, Палата директоры Пірмұхаммед Сыздықов кәсіпкерлердің жер қатынастарына қатысты құжаттарын рәсімдеуді оңтайландыру үшін үш жақты меморандумға қол қойды.
Шарада «Азаматтарға арналған үкімет» КЕ АҚ облыстық филиалының жақында тағайындалған директоры Аида Әбибуллаева жер телімдерінің рұқсат құжаттарын заңдастыруға қатысты кәсіпкерлердің өтініштерін қысқа мерзімде қарап, рәсімдеу үшін тиісті шаралар қабылдап жатқанын жеткізді.
<blockquote class="wp-block-quote">«Меморандум жасау туралы ұсыныс Аида Ибрагимқызынан түсті. Бұл қадам кәсіпкерлердің бизнес жобаларын жүзеге асыру мерзімін жақындатып, уақытын үнемдеуге мүмкіндік берері сөзсіз», – деді Палата директоры Пірмұхаммед Сыздықов.</blockquote>
Бұған дейін Палата кәсіпкерлік мақсаттағы жер, ғимарат құжаттарына қажетті рұқсат құжаттарын жеңілдету бағытында бірқатар мәселелерді көтеріп, шешу жолдарын тұрақты тиісті органдарға ұсынып келеді. Жергілікті әкімдіктермен бұл бағытта нәтижелі жұмыстар бар.
Шарада «Азаматтарғаарналғанүкімет» КЕ АҚ облыстық филиалының директоры Аида Әбибуллаева жер телімдерінің рұқсат құжаттарын заңдастыруға қатысты кәсіпкерлердің өтініштерін қысқа мерзімде қарап, рәсімдеу үшін тиісті шаралар қабылдап жатқанын жеткізді.
<blockquote class="wp-block-quote">«Бүгінгі күнге дейін жерді заңдастыру үшін қажетті құжаттардың бірі жерге орналастыру жобасы 30 жұмыс күні ішінде дайындалып келсе, ендігі жерде 15 күнтізбелік күн ішінде әзірлеп береміз. Ал, жер-кадастрлық жоспар 10 жұмыс күні ішінде дайындалса, оны 7 жұмыс күнге қысқартамыз. Кейін бұл жұмыстар бір жүйеге келген соң, мерзімді одан да қысқа мерзімге азайту мәселесін қараймыз. Сонымен қатар, алдағы уақытта кәсіпкердің сенімхаты негізінде жергілікті атқарушы органдарға берілетін өтінішінен бастап, қабылданған түпкілікті құжатын тіркеуге дейін қызметті көрсетуді жоспарлап отырмыз. Бұл ретте филиалдың қызметі жауапкершілік, жалпыға тиімділік, жүйелілік және жеделдік қағидаттарын негізге аламыз», &#8212; деді Аида Әбибуллаева.</blockquote>
Атап айтқанда, Қызылорда қаласы әкімдігі жер телімдерінің нысаналы мақсатын өзгертіп, кәсіпкерлік нысанын заңға сәйкес құжаттандырғысы келетін азаматтарға Жер Кодексінің 49-бабын басшылыққа алып, бөліп төлеуге мүмкіндік беріп жатыр.&nbsp;
Бұл қадам бірқатар оң нәтиже береді. Жер телімін сатып алу-сатудан түсетін бюджетке кіріс ұлғаяды, нысаналы мақсаты кәсіпкерлікке ауысқаннан кейін, бюджетке түсетін жер салығының көлемі артады, жер телімімен бірге үстіндегі ғимараттың да бағалау құны артып, мүлік салығынан түсетін кіріс көлемі артады, кадастрлық құнды төлеу үшін пайызбен несие алу көлемі төмендейді, облыс көлемінде заңсыз құрылыстар қатары төмендейді.
Бизнес өкілдері жер телімдеріне қатысты мәселемен кездескен жағдайда Қызылорда облысы кәсіпкерлер палатасына хабарласа алады. Мекен-жайы: Қызылорда қаласы, Қорқыт ата 123, «Бизнеске арналған үкімет» ғимараты. Байланыс нөмірі 8 /7242/ 40-09-81.
<div class="wp-block-image"><figure class="aligncenter size-full"><img loading="lazy" width="1280" height="687" src="https://kyzylorda-news.kz/wp-content/uploads/2022/09/whatsapp-image-2022-09-28-at-16.33.12.jpeg" alt="" class="wp-image-167943" srcset="https://kyzylorda-news.kz/wp-content/uploads/2022/09/whatsapp-image-2022-09-28-at-16.33.12.jpeg 1280w, https://kyzylorda-news.kz/wp-content/uploads/2022/09/whatsapp-image-2022-09-28-at-16.33.12-768x412.jpeg 768w" sizes="(max-width: 1280px) 100vw, 1280px" /></figure></div>

