<a href="https://kyzylorda-news.kz/">Kyzylorda-news.kz.</a> Бүгін аудандық қоғамдық кеңестің кезектен тыс отырысында ысырапшылдық мәселесі қаралды. Жиынға дін саласындағы республикалық ақпараттық-насихаттық тобының мүшесі, орталық «Ақмешіт-Сырдария» мешітінің бас имамы Болатбек Абуов арнайы қатысты.&nbsp;<blockquote>«Шариғатымыз әу бастан ысырапшылдықты қолдамайды. Қазіргі уақытта қоғамда жаназа және жерлеу рәсімдеріндегі ысырапшылдық мәселесі өткір тұр. Біздің мақсатымыз - халықты шариғатқа қайшы нәрселерден тыйып, қайғы түсіп жатқан шаңыраққа мейілінше жеңілдік жасау» - деді Болатбек Ұласқанұлы.&nbsp;</blockquote>Аудан тұрғындары да аталған мәселеге байланысты пікір білдіріп, бүгінде садақа дастарханы тойдан еш кем түспейтініне наразы екендіктерін жеткізді.&nbsp;Қоғамдық кеңес отырысының қорытындысымен діни салт-дәстүрлердегі (дүниеден өту, жерлеу, ас беру) ысырапшылдық мәселесі туралы аудан тұрғындарына арналған үндеу қабылданды. Жаназа рәсіміндегі дастархан мәзірі бұқаралық ақпарат құралдары мен әлеуметтік желілер арқылы аудан тұрғындарына ұсынылатын болады.

Қазалыда ысырапшылдық мәселесі туралы үндеу қабылданды

<a href="https://kyzylorda-news.kz/">Kyzylorda-news.kz.</a> Бүгін облыс әкімі Нұрлыбек Нәлібаев Қызылорда қаласының құрметті азаматы, «Ерен еңбегі үшін» медалінің иегері Дариха Ақмағамбетованы 80 жас мерейтойымен құттықтады.Салтанатты жиында аймақ басшысы өңірдің өсіп-өркендеуіне еңбегі сіңген абзал жандардың жарқын жолы мен ғибратты ғұмырын өскелең ұрпаққа үлгі етіп, лайықты құрмет көрсету игі дәстүрге айналғанын атап өтті.<blockquote>«Құрметті Дариха Ақмағамбетқызы, Сізді ақ пейілді, дархан көңілді Сыр жұртшылығының атынан мерейтойыңызбен шын жүректен құттықтаймын! Еңбек жолыңызды комсомол, партия ұйымдары өзіңізге жүктеген міндеттерді қапысыз атқарудан бастап, Тәуелсіз Қазақстанның еңсе тіктеуіне, ел бірлігі мен берекесін берік қалауға күш-қайратыңызды жұмсадыңыз. Адамгершілік, ақыл-парасат, даналық пен мейірбандыққа толы төл өнегеңіз ұрпаққа ұлағат болды. Қай кезде де жауапты қызметтің салмағын санамен, ауырлығын ар адалдығымен өлшей білген қасиетіңіз Өзіңізді құрмет төріне шығарды», - деді облыс әкімі.</blockquote>Сыр елінің дамуына, әлеуметтік саланың, азаматтық сектор жұмысының алға жылжуына зор үлес қосқан &nbsp;Дариха Ақмағамбетқызына Қызылорда облысының «Құрмет» грамотасы табысталды.&nbsp;Мерейтой иесін облыстық ардагерлер кеңесінің төрағасы Серік Дүйсенбаев, Қызылорда облысының Құрметті азаматы, «Парасат», «Құрмет», ордендерінің, «Ерен еңбегi үшiн» медалінің иегері Алмагүл Божанова, Арал, Жалағаш, Қармақшы аудандарының Құрметті азаматы, «ҚР еңбегі сіңген эколог» Биғали Қаюпов және Арал, Қазалы, Жаңақорған аудандары мен Қызылорда қаласының құрметті азаматы, «Құрмет» орденінің иегері, Нажмадин Мұсабаев құттықтады.Дариха Ақмағамбетова 1943 жылы Қызылорда облысының Арал ауданында дүниеге келген.Еңбек жолын 1966 жылы комсомол, партия комитетінен бастады. 1983-1997 жылдары Жалағаш аудандық, Қызылорда қалалық партия комитетінің хатшысы, Қызылорда қаласы әкімінің орынбасары қызметтерін абыроймен атқарған.Білім саласында да адал еңбек етіп, Қорқыт ата атындағы Қызылорда университеті жанындағы «Қабілет» мектебін басқарды. Қызылорда облыстық мәслихатының 2-ші шақырылымдағы депутаты ретінде аймақтың әлеуметтік-экономикалық мәселелерінің оң шешімін табуына атсалысты.Кейінгі жылдары облыстық әйелдер кеңесінің, «Қызылорда облысы Азаматтық Альянсы» қауымдастығының төрайымы ретінде азаматтық сектордың дамуына, қоғамдық көзқарастардың орнығуына өзіндік үлес қосты.&nbsp;Ұзақ жылғы табысты еңбегінің нәтижесінде «Ерен еңбегі үшін» медалімен, Қазақстан Республикасы Президентінің Құрмет грамотасы және Алғыс хатымен, «Қазақстан Республикасының білім беру ісінің үздігі» төсбелгісімен марапатталды. 2010 жылы облыстың бас шаһарының әлеуметтік-экономикалық дамуына қосқан ерекше үлесі үшін «Қызылорда қаласының құрметті азаматы» атанды.&nbsp;<figure class="image"><img src="https://knadmin.beoblood.kz/uploads/330982072_1396038434544385_8057965417602518621_n_68b3f6e7d1.jpg" alt="330982072_1396038434544385_8057965417602518621_n.jpg"></figure><figure class="image image_resized" style="width:100%;"><img src="https://knadmin.beoblood.kz/uploads/331405805_1182363019146822_4755054211055422580_n_ae67aded2a.jpg" alt="331405805_1182363019146822_4755054211055422580_n.jpg"></figure>