Қызылордада құжаттарды рәсімдеуді оңтайландыруға қатысты меморандум жасалды

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Қызылорда облысы кәсіпкерлер палатасы Өңірлік кеңесінің отырысында «Атамекен» ҰКП-ның X съезіне қатысатын делегаттар дауыс беру арқылы анықталды.
Өңірлік кеңес мүшелерінің дауыс беруімен съезге 7 делегат сайланып, 2-уі резервке қойылды.
Съезге қатысатын кәсіпкерлер: Өңірлік кеңес төрағасы Ерлан Раимов, кеңес мүшелері Жаңабай Бекішев, Нұрлан Іздібаев, Раушан Базарбай, Болат Нұрхожаев, Бейбітәлі Тілеулиев, Наталья Мишукова.
Кеңес төрағасы Ерлан Раимов шараның маңыздылығына тоқталып өтті.
<blockquote class="wp-block-quote">«Жыл басында «Атамекенге» трансформация жасалатыны айтылды. Оны талқылауға арналған отырыстарға қызылордалық кәсіпкерлер де қатысып, ұсыныс-пікірлерімізді бердік. Нәтижесін ертең съезде көреміз. Бұдан өзге, қазір Ұлттық палата жүйелі проблемаларға басымдық беріп, жан-жақты зерттеп жатыр. Оны жақында жарияланған Жолдауда өздеріңіз де көрдіңіздер. Кәсіпкерлердің айтуымен, Палата көтерген бастама қабылданып, салық кодексі жаңадан жазылатын болды. Жалпы «Атамекен» бизнестің алдындағы негізгі міндетін орындап келеді. Рас, соңғы уақытта орын алып жатқан өзгерістерге сай Ұлттық палата жұмысына да тың серпін керек. Съезде осы жағынан да жақсы жаңалықтар болады деп күтеміз», – деді Ерлан Раимов.</blockquote>
Атап өту керек, 4 қараша күні Астана қаласында, офлайн өтетін съезде Абай, Жетісу, Ұлытау облыстарының өңірлік палаталарын құру, өңірлік кәсіпкерлер кеңесінің сандық құрамын айқындау, ҰКП-ның өткен жылғы қызметінің есебі, реформалауға қатысты қабылданып жатқан шаралар мен өзге де мәселелер талқыланып, қаралады деп жоспарланып отыр.
«Атамекен» қазір саладағы мәселелерді зерттеп, проблемасына, шешу жолдарына жүргізген талдауларын кәсіпкерлердің көріп, таныс болуы үшін телеграмнан арнайы канал ашты.
Кәсіпкерлердің аталған <a href="https://t.me/nppanalytics" target="_blank" rel="noreferrer noopener">каналда</a> оқып, танысып қана қоймай, пікір білдіруге, ұсыныс жасауға мүмкіндіктері бар.

«Атамекеннің» съезіне Қызылорда облысынан 7 делегат қатысады

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz</a><a rel="noreferrer noopener" href="https://kyzylorda-news.kz/" target="_blank">.</a> Бүгін «AMANAT» партиясы «Теміржол» филиалына қарасты «Қызылорда магистральдық желі бөлімшесі» бастауыш партия ұйымы жиналысы өтіп, онда партияның Саяси тұғырнамасының жобасы талқыланды.
Жиынды ашқан бастауыш ұйым төрағасы Ибрагим Басықараев «AMANAT»- қоғам мен мемлекет игілігі үшін барлық жауапкершілікті өз мойынына алып, жұмыс істеп келе жатқан партия екенін тілге тиек етіп, осы орайда қара бастың қамы емес, мемлекеттің, ұлттың келешегі мен қауіпсіздігі үшін өзінің Саяси Тұғырнамасы жобасын әзірлеп, қоғам талқысына салып отырғандығын жеткізді.
Жиында бастауыш ұйым мүшелері саяси құжаттың әрбір бағытының маңыздылығына тоқталды.
Мәселен жарыссөзге шығып, өз ойын жетікізген партия мүшесі Алмас Ұзақбайұлы партия әрбір азаматтың болашағына еш алаңдамай өмір сүруі үшін кешенді жоба әзірлеп отырғанын жеткізді.
<blockquote class="wp-block-quote">««AMANAT» партиясы әрқашан қоғамдық-саяси үдерістердің бел ортасында жүр. Біз түрлі көзқарастар мен ой-пікірлердің тоғысатын, үндесетін алаңымыз. Біздің партия әр адамның құқығы мен бостандығын қорғайды. Бүгінгі талқыға түсіп отырған Тұғырнама жобасында әрбір адамның лайықты білім мен медициналық көмек алуы, жеке қауіпсіздігінің қорғалуы, жайлы үйде тұруына дейінгі халықтың көкейіндегі мәселелер қамтылып отыр»,-деді Алмас Ұзақбайұлы.</blockquote>
Ал бастауыш ұйым мүшесі Сабыр Бимухамедов Тұғырнамадағы отбасы институты беделін көтеруге, сонымен қатар, ана тіліміздің қолданыс аясын кеңейтуге күш салынатындығы қатты қуантып отырғанын айтты.
Жиынға партияның «Теміржол» филиалының Атқарушы хатшысы, республикалық саяси кеңес мүшесі Базара Танбаева, Магистральді желі бөлімшесі Ардагерлер кеңесінің төрағасы, сала әрі партия ардагері Сейсенбі Шермаханов қатысып, маңызды құжаттың ел игілігіне қызмет ететіндігіне сенім білдірді.
Жиын соңында күн тәртібіне сәйкес «Теміржол» партия филиалының кезектен тыс XXV конференциясына делегаттар сайланды.