Қызылордада Дариха Ақмағамбетованың мерейтойы аталып өтті

<a href="https://kyzylorda-news.kz/">Kyzylorda-news.kz.</a> Бүгін облыс әкімі Нұрлыбек Нәлібаевтың төрағалығымен өткен мәжілісте өңір халқының көптен күткен игілігі – «Қызылорда - Жезқазған» автомобиль жолын жаңғырту барысы қаралды.Аймақ басшысы Сыр өңірін елордамен, көршілес облыстармен байланыстыратын бұл жолды қалпына келтіру жұмыстары ел Президентінің тікелей бақылауында екенін айтты. &nbsp;«Қызылорда-Жезқазған» жолының жаңғыртылуы тек &nbsp;жолаушылар қатынасын ғана реттеп қоймай, Қызылорда облысының әлеуметтік-экономикалық дамуына оң әсер ететінін атап өтті.<blockquote>«Өткен аптада өңірімізге Қазақстан Республикасы Үкіметі Аппараты Басшысының бірінші орынбасары Сыздықбеков Ғабит Әбдімәжитұлы жұмыс сапарымен келіп, «Қызылорда-Жезқазған» автожолы құрылысының барысымен танысты. Жоба айналасында бірқатар шешілмеген түйткілдер бар екендігі анықталды. Әлі күнге дейін 2 лот бойынша мердігер мекемелер анықталмаған. Оған қоса, өткен жылы республика бойынша битум тапшылығы күрделі мәселеге айналды. Қолдағы бар мәліметке қарағанда, «Қызылорда-Жезқазған» жолының конкурсы анықталған 4 лоты бойынша 50 мың тонна битум қажет болса, қазіргі таңда өңірге тек 13 мың тоннасы ғана жеткізілген», - деді облыс әкімі.</blockquote>Мәжілісте «ҚазАвтоЖол» облыстық филиалының директоры Ерұлан Жүнісов құрылыс жұмыстарының барысын баяндады.Облыс әкімі осы құрылысқа қажетті материалдарды Қызылорда қаласының жолдарымен, Сұлтан Бейбарыс көшесіндегі көпір арқылы тасымалдау кезінде &nbsp;жергілікті жолдардың бұзылатынын ескертті. Сондықтан мердігер мекемелермен жолдарды қалпына келтіру жөнінде алдын ала келісімдер жасау қажеттігін баса айтты.Жиын қорытындысында аймақ басшысы «ҚазАвтоЖол» облыстық филиалына «Қызылорда-Жезқазған» автожолының құрылысын сапалы әрі мерзімінде аяқтауды қамтамасыз етуді, жұмыс сапасын Жол активтері Ұлттық сапа орталығымен бірлесіп қадағалауды тапсырды. Мұнан бөлек, мекемеге қажетті материалдардың жеткілікті көлемде жеткізілуі жөнінде тапсырма берілді.

«Қызылорда-Жезқазған» жолын реконструкциялау барысы талқыланды

<a href="https://kyzylorda-news.kz/">Kyzylorda-news.kz.</a>&nbsp; Қызылорда &nbsp;облысы бойынша ҚАЖ департаментінің №60 мекемесінде жазасын өтеп жүрген сотталғандарға келген сәлем-сауқаттарды қабылдау барысында мекеме қызметкерлері «ерекше» сәлемдемені тауып алған.Аталған мекемесінде жазасын өтеушіге әкелінген сәлем-сауқаттың ішіндегі &nbsp;«Фито», «Зерде» емдік &nbsp;шай қалташаларының құрамы алмастырылып, 35 қалташадағы емдік шайдың орнына ұнтақ тәріздес әрі ерекше иісі бар зат салынған болып шықты.&nbsp;Орын алған дерек бойынша жедел түрде «102» арнасына хабарланып, мекемеге Қызылорда қалалық полиция басқармасының жедел-тергеу тобы &nbsp;шақыртылып, тыйым салынған зат тәркіленіп, сот-химиялық сараптама тағайындалды.<blockquote>«Сот-химиялық сараптамасының қорытындысымен 47 гр «кептірілген марихуана &nbsp; &nbsp;екені анықталды. Аталған дерекке қатысты &nbsp;Қазақстан Республикасы ҚК-нің 297-бабының 1-бөлігімен( Есірткі, психотроптық заттарды, сол тектестерді өткізу мақсатында заңсыз дайындау, қайта өңдеу, иемдену, сақтау, тасымалдау, жөнелту не өткізу) сотқа дейінгі тергеп-тексеру жұмыстары жүргізіліп жатыр», - делінген ҚАЖ департаментінің хабарламасында. &nbsp;</blockquote>

Қызылордада емдік шайдан есірткі табылды

<a href="https://kyzylorda-news.kz/">Kyzylorda-news.kz.&nbsp;</a> Қазақстандықтар Түркиядағы жойқын зілзаладан зардап шеккендерге 3,6 млн доллардан астам қаражат жинап берді, деп хабарлайды түрік елінің Қазақстандағы Елшілігі.<blockquote>«Жер сілкінісінен зардап шеккендерге арналған көмек шотына бүгін Қазақстанда жиналған 216 мың АҚШ доллары AFAD-тың (Түркияның төтенше жағдайлар басқармасы – ред.) ресми шотына аударылды. Осылайша, қайырымдылықтың жалпы көлемі 3 млн 616 мың АҚШ долларын құрады», - делінген Түркия Елшілігінің мәліметінде.</blockquote>&nbsp;