Тұғырнама толық қолдауға лайық

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> «Евразия» спорт кешенінде Ұлттық Қауіпсіздік Органдарының 30 жылдығына арналған Қызылорда облысының күштік құрылымдар командалары арасында қазақ күресінен жарыс өтті.
Финалда Қызылорда облысы полиция департаментінің балуандары Қызылорда облысы бойынша Ұлттық қауіпсіздік департаментінің командасын 3:2 есебімен ұтып, облысымызда алғаш рет ұйымдастырылып отырған командалық жарысының жеңімпазы атанды.
Жеті команда қатысқан бұл жарыста біздің қызметкерлер өз тобында Шекара қызметі, №5547 Ұлттық ұлан әскери бөлім, Мамандандырылған күзет қызметі командаларын айқын басымдылықпен ұтып финалға шыққан. Ұлттық қауіпсіздік департаменті балуандары өз тобында Облыстық Сот пен төтенше жағдайлар департаменті командаларын жеңіп шыққан.
Команда құрамындағы қызметкерлер оқу-жаттығу взводының инспекторлары полиция майоры Қайрат Жалғасбаев 74 келі, полиция капитаны Ержан Абдуллаев 100 келі және Жылдам қимылдайтын арнайы жасақ қызметкерлері полиция капитаны Алмат Тайбағаров 90 келі, полиция аға лейтенанты Алтынбек Тұрмаханов 82 келі, полиция лейтенанты Нұрсұлтан Қарамергенов 66 келі.
<blockquote class="wp-block-quote">«Департамент спортшыларының шеберлігі мен кәсіби деңгейі полицияның мерейінің үстем болуына айрықша ықпал етуде. Келешекте де спортшылар департаменттің намысын биікке көтереді деген сенімдемін. Сіздерге зор денсаулық, отбасыларыңызға бақ-береке тілеймін! Спортта биік белестерді тілектестік білдіремін», &#8212; деп атап өтті Қызылорда облысы полиция департаментінің бастығы Мұхтар Қожабаев.</blockquote>
<div class="wp-block-image"><figure class="aligncenter size-full"><img loading="lazy" width="1871" height="865" src="https://kyzylorda-news.kz/wp-content/uploads/2022/09/bezymjannyj-3.jpg" alt="" class="wp-image-167906" srcset="https://kyzylorda-news.kz/wp-content/uploads/2022/09/bezymjannyj-3.jpg 1871w, https://kyzylorda-news.kz/wp-content/uploads/2022/09/bezymjannyj-3-768x355.jpg 768w, https://kyzylorda-news.kz/wp-content/uploads/2022/09/bezymjannyj-3-1536x710.jpg 1536w" sizes="(max-width: 1871px) 100vw, 1871px" /></figure></div>

Қызылорда облыстық полиция департаментінің бастығы жеңімпаз палуандарды құттықтады

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> ҚР ІІМ ҚАЖ комитеті төрағасының орынбасары, әділет полковнигі Дамир Тайжанов жұмыс сапарымен&nbsp; Қызылорда&nbsp; облысы бойынша ҚАЖ департаментіне келді.
Дамир Ануарбекұлы өңірге жасаған жұмыс сапары барысында алдымен ҚАЖ мекемелерін, ондағы тұрғын үй-жайларды, асханаларды, өндірістік аймақтарды, сондай-ақ медициналық бөлімдерді аралап шықты.
Қазіргі таңда Қызылорда облысы бойынша ҚАЖ департаментіне қарасты №60 мекеменің өндірістік аймағында 13 жеке кәсіпкер өз кәсібін ашқан. Атап айтар болса, тротурар плиталары, құм блогы, газоблок, ағаштан жасалған қолөнер бұйымдары және гипстен жасалған ойыншықтар шығарылады. Сонымен қатар тігін цехында мұнай-газ өндірісінде жұмыс істейтін қызметкерлерге арнайы киімдер тігілуде.
Мекемелерді аралау барысында тергеу изоляторы мен түзеу мекемелеріндегі&nbsp; сотталғандардың&nbsp; арыз-шағымдарын, өтініштерін саусақ таңбасының көмегімен өкілетті органға жөнелтілетін электронды терминалдардың жұмыс барысымен танысып, бейнебақылау жүйелерімен толықтай қамтамасыз ету жөніндегі жұмыстарға ерекше назар аударып,&nbsp;&nbsp; сотталғандардың ұсталу жағдайымен олардың құқықтарының сақталуы жөнінде бірқатар тапсырмалар берді. Сонымен қатар,&nbsp; жауаптыларға сотталғандар еңбек ететін жұмыс орындарын құру үшін жеке кәсіпкерлерді мекеменің өндірістік аймағына тарту бойынша жұмыстарды тұрақты түрде жалғастыруды тапсырды.
Сонымен қатар, Д.Тайжанов арнайы контингенттің өтініштері мен арыздарын беру үшін арналған терминалдардың жұмысын тексерді.
Жұмыс сапарының қорытындысы бойынша Д.Тайжанов ҚАЖ өңірлік департаментінің басшылығымен және жеке құрам қызметшілерімен кездесу өткізіп, ҚР Президенті Қ. Тоқаевтың Жолдауына сәйкес мекемелерде жаппай бейнебақылау орнату, сотталғандардың ұстау режимін қолдау бойынша бірқатар нақты тапсырмалар берді, сондай-ақ сотталғандардың құқықтарын мүлтіксіз сақтауға ерекше назар аударылды.
<div class="wp-block-image"><figure class="aligncenter size-full"><img loading="lazy" width="1040" height="780" src="https://kyzylorda-news.kz/wp-content/uploads/2022/09/whatsapp-image-2022-09-28-at-10.18.31.jpeg" alt="" class="wp-image-167894" srcset="https://kyzylorda-news.kz/wp-content/uploads/2022/09/whatsapp-image-2022-09-28-at-10.18.31.jpeg 1040w, https://kyzylorda-news.kz/wp-content/uploads/2022/09/whatsapp-image-2022-09-28-at-10.18.31-768x576.jpeg 768w" sizes="(max-width: 1040px) 100vw, 1040px" /></figure></div>
<div class="wp-block-image"><figure class="aligncenter size-full"><img loading="lazy" width="1040" height="780" src="https://kyzylorda-news.kz/wp-content/uploads/2022/09/whatsapp-image-2022-09-28-at-10.19.40.jpeg" alt="" class="wp-image-167896" srcset="https://kyzylorda-news.kz/wp-content/uploads/2022/09/whatsapp-image-2022-09-28-at-10.19.40.jpeg 1040w, https://kyzylorda-news.kz/wp-content/uploads/2022/09/whatsapp-image-2022-09-28-at-10.19.40-768x576.jpeg 768w" sizes="(max-width: 1040px) 100vw, 1040px" /></figure></div>