Қазақстандықтар Түркия халқына жинаған ақша көлемі 3,6 млн доллардан асты

<a href="https://kyzylorda-news.kz/">Kyzylorda-news.kz.</a> «Атамекен» ҚР Ұлттық кәсіпкерлер палатасы «жайлы мектеп» ұлттық жобасын іске асыру шеңберінде «Samruk-Kazyna Construction» акционерлік қоғамына ұсынылатын жиһаз өнімдерін, құрылыс материалдары мен жабдықтарын өндірушілердің тізілімін жинақтап жатыр.Тізілімді қалыптастыру кезінде қызмет түрлеріне сәйкес заңды тұлғалар бойынша ҚР Стратегиялық жоспарлау және реформалар агенттігінің Ұлттық статистика бюросының деректер базасынегізге алынды:• кәсіпкерлік субъектінің атауы, • экономикалық қызмет түрлерінің жалпы жіктеуіші бойынша қызмет түрінің атауы және коды (оның ішінде қызметтің қайталама түрі), • кәсіпкерлік субъектінің орналасқан өңірі, • жасырылған БСН.Бұл тізім негізгі қызмет түрі (ЭҚЖЖ) бойынша қалыптастырылған, алайда іс жүзінде кейбір компаниялар бірнеше бағыт бойынша қызмет жүргізеді. Мысалы, жиһаз өндірушілер көтерме сауда қызметін жүргізе алады немесе ағаш материалдарын шығара алады.Ол үшін тізілімнің бастапқы формасы (ҚР Стратегиялық жоспарлау және реформалар агенттігінің деректері) өңірлік палаталарға жіберілді. Кәсіпкерлердің өздерін тексеруге және қажет болған жағдайда растайтын құжаттарды қоса бере отырып, мәліметтерді (ӨКП арқылы) жаңартуға мүмкіндігі бар.Экономикалық қызметтің негізгі немесе қайталама түріне (ЭҚЖЖ) өзгерістер қажет болған жағдайда тізілімде нұсқаулық әзірленді.Өңірлік палаталардан толық ақпарат алғаннан кейін тізілімді қалыптастыру кезінде Мемлекеттік кірістер комитетінің (сенімсіз салық төлеушілердің тізілімі) және МС және «Самұрық-Қазына» ҰӘҚ» АҚ (жосықсыз өнім берушілердің тізілімі) мемлекеттік сатып алу порталдарының дерекқорында ұйымның сенімділігі туралы мәліметтер қосымша ескерілетін болады.Жүргізілген жұмыс қорытындысы бойынша Тізілім «Samruk-Kazyna Construction» АҚ» – «жайлы мектеп» ұлттық жобасының операторына пайдалануға ұсынылатын болады.Еске салсақ, жиһаз сатып алу «Самұрық-Қазына» АҚ тауар өндірушілерінің тізілімі және/немесе «Атамекен» ҰКП отандық өндірушілер тізілімі (Индустриялық сертификат негізіндегі салалық тізілім) арқылы жүзеге асырылады.Жиһаз өндірушілер ұлттық жобаға қатысуға ниет білдірген жағдайда Индустриялық сертификат алуы қажет.Индустриялық сертификатқа өтінім беру туралы толық ақпаратты <a href="https://atameken.kz/ru/pages/886-industrial-naya-sertifikaciya.">мына сілтеме</a> бойынша алуға болады.Кәсіпкерлерге ыңғайлы болу үшін тауарлардың шығу түбін растайтын сертификаттарды беру процесі толығымен автоматтандырылған. Файлда «электрон сертификаттау жүйесі» модулімен жұмыс істеу нұсқаулығымен таныса аласыз.Барлық сұрақ бойынша Қызылорда қаласы, Қорқыт ата көшесі 123 мекенжайындағы «Бизнеске арналған үкімет» ғимаратының 3-қабат, №312 кабинетінде орналасқан Қызылорда облысы кәсіпкерлер палатасы Жобаларды сүйемелдеу бөлімінің мына сарапшыларына хабарласа аласыздар: Малика Тютебаева, тел.: 8 /7242/ 40-09-81, +7 707 988 50 80, Қуаныш Баймұратов, тел.: +7 775 163 61 09, эл.адрес: project-support.kzo@atameken.kz. &nbsp;

Қызылорданың кәсіпкерлер палатасы отандық өндірушілер тізілімін жинақтап жатыр

<a href="https://kyzylorda-news.kz/">Kyzylorda-news.kz.&nbsp;</a> Биылдан бастап бірқатар әлеуметтік төлем мөлшері көбейді. Атап айтқанда, ең төменгі зейнетақы мөлшері 53 076 теңгені құрап, 15 пайызға артса, ең төменгі күнкөріс деңгейі 40 567 теңге болып бекітілді. Ал айлық есептік көрсеткіш 3 450 теңгені құрады. Жалпы былтыр 265 мыңнан астам адамға республикалық бюджеттен 148,3 млрд.теңге көлемінде зейнетақы мен әлеуметтік жәрдемақы төленді.&nbsp;Бұл туралы Өңірлік коммуникациялар қызметінде өткен брифингте Еңбек, әлеуметтік қорғау және көші-қон комитетінің Қызылорда облысы бойынша департаментінің басшысы Ертілеу Жалғасбаев хабарлады.<blockquote>Былтыр халықты зейнетақымен және әлеуметтік төлемдермен қамтамасыз етуде, мүгедектігі бар адамдарды әлеуметтік қорғау және арнаулы әлеуметтік қызметтер туралы заңнаманың сақталуын бақылауда бірқатар жұмыстар атқарылды. Соның бірі – елдегі инфляция деңгейін ескере отырып, «2022-2024 жылдарға арналған республикалық бюджет туралы» ҚР Заңына сәйкес, жасына байланысты зейнетақы, мемлекеттік базалық зейнетақы және барлық жәрдемақы түрлерінің мөлшері артты. Осыған орай былтыр зейнетақы және жәрдемақы алушылардың төлем мөлшері 2 рет қайта есептелінді. Бұдан бөлек, облыста мүгедектігі бар азаматтарды әлеуметтік көмектермен қамтамасыз ету бағытында да тиісті жұмыстар жүргізілуде. Жалпы өңірде 32 мыңға жуық мүгедектігі бар адам тіркелген болса, халық саны бойынша негізгі үлесі 3,8 пайызды құрап отыр. Сондай-ақ, есепті мерзімде жеке және заңды тұлғалардың 915 өтініші қаралды. Ондағы 675 өтініш әкімшілік рәсім тәртібімен тексерілсе, қалған 240 өтініш оңайлатылған әкімшілік рәсім тәртібімен қаралған. Сәйкесінше, қаралған өтініштер 15,3 пайызға төмендеді, - деді департамент басшысы Ертілеу Жалғасбаев.</blockquote>

Қызылорда: Әлеуметтік төлем мөлшері көбейді

&nbsp;<a href="https://kyzylorda-news.kz/">Kyzylorda-news.kz.&nbsp;</a> ҚР Президентінің Кеңесшісі Мәлік Отарбаев Сыр өңіріне жұмыс сапарымен келді. Мәлік Нұржанұлы сапар барысында ең алдымен қаладағы Т.Жүргенов атындағы шығармашылық үйіне барып, Сыр журналистерімен жүздесті. Аймақ тілшілерімен өткен кездесу барысында еліміздегі саяси реформалардың маңыздылығымен қатар, оның қолданыстағы аясы кеңінен талқыланды.Басқосуда ҚР Президентінің кеңесшісі Мәлік Отарбаев БАҚ саласында орталық қана емес, өңірлік басылымдардың да жұмысы аса маңызды екенін айтты. Жиында ақпарат саласымен қатар өзекті әлеуметтік мәселелер де көтеріліп, журналистер тарапынан бірқатар ұсыныс-пікірлер айтылды.Одан кейін Президент кеңесшісі Ә.Тәжібаев атындағы Қызылорда облыстық әмбебап-ғылыми кітапханасына барып, сырбойылық зиялы қауым өкілдерімен кездесті.Келелі басқосуда ұлттық құндылықтарды дәріптеу бағытындағы негізгі басымдықтар бағамдалып, халықтың әл-ауқатын жақсартуда бүгінгі саяси реформалардың маңыздылығы сөз етілді.<blockquote>- Қаймағы бұзылмаған Сыр топырағында қазақ үшін аянбай еңбек еткен қаншама тұлғалар дүниеге келіп, халық үшін өмірінің соңына дейін қызмет етті. Ел үшін жасаған игі істерінің арқасында біздерге баға жетпес мол мұра қалдырды. Сол құнды дүниелерді жастар бойына сіңіру барлығымыздың басты міндетіміз, - деді Мәлік Нұржанұлы.</blockquote>Жиын барысында зиялы қауым өкілдері өздерінің ойларымен бөлісіп, ұсыныстарын жеткізді.Айта кетейік, ҚР Президентінің кеңесшісі М.Отарбаев Қорқыт ата атындағы Қызылорда университетінде ғалымдармен жүздесіп, жастар театры сахналаған "Олимптің күйреуі" атты мифологиялық драманың премьерасын тамашалады.<figure class="image"><img src="https://knadmin.beoblood.kz/uploads/824_A2591_0e0c5a2f2d.JPG" alt="824A2591.JPG"></figure>&nbsp;<figure class="image"><img src="https://knadmin.beoblood.kz/uploads/824_A2683_c35cac5638.jpg" alt="824A2683.jpg"></figure>&nbsp;<figure class="image"><img src="https://knadmin.beoblood.kz/uploads/824_A2676_5ccd063171.jpg" alt="824A2676.jpg"></figure>&nbsp;<figure class="image"><img src="https://knadmin.beoblood.kz/uploads/824_A2797_c86058a170.jpg" alt="824A2797.jpg"></figure>&nbsp;<figure class="image"><img src="https://knadmin.beoblood.kz/uploads/331345152_926246838511826_495372361584604733_n_acce1bb92b.jpg" alt="331345152_926246838511826_495372361584604733_n.jpg"></figure>&nbsp;<figure class="image"><img src="https://knadmin.beoblood.kz/uploads/328976950_878874463226441_1548204690060560013_n_91b5551b11.jpg" alt="328976950_878874463226441_1548204690060560013_n.jpg"></figure>&nbsp;<figure class="image"><img src="https://knadmin.beoblood.kz/uploads/328979566_3134620516828863_7435456817681500332_n_55bdcf4171.jpg" alt="328979566_3134620516828863_7435456817681500332_n.jpg"></figure>Суретті түсірген: Нұрболат Нұржаубай