ҚАЖ комитеті төрағасының орынбасары жұмыс сапарымен Қызылордаға келді

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> «Жас сарбаз» әскери-патриоттық қозғалысы Қызылорда облыстық филиалының тәрбиеленушілеріне «Егеменді ел қорғаны – жастар» атты ерлік сабағы өтті.
Жастар ресурстық орталығының мәжіліс залында өткен шараға Қызылорда облысының қорғаныс істері жөніндегі департаменті бастығының орынбасары подполковник Алмат Жақыпов, «Ардагерлер одағының «Тәжік-Ауған шекарасында жауынгерлік қимылдарға және әскери қақтығыстарға қатысушылардың» республикалық қоғамдық бірлестігі облыстық филиалының төрағасы Марат Орынбайұлы мен Тәжік-Ауған соғысының ардагері Жандос Әлімбетов қатысты.
Ерлік сабағының мақсаты әскери-патриоттық қозғалыс тәрбиеленушілерінің туған еліне, жеріне, Қазақстанның Қарулы күштеріне деген патриоттық сезімін қалыптастыру болып отыр.
Шара барысында патриотизм мен ұлтжандылық тақырыптары сөз болды. Қарулы күштердің 30 жылдық тарихы мен қазақ әскерінің қазіргі уақыттағы жетістіктері айтылды. Ерлікке бағдар болған сабақ барысында жас сарбаздықтар ардагерлер мен әскери қызметшілер тарапынан ойларындағы барлық сұрақтарына жауап алды.
<blockquote class="wp-block-quote">«Жас сарбаз тәрбиеленушілерімен өткен кездесуді маңызды деп ойлаймын. Жастарға жігер, қайрат беретін осындай шаралар еліміздің болашағы үшін ауадай қажет. Ерлік сабағында жастарға әрбір азаматтың Отан алдындағы міндеттерін түсіндірдік, – деді «Жас сарбаз» жасөспірімдер әскери-патриоттық қозғалысы Қызылорда облыстық филиалының төрағасы Әкімжан Төлебай.</blockquote>
Жас патриоттар шараға қатысушы ардагерлер мен әскери қызметшілерге алғысын білдірді.
<div class="wp-block-image"><figure class="aligncenter size-full"><img loading="lazy" width="960" height="548" src="https://kyzylorda-news.kz/wp-content/uploads/2022/09/309051384_588425839648218_6051152270409116935_n.jpg" alt="" class="wp-image-167889" srcset="https://kyzylorda-news.kz/wp-content/uploads/2022/09/309051384_588425839648218_6051152270409116935_n.jpg 960w, https://kyzylorda-news.kz/wp-content/uploads/2022/09/309051384_588425839648218_6051152270409116935_n-768x438.jpg 768w" sizes="(max-width: 960px) 100vw, 960px" /></figure></div>