ҚР Президентінің Кеңесшісі Мәлік Отарбаев Сыр өңіріне жұмыс сапарымен келді

<a href="https://kyzylorda-news.kz/">Kyzylorda-news.kz.&nbsp;</a> «Қазгидромет» РМК болжамынша, 16 ақпанда Қазақстанның басым бөлігінде құбылмалы күн райы қалыптасады. Онымен республиканың батысында, оңтүстік-батысында, оңтүстігі мен оңтүстік-шығысында қар және жаңбыр түрінде жауын-шашын, екпінді жел, жаяу бұрқасын болады. Сондай-ақ ел бойынша тұман мен көктайғақ болжанады.Таңертең және күндіз Түркістан облысының оңтүстігінде, батысында және таулы аудандарда қатты жаңбыр жауады.Батыс Қазақстан облысының оңтүстігінде, күндіз Атырау облысының шығысында, орталығында қатты қар күтіледі.Жамбыл облысының таулы аудандарында түнде қатты қар, күндіз облыстың оңтүстігінде және таулы аудандарында жаңбыр мен қар түрінде қатты жауын-шашын болады.

Бейсенбі күнге ауа райы болжамы

<a href="https://kyzylorda-news.kz/">Kyzylorda-news.kz.</a> Қазіргі уақытта полиция қызметкерлері тұрғындарға &nbsp;бейтаныс адамдарға сенбеуге шақырғанына қарамастан, &nbsp;қала тұрғындары алаяқтардың арбауына көптеп түсуде. Салдарынан, алаяқтар тұрғындарды жұмысқа орналасуға, қайтарымсыз несие алып беруге, пәтер сатып алуға, жүргізуші куәлігін және т.б. осы сияқты уәделерін үйіп-төгіп, ақшаларын жымқырып, &nbsp;қаншама адамдарды сан соқтыруда.Мәселен, 13 ақпан күні Қызылорда қаласы &nbsp;Полиция &nbsp;басқармасының кезекші бөліміне қала тұрғыны келіп арызданған. Арызданушының айтуынша қыркүйек айында белгісіз азаматша, «қала аудандарының бірінде &nbsp;пәтер алуға көмектесемін» деп сенімге кіріп, 2 миллион 700 мың теңге қаражатын алып, осы күнге дейін түрлі жалған ақпарат беріп алдап келген.&nbsp;<blockquote>«Басқарманың криминалдық полиция қызметкерлерінің жедел-іздестіру шараларының &nbsp;нәтижесінде күдікті ретінде 30 жастағы облыс тұрғыны анықталып, ұсталды. &nbsp; Аталған дерек бойынша ҚР ҚК 190-бабының 1-бөлігімен (Алаяқтық) сотқа дейінгі тергеп-тексеру жүргізілуде. Күдікті уақытша ұстау изоляторына қамалды», - делінген полиция департаментінің хабарламасында.&nbsp; &nbsp;</blockquote>