Әскери қызметшілер жастармен кездесті

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Қызылорда қаласында Серік Дүйсенбаевтың төрағалығымен Қоғамдық кеңестің кезекті отырысы өтті. 
Кеңес отырысына ҚР мемлекеттік қызмет істері агенттігінің Қызылорда облысы бойынша департаментінің мемлекеттік қызметтер басқармасының басшысы Ғ.Ілкібаев, тиісті қалалық дербес бөлім басшылары, қалалық Полиция басқармасының өкілі қатысты.
Отырыстың күн тәртібіне сәйкес 2 мәселе қаралып жан-жақты талқыланды.
Атап айтқанда, бірінші «Қалалық жер қатынастары бөлімімен көрсетілетін мемлекеттік қызметтер бойынша биылғы жылдың 8 айында атқарылған жұмыстары туралы» мәселесі бойынша кеңес мүшелері тарапынан игерілмеген жайылым жерлерді мемлекет меншігіне қайтару, әрі қарай мұқтаж, ауыл тұрғындарына пайдалануға беруге жер мәселесіне қатысты заңға өзгерістер енгізу қажеттілігінің туындауына байланысты ұсыныстарын білдірді.
Екінші «Қала аумағында жол қозғалыс қауіпсіздігін сақтау жөніндегі шаралар туралы» мәселесі бойынша кеңес мүшелері тарапынан «Универсам» аялдамасының көлік қозғалысына кептелістер келтіруіне байланысты тиісті шаралар қабылдау ұсынылды.
Қала көшелеріндегі «Арқан», «Сергек» бейнекамераларының тұрақты жұмыс жасауын қадағалау және санын көбейту, бюджет қаражатын тиімді пайдалану мақсатында жол белгілерінің нақты қажеттілігіне байланысты орнату тапсырылды.
Күз-көктем мезгілдерінде еріген қар мен жаңбырдың әсерінен қала көшелерінде жиналған сулар уақытылы тазартылмай, әсіресе тұрғындардың аялдамаларда қоғамдық көлікке отыруға қиындықтар туындайды. Осыған орай, жол жөндеу жұмыстарын жүргізу барысында лас сулардың арнайы арық жүйелеріне ағуын қамтамасыз ету тетігін ойластыру, сондай-ақ арнайы қондырғылармен лас суларды тарту жұмыстарын уақытылы жүргізу тапсырылды.
<div class="wp-block-image"><figure class="aligncenter size-full"><img loading="lazy" width="2048" height="1365" src="https://kyzylorda-news.kz/wp-content/uploads/2022/09/309581795_1461035924418554_5497786793945883317_n.jpg" alt="" class="wp-image-167883" srcset="https://kyzylorda-news.kz/wp-content/uploads/2022/09/309581795_1461035924418554_5497786793945883317_n.jpg 2048w, https://kyzylorda-news.kz/wp-content/uploads/2022/09/309581795_1461035924418554_5497786793945883317_n-768x512.jpg 768w, https://kyzylorda-news.kz/wp-content/uploads/2022/09/309581795_1461035924418554_5497786793945883317_n-1536x1024.jpg 1536w" sizes="(max-width: 2048px) 100vw, 2048px" /></figure></div>

Қызылордада қоғамдық кеңестің кезекті отырысы өтті

<a href="https://kyzylorda-news.kz/">Kyzylorda-news.kz.</a> Қызылорда облыстық білім басқармасының бастамасымен «Балалар жылына» орай Жаңақорған аграрлы-техникалық колледжі Түгіскен ауылдық округінде «Дала күні» шарасын ұйымдастырды.Шараның мақсаты – білім алушыларды жаңа техникалармен таныстырып, теорияны тәжірибемен ұштастыру.Қызылорда облыстық білім басқармасының хабарлауынша, шарада ауылшаруашылығы мамандықтары бойынша білім алып жатқан студенттер егін жинау процесіне қатысып, саланың қыр-сырына қанықты. Олар тек егістің жиналуын тамашалап ғана қоймай, сондай-ақ комбайнның құрылысымен танысты. Сонымен қатар студенттер зауыт ішінде күріштің ақталуынан бастап, қапталуына дейінгі процесті көрді. Одан әрі қапталған күрішті жинап, диқандарға көмектесті. Одан әрі оқу орынның әлеуметтік серіктестері мен жұмыс берушілер студенттермен тілдесіп, саладағы бірқатар ауқымды жұмыстары мен тың жобаларын сөз етті.&nbsp;«Дамир С» шаруа қожалығы, «Санжар Мырзахан», «Дәулет Абдуллаев» жеке қожалық иелері жас мамандардың қызықтырған сауалдарына жауап беріп, сәттілік тіледі. Студенттер де өз кезегінде шаруашылық басшылары мен жұмысшыларына алғыстарын білдірді.<figure class="image"><img src="https://knadmin.beoblood.kz/uploads/rr_41d8736287.jpg" alt="рр.jpg"></figure><img src="https://kyzylorda-news.kz/wp-content/uploads/2022/09/bezymjannyj-4.png" alt="" srcset="https://kyzylorda-news.kz/wp-content/uploads/2022/09/bezymjannyj-4.png 1463w, https://kyzylorda-news.kz/wp-content/uploads/2022/09/bezymjannyj-4-768x423.png 768w" sizes="(max-width: 1463px) 100vw, 1463px" width="1463" loading="lazy">

Тәжірибе: Қызылордада жас мамандар егіс алқабында болды

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Қызылорда қаласы, Достық үйінде облыс әкімінің орынбасары Нұрымбет Сақтағановтың қатысуымен Еңбек күніне арналған «Еңбек – елдің мұраты» тақырыбындағы дөңгелек үстел өтті.
Қазақстан Республикасы Президентінің 2013 жылғы 22 қарашадағы Жарлығымен жұмысшы мамандықтарына құрмет көрсету дәстүрлерін жаңғырту және ерте жастан еңбектің маңыздылығын түсіну мақсатында қыркүйектің соңғы жексенбісі «Еңбек күні» болып бекітілді.
Содан бері айтулы мереке елімізде тоғызыншы рет аталып өткелі отыр. Кәсіби мерекені тойлаудағы мақсат – жастарды еңбекке үйрету, еңбекпен есімі еленген жандарды көпке үлгі ете отырып, беделін арттыру болып табылады. Сонымен қатар, жұмысшы кәсіптерін танымал қылып, жастарды өндіріс саласына тарту басты назардан тыс қалмауы қажет.
Мемлекет басшысы Қ.К. Тоқаев 1 қыркүйектегі халыққа Жолдауында: «Қуатты ұлттың діңгегі – халық. Ең бастысы, азаматтарымыздың денсаулығы мықты, білімі терең болуы керек. Кәсібилік пен еңбекқорлық қоғамымызда ең жоғары орында тұруы қажет. Елімізде еңбекқор адам, кәсіби маман ең сыйлы адам болуға тиіс», &#8212; дегені белгілі.
Облыс әкімінің орынбасары Нұрымбет Сақтағанов алғы сөзінде жиналғандарды Еңбек күнімен құттықтап, бұл мереке адал еңбегімен еліміздің дамуы мен өркендеуіне өлшеусіз үлес қосып жүрген еңбеккерлерге көрсетілген құрметтің көрінісі екендігін атап өтті.
Дөңгелек үстел барысында «Облыстық кәсіподақтар орталығы» аумақтық кәсіподақтар бірлестігінің төрағасы Мақсұт Нәлібаев жұмыскерлердің әлеуметтік-экономикалық және заңды еңбек құқықтарының бұзылмауын, еңбек қауіпсіздігінің заң аясында сақталуын қадағалаудағы кәсіподақтарға жүктелген ерекше міндет жайлы хабарлама жасаса, Ардагерлер ұйымының Қызылорда облысы бойынша бірлестігінің төрағасы Серік Дүйсенбаев және еңбек ардагері Қ. Шапшанов өз ұсыныс-пікірлерімен бөлісті.
Шара аясында «Абай Дәулет» ЖШС және «HY Oil Technology Service (ЭйчУай мұнай-технологиялық қызмет)» ЖШС кәсіпорындарымен еңбек ұжымдарындағы әлеуметтік-еңбек жағдайын және өндірістік процестерді тұрақтандыру, жұмыскерлердің еңбек құқықтарын және жұмысқа орналасуын қамтамасыз ету мәселелері бойынша өзара түсіністік және ынтымақтастық туралы меморандумға қол қойылды.
Шара соңында Еңбек күніне орай еселі еңбек етіп, ел алғысына бөленіп жүрген бір топ азаматқа облыс әкімдігінің және кәсіподақтар орталығы атынан төсбелгілер мен алғыс хаттар табысталды.
<div class="wp-block-image"><figure class="aligncenter size-full"><img loading="lazy" width="960" height="636" src="https://kyzylorda-news.kz/wp-content/uploads/2022/09/308605895_408186748167223_3417699969825918106_n.jpg" alt="" class="wp-image-167859" srcset="https://kyzylorda-news.kz/wp-content/uploads/2022/09/308605895_408186748167223_3417699969825918106_n.jpg 960w, https://kyzylorda-news.kz/wp-content/uploads/2022/09/308605895_408186748167223_3417699969825918106_n-768x509.jpg 768w" sizes="(max-width: 960px) 100vw, 960px" /></figure></div>
<figure class="wp-block-image"><img/></figure>
<figure class="wp-block-image"><img/></figure>