«Пәтер алуға көмектесемін»: Алаяқтық фактісі бойынша облыс тұрғыны ұсталды

<a href="https://kyzylorda-news.kz/">Kyzylorda-news.kz.</a> 2022 жылда әртүрлі байланыс арналары арқылы Қызылорда облысы бойынша Әлеуметтік медициналық сақтандыру қорының филиалына 570 өтініш келіп түсті, олардың көпшілігі (357) медициналық көмектің сапасы мен қолжетімділігіне, медициналық көмек көрсетуден бас тартуға қатысты шағымдар, деп хабарлады Әлеуметтік медициналық сақтандыру қорының облыстық филиалының директоры Бақыт Исмаханбетов.Әлеуметтік медициналық сақтандыру қорының (бұдан әрі – Қор) міндеттерінің бірі пациенттердің құқықтарын қорғау болып табылады. Күн сайын Қор келесі ресми байланыс арналары арқылы өтініштерді қабылдайды:&nbsp; - 1406 байланыс орталығы,&nbsp; - Qoldau 24/7 мобильді қосымшасы,&nbsp; - fms.kz ресми сайты,&nbsp; - Telegram-дағы @SaqtandyrýBot. Талдау көрсеткендей, байланыстың ең сұранысы жоғары тәсілі - 1406 байланыс орталығы және «Qoldau 24/7» мобильді қосымшасы.<blockquote>«Қор әрбір шағым бойынша тексеру жүргізуде. Біз пациенттерді өз құқықтарын білуге және олар бұзылғанда, жағдайды сол жерде шешу үшін алдымен Пациенттерге қолдау көрсету қызметіне жүгінуге шақырамыз. Бұл қызметтер барлық емханалар мен ауруханаларда бар. Егер мәселені сол жерде шешу мүмкін болмаса, Қорға жүгіну қажет», – &nbsp;деп атап өтті Бақыт Исмаханбетов.</blockquote>Қор филиалы директорының айтуынша, 2022 жылы барлығы 570 шағым түскен, бұл өткен жылмен салыстырғанда 317 шағымға немесе 225% - ға артық (2021 ж. - 253 шағым).Шағымдардың арасында бірінші орында - медициналық көмек көрсету сапасына шағымдар 275 (48,2%), екінші - медициналық көмек көрсетуден бас тарту (15%), үшінші орында – дәрі-дәрмекпен қамтамасыз етуден бас тарту (7%). Айта кету керек, шағымдардың басым бөлігі келесі медициналық ұйымдарға қатысты: №1,3,6 қалалық емханалар, Байқоңыр қаласындағы көпсалалы аурухана, «Alexey Sultan Ahmet» ЖШС.Барлық шағымдар бойынша медициналық ұйымдар кемшіліктерді одан әрі жоюмен және шағымдардың өсуіне жол бермеу бойынша шараларын қолдану арқылы тексерулер жүргізді. &nbsp;<figure class="image"><img src="https://knadmin.beoblood.kz/uploads/FSMS_kontakty_kaz_71671b06c6.jpg" alt="ФСМС_контакты каз.jpg"></figure>&nbsp;<figure class="image"><img src="https://knadmin.beoblood.kz/uploads/Obratnaya_svyaz_kaz_1949f4afb9.jpg" alt="Обратная связь каз.jpg"></figure>

Медициналық қызмет көрсету сапасына пациенттердің шағымдары көбейді

<a href="https://kyzylorda-news.kz/">Kyzylorda-news.kz.</a>&nbsp;Қазақстанда тағы бір кәсіби мереке – Мемлекеттік қызметтер саласындағы қызметкерлер күні пайда болады. Жаңа мейрам жыл сайын 15 сәуірде аталып өтеді. Тиісті үкімет қаулысының жобасы "Ашық НҚА" порталында жарияланды.<blockquote>"Қазақстан Республикасындағы мерекелік күндердің тізбесі "Мемлекеттік қызметтер саласындағы қызметкерлер күні – 15 сәуір" деген тармақпен толықтырылсын", – делінген жазбада.&nbsp;</blockquote>Қаулыда мемлекеттік қызметтер саласындағы қызметкерлердің еңбек ұжымы республика бойынша шалғай аудандарды қоса алғанда, облыстар мен республикалық маңызы бар қалаларда жұмыс істейтіні жазылған. Қызметкерлердің жалпы саны 20 мыңнан астам адамды құрайды.<blockquote>"Алайда бүгінгі күні мемлекеттік қызмет көрсету саласындағы қызметкерлердің кәсіби мерекесін атап өту мүмкіндігі жоқ және осындай мереке болмағандықтан, бірыңғай кәсіби қоғамдастық саласының бөлшегі екенін сезінбейді", – делінген жазбада.</blockquote>Мемлекеттік қызмет көрсету саласында кәсіби мерекелерді атап өтуге қатысты халықаралық тәжірибе де зерделенген.Қаулы жобасы 1 наурызға дейін қоғам талқысына шығарылды.

Қазақстан және Қызылорда облысының жаңалықтары