«Еңбек – елдің мұраты» тақырыбындағы дөңгелек үстел өтті

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Бүгін танымал қазақ жазушылары Мұхтар Әузовтің, Шерхан Мұртаза мен Оралхан Бөкейдің туған күні деп хабарлайды <a href="https://www.inform.kz/kz">ҚазАқпарат</a>.
«Абай жолы» роман-эпопеясы арқылы қазақтың бас ақынына қара сөзбен мәңгілік ескерткіш орнатқан Мұхтар Әуезов 1897 жылы 28 қыркүйек күні бұрынғы Семей уезі, Шыңғыс болысындағы Қасқабұлақ деген жерде дүниеге келген.
Бала күнінде Семей қаласындағы медреседе, кейін бес кластық орыс мектебінде, 1915–1919 жылдары мұғалімдер семинариясында білім алған.
1917 жылы семинарияда оқып жүрген кезінде халық аңызы бойынша «Еңлік–Кебек» пьесасын жазады. Ал 1921 жылы жазылған «Қорғансыздың күні» атты алғашқы әңгімесімен әдебиетке түбегейлі бет бұрды.
Семейде, Орынборда әр түрлі қызмет істей жүріп, Алаш партиясының көсемдері Әлихан Бөкейханов, Ахмет Байтұрсынов, Міржақып Дулатов сияқты қазақ қайраткерлерімен жақын араласып, «Абай» журналын шығаруға атсалысады.
1923–1926 жылдары «Оқыған азамат», «Қыр суреттері», «Үйлену», «Ескілік көлеңкесінде», «Кінәмшіл бойжеткен», «Қаралы сұлу» әңгімелерін жазады.
1923–1928 жылдары Ленинград университетінде оқып, тіл мен әдебиет факультетін бітіреді. Одан кейін Ташкентте Орта Азия мемлекеттік университетінің аспирантурасында шығыс фольклоры бойынша білім алады. Ленинградта (қазіргі СанктПетербург) оқыған соңғы жылында қайраткер Тұрар Рысқұловтың әкесі Рысқұл туралы «Қараш-Қараш» атты тарихи повесть жазды. Қазақ киносының жауһарларының бірі саналатын «Көксерек» фильмінің сценариіне арқау болған әйгілі повесть те осы кезде жазылды.
Ауызша жеткен аңыздарға сүйенсек, Мұхтар Әузовтің саяси қызметтен бас тартып, ғылымға табанды түрде бет бұруына Ахмет Байтұрсынұлының «ел ертеңі үшін басыңды аман алып қал» деген кеңесі түрткі болған көрінеді. Соған қарамастан, аңдуда болып, 1930–1932 жылдары қамауға алынды, тұтқыннан құтылу үшін ашық хат жазуға мәжбүр болды.
Жазушы әйгілі «Абай жолы» роман-эпопеясын 15 жыл бойы жазған деген дерек бар. Төрт томдық туынды 1959 жылы сол кездегі ең үлкен марапат – Лениндік сыйлыққа ие болды. Қазіргі таңда «Абай жолы» 30-данастам тілге аударылған.
Ғалымдығын айтсақ, абайтану ғылымының негізін қалап, көп томды «Қазақ әдебиеті тарихының» қазақ фольклорына арналған томының (1960) негізгі авторы және редакторы болды. Қырғыздың «Манас» эпосы туралы монография жазды.
Мұхтар Әуезов бастап, кейін аяқсыз қалған Рысқұловтар әулетінің басындағы күрескерлік тарихты кейін тағы бір көрнекті жазушы Шерхан Мұртаза жазып жалғастырды.
«Міне, Сіз 60 деген асуға шықтыңыз, төменге қараңызшы, Аға, мен көрінем бе екен?». Бұл – Оралхан Бөкейдің осыдан 30 жыл бұрын Шерхан Мұртазаға жазған құттықтау хатының үзіндісі. Қазақ әдебиетінің Оралхан Бөкей, Фариза Оңғарсынова, Ақселеу Сейдімбек, Мұхтар Шаханов, Дидахмет Әшімхан, Темірхан Медетбек сияқты тың есімдермен толығуына, қазақ журналистикасының әдебиеттен ірге ажыратып, дербес сала ретінде дамуына жол ашқан Шерхан Мұртазаның туғанына биыл 90 жыл толып отыр.
Мемлекет қайраткері Тұрар Рысқұлов пен әкесі Рысқұлдың бейнесін көркем әдебиетке арқау еткен «Қызыл жебе», «Жұлдыз көпір», «Тамұқ» романдарының авторы қазақ драматургиясын «Сталинге хат», «Бесеудің хаты», «Бесінші бұрыш» пьесаларымен байытты.
Шерхан Мұртаза 1932 жылдың 28 қыркүйегінде, Жамбыл облысы, Жуалы ауданы, Талапты ауылында дүниеге келген. Өмірден 2018 жылдың 8 қазанында, Алматы қаласында өтті.
Болашақ жазушы 1955 жылы М.В. Ломоносов атындағы Мәскеу мемлекеттік университетін бітіреді.
1955 — 56 жылдары Қазақ мемлекет көркем әдебиет баспасында, 1956 — 60 жылдары қазіргі «Жас алаш» газетінде, 1960 — 63 жылы қазіргі «Егемен Қазақстан» газетінде тілші, әдеби қызметкер, редактор болып жұмыс істеді. 1970 — 72 жылдары «Жазушы» баспасы жанындағы Балалар мен жастар әдебиеті бас редакциясының және «Жалын» альманахының бас редакторы, 1972 — 75 жылдары «Жұлдыз» журналының бас редакторы, 1975 — 80 жылдары Қазақстан Жазушылар одағы басқармасының 2-хатшысы, 1980 — 89 жылы «Қазақ әдебиеті» газетінің бас редакторы, 1989 — 92 жылдары «Егемен Қазақстан» газетінің бас редакторы, 1 «Қазақстан» мемлекеттік телерадиокомпаниясының төрағасы қызметтерін атқарды.
Сондай-ақ, Ұлттық саясат, мәдениет және тілді дамыту жөніндегі комитет мүшесі, Мәдениет, баспа, бұқаралық ақпарат құралдары, қоғамдық бірлестіктер жөніндегі комитет мүшесі, Мәдениет, баспа, бұқаралық ақпарат құралдары, қоғамдық бірлестіктер жөніндегі комитеттің мәдениет, әдебиет және өнер бөлімдік комитетінің төрағасы сияқты қоғамдық қызметтерді қатар алып жүрді.
1990-1993 жылдары ҚазКСР Халық депутаты, 1994-1995 жылдары ҚР Жоғарғы Кеңесінің, 1999-2004 жылдары ҚР Парламенті Мәжілісінің 2-ші шақырылым депутаты болды.
Шерхан Мұртаза «Лениншіл жас (қазіргі «Жас Алаш»), «Егемен Қазақстан, «Қазақ әдебиеті» газеттерін басқарып тұрған кезеңде қазақ журналистикасына талай танымал есім келіп, республикалық басылымдардың оқырман саны артты. Осының бәрін «Шерханның шекпенінен» шыққан шәкірттері жазушының есімімен байланыстырып жүр.
Сол «Шерханның шекпенінен» шыққан танымал есімдердің бірі – Оралхан Бөкей. Бүгін оның дүниеге келгеніне 79 жыл толып отыр.
Алтай жыршысының жазғы таңдай жарқ етіп өткен өмірі ұлы арман ауылда оқымай қалған адамды да шыңға шығарып, қол жетпестей көрген білім теңізіне жолдама алып беретінін көрсетіп тұр.
Қазақстан, Моңғолия, Қытай, Ресей шекарасының түйіскен тұсын кезінде түгелдей қазақ мекен еткенін, бұл мекен түркілердің түп қонысы екенін қара сөздің құдыретімен дәлелдеуге өмірін сарп еткен қаламгердің «Айпара ана», «Зымырайды пойыздар», «Атаукере», «Мұзтау» сияқты сүйекті шығармаларында көтерген проблемалар қазақ қоғамында әлі де өзектілігін жойған жоқ.
Оралхан Бөкей 1943 жылы 28 қыркүйекте Шығыс Қазақстан облысы Катонқарағай ауданы Шыңғыстай ауылында дүниеге келді.
Ол 1961 жылы Сұлтанмахмұт Торайғыров атындағы Шыңғыстай орта мектебін тәмамдап, аға пионер вожатый және Алтай совхозында тракторшы болып жұмыс істеген. 1963-1969 жылдары Оралхан Бөкей С.М.Киров атындағы Қазақ мемлекеттік университетінің журналистика факультетінде сырттай оқыды.
1965-1968 жылдары ол сол кездегі Большенарым ауданының «Еңбек туы» газетінде корректор, аудармашы, редактордың орынбасары, Шығыс Қазақстан облысының «Коммунизм туы» (қазір «Дидар») газетінде әдеби қызметкер болды.
1968 жылы республикалық «Лениншіл жас» («Жас Алаш») газетіне Шерхан Мұртазаның шақыруы бойынша келеді. Оның қаламы қарымды журналист, шебер жазушы болып қалыптасуына Шерхан Мұртазаның ағалык қамқорлығы ерекше әсер еткенін замандастары да жиі айтады.
1974-1983 жылдары Оралхан Бөкей «Жұлдыз» журналының проза бөлімінің меңгерушісі, 1983-1991 жылдары «Қазақ әдебиеті» газетінде редактордың орынбасары, 1991-1993 жылдары бас редакторы болды.
Жазушы 1993 жылы 17 мамырда Үндістанда іссапарда жүріп қайтыс болды.

Бүгін – Мұхтар Әуезовтің туғанына 125, Шерхан Мұртазаның туғанына 90 жыл толды

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Өткен тәулікте коронавирус инфекциясын жұқтырған 89 жағдай тіркелді.
Оның ішінде: 
Астана қаласында &#8212; 18, 
Алматы қаласында &#8212; 13, 
Шымкент қаласында – 2, 
Ақмола облысында – 17, 
Ақтөбе облысында – 5, 
Атырау облысында &#8212; 1, 
Батыс Қазақстан облысында &#8212; 5, 
Қарағанды облысында &#8212; 6, 
Ұлытау облысында &#8212; 1, 
Қостанай облысында &#8212; 8, 
Қызылорда облысында &#8212; 1, 
Маңғыстау облысында &#8212; 2, 
Павлодар облысында &#8212; 5, 
Солтүстік Қазақстан облысында &#8212; 5.
Елімізде коронавирус инфекциясын жұқтырғандар саны 1 393 373 жетті.

Қызылордада бір адамнан коронавирус анықталды

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz</a><a rel="noreferrer noopener" href="https://kyzylorda-news.kz/" target="_blank">.</a> Қызылорда облысының әкімі Нұрлыбек Нәлібаевтың төрағалығымен терроризмге қарсы комиссияның кезекті отырысы өтті. 
Оған облыс әкімінің орынбасарлары, құқық қорғау органдары мен салалық басқармалардың басшылары қатысты. Отырыстың күн тәртібінде аудандық терроризмге қарсы комиссиялардың, сонымен қатар Қызылорда қаласы және аудан әкімдіктерімен ақпараттық-түсіндірмелік жұмыстарының нәтижелері туралы сұрақтар қаралып, сала бойынша жұмыстарды жетілдіруге бағытталған ұсыныстар талқыланды.
Сондай-ақ, Қызылорда қаласы және Қазалы ауданының әкімдерінің есептері тыңдалып, өзге әкімдіктер мен мемлекеттік орган басшыларына бірқатар тапсырмалар берілді.
<div class="wp-block-image"><figure class="aligncenter size-full"><img loading="lazy" width="1600" height="1360" src="https://kyzylorda-news.kz/wp-content/uploads/2022/09/309271715_393544092966841_7954556979666592692_n.jpg" alt="" class="wp-image-167837" srcset="https://kyzylorda-news.kz/wp-content/uploads/2022/09/309271715_393544092966841_7954556979666592692_n.jpg 1600w, https://kyzylorda-news.kz/wp-content/uploads/2022/09/309271715_393544092966841_7954556979666592692_n-768x653.jpg 768w, https://kyzylorda-news.kz/wp-content/uploads/2022/09/309271715_393544092966841_7954556979666592692_n-1536x1306.jpg 1536w" sizes="(max-width: 1600px) 100vw, 1600px" /></figure></div>
<div class="wp-block-image"><figure class="aligncenter size-full"><img loading="lazy" width="1600" height="936" src="https://kyzylorda-news.kz/wp-content/uploads/2022/09/309546671_393544132966837_6400054265709185695_n.jpg" alt="" class="wp-image-167839" srcset="https://kyzylorda-news.kz/wp-content/uploads/2022/09/309546671_393544132966837_6400054265709185695_n.jpg 1600w, https://kyzylorda-news.kz/wp-content/uploads/2022/09/309546671_393544132966837_6400054265709185695_n-768x449.jpg 768w, https://kyzylorda-news.kz/wp-content/uploads/2022/09/309546671_393544132966837_6400054265709185695_n-1536x899.jpg 1536w" sizes="(max-width: 1600px) 100vw, 1600px" /></figure></div>

Қазақстан және Қызылорда облысының жаңалықтары